الجزء 14- بنت السايب

 

نصيرة وقفاات قدام بيت نسرين كادق بجهد..من صباح وهيااا تعيط عليهاا ومكاتجوبهااش..و طلعاات حتا لعندهاا بااش تفيقهاا من نعاسهاا...

نصيرة وهياا مزال كادق:واانسرييين..واخااا تكووني ميتة...نوضي تݣعدي بركة من نعااس...اويلي نتي قربتي تنبتي فديك لبييت

نسرين حلاات عينيهاا بتتاقل...أعدى حاجة عندهاا شي حد يفيقهاا...نااضت من بلاصتهاا ولبسات بينوارهاا وحلاات عليهاا لبااب وهياا كاتعقدو من جنب...

ناطقة مخسرة ملاميحهاا بنزعاج:صبحناا على الله...مالكي كاتردخي علياا لبااب أشكااين؟؟

نصيرة بلغواات:لاا مكااين والو...غير ضهر قرب يودن..ودنيااا مقلوبة سفاها على علاهاا ولغداا مكااينش..ونتي صاابحة خاامرة هناياا...ياكمة مخلياا لخدامة مورااك وأنا مفخبااريش

نسرين كاتحك فشعرهاا محاولة تبقاا هادئة: هضري غير بشوية رااك كاتغوتي لياا فوسط رااسي.. راني فقت من قباايلة..غير عاودت غمضت ودااتني عيني تاني...(ردات بعض خصلات من شعرها ورى ودنهاا)احم...مع عييت لباارح حيت سهرناا انا وعصاام بليل داكشي علااش مقديتش نفييق...عضامي ݣاع مدݣدݣين...

نصيرة:الله يقل حياا و يعطيناا وجهك ياا لممسوخة....ماتحشمي ما ترمشي ...شتي نتي والله حتاا قليلة تراابي..

جاوبتهاا عليهاا بنفعاال:اوى حتاا تكوني والداني وأجي ربيتي ...

نصيرة مغددة:العݣر وقلت دوى الى كانو لولاد غايخرجوو بحاال لماركة ديالك أبنااقص منهم..الله يخلييه ݣنس..

نسرين خدات نفس عميق وردت عليهاا:صبااح هدا أنصيرة راك غاتسمعي مني شي هضرة لي ماغتعجبكش...متخلينيش نطاول علييك ونتي قد هاديك لي والداني...

نصيرة: علااه نتي عااد غاادي طااولي بسللامة....سمعي راه مفياا لي يبقى ينتناابح معاك هنايا بحالا معندي مايدار...داابا غاتنوضي تݣعدي شمرى على دراعك وجمعي دنيااا ونصبي لغداا لراجلك وعمك رااه قربوو يدخلوو...

نسرين ضحكاات بستهزااء ونطقاات متقلة هضرتهاا بعجرفة: انا غادي نمشي ندوش ونفطر..ونجي نوجد رااسي حيت انا وراجلي دايرين نتغدااو على برى....ودابا نتي لي غادي تجمعي داار...وتنصبي لغدا ليك ولخوك لي هوا عمي...فهمتي ولا نعااود نفهمك...

نصيرة:يااك.. مهداكش الله تنعلي شيطاان وديري لي قلت ليك علييه...

نسرين: لااااءح مغاندير وااالو....(كملات مرفعة نبرة صوتهاا)منين كااتفهمي منيين..رااه قلت ليييك ماامسليااااااش....غاادة خاارجة...

نصيرة:شهدي على رااسك...نتي لي جبدتي علييك نحل...رااني مكنضلمكش...

سااطت نسرين بصوت مسمووع... ومردت عليهاا بواالو...

دارت نصيرة صبعهاا ففمهاا ودوزاتها على لباب دايرة علامة:هاااهيااا فين معلماهاا لييك...ياويلى خرجتي ليووم يا بنيتي رااني منتسمااش نصيرة...

نسرين وسعاات ليهاا نضراتهاا ونطقات دايرة راسهاا مصدوومة:ناااري خلعتيني...شوفيني شوفيني كيف كانترعد...(كملاات مخنزرة)يااا جري طواالك لمخير فخيلك سرجييه وركبي علييه...(زادت ضاربة فيهاا)حيدي علياا من قداامي رااكي معطلااني...ولاهيلا قالت ليك كاتحلف عليااا...زوينة هاادي

نصيرة بقاات متبعاهاا بلعين حتا دخلات لحمام وردخااتو عليهاااا...

نطقاات بغيض:وااخاا هاحناا غاانشوفوو...الى خرجتي أجي وشمي ليااا...راك مزاال مكتعرفينيش غير معاودين ليك عليااا...

نصيرة سمعاات صوت سكووتر..عرفات عصام وصل لداار...بتاسماات بشر وخدات لحامض كاانت مقطعااه دواور..تبتاتو على جبهتهاا تحت من زييف...وقداات لغطى عليهاا مسندة ضهرهاا على لمخدة متكياا حاطة يديهاا على رااسهاا كاتنين بصوت مسمووع....

دخل عصاام لداار مع دور عينيه على لبيت وهياا تباان ليه مجبدة فوق السدااري...هز حااجبوو وقرب عندهاا بخطوات سريعة لايح سوارت على طبلة مخلووع

عصاام:عمتي يااك لباااس.. مريضة ولا ؟؟؟

نصيرة حلات عينيهاا بشوية وردت عليه

كاتهضر بتتاقل وبنبرة خفيفة:اممم...اييه اولدي مريضة مااتشووف بااس....(عودات غمضات عينيها بألم) اررربي تشوف من حاالي كانتقطع

عصاام نطق بعدم فهم (حيت صبااح هيا لي وجدات ليه لفطوور مكان بيهاا والو) :ولكن غير صبااح كنتي صحة سلاام..مالك واش كليتي شي حااجة ولا شنوو

نصيرة بنفس النبرة:معرفتش أشهاادشي شدني غير قباايلة..مابقيتش قاادة نووض رجلي تقاالين عليااا كانحس بسخفة..وسخاانة حتا هيااا فياا

عصاام قرب يديه قااس حناكهاا بجوج: ولكن مطلعاش ليك...مسخونااش ݣااع

نصيرة بلعاات ريقهاا وغمضاات عينيهاا ناطقة بتلعتم :ااءء...لاا هاادي غير لحمى لبااردة هياا لي شاداني ودايرة لياا تبوريشة...اووف أي رااسي

عصاام:الى محسيتيش براسك مزياان يلااه نديك لطبيب متبقاايش هاكا

نصيرة دغيا خرجاات عينيها:لا لا مانمشيش عند الطبيب...متخاافش علياا راني شربت الدوى...شوية يفوتني لحاال

فهاد لأتناء كانت نسرين يلاه وجدات راسهاا...لبساات كسوة طويلة فلغوز باارد وقادات ميكااب خفيف وشعرها سرحااتو بلبلاك وخلاتو مطلوق على راحتو...هزات صاكهاا دارت فيه تيل ديالهاا..وهزات نضاضر فيديهاا..رشات شوية من عطرهاا على عنقهااا...وخرجاات...سمعااتهم كايهضرو غير دخلات لبيت ولقاات نصيرة نااعسة وعصاام حداهاا شاد فيديهااا وهياا تعجب...

عصاام باس يد نصيرة بلطف:ماايكون عندك بااس أعمتي...

نصيرة بصوت خاافت كاتشوف فنسرين بقنت عينيهاا:الله يرضي عليك اوليدي ويحفظك...ماتشوف بااس

نسرين عقداات حاجبهاا فيهاا وقرباات لعنندهاا:مالكي انصيرة؟؟ياكماا كااين بااس

نصيرة مجاوبتهااش ورد عصاام بلاصتهاا:عياانة شوية..

