الجزء 16 - حكاية أنثى

 

بقاو كالسين بتلاتاا بيهم فلكوزينة كينقيو فزريعة واقبال مقابلة كسكسو مواضيع كتيرة جابدينها ...كل وحدة كتحلم احلامها كي بغات واقبال كتسمع وتحاور معاهم تواحدة معارفاها شنو كتفكر فحياتها الشخصية ...خيت هيا براسها معارفاش .. اما لغالية كانت ف الصالة كتفرج فلفيلم ديالهاا على خاطرهاا مخشعة معااه .... طاب كسسكوو وسگات اقبال فقصريية وطبسيل لجابر ...ريحتو كتشهي بسمن ولفلفلة حارة ولكرعة لي جاب ليها من دكالة حلوة حياة:مممم يختييي هدشي بنييين كيبان اقبال(فتيليفون)طلعي دغيا اغيتة تلاقاتها فدرووج شادة فايدها طبسيل مغطي بسولوفان مندي غيتة:لمن هداا اقبال:ديه لجابر راه حدا دار ورجعي دغياا متمشي فيين غيتة(تفافات)هاا غير ديه ليه خفت ليل هدا اقبال:واااايلي علاه فين كنتي دابا لي خفتي ؟....ترلعي داباا ورجعي شداتو كتنفخ غادية وكتنكر :يشبعني عصاا وندي ليه كسكسوو ياكل فيه السم ....بغيت ليه لهرس فدوك ليدين لي تحطو على حنكي صونات فلانتيرفون واقفة فدريجة تطل عليهاا من شرجم خرج كيلبس فتيشورت دييالو ...ميت مهلوك بلعيا ونعاس حل لباب ونزل كيحك فعنقو ويعوجوو بالم تحل باب الداار قبل ميهدر قالت:شد شد جابر:مكايناش السلام فبلاد باك ! غيتة(هزات كتاافهاا بنفاخة مقربة ليه الطبسيل )مباقيش تهدر معاياا اصصلا جابر(عيب هدرتها)ننن (شد طبسيل )تكركبي غيتة (بقات واقفة )عطيني لكادو تاع شادياا (كتشوف جنب مشافتش فيه وها متبعهاا بعينيه جابر:اشكن كادو ؟ (تفكر)ممم مافيا لي يطلع ويهبط اجي هاكيه طلعات ورااه دخل لدار وهيا بقات واقفة ف فم لباب كتسناا ودايرة فيها مقلقة ومحكورة تحل لباب وفاييدو كرطونة مربعة ومغلفة يالله بتشدها دارهاا ورا ضهروو غيتة:وعطينييي جابر:نتفاهمو بعدا على هاد نفاخة بيبي وسيري ....شكااين ضاالمك ؟ غيتة: نتا كضرب بحالا كضرب فرااجل او باغيني نضحك ليييك جابر(شدها من عنقهاا جارها جيهتوو كيضرب مؤخرت رااسها )حيت جعرتينيي ...والى حصلتك عاود اندير لمك مكتر ....دابا غتبقاي مقلقة منيي ولا شنوو غيتة(هزات كتافها ومربعة ايدها قدامو مكتشوفش فيه)بعد بعد مني نتا حكاار...او فلعااص ضحك بخفة تهزات عينها فيه وجر ليها حنكها كيدي فوجها ويجيب :ياك المعزة انا فلعاص غيتة:اي اي وصاافي اجابر حرام عليك جابر:يالله اجي صاالحيني تبقا مقلقة علياا !! مغنشريش ليك لكادوو غيتة:مممم ضحضك عليا راني باقة صغيرة جابر(تنهد كيشوف فوجهاا )صغرك هوا اكبر موصيبة غيتة:ممم شنو جابر(تغر بداك لوجه داائري لجميل ولفم منفوخ كيجبد لحنش من غاروو اما لعوينات لمعيسلات وسط شفار مكحلين خلاو حرارتو تزيد وريقو يتسرط وهيا كطرطا فايدو محساش بلي كيعاني قدامهاا شاف فمها بضع تواني قبل مينعل الشيطان ويطلقهاا )سيري راك طعطلتي على دار غيتة:تصاالحناا ...غتجيب ليا لكادو ياك دار ايديه فجيابو وتبسم ليها :ان شاء الله عنقاتو بخفة وبعدات وقالت:شكرااا ههه خرجات كدردك فدرووج هازة فايدها لكرطونة حركاتها معرفات اش فيها ومشاات لدار بجري لقاتهم يالله بغاو يتعشاو كلسات كتنهج حدا الغالية وهزات لمعلقة الغالية:رخي فيك نفس شكون جاري علييك غيتة:بغيتو تخليوني بلا لحم تااانيي ... اقبال:غير تنفسي بعداا لحم مغيهربش هيبة:من غير لهزيتيه المجووعفة الله اخليها قاعيدة ... ** صباح صبااح ملي صلاة اقبال لفجر معاوداتش نعسات لبسات حوايجهاا عبارة عن سروال دجين كحل او مونطو فصوف من لداخل ولقب فيه ريش كري .. صونا تيليفونهاا وهزاتو كان شهيد جاوباات فلحين وقال:الزين صباح لخير ...هاني لتحت موجوودة !! اقبال:صافي شوية ونهبط فاقت حياة بضو وتقدات فبلاصتهاا كتاوب مكمشة غينيها وقالت:خارجة دابا مع لحيبان هههه اقبال:دعي نلقاو ختك من لهدرة لخاوية هيبة(تاوبات)صباحوو ....ممم لمونطو جاك وااعر حياة:طايح عليها سر تاع الزعطة اقبال (ركلات حيااة من فوق لماانطة وضارت كتهز فوراقها ولبيرمي ديالهاا ) برهوشة هيبة:ياربيي نلقاوهاا باش تكمل لفرحة حياة:دابا تزواجك فرحة هههه سيري كملي لحلمة سيري هيبة(ميقات )باز اقبال:هانا مشيت ...ردو لبال حياة:سيري احبيي اوغوفواغ ماا سوغ بونجوغني ايي بونفواياج بونابيتي بونويكاند بونكوغاج افيك صا (شافت فهيبة)شنو هياا حبك بلفرونسي هيبة:هههه نعل جدك على جد لفرونسي تلكيلوو خرجات اقبال كضحك خرجات من دار كان لجو مزال مبانش بزااف ولبررد واقفة طموبيلتو حدا طموبيلتهاا نزل منها حتى هوا مكبط بتجاكيط موطارد وسروال دجين وكاط فرجلو او لكاشكول فعنقوو كل مرة واحد فشكل مكيحيدووش ....تبسم ليها تاتسدو عينيه وقال: الى قالو زين راك زيين اقبال:صباح الله تاني ....تسكت ولا نهز طموبيلتيي ورجع تنعس شهيد:صاافي مباقيش نضحك ...خايبة كي جووع .... توجه لباب لي اتركب فيه وحلوو واشار ليها بايدو وقال:نهار كبير هدااا ...غسلتها بلورد والريحان باش تركب فيهاا بنت لغالية اقبال(قربات جيهتو كتحرك راسهاا بلا حول ورركبات كتسناه يسد لباب تحنا عليه )غنباتو هناا شهيد:خليني نمتع عيني بزين صبااح صافي ونقيي بحال هوا لبحر كيفتح لمجاج اقبال(كدير فالسمطة)داك لمجاج شي نهار انهرسو لييك سد عليها لباب وتوجه لبلاصتو كيضحك ويحك فايديه ...