داز لعشية فتحضيرات لي وقفات عليها لغالية دجاج محمر او لحم بلبرقوق طايب على خاطر خااطرو
دخلات هيبة لوجه نقي ككيبري ولحجبان مقادين شعر سبغاتو بلماغون جاي مع لون وجهاا وقدات ليه تقطيعة وجايبة قفطان من المصبنة فلبيج
هيبة:مامااا فين وصلتييي
الغالية:هاانا عاد ساليت راه كلشي واجد صوني ل اقبال تجيب غير لمونااضة
هيبة:صافي واخة ...نحط هادشي ونجي نستف ديسير
طالعة حيااة معصبة ماشي على برجهاا
هيبة:ماالك
حياة:داباا داك لقواد ايطلع معاياا صبع فاللخر !! فينما نقوليه فين وصلتي فلوراق يقوليااا غدا بعد غدا ندفع
الغالية:وتي رخي فييك نفس !! تصيبي عكسوو ليه لورااق فرنسا غااا سساهلين
حياة:رااه داغيا كون بغااا ...ياك لجنسية ودار لي مهميين راه عندووو
هيبة: معرفت اختي انا هادشي مبانش ليا فييه
دخلا لبيت كتخبط وتنكر :الناس عندهم زهر وانا معرفت ا ش عندي !! ....
وهيا كتنكر رجع صونا تيليفونها بنمرة محمد مجاوباتو تاطاب بتعيااط وقالت:شنوو
محمد(بصوت عياان )مالكي وليتي على نقشة
حياة:شووف اخويا يكما ايحساب ليك غنمووت على برااا !! راني بخدمتي الحمد لله ....الى كنتي اتبقا رابطني معاك هكا من غدا نمشي نرفع دعوة تاع طلااق ونهني رااسي ونبينا عليه السلام
محمد:اش هاد لهدرة احياااة ...والله احبيبة ديالي هي كنت عيااان شوية وعاد زيد لخدمة ...عطيني سيمانة اندفع ليك وريقاتك وغير ايخرجو انجيبهم ليك بايدي وندفعهم ليييك
حياة:حتى لييين ياك تلت شهور هادي سونتر ساليناه ونتا باقي مدفعتي !
محمد(كحب )كح كم اححح ونهاك الله ا حيااة مسألة وققت ونتي معاياا
حياة:اوى هااا حنا غنشووفوو نزيدك شهر الى مكان والو جي اخوياا نفرقو هدشي والله اعاونا ويعاونك ولا دخل لمغريب نتسما بعدا راني مزوجة ماشي انا هنا ونتا لهيه
محمد:واااخة الالة ميكون هي خاطرك ...سيفط ليك شي اماانة وصلااتك
حياة(بغتج)انا مبايتش فلووسك باغاك نتااا
محمد(تنهد)تانا باغيك جنبيي لوحدانية قتلاتنيي وبغيت لي تونسنيي
حياة:اوى راه كلشي فيدك ...خاصني نقطع هيبة عندها لخطبة ليوماا
خيبة:خودي ايها شي كادو زويين وقوليها من عند محمد الله اكمل عليهاا ياربي
حياة:امييين يالله باي باي
قطعات معاه ودخلات لكونط ديالها من تيليفون ضحكات تبانت ضرست لعقل ملي لقاتو سيفط ليهاا فلوس كتيرة ....لبسات عليها بانطووفة فرجلها وخرجاات كتعوج فايديها لكارط ديالها تمشي تيريي شوية ...تمشات تالشاريع لفوق جبدات الف وخمسمياا ورجعات فحالها لقات اقبال يالله بغات طلع باينة فيها مسخسة بلخدمة
اقبال:فين كنتي
حياة(جبدات بزطامها)مشيت لكيشي تيريت شي فلووس (جبدات لفلوس ) هاكيي هادو زيديهم على لمصاريف
اقبال:شديهم عندك ولخاص شي حاجة صرفيها
حياة:راك عارفااني ابيلووو مع لمصرووف ولفلووس فساعتهم كنطرطقهم نتي عارفة كل خاجة ليااش
شداتهم من عندهاا وطلعو لداار كيشمو فروايح ....دخلو لكوزينة لقاو هيبة كتستف فجوج طباسل ديسير منوع
الغالية:واقباال ...ياك جابر غيجيي !!
هيبة:عنداك ميجيش !! شكون غيهدر معاهم حنااا
اقبال:غير يسالي شي خدمة وغيجيي تهوا راه كيوجد بغاا يمشي يخطب....
حياة:ربييي شكون هاد لبنت وفين كاينة
اقبال:شي بنت ف جديدة من فاميلتهم نييت ...قاليا نمشي معاه ولكن معرفتش عيييت
حياة: اييه يلالة غير ملي رطاب على زواج ...عقبة ليك مع سي دكتوور...
هيبة:ههه اميييين ياربي
اقبال:فين بنتك !
الغالية:غي كتشوفكم وتدخل لبيت تسد عليهاا
حياة:كنخلعو حنا نعل جدهاا دايراها يغرق فيها جمل وزايداها بنفااخة
اقبال:خليهااا ضبر لمخها ...هيبة مزال مجايينش
هيبة:لاا مزال
اقبال:اندخل ندوش عييييت بينما وجدتوو
حياة(دازت لبيت )عيطي عليا نحك ليك ضهرك
ضحكات ودازت ليييت هزات لفووطة ودخلات لدوش عمرات سطل كتكمد عضامهاا وكتفكر حديتها مع شهيد..