نسرين بعدم تصديق:عياانة؟؟ وغير قبايلة شوية وهياا تلاح علياا...سبحاان الله مكان بيها والو

نصيرة خنزراات فيهاا:ورااه لمرض مكايشاوورش...الى كتبو ليك الله راه يشدك في سااع

نسرين مبغااش دخل ليهاا هضرتهاا لرااس:أااه...اييه بصح اوى الله يجيب الشيفة..(شافت فعصاام)نووض احبيبة نمشييو رااه تعطلناا

هز فيهاا حااجبو:تي وااش تصطيتي مباانش ليك عمتي مريضة شادة لفرااش..غانخليوهاا فهااد لحالة ونخرجوو..شوية لابااس

نسرين وسعاات نضرتهااا ونطقات بلغواات:ويلى كاانت مريضة تشرب دوى وتنعس..وااه مالناا غانوحلوو...

عصاام حمر فيهاا:بلى غواات انسريين بلى غواات...راني مااشي حمق نخلي عمتي مريضة ونخرج نتسرى...مرة أخرى ونمشييو داابا لاا..

ضحكاات نصيرة ضحكة خفيفة بنتصاار وهياا فرحاانة فداخل دياالهاا حيت وصلاات لمرادهاا...وحرمتهاا عليهاا..

نسرين:كيفاااش مرة أخرى...نتا عارف غداا تنين وغاتخدم تاني سيمانة كاملة ومغتساليش...نبقى نتسنى تاني حتا لويكااند جااي..على قبل اشنوو...حيت عمتك مرييضة مالهاا اسيدي درية صغيرة مغاتعرفش تقابل راسهاا

عصاام بحدة مباغيش يترااجع:ويلى تسنيتي حتا لويكااند اشغاايطرى...غااتموتي متلا الى مخرجتيش ليوم؟...هضرة وحدة مغانعاودهااش معااك...سيري بدلي ووجدي ليناا مناكلوو رااه لوليد غايجي دابا وغايكون فيه جووع...وطرفي داار راه ݣااع مرونة..

نطقاات نصيرة بصوت خاافت مخسرة ملاميحها بألم: اااه رااسي...بلا متبقااو تغوتو علياا هناياا رااسي كايزدح مقادة على صدااعكم...غير سير خرجهاا سيير... بلى منشدكم انا شوية نوض نكاابر ونوجد لبااك ميااكل..ونجمع الداار...

نسرين بإصراار:صاافي هاهياا قالت غير سيرو خرجوو..ونووض عفااك...نوووض

عصاام كرز على سنانو:تخرجي فحيط انشااء الله..غاتغبري علياا كماارتك ولى بربي تا غانخمجك...تحررركي..

نسرين عمرو عينيهاا بدمووع..هياا عارفااه الى قال كلمتو مايتراجعش فيهاا واخاا معرفتش شنوو يوقع..

ردت عليه بنبرة بااكية:اصلا غير مع صبااح تحلفااتهاا فياا..وداارت هاادشي كاامل وبلعاني بااش مانخرجش... (شاافت فنصيرة)داباا رتاحيتي ملي حرمتيهاا علياا..هنا ليك لباال...وصلتي لدااكشي لي بغيتي..اوى تبارك الله عليك ألالة...مزياان هادشي لي درتي..

عصاام هز حااجبو وصغر فيهاا عينيه:شتك بحالا رضيتي عمتي كداابة قداامي...وااش كاتقلبي نووض نجمعهااا معااك ولا شنوو؟؟!

نصيرة:شوفي يااه بلى ماتجيبي سبتك علياا...راجلك لي مبغااش يخرج انا محبستكمش ومغانحبسكمش...حتا دابا باقي لحاال هاا لبااب قداامكم..سيرو الى بغيتو تمشييو..ماتهزو ليا هم...

كملاات هضرتهاا ورجعاات غمضاات عينيهاا..كتبوحط دايرة فيهاا موتة حماار..متقدش تهز الرااس

نسرين شافت فعصاام بترجي كأنهاا كاتحااول معااه لي أخر مرة يلاه غاادوي وهو يقااطعهاا بعصبية:اناا راه مغااديش...هضرة وحدة قلتهاا...حسن ليك تبدلي ساعة بخرى...ماتخلينيش ندير شي حاجة مغاتعجبكش...

زيراات نسرين على شفاايفهاا وضرباات صااك مع طبلة بجههد وهياا مفقووصة..ونطقاات صااعرة:بزااااااف هاادشي والله حتاااا بزاااف

كتفات بهاد لكلماات و طلعاات لبيتهااا رادخة لبااب على حر جهدهاا..وتلاحت على سرير خااشية وجهاا على مخدتهاا كااتبكي بحرقة...ممصروطش ليهاا نهائيا لبلاان لي وقع...

دخلااات بلا عكز عليها جمعاات الطبلة ودارت الماعن يتغسوااا ومشات للتلاجة لقاات داكشي ناااقص ... هزات القفة ولبسات عبايتها وخرجات اتاجهات نيشان للسويقة القريبة ليهم ... قريبة لداار واليديهااا تقدااات داكشي لي خااصهااا ودازت من تما لبيم خدااات لي بقا ليهاا وخرجاات ... يلااه غادا مع الدرب وهي تسمع سميتها ورااهااا ... دارت بهدوء كان منير جاي جيهتها : اهلااا خنساااء ... لاباس عليك

ابتاسمات : الحمد لله ونتا صافااا ... واحد رانيا الا شفتيها ...

منير عجبو الحال حيت دوات معاه عادي ماشي فحال المرة لي قبل : بيخير الحمد لله ... يسول فيك الخير ..

خنساء : ايوااا مزيااان ....( شافت فيه بمعنى شنو ): ياكما كاين بااس ؟؟

منير بتردد : فصراااحة لااا ولكن بغيت نهضر معاك فواحد الموضوع مهم ...

خنساء حطات القفة : ايااااه شنووو ؟؟؟

منير تنهد : احم ... ومابغيتش تفهميني غلط عافاااك

خنساء : ياااودي غير دوي ... ما عندي مانفهم الله يهديك ...

منير : فصراحة انا عارف انك نتي تزوجتي وبنيتي حياتك وخليتي كلشي ورااك ... ولكن ماكرهتش ديري واحد الاجر

خنساء بتعجب : كيفاااش مافهمتش ؟؟؟

منير باسى : عبدو اختي غادي يخرج على راسو

خنساء خنزرات فور ماسمعات اسموا : وانا مالي وماالو

منير تنهد كايحاول يقنعها : انا ماعارفش المشكل لي طرا بيناتكم ...ولا شنو دار ليك وخلااااك تكرهيه هاكااا ... ومابااغيش نعرف ولكن الله يخليك الا كانت عندك ليه من قبل شي معزة ولو صغيرة حاولي تدوي معااه ... انا متأكد نتي غايسمع منك ... السيد ولا عاطيها غير للسهير والشرااب وكايجي بالكاو معاقلش على راسو شي نهار غايدير شي مصيبة ... الله يخليك حاولي تدوي معاااه وديري غير بوجه مو وباااه ...رااه...

قاطعاتو بانفعاال : شوووف امنييير ... الله يرحم ليك الواليدين بلاااا هضرة خااوية ... انا داك السيد قطعت صفحتو من حياااتي ... يعيش ولا يمووت مابقااش كايهمني بالمرة ... انا ماشي مسؤولة عليه ...وزايدون انا مراة مزوجة وماعندي صلة بحتى شي راجل اخر من غير راجلي ... مانيش بنت الحرام نهز الهم للايكس دياالي ونقرا ليه الحسااب من ورا ضهر راجلي ( وجهات ليه صبعها ): وغانعاود نقوليك داااك السيد نسييييتووو .. محيتووو من ذااكرتي بمرة .... يدير لي بغاا حيااتو هاااديك ...

