الجزء 6 - الحب أقوى من أي إتفاق

 

ليتك لم تكن شيئا ليتني لم ألمحك أبدا ليت الأيام لم تعرفني بك نهائيا ~ لا هو عيط ولا صيفط مسااج مخليها مهمومة وكتشوى يومين وهي كتمشي لشركة باش تلاقا بيه ويشرح ليها مكتلقاهمش ،عيات تخلق ليه اعذار حتى متلات لقات ... مبقات تنعس كيف ناس ولا تاكل بحالهم ..راسها كيتبخ ويألف ويفصل ويخيط. كان باغى يتفلى عليا ويتخلوى بيا وملي رفضت ساسني ؟؟ كان كيضحك عليا وكيمثل قدام عينيا وملي مخداش شنو بغى لاحني... الحزن طغى على عينيهاا وبان فيهم ....تكون جالسة مع نادية حتى تسهى وتخليها بوحدها داوية ...مرة تنهد مرة تبكي وفكل مرة فيهم كتحس بقلبها كيضرهاا بزاف ونفس كطلع وتنزل صحة شهية هربات والخاطر عالم بيه غا الله والخايبة فهادشي كاملة مقاداش تعاود لحتى واحد وتقوليه شنو عندها ولا اش كيعگرها ...ناضت من فوق لمخدة لي شحال منعسات مرتاحة عليها ديريكت لحمام غسلت ورجعت لبست بلا خاطر دارت ايكخون وخرجاات جهد معندهاش ولگانة كثر بصوت شبه مسموع صبحات على مها وباها وجلسات تشوف في طبسيلها ويشوف فيها ومرة مرة تلوح دغمة ففمها وبزز تسرطها نزهة طبطبات على ظهرها ~. معجبكش هادشي ابنتي ، نوض نوجد ليك شي حاحة اخرا مريام تنهدات بصوت مسموووع وطلعات آآآآه معگورة من لداخل ~. هاا لا لا صافي شبعت انا غنمشي بسلامة عليكم.. مشات وخلات قلب مها مشوش على حالتها لي كتبكي ..ضنات بلي سبابها هو زواج لي فارض. عليها باها من عدنان داكشي علاش خلاتها تا خرجات وقررات تفضي معااه المشكيل حيت تقيسها فعينيها ومتقيسها فيها نزهة ~. كمال قبل متخرج لخدمتك بغيت ندوي معاك ؟؟ كمال كمل كاسو تاع اتاي ووقف ~. خدام خلي تا نزرجع في لعشية !! نزهة وقفات تاهيا مصممة ~. مكاينش لعشية دابا هي دابا كمال مخنزر~. من امتى كتعارضي هضرتي ؟ نزهة بحرقة ~. من ولات بنتي قدامي ذابلة ، ممحسوبة على ميتين ولا لحيين ، مبقات تدوي ولا تضحك كيف كانت واش هادي ماشي بنتك تانتا ، شنو مترضش ليها لبال كمال مشى قدام لمرايا كيقاد حوايجو ~. مالها اش غيكون عندها ، واكلة شاربة مكسية بطوموبيلتها بغات لفلوس نعطيهم ليها ، لعيشة لي تحلم بيها اي وحدة بحالها عايشاها اش بغات كثر ؟؟ نزهة ~. بغات تزوج لي كتبغي ويبغيها ماشي لي تبززو عليها ، راك باغي تدفن بنتك حية بيديك وهادشي لي مغنخليكش ديرو دار شاف فيها مخنز ~ اش عندك مديري ،"بتحذير " شوفي .. لكلمة عطيتها لسيد ونبينا عليه السلام نزهة بغات تشد ليه فيدو وتنثر منها ~. زواج لمعرفة والمصلحة ممنوش اكمال يهديك الله كمال غوت بانفعال غوجهها ~ وعلاااش نتي قبلتي بيه لمرة اللولة وتزوجتي بيا وعارفاني مكنبغيكش غير با وباك لي تافقو ؟؟ نزهة بأسى وعينين مدمعين ~. قبلت حيت كنت كنبغيك وكنقول شي نهار غتقرب مني وتبغيني ولكن كنت غالطة نهار على خوه كتبعد وتبرد من جهتي ..ندمتتت بزاااف لي قبلت بيك ...حيت ضيعت حياتي وانا كنتسناك من شراجم ترجع لدار كون كانت لمخدة كتدوي كانت تقوليك شحال بكيت عليك حتى مشى شبابي وشبت ونتا بقيتي على نفس الحال وما تبدلتي.. هي كتبكي من برا ومن لداخل وهو قلبو قصاح وولا حجر متاثرش شافيها ودوا قاصح ~. وعمرك تسنايني نبغيك حيت قلبي مات نهار تزوجتك ،ودابا فضينا من هاد سيرة لملاوطة وحيدييي من قدامي نمشي نشوف صوالحي ... دفعها وخرج لخدمتو لي خدات وقتو وكرس ليها حياتو نهار تخلى على حب حياتو وصلات لشركة لي ولات كتبان فعينيها خايبة ومضلمة ومافيها ميتشاف بلا بيه ، بزز كتضحك مع لي ضحك ليها ،ولي ميك كتكون طالبة عليها من برا كتبان هي هي مريام لبنت زوينة لي باغا تخدم وتتحدى .. ومن لداخل بقات فيها غا سمية وشي لاخور بدا يتلاشى وروحها طفات.. غدا لبلاصتها وعينيها عند بيروه بان ليها مطرق كيف هادي يومين ..جلسات كتجمع شعرها وهي توقف عليها زهور وفيديها ورقة زهور ~. زين لغزالة لفنون على سلامتك وسعداتك تهنيتي من لفياق بكري مريام هزات فيها عينيها بتساؤل ~. علاش شنو وقع ؟؟ زهور مدات ليها الورقة ~ تقدري تعتابري راسك من دابا ساليتي سطاج ، وهادي اتيسطاسيون من عند سي زيدان وراه كاتب ليك تما شي توصيات لي تخلي اي شركة تشدك بعينيها مغمضين ،تمات غادا وهي ترجع قالت ليها ~ وقبل مننسى قاليك الا ساليتي تصميم المشروع حطيه في مدرسة لي كنتي فيها بحالك بحال تلامذ باش يصحو وينقط ليك و... مخلاتهاش تكمل قطعات الورقة لي عطاتها قدامها وهزات صاكها غادا ايديها على فمها كتبكي عشرة دمعات من لعين وتشهق بصوت مسموع ....