وقفات قدام كافي وكان هوا كالس ومعاه بنت ...استغربااات وشافت فييه ...تشافها جاية او وقف سلم عليها هي بايدو حربووش يوصلها ب حنكوو
شهيد:نورة هادي اقباال ...اقبال هادي نورة لبنت لي هدرت ليك عليها
اقبال:مشرفين اختي
نورة:مشرفين الزين
كلسو بتلاتا بيهم على طبلة طلبو لكونصوماصيون ليهم وكلسوو
شهيد: نورة ديجا شرحت لييك لقضية
نورة :واخة هي عاودي ليا لقصة ديالهاا انا غنشووف شي طريقة باش ندوزهاا ...ويقدر كاع نتاصلو بييك باش دوز لمكالمة ديالك فالراديو شنو بان ليك
اقبال:وزعمة غتكون نتجية
نورة: غنحااولو ما امكن وربي ميخيبنااش ...غنلوحو انونص ف سوشيال ميديا انستقرام وفيسبووك فصفحة الرسمية تاع الراديو ....كوني اكيدة كاينين ناس لخير لي غيبارطاجيو وان شاء الله توصل ...نتي عاارفة بليي لفيس تقريبا كاع الشباب ولا عندو جامي تلقا شي حد معندوش اتصال بالسوشيال ميدياا ...حنى غنديروو جهدنا وربي مايخيبنااش
شهيد:داكووغ تهداا حل وتركزي بالضبط على كروبات فااس حيت لبنت تما فين كااينة
اقبال:شكون عرف بلي باقة ف فاس ومامشاتش لشي مدينة خراا !!
نورة:اقبال عندها صح ....حنا غنديرو لي عليناا ...دابا ا اقباال عاودي لياا كيفاش تخرجات ...
بعد وقت لا باس به من لهدرة والاسئلة جبدات اقبال تصويرتهاا عطاتها لنورة
نورة:غزااالة والله خسااارة ...ولكن ربي كاااين ...هادي قلتي ليا ملي كانت عندها 13 لعام دونك دابا عندها 16 لسنة يعني ماشي بزاف تاع لوقت مغتكونش تبدلات بزااف ان شاء الله يتجمع شملكم
الكل:ان شاء الله يااربي
نورة:خليتكم داباا خاصني نمشيي بيناتنا تيليفوون يااك
اقبال:ان شاء الله
وقفات مشاات وبغاات تنوض حتى اقبال وشدها شهيد من ايدها وقال:بلاتي شوية
اقبال:خاصني نمشيي ...هيبة جاين فيها لخطاب
شهيد:عقبة ليييك ....لينااا
اقبال(شافت فيه وسكتات )معرفتش اشهيد
شهيد(حط ايدو عليها ) شنو لي معرفتيش !! ...اقباال انااا باغيك ونتي باغاني شنوو
اقبال:زواج حاجة خراا !! شكون ضضمن ليك غنتفااهمووو
شهيد:...شكون هاد جوج لي مكيوقعش بيناتهم لغياار وكيتنااقشو عادي راه مزوجين ضروري نقاشات ....نساااي بااك ومشاكيلو مع الغالية نسااي كلشي ...نتي ماشي لغالية وانا ماشي حميد ...حنا بجوج بعقلناا وعارفين شنو كنديروو
اقبال(حكات عينيها )او خدمتيي !
شهيد:خدمتك على راسي وعيني ...معنديش فيها مشكيل نتي خدامة عند رااسك خدمتك بوحدك علاش ايكون عندي مشكيل
اقبال(تنهدات كدور فكاسهاا )فف
شهيد:زعمة مبغانيشش العفريتة (غمزها )شوفي اوكاان
اقبال(دورات وجهاا كضحك )عنداك هي تندم
شهيد:ههههه نهار اللول يموت لمش يااك (زير على ايدهاا )امتا نجي نخطب لالة بيلوو
اقبال:شفتك زربااان ههه صبر شوية
شهيد:عطيني وقت حددي ههه
اقبال: نشوف بلان غيتة اش نو غندير معاهاا .... اتزوج هيبة ونعرف شنو ندير
شهيد؛ غيتة قسحي معااهاا ولكن رجععيها تقراا ...لباك هداا ربما تجمع راسها فهاد الدورة لي بقات ليهاا
اقبال(تنهدات)معرفتش ...منين كتعرف هاد لبنت !
شعيد(حك لحيتو كيضحك )غرتييي ؤهههه
اقبال:عليك ؟ هههه باااز ملقيت علامن
شهيد: واخة ههه لي قلتيها هيا هاديك ...هادي كنت كنعرفها شحااال هدااا معرفة سطحية وصافي
اقبال:ديك سطحية ديالك نتاا واهلييي معرووفة .....انا مغنحضيك مغنتبعك ولكن الى سمعت شي حاجة و را ضهريي ...انقتلك اشهيد
شهيد: تسخاي بيا هههههه(بغات تنو ضكضحك وشدها كلسهاا )
اقبال:شنوو
شهيد (شد ايدهاا قربها ليه وقال ) اعطااك ربيي ...بلاصة في قلبيي ...مهما ديرييي وقليل فيااا ....انا عشقتك ..وحملت عداابيي ....نبغيك بزاف بسيف علياا(سكت بحب كيشوف فيهاا ) كنبغيك ا إقبال......
