(هزااات ايديها حتى لسماء باغيا تصرفق مي شدها لها ...)هكا كترجعو الخير فبلادكم ...
جاااء تخرج الغرفة كانت مسدودة كتحل والو شهم كلس فالبالكون بكل هدواء وهو كيهضر مع شي حد فالهاتف ديالو ..رجع شاف فيها
"مغدياش اتحل غير خليه
"باغيا نمشي ،"
"بغيتي تمشي بدون متعرفي علاش انا درت هكااا "
"(رجعااات عندو بينها وبين راسها البوسة جاتها فشكل كانت بوسة الاول مرة كتجربها فحياتها كاملة ...كانت ريحتو مزال فحويجها ...وكيفاش كيدوز ايديه على شعرها غير حيد وجهو عليها وتقابل مع البالكون تزنكااات ودوزاات ايديها على فمها ...بتسمت ابتسامة هيا براسها معارفاش علاش ...رجعااات عندو واقفة عليه راسمة غوبشة خفيفة بين حجبانها لي كانو مرسومين بشكل كيحمق...
"علاش
"(معندو تا عذر )كنت باغي نبوسك فالحنك وبستك تماااك(كيدوز ايديه على شعرو)اصلان كاع مكنت عارفة بلي فمك هدااك ...
"واش انا كنبان ليك بنت 10 شهور لا واش من نيتك "
الباب دالغرفة كيدق ...خرج حل الباب ..دخلو بعض من البنات ...حطو الفطور كيحمق وكيشهي فالطابلة دالاكل ...وخرجو كانو مكيشوفوش الفوق فقط الارض ..غير خرجو تسد الباب ...
"باغيا نخرج"
"لا يااك نتي جيتي لهنا بخاطرك مكاين لي بزز عليك ...
"(تنهدات بغضب)باغيا نمشي لطوليط )
"دخلي ليها هاهياك "
"واش نتا مريض اتحبسني هنا يخ انعل بو شي حد باغي ايدير الخير ...
"ااه اتحبسي هنا اتباتي هنا "
(خرجت عيني غير سمعت نبات هنا وبديت نهضر بالخاطر )ياااك انا عونتك يااك ايوة خليني نمشي
"(كيشرب فالقهوة ...ومزال راسو تقيل عليه)لفين
"لمغرب "
"(خنز فيا )مافيكش الجوع كيف ديما فطري ...
خرج من البالكون ورجع تكا فوق الناموسية
"كيفاش ايخليك خاطرك تخلي المدير ديال وهو مريض
نعم نتغير ..
فالعقل ينضج ، والحقائق تتضح
ونظرتنا للأمور تختلف ، واستيعابنا يختلف
والعمر يتقدم ، فكيف لا نتغير !
"كيفاش ايخليك خاطرك تخلي المدير ديالك وهو مريض حشومة"
"عرفتي انا ديال العصا اشنو بغيتك انا ايخ ...عفااك حل ليا الباب عفاااك"
"الصمت"
بقات كتشوف فيه وهو مغمض عينيه ...كان باين عليه علامااات المرض ...بانت ليا الطابلة ..جاءت ناقصة نأكل وهو مريض ...صوبت خبز وكليتو بالخف ..شفت فيه كان ناعس ...
"بس بس هااايا بنادم ميسيو "
(بدون ميحل عينيه)شنو كاين
"معندكش شي دواء هنا شربو وهني الوقت "
كيف العادة بدون جواااب تعصبااات بثينة لدرجة كبيرة. ..
