شهم:بثينة باركة
انا:(كنهضر بشوية)كيفاش باركة واش مريض فعقلك نتا كتصرف بهذا الطريقة الغريبة شنو عندك
شهم:(جرني من يدي وباسني فحنكي وعنقني)باركة خليني نعنقك ونشبع منك انا رها بيخير وفوق البيخير كيفاش بغيتي نكون ماشي بيخير وانا معاااك ...(باسني فيدي)الا تعصبت هدشي غير من الخدمة ...
انا:(تنهدت)هضرتك شحال زوينة وحلوة
شهم:حلوة بحالك ...كاين شي فطور امراتي
انا:هه ماما خلعتيها
شهم"نيت كتعصب ديك مك ابثينة احسن عوااان باااك مسكين
انا:(ضربتو)شهم
شهم:(كيبتسم)ههه صافي هاهو ساكت
انا"اجي تفطر
شهم"نتوضأ ونصلي هو الاول
انا:وخا ...
بتسمت ليه ومشيت نوجد الفطور وانا طايرة فنفس الوقت مقلقة حيت ايمشي شهم ...من بعد خرج والكل كالس فالطابلة وهو مركز فالاكل ..جاء شهم
شهم:بسم الله
كلس كيأكل وهو مركز على الاكل وانا ساهية فيه ونبتسم كي الهبيلة ...
بابا:دغيا سخيتي اولدي
شهم:(صمت تا بلع جميع الاكل )اااه عندي خدمة
سعاد:الله اعونك اولدي ويسخر ليك
شهم:امين
كملنا الفطور وشهم كان عينه على التلفون ...ودغيا جاء وقت الوداااع قلبي تزير عليا اكيد حبيبي غادي يمشي اوف ...باغيا نبكي تفو ...
من بعد ما لبس عليه وتودع مع الكل جاء نوبتي وانا دموعي حابشها بز مني
شهم:(مد ليا شيك فيه مبلغ كسر مع كارط )شدي نتي عليا اقدر اخصك شي حاجة ومنبغي تخص مراتي تاحاجة ...
انا:مخاصني والو ديجا عطيتي لي يكيفني فاش بغيت نجي
شهم:غا شدي من عندي الله ارضي عليك تهلاي فراسك
انا:(عنقتو)كنبغيك بزااف
شهم:انا كتر دموع لاش. .دبا نجي
الوداااع كان مؤلم ركب فسيارتو وهو كيعمل ليا سلام من داخل الطموبيل هذا الوداع بالضبط مامهنيش قلبي غير مشاء وقلبي باغي اخرج بالبكاء ...كلست فبيتي ومنير كيصوني ...
منير:الو اويلي مالنا
انا:اهى اهى مشاء حبيبي مشاء
منير:تفو على ديل مك عند بالي مالك كاع لمشاء اسبوع تمشي عندو
انا:(تنهدت)قلبي ممرتاحش اشهم
منير:شهم الله انعل-----سميتي منير الزمر
منير:دوزي لدار شفتك ما فرحاناش لعرسي
انا:بلعكس انا انجي واحد شوية
غسلت وجهي ومشيت عندهم لدار نقاد ونوجد ...وصلت ديك جيهة 7 ويلي ملقيت مانلبس لقيت قفطاان فالزرق مالكي لبستو وشعري درت لو بوكلي ...ومكياج تقيل جيت قرطاسة ...واخيران مشينا لقاعة الله كان عرس كيحمق وشحال شطحت وكنصور لشهم ونصيفط ليه فيديوهاات وصور ...تا سمعت تيلي كيصوني كان ابيل فيديو من شهم وهو فمطار
انا:(الموسيقة )مكنسمع تاحاجة اطن نبعد
شهم:جيتي زوينة مراتي البوكوصة
انا:كيف جاني التقليدي
شهم:اي حاجة تلبسيها تجيك زوينة
كان طول العرس نهضر مع شهم ومستمتعة بالهضرة معه كنت طايرة من الفرحة .. العرس العمارية وشحال ضحكت مع منير وشطحنا تا حسيت بمراتو بقا فيها الحال من تخنزيرتها ليا ...وانا نرجع باللور ..العرس مت كمل الا مع الفجر شربنا الحريرة والعروسة خارجة بالكسوة .. البيضاء كانت اكتر من رائعة ومنير طاير من الفرحة ...كملت الاغنية باغنية صفاء حبيروك ليلة ليتي ياانا اش مزال نتسنى ...تنهدت وانا غادية مع الاغنية وكنحط راسي فبلاصة العروسة انا وشهم كنقطعو حلوة العرس ...الله امتى هذا النهار ...كمل دغيا وجينا لدار من بعد عياااء ونعاس طويل ...دخلنا لدار والكل تلاح ونعس نعسنا تال ديك 2 دالعشية علاش بحيت مدخلنا لدار تال ل 7 د صباااح تلاحيت ونعست من بعد ما مسحت المكياج وبدلت عليا درت تيلي فالشارج...ونعست مت ضربتني الفيقة على صوت ماما ...اول حاجة حليت التيلي كنت كنسيفط لشهم مي ماكاين تاحد نصوني رقم مطفي ويلي امكن مزال ما حل تيلي ...هبط ودوزنا روتين عادي
#دازت-يومين ....
