دارت إشارة بعينيها متساؤلة بمعنى شنوو؟؟
جوبهاا بأمر:حسك منسمعوووش....
حركات ليه راسها بلإجااب...ناوية دير لي بغاا...غير يتصرف و يدير شي حاجة باش يفوتها لحرييق
خرج من لبيت و مشا دور عينيه على داار كان سقييل دبانة مكدورش...كلشي غاطس فنعااس...لاعب عليهم سهير تاع لعرس...تأكد أنه مغايشوفهم حد...مشا حل لحمام...طلق رشاشة تاع لما باش يسخن دوش...سدو بإحكاام....ومشا رجع لبيتوو...لقاها مزاال كتنين...هيا أصلا على والو كتعطي لتبوحيط قتلة...ودابا مع هادشي لي وقع ليها...عاد مازادت...حل شانطة جبد منها بينوارها لحريري ديال شوميز لي قطع مدو ليها لبساتو ...
عصام:نوضي وقفي تبعيني...
ناضت على سعدها ووعدها تگعدات من بلاصتهاا...وبشوية عليها باش متعگرش...مع لوقفة وهو يضربهاا ضو من لتحت...غمضات عينيها بشدة وعضات على شفايفها بألم...عصام زفر بضيق واضح....عرفها غتبقى تماوت عليه ومغاتزيدش...قرب لعندهااا...دور يديه عليها...غير هزهاا بين يديه بجهد وهي تغوت مصمكاه:أاااااييي...بشششوية
زير عليها ونطق بانزعااج محاول يخفض صوتو:وسكتيناااا ألخرى...واش بغيتي تفيقيهم...قطعي حسك...
سكتات ضربات الطم...لوات يديها على عنقو باش مطيحش...وصلها لحمام...جبد كوورسي..گلسات عليه..ودوش ليهاا...غسل ليها شعرهااا هو لول...ودوز ليها صابون ... وخا كيضغط عليها حيت معمرو غسل شي حد....مكايعرفش...غير مسايس معاها..نسرين بقات ساكتة كتفرنس غير بوحدها عاجبها لحاال...جايبة فشوشهاا عليه... وكتمسح وجها من لما بيديها بجوج....ناسية لحرييق...حاسة براسها فوق سلك بغا طيير....اول مرة تجرب يدوش ليها شي رااجل...سالا ليهاا...وخرج مخليها موراه كتوضى ... مشاا رجع لبيت وجاب ليها لبينوار لبسااتو...خرجاات وهاد لمرة قدرات تمشى على رجليهاا...دخلات حلات شانطة جبدات منها حوايجهااا...وگلسات كتنشف شعرها....وهو رجع هز فوطة فوق كتفو...وجبد لحوايج لي غايلبس حطهم فوق سرير...ورجع لحمام باش يدوش عليه ...
فاقت الصباح خنساء على صوت التلفون كايصوني مع سبعة ديال الصبااح ... خصرات كمارتهااا وهزاتو حالة عين وسادة الاخرى طفاتو وكملااات نعاااسهااا ... مجات فين تفقد وعيها وتغيب تاني حتى حلااات الباااب نصيرة بزعفة : انوضي اديك المسخوطة .... راه غادي يمشي عليك الحاال للمدرسة ... ولا ماعند جدبوك غراض ... باغا تزيدي تنبتي عام اخر فداك الليسي ...
حطات يدهااا على جبهتها خاسرة بالمعقول كاتكسل : مالكي حامية السوق على الصبااح ... بفففف
قرباات جارة عليها الغطا : تكعدي ناس قراو وجاو ونتي مزال كاتقلبي ... نوضي رااه غايمشي عليك الحااال ...
تأفأفات نايضة ساخطة : الله يعطيني معاكم شي باسبور حمر مانعاودش نضور بساحتكم كاع ولا بساحة ديك المدرسة ... اوووف ...
نصيرة : باسبوور حمر ... لقيتي حتى الاخضر الله يعطينا كمارتك ... نوضي الله يغبر ليك الشقف ...
تكعداات كاتنكر ... خرجات للطواليط غسلات وجهها وحالتها وطرفاات ... مع خرجات لقاتها واقفة عليهااا : طلقينا راه والله حتى غايجريو عليك شي نهااار
خنساء : هااا العاار اعمتي ... لاما هنينااا ... اووف الغوات على الصباااح ... ياربي السلامة ....
زادت للبيت حلات البلاكار جبدات منو اقرب عباية لقاتها حبسااتها ودازت قدام الكوافوز دارت بالحالة شوية وقادات راسها وهزات شكارتها خرجااات كاتسوط كاتكره تقرا فالصباح ...
نصيرة سمعاتها هابطة : دوزي تفطري
خنساء كاتسوط : ماقدكش داك الفطور لي عطيتي على الصباااح ... غير بالصحة
نصيرة : لهلا يطيحو فضرسك ... خرجات من تمااا متاجهة للمدرسة وكيف العادة معطلة عمرتها تلحق فالوقت ...
وقفاات نجاة قدام لباب كدق...وهيا شادة فيد التانية طبسيل كبيير...دايرة فيه لمسن،ولبغريرو كيكة مقطعة طرااف...مغطياهم بسربيتة...ريحتهم عاطية بحكم طابو غير مع الصباح ... عاودات دقات مجاوبها حد... نطقات مخاطبة نفسها دايرة يديها تحت فمها بتعجب:هادو مالهم مبغاو يحلو؟زعما يكونو باقين ناعسين!!!...ولكن نصيرة كتفيق بكري...
باقة كتسائل حتا حلات عليها نصيرة لباب وهيا كتقاد زيف فوق راسها...طلعات فيها عينيها وهبطاتهم:هادي نتي..؟
دارت ليها نجاة ضحكة صفرة مخرجاها بزز منها...قربات لعندها سلمات عليها:صبااح لخيير...
لوات نصيرة فمها ونطقات بنبرة عادية:صباح لخيير
بعدات عليها نجاة:لاباس عليك... رتاحيتي شوية من لعيا تاع لعرس ؟؟
جوباتها على قد سؤال ممكتراش معاها لهضرة :شوية لحمد الله...