اقبال (بقات كتشوفيه ونضرتها متبدلاتش )الله اجعلني نتيق
شهيد : والله الالة ومتساليني حلووف ت كنبغي ملتك ....مكتيقيش بياا ؟
اقبال:بحالا علمك الله
شهيد(ضحك. كيحك فعينو )عارف راسي مكنسوااش ولكن والله اللعضييم تكنحبك .
اقبال(وقفات)غنمشي داباا
شهيد:(بطنز )سخيتي بيا احبيبة
اقبال : تعناب لكيلوو
شهيد؛لاا راابعة ونص ههه
ضحكات كتهز فتيليفونها وحتى هوا نااض وقال :قولي لهيبة الله اكمل كلشي بخيير
اقبال:اميين ياربيي
**
خرجات من دوش مزنكة وعينيها حمريين دخلات لبييت لقات حياة كتقاد لهيبة ف لميكاب
حياة:ياك شريتو لخاتم ! فينهواا
هيبة:شدو عندوو معطاهش لياا
حياة:ممم وعلاش زعمة !
هيبة:شغلو هداك (بتوتر)عنداك ميجييش
اقبال(كتنشف شعرها)فال الله ولا فالك ...مالك فهاد التشائم واش هوا داير هاد دورة كاملة باش فاللخر يكدب عليك
هيبة:وماعرفت
اقبال:ملي نتي الالة متايقاشش فييه ....اش وصلك اختي لزواج
حياة:كلاتها بوشوونتهاا
هيبة:باز ليك ...هوا اه فيه عيوب
اقبال(كتلبس وراهم)تاحد مكامل
هيبة:وهادشي نيت علاش قبلت ...هوا طبعو صعيب شوية اه ولكن فنفس لوقت كيبين ليا بلي كيبغيني وباااغينيي نكون مرتو ليوم قبل غدا...يعني السيد نوا لمعقول من ديباار ...
حياة:اه كاع كيدخلو بلوجه زوين
هيبة:نتي اصلا كلشي عندك بحال بحال
الغالية:اقباااال وا اقباال ...ها جابر جاا
اقبال(من لبيت )هاني جااية ...حياة ...ضربي ليا شعري بسيشوار دغياا ينشف
حياة(حطات لماسكاراا )واخة
برونشات و فضو ونشفات ليهاا شعرها مزياان ولاخيرة سرحااتو وخرجات لقات حجابر كالس فصالون ...لابس قميجة زرقة فوقهاا مونطو خفيف وسروال دجين لحيتوو كيف ديما مكيخليهاش طوال كل مرة محيدهاا دابا عاد.جاية ناايضة وكدالك شعرو
اقبال:لقرع ...ضارب نمرة جوج فهاد لبرد
جابر(رجع تيليفون لجيبو كيضحك ) ولفت هاد لحسانة مشكيييلة
حياة (دخلات لصالون تهز تيليغونهاا وهزات عينيها فجابر وقالت)خاصك هيي طانكة ونعيطو ليك مسااري الدكالي ههه
جابر:ديها فسوق رااسك بااهتة يلاطيف
حياة:اش عرفك اخا فزييين ...اه اه ورينا هاد الزين لي بتااخد
جابر:تالعرس وتشوفيهاا
حياة:ربي ربي ورينا نشوفو واش تجي معاك ولا لا.......
بقات عليه تورا ليهاا تصوريتها اما اقبال دايرة رجل فوق
رجل وشادة تيليفونهاا حيت ديجا شافت تصويرها
حياة:متيييتزة ...زوينة عليك ابا جابر
جابر:براكة هي واحد زويين
حياة:ههه يالله دغيا دير لينا شي عراسية بشيخات قبل منمشيي
جابر(تاوب كيرجع تيليفون لجيبو )ان شاء الله
مشات وهوا بقا مجمع مع اقبال اما واحد غيتة حسهاا مقطوع ...وبلاصتها بقات خاوية ديماا صداعها وهدرتهاا فدار مكتسكتش
كانت مخشية فلبييت وشادة بلاصتها كتجبد فكمايم تيشوورت وترجع تقادوو مربعة فوق فراشهاا معارفة مديير لا تلفازة لاا تيليفون لا بيسيي تموسق لا كتاب تلها بييه حتى لماكيااج هزاتو ليها حيااة وسورتات عليها لماريو
كدور فدوك لعينين لكبار كيي مووكة لابسة سورفيت لفوق قصير جاي فوق سمطة تاع سروال فلكري ... شدها جوع وناضت ...حلات لباب دوخوها روايح
لقات الغالية كتقاد فزنبيل تاع اتااي او السكر والنعناع ديال لفضة وصينية كبيرة عاد شراتها كتلمع وكيسان جداد وجوج برارد كبار بسرابتهم
غيتة:ماما فيا جووع
الغالية:تااكلي جناابك دروك عاد ناايضة ...اوى لاش هي موتيي فداك لبييت حسن دوزي غسلي لمااعن
تعوجات فلوقفة كتلعب فسنسلة فعنقهاا وقالت: حتى تسالي كلشي ونغسلهم عطيني نااكل عفااك مغاديش نكلس معااهم
الغالية:هاك هزيي هاد لبلاطو حطيه فالصالة ...انا نحط لييك شوية فطبسييل
ضربات فرجلها وهزات لبلاطو لي فيه سكر واتاي ونعناع غادية كتنكر لصالة ميحسابش ليها جابر فيها حيت كانو فديك لوقت سااكتيين ...مع هزات عينيهاا هزاتهاا فييه هوا بلخصوص لي هي شاافها وضربها بتخنزيرة خلات قلبهاا يضرب وتسرط ريقها ....بغات ترجع بزربة مترجع هيي ف الغالية جايبة الصينيية عامرة كيساان ششداتهاا بزز قبل ميتقلبو لكيساان اما اتااي تشتت حبة حبة فوق الزربية
وقفاات اقبال كتنهد ششدات الصينية لطيح اما لبراد طاح اللرض
اقبال:ابشووية شكون زاربكم
الغالية (عطات لغيتة ضربة لضهرها)ياااااا تي انا اش بغييت ليييك
جابر:مااا دعيييش الغاليية مدعييش راه مشافتكش
الغالية(تعصبات كتقلب فلبراد)اش كتشووف يعطيهاا لوووبة غا مستوووهة ....اويلييي ياويليي نووضي جمعي هدشيي
غيتة(كتبكي وكتجمع فنعناع)وباش عرفتك تاابعاني هءهءهء
اقبال:صااافي هنيونااا ...موقع بااس
جابر (كان متكي على مخدة وكيربت بايدو على فخضوو وكيشوف فيهاا لي لحضة تحناات وتعرا ضهرهاا وقلب عينيه جيهت شرجم كيتنهد ويحك تحت فموو.....
