يالله بغا يدوي وهيا تقاطعهم شابة فالعشرينات شعر زعر و عينين كبار خضرين و بيضة فمها غوز و طويلة رقيقة كما يسمونه العود الفرنسي
داخلة و رائحتها سابقاها كلسات حدا قيس و نطقات
: هاي بايبي توحشتك بزاف تعطلتي هاد المرة باش ترجع
صقر : ميليس اش جيتي ديري هنا
ميليس : جيت نشوفك سمعت انك رجعتي هاد ايام
شاف فتامر حيت عرفو هوا لي قالها ليها جا ينطق و هيا تقاطعو
ميليس : اووو مغتعرفنيش بهاد الامورة لي حداك
صقر : هادي شيماء عضوة جديدة معانا ( شاف فشيماء ) هادي ميليس شريكتنا فالخدمة
شيماء : متشرفين انا شيماء
سيلين : اوو متشرفين ازوينة (بقات شادة لشيماء فيديها وهو يقرب صقر لودنين شيماء و نطق )
صقر : مهم بلا منخبي عليك هادي كيعجبوها البنات تقدري تقولي ليزبيانة مي متخافيش منها متقدر دير ليك والو
شيماء ( جرات يدها من يدين ميليس و نطقات ) : واش مخدام معاكم حتا واحد بعقلو لول متحرش مسطي ( شافت فتامر ) و تانيا ليزبيانة ( شافت فميليس) اش هاد الشركاء فالخدمة
صقر : مم مزال الاعضاء المهمين مشفتيهمش هادو غير مجرد اعضاء زايدين و صافي
عند عيشة
عينيها حومر بالبكا صونا تيليفونها وهيا تهزو جاوبات
عيشة : الو
قادر : لالة عيشة شفتك نسيتي خدمتك اا قلت بنتك غابرة كتقلبي عليها ماشي مشكل نهار و لا يومين ولكن نتي 4 ايام دبا مبقيتي جيتي
عيشة : غير سمح ليا غانرجع لخدمتي ليوم نشألله نجي
قادر : اوكي عندنا حفلة ليوم مع 9 ف ملهى العمر و غادي يحضرو ليها غير لي لاباس عليهم ادن بلا مضيعي هاد لفرصة من يديك اوكي
عيشة : واخا انا نوجد راسي ليوم ونجي
قطع عليها ناضت خدات دوش خفيف تهلات فحالتها مزيان خرجات كلسات كدهن كريمات لحمها و ترطب فيهم تكات شويا حتا وصلت 7 ديال عشيا ناضت جبدات و لبساتهم حوايجها لي كان عبارة علا سوتيان فالزرق و صاية حتا هيا فزرق لاصقة عليها قادات شعرها و طلقاتو دارت ميكاب تقيل شويا و طلعات صاية شوي و لبسات عبايتها هزات صاكها و خرجات ركبات فطاكسي و مشات باتجاه ملهى العمر هبطات صوت الاغاني كيتسمع من عند الباب دخلات و لقات الملهى عامر كانهم كيتسناوها توجهات لطواليت حيدات عبايتها زادت العكر حمر ف فمها و خرجات و بدا كيتعالا صوت تصفيقات و الاغاني و بدات كتشطح و دور عندهم من هادا لهادا كل واحد شحال كيعلق ليها حتا قربات لواحد لي علق لينا فلوس فصدرها و بدا كيتلمس فيه و هيا صابرة ليه ولكن مابغاش يحيد يدو و هيا تصرفقو و كلشي تصدم من فعلتها و توقف صوت الاغاني الانضار كاملة توجهات ليها
قادر غير شاف هاد المنضر تصدم من ردة فعل عيشة مشا كيجري عندهم و بدا كيعتادر من سيد و يشرح ليه بلي هيا فقدات بنتها دكشي علاش تعاملات معاه هاكا الراجل بدورو قبل الاعتدار و كملو الحفلة و بقات كتشطح بيناتهم من هادا لهادا حتا وصلات 2 ديال ليل تسمع صوت لبوليس قدام الملهى كلشي تصدم حيت اول مرة يجيو ليهم بغاو يهربو ولكن دخلو البوليس حبسو كلشي و داوهم كاملين
وصلات 5 ديال صباح و عيشة مزال مدخلت لدار اول مرة تعطل حتا لهاد الوقت مرام و اسمهان تخلعو عليها بداو كيصونيو ليها ولكن تيليفونها طافي
مرام : اسمهان ختي ماما عمرها تعطلت لهاد الوقت عنداك تقون وقعات ليها شي حاجة