منير برجاااء : الله يخليك اخنساااء عااافااااك ... راااه مووو كاتشوااا علييه ... ونتي عارفة حتى واحد مغادي يقدر يقنعووو من غيييرك ... ديري غير على وجه ميمتووو هادشي وصل لييه غير من مورة زواااجك انا معارفش شنو لي وصلوا لهادشي .... نتي عاارفة علااش هو داير فراسو هاااد الحاالة ... حاااولي تعاااونيييه الله يحن علييك ....

منير برجاااء : الله يخليك اخنساااء عااافااااك ... راااه مووو كاتشوااا علييه ... ونتي عارفة حتى واحد مغادي يقدر يقنعووو من غيييرك ... ديري غير على وجه ميمتووو هادشي وصل لييه غير من مورة زواااجك انا معارفش شنو لي وصلوا لهادشي .... نتي عاارفة علااش هو داير فراسو هاااد الحاالة ... حاااولي تعاااونيييه الله يحن علييك ....

خنساء تنهدات بنفاد صبر : واش نتا عارف راسك اش كاتقول ولا لاااا .... ولا غير داوي خاااوي ... ابناادم حاول تفهم رااااه وقفتي معاك دابا ماعندها معنى ودرت بحساب المعرفة قلت مافيها باااس سلااام ولكن باااش تردني قليلة الاصل نمشي ندوي مع رجااال فحوايج مادخلنيش فيهااا راااه نقلب فيك حتى نتااا ... دخل هاد الهضرة لدمااغك انا مزوجة مزوجة .... والا بغيتي نبقاو صحاب ومزيانين مانعاودش نسمع سمية داك خينة من عندك قدامي ولا معااايااا ... بغيتي العشرة لي بيناتنا ندير بحسابها واا حتى نتا دير بحسابي وبدل ساعة بغيرها ...

منير تنهد : واخا اختي ... سمحي ليااا انا بغيت غير ندير الخير ... عندك الحق مكانش خاصني ندخلك ...

خنساء بايجاب : مممممم نخليك دابااااا الله يعااون ...

زادت من تماااا شااعلة سميتو مكاتحملش تسمعها بقااا غير تهز ليه الهم ... اتاجهات نيشااان لداارها مخلياااه وراهااا ...وصلات و دخلااات وبدلاات عليها وستفات التقضية وقادات الغدا بالخف مع معطلة ...

تعاشات العشية ولبسات عليها حوايجهااا وقادات راسها كيف العادة ... خنساء هازة صاكها كادق فالحمااام : وااااا عدنان وا طلقنا ... كاتزرب فيا وفلخر نتا لي سكنتي فالحمام ... انا راه لبست ..

خرج كايمسح راسو بالفوطة عرياان من الفوق لابس غير شورط ماعندوش الكرش بالعكس فورمتو مقادة ... خنسااء هزات حاجبها فيه باعجاب كاضحك : احم احم ... هاي هاي على البادر ... اراااك باقي شاااد اراجلي العزيز

عدنان حرك راسو بلا حول متخطيها :ما بقاتش فلاااج ... باااز ليك نتي لي يلاه فالعشرينات وكرشك قد البقرة ... هازة ما هاز قلب ختي خديجة

خرجات عينيها بشهقة : هاااااااء ... انااا ايييوااا الله يمسخك ... فين هي الكرش فينها ؟؟؟ ....

عدنان دار عندها بنظرات من نيتك : داكشي لي كتاكلي مايخرجش ليك غير الكرش ...

شككها فراسهااا ولات كاتهبط وطلع فكرشها : هاااء واش بصح كادوي ... اويلي على للكرش ... الله يهديك ماااشي شي كرش كااااع غييير شوية وصافي وزايدون كاندير السمطة مكاتبانش بالمرة ...

ضحك : هههههه ايوااا شتي هاااا لي قلنااا .... غير كانضحك معاااك نتي واخا دبدوبة ... ولكن ماشي شي دبدووووبة كاااااع هههههههه

خنساء ميقات فيه : ايوا الله ينعل لي مايحشم .... سربي سربي لبس عليك راااه المغرب ودناات مابقا خروووج ... سربي بغيت نمشي نشم الهوا فالبحر

عدناان : واخا غير خرجي انا تابعك ...

خنساء ابتاسمات جنب عرفاتو مابغاش يلبس قدامهااا .... حركات راسهااا بايجااااب وخرجات رادة الباب ورااه : واااا هاانتي على السيد الكرش عندو مطراااسية تقول غير ولد العشرييين(عضات قنوفتها) ولاهيلااا كاايبان سيكسي مع المااا كايقطر من شعروا ... ( وعات على راسها ): احم احم ... الرجووع الله ابنتي ونتي غير كاتشوفي لحم كاتهااوشي يااربي السلااامة ... الله يخليها قاعيدة فياااا ....

كلسااات فوق الكرسي كاتسناه يخرج ... ومشاااو بجوج للبحر ( مهدية ) .... تمشاااو حتى عياااو فالرملة وتبردو مزياااان عاااد دخلوا لوحدة من المطاعم لي قبالت الشاطئ تعشااااو ورجعوا للدااار مسخسخين شدو الفراااش ونعسوااا ...

فواحد البار صغير فسونطر فيل ( centre ville ) كانو مقصرين عبدو و السحت فطبلة مقنتة ... حاطين قراعي ديال الشراااب وكيسانهم عاااامرييين ..

عبدو سكراااان : تااا رااااه واااخاااا يهزووني للمريخ مانلقااش بحال هاااد الهزة كاانحس براسي غادي فوووق السحاااب ... كانسى مشاااكيل العاالم كااامل .... بربي مكاااين بحااالهاااا

السحت : ورااااه قلتها لييك اسااااط تاااا راااه فهاااد الوقت كاين غير لي يحمقك ... جوااانااات مااابقاااوش قاديين غرض ... انااا بعداااا الا ماضربتش الطااااسة مكااانبردش ... وحتى نتاااا خاصك تنسى شوية الهم ... رااااه حنااا لبعضياااتنا العشييير

عبدو : يتوووووب عليييك اصحبي ... رااه بربي مكاين لي كايفهمني قدك ...

شاف فالتلفون كايصوني : هاهي تاااني الواليدة كاتصدعني .... واااااش هاااد الناس ماايخليو حد يتهنى ويرتاح على خااطرواااا ( قطع علييهاااااا كايضحك ): ولااااااكين الحناااانة ( ضرب على صدروا ): فالقلب هي بوووحدهاااا لي كاتبغيني مسكينة بلا زوااااق ولا نفااااق ... فيدييييل الحنااااااانة

السحت : رااااه هي لي دااايمة ليييك ... شتي انااا كون كانت عندي مي بربي حتى نبوس ليها راسها صباااااح وعشية ... ولكن للأسااااااااااااف ( للاسف) مشااات عند مولااانااا وتهناااات ...

عبدو : تااا اساااط رااااني عارف عندك المشاعر جياااااشة ابروو ... لهلا يخطيييك عليااااا وسلاااام...

خنساء ضرباتها الفيقة مع الفجر خصرات كمارتها مقلوبة ... شافت جهة عدنان كان ناعس على كرشو منشور فسابع نوماات ... اتاجهات للحمااام قضات حاجتها ... حسات بالنعاس طار عليهااا ... مشات للبالكون وااقفة كاتشم الهواااا والسماا كاتبااان زرقااء غاامقة مزينة بالنجوم والزنقة خاوية كاتصفر ... ابتاااسمااات كاترد النفس وتستنشق الهوا النقي ... ارتعاااش زويين وراحة نفسية كبيرة كاتحس بيها فهاااد اللحظة ... حساات بشعور غريب انتابها وهي كاتأمل السماااء ونسيم الصباااح كايضرب فوجهها .... ماحساتش براسهااا مدة وهي على نفس الحال ... حتى تحطاات كاشميرة خفيفة على ضهرها ونطق : ايضربك البرد .. ملابساش مزيااان ...

