عند مول دهب واقفة بطولة وتجريظة سروال دجين وبودي لاصق وفوقو مونطو خفيغ وشعر مسرح زعر ومحمد حداهاا
محمد:يالله ختااري
حياة(عضات على فمهاا )ممم جبد لياا هاد لخاتم(حاطة ايظها على زااحة)لاا لي حداااه ...لاا لا شفتي داك صغييور ...لي على ليمن ديالوو
ءء هدا !
حياة:اااه هوا حطوو ليهاا وكط ليها موديلات مشابهين لييه كلسو فوق لكرااسة كتقيس فاسديهاا وتحط ومحمد مقابلها شوفي هدا حسن ...هدا زويين ...تيبان كبيير
حياة(ختارت خااتم عامر حجر فيه جوج واحد على شكل تااج فلبنات حجر والتاني فيه كورة كبيرة عامرة حجر وقالت)هدااا لي بغييت (ورات ايدها لمحمد)زويين ياك
محمد:زويين ...شريف شحال كتقول فييه
**اراه ليا نعبروو هد النوع شوية غاليي مع يالله بان هاد لمودييل او فيه لحجر بزااف شوية
حطو فلميزاان وقال :70 الف الحااج
حياة:او ديك السنسلة ؛ ولحلقاات
حط ليها لخاتم وجبد السنسلة ولحلقات جرباتهم ولبدات عينيها وقالت:تهادوو ؟
محمد:واخة شوفي ليا حتى هادووم(شاف فحياة)شنو مزاال !!
حياة(بغنج )كترت عليك !
محمد؛الله اهديك راك مراتي درووك
البائع كيعبر ويشوفيه ويشوف ف حيااة شاابة فريعان شباب زويينة وربي عاطيها الزين ولعرنين كي لجوهر ومزوجة بوحد يكون كبر من باهاا ؟...اشمن جيل هدا طمع قتل بناادم ولاح راسو للهلاك باييديه ؟...شمن حياة مع رااجل دوز حياتووو وباغي هي يرتااح ...باز والله تبااز
هدشي كامل دار فعقل لبائع وهوا كيحرك راسو بلا حزل حط السنسلة ولحلقاات وقال؛ض160 الف ريال !
محمد:ممم (بدا كيجبد فشيك )
البائع:لااا اسيديي مكنخدموش ب شيكات ...كاش
محمد:وااخة جمع لياا هدشي عفااك نمشي نتيري دغياا ...فعلا مشا لبانكة خرج لفلووس ورجعو وحياة منفخة وقال:مال زين ديالي
حياة:شووف نتااا !! ...فين نبالة لي قلتي لياا ولا صافيي
ضحك تبانت لخوية فضراسو اللور وقال:صاافي هدشي علاش قالبة علينااا ...فاش جاتنا ها نبالة نشريهاا لمرااتي (حط ايدو على فخضها وبعداتها
حياة:اوى لاا ...شد ايدك تاتكتب عليا عاد نكون مراتك
محمد:حاااارة احياة
وقفو قدام دهايبي من جديد لقاه وجد ليه لخااتم ولكولي وحلقاتو فبواطة وبداو تقلاب على نباالة
حياة:شوف هاادي ! زوينية
حبدها ليها ودارها فايدها كانت رقيقة من جيهت الساروت او عرييضة ومشبكة كاملة من لفوق فيها حجيرة لوسط بيضة وقالت:بغيت هااادي اسمحمد حمقاتني
محمد:جمع ليا حتى هاادي
البائع:واخة
عبرها ودارها فلبواطة ديالها وجمع لحسااب وقال :مليون وتمانين
محمد(جبد بزطامو كيحسب زرقة على ختهاا وحياة عاجبها لحاال وغادية بمقولة فين يباان شبابو ولا شيبوو قدام جيبوو )الله اربح
*بصحة والراحة
خشا ليها لبواطات ف صاشي هاصة بلمحل وشدها محمد وخرجو وقال:اوى دابا دهازك هوا هداا !!
حياة:لهلاااا يخطيك علياا ارااجلي لعزيز هههه
محمد:بصحة ورااحة ...نمشي نتغداو فشي بلاصة
حياة:لاا لاا عيييت بدوران من محال لمحال يالله نمشي باش نوجد راه غدا نتكااتبو
محمد:لي باان لييك ازينتهم هاكي هلي عندك هادوو ...وغدا ان شاء الله انركبهم ليك ملي نتكااتبو
شداتهم:شووووكراا ...
وصلها لداار ومشاا طلعاات كتنقز فدرووج لقاتهم عاد تغداو وهيبة كتلبس فسبرديلتهاا
حياة:سلااااام
هيبة(هزات راسها وهيا محنية على سيور)شفتك متغديتيش مع عمي نسييب
حياة:عمي لمك لبصيرة (كلساات وحطات صاشي )احااي عييت
غيتة(نقزات لصاشي وهقات)ناري ديلمك شحال تاع ليواطاات
الغالية (تحنات)زيدشي نشووف
جرات حياة لميكة وقال:دهاازي !!
الغالية:ايوااا يلالة دهازك دهب
حياة:بحالكم
جبدات كتوريهم تدخلات اقبال لقاتها لابسة نباالة كتشالي بيهاا ولخاتم كيباان فايدهاا اماا السنسلة ولحلقات منهدروذ عليهم لفرييع
اقبال:حياة ودهب !! اعجبووة
حياة:نخبي بيه لفوووس ....تنبيع جد بووه شي نهار
اقبال: شحال كتلبسي فوجهك
حياة(كتحل فنبالة)والله احبي ميجي قدك اما معطيه لييك
غيتة:ناااري يااختيي شهر تلفتي السيد ولا تاابعك كي لمنونخ ....شرا ليك فيترينا تاع دهب فنهار واحد !! ...اجي يكما يكون غباار ولا كيبيع لبنات
هيبة:لقاا تا صحتوو بقا ليه غير لحشيش ولغبرة ههههه وتي هوواا سلو جيفوو ...كانو غيهزونا جنلة لحبس
الغالية:اوى ابنتي احيااااة مزهااارة ميهمش الرااجل لمهيم جييبو
اقبال:هادي هيا النصيحة لي تعطيهااا !!
الغالية:هء وش نقوليهااا زعمة لقلت ليها احياة هدشي مهواش ادير بيييه
اقبال:تخربيييق والله (وقفات )دنوبكم على رااسكم ...هيبة نوصلك !!
هيبة(حكات ودنها)لا لا بلااش انمشي تالقيصارية نكمل لفلوس لسيد عاد ندوز لخدمة
اقبال:وخة هاني مشييت غيتة !!
غيتة:داخلة مع الربعة ابب
خرجات لخدمتها كي لعاادة وتبعاتهاا هيبة كان لجو مايم شوية ولبرد محرك رجعات زادت عليها تيشورت تاع لخيط عريض ولبسات ميني بووط بلا فنفس لون تيشور وصاكهاا ...
يالله وقفات فالشارع لقاتو وااقف ...تبسمات لييه وهوا متبعها من الشرجم ومشاات دارت وركبات جيهتوو وقالت:يكما تعطلت
صديق(حيد نضاضروو)تعطلتيي بزااف اهيبة
هيبة:سمحليا عاد قدرت نخرج
صديق:شنو دابااا عارضك يااك
هيبة:ههه ولكن منتعطلووش ...بزز مولات لمحال خلاتني نكلس تالربعة غير قلت ليها عندي رونديفو مع طبيب سنان هههه
صديق:داكووغ ..
تبسم ليهاا وشد طريقو لاحضات لحيتو لي مرة كيكون فيهاا الشيب مرة كيكون مخبي بسوااد ميا فلميا كيصبغهاا ...حركات فمها مامسوققااش توقفو قدام مطعم وءسط لمدينة ...نزلوو وعيننيها كيدوروو يكما يبان ليها عمران فشي قنت من كترت ما كاع لبلايص كلسات فيهم معاه قربات تولي معروفة فكاع لقهاوي ...ولكن هاد الريستو جديدة ريحاتها عمرها كلسات فيها معاه تبعات صديق تدخل كانت عامرة شوية بحكم وقت لغدا هدا جر كرسيي ودوز ايدو على طبلة وتاكد.من نضافتوو وقال:كلسي
كلساات وهيا كتشوف فحركتو من بعدما جبد كلينيكس مسح جيهتو عاد حط مرفقو على طبلة مع تيليفونو ونضاضرو
صديق:شنو تااكلي !!..ناخد ليك على دوقي (مد ايدو لسرباي وقال)صاحبيي
هيبة(يالله هزات لموني تقرا رجعات حطاتوو كدور فعينيهاا بين طبالي او هوا كيعطي فطلب وعينيه فيها فين كتشوف حتى سالة وقال:فين كتشوفي !