نجاة:إوى نضت بكري حداگيت ووجدت لفطور لعرساان وجبتو ليهم..
نصيرة شافت فيها وحولات أنضارها لطبسيل لي فيديها: يكتر خيرك...(وسعات لحلة تاع لباب)زيدي دخلي
دخلات نجاة لدار بعدما عطات داك طبسيل لنصيرة داتو حطاتو فلكوزينة..وردات لما يطيب باش يعمرو أتااي...
وجات لبيت كلسات حدا نجااة...لي بدات كدور عينيها على دار بحالا كتقلب على شي حاجة
نطقاات بتساؤل:واقلة گاع ضيااف مشااو؟؟
نصيرة: كلشي مشا بليل...راك عارفة ليوم تنين...ها لي خدام ها لي كايقراو ليه ولادو...كلها وشغالو
نجاة:عندك صح...حتا حنا نيت بحالكم نص تاع ضياف مشاو بليل...وحتا لي بات ناض بكري ومشا...(عاودات دورات عينيها ونطقات بنيرة خفيفة)احم..ولعرساان ديالنا باقيين ناعسين؟؟
جاوباتها بهدوء:باقين ناعسين...يلاه لقيتني فقت..نايضا على سعدي ووعدي نوجد لفطور...عضامي كاع مدݣدݣين...نايضا ليه غير بزز...راك عارفة مكاين لي يوجدو ليا
نجااة حسات بيها بحالا كتحشي ليها فلهضرة...غير بلفن..وكتقول ليها بطريقة غير مباشرة بنتك مافيها فايدة صابحة خامرة...عوض متنوض تورينا شطارتها...
... بتاسمات بصطنااع : مافيها باس خليهم يرتاحوو...باينة غايكونو سهرو...نيت راني جبت لفطور...بلا متعدبي...
نصيرة بنفخة:إوى الله يعطيك لخير...
ردت عليها بإجاز:أمين..بلا جميل
دازت دقائق وهما ساكتين..وحدة محاملة تهضر مع وحدة...قطعاات نصيرة داك صمت وهيا ناطقة فوق قلبها مبتاسمة جانبيا:مرحباا بيك...نورتينا...
ردت نجاة عليها بمجااملة زائفة:ربي يخليك أختي...(كملات بتساؤل) : هيا واقلة مامشتيش لخدمة ليوم..كلستي ترتاحي
نصيرة : بحال داكشي ...طلبتهم على ليوم وعطاوه ليا..
نجاة بهدوء:مزياان..خير مدرتي..أصلا يلاه داز لعرس..وعارفاك مولات دار مغاتقديش على تمارة شقا..اللهم ترتاحي ليك شوية
نصيرة طلعات فيها عينيها وهبطاتهم...خرجات نفس بصوت مسموع و حركات ليها راسهاا ب "أه" بلا متجاوبهاا....
نجااة بطى عليها غير إمتى تنوض فحالها...حاسة بلي وجودها غير مرغوب فيه تماماً..عاد دوك شوفات لي كدير فيها نصيرة ديال فهمي راسك و نوضي تگعدي فحاالك...نطقاات باغا تكسر الصمت:الله يعطيك الستر أ نصيرة ختي ...شوفيهم واش فاقو... خاصني نمشي...يلاه نلحق نجمع روينة دار ونوجد لغدا لولدي يعقوب غايجي من لخدمة.....كيف كتعرفي دابا ولات يدي بوحدي...مكاين لي يعاوني...
ناضت بشوية عليها كاتمختر فلمشية ونطقات بإختصار المفيد:واخااا...
تبعاتها نجاة بأنضارها حتا خرجات من لبيت ومبقاتش كتبان ليها...وهيا تعبس بوجها...
ناطقة بخفووت"ياالطيييف شحااال تقيلة على لقلب...معرفت يابنيتي يا نسرين أش عجبك فهاد تريكة... لي تبليتي بيها وبليتينا معااك....باين لعربون من دابا...قالتك (كملات كتعيب فيها)"نايضا نوجد لفطور غير بزز..راك عارفة مكاين لي يوجدو ليا"...بسلامة ولعافية باغا لعروسة مروحاها عندك غير لبارح توجد ليك لفطور...الله يعطينا كمارتك...الله يابنيتي وكي غديري مع هاد لعاقيسة...حسن عوانك.."
وقفات نصيرة قدام لبيت ديال عصاام...كدق بإزعااج باش تفيقهم
نصيرة:فيقووو...راه ضهر قربات تودن...نووضو خلاااص(زاادت فدقاان أكتر) : واااش بغيتو تشركو ليل مع نهااار
نسرين حلات شوية عينيها بتتاقل...وخسراات ملامحها بنزعااج...حاسة بيها كدق ليها على راسها....طولاات يديها لجيهتهاا لمعااكسة باش تفيق عصاام ونطقاات بصوت نااعس وهيا مزال محلات عينيها:عصاااام...نووض شووف شكوون..عصاا...(سكتات فور ماحطاات يديهاا على سرير...مكان تاحد حداها) : دورات وجهااا...وهيا توسع حلة عينها...كاتبان ليها بلاصتو خااوية منااعس فيهاا حد...(نطقاات بتساائل جامعة حجبانها مع بعضهم) : فيين مشاا هداا على صباااح...گاعما شفتو إمتا فااق؟
قفزهاا صوت دقاان ونصيرة كتهضر من ورى لبااب:أوويلي وااش هدا كل نعاااس..جيران ناضو بدقاان ونتوما مابغيتو تنووضوو؟؟نسرين نوضي تشوفي مك راه كتسنا فيك زربانة غاتمشي..
