حورية :اوى ابنتيي شنوو قلتي نتوكلو على الله
اقبال(شافت فيها بتوتر مكتحنلش تكون محط اندار لجميييع وقالت :نفكر !! ...مبغيتش نزرب اخاالتي
حورية:من حقك ابنتيي...انا يحساب ليا نتوما متاافقييين
امين:متاافقين الواليدة غير اقبال مساخياش بخدمتها وصاافي
سرطات ريقها بغات تهدر وحياة كتقرص فيهاا باش تسكت وتسرطها
جابر:تاافقوو وشوفو بعدا واش شروطها اتوافق عليهم وشروطك واش اتوافق عليهم ...ديك السااع منزيدوكم هي لخير اسي اميين
امين:تهدا نضرمقلتو عيب
حورية(هزات صاكهاا) خلينا ليكم الراااحة هاد السااعة
الغالية:مكملاي تكااسك اختي حورية
حورية(بضحيكة) ان شاء الله لكتااب نولي نسااب نشربووو انا ويااك تنشبعوو
الغالية:هههه الى بغا الله منلقااوش حسن منك
اقبال(وقفاات وسلمات على حورية )بسلامة اخالتي
حورية:بسلااامة اعرووستيي زوينة ههه
تبسمات ليها ومدات ايدها لامين دغيا خطفاتهاا وهبطات حلات ليهم لباب ورجعات يالله سدات لباب جابر نازل او وقفاات
اقبال:عجبك اش دار هاد سيييد ....واش انا مونيكة بيشريها ولا شنوو
جابر:ففف اقباال معرفتش علاش معكسة حتى نتيي ايييه بصح اميين فيه ديفوو كيزرب مكيشاوشر ولكن هدشي كلوو علااش حيت باغيك لحلاال جا لدااركم نيشاان
اقبال:ويعلمنييي ...خانقني مامخليني تنفكر على خااطري ....شكون قاليكم باغة نتزووج اصلا
جابر:براكة من تخربييق ا اقباال شحال جهدك تبقاي بووحد عااام !! عاميين!! ....اش غيخلييك بووحدك هي فهمييني عطيني سبب يخليك متبايهش نعدرك
اقبال:واخة ! ...علاش مبغيتيش كرييمة ونتا هارفها كتمووت علليك علااش
جابر:تء شنو جاب دابا كرييمة لهدرة
اقبال:نفس الشي لي داوي عليه من قبييلة ...لبنت مكرهاتش هيا تجي تخطب فيك ونتا مامسوقش ليها ....علاش بالسلامة نتا مكتفكرش فزواج اتبقا بوحدك فظيك الدار كي مووكة
جابر: نهار انفكر نتزوج غنتزوج
اقبال(كمشات عينيها فيه )الله اعطينا وجهك
جابر:دابا خلينا فموضووعناا !
اقبال(تنهدات)اناا حالياا مكنفكرش قزوااج عنديي حوايج خرا شااغلة باليي ....مزال محققت والو من لي. بغييت باغة نلقا ختي ...ندير داريي ديك الساع عاد نفكر ....زواح عنديي ماشي شي حااجة نخاف منديرهاش اجاابر ....ومامستاعداش لمشااكيل خراا
جابر(حك لحيتوو وتنهد)راسك قااسح
اقبال:معرفتش علاش كنجيكم راسي قااسح !! حيت كنفكر بعقليي وغانظيرش تاناا اه حقا قربت لتلاتين زواج راه ماشي كاار غيمشي عليه لوقت مغنتسناش رااجل يعطيني داكشي لي بااغة ...وهاد الرااجل مزاال ...مزال مكنشوفوو فاميين ....
جابر(ضحك)عقلك باقي واقف ف 2007 ولا نقوول قلبك لي وقف
إقبال:الحمد لله قلبيي كيضرب مزيااان مااهالكاه بعصااب ما هالكاه بنكير على الرااجل مت بخيير
جابر(حل لباب كيضحك)تفوو على نمرة
اقبال:ممم عواض تقنعنيي بهادشي قنع رااسك بداكشي لي كيدور فراسك
جابر:هههه راسي كيدور فييه غير ا نطيب لعشااياا
اقبال:يااااك المرضي وسيرر قبل ليادن لفجر
سدات لباب وطلعات لدار لقات حيااة وهيبة كيتسناوهاا
حياة:والله تغتندميي وعقلي عليهاا
هيبة:باينة كيبغييك (تنهدات)خوا بعداا قصد الدار نيشاان كيت لي خوا بياا
اقبال(تنهدات)مغتفهموونيش ...بلا منعي الحجرة على والوو ...تصبحو على خير
دخلات لبييت صلاة لعشاا وتبعاتها بركعتين صلاة الاستخارة والدعاء
«اللهُمَّ إنِّي أسْتَخيرُكَ بعِلْمِكَ، وأسْتَقْدِرُكَ بقُدْرَتِكَ، وأسْألُكَ مِنْ فضلِكَ العَظِيم، فإنَّكَ تَقْدِرُ ولا أقْدِرُ، وتَعْلَمُ ولا أعْلَمُ، وأنْتَ عَلاَّمُ الغُيوبِ، اللهُمَّ إنْ كُنْتَ تَعْلَمُ أن هذَا الأمرَ خَيرٌ لي في دِيني ومَعَاشي وعَاقِبَةِ أمْري عَاجِلهِ وآجِلِهِ فاقْدُرْهُ لي ويَسِّرْهُ لي، ثمَّ بَارِكْ لي فيهِ، وإنْ كُنْتَ تَعْلَمُ أنَّ هذا الأمْرَ شَرٌّ لي في دِينِي ومَعَاشي وعَاقِبَةِ أمري عَاجِلِهِ وآجِلِهِ فَاصْرِفْهُ عَنِّي، وَاصْرِفْنِي عَنْهُ، واقْدُرْ لِيَ الخَيْرَ حَيْثُ كَانَ، ثُمَّ أرْضِنِي بِهِ.»
حيدات لعبااية وتلاحت ففراشها كتقلب على نعااس دخلو لبنلت كيهدرو حدا راسهاا تنعساات نعاسها كان مخربق مامرتاحاش كل خطرة تقفز محساتش بالراحة نهاائيا فنعاسهاا...
صبحات ماشي على برجهاا مشابعاش نعاس وراسها ضارهاا كلسات من بعد روتينها كتفطر وكدور فكاسها بلا شهية
غيتة :ترااااا كي جييييت
الغالية:واش ديك الدودة لي فيييك مغتووبش
هزو لبنات عينيهم فيها شعر بووكلي طويل ولوجه داائري صاافي ولونو موحد بلمسة من لميكااب والايلاينر لي ميمكنش تستغنا عليه عكر بلون لغوز باارد بلون شفايف مااط لابسة دجين لااصق كحل جديد سبرديلة بيضة هابطة جديدة او لفوق كان تيورت بكول في باين فتحت صدرها منو لسوتيان فقط قطير فوق سمطة السروال
اقبال(طلعاتهاا وهبطااتها بعينيهاا )غاديا ليسي ؟؟
غيتة:وعلاه فين غادية
إقبال: (شافت فلغالية)زعمة راه وصيييتك
الغالية:واش نتفها وسط عباد الله !! لصقات على دوك شرااوط كي لمسكة تاع رياال
غيتة(هبطات كتاافها)متزيدووش فييه مالي لابسة شوورط !! هااه شوفيي مستورييين اااصصصلا
حياة:تشهييت هي شي تثطيعة فداااك شعر يااختي سناني علييه قد خيزوو
حطات ايدها على شعرهاا وقالت:شكيكووو تقبيسيني فعيني ومتقيسينيش ف حب قلبيي
هيبة(ميقات)مزييينك بييك
اقبال:فطري فطري نوصلك فطريقيي
وفعلا فطروو وناضو هرجو كل وحد مشات لخدمتهاا وقفات اقبال حدا ليسيي كان عامر قدامو تلامييد سرحات بعقلخا لاياام دراستها لي مكتاابش تكملهم وشاافت ف غيتة بعينين عامريين احلاام او تمنيات وقالت:دم جووفي اغيتة نحطوو لييك هي قرااي ...قرااي وخدميي شي خدمة زوويينة تهزي بيها رااسك وتفرحينيي بغيت نشووفك وااصلة لبلاصة مقدرتش نوصل ليهاا (تنهدات) واعدتيني ...كيفما اناا لي حليتي عليها فمك كتحضر بغيتك تكوني قد كلمتك لباك بنقطة مزياانة نقريييك فاي مدرسة بغيتيي
غيتة (عينيها لمعوو بلفرحة )كوني هاانية والله تنفرحك (عنقاتهاا) والله
اقبال(تبسمات)يالله سيريي ربي يوفقك ان شاء الله
خرجات من الطموبيل واقبال مراقباها مشات كتنقز وشعر ضربات فيه الشمش وبان لونو لبني فااتح كيلعب فضهرهاا مع تنقازهاا ...تبسمات وكملات طرييقهاا ...تفكريها فختهاا المفقوودة انصااف ..اتكون تاهياا كتقرا؟ اتكون فرحانة ولا بااكية...شنو غتكون كدير شنو احلاامهاا شنو طموحها حتى هيااا...واش غتكون عندها فكرة بليي قلوب مشتااقة ليهاا ولا عايشة حياتهاا ...