التيلي دشهم كان مطفي وانا كان خاصني نمشي لكن ضروري نتوصل مع شهم امكن مع الخدمة مزال ما حل التيلي. ..ممكن ولكن الغريب فالامر انه اسبوع كامل وتيلي طافي وتلفت ...وليت مشوشة كتر ...
داز اسبوع وعقلي تشوش فين شهم تلفون طافي كنسيفط ليه فالفيس مي ماكاين لي ايجواب قلبي تزير عليا ...وليت كي الحمقة هاز البيسي وندور من هنا لهنا ...وماما كل ساعة تحشي ليا الهضرة ...كرهت الانتظار ومنير ميمكنش نمشي عندو وهو عريس جديد كتمتها فقلبي ...الايام كدوز ودبا داز شهر ...ولا خبار على شهم لا جديد لا تاحاجة ...وليت نقلب على فيس مراد يومين تا فقدت الامل واخيران لقيتو سيفط ليه
"السلام وعليكم "
بعد مدة تلات ايام وانا مقابلة الرسائلة جوبني ...
"وعليكم السلام شكون
"بثينة
"شكون بثينة
"مرااات شهم
تعطل بزاف لدرجة سديت ونعست ومع الصباح ضربتني الفيقة وسيفط ليه
"بثينة معرفتينيش
"ااه وي عرفتك لابس بيخير
"حمد الله ونتا وكريست بغيت نسولك فين شهم كنصوني ليه وتلفون ديالو طافي
"معرفتش
كانت كلمة معرفتش صدمتني ومحملش نهضر معه مزال مي سيفط ليه تاني النهار التاني
"عارفك اتعرف حيت نتا صديق ديالو عفاك قول ليا
" لندن "
هذا الكلمة لب قال ليا وحلف لا جوب مزال صدمني بكلمة لندن ميمكنش ...ماما كتحشي ليا الهضرة وكرهتني فأيامي وليت كنفقد الامل ولكن شهم مستحيل اكون هكاك دخل لعنوان الشركة ...وبقيت نقلب على العماال ...بعد يومين ديال التقلاب لقيت فيس سناء ...
سيفط ليها وعرفتني دغيا عطيتها وتساب وانا نصوني ليها
انا:الو سناء بيخير
سناء"بيخير ازين ونتي اش خبارك ناس فالمغرب سعدتك
انا:ايوة اش ادير ضروري
سناء:تا شهم معاااك
انا:(عرفت بلي الشركة ماكاينش فيها بل تأكدت )ايوة الجو عندكم كيف داير
بعد هضرة طويلة تأكدت بلي معمرو جاء اشنو واقع واشنو تزااد عليه ....تلفت وليت كي الهبيلة مابقا ليا غير نخرج نغوط. هضرت الناس عليا بحيت ماما قالت ليهم انتزوج ..افكار تقول ليا سيري لكورديستان ولكن معرفاش لغة ومعرفاش فين انمشي ...شديت الركنة وليت نسيفط الاي واحد كنعرفو وليت وحيدة وحالتي تشفي العديااان لي صونيت عليه كيقطع عليا تا من منير تبدل بزاف وليت نصوني ليه يهضر معيا ديك الهضرة ناقصة ...كلشي تبدل عليا وليت بحال فحلم ..تنهدت وتحت عيني رجع كحل بالبكاء .. وبابا يدور ايدور يسولني عليه كرهت راسي وكرهت حياتي ونهار جيت وليت كنحس براسي بحال شي لعبة ....حياتي رجعات مأساة
#دازت-عاااااام ........
🏵
1 يناير ...
عااام داز الوقت او العمر ديالنا لي كيجري كيمشي بسرعة فائقة ...مريت بجميع انواع التجارب لي ممكن اتصورها اي وحد فهذا العام من صرعااات مع نفسي مع الحياة مع المجتمع لي سببت الاكتئاب والعزلة ...وكل هدشي وانا كنحاول نبحت عن ذاتي لي ضايعة وعن السعادة لي مبقيتش كنعرف شنو هيا كل نهار من حياتي كنت كنتأمل وكنصلي تقاد حياتي ولكن مع الاسف كلشي تغير ورجع لكل وجه اخر...شهم لي غبر عااام شي حاجة لي بزاااف عام مخليني كنجري موره ونقلب كيف الحمقة ...وبدات الصدمة تجيني من اقراب الناس وهضرة تدبح الواحد بالسكين ...اااخ مع هذا ...
