(دقيت الباب)تفضلي (بالكردية عصبني )
"وجدتي الملف لي عطيتك
"لا باقي ...
"(طلع فيا عينيه بغضب) وعلاش شحال باش عاطياه ليك اتكون دبا ساعتين او لا ...
"شوف قبل متغوط عليا انا قلت ليك الكردية مكنفهم فيها تاحاجة (خرجت ورجعت هازة الملف ..كان تقيل حطيتو فوق المكتب وكنوريه)شوف بحال هادي انا مافهمة منها تاحاجة وهادي وهادي كانت بثينة قريبا بزااف لشهم وهو غير مزاد قرب ليها مبقا باغي لا وراق لا تاحاجة باغي غير اقرب ليها وهو مدخل راسو عند شعرها لي كانت ريحتها بنجاتو مي كانت عينيه على الاورق وداير فيها مركز معها وهو رها عقلو غائب الاول مرة كيكون هكاك مفهمش راسو ..عكسها هيا كانت مركزة على الاوراق ..
"فهم ليا شنو هادي ..
"احم شكون هادي كتعني احم شكون
"(شاف فيه وكانو عينهم مع بعض هيا عجبوها عينه اما هو فا مبنج بيها وبجمالها ...مكرهش احط. ايديه فوق خدودها ..الموردين ...كان كيرمش عينيه بشكل ثقيل ..
"هادي كنقصد هادي شنو كتعني ...
"،(هبط عينه)ممكن تخرجي
"والملف"
"(غوط عليها بأعل صوت ديالو)خرجي قلت
"باركة متغوط عليا راك عيقتي انا مدرت ليك والو وانا ماشي بخاطري جاي لهدا الخدمة انا جاية بز مني ...ايوة باركة متغوط عليا ...زوينة هادي ...
"علاش كتقلبي مفهماش الزمر خليه وخرجي "
"راك مريض عندك اكون عند بالك انا بحال هادو الكل كيخاف منك ويترعد انا منخاف من حد من غير الله اوكي
"اديك البنت اتخرجي ومزال ضلوعك صحاح
(مشيت وقفت عندو من ديما عنيدة)هاني شنو ادير
وقف مقابل معيا كان طويل عليا بزاف نكدب عليكم الا قلت ليك. مخفتش على ضلوعي ...
كان مخنزر وجهو مكيتفسرش ..
"اشنو باغيا دبا "
"شوف نتا لمعصب ...شدني من راسي للور وقربني ليه هبط راسو عندي ...وتقابل معيا انا صافي تزنكت ....السخونية امي قرب لفمي بزاااف ونطق
"شكون نتي وشنو باغيا ديري فيا "
شدني من يدي ورجعني موره وجاي عند ودني كيتنفس. ..
كان قريب ليا لدرجة كنحس بأنفاسو عند وذني ...
"خرجي قبل ...
كان شاد ليها ايديها بكل قوتو وهيا تحت تأتير الصدمة ...كيفاش وعلاش واشنو واقع وعلاش كيتصرف معها هكاك ...طلق منها بسرعة وغادر المكتب ...كان مفهمش راسو كان دايخ وتالف طلع لفوق لساطاح ديال المكتب كان البرد كتير بزاااف ..ومع هذت بقا تماااك شحال ..كان كيدوز ايديه على لحيتو وهو مفهمش ...اما هيا فكانت فصدمة غادرت المكتب ومشاات لمكتب ديالها بصمت ...بقا مقابلة الملف رغم انها مافهمة تاحاجة فيه ...بان ليها شهم طول بزااف وصل وقت الغدا كان الكل غادر وانا بدوري تبعتهم كان مقهى فلتحت ديال الشركة كان مقهمى ومطعم فنفس الوقت كان ممتلئ بالناس ...من الموضفين ديال الشركة ...بان ليا طاولة خاوية ...كلست فيها ...كان فيا الجوع مي معنديش الفلوس ...كنشوف هنا وهنا حتى وقف عليا الكارصون ديال المطعم ....طلبت سندويتش بالكفتة وعصير كان الطلب ديالي باللغة الفرنسية هيا لي كنتقن شوية . وانا كنتضر الطلب ديالي جاات وحدة وكلسات بجنب ..
