ش*هادي شميعة اتشعليهاا وغتقولي سميتوو فنفسك عشرات لمراات وتشعليها وتخليها تطفاا وتعاودي وحدة خرا سبعياام ياك فهمتي
كرييمة:فهمت صافيي (خلات بزطامهاا جبدات عشرين درهم بتمدها ليها
ش**اويليي يا كرييمة سخاااي شوييي باش هدشي يمشي ليك على خير عاطياني ربعمياا مسخرة ليك لحانوووت
كريمة:خمسيين كاافيية وغير يتقضا الغرض بحلاوتك
مدالت ليها خمسين درهم وعطاتها تبخيرة وسبعة الشمعاات دارتهم فساكهاا وناضت جمعات لوقفة
حياة(شدات كرشها بالضحك )ههههههه واش لز**بووك واكلة خرا لمشاش ؟ هههه
كريمة:والله تكاينة شي وحدة فحيااتوو. واش طولة وتجرييدة وتفلتوو شي وحدة
حياة:اوى شكون هادي فيمن شكيتيي تقولي بيلو نضرب طاسيلت مك
كريمة:بيضة وطويلة
حياة:صافي لقيتهاا ...هههه تلاجة از**فيقي وعيقيي واش شواافة شافت تالرااسهاا كون عارفة داكشي لي فطريقها مطلقش جوج مراات وتسكن فبيت مع جيراان ...ونوضييي عري على مؤهلاتك راجل ضرييه على كرشوو وعلى كرو شي. حاجة خرا مكاينااش
كريمة:شفتي جااابر ...والله تكينا شي وحدة فدماغوو وحالفة تنحيدهاا ميجي فين يسالي هاد لعاام تنعرض عليك لعرس ونتي لي تنكفينيي
حياة:كل وهموو سيري سيري ضربي لفكد فرلسك
**
بعد يوم طويييل تجمعوو لاخوات فالداار على طبلة كيتسناو لعشاا تدخلات اقبال هازة كاجيين ديال لحم بلبطاطا لابسة سورفيت ديال اللداار حطاتو كيبربر
حياة:مممم ريحتوو يا سلااام بصحتك الشااف
اقبال(كسرات لخبز )الله اعطيك الصحة (شاف فهيبة مكالية بايدها على عنكهاا وكتلعب بلمعلقة تاع شلاضة فوق الطبلة مهياش هناا
اقبال: غرق ليك لحووت !
هيبة:همم ...اشمن حووت ياك درتو لحم عارفيني مكناكلش لحووت
حياة:نعل حياة مهاا ...وفيفيي معانا وخلييي الاحلام ورااك
غيتة: فين تكاااشط لي قلتيي
اقبال(دارت الدغمة فمهاا )فين مك
غيتة:صلقات لخضرة كلاتها وشربات دواها نعساات
حياة: مزيان خاصها تنقص كلاتنا فلحمناا
هبة:انا اختي لحمي كافيني
غيتة:راه سولتكم فسن تكااشط
حياة(عصباتها نفس السؤال نهار كامل)هاهوما فكريي لعرس باقي ليه سيماانة ...كولي ونوضي تجبديي
غينة(هزات شناايفهاا )اصلا انا لي نختاارو بغيتو فلبلو غواا يجيني مع سبااط
خياة(مداتهاش فيها)عرفتو لبلان جديد ....كريمة لقيتها عند شوافة ....حقا ما حقاا بغات طيح جابر بزز
مع قالتها وحلات لاقبال وبعداات على الطبلة كتكحب وشربات لما عينيها تغرغروو وقالت مبحوحة:منين كتجيبي هاد لخبارات؟
حياة:حق رب ولبزولة لي نتشنا ا بيلوو السيدة اتحماق وتسطاا عليييه ...قالت ليهاا عندو وحدة وسااحرة لييه
هبة:منيتها هادي كتيق فديك النصابة
حياة:عينيها تغمضوو بحال شي نااس
غيتة:جابر كاع ميشد فيه سحور هههه جحموم
اقبال: تلاقيت معاها صبااح وجات عندي لمحاال ...بفف بنادم
حياة:حضي راسك معاها وقوليها لجابر السيدة والله تغتوكلوو شي سم حياتو كاملة يبقاا بوحدوو
غيتة:عطيوني لحم
اقبال:باااز لبنادم مكيتاقااش الله وصلات بيها الدرجة لسحوور !!
هبة: كتعما البصييرة
حياة:بحال شي نااس
هبة:يمتكتريش على حمارة الدرب ...
حياة(ببرود ل)لي فيه لفز كيقفزز
غيتة:بيلو عطيني لحم
اقبال؛واش غتهنيونااا تاانيي ولالا
حياة:قلت هي لي كااين
هبة:لجينا نقزلو لي فيك مغنعيااوش
غيتة (سااطت وتعصباات نااضت شقمات لحم من لوسط سخوون ونااضت هربات لبييت)يالله
حياة(ناضت تبعاتها)وااااا جهل ابنت الق** بغيت لمك بوتفتااف
هبة:خليييها فيهاجعرة الله اعطيك لهرس البواالة
ورا بابا بيتها شادة لحم كتااكل فييه
الغالية:اويلي ويليي خليتيهم بلا لحم
غيتة:فقصوووني نبقا ندوز فلخبز ححرفيي
رجعات حياة كلسات وقسمو لحيمة بقات لوسط
اقبال: كيجاتك لخدمة
هبة(تنهداات )صافا مبيهااش نسلكو بيهاا واخة واحد لبرهوشة دارت ليا الاراارة ينما نضور نلقاها حاضياانا وهيا لي شاادة لاكيس حاسبة راسها مولات شي
حياة(شربات لماا)كوني مراا وكركبيي مهااا
اقبال:تقطع رزق النااس؟ ...ديها فخدمتك اهبة ومولاها ربيي ...داك خينا مبقا عليه خبار
هبة(تغرغرو عينيها وعضات على فمهاا)لاا ...وكملها كل مؤة يلوح تصويرة فسطاتيي فلواتسااب ضاحك فرحاان معلبالووش
خياة:قلبي على زمر اهبة باركة من الدل بلوكي جدوو وخليه يتكمش ..مالكم كتبغييو تاكلو ترابهم !
اقبال:عزيها تعزك اهبة مكاينش غير هواا وكون غير يستاهل هاد دمووع لمحجريين فعينيك
هبة(مسحات عينيهااا وهزات راسها بوااخة ) واخة ...صافي غير نهز الطاجين ؟
حياة:هزيه
هزاتووو ومشات لكوزينة كتغسل لماعن ومكملة على بكاها محسات كاع بغيتة لي دازت من وراها كتسلت هزات قرعة تاع الشكلااط ومشات لبييت
اقبال: لقيت لعنوان تااع خت لمرا لي دات انصااف ...فكازااا
حياة(كتنقي فسنانها)معقوول ....
اقبال:غير تخفاف لخدمة عندي وغنمشي لكازاا بلا متقوليها لغاللية
حياة:ناري خاصك تمشي قبل ميجيو وراقيي بغيت نشوف لبرهوشة اتكون كبرات وزياانت هه ..تصدقييي هياا لبكوصة فبنات الغالية
اقبال(ضحكات)تسمعهاا لالة غيتة تركل ليك فدرووج (تنهدات)اتكون كبراات...16 لعام اتكون عندهاا
حياة:بحال هكاك ان شاء الله نشوفوها
بعد مرور اسبووع دااز عاامر لي فلخدمة ولي الدوران ويغتة لعطلة مقابلة هي وجها وشعرهاا وشطيه صباح وعشية
واقفة اقبال كيف عادتهاا كانت جوج تاع لعشية للشمش مقابلة مع وجها لي مخبيااه بلكاسكييط وحالة لكابوو والطموبيل خداامة كتزييد فلماا وتقلب فلفراان
لابسة سروال سلييم بييج وتيشورت لارج شوية مورد فكول فيي مكتاافية ب ساعتها لي مكتحيدهااش او سنسلة تنقرا فعنقهاا فيهاا حجيرات صغار ملوننين شعرهاا جامعاه لفوق
غيتة نازلة جامعة شعرها لفووق لاابس كسيوة حد الركبة وصندالة تصبع ومكيااج نااعم ولافخونش على وجها الداائري وغماازة فجانب دقنها ...صابغة ضفيرات بلون وردي كيتماشاا مع لكسوة لي لابسة ...
هزات اقبال عينيها فيها وقالت؛واش مغنتحركووش خلاص
غيتة:راهم جايين (شدات لكسوة بطراف صبعانها بضحيكة)جاتني وااعرة شكرااا ههه
اقبال (بابتساامة)نتي لي وااعرة الزين دياليي
تلاحت عنقااتهاا بحب ومشاات ركبات اللور شادة تيليفوون كتصور وتسنابي تااني كيعادتهاا
نزلات حياة وهيبة هازين بالييزة صغير فلحمر فيها اشياائهم بربعة بيهم داروهاا فلكوفر لابسين حتى هوما ومقادين هبة لي لابسة سروال توب رطب وتيشوورت نص كم او حياة لابسة سالوبييص ايديها نص كم مشبكيين غادية على طايتهاا بشكل زوين شعورات مصاايبيين ومقادين لحالة ..
هبطات لغالية عادية هي بجلابتها وصاكهاا فيه دواهاا وبيجامتهاا
اقبال:ركبي نوصلووك
الغالية(كتقاد فزيفها)الاا نتمشااا شوية ...خديجة مبعيداش علياا ...ردو لبال فطريق
حياة:خايفة علينااا !
