انا:الحيشيش ...ياااك امي وكنتي باغياني نتزوج حشايشي
ماما:ايوة الله اهدي ما خلق دبا...
انا:(كنهضر وكنغسل المواعن)اااه نسيت ماقلت ليك اليوم عيطو عليا قالو ليا الطيارة مع 6
ماما:اويلي وعاد كتقوليها 3 هادي نوضي تكعدي جمعي حويجك
انا:ماغدياش ندي حويجي اماما انمشي هكاك
ماما:اترجعي مور شهرين تاني
انا:معرفتش وقت لي طالقنا الخدمة
ماما:عفاك ابنتي الله ارضي عليك هضري وسولي فينا مرة مرة راكي عارفة خوك مريض وباااك مصروف ديالو على قد الحال وديك مولات الترويض كتدي كل نهار 200 درهم ....
انا:(عرفتها قصدات الفلوس وانا مغدياش نقول مي طماعة لا حيت عارفة مصروف الدار وبصاح انا لي عندهم اللهم تقولها ليا او تمشي طلب )كوني هانية الحنينة
ماما::سيري الله انور طريقك من الشوك والله ابعد عليك ولاد وبنات الحرام يارب ...الدار اتكون خاوية عليا(بدات تبكي )اهى اهى ولكن دبا تجي تاني
انا:(حابسة البكية )الله اخليك باركة من البكاء اصلان قلبي طايب ...
جيت كنجري لبيتي وبقيت نبكي على زهري لعوج اهى تفكرت منير ناري ...صونيت عليه
منير:افين ازين
انا:وناري واش نتا مخطوب وباقي تقول ليا الزين تسمعك خاطيبتك تقلق
منير:خاطيبتي ماشي مغيارة بحال راجلك
انا:يااااه شحال تقيلة فمك امنير تفو انعل بوه
منير:اشنو كديري
انا:كنوجد نمشي
منير:حلفي بالله معاش انا مع 11 دليل نجي
انا:مع 6 انمشي
منير:اويلي ابثينة مغدياش نشوفك
انا:غا خليها مغدياش نشوف حد انا كي المسخوطة تفو
منير:(تنهد ومباغيش يزيد عليها)ماشي مشكيل حتى لعرسي )
انا:او كنازتي
منير:تفو عليك الله اطول فعمرك
انا:اودي مع هدا الزمر توقعي الموت فاي لحظة ...
قريتي ديري جيم رها عادي
منير:بثينة الله انور طريقك يارب
انا:امين اخويا شكر ...
قطعت على منير من بعد دخلت لحمام دوشت وخرجت نشفت شعري ودرت مكياج وعكر فالكرونة الغامق ...مع سروال جينز زرق مقطع من الركبة مع تشورت فالكحل وصباط فالكحل وصاك يدوي مع فالكحل شفت الساعة دغيا وصلت 5 ونص ...مشيت بسرعة عند خويا لقيتو ناعس كيتناول وحد الدواء كيدير ليه النعاس ...بستو وخرجت ...بانت ليا ماما دايرة حالة تبكي عنقتها بقوة وبكيت فحضنها بكيت وخفت تكون اخرة مرة نشوفها بكيت. تا تنفخت بالبكاء ...معمري فحياتي تخيلت ممكن نتزوج هكا ونمشي لدار راجلي هكا بحال غادة لجهنم ...تنهدت من بعد عناق طويل خرجت وانا كنجري خاصنس نمشي عند بابا نسلم عليه وصلت عندو وبلاصة الخدام ...سلمت عليه وعنقتو بقوة تلفوني كيصوني ...وانا معنقة بابا ...
انا:(كنمسح دموعي)وي
شهم :باركة من التعناق
انا:وخا دبا
بابا:خاصني نمشي انتوحشكم بزاااف
بابا:الله اسهل عليك والله اوفقك فخدمتك
انا:امين
بكيت شحال بكيت كنشهق بالبكاء والناس تشوف فيا هادي مالها قلبي طايب وشي ما حاس بيا كانت سيارة شهم الفخمة والكل كيشوف فيها ركبت فيها ركبت القدام ...