اسمهان : معرفتش اختي مالها ليوم غير تطلع شمس ايلا مجاتش نمشيو عند لبوليس
مرام : واخا اختي
بقاو كالسين حتا طلعات شمس و عيشة مجاتش مشاو كيجريو عند لبوليس يالله دخلو بغاو يبلغو حتا كتبان ليهم سادين عليها مع مجموعة ديال العياالات مشاو لجهتها
اسمهان : ماما اش كديري هنا
عيشة : علاش جيتو هنا سيرو لدار حتا نجي
اسمهان : كيفاش علاش جينا اشنو كديري هنا اماماا
دورات عيشة وجهها لجهة اخرا شافتها اسمهان مابغاتش تجاوب مشات عند واحد خدام تما و سولاتو
بوليسي : هادو كانو دايرين حفلة غير قانونية و جاو شكوات من جيران بسباب صداع و الحفلة عامرة بالعاهرات و الدعارة بالعلالي
اسمهان : ليخليك كيفاش نقدرو نخرجو ماما
بوليسي : كفالة ب 2 مليون
شافت مرام فاسمهان و نطقات بخفوت
مرام : منين غادي نجيبو حنا هاد لفلوس
بوليسي ( قاطعهم ): ايلا معندكمش لفلوس خرجو من هنا
خرجو لبنات مشاو لدار مشات اسمهان جبدات القلة (فاش كيجمعو الفلوس ) هرساتها حسبات الفلوس لي فيها لقات يالله 10 الاف تنهدات بحزن و مشات عند ختها لي تاهيا نفس الشيء ولكن لقات غير 9 الاف تفكرو بلي عيشة عندها فلوس مخبياهم مشاو لبيتها كيجريو قلبو البيت كامل ملقاو والو لمحات اسمهان واحد الصندوق صغير فوق الماريو مشا جبداتو حلوه و تفاجئو فاش شافو اش فيه
فجهة اخرا
عند شيماء لي باقا كالسا كتسمع هدرتهم لي تامر قاطع قيس فاش سمعو هدر
تامر : واقلة نسيتي بلي نتا غير ب
صقر (قاطعو قبل ميكمل هدرتو ) : سكتنا نتا اش كتخربق تما
شيماء : خليه يكمل كلامو
صقر ( حمر فيها عينيه ) : نتي مدخليش فشي حاجة بعيدة عليك
تامر : حشومة تقول هاد لهدرة لبحال هاد زين
( تامر 23 سنة شاب اسمر حجبانو مقادين بحالا مطراسيهم عينيه كحلين وصغار فرنسي الاصلي و لكن مربي فالمغرب تلاقا بقيس فاش كان صغير و بسبابو دخل لعالم المافيا )
شافت فيه شيماء ببرود و نطقات
شيماء : ياربي اش هاد ناس انا ساكنة معاهم نمشي نعس حسن ليا
تامر : ههه تنعسي مع 5 ديال عشية
شيماء : وي عندك شي مشكل
شاف فيها تامر حس بيها قمعاتو قدامهم مرضاش وهو ينوض طلع لبيتو دخل سد عليه دخل لدوش طلق لما و وقف تحت رشاشة دقائق قليلة سمع دقان فباب البيت و هو يخرج لوا لفوطة علا نصو و حل لباب تفاجىء فاش لقاها هيا
تامر : وي شنو
حلات عينيها علا وسعهم فاش شافتو هكاك نصو عريان عضلاتو لي بارزين كان من نوعها المفضل فالرجال و لكن مبيناتش ليه شافها ساهية و هوا ينطق
تامر : واش هادشي علاش جيتي باش تبقاي تشوفي فيا
شيماء : احم لا جيت باش نعتادر منك
تامر : امم و علاش
شيماء : اا حيت حرجتك قدامهم مكنتش قاصدة ولكن مكنحملش لي يتدخل فيا
تامر : امم اعتدارك ممقبولش احبيبة
شيماء ( شافت فيها بعصبية ) : اشنوو كيحسااب ليك راسك ااا جيت نعتادر منك حيت خرجت قدامهم اتبدا تقحبن عليا هنا ولا شنو
تامر : اووو الكتيكيتة تقلقات تهدني احبيبة تهدني كاالم
خنزرات فيه و مشات لبيتها دخلات سدات عليها خدات تيليفونها صونات لختها و هيا تجاوبها ولكن صوتها كان فشكل هاد لمرة
شيماء : الو
مرام (بنبرة باكية ) : الو ختي لباس
شيماء : مال صوتك مبدل
مرام : لا والو اختي غير ضاريني لبرد
شيماء : مرام سولتك جاوبيني اش واقع ياكما عيشة دارت ليك شي حاجة
