الجزء 3 - حكاية أنثى

 اقبال:جاارتك!! فين كنعرفك اخوياا **هههه نتي لي خدمتي عند عبد لكبيير يااك انا ساكن تما عيط ليك لباارح ومشيتي كتجري لمدرسة تجيب خوتاتك (هبط عينو لغيتة)ختك اقبال:ااه هبط من فوق لبيكالة وعطاها ليهاا وقال:هاكيي ركبيهاا لكتعرفيي اقبال(كمشات عينيها فيه)لااش **يااعلى زمر كيداااير شفناك ضاربة طرييق ركبي ختك راه عياات ...تانا كنوصل ختي اقبال:لمدرسة اقبال:لااا كتقرا فلباك كبر مني اقبال(شدها الضحك)هههههه هيا لي خاصها توصلك ماشي نتاا **وشنووو نخليهاا يتبسلو عليهاا نفرشخ مو شي مبعصص اقبال(ضحكااات)ههههه سير سير ونتا فيك ميترو تفرشخو ههههه **حكرتينييي هااه (هبط عينو فغيتة كضحك )بخووشة عييو طلعي درية راه عياات اقبال(شافت تعيات وطلعاتها وشدات لبيكالة من عندو *شنو سميتك البخووشة غيتة:ايييتا اقبال:سميتها غيتة *انا جاابر غيتة:كاابر جابر:كابر فدارنا ههههه ونتي اقبال:ههه اقبال جابر:مشرفييين ....شوفيي دي لبيكالة وحطيها عند.النجار لي حداا الميكانييك غير حطيها وسيريي صافي اقبال:واخة ...شكرا جابر:ماشي مشكييل اختي ركبات على لبيكالة وهوا قطع الشانطي شادة غيتة لطيح توصلات لمحال تاع نجارة لقاتو يالله كيحل حطات لبيكالة جنب لباب ومشاات لدار صبناات لخوايج وجفاات وطيبات ليهم لغداا وخرجات هياا وغيتة تاني فشمش جابت لبناات غداتهم دغياا او خرجاتهم مشاو فاتجاه لمحل لقاتو يالله تغدا ع.الكبير:مزيااان لي جيتي بكريي اقبال:مكنحملش نتعطل حياة وهبة شدو لاستييك او مشاو لضليلة مقابلن مع لمحال وحاضيين معاهم حتى غيتة كيتناقزو ويكلسوو واقبال عين معاهم وعين مع المعلم راسها خفيف لي قالها مكتعاودهااش مزال خفيفة ودغية كتجيب ليه لحاجة مكتعطلووش ع.الكبيير :الى تعلمتي دغيااا انبدا نخلصك صافي اقبال(بفرحة)صاافي واخة هيا فخدمتها توقف جاابر سمر وفتح ايديه ورجليه قاطع طريق غيتة لي باغة تفوتو وكضحك واقبال عينييها معاهم شوية ولات كتنقز وشداة فحجرهاا حياة:هههههه هاهيا باغة تبول هبة:ناري مك اقبااااال السفريطة غتبول فحوايجها تانيي غيتة:هننن هننن اقبال(بهمس)ديها ورا الطموبيييل جابر:نعيط.لختيي تديهاا لطوالييط(هز راسوو لدار لي فوقو وكيغوت) شاااادياااااا وشااادياااا طلات عليه بنت شااابة وقالت:شبااغي جابر:هبطي هبطي طلعيي هاد لبوالة لطواليط هههه لخرا هي شافت بنت صغيرة حزالو عينيها ونزلات كتجري هزهاا جابر واقبال ميلات راسها لحياة وناضت تبعاتو كي لعسكري دايرة ايدها فجياابهاا ولكيطمة مخرجة ليها الركبة وشعر زعر شااد الريزوو جابر(غوت)وااااااع باااالت علياااا شاديا(طرطقات بالضحك)ههههههههههه ويلييي على شوووهة ههههههه غيتة:هههههه درت بيبي مدها ليها كتقطر وباقة كطلق فيها من تحت الشورط جاية مع رجليهااا مخيب سيفتو وتيش رت ديالووو من جيهت كرشوو طبع بلمااا ديالهااا مدها لشاديا شدااتهااا حياة:ديمااا كديرها ليناااا هاد لبوالة خانزة سروومة شاديا:هههههه ويلي ويلييي عمراتك بوول جابر(طلع كينقز فدرووج محيد فتيشوور كيعااير وغيتة كتفركن برجليها فسماا عجباتها لهزة معلياها شاديا لفوق لتقيسهاا وحياة وراهاا تاعاها فينما مشاات ...دخلاتها لطوالييط كلساتهاا ف طواليط بلدية ومشات شادية لبيت كتقلب على شي حاجة صغيرة لقات شوورط وجات لبساتو ليها وخة جاها كبير شوية لمهيم تلبسو عاد هزااتهاا كضحك وغسلات ليها رجليهاا داتهم لكوزينة عطاتهم تفااح هيا وحيااة شادية :واو عينيك واعريين شنو سميتك حياة:عاارفة راسي زويينة ...تانتي زويينة سميتي حيااة شاديا:ههههه تقة فالنفس يختي فاش كتقراي حياة:لخامس ومضوبلة عاام ضحكات شادية ونزلو درووج ومشات جيهت هيبة لقاتها شرطات شريطة ورقماتهاا وشادة لحجرة فايدهاا مقابلة مع اقبال لي كيوريها لمعلم تزير لكروو وفجيهة لخراا كاان جاابر فلمحال ديال نجاار كيحك بلكاغيط لخرش واحد الطبلة بدات شادية كتلعب معاهم وخة عمرها 17 لعام كيعجبوها دراري صغاار حطات غيتة وبدات كتلعب معاهم فشريطة وتنقز وصلات الستة تلعشية وبدات كتستف ف اقبال فلمحاال وكتشطب وتجمع لماتريال سلووكة وكروات الخ.. عبد لكبيير:لعطلة جااية بداي تجي صباح ولعشيية اقبال:واخة المعلم كانت خارجة تعيط ليهاا ودار ايدو فلبلوزة ومد ليهاا عشرين درهم وقال:هاااكي هاديي اقبال:شكراا اعم اا لمعلم عبد لكبير:مزال نزيدك ان شاء الله يالله سيري لحال غيضلاام وخوتاتك عيااو شداتها بفرحة ومشاات هزات غيتة شادية:بقاي تجيبيها لياا لمكنتش قاارية عفااااك انا نقابلها ليييك ههه صباح مقارياش جيبيها نشدها لييك اقبال:غادي غير تصدعك شادية:ناري كنحماق على دراري صغار متصدعنييش هانتي غدا ملي تكوني غاديا بلبنات لمدرسة جيبيها لياا عفااااك اقبال؛وخة يالله البنات زيدووو هوما غادين وشادية لصقاات فيهم كتبووس فغيتة تجاتها ضربة لرااس وقال:رجعي لدااار فين غادية شادية:اححح حمارر ايدك كي لخبطات (غوتات)باباااا جابر(بغا ينزل من لبيكالة وهيا دفعو تطاحت عليه ولبنات ضحكووو وهيا هرباات كتجريي لداار اقبال:ههههه نتا غير ختك غلباتك وباغي تفرشخ لي يتبسل عليهااا جابر وقف كيسوس مرضااذ وقال:غفلاااتنيي ضربني ومتخلي لي يضربني ههه تمشااو وهوا رجع لدارهم مشاو لحانوت كتااخد لحليب ولخبز ولبيض توقف عليهم جارهم وقال:عطيهم بيموات على حساابي اقبال(زيرات على غيتة )لااا مبغيناش مسمعش ليها ودارهم مول لحانوت فميكة ومزاتهم زلعاتهم حداه وهزات تقديتها عطاتها لحياة وجراتهم كتزرب باش ميتلقاوش فدرووج طلعاتهم كتنهج وسدات باب درووج ومشات لبيت دخلات وطرقات بالساارووت .... هكا دازت الاياام اقبال مقسومة على تلاتاا الخدمة او خوتاتها والداار منها الام لي نسات رااسها وتبعات لفلوس وزهو مع لبنات ونسات راه عندخا عزبات فداار كطل عليهم نهار وتغبر يومااين تفكرهم مرة مرة بحويجاات قلال غير لقديم ودرهم لوحدة اما اقبال مكتشدش من عندهاا كتخلص لحانوت وتغبر تااني هاهيااا فهاد لعرس هاهياا فقصاارة هنااا وغادية هكاك خدات طلاقهااا وشطحات وردحات عليييه تسرح لجامهاا ومبقاا حاسبة حساب لحد ... دازت تلت شهور لعطلة وصلات رتاحت اقبال من سير واجي تاع لمدرسة لي فغالب الاحيان كتديهم فوق بيكالت جابر ولا كتمشي معاهم مجموعين فطريق وترجع هيا وجابر مراادفين هيا شادة لكيدون وهوا كيبيداليي وحاط ايدو على كتاافهاا ....