نزل عيونو للملفات قلبهم بيديه وقال بنبرة جدية: أجلت الاجتماع لليوم.. غايكون عندي فالدار وخاصك حتا نتي تحضري
ليلى: بالليل !؟
شاف فيها: عندك شي مشكل؟
تبسمات بارتباك وخايفة غير لاتزيد تعطل حتا هاد الليلة ديك الساعة اش جا مافكها من مها: لا لا والو.. غانكون حاضرة تما فالوقت غير رتاح امسيو
طلع حاجبو بصرامة قائل: هاد المرة مابغيت حتا غلط ..سالي خدمتك وسيري مع الشيفور مباشرة للدار .. ممنوع تمشي لشي بلاصة أنا ماسيفطتكش ليها.. حتا نسالي هاد الشراكة على خير وديك الساعة نشوف هاد الروينة شكون مولاها
ردت بتقة: كون هاني مسيو اوكوراي.. الديب تادار بيه مرة وحدة.. وأنا تعلمت الدرس
عصام: مهم مابغيت حتا نقص هاد المرة
"حط الملفات ومشا فحين هي بركات بلاصتها تاتكمل خدمتها وعقلها مشوش ..حتا شوية ناضت خارجة من البيرو وللأسفل نازلة.. وصلات عند باب الشركة فين كانو جوج عساسين واحد من كل جهة ..وزعات عيونها بيناتهم وشافت فالعساس لي كان البارح مع عصام وبيرين.. واقف بلبستو هو وايديه وراه.. شكات واش هو ولا لي حداه حيت سمعات غير صوتو لكن الصورة كانت عندها مواضحاش .. دارتها فيد الله و لعندو توجهات ووقفات وراه
ليلى: السلام عليكم
ضار وتحلو عينيه ملي شافها حتا بدا يحنحن وقال: تفضلي امدموزيل خاصاك شي حاجة
صغرات عينيها بشك: عرفتيني ياك
رد: ا اه عرفتك.. على سلامتك البارح خلعتينا عليك ههه دابة مزيان شوية؟
بسمات: شكرا بزاف.. الصراحة دازت عليا البارح.. ديك الطيحة اداتني بزاف جسديا ونفسيا
تصدم وقال: ياك لاباس واش ماشي الطونسيو هو المشكل
ضحكات باستهزاء: اشمن طونسيو الله يهديك.. بغاو يضمسو القضية وصافي ولكن أنا لهم بالمرصاد ..داكشي علاش جيت نسولك إلى جات على خاطرك طبعا
قال: معلوم سولي
ليلى: البارح.. ماسمعتي والو وما شفتي والو؟ ولا حسيتي بشي حاجة ماهياش؟
رد متوتر : ب بحالاش
شافت فالعساس لاخر بحدر وزادت عندو قربات قائلة بصوت منخفظ: أنا شاكة بلي هاد خينا هو السبب
حل عينيه وشاف فالعساس حتا هو وقال: لا لا مايمكنش الالة ههه.. شنو رابح هو إلى سد عليك تما ليلى: كاين واحد البنت من الموظفين شافت شي عساس طالع من مكتب الأرشيف
تصدم مرة أخرى وقال: كيفاش!!!!!
