"رتاحيتي شوية جبت ليك تأكلي
"فيا الجوع كروصة صغيرة "
"نتي عارفة الامر ماشي بيدي "
"(تنهدت)عارف عارفة
"شوفي كولي من بعد انجي حيت استاذة ديال الرياضة جاات
"(حليت فمي)بهذا السرعة
"هكا داير سي شهم فبعض الاحيان كيكون حلم فبعض الاحيان. كيكون شيطان فبعض الاحيان كيكون ...انسان ...صعيب اتفهم داك الشخص ...
"انسان لا بزاف عليه الانسانية فداك الشخص ...مي غاصبري غادي نفرجك فيه ....
توجهت لوحد البلاصة كاينة فلتحت ...كامل كانت صالة كبيرة ديال الرياضة بجميع الالة الرياضة ...بحال دجيم ..تصدمت من جمالية المكان كانت فتاة ذو ملابس ضيقة كانت رقيقة كي السم ...شافتني وجاءت عندي ...باينة فيها اجنبية
"مرحبا بيك(باللغة الفرنسية)
"شكر"
"المهيم نعرفك عليا انا ماريتا
"متشرفين بثينة"
"متشرفين المهيم من الافضل نبداء بسرعة اوكي
"اوكي
"شحال فيك فالوزن
"معرفتش
"اجي معيا
تبعتها كان ميزااان ..من ديما كان فيا 92 او 94 ..فالوزن مي دبا نقصت...عبرت كانت فيا 80 تصدمت اي بزااف نقصت بزااف ...
"اواااه 80 بزااف "
(هه مسكينة كون بقيت على 90 كون ماتت )
نتي خاصكي رياضة كل نهار الوزن الحقيقي هو 50 او 55 ...
تفو شحال فيها ديال الشيكي ايخ بنادم كنس ...بحالك بحال لي جايبك ...بقات معيا فالرياضة والرجيم لمدة شهر كامل تخيلو شهر وانا قاطعة الماكلة كنأكل شلاضة ..او خبز حافي دخت امي وفالصباح كنفطر بالماء السخون ...فعلان وليت الرياضة الصباح وعشية وكنشرب عصير الحامض فشهر قدرت اكون فالوزن ديالي 63 كيلو ...منعات عليا المريا...بصفة نهائية ....اليوم جاء الوقت المحسوم جاء الوقت فاش خاصني نشوف راسي من بعد بزااف ديال تمارة انا عارفة راسي ضعافيت مي بغيت
جاء وقت المحسوم ...كيف كل نهار فقت الصباح بكري ...كان فيا وحد الحماس وانا كنوجد نخرج دخلت وحدة من البنات وهيا مبتسمة. ..
"(بالفرنسية)سي شهم قال ليك مع 8 كاين افتتاح فرع جديد د الشركة وخاصك تكوني موجودة ..لمهيم مع ديك 7 اندوز ليك نوجدوك
خرجااات وخلاتي مثوترة كلي مهمنيش ...خرجت كنجري شحال وليت خفيفة مشيت لنفس الصالة كانت ديك الشهبة ...مبتسمة ليا
"صباحو مستاعدك تشوفي راسك من بعد شهر كنضن وسيمانة ديال الرجيم والرياضة الكتيرة
"(بالايجابي)اااه بليز
جابت مريا كبير وقفتها قدمي ...غمضت عيني حليتهم معرفتش راسي بقيت غير كنشوف راسي واش انا هادي ميمكنش نكون انا لا تبدلت بزاف وجهي ضعاااف بزاف ...معجبنيش راسي وفنفس الوقت عجبني يعني احسايس ديالي تخلطو عليا ...بقيت كندور وندور كان كلشي مشاء من الكرش الفخاد باقي ليهونش لي كاينين عندي باقين شوية...والمؤخرة كنت كنلعب عليها تبان ...وصدر تنفخ حيت حتى هو كنت كنركز عليه جميع الاشياء لي تحرمت منهم وانا غليضة بكيت وديك الفرنسية كتشوف فيا ...
