ضار ليها وخنزر حتا تجمعات وبدات ضور فعينيها: انا غير قلت..زعما كنا ختاصرنا بزاف
رد بحدة فصوتو وحجبانو معقودين: دابا صافي لي وقع وقع.. بقاي هنا
بغا يمشي وشداتو مصدومة: كيفاش!!؟
رد بجدية: و شنو الحل.. تمشي ودابزو ليا تما
قالت بخوف: ولكن.. غاتحتاجني ضروري ..وهانا گاع بقيت هنا اليوم ايوا والاجتماعات لي جايين فالطريق واش غاتحضر ليهم بلا مساعدة ولا غاتاخد معاك بيرين وتعطيها خدمتي.. نتا واعدتيني امسيو اوكوراي وانا تقت فيك وتانخدم من نيتي بالحق لي منحوس منحووس واخا گاع ديك تمارا لي ضربت خرجاات ليا هادي من الجنب
طول فيها الشوفة تايفكر وقال متنهد: كاين حل واحد
حلات عيونها بسرعة: ايوا صافي ديرو
عصام: هاد الحل خاصك تقبليه كيفما هو حيت هو الوحيد لي غايخبي داك بنادم يقلب عليك وتاديك السيدة تطماأن ملي تشوف راجلها خدام معانا
ضحكو عيونها بانبهار: دااوي بصح!!.. عرفتي نتا والله حتا دكي امسيو اوكوراي وأنااا تااايقة فحلوولك ههه.. وايالله راتعطلنا عليهم
سبقاتو مبسمة وهو تبسم بجنب فمو وتبعها للجردة لي شعلات اضواءها البيضاء والكرات الكبيرة المضيئة فالعشب حيت ضلام الحال.. لقاوهم باركين مدابزين بالحس والعشا قدامهم كايشهي و غير شافوهم سكتو.. بركات ليلى وبرك حداها عصام قائل: لاسوب من لي تتعجبك امدام هدى
ردت هدى ببسمة خفيفة: مكان لاش تعدب راسك
رد: لا عفوا
كان غاينوض يحط ليهم لكن سبقاتو ليلى حيدات الفيسط وبقات بالشوميز السوداء وبدات هي تحط ليهم وهو فيها تايشوف ..كبات لاسوب وعطات لكل واحد شنو بغا عاد بركات دوقها..عمرات المعلقة مزيااان ومع سرطاتها جمعات الضحكة وشافت فعصام مخرجة عينيها
ليلى: وااااش حاار مج غايجاوب بدااات بسرعة تنش على فمها، عينيها دمعو ووجهها حمار بدات تقول غير: المااا المااا المااااا
تصدمو من حالتها ونااضو كلهم وقفو هدى ايدها على فمها مخلوعة وعصام بالزربة عطااها تشرب طاحت على داك الكاس طيحة وحدة
عصام: بشوية عليك احبيبة ديالي غايوحل ليك واااش صافا
بدهشة شافت فيه هدى وفارس: شنو!؟
ليلى ضارت لوجهو بزقات عليه داك الما وبدات تكح حتا عروقها خرجو وكلما بغات تهضر تتزيد توحل ليها.. بهدوووء هز مشوار ومسح وجهو من الماا تايصبر راسو وزاد تايضرب بحنية على ضهرها تحت انظارهم ومسامعهم
عصام: حيااتي.. عافااك تنفسي بشوية.. واش نديك لطبيب.. عافاك ماتخلعينييش عليك
فاقت هدى من دهشتها وقالت تاتمتم: ا ا ماتخافش خاصها غي تشرب الحليب وتولي مزيان
بعد مخلوع خلعة عاشق مشا بالزربة جاب ليها قرعة ديال الحليب وليلى ماحيلتها للحار ولا الما لي وحل ليها بسبب كلامو ولا لتصرفاتو تلفات وتعصباات
.. هدى كبات ليها كاس عامر ديال الحليب وبيدها شرباتو ليها عاد ردات شوية النفس وبدات تهدن قليلا فقليلا
هدى: واش صافا دابا احبيبة؟ مزيان؟
عاد غاتهضر شدها عصام وقال: تعالي معايااا