الغالية:وعلامن غنخااف
هبة:متخافيش الشااف سواك
اقبال:يالله يالله طلعو من لهدرة
جبدات اقبال من جيبها اللوراني ميتين درهم ومشات عند الغالية :خليها عندك لتحتاجي شي خااجة حناا الحد فعشية انجييو
الغالي (دارتها فالصاك )واخة سلمو على لخاجة فاطمة
اقبال:مبلغ
خلاتها ومشاات سدات لكابوو وغسلات ايديهاا وجبدات كلينيكس من الطموبيل نشفاات عاد ركبات وحداها حيااة كتمسح فواحد السيدي جامعة فيه الاغانيي لي غيشدو بيهم طرييق
غينة (كالسة اللور ومتكية راسهاا على هيبة )درتي ليا موك صاايب
حياة: درتي ليك حمادشة
ديمارات اقبال مت بعد مدارت نضاضرها الشمسية وقالت:ديرو السمطة وشدو لرض لنصدقو مخلصين برووسي تااني
حياة:تخافيش نسيبي خوه كوميسيير مزيان نتناسبو مع لمخزن خههه
اقبال:هههه تنقبل بييه بعداا او سميه نسيبك
خرجو من الزنقة وشدو طريق فيي امان الله الشمش ولموسيقى فالطموبيل محيحين عليها تصونا تيليفون اقبال جبداتو لقات جابر وجاوبات من بعد منقصات الصوت :ويي
جابر:تقولي ليا مزال مخرجو من الدار نتخارا معااك
اقبال:لمسا الله ...احنا فطريق ربعة كااع نكونو تماا
جابر:وبشوية فطري راه كاينين لبراجات كتار
اقبال:كون هاني يالله تلاح
قطعات معاه ورجعات حيااة لموسيقة كتجدب بشعرهاا وتحيح
طريق طويلة تلات سعاات فشموشاات ولحرارة والطموبيل كتسخن دخلو لجديدة لقاوها مبردة شوي
غيتة:ناااري جديدة بااردة على مكنااس
هبة:حيت فيها لبحر
غيتة:زعمة منمشيوش لبحر جينا جينا عفاااك
اقبال:معنديش لوقت اغييتة لحد فلعشية نرجعوو خليها مرة خرا ان شاء الله
ساطت وربعات ايدهاا من بعد نصف سااعة دخلو فنطااق القروي بين الحقول الزرااية الارض ربسع والجو بدييع حلو زااج وشكو. لهوا نقيي داافي نسيم لطيف
حياة:هوما لي مبرعين بالطبيعة ولجو زوين...انجمع شي فليساات ونشريو شي بقعة فلاروبية اش بان لييك ا بيلوو
غيتة:والله منسكن فلعرووبية مالي تسطييييت
حياة:نتي بالضبط انلوح مك فشي مطمورة لكلب لي جا يبوول عليك
اقبال:كانت فبالي شحال هدا ولكن لبني صعييب خاصك لفلوس صحيحة لبغيتي شي حاجة مزياانة
هبة:يختي شووفي لفيرمااات وشجرر هدا هوا لكااليبتوس اقبال ياكيي
اقبال:ااه هواا وهدااك لبتوور هوا لي كنلقاو فجناب طرقاان كيدير الضل ...راه الدار ديال جد جابر ديك لي عالية وضاير بيها شجر
حياة:نعل ديلموو مخليي لخير هناا وكالس تماا ههه
اقبال: بااه جا لمكناس بكريي من ورا متزوج بمت جابر مكناسية شرا بقعة ملي كان لميترو ب عشرلاف ريال وبناها ولي بقا كملو جابر داباا
هبة:غزااالة الدنيا هناا الصراحة دكالة كيعاودوو عليهم بلادهم زييينو بلفلاحة راه بصح مكدبووش
كملو حديتهم توقفو قداام دار داير بيها صور عرييش وباب فلكحل حديدي كبير محلول ودراري صغار كيلعبوو سيارة كبيرة ديال تريتوور ودراري كيهزو فلكراسة وزراابيي لمحاات جابر كيوريهم فين يحطوو كيجري منهنا ومنهنا واقف على عرس ختوو تكلاكص نات عليه اقبال وعيط لولد عمو وراه اش يدير ومشاا كينش بتيشوورت ديالو وجبهتو عرقاانة
نزلو لبنات كيضرب فيهم الريح وقال:لااا مزال لحالل جيتو بكريي
حياة:تداباا نرجعو فحالناا
جابر:دوزي لنهرس لمك رجلييك تعطلتوو
اقبال:طريق عاامرة
جابر:زيدوو افين نوتيلاا
غيتة:نتا لي نوتيلااا اناا حليبة
جابر:هههه ياك الببوشة ...زيدووو مرحبا بيكم ف ولاد فرج
حياة(ضحكات)الله افرجها علييك وعليناا ههه
جر غيتة دارها تحت باطو وقال: لفارة مطواليتيش
غيتة:بغيتيني نكون سلوم جياارة
جابر:هههه لا طلي على لبحر
دخلهم لدار لي ضاير بيها شجر كيدين الرييح ولفلاحة بعيييدة كيبلن شجر الرماان ولكرموص والدار كانو لتحت مكازاات كبااار محلولين كاامليين وكيتفرشو بزراابيي وطبالي ولكرااسةو ولجووق ولبرزة خداهم لدار فجنب كان لباب طلع. فدرووج كيعرفهم على لعائلة توصلو لصالون كبيير مفؤش على حقو وطيرقة بترياات وفرااش بلديي وتدلاكت فلحيووط شافتهم مرا كبيرة واشمة تحت فمها وبين حجبانة دايرة درة لتحت عاد زيف لفوق فلبيض لابشة تشاامير بلوريدات ومحزنة بمضمة ومحنية ايديها
الحاجة فاطمة هيا الجدة تاع جابر من جيهت الاب هيا لي بقات معاهم من ورا ما ماتوو واليديهم حتى قدو برااسهم و رجعات لمحالهاا
الحجى:اقبااال بنتيييي
اقبال(بضحكة مشات عنقااتهااا وسلمات عليها باست ايدها وراسها وقالت)ميمتييي توحشنااك
الحاجة:عليييهاا الغدارة جيتي شفتينيي هههه
جاو لبنات كديالك سلموو عليها بحب ديما كتهلا فيهم ملي كتجي عند جابر سوا زيييت زبيدة خضييرة عسل حر لمهيم تفكرهم
حياة:ايحسابلي هي نتي لعروسة هه
الحاجة(قدات زيفها)اويلي ي حنا شرفناا نوبتكم ان شاااء الله ياربيي (جرات غييتة عندهاا)ادوي يالغديديرة متسولييش فميااك (مك*)
غيتة:غير مع لقرااية هه
حاجة:كلسو كلسو. عيتو بطرييق ....بعييييجة واا بهييجة جيبي اتاااي
كلسوو ةغيتة كطل من الرشجم الطبييعة خضرة وشي كيجري هالي هاز كرسي عا لي هاز بااف تجراتها حيااة باش تسلم على لمراا كانت عمت حابر صغير فيهم بهيجة مزوجة او لكبير فولادها قد غيتة
كل مرة تدخل وحدة وتسلم علييهم ويتجمعو اما لالة لعرووسة مشات لحمام ومن لحمام ادوز لكوافوورة وتجي منكفة ...شغال على قدم وسااق حطو لييهم طبسيل مشكل من لفااكية ولحلاويي وغيتة كتمشي غير لديال الشكلاط تااكلهاا وتنقيي لبيسطااج وتييليفون فاسدهاا
الحاجة:كيدايرة لغالية كالياا جابر مرييضة
إقبال:وشوية مكتحاولش على راسهاا
حاجة:ياو كيه ابنيتي راه الغلض امخيبوو غا شحوماات
اقبال:وابصح لواحد قد مالقا يحافض على صحتوو
الحاجة:اوى الحاضي الله ابنيييتي هاهوما حضاو تعيااو ومشاو خلاوهاا صبااح مدا بكات الزغبية تاع شاادياا (تنهدات)احح الله ارجمهم طااروو
اقبال(باسف)امييين ياربي الحمد لله عوضها ب جابر وها راجلها داباا
الحاجة:كون ما خوهاا كان داير ليها كيلما لقليل كون تبعااتهم علاه مامشاتش تسطاا ليناا ..اوى مكتاب الله
الدار عمراات بلغادي ولي جاي العائلة كتجمع هيي ف لمناسباات وبالاخص لكانت العائلة كبييرة مكتلقاش منين دووز ...لتحت كان جابر واقف على شغل مع ولاد عمامو لي قدو فلااج ها لي مزوج ولي باقيي بلاش نصهم مهاجريين او خدامين فمدن خراا...تحت باطو عرق بسير وجيي وجبهتو كدالك من بعد مقادو الدنيا وكل حاجة شدات بلااصتها مشاا طلع لدار لفووق دوش وحيد عليه لعرق وبدل حوايجو بسروال دجيين وتيشوورت مقطن نص كووم رش ديودوروون ديالو ولبسوو ودار فرجلو كلاكيط وناازل حتى تلاقاا بغييتة كدمع فدرووج واقبال كتهدر معاها
جابر(بتسااؤل)ياك لبااس
غيتة:هءهءهءه نساو ليا قفطااني دابا شنو نلبس اناا
خرجات حياة من لبيت كتدوي بهمس وقالت:وااش باغة نجفف بيك لرض دوزي لبسي قفطاانيي نلبس غير فرااشتيي دوزي
غيتة(هزات كتافهاا)لاااء هءهءه نلبس قفطاان بيض مع صبااط زرق نازلةة من جبل هءهء بعدو منييي هءهءه
اقبال:واش هبلتي كتبكيي على قفطاان
بغات تمووت بلبكااا وبديك لافخوونش ولعينين عمرين وشفار مزلعيين كتباان بحال شي بريهيشة واقف جابر وجروو عندوو درعها وقال :صاافييي وصاافييي يالله داباا نكري ليك هاد لقفطااان
غيتة(هزات راسها ودموع هابطين مع حناكها)بصصح هء
جابر(مسح دموعها)بصصح لبسيي عليك وسالله
اقبتل:واش حماقيتي وقت لكريان هدا الناس لتحت خاصك توقف على لعرس اجابر انا غنمشي معاهاا
جابر:وصاافي متي عييتي بطرييق انا خاصني نقضي شي غراض فلمديينة ...دغيااا منتعطلووش
اقبال:فففف زعمة نتيي ..صبر نعطيك الصرف
بقات كدمع فحضن جابر لقات علامن تجيب لفشوش تانيي
جابر:صافيي خلي فلوسك عندك
اقبال:جاابر
جابر:غير نتيي لي عندك فيهم لحق ...سيري سيري
جر غيتة مدرعهاا كتمسح فدمووعهاا واقاد فكصتهاا على عينيهاا مشا عند لحااجة وغيتة وقفات حدا باب الداار كتشوف تضربها جابر لعنقها وقال:زيديي اكواظالوبيي
غيتة:انا خسن من كوادالوبيي !
جابر:هههه مابحالك حد
ندات وحدة من لبناات على جاابر وتلفت وقال:اش خااص
كانت بنت فلعشريناات دايرة زويف ديالها ولابسة كندوورة وقالت بضحيكة:طالع لمديينة
جابر:اه..خاصاك شي حااجة
**مم بغييت غيرر روشاارج اوروونج باس انترنييت
جابر:صاافيي !
**بضحيكة :صافي هه
دار وغادي بغيتة وقالت :شكون هادي
جابر:بنت عمي لي فمراكش
غيتة؛ونتاا وزير صندووق لمال !!