ليلى: للأسف ماقدراتش تعرف شكون فيكم حيت شافت غير اللبسة والوجه ماقدراتش تشوفو.. ولكن أنا شكيت بلي هو السبب ..باينة فيه غير من دوك التخنزيرات لي كايدير فينا ياك؟
سرط العساس ريقو تايشوف فصاحبو لي مرة مرة يشوف فيهم بفضول خصوصاً انهم تايوشوشو ويشوفو جيهتو
العساس: ل لا لا الالة يقدر غير غالطات ولاشي حاجة
ليلى: تؤ تؤ أنا متأكدة بلي شي حد سد عليا الباب.. و هاد الحد هو هاد العساس علاش وكيفاش حتا نتأكد وهو غايگر بكلشي.. وكيف قلت لك فاش تحبست تما مرضت.. داكشي علاش غانرفع دعوة تعويض على الشركة .. طبعا هوما غايقلبو على شكون السبب باش يلسقوها ليه داكشي علاش أنا بغيت نعرف قبل منهم ونحاسبو بيدي
حرك راسو بسرعة تالف وهز مشوار من جيبو تايمسح عرق جبينو فحين هي بعدات شوية عليه وقالت: المهم.. نهارك مبروك.. الى سمعتي ولا شفتي أي حاجة علمني ..اوك؟
رد تاينهج: كوني هانية الالة
بسمات وتمام داخلة للشركة وقدام مكتب بيرين وقفات ودقات عاد دخلات مبسمة
ليلى: الزين ..كي بقيتي
ردت بيرين ببسمة راسماها بزز وضميرها مازال تياكلها: صافا شكرا.. نتي بيخير؟
قلبات ملامحها للحزن: بصراحة لا، مازال شاداني شوية الدوخة و داكشي علاش جيت عندك تعاونيني إلى قدرتي
وقفات بقلق: علاش مالكي نعيط للطبيب؟
ليلى: لا مكاين لاش ..غير البيسي تايدوخني وعندي فيه شي خدمة ضروري نساليها اليوم
ردت بتفهم: آه اوكي فهمتك .. أنا غانكملها لك غير رتاحي
بسمات بامتنان: بصح.. شكراً ابيرين شكرا بزااف والله
ردت ليها الابتسامة: هادا واجب .. أنا سابقاك
ليلى: اوكي نشرب ونجي
خرجات بيرين وليلى محات ديك البسمة وبسرعة جبدات من جيبها كاميرا صغيرة مربعة وبدات فالبيرو دور عينيها وتقلب على أنسب مكان تحطها فيه ..حتا جاو عينيها على ديكورات دهبية كبار محطوطين فطبيلة صغيرة جات فالقنت حدا السرجم ومشات بسرعة حطاتها تما مخبية وراهم وزادت قرباتهم من بعض باش ماتبانش.. جبدات تليفونها كاتشوف واش الكاميرا شادة المكتب كامل صوت وصورة عاد رتاحت وخرجات بسرعة سادة الباب ولمكتبها متوجهة قدام مجموعة من الصخور لي تاطل على البحر وقف الطاكسي ونزل.. نزلات من وراه فاطمة الزهراء ببسمتها الحلوة وهي تاتنفس هواء البحر المنعش وتقاد فشعرها لي خبلو الريح .. تكاو على الطاكسي عاطيينو بضهرهم وعيونهم على الامواج وهي كاتصطام بالصخور وصوت طيور النورس تايضاحي صوتها العالي ..شافت فيه متنهدة براحة وقالت
فاطمة الزهراء: مايسحابليش مازال تتجي لهنا
سيمحمد: مرة مرة " حول عيونو لعينيها المبتسمة وقال بسهوة " فاش تانكون مخنوق ..ولا معصباني شي حاجة ماليها حل.. وشي مرات فاش كانتفكرك
وسعات بسمتها وحركاتها لطيفة وفيهم رشات من الدلال ملي تتكون معاه: فصغرنا كنتي كاتجيبني لهنا بزاف ..وكانت الشلة تاتلحق علينا من بعد حيت كايتعطلو ههه ليلى متاتعرفش تلبس دغيا.. أمين ديما عاگزو النعاس.. فاش تانديرو نتلاقاو هنا مع التمنية أنا وياك لي تانجيو فالوقت وتانبقاو ساعة كانتسناو عاد تايلحقو علينا لخرين هههه