داها وراه وخلاهم مصدومين واحد فارس بقا غاواقف ماتحرك ماوالو وهدى قالت: ياك سمعتيه قال حبيبتي
رد منداهش: م ماعرفتش
هدى: واش بيناتهم شي حاجة؟؟ مافهمتش.. بودني سمعتو قال حياتي وحبيبتي.. ياك غير مساعدة ديالو؟ "بركات دايخة وقالت تتكلم مع نفسها" دابا عصام اوكوراي تايبغي المساعدة دياالو؟!جرها للكوزينة بملامح عصبية مازال عالقة فلحيتو اتار الما لي بزقات عليه وهي كتاار منو عاقداهم والدخان من نيفها خارج حل فمو يدوي هي تقاطعو بحدة وصوت عالي
ليلى: داااباا غااتفهمني شنو معنيتهااا داك التخربيق لي قلتي لداخل وكااانتمنى كااانتمنى مايكونش هادشي لي فبالي
رد مخنزر حتا هو: واااقلة كبيتي الما على وجهي !!؟؟
ضحكات بالفقصة: داابا هادشي لي هامك اسي الباطرون.. اناااا الى تجاوزتي معايا الخط الحمر مكانفزگش الوجه بوحدو كااااانفگس حتاا البييض
اندافع بعصبية: شمن خط ولا حييط.. مكاان عندي حتا حل من غيير هادااا.. من الأحسن تظن بلي بيناتنا علاقة باش ترتاح ونخدمو طرونكيل
ليلى: وااش نتا شوية لاباس الاخ واش صافي غير حيت فيك عرق تركي جااي باغي طبق عليا مسلسلاتكم هنااا شمن بيناتنا ولا بيناتهم.. لاااا وجااية تانشكر فيك ونعاود نتااا دكي نتا زكي لاوااه التبن
قرب مخنزر وقال بنبرة تهديد: ليلى بديتي كاتفوتي الحدوود ردي البال لطريقة كلامك معااياات
خرجات فيه عينيها: ونتا رااك سطتي فهاام الحدود امسيو اوكوراي
قلب وجهو تايجمع النفس ويبرد راسو وهي قالت بنرفسة: ماالني على حاالتي انا ماالني.. جاية نخدم بحالي بحاال الناس وليييت فحبيبتي حيااتي قيس من هنا وهنااا
شاف فيها وقال تحت سنانو: اما هاكا أما حيدي وخلي بيرين تتكلف.. مشروع بحال هادا مايمكنش نضيعو من ايدي و شهور وانا كانتسنا الفرصة فين نشدو ونخليه يستتمر عندي.. مغانخربش هادشي لابسببك.. لابسبب اي واحد آخر
صونا تليفونها خرجات مخنزرة للصالون فين خلاتو ..عطاها هو بالضهر كايمسح وجهو بتعب وعصبية رهقاتو وصوتها عندو مسموع
ليلى: شنو امليكة.. بلااما تبداي تاااااني الله يرحم جدك راانااا أصلا معصباا
مليكة: فييينك امعتوكة لياام فييينك
ليلى: فالكباري ااختي كاانشطح صبري نجمع الغرامة ونجي "عصام غوبش مستغرب وضور وجهو لجهة الصالون"
ليلى: وارااااني اامي خداامة بغيتي نتهجاها لك واخداامااا.. واخا اناا غانوض نقووليهم بسلامة مي مابغااتنييش نتعطل
مليكة: اشووفي يااه.. انا هاد الهضرة عندك ماتوكل خضرة.. والله وزدتي تعطلتي حتا نسد على باباك الباب الى دخلتي هاوجهي وإلى ماااوصلتها لسي محمد هانا هاتي
ليلى: قطعي امليكة قطعي بغيت ليا قطيعة
قطعات بعصبية ورجعات للكوزينة مربعة ايديها بنرڤسة وزامة فمها فحين هو طول فيها الشوفة وقال
عصام: متافقين ولا لا؟هزات عليه صبعها وعينيها مصغرين بتهديد: شوف.. ديك لعيبة ديال نلوح ايدي من هنا نستااغل الفرصة ونقييس هنااا...