كلشي كان كيشوف فيها عطاتهم بظهرها ووقفات كتسنى باب لاساسنور يتحل ،ايدها كترعد وذاتها كتغزل غير تحل لباب دخلات بجرا تخبات من عينيهم وتخبطات مع شخص كان راكب فيه مريام بصوت متقطع ~. سم سمحليا عفاك وقف المصعد باغي يعاونها ~. مدموزيل واش نتي بخير ، شدها من ظهرها تنفسي تنفسي وقفاتو بيديها وكليكات على رمز الطابق الارضي باغا تخرج فاسرع وقت مريام كتمسح في دموع وكيزيد. يتكبو ~. انا مزيان عفاك خاصني نخرج من هنااا مد ليها قرعة لما تشرب ومرة مرة يسول فيها واش ازماتيك ولا عندها شي مشكل مكانت قادة تجاوبو ، صدرها كيطلع وينزل تنخقات بالمعقول ووجها عام بدموعها كتحرك غير راسها ليه ...غير تحل المصعد خرجات كتجري ركبات طوموبيلتها وتحركات من تم لأقرب بلاصة خاوية تبكي على خاطرها ~ دازت يومين على اخر لقاء بينها وبين مراد اما عماد قرا المساج وجوبها ب "غادي نرجعك ليا غادي نرجعك " خالاتو مساجو معلق وارشيفات نمرتو ،تنسات الامر بين القضايا وجري من هنا لهنا شريك زيدان كان جا وخصها توجد الوراق وتسالي ليه حيت علاقتها بيه مزيانة ، كترافقو گاع ايام لي كيجلسهم في المغرب يخرجو بزوج تعرض عليه وهو كذلك ..كانت غادية شادة الطريق كيف عادتها راجعة من المحكمة طالع ليها دم حيث خسرت قضية ، رابطة غوبشتها ومعصبة باغة طرطق غير بوحدها ..هذا حالها فاش كتخسر شي قضية كتبغي تموت من القهر ..صونا ليها تلفون بلما تشوف نادية ~الووو .....صوت مغريبش عليها وغير نطق عرفاتو من داريجتو لمعكلة.... جيمس ~. نادياااااا لاباس عليك توحشتك !! نادية لكيت فوذنيها وتركيزها مع طريق ~ اووه موسيو جيمس مرحباا توحشناك صافا امتى جيتي لمغرب جيمس ~ نهار ونص دابا، ونتي مزيان مهم بغيت نقوليك انا عارض عليك ليوما لعشى منها نشووفك نادية بابتسامة ~. مرحباا ، ايوا نجي نهزك ولا عندك طوموبيل جيمس ~. عندي عندي نتلاقاو في ريسطو لي كناكلو فيه ديماا توحشت طاجين دجاج ولحم بالبرقوق تافقت هي وياه وكيف قطعات رجع صونا تليفون مرة تانية نادية كتنفخ وتصوط~الووو .. مراد~مرررتي العزيزة لا برية لا تلفون يكمى مخاصمين .. غير سمعت صوتو غمضت عينها حيث عارفاه غادي يعصبها ،تحكمت في نبرة صوتها وجوباتو بصرامة ~ وي مسيو مراد بن زين ... مراد بمرح كيف عادتو جوبها ~عرفتي على هذا مسيو مراد غادي نطلقك ..!! ابتسمت بلما تحس على هضرتو وهو ينطق ~غير ضحكي مزيان وطلقيها تسرح تا حاحة متستاهل تغوبيشتك نادية عوجات فمها وقالت بصوت رقيق ~ ياك اسي مرااد ؟؟ مراد بصياعة ~ ونااري على ديك مراد كي طاالعة من فمك احح نديرها غا صونيت فتليفون باش فينما ندور نسمعها نادية مقدراتش تحكم في الضحكة ضحكات تا شبعت وجمعت ~. ايوا سير الا عندك شي شغل سير تقديه ممسالياش ليك مراد ~. بلاتي قبل متقطعي بغيت نقوليك انا طالب راغب فسيادتكم فشي موعد نادية بالغووات ~. شنااهواااا ؟؟ مراد نطق بزربة ~. غيييير بااش ندويو في الخدمة لي قلت ليك نادية ضيقات عينيها وهي كتبراكي طوموبيل ~. نشووف شي وقييت خاوي ونعلمك مراد تنهد ~ من دابا غنبدا نحسب ونستنى قالت الله يستر وقطعات عليه دخلت لبيرو تكمل شغاالهاا اما واحد لبنية عينيها طابو وحمارو ودموعها نشفو ، بكات حتى بردات غطات عينيها بنظاظر وقصدات لمدرسة عقلها كيقوليها تشووفو تما تصبنو ولا تنخلو وقلبو كيقول ليها تسولو وتستفسر منو فلخر لقات غا ايدها والريح ، عفطات على قلبها وعطات لمدير تصميمها ورجعات فحالها لدار مالك ؟؟ اش بكاك ؟؟ مال عينيك حمرين ؟؟ هادشي كلو سولاتو ليها مها وهي داخلة وكيف ديما جوابها والو ، والو طلعات لبيتها وسدات عليها كانت كتحيد حوايجها بزعف وتلوح فيهم فين ما والا مضاربة مع ايديها ومعصبينها رجليها والا تعكسات ليها الصدفة تبكي عليها ...دخلات غسلات وجهها ورجعات معنقة مخدتها وكتفكرر وتحلل لكلام لي وصلها منوو ويبقى أسوء إبتلاء هو إبتلاء التفكير، كأن تكون شخصً مدمنًا للتفاصيل وتحليل الكلام جالس في طوموبيل محيد لافيست حاكها في الكرسي لي حداه ومرجع لكرسي اللور راخي راسو عليك ، لگارو كان بين صباعو يسف وينفخ ..معندوش مع نيكوتين بزاف ولكن من كتكون واصلة بيه لعظم كيمشي ليه نيشاان ، كمى كثر من زوج گوارو عاد حبس ، طلع زاج وهز لافيست ونزل من طوموبيل... كان واقف قدام عيادة دكتور معلاوي اختصاصي أمرااض النفسية والعقلية قاد حوايجو غادي بارم حجبانو كان رافض هاد الخطوة لي غيدير ولكن معندوش لحل، دخل بلاما يستنى ديجا واخد موعد تبادلو تحية وجلس حاط يدو على ذقنو وقال بصوت عياان زيدان بزز منو خرجها ~. يمكنن غندير بهضرتك ادكتور ؟؟ - تيق بيا اموسيو لخليفي كيبقى افضل حل ليكم وليهاا ... تنهد بصوت مسمووع وقال ~. مبقاتش بغى تشرب دوا والخطر تزاد عليها فدار وحالتها كتسوء نهار على خوه .. - رأيي كاختصاصي قلتو ليك داك نهار هاد الخطوة لي باغي دير نتا دابا كان خاصها دار قبل اعوام ..