"صافي هاهيا هابطة "
هبط كان الكل عينيه على شهم كان التيتيز فين نبان انا قدمهم ...كانت الشركة كبيرة وبنفس اسم ديال شركة احمد لي فالمغرب ...داتني افكار على اول مرة مشيت ليه لخدمة شحال فرحااات ليا ميميتي ...توحشتها مسكينة اتشطن عليا ايكون عند بالها مت او اشنو ...دمعو عيني صافي ابثينة راكي مبقا والو وتمشي عندها اعلم الله خويا كيف بقا ....اوف تنهدت تنهيدة كي السم وانا مور داك الكنس بكوني سكريتيرة ديالو ...كنكره هذا الاسم كان بجال حزااام فالحمر فالباب ديال الشركة قطعو والكل كيصفق عليه ...حل الباب وهو كلو تكبر ونفخة ايخ ...مكرهتش نقتلو ايخ ....دورت بعيني على الحضور امي شي تيتيز كاين عرفتي صدق من قال التيتيز كاين فالكورديستان كانت الجولة على الشركة مشاء الله شحال كبيرة واسعة بزاف واثات رائع الشئ لي جعل الصحافة حال فمها فيهم انا كي البهلة تابعة داك زمر فين ما مشاء انا موره كي العساس ديالو ...ومرة مرة كيقول ليا شي. كلمة بالانجليزية ونقيدها ...كانت صالة كبيرة فلتحت ديال الشركة ...هبطنا كانت الاضواء والموسيقة مجهدة ...والحلويااات والعصير ...او الكحول الله اعلم ...وكانو اناس اخرين كل واحد شاد طاولة وانا مشيت عند المشروبااات ..خديت عصير هبط عليه كامل حتى كنسمع ضوت رجولي ...
"نتي السكريتيرة الجديدة ديال شهم"(كانت اللغة بالانجليزية )درت كان شهيب زوين مي اخوتي مع الطالون كنبان طويلة عليه قصير حتى فرحت قلت زماني جاني حتى جاء قصير ايخ ...
بقيت معه كنهضر كان ضريف بزااف هو عضوة فالمحاسبة ...سميتو ليون عندو عينين زريقين وانا ساهية فعينيه كنفكر الا تزوجت بيه انولدو وليدات عندهم عينين زروق ...بقيت معه بالهضرة حتى كنسمع ...تست تست
ششفت كان داك الكنس كيلقي التحية ديالو وكيهضر بالكردية ...وانا نشوف جيهة الاخرة كانت الحلوى كان الكل كيشوف ف شهم من غير بثينة كاع ممسوقة ليه وهو كانت عينيه عليها تعصب ملي معطياهش اعتبار ومشات عند الحلوى ..كنت كنأكل الحلوى حتى كنسمع سميتي بالجهد مع الميكرو وهيا توحل ليا خرجو عيني امي ...
كنسمع سميتي وهيا توحل ليا خرجو عيني امي ....شفت فيه وانا فمي عامر ...وسبحان الله فبحال هذا الموقف كتبغي تمضغي وتسرطي دغيا تحلف لاتمضغااان ....
بقيت كنشوف وكرمش فيه عيني ...
"(كان كيهضر معيا بالكردية )اجي لهنا
"(كنرمش عيني كان النص كيشوف فيا )
"(بغيت نتفركع بالحشمة)شنو قلتي
"(بالدريجة)اجي لهنا
مشيت وانا مهبطة راسي كنسرط بالخاطر كانت بحال المنصة وخاصني نمشي نطلع فجوج درجااات انا وقفت ومديت ليه ايدي اطلعني لعندو....