اسئلة ما مخلياش اقبال مرتااحة ومبقاتش قادة تزيد تصبر مزاال ...وقفات قدام لمحاال تحنات كتحل فلباب بحكم مهدي عطاتو عطلة يشوف دارهم لي بعيدة كتعطيه ربعيام فشهر ...حلات وساست ايديهاا ودخلات لمحال حيدات لقبية لفوقانية وبقات بتيوورت نص كم لبسات بلووزتهاا السوداء نازلة على مخرتها شوية وكتخليها محلولة ...ليكاتها وباشرات فخدمتهاا..
*.
غيتة لي دخلات ليسيي ونيفها مهزوز لسماا كتقلب على لكليكة دياللها تشافتهم ومشات كتعانق معااهم
وداد:الطحبة لعطلة جاات معااااك ههه زيانييتي
غيتة(رجعات شعرها اللور بافتخار)اوى شنوو
حنان:عطاتها هي لسرييط وتلواز تخرجات ليها الطرماخة
غيتة:اختي داكشي عندناا ورااتي واخة ضعافاات عندنا المؤلاات ...كيت ليي لحم كااين ومضروب ب بالة لاصدر لا كر كي طايرة بكر
وداد:ههههه مكدبتييش..تفوو لعام لفايت كانت زاهية تيتيز كلهم دازو لفاك بقينا مع لبرااهش
غيتة:تانتييي مكاين تاحد كيفرح لقلب ...جينا فقسم وااحد يااك !
حنان:احسن حااجة
وداد:هلاه مقراسكمش جمعو القح** فقسم واحد هههه
دارو غيتة لوسط تابطات ايديهم بجوج كانو فطول وااحد وحدة تنسيك فلخرى الشيااكة وروايح وكل وحدة باغة تبان على لخرا مبقاش هامهم هي لقرااية حتى الزينة وانا نجي حسن من فلاانة وغادية هكاك ...
**
وصلات لصونتر بيوتي لي اتخدم فييه كبيير فيه هي طبقة وحدة شومبغ ديال لي ستيتيك او شومبرر تاع لاصير وسوان او لميكاب كل وحدة وشنو مكلفة ولاكيس مكلفة بيها بنت فجنب ...كان اول يووم ل حياة هناا بدلات حوايجهاا بلبسة تاع الصالون بلوزة سوداء نص كم ولحواشي حمريين جمعات شعرهاا ..وبدات خدمتهاا ...مرة مرة كانت كتجبد تيليفونها ملي تساالي تصوني لنمرة لبشير بدون جدواا وترجع لخدمتهاا ..
**
كانت منهامكة فخدمتهاا ..صونا تيليفونها ومسحات ايظها جبداتو من جيبها وطلع ليها اسم امين ...جاوبات
امينن:صباح لخيييير صباح النور
اقبال:صباح لخير امين صافا؟
امين:بخير الحمد لله ... شنو بان ليك نفطرو اونسومبل !!
اقبال:لا منقدرش فلخدمة داباا
امين؛ لخدمة لخدمة مكتعيايش ههه
اقبال:تابعاني لخدمة ا اميين شنو نسد ونخلي الناس يتسناو
امين:اه داكوغ يعني انا ماشي مهيم نتسناا وندوز وثت مع خطيبتيي
اثبال(كمششات حجبانها)خطيبتك !! ...مزال مهدرنااش على داكشي تلباارح وتحشيمة لي درتي لياا جاي تخطب فيا وانا مفراسييش ...ودابا رجعتيني خطيبتك
امين:ههههه مالك تقلقتي ... اااه الالة خطيبتي وقريباا مرااتي وتاحد ميحيدك لياا تابعك تابعك حتى ندييك ب سيف عليك هههه
اقبال:نتا راك شوية داخل ليك لبرد لمخ
امين:داكشي لي عطا الله دابا شنو منفطرووش
اقبال:لااا وعندييي لخدمة....امين غنجيك لصراحة بلاما نبقى مجرجرااك... مكنفكرش فزوااج ولا حتى فلخطووبة ...كنت واضحة معاح نهار اللول ولكن نتاا معرفت شنو فهمتي من كلاامي ....اناا همي دابا هي نلقاا ختي
امين:ففف ختك ختك خوتاتك عائلتك ....واش مشفتيش بلي همك كلو سبابو خوتاتك !....وهاد ختك لي ديما جابداها اتكون محال زاش عارفاكم كاينين ونتيي ...ونتي مضيعة مستقبالك وحياتك على ودهاا
اقبال(عضات على فمهاا )امين نمرتيي فووتها..السلام عليكم
قطعات علييه معصبة لاحت الطورشون من ايدهاا او تكات على الطموبييل بان ليها جابر جااي ودخلات لمحال كتجمع فمستلزماتها باش تسد
جابر:افييين (مجاوباتووش كانت كتقلب على لورقة تاع لعنوان فلاجوندا تلقاتها وهزاات فلووس )هاربة
اقبال:غادياا لكاازاا...مبقاش ليا فين نصبر مزال اجاابر
جابر:كازاا ...كازا حدا الدار صبري شوية نحلو هي عينيناا
اقبال:علاش اتحل عينييك ...انا غنمشيي
جابر:دلمك اتمشي بوحدك؟ صبريي نوصي صلاح على شي خدمة ونمشيو بجوج (شافها اتدو وقال)انصمك مك ياكما كبرتي علييها صبري نبدل علي ونجي
تاصلات بلكليان لي طموبيلتو باقة عندها ودايرة معاه ليوم عتادرات ليه وحتى هوا تقبل اعتداارها سدات لمحاال وكريمة كطل من الشرجم
كريسمة:بيلووو فين غاديا عاد حليتي
اقبال:عندي منقضيي
كريمة(شافت جابر جاي كيدير فبكاسكيط ومبدل من حوايج لخدمة لحوايج عاديين تيشورت كروونة مع سروال دجين اسود وسبرديلة سودااء ساعة جلدية فايدو جاي وكيدير فبزطامو اللور مع التيليفوون تبسماات وهيا كتشوفيه وهوا غير لمحهاا هبط لكاسكيط وتوجه لعند اقبال لي كتهدر فالتيليفون
كريمة(بانوتة)جاابر (هز عينو فيها وتبسماات لييه وشيرات ليه بايدها بخفة وقالت)صباح لخيير
جابر:صباح لخير (شاف فاثبال)طلعس خلاص انا نسووك
شد من عندها سوارت وركب خلا كريمة متبعااه حسدات اقبال لي ديما معااه ضاحك معاها ونااشط ...يكما كيبغيهاا؟ ...يكما مصااحبييين ؟ بحال والوو
كريمة:بنات الغالية يما فطريقيي
اقبال:مشيناا !
جابر(ديماراا)على بركة الله (تنهد)ايكون خير
اقبال(بتمني)نتمنااو
طريق طويلة غاديين مجمعين فطريق وهدرة تجبد هدرة توصلو لكريمة ولنهار لي وقع فيه لبلان
اقبال(حيدات نضاضرهاا وشافت فيه)ههه موصيبة صافي ...دابا داكشي لي بغاات
جابر:الله اصاوب وصافي
اقبال:جاابر...كريمة هدشي لس كدير علااش ...بغااك السيدة تقوليها تلاحي فلبحر تلااح ...غتندم عليهاا
جابر(ساط) واش بزز !! عزيزة علياا بنت النااس واخة ساكنة بوحدهاا بعقلهاا !! ولكن باش طيح فياليي ونتزوجهاا لاا هيا لاا
اقبال(تاوبات)شغلك هداااك ...