ضربها لراسها كيضحك وقال:مال ديل مك مسموومة
ضحكات ومشات ركبات فطموبيل وركب حداها وشافت بارفاان محطوطة وهزاتها شماتهاا وقالت:تاعمن هاادي مم زوينة
جابر:عجبااتك!! معجباتنييش جابها ليا واحد صااحبيي السعاتي معجباتنيش ريحتهاا
غيتة(كترش فيهاا)اش كتعرف نتا فروايح واااعرة كون كانت تاع لبنات نطيرها لييك
جابر:خوديهاا...باش غيعرفوها تاع لبنات ولا ترجال !
غيتة:اويييليي راه باينة من طيااارة تاع رجال حيت تيكونو قااسحيين
جابر: اش عرفني فيهم اناا
بقا غادي فطريق تدخل لمديينة توجه لمحال لكراء القفاطن وتكااشط كبير منو كتكري مرة مرة شادياا
جابر:سيريي شوفيي اش بانليك كنتسناك هنا متعطلييش
نزلات بفرحة ودخلات كنتنقز لمحال اما جابر بقا كيتسناها وهز الريحة دارها جيهت نيفوو شمهاا وسدها يالله بغا يحطها رجع هزهاا ورش منهاا جوج رشاات على تيشوورت ديالوو ...
كتختار وتعزل شافت وااحد منبت من صدر وايديه من الدونتيل كيجي لاصق على شكل حوتة وفلبلو غواا والسمطة فضية منبتة بلزرق قيساتوو جاها من اروع ما يكوون خصوصا مع تعديلات شعر ولميكااب
غيتة:بغيت هدااا
**هدا باقيي جديد وملي نتي من طرف شادية نخليه ليك ب 300 درهم
خرجات لعندو عاضة على فمهاا وحل ليها الشرجم وقالت بدلع :300 درهم
جابر:كريتيي تكشييطة ولاا لمحال
جابر:معرفتش علاش نتوما جيل تمانينات معقدييين كلشي عندكم غاالي ...علاش انا معنديي زهر علاااش
جابر(جبد بزطاموو كيجبد لفلوس)هاهيا اتبدااا تغبن علياا تانيي ...شدي
غيتة(شدات)ارااا الله اخلف علييه اخييي نردهم لييك فزرورة عرسك ههه
مشات كتنقز كي شي برهووشة جابتو وعطاتها لكاارط ديالهاا ودارت ليهاا القفطان وسمطة ديالو فصلشي وخرجات كطل علييه وعينيها كيبرييو حسن كاع من هداك لي كرات فمكنااس ...
الليل طااح والاجواء تاع لعرس بداات كتوضااح كلشيي مخشي كيتقاد شي لي باقي واحل عند لكوافوورة لخزاانة تاع رجاال كانت بعيدة على لمكازة لي فيهاا العيالات ولعرووسة التيسااع موجوود ولبز فينما درزتي كيتجااراا كل مرة يمشي وااحد لورد لي جنب لحييط ويبدا ينتف فييه تكيجمعها معاه جابر بضربة ويهرب معرف يقابل رجال ولا لبرااهش لي كيعكلووه كل خطرةة ...
غيتة:ديري ليا عكر غووج احياة
حياة(كتقاد لنبة فوجها)لبسي لبسي لقفطان نشوف
بقات بدو بيااس ولبساتوو بتوب موبرا خفيف متقييلش كيتبراك بالضو لكتااف من الدونتيل وليدين قصار مجموعين من الدونتييل
حياة:شوف ليك بنت لحراااام ....بشحال كريتيه
غيتة(قلبات عينيها)ب ستلاف ريااال احبيبة
هبة:باغة طيرييي واش مكتحشميييش مخلياه مخلص علييه ستالاف رياال ولدك ونسااك
اقبال: زعمة اول مرة ديرها بيييه !
حياة:مقراجك ميسخنش
غيتة:دوشو ليا هي بلما بارد هااانية
لبسات صباط بلو ماريين عاالي وقاعة كحل شعرها كانت دارت لييه لبروشينك مسررح الزغبة على ختهاا فايت مؤخرتها وجاي ايفيلي ولافرونش بوجه ملائكي كتافات بلايلاينر فةق عينيها وجبداات شفارهاا تولاو كتااار وطوال على طولهم ودارت عكر غوز باارد ولفرغاجوو كتقاد فسماطي السوتيان وقالت:اووف كيترخاو لياا ...انمشي لطواليط ونجيي
خرجات هازة جلايلها تالطوالييط لي داز كتبسم لييه دخلات سداات وبان ليها لبابي تاع طواليط مزال عاامر عاد محطوط هزات الرورو وكلساات كتلوي تلوي تلويي وتخشي فصدرهاا وتقاادو باش ميبانش عوج وخرجاات كتزرب دخلات موراها لحاجة لقات لبابي تسالة وغوتات وااااا بهيييجة ومتخليش لبرااهش يدخلوو اهيا يعطييهم سخاانة سلاااو لكوااغط
ضحكات غيتة ودخلات لبيت تكمل زينتها صفرات ملي شاافت اقبال كدير فبرااسلي محجر وشعر مطلوق كتافات فماسكاارا وكلووز خلا شفايفها كيلمعوو فقط قفطان اسود بسفيفة كري من الستان رطب وسباط اسود جاات بسييطة وفنفس الوقت زويينة اما حياة لبسات قفطان موبرا بلون كاصي وصندالة عاالية الشعر بووكلي قصير ولميكاب مسرووع وهبة كدالك كملات زينتها وخة معندها خاطر لبسات قفطان غوز باارد بتوب ناعم وصندالة عالية فلكحل وصباغ مضفوريين
اقبال:غنسبقكم لتحت متعطلووش
خرجات لاخيرة شادة تيليفونها كتقاد فالسمطة تاعهاا ...جات مع زغاارييت والرمى دفوع لعرووسة وصل وقفات بعيد شادة جلايل لقفطان توقف عليها جابر كيضحك وقال:بيلووو اش هداا لقفطان نعامااس
اقبال:اوى شنووو ههه كيجاني
جابر:مخييير بصحتك شفتي لعرييسس
اقبال:لعريس لعرووستوو
جابر:ااي شكون دوا ليك على لاخر تندوي ليك على اميين ههه يالله وصل هوا ولواليدة ديالو
اقبال:امييين!! مكنسمعكش مزياان
قرب لحدا ودنهاا بغا يعاود لهدرة تهز عينوو فدرووج حورية لبحر بل اجمل شعر طويل كيلعب على ضهرهاا كيفما بغاا لعنق طويل وحفيرة الزين فدقنها مزينة وجها الطفولي لعن الشيطاان او بعد عينيه
اقبال؛واش جاا
جابر(رجع ستقام كيحك فعينيه)ااه جااا
غيتة وقفات قدامهاا ودارت دورة على راسها وقالت:كيجات لالة غييتة
جابر(بابتسامة)غا بصلة محزمة ....مالك خانقة رااسك كون شفتو والله متدييه
غيتة(هبطات كتاافهاا )اش كتعرف فزيين اشش لموووض اخويا لمووض ....اااي شطييح انا مشييت
مشات كتجريي لةسط جووقة تشوف اش جايبيين مشات كتجري لبرزة فين كلساات شادة لي عاد دخلوهاا باستهاا ورجعات كتنقز وتشطح على رمى ماهمها لا عالي لي لابسة لا مكتعرف حد لحال ميشااور
نزلو لبنات كدالك بقاو واقفين مع اقبال وجابر حتى تقاد الدنيا ويكلسو هل لعريس عادي يشددو تهوما بلاصتهم ...
جابر(فالتيليفوون)شفتي لباب لي مقابل ممع جردة ...انا تمااا لا لا ماشي حدا لخزاانة جي نيشاان اصااحبيي
قطع وكمل حديتوو مربع ايدوو ومفرق رجليه شوي تبان ليهم امين باناقتو وشعر مرجعو اللور بجيل كيبري لاخير هي شااف اقبال بلبلدي بحالا شافها فلبرزة تاع العرس معقل تاعلى وااحد كيتمشى جيهتهم وعينيه عليها تنغزاتها حياة وقالت:تي شووفيي نسيبيي ضمستيه
هزات اقبال عينيها فييه وتبسمات توترهاا بعينيه لي متحيدوش عليهاا وهبطات عينيها كتحك فودنها بتوتر توقف عليهم ومد ايدو ليها اولاا وقال:واش اقبال هادي ولااا كدبت
اقبال:علاه كي جيتك
امين:ومزاال كتسوليي
نحنح جاابر بمعنى جمع راسك اشريف وضحكات هبة بهمس كيتغامزو على اميين لي رجع شااف ف جابر وقال:قلبت عليك اصااحبي ملقيتكش
جابر:مشيت تسخرت لحاجة عاد جييت ...يالله مشيناا ..لبنات بغاو يدخلوو لعند لعيالات
مخلاهش يقول تاجوج كلمات لاقبال وجروو معاه وحياة طرطقاا بضحك وقال:يختيي قمعو مسكيين وهوا بغا يعبر هههه
هبة:هههههه ناري على شوفات دار فييه
اقبال:تهوا عييق كاتب علياا لي يتمنضر فياا!! بلعلالي بغا يبدا يتعنب عندو زهر مقمعتوش بسلاة تاع المراهقيين
حياة:ههههه بربي تا كرك ايغمل ميزورو لوالي لاتااليي ياعلى معقدة ههههه
توجهوو لقاعة كيبااركو لحاجة وباركوو لعريس ولشاادية لقاو غيتة شادة ليهم طبلة بلقرب من لعرووسة كالسة كتصور وكلسو حداهاا تدخل جابر ومعاه سيدية خمسيينية بتكشيطة هماوية وفولاغ بيج شادة جلايل وتوجه بيها لجيهت لبنات وقال :كلسي اخاالتي حورية ...لبنات هادي لواليدة تاع اميين مرحبا بيك الحاجة
حورية:ترحب بيك جنة اولديي الله اكبر بييكم
كلسات مقابلة مع اقبال عطاوهاا صوابهاا وكتعرف عليهم وهيا اصلا عارفة اقباال عينيهاا لاصقين هي فيها كي تاتصرف كيفاش كالسة كيفاش كتهضر وضحك وتعبر
حورية:نتي هيا اقباااال ياك ابنتي
اقبال(بابتساامة)هيا هادي الحااجة هه
حورية:تبارك الله بحال بحال سميتك مقبوللة
تبسمات اقبال بمجااملة وعينيها غير فلفاارة لي مكتبردش ديال غيتة لي ملي بدا لكرووب وشطيح محطاات قزيبتها اللرض لعينين هي تابعيينها ويتغزلو بدااك شعر سوا عيالات سوا رجال تواحد مكيدكر الله ويباارك مكااين غير نااري على شعر سعداتها عندها لخااطر لييه ويلي هيا ضعيفة وعندها الترمة بااينة هي لابسة لبوونج تاع باطمة
كل مرة اقبال تخرج فيها عينيها باش تكلس وتجي تكلس واحد قسمين وتنوض تاانيي ...هبة شادة تيليفوون كتنهد وهوا طالع اونلااين ومكيهدرش
حياة:ديري هاد الطوف لي صورتك لفووق ضاحكة فسطاتي وقلي لمو السم
هبة:معندي خاطر صافي
حيدات ليها التيليي من ايدهاا وهبة ساطت لاخيرة هزات تصويرة كتبان فيها كيووت والنوتة كتنطق من شفايف ولغماازة لخفيفة فحنكهاا حطاتها فسطاتيي وكتبات عليهاا ولي بغا يموت يموت وعطاتها تيلي وقالت:تحيدييها نقودها عليك
بقات شادة تيلي فايدهااا كتشوف شكون شاافهاا حطاتوو تفيبا تيليفونها وهزاتو قافزة قلبها كيضرب دخلات لواتسااب غير بان ليها ميساج من هيتم تبخر حمااسها ودخلات قرات : لعرووسة اتغير منك هههه
حياة(طلات كتقرا وضحكات)مال هد بابا غطيني هههه
هبة(قالت ليه يااك بعداا وسدات كتميق)دائما الاهتمام يأتي من الشخص لغلط
بدا العرس واتاي والحلوة كيتفرق والقاعة عمراات عزلات اقبال لغيتة شكيلات تاع لحلوة بالشكلاط حطاتهم ليها فطبسيلهاا حداها مع كاس تاع اتااي بنعنااع تجات كلسات حداهاا
غيتة:واحد لوليد طاح فشووك هههه جبدوو جابر بحال لقنفووود ههه
اقبال:احااي ياربيي اش داه لشووك
غيتة: معرت دفعو يمكن شي برهووش
حورية:هادي ختك صغيررة!!
