شهم:......اليوم تكوني حلالي
انا:حلال شنو واش من نيتك ب
شهم:اااه من نيتي
جاي مبهطني بالجهد وبكل قوتو وانا كنغوط وهو غير ما كيزير يزير على يدي ويجرني ....عمري تخيلت فحياتي ايجي نهار لي ندير فيه العقد ونتزوج بهذا الطريقة ...وانا داخلة لمكتب لعدل لب كان متكون من 3 رجال ...بعد عدة اجرااااءااات وانا كنحول فقط نشرح ليه بلي انا مستحيل نتزوج هكاات صافي اااه قاببلة نتزوج بيك مي عفاااك ماشي هكااا ماشي بوحدي وتاحد ميكون فراسو ماشي بحال هكا كي المسخوطة لا ماشي هكااا ....شحال طلبت وغوط مي لا حياة لمن تنادي او كيما قالو معند الميت مايدير قدام غسلو ....جاب ليا كتاب وقلم وقال ليا ندير التوقيع ابدا ومستحيل مي شدني من يدي بقوة ودار التوقيع ....كنضن صافي الحااجة لي. صدمتني كيفاش دوك العدول زوجني وعارفين بلي بزز مني عارفين بحيت شحال من مرة قلت لا مبغيتش وشحال غوط ...مي فاش كمل الاجرااااءت ..الكل بداء كيبارك ايخ بلاد ديال الفلوس ...زوجني وانا مبغاش ماشي مبغاش نتزوج بديك الطريقة لا ...جاء واقف عليا وشدني من يدي وهو غادي بيا مهبطني فالدروج هنا مدرتش ردة فعل فقط غادة كي الحمقة ..وصلني لطموبيل حطني تماااك وديماااارااا ....
شهم:(كيهضر بصوت غضب)مبروك عليك وليتي مراااتي شفتي كلشي ساهل وماهل ...ورقة سنينها
انا:الله يأخد فيك الحق اشمن زواج هذا اشمن ...ديال بزاز عند بالك زوج هذا بنسية ليك
شهم:عطيتك شهر ابنت الناس اشنو باغيا مزااال عند بالك كنلعبو هنااا لا ....ونزيدك عند يوماين تقوليها لداركم ...
انا:(كنبكي ونضرب فيك)عمري فحياتي شفت حقير بحالك عللاش علاش اشنو درت ليك اشنو
شهم:(محملش اشوفها كتبكي )وانا شنو درت ليك تزوجتك على سنة الله ورسوله ..وعندك غير يومين تقوليها لداركم او انا انقولها بطريقتي الخاصة .....
انا:شنو انقول ليهم شنو الله يأخد فيك الحق
ماذا اقول
ل عين الروح
المنتظرة تراقب
حضورك
وترجع للقلب نبضات
خباتها لحين لقاء
انا:اشنو انقول ليهم ااااه شنو الله يأخد فيك الحق
الصمت كيف العادة وانا بدوري بقيت حاطة الراس على الزاج ديال الطموبيل وصلني لسبيطااار ..ومحسيتش كنفكر كيفاش بين ليلة وضحها تزوجت وبزز مني ....
شهم:(بصوت غليض خلاني انني نقز من بلاصتي )وصلنا
انا:(بغيت نهبط بهدواء بحال وحدة مصدومة جرني من يدي بغيت نحيدها مي مزير عليها شد ايدي باسها من الداخل بورشني بديك البوسة مفهمت فيه والو كيجرحك ويدويك اشنو هادشي امي كان الصمت وقالبة وجهي لجيهة الاخرة معصبة ومقلقة مفهماش راسي ...رجعت لسبيطااار من بعد تزوجت ناري على كلمة شحال تقيلة كنفكر كيفاش بين ليلة وضحها تزوجت كنت بيخير وعلى خير وتزوجت ...وشكون راجل غريب ...ممفهومش غامض كيفاااش اندير نعيش مع الكم الهائل من العصبية وتقاالب فالنفسية مرة مقلق مرة حنين ...تنهدت وحلف النعاس لرجع جاني عيني عمرهم تسدو ضربااات ديك 6 لفجر توضيت وصليت لفجر وبداء النعاس كيجيني مي سرعااان مااا فيقتني الممرضة قالت ليا خرجي خرجت لقيت ماما وبابا عاد جاء مقدرتش نشوف فوجه ديالهم كأنني دايرة جريمة قتل مرعبة غير حسيت بيهم ورجلي فاشلين عليا قلبي باغي يسكت ...