خنساء دارت جيهتو : شكرااا ... فيقتك من النعاااس ؟؟

عدنان كلس فالكرسي لي محطوط تما : لا لا ماشي مشكل ... فقت جاني العطش وانا نلقاك هنااا ... ( بتساؤل ): عندك شي مشكل ؟؟؟

خنساء : لا لا غير طار مني النعاااس وقلت نشم شوية الهوااا ونسيت راسي مع هاد الجو الزوين ...

عدناان : مممممم مزيااان ...تبغي تشربي شوية اللويزة غاتخليك ترخاااي وتدفيك

ابتاسمات بايجاب : مااكرهتش والله ...

عدنان : اوووك شوية وتكون واجدة ... خلي الغطا عليك غااادي تمرضي ...

خنساء : واخا كون هاني ... زاد من تما وهي تنهدااات كاتشوف فالزنقة ... جاب عدنان اللويزة وكلس هو ويااهاااا كايشربوهااا فهدوووء بلا حتى كلمة كل واحد فيهم كايستمتع بالجو فديك الوقت لي كايكون رااائع وعندو طعم خاااص ...

عدنان حط الكااس قاتل الصمت : انا غادي نصلي ونرجع ...

خنساء : الله يتقبل .... واخااا

عدنان بتساؤل : مكاتصليش ؟؟؟؟؟

خنساء تنهدات : الله يهدي ما خلق ...

حرك راسو بايجااب : اميين ... الله يسمح لينااا وخلاااص ... ويعفوا علينا من ديك الخدمة راه فحال الا كانكب الما على الرملة ...

خنساء ابتاسمااات : ههههه .... اميين ياربي ... انا غانتكا شوية نشوف واش غادي يديني نعااس

عدنان : اوووك ... زاد من تما دخل للدوش يتوضا وهي تخشات ففراشهااا كاتحاول تنعس ...

عبدو خارج هو والسحت من البار كايتمااايلووو كل واحد طايح على لاخر معاقلينش على راسهم بالمرة ... السحت فالباب : وااااه اصحبي ... دغيا دازت الليلة .. مكانحسش بالوقت فهاد البلاصة ...

عبدو : بربي ماكرهت الزمان يوقف عليا تماااا ... مكانحملش راسي مني كانفيق الصباااح ونصحاااا ... تا بربي حتى كايطيح عليا الضيم اساااط ...

السحت : ههههه وايييه ... زيد زيد نتحركو فحااالنااا راااه دابا يجيو صحاب الوقت ويجمعونا حب وتبن ...

عبدو : يلاااه يلااااه ... يلاااه غايزيدو وهو يخرج واحد الشاب اخر سكران بالكاو حتى هو كايدندن : داني داني داان سكراان وعيان ... داااني ... هء دااني دان ... سكرااان وعياااان ..

داني داني باغي يدكدك لها البيبان ... داني داني دان

مزلوط مريول انا ... وضارب لالكون ... جاها فليل خابط والدمعة تسيل

مهموم مغروم يانا ... وضارب لفاليوم

داني داني دان سكران وعياان ... داني داني دان باغي يدكدك لها البيبان

السحت شافو وضحك : ههههه تااا ضرب ليا على خونااا ... طاايح بالكاااو معاااقلش تقول ضارب الطاسات ديال الحفرة كاملين ...

عبدو كايفرنس : هههههه واااييه ... كايبانو لييه جوج جوج من الحااجة ...

السحت : غني غني حتى نتا نسمعوا الصويت الرنااان ...

عبدو ضحك : هههههه اياااه علااش لااا ... ( واقف غير بزز ): سمع سمع مزك ليا الوديناااات ...

حتى لقا كَلبي لي نساااتو فجراحو .. جاو عدياااان الحب فرقونا عاد رتاااحووو

حتى لقا كَلبي لي نساااتو فجراحو .. جاو عدياااان الحب فرقونا عاد رتاااحووو

واخا فرقونا رااااه مزالة فالقلب ... ولااا قلت نسيييتها غير رااااني نكدب

واخا فرقونا رااااه مزالة فالقلب ... ولااا قلت نسيييتها غير رااااني نكدب

السحت حبسو وضحك : تااا اشمن قلب ولا رية .. اجي اجي نشوفو خوناااا فين صاااد

عبدو كايهلل : تااا بربي مكاتحتارموا المواااهب والمشااعر .. تااا راااه غااا ضاايعيين معاااكم فهااد البلاااد

السحت صفر على الشاب : شششش ... وااافين شادهاا العشييير ...

الدري دار عندو دايخ : ... م... عا...يااا ( معايا ) ...

السحت : اه معااااك ... فين صااااد ونتااا رجليك مابقاوش قادين ... يهزوووك ...

الدري كايدور صبعوا حدا راسو : ونتااااا مااالك ... اش دخلك ... سييير ... سيييير تلعب ...

السحت شاف جهة واحد الصاكا صغيرة حالة ونطق : عبدو ... واحد الدقيقة ... نمشي نجيب واحد بكية الكارو غانحتاجها الصباح ... ونرجع ...

عبدو حرك ليه راسو بواااخااا وزاااد من تماااا غايتسناااه .... وهو يدخل فخونا لي كان واقف حداهم ...

الدري خنزر فيه كلو كايتمايل : تاااا مااال موووك ... شووور ونتا غير مدرم ...

عبدو هز يدو : سمح ليا اصحبي ... ماشفتكش ...

الدري : ماشفتينييش ... هههه دخان انا ماتشوفنيش .... ومااالك عور ... يخخخ على بنااادم كيف داااير ...( يلاااه بغااا يزيد وهو يرجعوا عبدو )

عبدو : عااااود عاااود شنو قلتي ... كيفاااش ... يخخخ ... كادوي عليا ولا غا ... جااب ليا الله ...

الشاب : اااه عليك من بعد ياااك لاابااس .. مانخافوووش ...

عبدو : تااا راااه مابااغيش نغلط فييك .. ولكن نتشاااا كاااتشقلب ( كاتقلب) علياااا

الشاااب دفعوو : تااا سير لعب مع لي ... قدك ونتوما كترتو ... غير لي جا ولا بغااا يضرب الطااسة ويبدا يتبوورد ... على سيااادو ... الله ينعل عدو *****

عبدو هز فيه راسو شااعل وعينيه مقلوبين بالسكرة : كاااادفع ... نتاااا اولد **** ... كادفع ... الله ينعل اصل ***** د***** ... ناااري ضبرتي فيهااا ... والله لا بقااات فييك...

خونا خنزر فيه : واااش عند بالك غاتخلعني ... سير تلعب مع قرانك قبل ... مانفلت فال**** لي حطك شي دقة تجيب لوالدين ***** التمااام ...

عبدو خشاا يدو فجيبو : هاحناااا غانشوفوا شكون غايجيب لاخر التمااام .... داير فيها .. واااعر ا*****

جبد مووس صغير كااان فجيبو ووجهووااا لييه ... الدري بغااا يكاالييه مع سكرااان بالكاو ماقدش عليييه جااتو الدقة فالكتف .... عبدوو : باااش تعلم تغمق علياااا ا**** .... قلبتي عليهااا ابوكيمووون ( كايترعد من الدهشة والسكرة مابقاوش رجليه هازينوا )

الدري طاااح فالارض شاااد على دراعووو والدم كااايسيل فالارض كولووو كايشرشر .... مابقاااش قااادر يوقف بالحر ديال الدقة ديال الموس لي باقي فيد عبدو كايترعد ...