كانت غتكون دابا اقل خطر على راسهاا زيدان كيحك على ذقنو وكيشوف في الفراغ ويدوي ~. صعيب تخلى على شي حد فهاد لبلاصة جربنا ما مرة ما زوج ومقدرناش -بتساؤل ~. وداابا ؟؟ زيدااان جمع الوقفة ~. فأقرب وقت غنجيبها عندك لمصحةة وجد ليها شاامبر ومنحتاجش نوصيك ... فوق من خاطرو قال كلامو وخرج ، حالة صباح كتزفت وهو كيشوف دوا مكتشربوش والماكلة قطعتها وكل مرة وشنو كدير فراسهااا ، عارف حالتها ولات صعيب تشافا حيت فات لفوت ولكن كتبقى المصحة اكثر امان من الدار،حيت كاين لي يقابلها ويرد بالو ليها وغادي تعامل مع ناس مختصين وقارين على هاد المجال قرار صعيب يتخاد ولكن ما بيد حيلة...رجع ركب طوموبيلتو وكسيرة لعند مراد باغي يتناسااا ~~~ مشى نهار وجا بلاصتو ليل ل كلها وكيف مدوزو نزهة ضاق بيها الحال وملقات قدامها غا نادية لي تعرف شنو عند بنتها عيطات ليها وهاد الاخيرة دغيا جاات ولحات عليها حتى تعرف شنو بيها نادية بإصرار ~. مغاداش منها حتى نعرف مالك ، تي شنو عندك من امتى كتخبي عليا ؟؟ مريام تقادات في الجلسة ودارت مخدة قدامها وتنهدات ~. نادية انا. كنبغي زيدان " قالتها واجهشت بالبكا خلات لوخرا حالة فمها ممتيقاش ~. اشنوووو ؟؟ ومن امتى هادشي ، تي سكتي باراكا من لبكى وفهميني مريام كتنخصص ~. اش غنفهمك واش هادشي صعيب لهاد درجة راه باينة انا طحت على زنافري فواحد اناني هامو غا راسو نادية تقادات في الجلسة ~. دابا غا بالعقل ، واش كتبغيه من بعيد لبعيد ولا هو عارف مريام قاطعتها ~. شوفي علاقتنا فشكل انا معارفة فداك سيد والو كل مرة كيكون فحال نادية مخنزرة فيها ~. ايوا واش لاحك اختي وملي معارفة فيه والو اش داك تبغيه مريام عينيها طابو بالبكى ~. بزااااااااااااااف ديال لحوايج خلاوني نبغييه ، صعيب تحسي بيا ولكن الا قلت ليك داك سيد عوضني فبزاف ثيقي ،عمرني مجربت شعور شي حد يحامي عليييا ويجي مني حتى جربتو معاه ، عمر شي حد هتم لادق تفاصيل ديالي وسمع ليا بلاما يمل ونصحني وهتم بيا حتا ليه هوخرجني وبرعني ودلعني وحسيت بين يديه براسي بنت زوينة وانثى كاملة مكمولة ، تصرفاتو وهضرتو خلاتني نطيح فيه كيف لعمية ونبغيييه نادية شدات ليها فيديها مزيرة عليها ~. اجييي يااكما طرات بيناتكم شي حاجة مريام بنفي ناكرة شنو وقع فمراكش ~ لا لا موقع والو وعمرو غيوقع نادية بعدم فهم ~. ايوا ومالك كتبكي ودايرة جنازة شنو وقع مريام شادة راسها بين يديها ~. زيدان كيبعد عليا ومعرفتش علاش ، كنحس بيه غا كيسايرني ومكيبغينيش تصوري يومين مشفتو ولا سمعت صوتو كنعيط ليه يا اما مكيجاوبش ولا تليفون طافي وهاد صباح مخلي ليا اتيسطاسيون مع زهور بحالي بحال اي وحدة نادية تعصبات ~. يمشي يتنبگ اش بغيتي بيه ولاش تعيطي ليه الا قلب قلبي والا رجع يتملحس سمعيه خل وذنيه واش نتي باقا صغيرة لي غنقريك ...راه رجال هما هادو غير يشوفو درية تابعاهم يتكبرو اما الا نخلتيهم يجريو وراك ..."بتنبيه". شوفي نقوليك اللهم تبكي دابا دموع ولا تبكي من بعد دم ، داك سيد ميصلاحش ليك عمرو جاي لربعين عام متزوج متعرفي اش تحت راسو غيجي تال لعندك ويتقاد عطيه تيسااع كتسمعيي بعدي منو !! اول ليلة دازت عليه في الدار لا سهير لا شطيح لا شراب غير قهوة كحلة و الگارو ... يكمي و يبخ الليل كولو وهو عين وحدة وراس يديه وواحد خر يجيبو ... حس براسو العافية شاعلة فيييه وداتو سخنت و زندت مزيان ...حيد حوايجووو كلهم بقى غير بالكالسو و قصد البالكوون لي كان على برا كيف حط عليه يديه بغى يحلو لقاو مسدود و حتى الساقطة محلاتو ... بقى يسب و يتعافر معاه حتى طرطقو و دخل ليه مخلي لهوى يضرب فيه معصب مزيان وجيبو خوا وخوه معتقوش قال كلامو ووفى بيه ... هز الكاس لي فيديه حتى السما و خبطو مع الارض و تم خارج قاصد بيتو ... غير دخل ليه لقى هناء تتنعس في بنتها وهو يعقدهم نصر ~الشريفة هزي بنتك حطيها في بلاصتها ... هناء بلا تا كلمة وكيف ديما حادرة الراس هزت بنتها و حطتها في فراشها يا لاه غتغطيها ما حسيت غير بالجلدة ديال راسها غطير ... كان نصر لي ما لقى فين يبرد جنونو ما لقاها غير هي قدامو يبرد فيها جنونو وكبتو .. لاحها على ناموسية هلكها ضرب وممارسة اما هي كانت كتنين مغمضة عينيها وعاطياه الگسدة يسلخ فيها وكتبكي حتى دمووعها عمرو لمخدةة وماااشي بووحدها فديك ليلة وفديك دار لي كانت كتبكي فغرفة صباح لي كانت حاطا راسها على لمخدة مغمضة عينيها وكل مرة كتميل راسها وتحركو لجيه.. لي يشوفها ناعسة يقول معندها والو والله نعم