شهم كان ساهي كيفاش كتمشى وهيا كتحرك خصرها يمين وشمال ..وةتمضغ حتى وقفااات ومدااات ليه ايديه ...بدون ميفكر او يشعر ...كان شاد ايديها وجرها لعندو ...كانت ايديها رطبة ...بحال ديال البيبي لدرجة كان كيشوف فيها وكيلمس فيها بالخاطر ...اما بثينة فكانت باغا تفركع بالحشمة...وكاع مجايبة لدنيا خبااار ...طلع فيها عينيه هلي ستوعب شنو دار وبلي شاد ليها ايديه وكيفاش شهم بشخصيتو القوية تحنى عند فتاة وطلعها لعندو بجنب دالو اصلان لدبا مفهمش اشنو ادير هيا بجنبو...هدا المشاعر او احاسيس بسيطة كانت كتملئ افكااار شهم من نهار دارت كسيدة وهيا ناعسة عندو فالدار .... وقف وكمل الخطاب ديالو ومرة مرة يقول ل بثينة شي حاجة وتسجلها بحال موعد او تاريخ معين ...كان مدة الخطاب ربع ساعة كمل كان الكل كيصفق عليه ...بداات الموسيقة والكل هبط من المنصة ديال الخطاب ...الا بثينة بقااات كالسة كان المنضر كيبان ليها مميزة وكتشوف فالحضور من تماااك كانت بالامكان ديالها تبركاك مزيان ...شاف عند بالو تابعه لقها كالسة وكتشوف
"ونوضي تكعدب الالة راكي ماشي فالعرس اش هدشي محدم غبية انا"
"ياااك غبية وحمقة ايوة عفااك خليني نمشي "
"هبطي خلاص او انجرك من داك الشعر "
"(دوزات ايديها على شعرها) علاش عزيز عليك الفضايح بحال ديك الساعة كان من الممكن تعيط عليا بالخاطر او تخليني حتى نأكل علاش
"(واقف )واش كديرها بلعاني رها انشدك انقسمك ..
"(هوجت فمي )يع بنادم تفو
"بحال قلتي شي حاجة"
"تاحاجة غير عاطي ودنيك "
مشيت وخليتو وهو تابعني بعينه
كان الكل كيأكل ويشرب ..وانا نيت كان فيا الجوع مي خاصني نأكل بالقياس والعبار بحيت الرجيم ...كانت الحفلة مملة بنسبة ليا كنتسني غير امتى نمشي كان فيا موت دالنعاس ...والعيا...وسيهم شهم كان غير كيهضر اهضر مع هدا وهذا...تنفخت من كترت الماء باغا نمشي ندير بيبي مزيرة ...كنشوف هنا وهنا معرفاش فين جاااءت ...انمشي نقلب عليها طلعت لفوق كنقلب هنا وهنا على الحمام وانا كرشي باغيا تفركع ...نشوف هنا والو وهنا اف هذا الزمر شحال كبير بقيت غادة وانا طالعة لفوق كنشوف هنا وهنا حتى بانت ليا حمام جيت ندخل بانو ليا جوج دراري داخلين جيت نسول واحد فيهم ...مي دخل اشنو اندير ندخل جيت ندخل حتى كنسمع الاسم ديالي ...
بثينة تلفت كان ليون ...
"هادو الحمامات ديال الرجاال "
"بصاااح انا باغيا ديال البنااات "
"من هذا الجيهة اجي معيا "
هبط معيا لتحت وكل ساعة كيقرب ويتغزال فيا وانا كنطمر عليه كل ساعة شعرك زوين فمك زوين ولينا كندور فنفس المكان عصبني وانا نغوط عليه
"فين الحمام "
"هنا"
كان باب دخلت ليه كان مكتب درت كان ليون ...ساد الباب وكيهضر
"عطيني فرصة نهضر معاااك "
"(تخلعت مي مبينتش )ماشي وقت الهضرة عفاااك حل ليا الباب او غادي نغوط
"ها نتي كاع غوطي اشنو اديري مكاينيش كاميرااات وحتى شي حد ماديها فيك ...لو غوطي مكاين لي اسمعك ...
"شنو باغي مني"
(كانت عينيه على صدري وليهونش ..كانت شوفة كلهها شهوة
"مغذياش نأديك والله
فهذا الاتناء كمل شهم اللقاااءت ديالو كان باغي اغادر مي بثينة مبانتش ليه شاف مي مكايناش ...فور قال مع راسو اتبغي دير شي حاجة او تبغي تهرب ...طلع لفوق كيقلب مي مكايناش باغي اخرج كان صوت باب كيتسمع كيضرب بشوية...كان كل ما كيقرب صوت كيقرب اكتر ..واخيران وصل لمكتب جاء احلو كان مسدود من لداخل كيدق ...وهو يسمع صوت غوط .. ممأكدش من الصوت ...كيضرب هز كارط دوزها على الباب تحل ليه بسهولة ...كانت بثينة وقفة فوق المكتب ..وليون المحاسب واقف كيقرب ليها هيا واقفة وهازة كرسي باغيا ضربو ...شافت شهم وهيا تهزو جيهتو وبقااات واقفة كان منضر ديالها جميل بزاف الشئ لي جعل شهم كيششوف فيها جسمها الاكتر انوثة او ديفعها عن نفسها .بقا غير واقف. ..بدون حركة ...
