ديك الكلمة فيقتني ولكن ماشي من الصدمة ديالي ...شفت فيها وحطيت ايدي على ايديها وتنهدت بقوة ...
انا"نشاء الله ...
خرجااات وخلاتني نرتاااح كانو افكار كتيرآ فراسي افكار عديدة ...والنعاس قليل فاش كيبغيي ايجي مزال ...نعست تا اذن الفجر وانا نوض ...توضيت صلاتي لي عمري تخليت عليه ...فهذا الفترة كنحس بالرحة فيها وهيا كتفاجي عليا صليت الفجر وحلف النعاس ل جاء خرجت بسرعة هزيت بعض من لسيفي عندي من هدوك لي صوب ليا منير . هزيتهم لبست اي حاجة جاء فطريقي مشط شعري ولبست صباط لي جاء فطريقي ...وخرجت نقلب على خدمة وفعلان شديت طاكسي وانا فقط جسد ولكن روحي ماتت ...توجهت لبعض من الشركااات لكن كان الكل كيطلب سطاج انا بغيت خدمة عيت وقطعت السيفي وليت نقلب ف خدمة عادية لقيت مخبزة قالو ليا انخلصوك 24 ولكن قليلة ليا بزاف ..قالو ليا مع الوقت ايزيدو ليا ملقيت ماندير وقبلت طلبت اخلصوني مسبقا مي قالو ليا لا رجعت لدار
سعاد:بنتي لقيتي شي خدمة
انا:(بكل برودة)اه لقيتها
سعاد:ايوة مبروك فرحتيني والله(عنقاتني)شكر
انا:(واقفة جامدة فبلاصتي)ممكن طلقي مني نطلع عيت
سعاد:(تنهدات)وخا
طلعت لبيتي وبدلت حويجي لبست بيجامة وحليت بيسي جاني ايميل من مراد....قلبي كيضرب بقوة ...سديت البيسي وقلبي كيضرب بقوة علاش عاد ايسيفط ليا ميساج من بعد عام ...صافي مبقيت باغيا منكم والو الله اغبر ليكم الشقف ...
سديت البيسي بغضب مفرحتش بل تعصبت ملي شفت الاميل ...نعست لكن الفضول قاتلني . ...حليت الاميل بفضول ..كانت رسائلة قصيرة
"بثينة ممكن نهضرو "
مسحت الرسائلة وعملت لو بلوك. ..اه بلوك ماشي وقت هذا الرسائلة مشيت لشرجم وانا بكل هذواء ...تنهدت بألم اشنو ممكن اقول ليا فاش كنت بغيت نهضر معه فين هو عااام حقدت عليه لا هو لا صاحبو ...لي مع الاسف رجلي بعد افكار عديدة حولت نبرد خاطري بكلمة الله يأخد فيهم الحق نعست تا سمعت المنبه على وقت صلاة الفجر ...نفس الروتين واليوم بديت الخدمة كانت المخبزة عامرة بالبنات والدراري حتى هما ..كان البرد دخلت. بدلت حويجي ولبست حويج الخدمة وانا فصمت ..جاء عندي مول المخبزة قال ليا اتكوني على برى ...وافقت وليت خدمة مكنهضر مع حد ومن الكليان كنعطيهم داكشي لي كيقولو ليا كنتخلص نرجع ليهم الصرف ونكلس بلاصتي داخلة سوق راسي ..وكيف ديما كالسة وساهية تا جااات كليانة...
هيا:عفااك اختي عطيني 4 من هذا الحليوااات
انا:وخا (جمعت ليها كلشي)تفضلي
هيا:(كتشوف فيا)جديدة هنا
انا:اه (كنجوب بكل برودة شديت من عندها تخلصت ورجعت كلست)
هيا:الله اعونك( مشات عند وحدة اخرة )اجي هادي جديدة هنا يااك مالها هكا
هيا:رها هكاك دايرة اليوم بدات الخدمة معنا كنبغي نجبد معها الهضرة مي مكتجوبش ...
هيا"مسكينة اعلم الله مالها بحال مصدومة
كنت كنسمعهم ولكن مبقاش كيهمني ...كملت روتين ولحسن الحظ كيخلصو كل نهار بنهار رغم ان داكشي قليل ...ولكن حمد الله رجعت لدار اول حاجة عطيت لمول الكراء ديك البراكة رغم ان داكشي قليل اكيد الشيك د شهم حرقتو مبغيتش شي حاجة تفكرني فيه ..رجعت لدار تلقيت مع منير وزربت فالمشية شدني من يدي وعنقني بقوة ولكن انا كيف الجمد لا حياة ...