ماما:بنتي مال عينيك باينة عليك العيا
انا:غير شوية
بابا:غير سيري لدار دبا رتاحي نوبتك حنى هنا
انا:وخااا
رجعت ولدااار وانا قلبي باغي يسكت تلفوني كيصوني ...كان منير
انا:الو
منير:مال صوتك ياااك لابس
انا:غير منعستش مزيااان وصاااافي
منير:اه كيف بقا خوك
انا:حمد الله
كانت الهضرة ديالي بالعبار منير شاااك واش كاينة شي حاجة منير لي كنعود ليه كلشي دبا مترددة نعود ليه ...بحال قتل شي حد ...دخلت لدار دوشت وانا فالدوش بقيت ساهية كنفكر خرجت تلاحيت ففراشي الدموع والله مبغوش اخرجو والسبب معرفاش علاش ...بابا الدار كيدق...اوف شكون اكون جاء فهذا الوقت ...نزلت وانا معكازة حليت الباب بان ليا حمزة جاي وجايب معه بوكي دالورد ....
حمزة:زين ديالي مشيت لسبيطار عرفت بلي جيتي لدار عرفتك محتاجة ليا احياتي ...
حمزة:زين ديالي مشيت لسبيطار عرفت بلي جيتي لدار عرفتك محتاجة ليا احياتي
انا:(شديت من عندو الورد)شكر ما كاين لاش مصدع راسك
حمزة:صداعك راحة ..
كان باغي ادخل ...
انا:ماكاين حد فالدار
حمزة:عارف نيت نكون اونسونبل شي حاجة هكا .
محسيت بيه الا ودخل كان باغي اسد الباب مي الباب دفعو شي حد ...تصدم ملي شفت شهم واقف ولابس تشورت فالكحل مع سروال فالكحل وكاسكيطة ....داخل وساد الباب ...برجليه وكيحك فلحيتو ...وعاض على شفايفو عرفتو كي كيبان حمزة قدامو كي النملة قدامو ماشي كنصبغ فيه او كنفضلو مي بصاح شهم عندو بنية وطويل وعندو عضلات ممكن اهرسك بيهم ..كان شاعل ومعصب عادي فين عمرو ضحك عمري شفت سنانو او الضحكة او فقط الابتسامة فوجهو ...
انا:شنو كدير هنا
شهم:غادي عند حمزة كيضرب ليه على صدرو)شحال قلبت عليك اولدي جبتك الفرصة تا لبين ايدي ...شنو قلتي ليها شي حاجة هكا اجي انا نوريك شي حاجة هكا ..
حمزة:(باغي اعيق )سير بعد قبل ما نفرشخ خويا ...
شهم:(شدو من الكول دالقاميجة ضربو بالراس هز رجليه ضربو فالمعلم وسيد غوط من الالم ....ايديه بونية وكيضرب فوجهو )
انا:كنحيد ونفرق بينتهم خفت اموت كيضرب فيه شي ضرب والله ما عادي)الله ارحم ليك الولدين ما باركة ...
لا حياة لمن تنادي شفت فحمزة فمو خارج فيه الدم غير ما زدت خفت وبكيت ....
انا:(كنقيس فيديه )عفاااك اشهم باركة عفاك الله اخلي ليك ما عز عندك
شهم:(ضربة )هادي حيت قلتي كلمة حياتي ...ليها ...
انا:عفاااك اشهم عفاااك (كنقز ونحيد مي حلف لا طلقو حمزة لي مبقاش قادر ايوقف على رجليه تخلعت وليت غا كنطلب
انا:شهم عفاااك (تجرأة وشديت ليه وجهو لعندي)رها ولد خالتي عفاااك باركة ...
