الجزء 33 - الحب أقوى من أي إتفاق

 تعمد يفكرها بيه وبريحتو لي كانت كتعجبها ويقوليها غير انا لي كاين وغنكون وتاحد مغيجي بلاصتي ...قبلت هديتو وتبسمت ليه بعذوبة وقالت ~ بسلامة عليك انا مشيت مشات ودات قلبو معاها كانت بحال طيف خفيف ولا خيال زارو فرمشة عين طلع ليه لموراو ونور ليه نهارو ومشا وخلاه .. بكلامها وتصرفها رجعات زرعات فقلبو امل انهم غيرجعو بزوج ويكملو سيغتو ملي شدات من عندو لكادو تنهد براحة وحس براسو وصل للمبتغى ديالو ..رجع لطوموبيلتو كيشوف في بوشيط لي مدات ليه وغير شد بلاصتو وتقاد هزها كيحل فيها يشوف شنو جايبة ليه عينيه كانو راضين خدا العطر ورش منو شوية في لهوا كيشم فيه ويتفكرها بيه وديمارا .....غادي في طريق وجهو كيضحك وملامحو مطلوقة ولاول مرة كيفكر فغدا شنو غيكون وهي معاه ،رسم احلام وردية كانت شحال هادي هي لي كتمناهم دابا تعكسات الصورة وولا هو لي كيفكر فين غيسكنو وامتي غيتزوجو ...فحين هي كانت فبيتها حطات شنو جاب ليها فوق ناموسية بلاما تحلو ولا تشوف شنو فيه ... الا سامحت زيدان متيعنيش انها رجعت وحنات ليه ....فديك اللحظة شفقة منها عطاتو وقت ونسات الخايب لي دوز عليها وحيت طامعة فدرجة التقوى ودايرة الاية بين عينيها لي تتقول بسم الله الرحمان الرحيم والكاظمين الغيظ والعافين عن الناس صدق مولانا الكريم..... يعني انها طوات صفحة الكره والحقد بحثا عن الراحة النفسية لي مغادي تتحقق الى وهي مسامحاه ولكن هادشي مكيعنيش انها غتولي معاه كيف كانت ويرجع بيناتهم الود وداك الوصال سمعات كمال كيبكي ونزلات بالخف عند ماماها لقاتو طيح على طبلة ومبوقل هزاتو بين يديها بالخف كتقرا عليه القران باش يسكت من لبكى ~. صافي اولدي تكبر وتنسااها صافي نزهة لي شافها يقول هي لي تضربت ماشي هو ~ اريه ليا اريه...خداتو من عندها وركباتو كتراري بيه مريام ~ ماما يهديك الله نزليه راه ثقيل عليك نزهة خمسات فعينيها ~ قولي تبارك الله ابنتي شبغيتي عندو ، باراكا غا هاد العين لي شد اخر مرة تلبسيه هاد لفوقية هو اش كيعرف لهادشي وااه مريام بدات كتضحك ~ صافي ميكون غا خاطرك تقطع حس كمال كان تهدن وبدا يديه نعاس ،دارتو نزهة قدامو كتطبطب عليه وقالت لمريام لي كانت شادا تليفون ~ شنو بغى !! مريام بعدم فهم ~ شكون اماما ؟؟ نزهة تنهدات وجات حداها ~ لي كان على برا مريام سدت تليفونها وتقادت في الجلسة ~ جا سول فيا وطلب سماحة ندمان ...قاطعتها نزهة باستفهام ~ ونتي شنو قلت ليه مريام تنهدات~ عسى ان تكرهو شيء وهو خير لكم .. الله يسمح ليه ويغفر ليه ، انا نسيت ،داكشي مقدر عليا اماما ومكتاب هو ما ضربنيش على يدي غلطة وتعلمت منها وخديت درس حمد لله نفعني دابا ،يعني مكاين لاش نبقى هازة جبل فوق ظهري هنا ولهيه باراكا لي عشتو بغيت نكمل لي بقى مرتاحة وهانية البال حسات بكل كلمة قالتها بنتها حيت بصح لي دازت منو صعيب تصبر ليه اي وحدة ~ الله يرضي عليك ابنتي ،عين لعقل درتي ، حمد لله كون مهادشي ميكونش وليدي كمال بين يديها كلشي عندو اسبابو مريام نزلات لعند كمال لي كان مشى فسابع نومة طبعت فجبينو قبلة من اعماق وقالت ~ حامدة ربي وشاكراه عليه احسن هدية هي هادي ،واحسن نهار هو لي هزيتو بين يدي ...تنهد وقالت بضيم وهي كتشوف فماماها الله يرحمها ياربي جالسة فوق الكرسي مرفووعة وعقلها مكاينش هنا ، نقولو توحشاتو ولا توحشات نگيرو مهم حاسة ببلاصتو خاوية ،من نهار جا هو واميمة لعراضة رجع من وراها تلاتة المرات ولا كثر وفكل مرة فيهم كتصدو ومن تماك غبر ...تشوشت عليه وتشطنات مزياان وعزة النفس لي فيها ممخلياهاش تعيط ليه ولا تسول مالو.....كان كل مرة مساج ولا اتصال دابا والو خلاها تقلى على نار مهيلة ...لا خاطر بقى ليها ولا گانة بقات عندنا هزات صاكها ومشات لدار حلات لباب ودخلات سمعت عايشة كدوي فتليفون وصوتها مسموع ~ الله الله يا وليدي على سلامتك وانا كنقول مالك غبرتي , ياكما مقصح ...