ردت عليها نسرين وهيا كتحاول تنوض من بلاصتها :هاااني هاااني جاايا...بلااتي
حطات يديها على شعرها كتحاول ترتب بعض خصلاتو المبعترة...تقابلات مع لمرايا و دوزات صباعها على عينيها وحنااكهاا كتحااول تصحصح ملاميحها ..تكسلاات وجبدات يديهاا مع بعضهم...ومشاات حلااات..مع لحلة كتبان ليها نصيرة واقفة بحال لعسكري عاقداهم...هزات فيهاا نسرين حاجبهاا فايقة خاسرة...نطقاات بإجااز:نععام..شنو بغيتي
جوباتها نصيرة بستهزااء:صباح لخير مكاينااش فقبيلتكم..معلموهااش لييك
نسرين خدات نفس عميق و ردت عليها بهدوء:صبااح لخيير
دخلات من باب الليسي ضابرة عباية كحلة هازاها من جهة ... فايقة معطلة وشعرها طالقاه على راحتو بلا مشيط بوكلي ... مع الدخلة وقف عليها الحارس العام كايخنزر ويطلعها ويهبطها : على السلاامة لالة خنساء ... خاصنا نبقاو نتسناوك تشرفي عاد نسدوا الباب ولا كيفاش ؟؟؟
بلعات ريقها دايرة ضحكة صفرة وفمها معكر بالاحمر ناصع كايضرب على الشعا : والله ااستاد غير المكانة لي مافيقاتنيش ... اخر مرة ...
غمض غينو بنفاد صبر : واش عارفة هاد اخر مرة شحال من عام وانا كانسمعها ... خمس سنين وهاذا السادس ... بقا ليا ندير ليك شهادة السكنة فهاد الليسي واش ... شتي نتي الا جبتي الباك اجي وشمي ليا ... ( طلعها وهبطها ): هادي حالة بنت جاية تقرا باش تشد الباك ...
ضغطات على شفايفها مكالمية راسها : واخا ااستاد المرة الجاية غانجي لابسة مزيااان وفالوقت ... دابا نقدر نمشي بلاما نسمع هاد المحاضرة من عند الاستادة حتى هي ...
بنفضة : لبسي طابليتك .... حركات راسها بواخا ماكرهاتش تاكلوا وجبدات الطابلية من شكارتها لبساتها فوق ديك العباية مخلياها محلولة وجمعات شعرها ببانضة عارفة مغاتخليها الاستادة دخل وهو مطلوق .... تقدمات جهة القسم كانت الاستادة واقفة مع وحدة اخرى ... غير شافتها خنزرات فيها ... خنساء دارت راسها مشافتهاش ودخلاات نيشااان لبلاصتها كاتسوط : ياربي تعفو عليا من هاد الليسي ... اوووف
عبدو كايضحك : هههههه ياربي تعفو على الليسي منك ...
ميقات فيه : زعما نتا طفرتيه ... كاع فالهوا ساوا الخاوة ....
عبدو جرها من خصلات شعرها : لبديهااا ونتي لسانك صليط كي اللفعة ... صابحة ناعسة تاني ؟؟
خنساء جبدات دفتار مخلطة فيه كاع المواد : واييه البارح مانعستش بكري ...
هز حاجبو : علاش بالسلامة اش كنتي كاديري ... ولا م*وداها مع شي سعودي تاني ؟؟؟
_ بحال داكشي ... ولاد البلاااد مافيهم ربح ( غمزاتو) ...
لوا عنقو : ياااك .... ( شاف فالاستاذة داخلة عينيها عليها ): وهاهي قاصداك قولي للسعودي يجي يفاريها ليك معاها ...
خنساء هزات عينيها فالاستادة لي وقفات عند راسها بنظرات احتقار : واش نتي ماباغاش توبي .. فين كنتي السيمانة الفايتة ؟؟ ولا حتى رشقات ليك عاد بان ليك باب الليسي ونتي تفكري رااه كاتقراي ...
خنساء كاترمش عويناتها ببراءة مصطنعة : لا ااستاذة غير خويا كان عندو العرس لعقبة لبنياتك وفرحنا بيه هاذا ماكاان ...
خصرات تعابير وجهها : كاتهضري مع عشيرتك صلحي اسلوبك السلكوطة .... ( مسحات ليها العكر من فمها بعصبية ): اخر مرة تجي عندي دايرة هاد الويل واعتابري هاذا اخر تحدير ليك اخنساء .... المرة الجاية غانزيد التزام اخر على الجوج لوخرين وشوفي فين غاتوصلي هاني علمتك ... ( شافت فعبد الله لي كايتبسم عاجبو فيها الحال ): ونتا الشريف جوج سيمانات وانا كانقوليك حسن عليا ديك الشعكاكة ... ياكما نجيب معايا الطوندوز نضرب لولدي شي زيرو فاعل تارك
عبدو : راه غير كانسا ااستاذة كوني هانية الحصة الجاية نجي محسنوااا
شيرات بيدها ليهم بجوج : شتي نتومااا غير كاضيعوا وقتكم هنااا .... ماشي وجوه القرااية وبزاف عليكم المدرسة .... يخخخ على ويييل
خنزراات وزادت لبيرو ديالها تحت نظراتهم وهي كاتلوز فمؤخرتها قداااش حتى كلسات ... غير شافو فبعضياتهم وهما يتبسمواا كايموتو بالضحك حافضين هاد الموااال .....
نصيرة لاحت شوفة فلبيت...وهو يبان ليها ليزار لبيض عليه بعض لقطرات حمراء بااهتة محيد من سرير ومحطوط مكمش فلأرض خاصو يتصبن...ولي زاد تاار إنتابهاا هو عصام لي مكااينش فلبيت...
نطقاات بتساؤل:فااين عصااام...