طلق منو بسرعة لاحو الارض وحمزة حالتو حالة تخلعت عليه مي خفت نهبط عندو ايكمل عليه وبقيت بلاصتي وكنبكي واقفة بعيدة على شهم لي وليت كنخاااف منو بزاااف ....
شهم:(هاز عليا صبعو)اتحمقيني شي نهار بسبباك غادي نحماق اهذا البنت ...عيط على شي حد وحل ليهم الباب كان رجالو هزو حمزة ....
بقيت واقفة مصدومة بدون هضرة فقط كنشوف فيه ... اش هذا بنادم لي كيضرب حتى كيخرج الدم وكيعالج فنفس الوقت ....
هز كلينكس من جيب ...ومسح بيه ايديه ...طلع عينيه فالدار
شهم:اممم هنا فين كبرااات مراتي ...
شهم:هنا فين كبرات مراتي ...
انا:ممكن تخرج
شهم:علاش
انا:انا بنت بوحدي فالدار الا جاء شي حد (كنبكي من الخلعة لي شفت)اهئ اهئ بقيت كنبكي بحال شي بنت صغيرة)الله يأخد اهى فيك الحق من نهار دخلتي حياتي قلبتيها....
قرب لعندي وبقا كيشوف فيا طلع ليا وجهي بيديه وبقا كيشوف انا نحيد وجهي ورجع شدها بز مني. ...
شهم:خاصك تعرفي بلي ممنوع نشوف دموعك من اليوم ...
انا:(كنشهق)قتلني نتا متهضري مضحكس وبزاف متبكيش
شهم:راكي ملكي انا
انا:باي حق شكون قالها ليك
شهم:(تنهد ) عقلي ...و...(كان باغي اقول شي حاجة مي سكت )
انا:ممكن تخرج
شهم:شوفي اديك. البنت عطيتك يومين البارح داز اليوم اخر اجل تهضري مع داركم ....
انا:مستحيل باقي خويا مبراش
شهم:خوك اليوم ايخرج على ما عرفت فالسبيطار ستغلي الفرصة انا غا خليت ليك الفرصة تهضري ...معه محملش نكلس دقيقة فهذا المغرب ...وزربان ندي مراتي لدارها ...
انا:ولكن
شهم:ما كاين لا ولكن لي عندي قلتو والصلاة على النبى ...
خرج وخلاني كنتقلى فالعافية بوحدي ميمكنش هادشي تخلعت على حمزة هزيت تلفوني نصوني لماما
سعاد:اهلان بنتي نعستي شوية
انا:اي وقولي بزاف امتى ايخرج عماد
ماما:رها حنى فالطريق لدار ستغزبت ملي قالو ليا اليوم معرفتش علاش
انا:عادي(اكيد هادي فعايل داك الزمر)ماما باغيا نهضر معاااك موضوع
سعاد:حتى نجي ....
قطعت عليها وانا ساهية كنفكر اشنو انقول ليها مي سرعااان ما سمعا الباب حليت لييهم ووبقيت كنسلم على خويان ...لي مسكين مقدرشش اهضر ببزاف مي حمد الله رجع فيه اللون قدنا ليه البلاصة نعس ووخليناه ارتاح ....بدلت ماما حويجها وانا طلعت لبيتي ...شوية كنسمع الدقان فالبيت
سعاد:بثيتة قوولي. ليا شنو عندك راني عارفاااكك مخبية شي حاجة انا:(تنهدت )ماما واحد الشاب جاي باغي اتزوج بيا
ماما:بثينة ماشي وقت هذا الهضرة ..ماشي وقت الخطوبة والزواج
سعاد :ماشي وقت الخطوبة والزواج ابنتي الله ارضي عليك
انا:ولكن ا ماما بغيتك غير تسمعيني
سعاد:من بعد اصلان راسي باغي اتفركع من بعد...
