مشات لبلاصت لاكيص هزات بواط الاسعافات الاولية في حين هوا عاون هيبة ناضت ولبسات فردة تاع سباطها لي طااحت كلسهاا فوق فوطوي تما شادة ايدهاا وشوية تدم قاس ليها لمونطو لي كانت حامعة كمايمو تالمرفق كتسووط عليهاا
جابت ليهاا لبواطة ومن صواب هز سروالو من جيهت الركبة وكلس قفازية حل لبواطة كان فيها قطن ودوا لحمر بيافين لحريق او بوماض حل عقاد قميجتو وهزها شوي من جيهت المرفق وهز لقطن ولالكول مسح ليها جرحاا ودهنها ليها ويها كتسوط دار ليها اللصقة وقال :ميكون عندك بااس
هبطات لكم تاع لمونطو وقالت:شكراا سمحلياا
...هانياا ماشي مشكيل
وقف كيقاد فلقاميجة جمعات داكشي دغياا وهزات سروال وسباط ولكارطونة مشات لاكيص في حين صفاء مع كلياننة اخرا
قدات ليه سروال ف صاشية وسباط كدالك فصاشية هزات عينيها فيه لقاتوو كيسوف فيها وهبطاتهم دغياا وقالت:بصحة
...(شد الصاشيات)شكراا ..ري لبال لرااسك
هيبة:ههه اش غنديرو مرة مرة خاص ل احد يتفكر لرض
...خليت ليك الراحة هاد الساعة
تبسمات ليه حتى خرج ورجعات لخدمتها بشكل عادي من جديد
***
ستا تلعشية شدات الطموبيل من عند اقبال ومشاات لقهوة بلاصات الطموبيل وتيليفون فودنها...لابسة اخر مكاين من جديد من بعد لوجع تلبارح صبحات بخيير دوشاات وخرجات لابسة كسوة كحلة وليبة موس كحلة ومينو بوط شعرها نشفاتو وخلاتو على راحتو وميكاب مصروع فوجهاا ضفار مصبوغين بلحمر ونضاضر شمسية على عينيها...
دخلات كتعوج فلقهوة وريحتهات سابقاهاا ل مهز عينو يشم ريحتهاا خدات بلاصة فكوان على براا دارت رجل على رجل وتيليفون فودنهاا
حياة:ويينك !؟
...انطريني شوي حبيبتي لساتي فلاوطيل عم زبط حالي
حياة: ؤكي
طعات عليه كتسب :هاعلاش مكنحملش لعرب ديلمهم بقات فيهم فرجلة اسمية
وقف عليها سرباي وقال:اش تشربي !!
حياة:كافي كخيم
مشاا وخلاها كتخربق فتيليفوون وشعرها مديرونجيها حيدات نضاضر ودارتهم جمعات زغيبات اللور هزات عينيها الخوضر لي برز لونهم لكحل ليي ضاير بيهم بان ليهاا راجل كالس قبالتهاا كيشوفيها ويتبسم ...عوجات فمهاا وعينيها فتيليفوون كتبركم:بقيتي ليا اانتا الشاارف
فينما تهز عيينيها تلقااه مقابلهاا
داير نضاضر تشووف غليض شوي وشعرو خفيف من لفووق وشاايب ولحيتو كتيفة بيضة كاملها غليض ولكريشة سابقاه شوي منضرو كيتطي نبدة على عمرو لي غيكون ف ستينات ...كيشرب قهوتو ومراقبهاا وداك شعر زعر لي كيديه ليرد وليديات صغار وضفيرات مصبوغين بلحمر
نص سااعة دازت ولي كتسناا حياة مكاين ليه لاتر شربات قهوتهاا ولغدايد بتااكلهاا ...
وقف الراجل لي كان كالس مقابل معاها وخلا تيليفونو ونضاضروو بقات مقابلة معاه تابعاه بعينيهاا وتعوج راسهاب باش تشوفو فين غادي وقالت:ضاربو زهايمر وكيحنزز فيا !
شافتو حل ميرسيديس كبيرة فكري هيا نفسها لي مركونة جنب طموبيلتها فااص ليهاا حلات فمهاا وزادت حلاتهم فلماتريكيل لي مايشي تاع لمغريي وفيه فجنب شرطة زرقة مكتوبة فيها حرب o وحروف فرنسية فجنب ...جبد بزطاكو ورجع سدو وهيا متبعااه عاضة على فمها هز عينو تبسم ليهاا وهبطاتهم كتسناا تطابت ترمتها او وقفات يالله صونا ليها تيليفون بنمرتو قطعات عليه وقالت:سير اولد لق** دير لاصير
خلصات قهيوتها وخرجات كتشوف فلمرسيديس وعيينيها كيشعلو قلوبة ؛احح ا بيلو ناس لي عندها لحديد
ركبات فالطموبيل كطل على السيد لي عاطيها بشهر وكتشووف فطموبيلتو ..رجعات بلوور مخرجة لساانها تولات ورا طموبببيلتو وقالت:نركبك نركبك احوبااي
هزات قرعة تلماا محطوطة تماا حلاتها ودارت فمها على عينيها بجوج باش يدوب لكحل ويحمارو لعينين رجعات سدااتهت ومسحات جناب عينيهاا و بركات على لفيتااس وخرجات فلمرسيديس بلوور تاتسمعات لا لارم وخرج الراجل كيجري تيليفون فودنو طفا لالارم وخرجات حيااة دايرة قناع الصدمة والخوف حاطة ايدها على فمها
حياة:عفااااك سممحليااا سمحلياااا والله مقصدت اسيديي (غطات وجها على انها كتبكي وكترعد )احسابلي فرانيت وانا كسيريت
الرجل (محمد):صافيي ...غي تهدنيي مغيتحلش هدشي بلبكاا ..
حياة(كتمسح فنيفهاا والاخير عيط لسرباي جاب ليه قرعة لما مدها ليها وقالت:ش شكرا هء هء
محمد كيشووف فلبولة اللورانية تهرسات وكيحيد فطراافي ولبارشوك عندهاا تشقق من بلاصت الضربة
محمد:ت ت مشات لبوولة
حياة:شووف اناا نقاادها ليك غير منقيدوش كويطة غير طموبيلت ختي اتقتلنيي وقف حداها كانت حياة فايتاه بالطول شوية حيت لابسة الطالون
محمد:صافيي ...صافي هي سكتي من لبكاا ...غنلقاو حل ..هدشي عادي غير ملي متقستيش ماشي مهيم
حياة(بعيون لامعة )لهلا يخطييك (تبسمات ليه وهوا ضحك ليها كيدور بلبارشووك ديالها
محمد:حتا لبارشووك عندك تشقق ...كتعرفي شي ميكانييك هناا !
حياة:ها ااه اه كنترف اصلا ختي فلميكانيك
محمد:ختك ؟
حياة:عفااك دابا مشا لحال اتكون سدات عطيني نمرتك غداا نتاصل بييك ونصايب طموبيلت عفااك
محمد:مكاين لااش اا شنو سميتك بعداا
حياة(بابتسامة تلفاتو)حيااة
محمد(تبسم) زينة سمية ...صافي هي خليك عنداك هي ختك تغوت عليك داكشي لاش نمشيو لشي ميكانيك اخور يصايبهاا !!
حياة:لا متقول والوو
محمد:ولكن خاااصك تخلصي لحق ...تشربي معاياا قهيوة
محمد:مشااا لحال داباا تعطلت وغتشوش عليا لواليدة ...غداا !!
محمد:مشات الالة غداا نتسنااك ومنها نصلح طموبيل شبان لييك
حياة:واخة اسيدي
محمد:قيدي عندك نمرتي !! 06**** محمد
حياة(صونات وصونا تيلي فايدو)هاا نمرتي عندك (مسحات عينيها)شكرا اسيمحمد لهلا يخطييك...كون تلاقيت بشي جلاخة كون ما خلا فيا هي لي نسييت
محمد: علاش ماالنااا !! عمرناا شفناا لحديد ...هدشي عادي بنادم وكيمووت
حياة:بصح شكرا مرة خراا ...خاصني نمشيي
محمد:ردي بالك هههه تخرجي فشي حد هاد لمرة
حياة:هههه واخة
ركبات فطموبيل وهوا حاضيها داير ايدو فجياب السروال ونضاضر تشوف فعينيه حاضيها بابتساامة تمشات ....
حياة(بضحيكة) نشوفو اخرتك اعمي محمد ههه بقا لينا ها الشراف تنااكت ....(بغيط) سير البشير كيفما شومرتيني هناا بغيت ربيي يديرك فطريقي وتعالا تشووف ...
حياة!ىبيلوو باقة فلمحال
اقبال:عاد غنسد ياك لبااس
خياة:بقاي بقاي هاني جااية
قطعات معاها تيليي وكملاات
**
اما اقبال كانت دخلات لماتريال ولابسة حوايجهاا خرجات كرسي وكلسات جنب لمحال كتلعب بسوارت وتششوف فلفراغ فلارض وتنهد وتعض على شفايفهاا بتعب كلس حداها جابر ومد ليها فلوس تسلفهم من عندها صباح ...فينما يخصوه لفلوس لسلعة كيتسلف من عندها والعكس كدالك
اقبال:اش بان ليك نهز كريدي فشي بارطمة !!
