الجزء 17 - حكاية أنثى

 

ضحك كيحيد فساعتو من ايدو ودارهاا فجيب لمونطو باش متلفش ومشا تلاح فلفراش مسرح رجل وتاني رجل وداير ايديه ورا ضهروو كيشوفيها كي تاالفة وكيضحك بهمس تضارت عندو كتقاد تيشورت فوق السروال اقبال تهجروو بما ان لبلاصة كبيرة كاين ليسباص بيناتهم متحتاجش تجر لفراش لبلاصة خراا عطاتو مانطة وجرات مانطة طواتها على جوج وتغطات بيهاا ونعسات على ضهرها كتحقق تيليفونهاا اقبال: ففف امتا يصبح صباح شهيد(ضار جيهتهاا)علااش ؟ انا بغيتو يدوز طوييل (عطاتو بضهر بتحت تيليفوون وهز ايدوو جر لبانضة من شعرهاا حتى تطلق قهوي مايل للاسو على لمخدة اقبال:تعلم تشد ايدك نتفتيني ...اراا لبانضة شهيد(علا ايديه )خليه يتنفس هههه عقلتي نهار كنتي كديري ضفيرة ونجرك منهاا اقبال(ضحكات بخفة )عقلتي نهار لحتك من فوق لبيكالة كاع لبراهش ضحكو عليك تكا راسوو على لحيط كيضحك وقال:كنتي مشبعاني عصااا (شاف فيها )ولكن اش ندير (داعب نيفهاا )طحت فبنت السيكليس مرا بميات رااجل اقبال:مممم نتا كطيح ! شهيد: طحت مرة وحدة فحيااتي معاودتش نضت اقبال:سمعتيي لي سمعت !!! شهيد:لاا مسمعت والوو اقبال: شي سلوكية طلقات فنص الليل (رجعات تكات خلاتو كيضحك ) شعيد:ههههه (حط ايدو على شعرهاا من بعد مغمضات عينيها ...هز خصلات من شعرها رطبين وسكت وتاهيااا مامنعاتووش ...كانت ايدو كدوز بحنان على شعرهاا منحاتها الطمئنينة والسكون ...نطق بعد صمت وقال:مكتفكريش تشوفي حميد فين كاين اقبال:شكون والد لاخر !! نقلب على واحد خلانا وزاااد شهيد:كيبقا بااك هدااك او لواليدين يديرو لي دارو منقدروش نبدلووهم اقبال: يكون فينما بغا يكوون معمري كلفت راسي نفكر فييه ..همي لوحيد داباا نلقا ختيي ومكنفكرش فشي حاجة من غيرهاا شهيد (وقف طفا الضو من حداه وجر لمانطة عليه شرجم صغير كان مدخل ليهم الضو وشتا كتسمع خيط من سماا على سقف تاع لقزدير قدام دار .... اقبال(عطاتو بضهر )تصبح على خير شهيد:تصبحي على خير الزين بقات ساهرة لمدة فتفكير اما شهيد كان نعس على ضهرو ومغطي عينيه بايدو وتنفسو انتااضم لحضات وكانت حتى هياا ناعسة ... بان ضو تاع صبااح وشتا سحات شوية ...كان شهيد لايح عليهاا ايدوو وناعسة عاطيا ليه بوجها مكيفصلهم والو من غير لغطا لي كل واحد بوحدو على لفريخات قدر يفيق هوا اللول ...هبط راسو لتحت بانت لييه مخشية فييه وراسها قريب لعنقوو وشعرها مزلع ...هز ايدو كيقاد شعرها لي واصل لفموو وتاوب كيحك فعينيك .... تقلبات على ضهرهاا وهوا كلس كيتاابو يحسابو فااقت دور جنبو جيهتها بعينين مجبدين بنعاس ولحية مبعترة سوداء بانت ليه زوينة بديك النعسة ولهدوء ... جبد تيليفونو من تحت لمخدة صورهاا كيضحك وقرب جيهتها مكالي بدرااعوو حالة فمها شوية ...مغيبة ...حرك اصابع ايدو بلخلف على حنكهاا كينادي باسمهاا بخفووت مسمعاتووش ...تحنا ببطئ وقبلهاا فحنكهاا مستاغل هدوءهاا ...فور متقرصات بلحيتو دورات وجهاا ...تقاد كيتسناها تفييق مكالي راسو بايدو على لمخدة تشافت فييه مكمشة عينيها وهزات ايديها كتمسح على وجهها اقبال(بصوت خافت باح بنعاس)صباح لخيير (تاوبات وكلسسات وشعرها تبوكلا بنعاس )استغفر الله شهيد:نعستي مزيان امدام اقبال(شافت فييه هي بعين ولخرا مسدودة )صباح الله تااني مكتقداش شهيد؛لابونموو ههه عطينيي بوسة صبااح من صواب اقبال:انعطيك شي ضربة على صباح شهيد:ياك تيقوليك ضرب لحبيب كاكل الزبيب ههههه وقفات وهوا مزال مسرح كنازتو فوق لفراش كطوي فلمانط تهزات عليه لماانطة وجرها على غفلة تطاحت عليه على طولتهاا شهيد:ارسوووول الله ...ناري لمها شحال تقيلة هزات ايدهاا بكرووشية عطاتها لييه لصدروو وبغات تنوض وزيرهااا عندو اقبال:شهيد هاد الضحك والله مكنحملو اقسم بالله شهيد:ههههه انا كيعجبنيي ....هدااي نعل حسك ...نطلقك هههه شي بووسة وسيري اقبال(ولات حمرة من تجبدات مكرهاتش تشتف علييه زلال من زلااايلية لكباار )واخة يالله هي طلق شهيد:تت مافيك تيقة ابنت لغالية قربها لحنكوو وقال:بووسيي قرة عينك بلا متفكر جوج مراات فوق لحيتو عطاتووو عضة يمووت شاروخان زماانو مينساهااا ملقا كي يدير يغوت ولا يقلبها تحتوو....طلق منهااا بلهلا يطرييه لييهه ...هي لقات راسها مرخووفة نااضت بزربة وقالت:جهل وقلة دوا شهيد(شد حنكوو كيوزوز بلعضة جاب الله لحيتو مغطية اما تصور ليه فضيحة فوجهوو )شفتي الى مسمحتش ليييك انااا معندك فين تحطي رااسك اقبال(ضرباتو برجلها لرجلوو :نوووض تكعد جمع معاݣلك (رجليك) نجمع لفراش لسيدة (بهمس )ونوووض شهيد(بطنز) ميبقاش فياا لحال على لبووسة ....ملي كنتي كتشخري (غمزها )خدييييتها من داك لفم امزيناتها اقبال(كانت كطوي فلمانطة ديالوو وحبسات كتشووفييه كيضحك طاانز عرفاتو ميديرهاش حيت وخة زلال ماشي مكبوت ) برهوش وقف كيسرح فكتافو وكيطرطقوو وهز مونطو ديالو لبسووو وخرج براا لقا السيدة فلكوزينة رما ليها السلام وخرج وراتو طواليط غسل وجهوو وخرج برا الدار دنيا مغيسة بحال لحريرة ضربو جو صبااح فيقوو وحنكو عطااه لحريق كيوزوز اما اقبال حمعات لفرااش ولبسات عليهاا وخرجات لعند فاطنة صبحات عليهاا عطاتها سطيلة تلما لوضو وخرجات لطواليط توضاات وجمعات شعرهاا وخرج وجها حمر وفازك بلماا ...