#assil
دوك النظرات لي شبهتها بالقرطاس حيت بصح خفت منها وحسيت بجسمي كيترعد ولكن مغديش نضعاف قدامو ولا نبين لخوف ديالي
بقا الصمت بيناتنا، وهو بنفس النظرات وانا باقي احساس الخوف كيقتلني حيت عمرني شفتو هكا قبل ،عاماين وانا هاربة منو ومن مواجهتو حيت كنت عارفة راسي غلطت غلطة كبيرة باش نهينو ونحرجو قدام الموظفين كاملين ماشي ساهلة ولكن كيستحق الزامل لاخر
ابتاسم عصام ابتسام خبث وكسر داك حاجز الصمت لي كان
عصام:أشنو اآنسة أسيل واش جيتي باش تبقاي ساكتة
منكدبش صوتو البارد والحاد زاد ركب فيا الرعب،تنفست من أعماقي وانا نجمع شجاعة باش ندوي حيت بصح مجيتش باش نبقا ساكتة
أسيل:نتا اش كيسحاب ليك راسك المسخ ، واش كظن غتقدر تلوي دراعي ببابا وغادي تنتقم مني
شاف فيا لمدة وولا حيد يدو من جيابو واشف فييا ووجهو خالي من التعابير ونطق وهوا عاض على سنانو
عصام:لسانك سليط بقاي توزني كلامك قبل منقطعو ليك؟ كنقولك ان هاد لسان هوا اسباب مشاكلك كلها
أسيل:ولا كان سليط، وغادي يبقى هاكة خاصة مع ناس لي فحالك، شنو بغيتي مني وعلاش كدور بيا وعائلتي؟
شفتو جاي مقرب لجهتي حيت اصلا كنا بعاد وكل واحد كيلوح كلمة من جيهة، منكذبش باقي بنفس الهبة كي خليتو فيها ويمكن نقولو اكتر القرب ديالو كيخلي الما يبرد ليك فركابي ولكن مغديش نخليه يشعر بخوفي، كنعتارف نظراتو تبدلات ماشي تبدلات يمكن نقولو عليها زادت حدة وولات داكنة اكتر، دوز يديه على شعرو هادي عادة متبدلاتش كيف خليتها فيه كيف باقا، معرفتش علاش كديرها واش كنوع من الإغراء ولا تعبير على الغضب، قاطع تفكيري صوتو
عصام:انا مجبرتش باك باش يسرقني.. لي بغيتو هوا نرد اعتبار ديالي منك، نتي هنتيني ودزتي على كرامتي ونتي كتشوفي فعيني، جرحتيني وجرحتي مشاعر الحب ديالي ليك.. كون قريتي البطاقة داك نهار كون عرفتي بلي هدفي نبيل ولكن الغرور ديالك عماك
أسيل:انا بطاقة
عصام:مبقاتش كتهم دبا ،المهم دبا واش غتقبلي تزوجي بيا ولا... '' هنا عصام تفكر بلي هدد باها بالقتل ودبا لاقال ليها انقتل باك تقدر تكرهو وعمرها تبغيه وخا غي تزوجها بزز'' قاطعاتو أسيل من تفكيرو
أسيل:كمل ولا اشنو
عصام بعد تفكير
عصام:ولا غنلوح باك يتمرمد فالحبس...
قاطعاتو ضحكت أسيل وهوا علامات الدهشة مفرقاتوش ولكن بقا بنفس النظرة الباردة ومني سالات الضحك
أسيل:ههه و زوينة هادي، واش تسحابني غيبقا فيا بابا ونترجاك مدخلوش لحبس، أنا بغيتو يدخل ويتعفن فيه حيت هداك حرام فيه كلمة بابا، كنفضل دخل معاه شي حد لحبس يبقا كل نهار يضربو كيف كان كيضرب ماما، وسمع اداك ل... مغنتزوجش بيك وخا نبقاو غير انا وياك، دي بابا الحبس انا ادعمك لك كل التوفيق
وقبل ميجاوبني درت خارجة فحالي كيف حال آخر مرة، وكي حطيت يدي على بواني دلباب حتا سمعت كلمة كالصاعقة
عصام:إلى دخل لحبس غدخل معاه حتا ماماك
اش كيقصد هدا عاوتاني
أسيل:ومال ماما اش دخلها فهاد شي
عصام:حيت ماماك كانت عارفة كلشي وسكتات
أسيل:كذاب، ههه اكيد كتكذب عليا ميمكنش نتيق واحد وحش ومسخ فحالك
عصام بعصبية:گلت ليك هاد لسان عندك راه سليط وهو لي ايخرج عليك
زاد خطوة بخطوة لعندها حتا قرب منها وجرها لعندو وخشا يديه فالخسر ديالها حتا صدرات أسيل انين من كترت مقصحها، وحاولات أسيل تبعد منو ولكن مقدراتش بسبب الحجم ديالو حيت كان مزير عليها بزاف
أسيل بغضب:اش كدير طلق مني متقيسنيش، بعد يديك المسخين عليا
من بعد منطقت بهاد الكلام زاد زير عليا حتا حسيت بضلوعي غيتهرسو وتبدلات نظراتو ليا
عصام وهو ضاغط على سنانو :مغنبقاش نعاود نفس لهضرة، وكنقسم ليك هاد لسان سليط لي عندك غنروضو بهاد شنايف لي عندي، وغدي نمصو امتصاص
اويلي اش تيگول هدا واش حمق ولا جهل، واش بصح نطق بهاد الهضرة
أسيل:طلق مني اشريف، بعد مني اهاد المس..