اقبال:اه
حورية:تباارك الله غزاالة بحال خوتاتهاا
غيتة(بحب)عويناتك اخاالتوو ههه
ناضت غيتة طلباات الموزوون من وحدة من لبناات
غيتة:خالتي عطيني موزونك نشطح بييه نسيت ديالي
*هاهوا ابنتيي ورجعيه لياا
شداتو من عندها ومشات حطات الصندالة وتحزمات وطلعات لقفطان باش ميعكلهااش والسيكان بانو
حياة قلبات ايدها على جبهتها وقالت:ميييييمتي جواد الغالية نااضو
ها الطرح بداا وغيتة واقفة لوسط كتشطح مع شي بناات لي مخلات ليهم فشطيح ميديررو عيااو يعاندووهاا وكتغلبهوم لاعين كلها عليهاا وعلى داك شطيح لي كدير
هبة:لييوم طيح بسخانتها تاانيي فثصتنيي
اقبال:خليهاا راه غير لعيالات
مقالت عييت مقالت برااكة علييا تجدب بشعرهاا تكيبقا نص حال فموو وحاضية صدرها ليطيح وتشوه مع ناس دكاالة ههه
صونا تيليفون هبة وقلباتو تشووف بانت ليهاا *عمري* وضحكات تالودن ونااضت قاافزة جارة جلايلها كتخطا فلبشاار وشحال طوالت طريق تالباب الدار بعيد على صداع وجاوباات وقالت بصوت رقيق :الوو
عمران:كدعي علياا بلمووت احبيبة ديالي
هبة(بغنج)عاد تفكرتينيي
عمران:نتي ديما فباليي ...شوف نتي اش درتيي لياا
هبة:سمحليااا
عمران:وتانا سمحيلياا غوت علييك احبيبة دياليي اخر مرة ...هبة فين رااك
هبة:فجديدة فواحد لعرس
عمران:مكتعرفيش تشااوريي معاياا
هبة:ونتا مبغيتيش تهدر
عمران:لقيتيها تسلكك ودرتي لي بغيتيي ياااك
هبة:داباا واش عيطي باش ندابزو تاانيي اعمراان
عمران:وااخة الالة مقلتي عييب .. عندي ليك واحد سسوغبخيز
هبة:شنوو هيا ههه
عمران:هدرت مع لواليدة يلالة
هبة(بفرحة)حللف حلف هههه
عمران:عمري كدبت علييك
هبة:شي مرااات ههه
عمران:يااااك الالة
هبة:وصافي صافيي متكونش على سبة تانيي شنو قالت مااماك
عمران:مساليين نهار تلات بليل
هبة:اه اه مسااليين احبيبي فاس وقت
عمران:غير هوا اهبة راه مغتجيش غير لواليددة خوتيي بجوج او لوالييد وختي وتقدر تجي معاهم حتى جدة راك عارفة عائلتنا كبيرة
هبة:لي جااا مرحبا بييه اعمران
عمران:ولكن بغيتك تهلااي فيييهم بغيتك تحمري ليا وجهي مع داارنااا .. .الى معندكش انا نسيفط لييك متقداي وتوجدي
هبة:لاا لا الخير موجود الحمد لله وداركم غيخرجو فرحانين اعمران
عمران:داكشي لي بغييت ...وتانتي تقااديي مبغيت حتى واحد يهضر ويقول فيك شي كلمة
هبة(دورات عينيها كتسووط)وخة اسيدي
عمران:ديري لبسطيلة لعشاا بحال ديك لي درتي وجبتي ليا منها عقلتي علييها عفاك احبيبة بغيت كلشي يكون نااضي راك عارفا الفاميلة عينيهم كبيراا
هبة:صاافي واخة ميكون هي خاطرك احبيبة ....نخليك دابا كيعيطو علياا
قطعات عليه ولفراشاات كيلعبوو ليها فكرشهاا وعاد فرحات وبانت فوجهاا دخلات ادراجها لقااعة لقات شادية فلعماارية كتلووح لورد تشافتها ولاحت عليها لورد كضحك وقالت بهمس لعقبة لييك
هبة (باست ايدها ولاحتها ليهاا كضحك وقفات حدا حياة ختى هبطوها وكلشي مشا لبلااصتوو يكلسوو مدازش وقت طويل تبدااو كيقادو فطبالي باش يحطو لعشا ...في غيتة خارجة لقداام جردة حدا لباب وعطات لوحدة فلبنات تصورهاا مع الشجرة تاع الليمون فلقنت كان واحد من دراري يدير دورة ويصفر عليهاا وهيا عاطيااه مشيي نتاابه جابؤ لي كان جاايب طبسيل من عند رجال حطو دغياا ورجع صااح فلولد وقال :هشاااام دااركم
هبط لولد عينيه ودردب مع لباب عند صحاابو ومشاا لغيتة جرها من دراعهاا وقال:دخلي تعشاااي
غيتة:وصبرر هاني غداااا ادععع
حابر:دوزي دخليي نلقاا مك خارجة مرة خرا نهرس ليك رجلييك يالله (بلغوات)ودغيااا
طارت من حدااه فاتجاه طبلة كتوريهم فتصاور وهوا رجع ل هشام لي كيكون ولد عموو صبنووو تصبااان قدام بااه وخلاه ومشاا ...
العرس مسالاش بكريي قرابت جوج تاع الليل لعرووسة كتسيفط مع عائلتها بليكا وتعنق ف جابر ليي صابر هي بزز ويعتق فيها ويبوس رااسهاا برضاا مافكوها منو هي بزز خلات لييه لقميجة لبيضة جيهت كتفو عامرة كحل وبووسة بعكر حمر وصا عليهاا راجلهاا وششدوو طريقهم
اميين:جاابر هدا لوقت تاحنا نمشييو
جابر:فهاد لوقت اصااحبي كلس تالصباح
جابر:لا لا انمشيو غير هنا كاينة لبارطمة يالله الله اتبت الغرس عقبة لينا تحناا هههه تصبحو على خير الحاجة
الحاجة كتمسح فدموعهاا:طريق السلامة اوليديي
امين(لاح عينو كيقلب على اقبال تشاافهاا ومشا جيهتها متكية عليها غيتة كتبكيي كاع الضحك لي ضخكاتو رجعاتو بكا كانت مولفة شاادية فينما غوتو عليها خوتاتها كتمشي عندها وشحال من مرةات باتت معاهاا
امين:اقبال غدا غتمشيي
اقبال:ان شااء الله
امين:لمهيم ملي ترجعيي نهدروو واخة يالله باي بااي
اقبالىتبسمات: بسلامة (مسحات ليها دموعهاا)وصاافيي سكتيي ..مضروكشش رجليك بشطيح نوضي تنعسيي
وفعلا كلشي طلع بدل ب بيجامات ومسحوو لماكياج ديالهم ومع الصهد سطح عمر بلعائلة وكاين لي نعس لتحت
كانت اقبال ولبنات او وحدة من العائلة فبيت مبرد شوية كل وحدة متكية فقنت ومع الصهد بلا غطا اما غيتة واخة يكون الصهد والحرارة خمسين مكتحملش تبقا بلا غطاا مجاهاش نعااس ناضت خرجات من لبييت كتقلب وعينيها ميتين بنعااس
جابر: غييتة مالك
غيتة:بغيت نتغطا مجانيش نعااس
جابر(مد ايدو ليزاار ولاحو ليها شداتوو )تلاحي تنعسيي يالله
شداتوو ورجعات لبييت سرحاتو وتغطات عااد نعساات
يوم جديد فبلاصة جديدة حلات اقبال عينيها على صوت التيليفوون حدا رااسهاا كمشات عينيهاا وهزاتوو جاوباات
اقبال:ويي الوو
اميين:باقة ناعسة
اقبال:ممم صبح راسي ضاارنيي بجهد
امين:يكما نجيب ليك شي دواا راني باقي هي حدااك
اقبال(دورات ايدها شافت الساعة لقاتهاا العشرة)لا لاا مكاين لااش غير نفيق نولي بخيير
امين:ؤك حبيبة صبااحك مبرووك
قطعات فلبلااصة مكمشة عينيهاا فالتيليفوون وقالت :صباح الله
حياة(هزات راسها )ياك لبااس ...شكون
اقبال(بهمس)سلام السلام ؤك حبيبة صباحك مبرووك
حياة:ههههه غدا يقوليك اش خبار دراري هه
اقبال :زرباان على راسوو
دارت هبة لجيهتهم وقالت:صباح لخيير
خياة:صباح الخيراات ...نعستي ناشطة بعداا (تاوباات)عضامي ضرونيي
هبة(تبسماات)هدر معاياا عمراان
حياة(كملات لمتاوبة)اعود بالله من الشيطان الرجييم
هبة(ميقات)باز
اقبال:ماالوو عاد برد
هبة:نهار تلات ايجيب داارهمم(بحب) قالها ليهم
حياة: اختيي معرفتش اش طيح حبك علييه مافيه لازيين لاا رجلة ...