هيبة:مم لا والوو هاد ريستو جديدة
صديق:مم ماشي بزاف باش تحلات ونقيية بعداا ...فصراحة مكنحملش نااكل براا غير جابتها لوقت
هيبة:وشكون كيطيب لييك !
صديق:بووحدي ...مبايناش فيا كنعرف ههههه
هيبة:هههه غير زعمة رجال مكيعجبهمش طيااب
صديق؛وشنو عرفك نتي فرجال عاشرتيهم !! ياك خوتاتك هي بناات وباك مكااينش فين عرفتي رجال كيطيبو ولا لا
هيبة:عاادي (ضحكات مزيرة) شنو طلبتيي
صديق:تيجي وتعرفيي ...كيبقيتي شوية ! طونسيون تقاد
هيبة:ممم شوية
هز تيليفونو من بعد مجاه ميسااج وبقا مطول فييه حطات مرفقها على طبلة كتشوف فواحد لكوبل قبالتهاا وكل لي كالسة قدامو بإيدو وطاحت ليها من فمهاا وكيضحك ...سهات وضحكات ومع الضحكة هز صديق عينيهيه فيهاا وميل راسو لجنب شااف فراجل وراه وكحل بلعماا وشافيها بنضرة قاصحة وقال:فين كتشووفي ؟؟
هيبة(قلبات عبنيها جيهتو وقالت)لا واالوو
صديق:تبسل عليك ياااك دويي
هيبة(باستفهام)شكوون !! صديق فين غاديي
كان دفع لكرسيي بجهد تهز لي وراه عينو فيه محس براسوو تشمق عليه ولبنت ناضت شااهقة وهيبة عاد فهمات وناضت كتجريلعندوو
صديثة:مكفاتكش هادي لي حداك اولد ل** هاا
...اشكاتخربق طلق اصااحبيي مالك
...طلق منو واش حماقيتيي
هيبة(صفارت )صدييق اش كدير ناس كتفرج فينااا (حاولات تجروو والوو
صديق (دفع السيد على لحيط وخشا ليه بونية فلوجه ناض لغوات وسرباية جاو كيجرييو معرف السيد باش تبلى كان هاني تاتسلط عليه هاد كحل لعفططة بكروشي لوجه
هيبة(شهقات)صديق اش كدير
صديق:مزال متزااااادش ولد لمرالي يحط عينيه على حاااجتي سمعتي الكلب
لبنت شافت فهيبة وهيبة افت فيها كتحلف:والله اختي مكاين والوو راجلك مشافش فياا هدا فاهم لموووضوع غلط
صديق(بجهالة )يااك كيضحك ليييك هاا بعيني شفتك
...واش نتاا مريييض ولا ماالك انا كالس كنضحك مع مراتييي اش وصلني لييكم بنااادم موسوس غير فحوايجووو تفوو ...امل يالله فحالنااا ....
الشوهة لي دار ليهاا والزاس كلهم كيشوفو فيهااا عمرها تنساهاا ...زربات هزات صاكها كتبكيي وخرجاات خلاتو مزال منوضهااا بزز بغا يرجعو شافيها لا وكتر من هادشي رجعها ديالو ملكو بلا موجب شرع
غادية كتزرب كتبعد قدر الامكان تسمعات سميتهاا من وراهاا بصوتوو باات تقطع طريق تجرهاا بعنف من درااعهاا ...رتاطمات بصدروو وقال:اهء اهءء طلق منيي كضرنيي
صديق(بلغوات)مخلياني تاابعك كي شي برهووش !!
هيبة:ونتاا اش درتي رجعتييي كنرضع فصبعي كلشي كيشوفياا
صديق(جرها عندو مخرج عينيه لكحليين بديك النضرة لخارة كيخلعوو) وعلاشش كتكركريي ليييه هاااه مامقنعكش انا لي قدااامك لاش تشووفيي فييه ملي كلستي وعؤنيك كيدوروو
هيبة(بغوات)عمينيي وتنها واش منشوووفش
صديق؛تكوني معايااااا شوفي فيااا عينيك فعينييي اهيبة رااه نقتل بناادم على زيݣزاك
هيبة:هءهء بعد منيي متشوفيا منشووفيك خليني عليييك منين تءلطي علياا هء هء
صديق(زير عليهاا)حطيت عليك عينيي اهيبة مبقا فين نبعد ....دابا تهدنيي وهلينا نهدرو بلخااطر
هيبة(كتنخصص ولكحل سال)متحط علياا لا عين لا رجل هءهءه بعد مني خليني نمشي لخدمتي
جرهاا من دراعها لي قريب يطيرو وهيا كتنتر تداها لطمووبيل حل لباب وكلسها بزز هيي خلاتو دار بغات تحل لباب لقاتو مسدود من برا اوطوماتيك وضرباتو بجهد حتى شدات ايدها كتلعن فزهرها لمكوز
صديق(ساط وجبد كلينيكس مدو ليها)مسحي وجهك ولا حالتوو ببلكحل وخلينا ندويو
شداتو من عندو بنترة وجبدات مراستها كتمسح وتنخصص وهوا حاضيهاا تسالات وقالت:ديني لخدمتي عفاااك ولباقيش تبان قدامي
صديق:مكايناش شي حاجة سميتها مباقيش تبان قدامي ....انا حطيت عيني علييك ولبغا الله غنحط فسميتي وديك السااع يشووف فيك شي قواد نحرووو برب تنحروو
هيبة:بزز !!
صديق(خرج عينوو)بزز ومت بزز (ديمارا اللوطو وهيا ضارت جنب كتسوط )مسحي مزال تحت عينيك مزال لكحل !
شافا فيه وسااطت وقالت:خليه عاجبني
ضحك وقال :تانتي عاجبانيي
مجاوباتوش باقي وكمل طريقو كيحز فيها
***
فلقسم كانو عاد دخلوو كالسة غيتة او حنان فالصف لوسطاني الطاولة الراابعة كتهمسس ومتكية على الطاولة كتهدر مع جوج دراري قبالتها فصف اللول
غيتة:وغييي ندوووق
حنان:وغي شوية
....ولا دار ليك شي موصيبة !! نمشي لحبيبيس اناا
غيتة:راك باقي قاصييير اوجه الاصلاحية !! ...وطلق ليناا لخرا ندوقوو
...عطيها اصااحبيي راه لصقة
الاخير جبد طريف تاع لمعجون ف طريف تاع ميكة لوااه ودارو فكاغيط وقال(بهمس )هاك شدي
غيتة:لوح لوح لي سمعك يقول عاطيناا صندوق الدولة ...كنان حضي لاستاد
مدات ايدها وكل خطرة ترجعها ملي لاسناد يعطي بجنبوو ليهم غير يرجع يكتب فسبوورة وتمد ايدهاا يالله لاحو ليهاا باش تشدوو ضار الاستااد وطاح داكشي فايد غيتة
:اش داكشي ؟؟
حنان:ناااري قفرناها تااااني
غييتة (دارت. فكم تريكو )والوو ا استااد ...والو
حط الطبااشير وجاي لعندها ولات كتصفار وتخضاار ودراري قربو يطلقوها فسراولهم بلخلعة ...شافتوو جاي وخشاتو تحت لقيمار ودفعاتو لحنان باش تشدوو
....وقفو بجاات !! (بحدة )وقفووو
وقفوو وكلشي دار كيشوف فيهم وقال:طلعو داكشي
غيتة:استاااد اه مكاين والوو
جرهاا بنترة كيقلب فجيااب الطابلية وهز صاكهاا كيفلي فيه تطاح لعكر ولماسكاراا وقال: تشيااخت من درووك
طل لتحت وطل تحت لقيماطر وبان ليه طرف تما هزو وطاح قلبهم وغيتة كتوعد لحنان لي ولات كترعد
...لمعجوون البرهوشاات هاا
غيتة:مااشي دياليييي والله مديالنااا مشفنااهش ياك احنان
حنان(كتببكي) مديالناااش وحق القران الكريم
....مهدي عيط ليا على المدير دابااا يالله
مشا كيجريي والاستاد كيصبن فيهم وجمع معاهم تالي لاح ليهم طرف ...