خرجااات ماما وخلاتي تائهة وغير ...ما زادت كبرااات الموضوع تلفت ولقيت كاع الابواب تسدو فوجهي ...لمن نشكي تفكرت منير ..لي معرفاش واش ايرحمني او غادي اعايرني ....كانت الساعة 8 ديال الليل ...لبست عليا بينور قصير ...ش
جمعت شعري كعكة ...وخرجت مع الدورة لقيت منير عاد جاء من الخدمة سيرت عليه بحجرة شاف فيا
منير:بثينة يااك لابس
انا:بيخير ممكن نهضرو
منير:(عارفني عندي شي حاجة)وخا فين انمشيو نكلسو فالجردة ...
انا:وخا مي مبغيتش نبعد عفااااك ..
منير:وخا
مشينا لجردة كانت قريبة من الدار كلسنا ومنير جاب الزيعة ...وكلسنا مدها ليا ..
منير:كنسمعك عارفك مخبية شي حاجة من الصباااح
انا:(تنهد وانا طايح عليا الضيم)منير انجيك من الاخير مس بغيت تفهمني عفاااك ...شوف (بلعت ريقي )تزوجت
منير:(وحلات ليه الزيعة)كح كح كيفاش كضحكي معيا
انا:وجهي ديال الضحك امنير كنهضر معاااك تزوجت ..
منير:(طول فيها الشوفة )متقوليش ليا
انا:اااه هو اااه (بقيت كنعود ليه كلشي بالحرف واشنو قال ليا وشنو وقع لحمزة ...
منير:اش هدشي واش نتي عارفة اشنو كتقولي رها زواااج هداك ابثينة زواااج وكيفاش وبز منك عطني نمرتو نهضر ليك معه
انا:عفااك ماشي وقت هادشي انا عطيني الحل هو قال ليا الا مقلتهاش ليهم ايجي هو
منير:ايوة اشنو اشمن حل باغيا مني شوفو فيا رها تزوجت وامتى ملي خويا فالسبيطار ....تا شي حد ماغادي ارحمك ابثينة خصوصان الام ديالك هيا لي فيها كيكفي عماد رجعها مخلوعة زيديها نتي بالخلعة ديالك فين اتوصلي ...ااه طلبي طلاقك فالمحكمة سيري عند البوليس ديري بلاغ
انا:واش نتا حمق راك مكتعرفوش مزيان قالك بوليس ومحكمة...مبغاش نوصل لهدشي
منير:واشنو اتمشي معه
انا:ما انا كنعتبر مراتو دبا (تنهدت)بقا منير شحال وهو ف صمت ...ونطق
منير:شوفي الحل لي عندي هو تقولي ليهم اترجعي لكورديستان على قبل الخدمة من بعد طلقي واجي ااوف ابثينة هادشي عندك مخربق ...
انا:(هبط راسي)مبغيتش نصدم دارنا ...امنير مبغيتش
منير:سيري معه قولي ليهم انمشي على قبل خدمتي ونتي ديري ليه الاعصاب حتى اطلقك
انا:والا بغا حقو كا زوج
منير:(تنهد وبغا افوج عليها)ونعسي معه
انا:منير ماشي وقت ال
انا:خفت نقول ليه لا او نهرب منو اقولها لدارنا ....فنفس الوقت مبغاء نصدم عائلتي بغيتها تكون بيخير ...
منير:ملقيتش ليك الحل ابثينة
انا:نمشي لجهنم برجلي
منير:اتمشي ليها وتخلي ولديك فالجنة هانين
انا:نمشيو
طول الطريق كنفكر فهضرت منير ...عندو الحق خاصني ندير التضحية على قبل ماما وبابا وعماد ....سلمت على منير ...
منير:وعديني تجي لعرسي
انا:نشاء الله انجي
منير:بثينة خليك ديما قوية خاصو اشوف بثينة القارية والفاهمة ....
انا:خفت نمشي ومنرجع ..
منير:سيري صلي صلاة الاستخارة ....
انا:وخا ...
دخلت لدار لقيت ماما حاطة لعشاء ...جاء بابا غسلت ايدي وهزيت الباقي من المواعن ...كلسنا فالطابلة ..