السحت جا كايجري من الصاكا ... كان غايطيح ... شاف الدري مزاوط فالارض وخرج عينو : اش درتي ... اش درتي ... عبدو ... حماقيتي علااش ... ضربتيه ... ( كايدور عينو فالارجاء تاالف ): ضبرتي فيهاااا ... موووصيبة ... هادي ... ( كشكش) : هبلتي ا*****

عبدو باقي مواعيش : هواااا لي جبدني وقلب عليااااا ... ووريتوو فعايل الرجااال

السحت رما ليه الموس فالارض : زيد زيد ... هرب ... زييد ... وااا زييييد

جروا من يدو كايتجارااو خلاااو السيد ملاوح فالارض كايتركل وهربوااااا كايتجارااااو من تمااااا ... وعبدو راسو مرفووع باقي مواعيش بشنو دااار ...

اصبحنا واصبح الملك لله ... كان عبدو منشور فبيتو فالسطح ... لابس شورط وعريان من الفوق ... خصر كمارتو من الدقان لي كايسمع فالبيت بالجهد ... حل عينو فالسقف راسو ضارو دايخ بالمعقول ... معارفش شكون هو ولا فين هو ولا اش كايدير حاس بالدنيا دايرة بيه ... باقي كايستوعا على راسو حتى تحل الباااب بالجهد ... دخلوا البوليس ... نطق : هاي هاي هاي ... صباح الخير الشريف ... ياكما نجيب ليك شي قهوة تصحصح شوية اش بان ليك ...

عبدو حاس براسو غايتفركع مافهم والو وذاكرتو كايحس بيها ممحية ما عرف باش تبلاا : ماالك الشاااف ... اش كاين

البوليسي : انا غانوريك مالك زيد معاااياااا ...( خاطب الشرطة لي معااه ): هزوا علياااا الوييل

عبدو كايدور عينو مدهشر وذاكرتوا كاترجع باللور عاااد عرف شنو واقع حس بلسانو تلواااا عليه وهو كايرجع الكاسيط اللور ... تفكر اللقطة لي كان هاز فيها الموس وخونا لي كان طايح حداه ... باقي كلشي مضبب فعينيه والاحدات مخربقة فراسو حتى حاجة مواضحة ... دارو ليه البوليس المينوط وخرجوه من تمااا مهبطينو فالدروج وحياااة كاتغوت وسط الزنقة كاضرب ففخااضهاااا ... غير شافتوو وهي تغوت لربي لي خلقها : اويلي اش درتي ... اش درتي اوليدي .... اش درتي ... اميمتي على كبيدتي ...

طااارت علييه معنقاااه شاداااهم : ها العااار اوليدي ماتمشيييش ... اويلي فين غادين ليا بولدي ... اميمتي اش غادي نقول لباك مني يرجع من السفر ... عافاااا اوليدي قولي مادرتي وااالوووو ... مادرتي والو يااك ( كاطبطب عليه فحال شي هبيلة )

البوليسي : عافااك الالة خلينا نديرو خدمتناااا ... الله يخلييك ...

حيااااة غوتااات : اويلي على خدمتكم اش دااار وليدي ... اش دااار بااش تديوه هاكااا فحال شي مجرم ... اميمتي على كبيدتي باغين تشويوني فيهاااا ... اش دار ولدي حتى باغين ترزيوني فيه ... اش دااار اعباااد الله

عبدو حادر راسو وعينو مغمضين عامرين بالدموووع ... قلبو كايتقطع على موووو حتى الشوفة مقادرش يهزها فيهااا بالمرة ... حاااس كايتقطع من الداخل مهاموووش رااسو حيت عارف اش دار واش تابعوا ولكن شوفة فميمتو فديك الحالة مخلياااه يتشوااا ...كيفاش لا وهو كايشوف فالانسانة لي ولداتو ورباتو وكبراتو وتمنات فيه الخير كاتغوت قدامو طايحة بالعظام ... كيفاش لا وهو كايشوف ليالي لي سهرات كايضيعوا قدامها ... كايشوفها كاتشوا قداموا وهو سبابها ... هو لي وصلها لهاد الحااالة ... كانت كاتقوليه غاتولي همة وشان مني تكبر وكانت كاتسنى منو يفرحها ولكن هو قرحهاااا وخيب امالهاا وجاب ليها التماام

الشرطي : الله يخليك اللالة ... ولدك ضرب واحد الولد بموس والسيد فالكلينيك فاق وكايتاهموا بالاعتداء عليه وحتى الموس لي لقينا تضرب بيه الضحية راه كايتبت صحة هضرتوا ... وحنا كانديرو غير خدمتنا ... مني تجي للكوميسارية غاتعرفي شنو واقع

خرجات عينيها ضاربة على فخاضها كاتلهط والجقلة ديال النااس دايرين بيهاا كايشوفوا اش واقع وكل واحد اش كايقول ... كلشي باغي يعرف اش واقع واش جاري ... كاين لي كايقول راه قتل يستاهل شمكار غانتهناو منو ... وكاين لي بقات فيه ديك الام كل واحد كايلغي بلغااه وما حاس بالمزود غير لي مخبوط بيه

حياااة : اويلي على مووس ... اميمتي على الموووس ... اميمتي على وليدي .... مشا فيهااا ولدي ضاااع... ضاااع ولدي هء هء .. ضااااااع ولدي ضااااع هء هء

خنساء كانت لابسة عليها جلابيتها غادة لدارهم ... قرمات حجبانها وهي كاتشوف الجقلة قدام دار عبدو والسطافيط واقفة فالبااب ... قربااات بهدوء داخلة فالجقلة ... فحال الا ضربتيها بطرشة وهي كاتشوف البوليس شادينو بالمينوط ... عريااان ولحموا حمر بالاعصااب ... بلعاات ريقهااا وقربااات بخطواات تابتة بلا تفكيير ...

❄❄❄❄❄❄❄❄❄❄❄❄❄❄❄❄

مصبح على المنوط فيديااا ...الميمة تبكي وتنوح

خوتي صغار يعنقوا فيا ... ودموعهم تشافي الجروح

مهبطيني الحناش بالقوة ... وانا بلا حوايج عريااان

مينوطي ولساني تلوااا ... وانا ما فاهمشي البلان

حيااااة مخاطبة عبدو مابغاتش طلقوا كاضرب فصدروا : عافاا اوليدي قولي بيلا مادرتي والو هااا العاار ... برد ليا العافية لي فقلبي ... ها العاار اوليدي لاامااا قولي مادرتي وااالو ...

حادر راسو ماقاادش يهزو فيها بالمرة ... خنسااء بلامااا تشعر نزلوا دمووعهاااا واخا مفاهمة والو والااا شنووو واقع ولكن غير المنظر ديالو ودياال ماماه فديك الحالة خلاااهااا تدرف دموعهاااا بدون احساااس ...

قربات عند حيااة شدااتها كاتحاول تهزها من الارض ونطقاات باسى : عفااك اخالتي بشوية عليك عافاااك هء ...

عبدو كان راسو محدور للارض .. غير سمع صوتهااا .. هز فيها عينووو وقلبو بغا يخرج من بلااصتو ... اخر حاجة كان يتوقعهااا تشوفو فهاد المنظر ... بلع ريقو ودموعوا لي كان حابس نزلوااا على خدووااا ... كاتشوف فيه بنظرات مامفوهمينش واش عتاب ولا شفقة ولا احتقار ... كايشوف فعينيها نيشان كأنه كايودع تفاصيلها وملامحها وكايلتاقط اخر صورة ليها بعدسة عينيه ... باش يبقى محتافظ بيها فذاكرتو ... عينيها ... نيفها .. شفايفها وخدودها وشعرها ... كل حاجة كايدقق فيها بتركيز

حيااة كاضرب فصدروااا : حرااام عليييك ... اش درت ليييك انااااا ... فااااش قصرت معاااك .. واش سهرت عليك ودرت كتر من جهدي باش تجازيني هاكااا .... حرااام علييك اوليدي حرااااام .. هء هء هء ... حراااام علييك ...