وقفوهم جوندارم فالدخلة تاع كازاا عطاوهم لورااق شافهم عاد تيسروو
اقبال تيليفونها كل مرة يصووني وتقطع شافها جابر وقال:ونتي !! هدا محشوماش عليك
اقبال:كاين فرق ...وفرق كبيير هدا مزال مدرنا فالطاجبن مبتحرق ولا كيتحاسب معاياا وخوتاتك وزمر ...اللهم نفكوها قرييبة
جابر(ضرب بصبعو سبيبط لي معقل تحت لمراية وتحرك معاه تالبورط كلي وقال :نتي عقلك ف *ch* ما كاين لا امين لا محزانون
اقبال(ضحكات كتشوف فلبورتكلي) دور دورة ورجع لداك لبورتكليي ...دابا عقلي مع انصااف فقط....وقف وقف هنا نسولو فين هاد الشاريع
حابر(حل الزاج )صاااحبييي ...نسولك الله اخفضك
**مرحباا العشير
جابر:شارع ***
لولد:مزااال بعيد شوي اتمشيي طووول حتى لدر السلطان ياك عرفتييه
جابر:اييه ايه عرفتوو
**وسير نيشان الرومبوا اللولة دور على ليمن ديالك حدا سويقة هداك هوا الشااريع
جابر:احفض لياا شكراا
**هانية اخاا
كمل طريقو كيف قاليه تلفوو ف شوارييع وكل مرة يسولو توصلوو لجنب سويقة فين قاليه لولد حطو الطموبيل ونزلوو كانت شميشة حارة شوي ...مشا جابر كيسول على العنوان واحد كيسيفطو لواحد توصلو لزنقة
جابر:هناا !! هاد لعمارة لي قبالتناا
اقبال:ففف زعمة يكما لعنوان غاالط
جابر(خلو فعماارة من الطراز لقدييم لحيوط تقشرو ومسخين شوي صداع طلعو فدروووج تالطبقة الراابعة ملقاوش نوامر بداو كيدقو بعشواائية ولكن تاحد مكيحل يعني خاوين مشاو لدار لخراا ودقات اقبال وجابر متكي ومروازة رجليهكيتسنا لباب يتحل وهاض على فموو
اقبال:مكاين حد!! ضرينا هاد طريق على والوو
جابر:صبرييي شوي (رجع دق هوا بايدو دقان مرتاافع شوي )اش هاد لخراا هداا ففف
كانت نازلة بنت وشادة شبكة تاع نشير فايدها خاوبة وقالت:علامن كتسولوو ؟
اقبال:على فطوومة ياك ساكنة هنااا
**ختي فطوومة ماتت شي عامين هاادي
اقبال(بعدات وشدات راسهاا
جابر:الله اكبر(حك لحيتوو )رااجلهااا ولادهاا !! شي وااحد نهدرو معااه
**راجلهاا مرة عند بنتو مرة عند ولدو فبراا
جابر:عندك شي نمرة ولا شي حاجة تاع ولادوو
**لااا اخويااا بنتو كتجي مرة مرة فالصيف اما خوهاا مكيجيش منهار ماتت مو عمرو جا هنااا
اقبال:فين نقدرو نلقاو هاد بنتها؟
جابر:لي عرفت هوا كتقرا فربااط معارفاش اش كتقراا بالضبط اختي
اقبال:واحد السيدة من فااس خت فطوومة ...مكتعرفيهااش
**اييه اييه عرفتها اختي كانت كتجي ملي كانت فطوومة مريضة الله ارحمها من ورا موتها عمري شفتهم
اقبال:كانت كتجي معاها شي بنت !!
*بنتهااا !! ديييما كتجيبها معاها
اقبال(حطات ايدها على فمها وقلبها كيضرب تكات على لحييط فكرة ان ختهاا دازت منهناا فرحااتهاا يعني هياا بخيير )
جابر:نتي معندك عليهم خبار اختي
...لا اخويااا ...بيناتنا غير السلام السلام وصافي ...لقيتو بنت لمرحومة يالله مشاات غير بشي سيماانة
اقبال:داباا لخليت لييك نمرتي اختيي تقدري تصوني لياا ملي تجيي بنتهاا ....ضرورري خاصني نهدر مع شي حد من فاميلت فطومة
...واخة اختي ...نعطيها ليهاا
اقبال:لاا لا هي علمينيي بلي كاينة انا غنجيي
كتبات ليها النمرة وسجلاتهاا وششدات نمرتها لخرا وقالت:لدرتي فيا هاد لخيير عمري نسااه لييك ابشرى
بشرى:لي عليا غنديروو اختي ...بسلامة
نزلو حتى هوما ادرااجهم راجعيين مهموومة وفرحتها تلاشاات حسات بايديه ضغطات على كتفها وقال:تحت لرض نلقاوها فوق لرض نلقااوهاا غير صبريي
اقبال(بانكسار)حتى لييين اجابر نهار على نهار كنزيد نمرض ...صورتها بين عيني اجاابر مقادراش نبعدهاا وهيا كتبكيي باش نشدهاا
جابر(باسف زير عليهاا)يكون خير متقنطييش
اقبال: ونعم بالله ...
ركبو فالطموبيل ساكتيين شدو طريقهم لدار ...طريق كلها كتنهد وبالها غير مع ختها ...وقفو فنص طرييق تغدااو وشربو قهوة باش يكملوو طريق ...وصلو لمكناس فوقت لعصر حطها اما الدار ومشا لداروو طلعاات لقات غيتة عاد جات من ليسي او الغالية كالسة فالصالون قبالة التلفازة كطوي فلحوايج وتحط لكل واحد حوايجو بووحدهم
غيتة:بيلووو جيتيي
اقبال(بعيااء )جييت
الغالية:فين مشيتيي !!
حطات سبرديلتهاا وبقات بتقاشر قصار بوويض وكملات لبييت حيدات حواييجهاا وبدلات ب بيجامة موريحة مسات توضات وصلاة لي فاتهاا ..وكلام بشرى كيتعاود فبالها *اه كتجي هيا وبنتها*
خرجات لصالون كلساات وطلقات شعرها يرتااح
غيتة:اقبال نشري لكتوبة من عند اسمااء !! باقين جداااد ونقاية ...اتعطيني معاهم حتى ديكسيونير او الامتحانات
اقبال:واخة
غيتة(مدات ايدها)وارااي نمشيي نجيبهووم
اقبال:معندييش دابا مهزاش معايا
غيتة:اففف راه غتبييعهم لشي واحد ا اقبال
اقبال:قوليهاا غداا نجيبهم ليك علميهااا
غيتة:اووف ياااا
اقبال(تكات) بقاايك على تواركة هي اردوكاان
غيتة:مكتجاااوبش ...نمشي عندها
اقبال(اشارت ليها بايدهاا باش تمشي بلا عكز ناضت كتنقز لبسات صندالها وخرجاات
الغالية:اتي دويي فين غبرتي نهار كامل
اقبال(غمضات عينيها)كازاا
الغالية:اش كديري فكازااا
اقبال(تنهدات بههمس) منافصااكش الغالية ....نتيي سباب همي كاامل
عطاتها بضهر مخاولة تنعس ششوية ... تسمعات هيبة وحياة طالعين فدرووج منااكرين تانيي سلمو على لغاليية وكلسوو
حياة(مسدات رجلها)رجلي نبلووو
هيبة:ولفتي كليانة فنهار ههه
حياة:تيبغيو يحرتو على بنادم يخرجو منو ريال بريال لخراااا ....اقبال شي خبار
اقبال(ضارت)والوو فطومة ماتت
الغالية:شكون فطومة(حلات عينيها)لفاسية
اقبال:اااه الفاسية لي عطي لختهاا بنتك عرفتيهاا راها فدار لحق
حياة:وشنوو داباا
اقبال:عطيت نمرتي لجيران باش تجي بنتها وتعلمنيي ...غير هاكاا معنديش حل اخور فين غنلقاا هاد خيتيي واش نقلب دار بدااار ...الدنب على مك لي معارفا لمن عاطية بنتهاا ....واش كتنعسيي بليييل ؟؟ ....مكتفكريهااش مكطيحش فباالك محساااااذ الغالية محسااااش بلحرقة لي هنااا(حطات ايدها على قلبهاا)هدا بسبابك غيمرض ...
هيبة:اقبال صاافي عفاااك ...هدشي مكتااب
اقببال: ربي مقالش ليها عطي بنتك
الغالية:عمرك تبدليي قلبك كحل
اقبال: كحل على لي كحلوووه الغالية ....بعتي بنتك برخيص وجاية تحاسبيني على قلبي؟؟ حاسبي غير امومتك نتيي
حياة(شافتهم ايبداو )هاد لهدرة ما غتحي ميت مغترجع انصااف ....صافي لي فينا كاافينااا
الغالية:فين غادية بهاد لقسووخية فييين عمر دمعة شفتها فعينييك وخة نكون قتلتها لوكان تحطيتي فبلاصتي بخمسة نفووس اش ديريي هاااه
اقبال:مااالك نتي لي هزيتي هااادوو؟؟ ملي كنتي نتييي كتغبري بليااام كنت انا مهم انا باهم انا نوكل انا نصبن انا نغسل ....نهار كنتييي كتغبري بشهر فين كنتي كتمشي(بصوت مرتاافع)فيييين!! فكرتي فبنااااتك ديك الساااع هااا فكرتي بلي مخلية وراااكب بنات معرفتييي يغتاصبووهم ولا يقتلووهم ونتييي كتشطحي فلعرااسااات وتلوزي لرجاال
حياة(سكتات كتنقي فدفاارهاا وكتسمع ليهم )
اقبال(تنهدات) خلينيي ساااكتة وخلي صوورتك زوينة قدام غيتة اما لي فلقلب رااه فلقلب
هيبة:اقبااال وصاافي
الغالية:خليها ....خليها قلبهااا عامر علي ....شطييح كليتو منووو ولبستو منووو
اقبال:لبستيي وكليتيي منووو نتيي ماشي اناا ...كتباتي تسبيي فيه نتي بااش زايدة عليييه هاا هوا خلانا كامليين وننييي خليتي بنتك وكون ما انااا كون راه تا غييتة مليووحة فشي قنت داباا....اه تالكلبة مكتسخاااش بولااادهااا ..(بحدة)القلب عاااااامر وقريب يفيييض ...شفتي الى ملقيتش انصااف مغتعرفيني مغنعرفك الى يوم الدين .