دخلات لبيت صلاة الصبح .... من بعدما حطو لفطور فطرو جميع فاطنة:نمشي معاكم ابنتيي ما ربما تشوفوهاا ! اقبال:يالله اخاالتي ...ولكن السيد معامن تخليه ! فاطنة:انعيط لجارتي مرة مرة طل علييه شهيد؛هيا داباا !! هدا لوقت اقباال يالله وقفو امام لخيرية لي سولو عليهاا ولي نعتاتها ليهم فاطنة لي راكبة اللور معااهم ...نزلو بجوج بيهم من غير فاطنة حيت مغيدخلوش بتلاتاا .... اقبال مجرد محطات رجلها حدا لباب بدا قلبها كيضرب قريب يسكت ...توجه شهيد لعند لعساس راجل كبير كالس حدا لباب هدر معاه وحل ليهم لباب دخلوو للايدارة دقائق قليلة كانو فمكتب لمديرة كيتسناو فيهاا تدخل عندهم وهوما كالسين فلكراسة على اعصابهم تدخلات سيدة كبيرة شوية فلاج وباينة فوجها قااسحة ...كلسات قبالتهم وقالت:شنوو حب لخااطر اقبال:كنقلبو على واحد لبنت ....سمعنا بليي جبتوها لخيرية عام 2007 هناا ...سمييتها انصاف م...: انصاف !! اقبال(جبدات الصورة ديالها لي عطاتهاا فاطنة وراتها ليهاا )كانت فهاد لاج ملي جات هناا .... م...:عطيني واحد دقيقة نشوف فلارشييف ...نقدر نعرف شكون نتي !! اقبال:اناا ختهاا وسنين كنقلب عليهاا م..:داكووغ واحد دقيقة .. خرجات من لبييرو خلات التوتر لاعب بيهااا كتهزز فرجليهاا وتمص فمهاا في حيين شهيد كيهدر بخفوت مع موو لي صونات ليه شهيد: لعشية نكون تماا ونهدرو ...داباا مامساليش الواليدة !....وصاافي دويناا صافي قطع معاها وشاف فاقبال وقال:يكون خير اقبال:معرفتش دازت عشرين دقيقة فما فوق ...تدخلات المديرة فايديها ملفاات قلال حطاتهم على لبيروو وقالت :عندي تلتا تلبنات دخلو لمؤسسة بنفس الاسم ...ونفس لاج غير كل وحدة وضروف فاش جاات ....متلا هادي انصاف ** ماتو واليديهاا بكسيدة ومبغا تاحد فعائلتها يتكلف بيهاا وجابها لينا هنا ...كانت مزال صغيرة والتانية هادي لقيناهاا تاالفة فشاريع وجابوهاا ليناا من بعد مفقدو الامل يلقاو واليديهاا او التاالتة انصاف الكنية مامعروفاش حتى هياا ...لقاوهاا عند مرا كطلب بلا اي ورقة كتبت بلي بنتهاا..او اقبال(بزربة)هااادي ....هاد اللخرة م...:متأكدة ...عطيني الصورة الله اخليك نقارنها مع لي عندي فلميلف هزات الصورة حطاتها حدا صورة لبنت لي فلميلف نفس لبنت لعينين خضرين وشعر زعر ....نفس لبنت شهيد:يعنيي لبنت عندكم نقدرو نشوفووهاا اقبال:يعني ختي كاينة هنااا ....عفاك نقدرو نشوفووهااا دابااا ....انا بغيت ندي معايا ختي ندير كاع الاجراءات او اي تحليل اطلبوه باش نديهاا م(وقفاتهاا لمديرة بايدهها)بلاتي امدموزيل ....(سكتات كتشوف فيهم ومعارفة كيفاش تقولها )انصاف لي كتقولي انها ختك ...فعلاا كبرات هناا وصلات لسن 14 لسنة فهاد لمؤسسة .....معرفناش شنوو وقع واحد نهار شعلات لعافية فجردة فلوقت لي كاع الاطر ملهيين باش يطفيوها !هيا ومجموعة من النزلاء هربوو شهيد(تحنا شهيد على ركابيه شاد راسو وساااط )فففففف اقبال ؛اشنو نفهم من هدرتك داباا !! ختي فزنقة يااك تلت سنين وختي فالزنقة بووحدهاا ! م:تهدني امدمووزيل جات خبطة فلبيرو على اترها تفزع شهيد او وقف كانت اقبال فقدات اعصاابهاا وقفاات كتغوت اقبال:لي مشيت عندو يسيفطني عند واحد اخووور ......فيييييين انصااف تشقات لارض وبلعاااتها ؟ ....مؤسسة قدها قد لخلاااا ويهربو منها دراري صغاااار فين لمراااقبة ؟ فييين شهيد(حاول يدشها وهيا غير مباغة تجهل )تهدنيي اقبال اقبال(دفعاتو )متقوووووولش لياا تهدنييي جيبووو ليااا انصاااف بغيييت انصااف م...:امدااام لامر كان خارج على سيطرتنااا اقبال(بحرقة )دابااااا فييين هيااا فين فلحضة بغا يقرب ليهاا شهيد طاحت اقبال على طولتها مغماا عليهاا ....سارع لعندهاا ملهوووف شدقهاا فبل ميجي راسهاا على طبلة تزااج وقفات لمديرة بسرعة جابت لماا وشهيد كيضرب فحنااك اقبال بلطف وكيرش عليهاا لماا م: هزها راه كاين واحد لمستوصف عندناا هناا كلس على ركابييه هزهاا شبه مغيبة ....لي داز كيشوفف اطر وبعض البنات من سن 17 لسنة فما تحت ولي شااف لمديرة كيسلت ويخوي طريق وهيا كتقرقب بطالونهاا تحلات باب لمستوصف صغير فيه الاسعافات الاولية لا غير .....حطها على سريرر وهز ايدهاا كيشوف ليها النبض مع سااعتوو وكيقلب فعينيهاا بلهفة ....ضرب حنااكهاا كيناديي باسمها تدخلات سيظة بلبسة بيضاء فايدهاا صناطة وباش تعبر الطونسيوون ... شهيد(شاد وجها عندو وكيشوف فملامح وجها كتحرك )اقبااال كتسمعييني .....اقباال حلي عيينيك ...طونسيوين هبط ليهاا شوية شهيد(جاوبها ونفس لوقت محيدش عينيه على اقبال كيحاول يفيقهاا) عارف ...عارف ...شي كاس تلمااا عفاااك جابتو ليه بلخف من حداهاا ...كعد اقبال على ايدو ششوية حاول يعطيها لماا وصصوتها كيجيها فادانها بعيييد وتقييل ....