ويالاه غنطق ونعاير حتا حسيت بصباعو تغرسات اكتر فخسري وتراجعت ليصدق فارعني
عصام كي شافها تقصحات طلقها وبعد من حداها وقال
عصام:بغيتي تعرفي شنو بغيت منك ياك؟ ساهلة، عاماين وانا كنعاني بسبابك، بسباب تعلقي بيك الدائم، بسبات حبي لي عطيتك ومستحقيتيهش ومسمحتيس لراسك تعطيني فرصة باش نبرهن ليك... ولكن ليوم مبقيتش باغي فرصة بغيت فعل
أسيل:شنو كتعني؟
أسيل بدات كتخاف منو ومن هضرتو وألغاز
أسيل:عصام ،سمعني ممكن نهضرو بالعقل، أنا راه مخطوبة وكنبغي خطيبي بزاف وقريب غنتزوجو،وسمعني مزيان انا راه مغديش نسمح لتهديدك باش يدمر ليا حياتي وتبرد نتا من جيهت انتقامك ليا، واش فهمتي ابنادم
عصام:صافي كيف بغيتي، غا متنايس من غدا بداي توجدي لقفة لعائلتك وتهلاي ليا فماماك بالخصوص
مقدراتش أسيل تصبر ليه ولهضرتو، كلشي الا الأم ديالها حسات بالكره والحقد من جيهتو وهاد شي خلاها ترفع يديها عليه باش تصرفقو ولكن عصام انتابه ليها وكان خفيف
عصام:وياك تفكري ديريها مرة أخرى، كنقسمليك غنحوي*** مك هنا حتا غواتك يوصل لداك الزامل دخطيبك
حلات أسيل عينيها ومقدراتش تصدق كيفاش هدا كينطق بهاد الكلام واش مكيحشمش، كيفاش كيتجرأ يدوي معايا هكا
أسيل:نتا وحش، مسخ كنكرهك
ابتسم عصام ليها باش يزيد يفقصها ولكن هيا مبغاتش تبين ضعفها ليه ولا حتا دمعة باش ميحسش بيها مقهورة وضعيفة
عصام:كنعتارف اه انا منحرف ومهووس... مهووس بيك بحبك لي كيلخيني نمارس الجنس وانا كنعيط بسميتك، ولكن مبقاش بزاف بعد زواج غنبقا نحو**حتا متبقايش قادة تنوضي من الالم الغزالة
أسيل:صاف سككككككت مبقيتش باغا نسمع منك شي حاجة
#assil
بقا جاي لجيهتي وهوا عينيه كلهم رغبة وشهوة وهادشي لي زاد خلعني بقيت راجعة بلور حتا تضرب ضهري بالباب بقا جاي بشوية حتا وصل لعندي وتبت يدو على لباب حاولت نهرب من جيهة لخرة ولكن حاسرني منها تا هيا مبقا عندي فين نهرب، اييه هادشي لي كان ناقصني غا نولي بين يدين واحد وحش فعقلو غا الجنس وجالس كيتوعد ليا
عصام:اه غنديرها كل نهار وكل وقت حتا غنسيك فكلشي، ومغتبقا تفكري الا فالألم ديال الجسم ديالك ليغنردو ليك كللو طبايع زرقين وحمرين ونتبت عليه الملكية ديالي فكل انش منك
واش بصح هادا كيدوي، اويلي اش هاد شي لي انا فيه اش من ذنب درتو اربي، معرفتش كفاش جاتني الجرأة حتا دفلت على وجهو وجمعت كل القوة ودفعتو
أسيل:انتا راك مريض
مسح وجهو بيدو ليسرى، كنت كنظن منو ايغضب وغيضربني ولا ايغوت ولكن فاجئني بكلامو
عصام:عنادك كيعجبني، وكيزيد يشهيني فيك
شوفاتو ليا زادت رغبة وشهوة وهاد شي لي زاد خلعني منو
عصام:واش خفتي هه متخافيش مغديش نقيسك هنا، حيت منبغيش يسمع صوتك شي حد من الشركة ونولي نجري تاني على كلشي
امم عاد فهمت علاش بدل الموظفين كلهم
أسيل:مغديش نعطيك نشوة الانتصار، وفأحلامك غتزوجني وتقيسني
درت نخرج باش ميزيدش معايا بنفس الهضرة وداك لكلام الشهواني ولكن سمعتو كيقول
عصام:غدا نسمع منك الجواب مع 5 امدام المنصوري
كيف سمعت هاد لكلام زدحت لباب ديال لمكتب وبقيت غادا كنجري وانا كلي محطمة وخايفة فنفس لوقت، حطيت يدي على قلبي كنلقاه غيخرج من بلاصتو اول مرة نحس بهزيمة فحال هكا داخت بيا دنيا
#issam