عبدو كارز على سنااانو معارف باش يجاوبها اللسان تسرط ليه واصلا ماعندو مايقول لي قالت ليه عندها فيها الحق ...

قرب لوذن خنسااء واستنشق ريحتها ونطق بخفوت باش مايسمعوا حد : كنت عاارف غايجي النهااار لي نتحاااسب على شنو درت معااك ... ماكنتش عارف كيفاش ولا ايمتااا ... ولكن كنت متأكد اني غانتحاسب عليه ... ( خرج تنهيدة من الاعمااق ): وهاهو جا داك النهار كل واحد كيحصد داكشي لي زرع

خنسااء ضغطااات على شفاايفهاااا مزيرة على يدهااا ودموعها شللااال مابغااتهاش لييه ... ماابغاااتش تشوفوا هااكاااا .... كيفااش يمكن لشي انسان يبغي الحبس لشي حد ولو يدير ليه لي دااار ... هي ماشي شي وحدة خايبة باش تشمت فمعانات الناس ... حساااات بشي حاجة غريبة زيرات عليها فصدرهااا ... ولات كاطلع النفس غير بزز وكلماتو ليهااا كايتعااودوااا فودنها ... وماقدرات تجاوبوا بحتى حاجة غير كاتبكي فصمت

عبدو قرب لمو باس على راسهااا : سمحي لي اميمتي ... سمحي ليااااا ... سمحي ليااا امييي .... عارف راسي مقفرها معاك امي ... ولكن غير سمحي ليا

دموعواا شللااال جروه من يدهاااا وهي طاحت كوومة فالارض كاااتغوت وتشد فشعرهااااا وتنتف فراااسهاااا وتغوت بسميتووو بحرقة كبييرة فقلبها ...

حيااااة : عبد الله .... اولييييدي وااااا ميمتي شوااااااوني فكبدتي .. الله على كبدتي اللله ... هااا العااار هااا العااار لااامااا خليييو ولدي ما دااار وااالو ... هااا العاار راه هو عوينتي باش كانشوف ... هاالعااار خليو ليا ولدي

كاتريش فراااسهااا وتقطع حوايجها فيد خنساااء لي كاتشهق معااهااا وتشد فيهاااا بزز ... عبدوو صوتها فودنوااا كايحرق فيه من داخل وهو عاطيها بظهروا ... حلوا بااب السطافيط كااان كالس السحت فيهااا حتى هو دايرين ليه المينوط ... طلعووه معااه وتحركات الطوموبييل ... حيااة غير سمعات صوتهاا وتنترات من خنساء ورانيا لي كانوو شادينهااا وتبعاتها كاتنوح : لااااااااا ... ماتديوش ليااا ولدي .. ماتغصبوش ليا ولدي فشبااابوووو ... لاااا اوليدي وفين غادي تخلي ميمتك .... هء هء وليدي مكاينعسش الا مانعستش انااااا .... اميمتي وشكوون غادي يحن علياااا ويحب ليا على رااسي ... هء هء اميمتي وشكون يجيبها من البحر ويجيب ليا الدوااا .... اميمتي وشكون يعاوني نوقف وعلااامن نحط الرااااس اربييي ... وليدي غادي يمشي فيهاااا اميمتي ... طلقوااا ليا ولدي راااه هو لي عندي ... طاااحت فالارض سخفااانة كاتنين : وليدي ... وليدي ... مشا لي عندي وكبيدتي

خنساااء كاتبكي : عافااك اخالتي بشوية عليك غاتوقع ليك شي حااجة ... شدي فراسك عافااك

حيااة كاتشد فيها : مشا ليا ولدي اخنسااء .... مشااا الحنين فيااا مشااا ... ضيع راسو وضيعنا معاااه .... ياك ابنيتي نتي عارفاااه ... عارفاااه مايديرهاااش ... نتي كاتعرفيه ابنيتي ومادوزتوش قليل ...ردي ليا ولدي اخنسااااء بغيييت ولدي .... وااا بغييت ولدي ...رجعواااا ليا ولدييي ( كاتغوت لربي لي خلقها وتنتر باغا تبعدوا وهما شادينها بزز )

خنساء كاتمسح دموعها : واخا اخالتي غير بردي عافااك غادي تقتلي راسك هاكا ... عافاااك ... هء هء ... عافاااك

رانيا حتى هي كاتلهط بالدموع : هء هزيها معايااا ندخلوها ...

حركات راسهاا بايجاااب وهزوهااا بشوية مع منيير عاونهم ودخلوها للدااار ... خنسااء غير حطات رجلها فالعتبة وتفكرات شنو وقع يلاااه بغات ترجع ... وقوات راسها مغمضة عينيها وزادت معاهم ... ماباغااش تفكر كاااع ... مباغااش داكرتها ترجع لداك النهار خصوصا فهاد الوقت ...

خنساااء : جيبي شوية الماااا ...

رانيا : واخا ... مشات كاتجري للكوزينة جابت قرعة المااا ومنير عيط فتلفون لحسن لي كان مساافر ...

جاو شي عيالات جيرانها عاونوهااا وهي كاتغوت غير بكلمة ولدي ولدي .... ماكاتحيدش من فمها بالمرة ... بقاااو معااهااا حتى عطاوها الدواااا وخلاوها مع صاحبتها وختها لي جات عندها .... متكية ومحزمة على راسهاااا ودموعها نشفوااا بكترة البكااا

❄❄❄❄❄❄❄❄❄❄❄❄❄❄❄❄

جامي طاحت ليا فبالي ... نضرب ليلة فسيلول

ضحكتي ورا الكرياج تسالي ... وسبابها تيليفون

اجا مايدوز المدة ...وانا عندي الحبس طويل

نبكي نفرز المخدة ... كي نتفكر ميمتي فليل

واحد نهار على برا ... رانصلي نصدق ونصوم

ننسا الحرام بالمرة ... طريق الشر والله مادوم

والله مادوم ... والله مادوم ... والله مادووم

خنساء هزات ساكها وخرجات هي ورانيا كايتنهدوا ... رانيا ساطت : مشا فيهااا زغبي اجا مافكو من هاد الفضيحة ... قالك جرح شي دري ملي كانو سكرانين ... والسيد فسبيطاار ...

خنساء عقلها غااايب وصورتو قدامها مكبلين ليه اليدين مابغاتش تحيد ليها من راسها ... كاتفكر كون دارت لي فراسها وكانت سبابو فهادشي كيفاش غاتحس وهي كاتشوف مو هاكاااا ... حمدات الله الف مرة لي وكضها وتراجعااات على شنو فكرات

رانيا حركاتها : راني داوية معاك فين مشيتي ؟؟

خنساااء مسحات على دموعها : بقات فيا خالتي حياااة مسكينة ... واخا كان مخرجها منها ولكن كان حنين فيهااا ... وكايهز ليها الهم وكانت عزيزة عندو بلا قياس

رانيا : غير سكتي انا قطعات ليا قلبي مسكينة ... ماعرفتش الزغبي شحال غادي يحكموا عليه ... عنداك غير يموت داك الولد ...

خنساء خنزرات فيها : اناري فمك لاحسو جرو مالكي على هاد الفال ... اصلا قاليا منير دري غير مجروح فكتفوا ... وبجوج كانو سكرانين اصلاااا ...

رانيا : واخا هكااك مغاديش يفلت منها ... مشا فيهاااا المسخوووط ... ياربي تحفظ وصافي ... ماتصوريش شحال ضرني فخاطري مني شفتو هكاااك ... ماقدر ينطق بحتى كلمة بقا غير كايشوف مسكين .... اخر جاجة كانت طيح ليا على بالي هي نشوف عبدو حاني الراس هكاك

خنساء ضغطات على شنايفها غير كاتفكروا كاتبغي تبكي بزز منها : الله يفرجها علييه ...( متهربة ): انا غانمشي للدار تعطلت عليهم ...

