الجزء 3 - الحب أقوى من أي إتفاق

 

بان ليه الغدا جاي وهو يقول ~ بحال بحال ااستاذة مهم معنى واحد ... جمعي هادشي حتى تكمليه ونتناقشو فيه من جديد تحط لغدا وباشرو في الاكل ، كان كياكل برزانة ، مرة مرة تهز عينيها تشوف فيه كلامو مسخااتش بيه ، اهتمامو عجبها ، حضورو كان طاغي ، شخصيتو زوينة ،كيعرف كيفاش يجبد من فمك الهضرة ... كان قريب منها بزاف وقدرات ترجع تسرق شوفات منو وتكمل في فحص ملامحو من جديد ، جنب عينيه كان مكمش وتحت منهم منفوخ باينة من نوع لي كيسهر ،لحيتو مرشووشة بشيب من اول شوفة تقلع سنو ، ردات لبال ليديه لي كانو عروقتهم بارزين ولي اثار انتباهها كثر خاتم لي داير بلا ما تحس نطقات وقالت مريام ~. واش مزوج ااستاذ شاف في الخاتم لي في ايدو حيت كان راد ليها لبال حاضياه بلاما يبين ، جاوبها وهو كيشوف فعينيها زيدان ~. ماشي گاع لي داير خاتم مزوج ؟؟ مريام تجرئات كثر ~. وعلاش ، راجل بحالك يعني عمر ماشي صغير لي يبقى بلا زواج لدابا زيدان مرر صبعو على فمو وقال بثقة ~. حيث انا صعييب وقااصح وجلاخا وتا وحدة مغتصبر معايا ، وزيادة مكنعرفش نتعامل وعزيز عليا نتملك لواحد ، اش بان ليك نتي يجيك شخص بهاد مواصفات تقبلي عليه ندمات لي سولاتو من اصلو كون ما اتصال لي جاه متعرف باش تجاوب حمد لله لي تعتقات سمعاتو كيدوي كان باينة صفقة عمل زيدان ~. وي هو هذا ، اهاه وي متشرفين ، امتى ، دابا اوك انا كاين في **** نتلاقاو مريام ~ نقدر نمشي الا كان عندك شي موعد زيدان شافيها بحدة ~. موعد عمل !! وكنظن نتي وليتي جزء منو ،. كملي ماكلتك دابا ابعضرة مغتهربش الوقت مبقاش عندنا !! نقبات شوية وبقاو كيدويو وهي اكثر في مواضيع مختلفة ، بعد الغدا جابو ليهم تحلية لي تزامن وصوولها مع وصول الشخص المنتظر ....وقف عليهم لابس كوسيتم كحل مع مونطو طويل في المارين شعرو مرتب وريحتو مجهدة كتخنق ..التسبيح بطبع في ايدو ممفارقوش.. توجه لعند زيدان لي وقف اول مشافو جاي عدنان مد ايديه وقال ~. الا مخفت نكذب نتا هو موسيو زيدان لخليفي زيدان هز راسو بالايجاب ~. ونتا هو سي عدنان عدنان ~. هو هادا ، فرصة سعيدة اسي زيدان متشرف بيك سمعت علىيك وعلى خدمتك بزااف زيدان ~ مرحبااا دور وجهو وهو يحل فمو ملي شافها.. مد ليها يدو فرحان ...سلم عليها زبقى مزير وكيقول ~. صدفة خير من الف ميعااد ، كيف دايرة الالة مريام ، سبحان الله عاد سولت سي كمال عليك وواعدني نتعشاو مجموعين عض على فكو من لداخل كيشووفيه كيفاش شاد يدها وكيف كيدوي معاها قرا عينيه مزيان وهو راجل اكيد غيكون عارف شوفات رجال ...جر ليه يديه بنثرة وقال ~. جلس جلس اسي "طولها " عدناااااان متبقاش واقف مشى لحداها وجلس فرحان بقربها منو لكن كان غالط حيت واحد اخور كان سرع منو ... كتفى يأمرها فقط بعينيه تجي لحداه وداكشي لي كان ،ناضت من كرسيها لحدا زيدان لي تحنى لعند وذنها وقال بهمس ~.منين كتعرفي هاد ميخي ؟؟ الاعجاب هو التوأم الوسيم للحب. مشى حداها وجلس فرحان بقربها منو لكن كان غالط حيت واحد اخور كان سرع ....كتفى يأمرها بعينيه تجي لحداه وداكشي لي كان ، ناضت من كرسيها لعند زيدان لي تحنى عند وذنيها وقال بهمس ~. منين كتعرفي هاد ميخي ؟؟ كانت جالسة فجنبو ليسر كتفها على كتفو قراب بزااف ..حطات ايدها على فمها وقالت وهي كتشوف في عينيه نيشان ~. صاحب بابا اول مرة نشوفو في حفلة لي دار .. عض على فكو من لداخل ودور وجهو كيشوف فيه وكيخبط بصباعو فوق الطبلة محاملش شوفاتو الخضرة فيها بالمرة ~. بنتي ليا بحالا تالفة ليك شي حاحة وكتقلب عليها بعينيك " غير دار شافيه وهو يخنزر فيه ".. زيررررر معااياا ودخل في الموضوع نيشاااان عدنان بدا يلعب بتسبيح وكيدوز لسانو على فمو ~ .حم اه مرحبا لكن قبل شنو تشربو على حسابي ...تكى على طبلة وقال ليها~. لالة مريام شنو مشهية بدا يحرك رجليه بعصبية باقي شاد فراسو ومبغاش يدير شي تصرف ماهواش ~. عندي قل من نص ساعة ياا تگول شنو عندك يااا نسكتك بمرة عدنان مفهموش شنو قصد بدا يدوي زايد ناغزة حاس براسو وبلي عندو ~. مقلتي عيب ، احم ناوي ان شاء الله نحل واحد مركز تجااري هناا وطمعان فيك تشرف على هندستو نتا ومريام " كان كيشوف فيها وكيدوي " ...حيت واثق في ذووقها بغيت نقول ذوقكم زيدان حك لحيتو كيهز فراسو من فوق لتحت ~. اولاااا دوي مقاد وشوف لعندي متشووفش ليا فيها ...تانيا من باب الاحترام كنسبقو انسة قبل السمية وثالتا "قالها وجمع الوقفة "....وقتي عامر شادين شي خدمة ثقيييييلة ووازنة نيت شوف شكون يخدم ليك هز ليها راسو باش تنوض معودتهاش معاه هزات صاكها ووقفات ووقف تا عدنان عدنان همو غير هي حيت كان باغي يشوفها~. لالة مريام ممكن نتي تبقاي باغي ندوي معاك فشي حاجة... هنا زيدان تزير وعرق فراسو بدا يضرب ضيق عينيه وقرب لعندو ~. كلامك معايا انا وقلت ليك شنو عندي من لخر شبغيتيها هي ؟؟ عدنان ~. باغيها فشي حاجة شخصية معندها علاقة بالخدمة زيدان ~. معندك فاش تدوي معاها عدنان بالغوات ~. كنضن هي لي خاصها تجاوب ماشي نتا ، على حد علمي نتا مديرها ماشي شي حاجة كثر مريام قلبها بدا يضرب وغير كضور راسها بينهم تدخلات وقالت ~ موسيو عدنان سمح ليا ولكن بوز تاع لغدا تقادا وكيخصني نرجع لخدمتي بغات تمشي وهو يوقفها ~. مغناخدش من وقتك بزاف ، تسنيتك بزاف تعيطي ليا ودابا جابتها الفرصة ،غنوصلك حتى لباب الخدمة متعكسيش مشى لعندو بثقالة وحط ايدو بزوج على لافيست كيجر فيه من لكول ~ سمعتيها يااك ، دونك محد حوايجك باقين مقاد سير حسن ليك مريام جات لعندو من لور ~. موسيو زيدان صاافي موقع والو يالله نمشيو عدنان ~. الا ممشيتش شنو غيوقع ؟؟ شنو غدير زيدان هز راسو ونزل عليه بروسية مخليه راعف ..شدات على فمها بشهقة وكتجرو بيديه ~ اش درتي قاد لافيست من لكمام ومسح على وجهو ~. غير وريتو شنوو غادي ندير " سبقها " يالله مشيينااا غادي بزربة وهي وراه تابعاه وكتلفت لسيد لي منشور شاد نيفو متوقعاتش نهارها يدوز هاكدا ومتسناتش منو هاد رد الفعل ..طلعو في طوموبيل طريق كلها وهو ساكت ، كدور وجها ليه ملامح ديالو باردين بحالا ماشي هو لي هرس لسيد نيفو من شوية قبل ميوصلو لخدمة صونا تليفونها ..هزاتو لقاتو باها عرفات لخبار غتكون وصلات ليه حطات ايدها على جبهتها بخوف رد ليها لبال ومدواش ...فتحات الخط وسمعات من وراه خل وذنيييها اش هادشي سمعت امريام ؟؟ شكون هادا لي ضرب سي عدنان ؟ وعلاش مشيتي وخليتيه مع نطق الكلمة اللخرة وهي تقول بااااابااااا موركة عليها ~. شنوو كتقول واش سمعتي منو شنو طرااا بعداا؟؟ داك صااحبك قليييل الادااب كمال كيغوت وكشاكشو خارجين~. الالة اش كتخربقي مريام ~. واغير سمعني بعدا كمال ~. معندي منسمع منك ، دابا تقولي ليا فينك نجي نديك نمشيو لعندو تعتاذري منو تصدمات من شنو سمعات ~. كيفاش نعتاذر منو واش كدوي بصح خطف من أيدها تليفون زدار سبايكر سمعو وهو كيقول ~. ايه تعتاذري منو حيت نتي سباب , سيد مكبر بيك وبغاك تخدمي ليه مشروع وهادا جزائو زيدان خلاه حتى سالا وجاوبو ~. هادااك شماتة وقليل العفة والا كنتي نتا ترضى لي يطاول على بنتك ويتبسل عليها ، انا منقبلهاش على وحدة غادا في زنقة فما بالك وحدة خدامة عندي وخارجة وهي تحت مسؤوليتي وحمايتي يمكن انا هكا داير ، نفسي حارة والرجلة شاربها من صغري ، كيف داير متاا معرفتش اسي بلحاج لي عارف هو الا تجرأ يعودها مرة اخرة وهي معايا غنهرس ليه فمووووو تاهو قطع عليه ولاح عليها التليفون معرفات مدير دورات لعندو وجهها وقالت ~. سمح ليا بزااف حطيتك فهاد الموقف انا حشمانة منك عمرها وقعات ليا تسنات جوابو بلا فايدة معبرهاش....وصلو لخدمة كلها تخشى في بيروه بلا تا كلمة تصرف زيدان ماشي بسباب الغيرة ابدا هو هاكدا داير ميقدرش يسكت على الحق ولا يشوف شي حاجة معجبتوش ويصرطها ، فما بالك عدنان لي عينين مرة لايحهم لفمها مرة لصدرها وكيدوي معاها مرخوي جنس خضر وامثالو حافظهم ، قرا فعينيه شنو باغي منها بلاما يدوي داكشي علاش وقع لي وقع كمل خدمتو وهز سوارتو ومشى اما هي كلشي تلف عليها حطات قدامها لوراق كتشوف فيهم ويشوفو فيها حتى وصل لوقت ، ركب في طوموبيل نيشان لدار لقات باها فباب صالون كيتسنى فيها تدخل ، غير حلات لباب وقف قاصدها كمال ~ واااش عارفة شكون هاداك ولا لا ، واش عارفة بلي عندو لي يتحرگ ميتم مريام ~.معارفاهش هو لي عارفة بلي نتا بابا وانااااا بنتتك ، بنتتتتك من لحمك ودمك ولي من لمفروض تجي منها ماشي عليها داك سيد من نهار لي دخل من هاد الباب وهو حاط عليا العين وكيشوف فيا شي شوفات ناقصين ودوزتها وليوم كمل گاع وزاد تمادى بقى ليه يشدني صحة واش قاليك هادشي ولا خباه دار راسو صمك مكيسمعش ولا بالأحرى كلامها معندو ميدير بيه ~. وشكون هاداك لي تجرأ يحط عليه ايديه اش بينك وبينو مريام عينيها دمعو ~. ياك ابابا هادشي لي قدرتي عليه خليتي لي تهجم عليا وشديتي فلي دافع ولي من لمفروض تشكرو كمال شاف في نزهة وقال~. هضرة خاوية سمعيني الالة وجدي راسك نتي وبنتك من هنا لساعة غنمشيو لعند السيد نشوفووه ،داخلين انا وياه فشلا خدامي ومغاديش نجي نضيعهم رمى عليها كلامو وخرج ...ضربت صاكها مع لباب كردة فعل مزيرة على سنانها...قصدتها نزهة لي كانت واقفة وكتسمع من بعيد ومقادراش تتدخل ...جات لعندها طايرة كتطبطب عليها مريام باغا تفلت من حضنها ~. سمعتيه شنو كيقول واش هادا با بصح واش هامو غا راسو وصحابو ولفلوس وانا لهلا يقلب نزهة دموعها دازو بلا شوار ~. صافي ابنتي الله يرضي عليك ، متديش عليه ، راك بنتو وكيموت عليك وعزيزة عندو غير معصب شافت فيها بنظرة حزينة ~. لا سمحي ليا اماما تال هنا وصافي ، ناس كيبقاو فيهم ولادهم ماشي لبراني سيد لي دافع عليا على قبلي خسر معاه مشروع بزبابل لفلوس وبا لي باا كيفكر فيهم تنهدات وتحنات هازة صاكها" انا غنمشي عند نادية حسن ليا نبدل ساعة بختها ومغاداش نمشي معاكم واخا منعرف شنو يوقع سايقة وعقلها ممعاهاش مزال تطلع فيها وتنزل شنو قاليها...بكات وتنخصات وشهقات ،من ديما تصرفاتو بحال السلاح كينهشو خاطرها ويكيغيروه،غادا وتقارن بين باها وبينو ، الاول لي من المفروض يموت معاها سبق لفلوس ومشاريع عليها ...والمدير لي خاص تهمو غا خدمتو والكليان دياولو ، سبقها هي كانسانة على مصلحتو زادت في السرعة باغا توصل دغيا حاسة براسها غتفرگع ومكاينش لي غيخفف عليها من غير نادية ... هاد الاخيرة كانت جالسة في القهوة كتسنى في زيدان عندهم خدمة ومنها تعتذر على شنو بدر منها .... حطات لكتاب لي كان بين يديها فور مبان ليها داخل ..كيف ديما اناقتو حاضرة وهيبتو سابقاه ، رمى السلام وجلس كيحل صدايف لافيست زيدان مخسر سيفتو ~. مافيك متأجليها حتال صباح ، ليل ماشي تاع الخدمة تاع شي حاجة اخرة ااستاذة نادية ضحكات على كلامو ~. نتوما جنس الرجال همكم حاجة وحدة قاطعها كيحرك راسو بنفي ~. لا لا لا خاطيني داكشي لي مشى بالك ليه ، ليل عندي انا كنبغي نديفولا فيه نخوي دماغي باش نلقى فين نعمر ،دابا حيدي عليا من هادشي وقولي ليا اش عندك نادية ~. قبل مندويو في الخدمة نتا مدين ليا بتفسير على شنو طراا متقلقش مني زيدان ~. لاا عارف لقانون عندك فوق كلشي داكشي علاش كلفت سي رياض باش منحرجكش ، " بتساؤل " هادشي علاش جايباني؟ صافي نقدر نمشي نادية ميقت فيه ~. يا سيدي مالك زربان باش تشرب كاس ، نطلبوه ليك هناا وهنينا زيدان خنزر ~. لكاس كنفتاتح بيه ، قولي قرعة وشوف تشوف ، عاق براسو وقال , خلينا هانين نادية جبدت الوراق ~. وجدت ليك وراق المشروع جديد كلشي ناضي وهو هاداك خاصكم غا توقعو وتبداو مد يدو شدهم من عندها كيقرا ~. امم ، خدمتك شافعة ليك عندي ومخلياني منتخلاش عليك ، الوقت عندك فوق كلشي وهادشي لي كنبغي انا لكلمةةة نادية بدات تضحك ~. داكشي علاش متافقتيش مع مريام ، حيت هي الوقت اخر اولوياتها وتعدال ساري ليها مع دم .. سمعات تليفون كيصوني هزاتو لقاتها هي ~. عمرها طويل "وراتو الشاشة " كتعيط !! نادية ~. بنت خالتي لاباس مريام بصوت غالب عليه الدموع ~. نادية عتقيني خسرت بيا طوموبيل نادية جمعت الوقفة ~. فينك نتي ؟؟ مريام ~. كنت جايا لعندك انا دابا فدخلة تاع سيدي رحال هء هء ، قريبة ليك نادية بنرفزة~ شووفي سدي عليك طوموبيل وطلعي الزاج وبقاي معايا على الخط تا نوصل شافت في زيدان كتهز فصاكها ~ غتسمح ليا ولكن وقفت ليها طوموبيل فطريق مقطوعة ولبلاصة خايبة بزااف غنضطر نمشي لعندها ناض دغيا هز سوارت طوموبيل وقال عاقدهم ~. تسنايني جاي معاك حاسب وخرج لقاها واقفة حدا طوموبيلتها ، شير ليها تجي معاه ركبو ومشاا مكسيري معاقلش على طريق... سادة عليها وخايفة ظلام طاح حيت كثر من تمتية دليل ..غير ضو طوموبيلات لي مرة يبان مرة يغبر ...كتقز غير راسها ودور تشوف في جنابها ، قلبها كيضرب وجها صفار وفمها كيترعد ...وكمل عليها الشخص لي جاي لعندها قرب لزاج وبدا يدق عليها منو مريام كطلع نفس وتنزلها بزربة ~. نادية واحد راجل كيدق عليا اشنو ندير نادية كتغوت ~ متحليي على حتى واحد زيدان مركز مع طريق ويدوي ~ كبري صوووت نسمع دارت مكبر صوت سمع شهيقها وبكاها وهو ينطق ~. مااااشي وقت لبكاااا دابا ، ترجلي شوية وسمعيني !! غادي تهبطي شوية من زاج جهد لي ميقدر يدخل ايدو ودوي معاه هانا كتسمع يَذهَبُ الألَم تِلقائيا، عِندَما تَجِد مَن يَهتَمُ بِك الخلعة كانت مسيطرة عليها ولكن صوتو ، كلامو ، واهتمامو شكلو عندها فرق كبير عندها ... بقات شحال كتشوف في تليفون وقلبها كيضرب ، كتأكد من صوتو واش بصح هو ولا جاب ليها الله حتى رجع نطق عاد تيقنات _زيداان بنبرة صوت قوية ~. واااش معاااااايا ولا لا ؟؟ مريام فاقت من الگلبة ورجعات شافت في الشرجم وتليفون حدا فمها ~. وي هانا معاك ، "مدات ايدها كتحل زاج بشوية " انا درت لي قلتي ليا ، حليت الشرجم زيدان ~. دوي معاه نسمع ؟؟ شافت في راجل بعيون خايفة وقالت ~. ياك لاباس اشريف ؟ كان متوسط في العمر ، لابس مزيان ووجهو نقي ~. واش اختي محتاجة شي مساعدة ،شفتك مخدمة لأومبان وهاد البلاصة خااوية شوية قلت نعاونك مريام حنحنات ~. ها لا لا صافي هاهو جاي "بقات شحال تفكر شنو تقول ". حم خويا علاين يوصل "وراتو تليفون ' انا كندوي معاه _ واخا ماشي مشكيل انا نوقف بعيد عليك حتى يجيو ونمشي هزات ليه راسها بامتنان ورجعات دوات فتليفون مريام ~. بغى غير يعاوني مسكين يمكن سمعتو اشنو قال زيدان مخسر صيفتو ~. ايوا طلعي زااج مزيان " كيطنز ". تسناي خوك هاني جاي لاح تليفون لنادية لي حابسة الضحكة ، اما هو كان عاض على فمو ومكيشوفش قدامو ...... صواگ وطريق خاوية ،داكشي علاش وصلو دغيا نقزات نادية كتوريه نادية كتحيد في الصمطة مشيرة بصبعها ~. شد ليمن راه فين واقفة .. لمحاتو من زاجة تلقدام كيسني رجعات ركبتها الخلعة ، حضور ديالو كيخربقها مكتبقى تعرف كيفاش تصرف حداه ومعاه ، بان ليها نزل كان لابس لبسة عكس لي شافتو بيها صباح كلما كيقرب كل مكتزيد توثر ، نسات شنو وقع ليها واش خرجهاا ،فاقت من شرودها على يدو لي كتخبط على زاج حلات ونزلات متجنبة تشوف فيه مريام كتلعب في شعرها ومدورة وجهاا لنادية ~. ندمت لي شديت طريق لعندك عمر هاظشي وقع ليا ...عينيها كانو حمرين ونيفها حتى هو شفارها سااردين وحناكها مزنگين كل هادشي رد ليه الباب ، كان خاشي يدو وواقف قدامها الا بغات تحرك غتزدح معاه ،منزلش عينو منها نظراتو فارغة وعادية خلاها حتى سالات تلفيق لكلام لي خداتو حجة باش تبعد عينيها عليه وهو ينطق بصوت خشن ثقيل خاتر رجولي ختارق المسامع ديالها وخلاها تحس براسها فزمن تاني وفبلاصة اخرا ~. زيدان رافع حاجبو ~. بخير , مزياانة ، موقع ليك والو ؟؟ لكلام باش غتجاوبو هرب من فمها ،ملقات متقول ، ممولفاش على هادشي ، قدر يأثر فيها ويوثرها ...حطات ايدها على عنقها ودوات بصوت شبه مسموع ~. حم حمد لله مزيان... خرجتها نادية من اللحظة لي كانت عايشة فيهاا مقربة منها كتساؤل ~. اش مخرجك فهاد الوقت واش واقع شي مشكيل مع دار شافت فيه لقاتو مضيق عينيه كيتسنى فيها تدوي وهي تشد فيدها كتنغز فيها بلاما يعيق ~ _مريام~. ويااك دايرة معاك اصحبتي باش نبات عندك ، وعاد توحشت خالتي وشحال مشفتها. قلت نجي ليوم مقدراتش تكذب عليها حيت كتعرفها من شوفة ولكن قدرات تفهمها بلي مبغاتش تدوي قدامو نادية ~. اه اه مشى من بالي اما كون جيت ديتك من دار كون موقعش هاظشي ، ماشي مشكيل مكتاب "دارت لعند زيدان تدوي معاه لقاتو كيخربق في تليفون "...دابا شنو نعيطو يجيو يهز طوموبيل ولا اش نديرو حط تليفون على وذنو وعمل ليها حركة بمعنى غيتكلف ...بعد عليهم كيدوي مع راجل لي بقى حاضيها تشكرو ومشى وكمل هضرة فتليفون وهي لقاتها سبة قربات منها باغة ترتاح عليها نادية ~. واش تخاصمتي مع عمي مريام بلاما تحس نزلو دموعها بلا صوت ~. تال هنا وصافي مبقيتش قدرت ، فين عَمَّر قلبي ساعفني وخرجت مخلية ماما ورايا ياك كنصبر ،بالحق ليوم كَثَّر دوزات ايدها على ظهرها معنقاها حسات بيها وصلت بيها لعظم ومبقى عندها فين تزيد نادية بايد كطبطب ~ تال دار وندويو صافي سكتي دابا رجع لعندهم كيهز فراسو ~. صافي تكلفت غيجبو يهزو طوموبيل تمشي تقاد "شاف وجها كيبري بدموع وهو قرب لعندها حاط ايدو على كتفها ~. واش وقع شي مشكيل من ورا ممشيتي لدار مريام كتمسح عينيها ~ ها لا لا "تصنعات الابتسامة " موقع واالو غير خفت ملي وقفت ليا طوموبيل فهاد البلاصة زيدان باستهزاء ~ الدجااج الرومي ، "عطاهم بظهرو غادي مبعد لطوموبيل " طلعو نوصلكم باش نتيسر فحالي ... راكبة لور ونادية في جنبو غادا وتأسف منو نادية~. سمح ليا بزاف خرجت ليك ليلتك فالصو زيدان عينيه على المرايا حاضيها وهي كذلك وغير شافتو طول فيها الشوفة بعدات عينيها كتشوف في الطريق ~ زيدان ~ باقي الحال ، ليل عاد بداا عندي زاد في سرعتو قاصد بيت نادية لي كتنعت ليه ..عينيه كانو عندها وهي عينها كانو في تليفون لي كيشعل فكل مرة مسكتش ، كانت مها نزهة الام لخايفة على بنتها ومن خرجتها في ليل ، قلبها قرب وحتى من لبكى بكاتو على حالتهم بزوج مرتاح قلبها حتى سمعات صوتها مريام كتدوي بشوية ~. الو ماما !! نزهة قفزات من فوق فوطوي ~. بنتي قلبي بغى يخرج بتعياط ، كان عليك تكوني وصلتي كثر من ساعة كنعيط ليك مكتجوبي خالتك قالت ليا مزال موصلت ، ونادية تاهيا ، فيينك دابا ياك نتي بخير !! مريام كطمئن فيها ~. معندك مناش تخافي راه غير " كتمعك فشفايفها وتدوي ". عيطت لنادية ومشينا لقهوى قبل مندخلو لدار وحنا فطريق لعند خالتي غير نعسي على جنب الراحة حطات ايدها على قلبها مرتاحة ~. واخا الله يرضي عليك ..وهانتي مديريش فبالك راه رجع لدار ودويت معاه غير بقا فيه سيد صاحبو وصافي مريام معصبة ~. صافي اماما تصبحي على خير !! قطعات معاها قالبة وجهاا....حسات بطوموبيل سكتات عاد ردات لبال بلي وصلو نادية حلات لباب ونزلت ~. تصبح على خير وشكرا مرة اخرا اكتفى يهز ليها راسو ...فداك الوقت قربت مريام من الكوسان وقالت بشوية ~. سمح ليا على شنو وقع لا فصباح لا دابا ، خسرت ليك نهارك زيدان صاط بجهد منهد وقال بفحيح ~ ااااااااااااخخخخخخ ياا مرياام ، "كيهز راسو " نزلي نزلي فحالك. معودتهاش معاه تمات خارجة وقبل متهرب من حداه حل لباب على جهدو وجرها جات طايحة بين يديه...كان شادها من خصرها وكيدوي ، صوتو سخون خلاها تقفز وتغمض عينيها مبورشة ~. انا لي نقرر شنو غنكون في حيااتك !! مفهوم ، "قرب لعند وذنهاا " وكوني متاكدة مية فلمية مغنكونش خووك !! بدا يطلق منها شوية بشوية حتى حس بيها توكضات. دوز صباعو علىى ايدها كيتحسس فيهم كانو باردين عكس ذاتها " يالله سيري دخلي ، حيدي من هنا !! كسيرا طاير من حداها مخلي ليها غا ريحتو وصدى كلامو وحر انفاسو وملمس ايديه مزال ساري فعنقها وفذاتها وجهها رجع حمر وحسات بالحرارة سرات معاها ، وذنيها كيصفرو وقلبها كيضرب ، كطلع نفس وتنزلها بصعوبة كتحس باحساس زوين وغريب عليها ...رجليها كانو صايگينها ولكن عقلها مكاينش هنا ...بقا عندو بقى هايم في اهتمامو لي كتفتاقد بحالو وفتصرفاتو لي بداو يخليو اثر زوين عندها.... كيدويو معاها ولا مجيب غا حالة فمها وكتشوف، قربت منها نادية شادة فيدها جاراها تجلس ، ضنات بلي مزال معصبة من موضوع باها نادية ~. صافي اصحبتي نسااي مغيكونش قصد ؟؟ مريام ~. هاا كيفاش مقصدش ، شكوون ؟؟ نادية خرجات عينيها ~. باك شكون غيكون ؟؟ مريام مالك اصحبتي بنتي ليا ماشي هي هاديك رجعات شعرها اللور حاطا يديها بزوج على عنقها كتنهد ~. بسيف منكونش هي هاديك ، كون تشووفي سي كمال فاشنو حطني سمع صووت وراهم قال - اش دار تاني باك !! عائشة أم نادية ، على قولتها قتلات راجلها وزوجات ولادها وبقات لاصقة فيها غير نادية ، عكس ختها تماما هادي قلبها ما بيض مكحل مخلط ، كتقطعها هبرة تبرا مع اي حد يجيها منو صداع ولي عطاها كلمة ترجع ليه ختها ... ناضت لعندها معنقاها وكتسلم عليها عائشة ~ كيدايرة ابنتي لاباس عليك ، ختي اش كتعاود علاش مجاتش معاك نادية خدات مخدة حطاتها على ركابيها ~. على هي خرجات بخاطرها فهاد الوقت ، العلم الله شنو غيكون دار ليها عمي عنقتها عائشة وجلسات هي وياها ~. يدير لي دير كيبقى باك والا جيت نلوم غنلوم ختي ، حيت هو هاكداك داير من اللول ، قبل ميتزوج مك ، كان اناني وباغي غير راسو ، غير هي الله يهديها اثر عليها الحب ومشافتش قدامها كانت ظل تحلم بيه ، وملي تافقو با وباه يزوجوهم بغات طير بالفرحة وغمضات عينيها على شحال من حاجة .. نادية معات شعرها وزولت نظاراتها ~ اودي اماما خلينا من هاد سيرة تاع حب من طرف واحد لي ضحية فيه خالتي راه حفظناها وخلينا نسمعو من البنت اش وقع ... تكات مريم على الفوطوي حاطة يديها على خدها مرجعة سينتة لور وبالضبط لشنو وقع من صباح لدابا كتعاود ودموعها مرافقينها ~~ على انغام " امر الحب صعيب" عليك كان جالس لايح يديه على فوتوي ولكاس محطوط على رجلو مرة مرة يجغم منو مغايبش ومساحيش صعيب تعرف واش مقلق ولا فرحان معصب ولا كيفكر ، ملامحو من عند الله معقدين يقدر يكون مرتاح وحجبانو مخنزرين ويقدر يكون معصب ووجهو مطلوق ، تلاح حداه مراد طالع ليه الخز ومزال مهضمش لبلان نهائياا انو لي بغات تظخلو لحبس خدامة عند زيدان مراد ~. مكتحشمش اخويا وجهها صندالة وكتزيدها بتخراج لعينين ، منين ضبرتي عليها ناس يخدمو معاهم بنات مطلوقين ونتا جايب وحدة مصورة ليها ثمنية في جبتها صعيب تفكها زيدان لاح قطعة في فمو وجوبو ~ فحال هاديك هي لي تليق ليك تجمع ليك رجليك وتربيك مراد ~ معقدة وعاجبها راسهاا زيدان خنز فيه ~. قول معقوولة وماشي بحال لماركات لي كتعرف ، زيررر اولدي وديها فخدمتك مراد عض على فمو وهو كيشوف واحد لخير كيشطح قدامو ~. وشكون يديها فهاد النعمة اصحبي شووف شوف ناض من حداه ومشى لعندها كيشير بيديه ويشطح ،مخليه وراه كيضحك وكيحرك فراسو محسبن...تحنى يهز لقرعة يعمر كاسو وهي تخطفها من ايدو وحدة لابسة وملابساش ميل راسو حاضيها اش كتصنع بانت ليه عمرات ليه كاسو وخوات ليها تاهيا ، جات كتزكك عليه جالسة حداه وكملتها بيد لي حطاتها على فخضو .. -"بتلحوين قالت " نونسك ازين ؟؟ زيدان بعد ايدهاا من على فخضو قرفان وكمل كاسو منغم مع الاغنية وكيدنن شربات الكاس وزادتها بحركات ماهياش عند بالها غتأثر عليه وهو مكاينش هنا خلاها ترطى بوحدها ، سخنات وزادت قربات منو بدات لوح يدها هنا وليه ،وهنا مغيقدش يسكت حيت بسالة معندوش معاه خدا يدها مزير عليها وقال من تحت سنانو وعينيه حمرين وثقال معسلين بسكرة ~ غا هني بالك بحالك مكينوضوهش ليا حتى من بلاصتو صباح يوم جديد فاقت مريام قبل الوقت اولا نقولو منعساتش موالفة بلاصتها ومخدتها ودارهم ...صونا ليها تليفون كانت مزال في الفراش هزاتو لقات ماماها لي كتصوني مريام بصوت عيان ~. ا ماما ، صباح الخير نزهة نوم مزارش جفونها وبنتها بعيدة عليها ~. كي صبحتي اكبيدتي ، فقتي ولا مزال مريام ~. عاد لقيتيني حليت عيني ، "سمعات لباب كيتحل عليها وبانت من وراه نادية " ... نادية ~. جايا نفيقك لتعطلي عارفااك نعاسة بتاسمات ليها وكملات مع مها ~. يالله اماما سيري تفطري انا يالله نوجد راسي نزهة ~. واخا الله يرضي عليك ابنتي سلمي على خالتك ونادية وجي لعشية لدار باراكا عليك... مريام ~. لا مغنجيش ليوم شي يومين هاكداك ، يالله بسلامة قطعات دغيا متهربة من ردها حيت غتضغط عليها وتقدر ترجع وهي ممستعداش لشي نقاش حاليا مع باها زيادة انو نادية عيد ميلادها ليوم وبغات تفاجئها ...لاحت عليها الغطا لقات نادية حطات ليها لبسة فوق ناموسية وخرجات ، غسلات وتقادات واطلالتها كانت كلاس...جيب حد الركبة كلوش من لتحت بنواغ مع قويميجة بالبيض وكويرة قصيرة بنواغ كذلك وصبيبيط عالي لبستهم ونزلات لفطور لي كان موجد على حقو وطريقو ، عايشة مراة مغربية بامتياز عزيز عليها الطبلة تكون متولة بقواعدها ...فطرو بضحك وشد فيا نشد فيك وخرجات مع نادية توصلها لخدمتها غادا وكلما كتقرب قلبها كيضرب ، من ورا هضرتو دالبارح معندهاش لوجه لي تشوف فيه ولا تدوي معاه من جديد.... وصلات لشركة والاعين كيف ديما عليها ، شعرها ذهبي كيطير مع ريح ولي تلاقاها يلقي عليها سلامو ، مشات نيشان البيرو كتطلب فخاطرها ميجيش...مزال مكملتها بان ليها داخل كيصفق ويردد معصب زيدان ~ كلشي يسمع ليا "شاف في سكرتيرتو " من هنا نص ساعة كلشي يكون عندي فقاعة الاجتماعات "شاف في مريام " تانتي جي معاهم...شافت في لبنت مستغربة ~. ديالاش هاد الاجتماع زهور ~ عادي كيف ديما خاصو مرة فسيمانة يجمعنا كاين لي كيصبنو وكاين لي كيشجعو مهم هانتي غتشوفي بعويناتك ... بقات تعد دقايق حتى وصل لوقت بان ليها كلشي وغادي لعندو وهي تهز وراقها وتبعتها .....دخلو لقاو كلشي جالس الا هو واقف محني على بيسي والوراق مشتين حداه غير جلسو هز راسو فيهم بادي كلامو زيدان ~. لخدمة تاع هاد السيمانة معجباتنيش اطلاااااااااقاااا ، قاطعو صوت الباب لي تحل كانت موظفة عندو جايا معطلة...شافيها مخنزر وقال ~. انفوا يتسد الباب منبغيش يعاود يتحل من ورايا ودابا غير خرجي، بدينا قبل متجي تال اجتماع جاي ورجعي خشى يدو في جيبو وتم غادي جاي عليهم كيدوي معصب شي حادر راسو وشي هازو ~. وليتو كتجمعو كثر متخدمو ، شغلكم نااقص ، كثرت اللغى بلا فايدة ، واس هادا هو تيم بلخليفي لي باغي انااا مكاينش لي تجرأ يدوي كمل على كلامو بنفس الحدة ~. الا مكنتش انا فشركةة راه عيني كنخليهم هنااا ، لي باغي يقشب ليا ويضحك مع لبنات على برا فوت لعتبة ولي باغي يخدم ويعرق معايا مرحبا ، حنا هنا كنبنيو عمارات ، مدارس ولقرينة لكحلة مكنلعبوش...خطأ واحد منبغيش نشووفو ، كلامي غنختمو هنا هادا انذار شفوي ، لمرة جايا غنخدم لوراق بداو كيخرجو واحد مور تاني جمعات نوضة تغبر من قدامو حيت شوفاتو كيزعزعو وهو يوقفها زيدان ~. مزال مساليتش معاك نتي ؟؟ وقفات مسمرة كتشوف فيه ~. وي استاذ زيدان شفتي مني شي مشكيل زيدان جلس على لبيرو حاضي لبسها لمقزب وتصرفاتها وحركات وجها ملي كتدوي فلاها مزيان ~. مشااكيل ماشي غا واحد ، ولايني ماشي وقتو مكايس عليك مريام مفهماتوش شنو قصد ~ مفهمتش. ممكن توضح زيدان شير ليها تي لعندو ~. قربي !! شابكات ايدها وراها وقصداتو كتعض على فمها ~ وي ، هانا ياك لاباس... شير ليها على وجهها بضبط فمها ~. واش مكتعيايش ضروري تبقاي تاكلي فيهم تحرجات بدات تكحكح ليه تم ~. لا عن غير قصد والله زيدان قاد ليها لافيست ديالها مغطي صدرها لي كتبان شقتو ~. ايوا تبثي وحيدي منك هاد القاعدة "كمل بشوية " حيت كاين لي على سبة وغيمشي بالو بعيد بدات تنش على وجها حاسة بصهد والاحراج ..بدات تدخل وتخرج في الهضرة من جديد ~. اه نسيت ااستاذ كنت بغيت نستاذن منك ليوم بغيت نخرج بكري زيدان علا حواجبو بتساؤل ~. علااش ؟؟ مريام ~. نادية عندها عيد ميلاد وبغيت نفاجئها ويالله نوجد حرك راسو وناض ~. امم وحنا معروضين مريان ~. مرحبا الا قبلتي عليناا غتكون غا شي حاجة خفيفة زيدان ~ وَعَلَيْه وقت مبغيتي تمشي سيري ولكن " بتحذير " كملي خدمتك والله يهنيك ، وبنسبة لشنو غتوجدي لنادية خليه ليا كاين لي يتكلف ، جوايه تمنية نجي نهزكم مزياانة مريام مقاطعاه ~. ولكن انا مبغيتش نبرزطك مغاديش ندير شي حاجة كبيرة زيدان هز تليفونو كيدوز الرقم ~. مكنديرش هادشي على قبلك ، على قبل نادية تانا باغي نفاحئها يمكن ليك تخرجي دابا قمعها خلاها خارجة تعير تحت من فمها ...مفهمت فيه والو كيضور كي زماان ... دوز نمرة لمراد لي كان شابع نعاس مكاينش هنا كل رجل لايحها فقنت بزز باش جاوبو زيدان كيلعب بستيلو ~. افينك اداك الكيداار ؟؟ مراد ~. ناعس مالك زيدان ~ وجد ليا شي كوان عندك فداك البار بعيد على البشار وشي حلوة وتخربيق تاع عيد الميلاد، المحامية لي كتموت عليها بغينا نحتافلو بيها وهادي هي لفرصة فين تحل مشكيلتك معاها...توكض وفاق من نعاس كيمسح فشعرو هي فرصة وجات تال عندو مراد ~ احسن حلوة فيك يا كازة غناكلو ليوم غا نعس على جنب الراحة مع تمنية واقفة سمعو لكلاصون وتليفون نادية كيصوني كان زيدان لي جا وراهم بحجة انو عارضهم لعشى ، خرجات عندو نادية هي لولة شعرها مطلوق والكسوة قصيرة غتاكل منها النص مكانتش دايرة نظاظر مبغاتش تغطي ماكياجها الثقيل طلعات حداه وسلمات عليه نادية ~. من امتى كتعرض عليا لعشى هااا؟؟ زيدان بمزح ~. كنخرج زكااة داكشي علاش ، كاين شي مشكيل .. "بتساؤل" ..فينها ؟؟ ياكما لصقت حدا لمرايا بدات تضحك على كلامو ~ بعد من البنت راه خليتها كتدوي مع مها فتليفون ...سمعو لباب تسد وهي تنطق ~ هاهيا جايا ضيق عينو فيها حاط يدو على ذقنو ، حاضيها من گاع لقنات كانت فتانة ولي قال لعكس كذاب ..لابسة جينز مع شوميزة نواغ كول ڤي وفوق منهم فيست كحلة ، شعرها سارد وراداه اللور ، ماكياج ممخلياش شهوتها فيها ، جايا وتقرقب بصباطها تا وصلات لعندو رمات ليه سلام وطلعات ...طول طريق وهو عين مع صوگان وعين عندها تا وصلو براكا قدام البار دنيا عامرة ومخلطة شي على برا كيبلاصي شي الداخل زاهي ....شي مفوت ناسي ....شافيها من لمرايا كانت على صينگة عشرة غير خطفها وهرب بيها ...ندم لي عفط لهنا من اصلو عشا زوين في ريسطو اهون بكثير ....صاط بضيق وحل الباب طوموبيل نازل هو اللول قاد حواايجو عاد طل عليهم وقال بصوتو الرنان لي كيدير ليها الرعشة زيدان ~. استاذات نزلو !! هزات نادية راسها فيه وقالت مخرجة عينيها ~. واش من نيتك !! جايبناا لديسكوو صداع ولخوا لخاوي ...وذني تصمكو وانا هنا مريام توسعو عينيها ولمعو بالفرحة باغا تنشط وربي كبير ، حلات الباب وقالت وهي نازلة مريام بضحكة خلابة ~ نزلي اصحبتي ، الفرصة كتجي مرة فالعمر وموحال تعاود ضرب على طوموبيل برجليه وقال وهو قاري فعينيها باغا تحيح زيدان ~. ها لي مبغيتش " رجع جاوب نادية جامع قبضة يديه وكيشوف فالفراشة لي حداه لي غطير بالفرحة ~. نزلي نزلي درتها بيدي وندماااااان .. بانت ليه بقات مربعة يديها وكتشوف فيه بمكر وهو يرجع يدوي معوج سيفتو فيها~. راني معاك حتى الا فوتي في شراب غنوصلك حتى لدار .. نادية جمعت ايدها قدام صدرها كتسوط بسخط ~ انا لي مني لافوت دايرة راسي فيك ، زعمة نتا مول العقل زيدان خشى يديه في جيبو ونفت مخرج الريح من فمو ~. كنت بعقلي ،وبسبابك شنو جبتي ليا رجعت بلاش "غوت في وجهها ملي شاف الزين صافي واقفة نص وقفة متكية على طوموبيل وكتصور " ..قصري ونزلي راه هنا بحالو بحال العرس غير هو مكيناش العمارية ، يالله اماما قبل منكملوها في سبيطار راه بان ليا غنعنگر شي حد حلات الباب نازلة زاعفة ~. اففف ، واش دبا محامية كبيرة بحالي داخلة لبار اش بغيتهم يقولو عليا ؟؟ زيدان طلع ليه الدم جرها من يدها غادي موقفها قدامو ~. تي زيدي قدامي سمعو صوت جاي من وراهم كيدوي بسخرية مراد ~. معاكم الوزير تاع هاد دنيا شخصياا ومول لبار .. دارو شافو فيه ، مريام حاضياه باستغراب وزيدان محرك راسو كيشير ليه يثقل اما نادية حسات بالحرارة طلعات معاها من صبعها الصغير... نبرة صوتو متنساهاش طول معاشت ..غمضت عينها كتطلع النفس وتهبطها وضارت مثقلة لعندو كطلع فيه باستهزاء مراد حل ايديه كيسبل فعويناتو ~ نهار كبير ومضخم ومزوهر ملي شرفتوني مريام معوجة فمها مافاهمة والو اما زيدان كان حاضي ملامح نادية ...بانت ليه تبدلات وتزيرت فور مشافتو ...كسر داك الجو بسلام رجولي جارو من ايدو معانقين زيدان ~. لخاوة ، مرتاح ،مزيان !! مراد غمزو غادي بشوفاتو من نادية لمريام ~. ومتتت لمزياان وباه وولد عمو زيدان حط ايدو على وذنو بتحذير ~ اهيااااا ؟؟ نادية قلبات وجهها ~. اللله اكبرررر مراد جا قدامها ~. ياكما ناوية تقيمي الصلاة ، لقبلة من هاد الجهةة "بدا ينعت " تسمعات صوت ضحكة انثوية رقيقة كانت مريام لي مقدراتش تصبر ...حطات ايدها على فمها كاتماها فور مشافت تخنزيرات قاصحة موجهين ليها ....بدات تلعب بطالونها كتشوف في الارض ملي شافتو جاي لعندها گاع، قرب منها وشدها من خصرها لايحها عليه حتى خرجو عينيها وزير عليها قايل زيدان ~. خلينا زوينين ، ولصقي حدايا باش متزيديش تخسري ليا نهار اخور كلامو سمعاتو غا هي حيت تكلم بنبرة صوت خافتة ...علات عينيها الزرقين فيه كتشوفيه بنظرات حادة وهادي شوفتها... توضر للحظة فيهم قبل ميتهند مبعد عليها كيمسح على شعرو وكيقول بصوت قوييي زيدان ~. دخلو دخلو اسيااادناااا !! زيدان عندها عزيز ولكن تلاقى هي والمستهتر كيف مسمياه فبلاصة وحدة مستحيل ... هرضتو مستفزة وكيلعب ليها على اعصابها بتصرفاتو ..ضربت في زيدان وزادت غادية توقف طاكسي قبل متقتلو هاد ليلة ...كيف رمات خطوتها الاولى للقدام وهي تعتر، الطالون والاعصاب مكيتلقوش سيغتو فاش كينرفزك الواحد وكيركز معاك لمشية كتلف ليك وداكشي لوقع ليها ،جات طايحة قدامهم مراد تنشر بضحك عليها جاتو على للگانة اول من طار عليها مريام ، هبطات لمستواها بخوف شادة فيها مريام كتحاول تهزها جات تلتافت حسات بيد حرشة تحطات على يدها معوناها من صوت انفاسو عرفاتو هو ....تبعو مراد كيضحك تحنى لعندها حاط مرافقو على ركابيه مراد ~في اطار القانون كيقوليك متقربش للكسيدة حتى يحضرو صحاب لحال يعبرو لكوسطا... وبليزير من عندي نعيط ليهم هما و ديبانج تجي تجرك طبعها صعيب ونفيسة والطيحة كملت ليها الباهية حسات بكرامتها عند رجليه ..مقدتش تهز راسها فيه وغير كتخيل تكربيعة و كيف دارت ليها كتبغي تموت وعاد هضرتو لمزبلة خلاص مرضتها .... شافت فيه مريام مخنزرة وهو ويقول ليها " اش هاد زين ثاني !! قفزو صوت زيداان لقوي ~ مراااااد بداو يعونو فيها توقف ولكن لعقتها في رجلها لي تخوات بيها وتلوات نادية بنبرة مألمة والبكية مجموعة على طرف عينها ~. رجلللي امريام رجلي !! مريام ~ اححح اختي يكمى مهرسة زيدان مد ليها دراعو كاره الوضع ~. شدي فياا نهزك نادية حاسة بصداع وغير كتكابر~. لا لا مقدييتش مقدييتش غخليني وقف عليهم واحد دري قد مراد متدخل بطريقة لبقة _انا طبيب العظام ممكن نشوف ليك رجلك عفاك !! والا كان غير مفكوكة نرجعها ليك ولكن الا كنتي مهرسة خاصنا نسربيو متخاليهاش حتي تنفخ .. تجمعت ضحكة واحد الشخص لي كانت مترعة ...