"اوف (ضربات برجليها ...حيدااات الصباط لي فرجليها ...كانت تلفازة بانت ليا تيلي ...هزتها ... كاضغط على اي زر بان ليها هلي خدمات ليها تكااات فوقت الفوتوي ...بقات تقلب فالقنوات هنا وهنا بانت ليها قناة دايرين مسلسل وادئي الدائب. بالكردية ...مي هانية ...بقا كتفرج وخا مكتفهمش شنو كيقولو ...حسااات براسها باغيا لحمام ...مشات كتقلب على الصندالة شاف ف جيهة ديال شهم كان ناعس ومربع ايديه ...لبسات صندلتو لي جاتها كبيرة ضحكااات بشوية وبقات غادة وهيا لابسها دخلت لحمام حلات فمها كان حمام كبير ...اول حاجة خوات كرشها مزيااان ...والباقي كتقلب فلبرودوي الله ريحتهم كتحمق وتجرب هادي وعادي ...بقات فالحمام شحال تقلب وتنبش ...كلشي رجولي ..خرجااات بان ليها شهم كالس وكيهضر فالتيلي بالكردية ...شاف فيها ورجع كمل هضرتو....شافت البالكون كان الضلام بداء كيطيح ...تنهدااات وهو يشوف فيها قطع الاتصال
"تخرجي"
"اااه عفااك والله مترجع تشوف وجهي"
"لا قصدت نخرجو انا وياااك "
"فين انمشيو "
بدون ميجوبني دخل لدوش غسل وجهو بدل حويجو مي اكيد عاطياه بالضهر لبس عليه كان غاية فالوسامة ..
"نمشيو
"اطن نلبس فرجلي "
كان صباط عالي وحلف لا دخل سبحان الله فديك الوقت كلشي كيتقلب عليك .كنلبس ونعود نحيد مي والو ...
"استغفر الله مع هذا البنت
"متغوطش عليا مبغاش اتلبس اوف ..خليني نبدلو
كلس فجنب ديالها شد رجليها لعندو كيلبسو ليها بالخاطر ...وهو مستمتع اما هيا فكانت حشمانة بزااف ....
"بعض الاحيان كنحس بيك انسان فبعض الاحيان تاني كنحس بيك ماشي انسان ...ممفهومش مرة تقلق وتغوط عليا مرة كتعامل معيا عادي اشنو هدشي ... "قرب ليها كتر
"انا براسي مفهمش راسي
"انا براسي مفهمش راسي ..."
"(صغراات فيه عينيها )واش نتا طبيعي من الداخل
"كنت طبيعي وبيخير هاهو لبسناه نوضي دبا ...
حرج كي العجاجة من حديا ..وخرج بقيت كنشوف فيه ...مشيت بسرعة لغرفة فاش كنعس ..هزيت باندة جمعت شعري كعكة درت عكر درت ريحة ...وخرجت كنجري كان فالسيارة عند البوبة هذا المرة هو لي صايك ...مكاينش شيفور ركبت بجنب ديالو ...غير كلست وهو يتنهد ديمارا ...
كان شهم ساهي فالطريق عطر بثينة لي كان طاغي على السيارة كاملة ...
"(شافت فيه)معندكش اغاني فالطموبيل
"معرفتش
درت ايدي كنشوف كانو اغاني غربية كردية مملة ...
"اوف مكايانش مغربية "
مد ليا تيلي ديالو تصدمت (شدي ديري لي بغيتي ايتماركا تماااك
"وخا هزيت تلفونو كان ديجا حال ليا كلمة السر ...مشيت ليوتوب وندير اغاني عربية بالدريجة ولبنانية ...من لمجرد. لبلقيس ..ل منال بنشيخي ...بزاف ...دزنا لجنااات واخيرااان حسين الديك الوعد ...عجبتني اول مرة كنسمع ليها ...بقيت كنسمع ليها ...كنحس بطموبيل وقفااات ...
"هبطي
نزلت وانا كنشوف فالمكااان كان مطعم ضخم وراقي فيه غير الناس الهااااي ..كبير بزااف كان البرد ...دخلنا لمطعم كان الكل كيقول ل شهم مرحبا مرحبا بالكردية ...كانت موسيقة خفيفة رمانسية بالانجليزية والناس كترقص على الموسيقة لي بنسبة ليا مملة كانت الطاولة كبيرة وعامرة شموع وضواء خفيف فالمطعم كامل ...
كلسنا فالطابلة وكان الكل منسجم جاء واحد عطانا ليطابليت نختارو الاكل ...كل واحد فيهم هاز طابليت شهم كيختار وبثينة كتقلب مفهمة تاحاجة كلشي بالكردية ...
"اشنو اتأكلي لعشاء ديالك"
"لي كان "
"ختاري نتي نشوف ذوقك "
"(قربت ليه)غير ختار رها مافهماش ..
(كيشوف فيها بعينيه مبتسمين لكن فمو لا تنهد من جمالها )انختار ...ختار شهم الاكل من دوقو اكل كردي غير تحط وبثينة كتشوف ...
