حلات عيينيها علا وسعهم من بعد ماسمعات كلامو وبقات كتشوف بصدمة كلماتها عجزو علا التعبير فقط دموعها لي هبطو بحال النهار كيعبرو علا احساسها
مرام : لاا ميمكنش هادشي ماما غاتخرج انا متأكدة
اسمهان : صفي اختي عفاك غانشوفو شي حل
تبت شوفة فاسمهان كيفاش كتواسي ختها عطاها قرعت الماء
كوميسير : هاكي شربيها تهدن
اسمهان ( شداتها منو بلا متشوف فيه ) : شكرا
بقا ساهي فيها كيهدر فخاطرو
شنو سباب باش دبل وردة بحال هادي وعلاش بحال هاد لعيون زورق يرجعو حومر بالبكا و الفم الغوزي لونو تبخر
كيهبط عينيه فجسمها بشوي كأنها كيحفض تفاصيلها و تبت شوفة فوجهها و طريقة كلامها مع اختها
جميع تفاصيلها جدبوه ليها
هادشي لي لفت انتباهها واقفة حداهم كتشوف فيه
لالة حليمة : اوليدي راه حنا جينا نسولوك علا المرة ماشي تاكل بنتها بعينيك
كوميسير : احم سمحو ليا نخليكم دبا
اسمهان : مالكي اخالتي حليمة
لالة حليمة : و مشفتيهش يابنيتي كيفاش كلاك بعينيه
اسمهان ( خدودها توردو بالخجل ) : اويلي اخالتي حليمة اش كتقولي راه غير عطاني لما
لالة حليمة : سمعيني ابنيتي عشت قبل منك و فاهمة هاد دنيا مزياان
قربات من لوحة و دوزات يديها علا
رسمة بحنان و نطقات بهدوء
شيماء : شنو ناقصك باش تكملي اشنو هيا اخر لمسة خاصني نزيدها باش تولي لوحة مكتملة
في وسط داك الهدوء تسمع صوت دقات الباب لي كان مصدر ازعاج و كسر الهدوء
توجهات نحو الباب بخطوات رقيقة فتحات الباب و شافت فيها شوفات باردة
شيماء : نعام
صقر : محتاجك واحد دقيقة
شيماء : اوكي
صقر : اجي معايا لصالون
تبعاتو لصالون باش تعرف شنو الموضوع لي طالبها فيه و لقاتها جالسة كتشوف فنواحي الدار و مدا جمالها و عصريتها
تبتات عينيها عليها هابطة من دروج بمشيتها الخفيفة علا القلب طلقات ابتسامة صادقة علا وجهها البشوش
امرأة فالتسعينات اكل منها الدهر و شرب مزال محافضة علا صحتها و جمالها رغم شيب لي طغا فشعرها وتجاعيد لي غارت من زينها و رجليها لي خانوها و معتامدين علا عكاز يتاكئو عليه واقفة رغم قسوة الزمان عليها
"ولقد رأيتُ من الحياةِ بلاءها ومضَيتُ فيها صابرًا لا أنحني
جلسو فصالة كيشوفو فبعضياتهم والصمت سيد المكان حتا كسراتو بصوتها
شيماء : صقر قلتيلي عندك شي موضوع بغيتي نهدرو فيه انا كنسمع
صقر : حتا انا بحالك تامر صونا ليا و قاليا باغي يعرفنا علا شي شخص وحاليا حنا كنتسناو فيه
مشاو لبنات كيقبلو علا عيشة و فين كاينة و اش واقع ليها حتا لمحو لالة حليمة كالسة فكرسي عمومي و حاطة يديها علا راسها كأنها كتبكي مشاو كيجريو عندها باش يعرفو مالها
اسمهان : خالتي حليمة مالك شنو واقع ليك
حليمة ( هزات راسها و فرحات فاش شافتهم ) : واخييرا لقيتكم من قبيلة و عيشة تقلب عليكم
مرام : فينهيا ماما دبا
حليمة ؛ داوها البوليس ابنتي وانا مبقا ليا جهد كنت كنتساراح باش نتبعها
اسمهان ؛ اويلي علا داوها البوليس ولكن اش دارت