اويلي على الگبص وعلاش معيطي ومقلتيها باقا كتدوي ووقفت حداها نادية بقلق ~ شكون هادا اماما لي دار الگبص ...مداتهاش فيها عيشة كملت على كلامها ~ ودابا شكون مقابلك واش جالس بوحدك فدار ولا شنو نادية كتدوي بصوت خافت وقالت بنثرة وعصاب ~ وماما شكووووون ..قالت ليها عايشة سميتو بحركات فمها ~ م ر اد معاقتش براسها امتى خطفت ليها تليفون وقالت بلهفة ~ الو مرااد ماالك ؟ مراد بدا يتبووحط وصوتو مرضو ~ كنحلم ولا بصح واش نادية هادي نادية شادا على قلبها وقالت بلاما تحس ~ وا هضر امراد غنطيح على وقفتي مالك اش وقع ليك مراد عجبو الحال ~ درت كسيدة وتهرست من رجلي غوتات على حر جهدها~ اويلي وفينك داابا هاا ،واش نتا شوية شنو وقع ليك مقصح بزاف مراد بكثرة معجبو اهتمامها بلاما يحس هز رجلو لي مقصحة بزربة حتى توعت وغوت بجهد ~. اااااي نادية تمات غادا لباب ~ مراااد مااالك انا جايا عندك نتا فينك فدار ....مراد وجهو ولا حمر نطق بزز ~ اه فدار قطعت عليه وخرجت بزربة وعيشة غا متبعة ليها لعين وكتشوفيها خلاتها حتى مشات وبتلفة خلات لباب مشرع ، سداتو مها وقالت بتعياب ~ ايه قالت ليك بغيت نطلق اماما ... وصلات لدارها هي وياه لي كانت جامعاهم بحال مراهقين ، كان مزال عندها ساروت حلات ودخلات عليه سمعات صوت تلفازة من بيت نعاس ...مشات لعندو لقاتو هاز رجليه فوق ناموسية محزومة بباندا طبية مشات نيشان لعندو كتقلب فيها وتشوف ~ شنو وقع ليك كيف درتي لهاد لكسيدة مراد ساهي فيها كيفاش مخلوعة عليع ~ بسبابك....جوبتو بنفخة ~ مالي انا قلت ليك متشوفش قدامك ...شنو درتي مع مول طوموبيل قيدتو كوسطا مراد كيحك فراسو ~ كسيدة درتها مع راسي ،كنت مفوت شوية ومتحكمتش في لگيدون خنزرت فيه مزيان وطلعاتو ونزلاتو وهي تفرگع عليه ~ وكتقول فيها امراد عادي ياك وكون متي دابا هااا !! مراد بقلب طايب ~ موتي حسن من حياتي وانا بعيد عليك حسات بتانيب الضمير وقلبها ضرها من جيهتو ولكن قصحاتو وقالت بتذمر بعد متفكرات ~ ديك صحيبتك في خبارها درتي كسيدة مراد ~ شكون اميمة ، فخبارها راه هي لي مقابلاني كون ملقيتهاش يهزني لما نادية بنرفزة ما عاجبها حال ~ وعلاش مقالت ليا والو هاا ولا بغات يحلى ليها الجو معاك ودير فيها مولات دار وكتخاف عليك وتكبر فعينيك مراد مسح على راسو وحسبن ~ يهديك الله انادية انا لي وصيتها مبغيتكش تشطني عليا توقع ليك شي حاجة بغيت تا نصح شوية مشات لماريو كتجمع في حوايجو بدون شعور ~ يله غتمشي معايا لدار مغتبقاش هنا،خاص لي يقابلك .... مراد بتاسم بلاما يحس ~ الا كنتي غتوكليني بيديك موافق نمشي معاك ناظية خنزرت فيه ~ باز ليك بعدا واتاك غا ضحك ورجليك مگبصة ....قاليها بطنز ~ نهرس تا تانية ماشي خسارة فهاد الخوف لي شفت فعينيك ايام عادية دازو مراد مشى مع نادية لدار عندها كان طالب عليها وهي محتاجاه حداها واخا لسانها كيقطر سم معاه ....كانت مقابلاه في ماكلتو كيتفشس عليها كيف بغى ، وتاهيا هازة ليه هبالو وباغاه واخا ممبيناش ....اما مريام من نهار تلاقات مع زيدان وهي كتهرب من اتصالاتو ،كان كيعيط ليها ليل نهار ومكتجاوبوش ، حط ليها عذر تكون مشغولة مع ناس لي كيجيو يباركو ليها واولا مزال عيانة من السفر ...فرحتو مزال هي هي وتفكيرو معاها مشى بعيد ،بدا كيخطط وكيخرج احلامو لارض الواقع لدرجة شاف دار فين غيعيشو هو وياها ورا زواج ،عطى امل لراسو عند بالو مزال فبالها اما هي مكانتش فايقة ليه من نعاس كانت مشغوولة بحفظ القران وفنفس الوقت مجرى الود بينها وبين عدنان كيتزاد ولا كيلقى حجج باش يدوي معاها في تليفون كل مرة عندو موضوع فشكل حاول شحال من مرة يتلاقا معاها لكن بدون جدوى كانت كترفض حتال نهار لي كانت خارجة فيه من دار الحفظ فين وصى عليها ولقاتو واقف ليها حدا طوموبيل قربت ووقف حدا باب سيارة منزلة راسها لتحت كانت لابسة كسوة موردة وشال بلون ترابي دوات بلاما تشوف فيه ~ سي عدنان السلام عليكم....