تعسلو عينيها ودااخت ولات هي كتلوح رااسها على كتفوو وهوا كيضحك عليهاا
غيتة(بصوت مرخي)بقات تجيب هناا
بدر(كيشيش)عجباتك
غيتة:ههه ممم يكما كتبليي
بدر:شوية ماشي بزااف
كانت متكية راسهاا على كتفو وهازة فيه وجهاا تهبط بغفلة باسها من فمهاا وهزات رااسهاا بعدات وقالت:بدر اش كدير
بدر(نفخ عليها الدخان )ففف هههه بوسة خفيفة اش ندير فمك كي لفرييز
ضحكاات كترجع شعرها ورا ودنيها وعينيها حمرييين معسلااات تقول يوماين منعساات قالت:خاصني نمشييي انتعطل
بدر:وخة الزيين ...نوضي
وقف وشد ابدها ناضت ومالت عليه عينهاا مضببات وهي كضحك ومرخية كي لعجينة ...ركبها فوق للموطوور متكية على ضهروو تضربها لبرد عاد فااقت شوية ولكن عينيها حمريين وفيها ريحت الشيشة ...
نزلها قدام ليسي مع هبطات وقفات سوية كتلبس فطابليتهاا وبدر كيلعب فشعرها طويل وقال:حمقني شعرك ...اما واحد شطحة عندك يا سلام
غيتة:ههههه تانتا عجبوني عينييك
بدر(خرج عينيه ليي دايز منهوم خطوط حمرين خفاف بسباب تشياش ولموم تلعيين خضر )خودييهم
صوناات طنااش وقالت:صاافي يالله بسلامة
جرها من شعرها تقربها ليه وقال:صافيي بسلامة حرفية ههه
باستو فحنكوو وهربات كي. شي بريهيشة لحدا باب لمؤسسة كتسناا ف حنان تخرجات مع ولد فقياسهم هوا نفسو صاحبها هي شافت غيتة مشات عندها كتجري
حنان:فين مشيتوو القووحبة هااا ساعتيين ابنت لحرام
غيتة:مشينا لواحد لقهوة ههه
حنان:عينيك حمرييييين الموصيبة رجعات ليك لحسساسية تااني (كتشم )اش هاد رييحة (خرجو عينيها وقالت بهمس)ريحت المعسل !!
غيتة(عضات فمها وجراتهاا كضحك )واش عيني حمريين بزااف هههه تشيشت ديلمك واااعرة
حنان:حلفييي مضراتكش فخلقك
غيتة:لااا هي فاللول من بعد عاادي ...شي نهار نمشيوو ليهاا كتكون خااوية
حنان:نااري الموصيبة بقا لينا غير الشيشة ههه ولكن ضروري نجربوهاا ...هدشي صاافي ومالك ناشطة
غيتة:واخيرا تبااسييت هههه وخة على غفلة مي امزينها حلوة
حنان:ههههههه نااري ديلمك لفارة لي فييناا كتاكل من لداخل ههههه زيدي زيدي نعطيك رييحة رشيا عليك رااه فيك الريحة
شمات حوايجهاا لاصقة ليها فشعرها ..جمعاتو وعطاتها حنان ديودورون مكتخطاهمش من الصاك رشاتها عليهاا كااملة تولات كتكحب .....
اقبال دخلات لدار لقات هيبة كتحط فسبرديلتهاا تسالمو فلباب ودخلوو يسترااحو من لعياا
هيبة(معصبة) اوووف لقطعة جيوماين بلا تيليفون حسيت برااسي فعهد شمع
اقبال(هزات حاجبهاا)خدامة بتيليفوني اما زعطيه لييك ...باقي عند لمعلم !!
هيبة(بياس )بااقي مشات ليه لافيشوور و16 لالف باش يبدلها ومزال متخلصت ماشي لمرض هداا اووف
الغالية:وصبريي ششوية مالك اش عندك فداك تيليفون اساراه عندك !
اقبال:عندي هنا غير تلتميا درهم سبقيها لييه بعداا راه كيعرفنيي ...تاتخلصي ودي ليه لبااقي
هيبة:لحب نتي لهلا يخطييك
الغالية:غيتة تعطلات طنااش ونص هاادي
لاخيرة كانت فدرووج كتنفخ من فمهاا او تشم ...وتشم حوايجهاا ساطت ومشات كتجري نيشان لطواليط قدام عينيهم
اقبال:غييتة
غيتة:مزيييرة غنطرطق اححح
دخلات لطواليط وسدات لباب غسلات وجها بجيل وشللات فمها وايديها بالصاابوون زكل مرة تشم حيدات الطابلية والتيشورت ولبسات بينوار قصيير فلكري وحيدات سبرديلتها عاد مشات سلمات عليهم وكلساات كدور فعينيهاا مرخية
اقبال(ناضت تشارجي تيليفوون تا نتابهات لعينيها حمرين وقربات هزات ليهاؤ راسها وقالت:شوفي فياا !!
غيتة(قلبها كيضرب كترمش بلاق قيااس )هنن
اقبال:متل عينيك حمرين بلا قيااس !! كيضرووك
الغالية:كيدرووها وقت النواار ودابا مكاين نواار
غيتة:معرفتش كيحرقووني شوية وصاافي
هيبة:نتي خاصك طبيب لدوك لعينين
اقبال(طلقات من وجها ومشكااتش ابدا فشي حاجة حيت غيتة من النوع لي فيه حساسية النوار كيبقاا يحك ولعينين كيحماارو ) ملي تكوني جاية فلعشية جيي عندي نعطيك تقطيرة ديالك
هءيبة:وافينا جوووع واش حياة مغتجيش
الغالية:علاه هاديك باقة كتغظا كي النااس معاناا وااشوف تاني فين مغدية
اقبال؛مبقاتش صغيرة باش نتبعووها خليهاا ضبر لرااسهاا ....كاين شي غداا نحطووه بغيت نرجع لخدمتيي
هيبة:مالك معاجبانيش (غمزاتها)
اقبال(كلسات كتنهد )والوو هي لعياا
هيبة:اقبااال ...ختي راه خاصك الرااحة شوية وااه واش معيتيش ...ياك مهديي تعلم شوية بداي تخليهيه
اقبال:الله اهديك اهيبة لحاجة الى مدرتها بووحدي مكتكونش مقادة مهدي راه هوا وشيطانو الى مكنتش كيدير لي بغاا ولي مسلكوو ....
غيتة فلقنت شادة تيليفونها توصلها ميساج وقال:حبيبة يكما عاقو بيك مالين دار
غيتة:ههه لاا قلت ليهم لحساسية
بدر:شي نهار نعاودوها؟
غيتة:ضروري ...
***
خرجات من لمحال بكامل انااقتهااا شعر بوكلي زعر ولوجع صافي لعكر ماط غوز ولعينين مكحلات وشفار طالعيت كتسناا فييه يجي يهزهاا ...ولاو لغدا بجوج والدوران بجوج
وقف عليها بطموبيلتووو ومششات كتعوج ركبات معاه وسلمات عليه بلا بيز
محمد:تعطلت !! دزت لسطاسيون
حياة:عادي ماشي مشكييل
تبسم ليهاا وقال:ليووم شهوتي فشي حاجة بلدية ...مبقا ليا والو ونمشيي احيااة مسخيتش بييك
حياة(بابتساامة)تانا ولفتك دغيا داز هاد شهر
نزلو فريسطو كدير كلشي بلدي ريحت طواجن كتعطي من فم لباب دخلوو فتجاه لفوطوي فجنب كلسو وجا السرباي وقال:شنو خب لخااطر
محمد:انا جيب لياا صلاد نيصواز ولكن الله اخليك بلا لي صوص ولملحة
...ااه بوون داكوغ سيدي
محمد:شنو ناخدوو !و
حياة(كتشوف فلموني )لمبخر !! زويين
محمد:ههه كتفهميني ...صافي جيب لينا هدشي ولي بواصون او لي صلاد
حياة:شفتك خديتي صلاد بلا ملحة
محمد؛ناقصهااا وصاافي لواحد الى فات الربعين يضرب على تلاتا بيضين
حياة:ههه شناهوماا
محمد:سكر ..لملح ...الشحمة..
خياة:خهههه هادي عندك
محمد:وشنوو قلتي داباا احيااة...هاد لييمات كاملة مكفاتكش !
حياة:وصبر نتاداو نقطعو جووع كي قلت لييك لقبلت راه بشرووطي
محمد:هيا لي متعااود
حطو ليهم كتف مبخر معزي وطبسيل تاع لملحة ولكامون لي صلاد او لمونااضة ...شمرات كي لعادة كتفرس اما محمد كينقب هي شوي وياكل شلاضة على قلبوو ...
تسالات لمااكلة وحطو ليهاا لفلون وطريفات ديسير تحلي بيه وهوا خدا اتاايي مسووس
محمد:لغدا دااز
حياة(مسحات فمها)شووف امحمد انا عنديي احلااام ...بغيت نخدم بغييت نوقف على رجليي مبغيتش نتزوج ويقوليا الراجل كلسي قابلينيي انا ماشي هكاا ومنرضهاش
محمد:حيااة معاياا ميخصك خييير ...بغيتي تالمحال ناخدوو ليك معنديش مشكييل
حياة؛اوى لنفرض قبلت ...فين غنسكن ونتا كتمشييي نبقا مرهووونة !! منااا عطلقة ما انا معرسة
محمد(ضحك) حشااا نخلي مراتي وراايااا ...امور لورااق مسألة وقت يطلعو لييك وصاافي وندييك لغزال دياليي فينما كنت وراقك ف ربع شهور او خمسة يطلعوو وهانتيي ف فرنسا معاياا اش بغيتي
حياة(لداخل باغة تغوت بلفرحة وخافت تصدم تاني مكدبش لي قال لي عضضوو لحنش كيخاف من لحبل )اهمم او صداااق
محمد:صدااق طلبي لي بغيتيي لخير موجوود
حياة:انا راه مطماعااش امحمد
محمد:الله اهديك احياااة شكون درك طمع ...هداك رزقك نتي حرة تشرطي فيييه
حياة:فعائلتناا ...فصدااق تيكون خاتم تدهب واونصوومبل ديال دهب ...وعاد صدااق فوق ملييون وشنوو !! يحسااب ليك رخييصة !!
محمد؛جاااتك الالة هي بقاي ليا على خاطرك (هز ايدها بااسهاا وهيا محاملاااهش ويني لغاية تبرر لوسيلة فرنسا وسط عينيها كيي شي قرعة تلما وسط الصحراا ) وحتى لانصومبل ولخاتم يالله دابا تختااريهم ...اوى انا وافقت على شرووطك ...اشمو داباا مواقفة !!