جابر: صنادق اليااجور !!
اقبال:لاا عمارات وديور زوينين جوج بيوت وصالون كبير وكوزينة كبيرة ...ب تلاتين وخمسة نواغ شركة جديدة
جابر:خلي تنسول لييك دوك السمسارة بغاو هي لهمزاات ..وزتيي محال ب ض5 لمليون مساليتيها بزز وتلاتينين اتخلصيها حياتك كااملة
اقبال(تنهدات كتحك عينيهاا بعيااء خدمة يوم كامل )عييت بلكراا ا جاابر مول الدار يشوفني مطلعة هي فران لغد ليه يقوليا زيديني ميات درهم داكشي لي غنعطيه ليه نعطيه لبانكة وفالاخير الدار ديالي ...عارفة الريبة حرام ولكن نبقا حياتي كاملة نجمع ريال على خوه !! امتا غتجمع ليا تلاتين
جابر:ففف يدير الله خير نمشيو غدا نشوفوو ديوور لي فلوفاا !! قراب بيناتنا هي شاريع بتمن زوين شرا فيهم واحد السيد كنعرفو قاليك زوينين ونقاياا
اقبال:ايكون خيرر
هزات عينيها فور مسمعات صوت طموبيلتهاا مع لهزة جات فلبارشووك لي تقسم من جيهت رواايضة خخرجو عينيها او وقفاات
خرجات حياة وقالت لبزيزيلة ابيلوو
اقبال:اش اش درتييي احياااااة لبارشوك عاد بدلتووو
جابر(تحنا تليه يالله قاسو طااح نصو وقال) با بااا باا....دقة صحيييحة هاديي (هز عينو فيها وهيا كتعض وتغمز)فيمن لافووت !!
اقبال:فيهااا مدردمة كيي لحماارة
حياة:بزااف عليك ..راه هي مشا ليا لفيتااس
جابر:قيد عليك كوسطاا !
حياة:لااا طحت فراجل ولد نااس كاليا غير سيريي متعطيني والوو
اقبال:تعطااك ابنت لحرااام ...لباقي شديتيهاا نشطح ليك
جابر:خرجت خير ولقاك الله مع ولد الناس اما فكها يامن وحلتيهاا شي نهار يحيدو ليك داك لبيرميي
كان لبارشووك عاد مبدل فلكحل حيداتو ولصقات الضربة بلكولة وجابر معاونهاا اما حيااة سلتات لداار خلاتهم معاونين تماا خلاتو فلمحال كينشف وسداتوو وبلاصات الطموبيل جنب طموبيل جابر ومشات لدار
دخلات لدار كتمسد عنقها بلعياا حطات سبرديلتهاا ودخلات لقاتهم كيديرو لكوتي كاملين قالت السلام ودازت نيشان لدووش غسلات وطرفات ودازت لبييت بدلات عليها بسورفيت بيتية مريحة ودخلات عليهم لصالون كلسات جنب هيبة او لاحت راسها لور على لحيط
اقبال(بعيااء)غيتة ...مسااج
غيتة(وقفات فوق سدادر ودازت كلسات وراهاا فوق لمخدة ودارت ليها مسااج لكتاافها تهزات عينيها فهيبة وقالت:مالك فايدك
هيبة؛جبت الربحة فلمحل غير ربي لطف اما نجي على وجهي
حياة:زهر خارين غيه لمشاش...بيلو شحال حسبتي عليا لبارشوك
اقبال:ديريها قد راسك وقولي شحال حسبتي علياا لبارشوك
حياة؛نتخلص ونعطيك والله ههه
اقبال:باااز
الغالية:نكب ليك اتااي ولا قهوة
اقبال:اتااي ...عنقيي اغيتة عنقي
لاحت راسها على كرش غيتة وبدات كتماصي ليها فجبهتهاا وعنقهاا
غيتة:بيلووو حبيبة
اقبال(بطنز)نعام احبيبة
غيتة:ههه شحال مدورتي معاياا
اقبال:فلوس سوايع لي عاد عطيتك
غيتة:وعطيتهم لمولات سوااايع ...بغيت مونطوو عفااك
حياة:نتي راه خاصك ميزانية هي بوحدك
اقبال(حيدات ليها ايدها وقربات لطبلة)حيديي ابحيليسة
الغالية:جوج مونطويات عندك وعاد لي عطاتك هيبة
غيتة:لعام لي جا يلقاني بيهم !!
كتاكل زيتون كحل وزيت لعود ولخبز واتااي ولعقلل مكاينش ومحاضرش معاهم فالطبلة ...
صونا تيليفون حيااة شافت النمرة وناضت كتفرنس خلاتهم كيشوفو
هيبة:هادي مالهاا
غيتة:شي نسيب جديد ههه
اقبال:ديها فقراايتك
غيتة(لبات عينيها بملل)اييف
**
حياة(سدات لباب وراها وكلساات كتلعب بشعرها عطلاتو لمرة اللولة تاعاود صونا عاد جاوبات بصوت مدلل )الوو سي محمد
محمد:حياة!!
حياة:اه حيااة (رخاة صوتهاا وكتلويه)حيااة لي ضريات طموبيلتك هههه
محمد:اوى شفتيي كنتي معفرة مبغاش تسوفي فياا وربي جابك لياا داباا
حياة:ممم او. اش عرفني باغي تفلاا
محمد:هاد شيب لي فياا وباغي نتفلا ؟
حياة(كتشوف فضقرانهاا وكتقشر فصباغة)وشنو يخليك تشوف فياا !!
محمد:بنت زوينة بحاالك شكون ميشوفش فيهاا !!
حياة:سير سير لتسمعك مراتك
محمد(طلق ضحكة بصوت تقيل )وفينها لمرا لقيناهاا
حياة(مبقات)ممم احيانة عليكم
محمد:هههه لهضرة ماشي فتيليفون الالة حيااة...ومزال كنتسالك لحق
حياة:نخلصوه اسيدي مرححباا ....سمحلياا خاصني نقطع
قطعات عليه وناضت كضحك وتعوح تكلسات معاهم شافت فيها اقبال وقالت:شكون تاني
حياة: راجل ختك
هيبة:هههه باز ....
بعد لعشاا كل وحدة شدات بلاصتهاا وسط ضلام كانت اقبال متكية على ضهرها وايد على كرشها ولخرا على حبهتها كتشوف فلفراغ وسطط ضلام كتنهد وكتفكر ف شهييد لي بان من لعدم ...بعد سنين طويلة ...
هيبة لي شادة تيليفون فضلام وعينيها عامرين دمووع تطاحو على وجنتيها كيبريو بشو تيليفون كانت داخلة لفيس وكتشوف فتصاور عمران جداد كل مرة يحط صورة فشكل وبلاصة فشكل مسحات عينيها وقلبات تيلي كتنهد
غيتة لي الغالية نعسات وهيا مزال مشعلة ضو كتجبد فلماريوو وتقيس ..لقات كسوة كري قصيرة بلكمايم ايلاستيك كتكون لاصقة فكول في لبسااتهاا وطلقات شعرها وكتشوف فمراية لماريو كي جاتها تضاارت الغالية ممكمشة عينيها فيها مدات ايديها لصندالة صيفطاتها عليهاا حاتها فمؤخرتها وقال :نعسييي ينعس عليك النص حوج هاديي
غيتة(شادة بلاصت الضربة؛مامااا خلعتيني
الغالية:نتي كتخلعييي المعزة!! طفي علياا الضو ودوزي تنعسيي ...هاااايه (بهمس)راه نعيط ليك لييهم تانييي دوز تنعسي
حطات لكسوة بنفااخة ولبسات كسيوتها تنعاس ودوبياس ومشات لبلاصتهاا ؛هااهيا نااعسة (غطات راسها وجبدات تيلي مكونيكطية وتبوسطي فلي كروب مخلطيين دراري وبنات حطات تصويرتها لابسة كسيوة صيفية وقالت:شكون توحش الصييف
بداو التعاليق كينهالو عليها ولي جادووغ دراري وبنات
ولد*انا توحشتك نتيي
بنت*بغيتي توري ليناا رجليك عريانين شوفووني طزز
ولد*كنت غادي نعس وفيقتيني ...اش هاد زين
بنت*تبارك الله شعرك وااعر عطينا لوصفة
ولد* شكون فكر فالصيف ونتي منورة لكرووب
بنت:عطينا الوصفة ابنت الق** دافعة كبيير
تعاليق انهالت وراهاا ميساجات بريفيي او طلبات صداقة من عند دراري قبل متقبل كدخل ضري طليلة على لكونط ديالو زوين داكشي لي بغات خايبب كتخليه مخلق فداك الليل
حاوبات وحدة فالتعاليق وقالت :لي عندو عندوو كيتك يا لمشوطة
قلبوها معاطية فالتعاليق وكملوها فلبيريفيي وسلاوها بلبلووك
وصلات ااربعة تصباح وبحيليسة مزال مسخات بداك المشقوف حيدات عليهاا الغالية لغطا وحيدات ليها تيليغون وليعاتها بقرصة ومقدراتش تغوت
غيتة:ننننن
الغالية: نعسيي اموكة نعسي
شدات ليها تيلي ولكييت ومشات لبلاصتها دارتهم تحت وسادتها ونعسات خلات غيتة مفقوصة ولقرصة ضراتها ف فخضها جرات لمخدة عنقاتها باش تستسلم لنوم
صباح جديد كل وحظة فيهم مشاات لخدمتهاا كيف لعاادة ....