كيحقق فيها من بين شفارو ~ وعليكم السلام لالة مريام كيف الحال ،لوااليدة لاباس عليها صحة ...بلاما تطول الهضرة قالت ~ الحمد لله ، نخليك دابا وقفها قبل متمشي وقال ~ ممكن تعطيني دقيقة من وقتك بغيتك فواحد الموضوع ... ربعات يديها وسكتت كتسنى فيه يدوي ~ اما هو....كان كيلعب بتسبيحو بتوثر ~ نجلسو فشي بلاصة وندويو على خاطرناا ....هزات حواجبها بنفي وقالت ~ سمح ليا اموسيو عدنان منقدرش نجلس معاك راس فراس نتمنى تفهمني ...زاد اعجابو بيها وقال بانبهار ~ اوك الالة لبنات باش منطولش عليك انا بغيت نطلبك زواج على سنة الله ورسوله هاكدا نكون لبيت رغبة باك الله يرحمو وتكون اخر حاجة بغى يدير فهاد دنيا قبل ميموت تحققاات مستغرباتش بزاف من طلب ديالو حيت توقعاتو من نهار تلاقات بيه وبدا يحكر وهي عارفة زفاهمة نيتو ..شبكات ايديها مع بعض كتطرطق فيهم وتشوف في الارض معارفة متقوليه ترفض ولا تفكر ولا تقبل مبقاتش عارفة باش تجاوب الزواج سترة وغطا لبنت هاكدا قال محكر وضاغط بكلامو عليها ~ باك الله يرحمو كان همو غير نتي بغى يزوجك ويتهنى عليك وميخليكش وراه بوحدك معندك حد ،فرحتو كانت كبيرة وهو كيتسنى نهار نتزوجو فيه ويشوف ولادنا بالحق تا دابا باقي الحال القدر بغى يجمعنا مرة اخرا باش تحقق اخر امنية بغاها ... مريام شافت فيه وقالت بانكسار~ فات لفوت على هاد الهضرة ،انا مبقيتش صالحة ليك لزواج ،مبقيتش ديك مريام لي كنتي باغي لمرة لولة عدنان ضيق عينيه باستغراب وقال ~ مفهمتش شنو بغيتي تقصدي مريام ربعات ايديها وقالت ~ لي بغيت نقوليك هو انني تزوجت عامين هادي فاش مشيت لفرنسا وعندي ولد عندو جايا لعام ونص صدمة بانت على وجهو نطق مخرج عينيه ~ كيفاش ؟ دابا نتي مزوجة ؟؟ مريام تنهدات وعودت ليه قصة حياتها~ كنت مزوجة دابا وليت ارملة راجلي مات تما هي فاش رجعت هنا بلاما يفكر قال ~ وانا قابل بيك نتي وولدك نربيه معاك ونكون ليه أب تا يكبر ... عمري نحسسو بالفرق ان شاء الله نديرو بحال واحد من ولادي وكثروليام بيناتنا عمري نخليك تندمي الا وافقتي عليا ...شافها سكتات وزاد كمل بغيتك نتي ل تكوني مرتي تعاونيني على امور الدين وتمنعيني من الوقوع في الحرام تذكريني بالصلاة والصيام تكوني ليا كنز في الدنيا والاخرة لجم ليها لسانها وعرف كيفاش يأثر عليها ، جبد باها وجاها من الجانب الديني بغات تدوي وهو يسكتها وقال ~ غنخلي ليك وقت فكري وعاد جوبي ونتمنى تفكري بالعقل والمنطق وتاخدي وقتك الكافي باش متسرعيش حلات طوموبيلتها وقالت ~ واخا عطيني فرصة نفكر ونرد عليك بتاسم من القلب وحس بالفرج قريب معاها عطاها طريق وقال ~ الوقت كلو ديالك سلمي ليا على الوالدة وبوسي ليا صغير حتى نتعرف عليه حركات ليه راسها وديمارات سيارتها وطريق كلها وهي كتفكر شنو غدير وباش غتجاوبو واش تقمع راسها وتدفنو وترفض ولا تقبل بيه وتعطي فرصة لراسها ولولدها باش يعيش مع عائلة كاملة مكمولة ومتمونة من أب وام ....ملقات من غير صلاة استخارة هي لي غتجاوبها وتدلها على طريق صحيح وتعطيها لإمارة لي غتبع ..... كان مزال فدار واقف قدام لمرايا كيقاد في لگرافاط معطل على الخدمة وماشي من عوايدو وهانية عندو ممسوقش ...خدا ساعتو لبسها فيديه وهز تليفونو وسوارت ونزل لتحت كانت مينة واقفة فنص دار ولعيالات كيجمعو فدار دنيا مقربلة وكلشي مگفظ وكيتجارا ،قرب منها مندهش مفهم والو ~ اش كاين الواليدة ،اش هادشي مينة قفزات حيت جاها من لور ~ دير لحس اولدي الله يهديك عنقها من كتافو وهي دورات ايديها على خصرو وغادا بيه على برا ~ عندنا شي عراضة ومفخباريش مينة دارت فيها مقلقة حيت نسى ~ نصر خوك غيخرج اولدي داكشي علاش قلت نضورو بدنيا مشا من بالو خوه ~ اه نسيت، واخا الواليدة ربي معاك ..باس راسها ...انا مشيت لخدمتي قالت وهي تابعاه ~ عقبال منوقف ليك فنهارك ازيدان اولدي ونفىح بيك بتاسم جنب وقال على غير عادتو حتى صدمها~ غير وجدي راسك هاهو قريب هاد نهار ركب طوموبيلتو ومشا مخليها غطير من الفرحة عمرها كانت ليه ولا قالهاا تال دابا صافي عينو فشي وحدة ؟؟ شكون هادي ؟؟ خدام معاه كان كيعرفها ولا عاد تعارفو ؟؟ بقات تحاجي وتدوي بوحدها ولامن يجاوبهاا ،نعلت الشيطان ودخلت تكمل شنو بدات تا يزيد ويسميوه سعيد المهم عندها هو وولدها فكر يتزوج ياا ترى غيوصل لشنو بغى ولا غيلقى غير يديه وريح ويشرب من لكاس لشربه منو لعشية تعاشات وظلام لحال ، كانت جالسة عايشة ومراد فسيجور كيتفرجو ويتوشوشو بيناتهم لي شافهم يقول ام ولدها وداكشي لي كاين عيشة ملي كتسامح كتنسى ، هي من اول عزيز عليها مراد ودارتو فمقام ولدها لولا لي وقع ،وتا دابا معزتو عاد مزادت حيت بين ليها بلي باغي بنتها وشاد فيها ديال بصح.... كان جالسين مجمعين قدامهم طبسيل ديسير مشكل كيدوي ويضحكو حتى تمات جايا لعندهم نادية لابسة بيجامة ولايحة عليها كاب كتجر فرجليها جلسات حدا مها بلاما تقول تا كلمة حتى نطقت عيشة وقالت ليها ~ صباح الخير ابنتي عاد فقتي ليل هادا ....بدات كتاوب ~ حاسة براسي عيانة اماما وباغا غير نحط الراس شافيها مراد وقال ~ خاصك تمشي عند طبيبة، نولي شوية ونمشي معاك بغى يتحرك وهو ينين حتى قالت جامعة حواجبها بقلق ~ نتا غير ديها فرجليك وعطيها الراحة غنولي مزيان بداو يتناگرو كي لمش مع الفار محسو گاع بعيشة لي تسلتت من حداهم وناضت خلاتهم على خاطرهم نطق مراد وهو كيحك فشعرو ~ قربي حدايا نقوليك واحد الحاجة قبل متجي لواليدة خنزرت وقالت بشوية ~ منين امتى ولات مك هاا !! شحال كتعرف دير بلاصتك مراد طلع حاجب وخوه بقى نازل ~ دابا غتجي ولا نوض نقز على رجل بدات كتقرب منو بشوية بشوية وكتنفخ وتصوط زعمة راه غا جايا بزز مني وكون يطل على قلبها يلقاه كيغني اغاني بضاد مد ايدو وجرها لعندو من عنقها جابها طايحة على صدرو وقال بصوت خافت جاب ليها تبوريشة ~ متوحشتينيش مكرهاتش تعنقو وتحط راسها على صدرو وتبين ليه شحال خيابت حياتها بعيد عليه ،شحال توحشاتو بكلشي فيه ، شحال تعذبات وهي بلا بيه ولكن سكتت وطمرت كان قلبها فصراع مع قلبها نادية الواعرة ولي حاسة براسها مزال طاغية على نادية العاشقة المحبة لي طايحة على عين قفاها فمراد قالت بصوت مبحوح ~ مراد اش كدير ....جاوبها وهو كيوزع قبلات على شعرها ويشم فيه ~ مرتي واش ماشي من حقي قالت ~ اناا مزال منسيت حتى خلاتو جمد بلاصتو بلاهواه ورخف يدو من على عنقها وخنزر وقال بنرفزة ~ اش غتنساي هاا؟؟ لقيتيني جايب عليك لمرا ولا عندي شي وحدة غيرك ولا فهاد لمدة لي هجرتيني فيها خنتكك سكتات ملقات باش تجاوبو حيت معاه الحق ...ولكن لي فيها ممهنيها مزال دور دور وترجع ليه لنفس النقطة ~ قلت ليك يا انا يا اميمة وفضلتيها عليا ، بينتي ليا شحال هي غالية عندك وانا غا رخيصة ...ضربها بخفة لراسها وقال ~ لقيتيني معطوب اما نهرس ليك فمك ..نتي اغلى ما عندي واميمة راه ختي وقفت معايا وخيرها عليا مننساهش ،خلي عليك لبنت فتيقار ايامها معانا قليلة بحال شكل اميمة تلاقيتهم قبل منعرفك وكون كان كيعجبني لبس وشعر ولعرا تلقايني من وحدة لتانية بلا زواج لا والو ولكن انا داكشي مكيأثرش فيا ....جوبتو معوجة فمها بدلع ~ امم وشنو كياثر فيك بسلامة ...شد ليها فيدها كيلعب في صباعها مخلي لفراشات كيلعبو فكرشها وقال بنبرة جابت ليها تمام وكملات على لمسة ايديه لي دارت فيها لي ميدار ~ غا وحدة لي اثرت فيا وجابت ليا تمام هي نتي لي نهار شفتك بغيتك تكوني مرتي ولي مزال لدابا شاد فيك بسناني واخا گاع هادشي لي كديري فيه ولي كون حد اخور كان فبلاصتي وجرا فيه مجرا فيا كون عطا بظهر ومشى متلفتش ولكن انا مقدرتش حيت كنبغيك وحياتي ربطها بيك ....باس صبيعاتها ناعمين ورطيطبين ومزال شاريك و غمصت عينيها وتنهدت بنشوة وقالت~ اااه ...بتاسم ابتسامة جانبية وهو كيشوفيها كيفاش سايحة بين يديه تطاول لوجها وطبع قبلة جنب فمها خلاتها تحل عينيها على غفلة وبعدات عليه دافعاه من صدرو ...