"شنو واقع هنا "
"ااه قول نتا وياااه هادي خطة ديالك باغين تغتصبوني "
"لا انا فقط بغيت نهضر معها نغتصبك شنو"
"لا انا فقط بغيت نهضر معها نغتصبك شنو"
"(الاول مرة كان متردد من قول اسمها نطقو بشكل جميل جعل بثينة تشوف فيه)بثينة هبطي من تماااك
"لأاااااا
(شاف ف ليون)اشنو جاين ديرو هنا نتا لاش جايبها لهنا ...
"كنت باغي الطوليط ياااك وهو يجي قال ليا هاهيا اجي نديك ليها مي صدقااات ماشي طرليط صدقااات مكتب ..."
"(خنزر فيها)اخر مرة انقول ليك هبطي من تماااك
"(كتعوج ففمها)لا مكتفهمش
"نتا عتبر راسك مطرود من اليوم متحولش تقول كلمة وحدة ...
خرج ليون بصمت وغادر المكان واسنة بثينة بقات بلاصتها ...
"دراري صغار ولينا معااك انقتل ديك مك بربي
"مشغليش
بسرعة البرق طلع صباعو جرها من يديها لعندو بقات مليوحة على صدرو ...كان صدرها عند صدرو ويديها حاطها فوق كتافو. ..وشعرها ضارب ليه على وجهو شهم حاس بالسخونية شادن من رجليه او صبعو الصغير ...هيا سرعان حيداات ايديها وبعدات كتقاد فرسها عكس ديالو هو لي بقا كيشوف فحركتها دغيا قلب عينيه دوز ايديه على لحيتو بشكل عصبي
"سربي انمشيو "
"بغيت نمشي لحمام ضروري
كيف العادة خرج بدون ميشوف فيها كان غادر هيا هبطات لتحت جابت صاك والمونطو ومشات هذا المرة ركبات فالقدام حيت عيانة وفيها النعاس ...كانو عينيها كيتسدو شهم كان كيقراء كتب ..طلع عينيه بانت ليه بثينة شعرها الرطب ..بغا اقيسو مي معرفش كيفاس. طيح الكتاب ..تحنا اهزو مع ايهزو دوز ايديه على شعرها بسرعة كانت مغيبة وافكارها او عقلها كامل فالمغرب ..كمل الكتاب مي التركيز مشاء وصلو لقصر ...هبطااات بكل هذوتء هادي حال بثينة وهيا فيها النعاس ...جاااءت تمشي
"اديك البنت هيهي "
"معيا،"
عينيها حمرين بالنعاس
"باغيك فموضوع مهيم "
باغي نهضر معاااك
"دبا ممكن تخليها لمن بعد
"مغدياش نأخد من وقتك كتر من 5 دقايق "
"ايوة هضر هنا نيت انا فيا النعاس"
"تبعني لمكتب "
تبعتو لمكتب كان مكتب كبير من موره خزانة ديال الكتوبة من ديما كان الكتب شى كيعجبني ...
"شنو كاين(بقيت واقفة)
"(كالس وحال الحاسوب ديالو )بغيت نهضر معاااك نتي اتخدمي معيا لمدة شهرين ...داكشي علاش بغيت نعرف واش كاين عندك كونط ...
"لا معمرو كان عندي ون يدك انا فلوسك معندي مندير بيهم ممكن نمشي "
"شوفي ابنت الناس انا فلوسك معندي مندير بيهم اتخلصي على شهرين ديال خدمتك ممكن تمشي دبا"
"انا كون جيتي جيهتي خليني نمشي لمغرب رها معندي باش انفعك راك كضيع فلوسك وقتك ونزيدك معندك متخلصني مولات الرياضة والشعر وكلشي قطعو من الخلاصة ديالي اوكي ...انمشي دبا تصبح على خير ...
كانت تصبح على خير خارجة من فمها كي السمن بنسبة لشهم وكلمة شحال هادي مسمعها بالدريجة كانت غادة جيهة ..الباب وهيا كتحك شعرها بشكل طفولي دوز ايديه على لحيتو وقبل ماتحل الباب ..
"اديك البنت ....