خطفات فيه الشووفة وهيا كتقاد وتبسمات بلخف ركب جنبهاا شهيد:الله ...هيا نششدوها طوالة تالرباط ...هدرت لباح مع لولد صاحبي ...قاليا كون هاني ليوم ايشوف فلاليست تاع الطلاب وغنشوفو كي نديرو نهدرو معاها بلا مندخلو ليها الشك اقبال: الى مقلناش ليها لاش بغينا خالتها ...غتشك وتقدر متعطيهش ليناا شهيد:مديريش فبالك غتعطيه ليناا ...لمهيم نشووفوها هوا اللول وموراهاا نفكرو داكووغ !! ...على بركته ديماارا الطموبيل قاصد طريق ربااط فجو مضبب والشمش مزال مطلعاتش لبرد على برا اما الطموبيل كانت داافية شهيد:نكلسو نفطرو ولا بلاتي شوية اقبال:مزال لحال (شافت ساعتهاا ) يالله تمنية داباا شهيد:واخة صافي ... شد طريق واقبال هزات تيليفونهاا كتلف بيه لوقت شويي ...سمعات تيليفونو كيصوني وشافت جيهتو بلا متهز راسهاا ...جبد تيليفون من جيبوو كيصوني ...قطع فلبلاصة وحطو لوسط على وجهوو وقال:نديرو شي حاجة نسسمعو ليهاا اقبال:دير لي عجبك ... شهيد:نتي عارفة بلي داكشي لي كيعجبني هوا لي كيعجبك اقبال:شكون كدب عليك !! شحال من حاجة تبدلات ... شهيد؛ولكن لقلب باقيي هوا هواا رجع تيليفونو كيصونيي بدون انقطاع يسكت ويعاود ولفيبرور فقط لي كيتسمع اقبال:جاوب بعدا ! شهيد:الهاتف اتناء السيااقة يسبب الحوادت (شافيها )مقراوهاش ليك فلبيرمي ابيلو اقبال:لااا قراوني منركبش مع بسيكوباط بحال شهيد:ههههه مقريتيش دروسك مزيان الكسوولة ....مامشيتي حتى ركبتي معااه داباا فوسط طريق دخلو لسطاسيون فيها قهوة ومارشيات ...زاد ليصانص ومشاو كلسوو شهيد:اششنو تفطري اقبال:مقادرااش ...غير قهوة كحلة تفيقني وصافي شعيد:مكامياش هاد صباح هههه ....(شاف فسرباي)جيب ليناا اصااحبي جوج كيسان قهوة ...او فطور بلدي ولخبز يكون سخوون اقبال: ناوي تغلق نتا ماشي هي تفطر شهيد(ضحك كيقاد فاللكاشكول تصونا تيليفونو من جديد هاد لمرة جاوب )وي مريم ....مااسمعتكش مزييان شمن اغدونونص !! ...واش لحاج !! لا لا متعطيه والوو راني هضرت مع ولدوو يكمل دوا لي عندو دابا ويرجع لطبيي ميعاودش طريطمون من اللول ....وديها فخدمتك شوي متصدعينيش قطع عليهاا وحط تيليفون كيربت على طبلة وشاف فاقبال لقاها كتشوف فسه وتبسم :شفتي عارف راسي واخد ليك لعقل هي اعتارفي اقبال: على زينك شهيد: زيييين رغم(ضربها لنيفها بصبعو ) انفك الكبير اقبال:اجسام لبغال وعقول لعصافير شهيد(رجع علىلكرسي كيضحك وتحنا علىطبلة من جديد ) داك لبغل الى ركلك متفيقيي تاتلقاي جوج ولاد حداك هههه تحط لفطور مشكل مسمن سخون ولخبز كدالك لبيض مقلي وفوقو لفرماج زيت او لعسل وجوج كيسان قهوة معطرة ...باشرو لاكل وجو الضحك بيناتهم خالقين جو زوين يدوزو بيه فطورهم شهيد(هز دغيمة من لمسمن دار فيهاا لعسل ومدهاا لاقبال وقال)كولي لعسل العسل اقبال: واش شوية لبااس راك خااطب زعمة شهيد:هاهيا بتوحلها ليااا (قربهاا لفمهاا)حلي فمك (غوت)وااحلي حلاتو من الشووهة حيت رفع صوتوو كتمضغ وشادة جبهتها وهوا رجع لفطوروو وقالت:الله اعطيك شوهة ! شهيد: يا فطري ههه اقبال:الله اخلف شبعت ...نتا اتلحس طبااسل ولا شنوو ونوض براكة شرب ما تبقا من كاسو وناض لحمام غسل ايديه وخلص في حين اقبال دخلات لحمام السيدات غسلات وقضات حاجتهاا وخرجات لقاتو كيخلص ...دارت ايدها فجيب وتبعاتو تحت قطرات شتاا خفيفة يالله بغا يركب صونا تيليفونو وسااط وقال:تبرزيط دخلات اقبال وهوا بقا واقف بسرعة جمع دوك لحجبان لوسط وكيهضر منفخ متقوليش هدا لي كالس على تكركير وتقشاب حاضياه اقبال فلمرااية تاع لباب وهو اللور تاع الطموبيل ...شافتو قطع وجااي طيمسح على وجهوو ...دخل وسااط كيدور فلطكونطاك اقبال: عندك شي مشكيل !! دوز لسانو على فموو وهوا كيدور لبولة باش يدخل لطرييق وقال:منهار دخلتها لحياتي وانا اللور اللور اقبال(بهدوء)وحدة مكتفاهمش معاهاا ...شنو مخليك معاهاا ...شحال ونتوما مخطوبين شهيد:تقريبا عاام يمكن ...معقلتش ....وفهاد لعام شي شهر لي كنا بخير ...هيا من النوع لي كيبغي يخنقك ...فين كنتي فين مشيتي تقلب تيليفوون اقبال(شافو لقدام)من حقهاا مافيك تيقة ابو لعيالات شهيد: اقسم بالله منهار خطبتهاا شديت معاها طريق ...بنت الناس معرفة تاع لواليدة مبغيتش نخرج معاها لعيب قلت هدا لوقت نديرو وليداتناا ونشدو لرض السعاتي مخلاتنييش منكدبش علييك ...غير لواليدة الله اهديها اماا كنفك معاهاا الف خطرة فشهر اقبال:حتى لخطبة لطولات كدير مشاكيل شهيد:مبقات لاخطبة لا زمر ...ساليت معاهاا تمشي تفرع راس مهاا سكتات اقبال مزادت وراه كلمة كتبقشش فتيليفونها تصونا جابر هضرات معااه وصاتو على لمحال لي خلات محلول ل مهدي وقطعات معاه بعد سعاات دخلو لربااط لعاصمة ....بشوارعها لكبيرة ونقية وقت طناش طريق عامرة .. شهيد:شنو بان لييك نتغداو ولا حتى نشوفوو هاد نادية متوكل اقبال:نمشيو بعداا نشوفوو عاد نعرف اش كاين شهيد:واخة ...هز تيليفون واقف فسطوب كيدور نمرة لصاحبو تشدو وحطو داير مكبر الصوت باش يقدر يسوك على خاطروو شهيد:رضاا بخير اخوياا ! رضا:صافاا صافاا الحمد لله ...لبنت لي سولتيني عليهاا راها كااينة وهضرت معاهاا ...قلت ليها واحد لولد بغا يهدر معاك ضروري يسولك على شي حاجة شهيد: يكما مبغاتش ؟ رضا:نن با ديتو اتكون معاياا مع لوحدة وهدر معاهاا ...