ماما:احمد داك المدير ديالك ملي مشيتي دازت سيمانة كنت مخلوعة عليك مي جاء وقال ليا بلي اتبقاي تماااك واحد شهرين والبارح تاني جاء وقال ليا بلي اتجي غدا
انا:احمد(ستغربااات)امم المهيم انني جيت (ضروري خاصني نشوفو )
ماما:ضعافيتي بزاااف فين هيا بثينة الغليضة جا معاك الشعر الكحل
انا:خليتها عندهم
ماما:هكا نبغيك شوفي شحال زوينة ونتي رقيقة انا هكا باغياك نتبها بيك بنتي جاءت من الكورديستان بنتي خدام دبا هه الله اجي شفتك جاية بلا حويجك
انا:ا(معرفت باش انجوبها)واوا اتاي ديالك توحشتو
سعاد:(كتعمر الكاس )هاهو ومشحر بالنعناع هاهو المسمن والبطبوط كلشي كاين مي كولي غير شوية ابنتي مابغايش ترجعي غليضة ونتي مشاء الله دبا فغاية الجمالية ...
انا:فين خويا ....
سعاد:عاد خرج بثينة بنتي نتي دبا خدمة ياااك ايوة نديرو ليك عملية تجملية
بابا::اعوذ بالله اسعاد البنت عاد جاءت
سعاد:بنتي عارفني ومغدياش تقلق عليا ...
انا:مكنتش باغيا نعطيهم شيك ديال شهم ...وخا الحنينة وقت لي بغيتي نمشيو ..اجي خبار منير
سعاد:مسكين ديما كيسول فينا راجل داك الولد الله اعمر ليه الدار ضريف ...
انا:منير زوين ولد الناس ...
بابا:بنتي اتكوني عيانة طلعي ترتاحي شوية
انا:نن عادي ماشي شي عيانة والله
بثينة وعائلتها كيهضرو من بعد ما عمرت كرشها تأجهت لكوزينة تعون الام ديالها فالغد وفنفس الوقت تعود ليها على خبار الجيرااان هادي تزوجات هادي طلقااااات وهت
ادي جاها رجل كيحمق هادي وجلها خايب هادي ماتت اخباااار كتيرة داز الوقت عند بثينة طلعااان لبيتها لي توحشتها بزااااف كيما خلاتها حويجها مطوين كيما هما هزااات بيجامة تلبسها شحال عريضة بقات كضحك وتنفكر كيف كنت ايه الايام ضحكت على راسي تكيت شوية وصل وقت الغداء لكل هبط اتغداء تغدينا مع العصر نيشان تعطلنا
سعاد:بثينة مكاينش شي عريس
انا:(خلعتني)عريس شنو اماما مالي غادة نقلب على عريس مشيت لخدمتي وهاني جيت
سعاد:بثينة نجيك من الاخير خالتك جات عندي سيمانة لي فات جااات طلبك لولد خاالتك حمزة ...جاء من الطاليان وباغيك
سعاذ :بثينة نجيك من الاخير خالتك جات عندي سيمانة لي فات جات طلبك لولدها حمزة جاء من الطاليان وباغيك لزوج
انا:شكون حمزة مكنعرفوش انا مزيان
سعاد:عفاااك ابنتي قبلي بيه رها ختي هاديك وباغي نفرح بيك ومغدياش نلقى بحال خالتك تكون عكوزتك وغادي يصوب ليك الورق تمشي لطاليان ...
انا:ويلي اماما طاليان شنو هو لي بقا ليا
سعاد:نتي غير فكري مزيان والله متخسري والو
انا: وخا نفكر .
وقفت وانا كنقاد فشعري ...
انا:انمشي نشوف منير ...
سعاد:وخا
خرجت والكل مصدوم كيفاش بنت سعاد لي غير البارح كانت كي الحلوفة دبا رجعااات كلها اناقة وجمال الكل مستغرب ...انا عيني كتقلب على منير توحشتو كنت عارفة مغدياش اعرفني ...دقيت فالدار ..