شهم:اجي حديا
انا:خليني هنا
شهم:هنا قلت هنا(كيضرب بيديه )
انا:(تنهدت ورجعت كلست اللور بجنب ديالو وبقيت كنبكي فصمت كنبكي على الحرقة لي فقلبي على زهري العوج على زوجي لي كي الزفت تنهدت بصوت مرتفع )
فهذا الاتناء شهم كان غادي اتفركع محملش اسمع صوت بكاء ديالها اصلان ممتقبلش فكرة دمعة تهبط من عينيها ...تنهدت وشاف فيها كانو عينها منفوخين ...حاس بيها مي معندو ميدير ليها باغي اجرها لعندو اقول ليها رتاحي مي شخصيتو العنيدة ممخليهاش عزة نفس ديالو خلاتو بلاصتو كيتحرق ...
وصلو لمكان الطائرة كان طيارة خاصة بشهم ...ركب فيها وبثينة بجنب ديالو ...غير كتبكي . ..
شهم:(كيغوط)باركة من البكاء باركة
كان الصمت من طرف ديالها ومشافتش فيه غير كتبكي قلبها طايب ....
شهم:غد كاينة حفلة بمناسبة زوجنا ...
انا:حفلة شنو وزوج شنو زواج ديال بزاز مغدياش نحضر لهذا الحفلة وخا تقتلني
شهم:غادي تحضري ليه ابنت الناس اتحضري ...وبجنب ديالي بصفتك زوجة ديالي ....
شهم:شكون داك الكلب لي كتعانقي نتي وياااه
انا:(صدمني)كلب بزاااف عليك نتا لي كلب هداك بابا
شهم:(شدني من شعري)رها وخا اكون باك معندوش الحق اعنقك
انا:(كنحيد ليه ايديه)حيد ايديك وخليني عليك فوتني وبابا بزاف عليك
طلق من شعري وانا كنت باغيا نوش لجيهة الاخر الطيارة باقي مطلعااات
شهم:ك
رجعي بلاصتك(كيهضر بدون ميشوف فيا
انا:لا بغيت نكلس فبلاصة اخرة
شهم:رجعي بلاصتك
انا:(درت لي فراسي وبقيت غادة شدني من يدي وكلسني بزز عليا)وبعد مني
كان الصمت من الطرف ديالو كيف ديما وصل وقت طلوع الطيارة وانا نتجمع شهم كان كيشرب. قهوة كحلة وانا ساهية ومغمضة عيني ...وداتني عيني ..نعست على الامل ننساء الواقع المر لي عايشة فيه ....فقت علي ايدين شي حد كيحرك فيا بالجهد ...حليت عيني مخنزرة
شهم:وصلنا هبطي
انا:ومالنا على هذا الهماجية كاملة مفهمتش
الضمت من طرفو كانت سيارة عند الطيارة كيف العادة ركبنا فيها وانا غير ف صمت ومحملش داك القصر غير وصلنا وبان ليا قربنا قلبي كيضرب وتفكرت نهار الاول جيت غير كا سكريتيرة ديال احمد وبا بصفة ديالي زوجة ديال هدا الحمار تفو الله انتقم منو ...مع الدخلة قلبي كيضرب دخلنا انا وداك الزمر ومشيت لجيهة فين كانت البيت فاش كنعس بغيت غير نحط راسي.
كنحس براسي عيانة ...جرني من يدي
شهم:فين غادة
انا:علاش كتسول
شهم:بيتك جديدة لفوق
انا:اودي خليني غير فهادي
شهم:لا لفوق اجي معيا
تبعتو وانا كي الاطراش فالزفة وصلت لفوق كانت غرفة وحدة هيا الغرفة ديالو حل الباب ودخل وانا بقيت كنتسنى
شهم:دخلي
انا:بغيت نعس
شهم:(جاء جرني من يدي )من اليوم هادي بيتنا .