جمعات اقبال روينة لي فصالة وشطبااتهاا من لحب تاع اتاي ... هزات غيتة زبل او مشات عمرات طاس من جديد باتااي وعينيها فلارض مقادراش تهز عبنبها ف اقبال
حطاتهاا فلبلاطو كدمع وهز عينو فيهاا ...جاتو مبدلة عارفها تحبسااات ولكن سرها وكون هوا ايطحن مها عصاا وسنانو عليها لدرووك قد خيزوو
تفكر داكشي لي دارت قبل ميضعف ومص فموو ...بعصبية مبعد عينيه عليهاا
*
هيبة(قلبها كيضرب وصوتها تنغنغ) تعطل عنداااك يديرها بيا احيااة والله تنقتل رااسي
حياة(طلعات ليها الدم بهاد تنغنيغ ديالهاا)وتييي وكضي راااسك ناااارييي طلعتي ليا فكر كريي ....وتي جمعي خناينك ازمر الى مجاش لهلا يجيب ديلموو واش نتي واقفة على راجل تفووو على زمر ....صوني ليه
تحل لباب ودخلات اقبال وقالت:شفتو تعطل .....مالك ياك لباس
هيبة:عندك ميجيش
اقبال:نسولوك نتي لي ديتي وجبتي معاه فلهدرة واش يديرها
هيبة:لويلي راه بعقلووو هءه
ساطت اقبال تسمعاات الصونيت فدرووج وقال:يمكن هوما !
هيبة:يااربييي
نزلات ادراجهاا حلات لباب كييبان ليهاا صديق ب. بوكي ديال لورد وكومبلي فلكحل بقميجة بيضية محلولة من لفووق تبسمات برااحة وقالت :مرحبااا
نتابهات لسيدة تلاتينية وراه فايدهاا بنت صغيرة شادها راجل من خصرها باينة مرااتوو محملين ومجملين
صديق:شكرااا ختي اقبال
اقبال :دخلووو مرحبااا بيكم نهار كبير هداا
الشيااكة ورواايح ونقااا سطرو عليهااا ايديه بيضين بكترت لغسيل ....طلع ادراجو وراا اقبال كيسكاني فلحيووط بعينيه لكحلين ...تدخلوو كانت فاستقبالهم الغالية بقفطان بيتي براندة وزيف رطب على راسها وحداها جاابر ....سلمو عليهم كيرحبو ويعاودو تدخلو لصالوون
دخلات لغالية على لبنات وقالت:اسعدك زيييين يا هيبة بنيتيي ....السيد هيييبة تبارك الله معيناااه
هيبة(بفرحة)هههه بصح امامااا
حياة(كتعيب)بصح اماماا
الغالية:منكونو مع اقبال تهياا واخة تعطلات
حياة:سييييريي الشلحة سيرييي .....تسمعك تغسلك وتسݣطرك سيري
جابر(نضف حلقوو )مرحبااا
صديق (حل صدفة تلافيست )شكراا لهلا يخطييك
كانو عينيه كيقلبو على هيبة وامتا ايدخل مامسوق لحد بدا الاخ ديالو كيجبد حواراات يتشاركو فيها مع جابر واقبال وبنت خوه فرعاتهم بصداع
صديق(خرج فيها عينيه )رييييم اغيييت.....
لبنت تزعزعات هي من عينيه مشااات كتجري وتعكل عند مهاا تخشات فيهاا كتبكييي
اقبال:هي خليهاا ههه لوليدات صغار هوما هادوو
صديق:ولو خاصهاا تخليناا نهدروو (شاف ف ريم مخشية كطل عليه بنص عين وتدمع)ياك اعموو !!