نزل صبعها بنفاد صبر وعندو قربها كتر تايضغط على كل حرف: أنا مكانديهااش فالبنات لي كايخدمو معايا ولا خدامات عندي ..ماتخافيش. حسبيها خدمة وغاتسالي كيف يتوقع العقد
بعدات مطلعة حاجب: كانتمنى
مد ليها ايدو: نمشيو
طلعات نفس وشدات فيه خارجين لعندهم يد فيد ..هدى وفراس مراقبينهم بنظرات تساؤل واهتمام حتا جر ليها الكرسي وبركات هزات نيشان كاس الما تشربو وتاترمش فيهم وهو حداها برك بابتسامة حتا نطقات هدى بابتسامة
هدى: دابة وليتي مزيان اليلى
حركات راسها وحطات الكاس: وي بيخير
هدى: ا مزيان "حنحنات مبسمة ومحرجة فنفس الوقت بالطريقة لي عاملاتها.. شافت واحد لبلا حداها ديال لفروي دمير وهزاتو قائلة: تقدري تجربي هادا مافيهش الحار
ليلى: لا شكرا مدام هدى.. شبعت
حطاتو: لي بغيتي .. بالحق ماكليتو والو.. نتمنى مانكونوش حنا لي زعجنااكم
رد عصام مبسم: لا نهائيا بالعكس نورتونا
شاف فيهم فراس وقال: واش بيناتكم شي حاجة ولا حنا لي غالطين
رجع صونا تليفونها فايدها طلات لقاتها مها ونفخات بضيق بعدها رداتو سيلونص ..كاتشوفيهم وتسمع لأجوبة عصام وفنفس الوقت كل شوية تشوف فالساعة وحاسة بلي كلما فاتت دقيقة تتزيد تقفرها ولكن ماعندها حتا عدر يخليها تنوض وتخليهم فوسط العشاء
هدى: هههه بالحق دوقك غزال مانكدبش.. غزاالة وفنيكيشة فنفس الوقت هههه
ضحك عصام وحاوطها من كتافها بايدو عاد انتابهات ليه وبلي حالين فمهم بالضحك بدات حتا هي ضحك واخا فوق النفس
فارس: وعلاش لدابا ماصرحتوش بعلاقتكم؟
هدى: وي فعلا.. الحب لي فعينيكم حقيقي علاش ماتزيدوش بعلاقتكم القدام وتولي رسمية ؟
سكتو بزوج كايشوفو فيها ..ضارت لعندو ليلى جامعة زامة فمها وقالت بجدية: جاوب نتا احبيبة ..علاش لدابا ماخلينااش علاقتنا رسمية كتر؟
حك ودنو تالف فاش لاحت ليه الكرة وقال حيت .. يعني مازال شويى الحال
ردت هدى بحرج بعدما شافتو كأنه حشم من سؤالها وليلى تعصبات
هدى: بصح ههه كلشي من الخير وسمحولي سولت وتدخلت فشي حاجة متتعنينيش
ليلى: لا لا امدام هدى علاش تعتادري.. نتي فقط شفتي بلي الإنسان إلى كان فعلاقة زوييينة تايدير خطوة القدام أولى؟
تللفاات هدى وماعرفت ماتقول شافت فيهم ونطقات بتردد : ا اه يعني...
قاطعاتها بنرفسة: ولكن سي اوكوراي مازاال مابغا المعقول مع الأسف.. ياك اشيغي
صغر عينيه فيها: شنو
ليلى شداتها البكية وحطات صبعها على نيفها حابساها.. شافتها هدى وبدات غير حالة فمها لاهي لاعصام وهي قالت بنبرة باكية: سمحلولي انا غانخليكم.. تصبحو على خير
خرجات غضبانة منو وهدى مصدومة وحاسة كأنها هي السبب فالخصام ..لكن صدمتها لاتقل على صدمة عصام لي مافهم والو حتا سمع ميساج فتليفونو فتحو وكان منها
"سمحلي على هاد الموضى ولكن مضطرة نمشي.. الىخزدت تعطلت ماما غاديرني گديد ..باي"
ضحك بلاما يحس وهدى غوبشات فيه ماعجبهاش الحال وقالت: واش مغاتبعهاش؟شاف فيها عصام ماحي بسمتو وفارس قال عاقدهم: هدى من الأفضل بلاما نتدخلو كتر من هاكدا
عصام: غانهضر معاها من بعد حتا تتهدن شوية
هدى شافت فراجلها متنهدة بحزن ندمات لي هضرات من الأصل وقالت: مهم مسيو اوكوراي.. حنا خاصنا نمشيو
ناض فراس معاها ووقف حتا عصام مبسم: شرفتونا امدام هدى
هدى: شكرا ..كانتمنى من كل قلبي مانكونش تسببت بشي مشكل بيناتكم
عصام: أنا غانحل الموضوع ماتشغليش بالك.. سي فراس.. موعدنا قريبا
سلم عليه وقال بجدية: أكيد.. المشروع عجبني وحتا الخدمة معاك ممتعة.. المساعد ديالي غايحدد معاك موعد توقيع العقد
تبسم: إن شاء الله
بتاسمات ليه هدى وخرجو ..سد وراهم الباب وخرج تنهيدة طويبة ..اخيرا سالا العشا وسالات هاد الأمسية المعكسة.. لكن الليل مازااال طويل.. طويل وغادي و تايطوال عند فاطمة الزهراء لي ففراشها كاتقلب و حلف النعاس لازار عيونها..عقلها عامر و مخلطة عليها الاحساسيس غير تتفكر وتساءل شغلها الشاغل حاليا.. هو امين ..
