خرجات من لوطو و شافت فيها و نطقات فخاطرها
شيماء : ياربي دوز هاد نهار علا خير مع هاد لمخلوقة
ميليس : هاي حبيبة واخيرا جيتي تخدمي معانا شحال تسنيتك
شيماء ( غير شافتها بغات تعنقها و هيا تبعد و تلفات ليهم. الموضوع ) : يالله وريني شركة احبيبة
ميليس : علا راس و العين يالله معايا
تامر عاق بيها بغات تلفها و بدا كيضحك و تبعهم بداو كيدورو فالشركة و وراتها ليها كاملة وكل بلاصة ديالاش و كل واحد باش مكلف وصلو لبيرو ديال تامر
#فجهة اخرا
كملو غداهم فجو عائلي ناشطين ضاحكين كملو ناضو البنات جمعو الطبلة و غسلو الماعن و عيشة مشات لصالون تكات كتفرج فمسلسلها المفضل حتا دخلات اسمهان لابسة كسوة طويلة و طالون كتمتل ليهم كشية المودل دارت ليهم عرض ازياء فالدار و عيشة فرحانة و مقاداها فرحة
عيشة ( نزلو دموعها بقوة الفرحة ) : الحمد الله ياربي لي عشت وشفت بناتي كيف تمناو يكونو يارييت كون بقينا مجموعين
اسمهان : وصافي اماما علاش كتبكي غاتبكينا حتا حنا
مرام : اش بان ليكم نقادو شي طورطة و نحتافلو ليوم بيناتنا
اسمهان : ايه يالله نتقداو انا وياك دكشي لي خاصها و نتعاونو عليها
عيشة : سيرو و متعطلوش انا نوجد شوي بغرير و مسمن
مشاو لبنات خداو لفلوس و خرجو ناضت عيشة لكوزينة خلطات البغرير خلاتو يخمر و عجنات المسمن غطاتو حتا هوا يرتاح شعلات البوطة دارت مقلة تسخن سمعات دقان فالدار مشات حلات الباب
جايين مشادين فبعضياتهم و ضحكة واصلة ليهم لودنيهم حتا وقفو طاحت ليهم تقدية من يديهم و مشاو كيجريو غير جيران لي شدوهم بدا الغوات كيتسمع فزنقة
مرام : مااامااااا لااااا علااااش علااااش مامااااا
اسمهان غير شافت داك المنضر فقدات الوعي و مرام بقات تغوت وتنطر لجيران من بين يديهم
شعلات عيشة البوطة علا المقلة تسخن باش طيب البغير و سمعات دقان لقاتها جارتها لالة حليمة
عيشة : ياك لاباس الآلة حليمة اش هاد زيارة ديال غفلة
لالة حليمة : اوا اعيشة عندي عرس بنتي نهار خميس و مرحبا بيك نتي و بناتك
عيشة : براك الله اوفيك
دخلات عيشة لكوزينة حتا سمعات دقان تاني وخرجات تحل لباب
اسمهان غير شافت داك المنضر سخفات و مرام كتبكي و تغوت و تنطر لجيران من يديهم
مرام : طلقووونييييي مااامااااا فيناهيااا مامااا اهىء اهىء واامييييي
جات الاطفاء و لومبيلونص و الاطفاء بداو كيطفيو فالعافية و البنات يغوتو وغير جيران لي شادينهم
دخلو رجال الاطفاء مع ممرضين لدار يقلبو واش فيها شي واحد
دقائق و خرجو هازين جثة محروقة كاملة مكيبانش فيها والو ممعورفة واش مرا ولا راجل مغطينها بليزار بيض حطوها فلومبيلونص و ركبو البنات معاها و دموعهم شلال فعينيهم طريق كاملة شادين فبعضياتهم و يبكيو حتا لحضة مدات مرام يدها بغات تهز لغطا عليها و لكن حبسها داك الممرض لي معاها
مرام : خليني نشوف عفاك واش ماما هادي
