بدا كيقرب منها و هيا تصرفقو بعد كيشوف فيها بعد فهم
تامر : شنو درتي اشيماء واش تسطيتي
شيماء : واش كيحساب ليك انا حمارة نفس الهدرة لي كتقول ليها كتقولها ليا ااا رااني سمعتكم ادن خليك بعيد عليا
# فــلاش بـــاك
جاها جوع فليل ناضت هابطة باش تاكل شي حاجة دازت من حدا البيت لي ناعسة فيه مرام حتا سمعات صوتهم كيهدرو
ليليان : تامر علاش كتبقا تشوف ف شيماء بديك طريقة واش كتعحبك
تامر : حبيبة هاديك مبيني و بينها والو راني قلت ليك كنستغلها علا حساب الخدمة و هيا أصلا لاصقة فيا غير نقضي بيها غراضي نهرب سلعة لي تافقنا عليها و غادي نسيفطها من هنا سي توو
ليليان : متأكد راه ايلا عرفتك كتكدب عليا مغيعجبك حال معايا
تامر : امم كتهدديني احبيبة عرفتي توحشتك و توحشت ريحتك
حسات بموس تغرس فقلبها فاش سمعات كلامو رجعات لبيتها سدات عليها وبدات كتبكي علا زهرها العوج ولي جا يضحك عليها
فجهة اخرا
مشاو ناس بعد ليلة زوينة دوزوها ضحك و نشاط و تافقو علا كلشي بخصوص العرس
كالسين مجموعين فصالون بعدما جمعو دار و تولوها كيجمعو و يتافقو و يحسبو ناس لي كيعرضو حتا سكتاتهم عيشة
عيشة ( شافت فمرام ) : اجي نتي كيفاش نتي و هاداك مني دخلو و نتوما تشوفو فبعضياتكم فين كتعرفيه
مرام : لا اماما مكنعرفوش والله غير تصدمت وصافي
عيشة : تصدمتي نتي اه و هوا لاش بقا حاضيك اا
صباح جديد يوم ممطر بغزارة شتاء خيط من السماء
كالسة فالبالكون تحت قطرات الشتاء شادة صباغة فالاحمر دموي كتصبغ ضفارها و دموعها هابطين لتاني مرة حسات بالخيانة من شخص قريب ليها
ساهية فالشتاء وكيفاش الشارع خاوي حتا وقفات عليها حطات يدها علا كتفها
ليليان : شيماء اش كديري غادي تمرضي نوضي دخلي من شتا
شيماء : سيري فحالك
ليليان : كيفاش نمشي فحالي نوضي دخلي من شتاء
شيماء : لتاني مرة غنقولك سيري فحالك
ليليان : لا مغنمشيش حتا تنوضي من هنا
شيماء ( وقفات كتشوف فيها و عينيها حمرين كأنهم قطرة دم كتدوي وتورك علا كل حرف ) : خرجيييييي واااش مكتسمعيييسش خرجيييييي خرجيييي كنكرهك كنكرهكم كااامليييين خنتونييي كلكم واااحد بواااحد ولكن كنحلف ليك غنتاقم منكم كااامليييين خرجيييييي
ليليان : حبيبة تهدني عافاك اجي حيدي من شتاء و نهدرو و خوي عليا قلبك
شيماء ( شدات ليليان من شعرها ) : مبغيتيش تمشي يااك مبغيتيش تخرجي إوا اجي عندي نوريك
بدات كتجر ليها فشعرها و تنتف فيها و لاخرة كتغوت صوتها زعزع دار كاملة
كان غير تامر فالدار سمع صوت الغوات جاي من غرفة شيماء مشا كيجري لقاها شادة ليليان كتنتف و تضرب ليها فوجهها
دخل بزربة كيفك فيهم شد شيماء علا ليليان وهيا كتنطر منو
شيماء : طلللق طلللق منييي خليني نوريييهاااا طلللللللق
تامر : ليليان سيري لبيتك انا نجي عندك
خرجات ليليان كتجري و كتجمع فشعرها لي كون ما تامر كان غيطير كامل
تامر : شيماء تهدني عافاك واجي حيدي من شتاء راه غتمرضي
شيماء ( دفعاتو بعداتو عليها ) : بعد منييي نتا بضبط معندكش الحق تدوي معاايا سمعتييي
تامر : علاش اشيماء فاش غلطت معاك انا
شيماء : لتاني مرة خانني شخص قريب ليا ولكن هاد لمرة مغنسكتش ليك كيف سكت ليهم سمعتييي
تامر : واش كتسمعي راسك اش كتقولي ولا لا انا عارفك بلي دايرة هادشي كامل بسباب ليليان اجي معايا انشرح ليك كلشي