جوباتو بابتسامة خفيفة من طريقتو المحترمة .. نادية كاتمة الالم ~ متشرفين ادكتور ..."اشارت لرجلها ". كنحس بالحريق بزااف وخصوصا هنا حطات ايدها جهة الكوع ... حرك ليها راسو بالايجاب ونزل لمستواها خدا رجلها بين ايده وحطها على فخدو .زول ليها صباط لكانت مزال لابساه معري على رجيلتها البيضين والمصبوغين بطريقة انيقة وهادشي كامل .تحت انظار كل من مراد وزيدان لي بدا يعقدهم ..اما مريام همها غير بنت خالتها وتكون بخير الطريقة لي حط بيها رجلها فوق فخدو خلات الكسوة تتهز لفوق ويبانو فخاضهاا.. بدات كتجر وتهبط مغطية وهو ينقز مراد مراد ~. قدييتيهاا زعمة وغطيتي ومشفنا والو ... صدمها مرة اخرة بجرأتو الزايدة نغزة خلاها تحس بالاحراج قدامهم ومعرفت باش تجوبو حدها خنزرت فيه وهو يقاطعها السيد بكلامو _اختي راك ممهرساش غير مفكوكة ودبا غادي نرجعها ليك ولكن راه غادي تقصحي .. نادية كتبن انها قوية ~ ماشي مشكل اخويا غير رجعها بغيت نوض قبل ما نرتكب شي جريمة .. مريام زيرات عليها عاضة على فمها ~. شدي فيا ناض زيدان راجع بلور كيشوف من بعيد لاعن راسو حيت جابهم اصلا لهنا وفرع مخو .. مراد كيشوف فسيد كيف حاط يدو وهو يدوي مبين صوتو ~ انا لغادي نرتكب هاد الجريمة ودبا بان ليا .. نصل تريكوه ولاحو ليها علي فخدها وبقى عريان ...الولد شم ريحة التوثر بيناتهم وعرف ان قضية ماشي حتى لهيه ورجليها ل فوق فخدو ماشي فمحلها وهو يتصرف بعقلو موجه كلامو لمريام -شدي ليها رجليها وتبتيها مزيان متحركش .. خدات ايدها حطاتهم على رجلها وضورات وجها مغمضة عينيها لي شافها يقول هي لي مقصحة...اما نادية مكانتش من العاگزين هزات تريكوه لاحتو ليه على وجهو نادية ~جمع عليا شرااوطك اسيدي هادو فخادي وعجبني انت مالك ..!! وحيت الضد هو سيدو، رجع حطو فوقها وهاد المرة قادو باديه على رجليها وهمس في وذنها ~ الا حيدته نعرف راسي عجبتك .. تغوت ولا تنذب بزاف معاه.. معرفتش كيفاش تصرف ..غمضات عينيها هاد المرة وقالت التجاهل هو لغادي يفكها حيث كل ما جوباتو كيضسر اكثر وكيزيد يتمادى اكثر واكثر ..لذلك مجوبتوش كتفات توجه كلامها لشاب لقدامها .. نادية ~ خويا بدا عفاك عطاتو الانطلاقة بدا يسولها فين كيضرك هنا ولا هنا متلفها حتى رجعها ليها... تسمع صوت غوات مريام أعلى من صوتها وقال بابتسامة -على سلامتك !! دمووعها وصلو لعنقها قصحها بزااف ..ومقدرتش تحبسهم اكثر كانت شانقة عليه من حوايجو هي تبكي ومريام تبكي وزيدان كيحسبن ~. هادشي لي كان خاصني ! مراد كانو عينيه على ايدها لمحطوطين على طبيب محس براسو حتى حيدها ليها لي شافو يحلف بلي عاقد عليها ~. طلقي من سيد وشدي فيا وباراكا من لبكا طبيب غير كمل عتذر ليهم شكراتو نادية ومريام وحتي زيدان لكان متبع الاحداث بصمت وعينيه على البنت للخلعة باينة في وجها على بنت خالتها... وغضب بين عينها على تصرفات مراد .... نادية ~مريام عونيني نوقف..!! مريام ~ واخا .. جمعت الوقفة هي لولة عاد شدتها من كتفها باش تقدر تعونها ولكن ضروري من تصرف مراد يقلب المعادلة ..تحدر لمستوها وهزها بين ايده تحت شهقاتها اما مريام حلات فمها مفاهمة والو وزيدان كيحك على راسو حيت عارف شي قنبلة غادي تفرقع نادية هنا جابت اخرها معاه كلشي حتى يقرب ليها ولا يحط عليها ايدو ..نقزت من بين ايده ولكن حكمها ،فورمتو الجسدية والطولة معوناه واخا تعيي ترطى بين ايده نادية كضرب فيه ~ حطننننني حطننيي !! زيدددااان هضرر مع هاد المتخلف شوية زيدان دوا بجدية ~ واا مراد حطهاا ،خلينا ندوزو سويعة ولا نرجعو بحالنا حيت باينة ليلة متختخة من لولها مراد راسو قاصح كثر منها ~ لا محطهااش حتى تعلم تهضر معايا باحترام واداب وتنطق اسمي بين شفيفها مريام شافت فيه وقالت ~.زيدان هضر مع صاحبك زاد فيه خنزر فيها وقال ~مبقاتش مسيو ولات هاكة زيدان حرفية مريام عضت على فمها قالبة عليه عينيها ~ حم سمح ليا قرب حداها مراضيش على لبسهاا ولكن معندو ميدير قال مقصح وهوكيدوز ايديه على فمو ~. على شنو غنسمح ليك ها !! درتي بزااف معرفت تبعد ولا تهرب كان مكاليها معندها مدير رتابكت من نبرة صوتو و قربو لمتلفها بيه ...حطات ايدها واخدة شعرها بين صباعها كتلعب بيه اما نادية كانت مزال معافرة مع مراد يحطها وهو حالف عليها ولي فراسو فراسو وعاجباه بين يديه معصبة...غادي هازها سابقهم لذاخل ونظرات الكل عليهم سيغتو لبنات لخدامين في البار...ولي كان مصدومين من لعرا والهزة واكثر من ذلك من البنت لغريبة لبين يديه...لي لا لبسها ولا شكلها كيوحيو بلي مولفة على هاد لبلايص..كثر توشيش والغميز بيناتهم وكلشي باغي رابور يكون عندو .. ذخل وحطها فوق فوتاي قاد ليها ظهرها بمخاد صغار ..كانت كتسوط وتنفخ وكتمسح في عينها وتقد في حالتها لي غتكون ترونات مع لبكا..... اما لالة مريام مزال حاصلة على برا شوية ويلبسها قاميجتو ويغطي صدرها زيدان كيصوط ~. اش كيعجبك فهاد اللبس بغيت غنعرف ؟؟ "كيشوف في صدرها ومقندش ويطلع في قميجة ~. شنو هاد لعجب ميعرفوش يطلعوه شوية...!! على طرف فمها تقوليه ونتا مالك وشكون تكون لي تحكم فيا ولايني مقداتش ، كان عاجبها الحال وميتة على حكامو لي غريب عليها ، حسات بالغيرة فعينيه لي جامي عرفتها وزاد كمل ملي مد يدو ليها وقال ~. شدي شدي فيا لتلفي لداخل ولا ترفعي بسباب دوك زوج مترو ل فرجليك خبات ابتسامتها وشدات فيديه لي حتاضنات ايدها ، الفرحة مع الخلعة مع تقفقيفة شداتها ...دارها قدامو مزير على ايدها كانو محطوطين فوق سرتها ...والايد لوخرا حاطها على جنبها..غادين ملاصقين الظهر على الكرش هي راسمة ضحكة على وجهاا وهو مخنزر حاقد خاسر على مشربن ~~~ الإعجاب المحطة الأساسية لانطلاق قطار الحب ..ففيها تحرق أكوام الفحم والحجارة لتستعر العواطف ..."سيما ويز" العافية كانت شاعلة فيها وتصرفات مراد كتزيد تمرضها في راسها محملتوش... وغير سيفتو كتعصبها ...وخلاص الا هضر كتبغي تقجو ولكن فاش هزها وتلمس لحمها روحها بغات تخرج .. مراد مقرب منها هاز بين ايده كاس و فواكه جافة كيكل ويشرب .. ~ عنداك طرطقي تكايسي ليا على راسك حسات بشي حد جلس حداها كان زيدان لي جلس مجلس مريام فجنبو هاد الاخيرة الموسيقى وشطيح وقفو قطار الخب لي ركبو خيالها وبدات تمايل مع كل نغمة ....طرطق صباعو مكرهش يهرسها من شي جنب ولكن مساعف ... وباش يختاصر غمز مراد يتحذر عندو وقاليه زيدان ~. جيب داكشي لي قلت ليك ، حيث الگانة مشات ناض كيتمختر من قدامها عريان غاب للحظات لي تخطف من وراهم الضوء... تسمعت غوتة نادية في الارجاء قالت نادية ~. اش هاد النحس هادا ؟؟...وشهقة مريام لي تأبطت ذراع زيدان خايفة ~. هء اش واقع ؟؟ جرها لعندو يهديها وهي تلتافت جهتو بغفلة جات حاطة فمها على لحيتوو ...بقى شحال كيتحسس دفئ شفايفها ...هربات وجهها قلبها كيضرب ورعدة شاداها من كرشهاا فور مسمعات انفاسو لكتطلع وتنزل بزربة ..