الغالية:كتقلبييي على السخط هااا كتقلبي علييه
هيبة:واش هاد لمدابزة اترجع شي خاجة ا اقبال ...الله اهديك اختي
اقبال:لا رد
دخلات غيتة كتلعب بشعرهاا وتغنيي ولكيت فودنهاا وكلسات كطرطق فلمسكة ....
كل وحدة فيهم سااقلة وتفكيرها فشي قنت هيبة لي كلسات فلبيت كتبدل وطاح فبالهاا عمران محسات بدموعهاا تهبطوو كيجرييو
ظخلات حياة على غفلة وضارت كتمسح فدمووعهاا وقالت:مدلوولة برب
هيبة(بصوت منغنغ)دخلي سوق رااسك
حياة(هزات تيليفونها من الشارج)تفووو هاد لخرا خسر
هيبة:اوى فيين لفيكتيمات ديالك
حياة:عاطيك الله واحد لكر باش تديها فيها وفوتي لياا كري
اقبال(فسطح كدوز صفحات كتاابهاا لي تسالاا )
**
أعلمُ أني لن أكونَ قويةً على امتدادِ الطريق، لذلكَ أريدكَ أن تأخذَ بيدي وتردني إلى الصواب، أرجوك، كُن معي لنمضي معاً إلى آخرِ المشوار.
**
في بعض الاحياان عناق واحد يكفي كي تنطفئ تلك الناار المشتعلة **
*لبنى السرابي.....
#بعد_شهراين
يوم الاتنين بداية الاسبووع عند كلشيي ...سبعة كلشي فااق لي كيلبس لي كيجمع فلفراشش ولي كيوجد لفطوور
غيتة:حياااااة ....ضفري ليا شعريي سبوولة
حياة(جراتها من شعرها قدام لمرااية)نوووضي بكري لبغيتييي سبوولة
غيتة:احح اح هي بشويي
هيبة(دخلات كتنشف فوجهاا اتبقاايديما معدبانا كل صباح نمشطووه ليك ونضفروه ليك نتيي هياا لالة خنااتة قطعي زمر اشنو لفائدة فطولوو
غيتة:كتحسدووووني علي (ضرياتها حيات لرااسهاا)اي اي بشوي
حياة:صباح الله مفيا لي يسبك
ضفراتو ليها سبولة كي بغااتوو تعياات شعرها كتيف وطويل كتنقص منو لي بوانت فقط خلاتها هازة لبلاك تاع حياة كتسرح فلافخوونش
اما اقباال كانت فلكوزينة كتعمر فلقهوة واتااي ولخبز عاد جابتو من لمخبزة سخوون ...جات هيبة كتحول لصالوون في حين الغالية كتصلي الصبح
كلسسوو على فطورهم المتواضع بخمسة بيهم
حياة:بدا لبرد كيدخل
اقبال:شوية
الغالية:خاصني نمشي نعاود التحاليل ونديهم لطبيب
هيبة:اوى مخاصكش تفطري
اقبال:وجدي راسك باش نديك فطريقيي ....عندي لخدمة بزااف ليوم انخلي ليك الصرف وشدي طاكسيي ....غيتة فطري خلاص
غيتة(فمها عامر)كنفطر
حياة:بيلوو تعطيني طموبيلتك فلعشية !
اقبال:ورا جوج مزياانة ححيت بغيتها مع طنااش انتقدا
حياة:لا لا مبغيتها تالستة هكااك نخرج من لخدمة ونجي ناخدهاا
اقبال(مسحات ايدها)وااخة ....غيتة تكعدي مشا لحاال
كانو ديجا واجدات كتافات اقبال بسبرديلتهاا نقية عاد غسلاتها دات ليها سيوور وهبطاات كتسنا فلغالية وغيتة تهبطوو وصلاات غيتة ليسي وكملات مع الغالية حتى لابوراطوار وحطاتهاا عطاتها لي غيخصهاا ومساات تقضي اغرااضهاا ككل بداية شهر لما وضو تاع لمحال ودار تقضات لبياس لي خااصهاا ورجعات لمحال حلاات
**
حطاتها الطاكسي قدام لبووتيك لقاتو مزال مسدود كلسات فدرييجة توقفات طموبيل نيسرين او ناضت
نسرين:هيبة!! مزال محليتوو
هيبة:هانتي كتشووفي ديماا كتعطل مكتجي تال تسعود نص
نسرين:لحماق هدااا السيدة لي كدير لميناج كنقوليها تمنية تجي ففق (صونات ليها)ويي صفاء فييينك ....داكووغ متعطليش
نسرين حلات بالسااروت وهيبة وراها حابسة الضحكة
هيبة(حكات ودنها )مدااام نيسريين ...كنتي قلتي ليا داك نهار نعطيك السيفيي ومبقيتي قلتي ليا والووو
نسرين:هبة معجباتكش لخدمة معانا ؟
هيبة:عاجباني ولكن اناا جيت نخدم على وديت لاكيس...نتي عارفة الديبلوم لي عنديي ووو
نسريين:عاارفة اهيبة انا محتاجاك فلبوتيك نتي متييوولة وكل حاجة كتحطيها فبلااصتهاا
دخلات صصفاء كتزرب شافت فيهاا نسرين بتخنزيرة وقالت:تبارك الله عليك ...هدا هوا لوقت
صفاء:والله امداام هي ط
نسرين(مدات ليها ايدهاا)اراي سواارت
صفاء:ع علاش امدام
نسرين:مغنعاودش هدرتيي ...يالله
مدات ليها السااروت منرفزة شداتهم نسرين ومداتهم لهيبة لي فرحات ومبيناتش
نسرين:الوووغ سووارت من ليوم ايكونو عند هيبة خيت هيا لي كتجيي اللولة...اه وبالنسبة لاكيس هيبة لي غتكون تماا
صفاء(خرجو عينيهاا)ولكن امدام راه
نسرين:كلمتي قلتهاا ...ديما تالفة فلحساااب ؟ ديجا هيتم قالها ليي وكنميك ولكن سي تخووو ...علم الله شحال كضيعي تاع الصرف ...نتي معليك هي تكوني بلي كليوون او هيبة اتكلف بلاكيس
هيبة:شكرا امدام عمرك تندميي
نسرين:يالله كل وحدة لخدمتهاا
مشات هيبة هازة راسها لفوق كتعوج وصفاء بقات واقفة مصدومة متسرطاتش ليهاا وشافت ف هيبة:عجبك لحاال
هيبة(بابتساامة)بياان سيييغ ما شيغيي !! ...سيلتوبليي صفاااء !! طلعي لفووق لبلاكاار خاصوو يتعاود انا غنبقا لتحت تعطلتيي ولفام دميناج مجاتش
من بعد ما هيتم رجع لقرايتو ونتاها الصيف اتكلف هيبة بلمحال كاامل بلاكيس وهدشي فرحها صالير زاايد ولخدمة لي كتعرف
هبطات نيسرين من لفووق كتقرقب بطالونها وقالت:هيبة لفورنيسور فلعشية ايجيي يااك بغيتك تشوفي ليا شنو لي نااقص ااه او لحوايج تاع الصيف غنديرو فيهم الصولد باش ندخلوو شكيلات جداد و لي مونطوو داكوغ ..
ايجي لولد يقاد تيكيت تاع الصولد فزااج ويعطيك تيكي علقييهم فلي تيشورت وشورطات ليوم مغنجيش
هيبة:كوني هاانية
خرجات ولاخيرة مشات كيف قالت ليهاا جمعات لي تيشورت لي غيكون فيهم الصولد حطاتهم فطبلة تلعود طويلة فلوسط ..
**
كانت واقفة مع كلياان كيديماري الطموبيل زقالت:مزياانة
**الصووت الصوت هانتي سمعيي
ديمارا من جديد واقبال واقفة حداه عصبهاا وقالت:واش باغيها تغني !! صوت الطموبيل هوا هدا !!