حياة:مووافقة اسيدي
خرجات هيبة كيف لعادة ركبات فطاكسي نيشان لقيصاارية عطاتا ستالاف وشداات تيليفونها تاتكمل ليه لخلاص غادية وحاضنااه ركبات فالطكشي لخدمة وغادية وكتركب فالنمرة خلصاتت مول طاكسي ونزلات عينيهاا فالتيليفون تخرجات فشخص تطاح التيليفون وخبطات جنابها ومزلات هزاتو
هيبة:اوييييلي عاد صاايبتوو(كتغبن )شهااد زهر اش
لقاتو خداام عاد ساطت وهزات راسها فشخص لي جات فيه كان صديق ب شوميز بيضة وسروال توب مكمش عينه فيها كحلين كي لفحم وقال: مكتشووفييش
هيبة:صدييق سمحلياا ههه مرديتش لباال
صديق:ماشي مشكيل ...علاش مكتجاوبييش
هيبة: تيليفوني خسر يالله جبتو من لمعلم غير داباا هانتا يالله كنخدم فيه باقي سااكت
حيدو من ايدهاا وحاول يشعلو لقاه طاافي و جعو ليهاا وهيا كتبرق فعينيهاا وقال:اسحابلي مبغيتيش تجااوبيي
هيبة:لااا علاش حشااا اصديق ...نتا صافا
صديق :بخييير الحمد لله ....خاصنا نكلسو اطاابل شي خطرة نبقاو نتلقاو غير فزنقة !
هيبة:راك هارفة لخدمة مكتخليش لياا لووقت
صديق(قاطعها)شنو بان لييك ستاا مزياانة نديرو قهيوة ونوصلك لداار
هيبة(حكات عنقهاا)منقدرش ا صدييق والله خليها مرة خراا
صديق:تت كاين ليووم مكاينشش مرا خراا ...بون ستاا تلقايني كنتسناك داكووغ
هيبة(تبسمات لييهه )واخة
غادرهاا ومشات حلات لباب تزااج كتسووط ...وعقلهاا مرون ...واش انا يالله تلت شهور بااش تفارقت معا هداك خرجليا هداا !!...لا وزايدها لصقة
*حياة: داك اللصقة هوا لي كيصدق شنو طفرتيه بهداك لي كنتي لاصقاه*
تنهدات كتشعل فضو ومشات لبلاصصتهاا كتخدم فتيليفونهاا وكتنهد على زهرها ونيتهاا لي ماموصلاهاا فيين ...
من كليانة لكلياان حتى وصلات الستة متنااسية صديق ليي كالس فطموبيلتو مقابل معاها كيربت علر ى لفلون ومرة مرة يرتب لحيتوو لي تخللها بعض الشيبات وسط السوااد
رتب لكوول وهز ريحة من لبواط حدااه رش علييه ومسح الزاجة قدامو...صديق من النوع ليي كيبغي ديما يكون نقيي ومقااد ...ها الستة وصلاات ستا وقسمين خرجات هيبة فتجاه دارهم دايرة لكيت...هز حاجبو وصونا ليهاا
الاخيرة هي شاافت سميتو طلعات معاها الصهدة وشافت يمين وشمال بانت ليه طموبيلتو فجنب طريق قطعات علييه وقطعات طريق جيهتوو بغير نفس ...حل ليها لباب دايرة نضاضر تشمش وقال:نسيتيينا ولاا
هيبة:ههه لا لا كنت بغيت ناخد هي قرعة تلماا
صديق: حيدي نضاضرك ودوي معاياا اهيبة
هزات حاجبها وحيداتهم يالله بغات تاخد موقف قاال :دوك لعيينين زويينين عندك حشوومة منششووفهمش
ضحكاات ولحناك تزنكوو وقالت:شكراا
صديق:داكوغ نشربوو قهيوة اهيبة ونتعرف علييك وتعرفي علياا معنديش مع لهدرة فتيليفون ههه
تبسمات ليها وخاطرها مرون معارفاشش اش كدير وصلوو لقهيوة نقية وزويينة نزل صديق او ورااه هيبة كلسوو مقابلين مع بعضيااتهم ...كان محطوط كاس تلما فطبلة لي جنبهم كاس باينة عاد شرب فيه شي حد مضبب بلايدين شوية ...يالله هيبة كدير تيليفونها فالصااك تقال:هيبة نوضي نبدلوو لكاافي
هيبة(باستفهام)علاش هادي زوينة
صديق؛عمرك جيتي ليهااا !!
هيبة:لاا هي قلت زعمة كتبان نقية
صديق:مم نوو باينة فيهم لا علاقة بنقااا (دوز ايدو على الطبلة وشاف فصبعو وقال:لا مرتاحييتش فيهاا
هيبة:لي بغيتيي
وقف وتبعاتز كتعجب لقهوة نقيية مابيها والوو ركبو فالطموبيل وداهاا لقهوة خراا لقهوة لي ضرب قلبهاا ملي شاافتهاا نزلوو لعرارم تدكرياات وجهاا تزنك وداتها سخناات
هيبة:كون غير بدلناا لقهوة
صديق(شافيها)علااش ؟
هيبة:هاا لا لا والوو غير بانت ليا لخرا حسن
صديق:نقا هوا كلشي اهيبة ! نزليي ..
نزلات معااه مزيرة على صاكها بايدهاا كانت قهوة بجوج طوابق طلعو لفووق وكلسوو كان شبه خاوي ولكالمووريح بارد كيضرب باقترااب فصل الشتااء ...
كلسو مقابلين تاني وعينيه كيدووروو بين طوابل ويسكاني فببلااصتو وشاف فهيبة لي كتشوفيه وقال:عندي مشكيل مع هاد لقهااوي مكنكلسش فيهم بزااف منهار عطااوني قهوة طايحة فيها دباانة ايماجيني
هيبة(ضحكات)اويلي ههههه وششنو درتي معاهم
صديق: اشنو درت لحتها عليهم وخرجت فحاالي ...انا واحد السيد لي عزيز عليه لحاجة نقيية ولمكانتشش نقية كنضرب عليها منحطش فيها ايدي ...
هيبة:هههه
صديق؛كضحكي عجبك لحاال ههه ...بوون هيبة داباا كلسنا ناخدو شي قهيوة ونهدروو نتعرف عليك تعرفي علياا
هيبة:ههه داكشي لي عندي قلتو ليييك
صديق؛اوى نبدا انا ههه ...الالة هيبة ...سميتي ديجا كتعرفيها صدييق ...عندي مقاولة ديال لبنيي خارجة على مكنااس شوية ...ااا عندي 43 عاام
هيبة:مبينااش ههه
صصدديق:اوى الى متهليتي فراسك فيمن غنتهلاا معندي وليدات معندي مراا باغيي ديال رااسي ونتيي
هيبة:مالي انا ههه ااه هيبة 24 عاام عندي ديبلوم فلكونطاا وصاافي ههه معنديش انجاز كبير فحيااتي (تبسمات لييه ...تاتحط لعصير ولقهوة قدامهم حركات عصيرها في حين صديق جر كلينيكس مسح لمعلقة عاد حرك بسها السكر وهدشي كتشوفيه هيبة وكتهز حاجبهاا تكمل وقال:نتي بوحدك لي بنت فداركم
هيبة:لااا ...حنا (اش تقوول خمسة ولا ربعة تلفات وتنهدات )خمسة...خمسة تلخوتات انا لموسطة فيهم
صديق:هه تبارك الله لواليد ديالك كان تيقلب على الربحة
هيبة:نعاام !!
صديق؛والوو الزين انا لعكس ديالك معنديش ختيي وعندي خوتي ربعة وانا لكبير فيهم ...لواليد او لواليدة توفااو وكل واحد شد طريقو كنتلقاو مرة فلعام وشي مرات مكنتلقااوش
هيبة:صراحة لواليدين لي كيجمعوو (تنهدات)
كانت كدور فتصيرهاا تهزات عيينيهاا فالناس ليي عاد كلسو فلقنت لخر مقابلين معاها تلغااات ضحكتها او وجها صفاار ملي تلاقاات لعين مع لعيين هوا كالسة قبالتو بنت بلحجااب وجلابة عصرية مزال كتبان صغيرة وهيا كالس صديق ...تبسم ليها ابتساامة استهزااء بمعنى صاافي بانت ليك فواحد كبر منك(شد ايد لبنت وبااسهاا كيضحك وهيبة صاافي اتموت فبلاصتهاا وحسات بالطونسيوون طااح ليهاا ودنيها كيصفروو بغات تجر ايدهاا وطيحاات لكااس تااع لعصيير وناضت طافجة تكانت غطيح وشدها صديق
صديق:ماالك هيببة (طرشها بلخاطر ل حنكهاا)
هيبة:عفاااك يالله نمشييو ....طونسيووون ...طونسيون حسيت بيه طااح لياا عينيي ضببيين (تجمعو فعينيهاا دمووع وصديق شادها من خصرها وشد الصااك هزات عيينيها جيهت عمراان لي باقي شاد فايد لبنت لي بجوجهم كيشوفوو فيهم وخرجهاا مدرعهاا بايدوو وخلص السرباي
غادي بيها فالطموبيل وحابسة دموع لي بغاو يخرجو هزات عينيها كتسوط بغات هي دخل لداار
هيبة:فين غادي !!
صديق:ضروري تعبري الطونسيون
هيبة:مكاين لاش ا صديق الطونسيون عندي مرة مرة كيطيح
صديق؛ولوو ضروري تعبريه
هيبة(شافتو فات صيدلية )ها الصيدلية فتيهاا
صديق:صافاا بااا خاصك ييشوفك دكتور بعداا شنو عارفين قارين شهر وجايين يبيعو دواا ؟ز نن هيبة هي صبري انديك لعند واحد دك فاغماسيي وحتى الصيدلية زويينة وموقع زويين هنا هي لوسخ ...حتى دوا يقدر يكون بيرمي مكاينة لا مرااقبة لا نص
سلمات امرها لله وتابعاه فعقليتوو ...
سكتات وهوا شاد طريقو لوسط لمدينة فحي بين عمارات كباار ولي مكازين كاانت صيدلية ف الشاريع محلولة ولواجهة كلها زااج وصور طفل صغير فحضن موو او صور دواء. لمعدة ...كانت شعلات لبلاكة لفوق بضو خضر واحمر كدوز اسم الصيدلية بسكل متكرر ...لقاو قدامهم نااس تسناوهم حتى خرجو ودخلوو ...كانت بنت بلحجااب وبلوزة بيضة قالت :سلام اسيدي
صديق:سلاام ..كاين دكتور
...ايه اسيدي كااين شنو حب لخاطر
هيبة:بغيت نعبر الطونسيوون
...داكووغ كلسي رتااحي نجيب لبارااي
صديق: نن نشوف طبيب الله اخلييك
شافت فييه وقالت:داكووغ سيدي
دخلات لدااخل وسط رفوف الادوية الصيلية كبييرة وكتوافد عليهاا ناس بزااف حيت كاع الادوية فيهاا ...
كان كالس فبيرو فاص لييه لبيسيي داير نضاضر طبية ولابس بلوزة بيضة على شكل تيشوورت بكول في باينين زغيباات منهم من صدرو ايديه مكتاسيهم زغب رطب اسود من النوع لمشعاار ...كان شهييد
شهيد؛وي مريم
...واحد السيد بغاك...
شهيد(سد لبيسي )داكوغ
خرج كيرجع شعرو اللور لقا التحية على صديق وشاف ف هيبة وقال :ديما كطيح لييك
هيبة:ملي كنتعصب ولا كنعياا كيطيح لياا ...