فجهة أخرى سيمحمد كان عاد دخل لدارو معطل بعدما سالا خدمتو وعلى بنتو طل بعدا.. غطاها وباسها عاد خرج للكوزينة شرب الماء ودخل للبالكو واقف كايتنهد والبسمة مزينة عينيه..البسمة لي شحال مازارت عينيه وماكانت عارفة ليهم طريق.. فأيام قليلة لقاها.. ومابقاتش باغا تفارق بالو وتفكيرو ..لاهي.. لامولات التبسيمة..
لكن ماشي نفس البسمة لي على وجه ليلى.. بسمتها خالية من البراءة والحب وهي فبيتها باركة على السرير كاتعشا باندومي وعينيها على تليفونها بتشوييق متبعة الحوار لي داز بين بيرين والعساس وكل شوية ضحك من الخلعة لي راكبااهم..
المستور قدما طوال كايتفضح.. كان مكيدة..ولا حب فالقلب مدفون.. كان ضحكة صفرا وراها مكر ومضرا..
.خرجات من الدار بدجين اسود مع بودي اسود فوقو شوميز بيضة محلولة وسبرديلة بيضة فرجليها.. هازة ساكادو فكتفها مزيرة عليه وعينها على الطريق بتوتر ..سدات الباب وتمات غادة بخطوات قلال حتا وقفات قدام دار عيشة ودقات الباب كاترعد وتسنى.. فتحات ليها الباب وضحكات فرحانة بيها
مي عيشة: اهلا اهلا
نزلات سلمات عليها: مي عيشة صباح الخير
مي عيشة: صباح الخير والربااح ببنيتي زيدي مرحبا بيك
ردت بسرعة: لا لا مزروبة عافاك.. جيت غير نقولك على سلامة أمين.. وصل بيخير ياك؟
ردت ضاحكة: الله يسلمك الحبيبة وصل بييخير وعلى خير لقيتيه عاد خرج يطل على ولاد الدرب.. دخلي غير شوية تشربي معايا كويس اتاي
فاطمة الزهراء: ربي يخليك خالتي مي خاصني نمشي.. سلمي عليه واخا
ردت: مرحبا بسلامك احبيبتي يسول فيك الخيير
فاطمة الزهراء: آمين.. بسلامة
ضارت بسرعة غادة جهة الشاريع وبدات تبسم شوية بشوية ..
...
سيمحمد: ااابلاااتي
مسح ايديه وخرج من الكوزينة يحل الباب مخلي الفطور واجد فوق الطبلة ..حلو وشاف قدامو شاب نفس الطولة ونفس التگلضيمة لابس دجين بيض مع تيشورت خفيف و كاسكيطة.. الضحكة مزينة وجهو الوسيم ومصغرة عيونو العسلية
..سيمحمد طول فيه الشوفة شوية ومن بعد ضحك وقال: عاش من شافك النمس
أمين حل عينيه تايضحك بدورو: هههه باسييمو توحشناااك
تعانق معاه عناق رجولي وضرب على كتفو قائل: دخل دخل مرحبااا
دخل مدرم وقال: ترحب بيك الجنة ..فين سيمو جينيورة دياالنا ههه
سد الباب قائل؛ ناعسة ..حيد حيد من رجليك
ضار ليه : قليل الصواب ..الناس تايگولو الدار داارك
سيمحمد: واملي داارك جففها ملي توسخها
أمين: هههه هاهو اخويا محييدو ليلى فالبيرو ديالها كاتكمل خدمتها وريحتها فايحة على قنات المكتب ..معكرة بعكر حمر ولابسة الحمر وطالونها الاسود قاعو حمر.. هزات شي وراق فيدها وناضت خرجات تنزل للتحت وفالطريق تلاقات بيرين عاد جاية بلباسها الرسمي المحتشم ونظاظرها الكبار مغطيين النص فوجهها ..ضحكات ليلى بجنب فمها ملي شافتها وقدامها وقفات قائلة
ليلى: بيروش صباحووو