كانت كالسة على لكرسي مقابلة مع لباب لي مسدود ديال الزااج وشتا براا نقيطات خفاف ولجو بدا كيبرد وايديها تلجوو هيا هكاك رجليها وايديها ملي كيبدا لبرد جامي يسخنوو ...وفهاد لجو كيكون شوبينك قلييل لمحال مافيه حد وحتى صفاء لي تونسها مكاينااش ...
حبدات بيموو من صااكهاا حلات لكونيكسيوون واول حاجة دارت مشات لكونط ديالو لي داخلة ليه بفيس اخوور كتبقشش فيه وتنهد ولبيمو فمهاا تاع الشكلااط ...سمعات تنحنيحة وهياا فتفكيرهاا لعميق
صوت رجولي خشن قال:مادمووزييل (ربت بصباعو على لكونطووار
هزات عينيها فيه وهبطات من لكرسي حطات لبيتو وحطات ايدها على فمها كتسرط :ديزوولي مسعتكش
كان نفسو الراجل لي عاونها لباارح نضرة خشنة فعينيه ولحيتو لمرشوشة ب زغيبات بيضين وقال:كيبقيتي شويااا !!
هيبة:ااه شوية جريحة بسييطة
صديق:لمرة جاية ردي باالك
هيبة حكات عنقها باحراج وقالت:شكراا
.صديق:.بون جيت باش نبدل سروال فيه واحد الديفوو
هيبة (ضارت عندوو)سي فغيي !!! شمن ديفوو
صديق (جبد السروال من صاشي ديالوو او ورا ليهاا جوج خيووط خارجيين من حنب كمشات هيبة ملامحهاا فسروال حيت ماشي ديفو ولكن هي ديشي تاع لخيااكة كان ممكن يقطعوو وهاهوا مهني )كنبغي لحاجة تكوون مقاادة
هيبة:ظاكووغ ماشي مشكيل ...تبدلوو
صديق(هز ايدوو ومسح لبيها جنب فمهاا تبعدات بخطوة اللور وقال كيشير لييها لجنب فمهاا )الشكلاط !
هيبة:هنن
صديق:مسحيي مسحيي الشكلااط
هيبة(تزنكاات كتسمح فمهاا)صافي
صديق:هههه صاافي
هيبة:تقدر طلع لفووق شوف سروال لي ينااسبك
صديق:داكووغ (تبسم ليها وطلع فدرووج ومشات هزات لمرااية كتحدد فلعكر وهزات مقص حيدات دوك لخيووط لي تسلو بوحدهم تنزل هاز فايدوو سروال بااج او معاه تيشوورت مقطن بلكمايم فلكحل وحطهم فوق لكونطوارر وقالت:صصافي !
صديق:صافيي
هزاتهم بابتساامة خفيفة حيدات ليهم تيكيوهوا حاط ايدو على لكونطوار كيحك فلحيتو وكيشوف فيها وقال ؛شنو سمييتك !!
هيبة(هزات راسها فيه وقالت:هيبة
صديق:مشرفين الالة هيبة معاك صديق
هيبة(تبسمات ليه وهيا كطوي فالسروال وتيشوورت وقال)350 درهم
جبدها من جيبوو ومدها ليهاا وهوا خاضيهاا وهيا عارفة راسها تحت نضراتو تلفهاا مدات ليه الصاشيات وقالت:بصحة
صديق؛ميغسيي هيبة
**
حاطة حداها عرام تلماكيااج فواحد الشومبر جامعة شعرها لفووق مهمل لابسة تيشورت مقطن فلكرونة بكول فيي مبين فتحت صدرهاا لبيض خاشااه فسروال طاي هوط لااصق عازل فصالتهاا قدامهاا عرووس كدير ليهاا لميكاب على حقو وطريقوو
...لحجبان اختيي متنتفيهمش لياا بزااف
حياة(ساطت من مناخرها وقالت:هادي لمرة لخامسة كتقوليهاا
...وغير خفتك تنسااي خطيبيي مغاديش يبغيي خفت نوضوهاا قبل منطيحو لعقد اوكان
حياة(عوجات فمها وهزات ليها رااسها كتحدد ليها فحجباانها بلقلم ) الله يختيي من دابا لحكاام !!
...اختي راه صعييب وكنخاف منوو ...كنبغييه اش ندير
حياة:نتي بحال وهاد ختي لي ضربكم ضربكم على لحب بااز ملقيتو ميداار ...لحب راه ساعتو دووز (مسحات ليها طرف حاجبها)بحالو بحال لمكيااج كيدوز ساعتو وكيتمسح وكتبان ليك لحقيقة سوا زوينة ولا خاايبة نتي وزهرك
...هههه ناريي اختي مالك حااقدة
حياة(ببهمس)كتموتو على خرا رجال يلاطيف
...شنوو
حياة:والو والو هزي وجهك لنصدق راسمة ليك عيين فنيف
صونا تيليفونها لي دايراه فجيب اللوراني ...جبداتو وشاافت النمرة كان محمد رجعاتوو لجيبهاا وكملات
...جاوبييه ههه اييتقلق علييك
حياة:كيعجبني نجرجر لواحد ماشي هوا لي يجرجرني الغزاالة
سلات ليها الشدة تاع شعر او لمكيااج صرعااتهاا كانت لحنة فايدهاا وقفطاان خفيف فلبيج ...كانت باينة فوجها لفرحة
...واو شكرااا اختيي لهلا يخطييك مكيااحك وااعر ...نتي لي تقادي لياا فعرسيي يااك نعول عليك
حياة:مرحبا احبيبة دياليي
خرجوها صحاباتها بتعشااق وحياة كتجمع فلماترياال تاعها وتمسح لبانسوو من لبوودرة تصونا تيليفونها من جديد وجبداتو مقابلة مع لمرااية وجاوبات بصوت محلون وقالت؛الوو
محمد:سبحان الله بحال الصوت بحال الصورة سبحان من صورك الالة حياة
حياة:ههههه سلم عليه زرب علييه هه اش هاد زربة لاسلام لا كلام
محمد؛اش ندير مشعرتش وانا كنسمع صووتك...علاش مجاوبتيش قبيلة !!
حياة:خدااامة اسي محمد
محمد:سي محمد خارجة من فمك شهوا...شنو درما فلحق
حياة(بغنج)شنوو دابا كتسنا مراا تخلص عليك لحق مزويناااش فحقك ههه
محمد:حاشااا واش تخلصي انا نخلص نتي هي جيي ويكون هي. خااطر خاطرك
حياة:انا منخرج من لخدمة تال طنااش !
محمد:مزياانة نتغداو مجموعين ؟
حياة:معرفتش نفكر ونقوليك لكفاني لوقت
محمد؛نتيي هي امري ...نتسنااك
قطعات معااه كتسوط ومشات باشرات خدمتها توصلات طناش وهوا تيليفون كيصوني من جديد دار ليها شقيقة
حياة(شافت النمرة)انشوفو واش فيك شي نفع ولا هي صداع لكر (جاوبات)وي سمحمد
محمد:خرجتي طناش داباا
حياة:هدا وين نشد طاكسي
محمد:قولي ليا فين نتي نجي عندك كتعدبؤش فطاكسياات
ابتساامة نصر على حلوفها وقالت:وااخة هناا ف شارع ***
قطعات معاه ودورات ل اقبال لي كانت كالسة فدار مع شتاا مكتحلش فيها ديماا
حياة:حوبييي متسناونيش لغداا
اقبال:فين غادية تاني
حياة(بضحك) نضبر لختي على رااجل
اقبال:شوفيه غير ليك
حياة: نعل حياة مك تزوجيي فرحي هي القريد عشش فييه نمل ورتيلة هههه
اقبال:طعي قطعيي هدرتك كتبطل لوضوو
حياة:ههههه بوسي لياا لغالية ههههه
قطعات عليهاا وحطات تيلي
الغالية:مجايااش!!
اقبال:لاا مغدية براا
العالية:اوى وشنو درتي مع اميين !!
اقبال(قلبات عينيهاب بملل )غيتة غيتة...جيبي ليا معاك داك لكيت لبيض ...
**
وقفات عليها طموبيلتو كبيرة وجايبة لعيين ...اما عبنبن حياة شعلو قلوبة بلووان توجهات كتقرقب بطالونها لاسود لعاالي حل ليها لباب من لدااخل. وطلعات هي الركبة مريحة وشافت فيه كان مسكف على لحالة وروايح ومكانة فضية فايدو بلا خاتم
محمد:يكما تعطلت علييكك !!