كانت قريبة ليا بزاف، احح ريحتها كتجنني وكتزيدني شهوة فيها، كنت قريب غنبوسها ونجر شفيفها بلساني، اععع ولكن العناد ديالها مغيخرجها فين، قريب قريب غتولي فملكي... شحال متشوق نشوفها مرة أخرى ولكن لمرة الجاية غتكن ديالي وفسميتي
#assil
خرجت من ديك الشركة الملعونة وانا بزز رجليا باش هزيني حسيت بالدوخة طحت على ركابي وحطيت يدي على وجهي وبديت كنبكي بكترة الضعف لي حسيت بيه،مفيقني الا صوت حراس داك لكلب باش يهزوني ولكن جريت عليهم مبغيتش شي حد يقيصني... سمعت تلفون كيصوني اكيد شكون من غيرو حاتم، اش غنقوليه دبا اووف مبغيتش نجاوبو وقفت وانا كنواسي راسي بهاد لكلام
أسيل:ميمكنش ليه يهزمني ، اكيد كاين شي حل
شديت طاكسي وانا متوجهة للدار وطريق كاملة كندعي باش يكون كلام داك الوحش كدوب... دخلت لدار لقيت ماما كتبكي مشيت لجيهتا وجلست على ركابي وحطيت يدي ركابيها
أسيل:ماما عفاك قوليلي بللي مكنتيش عارفة أمر السرقة ديال بابا
ولكن مني بقات ساكتة عرفت بللي كلام داك الوحش حقيقة، وقفت وانا فاقدة الأمل و مصدومة من سكاتها
أسيل:ولكن كف كفا ش قدرتي تسكتي علاش اماما علاش
قربات لالة زهدة لعند أسيل وشداتها من كتفها وهيا كتبكي نتراتها أسيل وبعدات منها
لالة زهرة وهيا كتبكي:اه هئ هئ كنت عارفة، وكنت ناوية نمشي نعتارف لسي عصام بالحقيقة، ولكن داك نهار كنت دخلت لطبيب مني باباك ضربني بزاف واش عقلتي؟
أسيل:لا منسيتش منسيتش ،ولكن كفاش مقدرتش تمشي تقوليها لو من بعد علاش سكتي؟ مقدرتش نصدق دبا حتا نتي شريكتو فهاد السرقة... عطيتوه مجال باش يخنقني بتهديدو و يتزوجني بزز مني حيت مهووس بيا، كفاش غنقول لحاتم هادشي كفاش... كفاش غنمشي لهاد لجحيم برجلي كفاش هئ هئ هئ هئ حياتي غدمر
عنقاتها لالة زهرة وبقاو كيبكيو بزوج
لالة زهرة:لا ابنتي لا مغنسمحش ليك دمري حياتك بسبابنا، متخافيش غدا غنمشي برجلي انا وباباك وغنسلمو راسنا،، غادي نقدك من يدين داك لوحش متخافيش
بست يديها وهزيت راسي بنفي
أسيل:لا اماما لا وخا تسلمي راسك، راه مغديش يبرد وغيقلب على شي حاجة أخرى باش يوصل ليا، شفت داكشي فعينيه هوا تا حد ميقدر عليه عندو بزاف د المعارف و النفوذ
طلقت لماما من يديها ومشيت لبيتي وتلاحيت فوق سرير وانا كنفكر اش غندير فهاد الوحلة، اول مرة كنحس بيدي مربوطين هكا اول مرة كنحس بهاد الضعف، ونسيت حتا نتواصل بحاتم لي غيكون دبا عقلو غيطير ومتشوش عليا، جا الصباح الا وكنلقا راسي فالشركة ديالو وانا فقمة الإنهيار... حيت كلامو لبارح لوا دراعي وخلاني نخضع ليه
دخلت المكتب ديالو من بعد مدزت على السكرتيرة ومدواتش معايا استغربت امكن يكون دوا معاه
كيف دخلت لقيتووفقمة التركيز على الحاسوب ديالو، جمعت الشجاعة ديالي ونطقت
أسيل :انا قابلة نتزوج بيك اسي المنصوري
#flashback
وبين ما انا جالسة كنفكر كفاش انهرب من داك الوحش وكنبكي فنفس الوقت سمعت صداع من برا نضت كنحري حتا كنلقا بابا كيضرب ماما بكل قصوة ويعايرها بجميع اللغات، جريتو عليها كانت ريحتو خانزة بالشراب باينة عليه شرب بزاف حتا فقد السيطرة، شفت فماما لي لقيتها كلها دم من جيهت فمها وعينيه زرقة وكتبكي بهستيرية
أسيل :علاش كضربها، بعد منها متقيسها السكايري