تجمعو حجبان بيرين معاجبهاش الحال: كيفاش بيروش؟
ليلى: ماندلعكش لا.. شفتك اليوم بحالا تعطلتي شوية ههه؟
طلعات النفس قائلة: كان عندي غرض اليلى.. يالله نخليك
ضحكات؛ اوكي حبيبة..باي
تمات نازلة مع الدروج راشقة ليها.. طلعات راسها جهة الباب هي تحبس وبدات الضحكة تجمع ملي شافت هدى داخلة بفستان بنفسجي مطلوق على جسمها طالقة شعرها وشادة بوشيط سوداء.. نزلات عندها ليلى تتزرب غادة وتسول: هاادي اش جابها تااني اش جااابها
ليلى: مداااام هدى هههه
نتابهات ليها هدى ووقفات مبسمة.. حيدات نظاظها وسلمات عليها بلابييز جوج بوسات للحنك بحالا راهم صحابات من زمان
هدى: صافا احبيبة ديالي كيف بقيتي
ليلى: ههه الحمد لله ونتي.. بصراحة سمحيلي على البارح نضت وخليتكم بلا كلمة بلا زوج ولكن راك عارفة حنا العيالات دغيا تتشدنا الحالة هههه
جاوبات بتفهم: عارفة عارفة وكنت خايفة مانلقاكش هنا وتكوني باقي مقلقة.. مي الحمد لله
ليلى: هههه لا لا عاادي أنا تقليقتي خفييفة أصلا.. شنو بان ليك ندخلو للبيرو ديالي ونكملو كلامنا
هدى: اوكي
ليلى: تسنايني هنا جوج دقايق وراجعة.. شنو تشربي بعدا
هدى: كافي
ليلى: مرحباااا هههه
خلاتها ودخلات للبيرو ديال ياسمين حطات ليها الملفات وقالت: يااسو.. هادو الزين تكلفي بيهم.. وسيفطيلي جوج كافي عافا الزين للبيرو ديالي وشي حلوة هاكدا من دوقك
ياسمين: واحا احبيبة داباا نسيفطهم ليك
ليلى: مواح عليك
خرجات راجعة لهدى ورافقاتها لمكتبها ضاحكات ناشطات حتا دخلو وبركو كايتعاودو
ركبات معاه وقالت مبسمة
فاطمة الزهراء: السلاام
سيمحمد: وعليكم السلام "ديمارا مبتاسم بدورو وقال" هانية.. كي دازت الحصة؟
ردت: صافا مزيان.. ونتا هانية
رد: الحمد لله "شاف فيها" أميمة تتسلم عليك
ضحكات بحنية: الحبيبة ديالي ..حتا أنا سلم ليا عليها بزاف بزاف
سيمحمد: مبلغ.. قالت ليا نوصل ليك واحد لميساج الى قبلتي
ردت بفضول: شنو هو؟
سيمحمد: غدا لحد.. كاناخدو روبو على ودها وكانخرجو النهار كامل.. وبغاتك دوزي معانا العشية .. العشية فاش تسالي الحصص ديالك والى مكان عندك مايدار
ردت بحماس: معلوم بكل فرح ههه غدا مع الستة اوكي؟ غير سيفطلي لوكاليزاسيو ديالكم وغانكون تما
سيمحمد: واخا ههه "شاف فيها ضاحك حتا تسدو عينيه وضحكات حتا هي"
فاطمة الزهراء: مالك ههه
سيمحمد: مانضحكس
ميلات راسها تتشوف فيه بحنية: بالعكس ..الله يخليك ديما ضاحك
بسم قالب وجهو وقال بعفوية: الله يخليك ديما حدايا
فاطمة الزهراء: أمين رجع، احم فخبارك
محا بسمتو وخطف فيها شوفة قائل: فخباري.. فطرنا الصباح مجموعين
فاطمة الزهراء: مزيان
سيمحمد: تلاقيتو؟
ردت: لا مازال
حرك راسو وقال: ونتي باغا تشوفيه
ردات شعرها ورا ودنها بخجل وقالت: لا يعني.. غير فضول وصافي
سكت معاودش سول وهي تاضور فعينيها حتا وصلها للدار وزاد يكمل خدمتو..