حياة:ماشي بزااف
محمد:اندييك لاحسن بلاصة فمكنااس كيصرعولي فخوي دمير
حياة:ماشي مشكيل فينما كلسناا (رجعات شعرها اللور وقالت:طموبيل ماشي ديال هناا
محمد: لاا ديال فرنساا
حياة:ااه مزيان....جاتني لفرصة نمشي لتماا ومبغيييتش
محمد:وايلي وعلاش
حياة:اش غنمشي تما ندير معندي حتى وااحد ولي كاين فبراا كااين فلمغريب
محمد:الصراحة لبلاد مكاين محسم منهاا
حياة:مم نتا ساكن هنا ولا لهيه
محمد:لا انا خدمتيي فباريس كنجي غير مرة مرة لبلاد لزاليدة او لواليد نطل على خوتي مرة مرة ونبدل لجو
حياة:اااه مزيان اسيدي ...داكشي لاشش لقيتي السيبة مكايناش لمراا
محمد(ضححك ضحكة مدعدعة )هههههه مامزوجش والله الالة مامزوج معندي ولااد طلقت شي عشر سنين داباا وملقيتش لي تواتيني وختاريت راحت باليي ...عايش ديال رااسي نسافر من بلاد لبلاد وعايش بخير
حياة(ضحكات لييه وعقلهاا كيبلانيي هادي دجاجة بكامونها ولا فلتيهاا احيااة هي كبي على كرشك لماا....
قدام ريسطوو من ارقى الريسورات وقفات سياارتو ونزل كيحك شيبااتو ...صدق من قال الرااجل قدما كيكبرر كيرجع ظري صغير
قدامو كتعوج وشعرها كيبري بشمش لي شافها مييقولش عربية زعرة ولعينين بلون شفاف خصر ولفم صغير وجه بريئ ولكن تفكير خبييت كيقول اراسي يارسي
محمد:طلعلي زهر هاد لمجية ...تلاقيت بيك
ححياة(ضحكات بتحلوين )اوى شنوو راني مزهاارة
محمد؛طلبي شنو تاكلي ازعيرة
حياة(هزات لموني وعينيها كيلوببوو فالاتمنة مكاين هي شيااط عوجات فمها كتختاار هدا كلامار هدا كخوفيت ادي لانشووبة وهادا لحوت لبيض لي صلاد ولعواصر بنواع تحلية و زيد وزيد
عمرو الطبلة بما للد وطااب معندهاش مع شيكي ويلي باا حشوومة شمراات على تيشوورت كتنقي وتااكل وهوا كيضرب فلبايىة بلحوت ويضحك معاهاا...
سلا لغداا وتجمعات الطبلة وكلسو على لهدرة
حياة:خاصني نرجع لخدمتي داباا محمد:مسخيتش بييك ...ياك ضروري نتلقاو مرة خرا
حياة(كتجمع فصاكها)وبااش من صفة نتلقااو !! ياك لحق وخلصنااه ...سمحمد انا راه معزيزش عليا خيطي بيطي فزنااقيي
محمد:وهاانتي فهمتيني غلط عاود !! شنو فيها الى تلاقينا محتارمين راسناا احيااة الحمد لله
حياة:اوى منعرف يقوليك راسك ضحك علياا ولا نشبع معاها دوراان !!
محمد:هننهه وجهك ماشي ديال هدشي احيااة وانا عندي هي شهر هناا وغنمشيي...ونجيد لصاارحة نتي عجبتييني حمقتيني كااع....وانا عيت بلوحدانية منكدبش عليك
حياة(بقات كترمش فيه اش كيقول هدا سلم عليه زرب علييه !!)همم
محمد:الى طلبتك لزوااج احياة تقبليي
حياة:ههههه اويلي يكما طلعاتك سخاانة !! هي لبارح شفتك
محمد:راني قلت ليك عندي غير شهر هناا وغنمشيي !!
حياة:سمحلياا نتزوج بواحد عرفتو هي لباارح !! معارفاه فاش حخدام فين سااكن اش كيدير
محمد:فعمري 56 سنة عندي جنسية فرنسية او اسباننياا عندي شركة صغيرة ديال لكابلاج ف فرانساا بداري بطموبيلتي خصاني هي لمراا
حياة:وهاد لمرا مالك ملقييتيها عشر سنين هادي وهلاش طلقتي
محمد(حك عنقو)مكانتش كتولد ...وتفارقنا الصراحة عمري تزوجت مغربية مكنتفاهموزش وكيشدو طريقهم ...هانتي دابا معاييا وغتعرفينيي...انا كببرت على الدوران بغيت نيشان بغيت لي تونسني وتعمر علياا لوحدانية قدما طولاات مكتبقاش نافعة
حياة:ممم ولا متلا متلا كاع تزوجناا فين انسكن
محمد:باريس !! ولا معجباتكش
حياة:علاش مال باريس شي حاااااجة عامرة هي بطووباات انا مكيهمونيش لفلوس انا باغة رااجل وتالعمر معندي بيه سووق
محمد: ليام اتوريك ههه...شنو قلتي !!
حياة(رجعات شعرها اللور وقالت)اوىىى نفكر ...انا صداقي غااالي
محمد: ياك العفريتة ههه الالة لي بغيتيخا تجييك
حياة:اوى نوض وصلني نوض مشا عليا لحال
وقف من بعد مخلص ومشاو لطموبيل ركبات كتبومبا عاجباها الركبة اما هوا يدير دورة ويضحك معاها
حطها حداا لخدمة وحيدات السانتير
محمد:وجاوبنيي دغيا الله ارضي علييك
حياة:ايكون خيرر
خرجات من الطوبيل كتمشى لمحل وهوا مراقبهاا
دخلات كيف لعادة لمحال
...هاي هاي حديدة هادي نازلة منها
حياة(قلبات عينيهاا) حسدتينيي !!
...ههههه حاشة احبيي منحسدكش الله زد وبارك
دخلات لبسات بلوزتها قصيرة وكلسات فوق لفوطوي بينما دخلو لكلياان حيدات صبااغة لضفارهاا دارت رجل على رجل كتبرض فيه وتنفخ وعقلها كيبلاني فهاد لخبيرة لي تقالت ليهاا
زوااج !! شي حاجة لي عمري فكرت فيهاا ...
ولكن بلاتيي ..دججاجة بكامونهاا نففلتهاا !! لا لا ...ولا مشا وخلاني مرهونة مانا مزوجة ما انا مدفونة !! ...فكري احيااة الربحة هي مرة فلعاام ...سوا ربحة سوا دبحة
دخلات كليانة كتحبد فنضاضر وشافت فحياة:بوونجووغ
حياة(كتشوف فاث ليها كتلعب بلمبرض تدازت ايد من قدامها عاد هزات عينيهاا )
...فيين سهيتي ههه ...حياة بغيت نصبغ شعريي
حياة:فف محسيتش بيك ..واخة زيدي
..شوفي نتي لي كنتيق فييك تصبغي ليا شعريي (كلسات مقابلة مع لمراية كتورسها اللون لي بغات)تفظري تخرجي ليا هاد اللون مايل لكري شوي
حياة(ششدات تيليفون ومشات كتشوف فباغة ونوامرهاا وهزاتهم)واخة الالة غي هوا راه كيشد لوقت وغاالي شوي
...ماشي مشكيل هي خرجيه لياا وبحلااوتك احياة ههه
باشراات فعملهاا وعقلهاا محاضرش ...
**
فلمحل تاع جابر لي كان مدخل كلشي لمحال لي كان كبير حيت مرة مرة كطيح نقيطات شتاا وخة الشمش
كالس فكرسي وشاد تيليفونوو تدقات فلباب لكبير تاع لحديد وهز عينوو
كريمة:السلاام جابر
طفا تيلي ودارو فجيبو:اهلاا كريمة بخير
كريمة(تكات على لباب )لا برية لا تيليفوون غبرتي غبرة وحدة !!
جابر: لخدمة راك عاارفة ...حم شنو خب لخااطر ..لبلاكارات واجدين شوية ويركبهم ليك صلاح مشا هي يتسخر
كريمة(تنهدات) انا باغة حاجة خراا ميعطيها ليا حد من غيرك
جابر(حك لحيتوو. وقرب جيهتها وقال)كريمة ...داكشي لي وقع داك نهاار غير غلطة مكانش خاصهاا توقع ...سمحيلياا انا عمري ضحكت على شي بنت الناس باش نضحك علييك ...نتي نت النااس ضريفة وزوينة لمخير فرججال يتمنااك
كريمة:ونتا فعيني سيدهم
جابر(تنهد كيحك عينيه )كريمة الله اسهل عليك بولد الناس ...انا لاا اكرييمة لاا
كريمة(مسحات دمعة هاربة من عينيها وهبطات راسهاا )علاشش شنو ناقصنيي !! شنو ا جابر
جابر:مناقصك والوو اكريمة الله اعطيك لخير لوكان بغيتك كنت مزوج بيك شحال هادي
كريمة:هادي لي كتبغي حسن مني !!