"سلام(بالكردية)
"مكنفهمش الكردية(بالفرنسية)
"منين نتي(بالفرنسية)
"المغرب ونتي
"اااوه حتى انا
فرحت حيت واخيران لقيت شي وحدة مغربيك فرحت بزااف ...كانت ضريفة بزااف وكانت من الموضفين ديال الشركة ...هيا عائلتها كلها جاءت لكورديستان هدا العام جابتهم ...سعدتها اكيد اتكون دارت الفلوس كانت فتاة شعرها مبوكلي ملامحها شحال زوينين كانت سمراء البشرة ...كان طويلة ورقيقة بزاااف مي زوينة وضريفة ...كلينا انا ويها وقالت ليا بلي فالمطعم كلشي على حساب الشركة رجعت لبلاصتي كانت وراتني شحال من حاجة فالملف ...ونضحك معااااها ...دوزت النهار معها ضريفة بزااف وضحوكية لدرجة كبيرة داز الوقت شوية طويل ..بنسبة ليا ..
كانت الساعة 22:30 كانو نص من الموضفين غادرو جاااءت عندي سناء ااه ديك البنت اسمها سناء ...
"زين تمشي "
(حشمت نقول ليها انا مع شهم فالدار)باقي ليا شي اوراق نكملهم ونجي ...
"اوكي زين تصبحي علي خير.
"وحتى نتي "
بقيت كنلعب بشي وراق حتى شفت تحل الباب كنسمع صوت العطسة
"هاتسو ....
"يرحمك الله ضربك البرد ...
"ضربك البرد ياااك
"الصمت ...
خرج وانا تابعه ...ركبت فالسيارة القدام كان كيعطس ...هاتسو هاتسو هاتسو ....
(عطيتو كلينيكس)يرحمك الله ...
"شكرآ"
"(شفت فيه)ضربك البرد اكيد ما نتا لابس تشورت
:"(صغر فيها عينيه)شوفي قدامك ...هاتسو هاتسو
"شرب شي حاجة سخونة. ..فاش دخل ...او دوش دغيا ايفوتك الحال ...
"اش هدا الاهتمام ...كامل هاتسو "
"عادي بقيتي فيا ..."
الصمت طول الطريق وهو مروح ...هبطنا وهو طلع لفوق وانا مشيت لبيتي بدلت حويجي ووتوضيت وصليت ونعست حتى فقت على صوت المنببه كانت الساعة 6h غسلت حالتي توضيت كان فيا الجوع مكليت من الغداء ...لبست حويجي لعبارة عن كسوة هابطة لتحت مع جاكيط دجين ...شعري طلقتو ...ومكياج كيف العادة كنبدل فقط لون العكر 😅 ...خرجت كنشم ريحة الفطور شفت الطابلة كانت عامرة مي داك الكنس مكاينش ...تلاحيت على كلشي عمرت كرشي شفت الساعة كانت 7 زعما اكون مشاء ...خرجت على براء مي البوبة مسدودة الله على راحة تهنيت ...جيت نرجع لطابلة نكمل الماكلة ...بانت ليا وحدة من البنات ...
"سمحي ليا(بالفرنسية)
"تفضلي
"ميسيو شهم خرج
"نو باقي هنا "
"مغاديش ".
"نن كنضن مريض "
"مريض (تفكرت لبارح للحضة قلت مزيانة فيه مي جاني تأنيب الضمير كيما باغي اكون رها انسان ومي قالت ليا عاوني بنادم وخا يكون عدوك ...منكرش بلي كان السباب حتى نقصت من الوزن ...)ممكن توريني الغرفة ديالو
"ميمكنش دخلي عندو الغرفة ديالو عمري دخلت ليها
"غا وريها ليا بليز
"كاينة فالفوق على اليمن عفااك مقلت ليك والو وخا
"كوني هانية شكر ".
طلعت لفوق وبقيت كنقلب فالغرفة كيما قالت ليا هنا وهنا وهنا تلفت بكترت الابواب .. مي كان باب كبير وعريض كنضن ايكون ديالو ....دقيت مكان لا جواب لا تاحاجة وانا نحلها كان قلبي كيضرب بالخلعة ...مي دافعة جبهتي ...دخلت كانت الغرفة مضلمة بزاااف اويلي بان ليا شوية من الشرجم مشيت بحال شي عاورة نقيس فالحيوط حليت الشرجم الاول بان ليا التاني ....تلفت كنسمع ....صوتو كيغوط بالكردية ويعطس ...