جرها غصب منها دخلها للبيت و سد البالكو و سراجم و خدم مدفىء جبد ليها بيجامة سخونة و عطاها ليها
تامر : بدلي بعدا و اجي ندويو
خدات منو البيجامة و دخلات لدوش بدلات و نشفات شعرها و خرجات كلسات فوق ناموسية كتشوف فيه
قرب لعندها كلس حداها شد فيديها نطق و هوا كيشوف فعينيها
تامر : شيماء أنا كنبغيك نتي سمعتيني و ليليان هيا الوسيلة الوحيدة باش نتلاقا بماما حاليا بديت كنعرف منها المعلومات وانني فاش كنت صغير خطفوني لوالديا وباعوني و هيا فقط لي تقدر توريني ماما دكشي علاش كنحاول منخليهاش تبعد عليا تيقيني عفااك
شيماء : تاامر نتا شعلتي ليا العافياا فقلبي و ميمكنش تطفا بسهولة
تامر : انا نقدر نطفيها و بسهولة كبيرا
شيماء : شنو كتفكر دير ماشي ساهلة نسمح ليك
تامر (قرب ليها كيشوف فعينيها ) : اممم متأكدة
مشاو لدار و الفرحة باينة علا وجوههم
#وصل النهار الموعود
كالسة كتجمع فدار و تنقي هنا و تخمل هنا وجدات بلاطو الحلوة و بلاطو اتاي فوق البوطاجي فالكوزينة و الما كيسخن
فبيتها هيا وختها سرحات ليها شعرها من لفوق و لتحت دارتو بوكلي و طلقاتو مع قصيصة فجناب و ميكاب خفيف برز جمالها كتر
لبسات كسوة كحلة طويلة كتافها هابطين جات مع طايتها بحال حوتة مع صدرها لي واقف كتبان بحال الأميرة
صبغات ضفارها بالحمر الدموي مع خاتم سامبل فيدها و براصلي ديال خاتم
تسمع دقان فالباب مشات فتحات والضحكة ممفارقاش وجهها
واقف قدام الباب راجل بجميع المواصفات بلحيتو و شلاغمو و ملامحو الخشنة
طويل و عضلاتو بارزين شوفاتو حادة حداه امرأة كبيرة فالسن وجهها بشوش كدخل خاطر وحداهم شاب فالتلاتينيات زوين بمعنا الكلمة
عيشة : مرحبا و الف مرحبا نهار كبير هادا دخلو مرحبا بيكم
هارون : لهلا يخطيك الآلة عيشة
عيشة : مرحبا اوليدي دخلو دخلو متبقاوش فالباب
دخلو كلسو فالصالون كيتحتتو و يسولو فاحوال بعضهم حتا ختمو كلامهم
نعيمة : إوا الآلة عيشة راك عارفا لاش جينا
عيشة : مرحبا بيكم و منلقاوش حسن منكم
نعيمة : إوا منشوفوش عروستنا
عيشة : اييه تسناو انا نعيط ليه
طلعات للبيت كتجري لقاتهم جالسين و كيضحكو
عيشة : يالله البنات هبطو راه بغاو يشوفو العروسة
اسمهان : ناري اماما انا مخلوعة والله اش نقول و اش ندير
عيشة : سيري دخلي سلمي و كلسي حدا راجلك ابنتي
هبطو فالدروج وعيشة كتصلي علا النبي و البنات وراها دخلو لصالون و اسمهان حادرة عينيها و مرام كتهمس فودنها
مرام : وتي هزي عينيك و شوفي زين ياختي
ولكن فجأة غوبشات فاش شافت شكون جالس حداه
مرام ( فخاطرها ) : ميمتي هادا اش جا يدير هنا
جات دايرة بغات تسلت و هيا توقفها عيشة
عيشة : مرام اش هاد قلة الأداب تعالي سلمي
دخلات سلمات علا المرأة و علا العريس و قلبها كيضرب فاش قربات ليه مدات ليه يدها هز عينيه فيها و هوا اكتر صدمة بقا شاد يدها و كيشوف فيها وكلشي حاضيهم
عيشة : مرام اجي ابنتي حدايا
نعيمة : الآلة عيشة هيا نقراو الفاتحة و عروستنا مشاء الله عليها فنة
عيشة : إوا مبرووك علينا
تصدم فاش عرفها سمعات حديتو و قال اخر كلمة ليه و خرج من البيت خلاها حايرة كتفكر شنو قصد
تامر : غانتسناك من هنا لساعة حدا الجردة لي فايت مشينا ليها كنتمناا تجي بغيت ندوي معاك لاخر مرة
مشات دغيا لماريو صاية فالازرق السماوي وتيشورت بيض طلقات شعرها و سرحاتو دارت ميكاب خفيف هزات صاك بيض صغير و لبسات صندالة صيفية بيضة