ايااام النية والقلب مافيه تخلوييض ...اياام مكانتش الحسيفة والحسد ... وصلو قدام لمحل ديال لخدمة وكل واحد فيهم مشاا لمحال فين كااين جاابر لي كان فلعمر ديال 15 لسنة تخلى على قرايتوو ودخل لنجارة مع الاب ديالوو تعلم ليهاا وبانت لييه احسن من لقرااية كيعجبو يبدع فلخشب ...اقبال لي تفرضات عليها المسروولية وهيا كتعشق القرااية تحرمات منها او ولات ام واب قبل وقتهاا ...حلات لمحاال وبداات فخدمتها مكيجي عبد لكبير حتى كيلقاا الكراج مقااد ومخرجة لماتريال لبراا .... تسالا نهار وخرجات بعدما سداات لمحل توجهات لداار وفايدها مصرووفها فرحانة بييه فكل نهاية اسبووع كيدور معاها كل مرة وشحاال دازت لحانوت خدات دانون وبيمو لخوتاتهاا وطلعات لداار لقات لغالية لابسة كتوجد باش تخرج الغالية:تعطلتييي اقبال:عاد سالييت (طلعاتها وهبطاتهاا ومشات لطواليط غسلاات ايدها او وجها بالصاابون وحكات ايدها من لكحوليية حتى ولاو حمريين وحطات حوايجها فركااتهم ونشراتهم عاد دخلاات كتمسح فةجهاا ولبسات حوايجهاا وصدرها بدا كيباان شوية هبة:اقبال امتا غيعطيونا النتيجة اقبال:معرفتش مشيت قبيلة لمدرسة كالو لياا مزال تالخميس ونمشي نجيبهاا لييك الغالية:اقبال غدا غنسافر عندي عرس سبعياام مغنجيش ردي لخوتك لباال غيتة:ديني شطح معااك الغالية:هههه وايخلي ليا لي باغة تعاون ماماهاا ههه اقبال(ضربات حياة لراسها)نتي مكتسوليش على النتيجة خياة(هزات كتافهاا) بعدي منيي مبغاش نقرااا اناا تعشااو وهدرة اقبال ملي كتكون الغالية تقيييلة وقليلة وصلات طناش تاع الليل كلشي نااعس تسمع نقيير فلباب تاع لبيت حلات اقبةل عينيها فضلام سمعاات الغالية وقفات كتسلت على لبنات تحلات لباب بشوية وقالت بهمس :صبر هاني هاابطة *تعطلتي من صوتو عرفاتوو الجار لي ديما ملقي ليهوم اش بيناتهم علاش كيدق عليهاا الغالية:هاني جاية يالله نعسووو سدات اقبال عينيها ملي سمعاتها دازت من حداها كتحل فلماريوو وسداتوو ورجعات كتمشى مضوية بالتيليفون تخرجات وردات لباب باش ميديرش لحس حلات اقبال عينييها وتقلبات جيهت لباب لقاتها خرجات ناضت كطل من شقة ولگمىة مضوية على سطح بانت ليهاا الغالية غير بحوايج نعااس كتسلت مع الجار وكضحك خرجات اقبال تابعاهم فالضلمة وكطل من درووج تدخلات لغالية ادارو وطرقو لباب.... *الام* الام هيااا ساس الاسرة ....هيا وتادهااا...وهيا الركبة لي كنسندوهاا ملي كديق بينااا...الام هيا الحاجة لي مكنبغييوش هدرة ناس تنعت فيهاا...ديما الام كتكون عندنا شيحاجة مقدسة تعيا تجرح تعيا تخاصم تعياا تغوت كتبقاا فقلوبنااا ...لهلا يحرم شي واحد من موو ..... اقباال تصدماات ودموع تحجروو وتكبدو فعنيها مبقاوش بغاو ينزلوو واش هادي هياا الام هادي هيا لي غتجمع ولادها الى تشتتو انسانة مستهترة ببناتهاا شطحاات وقالت هانية ولكن لفسد ولحراام يعني هدرت بنادم عليهاا كاينة ياك كانو كيقولوو خارجة طريق عاجبها زينهااا ياك هادشي علاش مكانت توحدة فلحومة كتحملهاا ولا كيتصارفو معاها كانو ديما رادين منها لبال وهايفين على رجالهم حيت كيشكروو زينها وفصالتهاا فداك لوقت كانت لمرا الى مكانت غليضة ومعالمهاا باينين ما مرا ماستة حمص .... جمعات اقبال دموعهااا ودارت بزربة بغات ترجع تلقات قبالتهاا حيااة كترمش فاقباال لابسة غير ديباردو وسليب حيت الصهد حفيانة وشعرهاا مع زغبة خفيفة دغيا كينووض شافت فيها اقبال وجراتها من ايدهاا دخلاتها لبييت بلا حتى كلمة نعسااتها فبلاصتها حداها ونعساات وعطاتها بضهر كتبكي وتنخصص ....على مستقبلها لوردي لي ضااع وضلم على الام لي تجمعهم كتفرتك فيهم على انصاف لي تمحات من مخيلت الغالية كانها عمرها توجعات عليها تالين غيبقااو هكا فيين الاب لي يحميهووم ....كينزلوو دموع حارقة من عيون اقباال ....نعاس حلف ميجيهااا ولا تكحل بيه عينيهاا تسمعات لباب تحل وغمضات عينيهاا الضو بدا كيطلع دخلاات الغالية كتسلت وسدات لباب ودخلات لبلاصتها من طرف حدا غيتة بقات اقبال حالة عيينيها ولخراا نعساات .... صبح لحاال فاقت اقباال ولبنات صايبات ليههم لفطور فسكات تام وكلسو على كراسة ديال ميكة مشبكين فلوان كتكب ليهم اتااي ويغمسو لخبز سخون وكارم فالزيت وكيفطروو وغيتة دارت ليها اتااي ولخبز فلكاس وكتاكل بلمعلقة وتعمر حوايجهاا كل مرة تهز اقبال عينيهاا ف الغالية لي مزال جابدة عليها غير بدوني وبيرميدة لتحت وصدرها مدفك وسنسلة تدهب جديدة فعنقهاا دورات عينيها وبانت ليها حيااة كتشوفيهاا هبة(بهمس)مالكم حياة:بغيت باباا هبة:وفينهوا باباا ااقبال:فطرو باش تمشيو معاياا غيتة:مشيي كاابر ههه هبطو عينيهم ساكتين كيفطروو لبسات اقبال حوايج لخدمة ولبسات ختهاا تفاقت لغالية وقالت؛اقبال هزي معاك الساارووت راه لحضاشش غنمشي ...خليت ليك واحد الف ريال سيري لسويقة جيبي خضيرة او جيبي شوية دجاج لحانوت راه خلصتوو مهزاتهااش خلاتها محطوطة وهزات سوارت وخرجوو وسدو لباب ونازلين فدرووج كيتلقاو بييه كيطلع ويهبط ف اقباال حياة:شوووف قدااامك نغزاتها اقبال باش تسكت وهرجو من الدار مشاو لمحال خلاتهم كيلعبوو او غيتاا كتعيييط على جابرر حيت كيركبها على لبيكالة ويضرب بيهم ضورة كامليين هازة رااسها لفووق وكتعيط غيتة:ساااادياا ....كاااابر طلات شادية براسها مبوقة بنعااس كضحك شيرات ليها اقباال وبدلاتها الاخيرة السلام وطلات على غيتا كتهدر معاهاا وقالت:صبري يهبط جابر وطلعو عندي البنات فطرو معايااا ...