حكات نسرين على شعرهااا وقالت وهيا لاوية فمها:معرفتش...مباانش ليك فين مشااا؟؟؟
نصيرة خرجاات عينيها ورفعااات نبرة صوتهاا وهيا كتحرك يديها فلهوى : ياااك أختي..أنااا لي غنقووليك فين مشاا رااجلك ...معرفتيهاا حتاا نتي لي نااعسة حدااه...عاد نعرف لييك أنااا
نسرين بداات كتحس بأعصاابها كتوتر صابرة ومحااولة تبقى هادئة..عارفة نصيرة أشكا تسوى..ديماا منوضاها فدرب...وهادشي دارت ليه لحسااب وعولات عليه ملي قبلات تزوج بعصاام وعرفات راسهاا غتسكن معاها فدار وحدة
دارت بعض الخصلات من شعرها ورى ودنها :أنا غير سولتك لا تكوني شفتيه ملي خرج...حيت أنا كنت نااعسة مشفتووش إمتا نااض..وأصلا مع لعياا ديال لعرس وسهيير نعااسي تقاال...
نصيرة ضحكاات باستهزاء : ههه إوى هداا مابقاااش نععاااس...لمووت هادي... واقيلة كون هزيناا دار رحلناها بلي فيها مغا تسيقي خبااار...
نجااة سمعات لهضرة تجهدات وطرح بدا يحماا..وهيا تجي لعندهم بخطواات سريعة..شافتهم مقابلين مع بعضهم كايترادو فلهضرى... ناطقة :ماالكم؟ياكما كاين باس؟
نصيرة حولات انضارها لجيهتهاا:جاابك الله باش نيت تشوفي بنتك..قالتلك حقا ما حقا...مشافتش راجلها إمتا ناض من حداها...حيت ألالة مع لعيا تلعرس نعااسهاا ولاا (كملات مطولاهاا)تقييييييل
نسرين كرزات على سنانهاا فقصااتها مكرهااتش تلااح عليهاا...ردات عليها نجاة محاولة تلطف لجو:مااشي مشكل...حتاا نتي أنصيرة موقع واالو..والله إلى كلشي هكاك..حتاا أنااا بزز باش فقت...(غمزاتها كتمسح على كتفهاا)سااعفي سااعفي..راك عارفة بنات ليوم...مكايهزوش لهم لرجالتهم...عندهم زايد ناقص
نصيرة شافت فيها وردت وهياا منفخة:أنا غانمشي نعمر أتااي...(شاافت فنسريين)إوى نوضي غسلي عليك وطرفي حالتك...(حولات شوفة لجيهة ليزار) : وجمعي روينتك وسترييهااا...ونتوما ياهاد جيل مابقيتو تحشمو مابقيتو ترمشوو..
كتفات بهاد لكلماات كتسممهاا بيهمم ومشاات... نطقاات نسرين كااارزة على سنانهاا:صبااااحتو الله..تفووو
دغياا نجااة سدات ليهاا فمهاا ودخلاتها لبيت وسدات عليهاا لبااب...
نجاة:أوييلي سكتي...واش باغا تسمعك وتنوضيهااا معاها ونتي باقا بلاصتك مسخنتيهااش....
نسرين بعصبية:وتسمع إلى بغااات تسمع...واش هدا صباح تصبح عليا بيه...مالني أنا مولفة ينعس حدايا شي واحد كنشد ليه لحساب إمتا يفييق...وزيداها باركة عليا روينتك...ماال روينتي كجااتهاا...غاا مبغيتش ندير فيها راسي و نجااوبهااا...اما نݣوليهاا أنا بعدااا عندي روينتي لي نجمع...كيتك نتي لمعندكش ومعمرهاا غتكون عندك..لبايرة لخرى قاتلهاا غا لحسد
نجااة ندباات حنكهااا:واااش جهلتييي...هاادشي غير وصييتك...مديرش فيهااا راس...بحالا مكتعرفيش نصيرة...ديما كشاكشهاا خاارجين وهازة شوكتهاا كتقلب غير ففيمن تغرسهاا...
نسرين غوبشاات بوجهاا وهزاات كتافهاا بلامبالاة:مااسوقيش...تقلب عليا غاتلقااني...مالني غانخااف منهااا..شنو نحني ليها راس؟؟داكشي لي بغااات...
نجااة نهضاات فيهاا:ياالمسخوطة رااك متݣدييش عليها...قيليهاا علييك...كنعااود نوصيك...هااااودني منك..تفرقي منهااا...راه غترݣد ليك ليد مع رجل..ولا تفاارقك مع راجلك...هااديك راه ما عندهاا متخسرر...بعدي من سمهاا لا يبلييك...هاني كنتصرعى منك...
ردت عليها بضيق:وصافي أماما حتى نتي...طيبتيني بهااد لهضرة..كل مرة تعاودي فيهااا
نجااة:وݣلتهاا وعاودتهااا وغانبقاا نعااودهاا...نصيرة عليك بتيقاار...الله يرضي عليك
نسرين:لي مصبرني هو مغانشوفش كمارتهاا سيمانة كاملة...مغاتجي غير سبت ولحد... لخدمة غاتهنيني منهاا...
نجااة:واخا هكااك..حضي معاها...وردي لباال...(جراتها لعندها وخفضات نبرة صوتهاا ونطقات بتحدير) حوايجك لدخلانيين وحوايج راجلك...وايااك تخليهم مليوحين فينماا كان جمعيهم..وخلي حتا متكونش فدار وصبنيهم متشوفكش......وملي تمشطي شعرك ولا تغسليه عنداااك تخلي شي زعبة مليوحة...وردي لباال لماكلتك...ماشي اي حاجة عطاتها ليك تخشيهاا فوجهك بحال لبݣرة...عندااك..هااني وصييتك
بعدات منهااا نسرين:وصاافي...غاتهنااي ومتخاافيش علياا..شغلي هداك وأنا قادة بييه
نجااة:هاكدا نبغيك...يلاه أنا غنخرج لبيت نݣلس لا تݣولك كنهضرو عليهاا...ونتي متعطليش طلقي راسك وأجي تفطري...وديري بحالا موقع واالو ...حركات ليها نسرين راسهاا بموافقة مصدراها
خرجات نجاة من لبيت...لقات نصيرة وجدات صينية أتاي...وحطات داكشي لي جابت نجاة لفطور...ݣلسو فطرو وتبعاتهم نسرين بعدما غسلات وجهاا...وگلسات تفطر معااهم
تنحنحات نصيرة وهيا هازة فيدها كاس تاع أتاي كتجغم فيه...شافت فنجاة وقالت بهدوء:إوى نسرين مخاصش يبقا فيهاا لحال...أنا غير هزيت ليها لهم وبغيتها تكون حارة...راه زوااج كيبغي لمرى تكون قافزة...(غمزاتها)مخفااكش رجاال غير يشوفوك غافلة يديروهاا بيك...