داكوغ شهيد:مغسي بوكوو خوياا رضا: داكوغ نخليك قطع معاه وشاف فاقبال لي كطرطق صباعهااا وقال :لحمد لله متعكساتش ليناا ...دابا طناش ونص انتسناو هنا واحد نص ساعة بينما جاا...شنو سميت خالتها بعداا اقبال:عتيقة اوو راجلها سميتو السعيد ... حرك راسوو باه كيتسناو على نار حاطة ايدها على ركبتها كتربت بصبااعها بتوتر بحالا كالسة على جمر كل مرة تسولوو فين صاحبك تعطل ....حط ايدو على ايدها فوق رجلها تزكات علىى لحركة وشافت فيه شهيد: رخفي فيك النفس غيجيو دابااا اقبال:ففف شهيد:عرفتي شنوو...خليني انا نهدر معاهاا ندخلها بشي طريقة لي تعطيني العنوان بلاا متشك ...الى شافتك هكا مستريسية وزربانة غنكونو كبينا لما فالرملة بقات اقبال ساكتة كتاكل فشناايفهاا وتوتر رااكبها من ساسها لرااسهاا شهيد (شاف صااحبو ومعاه بنت واقفة معااه وشاف فاقبال)هاهوماا جااو خرجوو ناحية لبنت وصارحب شهيد ...اقبال حلقها نشف وقلبها غيسكت لاول مرة كتلف ...خافت متعطيها شلبنت راس لخييط ... شهيد(بضحكة وتبسيمة توجه لعند صاحبوو تسالمو سلاام رجولي بلعنااق )عاش من شاافك رضا:هههه واهلي نتا غبرتيي من اياام فرنساا ...واش فغيي دخلتي لمغرييب شهيد: ويي شي عامبن دابا دخلت مع لواليدين اش نديرو (شاف فناادية )ناادية ! نادية (بضحيكة)اه كتعرفني شهيد(مد ليها ايدوو شدها وقال)شكون ميعرفكش لعبت انا ويياك قليل فصغر كانت اقبال عاد وصلات عليهم هزات حااجبها من اخر كلمة كتقول فراسها اش كيقول هداا رضا:معرفتينااش بلبنت لي معاك شهيد: صديقة الطفوولة ههه اقبال رضا:مشرفيين اختي اقبال:شكراا (مدات ايدها ليه ولنادية كدالك) نادية:انا معقلتش علييك والله شنو باقي سميتك شهيد:شهيد ههههه خشومة عليك تنكريني شحال جريتك من شعرك كنت كنلعبب مع خووك وكتلصقي فياا نادية(ضحكات)هههخخخ كنت صغيرة بزااف يمكن معقلتش شهيد(بملامح حزينة) خالتي فطومة كانت عزييزة علياا بزااف ...تشوكيت ملي سمعت خبار موتهاا نادي(تنهدات) مكاتيب الله ارحمهاا شهيد:قلبت عليكم فمكنااس وقالو ليا مشيتو لكازاا ....بغيت نشووف خالتك نادية :خالتيي !! شهيد:ااه خالتك عتيقة !! ديك السيدة كانت عزيزة علييا بزااف وعمي سعييد بغيت هي نشوفهم ملي مشيت لفرنسا مبقيت عرفت عليهم حتى خباار ويمكن لعنوان لي عطاتني مبقاتش فييه نادية:نعطيك نمرتهاا وهضر معاهاا شهيد:لااا !! ههه انا بغيت نفااجئهاا ونمشي عندهاا بغييت نشوفها وا تعرفني من ورا هاد سنين ولا لا .... غتكون باقة تيتيزة كيف كانت نادبة(ضحكات)هههههههه مكدبتيش باااقة هيا هيا متبدلااتش ههههه كون تشووف بنتهاا قالت لمها متعرفيي والوو اقبال:شحال عند بنتها داباا نادية(حولات نضرها ل اقبال)باقة صغيرة !! يمكن 16 15 والله معقلت شهيد:اوى شنو راه مها كانت بوكوصة ههههه سيلتو بلي نادية عطيني لادغيس جديدة ومتقولي ليهم واالو نادية:اييه واخة هههه (جبدات مدكرتها وستليو كتكتب شافت اقبال فشهيد لي حتى هوا شافيها وغمزهاا ودورات رااسهاا كتسوط نادية:فوالا لادغيس شهيد:ميغسيي بوووكو نادية نادية:وضووروي نكلسو كافي تعاودي ليا على صغر ههههه شنو زعمة نتا تعقل عليا وانا لااا !! شهيد:مممم نديرو شي وقيت ونتلقااو نادي:هههه داكوغ سجل نمىرتي عندك جبد تيليفونو وقال :قوليي نادية:زيغو سيس ...... رجع تيليفون لجيبو وقال :غنتااصل بييك انادية داكووغ بونجوغني نادية:ههه بسلامة وسلم على خالتوو قوليها توحشتك ههه عطاها صصواابهاا وهي عطاها بضهر هوا اقبال سااط تركبوو فطموبيل وهيا مشات فحالهاا اقبال:بغيناك تشد لعنوان صدقتي شاد النمرة !! شهيد:ههههه دابا لعنوان لي مصدعنا هاحنا شدينااه نمرتها نقضيو لغراض بلوك يهنيك من صداع الرااس اقبال(كدير فالصمطة)جبهتك عرييييضة مكتقشرش شهيد: غرتييي ابيلوو هههه مجاوباتوش بااقي تحرك من حدا لكلية قاصد مكان يتغداو فييه ويداكروو اشنو يديرو واش يرجعو ولا يكملو ل فاس ....فسناك كبييير ككلسو كيتغداو شهيد:شنو بان ليك اقبال:بلا منزيد نششدك كتر ....غنرجعو لمكناس وغدا نشد طريق لفااس بوحدي شهيد:ديك لهدرة كوليهاا ....انا معااك داباا وغنلقاو انصاف بجوج ...بغيتي نشدو طريق دابا نييت معنديشش مشكيل اقبال:تسنت 15 لعام اشهيد حتى عييت شهيد:دونك مكاين لاش ناجلوها لغدا !! ...نتغدااو ونكملو طريقنااا لفاس اقبال:وخة خلاهاا من بعد مكمل لبلا ديالوو وناض لحمام يغسل عيطات على سرباي عطاها شحاال وجبداات خلصاات ومشا باش يرجع ليهاا الصرف ... كلس شهيد كيمسح فايدوو وهز لما شرب تجا سربااي جيهتو ونطق شهيد :شحال عندنا اصااحبي !! **خلصات لمدام (مد ليها الصرف ) خلاه تمشا وشاف ف اقبال: فعايل هاادو ؟ اقبال:كيجاوك شهيد:تاع لي بربقها مع والديك !! اقبال(وقفات)نوض نوض وقف كيمسح على لحيتوو وتوجهو لطموبيل كيسرح فايديه وقالت:عطيني نسووك شهيد(ضحك)اش تسووكي الزين اقبال: كنتعجب لييك والله ..شاد لبااك ياك !! شهيد: شاد راسي هههه (مد ليها الساروت )لوحينا فشي حاشية طموبيلتي مكيسوقها حد مداتهاش فيه ركبات وقربات لكرسي شوية لقدام عارفاه طويل لعجلات رجليه طوال تقدات ودارت السمطة في حين هوا ركب حداهاا شهيد:ابلااتيي ...