دقائق معدودة دخل لمدير كيتسائل هي شاف غيتة كحل بلعماا
م؛ اش دارو تاني هادوو
...لا لا هاد لمرة ضساارة وتزقزيق نسااوه دازو لمعجون نيشاان
غيتة(بدموع وعصبية)واش بززز ماشي دياااليييي
جاي بغا يطرشهاا وهربات اللور وقال:عيني عينك البرهوشة كتكدبيي هااا
م؛اناا صافي عيييت من هاد لبساالة ديالكم نعيط على واليديهم يديرو حل مزيان تبارك الله لمعجون فلمؤسسة ...تبعونييي لادارة
...انا جاي غندير بيهم تقرير ويسنيو لتزام تلى هاد قلة لحياا لي ولات فيهم
**
عند طبيب لعينين كان ساني فيها بولة كيشوف عينيهاا وقال: لحسسا سية عاود
اقبال:حكات عيتيها )قدرتش نحلهم باقي
د:(كيكتب ليها دوا) علاش مبغاش ديري نضاضر لعام لفايت خرجوهم ليك !! عينيك فلبرد كيوليو حساسين ديما تقطيرة وبماض من الليل الليل وتحميهم من ضو بزااف
اقبال:صافي غنديرهم
د؛نتي من بزاف لي كيجيهم نضاضر شي حاجة تقيييلة على لقلب ولكن راه لمصلاحت عويناتك
اقبال:كنحس بشي حاجة ماشي نورمال ملي كنديرهم
د:تولفي!...عادي الناس ولات كدير نضاضر ا اقبال هي مودا هههه ونتي مشحفاني عليهم عام هداا ....ها انا تانيي خرجت ليك لعباار وشسري كويه وخليه مجموع ..
وقفات كضحك وعينيها شبه حمرين وقالت:كون هاني شكرا
خلصات وفايديها ورقة طبيب مشات لعند مختص ف نضارات طبية عطاتو لعبار وخلصاات وخرجات لصيييدلية فالشارع تماا عطاتهم ورقة طبيب
...كاينة تقطية ولكن لبوماضة نن ندوموندي عليها داباا !
اقبال:صافي عطيني تقطيرة ونشوف فبلاصة خراا ...مزروبة
...داكوغ على كريقك كاين فاغماسي كبيرة فالشاريع اتلقايهاا ضروري
اقبال:شكراا
خلصات وفعلا مشات لصيدلية لي نعتو ليهاا بلاصات تما ونزلات مكمشة عينيهاا لي حرقونا ودمعو من جديد دخلات ولقات السلام على لبنت لي تما وعطاتها لورقة شداتها ودخلات كتقلب بين الرفوف لداخل ...كالات اقبال ايد مع لكونطوار وكتحك فعينيهاا وتمسحهم من دموع تجاها صوتو على مسامع ادانها خلاها تحل عينيها
شهيد: بيلوو
اقبال(هزات راسها فيه مكمشة عينيهاا )شهيد ...هنا فين خداام
شهيد:يكما معجباتكش نبدلهاا هههه
اقبال: لااا اللهم زد وباارك اسيدي
شهيد(ضحك ومد ايدوو لجيهتها )قربي نشووف ...لحساسية
قربات وقال اه حط ايدو على حنكهاا وحل ليها عينيها شوية كيشوف وقال:درتي نضاضر نن
اقبال:عاد حطيت غليهم داباا
شهيد؛ااه داكوغ حسن ... خاولي تبعدي على الصابون شوية او رواايح.. ديري هاد لبوماضة جوج مرات ..مرة فصباح مرة بليل وحاولي تخلي عينيك مسدودين ميم با جوج دقايق عاد حليهم عادي ...تقطيرة خديتيها !
اقبال:اه خديتها
جبدات كلينيكس مسحات عينيهاا وسداتهم كيحرقوها وقال:كلسيي ...كلسي نقطر ليك شوية باش تبرد عليك لحريق
اقبال:لا لا تالدار زربانة
مدهاش فيهاا وخرج عندها بلبلوزة بيضة متنكرش جات معااه بديك التجريدة ولكتاف عامرين ...عطاتو التقطيرة حلها وكلسات فلكرسي قبلتو هز ليها رااسهاا وقطر ليهاا
شهيد:غينيك هوما عينيك متبدلوش
اقبال(ضحكات كتستقبل تقطيرة فعينيها ترمشات بزربة ) مالهم كي جاوك
شهيد(بهمس )كيحمقوني
بعد عليها مخليها تمسح جناب عينيها وغمضاتهم يبردو عليهاا وقال:شوية داباا
اقبال؛ممم شوية
صونا تيليفونهاا وحلات عينيهاا وقال:خليك شوية مالك
اقبال(شافت نمرة الحارس العام وقالت )واش لي عندوو غيتة ايرتااح (جاوبات)وي سي مصطفى ...اش واقع تااني اش دارت (تنهدات ) هاني جااية داباا صافيي
وقفات كتجمع فالصاشية وقالت:شحال
شهيد:صيسيري شوفي ختك
اقبال(شافت فيه وهزات لكرطومة قلبباتها قرات التمن وجبدات ليه لفلوس فوق لكونطوار وقالت: هاد لبليزير ديرو. فلي معندوش ...الحمد لله برزقي
شهيد(ضحك) نموت ونعرف لمن خاارجة
ملاتو وخرجات كترجع فلفلوس لجيبها ركبات فطموبيل وشدات طريق ليسي تاني ...اخر العنقود لي دايرة عليها امل كبير وبغاتها توصل لداكشي لي موصلاتش ليه هياا كل مرة خارجة ليها ب بلان حتى ولا حلمها كيتبخر معاها ....
تفكرات ايامها وهيا كتجيب لبنات من لمدرسة ولا ليسي وتكلس جنبهم وتراجع لفرونسي ولعربية وتنمي عقلها ماشي غير حبساات صافي لحياة تسدات ...دارت سونتر لفرنسية باش متحسش بلي ناقصاها شي حاجة وفعلا شداتها على بزاف لي كيقراوهاا ....كتقراا لكتووب كتحلل ما بين السطوور ...
ودابا كتشوف وحدة معطيها كلشي ...لبس حوايج خرووج ...سوايع ايضافية كتخرج عليها بزبابل لفلوس فكاع لمو اد باش فاللخر ميطلع منها والوو !!
دخلات لادارة هاشية ايديها فتجاكيط فلبيج وشتا كتنقط شوية دقات فباب لمدير ودخلات من موراها كانت سيدة فالتلاتينات جاية كتزرب بجلابة وشعر جامعاه لفوق دخلات لمكتب وشافتهم تاني بجوج كالسين كيبرقو فعينيهم حنان وغيتة
م:اقبال زيديي ...
اقبال:شنو وقع
مزال مكملاتها دخلات ام حنان وقالت:اش دارت هاد بنت لحرااام تااني !!
م:هاد لمرا طغاااو لا طغاو بزااف وصلنا لمعجون وسط لقسم ...هادي ماشي تربية وماشي مزيان لمؤسسة
اقبال(خرجو عينيها وحلقها نشف)لمعجوون
م:ايييه الالة لمعجون هاد جوجات كانو ناوين يدخلو السم لكرشهم...هدشي الى مكانو ديجا مدخلينوو
غيتة:والله ماا
م؛(خبط على لبيرو تاتهزوو بجات بدموع)قطعيي حسك لوالدييك لا نتي لا هيااا ... زايداها بلكدووب هااا
ام حنان:ا استااااد انا بنتيي مديرش هدشي ...كلشي من هاد اللفعة منهار عاشراتها وهياا اللور اللور
اببال(شافت فيها) اشرييفة بنتك وهاد اللفعة اي مصيبة فيها بجوج بلاااا متقلبي لقفة على جيهتهااا
ام حنان:ختك ملقاتش الراااجل لي يربيييهااا وبغات تخرج ليا على بنتي
غيتة:بزاااف عليك ربي هي راسك ....