انا:كيفاش بيتنا مستحيل تجمعنا بيت وحدة مستحيل
شهم:راكي مراتي على سنة الله ورسوله
انا:كلشي نقبلو (كندور بعيني كان كوفوز كبير عامر مكياج ...وناموسية كبيرة تقد 4 دالناس وما كتر ...كلشي مبدل الالون والديكور
شهم:(جرني من يدي وقربني ليه)واخيران راكي مراتي حلالي بالشرع والقانون ...واخيران نقدر نتنفس بيخير واخيران نقدر نعس مرتاااح (كيقرب ابوسني وهو يتراجع)كنوعد بلي عمري غادي نقيسك حتى تبغي نتي حتى نحس بيك مرتاحة ...كلشي بزاز الا النعاس ابنت الناس هو زوين من طرفين مي محتاج منك تعوني معيا ...(باسني فحنكي)رتاحي ....اه ونزيدك مكنتش عارفة بلي الاب ديالك ...كنعتدر ...
شحال صعيب تكوني فحياة خاصة بيك حياة عادية متكونة من عائلة من نهار عقلتي على راسك كتعرفيهم وفجأة توقف بيك الوقت مع شخص نتي عمركي عرفتيه ولدبا مكتعرفي عليه والو شخص غريب بنسبة ليك شخص متناقض فكلشي ...مرة حنين مرة قاصح كل مرة وشنو...معادلة صعيبة تفهم ...والمشكيل الاكبر هذا الشخص نتي زوجة ليه بين ليلة وضحها ...تنهدت من بعد ما خرجت كأنني كنرتاااح فاش كيخرج وستغربت كيفاش عتدر مني على بابا ...وهو شخص متكبر وعندو نفس حارة ...ايعتدر كلست فوق الناموسية وانا شادة راسي ..كندوز عيني على الغرفة لي كانت شي حاجة بحال الحلم ...او حاجة مشيت لماريو شدني بعض من الفضول ..حليتو تصدم من الكم الهائل من الملابس ديال البنات ليتشورت لشوميز ...وكاينين حتى شوميز دونوي فالاشكال ..السروال والبيجامااات ديال الدار بالانواع الصباط والصيكااان. .كان الماريو بحال شي محل خاص بملابس البنات وكلشي نفس الطاي ديالي ...حليت الجيهة الاخرة كانت ملابس ذكورية اكيد ديالو ...كان الكل فاللون الاسواد الكري وقليل بزاااف اللون الاحمر والصباط ديالو ...والساعااات كي مستفين والعطور فالاشكااال .سديت كلشي ...وهزيت بيجامة بسروال .وتشورت كانت فاللون البيض مع الغوز بيبي ....شعري جمعتو كعكة ومشيت كلست فالبالكون كنشوف اليوم الجو زوين ...كنلمح الكل كيقاد ويجري شنو وقع اااه تفكرت الحفل لي مغدياش نحضر ليه ..رجعت وتكيت ليا فوق ديك الناموسية وانا حاضية جنابي رغم من قول ديالو بلي مغدياش ااقرب ليا الا انني مبقيت كنتيق فحد ...
محسيتش. براسي الا ونعست ....كنفيق على صوت كيهضر بشوية ...حليت عيني كانو بعض من البنات كيهضرو بصوت رقيق كأنهم خايفين افيقوني ...غير شافوني حليت عيني وهما يضربوها بجرية ....كلست كانو جايبين ماكلة عمرو ليا الطابلة دالبيت ...وقفت غسلت ايدي من الحمام ورجعت كنأكل رغم المشاكيل كاملة غير كنشوف الماكلة والله منصبر ....كان فطور ملاكي مع االقمة الاولة كيبان ليا شهم داخل كان كيبان عيااان كيحرك راسو يمين وشمال ..شافني
شهم:معرفاش تسني راجلك وتأكلي نتي وهو
انا:(الصمت وكنأكل )
غسل ايديه وحيد لافيست رجعها بلاصتها هز حويج دخل لحمام بدل عليه ورجع لابس سروال كحل ديال الدار مع تشورت فالكحل والشى لي لفت الانتباه ديالي تشورت مزير عليه من اليد العضلات وداكشي ...كلس مقابل معيا ...