ممرض : لا اختي سمحي ليا من قوانين ديالنا ممنوع تعري وجه مريض ايلا كان محروق ولا ميت
مرام ( وجهها صفار فاش سمعت كلمت ميت ) : كيفاش ميت لاا ماما ماماتتش غتكون بخير نشألله
فجهة اخرا
كتقلب علا بناتها و تجري و تبكي مخلات حتا زنقة ممشاتش ليها و قلبات فيها
عيشة : اوليدي مشفتيش واحد جوج بنات كبار وحدا شهبة و وحدة شعرها كحل
ولد 1 : لا اخالتي مشفتش
ولد 2 : اخالتي هاد لبنات لي قلتي شفتهم قبيلة خارجين من عند مول الحانوت و مشاو لجهة زنقة العوامة ( زنقة لي ساكنين فيها )
عيشة : وعلاش مجاوش لدار ياربي فين مشاو بناتي
رجعات كتجري جهة دار وقفات قدام دارها كتشوف فيها محروقة و الجيران معمرين الزنقة
مشات عيشة كتجري جهة دار حتا كتشوف جيران مجموعين و صداع مفهمات والو كتقرب منهم و قلبها كيتسارعو دقاتو
وقفات مقابلة مع دارها و دموع بداو كينزلو برد ليها الما فركابي بدات كتغوت ربي لي خلقها جاو عيالات كيسكتو فيها و يسولوها
مرة 1 : لالة عيشة شكون كان فدارك داوه.دبا فلومبيلونص
عيشة ( غير سمعات هدرتها بحالا خوات عليها سطل ما بارد ) : ميمتي بناتي مشاو واااا بناااتي مشااوليااا اعباد الله
مشات كتجري جهة سبيطار و تبعاتها لالة حليمة كتحاول توقفها باش تقوليها بلي بناتها بخير ولكن معندها جهد للجرا
وصلات قدام سبيطار و دخلات كتجري و تقلب فين داو بناتها وقفات فرمليا و سولاتها
عيشة : ختي واش جاو دبا شي ناس محروقين
فرمليا : اه الالة راهم فالبيت 103
# فجهة اخرا
كدور فالمكتب ديالهم و تشوف و تقلب هنا و هنا وقفات قدام مكتب تامر هزات تصويرتو كتشوف فيها طلقات ابتسامة رغم منها حتا قفزها صوتو
تامر : اممم لهاد درجة عجبتك حتا وليتي تشوفي تصاوري و ضحكي
شيماء ( وحلات ليها الهدرة معرفات متقول تلفتات ليه كتشوف فيه بحيرة و نطقات بهدوء ) : احم لا غير كنت كنشوف فالمكتب وبانت ليا تصويرتك و هزيتها
تامر : و غير دوي مالك حشمانة عجبتك يااك
شيماء : تامر اش كتخربق واش منيتك اشنو لي غادي يعجبني فيك انا بعدا
تامر : وغير شوفي و كان راني طحت و طيحة خايبة
شيماء ( خنزرات فيه ) : تاامر
تامر ( بدا كيقرب منها و عينيه فعينيها) : ششش سمعيني انا لي غادي نهدر لييوم ( كتشوف فيه و فبريق عينيه تاهت فيهم و فجمالهم ) شيماء انا كنبغيك سمعتيني كنبغيك ونتي غتكوني ليا و ليا بوحدي سمعتيني انا غندوي مع صقر و ايلا بغيتي نتزوجو انا وياك كنواعدك عمرك تشوفي معايا شي حاجة خايبة خاصك غير تقبلي عليا
تصدمات من كلامو معرفات باش تجاوبو بقات غير كتشوف فعينيه و ساكتة حتا نطق
تامر : مغنجبركش تجاوبي دبا تقدري تاخدي وقتك و فكري مزيان و جاوبيني مي كنتمنا متعطليش عليا بزاف
شيماء : معندي فاش نفكر انا غنجاوبك دبا
تامر ( حط صبعو علا فمها ) : ششش قلت ليك متقولي والو دبا خودي وقتك وفكري مزياان