ليلى: ههههه بصح هادي عندك
هدى: وااشنو مالي متانعرفش الرجاال.. شوفي احبيبتي الى كانت عينك فيه طيري عليه بيدك ورجليك .. الراجل يكون كيفما كان تايحماق على المرا لي تتعطي قيمة لراسها وفنفس الوقت تعطيها ليه حتا هو
حركات راسها بفهم: بصح ..معلوم
هدى: وأكيييد احبيبة ديالي غاتصادفي فطريقك دوك النمادج لي غير تتلسق خاصها غير معامن.. أنا شخصياً بابا مكانش باغي ليا فارس وتحاربت معاه سنيين حتا قنعتو وتزوجنا.. غيير قلت اااه رتااحييت خرج ليا هاد النوع ..وليت تاني فشد ليا نقطع ليك كل مرة مع وحدة فشكل مكايتقادااوش مرة زعراا مرة سمراا هادي شاارفة هادي برهووشة هادي مساعدة ديالو هادي شريكة معااه
ردت بتعجب: وامكايتقادااااش "فطنات بشنو قالت هي تجمع بسرعة" زعما مكايتقادااوش هادو واش تايبان ليهم غير رااجلك وييلي
هدى: ههه توريني فيييهم شحاااال دازو عليا.. ولكن حتى أنا كنت ليهم بالمرصااد
ليلى: الله عوينك احبيبة.. أنا هاد النوع كايتقادا ليا معااه خاصهم غير يشوفو مسيو اوكوراي ويبداو
ردت مستغربة: تتقولي ليه مسيو اوكوراي واخا غير بيناتكم؟
ليلى: ا.. لا ههه لا ويلي غير هو الخدمة و فاطار الرسمية والاحترام فهمتي ههه..اما بيناتنا مكاين غير عصومي عصموش ههه
ضحكات حتا هي: عصمووش هههه كون تعرفي شحال حبيتكم اليلى دخلو لقلبيي دغيا ههه
ليلى: يخليك لييييلي هههه
هدى: شوفي غانعطيك نصيحة من دهب..من الأفضل ديري مادرت أنا وحيدي ديك بيرين من طريقو.. خليه يدير مساعد راجل ماشي مرا لي ديما مزوقة وكل شوية داخلة عندو وديما لاسقة فيه كتر منك نتي لي حبيبتو
ردت مسايراها: بصح عندك الحق
هدى: بحال كيما درت ليه أنا.. وعينيا ديما عليه متايشوف لاهاه لااهاه
ليلى: بااينة.. بصراحة ملي شفتكم وانا تانقول مسيو فارس منيين مزير هاد التزييرة كاملة حتا متايتفنفنش .. قولي نتي هههه
قلبات عيونها بفخر: معلووم ههه ..وشحال قدو گااع يشوف فالخانزات.. اخيرتو شكوون لي دايمة ليه
ليلى: نتي
هدى: أنااا.. مرااتو والمديرة الفعلية ديال أعمالو
ليلى: براافو براافو.. سيدة أعمال ناجحة..وزوجة دكية ماخليتي ليا ماانقول هدى: هههه لهلا يخطيك كبيدة اي نصيحة مرحبا
حلات ايديها تاضحك: وعلاه نقدر نمشي عند غيرك ونتي كلك هناا هههه مايمكنش
تدق الباب ودخل عصام مبسم و الواضح أنه عاد وصل للبيرو وخبروه بوجود هدى عند ليلى
عصام: مدام هدى..شرفتينا
وقفات تسلم عليه: مسيو اوكوراي شنو خبارك
رد بلباقة: فرحانين بوجوودك مرحباا
شاف فليلى لي وقفات وباسها فكنحها هي ضحك وقالت: ههه صباح الخير
رد ليها شعرة ورا ودنها وهدى تتشوف فيهم: صباح النور عمري
ليلى: عمري هههه
شافت فهدى تاضحك والأخيرة قالت: ماضربتكم بعين ولكن جيتو مواتيين بزاااف..ماتصورووش شحال كنت خايفة تكونو مخاسمين بسباابي
ليلى: لااا " شافت فيه" أصلا شكوون يتقلق من هاد الزيين شكوون
جرات ليه حناكو حتا تحرج وبدا يضحك منزل ليها يديها وقال بيناتهم: ماتعيقيش
ردت بشوية و بنفس الضحكة: والبوسة شنو ماشي عياقة؟ هههه
عصام: ههههه
هدى: مهم أنا خاصني نمشي دابا ..ليلى ماشيغي ..ميغسي على الفطور وعلى الجلسة الجميلة.. الهضرة معاك مايتملش منها
ليلى: رجعي نعاودوها وقتما بغيتيي
هدى: اكييد انا حبيتك بزاف بزااف
ليلى: حتا انا هههه
هدى: بسلامة علييييكم
حرك ليها عصام راسو حتا خرجات عاد ليلى محات الضحكىة وبركات بعياء تشرب الما وقالت بعفوية: اطول سااعة داازت علياا فحياتي.. النفااق شحال صعيييب افففف
قال بجدية: شنو بغات
شربات وحطات الكاس : قالت لك جايا تعطيني نصائح لعلاقة طوييلة الأمد.. كون كان الخوخ يداوي كون داوا راسو
عصام: سايريها وصافي..