اقبال:مغنجااوبكش حيت ماشي سواقية بحاالك
م:الالة اااالالة باغة دابزي راه الشاريع كتعرفيه ....هناااا مؤسسة محترمة ...وهادو بجوج بيهم لفعااات ...تربية على جوج ماشي هي على الراااجل ولوكان كنتي مربية بنتك حتى نتييي مكناش نوصلو لهاادشي
ام حنان:من اللخر ا استاااد بنتي تحولها من داك لقسم ياا ندير ليها انتقال لمؤسسة خرا ونهي راااسيي كانت كتقرااا وتجيب النقط تاتلقات بهاد الكنس النااقص
يالله بغات تجاوب اقبال نطق لمدير:لاااا تبارك الله نقطها زوينين كيشرفوووو لا لا كيشرفو نييت ....قبل من هاد تخربيق لي كتقولو بنااتكم غيسنيو لتزاام ....ولمرة جااية الى صدر منهم شي حاجة ...غنضطر ندوزهم لمجلس التأديبي او ها لعام ضاع ليهم (شاف فاقبال) سمعتيني ا اقبال ...انا شحفت مع هاد السيدة ...حياااة كانت مجهلاني بلمضاربة مع الاساتدة ولكن هاديييي قالت ليهااا متعرفي والووو هاد لعام اللخر ليا هنااا ايخرج فيا سكر ولملحة معاهاا
اقبال :مغيتعاودش هدشيي
ام حنان: الانتقال ا استاااد وداابا الله اعطيك ستر
م:غداا اتمشي لقسم التااني ...دابا عندهم فرض(جبد جوج ورااق ومدهم ليهم )سنيو لتزام وتكعدو علياا
هبطو عليه كيتنخصو بجوج ..او وقفو غيتة شافت فاقبال لي شافت فيها بنضرة ديال :خسارة فييك
اقبال:لهدرة ماشي هناا
غيتة:والله هءهء
اقبال(تنهدات)سيري فحالك
خرجات من لمؤسسة باتجاه طموبيلتها تاتبعاتها ام حنان وقفاتها يالله كتحل لباب
**شوفي اختيي اناا دابا قدام ليسي كنتبرا من ختك ...خرجات ليا على بنتييي كانت كتقرا وداخلة سووق رااسهاا ..لبنت ولات هي مشطونة وتشااطي معامن كتهدري احناان ! مع غيتة اماما معامن خارجة احناان غيييتة اماما خرجات عليهاا
اقبال(بهدوء)ساليتي ؟؟
*اه سااليت
اقباال:ربي بنتك لي كنلقاهاا فزنااقي وجراادي مع لباارهش ..عاد جي دويي على غيتة وخة
يالله بغات تهدر سدات عليها باب الطموبيل خلاتها واقفة كشاكشكها بغاو يخرجوو مرضاتش ...
مشات لدار ولمحات طموبيل محمد كمشات عينيهاا وساطت ...طلعات لدار بغات هي تغمض عينيهاا ...صونا تيليفونها وكانت نمرة شهيد وقفات فدروج وجاوبات
شهيد:امضرا الامور بخير
اقبال:لا بخير
شهيد: بيلو بغيت نسولك !
اقبال:نعاام اش بخاصك
شهيد:نتيي وامين ...ديجا كانت بيناتكم شي حاجة
اقبال:وعلاش كتسول
شهيد:وداباا جااوبييي
اقبال:لااا واحد لفترة كنا غنتخطبو ولكن لغيت كلشي حيت مكنتفااهموش هدا مكاان
شهيد:داكووغ
اقبال:شنو لمنااسبة تاع السؤال !!
شهيد: تلاحي فحالك نمشي لخدمتي
قطعات عليه وطلعات فدرووج كتسمع لهدرة تاع حيااة وضحكها مع محمد ..حطات سبرديلتهاا فدرجة اللخرة ولبسات بانطوفة مع تقاشرخا بويض ودخلات تبسمات وقالت السلام
محمد:اهلاا اقبال لبااس
اقبال:الحمد لله(شافت فحياة باش تبعهاا )مرحباا ا سيي محمد
مشات لبييت تاتبعاتهاا حياة
الغالية(قربات ليه طبسيل لحلوة)زيدك حليواة انسيبيي راه ديااال الدار مخفتي والووو من السكر
محمد(هز حليوة)انا غير داير الريجييم مامحيد لا سكر لا ملح هي نااقص وصافي على الطونسيون
الغالية(كتبركم تحت فمها)غااكول محدك بصحتك جات لي تدي عمرك هه اوى مويااان كول محد الصحة كاينة هههه
*
حياة:شكااين مالك
اقبال:هدا ايبقا خيطي بيطي هناا !!
حياة:وهي صبري بقات ليه هاد السيمانة ويمشيي حقا ما حقاا تقدااا وجاا
اقبال:كيفاش تقداا ؟ محتااجييين لقفتوو
حياة(خرجات عينيهاا فيهاا)هااا هاا وسكتيي اتشوهيينا معااه واش نرجعهاا قالييك غدا ايجيب لعدول لداار باش نديرو لعشاا وصاافي لعار هي طمريي
اقبال:اخر مرة يدخل شي زمرة لدااار عمري فحياتييي حتاجييت لراجل يدخل ليا لقفة
حياة:واخة هي برديي واحي كلسي معاناا
اقبال:معندي خااطر وضاريني عييني احيااة
حياة:مالك شنو عندك
اقبال:ما ماليش ففف
خلاتها على خاطرها كتبدل فحوايجهاا ومشات هيا لصالة كالسة مع محمد تا مشاا ...
**
اما هيبة كالسة فخدمتهاا وعقلها مرفوع فينماا تحط ايدهاا متصدقش وا شهاد رجال تواحد مافيه لفرح ؟
شنو خاااصك علاش باغة هاد الرااجل فحيااتك داكشي لي يوفرو ليك وفريه لرااسك بلا مشاكيل ...ساطت من بالهاا هاد الافكار وهياا كترجع لفلوس لكلياان وهبطات راسها لاكيس كدخل فلباقي تاع لفلوس ...ضربات خفيفة بساروت فوق لكونطوار خلاتها تهز عينيها كان صديق مبدل حوايجو على قبيلة ومريح ومبسم بحالا مخاصو خير
هيبة(دورات عينيها)وي مسيوو
صديق:ههههه ولا تااني متكونييش كتشدي فخااطرك بزااف ...فكري فحاجة خراا
هيبة:شنو هياا
صديق(غمزها)كنغيرر عليييك
هيبة:دابا هاديك غيرة !! تشوهني مع ناس غيرة
صديق(تحنا فوق لكونطوار وقال بهمس)مغياار اهيبة (حط ايدو على دماغوو) حطيتك هنااا نديك نديك بسيف عليك هههه
هيبة:نخاف منك !
صديق:تت نكون معاك صريح اهيبة ....منهار شفتك هناا حطيت عيني عليك دابا شهر وانا كنعرفك (شاف ساعتو)6 هادي ...نوضي نوصلك
هيبة:لا بلااش اخوياا كاينين طاكسيات
صديق(بصوتو لغليض مخلهاش تزيد كلمة وراه)هيبة نووضي هانا كنتسناك حدا طموبيل متعطليش وخة
خرج خلاها كتبرق فعينيهاا وقفات سدات لمحاال شافتو واقف تيكمي ومرااقبهاا دوك لعينين عندوو مكتقدرش طول فيهم شوفة كيوترووهاا وشوفاتو حارين كتحس بيه مخنزر وهوا راه تيكون عادي ولكن عينيه كيبينو عكس مزاجو ...
قربات عندو وحل ليها لباب من بعد معفس على لكاررو سالاه ...ركبات معااه ومشا لبلاصتوو ركب لاح ايدو اللور جبد وريدة بيضة وفيها سينتة حمرة فلعرش وقال: سمحيليااا
هيبة(خرجات ليها الضحكة من فمها وشدات لوردة حششمانة وقالت:ههه شكراا
صديق(بضحيكة جانبية) غزااالة والله تغزاالة ....هيبة تزوجي بيااا (شافت فيه كتاكد من هدرتو)معاك بصح والله ميخصك خير معاياا
هيبة:صديق انا مكنفكرش فزواج داباا او او زايدون معارفة عليك والو فاش خداام فين سااكن او شحال من حاجة
صديق:ساهلة ههه ...انا مقااول ...عندي مقاولة ديال لبنيي ..الحمد لله بخيري وخميريي منااقصني والو دااري مفرشة ومقاادة ناقصاها غير مراا تعمرهاا الى بغيتي نديك نوريها لييك !