عليها بالصحة و العافية ... غرقت في نومها وعاشت في احلامهاا ورجع بيها عقلها لنهار فرحهاا وبضبط لنهار ل كانت غتكون فيه أميرة وسط عائلتها وناسها ... الضحكة كانت مرسومة على وجها و غير تتشير في البوسات فرحانة و مقاداها فرحة علاش لا وهادا نهار الحنة ديالها ... كانت مادة يديها ورجليها لنقاشة تفنن ليها فيهم ... عقلها فيه غير هي و محبوبها و لي اخيرا غتجمع معاه وسط دار وحدة و مكاينش لي يحيدو ليها طغى عليها العشق و لعب ليها على حياتهاا ولات رابطة راسها بيه و كأنو الماء لي كتروي عطشها بيه ... تتشوف يديها تزينو ليه ورجليها حناتهم لييه ... شطحات وردحات ولفرحها زغرتات ... بعد ما طوال عليها الوقت شافتو تعطل و خبارو ما وصلت يا الله غتهز تليفونها تعيط ليه و تعرف خبارو وفين هو حتى كيسبقها ويعيط ليها غير شافت سميتو طارت و نزلت بالفرحة صباح ..." جوباتو و متلهفة لصوتو وصورتو تشوفو قدامها " ... حبيبي توحشتك راني كملت الحنة و كرمات ليا ولكن غنتسناك حتى تجي عاد نحيدها بغيتك تشوفها فيا وهي هكا - تنهد ، صباااح سيري لبلاصة خاوية بغيت ندوي معاك صباح بدا تحرك فمومو عينيها بزربة ~. علاش شنو واقع انا ؟؟ - ديري لي قلت ليك عفسات على رجليها وتسللات مبعدة من ضرب اللعابات ~. هانا ماالك واش وقعات ليكم شي حاجة خايبة فطريق " حطات يديها على قلبها بخوف " واااااش نتا بخير يااك مكرات ليك والو ؟؟ - عارفاني قداش كتبغيك ياك "بغات تدوي ووقفها "..وعارفة شنو نتي بنسبة لياا ، بزز مني كندير هادشي وفوق من قلبي متكرهينيش ومتحقديش عليا صباح بصوت كيترعد~. شووف باراكا من ضحك الباسل ماشي وقتو ، هء هء فيييببببينك ؟؟ --" كيبكي ويدوي " ياريت نكون كنضحك هء هء سمحيليا مغنقدرش نتزوج بيك ، نسايني ومتسناينيش حنا متكتابيناش لبعضيااتنااااا طاحت على وقفتها جلست الارض مبكات مغوتات ، وذنيها كانو كيصفرو وعقلها ترفع وقلبها كاان ممتيقييش ...ناس على برا فرحانين ليها وهازين لمرشات كيتسناو دفوعها يجيها وهي لداخل حاسة براسها تذبحت بموس حااااافي عقلها مقدرش يستوعب شنو خرج من فمو كيفاش قدر يقول ليها متكتابيناش لبعضياتنا ومتسناينيش .... بقات تعاود فهاد الكلمات مرة فخاطرها مرة بالهمس مرة بشوية وتالية بالغوااااااات متكتابيناااااش لبعضاااياتنا ومتسناينيش....... اهء اهء ماااااشي تال دااابا اكمااااال ،ماشي تال دابا ملشي حتى تنگفت ونقشت وحنتي يبست... هء هء هء لاحت تليفون فالارض ومدات يديها قدام عينيهاا كتشوف فيهم وتبكي عيطط وقول ليا كنضحك معاك... قول ليا طلي عليا انا لتحت وجايب ليك لهدية ....عفاااك اكمال متضحكش لعادي والبادي وتشمت لعديان فيا " بدات تضرب على صدرهااا بقوة ". حراااااااام علييييك اكماااااااال ،مديرهاش واخا نكون عدوتك متجيبنيش تال هاد نهاار وتسمح فياااا ....ااااااااااااااااه حتى وحدة متبغي ذوق من نفس الكاس لي شربت منو صباح ....صعيبة وبزاف تكوني تخطي وتسناي نهار فرحك ويتحول فرمشة عين لقرحك ...كل وحدة وكيف كتقدر تقبل صدمتها كاين لي كتبكي وكاين لي كتصبر كاين لي كتنتاحر وكاين لي كتسطى ، وهي جمعتهم كاملين ماعادة صبر لي مقداتش عليه حيت لي حلماتو معاه عمرها ضناتو يتبخر ، عمرها فكرت بلي كمال بالحاج دري لي كان كيحماق عليها من اول نهار دخلات فيها لكلية شحال تبعها وحفى سباطو عليها ، وملي شافت فيه وحلات ليه قلبها وبغاتو كيف بغاها جابهاا لنهاار عرسها ومشى وخلاها ، اعذار دنيا ودين ميبرروش لي دار بنسبة ليها ، كانت كيف لوردة وسط الجنان زين وطولة وشعر مسبسب لي شافها يحماق عليها كان لكبير وصغير يفهى فيها ..والديها دايرين ليها كيف لما لقليل ونهار كتاب لي تقدر عليها مصبروش على حالتها وداو كيتهها فقلبهم وماتو وتما كملات لباهية ولات مرة تعقل وعشرة لا حتى مشى لعقل فخطرة ... فاقت كتبكي وكتحير بشعرها حاطا يديها على وذنيها وكتنين ودوي وتعاود نفس الكلمة ...علاش سمحتي فيا اش درت ليك هء هء فاش اديتك ،علاش كذبتي عليا "بدات تنتف فراسها " علاش طمعتيني فيك وعلقتيني بيك هء هء كمال علاش فين مشيتي وخليتيني... خرجات من بيتها كانت لابسة بيجامة وشعرها مطلوق كحل ورا ظهرها وجها صفر وعينين حمرين ومنفوخين بالبكى ، ضرب فيها برد جاي من لبالكون لي بقى محلول وتنهدات براحة كطلع في صدرها وتنزل تمات غادا كتجر ليه رجليهااا وتمسح فدموعها كلشي كان ناعس ولا من داها فيها وبسباب نصر لباب لي عمرو تحل على ودها هاهو مشرع قدام عينيها ~~. جاي سايق وحاس بدنيا سايگاه معاها ، طريق خاوية وهو عافط منير مخرج يديه من شرجم ولوخرا على لفولون باغي امتى يوصل لدار ويحط راس هاد لمرة مثقلش فشراب حيت معندو ليه گانة ...