جابر(كمش حجبانو ) شكون هاديي !! كريمة هاد لهدرة مكتعجبنيش كل واحد يدخل سووق راسو حسن ....لبلاكارات صلاح ايقادهم لييك وخليك بنت جيران محتارمينك اكريمة الله اعاونك
*
اما لمراية لابسة كويرة كحلة مسدودة وسروال دجين كري وميني بووط كحل فيه سميطات شعرها جمعاتو كود شوفال وخرجات دايرة الصاك كادو فضهرهاا شافت اقبال فالصالة ومشات عندهاا وقالت:هانا مشييت
اقبال:6 تكوني فدار
غيتة:صافي كوني هانية والله منتعطل
الغالية(كدور فراسها ليهاا ) وخة ابنت كرشي
هزات كتافها وخرجات كدردب فدرووج وايديها فلكويرة ...غادية وكتزرب تخرجات فيها فدورة تاع الزنقة وقال:لكرض ...فين غا مدرمة
غيتة:وامشفتكش اوه
جابر(طلعها وهبطهاا )غاديا هكا ليسي
غيتة:لاا غادية لعيد ميلااد صاحبتيي ...ومالي كيجيتك
جابر:كي جووع
غيتة :نننن
جابر(خسر ليها وجهاا بايدوو وزاد) معزة
غيتة(خلاتو تبعد وضرباتها بجرية عند حنان لقاتها فدروج كتساين
غيتة:بهمس:ماماك
حنان:مشاات لخدمتها دخلي خلااص
دخلو وسدو لباب حيدات غيتة لكوير وحلات السروال وعطاتها حنان لكسوة لي ديجا جابتها ليهاا
حنان:اناري اتلبسيها نيشاان مع سوتيانات الكلبة !!
غيتة(شداتها ولبسااتهاا بينات فرقة صدرها حيت عنقها واسع وقصيرة تحت من لفخاض بشوي )مكيجينيش لبرد اناا ...لبستي نتيي
حنان:اه صاافي
لبسات فوقها اكويرة جاتهاا واااعرة وعجبها رااسهاا هزات لميكاب لي جابت فصاك وكلسات فدروج لبرودة كطلع معاها وهيا مامسوقااش مكاات تقول محترفة ف زواق شعرها خلاتو مطلووق طويل ولخالة تحت نيفها عاطياها نضرة زويينة لعيني تجبدو كيف لعادة من لفوق بلايلاينر مصرووع وعكر غوز مااط ...طوات السروال ودخلاتو فصاكهاا بزز ودارتو فضهرها وقالت:طلي لي كوون شي حد
حنان(طلات براسهاا مبان ليها حد )يالله دغياا
خرجو بجاات مقزبيين وشعورات كتلعب ضربوها بجرية وحدة يخرجو من لحومة
قشعها جابر لي هاز فايدو لخبز كنمش عينوو كيتاكد واش غيتة هادي!! يالله كانت لابسة سروال دابا لفخاض عريانين ...ميمكنش يتلف فيها وهيا لي شعرهاا طويل فلحومة وهي طالقااه ...عض على فموو وزير على لخبز وتبعهاا كيعيط عليها السعاتي كانت بعداات وركبات فطاكسي
جاابر؛غيتة غيتااا
غيتة(كتنهج)اوف مشافنا حد بعداا
حنان:سمعت دبلمك بحال شي حد عيط علبك
غيتة(طلات وراها مبان ليها والو) هي حابليك الله ...خويا دينا ل *** شحال عندك انا عنديي 10 دراهم
حنان:خلصي نتيي وملي نكونو جايين نخلص اناا
غيتة:صافي
وصلو لفين دايرين لعيد ميلاد فعمارة كباار الزنقة خاوية كتصفر
غيتة:اويليي الكلبة جايبين ليها رييحة !و بحالا تنقولو ليها راك خاانزة الجيفة
حنان:100 درهم اش بتجيب لييك براصلي تدهب
غيتة:تفوو ندمتيني تاتشاركنا فكادو اصااحبتيي ...اتشوهنا فليسيي بديك الريحة هي عقلي مزياان
حنان:وهي حشمنا اما نجيبو ليهاا مكاينة لحسانة تحسن داك بوشعايب لي وسط حجبانها
غيتة:هههه دابا معفول كي جييت ...صورينيي
عطاتها تيليفونهاا وتبووزات مخرجة مؤخرتهاا
حنان:قرطاااسة العدوة
غيتة:ههه خمسة فعينيك زيدي تعطلناا
تابطو دراع بعضهم وغاديين طلعو فالاقاامة وكيسمعو لموسيقة مجهدة من لفووق طلعو ناشطين تالباب الدار كان محلول شوي دقوو وحلو لباب بانت ليهم صااحبتهم مقزبة كتر منهم
راوية:الحيبااان جيتوو (خلات ايديها ومشات كتنقز عنقااتهم )تعطلتوو
حنان:جوادييفي(نغزاتها غيتة بكتفهاا)سنة حلوة يا جميللة ههه
راوية:شكراا دخلوو ههه
دخلو بجات كيتهمسوو ؛مالك حمارة !
حنان:تلفت تلفت ...ناري مك دار عامرة يكما شي بار هداا لبرهوشة دايرة عرس
غيتة:سكتي شوي سكتي ههه
كلسو فالصالون لكبير سلمو على لبنات وداراري قدهم فلقياس كانم من نفس الليلي واصدقاء راوية لمقربيين ...لحضات ودخلات اخت راوية لكبيرة لمكياج وشعوراات وقالت:لبزااقل جيتوو هههه....
راوية:لهلا يحيييك الشارفة
ضحكات مدخلة معاها جوج دراري وبنت وحدة هي شافوهم لبنات بداو يتغاامزوو
غيتة(بهمس)شوفب داك زعر
حنان:كيقراو فلافااك مع خت راوية ....تيااتز يختاااي
غيتة:احاااي
كلسوو معااهم فالصالون مقابلين مع غيتة وحنان لي كلسات دايرة رجل على رجل وفخضها كاع تيبان وشعر مسرح وراحاا وفكتفها جايب لعيين ...كضحك وتجمع وخة متكونش كتعرفك تجبد لساانك معندهاش قضية لبراني نخلي الاحتراام
هزات عينيها كتلوي فشعرها وضحك شافت فدراري ققبالتها كان شااب زعر شعر شهب ولحية كدالك شهبة خفييفة وعينين خضريين ...غتحمااق علييه وترخي فعينيهاا ودير ضحيكة ديالها لربما طيحوو فينما تشوفيه تلقااه كيشوفيهاا ويضحك وفالاخير رما ليهاا غمزة خلات فمها مترع ضحك
غيتة(بهمس)غمزني غمزني والله تغمزنيي
حنان:اوييليي على لكليبة تبتيي اصااحبتيي يحسابوه هي طايحة فييه
طلق الشعبي ولي ناض يشطح نااض وميمكنش لالة غيتة تبقا كالسة ناضت كتشطح وتلوا كي لحنش خلاتهم كيشوفو كاملين ويعديوها الرش تجات رااوية حزمااتها ب موزون رقيق وبقات كتشطح معاها
راوية:واعلميني
غيتة(بافتخار)فطرة
حنان:نخرجو زكااة تي علمي درية(كتغمز فيهاا وتشوف فلزعر
عاقت غيتة بلبلان وجرات راوية كتعلم فيها لحركات تاع لخصر كيفاش تميلو مع لموسيقى السعاتي مشدات والو بقات هي كتفيبري فبلاصتها بحال شي وحدة داز ليخا الضو
مرة تلوح عينيه للولد تلقاه مسرح فوق السداري ممتبعهاا ويعجبها لحال وتزيد فلاضووز تعرقات وحيدات لموزون وكلسات كتنس على رااسهاا عرقاات
تكل لمكولد بعدما طفاو لماسق وقال:راك معلمة مع رااسك ههه
غيتة:شوية وصافيي ههه
تبسم ليها وتبسماات لييه وضارت كتهدر مع لبنات...بعد برهة جابت اخت راوية لحلوة كبيرة فيها تصوية راوية لوسط حطوهاا على الطبلة لوسط كبيرة وكلشي وقف معاهاا باش طفي شمع واقفة كتصفق تحسات بايدهاا تجرات بلخاطر من وسط لبنات ورجعات اللور لقاتو هوا لي جاارهاا كرشها لعبو فيها لفرشات وقالت:شنوو
...عندك سمية ولا نسميوك مولات السالف
غيتة(بضحيكة)غيتة
...بدر
غيتة:مشرفيين
بدر(جبد تيليفونو)عطيني نمرتك اغيتة
غيتة:حم واخة قيدها 067*****
دار تيليفون فودنو تصونا تيليفونهاا فصدرهاا وضحك وقال :بيت لخزين
ضحكات وعطاتو بجنب جبداتوو وقالت:معنديش جياب وخفتو يتشفر ليا هههه (قيدات نمرتوو بسميتو ورجعاتو كضحك ومشات كطفي معاهم شمع وكدابز على لحلوة لي نوضوها تما بطرف تاع لحلوة لي جاتها فلفرقة تاع صدر حسات بلحلوة سرحات بين فتحت صدرهاا ..