غمض عينيه كارز على سنانو وحلهم ساخط طلعت ليه دم وجنناتو بغى ينوض وهي تقوليه ~ فين غادي راه رجليك ضاراك نطق بين سنانو بلاما يشعر ~ ديهاا فراسك مشغلكش فيا ، الا بقيت مزال تابعك راني ماشي رااجل دفع طبلة حتى تقصح كانت باينة من ملامح وجهو لتكمشو .. تم غادي كيعفط عليها وبحالا كيعفط على عينيه ، جات عيشة كتجري على غواتهم لقاتو واقف على رجليه بزوج خبطات جنابها زقالت ~ فين غادي اولدي راه رجليك داراك اويلي مالك مراد باس راسها وقال ينفاذ صبر ~ هادا الله الحاجة بنتك مبغاش دير عقلها فراسها كتشوف لفوق وانا صبري تقادا معاهت ، لي بغات ديرو ديرو بغات طلاق مرحبا باش مكان تعلمني اللهم نعرف راسي من رجليا و نقطع مها هبرة تبرا ولا نبقى تابعها حياتي كاملة عطاها بظعرو وتم طالع لبيت لفوق لي وجدو ليه كيعگز ، طلع بدا يجمع في حوايجو عيشة عز عليها وتبعاتو عيات تشد فيه وهو كانت واصلة فيه لطووب تعصبت ونزلت لبنتها شدتها من دراعها وداتها وجابتها وقالت ~ درت ليك شان وكبرت ليك لبعرة ،راجل جا تال هنا كيطلب سماحة بقى غا رجليك يبوسها ليك ، داير ليك كيف لما لقليل ونتي معفرة على زيننك شفتي واخا ناي بنتي والله مكيستاهلك خليه يخرج من هاد الباب والا مشى حتى فاتو هاا وجهي الا وليتي شفتيه بدات تبكي ناظية لااما تحس وهي تزيد علاما بيها عيشة وكملة ~ غتبكيهم دم ابنتي غا بلاتي بقاي راكبة رااسك مشات وخلاتها مع راسها وكلام مها لي دخل لعقلها وضرها في قلبها وشوفات مراد لي قطعوها طراف مقدرتش تزيد تكابر بلا هواها وبلاما تحس طلعت عندو كتجري وكتبكي دخلات عليه لبيت لقاتو كيسد فصاكو خداتو من عندو وقالت بصوت متقطع بلبكا ~ ياك امراد دغيا بغيتي تسمح فولدك هء هء وفياا مراد بلاما يشوف فيها باش ميضعافش قال ~ ولدي عمري نسمح فيه نادية قربت منو كتشوف في الارض وقالت ~ واناااا ...قال بزعف ~ نتي لي بغيتي تسمحي فيا ...قبل ميكمل تلاحت عليه عنقاتو تصدم بغى شحال كيشوف بااما يدير تا رد فعل حتى سمع فيها كتبكي وتقول خاشية راسها وسط عنقو ~ شتك معنقتينيش بدا يشحك ودور يدو على خصرها مزيرها لعندو بجهد وبدا يتنهد برااااحة كانه كان موضر وعيان واخييييرا لقى راحتو وراسو ف فجر يوم جديد جالسة فبيتها من بعد ماصلات فرضها وكتستعد باش تستاخر الله من جديد في زواجها من عدنان ..اليوم عشريام وهي مواضبة على صلاة استخارة كتصلي وتدعي وكتطلب من الله يوريها الطريق الصحيح ، مشات باست ولدها وقادات ليه غطاه ....عدلت زيفها وتاجهات للقبلة صلاة ركعتان لله وهزات فيهم كفوفها للبارئ وقالت ~ اللهم إني أستخيرك بعلمك واستقدرط بقدرتك وأسألك من فضلك ،فإنك تقدر ولا اقدر وتعلم ولا اعلم وانت علام الغيوب ، اللهم فإن كنت تعلم هذا الزواج خيرا لي في ديني ومعاشي وعاقبة أمري فاقدره لي ويسره لي ثم بارك لي فيه ، اللهم وإن كنت تعلم انه شر لي في ديني ومعاشي وعاقبة أمري فاصرفني عنه واقدر لي الخير حيث كان ثمرضني به بقات تردد دعاء ديالهاا وحمدات الله وشكراتو على النعم لي نعم عليها بيهم ونهات صلاتها كيف كل مرة، حلات شال وفكات شعرها باش ترجع تنعس وهو يوصلها مساج فتليفونها من عند عدنان فيه ~ اللهم تقبل صلاتك ، نسأل الله ان ييسر لنا في هاد الزواج ، كنستنى غدا بفارغ الصبر الا حتاجيتي اي حاجة عيطي ليا بملاامح باردة وقلب بدون احساس حطات تليفون حداها وتكلكمت ففراشها كتفكر بينها وبين راسها وكتقنع فيه بلي صافي غدا غتخطب بانسان دارت مستحيل وعصات الله باش متزوجش بيه ،هربات من دار وطيحات بكلام باها لارض ودارت وجهو فتراب كي كيقولو غير باش متكونش ليه مرا... غمضات عينيها وستغفرات جهراا ، باش تخوي راسها من هادشي ، بقات شحال كتسبح حتى داها نعاس موعات غير على ايدين صغيورين فشعرها كيجرو فيه وكيفيقو فيها كان كمال لي فاق زخاصو ينوض كلشي ، قال بصوت طفولي ومتقطع مزال ممفرزش~ ما ما هزاتو وحطاتو فزق كرشها كتبوس فيه وفيديه ~ صباح الخير ماما ، نضتي جاك جوع ، نبدلو نفطلو ناضت ونوضاتو معاها شاداه من يديه يتعلم يمشي غسلات ليه وغسلات بدلات ليه وبدلات عاد نزلو عند نزهة لي كانت كتوجد لفطور بلا خاطر وتقليقة باينة عليها باستها مريام من حنكها وقالت ~ ماما مالك شفتك كاعيا ....