اقبال فطرتييي اقبال:فطرت اختي شكراا هبط جابر هاز سوارت بغا يحل تشافتو وجاية كتجريي عندو وكتجر فيه جيهت لبيكالة متهنااات تركبهاا وجاب بيها دويرة كضحك معنقاه او وااقفة كيضرب فيها لبرد رجعهاا عاد برداات وطلعو عند شادياا كيتفرجو معاها وعاطياهم لخاطر هيا والام ديالها سيدة بشوشة فوجهاا ومزال صغيرة ... اما اقباال كانت مهموومة مولفة كضحك ملي كيسيفط عليهاا جابر شيي طرف تاع لعوود باش يجي فيهاا هاد لمرة نخلاتوو وخة كيطيحوو طروفة حدا رجليهاا .... داز نهار طوييل مامشاوش لدار حيت تغداو لبنات مع شادية لي هبطات طبسيل تاع كسكوو ل اقبال وجا هجم عليها جابر تغدا معاها بحكم عبد الكبير مشا يصلي فجامع جابر:لواليدو كتصرع كسكسوو اقبال:الله اخليها لييك جابر:مالك كيبسل عليك شي حد اقبال:لااا والوو جابر:لتبسل عليك شي حد جي عنديي ورجعي اللور راك بحال شاادية تبسمات ليه وكملات غداها وصورة الغالية مبغاتش تحيد من بالهاا ... نهار تسالا وجا بلاصتو الليل وسكوون وسط نعاسهم ناضت اقبال لطواليط ورجعات كتغطي فلبنات بانت ليها غيتة وجها حمر مشات قاستها لقاتهااا طرف من لعافية وعرقانة فيقاتها شرباتها لماا وبدات كتبكيي سخفاانة تفاقو لبنات معرفات مدير ليهاا دوزات عليها لما باارد او واالو ...وقفات مشات لصندوقة ديالهاا كتشوف شحال عندها تاع لفلووس كان الصرف وبعض الاوراق من فئة 20 درهم جمعاتهمم دارتهم فجيبها وقفات:حياة انمشي لصيدليية (شعلات التلفازة)بقاو فايقين معاها تنجيي صافيي حياة:واخة سدات لباب عليهم وكرقاتو باش ميحلوو لحد ونزلات كانت تسعود ديال الليل ومع الصيف مزال سهرانين ...مشات لاقرب صيدلية فلحي لقاتها ساادة وهيا كتجري سسمعات سميتهاا وضارت كان جابر مع صحابو خلاهم وجا عندهاا فسرات ليه اش كاين ومشا معاها كيقليو على شي صيدلية حاالة تلقاوها بعيدة شوية وفالشارع جابر:مزيان لي لقيناها حاالة معامن خليتيها اقبال:حيااة جابر:او ماماك اقبال:مكاينااش جابر:فين مشات مجاوباتووش حدها زربات فلمشية وخلاها على خاطرهاا وبقا مراقبها تدخلات ورجع لدارهم تهوا حيت مشا لحال ... دخلات لبيت عطاتها لخنيشة تاع السخانة وشرباتها ليها ونعسااتهاا عاد بدات كتبرد بقات هكاك كل مرة تنووض اقلبها تصبح لحاال ليوم لحد كتخدم غير نص نهار خلاتهم ناعسيين وطيبات ليهم لفطوور وسدات لبووطة مزياان وطرفاتها عاد خرجاات وعطات السسارووت لحياة .... وهيا نازلة تلقاات بييه يالله بغات تفوتو شدهاا من دراعهااا وجرهاا جيهتوو وقال:متخاافيش مغندير ليك والوو اقبال:بعد منييي غادي نغوت *ممكاين لي يسمعك غير بوحدنااا لي ساكنين هنا نسيتيي ....غير اجي دخلي متخافيش اجي فطريي معااياا غواتاات وسد ليهاا فمهاا كتركل ودخلهاا لداار تاتحل شعرها طوييل لي كانت جامعاه شفنجة لفووق مسرح على طولتوو سد لباب برجلييه .... مكبووت ما فييه رحمة ولا شفقة طامع فبنت تكون قد بدصغيرة فبناتووو !! حاول ما امكن يبوسهاا وشدها من شعرهاا وقال:لاش كتبكيي غيعجبك بحال ماماك سكتييي وندور معااك نعطيك باش تشري حليواات او حويجاات هاا حط ايدو على حنكها محاول تهدئتهاا وهيا كتنهج بغات تسخف فلبكاا بعدات زجها عليه وزيرر على شعرهاا تاني تغوتات دخلها لبيييت ولات كتبان ليها نهاايتهاا قريبة مزيرها وهيا كتغوت وهوا كيقلب على الصدفة تاع سروالها مع كطرطا وكيهضر وكيقول:جوج دقايق صااافي ....وصاافيي متخافيييش تنصلات من ايدو بلكشاايف وتعكلات تطاحت على فمهاا بغات تنوض وجرها من رجلههاا تحنا عليهاا وهزات رجليها بحركة لا اراادية وعطاتو لبييين رجلوو تامشا منو اللون ودفعاتو كيتوجع هزااات فيووز وخبطاتوو بييه لرااسو وهربات كتحل فلباب خرجات بجرا شعرها مطلووق كتجريي فكريق بحال شي هبييلة ودموع كيجرييو فعينيهااا قربات لزنقة فسن خدامة محساات تخرجات فشي حد بلبيكالة وطاحوو بجوج حلات اقبال عينيهاا من لخلعة غيبات لقات جابر فوق رااسهاا ملقا ميكب عليها وكب عليها لحليب باارد عاد جايبو من لحانوت هوا ولخبز فاقت كتبكيي هز كمامتو كيمسح ليها فوجهاا وهيا كترعد نوضها كيسوسليهاا فشعرهاا وهوا محروود فركبتو من الطيحةة لي طاح لضس جابر:ماالك واش تابعك شي حد اقبال:هءهءهءهء جابر:اقبااال دوويي مالك اختيي واش تابعك شي حد غير وريه لييا ولا علييك مد الصاشية ليها تاع لحليب وقال:شربي شوويةة باارد شرييي اقبال:مبغييتش هءههء ناريي خليت خوتاتييي تمااا نااارييي عندك يطلع لييهم جابر؛وتيي شكوون اقبال:هءهءهء واحد لحماار هءهء جرني معااه لدااار او هءهء وبغا يتعدا عليااا وهربت ليييه س ساكن تحتنااا هءهءهء جابر (جرها من ايدها)اجي وريييه لياا جراتوو خايفة:لا لا لا عفاااك هءهءهء ايشدني جابر:وغير وريه ليااا متخاافيش حرها من ايدها وقف لبيكاالة فلقنت وهز لخبز ولحليب لي طاحوو داخم لدار ورجع معاهاا يالله بغا يضربو الضورة هربات وقالت:رااااه ناازل كيقلب علياا هءههءه جابر لي جراتو من تريككو من اللور ترجع اللور وبقا كيشووف فييه وقال:صاافي راه مشااا صافي يالله كلعي جيبي خوتاتك يالله بقات شادة ليه فتريكوو قلبها كيضرب طلعو فدرووج كتجري وهوا مورااها تكلعات لسطح وبدات كدق على حياة وناضت حلات ليهاا وقالت:يكما دق شي حد حياة:لاااا شكون غيدق اقبال(كترعد)فطرتوو حياة:مزااال اقبال:فطروو ويالله معايااا دغيااا متبقاوش بوحدكم بقاا جابر كياعب مع غيتة فسطح تفطروو او سدات لباب وخرجو كامليين كلسوو حداهاا حلات لمحل والرعدة شداها كل مرة تخلع من جناابهاا كانت على وشك تغتااصب غير لفكرة كتجيب ترعيدة ....بعد ضهر مشا معاهاا جابر تسدات لباب بالسارووت عاد نزل ادراجو وتلاقاا مع كليكتوو لي فيها دراري قدوو وكبر منو ولاد لحوومة وصحااب ...