حرك راسو ببسمة خافتة : بصح.. عقلت
كملات كلامها: كان عزيز عليا نهضر معاك ونعاود ليك كلشي.. بطبعي تانكون ساكتة وحشمانة مع الناس إلا نتا.. حتا أمين متانقدرش نكون حداه بطبيعتي بحالك هههه واخا تانعيا نهضر جوابك قصير ومختصر.. ولكن كاتهتم لداكشي لي تانقول واخا نبقا ندوي النهار كامل ههههه
نزل عينيه وحك راسو مبسم بحرج: متانعرف مانقول شي مرات، اللهم نسكت
تنهدات: فين دوك ليام.. كلشي مشا دابا..وبزاف ديال الحوايج تبدلو
رد: هادي هي الدنيا ..كل مرة تصبحك فجهة وماتعيش غير لي مكتابة لك
فاطمة الزهراء: بصح "شافت فيه مصغرة عيونها" كبرتي.. وتزوجتي ..وولدتي ههه اكتر واحد يمكن تبدلات حياتو هو نتا
ضحك وقلب منها عينيه: زعما نتي لا
هزات كتفها وبعفوية قالت: لا لا بالعكس.. أنا بدلت غير البلاصة فين كنت ساكنة وتاحاجة فحياتي ماتبدلات ..ماتزوجت ماولدت بحالك هههه
طلع النفس وقال: أقدار وصافي
سكتات شوية فيه تتشوف بفضول وقالت: كيفاش عرفتيها ؟
رد بعد صمت قليل: كانت بنت خالتي ..عجبات مي وتزوجتها
فاطمة الزهراء: زواج تقليدي ادا
رد: داكشي
تنهدات قائلة: واش تتواصل مع أميمة على الأقل؟ مجاتش البنت تكبر بلا ماماها صعيب عليها الحال
برزطو الموضوع وقال بغير نفس: مرة مرة تتصوني تسول بشي نوامر فشكل.. ولكن عمرها هضرات معاها
فهمات قصدو وقالت: عارفة ممنحقيش نتدخل ولكن ..تانفضل تخلي القرار لبنتك واش تبغي تكلم معاها ولا لا.. حسنما تلومك من بعد
شاف فيها بجدية والحدة فصوتو: كون بغات بنتها كون بقات حداها .. ماشي كيف تولدها ترميها وتزيد تابعة الطمع.. وبنتي إلى عرفاتها اش دارت وبغات تقلق مني ديك الساعة غير تقلق مرحبااا
سكتات تترمش بحزن معجبهاش يتعصب هاكاك وهو تقلب عندو الجو والنرڤسة بانت على وجهو شي لي خلاها تنطق: واصافي دابة ماجيناش نتقلقو ..فردها شوية أنا غانسد فمي مابقيتش نسول گاع
زفر وقال: ساعة لله.. "استاقهم فوقفتو وقال" غانمشي نشري الما، نجيب ليك معايا شي حاجة تشربيها ؟
قالت مبسمة: عصير
بسم بدورو وقال: انا جاي بقاي بلاصتك
فاطمة الزهراء: اوكي خرجات من الشركة هازة محفظة يدوية حاطة فيها أوراق الخدمة وفاليد لخرا ساكها الأسود متاجهة للشيفور لي سيفط ليها عصام.. تبسمات للعساس فطريقها وهو كدالك حرك ليها راسو ببسمة متوترة عاد حلات الباب القدامي للسيارة بضحكة عريضة للشيفور وقالت بعدما ركبات حداه
ليلى: السلام ههه
رد ببشاشة فوجهو وقال: وعليكم السلام.. كيف بقيتي ابنتي مزيان
ردت : فووق السلك الحمد لله ههه
رد: ولله الحمد
...ديمارا الطموبيل وهي دارت السمطة ولدار عصام شد الطريق.. الطموبيل غابت عن الأنظار من جهة ومن جهة أخرى العساس لي كان مراقبها قرب بسرعة لصاحبو وقال: حضي معاك أنا جاي
صاحبو: فين غادي؟
رد: نمشي نوصل واحد السخرة وصافي أنا جاي
خلاه تايشوف فيه ودخل تايزرب للمصعد وبالضبط لمكتب بيرين
.....