تنهدت نزهة وقالت بقلب طايب ~ مماليش ابنتي غير كنفكر فهاد زواج وهاد راجل لي رجع طاح من سما بعدما غبر ....حطات كامل في كرسيه وتكات على بوطاجي وقال ~ الخير فيما ختاره الله اماما ، ربي مكتب ليما نتجمعو نعارضوه ،قصدو شريف ودق لباب دوا معايا ودوا مع عمي ورحبنا بيه وزايدون متنسايش بابا كان باغيه ليا نعتبروها وصيتو ونفذوها حطات الصينية وقالت فوق قلبها ~ لي ترتاحي فيه ابنتي مريام جلست تفطر وقالت قالبة موضوع ~ حتى تقولي ليا شنو غيخص لغدا باش نخرج نتسخر هزات ليها راسها بلاما تكلم ...عذراتها وقدرتها حيت ماشي ساهلة تفتح جرح قديم ..وخطبة مريام وعدنان فكرات نزهة بذكريات خايبة مبغاتش تستعقلهم هزات سوارت طوموبيل وصاكها وخرجات تشوف ليها متلبس لغداا ...شادا الطريق وغاافلة على شخص لي كان تابعها من دار ، عيا يعيط ومكتجوبش من نهار دوا معاها وصفاو لخواطر وهو كيحاول يوصل ليها بلا جدوى ...حتال ليوم قبل ميدوز لخدمتو جاا لعندها كان زاعم انو يصوني عليها فدار حيت صبر تا فات...حتى بانت ليه خارجة تبعها بلاما يتردد خاصهم يدويو خاصو يقوليها بلي باغي يتزوج بيها ويكمل معاها....خاصهم يحددو نعار لي يجي فيه خاصو وخاصو وخاصو بانت ليه كتسطاسيوني على ليمن ، محست بيه تا جا قدامها ضرب فران صيك ونزل لعندها كيشوفيها بتمعن كتزيان فعينيه كل نهار كثر من قبل ..متسناهاش تنزل على خاطرها قرب لعندها وحل ليها لباب وقال ~ نزلي ندوي معاك !! سكتات طوموبيل خدات صاكها ونزلت كتشوفيه بنص عين حيت معندهاش لحق تشوفيه ولا تدوي معاه ~ ياك لاباس اموسيو زيدان زيدان دار اشارة بتليفونو وقال ~ كنعيط ليك ومكتجوبيش ... هنا افافت مريام وقالت بالتي هي احسن حيت شافت فعينيه شي حوايج مخاصوش يفكر فيهم ~ سي زيدان كنظن دوينا وقلنا كاع لي خاصو يتقال ... قال مقاطعها ~ انا باغيييك امريااام بغيت نبداو من جديد حسات بقلبها كيضرب وايديها كيترعدو قالت قبل ميكمل ~ الا سامحتك هادا مكيعنيش اانني نسيت ...سكتات شوية وقالت نهار لي كتاب المكتاب وتعذبت ونهار خويت البلاد لعل وعسا نسا تما خرجتك من هنااا ...حطت ايدها على راسها وقطعت لكتاب لي جمع ذكرياتي معاك قاطعها بغا يدوي وهي تقوليه متقاطعنيش..داك نهار خليتك قلتي لي عندك وتا دابا غتسمعني .. الوقت لي عرفت طريق الله العظيمة، وتهت فملكوت رحمتوا،عرفت انو كاع المؤمن مصاب، وانا هداك امتحان ودزت منو،ومن ضروري نتألم باش نفرح يعني من جهة اخرا لي درتي فيا كان قاسي وضرني وخديت وقت وطاقة باش نبرا منوا..وجهد كبير وقناعة باش نسامحك حيت مبغيتكش تعيش في عذاب ضمير لي عشت فيه انا عامين وانا كنقول بسباب طيشي وبسباب عشق حرام فقدت بابا ...مبغيتكش تانتي تتالم تخليت على حقدي عليك غير باش نرتاح وهادشي فحد داتو راه تضحية لتاني مرة تنديرها على ودك، من غير المرة الأولى لي تنحشم نتفكرها حشمة من لي خلقني ...حركت راسها مباغاش تفكر وقالت بخلاصة كلام...المفيد اسي زيدان من هاد الشي كامل، انا سامحتك و عتقتك كيف قلتي ولكن، راه ميمكنش نرجع ليك ولاسباب كثيرة واحد منهم اني غادي نرتبط بشخص، وماشي معقول وحرام من جهة الله نهضر معا غيرو انا تنقولك دابا غير نساني والله يسهل عليك كيف ما ربي سهل عليا زير على قبضة يديه وبقى غير كيتسنى فيها تكمل حجايتها لي مدخلتش ليه لوذنو گاع باش تخرج ..اما هي حسات بوجهها تزنگ وطلعتها صهدة ملي قالت ليه لي عندها ، لي سمعها يقول كانت كتحفظ فيه وكتسنى بحال هاد للوقت باش تعرضو عليه نفاجرت فوجهو دقة وحدة وقالت لي عندها وحسات براسها رتاحت ،كانت خايفة تخليه يدوي وتوضر بهضرتو وتنسى هضرتها داكشي علاش غير سلم عليها زربات عليه.... بلاما يشعر ولا يتحكم فراسو قرب منها وهي تبعد عقد حواجبو وقال بعد مجمع يدو عندو ~ تهدني وخلينا نمشيو لشي بلاصة وندويو بلعقل ، حنا مزال مبدينا باش نساليو ،ماشي حتى تعلقت بيك عاد غنجي نساك ، بلاصتك متقدر تجي فيها تا وحدة ....