نجاة:إيه إيه...عندك صح...دابا تولف معا لوقت...وتعرف هادشي كامل
نصيرة:علااه مشتيش شنو وقع لنعيمة لحريزية...
صغرات فيهاا نجااة حجم عينيها بتسااؤل:شكون نعييمة بعدااا
نصيرة:يااويلي نعيمة مرت لخراز...معقلتيش عليهااا
نجااة:أااه هاديك لي تفارقات مع راجلهااا...وخوات درب...شحال هاادي
نصيرة:ونتي عرفتيهااا علاش تفاارقات معاااه
نجااة بإهتمام:لااا...كانو كايݣولو متفاهموش...وكلها مشى فطريق
نصيرة:تي أشمن متفاهموش...(شافت فنسرين لي كانت كتاكل حداهم..وكملات لهضرة وهياا كتشوف فيهاا): حتاا هيا كان نعااسهاا تقيل...وراجلهاا كايبات مقصر مع راسو وكايزهى ويسهر حتى لإنى وقت عااد كايدخل لداار...وهياا مكتشوفوش إمتا دخل... ملي كتفيق مع صباح وتسولو إمتا جاا...كايݣوليهاا ملي فات لعشا بشوية...ساعة لحرامي لاخر مكايدخل حتا كيفوت لفجر....وفلخر راه لقاات عندها الضرة...وربيب من لفووق...
نسريين وحلاات لييهاا:كح كح...(ضربات طبلة بجوج صبااع)شكيكو..ما حناا على فااالك...
نجاة:مسكينة..الله يستر مابقا مايعجب
نصيرة:لا سمحلييا ممسكيناش...كون حاضية جنابها گاعما يمشي...گول دابا لنعاس وشخير ينفعهاا ...
نسرين:أنا لحمد الله نعااسي خفيف وبزااف...دبانة إلى دازت من حدايا كتفيقني...
نصيرة تسندات على لمخدة: غا ݣلت ليك...ملي كتولي لبنت مزوجة خاصهاا تبدل طباايعهاا كلهم...وتكوون حاارة..وتحضي رااجلهاا تعرفو إمتا دخل وإمتا خرج...أنا غانصحتك وصافي..خلاوها ناس زمان سمع لي كبير منك...يقلال همك...أولى أنجااة
نجاة كتحااول تسايس معاها:بصح...كااينة...
نسرين تنهداات فخاطرها..أول نهاار ليهاا على صبااح سمعاات لمحاضرة مطولة من عند نصيرة لي عندهاا حشياان لهضرة بلعلالي...كملات نجاة فطورهاا ومشااة...وصلاتهاا بنتهاا لباب وودعاتهاا...ورجعاات كملات حتا هياا فطورهااا فجو هادئ بلى متهضر معا نصيرة..محاولة ما أمكن تفاداهاا...
سالات الحصة وخرجوا بجوج كارهين الاستادة و ساعتها لي دازت بحال نهار حلفات لا سالات ... كلسو فالكرسي وسط الليسي ...
خنساء نشرات رجليها : عرفتي من البارح وانا كانموت بالحريق رجلي قتلوني
عبدو : بالسيف ونتي مني بدا العرس ماحطيتي قاعك للارض ... كون كنتي شيخة تجمعي تسبيق فدار غير من الغرامة لي غاتشدي ... ( صغر عينو ): اجي بعداا ... لاش مصدعة راسك بالقراية ... حتارفي الشطيح وحيحي قصاير وزهو وهانتي شابعة مصروف ومضبرة على حب قلبك ...
ميقات فيه : ربي واش نتا راجل ... شتي نتااا ريحة النفس مافيك خزييت ... (بعجرفة )انا راه دايرين بيا جوج رجال مامحتاجاش نهز قاعي باش نصرف على راسي ... تفووو ...
شدها من شعرها : ومال موك على تخصار الهضرة ... غير ضحكت معاااك
خنساء : مكايعجبنيش هاد الضحك ....
عبدو شد يدها : وااهنينا اصحبتي ... راه غير بغيت نشد فيك ماتخصريش الجو ... وزايدون نتي راك العمر وانا نبغي ليك شي حاجة خايبة مايمكنش ...راكي عارفاني غير جيب افم وكَول ... ياك انا هديتك قلبي تهلاي ليا فيه ، ماشي حيت ديالي ، ولكن حيت نتي اخنسائي فيه
بعداتو مخصرة كمارتها : هنينا اشمن قلب ولا حب ... انا مافيا لي يدخل عند المااط ... كايعصبني ... اش بان ليك نتحركوا ؟؟
عبدو : لي بان ليك ... يللااه زيدي ...
تقدموا بجوج خرجوا من باب ليسي ... يلاه غادور عينيها وهو يبان ليها كايشوف فواحد ختنا يطلعها ويهبطهااا .. كلاها بعينيه وهو كايشعل الكارو فيدو ... وقفااات قدامو وهو ماشي فهاد العالم عينو على التيتيز ... بلاماا يحس دخل فيهاا كان غايطيح : الرجوع الله ... عاد دابا كنتي تقول القلب والشرايين والمعدة والكلاوي ... ونزال قحباني كايتشاير ... غير شفتي التقزاب ونتا تحوال ...
عبدو كايلبس الكاسكيط : الله يهديك اشمن حواليت ... راه كنت غير كانعبرها .. زعما كانوزنها ... احم بغيت نقول غير جات عيني فيها هاذا ماكان
خنساء : ايواا الله يعطينا كمارتك ... باااز ياخويااا ولوجهك قسح من ترمتي ...