الساعة حالية 5 دالعشية الدار عندنا عامرة بالناس وصوت القران ممسوع وانا دموع نشفو من عيني اليوم جنازة والدي ...بابا لي كان كيعوني واقف معيا فهذا التجربة المؤلمة كان كيقول ليا الحياة مكتوقفش على راجل ااخ وتعرفو احساس لي كنحس بيه الموت احسن ليا وليت منعزلة والدموع مبقاتش بغا تهبط اصلان مبكيتش فاش رغم ان اليوم جنازة بابا الغالي تصدمت وكترات الصدمان لي تعرضت ليها فالاشهر الاخيرة كان كافية انها ديريني فتاة مريضة نوعا ما مي مرض داخلي كيأكل فيا ويضعف فيا نقصت فالوزن بشكل ملحوظ لدرجة الناس كتجي و تهضر هادي مالها هكااا ...كرهت الحب كرهت الزوج وكرهت شهم ...كرهت منير لي تبدل عليا ونهار جيت عندو رماني كي الكلبة نخلني ..واش زوج ممكن ابدل لواحد لهذا الدرجة ماما باللباس الابيض وانا كيف الحيط كنرمش عيني وشاد القنط كي الشيباني ...هادي مالها ...اشنو واقع ليها اشنو كاين هذا الهضرة من بين بزاف لي سمعت ومليت منها ...مبقا عندي تا حد ...من غير الله ونفسي ...تنهدت بقوة قبل ما نوض من بلاصتي ونتوجه لغرفة ديالي لي كرهتها من كترت ما كنكون فيها والبيسي لي من كترت ما قلبت فيه على شهم كي الحمقة كرهتو ....سديت عليا الغرفة وانا فصمت ...تكيت ليا وانا كنرقب نافدة غرفة بيتي وساهية ااه مكنبكيش ر غم ان بابا مااات الحنين مااات ...عندي عدااات صرخااات فالداخل ديالي كتمتها لدرجة سببو ليا ف القلون العص
كان بابا غرفتي كيدق...مبقاش كيهمني
منير:بثينة
كرهت اسمي كرهتو هو صديق ديالي من زمااان ها انا كرهتو دبا ايخ ...مهتميتش بقيت على وضع ديالي تا حسيت بيه دخل ..
منير:بثينة الله ارحم باباك
كان الصمت من طرفي وكان كيهضر ويتأسف قال ليا مراتو حامل مي مهضرتش معه تنهد بحزن وخرج ملي شاف لا تجواب عندي ...كنسمع صوت غوااات ماما وبكاء ديالها دخلت لحمام لجنب الغرفة ديالي حليت الرشاشة بالجهد وكلست فالارض مبغيتش نسمع شي حاجة قلبي عااامر ....بعد الجنااازة لي محضرتش ليها دازت شهر ومول الكراء بداء ادق وباغي كراء ديالو
سعاد:عفاك اسيدي صبر علينا مزال غا شوية
هو:رها اختي رها 3 شهور مخلصتوش ااه احسن عوان ولكن رها باغي الفلوس تا انا
ا
سعاد:عفاك غا شهر مزال
هو:شوفي اختي سعاد الله ارحم بيها الوليدين خوي ليا داري رها عيت من هدشي
مشاء وخلانا كي البلاكار وانا لي ساهية مع التلفازة وهضرتي قليلة شفت فماما ...
سعاد:ايوة اش انديرو دبا اش انديرو اهى
انا:(بكل روح مية )باركة من البكاء
سعاد:نتي غا سكتي سكتي وباركة راكي شوهة براسها تفو
انا:(الصمت ولفت كنتر من هكا)
سعاد:علاش متخدميش ونتي دايرة كي الحمقة كاع الناس اضحكو عليك ....
انا::(الصمت وهضرتها مكدخلش لعقلي كتر ما كدخل لقلبي )
سعاد:مع من انا مع من تفو ...هزات طبسيل ضربااات بيه ....
وطلعت لبيتي تكيت على كرشي وسهيت لا مكنبكيش انا راني نشفت ...مشيت وقفت مقابلة مع المريااا كان وجهي داخل وعيني اكتر ضعافيت بزااف وليت كي السم ..تحت عيني كحل وشعري حالتو ....شفت ماما داخلة وجااءت ...
سعاد:(كتدوز ايديها على شعري)عارفة قلبك عامر بكي غوطي تكوني بيخيو ولكن متبقايش كالسةودمعة ناشفة فعينك امكن غدرك الحب او هداك ولد الحرام اعطيه موصيبة ولكن عماد وانا محتاجين ليك نتي هيا راجل ديال دار فغياب باباك الله ارحمو بثينة وقفي على رجليك رها ولينا لنا وخوك فالهاوية ....محتاجين ليك ابثينة نوضي .