شهم:بسم الله
بداء كيأكل بكل احترااام كنت كنشوف فيديه شحال نقية وشحال زوينة ....نتبه ليا
شهم:عارفك كتفكري فالخاتم مي فالحفل ديال غد انلبسو الخاتم ..
انا:الخاتم اخر اهتمام ديالي بالحياة الخاتم قال ليك البرزة ل
- فجلست أبكي لأنني للمرة المليون تحطمت.😓
انا:البرزة لا واش من نيتك كتهضر ....
شهم:(كيأكل تا كايكمل اللقمة ويهضر )شحال نتوما فالدار
انا:كنضن سولتني بزااف نوبتي ..
شهم:شنو باغيا تسولني
انا:فين عائلتك معندكش باباك وماماااك معندك تا حد خوك
شهم(بقا فصمت شحال نضف حلقو وقف بدون ميجوبني دخل لحمام شحال سمعت لرشاشة امكن كيدوش ..وخرجت لبالكون كالسة كان البرد ...تا حسيت بشي حاجة فوق كتافي ...شفت كان شهم مغطيني بوحد زيف سخون )
شهم:ايضربك البرد
انا:ضربتني الدنيا
شهم:مغدياش تنعسي
انا:نعس غا نتا
شهم:(جرني من شعري لعندو)كنهضرو معاااك بالخاطر متخسريش المورال بهذا الهضرة
انا:طلق مني بنادم كيف داير
شهم:دوزي تنعسي
انا:النعاس بزاز تا هو اخويا انا مرتاحة هكا ...
طلق من شعري وتاجه لناموسية تكا وانا بقيت كالسة كنشوف مرة فالمنضر ومرة نشوف فيه ....كنشوفو ناعس تأكد من النعاس ديالو كان ناعس على كرشو ..كان فيا موت دالنعاس ...والضلام طايح والكل ناعس خفت بوحدي ...بقبت بشوية غادة على اصابع رجلي هزيت مخدة بجنب ديالو حطيتها فوق واحد الفوتوي وهزيت داك الزيف تغطيت بيه كان الجو زوين بزاااف ..والبرد داخل من البالكون غير غمضت عيني نعست ...كنفيق على شي ايدين كنغوط حليت عيني كان مزااال الضلام ...كان شهم هازني ..
شهم:(مغوبش ومبوق بالنعاس)علاش ناعسة تماااك ايضرك ضهرك
انا:(كنحول نهبط وانا دايخة بالنعاس )اسيدي هبطني شكيت عليك ...
وصل بيا الناموسية حطني وغطاني وجيت نوقف ليه ...تكا بجنب ديالي
شهم:نعسي وباركة من فعايل دراري الصغار (عاطيني بالضهر )
تقلب لجيهة الاخرة وبعدت عليه وحطيت راسي على وانا حاضية جنابي معقلتش امتى داتني عيني ...
صوت بعض من العصافير دخلو لغرفة بحيت البالكون محلول ....داخلين بصوتهم فقت والضواء الصباحي لي داخل ...شفت بجنب ديالي كان شهم ناعس على كرشو وجهو لجيهة الاخرة بقيت كنشوف فيه عن قرب شعرو شحال زوين وكحل ورطب ...نتبهت ليه تحرك وانا نوض تقلب على ضهرو وشدني من يدي ...