شاف فيا بقصوة وهوا كللو كيتمايل حتا قرب يطيح بكترت مشرب
سي ادريس:هاد مك ،بغات غدا تمشي تعتارف بكلشي بغات تقتلنا
درت عند ماما لي لقيتها باقا كتبكي
أسيل:واش بصح اماما، واش مدويتش معاك.. راني قلت ليك انحل كلشي، و مغديش نخلي داك الوحش يقرب ليكم
سي ادريس:زهرة سمعيني، كنقسم ليك بالله وتهورتي ومشيتي درتي شي حاجة من راسك، غنقتلك بيدي فهمتي؟ ونتي أسيل إلى مشيتي حتا رفضتي زواج من سي عصام غنشعل العافية فهاد دار كاملة ونقتلنا كاملين، مغديش نخليك تعيشي حياتك على على حسابي انا ومك
دارت عندو أسيل وشوفاتها ليه كلهم قرف
أسيل:كل نهار كنزيد نكرهك اكتر، حشومة فحقك كلمة اب ولا حتا راجل، انت انسان مقرف، كل نهار كنزيد نكرهك ونكره راسي حيت كنهز دمك واسمك...
قاطعها شي ادريس
سي ادريس:سكتتييي... براك من لهضرة الخاوية و الدراما وسمعني مزيان اش غنقولك... غدا غتمشي لعندي سي عصام وتقبلي تزوجي بيه ومك غتبقا تحت رحمتي حتا تجي
أسيل:شنو كتعني؟
شفت فيه ولقيتو كيضحك ديك الضحكة الصفراء المقززة وشد ماما من شعرها ودخلها لبيت ودار عندي وقال
سي إدريس: إلى مقبلتيش غنبقا نضرب ماماك حتا غنقتها ونقتلك معاها
مشات أسيل جيهت لبيت باش تفك ماماها ولكن ادريس كان سريع وسد لباب قبل متوصل... بقات أسيل كضرب فلباب وتبكي ولكن مغيجاوبهاش ولا غيحل عليها ماشي أول مرة يديرها عارفة باباها اناني ويقدر ينفد تهديداتو إلى مطاعتش لكلامو
رجعات أسيل لبيتها كتبكي حتا داها نعاس فاقت فصباح لبسات وخرجات متوجهة للشركة
#endflashback
عصام وهو باقي عينيه فالحاسوب ديالو
عصام:فقاش غتعلمي دقي لباب قبل مدخلي، هدي راه شركة وهذا مكتبي وعندي قوانين
بقيت ساكتة و مصدومة من طريقة كلامو غا لبارح كفاش كان كيدوي معايا وليوم زادت هضرتو برودة، معرفتش باش نجاوبو حسيت بلساني مربوط، عارفة بللي هوا راجل عملي ولكن ماشي لدرجة يتجاهل وجودي فحالي انا مكيناش وميهزش حتا راسو باش يشوف فيا
عصام:شنو واش بلعتي لسانك، سربي دوي راه عندي عمل
تجاهل ديالو زاد عصبتي وكرهني فيه لدرجة مكرهتش نمشي ونرمي داك لحاسوب ونخنقو بيدي حتا يشهق آخر شهقة فيدي
أسيل بغضب:انا قبلت الشرط ديالك،قبل...قبلت نتزوج بيك
هز عينيه من لحاسوب وشاف فيا ونظراتو خالية من التعابير، كنت كنظن غنشوف الفرحة فوجهو ولكن مشفت غا البرودة وللي زاد اكدلي كلامو
عصام:وخا قولي لسي ادريس يوجد، غدا غنجي نطلب يديك من عندو رسميا، ونبداو فتحاضير العرس
أسيل:ولكن انا...
عصام:بسلامة آنسة أسيل غدا نشوفك فداركم مع الخمسة
تفو على حيوان مخلانيش حتا نكمل كلامي، كون غا جرى عليا حسن هاد شي لي بقالو، واش هذا عندو انفصام الشخصية ولا مالو، تفو على بنادم كنكرهو
خرجات أسيل من الشركة وهي كلها ضعف، و توجهات لملجئها الوحيد صاحبتها خديجة دقات لباب وكيف حلات ليها حتا تلاحت عليها بتعنيقة بقات كتبكي عليها دخلتها خديجة لبيت وعنقاتها وبكات معاها حيت اول مرة تشوفها فهاد الحالة وهاد الإنهيار
خديجة:أسيل مالك اختي عاودي ليا أشنو واقع
عودات أسيل كلشي لصاحبتها وكفاش هددها وبغا يدمر ليها حياتها
خديجة:باينة عليه اختي واعر بزاف، وكنظن بلي ماعندك تا حل والجسد ديالك هوا لي...