"شنو هادشي
"الاكل مكيقول عليه هادشي هادي نعمة ...قولي بسم الله وكولي ...
كان ضريف معها لدرجة بعض الاحيان كيعاملها بحال بنتو ..كان نوت من الحوت معرفاش تحلو شدو لها حلو وعطها لها ...
دازت واحدة الشارفة ...
"الله شحال زوينين مع بعض الله اخليكم لبعضيتكم باين الحب من عينكم
"اشنو كتقول هادي مفهمتش "
شهم تنهد وشاف فالشارفة . .
"نفس الشئ كنقول زوينين مع بعض او انا فأحسن الحلات معها ...
"(جاءت الشارفة عند وذنيه)عترف ليها بحبك اليوم عيد الحب ....
"(جاءت الشارفة عند وذنيه)عترف ليها بحبك اليوم عيد الحب ....
"(شدني الفضول شكون هادي وشنو ممكن تقول ليه بتسم ليها ) شنو كتقول ليك
"فضولية مع راسك "
"(بدااات كضحك)ياااك ما مراااتك هادي زوجها ليك بزز منك داكشي علاش مغوبش ومقلق غير بوحدك(كضحك وكتأكل ههههه)
(خنز فيها ورجع كيأكل)شحال فعمرك ...
"علاش باغي تعرف
"بغيت نعرف شكون مخدم عندي "
"22 سنة قربت ندخل ل 23 . ونتا "
"كنضن انا لي كنسول دبا "
"(عوجااات فمها)يع شحال متكبر ...
"عرفتي اليوم شنو
"(حركااات راسها بمعنى شنو)
"عيد الحب
كان كيتسنى منها ردة فعل قوية تقول واو وتحمس مي بثينة عكس تمام البنات الاخرين ...
"هزااات كتفها )حب شنو كنعرف انا حب واحد حب الله والوليدين والماكلة والنفس هه
"(تنهد)استغفر الله نتي شمن كوكب كاينة او ساكنة....
"كوب زمرودة دابا قول ليا حب شنو كيحتافلو بيه هادو نيت كنشوف الكل لابس الحمر"
"(تعمق فيها الشوفة)حب الشخص الاخر كنقصد حب الرجل لمراءة...
"اممم(طلعااات فمها لفوق بحركة طفولية)معمري عقلت على راسي بغيت شي حد او شي ولد
"(فرح ملي سمع هدا الهضرة من فمها ....وبقا مركز معها)وعلاش معندكش الفكرة
"شوف انا كنعرف الحب كيجي بعد الزواج وانا حبي انخليه لراجلي يعني هادشي ...
"وشكون قالك اتزوجي نتي كاااع
"بسم الله عليا بغيتني نكون بايرة ..
حرك راسو يمين شمال كمل الاكل ديالو طلب حلويات حيت عارف كتحماااق على الحلوى شافتها وخرجو عينها طلب عدة انواااع ...وعصير. ..
وبقا كيشوف فيها وهيا كتأكل من ديما كان الحلويات والسكريات بصفة عامة كيكرها ..من بعد الاكل ...
"(تكاات على الكرسي)تنفخت ....الله
"بصحتك ...
"باغيا نمشي لحمام....
"هاهاوك تماااك ....سيري مي متعطليش ...
مشيت لحمام وشهم كان ساهي فيها كيفاش كتمشى او ايديها عينيه مشات ..ليهونش لي كانو بارزين من الكسوة ...بلع ريقو وستغفر عدة مرااات من بعد ما خرجااات بثينة من الحمام كان شهم كيهضر مع شي بنات ومعهم جوجو رجااال ...كان كيهضر بكل جدية وهو مدخل ايديه فالجيب ...بقيت واقفة نمشي اه لا ...من بعد تشجعت ومشيت سلمت عليه باليد هزيت صاكي كانو كيهضر بالكردية شحال وانا كنشوف فالناس جاني العيا والنعاس .. كمل معهم وشاف فيا
"نمشيو،
"فيا موت دالنعاس "
خرجنا ركبنا فسيارتو ...مع موسيقة حزينة فرنسية ...داتني عيني ونعست ...
شهم حس بيها نعاساااات وقف الطموبيل وبقا كيشوف فيها شد ايديها وزير عليها بيديه ...