تسمعت في الارجاء اغنية ...اليوم ذا عيد ميلاد ندى ...عقبلة كده لمليون كل سنة .... نادية حطات ايدها على فمها مصدومة لمحات من بعيد ضو شميعات باين وراهم مراد لي كان هاز الحلوة ...ناضت مريام متناسية الموضوع كتصفق بيديها وكتغني مع الاغنية ...رجع ضوء واغنية مزالة خدامة ومراد كان كيشطح بيدو وكيعب فيها ويقول لا لا حطها قدامها واخا مزالة دايرة فيها مغوبشة ومحملاهش وغير كتخنز ...جات لحداها مريام كتنغز فيها وتهمس في وذنها باش تطلقها ..قل صوت الموسيقى وقال مراد ~ يالله تمناي شي امنية باش طفي شمع !! وعنداك تتمنايني نادية دورت وجها لزيدان باحترام حيت فهمت بلي هو مول الفكرة وقمعتو هو ~ مكانش عليك تعذب راسك "طبطبت على يديه بشكر " كتفى يهز ليها راسو وفخاطرو كيقول زيدان ~. لعذاب هو لي معذب دابا قطعو الحلوة بيناتهم وجا دور الكادوات ..سبقت مريام نايضة كتنقز لحدا زيدان تاخد صاكها مع هزات عينيها لقاتو كيخنزر فيها فيها عاض على فمو هربت من حداه وجبدات لنادية تيكي لطياران الحر حيث عارفاها من نوع ل كيموت على المغامرات اما زيدان عتذر منها وقال ~ عندي مع الكاش اما هاد تواشا خاطيني .. مراد شير لدري بيديه ل مد ليه قرعة شامبانيا مغلفة عطاها ليها وقال مراد ~ بلما تشكريني عارف ذوقي هارب رجعو لجو الموسيقى وصخب البار... مراد ناض يشطح ويحيح كيف موالف اما زيدان هز كاسو وتكوانا في القنت لفوطوي مخلي مريام هي ونادية على راحتهم.... نادية ~ ياله نمشيو عيث بزاف ، من خمسة وانا فايقة ودابا جوايه نص ليل عينيا تسدو اختي راكي عارفة .. مريام مكانتش ساخية بالجو فين وفين لي كتخرج وتنشط ، سبلات عويناتها وذلات شنايفها بترجي ~ عفاك احبيبتي غير نشطح شويا راكي عارفني مهاوشة !! غير شوية ونتحركو تقدي تصبري ؟؟ نادية من فوق جهدها نطقات مبغاش تخسر ليها الخاطر ~ واخا ولكن نص ساعة بالحساب غمزتها نايضة كتضحك بلاما تشوف فزيدان ...تمات غادا كتحرك ايديها لفوق وتلوي في خصرها ...شافها مراد وجرها من يديها الوسط حتي غبرت من قدام انظار الشخص لي شوفاتو كانو نارية ، حط لكاس زاعف ودار شاف في نادية مقاد في الجلسة زيدان ~. اش كتخور هاد خيتي نادية بعدم فهم هزات ايدها كتحركهم كتشرح ليه ~. كتشطح شنو ؟؟ حرك ليها راسو بواخا كيبرگم ..بغات غتشطح ، واخا نشطحو ، زادو كاس وكاس تاوصل لربعة . تقل في شراب مزياان ...حيد لافيست لاحها فوق الفوطوي وتم غادي كيتمشى بثقالة كتم مقوس حواجبو وعينيه مضيقهم كيقلب بيهم عليها وسط بنادم ...جات قدام انظارو بضحكتها ل واصلة لفين كتدور من قنت لقنت ومراد كيصفق ليها ..محس براسو غير وزيدان شانق عليه جارو من قرفادتو مدورو لعندو ..شدو من الكول وقاليه بحدة ~ غبررر من قدامي !! معودهاش معاه رجع لعند نادية من جديد يعصبها مكمل على مبداه شافها ناعسة و راسها فوق كتاف شخص مريح حدها ..قلب عينيه بسخط مكتعجبوش ومعندوش معا نوعها ...باغي غير يعصبها ولكن تهضر مع شي واحد بادب ولا تقيسو مكيعجبوش الحال ومخاصوش يشوفها مبتاسمة عاجباه معصبة ..تمشى جهتها وقف عند وجهها بالحق مكايناش هنا . نغز سيد لحاطة كتافها عليه بلما يهضر مكتفى بالاشارة..بعد عليها وهي تميل كالاها بإيدو وكلس حداها حاط راسها على صدرو العاري مرتاح فوق فوطاي وماخاصو خير..ايد كتلعب في شعرها.. بابتسامة نصر فوق شفايفو قال ~رتاحي رتاحي قاليك ناس تاع القانون .. جبد تلفون من جيبو وبدا كيصور فيها..اول صورة خداها ليها كان بايسها من شعرها وصورة ثانية هاز شعرها فوق وجهو .. خدا البوم هو وياها عاد رجع تلفون لجيبو .. مكانت حاسة بوالو صدقو لقالو نعاس خو الموت واخا صداع والحيحة ولكن هي في خبر كان .. تململت في حضنو حادر عينو فيها....تقادات في النعسة حاطة راسها في ثناية عنقو وايد الاخرى على كتفو باينة معنقاه.. انفسها المنتظمة كضرب فيه خلاتو على اثرها مبورش....بلاما يشعر براسو بعد الشعر على وجهها وتلمس اطرفو نازل لعنقها ..غمض عينيه ورجع نازل شويا لمستوى وجها وطبع قبلة فجبهتها لي حلات عينيها فيهااا على انغام اغنية سفاري كانت كتشطح ناشطة .. نسات اش هازة من هم وهربات من تفكير فشنو كيستناها باغا تضحك وربي كبير...كتهز في ايدها حتال الفوق وتلوي فخصرها ...عند بالها مزال عاطية مراد بظهرها ...دارت لعندو مادة ايدها ليه كتردد مع الاغنية كومان بوي موڤ دا بودي وهي تلاقا بعينين هربات من شوفاتهم....كان واااقف مسرح يديه على الكونطوار ومتكي عليه ... عينيه حاضينها كيفاش كتحرك ...وتلوى عليه تم .. دغيا جمعت الضحكة قالبة عينيها بغاات تهرب من حداه تشطح بعيد ...كيف خطات وهي تجر لعندو مزدوحة فوق صدرو القاصح حطات ايدها على عنقو حالة فمها بشهقة خايفة لطيح مع العالي...زاد جرها كثر وكثر من خصرها وزير عليهاا وايدو تانية مزال مسرحة فين كانت... زيدان عويناتو معسلين وناعسين ،ريحة الشراب عاطية من فمو ، دوا عند شفايفها كيتسارا بعينيه على وجهها ~. شكديييري !! مريام بعدات ايدها من على عنقو حطاتها على صدرو باغا تهرب من حضنو ومن شنو كتحس ~. حم ، كنشطح مكتشوفش ، "بصوت رقيق "...ممكن تخليني نمشي حرك راسو بلا ، ورجع شد فيها بجهد غادي للوسط وقال بفحيح~. شطحي ونتي بين يدي !! وعينيك فعيني كان كيتمشى بيها بالعكس ،خافت تطيح وزادت تعلقات فيه كتقول ~. عنداك غنطييح زيدان ستقر في البلاصة لي حط عليها عينيه وهمس عند وذنها ~. حتى حاجة خايبة متوقع ليك ونتي معاايا ، مد صبعو لعند وجهاا كيدوز على حنيكاتها لطلعهم صهد وتزنگو ...يالله بداي !! سكرة لعبات عليه ....وزينهاا وَضّْرو وخلاه مبرهش معاها ومواعيش اش كيدير اما هي جملة تاحاجة متوقع ليك خايبة ونتي معايا ااااه شحال عجباتها وخلاتها تحس بالفراشات طايرين في كرشهاا ...تلفات ليها الهضرة وباش تجاوبو .....اما يدو لي كانت على ظهرهاا مسخاتش بيها ...شدها بيديه بزوج من كتافهااا وهز ايدها ليمنى حاطها على صدرو وميل راسو ليها بمعنى بداي..مقدراتش متبقاش تشوف فيه، احساسها فديك اللحظة لي كان خدام رفعها مزيان وعرف يتحكم فيها ....حس بيها بدات تمايل بين يديه عض على فكوو واقف بثبات ،وكيشوف فيها منشوي.. بدات تحرك في شعرهاا ورجعات شدات فيه مزياان ...شعلاتو بفتيلة وخلات يديه تلقائيا تمشي لشعرها كيلعب بيه راجل بخبرتو عرف كيفاش يسطر بكلامو مع ووحدة بحالها جاهلة في الحب ...مكان كيشوف فيها بتملك عكسها لي مرة مرة تهرب وجهها من قدامي ويرجع يقابلو معاه زيدان رافع حواجبو ~. عينيك امريام مريام ببرائة جوبات ~. مالهم زيدان ~. خليهم علياا ، ومتشوفي فحتى حد ملي نكون معاك رجع قلبها كيضرب وتوثرات حس بيهاا وكمل عاجبااه وجاتو على گانتو وهي تالفة طلع يديه لجهة عنقها كيدوز عليه ..تبورشت وقفزت وموقفش هنا حد يدو على ذقنها كيشوف في شنايفها لمعذبينو ...عضات عليهم كيف عادتها وهو يقول ~. شنو قلت ليك هااا ؟؟....طول فيهم شوفة وغادي بفمو لعندهاا كيقول ....شنو مبغاش ترااعي ليا ، جهد تقادا وصبر صافي نفذذذذ ..