....لا لا ملي كندور الساروت لموطوور كنحس بيه كيتعصر
اقيال(ساطت)كيتعصر ...واخة حيد نسوف
ركبات وهوا حط راسو وراخي ودنيه كيسمع يالله ديمااراات قفزها وقال:سمعتتيييه سمعتييه معصووور ...لموطور معصوور
اقبال:الله اهديك اسي محمد لموطور مابيه والوو نقيي (حلات لكابو من جديد كتورييه )الزيت نقيي ...تنقوليك شحال من مرة متخليهاش تنشف من لماا لموطور كيسخن كيولي يعطيك داك الصوت !!
...بغيت ندير ليها لفيدونج كااع ونتهناا
صونا تيليفونها وهوا كيشرح شافت نمرت الحارس العام ديال ليسي وقالت:ميكون هي خااطرك ...مهدي شوف مع لحاج
بعدات شوي وجاوبات وقالت:سي مصطفى
مصطفى:ما بخير والوو ... دابا تكوني عنديي
اقبال(طاح منها النص )غيتةة ياكما وقعات ليها شي حااجة
مصطفى:جي بعدااا وغتعرفي
كانت غينة واقفة مع جوج دراري والطابلية محلولة مكياج فلوجه دارتو فطواليط ملي حطاتهت اقبال حالة الشوميز لي لابسة من جيهت صدر باش يبان فرقة صدرها
جاية حنان كتجري وقالت:استااد لعربية مجاااج اوووف هناناا
واحد من لولاد :نخرجووو
غيتة:لا لا خلينا هي فليسيي تخرج لياا ختي من جنب تاني بحال داك نهار
حنان:نمشيو لشي قااعة خااوية !!
لولد:بلاتي تخوا الساحة ونمشيو
فعلا تسناو الساحة تخوات وكل واحد مشاا لقسمو بعدو على الادارة ودخلو جيهت اقسام خاوين دخلو لوحدة وكلسوو حيدو لبنات الطابلياات
هزات غينة الطباشير ورسمات لمدير مع كان قصير وغليض عندو صلعة فيها جوج زغباات
غينة:اتلقاو ت** قد لبغل ههههه
مروان:(شاد تيليفون وطلق اغنية اسبانية )خليناا منوو از**
حطات الطباشير وبدات كتمايل مع الاغنية برقص جريئ
حنان او لولد لاخور كالسين فطاولة فاللخر لقسم كل مرة يبوسهاا ...
اما غيتة قربات حدا مروان كتشطح وتميل وسطهاا وتهبط تالتحت وتوقف
مروان(كيشوف فيهاا وعينيه كيشعلو قلووبة )نتزوج بيك وتشطحي ليااا
غيتة(صحكات بغنج معوجة عنقها)سير تقود ههههه
دفعاتو بجنب مخرتها وضارت عطاتو بضهر تشدها جرها عندوو وكتنتر بالصحك
غينة:وبعد منيي ههههه اتشوفنا جمتك اصاحبي
مروان:تمشي تعاود لمها هه
تحل لباب بجهد ودخل لحارس لعاام لقا كل واحد مقنت وحدة مروان دفع غييتة بزربة وضار كيطفي فتيليفون وحنان صفاارت هيا ولولد
مصطفى:تباارك اللهوتباارك الله
غيتة(صفارت وفمها نشف عارفاه معرفة تاع اقبال ايوصلها سخونة)والله ا استااد حتى
مصطفى:قدااااامييي يالله
تفزعوو وبدات كتهز فالطابلية يلبسوهاا وصاح فوجهم :خليييكم هكاك زيدوو يالله
مروان؛راك فاهم غلط ا استااد والله مااا
مصطفى:قداااامي
فعلاا تمشاات غيتة وحنان شادين صيكانهم ولبلوزة فاييديهم مسحات لعكر بكم بايدهاا
شافت ف صاحب حياة وقالت:الله انعل ديلمك بلانات لخرااا
مروان:صافي سكتيي قودناهااا تاني
مشاو لادارة لمكتب لمدير نيشااان لبنات كيدمعو ودراري عاضين على فمهم
المدير: وا شنتوما مكتشموووش ....راه لباك هدا ماشي اللعب
غيتة(بدموع)اخر مرة اا
خبط على لمكتب تاتكمشاات:نتييي ارااس لحربةة غي سكتي تبريييت وتبريييت
دق فلباب وتحل لباب كانت اقبال مخلووعة و راها مصطفى رمقات غيتة بعينيهاا وحداها حنان ودراري توجهات لمدير سلمات عليه وقال :كلسي ا اقباال
اقبال:شنو واقع مال هادوو
مصطفى: لقيناهم فلقااعة كالسين فوضع لا اخلااقي وشطيح تاع بنات زنقة !! فلمؤسسة ...بزافوهدشي ا اقبال
المدير:تبريت منها شحال من مرة على داك لمكيااج ...واش كتخرج بيه من داار هكاك؟
اقبال(شافت فغييتة وقالت)لاا
غيتة:هءهءهء كنا هي كالسييين والله هءهءهء مدرت والووو
مصطفى؛كالسيييين معااانقييين (شاف فحنان)كالسيييين بوش ابووش البرهوووشة ابلاتي ها بااك جاااي
حنانم(كتشهق)هءهءهءه
اقبال(حطات ايدها على لبيؤو وسدات عينيهاا معصبة وغيتة كالسة قبالتهاا محساات تناضت جمعاتها معاها بطرشة معرفاتها منين نزلاات )لحسااب فداار
غيتة(شادة ححنكها كتنخصص )هءههء
المدير:اخخر اندار هدااا اقبال غي على وجهك لمرة جااية غندوزها نيشاان المجلس التأديبيي ...
اقبال(تزيراات )لهلا يخطيك ا استااد شكراا
وقفات اقبال وقالت:نوضيي
غيتة:هاا م مزال قاارية
اقبال(خرجات فيها عينيهاا)نووضي
خرجات مخلية لمدير كيصبن فحنان ودراري تيجيو تهوما اولياء اموورهم....
اقبال كتزرب فلمشية وغيتة وراهاا كتسد فلقميجة وتخرجها من السروال حنكها كيوزوز بطرشة ...
وصلو حدا الطموبيل وضارت ليها شداتها من شعرها وغيتة كتبكي:عفاااك هءهءه عفاك اختي ماشي هناااا هننن اهء اهءء عفاااك
اقبال(جمعاتها معاها بتصؤفيقة لحنك لااخر)فيييين اختي فييين ...هادي هيا تيقتي فيك
غيتة:هءهءهء مبيناتنا والو اقسم بالله غير كيقراو معايا وحق الله ا اقبال مكنكدب عليييك
اقبال(دفعاتها جيهت لباب )طلعي تالدار
عضات على فمها مكاينش لي يعتقها منهاا ليوما حتى الغالية مكاينااش بقات كتبكي وتفرك فايدهاا صونا تيليفون اقبال وجاوبات
اقبال:وييي
حياة:فييينك احح
اقبال:ماالك ازمر ماالك
حيااة:جاتني لي غييكل وجيت لدااار اووف ملقيتش لغالية فين مشيتي
اقيال:هاني جاااية بقااي تمااا
عضات غيتة على فمهاا كتبكي ليوم يفرسوها ...كتبغي تهدر وتسكتهاا اقبال مع وصلو بانت ليها حيااة كالسة فلعتبة تاع لباب حلات غيتة لباب
حياة:اش درتي ابنت لحرام تااااني
لاحت الصااك ملي اشفت حياة جاية ليهاا وضريااتها بجرية مخلية اقيال وراهاا
اقيال:غييييتة
جرية وحدة وشعرها كيلعب وراهااا هيا غاديااا واقباال واراهاا
جرية وحدة لعند جاابؤ لي كان واقف مع لكلييان تا تحمات بيييه كتبكيي معرف باش تبلاا
غيتة:هءعءعهء جابر متخليهاش ضربنيي عفااااك هءهءهء مدرت والوو
جابر(هز لفلوس لي طاحو ليه تشاف اقبال جااية ولخرى كتجر ليه فتيشوورت ومكمشة عليه تدخلو لمحال لداخل
جابر(جرها عندو )مغتقيسكش صاافي
اقبال(دخلات)الدار يالله مغنزيدش معاك لهدرة
جابر:اش داااارت اش
اقيال:سولهااا
غيتة(تحت باطو شادة فيه كي لمشة)هءهءه مدرت والو اخويا وحق الله اقسم لك بالله مدرت والو كنا كاالسيين ...كلشي من حنان
عض على فموز وقال:اش قلت لييك على حنااان
غيتة:هءهءه مبقيتش نعاود والله متخليهاش ضربنيي
جابر(برجااء )فوتي ليها غي هادي ا اقبال
اقبال(ساطت)واخة مغنقيسهااش
غيتة:حلفيي هء هء
اقبال:والله منقيسك حلفت
جابر:صافي راه حلفاات مغتقيسكش سيري هاد لمرة انا لي غنسلخ مك لمشديتيش لرض
طلقات منو ومزال خايفة من اقبال وخة حلفات عرفات لحلفات مغتكدبش حمات بايدها ملي تحركات اقبال عند بالها اضربها وتعكلاات طااحت وقفهاا جابر كيضحك وساست حوايجها ...غادية وحاضية مع اقبال توصلو لدار
لقات لباب محلولة دخلات كتمسح فوجهاا من دمووع تغووتات ملي لقات شعرهاا مجرور اللور طاحت فوسط الداار تلقات حياات هازة سبااط قاسح من لتحت وبدات كتعطيها لجناابها
حياة:يااااك ...بغيتي تخرجي لقحووب عااين باااين ياك بنت الغالية (عضاتها من كتفهاا)هنننن
غيتة(غوتات تمشا ليها الصوت وشعرها مزلع فالضس وسباط طرا من رجليهاا )هءءهءهء وبعدي منييييي
اقبال(مجرات حياة من فوقهاا) صافي برااكة لحمها مات بلعصاا
كلسات كتبكي شاادة كتفها لمعضوض كتنخصص
حياة:باقة توصلي لمكيااج نخشي فمك كرااطة الكلبة ..
