غادر شهم وبقيت متابعة ليه العين كان غادي بكل سرعة ...انا كلست وشديت راسي تاحاجة مكتمشي كيف بغيتها علاش ...تنهدت وانا نطيح على المسمن كي الحلوفة كنأكل بكل غضب...تفكرت ماما ويلي. الشهر قرب اكمل وماسيفطش ليها الفلوس ..اشنو اندير هزيت عليا شال سخون ناطي بيه غا الشوهة ديالي ...ضروري خاصني نهضر معها بقيت غادة جاية وانا نهبط الكوزينة ...كان كلشي مديها فشغلو ...
انا:(بالفرنسية)شكون هنا مغربي ....
الكل كست الا شاب كان فالداخل قال انا ...تصدمت فيه كان شاب ايكون فعمرو ديك 25 او 26 ...مكلف بالشلاضة مشيت عندو مديت ليه ايدي وهو تزنك وحشم ..
انا:واخيران لقيت شي حد كيفهم لغة ديالي
هو:(حيد القفاازات)مرحبا. امدام عندي باش نعونك
انا:بغيت تلفونك بغا نهضر مع ماما
هو:(توتر)التلفون ...نخاف سي شهم اخاصم عليا
انا:كنحلف ليك مغدياش اعرف غادي ندخل هنا غا حداااك ونهضر
هو:(هازو من الجيب)وخا تفضلي ...
شديتو عندو وهزيت ديالي قيدت نمرة ماما ...
انا:الو ماما
سعاد:بثينة لابس عليك بيخير توحشناااك امتى اتجي
انا:مزااال مغدياش نجي
سعاد:الله اخلف عليك ابنتي والله ايسر ليك فخدمتك من نهار خدمتي وحنى ببخير مبقا خاصنا والو ولكن ابنتي الفلوس لي سيفطي البارح كتااار بزاف مخليتي لراسك والو امكن ...
انا:ه اااا فلوس
سعاد:الله ارضي عليك ..
انا:(اويلي انا ماسيفط والو منين ايجيو )أحم ماما شكون شدهم
سعاد:جابو لينا واحد الراجل تا الدار قال لينا من طرف بثينة
انا:عادي اماما ايوة خبار خويا ومنير امتى عرسو ...
سعاد:منير لابس عليه كيوجد لعرس كاين الشهر الجاية مغدياش تجي
انا:معرفتش
سعاد:ضروري منير ايدير عرس ف قاعة اجي ضروري
انا:نشاء الله وخا انخليك اماما سلمي على بابا وعماد
سعاد:اسلم عليك الخير والربح بسلامة
قطعت على ماما وانا نشوف فالشاب امكن اعطيني اخبار على شهم ...
انا:(مديت ليه تلفون)تفضل شكر ...بثينة ونتا...
انا:بثينة ونتا
هو:يوسف ...نتي مراة سي شهم ياااك
انا:اااه ونتا من امتى خدااام هنا سمح ليا مي مليت بغا نهضر مع شي حد ..
يوسف:عادي مرحبا فاي وقت انا خفت غير سي شهم اتقلق
انا:علاش ايتقلق متخافش ...
كلست فالكرسي جابوه ليا حسيت راسي كي الاميرة وسطهم ها لي يجيب ليا عصير ها لي يجيب ليا حلوى كل وهو ...
يوسف:انا خدام هنا من فاش كان فعمري 18 سنة
انا:امم ودبا شحال فعمرك
يوسف:28 سنة
انا(تصدمت ويلي كيبان صغير )مزيااان انا قربت نطلع ل 23 سنة نشاء الله
يوسف:مزيااان امدام
انا:قول ليا واش شهم معندوش العائلة
يوسف:لا معندوش ....من نهار خدمت هنا وعمري شفت عائلتو جااات
انا:اممم والاصدقاء
يوسف كاين مراد ...
انا:امم‘ مزيان
جات وحدة قالت ليا فيين بغيت تحط الغداء مي قرارت نتغداء معهم اليوم ...تصدمااات مي بغيت نجيب بزااف ديال الاخبار على هذا الشخص الغامض اكيد ماشي بين ليلة ونهار غادي اقول ليا ...لذالك بقيت كل نهار كنهبط عندهم ونضحك فاي صباااح كنفطر معهم ونتغداء شهم مكنشوفوش بزااف قليل فاش كنشوف مي كان كيتجنبني بزاف فكل مرة كنحول نلبس شي حاجة او نعمل حاركة كيتجنبني وليت مصاحبة مع الخدااام ولينا نضحكو ...ويوسف رجع صديق ديالو ....