قاطعاتها أسيل
أسيل:اهاه بصح عندك الحق،شكرا بزاف على هضرتك الإيجابية
خديجة:أسيل مديريش هكا،أنا غا كنفكر فيك... حيت راه غتزوجي بيه وتعطيه حقوقو الزوجية كلها
حليت عيني من هضرة خديجة لي زادت صدماتني، بصح گاعما فكرت فهاذي
أسيل:على الجثة ديالي غيقيسني داك المتوحش
حسيت براسي زدت تعصبت ونضت بغيت نخرج فحالي حتا شداتني خديجة من يدي
خديجة:مبغيتش نعصبك اصحبتي والله... ولكن قولي ليا اش غديري مع حاتم
أسيل:معرفتش
خرجت من عند خديجة متوجهة لدار، وصلت وكي دخلت لقيت بابا فقمة السعادة، وعلاش ميكونش فرحان حيت غيخرج راسو منها ويلوحني انا فحبس داك المتوحش '' أسيل كانت صونات على مها وقالت ليها بلي عصام غيجي فعشية يخطبها''، دخلات أسيل لبيت كتوجد راسها لعشية، لبسات واحد لبيجامة لي فيها غا سمية مدايرة كي جفاف جمعات شعرها لفوق على شكل كعكة وهبطات زغيبات لقدام فحالي منتوفة ،مدارت والو على وجها خلاتو هكك، بقات گالسة حتا وصلات لخمسة، سمعات باها كيرحب بضياف
أسيل:شحال منتظم فوقتو
#issam
مني وصلت لداك الحي لفقير حسيت بشي حاجة نغزاتني فقلبي، درت شفت فصاحبي علي وامينة لي جاو معايا '' أمينة هي مربية عصام من صغرو وكعتابرها مو وكتعرف عليه كلشي من صغيرة لكبيرة''، دقيت لباب حتا كيبان ليا داك القمار ديال باها كيرحب بينا وانا عارفو غير كيجاملني باش منقتلوش بيدي مد ليا يدو باش نسلم عليه ولكن معطيتوش اهتمام وخليتو هكك دخلت حتا كتبان ليا الأم ديال أسيل مدات يدها تسلم عليا رديت ليها سلام وانا كنبتاسم ليها و مبغيتش نبقا نشوف فالجروح لي فوجها باش منحرجهاش، دخلنا بعدها لصالون جلسنا فيه وبقيت كنعرفهم على علي وامينة وعليا حتا انا، وأنا كنهضر حتا كتخرج أسيل صراحة مقدرتش نتمالك ضحكتي كانت كتبان فحالي شي وحدة خدامة كانت كتجفف وماشي وحدة غتزوج ، سلامات علينا من بعيد، حتا قربات منها ماماها ودخلاتها لكوزينة
درت لعند أمينة لقيتها كتشوف فيا
أمينة:واش هادي هي لي كتحلم بيها عامين، واش هادي هيا لي خطفات عقلك وقلبك؟ واش كضحك عليا؟
عصام:ههه لا أسيل زوينة فجميع حالتها، ولكن كنظن بلي مراضياش على هاد زواج عليها كتصرف هكا
أسيل:اووف ماما مالكي؟
لالة زهرة:اش هاد شي لابسة قدام ناس؟ واش ملقيتي متلبسي
أسيل:بغيتو يكره راسو على قرارو
لالة زهرة:سمعي ابنتي هاد الراجل باينة فيه قاسح بزاف، وشخصيتو جبارة، وزيدي عليها وسيم بزاف، كنصحك ابنتي متحدايهش
أسيل:شنو غيدير ها؟ واش غي ضربني كيف كان كيدير معاك بابا، لا اماما سمحيلي انا ماشي ضعيفة فحالك
لالة زهرة:اووف منك ابنتي راسك شحال قاصح، يالاه وجدي لقهوة وتبعيني
ابتاسمآت أسيل بخبت تم وجدات القهوة وخرجات عندهم...