ليلى: هي سميتك عزيز ؟
ضحك السائق ببشاشة وقال: تماما
ليلى: اااه.. وحتا نتا اعمي تركي بحال مسيو اوكوراي
حرك راسو وقال: ايڤيت ..ولكن خرجت من تركيا تمن سنين دابة وعشت فالمغرب
ليلى: مزيان مزيان.. وشحال ونتا خدام مع مسيو اوكوراي
رد مبسم ومطول معاها بالو ومع أسئلتها الفضولية: سنوات.. كنت خدام مع الأب ديالو من بعد رجعت نخدم معاه
وسعات عينيها متفاجأة: دابا مسيو اوكوراي باه ميت.. تأ مسكين الله يرحمو
ضحك الشيفور وقال: و شكون قالك مات
ليلى: ياك قلتي كنتي خدام معاه من بعد خدمتي مع ولدو
الشيفور: فعلا.. عصام عزيز عليا بحال ولدي وفاش خرجت من خدمتي لي كنت خدام فيها مع الأب ديالو.. خدمني معاه
ليلى: ااااه هي باه مازال فالحياة ..وحتا هو الشركات وهادشي ؟
رد: عندو شركة ديالو فتركيا ومازال فيها للآن
ردت بتعجب: بصااح.. ايوا مالو مايخدم مع باه حسن من خدامي الناس؟ قالك حرفة بوك لايغلبوك ولا لا
رد تايضحك: ههههه هادشي لي عطا الله ابنتي . وصلو عاد سكتات وحلات الباب تنزل: يالله اعمو عزيز تهلا فالصحيحة
عزيز: الله يرضي عليك ابنتي "هز مفاتيح من علبة السيارة ومدهم ليها" هادو السوارت ..ردي الباب لراسك
خداتهم وقالت: كون هاني
سدات باب السيارة ومشا فحين هي بدات تحل باب البتي فيلا وعينيها على الجريدة لي مدورة على الدار والنوار الملون ولي كان معتنى بيه كل الاعتناء.. دخلات كاتسمع صوت التقرقيب فالدار كمشات حجابنها وسدات الباب قائلة
ليلى: السلام
خرج من المطبخ احد المنظمين للعشاء ولي كانو ربعة كلهم لابسين زي موحد تايقادو العشا لي جابو من المطعم فالصحون ويحطوه فالطاولة لي فالمطبخ
قال بأدب: وعليكم السلام مدموزيل ليلى.. مسيو اوكوراي قاليناا بل غاتجي وحنا صافي خدمتنا ساليناها.. باقين محتاجين شي حاجة خرا نزيدوها؟
دخلات وعينها فالطبلة ..طبلة واشمن طبلة.. تاتوسطها طنجرة زجاجية فيها سوب السمك وحواليها صحون عليها أسماك مشكلة بطريقة برستيج تتشهي العين قبل المعدة
ليلى: تبارك الله عليكم وخلاص ..مرا وقادة وماغاتعرفش توجد هادشي عطاكم الله الصحة ههههه
تبسم قائل بامتنان: شكرا امدموزيل شرف لينا .. ادا حنا غاانمشيو دابة
رافقاتهم بربعة للباب: شكرا مرة خرا بسلامة
سداتو عليهم ووقفات تتشوف فالدار وأتاتتها الكلاسيكي الفخم.. حس تامغريبيت متاضورش تما.. لا اواني المطبخ ولا شكلو والا الاتات الكلاسيكي لي فالصالونات بزوج ولي كانو بلمسة اوروبية ولا حتا الديكورات والصور المعلقة بالحائط.. تعجبات وهي تتفلي فكل حاجة حتا خرجات للجردة لي تلقائيا خلاتها تتبسم وعطاتها طااقة وحيوية جديدة ..تنفسات الهوا مسرحة عينيها فالطبيعة وقالت: الله على تبرجوازيت شحال زوينة.. هههه أنا من فاطمة الزهراء والله مانرجع للدرب واخا يقجوني
بركات فالجليسة لي قدام الورد هازة تليفونها وبدات تختار اللقطات لي يجيو معاها وتصور مع دوك المناظر وتبوزا بوحدها
بس بس الزين
تلفتات فاطمة الزهراء مخلوعة وبدات ضور فعينيها وتقلب على محمد واش جاي ولا باقي.. الدري جاي جيهتها وواخا لابس نقي وزوين فوجهو مارتاحتش ليه ولا للشوفات الزايغين لي تايطلع فيها ويهبط وهي فيه مغوبشة
الدري: شتك واقفة هنا بوحدك.. ياكما نونسك الزين
جاوباتو تترمش بتوتر: جا معايا صديقي شكرا غير سير فحالك
ضحك وقال مصر: أنا حسن من صحيبك غير جربينا بعدا الزعيرة
فاطمة الزهراء: كيفاش؟؟ " رجعات اللور فاش زاد قرب وقالت" بعد مني حسن ليييك
رد: مال راسك قاصح.. غير غانتعارفو مالك
ردت: مااابغيتش واش بزز بعد مني
رد: وامال راسك قاصح الزين