هيبة:لا ههه
صديق:نصورها لييك الالة ....شوفي راه والله منتفاك معاااك تاتزوجي بياا
هيبة:بزز
صديق: لاا بخاطرك
**
ستااا ضربات وهرجوو من ليسيي كيتجراوو ...خرجات غيتة صفرة عارفة اتقولها اقبال فدار شافت بدر فلقنت فوق لموطور ومشات جيهتو شافها مبدلة وقال:ماالك !!يكما تبسل عليك شي حد
غيتة:لاا والوو غير مريضة شوية
بدر:ركبي نوصلك
غيتة:لا لا هي خليك اصلا مكحلاها مع ختيي
بدر:ههههه درتي شي زبلة تااني ....يالله نهرب بيييك
غيتة:اويلي هههه نهربو كاع
بدر:اوى شنوو ههه
كضحك معاه توقف عليهااا كي جن داير ايدوو ورااه ومكمش حجبانو فيهاا شافتوو حلقها نشف
جابر:الاستاادة !!
غيتة :جابر(ضحكات بزز ) بدر خوياا راه مشفتهااش يمكن خرجات قبل مني
بدر (شاف جابر وديمارا لموطور وقال)شكرا اختيي
شافيه جاابر ديك الشووفة ديال قلع قبل منهرسك من شي قنت بقا متبع ليه لعين تمشاا وشاف ف غيتة وقال:شكون هاد سفريط !
غيتة:كيقلب على حنان يمكن كيجيهاا
جابر(اشار ليها بواحد صبع )تكفحي لخربتكم ليسي خوا ونتي باقة طالقة رجليك هناا
غيتة:وصاافي هانا غاادية
تمشات قداموو كتنفس الصعداء وكتزير على ايدهاا وهوا وراهاا كيرمش وكيعض فشنوفتوو مخنزر بلان حنان مدازش لييه
جابر:ااجيي هناا نتيي
غيتة(ضارت عندو قلبها كيضرب )هاا شنوو
جابر:شكون هداا !! تكدبي نحر مك
غيتة:والله اخوياا مكنعرفووو راه يمكن صااحب حناان
ضربها لراسها بغفلة ترجعات اللور وقال:صاحب حنان !! اشموقفك معااه ولااااش باقة مع لبرهووشة هيا عشرة لاااش
غيتة:صافي راه داابزنااا ...والله مباقي نوقف معااهاا (بدات كتبكيي
جابر:اش درتيي البرهوشة ؟
غيتة:هءهءءهءهء اقبال غادا تقتلني
جابر(هز راسو لفووق كيسووط وايديه ورااه وشاف فجبنب )موصيبة معا هادي ...اش درتي
غيتة:والله مدرت اقسم بالله (بدات كتفتف)واحد لولد معانا فلقسم بغا يلوح شي حاجة لولد ورايا وقاليا عطيها ليه ملي شديتهاا شافني الاستاد وشد من عندي داكششي ولقاه معجوون هءهءهءه انا معرفتوووش وحق القران الكريم معرفتوو ايحسابلي شي حاجة خراا وعيطو لاقبال وسنيت لتزام هءههءءهء
جابر:ضاالمينك تانييي ياااك مسكيينة
غيتة:تنتا متيقتينيش(بدات كتبكيي ودموع تلاصقوو ولحلووف وتنخصصيص تبقا فييه لعينين كباار ولاو كي نقطة تدم حمرين تقول هاد لبنت متحركش دجاجة على بيضها وكيف ديما لقات قلبو هشيش من جيهتهاا وكلشي الى عينيها يحماروو
جابر:صاافي ..صافي تيقتك هي سكتيي اتموتي ليا هناا (مسح ليها عينيهاا وهيا كتشهق )لمرة جاية لبغا يعطيك شي حد شي حاجة متشديهاااش اش وصلك نتيي شغلك
غيتة:مي هءهءهء ميحسابلييش هؤههءهء
حط ايدو على قفاهات وتمشااو فطريق لي كانت شبه خااوية كل مرة يشوفيهاا ويتنهد ويدور وجهو يحك عينيه ...
كيعياا يميك عليهاا ويبعد كيلقا راسو كيقرب ليها وكيزيد يتمعن فحروفهاا باش تبقا ديما فبالوو ....
شوفتها مع بدر وسط طريق شعلات فيه لعواافي وخلاتو يتلف علاش كان غاادي وميحس براسو تيوقف عليهاا ....مصطلح الاخوة تلغى بنسبة ليه مع غيتة (شافهاا فجنبوو يالله واصلة ليه لكتفو بطوولهاا ضحك بجنب وقال فنفسو نملة جنب فيل مجاتش )
غيتة(بتبحليس شافت فييه مدلية شنايفها لي زادو حماروو بلبرد او لبكاا)تخليش بيلو ضربنيي عفاااك
جابر(وقف قبالتهاا كيشوفيها وكيشوف فدوك شناايف لمدليين ومنففوخين شوية وحيد عيينو عليها )وهي زيدي بعداا زيدي
لصقات ليه فدرااعوو وباستو فكتفو كضحك :الله اخليك لياا اخوياا
سرطهاا وتمشاو تالدار صونا فلباب وطلات عليه الغالية
الغالية:جااابر ؟ ياك لبااس مال هاديك ورااك تاني اش دارت
جابر:خالتي لبااس ؟...لا لا مدارت والوو فين اقبال
الغالية:هاهياا نازلة اولدي ...كيدايرة شادية ربي سلم علييييها بزاف
جابر:مبلغ
تحل لباب وبانت اقبال عينيها باين فيهم نعااس زائد لحمورية لي فيهم وقالت:ياك لباس
جابر:نجيب لختي شي كارو ؟
اقبال(تاوبات) كميتيه تا نتااا
جابر:شنو دابا الرجلة هي لكاروو هههه من غدا نشري باكية نبخرك
اقبال(تبسمات ليه وشافت فغيتة كتستحما بييه وتشوف فيها كي لفارة ) مالك نتيي !!
غيتة(قرصات جابر فدراعو كتنخصص )والوو
جابر(غمز اقبال)غير هاديي
اقبال:دير لي بغااات اجابر ....غسلت ايدي عليهاا طلعييي فحالك طللعي
جابر:صافي سيري طلعيي ديري عقلك
دازت من جنبهم كتجري طلعات
جابر: نخليك نمشيي ندير عشاياا
اقبال:وسير تزوج باش تجي وتلقا عشاك وااجد
جابر:كتصدري فيا بلعلالي !!
اقبال:كنصدر فييك بالشرقي بقا بااير بحالي هههه انا بعدا غاديا نتلا مع الغالية ياتقتلني يانقتلهاب لعصااب نتا اخرتك تدوي مع لحوايج ...ت ت لا لا مجاتش خايبة فحقك صرااحتاا
جابر:شكراا شكراا ...الله اعزك على النصيحة اندير بيهاا
مشا كيضحك وطلعات هيا ادرااجهاا لقاتهم حاطين كاسكروط نضمات ليهم تكلسات غيتة جنبهم سااكتة على غير عادتها
حياة:مال ديلمك نتي شفتك درويشة !!
غيتة:همم والووو مبقا حد يدخل سوق رااسو
هيبة:ماشي تاعك هههه
الغالية:دايرة شي موصيبة تاانيي ولابدة عليها كي لعكرب
غيتة:وصاافي لباقيش تجبدي لعكرب كنتبووورش ففف
اقبال:عندك سوايع !
غيتة:لااا انحفض هي فداار غدا عندي فرض
هبطات راسهاا على كاسها كتاكل بلا مااكلة ....