"(محسيتش براسي عنقتها وبكيت فحضننها هيا بتسمت وستقبل الحضن ديالي بكل حب بقيت كنبكي عمرت لها تشورت من بعد سلمت عليها بحيت كانت زربانة قالت ليا نحافض علىى الرياضة ديما وعطاتني بعض النصائح ...قيدتهم وعلمت ليا لياروتين لي غنتابع ...مشيت بجرى كنقلب على الكوزينة ..تجليت فين جات معرفتش تفكرت بلي ممكن نتلقا داك الكنس هنا وانا نرجع لغرفة ...لقيت عصير كروصة خبز وفروماج ...فرحت ...كليت كلشي خليت غير الموعن ...بوحدهم ..الوقت داز دغيا شفت الساعة كانت 2 ديال العشية مشيت دوشت دوش خفيف ...وخرجت لقيت شلاضة وطريف ديال الدجاج وعصير دالحامض مع الخبز ...اكيد ما ديك الشهبة هيا لي كتحدد الاكل ديالي ...كليت كان الساعة ديك جويه 4 نعست شوية حتى سمعت لبنات كيدقو قلت ليهم اتفضلو. كانو شي دالبنات ...وكلهم جايبين عرااام ديال المواد التجميلة من جميع الاشكال المكياج ولبرودوي ديال الشعر كلشي وفستان مي مزال مشفتوش ....
"بغين نصبغ شعري ب الكحل بغيت لي يشوفي ادوخ بجمالي ..."
اخر هضرة قلتها كانو البنات عندي ...كيقادو ليا كلست على الكرسي هالي تصبغ ليا شعري هالي تقاد ليا الضفار وتركبهم ليا هالي ...دير ليا ماسك مو ماسك لوجهي ...تزنكت من كترت لي ماسك ...النقا ...ولاسيغ فرجلي ايدي فاي بلاصة ممكن تبان اليوم هالي تقاد ليا الحجبان وتحيد ليا الشعر لي فالوجه ...بصاح كانو معونين معيا بزاااف ....بقيت غير سادة عيني ومرخية ...كنفكر فالليلة كيف ادوز ياااك باغي غير شهرين ايوة شهرين دغيا كدوز باغيا نرجع لمغرب ...توحشت مي ...اكيد اتفرح ملي تشوفني ضعافيت ...من ديما كان الحلم ديالي نصبغ شعري مي متحققش ...غسلو ليا شعري نشفوه وداو ليا سيشوار لشعري ....رجع كيشعل من بعد مكياج ...لوجهي واخيران الفستان كانت فستان فالاسواد ...شعري طلقتو كان طويل اصلان حمقني بالحكلولبست فستان لي كان فايت الركبة مع ليبا شفافة ..الا متعمقتيش بزاف متبانش ..مع اكسيسورات كان سنسلة فعنقي مع براسي خفيف بزااف فيدي ...شفت راسي عجبني بزااف كانو جميع معالم الانوثة باينين من ليهونش والمؤخرة مع شوية دالصدر الكرش مكايناش لبست صباط عالي شويةة شفت الساعة كانت ديك 7:55 وهو قال لي 8 ...درت عطر ومجهد ياربي عفااك سمح ليا عارفة بلي كندير الفتنة بعينيها وهدشي لي كندير ماشي معقول ..مي خاصني نخلي ديل مو بحال الكل موريا تابعني ....
فهذا الاتناء ملي بثينة كتوجد راسها كان شهم ايضا كيوجد راسو لابس كوستيم فالاسواد مع قاميجة فاللون الابيض كان انيق بزااف لدرجة ريحتو كانت طاغيا على القصر كامل ...مي هو عينيه على الساعة ومتخوف من ديك بثينة ديك ليه المسايل ...اخر حاجة لبس ساعة فيديه هز تيلفون ...وتما هابط فالدروج فهذا الاتناء كانت بثيننة خارجة من الغرفة ديالها ...كتلبس مونطو كحل البنات تهلو فيها وكتحيد شعر ترجعو للور هو هابط كيشوف فالارض طلع عينيه ...كي شاف فيها لمحتو هيا وشاف فيه ...وقفات ...