تخشات كتبكيي ومها ضحكات وقالت:هههه صافي خليهاا كتخااف منك
جايبة الغالية مقراج تاع لما صغير وقفات اقبال شداتو من عندهاا دور جابر صينية عندو وهوا مجمع مع اخ صديق فنفس لوقت كيدير فاتاي
عمر جوج برارد وداوهم يتشحروو وجابوهم عاد دخلات حياة بقفطين بيتي سلماات عليهم وكلسات جنب اقبال تدخلات لالة لعرووسة سر طاايح عليها ولحناك مزنكييين كترمش فعينيها وقلبها غيسكت حطات طباسل تلحوة او لفاكية وايديها كيترعدوو ...سلمات بلا بيز على السيدة وسلمات بايدها على الاخ عاد صديق لي زير عليهاا وطلقهاا ...مشات كلسات حدا حيااة
زوجة الاخ (ليلى):تبارك الله هههه صديق ختار وعرف اش يختار
هيبة(حشمانة)هه ربي اخليك اختي
صديق(نحن صديق موجه هدرتو لجابر واقبال )بماا انك نتاا لي فمتابة الاخ ديالهم كيف قالت هيبة ....فراك عارف شنو سبب الزياارة انا ان شاء الله باغي المصونة هيبة على سنة الله ورسووله
جابر:الري وشوار لمولات لكلمة فلاخير انا منزيدكم هي لخير لا انا لا اقباال ...هيبة !!
حشماات وضرباتها اللقوة تنطق اخ صديق وقال:اوى نقولوو الله اكمل بخير السكوت علامة الرضى
شافيها صديق هاز حااجبو باش يطمر وقال:نسمعوها منهااا ...لحلال مافيه حششووم
هيبة:ا ااه موافقة
جابر:اوى منزيدوكم هي لخيير ووبدعاءء ان شاء الله ...نقراو لفاتحة !!
صديق؛هيا اللولة
قراو الفاتحة وتفرق اتااي ولحلوة نضراات بين هيبة وصديق ومرة مرة يغمزها بخفة تاتهبط رااسهاا كضحك
صديق:غير هوا بادن الله تعالى كيف قلت لغيتة بليي باغي لعقد فهاد الاياام ديك الساع الى بغاات هياا دير شي حاجة بسييطة ؤيرها ف لويكاند
الغالية:واوليديي زربتو شويا خههه نوجدوو ليهاا اوو
صديق:داكشي لي طلبتوه الحاجة على الراس ولعين ولكن هاد الاسبوع ان شاء الله نطرقو فيه موضوع لعقد ....هيبة ! ششنو قلتي.....
هيبة:ان شاء الله
صديق:تسمحو لياا واحد.دقيقة نهدر مع هيبة
اقبال:خود رااحتك
وقفات هيبة سبقااتو وهوا وراهاا كيشوف فيهاا من لفوق لنحت كيفاش داك لقفطان راسمهاا
حلات باب بيتهها مع خوتاتهاا ودخل تاابعهاا وسدات لباب ...كانت ديجا جمعات لبييت وستفاتو
صديق(قرب شد ايدهاا )جيتي غزاالة ...كتحمقييي ...دابا هدشي كلو دياليي ممم
هيبة(قلبها كيضرب )ااه
صديق:شنو بغيتي فصصدااق اهيبة
هيبة:صداق !! معرفتش ...لي عطيتيني
ضربات توصيات حياة باش تطلب صداقهاا غالي وتشرط فلي بغات ولكن هيبة دغيا كتلف وكتحشم
صداق:هداك صداقك حللو ليك الله
هز ايديه بجوج ورجع ليها شعرها اللور وقال:كترتي لمكيااج شوياا ! مسحييه
هيبة:صافي واخة
هزات كلينيكس من جنب لمراية كتمسح من لعكر ...مكانشش شي مكياج معيق ولكن على قولتو هوا جاها كتيير
هيبة (شافت فيه )دابا مزيان
صديق (جرها بايدو عندوو وشدها من خصرها وقال )قربي نشووف !
حسات بتبوريشة شداتهاا وهيا كتشوفو قريب ليها وقالت:يالله نمشيو تعطلناا
صديق:بلاتي شوية (هز ايدو لحنكهاا ودوز صبعوو تلى فمهاا بحركة كانت غتسخفهاا هز صبعوو وشاف فيه لققاه نقيي مفيهش لعكر وهبط راسو لناحيتهاا حاكم راسها بايدوو ... غمضات عينيها من انفااسو لحارة محسات هي بشفايفوو لامسوو شفايفهاا بقبلات سططحية متقطعة يالله بيتعمق تحل لباب عليهم ودفعاتو هيبة مزنكة كانت هيا لي مقابلة مع لباب......
غيتة:احسابلي مكاين حد ...انا مشيييت (خرجات كتولول )يحرموها علياا وحلال عليهم
صديق:شكون !
هيبة:ختي صغيييرة ...نمشييو
صديق؛يالله
خرجوو من لبيت ودخلو لصالوون تقالت الغالية:صااافي تاافقتوو
حياة(بهمس ل هيبة حيت كالسة حداها )علاه هوما هي تاافقوو وصلو لعكر يمسحوه
هيبة (خرجات فيها عينيهاا )اه تافقناا ...
ليلى:اوى كلسي حدا خطيبك باش يركب ليك لخاتم
صديق:فكرتينيي ...نسيتو كااع ههه...
خواو ليها بلاصة حدااه جبد من جيبو بواطة حمرة فيها جوج خواتم واحد نسائي دهب وتاني نقرا رجالي ...