هز حاجبو وهبط عينو لمؤخرتها : علاش نتي عندك قاسحة ... ( خنزرات فيه )... وايلي الزين ديالي ... وشكون يقدر يخلي هاد الجمال والزين ويشوف فالبراني ... نتي رااك البوان فيبل ... ( كاتميق فيه بمعنى غير زيد صبغ) ... قاطعوا صوت التلفون : تسناي الواليد كايصوني ...
جاوب : واش الواليد ؟؟
_ فين نتا ؟؟ واش باقا عندك الورقة ديال دوا ديال موك ؟
قلب جيابو جبدها : اه كاينة ... ياك لاباس ؟؟
_ الا عندك شي حاجة جيبو معاك الله يرضي عليك بينما تخلصت فواحد الزربية ونعطيهم ليك ... راه تقادا ليها ورجليها تاني كايعطيوها الحريق ...
تنهد : واخا انا غانشوف ... رد ليها البال شوية ونجي
قطع عليه تحت انظار خنساء : ياكما كاين باس ؟
عبدو تبدلو ملاميحو : لا والو يلااه ندوزو للفارماسيان ناخد شي دوا للواليدة
خنساء : باقي مسكينة رجليها كايضروها ؟؟
عبدو : وااه ... باقي ... والسكر قاتلها حتى هو ... غير الله يصاوب وخلااص ...
تقدموا جهة الفارماسيان وهو دخل بقات خنساء على برا كاتسنا ... جبد الورقة : عافا اخويا شوف ليا هاد الدوا يتوب عليك
خدا من عندو الورقة وجبد ليه الدواياات لي بغا خشاهم ليه فكيس : هاهما اعبدوا ...
عبدو : شحال اسااط ؟؟
_220 درهم فالمجموع ...
جبد من جيبو 100 درهم : وايلي 200 كاملة ... ( بلع ريقو كايشوف فدوك الدواياات كايتنهد بحصرة ... شاف فواحد البراسلي نقرة فيدو وحيدها مدها ليه هي والفلوس ): هانتا اعشيري عندي 100 هنا .. وهاد التويشية راه نقرة غاتبقى عندك حتى ندوز ليك 120 لي غاتبقى ....
_ والو العشير والله مانصيب ... راك عارف غير خدام هنا ومولات شي مرة مرة كاضرب ضورة .... هانتا خليه عندي هنا .... ضبر على مصيريف ودوز وراهم ....
عبدو ساط جامع داكشي فجيبو : واخا اخويا ... الله يرحم الواليدين ... ( ابتاسم ليه بزز وخرج من تماا سااخط )
خنساء هزات حاجبها : تا مالك خارج بلا دوا ؟؟
عبدو مابغاش يبين : مالقيتوش حتاال العشية وندوز ليه .... عاد غايوصل ... ( كايبدل الموضوع ): واحد نصيرة لاباس عليهااا ههههه
خنساء : لاباااس عليهاا كاتسلم عليك ... راه عارفة كاتحمااق عليك
ضحك بطنز : وااايلي ههههه عارفهااا الله اودي حتى انا كانبادلها نفس الشعور ...
خنساء وقفات قدام باب دارهم : يلاااه نتلاقااو غدا اووك ...
عبدو : ان شااء الله .... شيرات ليه بسلامة وزادت طلعات لدارهم ... غير تفارق معاها وهو يعقدهم معاجبو حال ... اتاجه نيشان للقهوة لي فراس الدرب ودخل عند واحد خوناا مشرمل فلباسو ولكن بوكووص وجهوا بيض وعينين عسليين ...وضربة تحت عينو مرشومة بالغراز مني كايضحك كاتجي معاه ... حاط قدامو كاس قهوة كحلة مع طفاية عامرة بقايا ديال الكارو .... كلس مقابل معاه : واافين السَّحْت ؟؟ صافا ؟؟
السحت : عاش من شافك اصحبي .. غبور هادو ؟؟
عبدو خدا ليه الكارو من يدو كاينتر : تا راااه غير الوقت وصافي ... اش كاتعاود شي جديد ؟؟
السحت : والو هاد الساعة كاين غا البيريمي .... الجديد عندك نتا
عبدو : وريلي (والو) هاد الساعة حتى انا غير الكحط والجفااف ... ( صغر فيه عينو): البرينسيسة ديالك طار بيها سي عصااام
ضحك : ههههههه شكون نسرين ؟؟
عبدو تكا مقاد الكلسة : وشكون من غيرها .... الباارح ضربات الكحل فالبيض مع الصعصوعي ديال الدرب وخلاتك نتا شاد فبولة تسعين .
السحت : عاارف ... تا راااه صدعات ليا كري بالزواج ما الزواج ... مني شافتني قالب لمود من داك الموضوع غيرااات الطرح وشافت فعصام ... اصحبي من عندي الله يسعدها مشات نسرين وجات هجاار كلشي زييين الله يجيب غير الصحة والسلاامة ....
عبدو : هاااديك العشييير الواحد هو لي يكون شادها من كاع الجوايه الا طلقات هادي تبقا هادي
السحت : ايكزاكتلي ... واش نتا باقي مابغا يتوب عليك الله من بنت السايب
عبدو : ههههه بااااقي ... بيني وبينك مزااال معمرة ليا العييين .... دايرة فحال جوان كاطلع ليا التبويقة ونساااااا العاالم ...
السحت : وااا بسيييف تااا راااه بومباا الدرية عندك ....
عبدو : جيت عندك محتاجك فواحد البلااان
السحت : امااا هو ؟؟
عبدو : بغيت واحد 100 درهم السيمانة الجاية تكون عند خويااا ... فكني راني وااقف علييها ايرجوونص ...
السحت : اياااه علااش لاااا ....
عبدو : يتووب عليييك .... كنت عارفك كااباابل
السحت : تااا راااه تطلب مليون تحضر .... مااالهاااا تغلااا علييك ... ( جبد 100 درهم ): هااك اخوياااا
عبدو شدها خشاهااا فجيبو : الله يحن عليك ... ويعفو علييك ...