انا:(كان خوه الصغير)كاين منير
خوه كيعيط عليه وكيشوف فيا خرج منير عند الباب كيشوف شحال ويطلع ويهبطني ....
منير:بثينة مسخوطة ...
انا:(عنقتو )ياااك لمك ههه لابس عليك
منير:(كيصفر )وبانو عليك الفلوس ابنت الناس
انا:شحال فيكم رها غا نقصنا حيدنا الشحومااات اشمن لفلوس
منير:الشعر مصبوغ بالكحل
انا:قول ليا خبارك توحشتك ...
سد الباب وبقينا غادين كتمشوا على رجلينا ...
منير:اتوحشك الخير اختي حتى انا ايوة عاودي ليا على خدمتك باكتسان وداكشي
انا:اشمن خدمة ولا زمر عرفتي الا عودت ليك اتصدم ...
منير:اجي نكلسو فهذا الكافي وعودي ليا على خاطرك ...من نهار مشيتي هنا
بقيت كنعود ليه شنو وقع ليا ونشرح ليه كيفاش طاحت بينا الطيارة وكيفاش نقصت من الوزن شهم والتهدديااات ديالو ...كنعود وهو مخرج عينيه. مصدوم ...من كلامي لي بنسبة ليه صدمة ....
منير:اويلي يالمسخوطة خالتي سعاد فخبارها
انا:منير انا عودت ليك حيت عارفك كتحفظ الاسرار ديالي ....
منير:كوني هانية مي هو قال ليك اسبوع ايجي اشنو اديري
انا:وخا نعرف نتخبى ف قادوس والله منتزوج بيه غادي ندمو على هذا الايام لي عدبني فيها ...
منير:عارفة بلي ولد خالتك جاي اخطبك قالتها ليا مك
انا:كنفكر نتزوج ونمشي لطاليان انا نخوي هذا المغرب ...
منير:ديريها غا نفرحو بيك
انا:نفرحو بيك تاااء قالت ليا مي اتمشي تخطب
منير:ااه بنت عمي نهار السبت تمشي معيا
انا:لا يااا من نيتك اشنو اندير معاااك
منير:معنديش ختي كوني بلاصتها
انا:وخا اسيدي ايديرو الحلوى
منير:معرفش لمهيم انا انأكلها
انا:(ضربتو)حمار
منير:ناس ديال باكستان
انا:بسم الله عليا ازمر
كملنا انا ومنير الهضرة ورجعت لدار ....دخلت لبيتي من بعد دخلت لحمام دوشت توحشت دوش ديالنا الصغير ..دوشت ونعست ...داز النهار دغيا تعشينا شفت خويا كان وجهو مسكين حالة ..بقا فيا وبقينا كنهضر على العملية مي ماما قالت مغدياش دير العملية حتى تجي خالتي اخر الاربعاء الجاي من غير هذا ...طلعت نعس كان النهار متعب رغم انني مدرت تاحاجة الصباح كيف العادة ونفس الروتين هكا دار ....
بثينة كانت فكل نهار كيدوز كانت كتقول اليوم ايجي شهم كانت خايفة وباغا تهرب منو الابعد مكااان مي فنفس الوقت من الداخل ديالها ملهوفة تسمع خبار عليه رغم انه لا خبار لا تاحاجة قال اسبوع ....ولكن رها دازت اسبوعين وقرب شهر خالتها كانت عندهم ...هضرة ديال العيالات ولكن حمقتها بثينة بجمالها خصوصان ملي ضعافت ...ما قالت لا اه ل لا فقط قالت ايجي حمزة ويكون خير حمزة على قول الام ديالو ايجي بدية الشهر ... كانت كتقلب على احمد مي مكانش ليه الاتار ...منير اليوم الخطوبة ديالو او بمعنى اليوم ايدير الخاتم ....واكيد عرض فقط على العائلة وبثينة وعائلتها ...كانت خطوبة بسيطة ... كانت مور المغرب ...