لمحات محمد جاي هاز ميكا بيضة وقرعة الما فإيدو وماحدو كايقرب والتخنزيرة كاتجمع بين عينيه ..ضار الواد لفين كاتشوف فنفس اللحظة لي وقف عليهم محمد و جا بيناتهم واقف ولاسق فالدري والفوار ديال الغضب من نيفو خارج
سيمحمد: مالنا الصاط شي حاجة
رجع اللور مخنزر فيه حتا هو: ونتا مالك أنا وياها
شنق عليه مخسر وجهو وقال: دابا ولات أنا وياك.. شكاين
رد: وااطلق مني دوي بفمك طلق
سيمحمد: تاندوي بيدي أنا.. سير اولدي قو*** قبلما نقو**** السوايع "دفعو حتا رجع الاور وقال" روول
الولد: داير فيها صعصع قدام صحيبتك.. غاجيتيني مافيا لي ينوض الصداع أما ندم خويا
زاد عصبو وتم ليه غادي والولد راجع اللور: اجي اجي ندمني عافااك تعاالى
بسرعة شداتو فاطمة الزهراء والدري تم غادي فحالو وتايضور يشوف فيه: وااحضييني غانجبدهم ل***
زادت شدااتو قائلة بخوف: واصافي مشاا
نطق بين سنانو معصب: الز*** ديال الخلا
حمار وجهها وودنيها سخنو من الهضرة لي خسر وهو هز الميكا لي طاحت وقال بنبرة قاصحة: طلعي نمشيو
طلعات حداه بلا كلمة بلا زوج وهو غير عاقدهم تايصوك ساكت وقالت بتردد محاملاش هاد العصبية لي خرجات منو
فاطمة الزهراء: جبتي ليا عصير؟شاف فيها وفوجهها المرتبك.. حسها خايفة منو هو يتنهد بضيق وعطاها الميكا قائل بنبرة خفيفة؛ خودي هاهو هنا
ردت: شكرا
رد؛ هانية .
شربات منو وفيه تاتشوف وضور فعينيها وترمش ببرائة معارفة مازال ماتقول حتا حصلها هو يتبسم بعفوية وقال: مالك
فاطمة الزهراء: تاتجي خايب ونتا معصب
ضحكاتو وقال: خايب گاع
غنجات ملامحها تاطلب فيه: واصافي فوت عافاك ماتبقاش مقلق.. أصلا غير دوا معايا مدار ليا والو
شاف فيها هاز حاجب: غير دوا معاك ؟
فاطمة الزهراء: هاد العاصير واقلة خاصك نتا لي تشربو يالله تبرد
زفر تايكالمي راسو وقال: هاهو مبرد ..نوصلك للدار؟
هزات كتفها: لي بغيتي
تبسم ليها عاد رتاحت وتبسمات حتا هي قائلة: نشعل شوية الموسيقى ؟
قال: ديري لينا الشعبي
فاطمة الزهراء: هههه غادير شي كسيدة الى طلقتو لك
ضحك حتا هو: غاطلقي طلقي هو لي كايبردني هههه
ردت بحماس: اوك
دارت ديسك حجيب من تليفونها وجهدات الصوت ..بدا الدق والنشاط وصوت حجيب المدعدع ينوض الميت من قبرو ويبرك يشطح ويتحير ..فاطمة الزهراء بدات تاضحك بهستيرية فاش بدا سيمحمد يدخل فالايقاع شاد الستون مع حجيب و حافظ الأغنية مزياان.. تايشطح براسو ويطبل مرة مرة بيدو على الفولون ويغني معاه.. بغات طرطق بالضحك وهزات تليفونو بدات تصورو بيه وهو صوتو حرش ومجهد جاب الأغنية لاسقة وحتا الطموبيلات لي تايدوزو حداه تسمع عندهم النشاط وحيت حنا مغاربة بداو يزمرو عليه ويضحكو حتا هوما حل باب الدار ودخل لابس شورت رياضي أسود وتيشورت گرونا مع سبرديلة رياضية بيضة تتشعل وفايدو هازساك ديال لاسال.. سد الباب ودخل تايضور عينيه فالدار وبدا يعيط
عصام: مدموزيل ليلى
دخل للكوزينة ولقا نظرة تفحصية على الطبلة ياكما ناقصة شي حاجة هو يبان ليه ساكها فوق الكرسي ..خرج للجردة تايدور عينو ويقلب ضار على الجردة ولقاها تما باركة وواخدة راحتها فجليسة جميلة قدام نافورة الماء..يد هازة بيها تليفونها ويد أخرى فيها كأس العاصير .. الطالون محيداه و مخلية رجليها عريانين فوق العشب .. ميل راسو مصغر فيها عينيه عاد لعدها توجه وحنحن كيف سمعاتو بسرعة ناضت حاطة العاصير فوقق الطبلة وضارت لعندو مبسمة
ليلى: بونسوار مسيو
وقف قدامها وبلا طالون ولات كاتبان قدامو قصيرة وهو عليها واقف تايشوف فيها من الفوق وقال بجدية
عصام: بونسوار ..جبتي الخدمة؟
ليلى: جبتها كون هاني ووجدت گاع لي خاص
شاف فديك الطبلة وقال: العشا غايكون هنا فالجردة.. تقدري تحوليهم لهنا مابقا والو ويجيو
ردت: اوك مسيو..