داتها راوية لبيتهاا وقالت:مسحييي ويلي ويلي رجعوك حالتك ههه
غيتة:براهش والله الله اعطيهم موصيبة ملاعبينش فروض تفوو
جابت ليها كلينيكس وحيدات لكسوة كتمسح بين صدرهاا حطات لكسوة فوق سرير وتحنات عليهاا كتمسح فلكول تلتحل لباب على غفلة ...كان بدر هارب من صداع بغا يهدر فتيليفون تجاا قداام اقود بلاان ممكن يطيح فييه ...هيا تفزعات وطاحت فوق الناموسية مغطية جسمهاا بلغطا لي جراات تاع الناموسية ...اما هوا تفيكسا فبلاصتو بحالا درتي ليه بووز تغوتاات خلعاتووو :وخروووووج
فاق من سهوتوو وشهوتوو وردخ لباب وخرج
اما هيا تزنكااات والصهدة طلعات معاهاا مسحات كسوتها دغياا او لبسااتهاا كارهة لموقف ...سرحات شعرها ورجعات لغطا تاع الناموسية كي كان وخرجات مزنكة وقفات فباب الصالون مخبية وكتشير لحنان تشافتها وناضت وقالت:يالله
خنان:اويليي تي ماالك فين نمشيو
غيتة:واش عرفتي شوهة لي تشوهت معااك مكوزة بحالا كنتسناه يجيي ييي ففف يالله يالله نمشييو منزيدش ضربة هناا حشمت
حنان:نتي كتحشميي ابحيليسة
غيتة:علاه مفراسك زين كيحشم على زينو ونوضي هزي ترمتك ويالله اثلا رااه لخمسة ونص داباا يالله ازمر عطيها لكاادو ويالله
حنان:عطيه ليها نتيي حشمت نعطيها قرعة تريحة بحالا جايا من سبنيون
غيتة:ولاش شارياهاا ابنت لحرااام شري غير براسلي تاع جالووق ومتشريش ريحة يالمصنة
حنان(هزات حنان فكتفها كيتوشوش شكون يعطيها لقرعة توقفات عليهم راوية وقال:وكلسوو
غيتة:لاا ختي نمشيي حناان جيبي ليها احبيبة لكاادوو وسمحيليناا ماشي ديال وجهك هي مزيرين شوية ههه
راوية:ويلي احبييبة مجيتكم حسن
مشات حنان كتحلف جابت الصاك تاع غيتة بغات تحلو وتفكرو فيه السروال وجراتو من عندهاا هزات ركبتها باش تكالي الصاك وعطات لراوية بجنب كتجبد فالريحة لي تكم شلبابي بتزياار مع صكادو صغير وسروال مدكوك فيه وقالت؛معرت شكون كلس لياا على صااكييي تفوو شو كيرجعو الكاادوو
راوية:ايكونو هي دوك لحتارف من قبيل يتنااقزوو
شدات لكادوو لي لكرطونة دخلاات من واحد لقنت ولبابي تحل ...تهيا وجها صحيح حلاتها قدامهم وقالت:ريحة!!
حنان:وسميتها جو تيم ابب تحنا كنجوتيموك يالله اغيتة بسلاامة
باسوها بزربة وخرجو كيتساابقو فدرووج ويضحك لقاات بدر وصاحبو فلقنت كيكتكيفوو مشافتوش تجرهاا ورجعهاا اللور وحنان بقات واقفة كي ليتيمة فباب لعمارة
غيتة(حشمات)طلقني
بدر:فين غادياا !!
غيتة:لدارناا
بدر:صبري تنوصلك بلموطور
غيتة:هاا واخة اا لا لا معايا صااحبتيي نمشي شكراا
بدر(تبسم ليهاا )مالك حشمتي !!
غيتة:وصاافيي لبدر طلق
داها لقنية جنب السانسور وجا قدامها وهيا وسطو وقال :شمن ليسي كتقراي
غيتة(تلفات)لي فييه رااوية
بدر:ممم (ساط لكارو فحنب ودار عندهاا)قراي مزياان ...يالله سيريي تالمن بعد ..متغبريش
غير حيد ايدو ضرباتهاب بجرية لعند صاحبتهاا ومشااو كتعاود ليهاا توصلو لجردة مافيها حد وقالت:صبري نلبس سرواليي
دخلات لبساات سروالها ودخلات لكسوة لداخل تحت لكويرة وجمعات شعرها وحنان لبسات جلابة خفيفة جبداتها من الصاك وخرجو وحدات خرين كيضحكو شدو طااكسي وخلصصات حنان او نزلو قرب الحومة ديالهم تفارقات غيتة وحنان فطريق وكل وحدة مشات قاصدة دارهم غيتة لي وقفات هلى مول لحانوت شرات ميرانديناا وغادية كتاكل فيهاا وتيليفون فايدها كتشوف فتصااور وتضحك ...مع هزات عينيها هزاتهم فجابر جاي اونفاص ليها مخنزر خلعها طفات تيلي بمرة محسات بيه تجرها من دراعها وزير عليهاا تقربات تهز وقال من بين سنانو:هدا وييين
غيتة:ايي ايي قسحتيني اخويااا اويلي
جابرم(غزز سنانو)فين كنتييي دويي
غيتة:كنت فعيد ميلاد صاحبتيي و اه اقبال فراااسهاا
جابر(زاد زير عليهاا تبدات كتغبن وتبكيي )خرجتي بسرواال ودخلتي لطاكسيي بشروييطة ...اشنو داباا خلي دار بووك وسط الزنقة البرهووشة (جهل مكرهش يعطيها علاش كتقلب ولكن وسط لحومة وناس غادية جاية )دوييي اش قلت ليك على حنان
غيتة:خءهءهء عفاااك اجابر والله تقسحتيني (حطات ايدها لخرا على ايدوو لي قريب طرطق دراعها )والله منعااود والله منعااود متقولهاش لاقبال عفاك
جابر:نهااار نهار نلقااك ناشرة رجليك مع ديك الصوبيصة تاع لخلا فشي قنت بربييي اغيتة تنخلي عشتكم بجوج (نخضهااا) سمعتييي
غيتة:هءهءهءهءه صاافي والله هءهءهء اخر مرة متقولهاش لاقبال عفاااك اخويااا عفااك
جابر(طلق منها بنترة ترجعات اللور كتبكي وتمسد كتفها ودفعها بايدو من كويرتها وقال)تقااودي لداركم البرهووشة
مشات كتمسح فدموعها هي بعدات عليه ومسحاتهم كضحك وتعض على فمها كتحك على دراعهاا وقالت:لمهيم ضبرت على تيتيز عينيه خضريين بحال موك صايب هههه
**
ستا تلعشية خرجات هيبة من بعدما طرقات لمحال طفات الضو وخرجات لابسة مونطو خفيف مع سروال دجين زرق وسبرديلة بيضة مربعة ايديها وغادية قلبات الصااك معندهاش لفلوس كافين لطااكسي واهر شهر هدا ومزال متخلصاات ولخلصة يالله كتوصلها خمسطاش ليووم ...كتسمع لكلاكصون وراها ومضاارتش هاد لافعال عاهداتهم من لبرااهش مكتسوق
سمعات اسمها من وراها تابعو كلاكصوون وضارت جنب لقات طموبيل من نوع كليو كاطخ فلكحل واقفة جنبهاا شافت فلي ساايك ولقاتو صديق وقالت بابتسامة:سلاام عيطي ؟؟
صديق:من قبييلة !! قربي هنا
قربات لجيهت الزاج مربعة اييديها وتحناات عندو وقالت:بغيتي شي خاجة
صديق(حيد نضاضر من عينوو وحطهم وقال)طلعي نوصلك
هيبة:لا اخويا شكراا انشد طاكسي ولا طوبيس
صديق:طوبيس مكيحط هناا ...طلعي نوصلك فطريقي اهيبة هيبة:والله بلا متعدب رااسك
صديق(حل ليها لباب من لدااخل ) ركبيي اهيبة يالله
شافت فلباب وحشمات تخليه وتزبيد ركباات معااه وسدات لباب وقال:راسك قاسح
هيبة:غير مبغيتش نعدبك
شافيها بابتساامة وقال:فين كتسكني
هيبة:شارع **
صديق:وشفتي هاديك هيا طريقي
تبسسماات شادة صاكها قداامهاا كتشوف فطريق وهوا حاضيها بنص عيينوو وقال: ساكنة بوحدك !!
هيبة:همم لا مع ماما وخوتاتي
صديق؛ممم مزيان لعائلة زوينة (شافيهاوبسم وكمل حديتو)شحال فعمرك
هيبة:24 عام غنكملها هاد شهر ان شاء الله
صديق:باقة صغييورة هه قوليا عاد خدمتي هناا
هيبة:شهرايين داباا
صديق:دااكشي حيت ديما كنت كنتقظا منو معمري شفتك ...صدفة زوينة لي شفتك اهيبة
هيبة:ربي اخلييك اخوياا
صديق:بلاش خوياا ...صديق كافية
وقفات طموبيلتها ومعاها جابر قدام اقاامة فحي قريب ليهم مزال الاعماال جارية فلاقامة من اصلاحاات وحداها مكتب البيع
جابر:نتي هي شووفيي
اقبال: جداد هادوو مزال مكملوش
جابر:منهنا لشهر واحد يكونو كملوو اجي نسولو على شي حد هناا
دخلو لمكتب لبيع لقاو راجل مكلف تماا تمشا معاهم لديور لي مزال متباعوو
...بقات هادي كطل على جردة ...او وحدة خرا كطل على الششاريع ..ولخرين جاو دااخليين
دخلات اقبال كدور فعينيها فدار لي مزال ترااب شوية فلارض واصلاحات لكبص فسقف ولبيبان تاعولبيتو مزال متركبوو ..الدار صغيرة جوج بيوت صغاار وصالون محلول اونفاص مع لباب كوزينة صغيرة ...كلشي صغير تحااحة ما متيسعة دخلات كتشوف فلبيوت تبعها جابر داير ايديه فجيبو كيشوف تهوا وقال بهمس :خمسة وعشريين مليون وخمسة نوار !!