مرام : يالله نمشيو عندها و نفهمو
شدو فلالة رحمة وقفوها ومشاو جهة البوليس باش يعرفو اش واقع لعيشة مرة اخرا
دخلو لكوميسارية لقاو واحد المسؤول تما توجهو لعندو باش يفهمو منو
لالة حليمة : عفاك اولدي واخا نسولوك
كوميسير ( شاف فالبنات و شاف فلالة حليمة ) : مرحبا الحاجة
لالة حليمة : اوليدي هاديك لي لهيه ( كتشير لعيشة لي غير شافتهم و وقفات شدات فالباب ديال الزنزانة ) علاش شديتوها
كوميسير : الآلة هاديك قاضيتها معقدة اولا عندها الفسااد تانيا شخص مات فدارها بحريق و تالتا سرقات دري صغير و بعداتو علا عائلتو
اسمهان : اخويا وااش عارف اش كتقول ماما ميمكنش دير هادشي
كوميسير : لي نقوليكم دبا هوا توكلو ليها محامي قبل متكبر القضية حيت هادشي تقدر تحكم عليه حتا ل 10 سنين
خرجات من دوش بعدما دوزات ساعات رومانسية تحت الماء و فرغو الشوق لي بينهم
جلسات قدام المرايا بفوطة لاوياها عليها لي بدورها ساترة نص و معرية نص
حيدات لفوطة علا شعرها و تطلق مسبب كحل كسوااد ليل نزل علا كتافها طوييل بدات كتنشف بيه بالفوطة و عيون مراقباها من بعيد
بدا كيقرب منها و حط يدو علا يدها خدا ليها الفوطة و بدا كينشف ليها شعرها بحنان و ابتسامة مرسومة علا وجهو و هيا مقاداها فرحة
كمل ليها شعرها و مشطو و دار ليها ضفيرة جات سوو كيووت شافت فيه من مراية بابتسامة مشرقة علا وجهها البيض و الرطيطب لي ولو خبشة صغيرة مفيهش صافي صفاوة السماء
كتشوف فوجهها فالمراية بعينيها الخوضر كلون الربيع ضحكات بخفة علا راسها و بانت اشراقت فمها الغوز الصغيور كتفتح زهور الربيع مع الابتسامة ترسمات تقيبة الزين فحنيكاتها المنفوخين بحال شي ولد صغير
جميلة بمعنا الجمال جميع مواصفات الروعة تجمعو فيها
كانتْ جميلة، لكِن لَيس كفَتيَات المجلاَّت، كانت جميلة لأنَّها ترى الأُمور بشكل مُخْتلِف، كانتْ جميلة بسببِ عينيها التي تتَألَّق عندما تتحدث عَن شيء تحبُّه، كانتْ جميلة بسبب قدرتها على جَعْلِ الآخرين يبتسِمُون حتَّى وهِي حَزينة. لم يكُنْ جمَالها ينبع منْ أيّ جمَال خارِجِيّ مؤَقت، َبل كَانَ جمَالُها يَنْبع منْ أَعْماقِ روحهَا
تامر : اش سباب هاد الابتسامة الخارجة من القلب
ليليان ( حنيكاتها تزنكو بالخجل ) : امم لالا والو
تامر : امم واخا ايلا ساليتي يالله نمشيو
ليليان : تامر شنو نلبس واش حوايج محترمين ولا لا
تامر : راكي مغادياش تشوفيهم باش نتزوجو انا غير بغيت نخليك فجنبي باش منبقاش نتوحشك
ليليان : وعلاش منتزوجوش و نبنيو عائلة حتا حنا
تامر ( شد وجهها بين يديه وشاف فيها بحب ) : شوفي احبيبة كل حاجة كتجي فوقتها وصبري عليا نشألله عمرنا نتفارقو
ليليان : ولكن كيبان ليا ديك شيماء دات ليك لعقل و غاتدي بلاصتي حتا هيا
ليليان : ششش الهبيلة عمر شي وحدة تدي بلاصت
وقفات وهيا باقا بفوطتها قدام المراية ونطقات
ليليان : امم و شنو لي غادي يخليني نتيقك