عطيت لامينة هيا الأولى القهوة لي كانت كتشوف فيا بعينين حادين ثم عطيتها لعلي لي بتاسم ليا بعدا باقي كيف كان جنتلمان ماشي فحال هاد الوحش، تم آخر كأس عطيتو لعصام حنيت وقربت لعندو باش نعطيه لكأس، ناري شوفاتو كتقتلني بالخلعة ،خدا الفنجان وبعدت من حداه وانا حاضياه، وغير شرب جغمة لولة منو حتا لون وجهو ولا حمر وبدا يكحب حتا كان ايتخنق مشات لعندو أمينة كتجري وماما موراها كيطمنو عليه ويضربو ليه على ظهرو ويشربوه لما وانا كنشوفو من بعيد وكنضحك، حتا حبس من الكحيب وهز عينيه وشاف فيا بغضب حتا ركب فيا الرعب
عصام:صاف رجعو بلايصكم مكين والو، غا لالة أسيل امكن نسات سكر وحطات بلاصتو الحار
شوفاتو ركبات فيا بوتفتاف ومشيت كنجري لبيتي، حتا كنسمع ماما وبابا كيودعوهم. دخل بابا لعندي وجرني من شعري
سي ادريس:شنو درتي ها؟ كنتي غتقتلي السيد... سمعيني اتفقنا باش العرس غيكون غدا وكلشي غيتكلف بيه،وغيرجعي لخدمة ديالي وواعدتو باش منقيسش ماماك مرة أخرى ومنرجعش للقمر
حسيت بالنفس ديالي ضاقت
أسيل:بهاذ السرعة؟ ولكن غدا ميمكنش، غدا تخرجي
سي إدريس:لا مغديش تمشي تخرجي، خديجة غتجيب ليك شهادتك
أسيل:وحاتم؟
سي إدريس:متخافيش، حليت الأمر معاه، صباح اتصلت بيه وقتلو كلشي
أسيل:شنو، ولكن شنو قلتيلو
سي إدريس:قتلو بلي غتزوجي من عصام، وبلي معندوش بلاصة فهاد الدار
أسيل بنظرات حزن
أسيل:هئ هئ لا لا علاش تصرفاتي هكا هئ هئ، أنا كنت غنشرح ليه كلشي
خرج سي إدريس من عند أسيل لي خلاها مصدومة، مشات كتقلب على تلفونها حتا رونات لبيت كامل عاد لقاتو... حلاتو حتا كتشوف مئات من الاتصالات والرسائل، دوزت لخط لحاتم ولكن مجاوبهاش بقات هكك شحال حتا فقدات الأمل...حتا شوية كتسمع تلفون كيصوني فرحات ظناتو حاتم ولكن لقاتها صحبتها خديجة
خديجة:كيف بقيتي؟
أسيل:كون غير مت وموقاعش ليا هكا كرهت حياتي
خديجة:غدا واش مغنحضرش لعرسك؟
أسيل:هذا سميتو بجنازة ماشي عرس اختي، لا مغديش يحضر فيها شي واحد، ذاك الوحش مكيبغيش كترت التباهي والصداع، بغا عرس بسيط
خديجة:يعني غا عائلتك وعائلتو
أسيل:اينا عائلة كدوي عليها؟ جا خطبني غا هوا و صاحبو والمربية ديالو ،باينة فيه معندوش عائلة، غا من لحرام ،شكون لي غادي يقبل بيه ولدو تلقاي عائلتو كرهاتو ولاحتو
خديجة:سكتي أسيل متقوليش هكا.. قولي ليا شنو درتي مع حاتم
أسيل:مجاوبنيش صونيت ليه بزاف ولكن لا رد، بابا هضر معاه وقالو كلشي ولكن معرفتش اش قالو بالضبط، سمعيني اخديجة بغيتك غدا تهضري معاه و تقوليلو كلشي عفاك... قوليلو راني كنبغيه بزاف ومغنساهش قوليلو بلي يجي ينقدني راني غنبقا نتسناه
طاحت أسيل لأرض مبقاش قادة تزيد تكمل تهضر طفات تلفون عيات بزاف وحسات بالهزيمة وبقات كتبكي لليل كامل حتا لصباح، ناضت وقفات دخلات لحمام قدات حاجتها وخرجات حتا كيبان ليها واحد الصندوق كبير، حلاتو ولقات كسوة بيضة طويلة ولكن بسيطة ومرصعة كلها بالالماس، مكرهتش أسيل تشدها تقطعها ولكن مهما حاولت مغيتبدل والو، وصل مصففة الشعر ووحدة مكلفة بالمكياج دخلو وجدوني حتا وليت عروسة تليق بداك الوحش، وقفت ومشيت جيهت المرايا كنشوف فراسي
أسيل:ااااه كنت هكا غنكون فعرسي مع حاتم
غمضات أسيل عينيها ومقدراتش تحبس دموع لي كيهبطو بهستيرية قربات ليها ماماها وعنقاتها
لالة زهرة:صاف ابنتي سكتي هذا راه نهار فرحتك، حاولي تكوني فرحانة الله يرضى عليك