اقبال:تلاتييين !! باش جاتها
جابر؛فيها السانسوور قاليك او طلة على الشاريع زايدة
اقبال:بزاااف ...ومتستاهلهاش ...ديقة بزااف وشقات باينين مزال مكاملاش فلفينيسيون وتلاتيين !!
جابر:اه قلت لييك نشوفو فقنت اخور
اقبال:قلت زعمة قريبة ليا لخدمة السعاتي والوو (ضربات فلحيط وتسمع بحال لخوا لوسط) داار!!! لعشة تاع لمشاش وصحيحة عليهاا
جابر:هههه دوزيي يالله فحالك هدشي معاجبنيشش تخربييق ولغلاا ...شراجم بحال لحبس ...تشدي لكريدي وتسكني فظار حسن ولا تعدبي حياتك كاملة تخلصي كريدي ديال بنيقة !! ...اختي اناا نسكن فزنقة ومنسكنش فلعمارات (باس ايدو)لحمد لله على لقبر ومخلا
اقبال:كتشمت درووك !
جابر(زيرهاا من عنقها بدراهوو وخارج بيها من لبيت تاتحبسو فلباب وضحك )خاصك ضعافي لهاد لبيبان لبغيتي دخل
اقبال:هههه وراك نتا لي وازن اصااخبيي دير لخير هافراسك وسير دير لصاال شوية كرشك قريب تفرش ليها معااك
خبط فكرشوو لي ميبناش بزااف وقال:لماكلة وسريط تخرجات لينا الطحشة
...امرا كيجاتكووم
اقبال: غالية شوية وصغيرة !!
...لي فلواجهة كبار شوية ولكن زايدين فالتمن
جابر:زيد لما زيد دقيق !! ياك مشرووع واحد وتقريبا نفس لمترااج ومغليين
...كنلعبوو على ود لواجهة وزايدين فيهم لبالكونات
اقبال:يكون خير نشوفوهم مرا خراا
خرجو من تما كيهدرو وركبو فالطموبيل اقبال كتسوط وقالت:كيضحكو على الناس والله ...نشحف حياتي كاملة على كاضر تلع دار
جابر:خلي تنشوفوو شي حاجة خرا متزربيش ...نسول ليك ناس لي كنعرف ويدير الله خير
اقبال:اه عيييت اشهييد من لكراا
جابر:دويت معاك الف خطرة جي سكنو فالدار لي فوقيي شنو فيهاا
اقبال: ياك المرضي نتهنا من علال (الكاري)نطيح معااك درهم متزهق من شهر اللول ندعاو فلمحاكيم
جابر:واشنو تاكلوني فرزقيي
اقبال:ياكلك دود ان شاء الله
جابر:كاامليين اياكلناا هي توكليي
حطاتو فالشاريع وكملات مشوارها ليوم بداية شهر خلاص لفاكتوراات وتقدية والسلعة لمحال ...عاد كترجع لمحال مسخسخة لقات مهدي كيشرب فاتااي ضربات. بلكاسكيط وقالت:قهوة شريف هادي
مهدي(فمو عامر )ههه يالله حطينا قزيبتنا اللرض كتباني كي عزرااين
اقبال (تجاوزاتوو كتحيد فلمونطوو ولبسات لبلوزة خلاتها محلول ولبسات ليكاتها كي لعادة ) جا شي حد!!
مهدي(شرب جغمتو اللخرة فلكاس وحطو بجد)الله كويس تاع نخواا ...ممم لا جا هي رشيد داا طموبيلتوو
اقبال:اه صافي خلص لبارح هدااك ...تكعد جمع ديك روينة ...
كي العادة حالا كابو ديال السيارة ومهدي كيمد ليها المعدات وشعرها مجموع كوت شوفال بليكات فيديها باش ميتوسخوش..نطقات :مهدي ارى ليا كلي دوز ..
شافتو محاوبش هزات راسها ملقاتوش لكن لقات اخر شخص توقعاتو يكون قدامها..لقات الماضي فسيفة انسان
شافت فيه مكمشة عينيها تتحقق فيه للحظات..باقي هو هو نتبدلش...زمان مدا منو لا حق لا باطل..مبدلاتوش السنين باقي نفس النظرة"شهيد"
**
يشهد الله اني لم انسى العيون التي كنت اروقها يوما
***
شهيد:خسرات ليا القبلة اختي..لباس ابيلو؟؟
اقبال؛(مكملة خدمتها بدون وعي)سميتي اقبال اسي..شنو بغيتي؟؟
شد فذراعها تاهزات فيه راسها بحذر من حركاتو..من اخر مرة باسها فسن صغيرة تقدر تقول ركبها من الحذر فحركاتو..غوبشات فيه ونطؤات يديها بهدوء وقالت:شكاين؟؟
شهيد:وعاريتي؟؟ولا زمان لي وعرك
اقبال:(حيدات ليكات وزادت داخلة للمحل)متبدلتييش باقي مبرهش
تبعها كيضحك خاشي يدو فجيب سروال وعينيه تيتفحصو المكان وكيتساءل كيفاش بيلو الهشيشة قدرات تدخل لخدمة الرجال..
مهدي:معلمة واحد دقيقة نمشي بجري ونجي بجري
اقبال(شافت فيه وامأت ليه باش يمشي )
جلستت فبيروها وللتوتر راكبها من ساشسها
شهيد:جات معاك معلمة ههه
هزات لراسها..ونطقات:شهيد بلا بسالو شنو بغيتي؟؟
جلش فكرسي مقابل ليها فبيروها المتواضع وقال:جيت ندير صلة الؤحم ونسول فيك..
اقبال:اسول فيك الخير(كتقلب فالروجيستر قدامها)
شهيد:(سكت لوهلة كيتأمل فالوردة لي كبرات وعاد مزيانت..كيما كان متخيلها ... شهبة ونميشاات تحت عينيههاا ونيفها خفاف بيضة مسرارة وزينها طبيعي واخدة حقهاا شعيد؛خواتاتك لباس عليهم؟؟
اقباا:الحمد لله
شهيد:مالك مهازاش راسك؟؟متوحشتيش شهيد
هزات راسها بسرعة راسمة بتسامة ستهزاء:اش غنتوحش فيك مثلا؟؟
رما ليها بوسة فالهوا وغمزها وقال:عطا الله هههه(دار رجل على رجل)
تزنكات وخرجات فيه عينيها وقالت بحدية:شهيد باغي شي خاجة مرحبا ماباغيش خرج خليني نخدم
شهيد:هههههه اكبرتي البرهوشة هي البارح عاقل عليك معندك تا البزازرل وليتي ترضي علي الهضرة
ضربات يدها على الكتاب من الغضب ونطقات اسمو بين سنانها:شهيد
شهيد:هههههههههه كالمي فوو بييلو(بابتسامة عذبة)والله الى توحشتك نتي وخواتاتك..شفتك تفكرت الحومة والطفولة...ايه الياام (سهى كيربت بايدو على لمكتب وهز فيها عينيه لي مكمشين من جناب بكترت ماوجهو مبشور وضاحك )عقلتي نهار بستك ههههه
شهيد(حطات ايدخا على جبهتهاا كتستغفر الله ) مغتكبرش ؟
شهيد:ههههه لي كبرو ددغيا شرفوو
اقبال:الصمت
شهيد:(جمع الابتسامة)ماشاء الله ديما بعقلك وسكوتية هه..شخبار الواليدة والواليد؟؟رجع مزال
اقبال مرجعش ومابغيتوش ارجع.
شهيد:ممم ماعليش المهم انا رحعت..(ضور عينيه فالمحل)كيفاش قضية الميكانيك؟؟
اقبال:(محسات على وجها)معمرك شفتي مرا ميكانيك؟؟
شهيد:سي شفت مي قليل
اقبال:اوا انا من القلال
شهيد:ممم مزيان مزيان..ديما كنتي مرا وقادة ههه كنتي ديما كتقولي ليا بغيتيي تكوني ميكانيك ديال الطيرات ....ربي بغاك تبقاي شادة لرض ههه لشي مزياان ...كاع درنا لي مكناش متوقعين ...تخيلي شهيد قرا الصيدلة ولا دكتور صيدلي متخيليهاش !
اقبال :مزياان واها مسولتكش
شهيد:عاد موعاريتي ابنت الغالية ههههه (ضحك )عؤفتي والله مكرهت نشوف خواتاتك والغالية..