سلاو وكل وحدة شدات قنت الا غيتة مشات لبيت كلسات فطبيلة فاش كتحفض فوقها كتوبتهاا مرة تكتب حرف مرة تشد تيليفوون
حنان:شوفي انبقاو نتلقاو هي فليسيي
غيتة:داك ولد لهاربة ديال مصطفى ...كيوصل كلشي ل اقبال
حنان: نتلقاو فساحة الصبور ولا فل فيستيير ...خاصنا نجمعو راسنا اغييتة والله فرطنا بزااف. ...نتي باقة كتجيبي فلفروض شوية انا رااه تكلخت
غيتة:انا مبغاش نقرااا انا باغة نولي مودييل اشطفروه هادو لي قرااو وهي صبري والله تنوصل لداكشي لي بغيت اتولي تشوفيني فالتلفازة وتقولي قالتها غيتوش
حنان:ونشدو هي لباااك ونمشي نقرااو فشي مدينة خراا ...ديك السااع مشاافناا حد وداباا لحضية فكلشي تفوو ملقيناها تا من قنت
ضارت السااقطة وخبات غيتة التيليفون تحت الدفتاار وشدات ستيلو على اساس كتكتب
وقفات حداها اقبال كتشوفهاا اش كدير وهيا محنية على دفتارها كتكتب
اقبال:شوفي فياا
غيتة:ممم
اقبال:غنقوليك جوج كلماات اغييتة وغنمشيي ....بغيتي تحفضي حفضي مبغيتيش نتي لي غتحملي مسؤوليتك ....واش عمرك طلبتي لياا شي حاجة وقلت لييك لاا (حركات غيتة راسها بلا) عمرك شفتي شي حاجة عند لبنات ونتي بقيتي بلااش هااا عمرك اغييتة وقفتي علياا وقلت لييك لاا (حركات راسهاا بلا) داكشي لي اناا معشتوووش ولو غير نص اغيتة غير نص فهادشي لي نتي فيييه معشتووش اناا سروال هوا اللخر كنبقا بيه السيماانة كاملة حتى كيخرج الركبة ...ونتي هااا لحمر ها لكري ها لكحل كول نص نهار تمشي بلبسة تيليفوون اخر مكااين كتلبسي لحوايج لفريييع .... واش قلت لييك تكملي فلبريفيي هاد تلت سنين تاع الليسي شنوو قلتي ليااا هااا ...بلاااش اختيي راني كنقرا مزيااان سانكيام وسيزيام سااهيليين ....شنو وقع ليييك !! فيين هيا لقراااية فييين هوا الطمووح باغة تولي محامية وتكون عندك فيلااا والاحلام لي كنتي مصدعة ليا راسي بسهم فينهوماا ؟
تبخرووو اغيتة !! هاد لمرااهقة ملقات امتا تجيييك تالباااك !! فلوقت لي خاصك تجمعي رااسك نتي طلقتيي اللعب .....غيتة سمعيني لاخر مرة شوفييي انا مضربتك مغوت عليييك ما عايرتك مقلت وااالوو لتااحد ....غنقوليك واحد لحاجة لاااخر مرة ...بغيتي تقراااي اغيتة دمي نعطيه ليييك ....مبغيتيش تقرااي كلسيي معززة مكرمة تيجي نصييبك ....توحدة فيكم مكتحس بياااا ....توحدة فيكم مكتقوول مال هاد لبنت متشووف حيااتهااا ...حيت باغاك نتيي تكوني حسن منييي وحسن من حياة وحسن من هيبة ....لاخر مرةة اغيتة غنطلبك ديها فثرااايتك ديها فقرايتك ....حيت الى مشااات مغينفعك والوو ....اخر مرة تجيني تبرية منك لمرة جاية نسااي ليسي نسااي لخرووج نسااي زنقة ....داباا قرااي محدك مزال مبعدتييي
خرجات خلات غيتة كتبكيي بكات تشبعاات ...راسها كتحس بيه مبقاش مستوعب لقرااية ولاو عندها ميولات خرااا اللبس تصااور نهار ومطال تشوف فليموديل ولطااي وكيفاش تصوور وكيفاش تبين زينهاا فلانستكرام باش تجيب لابووني وتعرف وتبدا مشوارها كيف بغات لقراية والحلم لي حلمات فصغر ولا اخر طموحوتها داباا ...
خرجات من عندهاا زادت عليها بينوار قصير وطلعات لسطح ...كيعجبها تكلس بووحدها مقابلة مع نجووموتحس برعشة لبرد ...جرات واحد الصندوق ديما كتكلس فوقو تكات راسهاا على لحيط وكلسات دايرة ايدها فجياب لبينوار كتشوف فلكمرة ونجووم وكتاخد نفس من بعد يوم متعب كيف كاع الايام ديالهاا ...تسمعو خطوات فدروج بما ان سطح مشروك مع ناس لتحت تقادات فكلستهاا حتى بانت ليهاا حياة ورجعات اعتادلات
حياة:نتي هناا اموكة
جرات صندوق اخر وكلسات جنبها فايديها عرش ديال لحبق كتشم فيه وصوت صراصير كيتسمع
اقبال:متاكدة نتي من هادشي لي كديري ؟
حياة:تاحد معارف راسو اشنو كيتسنااه.... لمهيم عندي انا نمشي لبراا ولي يقوع يوقع
اقبال(كمشات عينيها)مخايفاش على رااسك !! لنفرض مشيتي شنو اديري
حياة:نخدم ...علاش انا غادية تما موحشة فزوااج ؟ ...اقبال انا بااغة مخدم بااغة نعااونك 16 لعام خدمتي علينا نهار او ليل انا بلاصتك منقدرش ...اسهل علياا الله نتشااركوو نشريو شي داار فشي حي وااعر تبدلي الطمووبييل نمشيو لبراا كاملييين شنو فيها نسبقك نتي اللولة نقاد ليك ورااقك او نتبعو هيبة وغيتة او الغالية ....ونتجمعو تماا اش من زواج ولا هم كحل انا باغة لفلووسس بغاا نكون همة وشاان
اقبال:لهزيتي غير راسك هداك هوا لفضل عندي انااا ...ولكن احياة راك داخلة فزواج على لغدر ....ولغدر طريقو قصيييرة بزااف
حياة:ماشي مشكيل نوصل تماا وتقطع ديك السااع عندي اناا هي نوصل تماا نتقااتل على وراقيي
اقبال:ايكون خيرر
حياة:داكشيي
اقبال:شكون هداك لي كتمشي معاه هيبة !!
حياة:ديك القحبة كتقلب على خلا عشتهاا مكتعلمش احالة فمها كي لبكرة
اقبال:سولناك شكون هواا !
حياة:اش عرفني فييه ...قالت ليك كليان ولاصقهاا
اقبال:غير لي لصقهاا يوصلها قدام الداار !! ...
حياة:فرااسك واحد لباان داك لقويويد ديال عمران قاليك بغا يتزوج
اقبال:عمران لي كان معا هبة
حياة:هداك لمخنن
هيبة(كانت كتسمع ليهم تخرجات عندهم )كيفااش
حياة:نعل حياة مك فوتي علييك ديك لقاعيدة
اقبال:عيشة خبار السوق باقة كتسمعي من ورا لبيبان !
هيبة :وصاافي (جرات كرسي قدامهم قلبها كيضرب)باش عرفتيه بغا يتزوج تلاقيتي معاه
حياة(هزات ايدهاا)بهاد لايدين كنت انصاايب لمدامتوو
اقبال:كنتي !! اش درتي الموصيبة تااني
حياة(هزات حاجبهاا رقيق لمقوس من اصلوو وزادت قوساتوو )اوى عطيناهم لكادوو
🔙🔙
قدامها كلياانة من بعد مدارت ليها صباغة لشعرهاا تكاتو ليها باش تغسلو دايرة ليكاتهاا وجامعا شعرها مهمل زعر
**هاد اللون لي فشعرك واااعر
حياة:ربي اخليك احبيبة ...هدا لون شعري دوريجين هههه مكنصبغوش
**بصح !! ولكن فيه شي غوفلي شهبييين
حياة: خمسة فعينيك اختي ويلي دكري الله
**هههه والله اختي محسدتك غير عجبني لونو وصافي
حياة:ولكن نتي سمرة شوية ميجيكش زعر ....هادا لي درت ليك ايجيك حسن (نشفات ليها شعرهاا )اجي كلسي نشفو لييك باش نقاد ليك لاكوب
وفعلا كلسااتها كتقاد ليها فتقطيعة وسرحاتو ليهاا
ونا تيليفون لكليانة وهزاتو فنفس لوقت هزات حياة تينيها ومتجي هي فتصويرت عمران وسميتو بين جوج قلووبة خرجو عينيها
**ويي حبيبة ....نن مزال فالصالوون سيي صبغتو بلي بغيتي ....هههه لا لا ويلي كلشي وااجد (بهمس)ههه وصاافيي متكونش زربان مبقا والو لعقد يوماين في ساع دوز
حياة بحالا شديتي لما وكبيتيه عليهاا حطات لمشطة كتسناها تكمل تقطعات وقالت :كملتيي !! الله اعطيك صحة لون جا غزااال
حياة:كتعرفي عمراان !!