منير:سمحي ليا عفاك
انا:(ببرودة)شنو باااغي
منير:نرجع انا وياك اصدقاء
انا:(بغيت نمشي ورجع شدنب من يدي غوط بأعلى صوت عندي الكل فالزنقة كيشوف هادي مالها)شنو باااغي بعد مني علاش غادي نسمح ليك علاش ...
منير:(تزير)عارف فرط
انا:عطيني التيساع بعد مني
بغيت نمشي ورجع شدني من يدي
منير".هذا الحالة كاملة على داك الزمر والله ميستهل
نطق هذا الجملة بحال غرس سكين فقلبي ...
انا:ماشي شغلك وياااك تبان فحياتي مرة اخرة وياااك
وفعلان جيت لدار حسيت بدموع باغين اهبطو وستغربت الامر ديالي كيفاش دموع باغين اهبطو دموع لي نشفو ...لكن بمجرد شفت دمعة حارة على حناااكي مسحتها بسرعة وحولت نبرد قلبي بصلاتي ...سمعت ماما كتعيط عليا وهبط لتحت ...كان كاسروط بدينا بالاكل بهذواء ...
سعاد:احم
انا:شنو عندك هضري
سعاد:كتعرفي حليمة لي فالدورة لي خانزين فلوس
انا:(تنهدت )مالها
سعااد:بغاااتك لولدها على سنة الله ورسوله ...تزوجي ابنتي تا امتى غادي تسني فداك بو راس ..تا امتى تزوجي نفرح بيك
بدون جواب بديت نأكل كملت هريت الموعن وغسلتهم كيفاش امكن نتزوج وانا ديجا مزوجة برجل معرفاش فين هو فكرت نمشي نطلق لكن المادة معنديش فكرت ف بزاف دالافكار فالفترة الاخيرة الطلاق ...نهرب نمشي لكورديستان لكن بقيت بلاصتي ياك عايش حياتو ف لندن ايوة الله اسخر ليه من بعد ما كملت درت العشاء ...وطلعت لبيتي من بعد الروتين اليومي..دخلت لفيس طالعة هابطة جاني ميساج من منير
"عفاك ابثينة خرجي بليز "
مسحت الميساج ورجع سيفط ليا
"فرصة وحدة عفاك"
قسحت قلبي ماشي وقتك ...كنسمع ماما كتعيط
انا:شنو
سعاد:بثينة هبطي منير باغيك
انا:غادي نعس خدمة غد
سديت باب بيتي كنسمع شي حد كيدق ...
انا:ماما قولي ليه ناعسة
منير:(حل الباب)علاش هكا ابثينة علاش انا طلبت منك السماحة الف مرة
انا:(بكل برودة)خرج من البيت عفااااك خرج
منير:بثينة (كيبكي صدمني اول مرة نشوف منير يبكي)بثينة نتي باااك مااات وانا ولدي مااات امكن ذنوبك خرجو فيا عفاك سمحي ليا امكن تكبرت شوية ولكن عفاااك سمحي ليا
انا:(بكل برودة )الله ارحم لي مااات باغيا نعس
منير:(كايبكي )بغيت نشكي ليك همي عندي بزاف ومعندي لمن نشكي همي عفاااك
انا:همك وانا فاش جيت عندك نشكي همي فين نتا (حليت باب بيبتي )خرج عليا اخويا الله ارحم بيها الوليدين ...والله اغبر لديل مكم الشقف كاملين انا بغيت كيما تشويت فقلبي بغيتكم تحرقو
منير:غادي نطلق ابثينة مراتي مبقاتش كيف كانت ملي مات ليها البيبي باغيا تحماق مخنوق ابثينة ...
رجع كيعود ليا بكل حزن كيعود ليا على المعاناااة ديالو والحزن ...تا سمعت لتيلي ...هزيتها
انا:الو
أحمد:السلام وعليكم
انا:شكون معيا
احمد:معاااك احمد ....