حيد لخاتم من لبواط وعطاتو صباعهاا ركب ليها لخااتم رقيق سامبل وزوين جا معاها وهيا ركبات ليه لخاتم ديالو زغرتات الغالية كتصلي على نبي ومعاوناها ليلى
خداو تصيورات بتيليفون وحياة عاونات الغالية جمعو طبلة ولكيساان باش يتحط لعشاا ....سول صديق على لحمام نعتو ليه مشا غسل علييه وجاا ريح حدا هيبة
صديق:لخاتم جا معاك احبيبة
هيبة:ههه شكرا زوين
صديق:دابا نزيدك شي حاجة اخراا ان شاء الله
تحط لحم بلبرقوق او لووز طايب على حقو وطريق لخبز ولموناضة وطباسل لهريسة طبسيل كبير نيت حيت طبلة كبييرة وضارو عليها كامليين
الغالية:زيدو مرحبااا بيكم
ليلى:الله اكبر بييك اخالتي شكراا ....
كاين لي سااكت وكاين لي كيهدر ...اما غيتة خرجات من لبيت كتسلت دازت لبيت لبنات كتقلب على تيليفون ...ملقاتوش بانت ليها عشرين درهم تحت حوايج حياة هزااتهاا وخرجات كتجري لبييت
كيتعشااو في اماان الله مونسيين بلحيمات ولبرقوق ولموناضة الغالية كانت كتهضر مع ليلى حتى طلقاتها بتكريييعة بلا هواهاا حبساتها بزز وسدات فمهاا
هزات اقبال عينيهاا فيهاا بمعنى منيتك ...
اما صديق وحلات ليه دغمة فموو مبقا عرف واش يسرطها ولاا يرميهاا ....روعاتوو واعدا حاجة عندو هي تكراع على لمااكلة مكياكلش بااقي ....سرطها بزز وتقاد فلكسلة
جابر:سييي صديق زييد
صديق:لااا هيي بصحة كلييت الله اخلف
سرطها بجغيمة لماا ودوزهاا هانية تعشاو وهزوو لحم وحطو تلاتا تلفرارج محمرين ديال دجاج ...ناض من جديد غسل ايدو بالصابون ورجع كلس...بزز دار ايدو هي باش ميعيقش ولكن شكون خلااه .... دار لبال مع الغالية لي كتاكل بعفوية كيف موالفة ....كتهدر وتااكل وكدير الصوت بشق بلزق كون محشم كان اينووض يسد ليها فمهاا يالله بيحط ايدو فدجاج هزهاا
هيبة:ويلي مكلتي والوو
صديق:ماا عنديشش مع دجاج بزااف
الغالية :تالحم مكلتيش فيه يكما معجبكش طيابيي
صديق : الله اعطيك صحة (تنهد مكرهش ينووض وعروقو كيتجبدوو مع دوك الاصوات.....
من بعد لعشاا وقف صديق كي قباض ررواح وقال:نخليكم هاد السااع(حرك راسو لخوه باش ينووض )
جابر:كلس اصااحبي كاس اتاي ونوض
صديق:الله اخلف مرة خرا ان شاء الله...
سلم عليهم وخلا هيبة هيا اللخرة تالجنب لباب خرجو ادرااجهم او وقف هوا وياها جنب لباب ...كان فايتها بطول هي شوي ماشي بزاف قراب لبعضياتهم بزاف
صديق:غداا جمعي لياا لوريقات باش نتكاتبوو ان شاء الله
هيبة:ولكن اصدييق مزال خاصني حتى انا نتقدااا زعمة راه عرسي
صديق:غدا نتغداو مجموعين !! او نشوفولبروكرام ديالناا شنو بان ليك ...
هيبة:صافي واخة لي بان ليك
صديق:تصبحي على خير الزين
هيبة:تصبح على خير
سدات لباب كتشوف فلخاتم وتضحك فرحاانة ...طلعات ادرااجهاا لفوق لقات اقبال كتصبن فلغالية على ديك تكريعة
الغالية:هااااء ياويلييي والله مدرتها بلعانيي
اقبال:عييت معاك بلهدرة الغالية
جابر:هههه هدشي كيوقع وااه غير لكان بنادم محسوس
حياة:علاه مشفتيهش كي تطمس مبقا داق نعمة !!
جابر:او. على هاد لحسااب موسوس ههههه عادي مديرو ش من لحبة قبة (وقف)لحاصول تباتو فراحة الله هاد السااعة ...
اقبال:بلاتي نزل معااك
جابر(داعب شعر هيبة وهيا كالسة )الله اتبت لغرس اختي
هيبة: امييين اخووياا ...حتى نتا الله يسر ليك فلي فيها لخير
جابر:اللهم امين
حياة:اناا يهودية مدعيش معاياا
جابر:باااش غندعي معااك ههه الله يطيرك ليوم قبل غدا ههه
حياة(هزات كفوفها)امييييييين يارب لعالمييين
نزل كيضحك لقا اقبال عند لباب مربعة ايدها من لبرد. ضربها لراسها وخرج وقال:ونتي امتا نفكو خبيرتك ؟
اقبال:ههه مزال مزال شوية
سد تجاكيط على لبرد ودخل ايدو فجياب :هدااا هوا لوقت دوز هيبة وقوليه يجيي ! علاش اتبقااي بلاتي تسنا....
اقبال:اانا دابا مبرزطاني غيتة نتزوج ونخليها و راياا لا شغل لا قراايا عااد اتفرعن ودير مبغات ...فنضرك لغالية باقي عندها جهد تحضيها !! لهلا يقلب هاديك
جابر:وشنوو ..غنرجعيها تقراا
اقبال:هاد لعام !! متحلمش بيهاا ...اصلا نقطها زيرووو جايبة 11 فدورة اللولة !! هادي شحال اتججيب فلوطني تمنية
جابر:مكتسنطييييش ا اقبال ...رخيتي ليهااا ورخيتي بزااف شلا على فشوش......