هبة:نتي بعدا كتشوفي فالراجل هي فلوسوو انا بغعيت لي يهزني بحبيبة ويحطني بلالة هبة
اقبال:انا بغيت لي يهزكم بجوج تالسماا ويخبطكم الى مسكتووش شوية هاد لهدرة خليوها تالدااار ..ماشي وسط الناااس
سكتو ونااضت كتجمع فشعرها وكتخطا فلي ناعس فلارض شافت غيتة معرين رجليها ومشات قدات ليها لغطا ولمخدة وخرجات من لبييت كاين لي فااق وكاين لي مزاال نااعس طلعات لطبقة التانية فيين حاطييين لبالييزة دخلات لطواليط توضاات وغسلات فمها دوزات على شعرها لماا وخرجاات تلقاتها لحاجة بفوطة كضحك
الحاجة:صبااح لخيير ابنتيي...توضيتي بلما بااارد مالك مقلتيهااا
اقبال:الصهد هداااميمتيي لما داافي مبااردش
الحاجة:ولووااه لمرا متوضا بلباارد نهار تبغي لولييدات تلقاي لوالدة عمرات برد ...وصليي ونزلي لتحت لفطور وااجد
اقبال باست راسها بحب ومشات لبيت جبدات عباايتهاا وتقابلات مع لقبلة صلاة ركعات الصبح وسلماات وناضت جمعاات لباليزة وقفطان غيتة خلاتو مزلع مع سبااط ساطت وجمعات مسائلهم فلبالييزة ولبسات كلاكيطة وهبطات فيقات خوتاتها اما غيتة مبغاتش تفيق خلاوها
نزلات لتحت لماكازة فين مطيبين الفطوور ومفرشين على براا ودجاج ولفلالس وبيبي كيتسمع صوتهم مع صوت لبگر ولكلاب مرة مرة تلاقات فطريقها مع جابر كيجر فلبلغة صفرة فرجلو لاس سروال دجين او تيشورت بيض وكيحك فعينوو لي مجبدين بنعااس وكيتفوه
جابر:صبااح لخير
اقبال:واكل لعصاا ههه
جابل(سرح ايدو كيطرطق بين كتافوو كيتسمع طق طق)يوماين منعست ودابا ناعس ساعتيين لعداااب ففف (تاوب)استغفر الله ...فين لفاارة فاقت
اقبال:مزااال متفيقش هادييك
الحاجة:اجيييييو تفطرووو ياه
توجهات اقبال سلمات على لي كالسيين تجاو حيااة وهبة غاسلين ولابسيين بيجاماات كلسوو كيفطرو بلحريرة ولحلاوي واتاااي ولحليب تاع لبگر مع القهوة معطرة لي بغيتيها تلقايها سمن بلدي ولعسل لحر لي مربينو عمام جاابر فلبلااد ...كسرات الحاجة سكات وقالت مخاطبة جابر لي شاد كرسي جنب اقبال شاد زلافة كيشرب
الحاجة:اوىى اجااابر بقيتي غير نتااا
جابر:وايلي كاع هاد خلق الله مبنت ليك هي انااا
الحاجة:هههه ونتا لي باقي شااطن لي دمااغي نزوجك عااد نرتااح
جوج بنات فجنب هي سمعووها وبداو كيتغامزو ويضحكو بهمس
جابر:ان شاء الله نهار يكتااب
الحاجة شافت فاقبال كضحك وقالت بهمس كتكب فاتاي لمكتاب حدااك زين ومنگاد مرا بمياات راجل ونتا باقي مكتااب ااااويلي ويليي ..
جابر:وليتي تدوي وحدك الحااجة ههه
سكتو والعائلة كتهدر شافت اقبال فساعتها في حين غيتة عاد هبطات جامعة شعرها مشوط ومقاد ولابسة كتيوة صيفية تحت من الركبة فلخضر موردة نص كوم وصندالة صبع فرجليهاا وايلاينر فعينيهاا فقط مبينهم كباار ...سلمات عليهم وكلسات جنب حيااة كتاوب
حياة:منضتيي تاتقاديتيي
غيتة(شادات اتااي)وشنو نوض معمشة بحالكم
اقبال:يالله البنات فطروو باش نوضوو نمشيو
الحاجة:لواااه والله ابنتي متمشييو تاتغداو خوتاتك عمرهم جاااو
اقبال:لااا اميمتيي مرة خراا
جابر:كلسي كلسيي تالعشية وشدو طريق بينما برد لحاال
ملقات متقول وسكتات في حين جابر كمل فطوروو او طلع يدوش ناضت هبة مشات لبييت ضرها راسها نعساات وكاين لي طلعو لسطح ولي فلمكاازة كيجمعو فروينة ويقادو لغدا اما غيتة عاشقة الصور فينما شافت شي وردة تصور حداهاا ...تمشات بوحدها جوايه طناش الشمش مطنطنة كتسمع صوت لموطور تاع لمااا خدام بعيد كتسقي بييه الناس صوت لفرااخ ودجاج كينقب فتات الارض تبعهاا بيبي هيا تجري وهوا يجريي وكضحك وتلفو بين شجر الليمون تاتخباات علييه معرفها فين زاادت ومشات جنب الصور لي داير بييه لورد حمر وقفااتوسط ربييع كتصور وتبووزااا وجبهتها ولات حمرة بشمش ...حسات بشي قرصة فوق ݣدمهاا هزات لكسوة مكمشة عينيهاا تبانت ليهاا عقرب قدااش لاحت تيليفوونهاا والادريلانين بدا كيطلع غوتااات
غيتة(بلغوات)اعععععع اااااااااااه اق اقباااال واااااااه
طاحت للارض ولمحات عقرب تتحوم حويليها ورجليييها تنفخات فالبلاصة..خاافت ودموعها نزلو بزربة شادا ىجليها والماميرا طايحة حداها..فنفس اللحظة جايا اقبال تتجري من بعيد هي وخواتاتها لي سمعو الغوتة حيت كانو فبيت فسطاح هو لي مبرد شوي ..شافتها طاايحة وتتغوت طاح منها نص..فحين لوخرا تتلوى والسم قرب يسري فجسمها
نزلات اقبال حداها واتشة على رجليها مخلوعة تتشوف يديها فوق رحليها وتتوحع وقالت:نشوو مالك ماالك
غيثة :عقربة عقررربةة اعععععععععععععععععععع
وقفات حياة مخلوعى كثى منها تتشوف العقرب بلقا حداهم محسات تا هزات حجرة كبيييرة نزلات بيها على العقرب تا تبجغات..ولوخرااا تتبكي وتغووت..زيراات على رجليها مخلووووعة وتتغوت:عيطي عييطيييي لجااابرر...
حياة:(مشتت تتجري)جابر جاااابرر(تتغوت لجهد تا كلشي سمعها)جااابر
تم خارج تيزرب شعرو فازك باينا مان فدووش لابس هي ديباردور وشوورط..
جابر:مال غيثة سمعتها تتغوت
حيااة:عتق عضااتها عقررررب عتتتتق
مشاا تيجري تااابعها مخلووع طاح منو نص..وحس براسو ايمووت بلاصتها..هي شافها تتبكي وقربات تسخف والحهد تيمشي منها بالخلعة..وتش حداهم مخلووووع وكلشي تحمع عليييهم
دار يدو بلاصة يد اقبال وقال :شوووو متخاافيييش مغتقتلعاااش (شاف فغيثة)غييثة وكدي معااياااا..(تيغوت بجهد)عمممر جؤي جيب زيزواار وبوووطة صغغيرة جرييييي
اقبال:جااابرر ماشي صفرة لي عضاتها الكحلة
جابر:(تيحاول اتكالما ويديه مزيرييين غلى رجل غيثة)اقبال وكدي معاااياااا اري ليا شي شااال
شافت فحداعا مداتو ليها بنت من عائلة جاابر حيت تجمعوو ناااس وكلها تيقول ليه اش يدير..شد الشال زيرو ليها علىىرجليها تااغوتاتت وشاف فيها بحزن وخوف:غييثة هي بشوي مغيوقع لييك والو
غيثة:هءهءهءهءهء واععععععوهءهءهءهء غنمووووت هءهءهء غنمووت قرصاتنيي كبيرة هءهءه
جا عمر فيديه زيزواار شدو ونطق:اقبال شديها لياااااا
جات هيبة تتجري فيقوها من نعاااس تتشوف ختها هاكام وزاظت تتبكي شاظا فيها مع حيااة اما اقبال زيرات ليها رجليها مزياان
جابر:انجرحها نحيد السم ففف(شد زيزوار وشرطها تا سمع صوت غواتها وبفات تركل لكن مزيرين عليعا بجهد)ففففف
بدا دم تيسيل من بلاصة القرصة..بدون ميترد بدا كيسف للدم وادفل يسف ويدفل يسف ويدفل سيف ويدفل تا حس بلي خرج منها الدم الخاايب..جابو ليه بوووطة ومركز مهاها ودار ليها النفس على بلاصة القرصة وصدرو كيطلع وانزل وغيثة تتبكي بحرارة من جهة الصداع ومن جهة التبوحيط..وخواتاتها شاادينها
اقبال:جاابرر خصها تمشي لسبييطااار(شافتو مركز ومخنزى)جاااابرررر اتموووت
جابر:(بالغوات)ششششش سكتييي الكحلة مغتقتلعلاش دغيااا ششششش..اقبال وجدي طونوبيل نديها تضرب البرااا دابا مزياانة
شافت فختها وقالت:غيثة متسخفيييش واخاا
غيثة:(شواربها بيضيين ووجها مبقاش فيه اترر الدم)ننننن
هزها جابر دغيا بين يديه ورحليها شاداها ليها حياة لي مخلووعة وهيبة طالقا حلوقها تتبكي..العيالات تابعينو بقات فيهم وهو تيجري بيها دارها فطوونووبيلتو لوور سرح ليها رجليها وقال:غييثة(مسح دموعها)صبري انضربو ليك البرا وتولي لباااس
غيثة:(بسخفة)مابغيتش نموووت
ضرباتو هاظ الهضرة لصميم..تنفس بضيق وقال:نغتموووتيييش شششش
طلع لبلاصة القيادة وطلعات اقبال حداها مسنداها علل كتفها وقلبها ايطرطق على ختها...خافت عليها بزااف حيت صغييورة
اما جاابر راه عين فالطريق وعين عندها هي..اول مرة تيحس بقلبو تيتعصر عليها بجهد..للحظة حس براسو مسؤول عليها وناقوس الخطر تيضرب عندو
وصلها لصبيطار ودخلوها لسمتعجلات حيت حالة مستعجلة ضربات برا ضد السم عاد ترخات شوي..نظفو ليها الجرح وصبنوهم على الاسعافات الاولية لي دارو ليها حيت طبيبا داك التشراط والبوطة خاايب وعند نااس العاديين هذيك هي الطريقة لي كتخلي السم مينتاشرش..