احمد:معاااك احمد .ممكن نهضر معاااك
جاني على كانتي وشحال قلبت عليه واخيران طاح فهذا العام الاخير كنت كنقلب عليه كيف الحمقة ومزيان ملي جاء
انا"مرحبا امتى
احمد:كاين فالدار دبا
انا:اه كاينة
احمد:مغدياش نأخد كتر من 10 او 20 دقيقة من وقتك
انا: وخا ملي توصل عيط ليا نهبط
قطعت عليه وشفت فمنير خنزرت فيه
انا:ممكن تخرج باغيا نعس
خرج منير بدون ميهضر معيا. ..تكيت ليا شوية وانا كنفكر شنو ممكن ابغي اقول ليا أحمد تفكرت فاش كيعود ليا شهم عليه تنهد وبيني وبين نفسي توحشت دوك الايام لي كان بحال الحلم او فقط حلم وانا غارقة فأحلامي تا خلعني تلفوني لي صونا هبط عندو كان بسيارتو الفخمة امام الباب ديال الدار ...
انا:سلام
احمد:بثينة لابس عليك
انا:(جاني مبدل بزاف لدرجة بقيت كنشوف فيه بصدمة تبدل شرف او منعرف جاني شرف )شنو كاين
أحمد:بثينة سيفطني عندك
انا:(مخليتوش اكمل)القضية فيها سيفطك شكون سيفطك شهم
احمد:مراد صاحبو
انا:اشنو باغي مني
أحمد:عارف بلي باك مااات الله ارحمو ويرزقكم الصبر
انا:شكر
أحمد:(ستغرب من حالتي)مالك هكا فين بثينة لي كلها حيوية
انا:(تعصبت)ميسيو احمد جيني من الاخير وقتي قليل وخدمة غد
أحمد:خدمة كيفاش خدمة نتي راكي زوجة شهم
انا:(غوط عليه)باركة انا ما زوجة تا حد كرهت هذا الهضرة قول لداك مراد ديالك بثينة مامسلياش ليكم وصلها ليه هكاك
أحمد:شهم ف لندن
انا:(كنت باغيا نهبط)عفاااك قول ليه بثينة باغيا طلقها وصلها ليه هكا
أحمد:طلاق قوليها ليه نتي
انا:(تنهدت)عفاك ممكن تقولها ليه نتا
هبط من سيارتو وانا معصبة طلعت لبيتي وعقلي مشوش من التفكير تنهدت وتغطيت حياتي مملة وانا الملل ولفتو ...نعستت بدون عشاء الصباح وقت الخدمة ...كيف العادة فقت مع الصباح نخدم ..توضيت الفجر وخرجت بدون فطور ...المأكلة مبقيتش مهتمة بيها ...كلست تا لديك 7 وخرجت شديت الطاكسي وبسرعة توجهت لمخبزة نفس الروتين ونفس النفسية ...خرجت تماااك مع 7 دالعشية وانا راجعة لدار ...ديت فلوس اليوم لمول الكراء ورجعت لدار ...كانت نفس السيارة عند الباب كنضن أحمد لي رجع ...مشيت بلهفة لهفة لداخل ديال امكن باقي باغيا نعرف فين هو امكن مزال عندي فالداخل ديالي لهفة بسيطة ..باقة على قيد الحياة باقي مات بحال اللهفااات الاخرين ...نتبهت لسيارة وهو يصوني ليا شفت فيه ودخلت كان الزنقة عامرة لذالك طلبت منو انه اغادر بعيد عن اعين الجيران لي كانو على سبة اهضرو ....وقفنا ف مكان خااالي
انا:ايوة اشمن اخبااار جبتي
أحمد:بثينة شهم غادي اهبط هذ السيمانة لمغرب ...وضروي باغي اشوفك ...طلب مني نعطيك هذا العنوان
انا:(قلبي فشل عليا بمجرد سمعت سميتو) مبغيتش نشوفو باغيا طلاقي ...
أحمد:(مد ليا العنوان وقطعتو )معمرك تحكمي على الشخص الغائب حاجتو معه ابنتي
انا:بغيت طلاق ديالي قول ليه مبغيتش نشوفو بغيت نطلق منو ....هضر معه عفاااك
كان رافض الفكرة لكن بعد عدة محولات هز الهاتف ديالو دوز النمرة وعيط ليه وهو رافع صوت الهاتف ....كان كيصوني فكل رنة قلبي كايتيز عليا ....تا سمعت ...صوتو وغمضت عيني كان قلبي باغي اخرج تا بديت ننساء صوتو او نقنع راسي بلي نسيت صوتو ...ها أنا كنسمع ليه عملت ليه اشااارة اقول ليه انا مكايناش معه وفعلان وافق
أحمد:شهم بثينة باغيا الطلاق ديالها
شهم:(صوت غليض رجولي بصوت اكتر جدية قال كلمة غمضت عيني وهبطو جوج دمعاااات حارين على حنكي سخااان )هو لي معمرها تحلم بيه ...