نهدر مع مي بعدا نتسامح معاهاا ومن بعد قلعي ههههه نتوما لعيالات سوكانكم اللارووب اقبال:الى مكانت فراسك لعيالات راه وصلو لقمر كيتك نتاا دخلات وسط طريق جوايه جوج من جديد زحام ساايكة بهدووء وتقاالة عكس شهيد كيعفط فطرييق او كيبدا يضوبل فعباد الله بلا موجب شرع ...خرجات من رباط بسلاسة وشدات طرييقهاا عماتها شمش ف عينييها لي بانت من وسط ضباب واضحة مرة تبان مرة تغيب ... مد ليهاا شهيد نضاضرو وقال:ديريهم باش ميضروكش عينيك اقبال(شداتهم دارتهم وقال)شكرا بعد سااعة ديال طرييق وقفوو جنب طرييق من بعد ما لما تاع سويكلاص مبقاش خدام وزاج ضبب ... شهيد: نسيييت مزدتش لما فييهاا نزلو من طموبيل وحلات لكابو عندها قرعة تاع بمحلول ازرق خاص بسويكلاص عمرو ومشات جرباات لقاتو خدام وقالت ...مشيناا شهيد:صبري شوية ...نهار كلو ديالناا شميي لهوا شوي سدات الطموبيل وتكاو عليهاا شوي جو باارد مقابلين مع ارض زرااعية خضرة وهوا نقي طريق خاوية تقريبا قليلل فين كدوز شي طموبيل شهيد:اقبال اقبال:ممم (شافت فيه نعاام) شهيد (تقابل معاهاا حاول يرجع ليها زغيبات ورا ودنها السعاتي معامن هوا ضربات ايدوو فسماا قبل متوصل لوجهاا وضحك)تفو على ماركة اقبال:هضر كي نااس وشد ايدك عندك شهيد: نتي كتخلينا نهدرو كي نااس ؟؟ وخة نهضرو كي نااس ... كتعجبينيي ا اقبال (شاف فيعينيهاا لي كيرمشو فيه وكمل)كتحمقيني ....ومغنتفاكش معااك ....غنتزوج بيك وخة نعرف نشنق عليك تالعند لعدول اقبال(حلصرها بايدو على الطموبيل دارها لوسط مخلاها فين تمشي )واشش نتا شوية لبااس هههه حيد اشهيد من بسالتك شهيد(بجدية )مكنضحكش ا اقبال معاك بصح.... نتي هيا لمرا لي بااغي نكمل معاهاا .... وفي حنا كنمشي بلمكتااب ! ولمكتاب كونما فيهش نتيي مكنتش انرجع لمكنااس ...مكنت شغنتلاقا معاك صدفة ويتبدلوو كاع الافكار فدمااغي ....اقبال معاك بصح اقبال(تلفها بدوك لعينين وجدية كلامو عقدات ليها لسان )ش شهيد ماشي وقت هاد لهدرة شهيد(كيرمش فيها)وقتهاا ا بيلو ...هدا هوا وقتهاا ... زعمة نسيتينيي !! مبقيت كنعني ليك والوو ...انا لعكس واخة دازت سنين يمكن تناسيتك فهاد خمسطاش لعاام ولكن تيقينيي ا اقبال كنت فينما حطيت رجلي فمكنااس اول حااجة كطيح فبالي هيا نتيي .... يمكن كون قلبت عليك كي قلتيي كنت عمري نتفرق علييك ....ولكن لعقل كان صغيير وزايدون كان اخر ليا عام فمكنااس هوا داك لعام ...ومشيت قريت فبرشيد عند خالي ...موراهاا بتلت سنين من ورا لباك مشيت كملت قرايتي ف فرنساا ..وجيت اقبال:شهيد خلينا نكملو هاد طريق ....واش غير يوماين هادي تاصلات بيا وحدة من نمرتك كتقوليا بعدي من راجليي وشوف شنو كتقول نتا داباا شهيد:تمشي تعاود لمهاا هاديك ...ساليت معاهاا ...عطيني هي وقت سيمانة وحدة نفضي شغلي مع دارنا او واليديهاا وديك السااع هاني معااك اقبال(دورات وجها لجيها لخراا )عفاك اشهيد مدخلتيش فهادشيي .... انا مشغلييش بغيتي تسالي معاهاا مديرنيش سبة شهيد:نتي ماشي سبة ابيلو نتي هيا لي تمنيت نكمل معاهاا نقطة صاافي ...مغنزيدوش فهاد لهدرة ....دابا شنو قلتي ! هممم اقبال:حل روينتك عاد نهدرو فهادشي شهيد(تبسم )قلي قابلة مالك فهاد تعفاار اقبال:دابا واش غنبقااو واقفيين هناا !! تابعانا طريق شهيد؛لحماارة مها دابا حنا كنهدرو فنقااش ديال مصيير شخصين وهيا كدوي ليا على طريق اقبال:واخة نباتو هناا !! شهيد:اححح اتكون واعرة دفعاتو عليهاا ومشات لبلاصتها خلاتو كيضحك تسناتو تركب وقال:زيري شوية لفيتااس غادية على لبيض !! اقبال: لساخي نتا بروحك انا مزال باغة نعيش ...واش نتا يالله مخلص برووصي ديال السرعة وبااغي تاني تزيد .... بعد نكيرهم شددلت طريق محبسووش باقي تالفااس بعد ساعتين ونص كانو فمدينة فااس ... كل مرة يوقفو يسولو على لعنوان واحد يسيفطهم لطرييق تدخلو فنطاق فيلات صغار يالله تبناو كاين لي صالح كاين لي مزال مسكنش فيها كايين لي خدام فلاصلاحات وزواق جردة شهيد:بلاتي نسول هاد السيد ... نزل من طموبيل كيسول والراجل كيوريه فين اما اقبال عينيهاا كيدورو فلارجااء ...كتفكر كي غيكون اللقاء قلبها كيرفرف هي بووحدوو من توتر ...ركب حداهاا شهيد وقال :سيري طوالة ...لفيلا اللخرة على ليسر ديالك هوا لعنوان اقبال:متاكد ياك !! شهيد:جوج خطوات وغنتاكدوو بعينيناا (حط ايدوو على ايدهاا )رخي فيك نفس واخة ...متسرعييش وتهدني تقدر تكون لبنت معاارفة واالوو ....متنساايش راهاا فسن كغااف بزااف تحركات بالطموبيل وقفو فعين لمكان حدا فيلا مصلو حة باخر مكااين جردة ولباب من لعوود منقووش غادين فاتجااه الدار تحبسات اقبال عن الحركة ملي شاافت مرااهقة عاطياها بضهر بشعر حد ضهر زعر بدا قلبهاا كيضرب بغات تزرب تششدهاا شهيد :اقبااال اقبال(عينيها تغرغرو وبان برييقهم لي خلاه هي كيشووف )ختي اشهيد كالسين قبالت التلفاازة كيتفرجو من بعد يوم شاق فلخدمة... حياة دايرة بانيوو تلماا كدفي فيه رجليها لي طابو بلوقيف ااما هيبة مزال مجات من اخدمة حيت هيا اللخرة كتسد ... حياة:رجلي طااابوو بجهد ففف الغالية: وبسيف واش طالون ولوقفة حياة:راه ماشي لخاطري ...الى لبست لبلا مكنرتاحش فيه فلخدمة ولفت غيتة:وااقبال مغتجيشش ليوم الغالية(تنهدات )معرفت اش داارت ... حياة:راها فااس داباا غيتة: ممم حياة نطلبك طليبة حياة(هزات عينيها فيهاا) شبااغا تاني غيتة:عفاك خليوني نمشيي ...