بقاو مجمعين تضلام لحال وعاسيين عليييه من بعد معاود لسهم لواقعة هازين لعصيي وملتميين وجهم وكيضحكو في حين جابر عينيه غير مع طريق وهاز خشبة قدااش كيضربها مع قنت لحيط تاا بان ليه خياال جااي فالزنقة من ضو جابر:شي واحد جاااي سكتوو شوي (بقا مقابل معااه تشافو جاي كيتلاوح سكران )دراااري هوااا هوااا وجدو لعصييي ديالهم ناوين على خزيت هوما ستاا بييهم وقف جابرر او واحد من صحابوو مشاو لييه غفلووه وشدو صاحب جابر من عنقو بلقرطة مبهووض *شكووووون نتوماا جابر:حنااا خلا دار بووك الليلة (هز لعصااا وعطااه لكرشو تخواو رجليه وطااح وتجمعو عليه دراري بلعصااا وركييل )باقي تقرب لبناات صغاار اولد لكلببة هااا بينا ولا بييك تاتخويي سيكتور اولد الق** ضرب مووو تاطير خنونتووو وفعلا عطاااوه تمقدوو وتسوخر اللور كيصور بتيليفونوو واخة ضلام كيتسمع صوتو كيطلب ويزااوك تاتقطع حسوو وشعلو ضواو فدار لي لفووق وهربو دراري بلهرااوة خلاوه منشوور كل رجل من قنت مكيتحركش خلاوه عصاا تاعييااو ... اما اقباال لخلعة قتلاتها تاطواليط مقدراتش تخرج ليها بليل خاافت يكون مخزون ليها فشي قنت ناضت هزات مووس كبيير كترعد حلات لباب مزيرة وجنبات لباب وخرجاات مخشية فلحيط لبولة بغات تهبط مع رجليهاا تدخلات لطواليط قدات حاجتهاا وخرجات بجري لبييت وسدات قلبها كيضرب طرقاتو ومشات تنعس وكل مرة تقفز على تقرقيييب ... صباح لحد مفاقت غير على دقان خفيف فلباب ناضت قااقزة كتسمع فصووت وكتقرب لباب اقبال:جاابر جابر:اقباال حليي هدا اناا مخفتييش اقبال دورات السااقطة وحلاات لقاتو واقف وردات لباب وراها وخرجات عندوو وقال:متخاافيش هلكنا مو عصا لباارح هههههه الى بقا فسه شي عضم صحيح يشكر الله هاكي هاكي تفرجيي ههه وراها لفيديو فالتيليفوون مكاين هي لغوات وطليب وصوت لعصاا وركييل ضحكات وقالت:نااري عندك يمووت يكما شافكم جابر:لا مشافنااش ايكون دابا شاد النوبة يغرز رااسو هههه ويبرا شوية تاني ونغرزو لمووو جيهة لخراا تيمشي فحالووو اقبال:هههه شكراا خرجات طريفة !! 🎀مااشي ديماا زهر حاضر ...حضيو ولادكم 🎀 جابر:يالله بسلامة نمشي با ومي مساافريين نمشي نتسيفط معااهم اقبال؛وحة صافي رتاحت نسبيااا وهبطاات لحانوت تشري النعناع ولخبز تكيسولها مول لحانوت وقال: حضي راسك ابنتييي لبارح راه جاركن تعرضوو لييه شي شفاارة هلكووه عصااا لقيناه صباح عند لفجر مليووح فلرض وجهو كلو دماياات اقبال:مامااتش ***وعلااين يمووت غير المحسنين هزوه لسبيطاار لقاوه مهرس من رجلوو وخمسة لغرزات فرااسوو وعينوو تنفخاات جا ربي من جيهتووو ....ردي بالك هدشي ولا كيخلع ابنتيي اقبال:صافي شكراا ضارت وابتسااامة فرحة تسللات لوجها برااحة وطلعات لسطح دارت ليهم لفطور وخرجات طبلة لسطح فطرو تحت شميشة ولحوايج فنشار ديالهم ....دوشات ليهم وجفات لبييت ودوشات وكلسو لعشية كاملة مخرجو فييين كيلعبو غير ف سطح ب لاستيك او شريطة وغيتة كتنقز حداهم او اقبال شادة الرواية كتقرا فيهاا ..... يووم جديد لحال سخوون والصهد واقفة اقبال حدا الطموبييل ولبنات كالسين فلعتبة ديال لياب مع شاادية وجابر كالس مع لمتعلم ديال بااه حاضين لمحل واقفيين على شغل كل واحد داخل سووق رااسوو وماديها فشعلوو كان لجو هااادئ تاتسمع لغووات لاح عبد لكبير لكرو من ايدو وخرج كيجريي ورجع كيجري شااد راسوو اقبال:شكوون ماالهم ع.الكبير:مصيبة مصييبة هاديي نور الدين ومرتو دارو كسيدة فطريقق وماتوو بجوج اقباال:باباات جاابر ع . الكبير دااخ ولا كيمشي ويججيي وكيحيد فلبلووزة ويكدكر الله وقال:سدي سدي لمحاال. انمشي نشووف اش كااين ...خرجات لبراا لقات جابر غادي كيجريي ورجال كيشدو فيه وهوا كيغوت اما شاادية كتغوت فطرييق تهزوها لعيالات سخافاانة .... دنيا تقلباات هزاات اقباال غيتة ولبناات وسدات لمحاال كترعد وبقات واقفة ودنيا عمراات بالنااس ولغواات وبداتو الطموبيلات ميوقفوو شافت اقبال تعيات ودات خوتاتها لداار سدات عليهم ورجعاات كتشوف من بعييد شنوو دير معارفااش بغات توااسي شاادية ولكن دنياا عامرة بلبشاار لخبار طاحت كالصاعقة بعد الهدووء كلشي تيغوت كلشي مصدووم بان ليها جابر شبه ميت تخطا بناادم ومشاا تبعااتو باش غير تقوليه الله ارحمهم تشاافتو دخل لواحد الزنقةة وكلس كيبكي وصوتو باااح وكيهزز فرجليه اقبال:ج جاابر الله ارحمهم اخوياا مجاوبهااش كتاافاا يبكيي بخاطروو وراحتووو كلسات حداه فلعتبة كتبكي معااه حيت تهيا فثدات حضن واليديها وخة مزالهم فلحيااة بقا كيبكي تابرد وهز وجهو عينيه االكحليين توسطهم الاحمر وجهو حمر وشعر طايح على جبهتوو هز عينيه فايقبال شافها كتنخصص معاه وقال:كون بقا ليا غير واحد فيهم اقبال:الله ارحمهم بقاا ليك شااديا حرك راسو باه كيمص شفايفوو وكيمسح نيفوو بايدوو اقبال:انا بجوجهم عايشيين وماتو عنديي نتا بعدا خلاو بلاصتهم زويينة انا حاسباهم ميتين وخة مزال حيين جابر: ياك باك مييت!! اقبال:لااا هرب ومشا تزوج فمدينة خراا وماما طلقات منو او ولات شييخة وسمحاات فختيي صغيرة وعطاتهاا لناس وخرجاتني من لمدرسة (نفاجرات بلبكاا) وكتغبر بشهورة بلاما تشوش عليناا واش واكلين واش شاربيسن واش حييين ولا مييتيين ...كون غير ماتو ونتفكرهم بحاجة زوينة ولا حييين وحنا كنتكرفصوو ....واليديك بغاهم الله ...الله ارحمهم جابر(حرك راسو بالايجاب وعينيه مدمعيين) امييين الله ارحمهم مامشا تعلمني الصنعة كان حااس سكتو لوهلة كل واحد فيهم علاش كيبكيي تسكتوو بجوج زبقاو كيشوفو فلفرااغ وقف جابر كيمسح فعينيه محطم واقبال وقفات تهياا ومشاو هوا دخل لدار وهياا كملات لعند خوتاتها كدمع توصلات كيسولوها علىيهم وهياا كنبكيي وتنخصص هيا لي حاسة بلمزود قبل خوتاتهاا هيا لي بدات فهاد لجحيم لي عايشين فيه كامليين ...نهار داااز وتبعوو خوه اقبال مبقاتش مشات لدار حيت وصاها عبد لكبير متجيش حتى تكمل تلتياام ... كانو فلبيت كيتفرجوو واقبال كتقراا حتى سمعو الدقاان وناضت اقبال قالت شكون وجاها صوتوو وحلات لقاتو جابر هاز فايدو طبسييل لمرقة او لخبز جابر:ليووم لعشاا خودي اقبال:شكراا جابر:شديي راه غيبردد اقبال:شاديا لباس عليهاا جابر:غتولف هدشي لي بغا الله ....باقي كيبان ليك هداا اقبال:لااا مبقيتش شفتوو جابر:صافيي ....طبسيل تاع لواليدة عندك تهرسيه اقبال:لا لا نغسلوو ومجيبوو جابر:صافي ...