شهيد(هز لبارااي من لكونطوار وخرج عندهاا هزات تيشورت على معصم ايدهاا وقال:عمرك درتي التحاليل لا
هيبة:شي ربع سنين هادي مدرتهوم كان فيا فقر الدم
شهيد:داكووغ ترخااي
بقات كتسنط لعضاامها تهز ايدها وقال :طاايح لييك شوية لماكسيموم خاصو يكون 12 نتي عندك عشرة ونص ...دقات لقلب ديالك مزياانيين ...قلب ليها عينيهاا وقال:خاصك تعاودي تحليلة تاع فقر الدم
صديق؛فيهاا
شهيد:شوية لون عينيها مصافيش ...نعطيك دي فيتامييين مي ضروري تشوفي طبيب
هيبة:واخة
عطاها فيتاميين يالله بتجبد تخلص صبقها صديق وخلصو
شهيد:بالشفااء ان شاء الله (تبسم ليها
هيبة:شكراا ...
خرجوو من الصيدلية وقال:وشغتي دابا طبيب بحال واحد هي كيعطيك دواا ؟؟ راك بحالا مشيتيي عند مول لحانوت وقلتي لييه يشوف مالك
هيبة:بلعكس كااين ليي كيكونو خبرة والله ماشي ديما كتلقا طبيب ف صيدلية
صديق:بلعكس هاد السيد منهار حل الصيدلية وهوا كيكون فيهاا ...كاين لي معندوش حس لمسؤولية لخدمتوو...
صونا تيليفونها وكانت اقبال جاوباات بصوت تعب وققالت :هاني جااية
اقبال:تعطلتييي ؟ سبعة ونص هادي
هيبة:هاني جااية هي طاح ليا طونسيون ودزت عبرتوو هاني جاية داباا
قطعات وقالت؛عفاك وصلنيي
صديق:بطبيعة لحال ...ولكن نعوضو هاد لخرجة مدايزاش ههه....
**
حياة:فين بقاات !؟
اقبال(حطات تيلي)طاح ليها الطونسيون تااني
حياة(كتشرب فاتااي ولحلوة )اتقتل راسخا ديك لبرهوشة هي بلفقصة ولغمة يلاطيف ...تنشوف نابنات داز عليهم لويل وطالقينها تسر ....وهياا شاداها منين عواجت ..مال ديلمو هدا لي نبكي عليه كيبزق لويز
غيتة:هههه نتي قلبك قاسح ياااه
اقبال: محال واش عندها لقلب اصلا باش يكون قاسح
خرجات غيتة لسواايع وبقات حياة واقبال اما تالغالية كالسة لتحت عند جارتها وصااحبتهاا
حياة:بغيت نتنااقش معاك فواحد لموضضووع
اقبال(حطات لكاس )الى كان على براا هيي سدييه ...وخليناا هانين تااني
حياة:مالك كتنقزيي ؟...صبري اصااحبتي نشرح لييك واصلا مغنعطي والو من جيبي
تحل لباب ودخلات هيبة حطات سبرديلتها وطلعات ساكتة فاشلة الت السلام بدون نفس ودخلات كلساات
حياة:لموت كتمشاا
اقبال:مالك !
هيبة:والوو طاح ليا طونسيوون ...مشيت لصيدلية وقالياا بداك حتى فقر الدم ...خاصني ندير التحاليل تاني
اقبال:اصلا باينة فييك فوتي عليك اتااي ...ورجعي لوصفة لي عطاتك كريمة هي لي نفعااتك
حياة:شمن وصفة
اقبال:تطحن لعدس لبلدي هوا ولفوا او تشربهم مع كاس لحليب على ريق كل صبااح ...
هيبة:ان شاء الله
اقيال:كملي نتي بلانك شكاين
حياة:شوف انهدر معاك وبلا متجهلييي ولا تغوتييي
هيبة:لغوات نتي ليي فييك
حياة:سكتي نتي المدلولة سكتي
اقبال:حيااة طلقيي
حياة(حطات لكاس كتوجد اش تقوول )فالصرااحة داباا شي 20 يووم كنعرف واحد السيد راجل بعقللووو شارب عقلو زعمة ماشي برهووش
اقبال:زيدي زيدي
حياة:بغاني لزواااج ...كيمشي لبراا بدارو طموبيلتو وعندو شاريكة صغيرة تاع لكبلاج وخة مفهمتهااش ومبغيتش نسولو باش منبانش مكلخة ...ولكن وراني الداار كبيرة وطموبيل حلوووفة يختي لفلوس هي كيطرطق فيهم
هيبة:زوااج
اقبال:زواج احيااة ؟؟
حياة:وماااليي اختشي نبقا باايرة نش دباان فهاد لثرينة لكحلة
اقبال:من اللخر احيااة الله اعطيك ستر ....بلاناتك وتخلويضك مكيدوزش علياا
حياة(حكات عنقها )فالصرااحة ....بغيت نديرو غير طرييق السيد مرفح غيعطيني جوج تلمليون فصدااق وعاد دخب وغيطلع ليا ورااقيي !! راجل كبيير نقتل مو هي بلفقصة منجي فين نلبس لكسوة تنلبسو لبيض ....اشووفي زواج ولا نم انا هي نوصل تماا ونشد ورااقي وندير منهنا دازوو ....وفكرت قلت نولد معااه شي ولد ولا بنت نضمن الجنسية تماا ونضمن مسقباليي حسن لياا منهناا ....مكاااين موالكن ا اقباال انا صاافي قررت ان شاء الله منهنا يوماين غيجي يخطبني
شافت هيبة فاقبال لي بقاات كتشوف فحيااة وتنهدات:كتخربقيي
حياة:طمريي نتييي (شافت فاقبال)سكتي ؟؟
اقبال:كتقلبي على شي موصيبة خرا احيااة ...ربي عطانا عقل باش نفكرو بيييه
حياة:رااني فكرة ا اقبال....انا داك لخاريج منو نخلااااق نمشييي وخة نبيع حواييجيي ...واش غنبقا حياتي كاملة هنااا !!
اقبال:علاش احياة ماال هنااا....كون دوك خمسة لمليون لي مشاو فلبارد كون درتي الصالون دياالك ...راه تواحد مبدا من زيروو
حياة:الصالونن غنديرو ولكن ماشي هنااا ...ف برا الى بغا الله ....اقبال اناا صاافيي الى مامشيتش والله تغنتسطا ولا توقع ليا شي حااجة ...
هيبة:بشااارف !
حيااة:ماالو شاارف انا شغلي باغة نعلقوو ف لفيتيرينا لي داز يتفرج فيييه....انا باغة لوراااق ...باغ برااا برااا لخااريجيج نركب اختي فالطياارة ونقول تا انا توحشك بلاديي ولغربة ....باش فايتااني بنت مول لحمااام !! لي تمشي لبلجيكاا بااش يااك ديلمها بيطانهاا كحل من زهريي فمها مخزز كي لواد لحاار وطلع زهرها مقوود !!
اقبال(مسحات وجهاا) هاديك تزووجااات ماشي بحاالك باغة ديري السيد طريق ...احيااة هدشي راه مامسلككش رااك غادية لعافية برجليييك ....شكون ضمن لييك هاد السيد ميكونش ناوي ليك تهوا لغدر ...هاا شكون ضمن لييك يكتب عليك ويخليك هنا مانتي من لمزوجات ما نتي من لعزباات
حياة:هدشي هدررنا فيه ا بيلوو السيد متقل عمرو مد عليا ايدو ولا بسل علياا وتانا كان شرطي لوحيد هوا يدير ليا شهاادة لعزووبة وميقيسنيش تنطلع عندو تماا باش ميقولش بغات ضحك علياا
هيبة:بغيتي تبتييه
حياة:اوى شنوو يخلي لبرد كيسووط فيا ويمشيي يخلينيي هناا ...والله لكانت لشي ولد لقح** الى محط ديلمهم صخااح
هيبة:وبااينة ايكون مزوج شحال فعمروو
اقبال:علاين ستين ...يكون مزوج تا بعشرة معندي سووق
اقبال(قلبات وجها كتنهد وطركق فصبااعهاا ) السيد ايكون كبر من باااك احيااة ...اشمن زوااج ولااا خرااا (تعصبات )وباغة تولد معاااه واش مكتفكريييش ....كيبان لييك غير راااسك
حياة:اااه كيبان لياا غير راسيي شنووو نبقا هناا فاللخر تشهر تلوحو لياا جوج رياال كتمشي ليا غير فطرونسبوور
اقبال(وقفات)كونييي قنووااعة شوية راه ديك لخدمة كاين لي ملقهااش
حياة:انا عيني كبييييرة كنشووف بعيييد ...اقبال هادي حيااااتيي وعارفة اش كنديير وداك السيد بغيتي ولا كرهتييي هوا لي غنتزوج بيييه ماشي انا اللولة ولا اللخرة لي تزوجات بشيبااني مرفح
اقبال:عوميي بحرررك احيياة ...عومييييه ونهار تغرقييي وياااك تغوتيي على لي يعتقك
وقفات لبساات بانطوفتهاا معصبة وهزات سوارت طموبيل وخرجات هي بلبانطوفة وسورفست وشعرها محلول ...ردخات لباب بجهد ومشات لطموبيل كلساات...
ولات عندهاا فوبية من زوااج ولولاد حيت لحاجة لي كضرر بهاد زوااج هواا لولااد ...تعيش بلا اب اكفس حااجة ...الاب هوا لي كيغطي هوا لي كيحمييك من ديااب زنقة ...الاب هوا لي كيكون طالق جنااحو لييك *
*
هيبة:صافي عصبتيها عاد كتبردي
حياة(شربات لماا بهدوء)دغياا كتبرد مشات تسنط لشاب حسني تبرد لجو وطلع ...نهار تشوفني بمحاليي وبورااقي ولحديدة تا نا نوقفها ف فم لباب اتفرح
هيبة:ماشي كلشي كيمشي كي بغينا احيااة هي ردي بالك
حياة:اوى صفات بقيتي ليا غير نتي تعطيني النصاائح
*
سوايع كيتقرااو او غيتة اللور جابدة تيليفونها مكونيكطية معا بدر
غيتة:راني فسوااايع هه منقدرش نخرج اويلي
بدر:وغير نشووفك دغياا هاني حداا الدار لي مقابلة مع لمقر
غيتة:دغيا وصلتيي ههه واخة صبر عليا شوية ونجيي
بدرر؛متعطليش
جمعات كتوبتهاا وناضت توقفات مولات سوايع وقالت:غيتة ...فيين غادياا !!
غيتة(قربات عندهاا كتألم )فيا لوجع خاصني نمشيي مدرت والوو
...صافي سيريي
نزلات من لمقر كتمص فشفايفها باش يحمارو لابسة سورفيت وسبرديلة كحلة وضافرة شعرها جنب مشات لجنب الدار لي مقابلة معاهاا بان ليهاا بدر كالس على موطوروو ولكارو فايدو ..جرها عندوو باسها من حنكها وبغات تبعد
بدر:رصاي شوي
غيتة:راه قريبة لدار ايشوفنا شي حد عفااك
بدر:ركبيي نمشيو لجرييدة لي هناا
غيتة:اويلي لااا ...منقدرش غير خليناا هناا
بدر:نضرب بيك دويرة فلموطوور دغياا
غيتة:ونرجعوو دغياا !