دخل من باب لفيلا براكا طوموبيل وتم نازل لايح لافيست على كتافو حتى تصدم من لي كيشوف قدامو ضيق عينيه كيتأكد كانت هي كتشير ليه وتضحك صباح طلعات فوق لحديدات باغا تنزل لعندو ~. زيدان وقف وقف ديني معااااك نضوور انا هابطةةة بغيتك تشري ليا تصعق مبقى عارف ميدير واش يطلع ولا يوقف حاول يدوي معاها ومسمعاتوش زيدان بالغوات ~. صبااااااح عمتيييي لاااااااااا وداعا ايتها الحياة بيبان لفيلا محلولين ، ريحة لعود والبخورة معطرة لمكان وصوت القران كان مسموع من بعيد وناس داخلة خارجة كتعزي ، فقلب الصالون كانت جالسة نادية ومريام بجلالب ولايحين عليهم شيلان فجنبهم كانت مينة وهناء وشي بنات من شركة كلشي ساكت حيت بحال هاد لوقات مكيبقى ميتقال تحطو صواني على حقهم وطريقهم ودوازهم مرافق ليهم دايزو لكلام...مينة متأثرة بموت صباح سوا كانت بعقلها ولا بلاش كتبقى كانت معمرة عليهم وبلاصتها كاينة فدار وحسها مسمووع .. نغزات مريام نادية باش ينوضو وقبل ميخرجو رجعو سلمو عليها نادية بايد كطبطب على يديها ~ خالتي الله يجعلها من حوريات الجنة ربي يصبركم مينة كتهز فراسها ~. امين ابنتي الله يعشر خطواتكم مريام سلمات عليها بالوجه ~. خالتي عليك بصبر ودعاء ،الله يرحمها ياربي جوبتها بلكلام المعتاد وخرجو .... صباح تقدَّر عليها من نهار تولدات تعيش وتشوف ما داز عليها وتموت بحال هاد الموتة عياو يردو معاها لبال حيت ما مرة ما زوج حاولات ديرها وتعتقات حتال هاد المرة ماتت بين يدين زيدان اكثر شخص كيبغيها.. لوقت لي تعلات فيه صباح ونقزات بيه عينيه تعرض ليها باغي يعتقها ويحميها بالحق مقدرش ،جات طايحة عليه كلاها في كتفو وماتت ليه ، فراقها جااه صعييب وصورتها وهي جامدة ودمها دايز مبغاش تمشي من بالو اثرت فيه بزاف ، لدرجة دفنها وغبر ليه الاثر هااارب من كلشي خارجة مسندة على نادية وكتقلب عليه بعينيها على وعسى تشوفو باغا تهضر معاه وتواسيه وتوقف فجنبو فهاد الوقت مريام بحزن ~ فين غيكون مشى ؟؟ نادية عينيها على مراد لي واقف مع شي رجال ~. وشكون عرف علم الله بحالو مسكين ...تنهدات على اثر هاد الكلمة قلبها ضارهاا، تمنات غا تشوفو فهاد اللحظة ولي بغى يوقع يوقع سمعات نادية سميتها بصوت مراد كيعيط عليها وقفو بزوج وجا لعندهم مراد ~. صافي مشيتو ،نوصلكم نادية ~ لا جبت طوموبيل شكرا ،الا شفتي زيدان عزيه نيابة علينا مراد هز ليها راسو ~ عزانا وااحد مريام بعدم صبر نقزات ~ معرفتيش فين يكون مشى مراد جاوب بثقة~ عارفو علاش بغيتوه فشي حاجة مهمة مريام مداتهاش بتلياع نادية قلبها لي كان كيدوي ديك اللحظة ~. اه بغيناه ومكرهناكش تقولينا فين مراد ~. واخا نكمل شي شغال هاد اليومين ونديكم لعندو تشكراتو وهربات من هضرة نادية دغيا ركبات في طوموبيل وحتى لوخرا محكراتش حيت ماشي وقتو بتاتا القلب ملي كيبغي لعقل كيغيب وكيخلي مولاه يدير المستحيل على ود محبوبو ،مريام نسات بلي زيدان خلاها فمراكش ونزل وتغضات على موضوع الشركة بينها وبين راسها ختالقت ليه اعذار وبررت تصرفاتو لنادية ،كانت باغا تشوفو وربي كبير حاسة راسها كتالم كثر منو بغى توقف معاه تعنقو مستعدة دير اي حاجة وتخفف من همو نادية مكان عندها تا شي حل من غير انها تمشي معاها.. خلاو تادازو شي ايام وخواطر بردات عاد جا ليهم مراد بطوموبيل هزهم وداهم ، مرة تقول لمها غادا على خدمة مرة انا مع نادية مهتماتش مهم تشوفو قدامها شدو طريق وقصدو فيرمة في الخرجة تاع كازا ، كانت طول بعرض خضورة ومنظر زين ،بلاصة الخيل بوحدها ولي تشهاتو نفس تلقاه مزروع فيها ، كان جالس برا كتفو مجموع بسمطة ناشر رجليه فوق كرسي وجالس على واحد اخور ، فوق طبلة كانت لبريكة ولگارو فقط يسالي واحد يشعل لاخور فمو زراگ وتحت عينيه ولا كحل ، لحيتوو تخربقات وشعرو تغووفل ....خاطرو كان ضارو بزااف وكتافو طايحين عليه حاس بدنيا شمتاتو ودات منو عز معندو ،عيا يعاتب راسو علاش خرج سهر ومرجعش قبل نسى بلي هذا قضااء وقدر دور راسو جهة الباب بانت ليه طوموبيل مراد داخلة رجع شاف قدامو ضن بلي غا هو حتى لمح ناس اخرين معاه من بعيد مفرزش مزيان ، عقد غوباشتو وسخط على الوضع كيسب فيه فسرو وزاد طلعت ليه شاربونة مزيان ملي بانت ليه مريام نزلات وقف زاعف قالب طبلة وتم داخل بغات تبعو وهي تحس بيد جرتها بجهد نادية مغددة~ شفتي على عينيك ياك جاني غا حشم اما يصيفطها ليناا لوجه مريام كتسوط ~. شنو دااباا ؟؟ نادية كارزة على سنانها ~. كيفاش شنو داابااا، يالله نرجعو فحالنا ؟؟ مريام تنترات منها ~. منقدرش انادية حطي راسك بلاصتي ، فهاد الوقت وفهاد ظروف خاصني نوقف معاه يقول لي يقول ويدير مبغى خنزرت فيهاا وخرجت عينيها بمعنى ياك الالة ولوخرا كانت كثر منها قالت كلامها مصرة عليه مريام ~. وزايدون يهديك الله واش غادي تدي عليه علم الله بحالتو راك سمعتي مراد اش كيعاود وحنا جايين ، كانت عزيزة عندو هاد عمتو نادية دورات وجهاا تقلب على هاد الاخير بعينيها بان ليها دخل طوموبيل للگارااج شوية وتم جاي لعندهم كيعرض عليهم يدخلو نادية حركات راسها بنفي ~. لا لا حنا غنبقاو حنا هنا نشمو لهوا مراد حس بيها حيت تاهو شاف شنو دار ~. واخا سيرو جلسو لهيه انا جاي قبل ميدخل قاد طبلة لي قلب زيدان عاد دخل لعندو لقاه كيمشي ويجي فلبيت دنعاس حاط يدو صحيحة ورا راسو مشنق وباينة فيه معصب مراد حل الباب وداخل مدرم كيقول ~. مالك اصاحب ناس جايين يعزيوك ونتا كاقلب ؟؟ زيدان شنق عليه بيد ةحدة مكاليه مع لباب ~.انا جااي لهنا باش منشووف تا قوااااد ونتا جايبهم ليااااا , رااسي مفروووووع متكملش عليا تسايس معاه حتى تفك من يدو عارفو ماشي بگانتو داكشي علاش مغيتقلقش منو مراد كيدوي بشوية ~ شنو فيها الا خرجتي عطيتيهم صوابهم زوج كلمات وطلع بحالك ، مشفتيش لبنت عقلها بغى يخرج وهي كتسول عليك هراتني تعيااط زيدان كيرجع شعرو اللور ~. هاديك بضبط لي مقادرش نوقف قدامها وندوي معاهاا ونبقى اليز مراد بعتاب ~. مالها شنو ظارت ليك لبنت باينة كتبغيه مورقة من عينيها ماشي بحال ديك فريگو تاع صحبتها ، رخفها اصحبي ونزل مترجعنيش دري صغير زيدان حل الماريو كيجبد حوايجو ~. يالله غا غبر من قدامي ، ندوش وهانا جاي مراد بالفرحة مكرهش ينقز بالحق طمر ~ خود راحتك العشير انا نضايفهم بلاصتك حتى تجي هبط لقاهم جلسو في طبيلة لي كاينة تما...جر لكرسي وجلس حداهم ~ هاهو زيدان كيدوش وغينزل شنو تشربو ازيونات ؟؟ نادية كتعوج ففمها ~ تا حاجة مريام ردات لباب لببينتات الگارو ل مزلعين في الارض ~ واش زيدان ولا يكمي !! مراد بخفة دم ~. جميع المبيقات كيديرهم هاداك نادية حمرات فيها ~. يضبر راسو وحنا مالنا لاش كتسولي مراد ~. خلي عليك البنت تاخد راحتها ولا بغيتينا نربعو يدينا ونخيطو فمنا معندهاش ليه الجهد والگانة باش تشاد معاه بقات ساكتة وهو مجمع مع مريام ...وقت قصير وسمعو صوت تحنين رجالي جاي من بعيد كان هو مبدل وجاي شعرو مزال سارد ..مراد نغز نادية من يديها باش تنوض وقال ~. تعالي تعالي نوريك بنتي !! نادية ضيقت عينيها ~ بنتك !! جرها من يديها صحةة حتى وقفت دارت وحات عينيها في زيدان لي هز ليها راسو بمعنى سلام وهي تقول نادية مدت ليه ايدها ~. موسيو زيداان لبركة فراسك كتفى يجاوب بعينيه فقط وقال ~. امور الخدمة بخير مكاين حتى مشكيل مراد جرها من يدها ~. ماشي وقت الخدمة دابا اصحبي هاحنا راجعين بقاو راس فراس ..كان خاط يدو على جنبو والايد لوخرا لمزيرة بالبانظة جامعها ، راسو منزلو الارض ورجليه كيتحركو بعصبية حس بيها كتحرك جايا لجهتو حتى وقفات قدامو وعنقاااتو مدور يديها على ظهرو مريام بصوت عيان ~. بالي بقى عندك وتشطنت علييييك بزاااف زيدان بعدها عليه بلباقة وقال ~. شكرااا ملي شافتو رجعت فيها الروح ونسات شنو دار معاها تماما كانت موحشاه بزااف ومحتاجاه تلاحت عليه عنقاتو بلاما تحس وغير حطت يديها على ضهرو مكرهاتش تبقى هاكداك غير هي وياه الراس فراس... طلبات الله و هزات راسها ليه باش حزنو يولي ليها وهادشي كولو سببو العشق لي كيجي ورا الحب وهو صعب منو بزااف ... اما هو ردة فعلو كانت ناقصة ودقتها صعيبة على قلبها بعدها عليه بلباقة بوجه خالي من اي تعبير و ببرود في الحركة تقول جماد ماشي انسان شافيها بعيون غايبة بحالا كيشوف فبنت عادية ماشي فبنت عطاتو قلبها وتاقت فيه وبغاتو بلا شوار راسها ... خلاها واقفة و مشا كحز الكرسي وجلس حاط مرفقو عليه و يديه على فمو كيشوفيها.. وقفات تتشوف قدامها و يديها ترخاو من الحركة معرفاتش هذا لي قدامها ماشي زيدان لي كان كيقربها منو ويبوسها ويعنقهاا سرحات شوية في تصرفاتو السابقة معاها ما فيقها من سهوتها غير الريح لي ضرب فيها ... مسحت على وجها وتنهدات بقلة حيلة دايرة لعندو ودارت مدار جرت كرسيها و جلست قدامو مشابكة يديها ... مريام بأسى ~ حم لبركة في راسك و الله يعوض محبتها بالصبر ، بقات فيا بزاف واخا مكنعرفهاش الله يرحمها ويوسع عليهاا زيدان ضحك باستهزاء ~ .. ايييه براكة الله فيك "بصوت مسموع " امييييين مريام خسرات ملامحها وهي كتشوف في كتفو لمحزوم ~...مقصح بزااف زيدان كيجاوب بلا خاطر ~...مكنحسش بيها كوني هانية ،لقلب مات ستغربات جوابو وهي تقرب لكرسي شوية وقالت ~. واش درت ليك شي حاجة ضراتك بلا منعرف ، شنو سبب هاد تعامل ازيدان ؟؟ زيدان شعل گارو وقال ~ كنتعامل عادي مالي شنو مبدل فيا كتلعب بيديها لي عرقو بتوثر ~ واش متأكد كتعامل عادي شنو زعمة انا مكنعرفكش ، قبل موت عمتك معاملتك معايا ماشي هي هاديك ، "مداهاش في كلامها كان كينتر ويبخ " ...شوف فيا وجاوبني راه عقلي داخ ودخت تانا معاه ..نزلتي من مراكش بلاما تسوق ليا مخلي ليا تيكيت تاع تران وزدتي مخممتي فيا لي كذبت على دارنا ومشيت معاك مقلتي خليتها فمدينة بوحدها وانا عمري فت كازا راسي..كملتيها مشيت لشركة كان لقاك مخلي ليا شهادة نهاية الخدمة باغي تهنى مني ....ودابا كتجاوبني بحالا كتدوي مع الكرسي "بصوت مجروح " ...لهاد درجة مبقيتيش حامل تشوفني قداامك زيدان لاح بقايا لگارو بظفرو وساط بصوت مسموع بلاما يبردها بكلمة ~ ... زيدان ريحيني وقول ليا شنو كاين لي عندك قولو يا خايب يا زين مهم نعرف راسي معاك شنوو متخلينيش حايرة زيدان بدا كيلاوح يديه بثقالة زعينيه مثقلهم ~ ... الراس عامر عامر دابا وباش نجاوبك على علاش وكيفاش خاصني ارشييڤ ميريام تحبسو دموع فعينيها حتى تضببات صورتو قدامها وراسها داخ عليها ~ ... علاش وليتي هكا معايا شنو درت ليك ، علاش حتال دابا حتى خليتيني معلقة بيك وبديتي كتبعد !!؟ زيدان بدا يحك على راسو لي تزير عليه ~ ...من بعد امريم ماشي دابا وماشي وقتو "جمع الوقفة " ...عزاك وصلني نرضها ليك فلقريب عكاها بظهرو وتم داخل وخلاها واقفة وراه مصدومة كتبكي وكتحس براسها كيدور ودنيا كتمشي وتجي بيها رجليها فشلو عليها جات تشد في الكرسي تستند عليه طاحت فاقدة لوعي قبل متقرب منو سمع صوت الخبطة وهو يدور غير بانت ليه طايحة فالارض محس براسو تاا جرا لعندهاا زيدان كيتعافر يهز فيها مهاموش كتفو لموعت فيه دخلها لداخل صحة علض على فمو من صداع لي عطاتو يدو حكها على فوطوي ومشى جاب شوية لما بدا يمسح على وجها وعنقها كيفيق فيها~. مرياام ،مريااام كتسمعيني !! حلات عينيها فوجهو غا شافتو بدات تبكي وتنخصص بغات تنوض وهو ينطق زيدان رجعها لبلاصتها~ رجعي تكاي فين غادا ،رتاحي شوية مريام بإصرار ناضت ~. لا غير خليني نوض معندي منبقى جالسة ندير هناا كنحس براسي تخنقت هء هء بدا يمسح على راسو معصب معندوش مع هادشي تاع لعيالات ولا تبدا تبكيه عليه شي وحدة زيدان بعصبية ~. واش سلختك هاا؟؟ علاش كتبكي ودايرة هاد الحالة كاملة على والو مريام عينيها سردو وحمارو ونيفها حتى هو مسحت جناب عينيها وقالت~ هادشي لي درتي عندك والو يااك ،مرة تعنق فيا مرة تقمع ،مرة تبوس مرة تنخل ..لعبة انا بين يديك كتعامل معايا على حساب گانتك زيدان شد فيدها ~. شووفي اي حاجة كنديرها الا وعندي ليها سبب مريام بتساؤل ~. قول نسمع !! من حقي نعرف او لا زيدان حرك راسو ~ واخا الالة ، نقاد ليا قهوة باش نحل راسي وانا معاك ! مريام ناضت سابقاه وقالت بصوت منغنغ بالبكا ~. انا نصايبها ليك نتا يدك ضاراك زيدان بدا يحرك في كتفو موعت وقال ~ واخا انا نستناك هنا كلشي عندك تم فوق طبلة ~~ فبلاصة تانية فنفس الفيرمة وحدين مكاين غا شد ليا نقطع ليك يقوليها كلمة تعطيه عشرة يجي يضحك معاها تهجرو ليه وهو عاجبو الحال وحتى هي بدا تطلق شوية بشوية حيت ولفات على طباعو ...كانو واقفين في اسطبل الخيل كيوريها كل واحد ويشرح ليها حتى وقفها حدا وحدة بالابيض نوع البرگي سبحان الخالق عالية وغزالة شافتها نادية وحلات فمها نادية ~ ما. شاء الله شنو سميتها مراد بتريگيل ~ مسميها نجمة وكيبان ليا غنبدلها ليها ونسميها نادية حيت كتشبهي ليها غادا في لعلو "شاف في رجليه " مبغيتيش تقيلي عليك هاد طالون نادية ميقت فيه ~ الا مسكتيش نهزو نفلقك بيك جر يدها صحة وباسها فبها وبعد ~. ضرب من عند لحبيب بحالا كناكل الزبيب نادية كتأفأف ~. لاحول ولاقوة الا بالله مراد بغمزة ~. نضرب بيك ضويرة فوقها حلات عينيها مكرهاتش بالحق غير فكرت غا تركب قدامو ولا وراه تخشات في جواها مقادا على شي اصطدامات معاه ناديية حركات راسها بنفي ~ لا اخويا مخصنيش غا بصحةة "شافت فساعتها " خاصنا نمشييو يالله رجعوو !! مراد جلس ليها تما فواحد العتبة ~. خلي ناس طرونكيل ،محرماها على راسك وتحرميها تا عليهم نادية رمقاتو بتخنزيرة ~ مالهم شكيديرو ؟؟ " بغات تمشي وهو يتجبد جرها جلسها صحة حداه " واش باغا تمشي تشوفي شي لقطة ونصدق شايفها معاك وتنوضي ليا الساكت على خزيت ونصدق مممم "عض على شفايفو وهي تبدا تهز فيدها وتعطيها ليه فينما جات طيباتو عصى وهو كيكركرر~. راه انا ل منسواش دايرة راسي فيك وجايا معاك ناس عندهم فم ونتا عندك بلاصتو قادوس مفرگع شاد كاس القهوة بالعسرية وكيجغم مرة مرة ،كانت قدامو جالسة على لمجامر كتحرگ باغاه امتى ينطق خلاص ويطفي نار لي شاعلة فقلبها بعدا تعرف راسها من رجليها وشنو شقلب حالو بعدما كانو سمينة على عسيلة تا كملها على خاطرو وهو يضيق فيها عينيه حاط يديه بزوج على ذقنو ~ شنو باغا تعرفي الالة ؟؟ مريام ~ علاش نزلتي وخليتيني فمراكش بلاما تحاشيها ليا تقول مكنسوى عندك حتى زفتة زيدان عض على فكو ~. عيطو ليا كان خاصني نزل ضروري على قبل لمرحومة "قال سميتها وتنهد " مريام بحنية دغيا قلبها لان مرتاحة نوعا ما ~. علاش ماالها شنو وقع ليها ؟؟ زيدان وقف شاد على يدو ~ مكانت لا كتشرب دوا لا كتنعس وكان خاصني ندخل ضروري ونجي داكشي علاش نزلت بلاما نتلفت " هزو بتساؤل "شنو تاني مزال باغا تعرفيه مريام عضات على فمها ~. ايوا وداكشي لي وقع في شركة وديك اليومين لي معيطيش ليا فيهم ولا عبرتيني زيدان خنزر فيها ودوا بحدة ~. هنا انا لي خاصني نتعصب عليك وغنكون عندي لحق مريام بعدم فهم ~. اش كتقصد زيدان خسر سيفتو ملي تفكر ~. عيط عليا شماتة لي كنت جندختو مزيان وقاليا شي تخربيق تخطبتو وغتزوجو وشي خرا بحال هاكدا مريام تصدمات حيت مطاحاش على بالها ~. ايوا وتيقتيه ومسولتينيش زيدان علا صوتو ~. علاه مالو برهوش ل منطيقش بيه ، سيد كيدوي معايا متاكد وواثق من كلامو لخماس لي قالها ليه ..بارك يتبزق عليا فتليفون ..شنوكذب عليك هاد العضرة مكايناش مريام قاطعاتو~. لاكاينة جا عند بابا خطبي وانا مقبلتش زيدان هضر قدام وجهها~ خطبك !! يعني مكذبش عليك, علاش مقلتيهاش مكانش خاصني نعرف مثلا مريام وقفات قدامو مبدلة الهضرة ~. ونتا شنو درتي ملي سمعتيه خطبني خليتيني ليه بهاد سهولة زيدان عندو غانيشان مكيعرفش يزوق الهضرة ~. شنو بغيتي ندير ليك صافي سيد داوي مع باك ومقاد معاه الطرح اللهم نفضي معاك انا وزايداها خازنة عليا وشكون قال تكوني تلعبي على جهات بزوج انا داخل فرسك مريام بقى فيها الحال ~. اش هاد الهضرة كتقول وكيفاش نفضي معاك انا واش بگانتك ولا؟؟ زيدان غا مخنزر مكيجاوبش مريام ~ انا واخا يجيوني عشرين اخرين غنرفض حيت باغاك نتا وعينيا مكتشوفش غيرك قربات منو حاطة يديها على صدرو ". يا نتزوج بيك ياا مبغيتش زيدان بثقة~. يبغي باك يزوج بيا مريام على نيتها ~. كل اب غيبغي يشوف بنتو فرحانة ،ايوا والا عاودتليه عليك وقلت ليه نتا لمنو نخلاق غيبغي ويتمنى غير لخير جرها من خصرهاا بيد وحدا ودفن راسو فعنقهاا ~. واخا الالة ملي نوي نعلمك تقوليها ليه بغات طير بالفرحة ديك الغمة لي كانت في قلبها تلاشات وهي معنقاه وهو خاشيها فيه جلسو على فوطوي متكية على كتفو وشادا ليه فيدو كتلعب ليه فصباعو كتحس براسها طايرة اما هو كان تابت تا تعبير ممرسوم على وجهو جرحو جديد وخاطرو مزال مهنى مريام تگعدات شوية حتى شافت فيه ~. مزال مغترجع غتبقى هنا هز ليها راسو بمعنى اه ورجعات قالت ~ ولكن يدك ضاراك شكون غيطيب ليك ويجمع روينة من احسن رجع متبقاش راسك هنا زيدان ضرب ليها راسها بخفة وقال بهمس ~. بقاي معايا نتي شي ايام قابليني شنو زعمةة متقدريش مريام بلاما تخمم ~. نقدرررر رجعو لغد ليه ،بزز قدرات تقنع نادية حيت كانت رافضة بتاتا وعيات تخاصم عليها وتوريها بالعقل مسمعاتش ليها ، هنا مقدراتش تمشي وتخليها تضبر لمحاينها لا رافقتها حيت معندها مدير بزز منها هي لي لاقاتهم المرة اللولة وحاسة بمريام ماشي لخاطرها كدير هاكداك لحب كلا ليها دماغ ، شافت فيها راسها قبل اعوام جاتها غا هي حيت كانت بحالهاتابعة عماد من قنت لقنت ودايرة ليه كي لما لقليل خاصو غا يطلب وتحضر ليه..والا غبر عليها تبكي عليه ... جمعو حويجات قلال غيجلسو جهد يوماين جاتهم مع الويكاند ضمسو دارهم بلي مسافرين ف ڤواياج وداكشي لي كان جا لعندهم مراد هزهم وتاهو جاي معول على لبركة كان هاز ومحمل وقريعاتو مناسيهمش ناوي يبلبلها فطريقو تقداا اش غيخص ودا معاه شي حوايج لصاحبو عاد تيسرو لعندو ...مع دخلة لباب قشعوه جالس يكمي شافهم طفى لگارو كان لابس شورط حد الركبة وتي شيرط نص كم صندالة رياضية وداير على راسو كاسكيط ، وقف وتم جاي لعند مريام حط يدو على اسفل ظهرها وقربها منو هزات ليه كاسكيطة وهي كضحك عاد سلمات عليه مريام حاطا يديها بشوية على كتفو ~. كيف بقيتي شوية غمزها وحرك ليها راسو بمعنى مزيان اما نادية كانت مزال مخشية في طوموبيل متبعة ليهم لعين نزلات كتنتر وهو يشقمها نراد مراد فاتح دراعو ساخط زعمة ~. والباب ماالو هاا،الا غرتي تعالي ديرينا عاد تلاقينا ورجعي سلمي عليا بوش ابوش گاع نادية ~ فأحلااامك مراد ميق فيها وشير جهة زيدان ومريام لي غادين مشادين ~. شوفي وتعلمي اباردة القلب