عرضاتنا واحد لبنت راه شدينا لعطلة بغيت هي نفوج شوية حياة:باغة تشطحي !! خليني هي نخرج وشطحي تاتموتي ...مكاين فين تعتبيهاا غيتة(بصوت باكي كتبحلس)هفاك اختي ...والله تقنطكلشي كيخرج انا بووحدي كنبقا فداار الغالية:فين كايمة هاد صاحبتك !! غيتة:لي مشيت لعيدميلادها داك نهار ! هيا نيت لي دايرة كليسة وجامعة عي لبنات ...نسيفط ليكم تصاور الى متيقتوش حيااة(هزات رجلها ولكدمان حمريين ونقاية نشفات رجلها من لماا ودهنات بمرطب كتمااصيهم )نبنهار ! غيتة:اه بنهاار مع ديك الربعة ....والله تنرجع ادار مع ستاا عفااااك احيااة اوالله منتعطل حياة: واخة صافي غيتة(بفرحة)واش بصح (ناضت عنقاتها)شكرااا ابب حياةة:حيدي حيدي من داك تبحليس اقسمبالله ستا متلقاك هناا ! هي قلبي فين تبااتي الغالية: وكلتيها لاقبال !! غيتة:هاا وصافي بحال اقبال بحال حيااة حياة:صافي هي خليها تمشي لعطلة هادي ... ناضتت كتجري لبيت كتنقز علمات بدر بلي غتجي ولفرحة خلاتها تنقز وشعرها كيلعب وراهاا حلات جيختها تاع لماريو اول مطاحت عليه عينيهاا لكسوة لي شرات ليها حياة فصيف بصومو وصباط بلا بيض علقاتها لاش تطلق وجبدات ليها ليبة موس ... دخلات لغالية عليهاا وقالت بهمس :راه عليا بليمييين تنقلبك وراا هاد لخرجة ....قسمت ليك بالله يااا لمعزة وتجينيي مقيووسة غير لملحت بووكلكلااب ياكلووك مولدات فياا الشلحة هي لحخلا غيتة(كتغبن)وماما راه غير بنااات ...والله وتقلبيني تنقولها لاقبال هزات لغالية ايدها بضربها ولخراا هرباات لجيهة لخرى مخبية بمخدة :داباا انا لي والداك ولا اقبال اجحموومة هااا ....وهاني علمتك وسيري السلكووطة ديري شي موصيبة خرجات خلات غيتة كتعيب فهدرتها وملامح وجهاا تجاتها صندالة من جيهت لباب فكتفها وقالت:مامااا الغالية:بقاي تعوجي لييا فسيفتك تماا كتر ماههيا عوجة ....نوضييي ...نوضي غسلي مااعن لغدااا من صباح وهوما تماا يالله تكعدي ناضت كتسووط مشات لكوزينة عدوهاا وجنونها تغسل لماعن وتشقااا ...كل مرة شنو مهرسة كاس طبسيل زلافة لي جات بسم الله ...لفم ماضي ودراع مكاضي ....تعيا لغالية بلغواات شلي هاد لكااس عاودي هاد لكوكوت ولي فراسها فراسهاا الغالية(عصباتهاا )ومكواااا هدا لي يديييك اتعيشييه ها فلخنز غيتة(بافتخار)انااا مغنشقاش غيجيب لياا راجليي خدااامة مالي انتزوج بمزلووط ؟ اوى صافي ** شهيد:صبري مبقا والووو ...هي صبري شد فايدها وتاهياا ما منعاتوش هزات عينيها جيهت لباب لقات لبنت مكاينااش ....توجهو لباب صوناا فلباب كيتسناو الرد تاتحل لباب من طرف سيظة ف لاربعينات ب بيجامة طويلة سخونة او فولار على راسهاا صابو ديال الدار وفواطة تاع لكوزينة وقال:نعاس اسيديي !! اقبال: هناا كتسكن عتيقة !!! **ايييه بنتيي ....شكون نكوليهاا !! شهيد:معرفة قديمة الالة لكان ممكن نشوفوهاا **واخة اسيدي سمحوليا نعلمها رجعات سدات لباب فلحين خلاتهم واقفيين كيتسنااو ترجعات وقالت :دخلوو من شتاا اولديي مرحباا دخل شهيد وايدو مفارقاتش اقبال لي قلبها كيضرب بجهد دقائق قليلة ودخلو لدار لي كانت مفرشة على حقها وطريقهاا ... كلسوو فصالوون شوفيا نشووف فيك كيتسناوها تبان ...تنزلات عندهم سيدة فعمر لخمسينات تقريبا مباينش فيها نهائيا لعمر ب بينوار قصير مقطن وشعر صفر وبانطوفة تدار وقالت:السلاام عليكم وقفو باحترام سلمو عليهاا وكلسات قبالتهمم شهيد:لالة عتيقة ياك عتيقة:ايه اولدي !! سمحولي معرفتكومش ... اقبال:تاحنا مكنعرفووكش الالة عتيقة عتيقة:وشنو سبب زياارة !! اقبال؛واحد لامانة عندك عتيقة(كمشة وجهاا ولمرا كتحط فدواز اتاي)شمن امانة ابنتي اقبال(بحرقة وهدوء ) انصااف فور متدكر اسم انصاف كانت السيدة جايبة الصينية تفافات ليهاا توقف شهيد بزربة وقال:بشوية الالة ... ** ههه تعكلت اولدي سمحولياا رجع لبلااصتوو وهز عينو ف عتيقة لي مشا منهاا اللون كانت مشبكة ايدهاا تزيرات عليهم ...لاحضهاا شهيد وعوج راسو شاف فاقبال لقاها كتشوف بجمود فعتيقة اقبال: لالة عتيقة !! سمعتيني ! عتيقة:(تداركات الصدمة )ش شكون انصااف ابنتيي !! اقبال:كيفاش شكون انصااف ....انصااف لبنت لي عطاتها لييك واحد لمرا سميتها لغالية عتيقة(بنكران) ابنتي يمكن غالطة فلعنوان ! مكنعرف تااا وحدة بهاد سمية !! اقبال:مغالطاااش الالة عتيقة ...ياك راجلك سميتو سعيد !! شهيد؛لالة عتيقة ...حنا ماجيناشش باش نديرو شي مشكيلل بغينا هي نعرفو انصاف فيناهياا واش لبااس علليهاا عتيقة(تزاد معاها زايد وبانت فوجهاا ولات كدور فعينيها وتحك فعنقهاا )لبنت لي كتقلبو عليهااا ....راه معنديش اقبال(هزات حاجبها باصغاء) كيفاش معندكش وعندمن !! عندي اناا !! شهيد:الحااجة !! لبنت ديتيها نتي ورااجلك من عند واحد السيدة فمكناس ف 2003 وكتقولي ليا داباا معندييش شوية اللوجيك عفاااك .....حنا مباغينش صدااع وحتى لمكنتيش قاايلة لانصااف على خوتاتها ومهاا لبيولوجية حنا مقدرييين هدشي !! ولكن متغطيش سما بلغربال !! عتيقة:فاطمة !! فاطمة!! جات السيدة عندها وقالت:نعام الالة عتيقة:تاصلي ب السعيد قوليه يجي دابااا شافت اقبال فشهيد لي طمنها بعيننيه ولخراا كتفرك ايديها وساكتة الصينية تاع اتاي وتقيوتات فوق الطبلة مقاسسهم حد ....