"نمشيو ميسيو شهم
"(تصدم ملي شافها خصوصان انها مبدلة بزاااف لون شعرها الوزن رجعااات رقيقة ...بقا غير كيشوف واش هيا هادي ...كان كيتسنى اشوف فقط اشارة اتأكد بلي هيا وهو كيشوف وجاي جيهتها كيلمح ايديهز نفسها رغم انها ضعافت بزااف كان فغاية الجمالية مي مبينش ليها ...سرعااان ما حيد عينيه "مزيان الوقت هو الوقت ...
اخر كلمة قالها قبل ما يغادرالمكان
قل وداعا لنصف الاهتمام لنصف الشوق لنصف المشاعر لنصف الحب لنصف القلب اما ان يكون لك شئ او انت لست بحاجة الي انصاف الاشياء
اخر كلمة قالها قبل ما يغادر وانا بقيت واقفة ...حتى نطق بدون ما يدور
"تحركي الوقت كيمشي .."
تبعتو وانا كنجري من موره ...كانو جوج سيارااات عند البوبة ...ركب فاللور ...وبقيت وقفة ...ضرب بيديه باب السيارة ...
"تحركي خلاص ركبي استغفر الله "
ركبت بجنب ديالو كنت عارفة ماشي تماك بلاصتي شاف فيا مستغرب
"اجي كلسي هنا (ضرب على حجرو )
"(شفت فيه كنت عارفه كيتنز عليا)بصاح (جيت نوقف نكلس فوق حجرو
"(هاز ايديه)حدك تما واش نتي حمقة او اشنو لا هادشي لي بقا السكريتيرة كتكلس فالقدااام واش كديرها بلعاني
"صافي ديجا كلست فالمرة جاية نكلس فالقدام
"(هضر مع الشيفور باللغة الكردية)تحرك ....
كانت بثينة طول الطريق كتشد لي سيلفي بالتيلي ديالها كان الهدف ديالها انها ديري عكس داكشي لي باغي ...عند بالها هكا غادي ارجعها لمغرب بسرعة مي هيا معرفاش ان شهم كان طول الطريق ودنيه فقط عندها مكانش معصب كيما هيا كيتحساب ليها بل كان مستمتع ...وهيا بجنب ديالو ...طول الطريق وهما ساكتين ...حتى هزات مذكرة وقلم ....
"شوف نقول ليك اي معلومة اتقولها ليا قولها ليا يا بالفرنسية او الانجليزة الكردية انا مكنفهم فيها تاحاجة ....
كان الصمت من طرف ديالو وكان عاطي وجهو لجيهة الاخرة ....كان كتكتب الاسم ديالها فالمذكرة عطوها ليها الخدم ....
شاف فيها بنص عين كيفاش كتكتب سميتها وكتزوق فيها ...كانت ديارة اسوراة فيديها ...الشئ لي زاد جمالية ليديها البيضاء ...وصلو لشركة كانت جديدة عاد مبنية ...كانت الدنيا عامرة من الصحافة والناس فجميع الاجناااس ...كان زربية فالاحمر عند بوبة الشركة ...والله الا هذا الكردين حماااق ابسط حاجة ايديو زربية ....هبط شهم وانا بقيت فالسيارة دار نضارت شمسية فالكحل .
"مغدياش تهبطي
"نهبط
""لا غير خليك تماااا مرتاحة عصير
"اه والله الا فداك القصر ديالك قتلوني بالجوع "
"(بصوت خشن وغليض ...ورجولي غوط بصوت منخفض )هبطي خلاص استغفر الله ولينا مع هذا البنت كي الدراري الصغااار ....