ركبها فوق لموطوور مطلعة قزيبتها لفوق عاجبها لحال كضحك ..ضويرة فلموطور بليل ونخواا داخا فالشاارع وجابهاا او وقفوو ورا لمقر فزنقة خاوية هي ضو زنقة بعيد ...جرها عندوو وبباسها من شفايفهاا وضحكات ؛مالك ...اول مرة
غيتة:ممم نتا اول واحد
بدر:عجباتك ههه
غيتة(ضحكات كتبعد فوجها وجرها عندوو تخللات ايدو وسط شعرهاا او جرها عندوو باسهاا قبلات متتالية ف فمهاا وهيا تحلات ليه وساحت تقول طالبة عليهاا
بدر:شناايفك مااروخة
بعدات حنوكها حومر وهربات كتجري وتزنيكة طالعاهااولفراششاات كيفرفرو فكرشهاا
يالله وقفات ضربات الدورة لمقر بانت ليهاا اقبال نزلات من كموبيلتهاا بدا قلبهاا كيضرب وتخباات ...
خرجات قبيييلة ولا سولات عليها ايقولو ليها لي غيكل وهيا يالله فاتهاا ...
ضرباتها بجرية وسط ديور فاتجاه الدار كتقفقف ليوم نهار ميطلعش معا اقبال وكتفكر فشي كدبة تعطيهاا اتنحرهاا ...
فاتت الجامع بشوية تبان ليهاا حابر غادي لدار عاد خارج من جامع ...
كتفك من واحد كيبان ليها وااحد يالله بغات تهرب رجعاات ...هوا بعداا كيحين فيها شوية وكيتيق كدووبهاا ويقدر يفكهاا
غيتة:جاابر ....جابر (شدات كرشها وغادية سخفانة ضار جيهتها وقطع تيليفون مكمش عينيه فيهاا
جابر:اش كديري هنااا ...وقت سوايع هادو لاا
غيتة:هءهء كليت شي حاجة وضراااتني فكرشي وخرجت من سواايع قبيلة هءهء
جابر(قرب ليها طافج )اش كليتيي ؟ ...فين كليتي هاد لحراام تانييي ...ياك تبريت منك من ماكلة الزنقة ؟ مالك رااسك قااسح اغيتة ماالك
غيتة(كتعصر فعيني)شربت هي راايبيي ملي بغييت ندخل لسواييع ايي
جابر:تقدري تمشاااي مجبتش الطموبيل ...صبري نعيط ل اقبال ...نهزك جيران ايحلو فمهم تالرجليهم ...اجي اجي هنااا الموصيبة (دارها تحت باطوو مع قصيرة علييه حطات راسها على صدرها كدور فعينيهاي كي لحية وهوا كينمشى بيها بشوي وتيليفونو ف اودنو
جابر:ااه اقباال ...فينك
اقبال:فييين غنكووون فييين....هاد لبرهوشة متمشي تاتصفيها ليااا ...نص سااعة باش خرجات من سوااايع فين زاادت وفدار مكاينااش ؟
جابر:وهي بشويةة ...هاهيا معاياا كاتليك كلات شي حااجة وضراتهاا (هبط راسو فيهاا وقرصها فحنكهاا بايدو لي محاوطها بيهاا )فينك اجي ديهاا راه مقادراش تمشاا
اقبال:انا غنجيي ...غنهرس لمها رجليين باش كتمشي
جابر(ضحك)حربووش تقيسي بحيليسة
مسافة الطريق كانت كلاكصونات عليهم وغيتة قلبها غيخرج من بلااصتو ديرها على كلشي ولكن اقبال وحياة مكدوزهاش عليهم
حل جابر لباب لقدام وركبهاا وسد لباب وقال:فوتي عليك ماكلة الزنقة ...يالله تصبحو على خير
اقبال:تصبح على خيير ادكالي
زادت بطموبييلتها وغيتة حطات راسها على لقدام تاع الطموبيل كتوجع تحساات بضربة فرااسهاا قفزاتهاا ...تجرات من شعرها من اللور تغوتات
اقبال:ملي لواحد كضروو كرشوو ...غتعيطي لياا نجي نديييك (زادت ضرياتهاا لراسهاا)لاش معمرة ليك تيليفونك
غيتة:هؤههءهء والله تضراتنيي ا اقبال وكلت لاتمشيت اتفووتنيي
جراتها من ودنهاا كتبكيي وقالت بتحديير:شوفيي اغييتة ....هاكاا ولا هكااا ندمك ...سمعتيينيي
غيتة:هءهءه ااه صافي طلقي ضريتينس هءهءه
اقيال:هادي داازت بحال لي سبقوها مراا خراا وخة تحضري لياا لي تحت لرض ماشي غير جاابر ....ندفنك حية متششوفينيشش سااكتة هااه ...اخرتك على ايديي ابنت لغالية
جوج تاع ليوم لموالي ...كانو دايرن كسكسو ومجموعين عليه حياة واقبال مكيهدرووش ميكين على بعضياتهم
الغالية: هيبة زيديني كويس لبن يرضي عليك
هزات اقبال عينيها فيها وتكمشات كتسووط :واش كتقلبي على تفرݣيع الغالية !! خلينا هانين الله ارحم باك مافينا لي يجري فسبيطارات تانيي
حياة:مييي ...غيجي واحد السيد يخطب نهار السبت
الغالية:وشكون هداات ابنتيي تنعرفوه
هيبة:علاه فين عمرهنا عرفنا لي كتعرف
حياة:اتسكتي ولا غنخشي لمك وجهك فهاد لقصرية
هيبة:بنادم مصووفج وباغي يمشي لبرا اخرتك يسيفطوك فكولية
غيتة:غتمشي لبرااا
حياة:ها غيتة غدا مقاريااش تعاونك بغيت كلشي يكون هوا هداك
غيتة:راني ماشي حمار الشييخ ....نتي تزوجيي وانا يتهرسو ليا ضفاريي !! (قلبات عينيها)مكنعرفش نشقااا (وقفات)هاني مشيييت
اقيال:دي معاك فطريقك طبسيل لجاابر وسيري
غيتة:واخة
مشات لبسات حوايجها ودارت لعكر ولماسكارا فصالصااك وهزات طبسيل مغطي بمنديل ونزلات فدرووج كتغني
غينة: طال غيابك اغزالي راكي طولتي فلغربة ...توحششتك ادلالي عليا وعلاش الغضبة ...ننننن ننن
كدندن ولكيت فودن وحدة مشات لدار ودفعات باب دار بترمتها لقاتو محلول وطلعات فدرووج كدردب وقفات قدام باب لعود منقووش كضرب برجلها تاتحل لباب
جابر:نعل طواسل مك ....ماالك
غيتة:ايدي عاامرييين
جابر:داك زمر لاش دايرينوو(اشار ليها لصونيت لباب )اش داكشي
غينة:كسكسوو شنو غيكوون لحم الىااس !!
جابر:حطيه فلكوزينة هاي جااي
دخلات لدار كانت نقيية وفيها ريحت جافيل وصاني كروا ومهوية ...حطات الطبسيل فوق طبلة تاع الزااج وضايرين بيها ربعة لكراسا من لعوود من صنع ايدوو كتوسط طبلة سربيتة مشبكة فوقها طبسيل تاع ديسير
جابر(دخل لكوزينة كيمسح ايدوو )كلسيي تغداي معاياا
غيتة:اويليي غيمشي عليا لحاال
جابر:كلسيي راك مداخلة تال 3 ..
جرات كرسي كلسات وجاب هوا جوج معاالق وحيد سربيتة وقال:ممم نتي لي مصايباه
غيتة:وشنوو مالك حكرتيني كنعرف نطيب
جابر:لگلب !! شي حاجة خرا محال
داق منوو وقال:كي صباح كرشك شوية
غيتة(هزات بنانة من طبسيل كتاكل فيهاا)ممم شوية دازني لحال
جابر:(هز عينو فيهاا كتقشر فلبنان كيرمشش فيهاا تهزات عينها فيه )جبت ليك شي حااجة اتعجبك
غيتة:شنوو هه
جابر:نوضي شوفي فالصالون حدا الطبلة
ناضت بلا عكز كتنقز لقاات بورت كلي على شكل قطيطة مزغبة فلكريي ضحكات ومشات كطير عندو كان ساهي فطبسيل تعنقااتو من اللور باستو فحنكو وقالت:شكراا اخوياا احح نتا لي كتفكرني ههه
فرح بتعنيقة وضرو خاطرو من خوياا ...فعا خوها وعمرو بين ليها عكس هاد لكلمة من ديما كيعاملها بحال شادية وكتر ...ولكن قلبو خاانوو وضعف ...ضعف قدام نزوتوو ..تنهد وقال:بصحتك
غيتة(ركباتها فسنسلة تاع الصاك ادو )جات واعرة مع الصااك... انا مشيييت انتعطل
حرك ليها راسهاا بااه وهرجات كتجري ...
صونا تيليفونو ابييل فيديو وتبسم وجاوب كلاه بلقرعة تاع لماا وكمل غداه وقال:لبرهووشة !!
شادية:هههه بزاف علييك ...اش كتااكل كسكسوو ؟ ممم شهيتيني فكسكسو خالتي لغالية بنين
جابر:غمضي عينيك لتحكيها
شادية:هههه لا لا هي ضحكت ...اوى مزال معولت
جابر: اش نعول اختي ...واش متقل عليكم نتي ولحااجة
شادية:اشمن متقل اجاابر ... ديما كنفكر لييك واش تجي عيان من لخدمة وطيب وتجمع الداار !! راه خااصك تزوج
جابؤ:ان شاء الله
شادية:ممم ولاا (ضحكات )عينيك فبنت الغالية
جابر:دخلي سووق رااسك شوية
شادية:الله اهدييك راه كلشي بااين ....لمهيم انا واقبال عايقين بلقاالب شي لاخر منعرف
جابر:شكون قاليك اقبال عارفة !!
شادية:داكشي كيعرفوه هي لبناات ههه ...وزرب خلااص شنوو غتبقا تسناا يااك غيتة قربات تكمل تمنطاش بقات ليها غير شي شهورة قلال
جابر:شاادية ...لي كتهدري عليهاا رااه مزاال صغيييرة بزااف حيدي هادشي من بالك ...وزايدوون انا صعييب عليهاا مغنتفاهمووش ايدي سابقاني وغنصدق خاسر مع اقبال ...اللهم بلااش التيساع رحمة
شادية:كون بغيتي تيسااع كون راك مزوج وبولادك داباا
جابر:قطعي قطعيي ...نتكا شوية
شادية:وفينمااا دويت معاك تقطع علياا وااخة عقل
قطع عليها كيضحك وكمل ماكلتوو ناض غسل الطبسيل ومسح الطبلة من بقايا كسكوو كلا شوية الديسير ومشاا لبيتوو لي عاد دخلو جديد بلعود فيه ناموسية او ماريو كبير بلعود كلو بزااج او لكوافوزات هوما لي مزال مكاينينش ضلم لبيت وتكا يرتاح شوية...
**
82
بدلات حوايجهاا بتيشورت بيج من لخيط خفيف ومشبك وتحت منوو شوميز بيضة لاصقة معااه وطويلة عليه بشوي وسروال دجين زرق رشات لقليل من بارفان خفيفة ديالهاا فقط وكتافات بهاد القدر تدخلات هيبة وصفرات
هيبة:هاي هاي هاي فين غااادياا
اقبال:علااش !!
هيبة:والوو غير هاد تيشوورت مكتلبسيهش فلخدمة
اقبال:مموعندي شي غرض
هيبة:امين!!