شافيها من الفوق للتحت تايفكر وهي بوسوسة شافت فحوايجها وقالت: شي حاجة ماعجباتكس !؟
رد بعفوية: كنت باغيك تلبسي شي لبسة من لامارك ديال مراتو.. مي تعطل الوقت.. ماعليش
طلعات حاجب بفضول: علاه مراتو عندها ماركة خاصة ديالها؟
حرك راسو: وي.. ومراتو تايسمع ليها بزاف ومشارك معاها بزاف ديال المشاريع.. هادشي علاش عرضت عليها حتا هي ممكن مستقبلا نحتاجوها ..معم غاندخل نبدل ونرجع
حركات ليه راسها مبسمة غير مشا طارت تتلبس طالونها وزربات للكوزينة كاتهز وتحط فوق الطبلة لي فالجردة وخرجات حتا الصحون والزلايف بدات تقاد وتفنن فالبريستيج جاب ليها الله فين طبق داكشي لي كاتشوفو فالانسطا
..ماجا يسالي ويهبط حتا كان الباب تدق دخلات من الجردة غادة جهة الباب وتلاقات بعصام نازل من الطابق الفوقاني مقاد شعرو ومريح لابس دجين بيض وسباط انيق مع شووميز بيضة خيطها رقيق وخفيفة طاوي كمامها وجوج صدايف الفوق محلولين وتاتبان من عنقو سلسلة فضية رقيقة .. حل الباب ببسمة ووراه ليلى حتا هي بابتسامة عريضة واقفة
عصام: بونسوار
ليلى: مرحبا بييكم نورتونااا ههه فارس: متشرفين بوجودكم ههه
دخل فارس متأنق بدورو فبدلة سوداء أنيقة سلم على عصام سلام رجولي لكن لي زايغ زايغ واخا يكون مربوط عينيه فالزين لاسقين
مدات ليه ليلى يدها وغير شافتو نوا يبوسها زربات عليه وسلمات بسرعة تاضحك
ليلى: نورتينا مسيو فارس.. اووو مدام هدى نورتينا
دخللات السيدة لي كانت بسيطة فلبااسها لكن فخم ولي كان عبارة على فستان مورد حريري طويل وجميل على جسمها وشعرها بمشطة بسيطة جامعاه.. سلمات عليها ليلى بالحناك وقالت المرأة بابتسامة
هدى: شكراً حبيبتي نور عيونك هادا
عصام: تفضلو مرحبا
...
كبات الگلية لي طيبات فبول كبير وخرجات للصالون كتاكل منها شي حبات ..بركات مخدمة فيلم فالتليفون ربعات رجليها حاطة البول بيناتكم وبدات تفرج وتاكل حتا سمعات حس السارو ودخلات حياة مع حادة بجلابهم سخفانين غير تايزفرو بالعيا
فاطمة الزهراء: على سلامتكم
جاوباتها حياة: الله يسلمك الحبيبة
حادة: الله يسلمك ابنيتي.. انا غاندخل نرگد نيشان العضم الصحيح مابقاش فيا
حياة: سيري امي
دخلات حادة للبيت فحين حياة بركات جنب فاطمة الزهراء بعدما حيدات زيفها وبدات تنش بيه للصهد
حياة: سخفت سخفت اختي
ضحكات قائلة: كنتي تتشقاي ليهم اعمتي ضروري تعياي
ردت: واايه.. بالحق ماعليش السيدة مسكينة شرفات ومابقا عندها جهد .. واخا هاكاك فرحانة برجوع وليدها وحلفات حتا دير ليه الزردة
ردت وعينيها فالفلم: الله يحفظو ليها
حياة: آمين.. كون درتي بريي وجيتي معايا كون فوجتي شوية وبردتي على قلبك فالشطيح هههه نشطنا واخا التسخسيخة ولكن مكاين غاركز ركز
ضحكات قائلة: حتا انا نشطت هاد العشية كوني هانية ههه هاد الجارة واش قريبة لينا بزاف
حياة: آه مي عيشة "كملات متدكرة" راكي كتي تتلعبي مع ولدها ونتوما صغار
فاطمة الزهراء: امين!؟
حياة: هوا هاداك ..رجع مسكين من الغربة دابا عاد رتاحت من جيهتو شوية
بانت الصدمة على وجهها وقالت غير مصدقة: واش أمين بصح.. رجع !!!