اقبال:انا عرفتها اتخرج من جنب !! انا معرفتش اش وقع ليهااا هاد لعام سيدة كلات مخ ضبع ...كنا فشطييح تولينا فشيشة وتزنديق مع لبرااهش
جابر(كمش حجبانو)الله ارحم بااك فوتي عليا داك لمووضووع....غيتة خاصها ترباا صاافييي ...تاتشوفي واش اترطااب ولا تبقا هكاا ....معلينااا فيك ميتحرك معاياا غدا لجديدة !
اقبال(حطات راسها على لباب)كون غير عفتيني اجابر هاحنا مزال داوين علييه منخليهااش بوحدهاا
جابر:جيبيهاا معاااك وهني لوقت تكون تحت عينيك ...نهار واحد ونرجعوو
اقبال:واخة غنشووف ...
توادعو ف فم لباب يالله كتسد لباب صونا تيليفونها بنمرة شهيد ...جاوبات فلحين بصوتها لخفيف وثالت:الوو
شهيد (بصوت ناعس ) بيلوو ...كيدازت لخطبة
اقبال:مزيااانة ....ناعس ولاا
شهيد (تاوب)يالله لقيتيني بغيت نطيح فراشي وطحتي فبالي قلت نسمع داك صويت لمتيتز تاعك
اقبال: مغاديش توب من تزلاال
شهيد:اهي باقين محتاارمينك هههه ...سينو نتي صافاا بنتي ليا قبيلة عيانة شوية
اقبال(تنهدات)شوية وصافي هي مع لخدمة ودار لعيا كيتجمع ...
شهيد: شنو بان ليك ندوزو نهار اونصومبل غداا نهرسو روتين شوية !!
اقبال: غدا عندي طريق لجديدة لخطبة ديال جابر
شهيد:دابا نتي راك غتولي مرت الراجل خاصك تشااورري معاياا الحيبان
اقبال(جاب ليها الضحك )ههههه نعام اخويااا مسمعتكش مزياان
شهيد(ضحك )شنووو تخرجي بلا خبااري منين جبتي هادي
ااقبال:سير تغطا ليك بشي مانطة وجبد عليها راه نعاس بدا يلعب بييك
اقبال(تاوب من جديد ) قهرني لبرد خاصني لونيسة ....امتاا تسني ليناا الالة اقبال نجيو نهزووك
اقبال:نهار يققولها ليا رااسيي ....سير نخلييك عيت بغيت نعس تصبح على خيير
اقبال:ونتي من اهلوو
قطعات عليه زخلاتو كيضحك وقال: حاااارة ياختي قطران هههه...
مجموعين على لفطوور كيف لعاادة من غير غيتة
اقبال:فيقييي ديك لالة غنوو تمشي معايا لجديدة
هيبة:او شكون غيجمع لياا لورااق !! حرام علييك ا بيلو عارفاني معولة عليك فهادشي
حياة:واش نتييي غتبقاي ديما تسناي لي يهدر عليك ياه على بعرة تطلينا بيهاا
اقبال:اختي زواج قادة علييه !! او لوراق كتحشمي الله اكبر
حياة: انمشي معاهاا تاتجمعهم ...تعلمي تكون عندك جبهة شوية
هيبة:ولفت فف
الغالية:شحال طلبتي فصدااق لبارح
هيبة:قلت ليه لي عطيتيني
حياة(كانت كتشرب فاتااي ترشااتو من فمهاا هزاات ايدها تالسما وعطاتها لهيية لضهر تلتزلع لكااس وقالت مجننة )تعطاااااك لگلب يااااا بنت لحراام
هيبة (معرفات باش تبلات تطاحت من فوق لكرسي كتحك فكتفها )اححح حرام عليك
الغالية:ياااتيي عواض تشرطيي قايلة ليه لي عطيتيي ....ومالك فيه ابنتييي فايت فيك زوااج كييي غادية بلا عرس او تدهاز ميجيبو ليييك بقات فهاد سليك لي دار ليك فايدك
هيبة:وماما لعرس راه انا لي مبغيتوش ومعنديي مندير بيه اصلااا ...ولخاتم راه ب 60 الف قلاك سلييك
حياة:انا بغيت هاد سلك نحر ملت مك بيييك
اقبال: بينها وبين راجلها نتوماااا اااااش دخلكم يعطيهاا ت درهم ياك هيا لي بغااات !
حياة:اختيييي الالة زمارة نتي براسك الى مطلبتيش اصدااقك غنشتف على مك تي كيفاش هااادي اختي سيري بعزك رااك غااالية ...هداك صداق حللو ليك الله ...الناس كتمشيي ب لملاين ودهوبات ويزيدها دار من لفوووق (كتعيب )عطيني لي بغيتيي ...انا بغيتها تعطاااك فقستي ليا مرارتي
هيبة:غير لي بغا يقوليك شي حاجة
حياة: نوضييي بعدي ليا من كريي صباح هدا دعيتك الله ...انا بغيتو يلوح ليك شي عشرالاف نضحك على ملتك تااا نشبع نوووضي لبسي خراك نجمع ليك ورااقك يجمعك ربي
اقبال:هيبة فيقي غيتة
خلاوها تمشات ونطقات الغالية كتحك فراسهاا وقالت:هاايه وشت هدا لي خطبها بحالااااا موسوس لاا ؟؟ تي راه غسل ايدو شي تلت خطراات ولكاس تاع اتااي تشافو عاد شرب ....اما كاس تلما توسخ
اقبال:جاني عاادي بنادم نقي كتحسبوه موسوس !