رجعهاا متكية كيتسناها تحل عينيهاا لي حلفو يتحلوو ...بعد دقائق حلات عينيهاا دابلين فييه ...شافت راسها فيين وتفكرات اش كاين ... شهيد؛صافااا ؟ كتحسي بشي دووخة ولا قلبك كيضرب بزااف ؟ اقبال(جاوباتو براسهاا بلاا وعاونها كلساات م:مداام !! كنتأسف على هدشي...تاحد مكان منتااضروو ...معرفناش منين الخطأ ....ان شاء الله تلقااي بختك فلقريب لعاجل اقبال(حركات راسهاا بلاا حيت صافي فقدات الامل بصفة نهائية فين اتلقاهاا تقلب شارع بشارع دار بدار !! شهيد(بقا سااكت قبالت اقبال كيطبطب على كتفها بحنان كيحاول يواسيها شوية وخة صعيب يحس بلي كتحس بيه هيا حيت مجربش )واش نقدرو ناخدو شي تصويرة جديدة ديالهاا م:اخر تصويرة خداتها ملي كانت عندها 13 ...باش تدخل لاعدادي اقبال(مكسورة وعيينيها لتحت)يعني تقرايتها مكملتهاش م...:للاسف حركات اقبال راسها بلايجااب عينيها مكيرمشوش ...عاونها شهيد تنوض مطلقش من ايدها لطيح تاني توجهو لمكتب لمديرة من جديد ...خاولات تعطي امل لاقبال بلي غتلاقا مع ختها سعاتي املها تلاشاا....خدات الصورة ديالها ف سن 13 ...ضعيفة وشعرها مضفور باين فعينيهاا حزن مكانش بريق لفرحة فيهم ....ممكن تكون هربات حيت ملقاتش راحتها وفضضلات الزنقة ارحم ...ممكن يكون طيش الطفولة خلاهاا تبغي تشوف لحرية وعالم لي على براا بجناح مكسور خرجوو من لمؤسسة لقاو فاطنة كالسة فوق حجرة حدا لعساس كتسنااهم يخرجوو كانت فحوار مع لعساس تشافتهم خرجو ونااضت من بعد محطات ايدها فلارض باش تقدر تنوض فاطنة : هربااات بنييتي ياااك مشااات هءهءهء الله على شميشة لي رزقني بيها ربي مفرحت بيها كي بغييت هءهءه طيروها من ايديي الله ياخد فيهم لحق ..كون لقات فيهم لخييير متهربش مسيكينة شهيد(جرها وقال)مكتااب الله ...يالله نمشييو فاطنة:لعساس كاالياا كانو شي مرات يخليوهم بجووع ....كاليا كانت دريويشة وداخلة سووق رااسهاا بنتي زهرها مشابه زينهاا ياربي تلاقيني معاها قبل منمووت ونعطي وجهي لترااب يااربيي كانت اقبال ركبات فطموبيل بلا كبلمة شادة تصويرتهاا كتمعن فيهاا وساكتة وفاطنة اللور كتدعيي وتبكيي ...ديماراا شهيد راجع ب فاطنة لدارهاا ..قدام كيشي نزل لبضع دقائق ورجع كيدير بزطامو فجيبو اللوراني .... كمل طريقو وسكااات سيد لموقف تنهيدة من اقبال ودعوة خير من فاطنة توصلو جنب جامع من جديد فاطنة(كتقاد زيفهاا ) ها نمرتيي ولا لقيتوهاا ! تقليد الله ابنتيي غااانشووفهااا اقبال:ان شاء الله ....الله ايجازيك بخير اخالتي فاطنة ولخصاتك شي حاجة نمرتي راها عندك(باست ليها ايدها)الله ايشافي سي لعربي ... تسالمو معاها وجبد شهيد بزطامو جبد منهم مبلغ محترم مع بغا مدات ليه ايدوو عطاهم ليهاا وقال:هادوو باش تعاوني راسك مع دواا ...لخصاتك شي حاجة صوني لياا فاطنة:الله اخلف عليك اوليدي ....الله انقي طريقكم من شوك وعطيكم تريكة زوينة شهيد؛امين اميمتيي ...الله اعاونك هوما غادين بغا يركبو وهيا كتدعي معاهم تركبو ومشات لدارهاا .... اما شهيد واقبال سكات ولهدوء فطموبيل شدو طريق مكنااس واقبال حقدها غير متزاد على الغالية ....تحطات ايد على ايديها وزير عليها بدفئ وقال: غنلقاو شي حل خلي ايمانك بالله قوي وصلوو لمكناس وسكاات تاحد مدواا ...قربو لحومت اقبال اقبال:حطني غير هناا .... شهيد:نقربك لداار راك عياانة اقبال:غير حطني اشهيد عفااك وقف جنب طريق ؛لي بغيتي ....اقبال غنسول ليك كيفاش نقدرو ندير. شي انونص فالراديو ولا فجورنال ....هادي اخر محاولة عندناا اقبال(تنهدات)واخة ...وخة حلات لباب بتانيي وخرجات مخلياه متبع ليها لعين باسى ...بخطوات تقيلة غادية دايرة ايديها فجيب حتى تغطات عليه بزنقة وكمل تهوا طريق .... لي كيعرفهاا كيلوح ليها السلام يا رجال يا عيالات وهييا كتكتافي تحرك ليهم ايديهاا وتزييد ...تيليفونها عياا يصووني مهزاتووش قربات لدارهم فوقت لي كلشي مزال مجااوش كانت ل 11 تاع نهار ... طلعات فلباب لي كان مردود حيت مشروك مع الناس لفووق وسطح حلات باب دار ودخلات ... كانت الغالية فلكوزينة كطيب لغداا والراديو خدام حداهاا مسمعاتش لباب ....توجهات اقبال لبيتهاا وسداات وراهاا بالساروت ...طلات الغالية ملي سمعات لباب تسد وطلات حدا لباب بانت ليها سبرديلت اقبال ...خافتها دور فيها ومشات كملات شغلهاا ..... ** نزل من طموبيلتو فاتجاه دارهم حل لباب ودخل حيد سبرديلتو عند لباب وكيسمع فهدرت مو مع بااه مينة: حتى ليييين غير قولياا حتى ليين عام خطبة باركة يتزوجو وكل مرة مفاارقيين الاب:افرقي علييك ولد ااا مينة الله يهدييك واش دري عندو تلت سنين ! وا قدو انا راه والدوو حرك شهيد رااسو وطلع لدار لفووق كيحيد فلكاشكول ...دخل لدوش غسل عليه وبدل حوايجوو باش يمشي لخدمتوو ونزل لقاهم باقي نفس لهدرة ...