شهم:(تنهد)صباااح الخير
انا:(مغوبشة)طلق من يدي ممكن
شهم:علاش كتكرهيني راني راجلك
انا:طلق من يدي
شهم:لا بغيت(كيدوز ايديه على شعري)شي حاجة
انا:طلق مني باغيا نمشي لطوليط
شهم:(ناص وكلس وجيت مقابلة معه باسني فحنكي وطلق من يدي)هاهو غادي ...
ضربتها بجرية لطوليط سديتها عليا وبقيت كالسة تماااك غسلت وجهي. وتوضيت ...وخرجت لقيت كيتجبد فالبالكون ...نتبهت لصلاية هزيت كسوة محتارمة ديال الصلاة لبستها ولبست زيفي وبديت كنصلي وهو مقابل معيا فالبالكون ...مع كملت صلاتي
شهم:الله اقبل(باسني فوق راسي)نوضي تفطري دغيا ايجيو البنات تختاري اشمن فستان اتلبسي ...
انا:مغدياش
شهم:اتمشي ابنتي اتمشي
انا:مبغاش نمشي اوف
شهم:متقوليش اوف غادي نفركعك صباح هذا خلينا بيخير فطري
انا:مبغيتش
شهم:(بصوت تهديد)اتفطري بالخاطر او بزز
انا::ببغيت نبقا بالجوع انا باغا نبقا بلافطور
شهم:ايوة لا اتفطري كرشك هيا كرشي مبغاش تبقا بالجوع فطري هاهو غادي نلقاك فطرتي او
انا:بحال كتهدد فيا
شهم:لا انا غا كنعلمك التهديد ماشي ديالي ...
خرج وخلاني معصبة ومقلقة واش من نيتو هذا الله ريحة الماكلة ريحت البيض المقلي ...ريحة اتاي ...لا نغدياش تفطري ابثينة شدي معه العكوس علاش مغدياش تفطري علاش فطري بز منو مشيت كنجري وكنخشي فوجهي قلبي هشيش من جيهة الماكلة منقدرش بلا بيها منقدرش كليت تا تنفخت ...جيت نتجبد ...تا كنسمع الباب كيدق ...دخلو بزااف ديال البنات اكونو شي 6 او 7 ...تخلعت ...هضرت ديك البنت ...بالفرنسية
هيا:(مهبطة راسها)سمحي لينا مسيو شهم سيفطنا على قبل الحفلة دالعشية
انا:شحال الساعة
هيا:12 ...
بسرعة كلشي كيحط داكشي لي جايبين عمرو البيت قالو ليا كلسي فوق الطابلة مخلوش ليا الفرصة فين نهضر اش هدشي ها لي تصوب ليا الحجبان هالي تحيد ليا الشعر دالوجه ها لي تحيد ليا الشعر دالرجلين ديال اليدين مكياج والشعر الضفار كانو بزااف ديال اليدين والالات فوق راسي تلفت وتخلعت ....بقيت مدة شي 3 ساااعااات وهما حيد قاااد او مليت وضاق خاطري ...اش هدشي تفو .. غمضت عيني من بعد ما ستأدنت وشعلت الموسيقة عطوني ليكيت درتهم فودني ...بقيت مغمضة عيني وكنسمع الموسيقة الوجع قاتلني ... واخيران بعد مدة كملو جابو ليا العديد من فساتين ديال فجميع الالون مي حمقني فستان فالحمر بحال ديال الاميرات كامل كيبري لبستو واخيران طالون وكنسمع موسيقا مجهدة مبغيتش نهبط اوف ...شفت وجهي فالمريا من بعد ما الكل خرج ...واو مكياج اكتر من رائع مع عكر احمر شعري مبوكلي ...بقيت كنشوف الحضور لي كيدخل من البالكون ولكن قاعة الحفل فالجهة الاخرة كنبركك ....كنسمع الباب تحل...
شهم:صافي (بقا واقف كيشوف فيا)مشاء الله