مرام : ماما فالحبس اختي و خاصانا الفلوس باش نخرجوها و حنا راك عارفا مكنكسابو والو و حتا فاش قلبنا واحد صندوق ديال ماما لقيناه عامر غير تصاور ديالها هيا و بابا
شيماء : شحال خاصكم ديال الفلوس
مرام : 2 مليون
شيماء : انا نشوف ايلا لقيت كيفاش نجمعها ليكم
مرام : شكرا بزااف اختي فرحتيني
شيماء : انا كندير هادشي غير علا قبلك نتي و اسمهان صافي اما ماماكم مكتهمنيش واخا تعفن فالحبس
معرفات مرام باش تجاوبها بقات ساكتة و هيا تقطع شيماء الخط شويا تحل الباب ديال بيتها و قرب حداها و كلس
تامر : الامورة ديالنا محتاجا شي حاجة
شيماء : اش جاي دير هنا
تامر : جيت نعاونك
شيماء : وااش طلبت منك شي حاجة
تامر : لا مطلبتيش ولكن مكاينش هنا لي يقدر يعاونك و يعطيك داك المبلغ من غيري انا ولكن بالمقابل
شيماء : وشنو هوا هاد المقابل
تامر : حاجة بسيطة
شيماء : لي هيا
تامر ( شير بيدو لفمو ) : كنضن غادي تكوني فهمتيني
شيماء : نوض خرج عليا من هنا قبل مندير فيك شي مصيبة
تامر : راني قلت ليك مكاينش لي غادي يعاونك واخا تبكي دم حيت حتا انا فواحد الوقت كنت بحالك حتا واحد مرحمني و بنيت راسي براسي
شيماء (حدرات رأسها كتفكر واش ديرها علا قبل مها ولا لا ولكن قررات وشافت فيه ) : واخا موافقة ولكن نشوف الفلوس قدامي اول حاجة
جبد ضرف من جيبو و حطو فوق الفوتوي وشاف فيها
تامر : تقدري تحسبيه ايلا بغيتي
شافت فيه لي كانو نضراتو تابتين عليها و كيأكدو ليها بلي مكيكدبش تنهدات و مشات كلسات حداه
بدات كتقرب ليه و هو متبع حركاتها حس بيها مترددة شدها من خصرها و جرها لعندو حتا لصق صدرها مع صدرو و بقا كيشوف فعينيها لي فيهم حزن كبير بدا كيقرب ليها حط شفايفو علا شفايفها و هيا تسد عينيها بدا كيبوس و يتلدد فمداق فمها لي كان فحال العسل حتا تخلط ليه مداق فمها مع مداق مالح عرفهم دموعها بعد عليها بشوي و مسح ليها دموعها و نطق
تامر : ششش حتا حاجة متستاهل تبكي عليها مسحي دموعك و قوي راسك
حدرات راسها و هزو ليها بصباعو
تامر : عمرك تحدري راسك لشي واحد ديما خلي راسك مرفوع لسما
شافت فيها عينيها مغرغرين كأنها كتشكرو علا نصائح و تاعتبو حيت قرب ليها بعد عليها وناض خرج من لبيت وقف قدام لباب دوز صبعو علا فمو و ابتاسم ابتسامة خفيفة و كمل طريق
بقات جالسة لدقائق كتفكر ديك لحضة فاش قرب ليها و كيفاش مقدراتش تمنعو طلقات ابتسامة خفيفة بزز منها ولكن دغيا جمعاتها فاش تفكرات ختها
ناضت بدلات حوايجها و خرجات لقات صقر و تامر كالسين فصالة تبتات شوفة فيه و شافت فصقر و نطقات
شيماء : صقر ممكن تمشي معايا
صقر : فين غاديا
شيماء : بغيت نقضي واحد الغرض و نرجع
صقر : خلي حتا لغدا و نمشي معاك دبا كنتسنا شي ضياف ضروري
تامر : انوصلها انا
صقر : واخا سير و رد ليها البال حتا ترجعها
وقف تامر تمشا باتجاه الباب و هيا تابعاه ركب فلوطو ركبات حداه دارت سمطة و ديمارا و الصمت سيد الموقف مشا باتجاه البنك هبطات و تبعها دخلات وكلشي تما كيهدر غير بالانجليزية مشات توجهات عند واحد كالس فبيروه
شيماء ( بالانجليزية ) : ليخليك بغيت نسيفط لختي فالمغرب شي فلوس فين نقدر نسيفطهم