ضربات البرا وهزها عاود حاابر وهي مغنغنة بالبكا حطات راسها على صدرو تتفشفش وبغات هيوتنعس ..بتاسم براحة وقال:تفششي لمك..تبقاي تخرجي وشمش تتضرب نديك الحنااش ونحطك هه
غيتة(مزيرة عليه من عنقوو كضحك وعينيها حمريين بلبكاا)وتسخاا بنوتيلاا ههه
هبط عينييه ليها خطف فيها شوفة فشكل دائما مكيشوف فيها ديك النضرة لبرييئة والمدللة ولكن ورا دوك النضراات كاين اعجاب مخفي ديماا كيحااول يبعدوو ويتصرف عاادي ولكن فكل مرة كتغلبوو ديك الشووفة
اقبال:صافي البرهووشة بردتيي
غيتة:كنت غنموت بلاما تشري ليا لكاميرا لي بغييت
جابر(بغا يحطها ولصقات فيه وقالت:ولا ولا ملبساش فرجلي غيضحكو علياا بقا هازني
جابر؛حمال عندك الالة غيتة!
غيتة(بافتخار)انا الملكة
اقبال:كركب مها فدرووج
لصقاات فييه وخرجو من سبيطار كتفرنس هبطها وركبات اللور زومشاو ركبوو لقداام وجابر لي ساايك
غيتة:نااري تيليفوني بقا مليووح تماا عنداك يهزوه ليا لكلاب
اقبال:هانتا باقة هي زاايدة فيييه
غيتة:وللهيلا كنت غنمووت (شافت فرجلهاا وتفكرات جرحة لي جرحها جابر وضرباتو لكتفوو تشاف فيهاا
جابر:ماالنااا
جابر:واش لحميي من لحديد لش دييك جرحة جرحتينيي اووف غتبقا دابا تحرقني ومنقدر نلبس تسبااط
اقبال:فكري غير لدينك لي كنتي غتموتي ومصايمااهش ...
عيباتهاا وبقات كتلعب فشعرهاا توصلو لدار كلشي كيسول جابت ليها هيبة صندالتهاا لبساتها ودخلات كتعرج تشافتها حيااة وقالت: عمري شت عكرب كتقرص عكرب
غيتة:ننننن فين تيليفوونيي
هبة:باااز حق الله
اقبال:لبنات تغداو ويالله نشدوو طرييق ...
خرجات اقبال ورا لغدا واقفة مع جابر حدا الطموبييل كتسنا فلبنات يهبطوو
جابر:تلات غنكون تماا
اقبال:صافي ان شاء الله نشوفو اخرت هاد تزويجة ديال لمعاطية فين اتوصل من دابا باديهاا تعفار
جابر(هز حاجبوو )انا داك لبرهوش مكيدوزش لياا ...اخرتها اتكرفص معااه ...ولكن تاني متعرفي متحكمي على لواحد تاتعاشرييه يكون خير
اقبال:ان شاء الله(دارت لكاسكيط ديالهاا )يالله تهلاا
تسيفطو معاه لبنات وطلعو فطموبيلتهم بقاا واقف فطريق تبعدو عاد دخل
يوم التلاتااء ....ليوم لي تسناتو هيبة ما يزيد على تلات سنوات من الانتضاار والحب...
اي واحد فهاد الدنيا بغا شي حد فقلبوو الا وكينتااضر ربااط لي غيجمعهم فبلاصة وحدة ربااط لي غادييلخص رجولتوو فيهاا هدا هوا رباط الحب ...
كانت اول وحدة فااقت بكل نشااط واخيرا وصل نهار بمشقة الانفس كيف شي فراشة متحرك فالدار خطواتها مرة هنا مرة لهيه مخلات حد ينعس
حياة(هزات مخدة دارتها على راسها)نعل طواسل مهاا تفوو مناعساش بكريي وفارعة ليا راسيي
اقبال(وقفات كتقااد فسروالهاا وكتااوب )نوضي عاونيها من لهدرة
لبسات صندالتهاا وتوجهات لطواليط توضاات ومشطات شعرها وجمعااتوو مشات لبيت صلاة عاد خرجات تشوف هادي لي خيطي بيطي من ستا تصبااح لقااتهاا كتقااد فالصالوون والزبية لي كان كلشي مجمووع حيت غسلاتهم لباارح ودابا كتركب فلخامية ولمخااد وسدادر تحطهم بلاصصتهم عرقاانة هي بشورط وديباردوو كدوور
اقبال:خلي داكشي تنفيقوو ونتعاونو عليه
هيبة:لا لا قربت نساالييه
اقبال(توجهات لكوزينة كتعمر فلمقراج يطيب وكتقاد فالصينية طلات ملقاتش لخبز وطفات على لمقراج مششات لبساات قبية فوق التيشوورت وهزات سوارتها )غنمشي لمخبزة نتقداا لفطور
هيبة:وااخة اااه اقبال واحد دانون مسوس معااك
اقبال:داكشي لي خااصك لعشاا كتبيه ليا فورقة غير نفطر ونمشي نتقدا ليك واخة
هيبة(بحب)لهلا يخطييك علياا (عنقاتهاا )
اقبال:الله اكمل عليك بلخير هدشي لي نتمنا لييك ...هاني مشيت
وفعلا خرجاات ل مخبزة جابت لخبز ولحليب تقدات لفرماج ودانون مسوس لي بغات هيبة ورجعات ادراجها لقات هيبة سلات الصاالون وكتخبط فلمخاد باش يتسرحو وتقادهم مشات هيا تكلفات بلفطوور وجدااتوو فطبلة تاع لعوود قصيرة وسط لكوزينة ميدورو عليها ف كراسا تاع لبلاستيك ولا لمخااد منتات عليهم هيبة الصالوون ...
حياة (ناضت خاسرة مشابعاش نعااس غير كتسب فجلايلهاا معصبة ولكحل تحت عينييهاا وشعر طالع لسماا )قراف قرااف تقول حاي وزيير لكحبة نعل جد وجدوو
هيبة:بنادمة مكتعرفش فصواب
حياة(داخلة لطواليط)طلعيه معاك داك صواب ...خليني هي نعس باكور
عطاتها مشيي ومشات تكمل اخر اللمسات فالصالوون ركبات لخامية لشرجم فلبيج تماشيا مع لون سدادر ودار لي نااب جداد فجوج طبالي فالصالون وحطات فقهم مبيخرة فيها الند وخلاتها تفوح فيهاا وخرجاات لقات اقبال حطات لفطوور وكتسناهم شادة تيليفونهاا
هبة:اقبال كبي شي كاس مزال خاصني نمشي لحمام
حياة:باش يعيطو ليناا تاني اجييو هزو جلاختكم طاحت فسخوون
هبة:ندي معاياا غيتة
اقبال:لاا متمشيش كتسخف دوشي هي فدار لحال سخوون ولا طلعي لسطح ديري لميكة وحكي تاتشبعي
هبة:صافي واخة
دخلات عليهم الغالية وقالت:اماالك على صبااح منوضينهاا
حياة:نتي لي جات معااك شخيرك من راس الدرب مسمووع
الغالية:ونوضو فطرو فالصالة كلست لكراسة معندي ليها جهد
هبة:لااا! ويليي ايدي طابو بلفريك يالله صاايبتهاا ويفطرو فيهاا والله لحطيتو قزازبكم فيهاا
غيتة(جابة كتااوب بقبية عرييضة نص كم فلغوز تبان ملابسة تحتها والو مي لابسة شورط وشعرها مضفور وطالعين منو زغيبات بتقلاب بنعاس جات حداهم عينيها مرمسيين وقالت:مدرتوش لقهوة
حياة:سيري غسلي فمك كتخرج منو ريحت لموت يلاطيف
اقبال:ها لقهوة راه اتايي مسوس
الغالية(ميقات)لما وزغارييت على صبااح
اقبال:شبعتيي حلاوة تاتكهمتي مافيها بااس نقصي شوي راك شفتي التحاليل كي خرجوو
حياة(بالضحك)لافيرااي صافي معرف طبيب ميخرج ليك دوا السكر ولا لكوليستيروول ولاا لكالسيووم ولا لملحة ...فيها السكر ولملحة ومباتش تموت(جاتها ضرية لوسط ضهرهاا من الغالية حتى بعدات كضحك)احح ههه
الغالية:يمووت عدويااا وتجيه كحلة زحلة فهاد نهار انا بغيتو فينما حط رجلوو يتوتش كي لكلب انا بغيت ليه دود يركب ليه فركابيي ياسميع ياعلييم
اقبال(حطات لكاس )صبحاتو الله تانيي
هبة:هههه حلمتي بييه اماما
غيتة باقة مكلسات متكية على لبوطاجي كتلعب بضفيراتهاا ولكصة تلواات وشي طلع شي باقي مسرح وقالت كتعوج :سمعتها لبارح كتحلم ...فين ازمااااانيي فينك فينك الغدار فيينك وفيييين اااااا حمييييييد (شافتها جاية ليها وهيا تنقز الصينية ومشات وراا هبة كضحك )اهي ضحكت معاك اكبيدة تاعي هههه
تجمعو على لفطوور وكيداكرو على اش بغاو فلعشاا سرحات اقبال رجليها وحاطة ورقة فوق الطبلة وشادة ستيلوو هبة كتقول وهيا كتكتب
اقبال:واش هادي هيي جايين يشوفووك!! بزااف جايب طاشمة تنااس باغي يدير الشاهد
هبة:قالياا خوتو بغاو يمشييو لبراا لعطلة بتساليي وغنديرو تركااب لخاتم نيشاان
اقبال:وخة بغيتي ديري لبسطيلة لحم بلبرقوق الديسيير وتشري لحلوة ..صافي هدشي لي كااين
هبة:ضروري ندير شي فلوون وشي تخربيقاات حلويين ملي يالله يدخلو نسربيوهم ليهم مع لعصيير عارفة خوتو وعيالاتهم فيهم كترت تبووزييق وبغيت وجهي يكون حمر
حياة:نتي وجهك يحماار واقبال جيبها يخواا خدم التااعس على سعد النااعس ههههه
هبة:قالتها لي شدات خمسات لملييون باردة
حياة:غير سلف هادييك اجمتيي
اقبال:هيي هيي متبداوش تاااني ...كملي شنو خااصك باش نووض خلااص نتقداا
الغالية:جيبي لبرقوق ولمشمااش واللوز ولعطرية ديالو لمرووزيية والزعفراان ...او ورقة لبسطييلة جيبي تلاتا كيلوو يالله تكفا فتلاتا تلبسااطل
هبة(عضات فمها)كترت علييه ابييلو شافتها غمضات عينيها وقالت صافي صافيي ...نوعيي فديسير احمبااك شوية كيوي شوية لييمون بنان مانك بوعوييد لمهيم لي لقيتيها فسوق زوينة جيبيهاا
جمعات لورقة دارتها فجيب وقالت:لخصات شي حااجة صوني لياا هاني مشييت
حياة:يكما نمشيي نعاونك
اقبال من لبييت كتلبس فسورفيت ديالهاا وكتهز فلكارط كيشي وقالت:لا مكاين لاش ايمشي معايا جاابر
خرجات لابسة سبورتيف كيف عادتها سورفييت مقطنة فلكحل فجناب دايز منها خط كري حالة لفووقي ولابسة لتحت تيشوورت كري مقطن نص كووم كود شوفال كيف عادتها ولكاسكيط هازة كمايم سورفييت وتيليفون فجيب مع لكارط كيشي وخرجات شم شاعلة على صبااح دنيا عامرة كلشي خاارج مع قرب دخول لمدرسي كلشي باغي يتكسا جناب السوق عاامريين تلاقاات بجابر فالشارع وركب معاهاا كيقرا فلورقة مشات لكيشيي تيرات الف درهم ورجعات
جابر:دوزي عند رضوان نتقداو لحم نخليوه عندوو ونتقداو دجاج
وفعلا داكشي لي كاان تقداات كاع لي خااصها وزاادت تسلفاات من جابر لفلوس باشش كملاات عمراات لكووفر بتقدية ...