عنقاتها أسيل وزيرات عليها ومن بعد هزات داك لبوكي دالورد لحمر وخرجات متوجهين لصالة العرس دخلات ليها وكانو ناس قلال غا العائلة... هزات عينيها فعصام لقاتو كيشوف فيها وكيباتسم باينة فيه عجباتو حيت جات زوينة بزاف عكس البارح
قربات لجيهتو وجلسات حداه قرب لعنقها وقال
عصام:جيتي زوينة الغزالة
بعدات أسيل منو واشمأزاتو، بقات كدور فعينيها حتا جبد عصام داك العقد من جيبو ولبسو ليها فعنقها
عصام:شششش... لكنتي كتسولي علاش باقي عندي، حيت حلفت بلي نهار غنلبسو ليك غتكوني ديالي
ابتسم عصام بخبث وحيد عينيه من عينيها، بعد مسالا لعرس توجهت جيهت السيارة ديالو وانا كنودع ماما قتلي
لالة زهرة:كوني مطيعة ليه ومتعاكسيش معاه ابنتي،كلشي غيدوز هوا هذاك... مني تساليو طمنيني عليك الله يرضي عليك ويسهل الأمور ليكم
أسيل وهي متوجهة للسيارة:اويلي اش كتقصد ماما علاياش غنطمنها
بدا قلب أسيل كيضرب بجهد من بعد مطلعات معاه، اما عصام كان فرحان وهو كيسلم على علي وعلى ماماها وهو كيضحك معاها ويعنقها
أسيل:شفت هذا كينعق فماما فقاش ولات علاقتهم هكا، راه ماما هديك ماشي ماماه، اااع شحال تمنيت نخرج ونمشي كنجري عند حاتم ونقولو انا مرتك نتا وماشي مرت هاد الوحش
جلس حدايا ودور السيارة وبقا غادي والصمت سيد المكان مشينا لمدة ساعة تقريبا حتا قطعت الصمت وسولتو
أسيل:فين غادي نمشيو
دار عندي وهو كيشوف فيا بسعادة
عصام:غنمشيو الاوتيل دبا نقضيو فيه هاد الليلة، وغدا غنسافرو لشهر العسل ديالنا
أسيل مع راسها:اويلي واش كيضحك هذا، واش منيتو متيق بلي هاد زواج حقيقي هههه قالك شهر عسل
بقات أسيل هكك كتفكر وكتفرك يديها دليل على توترها
مني وصلو كانت الساعة 8 دخلو لغرفة وكانت كبيرة و باينة عليها فاخرة...كاينة بزاف دالشمع والورد على السرير وجنبها كاين كؤوس الخمر والشمبانيا
أسيل كانت خايفة ومتوترة فنفس الوقت ولكن مبغاتش تبين ليه
عصام:واش فيك الجوع، بغيتيني نوجد ليك...
قاطعاتو أسيل
أسيل:لا مبغيتش والو منك بغيت غا نعس
شاف فيا ببرود تم وانفاجر بالضحك
عصام بسخرية:ههه شنو تنعسي واش مقالتش ليك ماماك شنو خاصك ديري نهار عرسك
شافت أسيل فيه بغضب بينما هوا كان كب ليه كأس من المشروب لي شربو دقة وحدة
أسيل:ماشي ضروري تقولي اش ندير، ولكن داكشي كيوقاع بين جوج عاشقين ماشي بواحد مهووس بوحدة كتكرهو كره الكلاب للقطط
عصام:رجعنا لهاد لسان السليط عندك،مكهمنيش واش كتكرهيني ولا لا... غادي تعودي عليا وتولي تبغيني فحالي كنبغيك
أسيل:في أحلامك، اصلا انا كنبغي غير خطيبي وغادي يجي يخلصني منك ومن جحيمك
شاف فيها عصام وعقد حواجبو
عصام:مبغيتش شي حاجة لي تخسر ليا هاد لفرحة، يالاه سربي حيدي حوايجك
حلات أسيل عينيها بصدمة على كلامو
أسيل مع راسها:اويلي اش كيقول هذا، ليوم غيفرعني
دار عندها عصام بنفس البرودة
عصام:مالك؟ واش بغيتيني نحوي* بهاد الكسوة الطويلة ولا شنو يالاه حيديها... ولا شنو بغيتيني انا لي نحيدها ليك
توجه عصام لجيهتها وكيف شافتو بدا يقرب وهيا تغوت
أسيل:وياك تقرب ليا وياك تقيسني
عصام:شنو تزوجتك باش نحطك تمثال ونبقا نشوف فيك
أسيل:لا ميمكنش ليك تقيسني ولا تلمسني نتا فهمتي
عصام حط يد على يد
عصام:لا مفهمتش فهميني
بقا عصام غادي لجيهت أسيل وعينيه كلهم شهوة ورغبة دوز لسانو على شفايفو حتا بللهم
أسيل مع راسها:اش غندير اسيدي ربي، إلى قاسني مغيرحمنيش
عصام:واش عرفتي شحال وانا كنتسنا هاد اللحظة؟ شحال من مرة تخيلتك فوق فراشي وتحت جسدي؟واش عرفتي شحال من مرة مارست الجنس مع القح** وانا كتغوت بسميتك؟ واش عرفتي شحال وانا كنتسنى باش نذوق من شفايفك