دخل عليهم وهوما يجمعو ويطويو باس لباه راسو ولموو كدالك وكلس يرتااح شهيد:مالكم تانيي !! مينة:اربي واش محشوماش عليك !! ديما مبكي ديك لبنت وزايدها غاابر لبارح نهار كامل عاد جااي شهيد؛ لواليدة !! ديك لبنت راه منصلاح ليها متصلاح لياا الاب:اوى اولدي ملي متصلاحش ليك !! فرقو الشووكة بلا دم لاش هدشيي كامل مينة(خبطات جناابهاا)هاااحاااي وا انا معيطة لييك تردو لطريق باغييه بفرقهاا شهيد:اصلا داكشي لي ناوي ....انا ديك لبنت عيت نتفاهم معاها مقدرتش ...الله يسهل عليها بشي ولد النااس انا منصلاحش ليهاا مينة(بغضب)وشكوووون تصلاااح ليييك هاا شكووون شهيد :نفكو جرة مع هادي ونوريك لي تصلااح لياا مينة (جعراات) شكووون هااادي هاااه شكون ....مخلي بنت لقاااع ولبااع وبانت ليك وحدة خرااا هاااه ....سير خطبها وحدك منمشيي منلحكك كاليك وحدة خرا ...مزيان تبارك الله ...نوجد دهاااز ونختار ونتعزل باش فاللخر يقولييك لقيييت وحدة خرااا شهيد(حاط ايدو على حنكوو كيسوط)صلي على نبيي امي ! مينة:عليه الصلاة والسلام(شدات حنكها يالله بغا يهدر قالت ) بغيتي تخطب سير الله اعرضك السلامة قوليهم مي مااتت (شافت فراجلها بجهلة )ولا تبعتيييه تانتا باتو فلخلااا لا تجيييو شعندي الاب:ايهديك الله رخفي ششوي ايطلع ليك طونسيوون تااني ميمة:وغييير لمبغا يطلع جمع شهيد لوقفة وهز تيليفونو كيقاد فسروال وقال:الله اهديك وصاافي ** دخلات حياة من لخدمة هيا وهيبة لي مشاو بطموبيلت اقبال وجوا بكري كيضحكو فدروج تدخلو لدار لقاو لغالية فالصالون كتنقي جلباانة حياة:مييي كاين شي ميتكال الغالية:جيبو الطاجين راه طايب هيبة (جرات لبابب بادخل لقاتو مسدود)اويلي شكون سد لباب الغالية:اقبال راها فلبيت ملي جات وهيا سادة عليهاا حياة(كانت غادية لكوزينة ورجعات لباب لبيت كدق )بيلووو وا ش ناعسة (كدق )اقبااال تحنات كطل من دورة تاع الساروت كيبان ليها غير لبيت مضل هيبة:ماالهاا !! حياة(كدق بصوت مرتافع)ففف معرفت ....اقبال وحلي اصااحبتي اش واقع ....بيلووو صونات ليها فتيليفون كتسمعو كيصوني ومكتجاوبش تخلعوو هيبة:حياة نعيطو لجابر يجي فرع لبااب !! يكما سخفااانة ولا شي حااجة عمرها كانت ليهااا حياة:اقبااال حبيبة دياليي كتسمعينيي غيتة (جاية من ليسي كتحيد فلبلوزة )ماالكم !! الغالية:مالها ياربي تااني ظقة ورا دقة بغاو يفرعو داك لباب تاتحل بجهالة وخرجات منووو باقا بنفس لحوايج وشافت فخوتاتها بعيينيها حمرين :يااك لباااس مالكم ....تخلعتو عليااا !! حياة:واش مريضة فكرك لاش ساادة لباب قلبنا غيسكت اقبال (بحرقة )نتوما قلبكم باااااارد عمرو يسكت ....قلبيي لي غيتفرك وتقوووول واش شي وحدة فيكم حاااسة بياااا هيبة:اقبال مالك اختي اقبال: عطييييوني تيساااع خلييوني منيي لهمييي (بانت ليها لغالية واشارت ليها بصبعهااا)نتيييي الغالية سباب همييي .....الى مت نتي سبااابيي ....دفنتي ليياا حياااتيي وحياااة انصاااف لي معرفت فين لاااحتها دنياااا بحالا معندها واليدين معندهااا خوووت تاحت فلخيرية بحال شي بنت لحراااام لقاوها فزنقة .....ملي نتي مغطية ومرتاحة بنتك علم الله فين بااايتة فزنقة معندها لوالي لا تاااليييي وااااش مكتحسيييييش ابنااااادم واش مكطلبيش الله يغفر ليييك هيبة (عينيها جايين بدمووع بغات تشد اقباال وتنتراات منهاا )اق اقبال:بعدييي منيييي ....فين عمر شي وحدة فيكم كلاها قلبهااا على ختهاااا كل وحدة فيكم كتفكر ا غير فراسي ياااراااسيي .... هالي بااغة برااا هالي بااغة تزوج ها لي بااغة لحوايج تساافر ضحك تنشط تلعب ....توحدة فيييكم عمرهااا قالت شنووو بيييك ا اقبال حياة(ششافتها كترعد)واخة هي تهدنيي ا ختيي ...غيتة جيبي كاس تلمااا اقبال:السم لي غنشرب معااكم ...السم شي نهااااار غنزيد فحالي لشيي قنت وديك الساعة عيشو حياتكم كي بغييتو هيبة(بصوت باكي) نتي راك كلشي ا اقبال ماشي هي ختنااا الغالية تنهداات وقالت :دابا واش ملقيتيهاش عند عتيقة !! حياة(كتخرجج فيها عينيها باش تسكت تاتبرد لخرا) اقبال (بلغوات)كوني مراااا وخرجيي قلبييي على بنتك لي لحتيهااا لكلااااب خرجييييي ياك اقبال قلبها هي كحل وكتسواااش شداتهاا حيااة وهيبة وهيا كتغوت لهدوء من طبعها وكتبقا تخزن فقلبهاا وتسكت ولكن فاض كااسهاا اقبال(بحرقة )مغنسمححححش ليك الغدا قدام الله ....كيفما ضيعتي حيااااتييي وحيات انصاااف مغنسمعش لييك الغاليييية طلقات منهم ورجعات سدات عليها لباب طاحت لغالية لرض كتبكيي ولبناات دارو بيهاا وهيا كتغوت وتخبط فجناابهاا ورااسهاا الغالية:يااااربي دينيي عندك ياااربي هءههءههءهءه وياااربييي راني متااايبة ليييك موتي حسن من حيااااتي (كتخبط فصدرهااا وتبكييي )هءهءهءهء (كتنهج ) نمشي فحاااااليييي زنقة حسن ....زنقاااا حسن ....حيدوو علياااا سيرو عند ختكووووم انا منسواا منصلااااح حياة(بلغوات)وبااااركة باااركة غيتة اللور فلكوان كتبكيي وتعض فضفارهاا نوضوو لبنات الغالية داوها لبييت سخفاانة كتبكيي خلات معاها هيبة وحياة خرجات فاتجاه لبيت دخلاات لقات اقبال كالسة شادة رااسها ودموعها كيقطرو فوق زربية ....كلسات حداهاا وجرااتهاا عندهااا على وضعيتها ....