شدو طاكسي وراجعين لديورهم نزلو فالبلاصة لي موالفين يتفارقو فيها
ملاك: صبري ا شروق شي نهار اتشرق شمس جديدة وفوجهك تماما
شروق: كنحلف ليك وكنحلف بالله املاك ودابا هضرات معيا حتى غادي نوريها صبرت سنين منزيدش نصبر حتى ثانية دابا
ملاك: وياك اشرةق اتجيبيها فراسك
شروق: مسوقيش يلاه باااي
سلمو على بعض وكل وحدة تاجهت لدار
بكلام لبطلة
انا شروق ل خناتي عمري 21 سنة ولكن عقلي كبير وحتى لبنية لجسمانية عيوني كبار وعسلين وشفراني كثاف حجباني مقادين وفمي صغير ومنفوخ طولتي قصيرة شوية عايشة مع ماما لي حشوومة واش تكون ام افف ودارنا من تراب لي عبارة على طواليط ودوش وكوزينة وجوج بيوت وسطهم صالون عندي ختي فعمرها 16 لعام هاد لعام عندها لباك وكنبغيها بزاف هيا لي مصبراني باش منهربش ونخليها لديك الأم القاسية ولكن انا نوريها لوجه تاني تاعي عالله تهضر معيا ندمها مهم نخليكم راني وصلت لدار
زهرة: اش هاد لوقت بسلامة لي داخلا فيه
شروق: غزااال غزااال فينك اختيي
زهرة: رااه وااقيلا كنهضر معااك انااا
شروق: ونتي اش دخلك فيا ياك كتكرهيني اوا بعديي من طرييقي
غزال خرجات وقفات حداهم
زهرة: رااك نييت بنت الحراام ...
شروق قاطعتها ب انفعال : وشكوون عرف بنت لحرام ولا لحلال هادشي كيرجع ليك نتي ماشي انا..انا فقط غلطة تزاادت فهاد لحيااة اماما
زهرة هزات يديها باش ضربها: رااك نييت مكتسواااايش
شروق شدات ليها يديها وزيرات..متبقايش تمدييي عليااا يديييك هاد لمرة لاا منسمحش لييك ... نترات يديها وكتغوت...شكووون نتيي لي تمديي يدييك علياااا فكل مرة شكوون واش على بااالك بصح نتي ام ههه لااا لااا انزهة نتيي عمرك كنتي ليناا اام حييت بكل بسااطة..نزلو دموعها...عمرك حسستيني بحناانك و دفئ دياالك عمرك حسستيني اني صح بنتك من دمك و لحمك وكتخاافي علياا كأي اام كتخاف على بنتها وكتخشيها فحضنهاا ماشي الأم لي تزرع فبنتها لحنان و لحب ومغاديش تخلي شي حد يآذيني ولكن العكس كلشيي كيحميني منك امااما نتي وحدة متستاااهليش تكوووني ااام ابدااا..دخلات لكوزينة وكتهرس فالمواعن...مستحييل تكوووني ام لي كتعذب بنتهااا.. عمررك حسستينااا بالإستقرااار و الأمن كتخليني دييما نغييير من صحبااااتيي حييت امهااتهم مزياانين..عمرني شفت شي ام كتسب بنتها بشي حواايج خاايبين الااا كنتي كتكرهيينييي..هزات موس وتاجهت لعندها ومدات يديها باش تعطيه ليها وكلها كتجرف ويديها كلهم دم...قتلييينييي وتهناااي منيي هكذاا غنرتاااحو بزووج كييف ولدتيينيي وجبتيني لهااد دنيااا نتي داابا لي غادا تقتلينيي وتمسحييني منهااا
غزال مصدوومة ومخرجة عينيها ودموعها شلال بقات كتهمس بشوية: لا لا
زهرة كتشوف فيها حيت عمرها شافتها فهاد لحالة هيا كتكون مبردة و هادية وحتى الا ضربااتها او تزاايدت معها فالهضرة كتنساحب ولكن عمرها وصلات لهدشي نطقات برود ومخنزرة فيها...هادشي مأثرش فياا ومعندوا باش يفييد دابا سيري داوي يديك ودخلي وجمعي هاد روينة..