*ءوي خطيبييي وبمبقا والو ونكتبو لعقد
حياة(دارت ملامح الصدمة وخبطات فصدرها )اويلي اش كتقوولي. ....واش كاين شي حد كيتزوج جوج فدقة
وقفات لبنت مفاهمة والو كتفتف :كيفااش جوج واش كتعرفي عمرااان اختي
حياة:شلاااهبي ضحك ليا على ختييي يااك عمراان *** خدام فشركة لي جنب رخاام ومو سميتها نجية يااك
**هوا ....عفااك كيفاش تفلى على ختك غادا نطيح
حياة: دابا خاطب ختي وباغي يتزوج بيك نتيي !! اويلي اش نقوول لهتيي دابااا ودار لي شاافووو باش يكريوهاا !! او نكافة لي دايرة معاهاا فصيف اويلييي على موصيبة
لبنت صفارت وخضارت ولات واقفة هي بزز وقالت كترعد :واش متاكدة عمراان اختي راه بعد غدا عندنا لعقد
حياة:الى متيقتينيش صوني ليه يجي وتشوفي الى ميشوفني ويتصدم انحطو قدامك بوجهوو ...تلله ياربي هتي اتسطى فييهاا ومسكينة كتوجد.دهاازهاا معا شلاااهبي ولد لحراام هءهءه كي غنقولها ليهااا
صونات ليه لخرا كترعد وقاتليه يجي يديهاا فعلا خرجو لبرا بعدو من حدا الصونتر وحياة كتعدد ولخرا حداها كطلب ميكون والوو مع وقفات طموبيلت عمران وخرج جاي جيهت خطيبتو وهيا مراقبة شوفاتو هي شااف حياة تلغات ضحكتو وهيا تاكداات
حياة مشات كتجري شنقات عليييه باغة ضربوو وكتسب فيه:دويي اولد لحرااام كتفلا على بنات النااس
عمران:رصااااي واش هبلتييي
حياة:كتفلا على ختييي هاااه دايرها حويط قصير عند بالك ماوراهاا رجاال راه ملخ مك عصاا ياللكلب يالحمار (كضرب فيه وتغوت ولبنت واقفة كدمع
**حشومة عليك اعمراان هءهءه
عمران(يكحاول يحبس حياة والناس ليداز يشوفيه )ايمااان والله مكاين شي حااجة
**كداااب منين غتعرفك هيااا وتلاح علييك باااطل هءنءنء علاش خاطبني ملي خاطب وحدة خراا
حياة:حيت ولد لقحبة مقطر حييت خاانز رجلييين كيعجبو التعدد بحال زو"" الله انعل بووك
عمراان(يكتجبد باش طلق من قاميجتو وهيا لصقات كي شي مشة )متيقيهااااش انا وختها تفارقنا شحال هاادي ا ايمان
حياة:كيكدب عليك يالله دابا معاياا نوريك تصااور لخطبة هااه ومجاب لا مو لا باااه قالييك مساافرين عند خوه لطنجة ياك خوه فطنجة مكدبتش ياااك قاليك وراا راس لعام ايجيبهم دوييي اولد لحرااام مربااتكش نجية
سمعي اختي ايماان بغيتي تاكديي سيري عندو لخدمتو سولي نااس لي خدامين معااه قولييهم واش عمراان عمروو سلخ والديه واحد الرااجل وتفرجييي اختييي هاد لخاانز حتى من كرااصنو عارفاهم كيدايريين ضل ختيي ضور معااه يشرييي يالكلب تفووو
ايمان(مشات كتبكي بغا يتبعها ولصقات حياة فييه هزات طالوونهاا وعطاتو لكتف
حياة:حصلتي المجوووعف حصلتي اسلك ضوو لفورمة لا طولة كي لحشيش اولد لكلبة هااا(طارت عليه بعضة ونتفهاا من شعرهااا وناس كتفرج ضرباتو بالطالون لراسوو تطلق منها وشد جبهتو دايخ وتحناا كلسات عليه بلعصاا وتدنتييف تكشترات وشعر طلع ولخالة حاالة وفلاخير طلقات حلووقهاا لعباد الله )
وعتقوووووو الروووووووح اعبااد الله بغا يقتلنيييي عتقوو الروووح
عمران(جعر )ولخرااا طلقي منيي نعل اصل مك
شداه من قميجتو كتنتف فشعرهاا وكتغوت وقالت:وعتقوووووو ارجااااال وعتقوووو بغا يتعدا عليا وسط عبااد الله وااااااااك
(دفعها تطااحت وجراتو معاها تهوا طاااح فوقها جرات ليه وجهو بضفاارهاا او وقف تبعااتو بجريي بطالون ضربو وتبعو ضربو تاني
تركب فالطموبييل وهزات طالونها قبل ميديماري خبطات ليه لبارت بريز تاتشقق ولصقات طفطموبييل كتخبط فزاااج تعفط على لفيتااس او وقفات كتنهج وتجمع فشعرهاا شافت بنادم كيتفرج وقالت:سلاااات لفرااجة ...عندي لقروودة كيخراا و !!!
#end
كالسين كيرمشو فيها بجوج من هول الصدمة عارفيينها عوشاارية ولكن لدرجة مع رااجل وسط عباد الله تصدموو
اقبال:كون جمعوكم لبوليس
حياة:نقوليهم بغا يغتااصبني مساهل غير لبااطل
هيبة:ههههههههه ههههههههه (خبطات على رجلها كتموت بالضحك)هههههههههه اويليي اويلييي ههههههههه
حياة:والله يا موو لكمل فديك التزويجة غرقت لييها لبابر وفكيتها من خاانز سروومة مسلوت كي لكرعة لخضرة ....هاداك خريوة تهوا نبغيييه ا شفييه فمو كي لبزطام بقات فحفرة الزين نعل بوك وبووه
اقبال:ههههه ولكن عجبتيني فيييه
هيبة(مسحات عينيها من دموع كضحك )دا ميعاود خر يامو نتفاتو مراا ههههه
حياة:هيهيهي خلينا من هاد لفار وقولي لياا (غمزاتها)داك خيناا لي كيوصلك شبلانو
هيبة:فففف تفكرينيش لصقنييي لصقة ديال بصح لا وصورليا الدار وخدمتوو قاليك تزوجي بيا ولباس
حياة:ملعق بعدااا !!
اقبال:باااز والله تبااااز.. حياة... لفلوس ماشي كلشي ونتييي اهيبة ديها فخدمتك مزال منسيتيي هاد خينااا وليتي مع واحد اخوور وا شهبلتييي شنو خاااصك شنو ناقصك
حياة:اختي خليهااا لكان شي بوكو حبة تفتخ موو مالي قلت ليها تزوجي بيه صباح.. لاصقها لاصقها طير منو هي تيليفون وهيا ديك الشقفة طالبة شرع
هيبة(حكات ودنها) هوا ضريف ولكن مغياار او صعييب ولكن كيبان معقول وشارب عقلو ونقي بلا قياس ههه.. ...واش انا غنبقا ندب على عمران ا اقبال ابغيييت نساااه ...شوفي هوااا دايا بعا يتزوج ؟
شو كان نااقصنييي انااا شنو كان خااصنيي !!