قرب ليها حط يدو علا خصرها و وجهو علا كتفها و كيشوف فانعكاسها فالمراية
تامر : حبيبة راك عارفاني مزيان مكاين لاش تبقاي تشكي فيا وشيماء راني قلت ليك بلي غاراضي فيها هوا الخدمة فقط ادن لبسي حوايجك باش نمشي
حركات راسها بأيجاب و مشات قدام عينيه كتلبس فحوايجها و هوا كيشوف فيها ببرود
لبسات سروال كحل سليم و تيشورت زرق ميني بوط مع ميكاب خفيف سرحات شعرها و خرجو شدو طريقهم نحو الدار
وصلو دخلو لقاوهم كيتسناوهم تلفتو ليهم كاملين كيشوفو شكون هادي لي مع تامر
ليليان : بونسواغ
صقر : مرحبا تفضلو
تامر : هادي ليليان لي بغيت نعرفكم عليها
شيماء : غتعرفنا عليها واقفين كلسو بعدا
كلسو كيهدرو فحين مشات دادا رحمة توجد القهوة حطاتها فبلاطو و جلسات كتستامع لحديتهم
صقر : تامر عرفنا كتر علا هاد الآنسة لي معاك
تامر : هادي شيماء صديقة ديالي وقعو ليها مشاكل و قلت نستاضفها عندنا هنا
شيماء : متشرفين انسة ليليان انا شيماء
ليليان : شرف ليا احبيبة
صقر : متشرفين انا صقر
ليليان : مغسي
دادا رحمة : مرحبا بيك ابنتي و حسبينا عائلتك و الدار دارك
صقر : كتقولي هكا علا أساس غاتسكني هنا
دادا رحمة : كنضن مزويناش نتشوهو قدام ضياف
شيماء : صقر ماشي وقت هاد لهدرة
فجهة اخرا
كيستامعو الحكم ديال عيشة بسباب تهم لي موجهة ليها
القاضي : ادن بعد هادشي لي سمعت و الدلائل لي كاينين و الشاهدين قررت المحكمة تحكم علا المتهمة عيشة السويلم ب سجن مدة
قاطعو صوت رجل داخل كيجري
محمد : سمحو ليا عندي دليل برائتها
القاضي : تفضل
محمد : انا غانشهد بالحق لا أقل لا اكتر هاد سيدة عيشة السويلم معندها حتا دخل فالحريق لي وقع فدار و الرجل لي مات انا لي سيفطتو ليها باش يخطفها حيت عندي مشكل معاها وهادشي وقع بسبابي انا كنتمناا من حضرتك تعاود تمعن النضر فقرارك
القاضي : عندك شي دليل علا هدرتك هادي
محمد : عندي تسجيل مكالمة هاتفية فاش تافقت معاه
القاضي : نقدرو نسمعوه
تطلق التسجيل و سمعو كلشي و بلي بصح محمد سيفط داك الشخص يخطف عيشة
تعلن حكم القاضي ببراءة عيشة و حكم مدة 16 سنوات ل محمد بتهمة محاولة اختطاف و تسبب في القتل و اغتصاب فتاة قاصر
خرجات عيشة و الفرحة مقاداهاش اما بناتها كتر منها حتا وقف قدامهم عينيه زرقة كأنه كان مضارب مع شي واحد
عيشة : نعام اولدي ياك لاباس
كوميسير : لالة عيشة انا سميتي هارون وجيت قاصدك و المقصود الله
عيشة : الله يسمعنا خبار الخير
هارون : انا الآلة عيشة كوميسير وبغيت نكمل ديني وراه عجباتني بنتك اسمهان و انا قصدتك حيت عيني فالحلال
عيشة : إوا اوليدي واش غتخطبها مني فالزنقة
هارون : لا مالنا دراري صغار انا بغيت غير نعلمك وبلي راه نهار سبت نشاء الله غانجي انا وجدا و خويا هوما لي نكساب
عيشة : مرحبا بيكم اوليدي نهار الكبير هاداك
اسمهان حداها مفاهما والو غير كتشوف و وجهها رجع حمر بكترة الحشمة أما مرام مقاداها فرحة لختها