شروق والو مزال قلبها عامر عيات بسكات و لقهرة ولحكرة نطقات: اذن انا لي غنهي حياتي بيدي دخلات لكوزينة وبقات كضرب يديها بزااج دلكيسان وطباسل وكتغوت غزال مشات كتجرها وكتبكي: عاافاااك اختيي مدييرييش هااادشي الله يخليييك تهدنيي شروووق عافااك .. زهرة مشات باش تخرج حتى قفزات قلبها مشا وجاا.. غوتات بالجهد شـــــــــروقــ..
مها رجعات بزربة وهيا تصدم مشات كتجريي وجراتها لعندها
شروق هزات زاجة وحطاتها على شرايين ديديها دوزاتها بشوية وهيا طيح من يديها حسات بشي حد جرها وغفات كانت غطيح وشدوها بقات كتغوت
زهرة: شرووق شروووق
غزال خرجات برا كتشوف شي حد يعاونها وهيا تلمح جارهم واقف هو وشي واحد اخور عندوا لوطو ومشات كتعورط بيه باش ينقدها غي عرفها شروق تنهد ومشا لدار هزها وخرجو ركبو فالوطو وكسيراا وصلو لطبيب و نزلو دخلوها بزربة لغرفة وبداو يعقموا ليها فالجرح
على برا كانت كالسة وساهية وكلامها كولو كيتردد فبالها حسات بإحساس خايب انها بصح ماشي ام كيف تمناو بناتها مسحات دموعها مني شافت طبيب خارج
زهرة بهدوء: كيف بقات
طبيب: احم راه شداتها نوبة عصبية شيء لي خلاها تفقد اعصابها وتخرج على سيطرة وحاجة عادية انها تسخف تنهد مخصهاش تعصب بزاف هادشي لمصلاحتها
زهرة: كيفاش زعما
طبيب: راه ***
زهرة و غزال مصدومين ممتيقينش
غزال: واش متأكد من هادشي لي كتقوول ختي..لا لا ميمكنش انا كنعرف ختي هياا قوية بزااف ميمكنش هادشي يكون فيها
زهرة لا رد مشات كطل عليها من سرجم
وغزال كلسات وقلبها كيضرب طبيب مد ليها ورقة دوا ومشا
شروق كانت كتشوف فيهم وهوما كيعقمو ليها جرح حتى هزات عينيها فسرجم زجاجي شافتها كيشوفو فعيون بعض شروق كتلومها وكتقول ليها ها فين وصلتينا وهيا كتفكر كلامها تنهدات بصوت مرتافع وتفكرات شي حوايج فالماضي نفضات افكارها ومشات بحالها لدار مبقاش ليها جهد فين تهضر ولا توقف ولا تفكر
خرجات شروق ويديها ليسر كلهاا مضروبة ومجروحة غطاو ليها نص فيديها بقاو كيبانو غا صبيعاتها ويدها ليمن غي شوية من لفوق وتاهيا فيها لفاصمة
غزال بصوت باكي: علاش درتي هادشي فخبارك بهادشي اديتيني انا قبل متأذي راسك
شروق: شتت متبكيش انا بيخير موقع والو دابا
غزال بعدات عليها: لااا كنتيي اتمووتي وتخليني مفكرتييش فيااا كنتي اتمووتي وتمشي كنتي اتموتي
شروق: تهدني راني بيخير متفكريش فهادشي اجي عند ختك اجي..فتحات يديها
غزال: نتي انانية بحالك بحاالها كتفكروا غي فراسكم
شروق مداتهاش فكلامها: انا ختك لكبيرة وملازمش تهضري معيا هكذا وهاهيا ختك قدامك وبغات تعنقك
غزال تلاحت عليها عنقاتها وكتشهق
بقاو شحال هكذا
شروق مداتهاش فكلامها: انا ختك لكبيرة وملازمش تهضري معيا هكذا وهاهيا ختك قدامك وبغات تعنقك
غزال تلاحت عليها عنقاتها وكتشهق
بقاو شحال هكذا
بعدات عليها دورات عينيها ملقاتهاش تنهدات بقلة حيلة وجرات ختها وخرجو جارهم غي شافهم ومشا لعندهم