اقبال:الى فيك لفضوول ييالله معاياا
هيبة:ههههه هي ضحكت معاك (جات وراهاا وهزات لمشطة كتمشط ليها شعرها )خليه مسرح تيجيك غزااال
اقبال(شافت فلمرااية وشعرها مسدول على كتافها برااحة )وخة ....نتي مخدمااش
هيبة؛صونيت لنسرين علمتها بلي مرييضة منجيش مقالت والوو
اقبال:واخة كلسي رتاحيي ....هاني مشييت
هزات سوارتها ولبسات سبرديلتهاا ودازت من حدا حيااة لي مكيهضرووش ...
مشات لمحال هزات طموبيلتهاا..ومشات قدات اغرااضها ورجعات لمحل ...حتى وصلات لخمسة تلعشية وصونا تيليفونها بنفس نمرة لبارح
اقبال:وي
شهيد:مناويااش تبااني
اقبال:نتا خدام معانا ولا شي دولة خراا !! ...راه لخمسة هادي
شهيد؛وحنا درنا مع الربعة
اقبال:كضحك عليا داباا
شهيد:نتي لي كضحكي علياا ... نجي ندييك داباا
اقبال:لا شكرا عندي طموبيلتيي
شهيد؛بزعط اختي راه لحمار ودار الدار
اقبال: بصحتك الله ايزيدك من عندو
شهيد:مقبولة منك ...فينك
اقبال:قوليا فين نتاا ...هاني جاية داباا
شهيد؛ممم ف كافي *** خارجة شوية على لمدينة
اقبال:سيفط ليا لوكاليزاسيون فلواتسااب
شهيد؛راسك قااسك نجي نوصلك ...واخة ها هيا غنسيفطهاا
فعلا قطع معاهاا وهزات طموبيلتها لي داتها لفاج غسلاتها رجعاتها كتبري مافيها خدشة وحدة وخة ديجا شراتها بونوكازيون حافضات عليهاا ... وصلاتهاا لبلاصة فين كااين وعرفاتها وتقصدات ليها نيشاان ...سايكة بلعقل ومحتارمة لقوانين ....قدام قهوة قدامها شجيرات او نباات وطريق خضرة وقفات بلاصات طموبيلتهااووجبدات تيليفونها كتصوني ليها وكتسد فالطموبيل
شهيد؛وصلتي هانا لفووق
اقبال:واخة ...
قطعات معاه ودخلات لقهوة لقات السلام على سرباي لي جا فطريقهاا وطلعات درووج كتقلب بعينيهاا كان فلقنت دنيا خاوية لفووق ...شافها او وقف كيضحك حال ايديه ...لابس سروال دجين روق وتيشوورت بلو مارين وفعنقوو كاشكول بلو مارين غليض شوي
شهيد:بيلو
جاية متقصداه والضحكة لي دار جاب ليها الضحك وحال ايديه علىاساس تجي تعنقوو خلاتو منشوور وجرات لكرسي وقالت :كتفرج فلهن د بزاف اشااروخان
شهيد(صحك)ههههه واخة اكاجول كلسيي ههه
كلساات وكلس قدامها كيضحك وكيشوفيها وقال:لا لا كبرتيي وخرجو لحنيكاات (قرصها فحنكها تضرباتو لإيدو )ههه
اقبال:الناس كتكبر ونتاا باقي صغير فعقلك ؟ شد ايديك شوية
شهيد:شووو شكون كيدويي هههه(غمزها )عقلتي ولا نفكرك
يالله بغات تهدر وقف السرباي عليهم
شهيد:كافي نواغ او نتي ا بيلوو
اقبال: بحالك
مشا السرباي وسكتو هوا كيضحك وهيا مربعة ايدخا كتشوفيهوودايرة رجل على رجعدل
اقبال:هانا جيت شنوو بغيتي
شهيد:متوحشتينيش زعمة ؟؟ غير شوية غير شوية باش ميبقاش فيا لحاال ههه
اقبال: بلعمااا
شهيد: ماشي هدشي لي بان فعينيك (غمزها )حسيييت بيك ابيلو
اقبال:كيدايرة لالة مينة لبااس
شهيد: تحمد الله ههه اش غيخصهاا اعجووبة فنفس لمدينة وعمرنا تلاقيناا كون ما صدفة
اقبل:كتوقع
شهيد:قولي لياا ...شنو درتي فهاد 16 لعاام ...شنو تزاااد شنو نقص توحشت جموعك ا اقبال والله (سها فيها)من وراا مامشيتي مخليت فين قلبت كنت ديما كنتسنااك حدا لمدرسة ونسول صحاباتك على الله شي وحدة تشووفك ...سرطاتك لرض
اقبال:كنتي تقدر تمشي لحدا مدراسة لبنات ديما كنكوون تمااا
شهيد(عض على فموو )الصراحة مامشيتش ...كنت كنقول بلي حتى هوماا خرجو منهااا ...تحنا بدلنا السكنة من ورااكم ....وملي شديت لبااك مشيت لسباانياا كملت قرايتي وتبعت الصيدلة ...قريت خمس سنين وخدمت تماا عامين ...الصراحة كونما لواليدة ولواليد بقاو عليا باش نرجع كنت محال واش نشووفك داباا
اقبال:ممم شحال ونتا هنا
تحطات لقهوة وشكرووه ومشاا وقال:شي عامين دابااا ...ليكسبيريونص خديتهاا وحليت فارماسي وخة كان صعيب فاللول مصاريف كتييرة وضطرييت ناخد كريديي ولواليد لهلا يخطيه عاونيي او حليتها الحمد لله الصمعة زويينة والتعامل زويين ورضاة لواليدين واقفة معاناا
اقبال:مزياان
شهيد:ونتي
اقبال(كدور فخدمتهاا) مالي اناا ....مدرت والوو من داكشي لي حلمت بيييه ...ماشي ديما زهر فصفك ...ولكن الحمد لله على كل حال ...خدمت صغيرة فلميكانيك تقريبا نفس لعاام ...تعلمت وتقاتلت حتى اناا باش نجمع رااسي وتقاتلت مع خوتاتيي ...درت لمحال دياليي ودابت خداامة لحمد لله...
شهيد:انصاف!
اقبال(تنهدات)انصااف ....مبقيت عرفت عليهاا والوو غبروو وغبرروها خطرة واحدة ...
شهيد: ولغالية معارفاش زعمة شي حاجة
اقبال:لغالية عارفة هي تعطي بنتها الله اهديك ...نتا معارف والو على لي داااز ... عندي هدف واحد هوا نلقاا انصااف مباغة من الدنيا والوو هي شمل خوتاتي يتجمع ...منكدبش عليك خاايفة منشوفهاش بااقيي ...مبغاتش تحيد من باليي صورتهاا اشهييد (تنهدات دورات وجها لجنب كاتمة غصتهاا تحسات بايدوو تحطات على ايدها وشافت فيه
شهيد: ان شاء الله غتلقاايهاا ...ربي مغيخيبكش
هزات ايدها ومسحات على زجها ورجع ايدو لبلاصتوو وقالت:ان شاء الله
شهيد(جبد من جيب لمونطو جوا بيض وناض كلس جنبها قريب ليها كيضحك وقال)نوريك شي تصااور يامات كنتي لاصقة فلرض
اقبال:ههه متقولش ليا باقييين
شهيد:باقيين ههه هانتي ...شو كي كنتيي
وراها صورهم تحت الشجرة فسااحة ادليسيي لايح عليها ايدو ومصورها كيضحكوو ...ولا مصورها بسروال عريض خارجة ليه الركبة وشعر شاد الريزوو ولا فوق لبيكال
شدات على فمها كضحك وقالت:والله تحشوومة عليييك ههههه
شهيد:ودابا دافعة كبيير نسيتي ياام سروال مقطع من الركبة وترسكو كبر منك
اقبال:ههههه لا منسييتش ههه
شهيدربع ايدو كيشوفيها كضحك وقال:حتى انا منسيتكش...وربي شاهد
شافت فيه وضحكاات وقال:اوى عاودي ليا عليك نتيي شنوو اخبارك كاين شي عريس ههه
اقبال:هههه لااا والصراحة مكنفكرش فهادشيي داباا
شهيد:علاه نتي وامين مامخطوبينش !!!
اقبال(تنهدات)واش داك صااحبك متندو ميدار ههه فيه شي فعايل هي ديال لعصاا ...تخيل جا لدار بلا ميقوليا والو ودوزتهاا ...وعاود تااني كيتصرف على اساس مخطوبيين
شهيد:ونك مبيناتكم واالو على هاد لحساب
اقبال:او مغيكونش ...امين الله اعمرها دار اه ولكن صعيب انا وياه نتفاهموو هوا كيفكر فشكل وانا فشكل
شهيد؛المفاهمة هيا كلشيي
اقبال:مشاا لحاال خاصني نمشيي
شهيد؛حشوومة علييك ....مزال مكلسسنااش ...
اقبال: نص ساعة وغنمشيي ...اجيي لواليدة ديالك كانت حااملة شنو ولدات
شهيد:ااه ههه ولدات واحد لبريهيشة مصدعة ليا رااسي عندها 15 لعام داباا
اقبال:الله اخليها ليك شنو سميتها
شهيد: ملاك
اقبال:تبارك الله الله احفضهاا
شهيد(جبد تيليفونو )اميين ...هاهياا
وراها تصويرة كانت معنقة سيدة خمسينية بشعر زوينة فوجهها وكدالك ملاك واخيدين زينهم من مهم وقالت:ماماك هيا هيا متبدلااتش بزاف
شهيد:اجي موريتينيش لبناات
اقبال(جبدات تيليفونها هيا الاخيرة كدوز فتصاور وقال :هادي حيااة
شهيد:زعرة كبرات ههه
اقبال:او هادي هبة ...او صغيرة هيا غيتة
شد تيليفون كيضححك وقال:غيتة كبراات اش هاداا شعرها طوييل تبارك الله هههه كتبيعو لكيلوو ولاا
اقبال:اوى كل واحد وعلاشش جاتو ههه
شهيد:هادي هيبة (سكت شوي )مزوجة لاا !!
اقبال:لاا لا نوحدة مزال متزوجاات علاش باغي تنااسب
شهيد؛مكرهتش ههه سولتك حيت شفتها لباارح فالصيديلية كان طايح ليها الطونسيون ...او كان معاها واحد سيد احسابلي رااجلهاا
اقبال:شكون هداا
شهيد(هز حاجبوو وجغم من قهوتوو )كيجي بزاف لصيدليية ههه تخيليي معاياا هوا من النوع لي كتشدو لحكة فعنقوو كيقول لمووت انجي !!
اقبال:كيفاش
شهيد:معرفت ميي جاني موسسوس بزااف
اقبال:معرفت يقدر يكوون لولد لي خدام معاهاا
شهيد:نوو هداا اجي شوية ...تكون ععندو ديك ربعين عام كااينة
اقبال(سكتات كتنهد )ممم معرفتش ...هوما كبروو باش نبقا تابعاهم باركة عليا هي غيتة مشيبانيي
شهيد:هههه اوى اش ديري صبر داباا تكبر
اقبال:لحاصوول خاصني نمشيي
شهيد(وقف وحط لخلاص فوق الطبلة)وخة منشدكش كتر
تمشات قدامو وهوا وراها كيقاد فلكاشكوول ومرة مرة يكحب تنزلوو داير ايديه فجيبو وكيشوفيها باعجاب لهاد الشخصية لي عندهاا كتبان معقوولة وداخلة سوق راسهاا ...بصح زماان كيربي وقفو قدام طموبيلتهاا وقالت:يكما نوصلك
شهيد؛بنت لخيير شنو كتحشي لهدرة عندك طموبيل !!