اقبال:نتا شويا لبااس؟؟
شهيد:لباش ونتي ازين لبااس(قرصها فحنكها)زيانيتي ابيلوو
اقبال:(مسحات بلاصة القرصة)مالك بااسل؟؟
شهيد:هانا نوريك البسالة هههه
اقبال:(ساطت)مكتبدلش
شهيد:الله يخلينا فصباغتنا..تانتي ماتيدلتييش(بتسامة عذبة)بيلو هي بيلو لي نعمرها تنسا ليا
اقبال سرطات ريفها ودورات وجهها وقالت:ولكن بيلو نساتك اخويا..سير خليني نترزق على الله
شهيد:شفتك بحالا هازة من جيهتيي
اقبال(رمشات فيه )عقلتي نهار قلبتي وجهك علي تماا نسيت شهيد
شهيد(كمش عينو كيتدكر وكيحك لحيتو رطبة ) 16 لعام البرهوشة وباقة عاقلة ليا عليها هههه على ودك كليت طرشة من عند لواليد ....بقا فيا لحال ملي متوادعتش معااك (تنهد)بقات بلاصتك خاوية فليسي ...واش كملتي فليسي اخور
اقبال(برك ليها على الضبرة فيس لقراية عمرو تقااد وخة معرت اش توصل ديما كتقول كون كملت قرايتي كنت نوصل كتر من هاكاا ...جاوباتو بصوت خافت وقال:لاا مكملتش...مغتمشيش فكاالك !
شهيد:شوفي انمشي ولكن بشرط..
اقبال:(هزات حاجبها)
شهيد:نشربو شي حاجة مجمووعينن والى قلتي لا بربي تانجي عندك لدار منها نيت نشوف خواتاتك
إقبال:سير فحالك براكا من البسالة..
شهيد:(وقف)انتسناك غدا نشربو شي حاجة وال ماجيتيش نجي نتعشا عندكن (غمزها)راني عارف الداار
اقبال:حلم حلم اولد مينة
شهيد:(صيفت ليها بوسة فالهوا)بسلامة ابيلو ..ههه حنزيي فيا مزياان هههه
خرج وهياا متبعاه بعينيهاا تخرج وشدات وجهاا كتنهد ...دقات قلبها مكانوش عااديين خرجات من بين شفايفهاا ضحكة وقالت:16 لعام مبدلاتكش ازلال خهه
تفكرات شي طراائف فصغر معااه وهيا كضحك تصونا تيليفونها بنمرة معرفاتهااش وجاوبات ضنا منها كلياان وقالت:الوو
شهيد:بيلووو غدااا مع ربعة نشووفك ...الى مشفتكش غنجي تالباب داركم بليمارة لباب حمرة وحداهاا خيااط هااادييك
اقبال:واش ملاعبش فصغرك ...منين خرجتي لياا ؟
شهيد(بدل نبرة ضحك بلجدية )اقبال والله تباغي نشووفك قهيوة بين صحااب شنو فيهاا !!!
اقبال(تنهدات وقالت)عارفاك لصقة ...واخة غدا ان شاء الله
شهيد:ان شاء الله بون جوغني بيلو
قطعات معااه وباشرات خدمتهاا تحت نغمات المااضي ليي مرافقاهاا ...
***
حنان:فرض مشحر !! تفو داك زمر عينيه كي موكة كيلوبوو
غيتة:نقص ليا ربعة النقط على النقلة لي دوز لياا مرواان ....ولمشكيلة جاوبت هي على شي حاجة قليل (ساطت)محال نجيب فيه النقطة غنوحل غير مع شكاام تاع مصطفى ايمشي يوصلها لاقبال سخوونة
حنان: تانتي اش فيهاا !!
صونا تيليفونهاا وهيا غاديا وسط السااحة وقت الاستراحة طلعات ليها سميت بدر وشعلو لقلوبة وقالت:ناري بدر بدر كيصووني
حنان :جاااوبيي جاوبيي
غيتة (تخبات بشجرة وحداها حنان نضفات حلقهاا وقالت بخفووت )الوو
بدر:الزين صافاا
غيتة:لبااس وننتااا
بدرر:الحمد لله نتي فليسيي !! خرجي نشووفك انا واقف تماا
غيتة(خرجو عينيها)زااش بصح ...هانيي جااية
قطعات معاه وشافت فحنان وقالت:انمشي نشووفوو ونجي
حنان:صبري نمشي معاك نشري شي حاجة قبل ميدخلوو
دازت لفيستيير قدات وجها وحلات الضفيرة لي فشعرها وشدات زغيبات اللور ب فيليلات صغار ...حلات لبلووزة لابسو بودي كحل لاصق وخاشياه فسروال كري وسبرديلة كحلة
خرجات قلبها كيفرفر كتشوف يمين وشمال مبان ليها حد تسمعات اكلاكصوون وضاارت وتوسعات ضحكهدتها ملي شافتو على موطور كبير من نوع سكوتر فلكحل لابس تيشورت كم بيض او سروال دجين شعرو كيبان دهبيي ...
تمشات عندوو بانوتة كترجع شعرها اللور وقطعات الشانطي عندو مدات ليه ايدهاا وجرها سلم عليهاا من وجهاا وبقا شاد ايدهاا
بدر:الزييين صافاا
غييتة(كضحك )لبااس
بدر:عندك شي وقيت خااوي !! نمشيو نكلسو فشي قنت (غمزهاا)
غيتة:عندي حصة داباا !! ولكن ماشي مشكيل مافيها والو الترجمة ههه
بدر:هيا نهرب بيك شوياا
غيتة؛فوق لموطوور (فرحات
بدر:ضروري. ....طلعي
غيتة:صبر بلاتيي. انا جاية ههه
مشات كتجري لحنان لي واقفة مع بنات ودراري جراتها من لوسط وقالت:غنمشي مع بدر نضربو دويرة بلموطور اححح
حنان:ناري الطحبة كتقلبي على شي موصيبة يالله تفكينا من لفرشة تاع شطيح !
غيتة:مخفتيييش دغيا انرجع اصلا مفيا لي يسمع لديك لبعرة تاع الترجمة فيها لمووت
حنان(كتاكل فزريعة)تانا مغندخلش اتفرع ليا مخي ومجايباش دفتاارهاا ملي تجي دخلي من لباب لاخر تاع الداخلية اتلقايني تما مع مروان وجليل
باستهاا وكشات كتجري لعند بدر حيدات لبلوزة بلفرحة خشاتها فصااك كادوو فضهرهاا وركبات معااه تحرك بيخا من قدام ليسي عاجبها لحال فمها مترع بالضحك دورات عليه ايدها وقالت:فين انمشييو ؟
بدر:لواحد لقهيوة كنكلس فيهاا ...اناخدو راحتناا تماا صافي
غيتة:اه صاافي
ضري بيها ضورة كبيرة فلميدينة عاجبهاا لحال وكتحىك شعرها مع لبرد كيطااير ورااهاا وطلق ايديهاا ...وقفو قدام قهوة كانت خاوية شوية شدها من ايدها ودخلو كتشم ريحت التفااح ونعنااع كانت قهوة تاع ولداخل كاينة الشيشة جرها جيهت لفوطوي بعاد على لبشر وقال:شنو تشربي
غيتة:مم عصيرر
بدر:ههه واخة (هز ايدوو )حماادة ..عصير ليموون ولعييبة (شافيا)اوى الالة غيتة شخباارك لاح ايدوو وراا ضهرها وجرها)قربي لعندي ههخ
غيتة(قربات كضحك وقالت:عمري جيت هناا ...فيها الشيشة !!
يالله كملاتها حط ليهم كاس تلعصير بلبااي او شيشة صغيرة شاعلة وعامرة ...حيد ايديه بدر وتحنا كيقااد فيهاا تسااط فيهاا وخرج دخان وغيتة مترقبااه كي كيدير ليهاا ...
رجع لناحيتها شاد تيوو كيبخ دخان كتيييف فلجو ويدور عندها يلقاها كدور فلكاس فايدهاا....
لهدرة والضحك تقالت:واش مدااقها زويين !! فيها دخان بزااف ريحتها زوينة خهه
بدر(نفخ الدخان بشكل دائرة وسط دائرة كيتفنن فيه وهيا كتشووف وتبرق فعينيهاا )دوقيي هه
غيتة :اااه (شدات تيو من عندوو كضحك )دابا اش ندير واش نسووط ولا نجر
بدر:هههه جريي جريي هي شوي لا تصدقي مغيبة ...اول مرة اتجيك قااسحة
حطات لكاس تاع لعصيير ودارت اش قاليهاا يالله نطرات بعدات راسها كضحك وهوا ميت عليها بالضحك وقال:والحمقة هي شويية اراي اراي اتموتي لياا ههههه
غيتة:كح كح عههه لا لا عفاااك انعاودهاا (نتراات كتسمع فتبقبيق ف الشيشة خرجات الدخان مع كحبة وعطاها لماا تشرب وقالت:فيها مداق زويين
بدر:بنعناع هههه عجباتك الموصيبة
غيتة(نطرات عاود وساطت عليه الدخان وتبعاتها بكحبة بسباب حلقها لي مامولفش الدخان)هههه كح كح زويينة
Tags:
حكاية أنثى