حياة: رجااع بسلامتو.. أنا غانوض نبدل ونعس عييت
خلاتها بوحدها كاترمش فالخوا وقلبها تاينبض بسرعة تالفة وخايفة وفرحانة فنفس الوقت مع شوية التوتر وبزاف ديال التساؤلات فدماغها.. كيف ولا ؟ كبر وزيان كيفما متخيلاه ولا لا؟ والأهم.. واش مازال عاقل عليها؟ حطات ليهم ليلى القهوة مع حلويات ومملحات وبركات جنب عصام تتسمع لحديتهم فصمت وابتسامة واخا مبرزطة لنظرات فارس المفروشة و كلما تلفتات ليه كاتلقاه رامي ليها شوفة وغميزة وهي تشوف فمرتو لي تغيرات بسمتها ناحيتها وتحسسات منها بسبب نظرات راجلها العايقين
عصام: ليلى ممكن الوتائق
ليلى: هي دابا امسيو اوكوراي
ناضت جابتهم ليه بعدما خوات ليه الطبلة من الاواني.. فرشهم وحدة حدا وحدة وبدا فشرح المشروع وتايعطيهم نسخ من البلان والوثائق على أساس إلى داز كلشي هو هاداك يكون توقيع العقد عما قريب ..هو تايتكلم.. وشي مركز مع كلامو شي نصف مركز حتا حطات هدى الملف بعصبية مكبوتة وقالت
هدى: مسيو عصام فين الحمام عافاك؟
صغر عيونو بقلق لسيفتها لي تغيرات وقال: مدام هدى شي مشكل ؟
ردت بجدية: نن بغيت غير نمشي للحمام
عصام: داكوغ.. من هاد الكولوار على طريقك ليمن
ناضت قائلة: ميغسي.. فارس ممكن تفضل معايا
ضحك فارس بحرج: بيان سوغ شيغي
ناض تبعها وعصام رد ضهرو على الفوطوي مسرح ايديه وعيونو على الطريق منين دازو مصغرة بتفكير.. هزات حليوة تاتاكل منها وقالت بلاما فيه تشوف
ليلى: باينة فيها قاصحة ومضوراه على صبعها
رد ساهي تايفكر: ماشي هي.. باها
طلعات راسها بفهم: هكااك.. قول السيد تايخاف من النسيب لايخوي ليه الجيب ههه ..ولاش زعما جراتو معاها ؟
شاف فيها ببرود: تبهدلو.. متلا
شافت فيه حتا هي وقالت هازة كتف وتترمش: الصراحة يستاهل امسيو ..ويلي زاد فيه الواحد يجمع شوية عينيه
طلع حاجب: واقلة درت غلط.. كان عليا من الأول نجيب بيرين ماشي نتي
جمد وجهها وحطات الحلوى كاتفتف: وأنا شنو درت امسيو هو لي فايض كي الخمييرة ماشي أنا لي كانشوف فييه وحالة فمي "عصام زاد طلع حاجب وهي بعفوية تتهضر" السيد متايراعي لحد ويلي ..غاجاني فبلاصة الخدمة أما نن...