السحت : عليااا وعليييك ههههه ... ولكن اصحبي هادشي راه ماخدامش ... مالك محمق راسك مع القرااياااا وعارف راسك مامطفرووش ... ضبر ليك فشي خدمة صوفي رااسك والواليدين ....
عبدو : واااا حاالف حتى نجيب دين مو هاد الباك ... حتى هو حلف لااا تشد ليااا دااير معااياا الكونطرير ..
السحت : تااا واش لي مخزز تلت سنين فالكاطريااام وتلت سنين خرا فالباااك غاايقرااا ... غا كااضيع وقتك الساااط .... 24 عااام رااه خااصك تكون بولااادك ههههه
عبدو وقف : وتااا ديرهم نتااا ونتبعك ههههه ... تهلااااا حتى نتقاشعوااا ،(زاد)
السحت : الله يعاون ... سلم ليا على السااطة .... ضحك وجبد كاارو اخر كاايكمييه ماشي فهاااد العاالم كاااع ...
عبدو دخل للدرب وااقف مقنت كايدور عينووو ...بان لييه وااحد الدري عشريني خااارج وهو يقصدووو شدوو من قرفادتوو مكاليه : احصلتي فين عند ال*حبة دمووك تهرب ... اش حدك ال*امل
_ عبدو ... طلق اصحبي ماالك ؟؟
مزير عليه : طلّع داكشي لي كانتساالك ... ولا فتختي الجوااان وطلعتي الموراال ونسيتيني ... طلاااع ولااا نطلع مع خويا شي كروشي نغيبو على القبلة ...
عبدو ساعر : بربي وماجبدتي لعاقة مانتفااك معااك اليوووم بيااا ولا بيك ...
(خنزر فييه جابد 20 درهم من جيبو ): هادي لي عندي ... وا طلق ال*لاوي ...
دفعوا نافضوا على الحيط: ماكاتفهوش بالخاااطر ... تموتواا فالزكييير ... المرة الجاية شوفلك فين تشري بليتك ... مابقيتش باايع لفحااالك ... تجي عندي نفض الكيدااار لي حطك ...
زاد من تماااا مخلييه كاينكر ويسب ويعاااير ... مشا نيشان للصيدلية خدا الدوااا وخرج متاجه للدار ... مستحيل يدخل بلا بيه واخا يعرف يشفر ويجيبو ... المهم مو تولي بيخيير ...
خنساء دخلات للدار لقاات نسرين كاتجمع الطبلة ديال الفطور .... ابتااسماات مقربة عندها : صبااح صباح ماليه الملحة والسر علييه ..لالة نسرين ياا المرضية هاكااا يكونوا بناات الرجاال الحضية ... وا نسرين وااا المرضية هاكا يكونوا بنات الرجال المحضية
نسرين ضحكات : هههههه باااز يااختي ... عرفتي بقيت نحسب سوايع ايمتا تجي قنطت فهاد الدار مع عمتك ... ياربي تستر بريز مركبينو ليها مكاتسكتش من النكير ...
خنساء حطات شكاتها كاتعاونها فجميع : عهههههه مزاال تولفي على لمود ديالها وتولي كاعما تسمعيها مني ماتبغيش بكترة الغوات لي فيها غايولي عندك فحال الموسيقى ههههه ...
نسرين : غير الله يحفض وخللااص ...
خنساء صغرات فيها عينيهااا وحطات الصينية ... جراتها من يدها مكلساها فالكرسي : خلينا من الماعن دابا وعاودي ليا
نسرين هزات حاجبها : شنو غانعاود ليك ؟؟؟
خنساء : كيفاش شنو غانعاود ليك وااش كاتحماقي عليا ... بلا بهلاان قولي ليا كيف داز داكشي ...
نسرين فهماتها مسبلة عينيها : ويلي اصحبتي .... كوني تحشمي ... عيييب
ميقاات فيهااا : ياااك اختشي حشومة عليا غي انا فالمعاودة مني كنتي حالة رجليك مكانش حشوومة ... ( بشغف ): هنينا اصحبتي وقولي ليا .... العيب ماشي على الحرت فالسطح العيب على لي فالموت وكايشطح .... دوي دوي ...
نسرين دارت رجل على رجل حاطة يدها على خدهااا مفيكسية عينيها فواحد الجهة كاتفكر وتنهد : لي يقول ليك العرس فالمغرب نزاهة غير كدب عليك ... ولي يقوليك ليلة العرس فالمغرب راحة غير يطنز عليك .... ولكن حلاااوتهااا غير كاااع البلداااان ...
خصرات كمارتها : تي دوي بالداريجة ونتي سرحتي ووليتي تنضمي عليا الشعر هنااا ... هضري بالفاروزي الحلااوة فالكلااام الفاااحش هههههه
نسرين : ايوا اش غانقوليك الالة نساي عليااا داكشي الافلام والمسلسلات والكلاام الحلو والغزل ولا ماعرف لييه ... داكشي حرش ... بلا مقدمة ولا مؤخرة .... غير شاف اللحم ولاو فيه عشرة ... مااعقلش عليااا ...
خنسااء : اويلي بديتو داكشي بلاا تسخينااات ولا وااالوو
نسرين : تي اشمن تسخينااات ... سخن ليا غير جنااابي ... مكاين والو من داكشي ... ماخلانيش حتى نستوعب فين انااا ولا معامن ... دغيا حما المجمر وزند العافية وطفاهاااا ... ماحسيتش ايمتاااا وقع داكشي .... ولكن الضوو ضرب ليا تحتي .... لداباا الا تحركت بزاف نتعكر ....
خنساء : ختي وااا ماااجاااتش ... حشومة كااع ... واغير شوي الكلام الحلو تلطفوا الجو ... داكشي شااحف ناااشف ...