ماشي بزاف تدخل رجل خمسيني بشعر ابيض مزال مهلي فراسو وخة هكاك سلم عليهم وكلس جنب عتيقة كيسول بعينيه سعيد: شكون نتوماا اقببال: مغنبقاوش نعاودو فلهدرة اسيدي ....انا خت انصااف لبنت لي ديتوها وربيتوها 15 لعام هادي!! شاف الاخير فمراتوو شوفيا نشوف فيك اطاجين لحوت واقبال كالسة على اعصاابها بهاد سكات وشوفاتهم لبعضياتهم سعيد(نضف حلقوو ) سمعيني ابنتي ....انصاف معندنااش ! اقبال:(بحدة)واش كضحكو علياااا !! ولبنت لي عاد شفت قدام لباب شكووون عتيقة (بسرعة)هاديك بنتييي ....بنتي من لحمي ودميي ....اسمعينيي لبنت لي كتقلبو عليهاا مربيتهاش اناا ....مولفاتنيييش .... دوزات معاياا عاام ...بلكشايف ...عصبية وكتبكي بزاااف مبغاتنييييش نهائياا مخليت مجربت معاهاا ....بغا الله وحملت !! او رجعنا لمكنااس باش نرجعها ليكم ملقيتكمش !! رحلتوو شهيد:داباا فييين لبنت اقبال(صدمة عقدات لبها لساان)نتي كتدكبييي باش متوريناش انصاااف ....مبغيتبهاش تعرفناا ياااك سعيد: نهاك الله !! علاش غنخبيوها عليك !! حتك ابنتي من ورا ملقيناهاش تكلفات بيها واحد السيدة كانت خدامة عندناا هناا !! ملي عطيناها ليهاا ومعاودنا عرفنا على ختك والووو اقبال(حطات ايدها على فمهاا بحالة صدمة تدخلات لبنت لي شافت قدام لباب سمعاتها اقبال او قلبها قفز ...وقفات بزربة وتوجهات لبنت لي مفهمات والووو ...شافت ليها فعينيهاا نيشان كانوو كحلين وتوحيمة ف حنكهاا طلقات منهاا عتيقة:راه قلت ليك هادي بنتيي !! اقبال(بصراخ) وختي ماشي بناااادم تلوحوخا من قنت لقنت !! علاااش مخليتيهاش معاااك علاااش ....كنت غنجي ونديها واحد نهار ....واش نتوما بناااادم دابااا شهيد (شدهاا باش تهدن )دابااا حنا مجايينش على ود صداع ....عطيونا عنوان هاد السيدة سعيد: معاارفهااش عتيقة: دازت خمسطاش لعام منين غنعرف عنوان وحدة كانت خدامة عندي !! اقبال:وشنوو كتعرفيي !! تدي لناس ولادهم وملي يفرعو ليك راسك بلغوات تلووحييهم ....نتي ام نتييي !! سعيد:ايييه حتاارمي رااسك شههيد(بحدة دارها فجنبوو)نتوما لي خاصكم تحشمو من فعاايلكم ....لحبس وقليل فحكم بجوج ...شنووو كدبووني !! ....نهار عرفتي راسك قادرة تولدي شنو قلتي !و لاش نربي بنات الناااس ولحتيها بحال شي مونيكة !! ...هادي هيا الانسانية عتيقة:ملحتهااش ...نتوما لي لحتوهااا قبيحة ومكتسكتش بزز مني نربيهااا !! لي عليا درتوو كنت نديرها بحال بنتي ولكن مبغاتنيش .... اقبال(بلغوات)فييييين ختي دابا فيييين عتيقة: معرفتش !! السيدة لي داتهاا معاوداتش رجعاات مزال لارض داخت باقبال شدها شهيد وقال :كتنعسوو مرتاحييين زعمة !! لهدرة مزال مسالاتش ... خرج اقبال بزز وفلباب لقاو فاطمة كتحل ليهم لباب لاحض شهيدبلي بغات تقول شي حاجة وعيطات ليها عتيقة ومشات بجري تالفة ... اقبال:مخبييينها مبغاوش يعطيوني ختي اشهييد شهيد(شد كتافها بين ايدوو) تكاالمااي ا اقباال عفاااك ....غنلقاو حل قدام الطموبيل والريح كيضرب فيهم باارد كيهدن فيهاا لاحض عينيهاا لي كساااتهم دمووع ...عياات تخبيي عياات تخزنها فقلبهاا ومتضعفش قدام ايي شخص حس بيها هازة جبل فوق كتاافهاا زير عللى كتاافهاا وجرها ناحية صدرو بلطف ...معتارضاتش بتاتاا شهيد (بحب) خرجي لي عندك اقبال ....بكي باش ترتااحي (زير عليهاا وبقبلة على شعرهاا تسمعاات شهقتهاا فحضنو ومزيرة عليه وكتاافهاا كيتهزوو بلطف كيدوز ايدو على ضهرهاا. وراسهاا باش ترتااح وتنفس شوية ...كان عندها امل كبير يكون لقاءها بختها ليووم ولكن القدر عندوو كلمة خرى ** لحظة عناقك... لا أريدها أن تنتهي لاتنفسك كلما رآودني الشوق إليك ** تنهد من بعد ملاحض بلي تهدناات شوي ولكن مفرقووش العنااق لدقاائق كتيرة فنفس لوضعية. تطلقات منوو وبغات تبعد وعوج راسو فيهاا شد ليها وجهاا وقال:صافاا !! كانت مهبطة عينهاا كتمسح ما تبقا من دموعهاا وحركات راسها باه وعطاتو بضهر بتركب وقالت بصوت مبحوح كتجر فنيوفها:بخير .. اقبال من النوع لي مكيبغيش يبين ضعفوو او يبكي قدام شي حد من غير لي خلقناا ....انسانة لي كتسبق فرحتهم على فرحتهاا ولو يجيو يطلوو على قلبها من لداخل ايلقااو مرييض كيفتاقد لحيااة وطعمها كيفتااقد لفرحة وبزاف لحوايج هي كتعطيهم ومكتلقاش لي يعطيهاا ولو شوية .... من النوع لي ولفوها هياا تعطيي هياا تقابل ...هياا تحن فيهم وهياا ضحك ليهم وتكون ليهم كيف الشمعة ....ولكن هاد الشمعة لطفاات شكوون غيشعلهاا ؟؟ قبل متركب حط ايدوو على درااعهاا وجرهاا لنحيتوو وشد وجهاا بين ايدوو وشاف داك لوجه ليي ولا حمر ولعينين حمريين كيالموو ...دوز صباعو على شفارها وهوا شااد وجهاا وهياا ساكتة ومستسلمة على الاخر قال بصوت داافئ :بيلوو !!....غنلقاوهااا وخة نبقاو حياتنا كاملة كنقلبوو عليها ...غنلقاوهاا ...وخة ندق دار بداار حتى نلقااوهاا (باس جبهتهاا بقبلة دافئة بنفس سخوون وختم بقولو : رتاحيي عفاااك وهوماا فحوار داافئ كيحاول يبرد عليها شوية من لي حاسة بيه سمعو خطوات كيزربو جيهتهم ...دار بجنبو كيلمح فاطمة جاية كتزرب بصابوو وفايدها ميكة تاع زبل وكتشوف وراهاا ...طلق من اقبال لي منتابهاتش نهائيااا فاطمة(بزربة )الحمد لله لقيتكم مزاال هنا(شافت وراهاا ومدات ايدها لشهيد ولهدرة بزربة )هاداا عنوان السيدة لي عطاوهاا انصااف خلاتو لياا مسكينة سيرو عندهاا ....