بلعت ريقها وكمشات على حوايجها مبغاش تشوفيه ولا تسمع كلامو لي يقدر يأثر فيها وهادشي لي ماباغاش ..عطاتو بظهرها ودارت بناقص من القفطان ،بغات غا تهرب منو ومن راسها ومن شي احساس غيطغى عليها ..رجعت لطوموبيلتها وقبل مطلع قالت بصوت مرعود ~ عفاك فتح عليا طريق نمشي.....حلات باب طوموبيل وهو يسدو كانت مزال عاطياه بظهرها ،صدرها كيطلع وينزل كتنهج تقول كتسابق ، لمعو عينيها بدموع وقالت برنة صوت حزينة ~ عفاك ازيدان الا بصح كيف كتقول عندي شي مكانة عندك عطيني تيساع ، انا مبقيتش نصلاح ليك ،تناسيتك وعفط في حياتي وزدت وخليتك في الماضي ، ممستعداش نهائيا تكون جزء من حياتي لي جايا باراكا لي عشتو وعانيتوو معاك قال بفحيح ~ مساهلاش عليا تنهدات وجوباتو ~ كيف نسيت انا تا نتا غتنسى وكيف لقيت انا لي نكمل معاه حياتي حتى نتا ربي يسهل عليك بوحدة حسن مني في ايامك جايا شافتو حيد يديه على لباب ولكن كان مزال وراها باينة من صووت انفاسو لي كانت كتسمع كان بحال بركان فاير كيتردد في مسامعو لقيت لي نكمل معاه حياتي عقلو مباغيش يستوعب بلي مريام قلبو غتكون لغيرو بزز منو قدر يهضم تزويجة لولة وتزيدو بتانية شنو دابا غتكون مع غيرو غتضحك ليه كيف كانت كتضحك معاه هو ، غتكون بين يديه كيف كانت شي ايام بين ايديه هو ، غيشوف ضحكتها وغنجها وشعرها ولون عينيها وغيشم ريحتها غيتسد عليهم باب واحد وغينعسو في سرير واحد متيحان صعيب عليه ومجرد تفكير فيه خلاه مشوكي وصاعر ..قرب لوذنيها وقال مزير على سنانو وبنبرة حادة جاوبها على شنو قالت ~ بلاما تدعي معايا ، الا كنت من هنا لقدام غنكمل حياتي بلا بيك ومع غيرك لهلا يسهل عليا ركب في طوموبيلتوو وكسيرا طاير منوض لقيامة خلا كلشي يرد ليه لبال اما عي تخشات في طوموبيلتها وهربات من تما زيدان غادي عافط مسابق مع رييح و كلامها كيتعاود فودنيه ممصدقوش و مباغييش يصدق بلي صافي خسرها و غتكون من نصيب راجل واحد و غتكون على ذمتو متصرطااش ليه إحساس مريام ضاعت منو دبحو ومخلاش نقطة دم فوجهو معرفش اشمن طريق شد معقلش كيف دار حتى لقا راسو قدام الشركة هبط عاقدهم خبط باب طوموبيل طالع مخنزر مكيتكلم مع حد لي عارفو حدر راسو و لي دار معاه صواب و سلم يعرق ليه بلا سبة زيدان تيق أحلام اليقضة و كان متمسك بخيط راشي يسحاب ليه غترجع ليه مريام و تولي حلالو و يعوضها و ينسيها فلي فاات ... دخل لبيروه و لي جات قدام عينيه زف بيها متقبلش منها كلمة لا و هو حياتو كاملة مكاينش لي قالت ليه لا و رفضاتو بقا كيتسمع صوت أنفاسو و دقات قلبو لي فكل دقة فيه كينطق غير سميتها كان عايش على بصيص من الأمل تصلح الأمور و فلحظة لقا راسو غادي فضلام معرف فين يمشي ولا يجي حس بالغضب مزال متملكو و العافية غير ما غادا و كتزيد مطفاتش مكرهش يبكي مكرهش يترمى فحضن شي حد و يعاود كل ما ضارو فحال دري صغير بقا يفكر و يفكر حتى ضرو راسو لقا راسو فنص طريق و دنيا ضارت بيه .... الوقت داز بزربة دخل لفيلا مع أذان العشا لقا صقيل كل واحد و فين مخشي طلع كيدير جوج خطوات فدروج دخل لبيتو حيد حوايجو و مشا يدوش على أمل يرتاح و يخفف على ما بيه لحظات و خرج لاوي عليه لفوطة لبرد كيطير و العافية ليه فيه خلاتو محسش بيه لبس حوايجو وحات عينو على عطر لي جابت ليه تا هزو بغى يزف بيه وهو يتراجع ،رجع شاف صلاية وللفوقية وهو يهزهم خشاهم في لماريو وقال ~ نتي سباب خلا طريق زينة ومشا لطريق لي كان كيهرب منها شحال هادي ، خلا طريق الله ومشى لقرعة والكاس عند بالو غيقادو لي فات دخل لبلاصتو لي غاب عليها شحال شير بيديه وفلحظة جااا لحرام تال قدام عينيه ..بقا يكب ويشرب وزيدان لي كان كيسان مكياثروش فيه شرب واحد وحس براسو ترفع وجاب لكاو ..