اليوم صباااح ديال الشتاء الله على الجو كان شهم ناعس وغارق اليوم الاحد كيباق ناعس .
..دخلت دوشت وتوضيت وضوء ديال ليغيكل وخرجت كنشف شعري بالفوطة ولابسة بينور تعمدت نخرج هكاااا ... حليت البالكون ادخل الضواء كلست فوق الكرسي مقابلة مع كوفوز دالمكياااج ..كنشف شعري
شهم:(تحت الغطاء )سدي داكشي
انا:الجو كيحمق ونتا ناعس
شهم:سدي غادي نوض ليك ...
انا:نوض نشوف ...
ناض وهو مغمض عينيه باغي اسد البالكون وانا نوقف ليه عند البالكون حل عينيه لقاني بينور دالدوش ...
انا:صباح الخير ...
شهم:(كيحك عينيه)اش هذا النشاط الزايد فيك
انا:والو غير الشتاء كتعجبني ...
شهم:(طلع فيا وهبط ودخل لحمام ...انا بدلت حويجي لبست عليا سروال مع جينز مع تريكو سخون فاللون الابيض ...قصير شعري طلقتو مع صبادرية فالابيض ...درت مكياج خفيف وعكر ثقيل ...وعطر جيت نخرج ...
شهم:فين غادة انفطرو بجوجو اليوم
انا:انمشي نفطر فالكوزينة
شهم:(كينشف شعرو)عيقتي كل نهار تماك انفطرو بجوجو قلت ليهم احطو الفطور ...على براى
انا:(تفكرت)بغيت نسولك (وانا غادة عندو كيتجنب اشوف فيا او نكون قريبا ليه)
او نكون قريبا ليه)نتا لي عطيتي ل ماما الفلوس ...
شهم:علاش هذا السؤال
انا:علاش مقلتيهاش ليا
شهم:ماشي ضروري اي حاجة نديرها نقولوها واصلان عائلتك عائلتي ...
(كان كيلبس وانا ساهية فيه مرة كيكون كي السمن مع العسل انا وياااه مكنكرهش نحيد عيني عليه ...بعض الاحيان كنكره تعامل ديالو القاسح مع الناس ...وكنبغي نهرب منو)
انا:شنو بااان ليك نكونو اصدقاء
شهم:(خنزر فيا)تكوني ختي لا
انا:(تزيرت)يه شنو فيها
شهم:مخاصنيش انا فالاصدقاء انا باغيك مراتي
انا:ويه مراتك وصديقتك فنفس الوقت
شهم:(عجبو الحال حيت عترفااات بيها قرب ليها وشد ليها وجها بيديه بجوج ...وهو الاول مرة كتشوف الابتسامة الجانبية ديالو لي خلاتها تغرق فيه بقااات حالة فمها عندو ابتسامة جانبية كتحمق مع حفرة الزين وحدة ) نكونو اصدقاء الالة على هذا الكلمة لي فلتي نكونو اصدقاء (باسني فجبهتي)الله الله ...
انا:(.بدون منقصد)كنعجبك ....
شهم:(حسيت بيه بحال تقرص بعد مني )نفطرو
خليتو على راحتو مبغيتش نبااان كنحكر عليه ...كلسنا نفطرو ف صمت كيف العادة ....تا قرارت انني نهضر وهذا المرة مغدياش اهرب مني
انا:واش بصاااح أحمد عمك
شهم:(كيشرب القهوة)اااه
انا:وعلاش كتعااامل معه هكاك مفهمتش نتا كتعرف عليا كلشي مي انا كنعرف فقط اسمك
شهم:اجي باش عرفتي انا عاطي لمك الفلوس
انا:من عند يوسف
شهم:(خنزر فياا بكل جدية)شكون هذا تاني
انا:لي مكلف بالشلاضة فالكوزينة شحال ضريف (وسوس ليا الشيطان هنا فين اتعرفي واش كيغااار عليك )ضريف لدرجة بزااف ولد الناس ومغربي ولد بلادي عندو 28 عام
شهم:(كيعيط عليه بصوت مرتفع تزنكت وتخلعت)يوسف يوسف ..
بان ليا مسكين كيجري ومخلوع اللون فوجهو مخطوف ....غير وقف علينا
دائماً كنت أرى الأمور تنقلب أمامي وكنت أختلق الأعذار لهم لأنني أردت أن أكون سعيداً حتى لو لحظات
غير واقف علينا والخلعة شادني وقفت وسطهم ...