الله اعاون دخلات طبسيل تاع لحم ولبرقوق ولخبز حطاتوو وتعشااو عليييه غسلات طبسيل وخباتو تاتردو ليهم .... .... دازت يومااين ورجعات اقبال لخدمتهااا طلعاات لدار دياال جابر لقاتها مزال عامرة شوية بلمقربييين عزات شااديا وهبطاات لمحل حلاتوو باش تستمر الحيااة ... كانت قدام طموبييل متكية عليهاا وعبد لكبير كيوريهااا تطاح ليه كرو تحت الطموبييل وقال:هبطيي جيبي لياا لكرو تحت الطموبيل كلسات على ضهرها فوق طاابيي بروايط هاابطة وتخشات تحت الطموبيل..... الحيااة لي كنرااقصووهاا بااش ناخدوو مبتغااناا ....الحياة لي ماشي ديما كتكون منصفة. وزويينة لعند كلشي ...ديما كاين فرق مرة هابطة مرة طالعة بحال سهم لبوورصة نتا وزهرك ونهارك كي غيطلع ...الحيااة تجاارب ...تحارب ورقص مع الحيااة ... بحال شي خيووط متدلية وخاصك تعرف كيفاش تلعب معاهم باش تعرف كيفاش تسااير كل حدت كل حاجة وقعات لييك .... **الرقص مع الحياة هوا انسب حل للعيش *** ف ارقص كما تشاء * بان عيبك اياا با ...يالي خليتيناا يتامى ** فهاد الدنيا الكافرة...بكينا ونشفو دموعناا شكون يلومك اياا باا يالي فارقتي ماا **كبرنا وكبرو همومناا ** #نوار الايااام ولياالي وشهور كدوووز اعواام فيها صيف وشتااا فيها بكاا وفرحة الحياة كتستمر كيف مقدرها ليك خالق الكون..... *2018* #مكناس تحت سياارة من نوع الفااخر جا صوت شاابة فاواخر العشريناات 28 عام كيبانوو رجليها فقط ب جينز اسود وسبااط كاط طالع فوق السروال كحل ...دفعات راسهاا باش تخرج ...باش تخرج شاابة واخدة حقها من زيين ملامحهاا رقاق شفايف صغار معامريينش وحجبان رقاق شهبيين وعينين عسليياات ونيف منقاد وطويل شوية بشرة صافية بيضاء مع بعض لخالات لمفرقين على وجهاا وشعرهاا لبني اقبال(بعصصبية )وااا مهدييي بان متعلم ف 17 من عمروو كيجري من لمحل فمو عامر فلمااكلة وقال:والله تنسييتك راه قهرني جووع اشمن نمرة بغيتي اقبال(ساطت)عطيني 30 مدو ليها ورجعاات دخلات تقدات شغلها وخرجات بانت ليها سبرديلة بيضة هزات عينيها وبان ليهاا شااب محني على الطموبيل طولوو متوسط ماطويل ماقصيير ملابس انييقة سروال دجين وقميجة كري ساعة فلايد وسنسلة تنقرا فعنقوو مكرط اللحية وخة هكاك تيبان زوين وعاطي لعيين اقبال: عندك مشكيل غير فالزييت بدلتو لييك **:او لمشكيل دير ديمارور اقبال وقفات وحيدات ليكات سوداء بلاستيكية باش تفاداا زيت حيداتهم وبانو ايديها نقاهاا مع بعض طاشات كحليين جبدات طوغشوون من جيب اللوراني تاع السروال نقي مسحات ايدهاا وقالت بهدووء وهيا كتسد فلكابو تاع الطموبيل:غير من لبااتري ...خاصو يتبدل **صافيي منهنا يوماين نجي نبدلوو فصباح مبقاتش كتبغي تنوو اقبال:هلكتيهاا اش كتسناا منها ضحك تبانو حفيرات الزين فحناكوو وقال :تانتي رااك هلكتي مولاهاا اقبال:امييين.....جر خرشاشتك وسيرر صباح هداا امين(ضحك وشد لكونطاك من عندهاا )وخة ابيلوو مقبوولة منك ...ركب فطموبيلتوو وهياا دخلات لمحاال لي كانت سميتو ميكانيك بيلوو محال نقيي وكبير شوي فيه جوج بيباان كانت واحد جيهة فيها لبيااس ديال الطموبييلات والزييت لخاص بييهم مزلج بزليييج قهوي ضروري كل نهار يتمسح فجنب كان بيرو صغير فوقو مجموعة تاع لفاكتوراات ونوامر لكلياان وبيسيي فلكارطاابل محطوط فجنب للحاجة فقط وجنب لاخر كان مهديي كيدندن وكيمسح ويتلق سواارت ولكرواات لكباار كان الراديوو خداام نقصات ليه شوية ومشات كتقلب وسط كتاب عامر بنواامر او لحساباات اقبال (عينيها فلكتتااب )مهدي اجي سير ليا لعند محمد (حكات نيفهاا ) مهدي(وقتااش تغنيييي يا قلبييي الى مانيتي اليوووم (نقز شد ضهرو )اححح احح ححح باااش باش كضربيي (هز قرطة صغيرة باش عطاتو لضهر وشاافيهاا وقال)مسمعتكش اووه اقبال:باغي تغني !! عطا الله لبيراان هناا لخدمة ا الحيااني مهدي (مزال كيحك فضهرو شد من عندها لورقة )نتلفوو لوقت اقبال(هبطات عينيهاا فلكتاب)سير لنتلفك سيير .... خرج كيغني بلكومبيلزو تاع لخدمة حتى تلاقاا بشاب تلاتيني بشرتو سمرااء داكنة شوية او نقولو شكلاطي عينيه كحليين وشعرو محسنوو مع كان الصيف لحية مخسنة وعاد جاية واقفة تحط بااينة كحلة عينيه خرشيين وحجبانو غلاضوو زينوو عربيي بلدي ماعندو سوق لموضة ولا لهاد لجيل...عامر شوية طويل او عندو لكرش باينة شوية مناسبة طولوو لابس قميجة كاروو خفيفة وطاوي ليها لادين تالمرفق ايديه سمريين مزغبيين شاد فايدو جواا ولابس سروال دجين عريض شوي ملاصقش وسبادري مريحة فرجلوو مهدي:با دكاالي جابر:حبيبيي كليتي شي ضربة تاني مهدي(تغبن )والله تحاكرة علياا تاتعطيني غالعضم جابر ضربوو لكتفو وزاد وقال:يالله تقاااد راك عوج تمشاا جابر لمحاال اقبال ...اسم هلى مسمى كان عندها اقبال كبير منهار خرجات من عند عبد لكبير ودارت لمحال ديالهاا خدات كريديي وتسلفات وتكلفات تعمرااتوو ملي كانت عندها 22 عام وهيا كتخدم علييه تولى معرووف فاللول كاين لي مزعمش عليها بحمم بنت وايلي اش وصلها لميكانييك والطموبيلات ولكن شوية بشوية واحد يشكرها لواحد تولااا معرووفة فلمدينة ولي بغا خدمة نقية وبلا غش كيجي عندها هيا اللولة...اما عبد لكبير فلمحال باقي فبلاصتو خااوي كيضل يغرق لاقباال حيت دات ليه لكليان وفينماداز من حداها يلوح لمعاني مقابل مع جاابر لي حتى هوا كبر مشرووع ببااه وقاد لمحاال وجهزو بماكينات ديال لعوود وزوااق وديما حداه عاامر الخ ... جابر:بيلووو (تقدم عندها كالسة فلمكتب حيدات لكاسكيط على شعرها وحطات ستيلو ) اقبال:امضر ؟ جابر(جر كرسي قبالتها وحط جوا )صاافي غنمشي دابا نتكااتب معااه شديت فلوس لارض ديال لواليدة وغنعطيهم ليه وغنفك الشركة وها لمحال كل بسميتيي اقبال:واهنية علييك اللهم هكا ولا تبقاا معااه ...