شروق شافت فيه ونطقات: شكراا ليك بزااف اعمي رضوان عمرني نسا خيرك وسمح لينا حيت عذبناك معنا
احمد: حشومة هادشي لي كتقولي هذا وااجبي ابنتي
شروق يلاه نمشيو حيت نااعسة
مشاو ركبو ركبات شروق و غزال لور معانقين وهو كسيرا وكيتحسر على حالتهم خصوصا انه عارف اش واقع معها مراتو كتعاود ليه كولشي غاد شي حاجات كيشوفهم هو وصلو وكل واحد دخل لداروا منبعد ما رجعو شكروه دخلات شروق نيشان لبيتها ونعسات بفعل سيروم اما غزال مشات شربات لما وهيا داخلا لبيت حتى كتوقف على صوتها
متقولي لختك والو على داكشي لي قالنا طبيب
دارت شافت فيها: وعلاش منحقها تعرف باش تاخد احتياطاتها
زهرة بصرامة: كلمة وحدة قلتها منعاودهاش والا راك عارفة اش غندير
غزال نطقات بحزن: صاف لي عجبك..ودخلات حدا ختها وعنقاتها وهيا دخلات لبيتها كذلك وكتفكر فشي حوايج وقعو فالماضي
💫نهار جديد💫 فاقت فصباح بكري اصلا ليل كامل وهيا كتفكر حتى كديها عينيها كتحلم بشي حاجة وترجع تفيق مشات طرفات حالتها ودخلات لكوزينة جمعات ديك روينة وصااغبت لفطور
فاقت على لحريق فيديها خاصها تبدل لفاصمة باش ميتعفنش لجرح بحكم انه غارق نوعا ما ناضت طرفات حالتها جبدات بوماضة و لفاصمة ولكينة دخلات لكوزينة شافتها مداتهاش فيها عمرات كاس دلما ورجعات حطات كولشي فوق طبلة وكلسات حلات لفاصمة بشوية شافت لجرح وتنهدات ونطقات: شوهت يديا تفو عليا افف فين كان عقلي ولكن ماشي قد تشوه لي فقلبي
زهرة كانت خارجة وشافتها مقاتلة مع راسها ومشات كلسات حداها وخلات مسافة وجرات يدين شروق لعندها عمرات لقطن بواحد دوا على شكل الماء كينضف لجرح حتى مبقا فيه والو وهزات لبوماضة بقات كدهنها على يد شروق
شروق: داوي لي حتى هذا كيف كداوي يدي دابا..وشيرات لقلبها
زهرة شافت فيها وشافت جيهة قلبها فين حاطة يديها ونطقات ببرود: ماشي انا لي (كتلوي عليها لفاصمة وكملات هضرتها)..غادي نداويه هذاك غيداويه ليك شخص من غيري انا..كملات وشدات يديها ليمن كذلك عقماتها ودهنات لبوماضة حتى كتسمع صوتها تاني
شروق: لا مبغيتش شي حد اخر بغيتك نتي..
زهرة قاطعتها: شدات لفاصمة وزيرات على يديها بشوية بلاصة لجرح ونطقات: كلمة وحدة عندي قلتها.
شروق:اصلا نتي لي جرحتيه و خربتيه اذن نتي لي غادي داويه ولا كنحلف ليك غيموت والا مات وعد مني غيقتل بزااف دنااس معاه
زهرة وقفات: انا كنجرح ولكن ماشي اختصاصي نداوي
شروق: شنو عندك فبلاصة داك لقلب بغيت نعرف
زهرة شافت فوسط عينيها ونطقات: كاينة الحقد و الكره و الإنتقاام
شروق بتاسمات ليها: وعمرك غتوصلي لشي حاجة هو راه عايش حياتو ولكن نتي شوفي راسك خنزرات فيها ودموعها تجمعو..فين دمرتي حياتك بيديك ودمرتينا معاك خاصك تعرفي انه نتي مكتسوايش بالنسبة ليه حيت نتي لي منك كولشي..واش على بالك انه انا مشفتش كولشي بعينيا هاه..