ليلى: داكشي لي درت "شافتو بغا يمشي و وقفات قدامو بسرعة" احم مسيو اوكوراي.. عندي واحد الموضوع بغيت نتكلم معاك فيه
جمع حواجبو: ياك لاباس
ليلى: كل الخير، غير بغيت حتا بيرين تكون حاضرة معانا.. حيت الموضوع متعلق بالنهار لي تحبست فالارشيف
رد: أنا واعدتك وغانوفي بوعدي.. هاد الموضوع غانحلو بنفسي غير ارتاحي، ولكن ماشي فهاد الفترة الحساسة.. نفكو مشكل الاستتمار ونبدا بيه هو اللول
حركات راسها بتفهم: وأنا متفهمة انشغالك.. داكشي علاش درت شرع ايدي وحليتو
طلع حاجب باستغراب: حليتيه؟
ليلى: آه.. ملي تكون مدام بيرين حاضرة غاتعرفو كلشي
عصام: واخا.. هاد النهار مشغول عندي خدمة على برا.. غدا ونتكلمو فهاد الأمر
ليلى: واخا ماعليش.. بحال اليوم، بحال غدا
عصام: يالله نخليك
بسمات ليه وخرج فحين هي توجهات لساكها حلاتو وجبدات تليفونها.. جلسات فوق الكرسي دياالها و فتحات الفيديو بضحكة جانبية تتفرج فيه مرة أخرى ..بعيدة جدًا أنت ِ.. كنجمة في مجرةٍ أخرى ،وقريبة جدا.. لدرجة أنكِ داخلي ..
تشغلين بالي وأفكر بك باستمرار.. رغم أن هذه الأفكار تغرقني بك أكثر فأكثر.. و أحبكِ أكثر من تأرجُح الحياة بداخلي ..بين الجدية والهزل ..ومرارة القدر
.....
صباح جديد فدرب المزاليط وأجواءو الشعبية لي ماخطاتو لاصباح لاعشية..لاصيف لاشتا واخا دوز سنيين وسنين..
....
حادة: ااافييين هااد الفطور
جاوباتها حياة من الكوزينة: واهانا جاايا.. فاتي حبيبة عافاك سيري حطي ليها هاد الصينية قبلما دخل علينا
هزاتها فاطمة الزهراء مخرجاها للصالة فين باركة حادة لابسة جلابتها وعاقدة زيفها والتسبيح فيدها ..حطات قدامها الصينية ورجعات عند حياة لي تتحط دواز الخبز فوق البلاطو
فاطمة الزهراء: ندي حتا هادا
حياة: لا غانديه أنا .. نتي جيبي معاك غير الخبز
ردت: واخا
تبعات حياة هازة الخبز ..بركو مجموعات تايفطرو حتا قالت حياة
حياة: لاكنتي غادة دوزي على الفرماسيان جيبي معاك دواك راه قرب يسالي
جاوباتها حادة وهي تتفطر: جيبيه تي نيت شكاديري.. انا ممسالياش
حياة: وفين شاداها هاد المرة؟
ردت: غادة نطل على ختي عيشة مسكينة
ضحكات حياة وغمزات فاتي لي تتفطر وترمش فيهم: طلي عليها ولا على الخبارات.. ضرك راااسك احادة خبار أمين فلتاات ليك
ميقات حادة متجاهلة سؤالها وقالت: زياان الدري وتگضر.. بالحق ماعاجبنيش حالو
حياة: واباااز.. داك الولد مسكين من صغرو ونتي شادة معاه العكس العفوو
حادة: ومنين جاتو الطموبيل؟
حياة: وحناا مالناا ياااويلي
حادة شربات جغيمة اتاي وحطات الكاس: الله.. فاطمالزهراا.. نوضي احنينتي جيبي ليا عجازي راه فالبيت
فاطمة الزهراء: واخا اجداتي
ناضت وتبعاتها حادة للبيت وحياة متبعاهم بعينها باستغراب.. هزات فاطمة الزهراء العكاز هي تلقاها قدامها كاتسد باب البيت