جغمة ورا جغمة وكملو على ما بيه ملي طلقو ليه نتي سبابي وسباب بلاياااااااا محس براسو تا شير بقرعة شراااب ومسح دمعة نازلة من عينيه مشات مريام قلبو وبقى بلاش • ‏وتولّني بالصّالحاتِ ودُلّني نحو الرّشادِ فخُطوتي تتعثّرُ يا الله كانت فبيتها جالسة في طرف الناموسية لابسة قفطان بيج سامبل ولايحة عليها شال مذهب مزينة راسها بمجوهرات قليلة فقط وجهها غايبة عليه الابتسامة وقلبها حاسة بيه ميت ، ايديها عرقو وكيترعدو كانت كتسمع صوت هضرة كثيرة كاينة لتحت باينة وصل الوقت والعريس جا وكيتسناوها غير هي تحل لباب ودخلات نادية ل كانت بحالا جايا لعزو ، محاملاش هاد زواج ومبغاش عدنان يكون راجل لمريام بالمرة قالت ليه بصوت سبقاتو تنهيدة ~ يله نهبطو كيسناو فيك مجوبتها بحتى كلمة وقفات على طولتها ومشات لمرايا كتشوف في راسها لي بان ليها من انعكاس المرااة سااخر منها ومن نصيبها في الرجل لي غتزوج بيه ضغطت على قلبها وخطات اول خطوة ليها لمستقبل مجهوول ....كتعاقب راسها براسها وفسرات احساسها لخايب وغمة قلبها غير بالخوف وستريس معارفاش بلي هادي علامة من الخالق كتقوليها تراجعي ومترميش بنفسك لتهلكة نزلات لتحت وتمات غادا لصالون ، سمعات صلاة على النبي الحبيب كانت كتردد بلسان بنات عمها ومراتو اما نزهة كتبان بحالا جايبينها بزز وعيشة غير كتشوف وتقيد ، سلمات على لعيالات بوجها ورجال بعينيها ومشات جلسات حدا عمها عبد الله لي كانت في قلب صالون ولي جا يشاركها فرحتها بصفتو الاب تاني ،حضر هو وبناتوو ومرتو صالون كان شبه عامر ...من جهة العريس كان عدنان وعيالاتو بثلاتة وشي رجال كيجيوه ومن جهة العروس من غير العم كانت عيشة ونادية ومراد فقط ...لبخور مطلوق وصوت امداح النبوية الخافتة تاهي كانت مسموعة ...رجال كانو كيدويو بيناتهم ولعيالات غا ساكتين من غير كمال صغير لي منوض زازة فوق من حجر الجدة نزهة لي حاضية عينين بنتها لي كتشوفهم بلا بريق وبلا لهفة وكتبان ليها طافية ، مستحملتش داك المنظر وتفكرت نهار لي كانت تبكي وتقول لمها نموت ومنتزوجوش ،شتان بين ديك لبنت لمتمردة ديال ديك نهار وبين هاد البنت لباردة ديال دابا نزلت دموع من عينيها وبدات تبكي بصوت مسموع حطات كمال لعيشة وخرجات من صالون مشات لكوزينة كتبكي على خاطرها وتعدد في سرها تبعتها ختها كتعنق فيها وتواسي ، عند بالها مساخياش ببنتها ومشات على داك الاساس ~ دار لبنات خالية اختي غا صبري نزهة كتحرك راسها بنفي ~ بنتي كيف لوردة اختي غتحكم على راسها بمؤبد ،غتساهم فموتها بشوية بشوية ، واش هادا هو زهرها ، راجل لول قد جدها وتاتي قد باها ، ناس يورثو لولادهم الشان وانا ورتت بنتي قلة سعدي عيشة ستغفرات مولاها وقالت ~ اختيارها هاداك مضربتيهاش على يدها ومبززتي عليها تا حاجة ،وزايدون هادشي لي جاها في رزق قولي اعوذ بالله من شيطان الرجيم ...... بقات معاها تماا تقنع فيها وتصبر فيها وتواسي وواحد على برا سكران تلفو بيه روايض و لا من يواسيه مقابل دارهم لي باين عليها علام الفرح وكيتنهد ويضرب على لفولون كيتحلف ويتوعد وجاي عازم يوقف لمهزلة كيف سماها ،بانت ليه طوموبيلت صاحبو وخوك بين طوموبيلات ضحك باستهزاء وقال ~ يااك العشير ....تفكر ورجع بيه عقلو لايامو هو ومراد نهار كانو كل ليلة مقربلينها مع ناس ويختمو مضاربتهم بمقولة انا ديما في ظهرك وفي جنبك ومعاك ...جا نهار لي عطاه بالظهر وخلاه بوحدو ...جبد تليفونو من بواط ايكون وبدا يعيط ل مراد ولي ليها ليها ...صونا مرة وعشرة وعشرين ومجوبووش ....وهو يصيفط ليه مساج ... كان جالس وكيشوف حس بتليفونو كيصوني جبدو وطلعت ليه نمرة صاحبو واخا بلا سمية نوامرو حافظهم وصعيب يتنساو تردد وعفط على قلبو ومجوبوش حتى وصلو مساج وقراه تما محس براسو تا خرج كيجري وقلبو سبق عزة نفسو والعشرة والايام زوينة لي دوزو جات بين عينيه كلمة "عتقني كنموت " كانت كفيلة تخلي داخل مراد يترون بالمزيان ويتشطن على صاحبو بجه