اما هبة طلعاات لسطح مشمش قدات لمييكة تاع لحمام مع الشمش وغيتة مقابلاها بلمااا وجيب هادي ارا هاديي تسخفااتهاا حكات ليها ضهرها وخرجات حنوكها حومر
غيتة:والله ومتعطيني ميتين درهم منتفاك معاك
هبة(كتنهج وكتكب عليها فلماا حمرةة ولحناك مزنكييين )ففف وصاافي جهلتيني نتخلص نعطييك
غيتة:وحنا غنشووفو مبعيدة غا برشيد
خرجات هبة كتنهج ملوية فبينوار او فوطة فشعرهاا دارت ليها حياة وسوان لوجهاا قدات ليها حجباانهاا ودوفيي
حياة:احح حرقتيني بلاصير قبيلة
حياة:كطرطااي مزغبة كي لقرد
هبة:ففف بزاف علييك واخة كتير راه شهب
لبسات بيجامتها ودايرة درة على شعرهاا سمعو لباب تحل وطاارت لوسط الدار لقاات جابر كيحط فتقدية وسط الدار لميكاات ورواييح ز
هبة:مامااا ها تقدية جاات
غيتة:اش جبتو لياا
جابر(هز عينو فيهاا برهيشة صاافي مكولش فيها الشووفة وهبط عينو لميكات)لحنااش
غيتة(حكات ايدها)ايييو
اقبال(خيدات لكاسكيط كتنهج مزنكة بالشمش)ها تقدية شوفي لخصاك شي حاجة قبل منحيد سبرديلتي عييت
جات هبة والغالية كيحلو فلميكاات ويقلبو
هبة: او لموونااااضة !!
جابر(من درووج)هاديك خليهاا تنجيبها فلعشية مزال لحال
هبة؛وجاابر عندك تعطل اخوياا باش تكون هنا قبل ميجيوو
جابر:وصاافي رحنا رجاال كلمة وحدة
سد لباب ورااه وخلاهم كيفليو فلميككاات
حطات اقبال حوايجهاا ودخلات دوشات حيدات لعرق وكلسات ترتاح شوية فلبيت اما الصالون تحرم عليهم ودن ضهر صلاتوو تغداو غدا خفيف
هبة(بحب)وي عمراان
عمران:حبيبة دياليي مبطا علي امتا نجيي خلاص توحشتك
هبة:ههه حتى انااا
عمران:فين وصلتيي وششنو درتيي داكشي لي تافقنا علييه يااك
هبة:صاافيي واش خفتيني منكبرش بعائلتك ....كون هانيي
عمران:اوى غير قلت وصاافي لخصاتك شي حاجة قوليها نسيفطها لييك
هبة:موجود لخيير ...نخليك دابا يالله ندخل لكوزينة
قطعات معااه ودخلاات لقات لغالية كالسة حدا لفورنو فلارض كتستف فلحم فطنجرة كبييرة
هبة:ناري جاني لحم قليل
الغالية:اويلي نتي فعار الله 10 كيلوو معجباتكش هاحااي جايب خوتو ولا جاايب هيووش يفرسوناا
اقبال؛راه كاافي ا هبة شحال بتحطي فالطبسيل جوج كيلو تال تلاتاا وجو طبالي هي ستاا زدت ربعة هي على لوقت
الغالية:لاا لحلم كيتمسخ فطياابوو راه يالله يجي هدشي حسااب اويلي يابينيتي ولبسطيلة كاييننة سيري يالله تساليهاا وطيبي دجاج
تعاونات هياا واقبال غسلو دجاج وتكلفات اقبال بطياابوو وهبة دارت اللوز سلقاتوو وكلسات كتقشر فيه غيتة دايرة كرسي وحاضياهم مدني متحني كي لعرووسة اما حيااة جاتهم عرووسة على غفلة ومشاات تقاد ليهاا دغيا وترجع ...
غيتة:ملي نجح فليااك اديرو ليا زردة بحال هاديي وتشري لياا كاميرا ا اقبال عقلتي
اقبال(ايديهاا فدجاج)عااقلة هي نجحيي ويكون خير
غيتة:احفضك ليا
نتاقلات هبة ل ديسيير قطعات لفروي وقداات لفلوون وزادت عليه لفروي وخلاتو تيتشد مزياان وبدات فلي طاغت لكوزينة سخناات خرجات غيتة فرشات تحت الضواية لي داخل منها الضو ولكن مضالية بضالة خاصة بضويات فلبيض كتخلي الضو يدووز مقلوبة على صدرهاا ولفرفاارة جنبها كيضرب فيها لبرد وادة لكيت ومكونيكطية
لعصر وصل ريحت طيااب لعرساات كتشم من الزنقة دجاج طااب وتفرتت ودارت ليه الشرمولة تاع لبسطيلة لبيض والشعرية الصيينية واللوز وطريفات الشومبينيو مشحرين ومقطعيين دابا وجدات خاصها هي تعمر فلورقة ودخل لفراان اما لغالية مكلفة بلحم ولبرقوق عسلات زبيب ولبرقوق ولمشمااش وخلات اللوز على جنب تيدخلوو وتبدا تزين
هبة:نااااري طباااسل !! فااش غنسربيي هدشيي فااش
اقبال(سرحات ايدها بعيااء والتيليفون مسكت من لكلياان مامولفينهاش كتسد وسط السيمانة كل مرة اجاوب وتعطي لخاطر ) مرض...علاش مقلتيهاش بكريي
هبة:نشووف شاادياا وا شخلات طباسل لي شرات داك نهار ياااربيي تخليهم.
صونات لشادية فلواتسااب وشدات جماعة معااهاا
هبة(بفرحة)حلفييي نااري عتقتييينيي الله احفضك احبيي
شادية:هاانية ازمر سيري لدارر عند جابر كوليه يعطيك جوج طباسل بيضين سربي فييهم لبسطيلات او قوليه يعطيك طبااسل مااما الله ارحمها ديال الطووسس لحر وعااافاك حافضي علييهم راه هوما عينين جاابر ههه سربي فيهم لحم همااويين
هبة:الله اعطيييك شي كتكوتة ياربيي صافي انسيفط غيتة داباا
غيتة(معصبة)حمااااركم انااا سير واجيي كي مقدم الدوار تفووو
اقبال:نوضييي نوضيي اش كديري من صبااح
ناضت كدردك ومعصبة لبسات جلابة نص كوم كوردة وقصييرة وكلاكيطة ومشات كدردك فظرووج
الغالية:اهيا تحلݣ على عافية
خرجات دايرة ايدها على شمش توقف مع هادي وهاادي وقفات جنب دار وطلقات حلووقهاا :حناااان وحناااان
طلات عليها هنان فمها عامر وقالت:الطحبة فين غادااا
غيتة:تجيبي معاياا طبااسل من عند جاابر ميمتك
حنان:لااا اختييي جيبيهم ليا هنا ونهز معاك ههه منوصلشش لييه
غيتة:خرية كيدايرة انا مشيييت
مشاات كتعوج لقات محال جابر محلول ولمتعل كينجر فلعوود طلات برااسها بان ليها جابر مفرش سجاادة فجنب بلاصة نقيية وسااجد
صلاح:غيتة لبااس
غيتة:نحمدوووه (كدور فعينيهاا وكتسنا جابر يسالي شافت ف صلااح وهوا يغمزهاا وبلا عكز عطاتو صبع )لعمى متشووف لا ضو لا گمرة
شافت جابر سلم كيجمع فصلاية وكيردد دعاء فنفسو وبعدات بجريي لحدا باب الدار او وقفاات تخرج كيلبس فسبرديلتو وقال:غيتة !! مالك
غيتة:قاتلييك هبة عطيني طبااسل شاادية او طباسل الطووس
حل لباب وطلع فدروج وهياا ورااه هازة جلابتها تالركابيهاا حل دار لبارطمة ديالوو ودخل نيشان لكوزينة فين كانت فيترينا زوييننة تااع لمااعن كلها زااج وخة قديمة كانت ديال الام ديالوو فيها طبااسل طااوس وطباسل بيضين تاع الديسير لبمات تاع الاينوكس ومقاارج كلشي محكوك ونقي مستف مامشات شادية تدازت عليهم حبد ليها طبااسل
جابر:تهرسيهم نهرس لمك رجليك
غيتة:نننننن
جابر:صافي هي نزلي غنهبطهم ونديهم تقاال علييك
غيتة:هنيتيني يعطيييك ستر
مشات كطير فدرووج خلاتو متبع ليها لعين بنصف باتساامة وقال:لبريهيشة بغات دير فيناا مبغات
وفعلا هزهم تالداار وهيا بقات واقفة لتحت مع حنان ورجع لخدمتو سد محالو ودخل لدارو دووش ولبس علييه سروال دجين كحل و شوميز بتوب خفيف بلو سياال رش شوية الريحة فايدو ودوزها على عنقو ولحيتوو وخرج مششا صلا لمغرب
في حين هبة كالسة فوق كرسي كدير ليها حيااة فلميكااب وتقاد ليها فشعرهاا الاخيرة دايرة جوج حامضات على جناب راسها وشاداهم بزييف
حياة:راسي غيتفركع ليوم تفوو
هبة:هانتي قريب يسهل عليك الله
حياة:امتا ياربي عييت من هاد زبل تثايبي لعروسة ومها وختهاا وجداهاا وتوحلي معاهم لا غليتي علينا لا خريتي ينوضوو يقوودوو ملي مقادينش على مكيااج يكحلو ويسوكوو اختي هاد لمغاربة كلشي بغاوه فابور
لبسات قفطان بلون كاصي جوهرة ودارت اكسسوارات رقيقة خاتم وبراصلي وسنسلتو من النقرة كل مرة تشوف راسها فلمرااية
سمعو الصونيت فلباب وقفزاات :جاااو واش جااو
طلات حياة لقات جابر حط صندوق تاع لموناضة منوعة وقالت:هي جاابر هداا
اقبال لي لبساات جبادور بسروال اسود لارج ولفوقي كروونة والغالية من بعد مطفات على لحم بدلات عليها بقفطان خفيف بيتيي اسود وشالها فوق شعرهاا ودمليج تدهب لاصق فايدها لمطبزات
تخبطات جنابها كتولو :ويلي ويليي ويليي لخبز
جابر:بفف شكون غيكون حال داباا
هبة:اويليييي كيدار طارر من بااليي(تفقصات)اويلي على شوهتي مبقا والووو ويجيييو
اقبال:ففف يكون لفران باقي حاال
جابر:غنمشيي نشوووف
غيتة(لصقات فيه)نمشيي معااك داقت بيا الصهد
نزلات معاه هز طموبييلتوو كيدوور فشوارع لمخبازاات كيلقا لخبز نااقص دخل لواحد من الاحياء فراان كيبيع لخبز لقاه سخوون عاد تنفس الصعدااء عطاه لقيااس لي بغاا وطمن هبة لي غتاكل جنابهاا تقدا لخبز لكاافي ورجع ادراجو لداار
دابا كلشي وااجد كتسناا
هبة:عمران جايين
عمران:هاحناا عاد غنخرجو من الدار احبيبة يكما تعطلناا
هيبة:لا لا هي سولت بغيت ندخل لبسطيلة لفران
هيبة:ممم شميت ريحتها منهناا ههه صافي مبقا والوو احبيي
دخلات بكل فرحة كتوضع اللمسات الاخيرة فلبسطيلة دارتهم فطاوات وخلاتهم ولفولوون قلباتو فجوج طبااسل ودورات عليه الديسيير ودخلاتهم لتلااجة وجدو صواني تاع اتااي وصينية تلفضة فيها اتاي والسكر والنعنااع ..