فاطمة الزهراء: جداتي!!!؟؟؟
ردت حادة بصرامة::بركي تم نهضر معاك
جلسات بانصياع وقدامها باركة حادة كاتشوف فيها بنظرات حادة: تلاقيتي داك صعصع ولا مازال
ردت بتوتر: شكون!!!؟؟
حادة: ولد عيشة
فاطمة الزهراء: لا مازال
حادة: شوفي ابنيتي.. أناا رااعاجنااك وخابزاك بيدي..نتي بنت الدار الكبيرة والأصل والمفصل ولي بغا ينطق سميتك يشلل فمو بالسمن والعسل.. وداابة راكي كبرتي ووليتي مرا .. يااعني داكشي ديال دخلي عدو يدخل عدك يعنقك وقتما گالها ليه الطنطون ديال راسو مابقااش.. رانا شفتو وشفت عينيه غاتايضورو، البنات جايات مع مهم تايباركو لعيشة رجوع وليدها وهو بارك يحسب فالطروفة هادي طويلة هادي عريضة هادي غادة هاادي جااياا الله يخليها قاعدة
فاطمة الزهراء: جداتي راه كبرت معااه وعزيز عليا مانقدرش مانشوفوش
حادة: اري داك العكاز لهنا
رجعات اللور بخوف : واجداتي حشومة عليك
حادة: واش تي هبيلة شوي.. واش انا تانگول لك الدري مزاگيش فعينيه وتي تاگولي ليا مانقدرش مانشوفوش..
فاطمة الزهراء: واصافي دابا .. خاصني نخرج مزروبة
هزات عليها صبعها: شوفي يااه.. هانا تربيت منك ودنووبك على راسك.. تسحابي ماوصلونيش الخبارات ديالك تي وهادااك ..ومادوييتش حطيت عشرة على فمي وگلت حااادة ولاد هاد الجيل ماشي هوما جيلنا والدري تربيت ايدك ماافيها باس ديرو بحال خوها.. ولايني هااداك النمس ديال أمين هااودني منك هااودني منك
فاطمة: واصافي اجداتي اففف
ناضت خارجة من البيت ودخلات لبيتها مقلقة وجامعة حجبانها تتنفخ...
.بعد فترة خرجات من الدار لابسة دجين وتيشورت مع كلاكيطة .. باغا غير ضور فالدرب وتنفس شوية على خاطرها المزير ..دغيا تاتأتر بالهضرة وكلام حادة زعجها بزاف.. بغات ضور مع الدورة هي تسااطح مع أمين لي كان هاز تليفونو.. هي جات طايحة اللور وهو تليفونو طاح وغوتات شادة رجلها
فاطمة الزهراء: اااي
هز تليفونو عاقدهم وتحنا عندها بقلق: ختي صافا؟ واش مقصحة
ملامحها مخسرة بألم: رجليي رجلي
أمين: عطيني نشوف
" خدا رجلها المجروحة من الجنب جريحة صغيرة وبعض الخدوش وقال: قادة توقفي عليها ؟
حركان راسها بآه مألمة وشدات فيه بمحاولة لأنها تنوض ومازال فيه مشافت وهو كدالك ماركزش فملامحها غير غادين
أمين: فين داركم!؟
ردت مغبنة كرهات الخروج ومايجي منو: غير هنا مع الدورة
قال مستغرب وتايشوف فشعرها الزعر لي مغطي وجهها وهي حانياه: نتي بنت الدرب!؟
قالت: آه
وقفات عند دارها وكمش حواجبو كتر تايشوف فيها وفدار حادة
أمين::ساكنة عند مي حادة ؟؟!
قالت بعدم اهتمام وباغا دخل: آه
جداتي..صافي شكرا خويا غير سير
حلات الباب بالساروت وقال بدهشة: فااتي !!!!
ضارت عندو مكمشة حجبانها ورمشات قائلة: تتعرفني !؟
حط ايدو على فمو تايضحك ممصدقش بلي هي: هههه أنا امين.. أميين البرهووشة هههه