مهدراتش بااقيي. كتفات بعنااق ليهاا حيت فعلاا ولفوها هي الشمعة لي تحرق على ودهم ومكيفكروش ليهاا بصح هوما اناانياات حياة:نتي هيااا مييي وبااا وختي ا اقباال(باست راسهاا )ولفنااك تعطي بلا متااخديي سمحيلينااا اختي ...ولا مشيتي عليناا مشاات حياتنا كامليين معااك جات هيبة حتى هياا من جيهة لخرى عنقووها وهياا ماهيااش هنااا قلبها مهرس وخاطرهاا قااهرهاا بجهد ...كانت كتقول اتكون انصاف على الاقل عاشت طفولة زوينة وكبرات وقرات وعاشتش وسط واليدين يبغيوهاا ....لقاتها مكفسة عليها كترر منهااا وتلاحت لزنقة فسن صغيرة ....طاحو كاع الاحدات لخايبين فرااسهاا شنو ممكن يكون وقع ليهااا خلاوها على خااطرهاا ...انسانة مولفوهاش تضعف قدامهم ....نساو بليي بنادم ضعيف وكيجيو لحضات كيبغي لي يهتم بييه حتى هواا ...غطاتها حياة وخرجو ساادين لباب وراهم وكلسو فالصالون ...ساكتيين تالغدا طار جوعو هيبة(بحزن)دابا انصاف كانت فلخيرية وهربات حياة:هدشي لي فهمت حتى اناا ....علم الله فين بتكون داباا هيبة:كيديروها لواليدين وكنمشيو فيها حناا !! (باستهزاء)تلقاه مجبد رجلييه حدا مراتوو او ولادوو حياة:بغيتو يجبدهم فقبر وتجيني خباروو غيتة:شحال تكون عند انصاف حياة:سطاش ... هيبة: شفتي الى شي نهار باانت ....الغالية مغتبقاش غير وحدة لي حاقدة عليهاا ...انصاف مغتنساش ليها هدشي غيتة:خليونا من هاد لهدرة ...فيا جوع ومزال راجعة ....مع ربعة راه انمشي لحفلة !! حياة:شوف هاد بنت لكلبة !!! نااايضة قربالة فداار وباغة تمشي تنشط (هزات مخدة ضرياتها بيها)نووووضي تقودي عليااا لنوض نخسر ليك وجهك تفوو على ماركة مشات غيتة كتسووط لكوزينة دارت شوية فخبيز كلاتو هلكها جووع ...تفيبرا تيليفونها فصدرها ...جبداتو وفمها عامر متكية على لبوكاجي لقات ميساج من بدر بدر:حبيبة ! شنو معاش نوقف ليك قدام ليسي ولا فين غيتة(بقات كتفكر شحال وكتبات) بب هي خليها مرة خراا ...معنديش لخاطر والله بدر:ولاااا مديريش لينا لعب دراري صغاار اغيتة !! كلشي غادي بصاحبتو نمشي انا بوحدي تمااا وزعمة درتي معاناا لكلمة كتعض من لخبز وكتكتب ؛ ولكن منتعطلوش راه مقربلة عندناا فداار ...ففف عييييت والله ديما صداااع بدر:شوفي انجي عندك مع جوج صافي !! متعطليش ....تغديتي ! غيتة(شافت فلخبز ولبلول وبطاطا اطيح من جنب ؛مزاااال ....تخلص عليا طاكووس ! بدر:هههه يغلا على حبيي يالله شوية وخرجي مبقاتش كملات داك لخبز حطاتوو او مشات غسلات سنانهاا وفمها ودخلات لبيت تاعهم لقات لغالية كتولول برااسهاا الفالية:غيتااااا ...اح ارااسييي نننن غيتاااا جيبي لياا جوج حتمضات من تلااااجة دغيااا مشات لاخيرة قسمات ليهاا الحامض وجابتو ليها فطبسيل دارتو فنوااضرها وعكفات عليه ورجعات تنعس كتنكر الغالي؛ااااربيي هااااه خمسة لبنات لي ولدت كرشي هاه وملقيييت الراحة على شي قنت مممم ارااسي اميمتي هيا كتنكر وعاطية براسها لحيط ومغطية هازاها السخاانة والرااس وطونسيون طاح ليهاا وغيتة كتجبد حوايجها لي تلبس بلهمس وسكوتي عاضة على فمهاا ... دارتهم فلكارطابل ولبسات سورفيت تاع الصبوور وهزات مكيااجهاا وخرجات بجرية وحدة قبل مييشوفوهاا ... كتسلت تمشات لدار حنان تسنات مهاا تهبطات لخدمتهاا وطلات حنان كتشير ليهاا حلات ليها لباب وطلعات بجري لداار حنان:اميييمتي اطحبة ملقيت منلبس ... غيتة (جبدات حوايجيهاا كتلبس )عنداك تعطلي ستا كوني حدا ليسيي حنان:لاا انا مغنتعطلش عنداك هي نتيي غيتة:تت تخافيش علياا (لبسات كسوة مع ليبة موس بلون لحمها مكتبانش وكسيوة غوز طايحة من لكتااف لبسات فوقها كويرة على لموطور وزخرفات وجهاا ونزلوو كي طعارج كيشوفو فزنقة وقت نعاس كلشي داخل لداروو تاحد مكيدوور ....خرجات حنان هيا اللولة تسكسااني طريق عاد تبعاتها غيتة ...جرية وحدة وسط زناقي تالطريق شدو طاكسي يبعدهم شوي وحطهم قريب ليسي نزلو كيتسسناو فدراري حنان:مقلتش ليك ....ماما كاتلياا يمكن غنتحولوو غيتة:اويلييي فييين حنان:معرفتش لمهيم كاتليا بحال والو هاد الصيف نبدللو دار ففف محملتش نسكن فشي قنت اخور شافت موطور بدر وقالت:هااا حبي جاا ههههه نتي هداك دييما معطل حنان:هههه سيري سيري وسيفطي ليا تصااااور مشات كتجري لعند بدر باستسو فحنكو وطلعات اللور شداه من كرشو ككدير لحنان باي بااي .... دارت لكاسك لي عطاها ولكسوة تهزت على لفخااض وهيا كضحك وتكركر داها لسسنااك خلص عليها الطاكوس وكلسوو بدر:جيتيي قرطااااسة ازمرة هههه غيتة:ياك بعداا هههه راك ديتي زييين بدر:لااا زين زييين ههه يالله كولييي باش نمشيو ** جابر عيا يصوني لاقبال والو مكتجاوبش ... قتلو صدرو بلبرد ورواح كان مشا يجيب سلعة لي خصااه او وقف جنب صيدلية ياخد دوا كانت نفسها صيدلية شهيد دخل كيكحب ومغطي بايدوو ...وشهيد واقف لداخل بلبلوزة بيضة ونضاضر طبيين كيشرح لسيدة كي تااخد دواا تشااف جاابر عطاه تحية بايدو ولاخير تكا بمرفثو على لكونطوار وبقا واقف كيسرح حلقوو شهيد(لسيدة)ب شيفاء ان شاء الله الحاجة ...