غيتة:هءهء مبقيتش نعااود والله ....هادي والتوبة
اقبال(تحنات عندها وهزات صبعها ولخراا غطات وجها خايفة)هاديي دااازت ...نحلف ليك بالله اغيتة لي شانو عالي وعضيم لمؤة جااية لباب متعتبيه ...عييييت كلل مؤة كل مرة معيطين ليااا لكانت فيك دودة نقتلو مها قبل متفرخ
حياة:زوجيها لداك لي باغي يزيد الراابعة
غيتة(بزربة)هءهءه لا والله تنقراا مبقيتش نهدر معاهم والله
خلاوهاا وناضت لبيتهاا كتمسح فدموعهاا هي سداتوو وسكاتات لقات صاكها محطوط تماا ..
بدلات حوايجها بسورفيت وكتوبتها بدلاتهم وجمعات شعرهاا وخرجات كتفرج وكتسناا جوج توصل وتمشي لقرايتها وحياة كالسة كتوجع ومغطية
حياة:اديك هااه نوضي نوضي لصيدلية قبل متسد جيبي لياا قويلباات
غيتة:ديفال نيت
حياة:ممم هزي لفلوس وتعطليي نحر ملتك
اقبال كانت فلكوزينة ردات لغدا فلكوكوط يطيب ومسحات ايدها كتصوني ل غالية وكالسة فالصالون؛هاد مك مكتجاوبش
حياة:اححاااي تفوو على خراا ناس كتجيهم لي غيكل وانا كتجيني لمووت ...اقبال مسدي لياا ضهريي
مشات لاخيرة سخنات زيت بلدية هزات كمايمهاا ومسدات ليهاا ضهرها لتحت وقالت:بسييييف ونتي صيف معرية برد معرية
حياة(براحة شوي)واش غي حنا لي كيضربنا لبرد علاش لكاوريات تلقاي كرها ديما عريان او حس لبرد مكيدوورش احح تما تماا
مسدات ليها ضهرها بلطف بصباعهاا وكل مرة تشوف سااعتهاا تدخلات غيتة ولاحت لقويلباات ليهاا وقالت:هااكي طلعيهم معاك ...
حياة:ناري ونووض لييك المعزة المحرووگة نديرك تحت رجلي ونشتف عليك
مسحات ايدها وزادتها مانطة سخونة تدفيها ومشاات كملات لغدا تدخلات الغالية سخفانة وراها هيبة حطات اقبال لغدا وقالت: جوج كرااام ؟؟ واش كتخلينا تنعسو وتنووضي لسكر
الغالية (كدور فعينيها)وغير ملي عرضاتني خديجة ...او كليت لحلوة كلت راه متدي متجييب السعاتي طلع ليا بزااف
هيبة:ردي لبال لرراسك امااما الله اهدييك ...راه السكر والكوليستريول مامعاهش اللعب خاصك تبداي تمشاااي باش تنقصي الشحمة
الغالية:وااه داكشي لي ندير نبدا نتمشا شوية
هيبة:مقلتش لييكم هههه شديت لاكيص وغنبدا نتخلص كتر احح علي
حياة:صدرتي ديك حزقة ونص
هيبة:صدرتهاا ليوم غير كتنفخ ...شوية ونمشي باش منتعطلش ادخل السلعة جديدة
وصلات جوج كيف لعادة كل وحدة لخدمتها الا حياة كلسات اللرض ملي شدها لوجع ..
حطاتها اقبال جنب ليسيي وقالت: هادي دازت
غيتة:صافييي
نزلات كدير فصاك كادو فضهرها فلبااج هازة فيه كتوبتها وشعرها جامعاه لفوق مع دخلات لباب بانت ليها حنان ومشات عندها هي تقابلو وجووهم ضحكوو تابطات حنان دراع غيتة وقالت:شحال كليتيي
غيتة:جوج طرشات من بيلو وعضة من حياة
حنان؛انا ماما ريشااتني ...اه سبيت فيك كلشي
غيتة:تا اناا تشوفي اقبال ولا جابر قلبي طرييق هههه
دخلوو ليسي كيضحكو وقالت:مروان و صحيبك مبانوش لياا يكما دار ليهم باهم لعقووبة هههه
مشاو كيضحكو لقسمهم مشادين ومتأبطين دراه بعضياتهم لقااو مروان وصااحبو شادين الطاولات اللور هي شافو لبنات وضورو وجوههم
غيتة(كتحيد فلكارطابل حدا طاولة جنب الاسستاد)رجولة ماما غطيني
حنان:عيالات اخر الزمن ههه
خبط الاستاد فلمكتب بستيلو وقال موجه هدرتو لغيتة :ااا اعبلة حكمي لرض من زيكزااݣ
غيتة(بضحيكة)حاضر استاادي
حرك راسو بلاحول الله وعطاها بضهرو يدير الدرس وحنان كتنغز فيهاا عليه وكيهمسسو وكل مرة يدورو يتحلفو فدراري
حنان(كتبات فدفتار ومداتها لغيتة)عيد ميلاد راوية اتمشي؟
غيتة(كتبات) ميخليونييش دوك لبايرات ههه
حنان(كتبات) ناااريي فيها داكشي ليي كتبغيي تييتيز ازمر
غيتة:صافي وااخة
شافيهم لاستااد وجاي ليهم كمشات لورقة ودارتها فمها وقف جنبهم ودار ايدوو فجناابو وقال:مبغا
●●●
المسااء
كيف ديما مجموعيين هالي كيتفرج هالي مقابلة مشقوفها وحيااة ناعسة هلكاتهاا لي غيكل لي كلاتهاا تردهاا ...مشات اقبال خدات ليها دواا او مكر فيهاا
اقبال:حيااة...حياة
حياة؛نننن ففف
اقبال:نوضي نوضي ندير ليرجونص دكي لبراا
حياة:افف مفياش ا اقبال صباح يفوتنيي
هيبة:اتبقايي هكا تالصباح ابزااف
حياة(حلاة عينيها معصبة)واش انا كولشي لليرجونص هي كيسوفو كمارتي كيوجدو الشووكة؟ بزاف هاد لخراا مرضني
اقبال:وااصبريي ...ديما كتجيك بلوجع اول مرة
غيتة: سعداتك نتي وهيبة كتجيكم سااكتة حنا كنديرو نفافر
هيبة:نتي بعداا فارعك لبرد
الغالية:ندير ليك زعتر
حياة:ااااح شربتوو شربتوو
غيتة:خاصك رااجل (ضؤاتها هيبة)شنووو ياك تيقوليك كتزوجي مكيبقاش لوجع
حياة:نتي راه من صبااح معصباني غنوض نشتف على ديل مك فهاد الليل
اقبال:معندكش سواايع ليوماا !!
غيتة:لاا
اقبال؛نوضي تحفضييي ...يالله
ناضت كتخبط فرجليها ومشات لبيت حبدات كتووبتهاا وتيليفونها مكونيكطية
حنان:دويتي معااهم !
غيتة:مزااال بلاتي شوية تانتعشاو ...
طيبو الروز بلحليب وتجمعو علييه كتسمع هي لمعالق كيتقرقبوو صونا تيليفون اقبال وجبداتو من جيبها ولمعلقة فمها طلع ليها نمرة امين...جاوبات محنية على الطبلة ولمعلقة فايدها
امين:مساائوو
اقال:وعليكم السلاام ...
امين:شنو الى مسولنا متسوليي !