حياة لساات كسوة معندهاش مع لبلدي لبسات كسيوة صيفية بلا ايدين وفوقها بوليرو حد لخصر فلكحل مشبك وكتعاون فيهم وكتحط فطباسل لفاكية مشكلة فوق طبالي وجابر كالس شاد تيليفون ورجل فوق رجل وحداه غيتة كتخربق ليه فليكرون تاع التيليفون
غيتة:مالك قديييم كي تلتشري التيليفون كي تاتخليييه
جابر:اش نديير كماارتك
غيتة(بافتخار)كماارتيي اتولي فالشهاراات
جابر(ضحك)تاع ليكووش
غيتة(ضربات. لكتفوو وشدات تيليفونو دارت تصويرها فليكرون وقالت بتقة)عاااد ولا معنى لمشقوفك ملي فيه وجهي شفتيي
جابر(شدو كيشوف )شكون كدب علييك شكوون مفيك ميتشااف
عيطات عليها اقبال بغات تنوض وجرهاا وقال:لبسي شي حاجة خرا هدشيي قصيير حشومة قدام ناس مكتعرفيهمش
غيتة:اعع زوينة
جابر(قلب شفايفوو)لا علاقة
مشات لبسات سروال بيجامة مورد وتيشوورت اصلا مغتكلس معاهم اتحل هي لباب يالله كتجمع فشعرهاا تسمع صونيت فلباب وقالت:انا غنحل
طل عليها جابر تشافها اش لبساات او وقف وخرجات حتى اقباال
تطلعات غيتة كتسب وقالت:غير لبرااهش مجا حد
هيبة:لعشا اتودن ومزال مجااو
اقبال:ياك قاليك جايين صبري شوية
الدقاائق كدوووز ومبغاتشش كل مرة تصوني لييه اتبرزطوو ودن لعشاا وخاف جابر هي ينوض يصلييه ويجيو بقاو كيتسنااو كي ليتاامة
جابر:صوني لييه اهيبة !! يكما وقعات شي حاجة فطريق الله احفض
هيبة:اويليي الله يستر تالنهار بغا يخطب عاد توقع (بدا قلبها كيضرب عارفا زهرها كيدايير صونات لمرة اللولة والتانية والتاالتة عاد جاوب وقال بلهفة :عمرااان فييين يااك لبااس ساعة هادي باش قلتي خرجتوو
عمراان:اااه خرجنااا
هيبة:اوى فيينكم
عمران:عند لالاك ...لي مضارت معاياا فزنااقي مشبعت فيها بوساان
هيبة(صفارت وكلشي لاحضهاا كان واقف جنبهاا جاابر وخنزر ملي شاف عينها تجمعو بدمووع )اش كتقوول اعمراان اش هد لهدرة
عمران:واش نتيي حمقة ولا سايط ليك الرسح فدمااغك نتزوج بوحدة زناقي ودرووبة قنتهم فيهاا انا ماشي هبيل نتزوج بشااايطة يالله بصحتك درت فيييكم وكاع لفلوس لي خسرت علييك هانتيي رجعتيهم ليهاا ...باش تعلميي تهزي ايدك على سييدك
طاح التيليفون من ايدها وخواو رجليهاا بغات طيييح وشدهاا جاابر
اقبال(بخوف)هيبة اش وااقع
هيبة(بهيسترية)ضحك علياااا ضحك عليااااا الكلببب ضحك علياااا واااااع هههه(بدات كضرش فرااسها وتنتف فشعرهااا لي كان مصاايب بداا جابر كيشد ليها فايدها وتجمعو عليهاا كتغوت لربي لي خلقهااا
هيبة:هءهءهءهءه واااااا ضحك علياااا هءهءه
سخفااات بين ايديهم فلارض جابوو لماا ميرشو فيهاا والغالية كلسات كتخبط فجناابها على الشمتة لي تشمتووو ولما ليداز تحتهم
اقبال:هييبة هيبة فيقيي اختييي
هيبة(فاقت وترمات فحضنها كتبكييي )رجعنيي شاايطة اختييي هءهءهءهء شايطة حيت صبرت معاااه شايطة حيت بغيييتو هءهءهءه علاش دار لياا هكاااا
حياة(كتمشي وتجييي معصبة وكتغوت(د)شفتيييي علاش تنقوليك بعدييي منووو شفتييي علاش بلحوحتي كتخرج معاااا عطاااتك صبع ابنت لحراااام هاااا دل علاش كتقلبيييي دارك ضحكة
جابر(بلغوات)صااافي احياااة مكتشوفيش حاالتهاا
غيتة فجنبة شادة على فمها مصدومة فختها لي كتركل وتغوت فحضن اقباال لي محسوو بيهاا تنااضت نقز جاابر بجهد جرهااا وقال مخرج عينو ؛دوز تريحييي
اقبال:والله تنخرج على خيااتووو
جابر:دوزي تريحييي بلا شوووهة الليل هداا هدااك الكلب انا لي غنتفااهم معااه عارف مورااها تراااجل ولكن الا مخليتووش يزاااوك راني شمااتة بحاالو دوزي لعند ختك
رجعات دمها سخوون وهبة ناست كتجري دخلات لكوزينة كتغوت زلعات الديسيير لي فطبااسل وحلات تلاجة لاحت لفلون ولا كل طرف ف قفنت تشتت وبغات تمشي لبسااطل محسات برااسهاا تاتهزاات كتركر وتغووت سد ليهاا فمهاا على شوي كان غيزلق فلفلوون تشد فلحيط شدوها لبناات سخفاانة
هبة:غنقتل رااااسييي غنقتل راااسييي هءهءهءههء اشنو درت لييييه هءهءهءءه شنو درت اشيدي ربيي شنوو درت
حياة:صافي اختيي صافيي كلشي ايتعوض ربييي كيبغيييك صاافيي
الغالية:صافيي اهيبة بنتييي الله ارضي عليييك راني مريييضة مفيا لي يتغاوت
جابر:فين خدام هاد لكلبب فييين
حياة: الشركة تاع رخاام لي مقابلة مع لنابيك راه خدام تمااا
جابر(حرك راسو باه مغيدد وهوما كيسكتو ف هبة ويراضيو خااطرهاا
اقبال قلبها كيتعصر ماشي على لفلوس لي تخسرات على عينين ختها لي كانو كيبانوو كيبرقوو وكيشطحوو بلفرحة....تكساو بانكسار ودمووع وخيبة والم ...هدشي علاش مبغاش شي علاقة فحيااتهاا كاع التجارب ناس لي عرفاتهم كانت خايبة واكبر متال واليديهاا فاخر لمطاف هرب وخلاها غارقة بخمسة لبناات
هزوها كيراضييو خاطرهاا بكلمات تمسيها وتبرد عليهاا لحر لي حاسة بييه تبكيي وتخبط رااسها وتغوت لربي لي خلقهاا ملقاو ليها جهد حيدات لقفطان وبدات كتقطع فيييه طرااف طرااف وهوما مخلينها عالله تبرد
تكورات فبلاصتهاا كتبكيي وتعض فايدهاا وتنخصص خرجات اقبال منهارة كلسات جنب جابر لي حاط ايديه على ركابيه مشابكم على وجهو تشاف اقبال وحيدهم :كي بقاات
اقبال:كي الزفت ...
جابر(كيتوعد براسوو)انورييه شكون شيااطة هي بلااتيي
اقبال(دوزات ايدها على وجها بتنهيييدة)كان يمشيي بلا ميدير ليها هكااا ... علا طرشة !! على طرشهاا خلا فيهاا بصمة عمرها تنساهااا واش لهاد الدرجة تلت سنين مكراتش فيه تلت سنين كبها فلمااا
جابر:دابا لي عطا الله عطاااه ولفلوس لي مشااو فهادشي يخلفهم الله
اقبال:بقات فلفلووس !! بقات فهادي لي غتموت لدااخل
جابر:لوقت كينسيي ا اقبال لطلع هواا شمااتة اتنتااحر!! صاافي كلها يشد طرييقو تديها فخدمتهااا وراسهاا وسالينااا
***...
Tags:
حكاية أنثى