بثينة:ماما فين صباطي الكحل
ماما:اجي سدي ليا هذا الدبليج عفاااك
مشيت عندها سديت لها الدبليج كانت ماما ف غاية الجمالة لابسة جلابة فالزرق مع زيف وبليغة ..بتسمت ليها اما انا فا لابسة قفطان جوهرة فالكحل مع حزااام ديالو شعري طلقتو بإهمال ...وصباط عالي ...بابا بجلابة ...مشينا عندهم دقينا كان الترحيب يا سلام ....منير بكوستيم مشيت عندو عنقتو بالجهد مديت ليه ساعة جبتها ليه فرح ليها لبسها ...كانت الخطوبة خفيفة وزوينة اغاني ...وبعض من النساء ديال العائلة ديالهم ناضو كيرقصو والناس فرحانين داو البسطيلة دالحوت العشق اصلان انا كنحماق على الماكلة بصفة عامة ...الكل تجمع على الطابلة كنا جوج طبالي 10 10 ...مع بسم الله كنقاد نأكل تلفوني كيصوني الكل كيشوف فيا ...هزيت التيلي نمرة غريبة ...
انا:سمحو ليا
وقفت وبعدت عليهم كان الصداااع بالجهد فالبيت ....كنسمع صوت رجولي ..
"احم (كاينضف حلقو )مساء الخير
"احم (كبنضف حلقو)مساء الخير
بثينة:وي شكون معيا(صوت غريب عليا)
"بثينة ياااك
"وي بثينة شكون "
"معاااك حمزة ولد خالتك "
"فين جبتي نمرتي "
عطاتها ليا ماما "
بثينة:(ويلي على ماما جنوني انا جنوني الراجل ومزال كيقول ماما تفو)مزيان لابس عليك بيخير
هو:بيخير حمد الله ونتي
بثينة:حمد الله شوف انا دبا فوحد الخطبة ممكن نهضرو من بعد
هو:اوكي زين
بثينة:(عوجااات فمها )اوكي
قطعت عليه تفو زين قال ليك اش هدشي ...مشيت نأكل ومي كتشوف فيه بمعنى شكون عيط ...بتسمت ليها وغمزتها حتى لدار ...
داازت الخطبة بيخير سلمت على الناس وعلى منير وعودت ليه عند الباب على حمزة قال ليا متحكميش عليه وفعلان ....
رجعت لدار ومي غير كتسول شكون هداااك شكون عودت ليها وشحال فرحااات مي انا قلبي ممرتاحش ليه ...
دخلت لبيتي بدلت حويجي وجيت نحط راسي ...تلفوني كيصوني نفس النمرة ....
انا:الو وي
هو:كملتي الخطبة
انا:وي انا فالدار دبا
هو:باغي نتعرف عليك حيت نشاء الله والا بغيتني طبعا اتكوني حلالي ...
انا:اااه هضرت معيا خالتي فهذا الموضوع ...
هو:شوفي انا جيت لمغرب البارح شوفي انا حياتي كاملة ف ايطاليا يعني قريت تمااك وخدمت تماااك ومبغيتش نتزوج زوج تقليدي انا باغي نتزوج بيك يعني نشوفك نهضرو ..وخا ماما شكرتك ليا قال ليا زوينة ...انا كنحماق على الزين ....
شحال وهو كيهضر وبثينة عقلها مكاينش هنا كان فاالكردي كتفكر علاش مجاش وهو قال ليها بلي اسبوع ايجي كانت منتبه لنص هضرتو والنص تانية غائبة ...كمل هضرتو من بعد ما قال ليها باغي اشوفها فالكافي فلان ...ومع 11 ....قالت ليه وخا وخا ماشي نوع لي كيعجبها ..مي متحكمش عليه خصوصان هو ولد خالتها ...