اقبال: واايحساب ليا باقة عندك هي بيكالة كل خطرة مبيسة روايض
شهيد:هههه هاديك لبيكالة ركبااتك تاعييت وهزات شكااير تعياات باقة عنديي مسخيتش بيهاا عندها دكريات زوينة ههه
اقبال:الله اخليها لييك ههه ...غنمشيي دابا واش نوصلك
شهيد(اشار ليها بحاجبو لطموبيل لي واقفة فجنب فلون كحل عالية شوية )لا عندييي
اقبال(شافت فيها وقالت)مزياانة ديال براا
شهييد:سييي ...لحديدد هنا غالي بزاااف عواض نشري وحدة بتمن طالع وموديل عادي اللهم ناخدها من بلاصتهاا وكبيرة ...كنخلص هليهاا ف الديوانة ...وملي تسالي كنمشي نبدلهاا وندخل وحدة جديدة
اقبال:ومالك فهاد لعدااب كامل
شهيد:داباا هاد لموديل ملي مشيت لاميزون لقيتو زاايد عليها ب خمسة لمليون حاسبين عليك باش اتجيي ...علاش منمشيشش ناخدها من بلاصتها بتمن قل...تما لحديد كتير مكيكونش غالي
اقبال:ممكن ...نخليك
شهيد:فرصة سعيدة لي تلاقيت معاك ا اقبال (تبسم ليهاا وهز ايدوو رجع ليها زغيبات ورا عينيها تبعدات وضحك)محسوسة يلاطيف
اقبال: لا تيقة فيك اولد مينة كتغفل
شهيد(بغميزة)كوني على باال لقنات مضلمين عطاهم الله
كتحل ف الطموبيل وكضحك وقالت:برهوش
شهيد(داز من وراها غادي لطموبيلتو ونتفها من شعرها ترجعات اللور وقال)برهوشة ...
شدات شعرها كتخنزر فيه اما هوا مشا لطموبيلتو ركبات فطموبيلتها كتسخط عليه...
**
كالسين فالصالوون كيتفرجوو والغالية حداهم
حياة: لمفوور الغالية مديريش فيه لعطرية حطي لملحة او لكامون راني باغة لورااق تاع برا ماشي وراق لحبس
الغالية:طيبتيي ليا رااسيي صافي بغيتي هي ماكلة جنون انديرووهاا
هيبة(شادة تيليفونهاا)وشنو اديري ليه فديسير صوبة مسوسة ؟
حياة:نحطو ديسير بياكلو هيا هاديك مبغاش لهلا يدوقو لييه
هيبة:ههههه حياااة تخيليي معااياا يلالة تزوجي بييه حتى كتصدمي بلي مزوج تلاتاا وعندوو طاشمة تلبرااهش
حياة:نعل دينمو هدا لي ندب عليييه ...انا كنبكي على لفلوس غير لفلووس جمونفوو
الغالية:وعندااك تمشي لهيه وتنااسيناا ريال هوا اللخر متسيفطيه نعرفك سقرااامة يابنيتي
حياة:نشبع انااا ونسيفط ليك اخبي تخافيش
ضحكات هيبة تصونا تيليفونهاا باسم صديق وناضت من حداهم فاتجاه لبييت وسداتو وقالت :الوو
جاها صووت لحرش كيبان فصوتو معصب فهدرت. كاكل لي سمعو يقوول يالله واقف من مداابزة
صديق:هيبة صافاا
هيبة:صافا الحمد اله ونتاا !! كتبان معصب ؟
صدييق؛لا لا عاديي ...فينك فداار
هيبة:اه فداار
صديق:مم مخرجتيش ليووماا ؟؟
هيبة:لاا طلبت مولات لمحال على ليوم باش نرتاح ...علاش
صدييق؛هي سولتك ...منسولش ؟
هيبة:لاا حاشاا
صديق:ممم غدا خداامة
هيبة:غدا السبت فلعشية مخدماش او عندنا خطبة ديال ختيي
صديق:ااه ؤك الله اجعل كلشي مبارك ومسعوود ...عقبة ليك
هيبة:هههه امين
صديق:مالك ضحكتي !! معجباتكش هضرتي ولاا
هيبة(بزربة)لا لا حااشة هيي قلتي لعقبة ليك قلت اميين مقصدت والوو حتى نلقاوه بعدا عاد نتزوج ههههه
صديق:ممم زعمة مافحياتك توااحد
هيبة(تنهدات)لاا
صديق:كتنهدي ؟؟ ولا هي حاب لي الله
هيبة:هههه الله اهديك قلت ليك لااا علاش انتنهد(شدات جبهتهاا مفقووسة )
صديق:احساابليي ...هيبة ضروري نشووفك من بعد واخة
هيبة(تكات على لماريوو)سمح لياا ...ولكن انا مكنخرجش مع من كان شنو بيناتناا !! ياك طلبتيني وخرجت معاك مرة وحدة صافيي مكابن لاش كل مرة نتلقااو
صديق:وداباا عجبتينيي ...لمرا هيا لي متخرجشش مع من كاان حيت كتبقاا مراا ولمراا تحتارم راسها تيجي ولد نااس لي يغطي رااسهاا ....اسنعيني اهيبة اناا راجل حقااني ...مباغي تصااحيب مباغي دوران فزنااقي ...شفتك عجبتيني ...وناوي معاك لمعقوول خاصك هي تمشي معايا نيشان مكنحملش قوة تلاويي
هيبة(هزات حاجبها)فيا تلاوي !!
صديق:حاشاا كون فيك مغنعمرش معااه اهيبة ومبغيتوش يكون فييك ...لهدرة كتيرة نتلقاو ونكملو هدرتناا !!
قطعات معااه كتحلل فتصرفاتوو ساطت ومشاات تدخلات غيتة شادة كرشها زصفرة و لاحت الصااك
هيبة:مالك تاني ؟
غييتة:لوجع هننن اووف
هيبة:سيري تكمشييي تنقوليك ملي تقرب لييك لبسيي حواايجك
مشات لبيتهاا وشدات كرشهاا كتبكيي وتعض فلمخااد تجابت ليها هيبة كاس لحليبب بزعتر شرباتو وغطاتها ودفااتهاا وخرجاات ...
دخلات اقبال لاخيرة رمات السلام ومشات بدلات حوايجها طلات على غيتة ومشات لصاالةة مقابلة مع حياة اما لغالية وهيبة فلكوزينة كيطيبو لعشاا ...شوفيا نشوف فيييك اطاجين لحووت
حياة:بنادم مكيبغيش لخوه لخير
اقبال:تيكون داك خوه كيفكر بعقلوو ديك السااع هضرة خراا
حياة(ناضت كلسات حظاها دايرة مخدة على حجرهاا)علاش مبغاش تفهمينيي ...واش اناا السيد شغلي فيه كبير ولا صغير باغة نظيرو فبورتكليي
اقبال:كتخربقيي ساليناا
حياة:بيلو وهانتييي هي سمعييي
اقبال:نتي لي سمعينيي ...حياااة هاد الافكار لي فرااسك ايخرجووو علييك لا وباش مكملاها باغة تولدي معاه باش ضمني لحقوق داك لولد مفكرتيش فيييه يكبر بلا باااه !! لاا وزيدها مو دارتو طريق والسلااام ....تفكري مزياان ملي بااك هرب وخلانااا تفكري السينااريو لي بيه كبرنااا الالة حياااة عاااااد فكريي تولديي
حياة:الحياة كتستمرر اختيي انا ماشي لغالية مغنلوحش ولدي بهاد التفكير لي عندك لتزوجتي محال تولدي !و هدشي لي بغيتي تقولي
اقبال:اش جابني انا لهدرة انا مغنولدش باش نتسما ولدت ...نهار نفكر فلولاد انكون بصح قااادة بيهم وغيعيشو حسن من لي عشت اما لذفتهم ايتكرفصو فمكاين لااش ...دابا حنا فيك مضربيش الدوورة واخة !!
حياة(برجاء)وعفااك هاديي ياربحة يا دبحة الى مصدقااتش عمريي عمري فحيااتيي نجبد ليك حس براا ولا شي فلووس اراي لقراان نحلف بييه ...لا لا ماموضيااش ها...ها على قولت الله اكبر لعا كيادن ...غير هادي احيااة انا راه لمشفتش لكور ومدينتهم انحماااق انتسطااا ابيلو فهمينيي...كحل الراس مبقيتش حاملااه
اقبال:ضبرس لراااسك احياااة ....غنتبعووك فهادشي تنشوفو فين اتلووحنا هاد الزوبية
حياة:لشي فيلااا نشااااء الله يااربيي ولعساس بلكلب والطموبيل لمهيرة نشريها ليك احبي ....هاا علااش باغا نقوود فحالييي واش الرووز الرروز غديرو ليناا لقبط تفوو
هيبة:الى معجبكش نوضي اختيي شمري على جيبك زعلى ايديك وجيبيي متحنجري ...نتيي راه ضسرتي
اقبال:ااه فكرتيني ...شكون هداك لي كنتي معاه لبارح فالصيدلية !؟
هيبة(حطات لمعالق)شكون قالها لييك ...هداااك هوا لي عاوني ملي طحت فلمحال سيتو
حياة:عاونك فلمحال موصلك تالحدا الدار غادي بييك لسيدلية ...شكون هدااا
هيبة:دخلي سووق جوواااك
حيااة:داخلاه كيتك نتي لي جاا يضحك عليك المدلووولة اجي حيديخا ليا من فمي
هيبة:اقباااال ....دوي معااهااا راه غنوضها معاهاا
اقبال:شكون هدااك اهيبة
هيبة:تاحد ا اقبال صديق وصافي
حياة:علاه مفراسكش واحد لمتل !! بو ق** معندوش فلقامووس ديالو شي حاجة سميتها صدااقة مع لانااتش
اقبال:بنادم طوب وحجر
حياة:مكاين هي لحجر شي طوب مشفنااه هههه طلكي طلكي نتقلو لمعدة بهاد الروز تفوو ماكلة لحبس ...فين مك
هيبة:مشات تصلي وغيتوش ناعسة
تجمعو على طبسيل ترووز بتلاتا تلحقات عليهم الغالية تكلفات اقبال وغسلات لمااعن ومسحات التلااجة كيف عادتها فكلل اخر سيمانة تشوف اش خااص لحم خضرة ديسير مواد تنضييف الخ...تقيد كلشي فدماغها باش تقدا من جديد ...هيا لي هاازة الداار ولبناات خلصتهم مكدخلشش فيهاا من غير حياة لي مرا مرة تقداا شي شهيوة مرة فشهر ملي تفووبر على رااسهاا اما متحطهمش اما هيبة خلصتها يالله كافياها بين طرونسبوور ولبسة فشهر كتلقا لمانضة طرطقاات ...