بغات تخرج لفت انتباهها فلاش التيليفون تعجبات شكون ممكن يصوني ليها و تيليفونها من شحال مبقاش صونا
هزاتو تجاوب كتفاجىء بختها اسمهان كتصوني ليها فواتساب ابيل فيديو باش تشوفها
جاوبات و بعدات تيليفون عليها شويا باش تبان
اسمهان : سلام ختي
شيماء : لباس عليك
اسمهان : بخير اختي ونتي اش خبارك توحشتك علاش مكتصونيش ليا ولا تسولي
شيماء : غير مع الوقت و الخدمة اختي مكنساليش
اسمهان : ااه اختي الله يعاونك مناش وكنبغي نسولك شنو كتخدمي
شيماء ( جاوبت بتلعتم ) : اا انا رسامة
اسمهان : اه مزيان احبيبتي عرفتي عندي ليك واحد الخبر غادي يعجبك
شيماء : وي كنسمعك
اسمهان : انا تخطبت اختي خطبني واحد كوميسير نااري شحال بوكوس اختي من نوع لي كيعجبني و مكرهتش تهضري لخطبة ديالنا و العرس
شيماء : سمحي ليا ولكن منقدرش نخلي خدمتي ونجي
اسمهان ( تقرصات من كلامها ) : كيبان ليا برزطتك اختي نخليك دبا
قطعات عليها باقا مكملاتش كلامها و خرجات بزربة هبطات لقات شيفور كيتسناها ركبات و توجهو الجردة
هبطات من لوطو دورات عينيها مبانش ليها قالت فخاطرها غادي يكون باقي مجاش
جلسات كتسناه فجأة بدات كطيح شتاء ولكن بقات بلاصتها متحركاتش حتا حسات ضل فوق راسها كأنه شتا حبسات غير فوقها
هزات راسها لمحاتو واقف بابتسامتو العريضة كيشوف فيها بكل حب بادلاتو الابتسامة
جلس حداها و تغطاو بزوج بالمضل
جرها تكات علا كتفو و بدا كيعاود ليها علا حياتو و سباب لي مخليه محافض علا ليليا
تمنات الارض تشق و تبلعها و متحطش فهاد الموقف
و اسمهان مكيناش معاهم فهاد العالم كتفكر فالكوميسر لي طيحها زينو و غرقها
مرام : واامي وااعيشة الله يهديك راه غير كنت دفعت طلب نخدم عندو و طرأ مشكل بيني و بينو و كنضن غادي يرفضوني دكشي علاش بقا كيشوف فيا وانا تصدمت والله
بقات عيشة كتشوف فيها و فنفس الوقت ممتيقاهاش شويا تلفتات جهة اسمهان لي كاضحك غير بوحدها
عيشة ( قرصاتها ففخضها ) : بسم الله عليك ابنيتي ماالك الحب دخل ليك مع ضلوعك عنداك تسطاي لينا
اسمهان ( قفزات فاش قرصاتها عيشة ) : اويلي أمي اش كتقولي ( تلفات ليها الموضوع ) توحشنا شيماء اش بأن ليكم نصوني ليها و نعاود ليها هاد الخبار زوينة
عيشة : ايه صوني ليها ابنيتي حتا انا شحال توحشتها
اسمهان : واخا انا نصوني ليها ابيل فيديو باش نشوفها
فجهة اخرا
هارون : إياد نمووت و نعرف مالك علا دوك شوفات فمرام
إياد : وايلي حتا نتا هاديك قصتها بوحدها
هارون و نعيمة ( فنفس الوقت ) : عاود عاود نشوفو مالك معاها
إياد : دبا هيا كانت جات عندي باش تخدم إوا ياسيادي درية بغات تخاصم معايا
عاود ليهم دكشي لي طرأ بالتفصيل بقاو غير كيضحكو علا شقاوتها
نعيمة : اوليدي دبا راه تناسبنا معاهم اوا دير غير بوجه مرات خوك و قبلها فالخدمة راك شفتيهم مساكن باينة مفحالهمش
هارون : جدا عفاك متبقايش تقولي عليهم هكاك مكاين حتا فرق بيننا و بينهم
نعيمة : واش نسيتي شكون حنا ولا نفكرك
هارون : عارف اجدا عارف ولكن عافاك ديك البنت هيا لي غندي من غيرها مغديش نشوف فيها
نعيمة : راك كطيح بكرامة عائلة سوروس اولدي
وقفات شدات عكازها و توجهات لبيتها
شاف إياد فهارون وعارف بلي جرحو كلام حداه ولكن حاول يواسيه
إياد : هارون متديش علا جدا راك عارفها و زيد راه البنت كتبان ضريفة انا متأكد اتفاهم هيا وياها