شيماء : نتا لي غادي تسكت و تسمعني دباا
تامر : نو مبغيتش نسمعك حيت عارفك غتسرعي و ترفضيني انا مزربانش يكفي انك حدايا فهادشي اهم حاجة عندي
شيماء : اووف ياربي اش هاد لحالة هادي و اش هاد ناس هادو
قاطهم صوت تيليفون جاوبات لقاتها مرام
شيماء (بعدات من حداه ) : الو ختي
مرام : شيماء ختيي ماما تحرقااات اهىء اهىء وحنا دبا فسبيطار
شيماء ( ببرود ) : مرام انا ديك لمرة مبقاتش كتهمني متبقايش تهدري ليا عليها
مرام ( تصدمات من جواب ختها ) : مالكي اختي وليتي هاكا مبقيتيش كتحني راه مك هادي لي تحرقات واش عرفتي شناهيا مك
شيماء ( زيرات علا يديها و نطقات ) : مي ماتت سمعتييييي ماتت انا معنديييش مي و ايلا بقيتي كل مرة تجبديها ( غمضات عينيها و نزلو دموعها و نطقات ) غادي نعتابركم حتا نتوما ميتييين سمعتيييني من ليوم اي خبار عليها غير نساي بلي عندك شي ختك سميتها شيماء
مرام ( بدات كتبكي بحرقة و كتهدر ) : علاش اختي شنو بدلك علينا علااش وليتي هاكا علاااش ( مسحاات دموعها ) عرفتي شنو نتي لي نساينا من ليوم مكنعرفوك مكتعرفينا يالله بسلامة عليك وهاد نمرة مسحيها و عمرك تفكري تصوني فيها
قطعات شيماء الخط و نهارت بالبكا غير تامر لي شدها
تامر : شش صافي عافاك راك كتحرقيني معاك
شيماء : بعد منيييي خررررج من هنا خرررج و خليني بوحدي خرررررج
جرها لعندو كيعنقها و هيا كتضرب فصدرو باش يبعد عليها ولكن هوا زير عليها و عنقها كيحاول يسكتها
تامر : صافي انا عفاك انا معاك اشيماء فاي وقت حتاجيتيني غتلقايني انا نعوضك فماماك و خواتاتك غير متبكيش عافاااك و ختك دوات معاك هكاك غير فلحضة غضب و صافي
هزات راسها كتشوف فعينيه و عينيها ولاو حمرين بلبكى و كيبريو بدموع
أخبرني أين يباع النسيان ، وأين أجد ملامحي السابقة، وكيف لي أن أعود لنفسي ؟
هزات راسها كتشوف فيه بعينيها الحومر كيبريو بالدموع و حمرين كأنها كانت تبكي دم
فترة صعبة بكل معنى الكلمة ، لا راحة ، لا فرح ، لا طاقة ، لا قوة حتى أنا
دوز صباعو علا وجهها بحنية كيمسح دموعها و كيطمانها فنفس الوقت وأكد ليها انه معاها فالحلوة و المرة
شدات يدو و شافت فيه بتسائل و نطقات
شيماء : علاش كتعامل معايا هاكا اتامر
تامر : مزال معرفتيش الجواب
شيماء : بغيت نسمعو منك
تامر : شيماء سولي قلبك هوا يقول ليك
حدرات عينيها تنهدات بعمق و هزاتهم بغات تنطق و سكتها
تامر : ششش صافي براك دويتي ليوم بزاف خاصك شوي الراحة
شيماء : الراحة ههه واش عارف راسك اش كتقول حياتي كاملة عمرني شفت راحة و بغيتي نشوفها دبا
تامر : تيقيني اشيماء انك معايا غادي ترتاحي كتر من اول كنوااعدك غير واقفي مترفضينيش كنحس بيك انسانة قريبة ليا بزاف فحياتي كأنك ختي لي مولداتهاش مي و لا بنتي لي مولداتهاش مرتي عفاك اشيماء عطيني فرصة و عطي لعلاقتنا فرصة