تيقوليك لوجه لمشرووك ميقيسو ماا جابر:داباا شدي حسبي معايا هاد الرزق واش لخساب هوا هدااك جبد جوا فيه تلاتا ترزمات تاع لفلووس شدات اقبال وحدة الزرقة على ختها وبدات كتحسب فيهم باحترافية بلا متلف وجابر كل مرة يعاود لحساب كيتلف حسباات وحطاتهم ليه وقال:هنا ربعة لملييون ونتا ديجا عطيتيه ستاا الله افرقكم بلا دنووب جابر (جمع لفلوس)امييين ....على دكر امييين (ضحك)جا عندك هاد صباح اقبال(هبطات راسهاا كتكتب وكترمش وهزات عينيها بهدووء وقاالت :جابر تكعد لعدوول ايسدووو تكعد جابر(بطنز)وغييي قلت زعمة غادي لعدول غادي نمشييو نتكاتبوو جميع اقبال(بتقالة ربعات ايدها فوق لكتاب كتشوفيه)جابر بغينا نسدوو نوض فحاالك ناض كيضحك وقبل ميمشي طير ليها سوارت الطموبيل ديالهاا وقال:نمشيي نخرجها تشوف الشمش ...تهاديك طموبيل راه غير خرشاشة نضربها ليك بغسلة ديال لفريع تبان عليها حالت الطموبيلات خلاها كتشوفييه مجاوباتووش وخرج هز طموبيلتها لمركونة فالشاريع بعيدة على لمحل طموبيل صغير بيكانتو قديمة فلكري فصالوون لحلاقة فارجااء لحي صوت السوشوار وسخونية خارجة منوو مكانش كبير بزااف يالله فييه تلاتا تلكرااساا قدام لمراياات او فوقطووي عاد بلاصة فين يغسلو شعر ولكاسك تاع شعر ضحك زلهضرة والضحك لعلك ترضا واقفة بنت مامشووقة لقاامة ماكويلة ما قصيرة شهبة وشعرهاا دهبيي جامعاه لفوق بقرااصة ولابسة طابلية كحلة ملصقة فيها لفيليلات فجيب سروال دجيين وصندالة تاع صبع مبينة رجليها بويض مصبغيين بلحمر عينيه لونهم اخضر فااتح شفايفها عامرين شوي ونيف صغير ومنكاد شادا السوشوار او ولمشطة وكدير لبروشيمك لبنت قدامها فلكرسي ... **عرفتييي يااا حياة نادية لي كانت ساكنة حدا سويقة حياة:ديك لقحيبة مالها؟؟ *ءضبرات ليك على واحد خانز فلووس ايمراتيي باتت مصبحت ...احح بشوي ازمر طيبتي ليا شعري حياة(بفقصة)ونتي اختي هدا شعر بعداا ...جات علي انا هي كرجييه **داباا مالك كتعايرييي(ميقاا)اش قديتي نتي لي شعرك كي لحرير 26 عام ومزااال مجاا هاد الراجل حياة:لفلوس انا لي غنديرهم مغايديرهمش ليا شي ولد لقح** فمو خاانز .. (سكتات السوشوار )شفتك بحال الى جيتي باش تفقصينيي لا؟؟ **اختي منفقصك متفقصيني حجارك يشدووك انا هي قلت وصاافيي ....الله اسهل عليك احبيبة تانتي بشي رااجل مرفح حياة(كتوشفيها من لمرااية)داباا تا دعوت لقحبات مجاابة ونتي تجانبتك محال موضية منهااا نوضي نوضيي الالة ريحتك عطاات وقفات مراضيااش كتحيد لمقابط من شعرها جيهة تصايبات وجيهة لاا وقالت:هدشي كلوو غنقوولو لفوزية معرفتش لاش مخدماك معاها كتجري عليا على لكليان حياة(تبسمات ليها كدير ليها باي بااي ولخرا خارجة مكشكشة طلعات لدار مولات لمحال كتشكا تدخلاات فوزية ب بيجامة وسوارت فايدها وقالت:حيااة الله اهدييك راه لكلياانات هربتيهم بديك قسوحية فمك اصااحبتي وااه حياة(كتنقي فلمشطة)فوزية نتي عارفااني كيدايرة مغتجيش خانزة تبدا تبعصص علياا بحال الا دات موول الشيي ويليي...ويلي اصاااحبة قهراتني بلبخ ونا لساني رااك عارفااك كيخرج غير زمر على زمر فوزية:الله اهديك حياة:دعي ربيي يطيرنيي من هاد لخراا لمخرنن لي تطلينا بييه فهاد لبلاد لمقودة عليهاا فوزية :نتي عينيك كبيييرة وغارك زييينك ويني فمك طلية كحلة هوا سبابك حياة(قلبات عينيهاا بملل وكلساات فوق لقوطووي شادة تيليفونها وشافت فوزية غادية خارجة وصااحت باش تسمعهاا وقالت:فوووزية واااا فووووزية وقولي لديك لخرية تخلص راه محالينهااش لكلاب الضاالة **وشفتيي اختيي هادي لي مخدمة عندك حياة (لداخل ضحكاات. ودارت رجل على رجل كتبقشش فتيليفونها ) فوزية:راكي عارفاها فمها باري منها ويني راه ايدها زويينة اش ندير نصبروو عليهاا تيهديها ربيي وصاافيي ا فاطمة مسحي فيا هاد لمرة انا لي غنزل نصايب لييك متدويهاش حيااة دوزاات بنات اخرين لي ضحك معاها تعطيه صواابوو لي وقرصهاا بكلمة تعطيه جوابوو ... قرات تالسيزياام بلكشاايف وبزز عليهاا من كرف اقباال اما كون جات عليها كون حبسات من لكاطريام لي ضوبلات فيها عاام وكلعات لسيزياام الناس كتقراا وهياا كتمااكي لبنات فلقيسم وتمشط ودير لمشيطاات ما مرة ماجوج سنات لتزاام على لسانها سلييط مع الاساتدة بقات هكاك تخرجاات ودخلاتهاا اقبال لحلاقة خلصاات عليهااا لفلوووس تششدات الديبلووم ديالهاا ومقانعاش بييه عينيها كبييرة ... وصلات طنااش حيدات الطابلية وبقات بتيشورت بيض لاصق على فورمتهاا لكرش دااخلة وصدر فلقيااس داتها نقية مفيها زغبة وحدة وضفار طوال مصبووغين مخرجات من لمحل تقدات شعرها طلقاتو قصير فايت كتافها بشوي مسرح بلبروشينك وزايدة ليه لي غووفلي بلون فاتح على شعرهاا ... بمشيتهاا كتخلي لغادي وجاي متبعهاا وهيا دافعة صدرهة وكتجر فصندالة وتعووح وريحتها سابقاهاا وصلات لحومتهم وحلات لباب بالسارووت ودخلاات طلعات فدرووج كدندن وكتسمع الصفارة كدوور وريحة لمرقة وقالت :لخراا لمرقة لمرقة كي لحبااسة نعل بوهاا عيشة كان لاموزيك بيض فدروج وفالدار كااملة محطوط شيفون فدرجة وحداه صنادل تاع الدار هزات بانطووفة منفووخة وفيها ودينات لبساتها فرجليهاا حاتها صغيرة وطلعات ما تبقى من درووج صوت الالفازة شااعلة طلات فالصالون لي مفرش بسدادر وطلامط فلكريي وزربية فلكري ولكحل وطبلة لوسط تاع لعود فوقها فااز ونااب كري طفات التلفاازة كتنكر وسط الدار كاانت نجمة كبيرة من لاموزيك فيها لون الاحمر ولزرق وضواية لفووق الدار صغير فيها صالون وجوج بيووت وكوزينة ودوش وطواليط دازت لبيت فيه تلاتا ديال سدادر وطبلة فلقنت فوقها لمانط ولفرااش وجنبها طبيلة مستفين لكتوبة مرتبيين وعاد ماريو فيه تلات بيباان وكوافووز فلقنت مدكس ماكيااج ومرااية حلات لماريوو جبدات ديبااردوو قصير وشورط ديالو حيداات ملابسها كاملة ولبسااتهم منها لحمهاا خلات صدرها كيلعب وقالت:الله على رااحة طبت طبت بهاد الصهد تفوو مشااات كتعوج مؤخرتها كتلعب بطلاقة تحت الشورط لقصيير وصدرها كدالك عاد حسات برااحة فهاد الصهد دخلات لكوزينة فيها ماكينة الصابوون فوقها فران تاع الضو وبوطاجي طويل فيه بووطة وشبكة تاع لمااعن ولبلاكارات لفوق