حياة:انا لي شفت هوا السيد صعييييييبب شوفي هي خوه كيبان كيلمش حدااه ....مي يا مي وبنتك غير دميعة
الغالية:وااا الله اتاويهم لخير ويسهل عليكم كاملين بدويراتكم ولبغات لموت تجي تجيي.....
هييبة دخلات لبيت كتفيق فغيتة تناضت
غيتة:ننن
هيبة:نوووضي تكلمي لاقبال
غيتة(قفزات)اترجع ليا تيليفونييي
هيبة:تبتييييي يا بنتي شوية تبتييي راك بغيتي طيرييي ....نوضي غسلي حالتك وليتيي كي لحاسة
غيتة:ففف وخة نكون انا لي ديت الصحرااا مديرو ليا هكااا
مشات كتشتف لدوش غسلات وجهاا وخرجات عندهم مشعكة مزال فيها نعاس
اقبال:قادي حالتك غتمشي معايا لجديدة !
غيتة:هااا ولااااش
اقبال:غتمشي معااايا وغتسكتيييي شوية ياللله منبقاش نعاود هضرتيي
مشات كتخبط لبيت
حياة:لفعة هادي تخاف ما تحشم
اقبال:حنا لي رخينا ليها تطلعات فوق الرااس (جبدات اقبال بزطامهاا )الغالية ... مخاصك والوو
حياة:مالها بتقوليك لااا هههه لفلوس اختييي زينة الحياتش
الغالية:اوىى مخاص والو لخير موجووود ...ويني ها لعرس جاي مبقا عندنا منلبسوو
اقبال:اشمن عرس !!....ماتبقاي تعرضي ليا على لبشاار راه هي كليسة صغيرة وصافي صدقة للمقربيين ...من بعدونهضرو فهادشي ...(جبدات من بزطامها تمنلاف ريال مداتها ليها وناضت )
حياة:اتدي شي قفطااان !!
اقبال:لا لا مكاين لااش ...انلبس جلابتييي
حياة: ناااري بتجييك مقووودة السااطة
الغالية:راه غنضرب ملتك بهادلكاااس هاايه ....تي كي غديري مع هاد الرااجل وفمك قطران
حياة: يمشي يخراا افايقة ليه اناا
فعلا مشات اقبال لبييت هزات جلابة فلبلو سيال ساامبل مطويلاش بزاف صبور كتلبس مع سبرديلة وفيها سيور هابطين من لقدام تالصدر بنفس اللون....
اقبال:حيااااة اجي اجي
حياة:نعام احبي
اقباال:ضفري ليا شعري دغياا
قربات ليها كتعوج سرحات ليها شعرها مزيان وضفاتو ليها من لفووق ...هاد لمرة هزات صاك صغير حيت جلابة بلا جيااب فلبيج دارت فيه وراقها او تيليفون ولي تحتااج...يالله كتسد صونا تيليفونهاا جبداتوو وجاوبات ولبنات وراهاا مناكريين على لماكياج لي مبغات دير.....
اقبال:صباح لخيير
شهيد:صباح لحبب ...شي بوسة على صباح والله مكرهناهاا
اقبال:فراسك هاد تزلال ديالك شي نهار نهرس ليك فمك عليه
شهيد:نبوسك ديك الساع والى طلقت منك هرسيني كامل اختي والله منقوول احح متي لي تقوليهاا
اقبال(بهمس)حماار
شهيد: ايييه لقديتي عليه.....ههه فينك خرجتي من دار خرجي نشوفك
اقبال:غادية داباا اش بغيتي تشوف فياا
شهيد:وهي خرجي البااكور خمسة دقايق وسيري فحالك انا فشاريع لفووق
اقبال:امري لله ...وخة صبر (قطعات عليه لقات لببنات اللور متكين على لماريو وكيسمعو ليها طلقوها بضحكة عالمية
حياة:شوف ليك لقحيبة ههههه
اقبال:كولي لغيتة تلبس دغيا هاني جااية
هيبة:متعطليييش احبيبة هههههه
خلاوها تخرجات وضحكو وهزات هيبة ايديهاا على شكل دعاء وقالت:ياااربيي تسهل عليهااا وتزوجهاا بهاد شهيييد يااااربيي
حياة:ههههه حسن عوانووو من درووك ههههه ...اقبال طبعها صعيييب عندها هي نيشاااان تشوفو كيلعب بزنطيطو تبود معاه سواايع من ديبار
هيبة:اختي هيا لي عبرات مربات كبدة على شي ولد لمراا ههههه ..نمشي نشوف ديك لغبييينة اش كدير عطيها شوية لماكياج احيااة عفاااك اتمشي وجها صفر تماا
حياة:تمشي تخدم وتشرييه ملي ولا فيها هاد لفرييع ....هزي ليها ماسكاراا ولعكر ...تقرب لياا لفوندوتان او لهايلايت نشتف على مهاا سلاتنم ليياا هي فتصاور لكلبة لخراا
Tags:
حكاية أنثى