انا:شهم ممكن نهضرو
شهم(حيدني من قدامو بيديه)كيفااش بلانك نتا ..مخدمينك هنا وقلنا كيحشم وضريف صدقتي تشد ليا الهضرة مع المدام ...اجي نقول ليك ...
كنت متأكدة غادي اعطيه العصا ...جيت قدامو وليت كنفكر ندير اي حاجة ...كلست وكنمثل دور شادني الدوخة ....
انا:ااح راسي
شهم:(مخلوع)مالك اهذا البنت ..
انا:(شفتو كالس بجنبي قلت ل يوسف امشي بعينيا غير شفت يوسف مشاء وانا نخرج عيني على شهم شهم )كيفاش كتفكر نتا بمجرد نقول ليك شي حاجة على شي حد تبغي ضربو ...
شهم:(صغر عينيه فيا)كتلعبي بيا
انا:شنو هدشي عندك كلشي بالضرب ... احمد لي هو عمك كتعامل معه خايب شنو كنتسنى انا من واحد بحالك كلشي عندو بالضرب
كانني مكنهضرش غادي جيهة الكوزينة ...وقفت مقابلة معه وليت كنقول اي كلمة ممكن تأتر فيه وعارفة بلي لي فراسو فراسو ...
انا:شهم الله اخلليك ليك ما عز عندك ما سمعني
شهم:(بمجرد قلت سميتو وقف كيشوف فيا )
انا:(خديت ايديه لي كانت مجموعة بعصبية تجرأت كان ايدي كترعد وقلبي اكتر لحضة حسيت الوقت توقف ....شديت ايديه الضخمة ...حليتها وهو بدورو ستسلم ليا ....حليتها وطبعت قبلة من الداخل ديالها كنحلف ليكم بلي هذا الحركة باضبط غير ارادية ... غير حطيت شفايفي على ايديه قلبي زاااد كيضرب بقوة اكتر ...شفت فيه كان مبنج ...)الله اخليك غير هذا المرة متقول ليه والو واعدني. ...(كنهضر بصوت كامل انوثة واثارة )..
شهم:(دوز لسانو على شفايفو نظف حلقو عدة مرااات وجر. ايدي شابكها مع ايديه )شنو فيك ابنت الناس مخليني تالف (تلفون كيصوني هزو) ليان .البعلوكة بيخير ...
نزعجت من قول اسمها او خفت بمعنى اخر جاء الوقت لي تبغي تجبدو ليها ...بعد عليا وكيهضر معها. وانا كالسة كنشرب عصير نزعجت من مكالمتها كمل معها وجاء كلس كيشرب قهوة ...
انا:(مقدرتش منقول تاكلمة )ايوة مغدياش تعود ليا على احمد
شهم:كنوعدك غادي ايجي النهار لي غادي نقول ليك فيه كلشي
انا:امم وخا يااك ما جاتك خدمة ضرورية ..(انا همي نعرف شنو قالت ليه ديك الكلبة)
شهم:لا هادي ليااان ديك البنت لي لقينا عند شهم
انا:اااه ديك البنت الزوينة
شهم:ااه هديك ..قالت بلي مجموعين فالدار مراد لي مي ماشي هادي وحدة كيقولو ليها دالجبل ...
انا:اممم مزيان (كنت متأكدة بلي هذا الخطة كامل من تاسيسها مي مغدياش نخليها تفرح ..وخا نعرف راسب غادي نمتل دور الموت ..دار الجبل قال )
شهم:الا بغيتي تمشي اجي معيا
انا:(بدون منفكر وخا دقيقة غادي نوفق )اه نيت مليت نمشي نبدل حويجي
شهم:ماكاين لاش جيتي هكاا زوينة لابسي عليك شي حاجة سخونة على هادو متمرضيش ...
انا:وخا ..
مشيت وانا كنتعوج فالمشية كنت عارفة نضاراات شهم عليا طلعت فالدروج وانا نزرب دخلت لغرفة او حاجة قاديت مكياج زدتو كتر وكترت من الريحة ...هزيت مونطو اسواد بصاح كاينة الشتاء خفيفة ...ولكن الجو بارد بزاف ...لبست عليا وشهم دخل هز مونطو وهبطنا ...ركبنا فسيارتو ...وهو لي صايك كانت الشتاء خيط من السماء الجو واعر من افضل الاجواء عندي الله ..كانت موسيقة فرنسية كتهضر كلها على الحب ..شفت فشهم وقلبي كيضرب بالجهد هذا الشخص لي وليت معجبة بيه او شي حاجة اكتر ...تنهدت وانا مطولة فيه الشوفة رد ليا البال ..