فيهم ماعن ديال الزااج وتلاجة جنب لباب بجوج بيباان جبدات منها قرعة وقرقااتهاا تدخلاات الغالية كتعرج مدا منها زمان والوو بعض الشيبااات فشعرهاا لي قطعاتوو تالودن حيت كيطيح غلاضت ولكرش باانت لاوية بانضة على رجلهاا لي كانت تهرساات من ركبتها وبرات ليهاا عوجة من تما شدات لرض وتابت لمولاهاا من بعد صراعاات مكاتسالاش مع اقباال على خدمتهاا وخيراتهاا ياابين بناتهااا وتصرف عليهاا تاتمووت يا بيين لقصااير وزهوو ودير عمرها ولدات لبنات ملي دارت اقبال 18 لعام شخصيتها قوااات وصوتها ولا مسمووع دارت لي ميديروهش رجاال من ورا ست سنين فبست فوق سطح والقهرة والعدااب كرات هاد الدار بكراا رخيص لكرا ديال شحال هادي كان رخيص وكل عام كيزيد ليها فلكراا وهيا صاابرة ليه حيت قريبة لخدمتهاا الغالية:رجلي رجليي خاصني نرجع عند طبيب حياة(متسوقاتش) معندي منعطيك شوفي مع بيلوو الغالية(كلسات فوق لكرسي كتوحوح)بحالك بحالهااا خياة:دابا شنوو مطيبة لينا لبلول ةبطاطة مكاين كسكسوو مكاين لحم بلبرقوق الغالية:مبقات صحة لوقووف بغيتيه طيبيييه حياة:لغالية كتقول مبقات صحة لوقووف فين اياام جفنة والخفة (غمزاتهاا)احياانة عليييك الغالية مقراجك غتلقااي جران خارين فيه الغالية:كي شتي نتيي فرح ربيي حياة:من اين دااك الغصن من تلك الشجرة الغالية:نوض نصليي ضهر ادن خلاتها تمشات وتبعاتها بلهدرة وقالت كضحك :دعي معاناا بشي رااجل راه زكناا ناضت فيه لحريگة ههه كانت كالسة شابة ف 23 من العمر شعرها لمعتدل الطول جامعاه كوبب شوفال ونافقخة لافرونج لفوقق عاطياها فوليم زوين مائل للاشقر بشرة خمرية ضعيفة شوية دايرة نضارات شمسية ومايكاب متقوون مع عكر مااط بلغووز خلا شفايفها يبانو عامريين ...لابسة ششوميز بيضة بلا ايدين خاشياهاا فالسروال جينز ازرق سلييم وسباط موكاسان كتهزز رجليها بتدمر وتسووط وكتووف ءاعتها الجلدية رقيقة فايدها بالاسود ....هزات عينيهاا فباب لقهوة عاد بان ليهاا شخص جاي عاد رتاحت ملاامحهاا المكشرة ...كان شااب فلعشرينات كيلعب بلكونطاكت فايدوو او كبهضر فتيليفونو وكيضحك ...قرب لحداهاا وقطع محافض على تبسيمتو شااب بحال كاع الشباب هاد لجيل مهتميين بلياقتهم البدنية والاناقة والشياكة حروفوو شهبيين وشعرو بني حط تيليفون ديالو ولكونطاك وتحنا باسها من حنكخا وكلس **:باغدوون ما بيل تعطلت علييك !! هيبة: واش مشفتيش شحال فالسااعة !! عمران واش مخليني من لحضاش وانا منشورة هناا عمران(ساط)هيبة اه دويت معااك مكنتش مساالي سينوو هاني جيت فين كاين لمشكيل ماشي ديما كنتعطل علييك (هز ايدوو وعيط لسربااي )صاحبيي جوج كافي بحال ديماا هيبة(ربعات ايدهاا وحيدات نضاضرهل عيونها بلون بني فااتح وشفار طوال مطلعاهم بلماسكارا وكحل تابت بارز لون عينيها )فف عمران(شافيها)دابا مالك كتسووطي هيبة:عمران اناا مبقيتش قادرة على هاد الدوران فزنااقي والقهااوي حتى ليين ! عمران(هز حجباانو وشاف لجيهة لخرى كينقر على الطبلة تاتحطات قهوتهم جرهاا بهدووء تدوقهاا ورجعها لبلاصتها عاد شافيهاا )ايكووت ما فيي انا يالله رصيت رااسي فلخدمة شنوو غندير صبري شوية بينما كملت الداار ..راك شفتي كلششي على عينيك هيبة:انا مقلت والو اعمران شنو فيها لجيتي لداارناا انا عييت من هدرت اقباال كل مرة كتسولنيي ....تلت سنين وحنا مع بعضيااتناا او موا هي نتخطبوو مطلبت والوو عمران:صبرتي علياا شوية زيدي صبري تانهدر مع لواليدة ويكوون خير ....(جغم من قهوتو مبدل المووضع)ديت موا شنو درتي فلخدمة هيبة(تنهدات)واالو عييت نقلب يالله دوزت تخوتيان ومزال معيطووش واقبال هدرات ليا مع واحد السيدة عندهاا بوتيك ديال لحوايج باش نقابل ليها لاكيس ولي فاكتير عمران؛مزياان؟....اصلا ملي غنتزوجوو مغتخدميش ديريها فبالك هبة(ميقات)مممم عمران:وشنوو!! قادر نعيشك احسن عيشة احبيبة دياليي هي صبري علياا شوية نسالي الدار ونهدر مع لواليدة ...ندير ليك شي عرس تهضر عليه مكنااس كااملة هيبة:اوى حنا غنشووفووو عمران(شاف فتيليفونو)يالله نوصلك لداار هيبة:مغنتغدااوش مجموعين لييوماا!! عمران:نووو بب عندي لخدمة مزيرة خاصني نرجع داباا خطفت هي ساعة باش نشووفك لويكاند ندوزوه اونصومبل داكوغ ! هيبة(هزات صاكها ونضاضرهاا وقالت:واخة خلص وتمشاو حاط ايدو على خصرهاا قريبة ليه برك على لكونطاك وتحلات طموبيل باق w فلكحل من نوع كاط كاط طلعات ودارت السمطةوركب حداها ديماراا دغياا موقفها تالقدام حومتهاا عمران:متسافريش معايا فلويكاند ل فاس !! هيبة:حماقيتي !! مغتخلينيش اقباال ...واصلا منساافرش معاك ومابيناتنا والووو عمران:هههه كضحكي عليااا !! عاد عرفتيني لباارح ....هيبة راه سنين باش كنعرفك وتعرفيني هيبة:عمراان هادشي ديجا هضرناا فييه راه حنا غير مصااحبييين مامخطوبين ما مزوجيين مطلبت منك والوو ...تجي تطلب ايدي عمران:فففف واخة غنرد عليك من بعد سيري دابااا هيبة:بسلامة عمران(جرها من ايدهااا)اجيي هاكااا؟ حرفيية هيبة :حنا فلحووومة اعمرااان تتت (باستوو بوسة خفيفة جنب فموو وخرجات مخلياه متبع ليها لعيين تدخلات لحومتهم كتزرب عاد تحرك .... دخلات هيبة لدار وحطات سباط فدرووج كدير نضاضرها فلبوااطة ديالهم وحطاتهم فالصااك... هيبة 23 سنة خدات لبااك ودارت لكونطااا شددات الديبلووم وبدات رحلتها فالشومااج والبطاالة كل مرة فين كيقبلوها تسطاجي والخدمة والوو ... دخلات لصاالة لاحت الصاك وتلاحت على سدااري كتحل فلقاميجة تدخلات لغالية كترج برجلهاا الغالية:امضرا لقيتي شيي هيبة (بتهكم)والو الغالية:اش درتي دابا بلقرااية هانتيي كلستتي اللرض دخلات حيااة كتجر فلبانطووفة وترمات قبالتهاا دارت رجل على رجل وقالت:محد ديل مك مع داك ولد بابا وماما حق رب مطفريه هيبة:(قلبات عينيها)كي شفتي نتي مطفرااه اش ستافدتي نتي حياة(حطات صبعها لوسطاني على دماغهاا وقالت)رااحتي اختيي مايصدعني شي قوااد الغالية:واش نتي داك لفم مغتصلحيش هيبة ا؛عند بالها مطفراه