تامر تصدم منها حيت كتهدر بالانجليزية بقا غير كيشوف فيها و كيسمع صوتها و لدغتها لسين ملامحها كيجدبوه ليها
سيفطات لفلوس لختها و تلفتات ليه باش يمشيو لقاتو ساهي فيها بقات كتشوف فيه شافتو مفاقش دوزات يدها قدام وجهو عاد فهم راسو حنحن و خرج كيزرب فالخطاوي وهيا تابعاه ركبات حداه فلوطو لقات ودنيه حمرين
شيماء : مالك حماريتي هكا
تامر : ااا لا غير الحال سخون
شيماء : ولكن غير ودنيك لي حمرين زعما بسباب السخونية واخا الجو بارد
تامر : احم ديري سمطة يالله نمشيو لواحد البلاصة غاتعجبك
دارت سمطة و بقات كتشوف فطريق قدامها و كتأمل جمالية المناضر بقات ساهياا حتا وقفات لوطو حلات عينيها بجمالية المنظر تلفتات ليه و ابتسامة عريضة فوجهه
# فجهة اخرا
كالسة ورا القطبان كتسنا الفرج القريب حتا لمحات بناتها جاين و باينة الفرحة علا وجوههم بقاو دقائق كيهدرو مع المسؤول تما شويا و توجه ليها واحد حل عليها و خرجها مفهمات والو خرجوها و مشاو لدار و كلسو فالبيت و بقاو كيشوفو فيها
اسمهان : شرحي لينا هادشي دبا
عيشة : انا مادرت والو خدامة كيف العادة حتا جاو لينا داونا كاملي
بقاو كيشوفو فيها كيتسناوها تزيد تشرح ولكن هيا مقادراش دوي عقلها وبالها كامل مع بنتها كبدتها لي مشات و خلاتها مدارتش بحسابها و بحساب لي دوزات علا قبلها مشات بللا متودعها
تظن أنك تقاوم .. لكنك في الواقع تنطفئ .!
نطقات بصوت غالب عليه دموع
عيشة : دويتو مع ختكم عندكم شي خبار عليها فين ساكنة و شنو كدير واش كتاكل واش عندها فين تنعس
اسمهان ( بحزن ) : هيا بخير و ساكنة مع شي ناس لباس عليهم كون ماهيا كاعما تخرجي من الحبس
# فلاش باك
حلات عينيها فاش شافت صندوق عامر تصاور باها لي بالكاد عاقلة علا ملامحو تغرغرو عينيها و جدبات انتباهها واحد صورة يالله بغات تهزها و هو يقاطعا صوت الهاتف
اسمهان : الو
شيماء : راه سيفطت ليك الفلوس باش تخرجيها
اسمهان ( سبقوها دموعها ) : شكرا بزاف اختي
شيماء : هادا واجب مهم نخليك حتا ليل و نصوني ليك
#رجوع الحاضر
اسمهان : احم ماما بغيت نسولك واحد صورة كنت شفتها عندك فواحد صندوق فوق ماريو ديال دري صغير شكون هاداك
عيشة ( بتوتر ) : اا اشمن صورة و شكون قاليك تقلبي ليا فبيتي
اسمهان : ماما مالكي لونك تبدل راني سولتك غير علا داك دري لي فصورة ماشي قلت ليك قتلتي شي واحد
خنزرات فيها عيشة و طلعات لبيتها جبدات صنيديق و جبدات ديك صورة بقات كتشوف فيه وكتبكي بحرقة و نطقات بخفووت
عيشة : اهىء اهىء فينك اولدي فين كاين نتا دبا و معامن ساكن و واش عارفني ولا لا علاش فرقوك عليا علااش
بكات كتبكي علا صورة حتى نعسات فالارض
فجهة اخرا
القلوب كيخرجو من عينيها بجمالية المنضر لي شافت كانت عبارة علا بحيرة صغيرة الما صافي فيها و فيها الورد غوز مالي الارض و شجر عالي عاكس ضلال و كراسي الجلوس حمرين و فجانب البحيرة كافي صغيرة مزوقة عاطية منضر زوين
شيماء : وااااو اش هاد الجمال كامل ياربي شحال زوين هاد المنضر متصورش شحال عجبي
تامر : هادي اكتر بلاصة كنرتاح فيها و كتعجبني فاش كنجي ليها كنتفكر اقرب انسانة ليا لي معمرني شفت وجهها
شيماء ( شافت فيه بإستغراب ) : شكون كتفكر
تامر ( حدر راسو و نطق بحزن ) : ماما لي تزاديت بلا بيها و عمرني شفتها فحياتي