قاطعاتهاشروق بتاسمات ليها: وعمرك غتوصلي لشي حاجة هو راه عايش حياتو ولكن نتي شوفي راسك خنزرات فيها ودموعها تجمعو..فين دمرتي حياتك بيديك ودمرتينا معاك خاصك تعرفي انه نتي مكتسوايش بالنسبة ليه حيت نتي لي منك كولشي..واش على بالك انه انا مشفتش كولشي بعينيا هاه..
قاطعاتها هزات يديها وجمعات معها بتصرفيقة حتى وجها دار وخبشاتها فحنكها
شروق محركات فيها ديك ضربة بوالو زادت بتاسمات وهيا كتحسس خدها وجرحة لي فيه ونطقات...منبعد مجرحتيني فقلبي وخليتي لاطراس لي عمروا يمشي جات نوبة ديال لحمي مرة اخرى تاهوا تخلي فيه لاطراس برافو والله خاصك ديري واحد كلمة اخيرة فبالك انه انا..زادت حتى لوجها..عمرنيي فحيااتي غادي نسمح لييك..دخلات فيها ومشات لبيت لقات ختها كالسة فالارض وكتبكي بصمت كلسات حداها وعنقاتها..متبكيش اغزال عمرك تبكي..بعداتها عليها شوية وشافت فيها..تاحد ميستاهل تبكي على قبلو لو شكون ما كاان كوني ديما قوية باش تحداي جميع الصعاب هادشي خليه فبالك ومتنسايهش حيت غيجي واحد لوقت وغتوقفي على هضرتي
رجعات عنقاتها مطولاا حتى كتسمعها
غزال: مقدراش نستحملكم ونتوم كيف لمش مع لفار ديما مناكرين
شروق: اوا هكذاا غتبقاي تشوفينا ولعلمك تقدري تشوفي ما اكثر حيت مبقيتش غنسكت
غزال سكتات ملقات متقول وهيا تنطق..انوض نغسل وجهي ونفطر فيا جووع بزااف
شروق اه نوضي يلاه..ناضو بزوج من الارض ومشات كلسات فوق فسرير كتفكر شافت فساعة لقاتها غاد 10 ونص طلات على غزال ونطقات..غزال انا غنعس حاسة براسي كيوجع مني توصل 1 ونص فيقيني عافااك
غزال: صاف واخا رتاحي نتي
مشات تخشات فالفراش ودغيا غفات
غزال فطرات وجمعات المواعن غسلاتهم وجمعات دار وجفاتها
نزهة: واا نوضي ابنتيي الله يرضي عليك باراك من نعااس قهرتيينيي
ماهياش فهاد لعاالاام كالسة كتحلم
نزهة مشات جابت سطل دلما ودفكاتو عليها
حتى ناضت طافجة..ملاك: واااع ماماا حراام علييك بالله
نزهة اوا نوضييي راه 12 داابا اويليي على طفلة تباات سهراانة وتصبح نااعسة لااليااتك فااقو بكري طيبو لفطور وجمعو دار وردوا لغذاا ونتي غاد بااغا تزيدي تنعسي
ملاك: مااماا الله يخليك سكتي هاد المواال حفضتو برب حتى حفضتو هوما شغلهم هذاك و انا ماالي واش سوقي فيهم اويلي وحدي
تحنات هزات صندالة جات تشير عليها لقات غا ريح مشات هربات ليها بقات كتنكر وهيا كتموت بضحك طرفات حالتها ومشات فطرات
محمد: لعروسة غاد فاايقة هاك هاك
ملاك وهيا كتمضغ: تانت اتبدا بنكير الواليد
محمد: هانا سااكت..مهم هاني خارج لخدمة الا خاصك شي حاجة
ملاك سرطات دغمة وبقات كتشوف فيه بدوك لعينين عندها
محمد: غي بلاما ديري دوك شوفات وتستلطفيني بيهم مغاديش نشريه ليك غا كوني هانيا مهم هانا مشيت
ملاك: ياك ياك انا بنتك والله حتى حشووومة علييك ابابا
محمد حط ليها 100 درهم فوق طبلة ومشا عند مرتو هضر معها باش يشوف اش خاصها وغاد مشا خرج لخدمتو
ملاك هزاتها خبعاتها غلى حساب مها وخوها ومشات بدلات حوايجها وكلسات باش تهضر مع شروق لقاتها سادة من اخر مرة هضرات معها وهيا تنطق مع تنهيدة: افف يمكن سالات ليها الكوني افف اطط نصوني عليها فصولد عالله تجاوبني
💫جـــروح مـخـفــية💫
🌟الجزء 7🌟شروق كانت مزال نااعسة حتى كتسمع تيليفونها كيصوني فاقت طافجة بقات شحال غاد استوعبات دارت هزات تيلي وجاوبت
ملاك: ياااا لكلبة فيينك الحمارة
شروق: بغيت ليك غي مصيبة مالنا
ملاك:هاء غاد فقتي
شروق: بحال داكشي
ملاك بستغراب: مموالفاش ليك اساطة اجيي ياكما مرييضة
شروق فاقت خاصرة معندهاش لكانة: تلاحي دابا حتى نتلاقاو ونعاود ليك داابا اجي عندي..