بديك ميترو نص ديال الصنطيحة حياة:(تسرحات فوق سداري)نوضي نوضي حطي ليناا نحجرو بغيت نرجع لخدمتيي خلاص حياة:فين البرهووشة سمعو لباب تحل وتسد وطالعة كدردك تسمعو لغوات :شكون لبس لياااا زمر ديااالييي واااع حياة(بلغوات)غنجي نخشيها لمك فلعين الكلبة باانت مرااهقة اجملهن جمالا شعرهااا طويييل مضفوور لجنب واصل لخصرها ولكن لرجع لضهرها ايضرب تالمخرتها رطب وقوي كحل بشرتها لمخلطة مابين خمرية وسمرااء عينين كباار عسليين ومشفرات وفم عاامر متوسط ماكبير مصغير عندها خالة تحت نيغها .. ضعيفة شوي وصدرهاا ماشي مع سنها لي مزاال مفاتش 18 لسنة لابسة تيشورت صيفيي طويل فيه فتحات من جناب وكلوون اسود تحتو لاصق وسبادري كحلة هيبة:عشنا وشفنا لبوالة ولاات تغوت على بانطوفة غيتة حطاات للصاك ودخلات كلساات كتهز فشعرها لفووق غيتة:ماما فيا جوووع حطي لينا نااكلوو ها اقبال خليتها عند مول لحانوت تجيب لموناضة حيااة:كوكا ولا هواي غيتة(قلبات عينيها)بول لحماارة سيفطات عليها مخدة الاخيرة تخبات وراا هيبة كتغوت وحياة ناضت ليهاا يالله بغا ضربها سمعو لباب تسد وتحلفات عليها ومشات كلساات نااضت الغالية لكوزينة تدلخلات اقبال فايدها ساشية فيها لموناضة ولخبز حطات سباطها ودوزاتهم لكوزينة لقاات الغالية كتحط فالطبسيل وقال :سلاام ....كيبقات رجلك الغالية:رجعات كضرني تااني اقبال(غادية خارجة من لكوزينة وردة بهدووء)تنين رجعي عند طبيب شوفيهاا خرجات من لكوزينة مسخسة حيدات لكااسكيط من شعرها ودخلات لدووش غسلات ايدها او وجهاا بالصاابوون حيدات لباانضة طلقات شعرها ورجعات جمعاتو لفووق وخرجاات لقاتهم مضاربين فالصالوون حياة:مول خيمتي جيتي اقبال(كلسات حداهاا )حماضيتيي بجهد حياة(عنقاتها وبااستها فحنكها تلصق فيها لعكر وبعداات عليها كتمسح فحنكهاا)بيلووو تاعي اقبال(هزات عينيها ف هيبة)هداااك لاش باقي كيوصلك تالحداا الحومة ا هييبة !! هيبة:وصلها ليك مهدي سخووونة تاني اقبال:سمعيها مني واحد جوج كلمات اهيبة لا نتي لا هادي (حياة)بجوج بييكم غادين فواحد طرييق مغتعجبكمش حياة(كتلعب فشعرها)انا عاجباانيي ....هاد حياااة هي صبرو تجيني لفرصة نخوي هاد لبلااد لحديدة لمخيرة ا اقبال نجيبها ل حوباي اقبال(مسحات على وجهاا)الى درتيها غير نتيي داكشي لي بغيناا غيتة:وانااا ؟ شوفي انا جيبي ليا هي شي زعر وزرق لعينين وشهب شهب بحال موك صاايب لي داتو ديك لمسفرطة تاع روزة بغيت ربي يديهاا دغيا غرقاتو جوج ولاد بنت لحراام هيبة:واش نتيي تسطيتي ولا مالك نااااري يااا مي على هاد لببنت موك صايب معارفكش تعايشة دخلتي لحياتو وكتسبي فمراتو واش نتي شوية لبااس ديها فقراايتك اقبال:نوضي جيبي لكيساان غيتة(بادمر )وعيييت اقبال(خنزراات فيهاا)وااا تكعديي ناضت كتنفخ مشات لكوزينة تحط لغدا على الطبلة ودارو بييه شليضاات وطبسيل تاع لمرقة بدجاج والزيتون وبطاطة ولموناضة ... الحال بين اقبال والغالية بحال شي جوجات بيناتهم غير السكنة لا غير عمرهم كلسوو بنت ومها وجمعوو اقبال كتصرف عليهاا وتخلي ليها مصرووفها حيت كتبقا ولداتها لاا غير ششي حاجة خرا مكتجمعهمش باقي وحتى هدرتهم قليلة غير لضرورة فقط ... تغدااو ودخلات اقبال لبيت ترتااح تكات وبقاات كترمش فلحيط تدخلات حياة وردات لبيا جات وراها حيداات ليها لمخدة وحطات ليها راسها على رجليهاا...حيدات ليها لباانضة وكتحك ليها فشعرها وقالت:نصبغوو اقبال(غمضات عينيها وترخات على ايدين حياة) معاك بالله وشرع حياة:وهليني نقطع ليك غير لي بواانت كاع غيتشووط قتلتي الزغبة غير جاامعااه تحت لكاسكيطة كاع غيطيح لييك ...ربي عاطيك الزين ونتي مخبيااه اقبال:مممم دخلات هيبة كتبدل حوايجها قدامهم بقات بدو بيااسس ولبسات كسيوة بيتية خفيفة وتلاحت فسداري متكية على جنبا كتشوفيهم وقالت:لبنااات نساافروو اقبال؛ مبقا والو لدخول لمدرسي حياة:اقبااال ...امتا غنزوجو نيفك راه كبر اقبال:نلقاو ليه عرووسة قدوو هيبة: كتنعسييه بووحدوو طهرتي ولا بااقي هههه حياة:حشومة تنعسي معانا الرااجل قدو قدااش ....الصراحة نيفك كيطل على مراكش اقبال(ضحكات بلا هواهاا مغمضة عينيها )اختي عاجبنيي نيفيي بصحتي حياة:نهار تزوجي كي غاديري تبوسي راجلك غير نيفك راه ميتروو ههه هيبة:هههههه نتي وجهك كان محبب كانت خاصاك خبوبة وتربحيي بوماضة كااضوو حياة(ميقات)ياك المرضية مربيتي داك الطرف تاشبعتي حلبة او سيرو تشهية اقبال:تازين ما خطاتو لولة حياة :الا لبرهوشة تاع حتكم كتقوول لنجوم هبطي انا نضوي بلااصتك غيتة (دخلات) جبدتووونيي سمعتكم ...بيلووو.دوري معاياا خارجة انا ولبنات فلعشية بغيت نشري شي سبرديلة عفاااك اقبال:ملي تكوني غادية دوزي عندي لمحال مهزااش معاياا هيبة:هاد لعام لبااااك اشريفة حياة:لي بغا يقرا لعام طوييل ساد صمت غيتة تقنتات فلقنت هازة تيليفونهاا وكتمزك لموك صاايب لي دايرة تصويرتو فليكرون ديال التيليفوون وحتى فالرنة ديالو وكطلع وتهبط فلفيديوات ديال الرقص وتدخل لانتستاغرام لي حاطة فيه لعرارم ديال تصااورهاا ولكونط قرب لمليون ابووني هيبة لي مكونيكطيية وشادة ستوون وكلام لحب والغراام مع عمراان حيااة لي شادة تيليفونهاا طالعة هابطة فصفحتها فلفيس تطلعات ليهاا ابيل مكتوبة فيهاا "لبغلي " وقطعات عليه وكملات تبقشيشهاا ... في حين اقباال كان عندهاا هم اخوور كتحس بشي حاجة ناقصاهاا فهاد لكسة شي خاجة مامخلياهاش تكون على رااحتها شكون من غيرهاا الاختت العنقوود الاخير ل خمس بناات انصااف ....فين غتكووون 16 لعاام اتكون عندهاا يعني وعاات وقرات واش عارفة بلي عندها خوتات ولاا كادبين عليها واش عارفة بليي قلب ختها لكبيرة محرووق عليها بحال شي طرف ناقص فحيااتهاا ...واش عارفة بلي يووم ختها ميمكنش يدوز بلا متفكر فيهاا ... طلعات اقبال تنهيدة من الاعمااق خلات حياة تهبط عينيها فيها وقالت: فكري فراسك شوية وعيشي حيااتك ابيلوو اقبال:(تبسمات باستهزاء)من ايمتاا عشت حياتي كي بغييت ...