ماما:خالتك ابثينة قالت ليا نسلم عليك
انا::اسلم عليها الخير شكر
بابا:بثينة والخدمة فين وصلتي فيها
حسيت بالسخونية ماشي من عادتي نكدب بقيت كنأكل ومنزلة راسي
انا:عيطو عليا تاني صحاب الكورديستان معرفتش واش نمشي
ماما:اااه سيري. خدمي مقربتش حياتك كاملة وتكلسي فالدار وتبارك الله باينة كيخلصوك مزياااان سيري لخدمتك ...
انا:(صدمتني ماما وحسيت بهادي بحال الاشارة مي بقا فيا الحال كنت كنتسنى اقول ليا لا مبغيناكش تبعدي مي الفلوس الهم الاكبر
انا:نشاء الله ...
وقف ومشيت لبيتي بصاح جاتني البكية مي مبكيتش توضيت وصليت صلاتي وصلاة الاستخارة...نعست والصباااح تلفوني كيصوني ...كان شهم
انا:(بصوت مبوق بالنعاس)شنو
شهم:(عجبو صوتها لي مبوق بالنعاس)صباح الخير كيقولو الناس
انا:شنو كاين على الصباح
شهم:(دغيا تقلب )شنو درتي مزال
انا:شنو درتي نتا انا درتي فيا لي بغيتي
شهم:مع 6 دالعشية كاينة الطيارة
انا:مستحيل خليها غير حتى لغدا
شهم:(كيغوط كيف العادة)لا لا مع 6 قلت ليك ....ايجي الشيفور ايجيبك من داركم ...
انا:الله يأخد فيك الحق ...قطعت عليه وجاني مساج بسرعة ا"الاخير مرة تقطعي فوجهي اخر مرة مزال متزاااد هدا لي يقطع التلفون فوجهي ابنت الناس
انا:الله يأخد فيك الحق ...قطعت عليه وجاني مساج بسرعة ا"الاخير مرة تقطعي فوجهي اخر مرة مزال متزاااد هدا لي يقطع التلفون فوجهي ابنت الناس
رميت بالتيلي لجيهة الاخرة ...تعصبت ..دخلت لطوليط غسلت حالتي ...وخرجت توضيت وصليت صلاتي ...كانت الساعة 9 ...هبط بان ليا بيت عماد مشيت لقيتو كيتفرج
انا:صباااح الزين
عماد:صباح الخير
انا:كيف بقيتي
عماد:حمد الله وخا هذا اليد مكنقدرش نحركها واش انبقا هكا ديما
انا:من نيتك انا لقيت ليك وحدة كدير الترويض مع الترويض اتكون بيخير نشاء الله
عماد:نشاء الله
انا:ومالك مقلق ضحك ...
سعاد:(جايبة ليه الفطور)بثينة امتى اتجي ديك مولات الترويض
انا:قالت ليا مع 11 ....
تلفون ديال الدار كيصوني مشااات ماما بالجري تهز. ...كان خبر صدم ماما ...
انا:(خلعتني)شنو كاين
سعاد:حمزة ولد خالتك شدوه البوليس
انا:اويلي علاش
سعاد:(كلست مصدومة)معرفتش خالتك كتبكي حالتها حالة مسكينة بقااات فيا منعرف اشنو دار المسخوط
ماما كتهضر وانا عقلي عند شهم اكيد هو مول الفعلة ...طلعت لبيتي وانا بصاح معصبة صونيت ليه وقطع عليا وعودت صونيت وقطع ...جيت نخرج وهو يصوني عليا
انا:شنو درتي لحمزة
شهم:تاحاجة
انا:دخلتيه لحبس ماشي حشومة عليك تكوي قلبك مو بحال هكا
شهم :كانقسم ليك بلي انا لي غادي نكويك ونسمعك تقولي سميتو على فمك تاني ..ونزيدك دوك الفعايل دالبراهش ماشي. ديالي ...
قطع عليا وخلاني كنتقلى فالعافية والاعصاب واش هذا من نيتو كيهضر المرض ايخ ...
مشيت لكوزينة صوبت لغداء وماما كتهضر مع خالتي قالت ليها شدوه على الحشيش ....
قريتي ايوة ديري جيم مافيها باس