جاء الصباح كيف العادة ونفس الروتين ...فاقت فطراات
سعاد:شوفي تقااادي ولبسي ديري شوية دالمكياج
انا:لا مغديا ندير والو الا باغيني ايبغيني كيما انا
سعاد:نتي غا قولي ليا مال راسك قاصح متلقايش بحال حمزة ...طلعت لبيتي لبست عليا سروال كحل خديتهم من السوق مع تشورت فالبيض وقاميجة كحلة شعري جمعتو كعكة مكياج درت عكر فقط ...وخرجت وانا محملش نشوفو...ماما قال ليك ويلي ...شديت الطاكسي وصلت لكافي لي قال ليا بقيت كنشوف هنا وهنا ...طلع ليا ايديه من بعيد كان شاب كيبان عليه صغير ...
انا:(سلمت عليه بيدي )سلام وعليكم
حمزة:وعليكم السلام بيخير كلسي ازين
انا:(شديت ايدي بونية)حمد
حمزة:وعليكم السلام بيخير كلسي ازين
انا:(شديت ايدي بونية)حمد الله ونتا مزيان خالتي لاباس عليه
كان كيشبه خالتي بزااف يعني نفس الكمارة ...وباينة عليه ولد مو غا الله اخرجها على خير ...
بقا كيفوح عليا انا عندي وانا درت وانا فقط كنحرك راسي اوف جاني الملل حطيت ايدي على وجهي وبقا عليا انا وانا ...ماشي نوع ديالي ابدآ
حمزة:(باغي ايشد ليا ايدي وهربتها)شوفي حنا فا ايطاليا عندنا هادشي عادي نتي دبا خاطيبتي يعني ممكن نقيسك او نبوسك كاع.
بقيت صابرة غير على قبل ميمتي حبيبتي . ..حمزة كان شاب طويل عندو لحية خفيفة بزاف كان طويل شوية على بثينة كان كيهضر وهو عينه غير عليها عكسها هيا لي كان عقلها مكاينش هنا ...
حمزة:شنو تأكلي كنضن وقت لغداء
انا:طلب على ذوق ديالك
طلب حمزة طبق ديال الدجاج وكوكا بديت كنأكل بشوية ...مرشقاش ليا وهو بحال الهماج طاح على ديك الطابلة طول وعرض ايخ عصبني ....كليت شوية وقفت ..
انا:سمح ليا احمزة عندي شي شغل خاصني نقديه
حمزة:(فمو عامر وكيهضر)اااه صبري نوصلك
انا:(نص الماكلة تلاحت الارض عيفني)لا شكر انأخد طاكسي
حمزة:سلمي على خالتي ازين ...
خرجت بدون ما نجوب كان بصاح عصبني وشاد راسي بز عليا منقلتوش ..شديت طاكسي كان الجو ديال الشتاء الضبابة مي حلف الطاكسي ميجي ...بقيت كنتسنى طاكسي وتلفوني كيصوني ماما ...
انا:وي ماما
ماما:اهئ اهئ بثينة دوزي لكلينيك ...اهى
انا:غير بشوية خلعتيني ياااك لابس ...
ماما:اهئ خوك عماذ معرفتش مالو
تخلعت وبقيت كنجري بانت ليا طاكسي تلاحيت فيها داتني. لسبيطار لي قال ليا ماما ....خلصتو وهبط كنجري ونسول كان فالطباق التاني ...بانت ليا ماما حالتها حالة معها منير ...
انا:شنو واقع
منير:عماذ جاء من المدرسة وطاااح خرجااات شي كشكوشة من فمو واليد اليمنية ديالو مشلولة
انا:كيفاش وقع غير البارح كان بيخير
ماما:ولدي انا عين بنادم اهئ. ..
انا:(عنقتها)قولي اعوذ بالله هذا مكتاب ديال الله كنصرفوه اهديك الله
بابا:المؤمن مصابرا سعاد الله اهديك
Tags:
إنها السمينة