بسلامة قربات اقبال فدهشة شدات من عندو الورقة وقالت بعيون حمراء:واش متاكدة ! فاطمة:شوفي ابنتي راه دين على رقبتيي خلاتو لياا هي تعاودليكم انا معارفاش واش ختكم عندها ولا لا لي عارفة ابنتي عطاتني هاد لعنوان وكالت ليا نهار يسول شي حد فانصااف عطيه لعنوان شهيد :شكراا الالة فاطمة جبد من جيبو 200 درهم دارها ليها فايدهاا حلفاات تشدهاا فاللخر عطاها ليهاا وشكرووهاا ...ركبات اقبال فطموبيل مرفوعة كتشوف فلعنوان حتى ركب حداها شهيد وقال:عطيني نشوف فين !! اقبال(مدات ليه لورقة )شوف شهيد:نسوولو عليه ونشوفوو ... من واحد لواحد كينزل يسول ...من بعد قالو لهي بليي هاد لعنوان خارج لمدينة بشوية ...مترددوش يشدو طريق لي تنعتات ليهم ...من واحد لواحد وشتاا مرة تجهد مرة تحبس غادين فطريق بلا ميعيااو وقف قدام جامع كان لفقيه واقف باش يدخل يادن صلاة لمغرب توقف عليه شهيد وقال:السلام عليك اسي لفقيه ..:وعليكم السلام ورحمته شهيد (شاف فلورقة)عفااك كنسول على هاد لعنوان وقالو لياا هاد دوار نييت ....واخد السيدة كيقولو ليهاا(شاف لورقة تاني)بنت ..بنت لغزواني ...ىايييه عرفتهاا اولدي شكون ميعرفش لغزواني ....عندو بنت وحدة ....اتمشي اولديي نيييشاان شفتي ديك الدار لحمرة لي عالية شوية ومصلوحة !! قدامها كاينة واحد دويرة صغييرة ايوريوها لييك نااس شهيد:شكراا اسي لفقييه رجع لطمروبيل وشاف فاقبال :قربناا دار لي هناا (شاف فطرييق )نتمشاو على رجلينا حسن !! زنقة ديقة بزااف اقبال:داكشي لي بان لياا خرجو من طموبيل كيتجنبوو لايس فلارض رجال جايين يصلييو وخة شتاا ولبرد او دراري كيلعبو فلغيس بعد شهيد اقباال لجنبو ملي شاف سيد جاي فوق لبيكالة باش ميطيرش عليهم لغيس تنهد وهوا كيشوف فطريق كي مزفتة عليهاا حفااري ولماا وديوور حالة يرتى لهاا وصلو لدار لحمرة وسولو وسيفطيهم لدار فلقنت كانت قديمة الدار ولباب رااشي من لحديد بلما لتحت ومصدي ....اقبال مبقاش ليها جهد تهدر كاع صدمة على صدمة ...دق شهيد فلباب لي كان مشدود هي ب السلك مكاينش بلاصت الساروت ...سمعو صوت سيدة من لداخل جاية وحبس حلات سيدة كبيرة فلعمر شوية غليضة ولاوية عليها بينوار غليض شافت فيهم وقالت:علامن تسول اولدي ؟ شهيد:بنت لغزواني !! ....:انا اولدي شكون نتوماا اقبال:جينا عندك من طرف فاطمة ....نتي هيا لي بقات عندك انصاف ...انا ختهاا ! سكتات لمرا شوية وقالت بهدوء:دخلو ابنتيي شتاا دخلوو شافو فبعضياتهم ودخلو تابعينهاا ....دار تشفي لعدوو لقطرة كطيح كلشي راشي كاين لي سااكن وكاين هي لي مخبي من شتا وشمش ....الارزاق مامقادينش .... حطو سبابطهم فدخلة تاع لباب فوق شيفوون بعدوهم على شتا ودخلوو ولمرا قدامهم شادة فلحيط وكتمشا بزز دخلاتهم لبيت ...كان فيه راجل سبعيني مغطيي ونااعس فوق سدااري وتلفازة شاعلة مجمر فلارض كيدفيو بيه وقالت:زيدوو كلسوو ابنتي لحس مقطوع باينة غير هوما بجو لي كاينين كلسو حدا بعضيتهم فوق طليق والسيد ناعس وعلى راسو طاكية تاع لخيط .... اقبال(شافت فلمرا)خالتي !! فين انصاف معندكش ....: واش ابنتي ديك طريف تلحم سخات بيه مك !! وعلااش تولدوو ملي تكرفص عليه وتلوحو لمن والاا (تنهدات)انا ربي معطانيش لولااد ...هداك راجلي مريض رجل هنا ورجل لهيه غدا ولا بعدوو نبقاا بوحدي لا حنين لا رحيم ....لولاد زينين وكاين لي عطاهم ليه الله ومحامدش مولاه .... اقبال:مكتاااب .... ...:منهار دخلت ختك لديك الداار وهيا كتبكي ...كانت عتيقة غواتها مع راجلها كتخرجو فيهاا ....تالنهار حملات مبقاتش حاملاها كااع ....تخليها بجووع تنوكلهاا ولاا تنزلها ليااا تربيت عليها لكبدة ....واحد نهار ابنتي كالت لياا ديهااا مبغيتهاش تبقا فداري ديها لمها ولا ديها نتيي. ...وراتني فين كنتو ساكنين ومشييت قالو ليا رحلتوو ... مبقا عندي مندير رجعتها ليها كاتليااا ديها لخيرية ولا ربيهاا ....شديتهاا عنديي درتها بنيتي ....راجل مرض خرج من لخدمة وانا صحتي قلالت على وديت خدمة ديور ....وليت نبيع لخبز ونحط ونحط انصاف حداياا ....ملقيت لا حنين لا رحيم ....خاصني دواا لييه وليت كنمشي لحدا جامع وؤعطيوني ناس لمساعدة ....وكانت ديك لحملة لي لقاوها كطلب يديوها (تنهدات )محسيت بيهم تهزووني انا واقبال عندها ربع سنين ....فين لورااق واش هادي بنتك ...لا ! فين وراقها ...كطلبي بيهاا ....(تنهدات)داو ليا بنيتي لخيرية وخلاوني وحدانية .... تحنات اقبال شادة رااسهاا لي عرق كيضرب فييه بغات يطرطق شهيد (باسف)لا حول ولا قوة الا بالله ...:هدشي لي عطا الله ....حيدتها من لعدااب تاع عتيقة ...ماعرفت انا بلي اتكرفص معاياا (بدات كتبكي)كانت امزينها بنية كي الشهدة ....هي كضحك وعويناتها ينسيوك هم الدنيااا ....شحال بكيت وشكيت قدام لخيرية تعيييت ....عمري شفتها من داك نهار ...دابا اتكون كبرااات وزياانت اقبال(حلقها نشف )وفينهيا دابا ...:معرفتش ابنتي كالو ليا ديناها لخيرية بدا الرااجل كيكحب وناضت عندو كتجر رجلها كضرها كعداتو شوية كتدوي معاه عطاتو يشرب وقدات ليه لغطاا ....ورجعات لعندهم كلسات وقالت:نتي ختهاا اقبال:اه ...