وقبل ميحتلهم سمعو صوت الغوات خلاها تنثر من بين يدييه مخرجة عينيها بخوف ~. هاء ، ناديةة ؟؟ حسات بلمسات خفاااف على عنقها ، ظنات غتكون مريام ولكن ريحة الرجال كانت قوية وختارقت نيفها ..حلت عينيها على شفايفو فوق جبهتها ومن كثرت القضايا لدازو على راسها للحظة جا في بالها مشهد اغتصاب وهي الضحية ...قفزت من حضنو بدون شعور خلعها معرفت راسها باش تبلات ..شدات في قلبها كتنهج وكدور في راسها في الباار كامل مدة قليلة وستدركت الوضع وتفكرت فين هي وشنو جات دير هنا.. كان كيشووف فيها وكيحك على راسو بحال الولد الصغير لي داير شي زبلة وحصلووه ..عرف راسو باسل معاها ولكن معجبوش الموقف لي تحط فيه ومحملش كيفاش دفعاتو....حالو حال اي رجل حس بالنقص ولعن راسو فسرو على هاد التهور لفيه .. بقات مدة قليلة غير كتستوعب وتاخد انفاسها ويرتاحو دقات قلبها عاد وعات وسرات معاها بلي كان معنقها وكيبوس فيها ..شافت فيه مشربنة وقربت لعندو بنرفزة متناسية الم رجلها ...تلاحت شانقة عليه من عنقو وكتغوت ~ نتا ماشي غير مستهتر ومتهور....لا وحيواااان من الفوق ...واش عارف شكون انا لي تحط عليا ايدك المسخ....واش شفتي راسك في مريا ولا لا ...باشمن حق كتحط قنانفك فوق من جبهتي .."هزات صبعها بتحذير وهو كان غا كيشوف مزبلها وعارف وتا كلمة مغتفكو "... اخر مرة نخليك تتمادى ودير معايا بحال هاد تصرفات الحيوانية ، انا غنعرفك مقامك و غنصيفطك فين تربى باش تنقص شوية منك هاد الضسارة ..ولا عند بالك بغيتي ديري ليا فيها طيااح لبنات نبغي نقوليك نهار نقرر نكون مع شي حد اكيد مغنكونش مع شمكار حياتو كاملة في البيران والدريات ..كلامها كان قاصح وبزاف وخصوصا عليه هو حياتو مدازتش في البيران والشراب وزهو كيفما مفكرة حياتو كانت كلها عذاب في عذاب .. حيد ايدها من عنقو بنثرة وقال وهو كيشوفيها بحدة والغضب باين فعينيه حجبانو معقودين وعروقو باينين ~ .هاد ولد البيران وعد حر من عندو غادي تولي تموتي عليه دفعهااا بجهد جات مريحة فوق الفوتاي ..الحركة لزادت شعلتها اكثر واكثر وحيت لكل فعل ردة فعل تعماو ليها العينين ومبقى كيبان ليها والو قدامها من غير القرعة لجاب ليها كادو خداتها وشيرات بيها عليه تعماو ليها العينين وحسات بالشمتة...ستفزها بما يكفي هاد ليلة ومبقات قادا تصبر مبانت ليها غا قرعة شامبانيا لي جاب هزتها وشيرات بيها عليه ناسية راسها وشكون هي واش غيوقع ليها ..... لحسن حظها مجاتش فيه كانت اسرع وطاكاها بيدو مبعدها على ناس لي كانو فجنبو ...لعقها فيدو ودماياتو زادو ....البار ترون وصداع علا مريام جات كتجري ملي سمعات صوت نادية بان ليها الزاج مشتت في الارض بقات كتشوف وكتقرا في ملامح بنت خالتها تفهم منها ...حسات بيد زيدان على ظهرها وهو كيقول ~. عنداااااك ردي البال فين كتحطي رجليك ... بنت البار كانت مقصرة وخدامة ومفوتة حبة طار عليها الزاج وهي تجي كتغوت جايا قاصدة نادية لي عرفتها مولات الفعلة من شوفات الناس ليها هاد الاخيرة هزات صااكها بغات تخرج هربانة من كلشي وهي تجرها لبنت من ايدها نازلة عليها بتصرفيقة لايحاها على الفوطوي باغا تنتفها...مقطعة ومعيطة على الاص اش غنتسناو منها ..تجرت من شعرهاا بجهد كان مراد لي مدازتوش نفسو يخليها تحت من يد بنت الكباري لي عارفهم مزيان حطات مريام ايدها على فمها بشهقة مبقات فاهمة اش وقع مشات كتجري لعند نادية كتطمىن عليها وكتلعن راسها مية مرة لي فكرت فشي عيد ميلاد مريام كتشوف ليها فوجهاا لي كان حمر ~. واش نتي بخير زيدان نتابه لايد مراد لي كتنزف ..غمض عينه بغضب جاي يهرس روتين سيمانة ساعة هرس راسو .. تحدر عندو شاد ليه في ايدو .. زيدان ~. مالك معامن ضربتي وشنو واقع هناااا ، عاد خليتك مزياان مجاوبوش كتفى يحرك راسو لجهة نادية لكانت حالتها تبقى في العدو شعر مخربق وكتمسح دم على نيفها لي رعف دموع كانو هابطين حاسة بالحرقة كانت معنقاها مريام كتسكت فيها ~. مالك اختي ، قزلي ليا اشواقع ناديةكتنخصص وتهضر ~ قلت ليك نمشيييو قلتهاااااا مريام بدات تلوم فراسها من جديد هزات صيكانهم وعونتها توقف ~. نوضي يالله نمشيو فحالنا ... شللهم صوت مراد لقوي على الحركة ...كان كيغوت ودم كيقطر من يدو ~ بربي لا تحرك شي حد من هنا حتى يحضر البوليس . كلمة البوليس نزلت عليها بحال الصاعقة زعزعت من الداخل ...قلبها بدا يضرب ...داز شريط مر قدام عينيها شافت فيه خدمتها غادا للهاوية ، قدر يقلب ليه الموازين ويولي المظلوم بعد مكان ظالم ...رفعت عينها بدموع فيه وهو يشوف بالتحدي ونطق بغل ~كاع كنعرفو لقانون المحامية ديالنا زيدان ضرب يد بختها مزال كيلعن لعن راسو على هاد ليلة لي مسالات حتى غتصيفط شي لحبس شي لسبيطار ، عرق فراسو بدا يضرب ..مسح على وجهوو ومرر ايدو على عنقو مطلعها لراسو كيماصي فيه وكيفكر فحل يسالي بيه هاد روينة...قربت منو مريام بترجي ~ زيداان دوي معاه اشمن بوليس واش بغى يخرج عليها ،مالها شدارت خنزر فيها وحط صبعو على فمو بمعنى سكتييي ووجه كلامو بصرامة لبنادم لي دايرها حلقة وكيتفرج - كيصفق بيديه ...يالله اسيادنا سالات الفرجة والصباح علاين يطلع ... امر الخدامة يتكلفو بناس ومراد دور وجهو للبنت لي تلاحت على نادية كيغوت عليها ~ قوديي بحالك ليوم عتابريه لخر عندك هناااا ....ماشي هاكظا كنتعاملو مع الكليان ...بغات تطلب وهو يزعف عليها ~ قلت ليك غبري ... مشات والمجمع تفرتك بقاو غير بيناتهم .. زيدان حاط يدو على جنبو وقال بتساؤل ~ يالله طلقونا اس وقع هناا ؟؟ نقز مراد مراد ~ والو السيدة فوتات في الشراب وبدات تشير علينا في القراعي عند بالها الورد زيدان غوت عليه حتى ترد صوت ~ مرااااد هضر بلا تفليا مراد ~ واصحبي لقيتها ناعسة على كتف واحد السيد وملي عرفني معاها ناض وخلاها وحيت انا جنتلماان وعزيز عليا لخير هزيت راسها على كتفي ونعستها هادشي ل وقع سيدة فاقت معرت اش كتسحابني غادي ندير ليها بحالا انا محروم تدخلت بعنف كشاكشها خارجين ~ مالك كذاب ،قوليهم لقيتك كتبوس فيا ،ستغل نعاسي موعيتش على راسي دار مبغى مراد بتحذير ~ هذا راه الاتهام خطير ...عندك شي دليل الالة ولا غير كتحطي الباطل نادية كتشوف في زيدان مبقلتش قادة تتحمل ~ عفاااك عفاااك على وجه لمعرفة لي بيناتنا دينا فحالنا من هنا نقز مراااد مخرج عينيه وكيوريها يدو ~ فين غيديك هااه...وهاد الايد لي فارعة والمحل لي نوضتي فيه الحيحة .. قاطعو بامر ~ ..تگعد نخيطو ليك ايدك بعدا هي لولة قبل منصدقو نقلبو ليك على الدم .."بدا يسب تحت منو " ليلة كانت بااينة من بديتها....ساط بسخط وهز جاكيتو .. مريام عونات نادية توقف وتستجمع نفسها واخا رجلها كتصدع فيها كابرت محاساش بحر صداع باغا غير تخرج من هنا ... حل طوموبيل من بعيد مشى ليها مراد هو اللول ركب لقدام ...حل زيدان الباب اللوراني طلعات نادية بغات تبعها مريام وهو يدورها عندو ...وجها كان باين عليه لعيا مسح على شعرها وقال ~. مزال مفلتي مني الغزالة