نسرين ابتاسمات : ولكن واخا هكاااك دااكشي بحلاااوتووو ... بصح حرش ميي خلاني نهيت فالفرااش ... ( خفضات نبرة صوتها هامسة ): ما جابو حتى وليت نعيط بالعاداااو .... ماشي داكشي ديااال كب الماا يفيض الكاااس ... بقواااامووو يااالالة .... غيز ليا الشغل
خنسااء صغرات فيها عينيهاا : ممممم ... يااختي وهاانتي على السي عصااام ...
نسرين بعجرفة : ومني سالينى وشافني تقسحت .... وجد ليا الدوش فنصاصة الليل وهزني ليه وغسل لياااا فحال شي درية صغييرة ... خلااا قلبي كايفرفر ... زماااني يااا زمااني ...
خنسااء : هاااي هاااي هاااي ... خويا والرومانسية .... ايوا بعدا الحمد لله داز كلشي بيخيير .... فين هو بعداا مولااي السلطان
عوجات شنايفها : ماعرفت لييه فقت الصباح مالقيتوش حدايااا ...
خنساء : غايكون عندو شي غرااض ... نوضي نوضي ورينيي داكشي لي جبنا ليك كيف جااك ... يلاااه زيدي
نسرين : والمااعن ؟؟؟
_ غير زيدي دابا تغسلهم نصييرة ....
( جات فودنهااا نيشان وهي داخلة للكوزينة ): خدم يا التاعس للناعس ... جوج عيالات فالدار ونغسل انا المااعن ....
خنساء : ههههه عافااك اعمتي غير توريني شي حاجة الله يرحم باااك ...
نصيرة عوجات : سيري الله يتبعك البلا نتي ويااهااا ... ماقدو فيل زادوه فيلة ... جيل المانيكييير لله يخليكم بالخلاا
زادو طالعين فالدروج كايضحكو ... نسرين : المدبوحة كاضحك على المسلوخة جات مقطوعة الراس قالت الله ينجينا من هاد الناس ... هاد عمتك عاالاام ...
خنساء : هنينا دابا تسمعك وتجبدي علينا النحل ... دخلوا للبيت كاتقيس ليها وهي تقولها الزوين والخااايب ماخرجوش من داك البيييت دايرين فيه عرض الازياء
حل عصام باب لبيت ودخل لقى نسرين شادة تيل..كتفرج على تصاور ديال لعرس...شافت فيه وطلعاات حاجبها كتسائل:على سلامة..فين كنتي من صبااح؟؟!
قرب لعندها ونطق بهدوء:وعليكم سلام ورحمه الله...على مضهر ليا خاصني نبدا نعلمك صواب..
ناضت لاحت تيل من يدهاا و تقابلات معااه:كيفاش بغيتيني نعقل على شي صوااب وأنا فقت مالقيت غير يدي وريح..معرفتك فين زدتي ؟؟...
عصام بتفسير : كنت فلجماعة عيط عليا رئيس يبارك ليا،ومشيت عندو
نسرين:وديك ساعة قولهااا... قول عيطو عليا بغاوني فلخدمة،ولا سيفط ميساج نفيق نلقااه،متخلينيش مقلوبة عليا لقفة معارفاك فين مشيتي،عمتك كتسول فيا ملقيت باش نجاوبهااا حتا مرݣاتني قدام ماما...
عصاام زفر بضيق : سر ديلمي أنايا لي قاري ليك لهم ومبغيتش نفيقك قلت غاتكوني مسخسخة،ساعة نتي ماشي دياال لمحنة،ديال لي ينوضك بزز توجدي ليه حوايجو وطايبي ليه لفطور وتسدي من موراه لباب من لفوق...
رجعات نسرين بعض لخصلات ورى ودنهاا ونطقاات باغا تهدنو،محاولة تنهي نقاش : ماشي حتا لديك درجة أعصام،غير لمرة جاية ملي تكون خارج علمني فين غاتمشي،باش ملي يسولوني عليك نلقا باش نجاوبهم... دابا أنا وليت مراتك خاصني نعرف عليك كلشي(كملات بإبتسامة)واخاا؟؟
سكت تواني ورد عليها بلإجاب:واخا الالة...(بتاسم جانبيا ونطق بمزحة) : سير على مولانا بدينا فلأوامر ومنين جيتي وفين كنتي من نهار لول...
ضحكات ليه بخفوت:هه شوية وصافي
عصاام: يلاه سربي وجدي راسك،باش نخرجو أنا وياك،ليوم غانتغدااو على برى..
ردت بلهفة:بصح فين غاتديني
عصاام:وسربي وجدي راسك ونخرجو وديك ساعة غاتعرفي..
نسرين بإبتسامة:مكرهتش نمشي لبحر...تشهيت ناكل لحوت و نسمع صوت لمااج وندورو تماا..نيت لجو زوين
جاوبهاا وهو غادي خاارج : ومايكوون غير خااطرك،طلقي راسك وسربينا خلااص راه فياا جووع...
بتااسماات ليه وزادت حالة لبلاكار جابدة منو كسوة صيفية حمرة مخططة بلبيض طويلة...لبسااتهاا من بعد دازت لمراية دارت ميكااب خفيف باش تفيق ملاميحهاا..مع عكر لونو وردي برزات بيه شفاايفهاا....حلات شعرهااا سرحاتو بسشواار بلخف،وطلقااتو مخليااه على راحتووو...لبسات سنيديلة عالية شوية فلون الأبيض...وهزات شال خفيف فنفس اللون لاحتو على عنقهااا...و كتفات بمݣانة فضية مع لباݣ ديال لمغياج فيديهااا
هزات صاكهاا وخرجاات،لقات عصاام ݣالس فلبيت مع خنسااء...ونطقاات بهدوء:يلااه أعصاام راني سااليت
هز فيهاا رااسو وعلى حااجبوو،وناض مقرب لعندهاا كايتسائل مصغر عينيه فيهاا :أش داكشي فوجهك؟؟!
جوباتو وهيا كدور فعينيهاا:أءء...و.وااالو
عصاام وسع نضراتو ليهاا:واالو؟؟!...لا لا على مضهر ليا فيك باغا تحرمي عليك هاااد لخرجة...ماافيهااش..لمن مزوقة بسلامة؟؟