شفت فيه لقيتو هاز مخدة مغطي بيها وجهو معري من الفوق انا شفتو معري ومغطي بايزار ...تلفت مبقيت عارفة فين جاء الباب نمشي حيد المخدة على وجهو ....
حيد المخدة وشاف فيا كان شهم ممصدقش عينيه واش هيا فنفس الوقت المرض غالب عليه ..
"شنو كديري هنا"
كانو حنيكاتو حمرين بزاااف وباينة عليه المرض من وجهو مي بثينة عجبها وهو هكاك خصوصان انه كان معري شكل ديالو كان كيحمق لدرجة بقا غير كتشوف فيه كان وسيم لدرجة مكتوصفش شعرو لي هابط ليه على وجهو وكيحيدو بيديه ..
"واش مريض (مشات عندو بكل عفوية حطات ايديها على جبهتو)ناري سخون بزااف (حيدااات ليه ليزاار لقاتو بالبوكسر والمعلم باين تخلعااات وهيا توقف )قصدت نقول ليك وقف يعني وقف اضربك البرد
"غير خرجي "
"والله منخرج(كانت حمراء كي ماطيشة من المنضر لي شافت دورات وجها لجيهة الشرجم)هنا انبقا حتى تنوض لمرة وحدة فحياتك سمع الهضرة
"شنو باغيا مني دبا (كيهضر صوتو تقيل )معنديش خاطر لي نغوط
"عفاك ممكن تلبس حويجك
"انا كنعس هكا (كانت عاطيه بالضهر شهم حس بيها حشمات ناض بز عليه لبس سروال فالكري مع دوني فالبيض ورجع كلس فوق الناموسية كيدوز ايديه على راسو )صافي لبسنا
شفت فيه كان بصاح لابس ...ضربتو على كتافو نوض دبا بان ليا باب فالبيت
"شنو هنا (حليتو كان بالكون فيه الطابلة والكراسي )اجي غا هنا
كان تابعها خرج لبالكون كيما قالت ليه كلس مدات ليه كرسي مد رجليه كانت اي حاجة كتقولها كيقول ليها وخا امكن المرض او واخيران حس بالاهتمام من شي حد ...
"كاينة عندكم اللويزة "
"معرفتش متسولنيش "
"اضن انا جاية ...
كان شهم فقط كيشوف فيها جابت ليه اللويزة مشات جابت ليه الحامض مخلات مجابت ...
"عرفتي شنو كون غير دوشتي "
"معنديش الخاطر "
"عفااك غا نوض "
ديك عفااك بالضبط سمعها ناض بدون ميفكر دخل لدوش حل الرشاشة دخل وسط الرشاشة وهو غايب فالتفكير من غير ان الساخنة السباب مي زادو شي حاجة اخرة خرج من الدوش شاف بثينة كانت ساهية فالبالكون لبس حويجو لعبارة عن تشورت فالكري مع سروال فالكحل شعرو فازك وغادي عندها كان كيحس براسو شوية شافت فيه وجااااءت كتجري ..هزات الفوطة وجاية جيهتو هو كيفاش كتجري وقف كيشوف فيها جسمها او شعرها مدات ليه فوطة ودايرة غوبشة خفيفة
مدات ليه فوطة ودايرة غوبشة خفيفة
"واش مكتعلمش ايضرب البرد تاني هكا نشف شعرك مزيااان
كيشوف فالفوطة ويشوف فيها عينيه ثقال ودايبين فيها ...جر ايديها مع الفوطة قربها ليه هيا خرجااان عينها ...
"سمحي ليا مي نتي لي كتجي قذامي(بالكردية )
شدها من وجها بيديه بجوجو كان كيبان وجهو بين يديه صغير ...عينيه على شفايفها وعلى خدودها وعينيها هيا غير ممخرجة عينها غمض عينه قبل يطبع قبلة على شفايفها حس بشفايفها رطبين وكي منفوخين حك شفايفو مع شفايفها وهيا كتحول تحيد منو مي كان اكتر قوة عليها ...كيبوس بكل حنان وهو كيتحسس شفايفها مع ديالو ...واليد التانية كدوز على شعرها لدبا شهم معرفش شنو كيدير ...كيدوز ايدها على شعرها ويهبط لضهرها يقيس ...وهيا غير ما كتجر فيه باغيا تحيد ...مي لا حياة لمن تنادي