لهلا يخطيك اولدي خيد نضاضرو وثرب لشهيد بابتساامة مد ليه ايدو وقال:اهلا اهلا جابر:بخيير اسي شهيد ....نتا خدام هناا شهيد:لاا غير كنتعلم هههه ...هالكك لبرد ولاا جابر: الى مشدني فهاد لجو منقولوش داز لبرد ....امتا جيتو من فاس ! شهيد(حك لحيتوو )صبااح مع ديك ل 11 جابر:اعجوبة كنصوني ل اقبال مكتجاوبش ! شهيد:اودييي هي خليهاا تاترتااح جابر(تقاد فلوقفة )ياك لباس ....على اساس اتكون فلخيرية ! شهيد :صبر نهدرو على براا حسن ....مريم تكلفي بالبنت ! خرجوو لقدام الصيدلية لي جنبهاا كانت قهوة كلسوو فيها وشدو قهوة كحلة وعاود ليه شنو وقع بديطااي جابر(حط لكاسس وتنهد)مشااكيييل والله ...دنوبها على والديهاا شهيد:لمشكيلة ف اقبال... مغترتاح تاتلقاهاا ولمشكيل دابا صعيييب جابر: انا كنت كلت ليهاا واحد لفكرة ! ...علاش لي متحطش واحد لانونص فجورنال ولا تلفازة شهيد(حك لحيتو )صعيييب (شرب من قهوتوو )خاصك لمعاارف جابر:واا هادي فاش بقاات شهيد(سكتو شوية ) الااا كان عقلي ينفعنيي تنعرف واحد لبنت خدمات فراديو شي ربع سنين هاادي ...واكن راه مدة مبقيت عرفت عليها شي خباار جابر: الا عندك نمرتهاا صوني ليهاااا شهيد:(هز قهوتو كيجغم)باغي تشري ليا صداااع اصااحبي وانا باغي نكمل ديني جابر(ضحك وحك راسو من اللور متكي على لكرسي )وعندك متعرضش عليناا شهيد (ضحك )خو لعروسة ضروري يحضر جابر:(ربت فوق طبلة بصباعو ومكمش عينيه ف شهيد لي كيدو فكاسو )اقبال !! شهيد؛(كيدور فلككاس )الى بغاات جابر: نزوجها ليك بسيف على مهاا شهيد:هههه حاارة ياخوياا جابر: زمااان قسحهاا اشهيد (تنهد)شلااا مدااز شهيد: اقبال من صغرها وهيا هكاك تعول عليها متعول على رااجل....ولكن طاحت فواليدين معرفوش بحق لبناات ....من ايمتا ونتا كتعرفهم جابر: ملي خدمات ....يعني من ورا شهر باش رحلو من حداكم شهيد:عاود لياا كي كاانت ...كنحس بيها هازة جبل فوق كتافها غير بووحدهاا عاود ليه بعض الاحدات لي دازو فحيات اقبال وكيفاش تقاتلات حتى دارت محالها كيفاشش طاحت وناضت باش توصل لفين وصلات دابا ...كيعاود كأخ مفتااخر بختو فين وصلاات ماشي ك صديق فقط ...كان شهيد كيسمع بادان صااغية مهتم لجميع التفاصيل ....طولت لكلسة لي محسوش بيها جهد ساعتين شهيد:شي مرات تنقول مزيان ملي مشاا وخلاهم حسسن ....وخة اقبال تكرفصات ولكن لوكان بقا معاهم معمرهاا توصل فين وصلات داباا ....فلوسوو داهم لقمر ولعيالات وسهير ...قاتلهم هي بجووع وعلى بلايص خرين كيصرف فلوسو بلا حساب جابر:هدشي لي عطاا الله (خبط على طبلة ببطئ)اسيدي نووض عطيني دوا لكحبة نمشي فحالي شهيد:هههه محسيتش بلوقت جابر(يالله بغا ينوض رجع كلس) باغيها لمعقوول اشهيد !! شهيد: شي حاجة كتر من لمعقوول ...خاصها هي تقبل وصافيي هاحنا كنتسسنااو جابر(زقف كيقاد فتجاكيط ديالو )صبرتو 15 لعام ما فيها بااس وقف كيضحك شاف جابر بيجبد يخلص وقال :غنخلص هي خلييك على حساابي (حط الصرف على طبلة ) توجهو لصيدلية عطاه دوا لي خاصو وتبادلو نوامرهم ...الاخير قصد نيشان دار اقبال ...حلات ليه حياة لي فضلات متمشيش لخدمة حياة: جبوور حياة:انضرب مك تاتزلعي الصفريطة ....فين اقبال ! حياة : عاد لقيتيها مشات لمحال (تكات على لباب)فراسك اش وقع جابر(ساط )فرااسيي ...هاني مشييت .. مشاا لعدها لقاهاا حالة لمحال ...طل فلمحال مبانتش ليه تشفاها تحت الطموبيل ...دخل كيكحب هيا حسات بييه وكملات شغلها...كلس على لكرسي وحل قرعة تلما كانت فايدو شرب منهاا وتكا على لكرسي بينما خرجاات ... قدات شغلها لتحت وخرجات ...وقفات حلات لكابو مكملة خدمتهاا ساكتة وجابر مقابل معااها تسالات حيدات الليكات ودخلات عندوو ....كلسات فبلاصتهاا اقبال(مسحات على وجهاا ) ضاربك لبرد ولاا جابر: شوية وصافي ....كيبقيتي شوياا !! رتاحيتي اقبال(جمعات ايدها بجوج مشابكاهم تحت فمهاا كتمرش فيه بعيون دابلة )الرااحة مكتعرفنيش جابر(تنهد)يكون خير رخفي على راسك شوية اقبال:شكون قالها ليك ! جابر:بالصدفة تلاقيت مع شهيد ...وعاود ليا لي وقع حركات راسهاا باه ساكتة وستانف كلامو :اقبال (هزات عينيها فيه )هدا هوا لوقت باش تديها فحيااتك حتى نتيي .... حتى ليين مممم دنيا راه مدايمة لحد اقبال:هدر معاك ! جابر:ونتي شنو كتقوليي اقبال(بهدوء)مبقيتش كنتيق اجابر ... جابر: ولكن كتيقي فيا اقبال:زواج حااجة خراا ....معرفتش ...دماغي مرون ومعارفا شنو ندير جابر: منغطيو.ش شمش بلغربال ا اقبال ....هدا جهد باش ديري حياتك وداارك ....شهيد ماشي براني علييك وباينة فيه باغييك ...فمكاين لاش ديري سبة خراا اقبال:ايكون خير ... دخل مهدي وقال :لمعلمة (شاف جابر وهوا يطبر)صافي صافي اقبال:واش هدا غير غدا وحلتي فييه !! شنوو مالك مهدي:وصافي صافي جابر:تادوي اش كتفتف علينا تمااا ...باش جاي باش ضاير ودابا صافي صافي مهدي:انقوليييك ولكن مكتعرفيني مكنعرفك اقبال:مهدي ....والله معندي كرام تلخاطر لبسالتك ! شكشاااين مهدي:ياك عطييني باش نمشي نتغدا ياك !!...