سكتات قالبة وجهها بنرڤسة وهو ضحك بجنب فمو: ن..آش؟
سمعو حسهم راجعين وسكتو.. هدى هازة راسها بكبرياء وفارس وجهو حمر مزير ..بقا عصام كايقرا فملامحهم ويحلل حتا بركو مكانهم وحنحن بجدية
عصام: مرتاحين نكملو ؟
ردت هدى بصرامة: وي عافاك لأنه عندنا مانقضيو
ليلى طلعات حواجبها تتشوف فيهم بزوج ماشي على بعضهم وحتا عصام تبدل وجهو حس بحالا مع الحيط داوي وبدل مجهود اكتر فتكملة الشرح.. لكن لي خاص يرد معاه البال ماهواش هنا.. المرا تحسسات من ليلى و باركة على أعصابها والغيرة فيها تاتاكل.. والراجل ولا مزير كأنه بارك على الشوك وممرتاحش.. حبس عصام كلامو عاقدهم وقال
عصام: هادشي لي كاين.. ا نتمنى نكون وضحت ليكم الفكرة ومكاين حتى اشكال
فارس: بيان سور مسيو اوكوراي من بعد ونتكلمو فالموضوع
نطقات زوجتو وعينها على ليلى: هادي المساعدة الوحيدة عندك؟ كانت عندك وحدة خرا لا؟
ليلى حاجبها طلع وعصام شاف جيهتها عاد شاف فهدى وقال: ليلى مساعدتي التانية.. و هي لي تقت فيها وغاتكون مكلفة بالبروجي.. بيرين عندها شغال خرين
طلعات فيها ونزلات بغرور واستهزاء قائلة: نصيحة امسيو اوكوراي.. عرف مزياان فيمن تيق.. لأنه وسمحيلي "شافت فراجلها كأنها تتفكرو وهو بإحراج بدا يحنحن" شي مساعدات من طريقة كلامهم وبركتهم أنا شخصيا مكانتيق فيهم وولات عندي منهم حساسية
ليلى: بسم الله عليك مدام هدى.. مايكون عندك باس ميقات مجاوباتهاش وعصام حنحن وقال: نتفضلو للعشا
هدى: بلاما نعدبوك مسيو حنا من الأفضل نمشيو
عصام: مدام هدى ماشي مجيتك هادي.. "شاف فزوجها" مسيو فارس.. انا على ودكم قاديت هاد الأمسية ماترضوهاش فوجهي على الأقل
شافو فبعض وقالت هدى فوق النفس: اوكي "شافت فليلى باحتقار" على وجهك وصافي ..اما مانظنش دوز ليا لقمة
ليلى تبدل وجهها وزمات فمها بزز حس بيها عصام وقال: ليلى اجي معايا عافاك
شافها حاضيا هدى بتركيز ورجع قال: ..ليلى
شافت فيه: مممم ..اوكي
ناضت تبعاتو كاطلع النفس بزز أصعب حاجة بالنسبة ليها هي تشد فمها وماتعطيش لبنادم جوابو.. دخلو للكوزينة وعندها ضار قائل
عصام: كالما.. هاديك لي برا راها مراتو وبلغة أخرى هي لي فيدها الساروت ديال كلشي
ردت كاتبرد فراسها بزز: أنا مكالمية اسميو مكالمية.. علاش غانتعصب هههه السيدة غير كاطلع فيا وتهبط وتنقص مني وطيح بالهضرة ههه ولكن اااانا مغااانديرش فيها رااسي..
عصام طلع حاجب وبانت ليه بدات تشعل: ليلى
ليلى: علاااش ؟.. حيت اناا هنااا كاانديير خدمتي و ماااامدياها لافديك وجه اللفتة واا لااافداااك البيروج لي حداها
عصام: ليللى!
ليلى: امااا كون درت فيها رااسي هااااهااي.. كون شديتها من ديك الشعكوكة لي فرحاانة بيهااا وفرستهااا مزيااان ومسحت بيها الغبرة كااملة لي فالصالونات نوريها الحساسية وأنواعها....
قاطعها بحدة: ليلى باراكااا
طلعااات النفس تتكتم غضبها وقالت كاتنهج: انا مكالمية امسيو
عصام: عصبيتها مبررة على الأقل شوفي راجلها كيفاش كان تايشوف
خرجات عينيها فيه: وانااا مااالي ويلي
قاطعها: صافي دابا.. لي مهم هو من قبيلة وانا بلا بلا بلا على الخااوي تاحد ممسوق وخدمتنا كاااملة غاتمشي فزيرو
ربعات ايديها مغوبشة تتفكر فكلامو وقالت بصوت منخفظ فحين هو غادي جاي فالكوزينة تايحك راسو ويفكر
ليلى: غاتكون هي لي نقات ليه ودنيه
عصام: داكشي لي بان ليا حتا أنا
ليلى: ملي هي الري وهي الشوار من اللول سيفطني ليها هي نقنعها ماشي راجلها