دوز عصام عاوتاني لسانو على شفايفو من كترت الشهوة وهاد شي لي زاد خلع أسيل وخلاها ترعد
أسيل:سكت هئ هئ سكت مبغيت نسمع منك والو، و مبغيتش نسمع منك التفكير الجنسي لي مخبيه من جيهتي
عصام:مغديش يبقا تفكير غيولي حقيقة ليومة غتولي فملكي وغنشرگ ليك غشاء العذرية ذيالك باش نرجع منك مراتي ليا بوحدي
أسيل:ههه؟ كظني باقا عذراء؟
هنا تبدلات ملامح عصام
عصام:كفاش ؟واش كتلبعي معايا
أسيل مع راسها:اعع اش كندير دبا كنلعب بحياتي ولكن كنظن هدا الحل الوحيد باش ميقيسنيش
شد عصام يد أسيل وهو مزير عليها حتا قسحها، عقد حواجبو لي ولاو مقاطعين كيف السيف، وخلا أسيل تزيد تخاف منو
عصام بغضب:دوي متبقايش ساكتة ،واش نتي ماشي عذراء
أسيل:ااااي طلقني كتقسحني... اه اه انا مبقيتش عذراء انا كنت لراجل آخر ونعست معاه شحال من مرة حتا وليت واسعة فهمتي؟
اويلي منين جاتني الجرأة نقول كلام فحال هكا، ولكن مجبورة معندي مندير، دبا يا ربحة ولا ذبحة يا غينفر مني ولا غيفرعني بكترت شهوتو، ضروري كان عليا نخاطر
عصام مني سمع كلامها طلق منها... غمض عينيه وزفر بقوة ودار تاني لجيهت أسيل وضرب يدو مع لحيط وغوت بقوة حتا نقزات أسيل من بلاصتها تم شاف فأسيل بكره
عصام:كنت كنظنك مختلفة ولكن صدقتي قحبة فحال جميع القحبات
حليت عيني فيه، ناري ليومة غيصفيها لزامل بويا ليومة ااسيل غتولي من عداد الموتى
عصام:ماماك واش عارفاك قحبة ادوي؟ باباك لي كيتباها بتربيتك عارفك بللي كنتي كتخرجي من دار باش تمشي تلبي شهواتك مع داك الزامل ديال خطيبك، واش عارفينك مستخدمة بزاف دالمرات؟ واش عارفييييييييييييين؟
أسيل:صاف سكت باراك من الغوات
جرها عصام من يديها وتم غادي مخرجها
أسيل:حبس راك كتقسحني اممم، فين غادي بيا
عصام:كتقسحني، بلاتي خليني نشوف ردة فعل ماماك مني غتعرف هاد شي
أسيل:هئ هئ لا عفاك لا ماما تقدر تموت بالقهرة إلى قلتيها ليها
عصام:دبا عاد كتفكري فيها، فين كان عقلك مني كنتي كتفتحي رجليك لذاك الزامل
حاولت نجر يدي منو ولكن كان قوي توجهنا لجيهت دروج وبقا غادي بيا كيجرني موراه عارفني لابسة الطالون وغنتقسح بزاف ولكن أصر باش يدوزني من جيهت دروج لي فيهم 20 طبقة
بقا عصام غادي بسرعة نظرا لجسمو الرياضي وأسيل موراه كيف شي ريشة طاح ليها صباط ودم سال ليها من رجليها على إثر الجروح، هبطو لتحت وكلشي كان حاضيهم كفاش هيا حافية و راجلها لي جارها بقوة وهوا معصب
خرجو من الاوتيل ودخلها لطومبيل طلع هوا ونطلق بسرعة كبيرة مهضرش معاها كان تركيزو كلو فالسوقان، قاطعات الصمت أسل وهي كتبكي
أسيل:هئ هئ كنترجاك متقول والو لماما عفاك
مجاوبهاش عصام وبقا غادي بصمت حتا توقف جنب البحر، نزل من السيارة ومشا قرب البحر كياخد نفس عميق عالله يبرد، هبطات أسيل موراه ومشات قرباتلو وحطات يدها على كتفو حتا نفر منها
عصام بغضب:وياك تحطي يدك عليا، أنا كنحس دبا من جيهت بالقرف، كنت كنظنك شي حاجة وكنت حاطك فمرتبة كبيرة، ولكن صدقتي فحالك فحال اي وحدة ساقطة... ههه خايفة على ماماك لتسمع لخبر، كنظن دبا خاصك تخافي غير مني أنا
أسيل مع راسها:شنو باقي باغي مني هدا مزال، واش مغديش يخليني فحالي
عنيه كانت فحال شي قرطاسات ابتاسم بخبت
عصام:ههه متخافيش منقول ليهم والو، أنا مكنعاقبش لعاهرات ديالي هكا، ولكن انت غيكون عقابك قاصي بزاف ولكن حتا يوصل وقتو، حيت دبا انا گانفك ومباغيكش ولكن مني ايوصل لوقت غتعرفي الالة أسيل جرها من يديها وطلعها فالسيارة
أسيل:فين غادي بيا
عصام:لجحيمك الالة أسيل لقصر المنصوري
...