مشيت على لموطورر دياليي لسنااك ....تلاقيت ب غيتة ! فور متدكرات سميتهاا تجمعو جوج حجبان لوسط وتقاد فلكلسة ترجع مهدي اللور وقال:اه قلت ليك خلي تالمن بعد جابر:فين لقيتيهااا !! معااامن (بغوات)دوي البرهوووش مهدي:مع واااحد لولد كبر منها اقبال:كيفاش جابر(خبط على طبلة او وقف معصب )ششمن سنااك هداا !! اقبال:متاكد غيتة مهدي:واش غيتة اتخفا علياا (شاف جابر جاي جيهتو وغطا بايدوو )س سناك *** اقبال :حضي لمحال هاني جاية....عمرك جبتيي شي خبار تفرح ركب جابر فطموبيلتو كيتسنا اقبال فور مركبات تحرك بطموبيل وقالت: شكون خلاك تشووف حيااتك !! حتى لي كنت كنقولل غنفتااخر بيهاا ....صدقات كتلعب وراياا !! مهدرش كيكدد فشلقومتوو بغا يطيرهااا ومخنزر بريكة تفركعو ....وصل لسناك لي قاليه جابر ونزل عينيه كيدورو كي الصقر فداك سناك فلاه كامل ورجع جابر:مشاات اقبال:وصلني ليسيي اجابر وداكشي لي وقع وصلها ليسي وبقا كيتسسناها في حين هياا دخلات لادارة لمكتب لحارس لعام لي شافها واستقبلها حيت معرفة وكيقاد عندها الطموبيل...بعد السلام والاحوال قالت:سي مصطفى بغيت نشوف غيتة اش دارت هاد الدورة ....يكما كتغيب ! مصطفى :لمشاغبة ديالناا (جبد لملف كيقلب على سميتهاا. واقبال كتربت برجلهاا ) لغيااب كااين ....20 ساعة او بالنسبة لنقط لفروض او المواضبة نااقصة بزااف ديجا قلتها ليك ....وزادت نقصات مؤخراا ...منكدبش عليك نقطها هاد السنة مكيبشروش بنقطة زوينة فلبااك ...من غير لجمعات راسهاا فدورة التانية ! اقبال:20 ساعة !! وهدشي اسي مصطفى علاش ملي كنسول عليها مكتقولوش ! مصطفى؛كان كيحساب ليا لغيااب فراسك ...دابا نييت راه مجاتش هاد لعشية ...يالله كنت فلقسم ديالهم اقبال(تنهدات )واخة ...واخة اسي مصطفى شكرا ... ناضت خرجات من عندو ودنيها كيصفروو لقات جابر واقف قدام طموبييل كيتسناها جابر:كاينة !! اقبال:لااا .... وفوق هدشي كامل مغيبة 20 ساعة بلا خبارناا جابر(تعصب)فين غتكون دابا ! هااه فين سكتات كتمسح على وجههاا وقالت:فينما كانت غتجي ....يالله ** وقفوو بلموطور قداام عمارة حيدات لكاسك ونزلات كتقاد فحالتها تهبط بدر تهوا غيتة:هنا فين ساكن !! بدر؛ماشي بوحدي . بدر؛ماشي بوحدي ....كارين معايا دراري غيتة:اااه شدها من ايدهاا وغادين طالعين فدرروج كيسمعو فلمااسق وقال:شفتي تعطلنا بداو لكفارة بلا بيا ضحكات متابطة ايديه توصلو لبطيمة حل ودخل ولموسيقة وضحك لبنات ودراري سد لباب ورااه ودخلهاا لصالون سلم على صحاببو ولبنات وكلسوو كانو ربعة تدراري وكل واحد فيهم مدور عليه صاحبتو ...وتعطلتي اصااحبيي بدر:جبت دويرة عاد جيت ....كاين شيي شفت طبلة خاوية ...نوض نوض معايا نقادو داكشي بدر(غمز غيتة)هاني جاي الزين مشاو لكوزينة حطو لقراعي تلموناضة ولحلاوي وتقاوت ...تلاتا ت شيشاات بنكهات مختاالفة بدر (جبد لحشيش من جيبو خلطو مع لمعسل )لفيجطة ليوماا هاا هههه ....شكون ديك لقرطاسة لي جبتي معاك ! كتبان باقة صغيرة بدر؛ هاديك فاااخرة وزااندة كتر من هااد لفاخرات العشير ....طحت عليها ف عيد ميلاد واحد لبنت فلفااك ... عندها واحد لا بو مقودة ...مجهلاني عليها ....تكايس اصصااحبي ههههه تمشي تلصق فيك بدر:منحتااجش بزز ...دغيا كتحل ههههه نضمو ليهم بشيشاات ولي بغا لعصيير او تقاوت لفواكه لجافة ....على شعبيي وقف بدر غيتة كيشطح معاهاا وهيا كضحك عاجبها لحاال رجعو كلسوو وجر الشيشة ديالو تشيش منها شوي وعطاهاا فور مطلعاتها تبويقة حسات بطعم مختاالف وقالت: ماشي بحالها كنااخدوو !! بدر(لاح ايدو وراهاا )الى جاتك قاسحة نكب ليك لمونااضة !! غيتة:لا مزيانة لبنات كيتشيشو ودراري كيبرمو جواناات والضحك ولهيلالة مسموعة من فم لباطيمة ...طلعات التبويقة ليهم قولها وضحك عليها ...كاين لي هز صاحبتو ومشا. يكمل ضحكو فبيت من لبيوت ...اما غيتة دااخت ولحشيش دار خدمتوو ولات كضحك وجيب يا فم وقول ....على اغنية مصرية وقفات كتماايل وشعرها كيلعب وراهاا وتبعوهاا لبنات حتى هوماا .... خدا بدر جوان مستمتع بلحورية لي كتمايل قدامو برشااقة وخة غالية عليها الدوخة ...تعكلات وطااحت على الزربية كضحك غيتة:هههههه احح قزيبتيي بدر(جرها كيضحك وجوان ف فموو تنوضها وكلسهاا فوق ركبتو كتلاوح تقول شاربة تاتكرعات )بشوية الحلووفة غيتة:ههههه اححح دخت ابدر ممم بدر:وبسيييف هههه ساليتي مع الشيشة وقلبتيها شطيح غيتة:نوض شطح معاايااا (حيدات ليه جوان من فموو يحسابها كاروو من نطرة اللولة مع تبلونطاات وقفها كيشطح معاهاا غيتة:بغيت نبووول هههه بدر:هههه اجي حبسيها لطلقيهاا هناا ضحكات شادة فيه ولعينين نقطة من الدم داها لطواليط كلسات كتقضي حاجتها وراسها كيتماايل بنشوة فشكل ناسية دنيا وما فيهاا ...