ونتاا اولدي خوهاا شهيد:لااا اخالتي ماشي خوهاا (شاف فاقبال)راجل ختهاا كانت اقبال كتحك ايديها مع بعضياتهم وساهية تنطقها وشافت فيه بديك الشوفة تاع منيتك ...مزيان اولدي الله ايتاويكم لخيير وتكمل فرحتك ابنتي وتلقاي خويتك اقبال(بحرقة )امييين ياربي ....فين كاين لخيرية !! ...كاينة وحدة ها سولي عليهاا ابنتي ينعتوها لييك ....مكرهت نمشي معااكم نشوفهاا (تنهدات)تجيبيها ليا ابنتي نشووفهاا اقبال(بحزن)نلقاها اخالتي بعداا....نمشييو يالله نعرفو فين ...:كلسوو هاد الليلة ...شتاا كطيح والليل هداا ونسوني هاد الليلة عفا بنتيي وغدا صباح تيسروو شهيد:مكاين لاش ا لخالة ....نشوفو شو اوطيل منهنا لصبااح ...اقبال يالله ....ربي الى ما كلسوو ونسوووني مزال مضاايفتكم لا باتاي لا بقهوة ...ولا مراضينش اقبال:خاشاا اخالتي !! شهيد:علاا هاد الهضرة هاحناا كالسيين نشربو من ايدك شي كاس ديال اتااي ...مرحبا اولديي اا مك فاطنة كلشي يشكروو تسناوني ... ناضت فاطنة لكوزينتهت لمتواضعة جبدات دجاج يتطلق من لفريكو ونفس لوقت كتعمر فاتااي وكتشوف شنو تحط معااه ... اقبال:امتا وليت مراتك بالسلامة !! شهيد؛من ليوم نتي مراتي ....اصلا اياام قليلة ونخطبك(غمزها) اقبال:وجهك قااسح مكيتقشرش شهيد(لاح ايدو وراهاا )دوريجيين ابيلوو ....مالك سهيتي اقبال(كتحك فايدها مع بعضياتهم وكتنهد)وااالو ....هي تنفكر فهاد دورة لي جاايبيين شهيد(مسح على كتفهاا )الدنيا هيا هادي ....ضروري تكركبك باش تعلم .... بعد دقائق معدودة جات فاطنة بصينية اتااي بنعناع كيتشم من بعد او طبسيل تاع لفااكية كاوكاو او تمر ولكركاع ... اقبال:خالتي فاطنة ...معندكش شي تصويرة تاع انصااف فاطنة:عندي وحيييدة ابنتيي انوريها لييك ....شربو اتااي مرحبا هانا جاية مشات لبيت لاخر جابت تصويرة كانت مصورة فطليق ودايرة فايدها لحنة وفرحانة بيهاا فعمر تلات سنوات لابسة كسيوة حمرة طويلة وكالسة وشعرها مطلووق. شهب ولعينين خوضر شداتها اقباال وقلبها كيرجف كدوز ايدها على وجه انصااف لملائكي وتبسمات لديك ضحيكة لخارجة من لقلب محسات تطاحت دمعة على تصويرة ....مسحاتهاا دغياا اقبال:كانت كتقوليك مي فاطنة:كانت مسيكينة حنينة ودريويششة وتسمع لهدرة ....(تنهدات)ياربي نشوفها قبل منمووت شهيد:غنشوفوها كاملين ان شاء الله (ربت على ايد اقبال لي مزال كتشوف فتصويرة)اقبال شربي كااسك .... كانت شتا تجهداات على برا وضلام طاح مرة مرة الرعدة كضرب تاصلا اقبال طمنات على خوتاتهاا وقطعات وشهيد كدالك فاطنة:طريق خااايبة فشتا اوليدي ....باتو تالصباح ويفتح شهيد(شاف فاقبال )وخة الالة فاطنة ناضت الاخيرة شربات دوا لراجلها لي فاق ولكن هي كيشووف مبقا يهدر ميتكلم عياان وهزييل ...بقا شهيد كيسولها شنو عندوو وكيقرا دوايات لي محطوطين حدا راسوو فاطنة:مخليت اولدي فين ديتوو عيييت طبيب لي ديتو عندو يقولياا مابقا منششدو فييه دييه لداروو ....نهار كيتزاد عليه لحال نديه لسبيطار يدوز تلتيام ويخرجووه لياا (تنهدات)اوووى حنا صابرين اشخلاهاا هدااك ...تالنهار يامر الله شهيد(باسف)الله ايكون معااك مساهلاش اقبال:ربي كاين مكينسا حد فلبيت لاخر كانت خدات اقبال ععباية تصلا وصلات لي فاتهاا وبقات كالسة كتسمع لصوت شتا لي مسحاتش وهزات راسها لفوق لحيوط مندين بلماا تنهدات وحمدات الله وشكراتوو معنندهاش ومخصهااش ....ناس خرا ملقات فين تعيش وملقات فين تغطا على شتااا بعد صلاة لعشااا حطات فاطنة طاجين بلخضرة ودجاج طايب على لفاخر ريحتو تشهي ولبطبوط على لخبااز فاطنة:وقبلو على موجد ...مرحبا بيكم اقبال:لخير مجود اخالتي الله اكبر بييك باشرو بلاكل وشكروها على طيابهاا واخدين لحاديت على الاموور ومرة مرة تعاود ليهم على شي طريفة مع انصاف واقبال تخيلها كي كانت وتضحك .... من ورا لعشاا كلسو كيدي فيهم نعاس فاطنة قدات ليهم لبيت لاخر وهيا كتنعس حدا راجلهاا فاطنة:نوضو ابنتي تنعسو تكونو عيتتو ليوم ... اقبال:تصبحي على خير اخاالتي دخلات لبييت لاخر كانت فاطنة فراشت ليهم فلارض فراش مجموع على اساس انهم مزوجيين ضحكات وهيا كتشوف كانو مانط جداد ونقايياا من دوك الرطبين لي كيتخباو هي لضباف وجوج مخاد بغشيان موردين وجوج مانط لغطا محسات هي بلحيتو قرصات ودنها وهوا وراهاا تبعدات طاغجة وقال:شبانلييك نسبقو دخلة عند لالة فاطنة اقبال(خرجو عيينيها وضرباتو لصدرو تشدوو كيتالم ويضحك )واش نتااا مرييييض شهيد:ههه مال ديل مك تابعاك تابعاااك (بغات تعطيه تاني وشد ليها ايدهاا جرها جيهتوو)ههه هي لي بغا يلعب مع ميكانيك ههه اقبال:طلق اشهيد من لبسالة راه عند النااس مص شفايفو راخي فيها عينيه ضاحك مخاصو تاااا خير وقال بحب :علاش عينيك كيفتنوو اقبال(دورات رااسهاا عليه )لا خول ولا قوة الا بالله ....اش خاصك العريان ...خاتم امولاي .... طلات عليهم فااطنة وقفزاتهم بصوتها تطلق منهاا فاطنة:الى خاصكم لغطااا ابنتيي هاهواا فوق لكرسي ....نرد لباب !! اقبال:لااا ! لا اخالتيي هي خليه منفس شكراا رداتو بلا متسدوو ومشاات والاخيرة دفعات شهيد عليه كيضحك وكيحيد فلمونطو ديالو ولكاشكوول وكحطهم فوق مخدة :تنعسي من جنب لحيط باش نزير مك مزيااان ابنت الغالية اقبال (عاطياه بضهر هيا الاخيرة كتحيد فلمونطوو )تنعس على زرب السلكوط