اقبال(تنهدات)غير مع لخدمة راك عارف
امين:مم داكوغ....صفا لخاطر ششوية ههه
اقبال:صافي الحمد لله
امين:داكوغ نلقاا شي وقت وندوز عندك ...بونوي
قطعات عليه وشافت فلبنات كيشوفو فيها وهبطات عينيها للطبسيل :تعشااو
الغالية:هداا امين...معرت ابنتي اش بغيتي راجل كامل مكموول بدارو بطموبيلتو خداام اش بغيتيي !!
اقبال: مبغيتوش
حياة(بالم شادة كرشها وكتاكل فالروز) تبغيييك حية اش بغيتيه يكون كيخرا لوييز
هيبة:طليه على كماارت تفوو راه كنتعشااو
حياة:تسكتي ولا نسيفط على ملتك معلقة مع وجهك فطح تقلمو شوي
اقبال:واااا هنينونااا تاااني (هبطات رعينيها لطبسيل) ...
تعشااو وغسلو لماعن وكل وحدة شدات بلاصتهاا طفاو ضو وكان لموضوع امين وسط الضلمة
حياة:اختي موو حلوة هوا فيه ديفو ولكن رووديه
اقبال؛واخدة طموبيل ؟
هيبة:الصراحة الله تقيل على لقلب انا صدمني ملي جا لدار بلا خبارك
اقبال:نعسوو نعسوو نهار تكتااب شي خاجة اتوصل
سكتو تاتحل لباب بهمس ودخلات غيتة كتسلت
اقبال:اماالك ! ضربك حمار الليل تاني
غيتة (على ركابيها كتحبوو تكلعات حدا اقبال وتخشات فيهاا )والوو توحشت نعس حدا
ضماتها هيا الاخيرة وباسهاا فجبهتها كتحك ليها فشعرها ولخرا كترمش
حياة: اديك لقحيبة ...لاش كتحلوني منصبااح !
اقبال:اشباغة ابحيليسة
غيتة(بغنج)صاحبتي عندها عيد ميلااد ...او عرضاتني هار لخميس نمشيي عفاااك
اقبال:على فعايل ليوما متعتبيهاش
غيتة(باات تبدا تبكي)والله مدرت شي حاجة داك لحارس مكيحملنيش هءهء كاع لبنات غيمشييو عندهاا وانا لا !! ايكونو هي لبنااات عفااااك عفاااااك وفلعشية ماشي بليل عندي نص نهاار
اقبال:منهنا لخميس يحن الله
غيتة:الااا قولي ليا داباااا واش نمشي ولا لااا !! عقلتي نهار تفكيت من ايدي فالسانكياام ...هيا لي كانت مسكينة كتكتب ليا الدرووس عقلتي عقلتي
اقبال(غمضات عينيها بغات تنعس ولخرى كتلعب ليها فوجهاا)ممم عقلت ....خلينيي نعس ل
غيتة(باستهاا)الله اعطيك شي فيلاا كبييرة حدا لبحر ....الله اعطيك مانويتي فخاطرك احبيبة ياك اناا معيزتك زوينة ...بيلووو
اقبال:تأ غيتة نعسيي ...يصبح ويفتح
غيتة(بهمس)الله اعطيك حجة وشربة من سيد نبيي
اقبال(ضحكات) اميين ....وخة يالله هي نعسيي
غيتة(بفرحة)يخليك لياا ...نتي بيلو ديالي الله اعطيك شي راجل متيتز ولباسس علييه
اقبال(تاوبات)خليتو ليك
ضحكات غيتة موسدة ايد اقبال وقالت:حكي ليا شعريي
ضارت عندها كتحك ليهاا وخشاها عندهاا حتى مشاو فنوم عميق
**
فلمحال كيف عادتها خداامة تسونا تيليفونهاا وخرجات من تحت الطموبيل نمرة جديدة معرفاتهاش وجاوباات
اقبال:الوو
امين:الزيين صافااا ؟
اقبال(تنهدات عاضة على فمها)اميين رااه دويناا واش مكتفهمش!ا
امين: مصونيتش ليك على شي حاجة متقطعي شالله احفضك .... الطموبيل سكتات ليا فلخرجة تاع لمدينة معرفتش اش وقع ليهاا
اقبال:(حكات عنقهاا كتمسح ايدهاا وشادة تيليفون بكتافها)واش مكتخدمش كااع !
امين؛لا والوو كندور الساروت تنعياا كيتسمع لموطور ومكديمارييش او طالع لكازاا
اقبال:واس نتا حماقيتي طموبيل هاسرة وشاد بيها طريق
امين:هي شوفي كي ديري مبغيتش نتحااشم مع صااحبي واعدتو نوصلو لمطاار ...كانت بخييير هي وقفتها فسطاسيوون نزيد لمازوط مبقاتشش بغات ديماريي ....واش تقدريي تجيي ديباناج متجي تنطيب بشمش
اقبال:ففف واخة واخة هاني جاية
قطعات معاه وجمعات الدوزان فب اطة مخصصة ليهم دارتها فلكوفر وصات مهدي وراتو اش يدير ومشاات سيفط ليها امين بلاصتو فين كاين فلواتسااب وشدات طريق جيهتوو دايرة كاسكيط كحلة وشعرها مضفور لابسة تيشوورت بيض وقبية فوقو بلخزي دافية مع بدا لحال كيبرد سروال دجين او سبرديلة ككلة وساعتها الرقيقة فايدهاا ...وخة مكتستعملش رواايح بكترة ديما ريحتها زوينة نقية فكاع حلاتها ...بان ليها امين وايقف. فطرييق معاه صااحبو فايتو شوي بطوول مكضر داير ايديه فجيب السورفيت السودااء نضاضر فعينيه وشعرو كحل بشوش لملامح وبشرتو متل لون القهوة الخفيفة لحية سوداء مزينة وجهو...
امين:هاهيا جات واخيرااا
....قلتي اتاصل بلميكانيك !!
امين؛ولمن صصونيت لبلومبيي
...بنت؟
امين:تحنت رجاال ...طموبيلتي ميحط عليهاا شي واحد ايدو من غير مدامتي
....ههه متقولش ليا هادي لي مجرجرااك
امين(شافها جاية)هيااا اخوياا هياا
وصلات حداهم مدات ايدها لامين ولصااحبو بلا متهز فيه لعين وقالت: مالها عاود
امين:معرفتش غير بوحدهاا
حلات لكابوو وقالت:ديماري
مشا صااحبو ديماراا السعاتي والوو وشافت فامين كتقاد لكاسكيط :مبدلتيش لباتري ؟
امين:متقوليهااش
قربات طموبيلتها وحلات لكابو وجبدات طرونسفير لي غيدوز من طموبيلتها لطكوبيلتو بحال الشحن الكهربائي ...
اما الشخص لاخر مربع ايدوو ومعوج فمو باعجااب عمر تخيل يششوف مرا فلميكانيك صايرة واخدة حقها من الزين تعجب لي ايديها ملي سلمات عليه تقول مكيتحطوش فلما بيضين ورطبيين وضفار مقطعين ونقاياا .....
قرب لجيهتخم كيساعدهم ومشا ديمارا الطموبيل وخدمات
امين:بفف واخيييراا مامنكش عشرة ابيلوو
اقبال:غير ترجع بدل ليها لموطوول عياا
....(باستغراب)بيلو
اقبال(هزات عينيها فيه مكمشااهم من الشمش لي ضاربة فاص ليهاا ) كيف جاتك!
...سميتك بيلوو !
امين:نوو ههه سميتها اقبال
كانت تجمعات الضحكة وحيد نضاضرو وركز عينيه لي تحتهم تجاعييد بسييطة حول عينيه لبنيتين وحجبانو غلاض شوي كحليين وقال باستغراب اكتر:اقبال!!
سدات اقبال لكابو كتسوس ايدهاا وقالت: رد بالك لتسكت مرة خرااا
كانت غادية او وقفها لاخر وقال :بلااتي عفااك !!(شاف ليها فوجهاا ودار ضحيك. خفيفة وقال ميحك لحيتو بطراف صباعو) بنت السيكليس؟
كمشات حجباانها فيه كترمش وحركات راسها باه وقالت:كتعرفني
توسعات ضحكتوو واصدر حركات كيرجع شعرو اللور كأنه ماميتيقش هاد الصدفة يالله باا يهدر خرج امين من الطموبيل وقال:شهيييد مبقاتش تابعاك طياارة اصااحبيي
شاافو فامين بزووج ورجعو شافو فبعضيااتهم فدهول ونطقو بجوج دقة وحدة
شهيد: اقبال!!! .\اقبال:شهيد !!
عندما تبتهج الوجوه بلقاء من لهم الوجدان يَسُر،
تكفي الابتسامة في التعبير عن ما يذخر القلب من غلا وحب لهم ...