"(شافت فيه)شنو
"غدا خاصكي تفيقي مع 6 تكوني. لفوق على طاولة الفطور
"انا انفطر معااك
"ااه "
غادرت المكتب وانا باغيا غير الطوليط زربان مشيت كنجري لديك البيت ...دخلت لطوليط منعودش ليكم تفشيت مسحت وجهي كان كلشي مخلينو البنات تمااك من الحويج ...مسحت وجهي من المكياج ضفاري ...وتوضيت وصليت صلاتي لي فوط فيها الله اسمح ليا صليت ...وتلاحيت نعست ...فقت على صوت الباب كيدق كانت وحدة من البنات ....داخلة عليا كي الجنون
"صباح الخير ميسيو شهم كيتسني ف طاولة الفطور "
"اوكي نيغسي "
شفت الساعة فتلفوني كان الساعة 6 اويلي هدا مالو زربان تفو فقت بز مني ماشي مشكيل شهرين دبا دوز ابثينة ....غسلت حالتي وتوضيت صليت صلاتي ...ومشيت لبلاكار لي عامر بالحويج ... هزيت حويجي لكانو عبارة عن سروال فالكحل مع تريكو فالبيج سخون بحيت كان البرد بزاااف قاتلني هزيت صباط عالي بغفو على البنات كلشي جاء على عباري ...درت مكياج عبارة عن بيبي كريم بودرة برونزر ريسي ايلاينر عكر لونو غامق درت شوية دالفاغجون شعري طلقتو
طلعت لفوق من بعد ما هزيت صاكي كان البرد بزاف نيفي مثلج ...بان ليا داك الكنس بثشورت بوحدو كيشرب فالقهوة وديار ليكيت ...
"(تبورشت)ناري مفيكش البرد واش نتا متأكد من الانس (كان ساهي فيها)
كان شهم ساهي فيها كانت غاية فالجمال بالنسبة ليه ..كلست فالطابلة وخرجااات عينيها ...
انا:واوا
"شنو لي واوا
انا:فيا الجوع موت
بقات كتأكل وبدون متفكر تأكل من هنا وهنا ...كان كيشوف فيها كيفاش كتأكل منضر مضحك .. شاف فيه كان كيشوف فيها مسحات فمها ورجعااات شافت فيه
"بسم الله عليا مالنا اخويا على دوك الشوفااات دبا توحل ليا
"كتقولي بعد المرة شي كلمات مكنفهموش بزاااف
"واش ماشي مغربي نتا"
كيف العادة الصمت مجوبهاش رجع كيشرب القهوة ديالو بصمت ...
"بغيت نسولك سؤال
(طلع فيها عينيه ورجع هبطهم )شنو
"علاش متكبر وحاس براسك ...
"(شاف فالساعة)الوقت هذا
ووقف وهيا باقا كتخنز فيه وكيفاش غادي بتشورت والبرد كي السم الموت ...
(شاف فيها)شنو كتسني
"(مشات كتجري لعندو )مافيكش البرد بصارحة نتا انسان ممكن نقيسك
"(خنزر فيها حطات صباع ايديها على كتافو ودغيا حيدتهم )والله الا انسان ...
"دبا تمشيي اه لا
تباعتو ركبات فالسيارة فالقدام كان البرد والضبابة كان الجو كيحمق ...اما شهم فكان مركز مع بزاف ديال الوراق ...ومغوبش شاف فيه من الزاج ديال القدام ...وبقات ساهية فيه ...لحضة عجبها بحيت شكلو او اناقتو لحيتو رطبة ذبا هذا مستحيل اكلس بدون حبيبة مستحيل هذا الاناقة بدون احد ميمكنش ...بقات كتخيل الا حين وصلو الشركة لي كانت ممتلئ بالناس بدات الخدمة ...خرجت انا الاولة من بعد الشيفور حل الباب لشهم خرج وهو كلو رجولة كنبان قدامو كي النملة ديك الطولة والعرض مشاء الله ...بقيت تابعه ...الكل كيقول شي حاجة كنضن صباح الخير ....مي عمري شفت سنانو عمري شفت ابتسامة ولو خفيفة ف وجهو ...الجدية لدرجة كبيرة ...دخل لمكتب ديالو لي كنضن هو اكبر مكتب فالشركة شحال زوين هذا لي صوب الاتاث تحية ليه برفو عليه ...كان فالكري والكحل وشوية دالحمر الخفيف ...دخلت هو كلس فالكرسي ديالو ..
"فين المكتب ديالي انا
"(شاف فيها وتنهد)بجنب ديالي ...
"ميقدروش ابعدوه شوية ..
"جريه لفين ما بغيتي
"كيتجر هو حلف"
"استغفر الله نتي حمقة او باغيا تحمقني ...خرجي كلي نبغيك انعيط عليك
"(شنو نعيط عليك )ميسيو او اشنو
"(صغر فيها عينيه)لي عجبك
"اوكي ميسيو شهم
خرجااات بثينة وشهم كان مزير على قلم بكل قوتو تهرس فيديه وضرب بيه ...