شافت راسها فلمراية كتحل عينيهاا ويرجعو يدبلوو قدات شعرها وخرجات لقاتو عند لباب جرها معاه لواحد من لبيوت وقال:اجي رتااحي بعداا غتموتي دخلات ورااها وقالت:بيتك هدااا جاها من اللور باسها فعنقها :مممم بيتيي ضحكات ملي هرها فكرشهاا قربها لسرير كلسهاا وتحنا عليهاا كيبوس فشهوة ف فمهاا وهيا كضحك مرخية بدر(كينهج)من نهار شفتك واناا شاعل جمرة عليك غيتة(كضحك وتلعب ليه فعنقو)كتبغينيي بدر:ونتيي غيتة:ههههه لااااء بدر:وعلاااش غيتة:هكاك(دايخة وكضحك وتلوا تحتو جهلاتو )كنبغييي رااسيي ....وكنبغي موك صايب بدر:شكون هداا غيتة(ضحكات بغنج) مون كوغ ههههه...نتا وخة زعر مكنبغيكش غير كتعجبني بدر(هز حاجبو بصدمة كيضحك )فوجهييي !!! ههههه ولايني رااك مكتسوايش رجع كيبوس فيها كضحك ....كيهز ليها فلكسوة وهياا كتهبطهاا بدر؛رصااي غيتة:رصا نتااا بدر:انعضك غيتة:هههههه عنداك نتعطل فففف دخت بدر:مندوقوش شوية غيتة:شنو دووق ! بدر(باسها فمهاا منشوي)لعسل تسلات من تحتو مخلية حجرو شاعلة فيه لعافية وهربات لصالون كضحك بدر(ساخط)بنت القاف ...قيماتني ومشااتني ....غير بلاتي نحكمك ستا فااتت ولالة غيتة مزال فنشااط والشيشة ناسية لوقت وزمان ولمكااان ....تسمع صونيت فلباب ودقان مجهد حيت مجهدين لموسيقى...تحل لباب من طرف دراري لقاو قبالتهم لبولييس وجيران .... الكوميسر:تبارك الله تبارك الله عش القح*** (بصراخ)حفييييض جمع علياا لبراهش يكملو لفيجطة فلحبس شهقات غيتة وبدات كتبكيي كلشي تضهش ...ميقدروش يخبييو لي محطوط على طبلة حيت واضح ولااين نطق لكوميسيير موجه هدرتو لبووليس :جمع عليااا هاادو منهااا ...والله الشااف تا غي نااشطيين ك:يالله لهيه ونشطوو كااملبن (غوت)يالله ....شيشة ! جواناات ...تبارك الله على جيل لمستقبل تبارك الله غيتة(كتبكي تجرها بوليسي من ايدهاا)عفاك اخويا انا مدرت والووو جاوبووني بزز والله ....ازيدي من تبووحييط البرهووشة نزلووهم وجيران كيسبو ويعايروو فيهم ركبوهم فسطافيط كلهم مزاحميين كلشي شاد راسوو ولبنات طلعات معاهم لبرودة وقلبوها بكااا ... ** اقبال(كتصوني لغيتة)والو ...مكتحاوبش جابر:تكون مشات لدار اقبال:انمشي نشووف مشات لدار من بعد مسدات لمحال دخلات من لباب كتعيط ليهاا ...تجاوباتهاا حياة حياة:مزال مجاتش تعطلات بنت لحرام اقبال: تافليسي مكاايناااش (كتصوني ليها )فين تكون زادت حياة:كاتليناا غتمشي لحفلة تاع صاحبتهاا ....ولكن ستا تكون فدار اقبال(شدات راسها )شمن حفلة هادي احيااااة ! شكوون هاد صاااحبتها شكووون حييااة(خبطات جنابهاا)داباا داارتها بييا بنت لكلب هااا ...بلاتييي تجيي اقبال:نهااااارر واحد احياااة نهارر واحد خليتها ليكم شوفوو فين زااادت دابااا مبطلة عشرين ساااعة الكلبة سوااايع كيتخلصو هي هكاك حااااضرة ولعقل غاايب الغالية(شادة راسهاا لي مزال دايرة لسه لحامض وبطاطا )فين تكون مشات دروووك سولوو حنااان راه مكتفارقشش معاهاا صونا تيليفون اقبال بنمرة جابر وجاوباتو ؛الاا مكاينااش ...كاتليك مشات لشي حفلة ما حفلة ... سبعة ...سبعة ونص وصلات ولا خبر عليهاا تحل لباب ضنا منهم هياا تدخلات هيبة ضااحكة ونااشطة بلبيسة جديدة وبدلات لوك تشعرهاا كتوجد لخطبتها مع صديق ... .لقات اقبال كدور فلمراح وسط الدار هيبة:سلااام !! مالكم حياة:السلكوووطة معرت فين زاادت مزال مجاتش تمنية هادي هيبة:اويلي عمرها كانت ليهاا ...صونيتو ليهاا شفتو حنان اقبال:غنمشي نسولها... خرجات كتزرب لفين ساكنة حنان لقاتهاا واقفة فم لباب اقبال:حناان !! حنان:نعاام اقبال:مبانتش لييك غيتة !! مكنتيش معاها هاد لعشية حنان(هزات عبنيهاا لفوق لقات مها كطل )لااا اصلا مكنهدرووش ....مشفتهااش لييوما كااع بدات اقبال كتخلع راجعة تاتلقاات ب جابر وقفو وسط الزنقة على اعصابهم جابر:متكونش مشات ليسي لقاتك قلبتي من وراهااا وخاافت !! اقبال:شي حااجة كتر من هااادشي غ يتة غتعرفني غنقتلها لتعطلاات على ستا ونص ...هادي راه تمنية اجاابر فين غتكوون لعروق فرااسو كيزدحو هاد لبرهوشة اتجيب ليه اخرتو مافيها مفيهاش عروق راسو يطرطقو مع هاد برهوشة... فلكوميسارية مستفيين كي صنادق لحوت لبنات فجيه وداري فجييه يديروها قداش ويبكيو ....حتى لكوميساارية هانتي اغيتة دخلتي ليهاا كتمسح فعينيها لي كانو طاايبيين بلبكاا... شدهاا لبوليسي من دراعها دخلهاا لمكتب كلها كترعد وتشهق ك:كلسي ! غيتة(كلسات كتبكي ك:اراي لبطاقة ديالك غيتة:هءهءه معنديش مجبتهاش عفاكم انا مدرت والو هءهءهء راه هوا لي داني بزز ك:شحال فعمرك !! ك:سبعطااش هءهءه مزال مكملتش تمنطاش هؤهءه عفااكم خليوني نمشيي ك:تمشي !! هههه لا لا ابنتي ليوم معندك مشياان ....اش كنتي كديري فديك الدار ..... هااا ...ولعينين حمرييين ! تبارك الله تبارك الله تبليتي غيتة(بدات كتسرط ريقها وكتزير على كسوتها وجاها لبرد كترعد )هوااا لي داني تماا هءهء وبقا.. عليا بزز تكميييت شيشة وقالياا دار فيها لحشيش ك؛شكون فيهم غيتة:بدر *** ك:دابا نتيي جروك بزز وداوك ياااك مسكينة ارااي غيتة:بلاااش بلااش هءهءهء خبط على لبييرو تقفزاات وتكمشات :واش غننبقا نلعب مع لكلبة تمك هناااا !! سربي رااسك معنديش هي نتييي...