رانيا : موحال واش فراسهم .. والو مابانوش ليا ...

خنساء : اصلا هاد الوقيتة كاتكون غير نسرين فالدار كاتطلق الموسيقى مغاتسمع والو ... بغيت نمشي نجيب شي حوايج ديالي ...

رانيا : واخا انا غانمشي نرجع لعند خالتي حياة ماما بقات معاهااا حتى نهضروا فالتلفون واخااا ...

خنساء : واخااا ...

زادت من تما متاجهة لدارهم حاسة بخاطرها دارهااا مقادراش تنسى لي وقع ليه ... واخا كاتقول ماشي سوقها ويستاهل على لي دار فيها ولكن العشرة لي دوزوا كادوز كاملة قدامها ومنظر مو مخلي خاطرها يزيد يتزير وهي عارفاها ماعندها صحة ...

جبدات الساروت حلات الباب ودخلااات للدار ... كانت خاوية ... نسرين كانت الفوق كاتهضر فالتلفون مع نجاة كاتعاود ليها شنو طرا ... سمعاتها وقطعات وهبطات كاتجري مني شافتها من الفوق : خنساااء خنساااء ... فخبارك اش وقع ...

خنساء تمطقات : ياربي السلاامة حتى حاجة مكاتخفى علييك ... فالدار وخبارات الدنيا كاملة عندك .. ماعندي مايتسال نجاة قايمة بالواجب وبزايد كاع

يلاه غاتجاوبها وهو يدخل العربي كايسوط بلا حول : لا حول ولا قوة الا بالله... ياربي تكتب علينا مكاتب الخير ... وتحفظ وليداتنا من الاذى ياربي ...

خنساء باست على يدو : سلام اباااا ... لاباس عليك ...

العربي : الحمد لله ابنتي ... مني كاتشوف هم بنادم كاتحمد الله على حالتك وتدعي الله صباح وعشية

نقزات نسرين : هي حتى نتا عرفتي اش طرا لولد حسن ...

حرك راسو بايجاب وكلس : اييه كنت جاي دابا وقالها ليا مول الحانوت ... الله يفرجها عليه مسكين ...

خنساء حنات راسهاا بقا فيها لدرجة كبييرة ماعرفاتش علاش ولكن حسات بالموضوع مسهااا بزاااف ..

نسرين ضغطات على شنايفها معوجاهم : احم امين ياربي ... غير هو مسكين لي عند ميمتو ...

العربي : مسكينة حالتها غاتكون حالة ... وحسن عوان باااه مسكين عاد جاي من السفر ... ولكن هاد البراهش ديال دابا كايبقاو يدورو يدورو حتى يجيبوها فراسهم ... مقابل الكمايا والحرااام والمضاربة هاهو كوغطوه وواجا ماخرجوا منها

نسرين كادو عينيها فخنساء : لااا اعمي واخا هكاك دري كان بعقلو ... بصح كان مبلي ولايني بالقياااس ... كيف كاااع الدراري فلاج ديالو ... انا راه قراا معااايااا فالعام ديال الباك وحتى خنسااء راااه كاتعرفوا مزيااان ... الولد واخا هكاك ضريف غير هو مؤخراا كتر من البلية ماعرفت علاااش ... الله ياخد الحق فلي كان سباب ياربي ... ياك اخنسااء ...

خنساء خرجات فيها عينيهااا قارمة حجبانها عرفاتها كاتقصد فراقهم من ديما ضارها فراسها علاش وهي ماباغاش تعطيها راس الخيط ... نطقات تحت سنانها : انا بغيت ليك الزغب فسنان ماتعاوديش تقدري تحلي داك الفم الله يخليها سلعة

العربي مادا ماجاب : ايوااا الله يحفظ ... ويفرجها علييه ماتبغيها لحتى حد ...

خنساء : امين ياربي ... انا غادي نطلع نهز شي حوايج ديالي بقاو هنااا محتاجاهم ...

زادت من تما متهربة من الموضوع وتبعاتها نسرين مامفاكاااش حتى للبيت ...

خنساء خنزرات فيها : ياااك لاباااس ؟؟؟

نسرين بطنز : شتك مهمومة ... بقا فيك حبيب القلب مشا للحبيبيس ؟؟

خنساء هزات فيها حاجبها : اييه بقااا فيااا وقطعلي فقلبي ... بحااال كيفمااا قطعليك فقلبك سي سحت مني داوه معاااه ( غمزاتها ) : قلبك غايخرج من بلااصتو عليه ياااك

نسرين بلعات ريقها مابغاتش تزايد معاها عارفة اخرة هاد الموضوع غاترجع عليها : احم ... ااااه فراسي حتى هو داوه ... احم ... كيف بقات ماماه مسكينة كون راه حالتها حالة شفتيها ؟؟؟

خنسااء ماعندها كانة : كيف غاتكون الله يحسن عوانها ... سولي ماماك راااه خليتها معاهاااا غاتعرف خبارها حسن مني ... ودابااا سيري خليني نقضي شغلي ونمشي فحالي خاصني نوجد الغدا لراجلي ...

ميقات فيها : مممم هاهي غااادة ... غير لي بغا يدوي معاااك ... زادت من تما وخنساااء ردخات عليها الباب كاتسووط ...

إن كتبنا كلمات حزينة تقطر ألمًا، لا يعني

اننا من أتعس خلق الله..

وعندما نكتب عن الحب لا يعني ايضًا

اننا نعيش قصة حب خيالية..

وكذلك نحن لا نكتب لمجرد الكتابة ..

-بل نكتب لان في حياتنا اشخاص يحبون

بصدق واخلاص،ومنهم من تجرع

مرارة الهجر والخذلان..

..نكتب عن احلام اختنقت قبل ان ترى النور..

نكتب بدلا عمن تخنقهم المشاعر والاحاسيس

ولا يملكون للتعبير سبيلا..

-نكتب فقط لاننا بحاجة للكتابة ربما اكثر

منهم..🥺💔

نكتب لأننا نريد ان نشعر، أننا على قيد الحياة.... أو لأننا انكسرنا وصارت قلوبنا محطمة....💔

خنساء واقفة فالكوزينة كاتوجد الغداا وكاتدندن مع اغنية هيفاء وهبي : ليك الواوا بوس الواوا خلي الواوا يصح

لما بست الواوا شلته صار الواوا بح

ليك الواوا بوس الواوا خلي الواوا يصح

لما بست الواوا شلته صار الواوا بح

بقربك خليني اغمرني ودفيني

انا من دونك ... انا بردانة احح

قاطعها صوت التلفون كايصوني ابيل فيديو ... شافت النمرة وجاوبات : اهلاااا زيونات صافا عليك ؟؟

رانيا : الحمد لله ابب ... لهلا يخطيك

خنساء : كيف داز نهار اللول ديال الامتحان ... بيخير ؟؟

رانيا : على العموم مزيان ... لقيتيني عاد نيت جيت وقلت نصوني نسول فيك ...

خنساء : يسول فيك الخير احبيبتي ... هاني غير فالكوزينة مخشية وصافي ... كانوجد الغدا لسي سيد شوية ويدخل ...

رانيا ابتاسمات :الحداكة ياختي ... والله حتى حا معاك الزواج ... تنورتي وزيانيتي كتر ... كاتباني مرتاحة

خنساء : وا هاد الساعة الحمد لله ... مخاصني خير ... وحتى عدنان الله يعمرها دار لي جات على فمي كاتوصلني ... ولي ماقديتش عليها كايقولي خليها بناقص منها ...

رانيا : انا عارفاك قادة وقدود وتردي السبع ضبع ... مانخافش عليك ... ( دورات عينيها بتردد): احم اليوم شفت منير ...