مخلاتهاش تجاوبها وقطعات شافت فساعة هذا هو لوقت ناضت ويديها ليسرى كتوجعها بزاف مشات لطواليط غسلات وجها بيد ليمن واخا مجروحة ملفوق وتاهيا عاطياها صداع ومشات بقات حايرة كيفاش غدير تلبس غوتات على ختها جات جبدات ليها داكشي لي بغات تلبسو وساعداتها وعدلات ليها ميكاب سرحات ليها شعرها ولبساتها سبادرين مدات ليها صاكها هادشي كامل بسكات حيت شافت ختها مقندشة وزيد عليها صداع لي فيديها باستها ومشات خرجات
اما ملاك هزات صاكها وباست ماماها ومشات خرجات
شروق غادا فطريق حتى لقات وحدة من جارتهم كتقرا ف اعدادي
شرووق اش واقع ليك مال يديك
شروق شافت فيها: والو ا منى غي حاذت بسيط
منى: اه الله يشافيك..تفكرات شي حاجة..عرفتيي اصحبتيي لقصة لي عطيتيني نقراا هاااح وااعرة بجهد والله انا تزعطت فاابطل..تنهدات بصوت مرتافع وحطات يديها على قلبها..مكرهتش كوون كاان حداياا نااري واخا ندوز معاه ليلة وحدة
شروق طنطون دراسها تفرع: واااش ابنت لقح...كنباان ليك انا عندي لكانة لهاد تخربييق و متبقاايش كل ساعة جاية تفرعي ليا كر...ي بهاد لقصص وريتهم ليك وندمت ونزييدك هادشي غي خوورااافي فقط ماشي حقييقة و الابطاال معاارفيناش حتى حناا شكوون هذاك لعالم كاامل كذووب فكذووب باش نسيو همنا ومتبقاايش تحلمي بزاااف وفيقي شوية اصلا راك مزال صغيرة متخلييهمش يأثروا عليك ويخرجو على مستقبلك وداابا زيدي قداامي...اصلا قرايتك هيا لي غتنفعك
منى: ولكن..
شروق: مكااين ما ولكن ا منى..نطقات بنبرة حنينة..شوفي احبيبتي نتي مزالك صغيرة يلاه 14 لعام ومزال حياتك طريق طويلة هادشي فالواقع اختي اما داك المواقع كلشي كذوب بإمكان اي واحد يختارع قصة ويكتبها عادي مافيها والو ولكن ماشي لدرجة نتأثروا بهادشي فهمتي
منى: اه فهمتك اختي وشكرا بزاف
شروق عنقاتها ومشاو وبقات شروق كتفكر حتى هيا فالعام لول ديالها فبداية لقصص كانت بحالها كتخايل راسها هيا بطلة فعائلة واتزوج بواحد لي يخرجها من قوقعتها ويبغيها، ولكن من بعد فاقت مخلاتش هادشي يأثر عليها..اصلا مها بأفعالها تفيق لي عمروا يفيق خخخ