*"
لعشية تاع ليوم التاالي الغالية مخشية فلكوزينة او خياة واقفة عليهاا كي لمردة نقصي لملحة نقصي السكر زيدي لحم
الغالية(لاحت لمغرف)لقداااار لعور اش غنطيبوو لهاد الرااجل لخرااا !و كلشي مسوس كلشي باااسل وكليه ترااب
حياة:ديري لي قلت مافينا لي يتجارا لسبيطاراات ...تي مالك دروك عاطيا شي حاجة من جيبك ؟؟ تعصبينيش الغالية
هيبة(طلات بحوايج لخدمة عاد دخلات )غواتكم من راس الزنقة هاحاي ...
حياة: اتخليوني نطج قبل لوقت اووف
خرجات ولفوطة على رااسها دخلات لبيت جرات كرسي قدام لمرااية كتقاد حجباانها وطراسيهم حيت شهبيين مكيبانوش بزااف دارت ميكاب خفيف ولبسات قفطان خفيف على طايتها بلا حزاام عندو جوج فتحتا فجنااب مقيزب شوية وفيه مجدوول فلخصر فلصفر جاها رووعة
هيبة:لي شافك يقول اتموتي على زواج
حياة:انموت على لفلوو اما زواج وهمو خليتو لي معندو شغل بحااالك
هيبة:باااز ...وشنو هاد السيد ايكلس معانا حناا !؟
حياة:لاا ايجي جاابر كيعرف يهدر لايسحاب لييه ماوراياا رجاال
**
لتحت فداار جابر معاجبو حال واقف مع اقبال ورا معاودات ليه لبلان مربع ايدو وكالس على كابو تطموبيل لابس مونطو كحل وسروال دجين
جابر: هدشي لي كدير حياااة معاجبنييش
اقبال:كل شاااة كتعلق من كراعتهاا عندها 25 عام يعني كتفرق وتميز واش نبقا تابعاااهااا ....خليهااا تمشي نجرب هاد لغربة لي مدوخة ليا راسي بيها من نهاار بلغاات
جابر:على الله بصح دير عقلهاا
اقبال: ضبر لمحاينهاا نصحتها نبهتهاا لي عليا درتوو شمزال ندير نضربهاا؟
هوما كيهدروو تجااية غيتة كتجر فصندالتها فطريق خاشية راسها فالتيليفون كتفرنس معااه بقاا جابر متبع ليها الشووفة لاقي حجباانو لابسة بوودي مزير بلكول فلغوز بب او سروال طاي هوت ...كيطرطق فصبعانوو وكيشوفيه الاخيرة هي شافتوو وقالت:لقرع مباغيش تربي شعر
جابر:تانربيك نتيي ...خارجة بهاد سرواال مسرولة بيه
غيتة:هء راه سروال
جابر:طلعي فحالك طلعيي
طلعات كتدند واقبال كتشوفييه وضحكات وقالت:طلع نتا نيت
جابر:اهيا اجي نسولك ...امين فرع لياا رااسيي بالتيليفوون مالك معاه
اقبال:هاد لمراا لصونا ليك قوليه اقبال مباتش تهدر معاك اسيديي انا حرة واش نجاوبو بزز وااا طلع ليا فصحتي
جابر:وششنو داباا اتبقاااي لياا باايرة فطريقيي مغتزوجيش وتعطيني شبر تيساااع
اقبال: ياك المرضي اوى حلم
ضطلعات قدامو وهوا وراها كينكر عليها سلم عليهم ودخل لصالوون كالس مع الغالية كتسول على الحال والاحوال
الغالية:اوى اجابر امتا حتى نتا نفرحو بيييك
غيتة:ويلي نتوما هي لي كلستو معاه بغيتو تربطووه
جابر:زوااج ماشي قينباا ديال حاولي حتى يتربط ...غير مزال لحال شوية وصاافي مكرهنااش
*
حياة(فتيليفون)ممم وصلتي لشاارع ! دور على الليمن اتبان ليك واحد الصيدلية فلقنت...اه اه عادييك اوى دخل نيييشان مع الزنقة تالحدا لبلاكة تاع لخيااط (نزلات فدروج ولات لباب بلقفطاان كتبان عرووسة وقفات طموبيلتو قدااش قدام الدار وكتشوف فجيراان فشراجم تفووح بلحديد ...
نزل محمد محمل فايدو بواطات مغلفيين لابسس قميجة بيضة وسروال توب مهبطوو مع عندو لكرش نضاضر تشووف ومقاد لحيتو لبيضة مرتبهاا ...شاف حيااة وتلف تقدم جيهتها ب بوكي ديال لورد بيض او لكادوات وقال: الله اكبر
حياة(ضحكات بعنج)مزال لعشا مدواا
محمد:قلبي لي دوا ازينت لبنات
حياة:اوى دخل مرحبااا بييك
طلع درجة وسلم عليها من حنااكهاا وحلات ليه لباب ودخلات ورااه كتعبر فييه وتهز فكتافها ...شارف وهارف وانا مااليي لمهيم جيبو ششباب
دخلو لقلب الدار وقالت:ماما
خرجات الغالية من لكوزينة كتمسح فايدها تكتاافجئ بهدا لي جاابت هاد زينت لبنات لاقل يكون كبر من بااها بسنين
الغالية(مدات ايدها)اا سلام اسيدي مرحبااا
محمد:ترحب بيكم جنة
خرجات اقبال وهيبة من لبييت ...شافووه وهيبة شافت فاقبال لاخيرة مبيناتشش تبسمات عادي وقالت:مرحباا دخل
محمد:شكراا
مد لهداياا ولورد لغالية ودخل وقف جابر باحترام وسلم عليه وخة معاجبو حال رحب وعاود وحياة كتخرج عينيها فجابر وديارة صباعها على فمها باش يضحك ويطلق لبشرة
جابر(بتبسيمة)مرحبا سي محمد انا فمتابة خو لبناات
محمد:دوات ليا عليك حياة مشرفيين ....
هيبة(فلكوزينة مع اقبال وغيتة والغالية )اويلييي ا اقبال هداا راه ماما وكبير عليهاا
اقبال:نجري علييه !! السيدة عاجبها لحاال
الغالية:لوااه لوااه الرااجل اش نقولو لييه عمي ولا خوياا ولاش
غيتة(شادة تيليفونها كضحك معاه)انا بعدا انقوليه عمي ههههه
هزات اقبال الصينية وحوج طباسل تلحلوة وحدة مسوسة ولخرا خلوة براد مسوس وبراد حلوو حطاتهم جنب جابرر لي تكلف وكلسات حداه تبعاتهاا الغالية بطبسيل عامر فااكية وتمر كلهم كلسو من غير غيتة لي شادة لحتيت ولغرام مع بدر فتيليفون
محمد:احم بلا شك حياة قالت شنو سبب الزياارة
الغالية:مرحباا اولد اسيديي حم
ضحكات هيبة لي مبعدة لتيسااع ايدها على فمهاا وحياة كتحلف فلغالية
حياة:سي محمد هاد لحلوة راه مسوسة وصيت ليك عليهاا
محمد:لهلا يخطييك
جابر:ويني اسي محمد شفتك جبتب بووحدك
محمد:اوى اش نقولييك لواليدة لي مهمة الله ارحمها ولخوت مفرقيين
حياة:غير نتا فيك لكفاية
اقبال(شافت فيها بتخنزيرة ومدات ليها لكاس تاع اتااي )لا رد
تفرق اتااي والغالية او محمد تشاركو فبرااد او شي كيشوف فشي حياة كل خطرة هازة ليه الطبسييل لعند فمو كول هادي هاك هاادي هشيشة زوينة وجابر كيهز فحاجبو ويتنهد معاجبو حال هادشي
محمد :ان شاء الله تعالى تجمعي وريقاتك نتكاتبو ونمشي نطلع ليك ورااقك فلحين
حياة:ولكن اسمحمد صدااقيي ...
محمد:كلامك هوا لكبير ولي بغيتيها قدام لعدول تحضر...
جابر:اوى ملي نتوما مفااهميين منزيدوكم هي لخير
محمد (حط لكاس)نقراو لفااتحة على بركته
هزو ايديهم كيقرااو لفاتحة وسلاوها بامييين وهزو كيسانهم لحضة بدات كتسمع كحبة محمد خفيفة شوية تسمعات مجهد مبقاش كيقدر يطلع النفس تجيف ولا كي شهق
الغالية(عطاتو لماا )اميمتي الرااجل ايمووووت
حياة(بلا متحس خبطات جناابها)ورااقي مشااو
اقبال وقفات ودفعو الطبلة يشوفو السيد مالو مع بيض ولا حمر كي ماطيشة وعينيه خرجوو
اقبال:تنفس مزياااان ....تنفس
محمد (كيشهق مخنوووق وعطاوه لمااا )
جابر:ماالو اش وقع لييه كان بخير
هيبة:بقات كتعطيه فلحلوة لحلوة باغة تعلفيه
حياة(صفارة)سكتييي سكتييي نريش مك سكتيي ....سمحمد تنفس مزيان يعطيك ستر انا مزاااوكة
محمد ىكح كح كح اححححح (بسوت مبحوح )لمااا لماا كح كح
جابر(كب ليه كاس لماا ومدو لحيااة شرباتوو )بشوية عليك
محمد:حممم صافي شكراا ...سمحو لياا كح كح كح لحلوة نشفات ليا فحلقي
اقبال:واش بخير بعدااا
محمد(كيسرح فحلقوو )لا لا بخيير حممم
حياة:خلعتيني عليييك
محمد:انا بخيير متخلعييش
جابر(بسوت مسمووع مخنزر فحياة ترجع اللور )سي محمد شي كويس تاتااي
محمد:هي نصيص برااكة حم ...
حطو للعضاا لحم لمعزي مفور وشلايض وطبعا شلاضتو ريجيم بلا ملح ...ياكل ويشكر فطيااب وحياة حاضية معااه ليكشي يتجيف ليها تااني وهيبة هي تشوفيها وتخرج لساانهاا جنب وتعوج رااسها تجاتها ضربة من جاب رمن تحت الطبلة تضحكاات ورجعات لمااكلتهاا ...نسالا لعشا وتحط ديسيير كلا منو شوي فقط وحيد ...
محمد:تنين ان شاء الله تكوني وااجدة !!