وفي بعض الأوقات تسبق الابتسامات دمعة الفرح لترقص على خد كاد أن يجف ويذبل من طول الفراق،
وتصدم الأجساد ببعضها لبعض لتولد حرارة الشوق وتلتمس الكفوف بالأيدي لتنقل أحاسيس الجوف ومشاعر الروح...
*
وفي بعض الاحياان تكون حرارة اللقاء اجمل من رقصة يوم الزفاف
*
كانو عينيها كيرمششو ودقات قلبها تساارعوو ...تبدل بزااف كبر وشعر مبقاش طويل كيف ولفاتوو لحية بدلات تراسيم وجهو الوسييم...فعلا كاان وسييم فصغر والشباب مزادو الا وساامة حروفو كحليين وعينيه مايلين للبني سنان بوويض وسط لحية سودااء خفيفة ورطبة بحال خصلات شعروو لي كيديهم الرييح وكيهز ايدوو لي مكتاسياها بعض الشعيرات السوداء وساعة يدوية فلمعصم جلدية
توانيي كانت تأملاتو وهواا هكاك دوك لعينين اللوزيتين لي ضاربة فيهم الشمش حروفها الشهبين وشعرها لبني ...متبدلاتش بزااف
شهيد (بفرحة )بيلوو ....توحشتك
وقع كلمتوو على مسامع ادانها خلاها تبوورش من صبع رجلها صغير حتى لرااسهاا تعقد ليها لساان وهياا كتشوفييه كيضحك ومعوج فيها رااسو مد ايدو ليهاا وهياا مكاينااش هنا
كسر سكااتهم وتأملهم ولحضة صمت بيناتهم وقال:شهيييد !! كتعرفو بعضياتكم
دارت ايدخا فجيب لقبية وقالت:الله اعااون
شهيد(تبعها بعينو ورجع ايدو لجيب كيضحك تدخلات لطموبيلتهاا وتبسم )كبراات....وزيانت البرهوشة
امين:نعاام
شهيد(شاف فيه كيحك ودنوو) والوو مشيناا
مشا امين قدامو وشهيد كل مرة يدور هيا لي ديمارات الطموبيل كتسرط بقايا ريقها لي نشف بعداات عليهم بضع مترات او وقفاات....كتعاود فبالها لحضاات اللقاء من بعد 15 لعام (كمشات عينيها من هاد العمر الطويل لي دااز تكات راسها على لفولون بتنهيدة قوية حلات لبواط لي جنبها وجبدات سيدي جامعة فيه كاع الاغني المفضلة ديالهاا ولكن ماشي اي اغانيي ...اغاني من جيلهاا اغاني لي عندهم دكريات فقلبها ميمكنشش تنسااهم
* اعطاك ربييي بلاصة في قلبيي ...مهما ديري وقليل فياا ...انا عشقتك وحملت عدابي...نبغيك بزاف بسيف علياا *
اغنية حملاتها لزمن الجميل لزمن لي عمرو يرجع من جديد ...لوقت لي كان همها لوحيد هي تجيب قطة زوينة ...تفكرات مجموعة من اللقطات جمعاتها مع شهيد ...رجعات طفاتهاا كتنهد وكملات طريقهاا....
**
شاد تيليفونوو كيركب فرقم اقبال فتيليفون وجنبو امين ساايݣ
امين:كتعرفهاا !!
شهيد:كناا جيراان شحال هداا...مدة هادي مشفتهاا
امين(باستفهام )وعرفتيها غير من بيلو ؟ كيفاش هادي ههه
شهيد(شاف فزاج كيتبسم)عاادي...شي حوايج مكيتنسااوشش
شاف فيه اميين وكمل طريق وقال: شحال اتبقاا
شهيد:ممم ماشي بزاف شهر ونرجع هي نبدل الطموبيل ...
امين:متنسااش لياا دييك سواتش لي وريتك ...شريتها منهنا لقيتها مغشوشة
شهيد:دااكوغ اسيدي ...
امين: نحسبها كادو تلعرس هههه
شهيد(ضحكة وبصووت جوهري لطيف)الله اودي مرحباا ههه
امين:ههههه
**
وصلات لمحال مخطووفة...تسولها على لعيد تقوليك غدا رمضاان ...لقات مهدي مشغول كيصلح فطموبيل دخلات لمحال بدلات لقبية ب بلوزتهاا ..
جابر:واا لعمااالة !
نتابهات ليه وقالت:اش تم
جابر:صماكيتي؟...فين سرحتي عجولك
اقبال:مسرحتهم فييين ...اش خبار شادية مع لكريشة
جابر:بحالي بحاالك ههه
جابر(حك حنقوو وكلس على الطبلة مقابل معاها هيا لي كتقاد فسوارت؛مال غيتة لباارح؟
اقبال:شطيح ! لقاها لحارس لعام فشي قسم كتشطح
جابر ؛هي ولبرهوشة تاع حنان
اقبال: وييه
جابر(عض على فمو وكيلعب بسوارت )ديك لبرهوشة غتخرج عليهاا ! معاجبانيش ديك صحبة تاع والو
اقبال:اه بقا حل وااحد هي نسد عليها فداار !! واش نتبعها تالقيسم ...ضريناا غوتنااا والوو شيطانها عمرو يتووب ...راه مبقاتش صغييرة ...شهر 11 اتكمل 18 لعاام خاصها تعرف لخايبة من زويينة ماشي تسنا حتى نوريوهاا
جابر(كيطرططق فصباعو وسكت ) انا مشييت
**
فلمحال كيف لعادة بين لكلياان ولفلوس ولا كيس تشوف معا هادي وهادي وحتى رجال عندهم بلاصة لفوق كان هيتم مكلف بيها داباا ولات لاكيس كلها على هيبة او صفاء
كانت لفوق كترتب لملابس الرجالية فبلايصهاا وكتلق لي تيكي ديال الصولد موسيقة غربية هادئة مطلوقة فارجاء لبوتيك وريحة زوينة واضواء خافتة ..نتابهات لشخص دخل عاطيها بضهرو كيقلب فاحد سراويل لملقيين ديال توب ...نتابه ليها هيا لي كتقرقب فالطالون ورااه وقال:مادموزيل
تلفتات جيهتو بابتساامة وتوجهات لعندوو لابس سباط طالون فلموتارد ومونطو خفيف فنفس اللون مع جينز قصير لاصق وشعر مسرحاه بلبلاك كتبان فنة
هيبة(بلباقة )وي سيدي
تبسم ليهاا وقال كيحك لحيتوو :ملقيتش تيستيغ فليبونطالون لي بغييت
هيبة:شنوو بغيتيي ...حيت عاد جات السلعة
...لطوال !!
هيبة:ااه داكوغ بلاتي نشوف لييك ...كلووغ!!
...نواغ !
تبسمات ليه ومشاات لفين حاطة لحوايج كتستف وهوا غادي بين صفوف لحوايج وسبابط تجلد كيلمعو كلس فوق لبوفا تماا وهز سبااط كلاس كيقيسس فييه وهيبة كتقلب على سروال لي بغاا وقالت: هدا اسيدي
هز راسسوو ليها بابتساامة رجل مكتاسي شعروو لبيااض ولحيتو كدالك عينيه حرشيين كيعطيو نبدة على قسوحيتو لابس سروال توب وشوميز زرقة خاشيها فالسروال عندو كريشة شوية وفورمتو عادية ماشية مع سنو لي يكون فاوائل الاربعيين ولكن باقي محافض على شوية الشباب فوجهو لي ضهرو عليه بضع تجاعيد حول لعين فقط ...
...شكرا هداا
هيبة:تقدر تقيسوو الا بغيتي
هزوو ودخل كيقيس وهياا رجعات لتستااف خلا ريحتو مجهدة فلبلاصة فين هيا ريحة قااسحة لمكنتيش مولفها تخنقك ..
نحنح وفايدو سروال او سباط جلديي فلاسود وقال : قادي ليا هادوو ناخدهم
هيبة:واخة ... نهبطو لتحت !
شداتهم من عندوو وهابطبة فدريجات لعود كتقرقب بطالونهاا وهوا موراهاا حطات رجلهاا فظرجة قبل لاخيرة وحطاهاا فلخوا غوتات وطاحت من جنااب درووج لي معندهمش سيبور تجرحات فاييدهاا وغوتات حسات بايدو شداتها قبل ميتخبط رااسها مع لفااز ونقز درووج جيهتهاا وقاال: موقع باااس ...موقع بااس
عاونها كلساات وشادة ايدها لي تجرحات بشرطة فقنت لعوود
صفاء:واش تقسحتيي
هيبة:هء ايي ايدي ضراتنيي
...موقع باس خرجاات طرييفة
صفاء:بلاتي راه كاينة بواط ايغجون نجيبها ليك
Tags:
حكاية أنثى