اقبال:خاصك عقل اهيبة باش تعرفي بلي الرااجل ماشي هوا كلشييي عندك خدمتك
هيبة:اشمن خدمة اقببال الله اهديك واش قريت باش نبيع لحواايج ففف
حياة:نتي اصلا معقدة ديل مك من رجال واش مغتزوجيش شي نهار
اقبال:هدا لي نتيق فييه ونسسني معاه لورقة مزال متزادش ....انا مكنتيقش.... باااك قضا لغرض وكرهني فكنسوو كامل
حياة:او جابر ههه تعايري فعشيرك
اقبال:جابر حااجة وزواج حاجة خراا ...يمكن بوحدو لي كنتيق فيييه حيت بيناتنا لخااوة ماشي لحب وهاد تخربيق لي كدويو علييه ...انا احياة صعييب نتيق فبنادم كيفما بغا يكون نوعوو ...تعجنت وتعلمت بلي الرااجل هوا دراعك وخدمتك ااما نتزوج باش يلعب ورا ضهري معندي مندير بيه فنهارو نكركبوو معندييش كرام تلحنانة على كنس رجال
هيبة:غير مزال متلاقيتي بشي رااجل ينسيك هدشي
حياة(حكات عنقها كضحك)كاين ولد مينة ههههه تشوفي كي تاتموت عليه فصغر هههه
اقبال:هانتي قلتيها هداك صغر قبل ن هادشي كامل ومكنتش كنبغيه هيا عشرة ولد جيرانا لا غير
حباة:ممم منحكلك هي هازة لكتاب لي شرا ليك هههه احح بيكون ولد لحرام كبر وزياان مبقيتيش شفتيه
اقبال(تاوبات )ممم شفتوو (شافت فهيبة)هوا نفسو لفارماسي لي داك عندوو داك السيد
هيبة(شهقات )حلفي بالله واش هواا معقلتش علييييه يختيي زوييين امزيناتو هههههه
اقبال:زوين زوين لراسو زوين لياا !
حياة:هوا من صغرو كان زويين ولد لحرام كان عاجبو زينوو خههخ يختي تشوقت نشوفوو كاين لي كيكبر كيزيان وكاين لي كيكون فصغرو زوين كيكبر كيولي جلاخة ولعكس ههه بحال جابر كان فصغرو كي جحموم كحل ورقيق كي خط زناتي دابا غادي ليك ويزياان ولا حلووف كيشبه ليا غير لداك لمغني جوزيف عطية ياكيي غير جابر فاخر زاند عليه ههه
اقبال:براكة متاكلي فلحم بناادم
هييبة:ههههههه ولكن رجولة والله وقف معانا بحال خوناا عمرو فرق بينا وبين شادية الله الاقيه مع شي بنت النااس تهوا راه غير وحداني كيبقا فيا والله
اقبال:دابا يجيب ليه الله رزقووو ...نوضو تنعسو مشا لحال
الغالية:صلااااا وسلااااام علىىىىى رسول الله الهم معااااا جاااه لعالييي (دارت ايدها فوق فمهااا)لولولوولولوي ...تلله اجعل كلشي مبارك ومسغود انسيبيي هههه
محمد(كالس قدامها فالصالون بجلابة بيضة مخزانية وتقاشر بوويض وجنبو راجل معاه تهوا بلباس تقليدي وطريبي )الله ايبارك فيك انسيبتي لعزيزة ...اوى عيطي لبناات ...لعدول هاهوما غطرييق
وقفات كتهز فجلايل تكشيطة تاع لموبرا فلزرق ولايحة شال فلفضي على شعرهاا دخلات على لبنات لبيت لقاتهم كيلبسوو ا حياة لابسة تكشيطة فلبيض وجامعة ذعرها بشدة خفيفة تاع لهريسات ومكياج خطير وغيتة وهيبة لابسين قفاطن ومقادين شعر
حياة:فين اقبال او جابر
الغالية:راها فلباب كتحل لجابر يالله ابنتي نوضيي راجلك كيتسناا
وقفات كتقاد فجلايلهاا وكتشوف فلمرااية وخرجات تبسمات ملي شاافت محمد وسلمات عليه بايدها وكلسات جنبوو ...
محمد:حياة هدا خوياا ...جا خصيصاا من لحسيمة باش يحضر لياا
حياة:الله اكبر بييه مشرفيين
*مبروووك مبروك الله اكمل كلششي بخير
لحضات قليلة ودخلات اقبال بقفيطين خفيف بسمطة فضية وشعرها جايباه جنب سامبل مدوزة لكحل من عينيها لا غير وراها جابر لابس عادي سروال كري وتيشورت بلخيط خفيف وراهم لعدوول فتحو لييهم طريق وكلسو لوسط حاو لكتاب وقالو :فين لعروسة ...عطيني اكارط ابنتي
مداتها لييه وعطاها لصاحبوو كيسجل او كيهدرو مع محمد لي من جيهتهم عطات الغالية صينية تاع اتايي فالطبلة لخرا وكلساات
*توصلتي بصداقك ابنتي !!
حياة(بميوعة)مزاال
محمد:الاا هاهوا صدااقهاا (جبد جوا بيض )بالصحة والرااحة
شداتوو كتعبر تقلوو وضحكات ؛شكرا
*سنيو ليا هناا او حتى شهود
سنا محمد هوا اللول بلفرحة وحياة هزات عينيها فاقبال لقاتها كتشوفيها وجامعة الضحكة بمعنى مراضياش على هدشي نغزها محمد باش تشد ستيلو وشداتو بابتسامة توتر وحط ليها لكتااب عندهاا تنفساات بهدووء وقالت لي ليها ليهاا سنات واقبال حولات عينيها كتنهد
من بعد ما سنا جابر او خوه زغرتات الغالية تزغريتة حارة تحنزراات فيها اقبال
الغالية:اش بغيتي ندير نعدد
اقبال(بهمس)نوضي عرضي على جيراان حسن ...من ثباح ونتي لولولوول
الغالية:صافي صافي على سبة يلاطيف
تلقا الدعااء بين العدول وهوما هازن كفوفهم بالدعاء كان دعاء حياة دعاء غير لي تمناو ليهاا ...
شربو لعدو اتااي وخرجوو خدا محمد تصيورات قلال بتيليفونوو مع حيااة ركب ليها لخاتم ودهب لي خدا ليهاا ....
جابر(بهمس ل اقبال)صافي برداات دابا
اقبال:هيا لي بغات تحمل مسؤوليتهاا
جابر:الله اهديها كتخربق متزويجة مستا حمص
اقبال:خلات لبك زواج غي نتا هههه هيا باغة لوراق
جابر:على دكر زواج ...هدرت مع لحاجة لبارح
اقبال(شافت فيه)اوى
جابر(مسح فوق سروالو )اوى ايواا قلت ليها تشوف ليا شي بنت الناس بنت دارهم درويشة لي تعيش معايا بخير وعلى خير تكون عندها ديك 24
اقبال:اوى هنية علييك واخة كريمة اتعواج ههههه
جابر:تعواج ولا تكعد انا باغي بنت لي ناكل معاها طرف تلخبز بلا مشاكيييل بلا صدااع واش نديه كريمة ونوحل مع تريكتها لا مديخا على طمع
اقبال:علاه مالك نتاا مخصوص !! تنتا راك بخيرك دار بطروا ايطاج محال قدو قدااش
جابر:واااخة هكاك التيساع رحمة بغيتها متعرفني ممعرفهاا ....زواج لواليدين هوا لي كيدووم
اقبال:اوى الله اكمل عليك بلخيير
جابر(حك مؤخرة راسو )اميين
*
حياة(بدلع)اوى متعطلش بزاااف ياك دغيا يوجدو لوراق
محمد:دغياا كوني هانية ...غير نتي قبل خاصك تقراي اللغة باش متوحليش تماا ضروري
حياة:ديك لقراية مكدخل شلراسي
محمد:ههههه ولو احياة خاصك ضروري اللغة ...نتي قلبي على شي صونتر مزيان وغنسيفط ليك من تماا باش ندفع ليك ان شاء الله
حياة(بفرحة)ان شاء الله
*
هيبة(فتيليفون)عرس ختي والله
صديق:وخرجيي نشوفك ...ولا نجي محد لعدول كاينين نطرقو مسمارنا
هيبة:ههه واش حماقيتي ...منقدرش نهبط داباا ايعيقو بيااا ....صافي خلي تالغدا ونتلقاو عفاااك اصديق ميكونشش راسك قاسح
Tags:
حكاية أنثى