حياة:صافي تنيين ان شاء يكونو موجودين
مسح فمو وناض ؛هدا لوقت خليت ليكم لخير (شاف فلغالية )نسيبتيي
الغالية(ضحكات)لخير معاك انسيبي هههه
خرجات معاه حياة وجابر لبراا ومشا هوا لدارو
محمد:غدا ان شاء الله نجي نديك تختاري شنوبغيتيي الالة لبنات
حياة:ههه ان شاء الله هي حك يبك دهازي غاالي
محمد:تحاجة متغلا علييك ههه تصبحي على خير
**
كتمد هيبة لغالية الماعن كتزيفهم بزيف ووغيثة تتغسل وتنكر:يخخ شي يتخطب وشي يغسل على قلبو الماعن
هيبة:جري يا تاعس لسعد نااعس هههه
الغالية:اويلي على هاد البنت جلسات تا جلسات جايباه ليا تيترعد هي كي تيليفوني
هيبة:(كتمد ليها)خليوها بغات الشارف هه خرتها بحال سعدية لي فلالة ننانة تدير ليه ليكوووش
دخلات حياة على مسمع هضرتهم وقالت كتعوج:ليكوش ديؤيه لكمارتك اما انا غتوخر ليا سايقة شي رونج لهيه فدوك جوااايه
غيثة:ختي شوفي انا تنغسل ليم الماعن ديال خطبتك عنداك تنسابني هي ضبري علة رااسك صيفتي لياا هاد النغرب مبقا فيه مايداار ماعطاني والو
دخلات اقبال وقالت:اش عطيتي نتي للبلاد ..قراي لي ينفعك داكشي لي تما راه هناا
حياة:اختي اللعاقة تماا تتشاير
هيية:واش الغالية كنتي كتوحمي على الفلوس فاش حملتي بيييها
الغلية:(لمطات فمها)معقلت كااع اري تي داك طبسيل..قوينا الماكلة فلخر نقب ليا من الخضرة كي قنية وزاد
حياة:الغالية براكا من النكير
هزات هيية الصينية عطاتها لمها وقالت:السالبة السالبة
ضحكات غيثو وكملات:واسلباااني يا بنت ميييي
الغالية:هههه وخاطري هانييي لا حبيبي لا من جاني
هيبة:وطالقة الساالف وبين رجليها يخالف
الغالية(غلب عليها الضحك)واوخدة شاارف ههههه وفيه بو تفتاااف وشاارف ههههعع
خزرات حياة فيهم وبفات تغوت وهي تنقز الغالية هزات جوج معالق ةبداات تتغني بصوتها الشجس لي مدا منو الزمان والو:واطاالقا السالف وبين رجليا يخاالف وواخدة شاااارف
ردو كلهم من غير اقبال:وفيه بوتفتاف وتالف هههنه
حيااة:الحسسسسد
شدوها طرح عليها كتملييين الغالية تتضرب ولوخرين تيردوو واقبال ميتة بضحك :واساليااني يابنت مي ..واطاالقا السالف وبين رجليا يخالف وواخدو شااارف وفيه بوتفتاف وتالف
شدو عليها طرح كيغنيو والغالية تضرب وغيثة تشطح كلعوها عليها مزيااان وهي تتغرق ليهن تا سالاو تيضحكو وهي تجي عندهم معصبة وقالت:داك شارف هو لي غيخركم من عيشة الذل
اقبال:عيشة الذل نتي لي بغيتيها اما حنا حامدين الله بلي عندنا
هيبة:بقاي تشوفي لفووق تيجي لي يهرس لمك عنقك
حياة:دابا تشوفوني ندير لباااس وديك ساعة غنيو علي ديال بنت الفشوووش
هيبة:نغنيو عليك (رققات صوتها)انا لي عطيتووو شعري حتا خبلووو لياااا
غيثة:تزوج ماقالها ليا
حياة:تفووووو
الغالية:سرنا حيت وقفنا معاك الله يمسخك ههه
كانت اقبال متكية على لباب كضحك تصونا تيليفونهاا هزاتو كضحك وشافت نمرة امين وسااطت ..خرجات الاخيرة من لكوزينة غادية لدوش ورجع صوناا وجاوباات
اقبال:دويت معاك !! فوت نمرتي ا امين شنو لي مفهمتيش فهادشي
امين:شوفي الى مخرجتيش عندي دابااا غندير الشوهة قدام داركم اقسم بالله تنديرها
اقبال:يااك !! ولبنا فشغل لبراهش اسي امين
امين(تهدن)سياتوبلي اقبال ...خرجي نهدرو جوج كلماات وسيري ديك السااع
اقبال:واخة صبر انهبط
غسلات سنانهات او يديها وزادت على سورفيت لمونطو ديالها وخرجات شافتو واقف هوا طموبيلتو فراس الدرب متكي عليهااهي شافها ورما لكارو لي شاد وعفط عليه شافتو وكحلت بلعماا يالله قوقفات وقالت:و ايدها بلكاارو !! ها انا شنو باغييي
امين:علاش مكتجاوبيش بسلامة ؟
اقبال(مسحات عينيها)وعلاش غنجاوبك بسلامة !!
امين؛كيفاش علاش ؟...زعمة راه حنا مخطوووبين
اقبال:شنووو تاا شكتخربق علياا لمسا الله !! واش مشاربش دواك ا امييين ...انا ويااك مبيناتنا والوو ومنصلحوش لبعضياتناا هي جوج ...نتا كتشرق انا كنغرب وصعيب نقبل زواج ملاوط بحال هكا
اكين:دابا انا ملاوط
اقبال:شوف اميين ... انا والله مكنفكر لا فزواج ولاا نص ....عطينيي شبر تيسااع عواض ضيع وقتك معايا عطا الله بنات النااس وعطا الله لي تمشيها كيف بغيتي انااا لاااا لااا وخة طير وتنزل مامشينيش بكلااامك ....شنو معنيتها نناا لي تخطط ونتا لي تقرر انا مونيكة ؟ تنبان لييك مجر فينما كنات ليك اتحركووو
امين:راك فاهمة الامور غلط
اقبال:فااهمة لي خاصني نفهمو ...وداباا سير الله اعرضك السلامة وعفاااك لباقيش تجي عنديي عطا الله لي يصااوب ليك طموبيلتك من غير
كان تيليفونها كيصووني فجيبهاا كل خطرة جبداتو بغات تشوف شكوون تانتروو من ايدها بجهاالة وقال:انشوفو شكون لي مصدعك من صبح الله
اقبال(تعصبات)طلق لخرااا هنااا بلا شووهة
امين(كيهز تيليفون لفوق وهيا كتجر ليه فايدو )خليني نشووف مالك معصبة
اقبال:امييييين اتعطينيي زمر دابااا ولا غنجمع علييك قووم ربييي اراااا تيليفووون
محس برااسوو تاتشنق عليه وتردح على طموبييلل
امين:شهيد !!
شهيد:عطيهاا تيليفونهاا مالك ف فعايل لبرااهش
نتراتو اقباال من ايدو وهوا مصدووم فيه
اقبال(كتنهج وهزات صبعها على امين)لاااااخر مرة سمعتي لااااخر مرة تحط رجلييك هنااا ولا مغيفكني معاك غير لبووليس
اميم:صاافي اشهيد طلق
طلقو كيقاد فلقاميجة وقال منيرفيي ؛واااخة اقبال مقلتي عييب
غادي بغا يركب وتفكر شهيد ودار عندوو وقال:شكادير هناا نتاا ؟؟ امتا رجعتي من فرنساا !! او اش وصلك تحط ايديك علياا
واقف شهيد كي لعادة لكاشكول فلعنق وشعروو مرجعو اللور مرة مرة يرجعو الريح لقداتم مخنزر بدوك لحجبان لكحلين عامريين وقال:سير بدل ساعةبعشرة امين وخلينا زوينين !!
امين:باغي نخيااب
شهيد:خيوبيتيي صعيبة علييك تهدن وخلي الاموور بخيير ...يالله سير شرب ليك شوية لويزة باش تهدن وتنعس (غمض عينيه )يالله ا اميين سير
بقا كيشوفيه وفديك نبرة الاستهزاء فصوتو رجعو بحال دري صغيير مرضااش واقبال واقفة كتشوف تاد خلفة مع طريق وخبط لباب وزااد
يالله بغات تمشي اقبال حبسها شهيد وقال: بيلوو
اقبال(رجعات ليييه )شباااغي تنتاا
شهيد:مال ديلمك بغا ضربينيي ؟...توحشتي لعصاا
اقبال:نتا لي موحشها بان ليااا ...لاش جاي !!
شهيد:كنت داااايز وقلت نشوف خالتي الغالية وبنااتهاا
اقبال(كمشات عينيهاا)مسكيييين لا لا مصوواب معندي منقوول ....تمشيش فحالك لا !!
شهيد:شنو فيهاا هههه منشوفش خالتي الغالية
اقبال:خالتك لغالية جي شوفها بنهار مقلناش لعيب اما بليل هي بلااش ....داري اشهيد مكيدخلش ليهاشي راجل من غير جاببر
شهيد:شكون هداا
اقبال:مشغلكش ....داري فيها غيؤ لبناات 29 عاام بعقلي معضربهاش لياا نتاا فزيرو باش تشوف خالتك لغالية
شهيد(ضحك)ههههههه شو لبرهووشة تعلمات تدوي (قرب جيتدهتها وبعدات خطوة اللور)زعمة مفكراتكش هاد الضلمة فشي حاجة
اقبال:صراحة كعندي عقل واقفة مع زلال بحالك
شهيد(هز حجبانو فاقصها) مال هاد.زلال كي جااك ههههه
اقبال:سير الله ارد بييك
يالله بغات تمشي جرها من ايدخا رجعها وقال كيضحك:مالك ازمر على سبة !! ...جبت ليك شي حاجة
اقبال:شنووو
شهيد(بطنز)عطيني بووسة ونقوليك
شهيد(بطنز)عطيني بووسة ونقوليك شافهابغات تنتر وزير عليها كيضحك وحل كويرة وقال :ههههه صافي صافي ميضحك معاك حد معقدة
جبد كتااب وقالت:شنشو هداا
شهيد(مدو ليها )حليه
اول حاجة قرات لكتاب اخر اصدار لاحلام مستغانمي شهيا ك فراق
شهيد(بصوت خافت رجولي ) تفكرت بليي كيعجبووك لكتوبة بزااف ....وجبتو لسك معاياا
اقبال(شافت فيه وقال)شلا حوايج كانو كيعجبووني
شهيد(تبسم بتسامة عدبة مبين سنانو لبوويض )داكشي لي كان كيعجبني مزال كيعجبنيي علاش نتخلا على شي حاجة عاجباني !
اقبال:زمااان ولوقت كيخليك تنسااا اشهيد
شهيد:سيري منشدكش الليل هدااا ...نشوفك مرة خراا
اقبال:ان شاء الله ...تصبح على خير
شهيد:سلمي عليهم
اقبال:جي بنهاار وسلم عليكم بووحدك
مشات وهوا بقا واقف وراها كيضحك وقال:تعلمتي بعداا لمسمن ؟؟ راه كيعجبنيي مع براد تاع اتاي بنعنااع .(شافت فيه بمعنى منيتك)وشنووو باش كتكرمو الضيف بجفاف !!
اقبال:ناس كتكبر ونتاا كتصغار
شهيد: الحمد لله هههه
مشات كضحك وهوا رجع بلور كيضحك تعطاها بضهروو ومشا لطموبيلتوو ...
دخلات لدار لقاتهم طافين ضواو وساهرين مع فيلم فالصالوون مشات لبيت بدلات عليهاا وكلسات فقراشهاا هزات لكتااف وقبل متقرااه شمااتو ورجعات شماتو كتأكد وضحكات ؛بنادم باغي يلسق ريحتو بزز ههه (رجعات شماتهاا منتااشية بيها ريحتوو مجهدة وقاسحة شوية كتخليك مدمنة ليهاا عكس روايح لخفيفة لي ديغيا كتمشيي
بتاسمات وفتحات اولى صفحات لكتااب. كتقرا فيه ومستمتعة بدكريات لي كتزورها مرة مرة
**
لم يدر الإنسان أين يواري جثمان الذاكرة، فاخترع القصائد والقصص والروايات لتكون مقبرة للكلمات.. ثمّ وقع في كمينها.
أحلام مستغانمي, شهيّا كفراق
Tags:
حكاية أنثى