شهم:مالك يااك ما جاك البرد
انا:لا باقي موصلنا
شهم:طريق طويلة شوية غير نعسي ورتاحي ملي نوصلو انفيقك ...
بتسمت ليه من تعامل الضريف ديالو ...مي شي حاجة بغا نقولها كتأكلني فكرشي
انا:شنو كتجيك ليااان
شهم:هيا الاخت ديال زوجة مراد
انا:امم عارفة قالتها ليا مي حركتها وشوفتها ليك كتبين بلي معجبة بيك ...
شهم:ليان صغير رغم انك تشوفيها هكاك كنعرف الاب ديالها من زمااان وديما كنت كنحضر الاجتماعات فمنزل ديالهم كانت صغيرة شي.8 سنين ديك الساعة دبا ايكون فعمرها 18 او 17 ...رغم البنية ديالها
انا:صراحة زوينة
شهم:ممكن كتشبه الام ديالها
انا:(جاتني الغيرة )امم
من بعد الحديت القليل لي بينتنا ...غمضت عيني مي حلف النعاس لجاني بقا فيا الحال حيت صدق كيعرفها من صغرها وهضرتها صدقااات بصاااح ..دازت ساعة ونص دالطريق وصلنا واخيرااان كان منزل فخم بكل ما تحمل الكلمة من معنى كان فعلا فمكان جبالي وصدق ملي كيتسمى بإسم ...دار ديال الجبل ...كان المكان اكتر برودة الموت دالبرد والشتاء مجهدة ..كان المنزل الوحيد المتوجد فديك البلاصة ..كانو جبال عالية ...هبطنا وحنى كنجريو مع الشتاء دخلنا لداخل دالدار كانت حديقة وبابا ديال الزاج حلو شهم ودخلنا انا كنترعد بالبرد لدرجة سناني كيتسمعو ...كان المنزل فغاية الجمالية لقينا الكل مجموع امام مكان فيه الخشب والعافية شاعلة كان المنزل دافئ نوعا ما دخلت سلمت على الكل وقربت من ديك العافية نسخن ايدي لي مجمدة ..كان الكل مغطي وكيضحك جو رائع جرتني جرتني كريست بجنبها وغطاتني بالغطاء هيا ضريفة بزاف عكس ختها ..
كريس:ملبساش مزيان باينة ممولفاش على هذا البرد
انا :بزاف هدشي على البرد هه
كريس:عطيني ايديك (عطيتها ايدي ودخلتها فجيبها السخون شحال ضريفة حبيتها ...وبقينا كنضحكو...
مراد:وليتو صحابااات دغيا ...
انا:مراتك ضريفة بزاف سعدتك بيها
كريست:وسعدت شهم بيك
انا:(هبط عيني بخجل )شكر ...
ليان:(كانت هذا المرة بكسوة وصلة الركلة سخونة مع بانطوفة ...وقفات غبرات شوية وجااات جابت معها قهوة ...مدت ليا كاس ولشهم كاس ...جابت ليه غطا وتغطات هيا ويااه ...
كان المنضر رائع الكل كيهضر وانا عيني على الشتاء كيفاش كتهبط بشكل جميل ...شفت فشهم كان كيشوف فيا بتسم ليه ورجع ليا ابتسامة خفيفة دغيا جمعها ...
مراد:شوفو رها ماكينش الغداء اليوم لي بغا شي حاجة انوض اوجدها كلشي فالكوزينة هجوم (مشاء كيجري وكريست جرتني فيدي وبقااات ديك اللفعة مع شهم ...شوية تبعونا والكل شنو كيصوب انا بقيت كنشوف فيهم شهم كان كيصوب شلاضة بشكل خفيفة ومقطع الفوكه مع ياغورت ...وهز اللحم كيطيب فيه ...انا تلفت منعرف شنو ندير الكل كيطيب داكشي ديال المطاعم الفخمة ...حشمت نطيب ليه الرفيسة متلا ...من نيتي شنو نطيب ..نتبه ليا شهم
شهم:(جاي عندي )ماطيبتي والو
انا:معرفتش شنو نطيب
شهم:لي تشهيتي
انا:(بحزن)معرفتش
شهم:صافي اجي تأكلي معيا ..
ليان:(طيبات الدجاج بشكل اكتر من رائع)حبيبة مطيبتي والو ..هه ياك ما مكتعرفي طيبي ...