خنساء : اييه مزيان ومن بعد ...

رانيا بلعات ريقها : دوا ليا على عبدو ...( كاتسنى ردو فعلها)

خنساء ببرود : ايواااا شنو دارو معاه ...

رانيا : اش غادي يديرو معاه راه غادي يتحاكم ... داكشي بااقي مشعكك ... غير هو على ما قال ليا راااه السحت غالبا غايخرج بكفالة حيت عبدو اعتارف بيلا هو لي ضرب الولد وهو مكانش معاه المهم حيد عليه التهمة وهز هو كلشي ... وهادشي لي قال ليهم حتى الدري لي مضروب

خنساء : ممممم ... ايوا الله يطلق سراحو على خير ... بشحال حكمو عليه ...

رانيا : والله ماعرفت شحال بالضبط ولكن راه واحد تلت سنين ولا ربعة هي القليلة ... عندو الزهر لي حتى دري لي مضروب كان فحالة سُكر وهادشي لصالحوا راكي عارفة ...

خنساء : اااه ... ايوا الله يفرجها عليه وعلى المسلمسن اجمعين ...

رانيا شافتها مامهتماش : امين ياربي ... ( حاولات تبدل الموضوع ): ايواااا قولي ليا مزال مكاين شي جاي فطريق ؟؟

خنساء هزات حاجبها : بحالااش ؟؟؟

رانيا غمزاتها : احم شي حاجة فالكريشة

خرجات عينيها فيها : اهيااا ناري ماهو فالي ياختي ... لا لا انا ما باغا ولاد هاد السااعة ... ناقصني صداع نزيد التبرزيط ... لا لا مكانفكرش فيهم اصلاااا ... ( خنزرات فيها ): ونتي اكتر وحدة عارفة المشكل مانحتاجش نشرح ليك

رانيا : ممممم نيت كنت باغا نسولك ... واش لقيتو شي حل ولا باقي ...

خنساء بلعات ريقها مابغاتش تبين : راه متبع مع الطبيب وصافي ... سمعات الباب : هاهو نيت جا وباقي ماكملت الغدا لاهيتيني الله يمسخك تلاحي ... تلاحي ...

قطعات عليهااا وزادت للفران كاطل على داكشي لي دايرة فيه ... حتى فزعها بنهضة : خنساااااااء ... خنساااااااء ...

قرمات حجبانها قافزة وزادت جيهتو : ياك لاباس مالك ؟؟؟ ( شافت فيه وهو مخنزر فيهاا غادي يتفركع ): تااا مااالك ؟؟؟

عدنان بلغواات :دااايرة راااسك معاارفااش...كاتبوهلي عليااا ولا شنوو؟؟

خنساء غمضات عينيهاا ونطقات بهدوء مباغاش تعصب:هضر أعدناان بشوية وقوليا شنو كاين...راني مافاهما والو...

عدنان قرب ليها : علاش ماقلتيش ليا بيلا دري لي فلاكيس فالمحال قلل معاك الاداب ...

خنساء هزات حاجبها :ماعقلتش شكون هاذا ؟؟؟؟

تنهد بنفاد صبر :واااا نهار جيتي عندي للصاكا وخرجنا بجوج ... قبل مانجي ...

خنساء دلات شنايفها عاد تفكرات البلان ماعطاتوش اهمية اصلا : اااه تفكرت ... داك البرهوش ...

عدنان بتكرار كايعيبهاا:ايييه دااك لبرهووش...

خنساء:اودي حتى نتا اش غادي نقوليك بغا يفهم عليا وعطيتو خو جوابو وزايدون انا فحال داك الاشكال ماكانعبرهمش مكانعمرش بيهم راسي اصلاا ... (كملات بتساؤل مصغرة عينيهاا)وباش عرفتي نتا ؟؟؟

ساط : مشات لينا شي سلعة فالمحال لقيناها ناقصة ... وكنت كانشوف الكاميرات ديال الايام لي فاتو ... وانا نلقاه شاد معاك الستون وكايفرنس ... مني سولت دري لي كايستف السلعة قالي راه بغا يتزايد معاك فالهضرة ونتي عطيتيه خو جوابوااا ...

خنساء ابتاسمات وقربات حطات يدها على صدروا : ايوا شتي ياك قاليك عطيتو علاش كايقلب ودرت معاه اللازم ... علاش غانجي نقولها ليك ونصدع ليك راسك بموضوع تافه بحال هاذا .. وزايدون هو ماعرفنيش مرتك فلول وراني حديتهم ليه ...

عدنان بايجاز : اييه راني عارف هادشي وماشي كانلومك ... كون وقع هادشي فبلاصة اخرى وعطيتي للواحد علاش كايقلب مكانش غايهمني حيت اصلااا ماعندو قيمة ولكن هاذا راه خدام عندي غايشوفك مرة وجوح وتلاتة هادي من جهة ... من جهة اخرى انا مخدموا تما باش يشد لاكيس ماشي يتلوك ليا على الكليانات ولو ماتكونيش مرتي ... اسلوب بحال هاذا مكايدارش فالخدمة ... وكون علمتيني غانعرف شغلي معاه ...

خنساء تنهدات : مممم فهمتك ... فصراحة انا مافكرتش هاكااا ... ومن واحد الناحية مابغيتش نجبد ليه الصداع ولكن فصراحة عندك الحق بحال هاد الانواع غايجبدو ليك نتا الصدااع ...

عدنان : وي هادشي لي بغيت نوصل ليك ... من الاحسن تولي تخبريني باي حاجة انا ماشي من النوع لي كايبغي يسمع الحاجة من البراني ... كانفضل لواحد يكون صريح معايا وغانتفهموا على انه يدير شي حاجة ورا ضهري..واخاا؟

خنساء بلعات ريقها ودارت ضحكة صفرة : مممم واخا احبيبي ... وجدت ليك واحد الغديوة فاعلة تاركة ...

عدنان : بلاتي قبل ماتمشي ... راه غادي يجيو عندنا فالعشية شي ضيااف للعشا ...

خنساء هزات حاجبها :شكون هاد الضياف ؟؟؟

عدنان : بنات عمي جاو من طنجة وغايجيو فالعشية يباتو معانا هما وخديجة ...

خنساء : مممم واخا اسيدي مرحبا بيهم

عدنان بتردد : اااه وواحد الحاجة اخرى ...(سكت تواني قبل مايكمل كايدور فعينيه) احم غييير هما شوية فشكل

خنساء باستغراب : كيفاش فشكل تاني ؟؟؟؟ مافهمتش ؟؟

عدنان مابغااش يبرزطهاا : حتى يجيو وتعرفي ... المهم نتي غير بردي شوية وديري عقلك مانحتاجش نوصيك ... احم وخلي هاد الليلة دوز بسلام ( غمزها ) ... حطي الغدا باش نساليو ونخرجوا نتقضاو شنو خااص

خنساء خصرات كمارتها مافهماتوش وهو زاد من تما دخل بدل عليه حوايجو ... ضرها راسها عرفات مغادي يقول ليها والو ... مشات وجدات الغدا وتغداو ومشاو تقضاو داكشي لي خاصهم ورجعوا للدار .. دخلوا بجوج للكوزينة كايوجدا العشااا ... كل واحد وشنو كايدير ....

تعاشاات العشية وخنساء واقفة قدام المرايا كاتقاد فراسهاا .... لابسة عليها قميص بلدي موف بارد مطروز خفيف من العنق والكمام ... محلول من الجناب شوية التحت ودايرة ديل حصان لشعرها نافخة بعض الخصلات من القدام وكيف العادة ماكياج راسخ وعدسات فالكري جاوها كايحمقوا ... لابسة البراسلي لي عطاها عدنان والباك ديال المارياج مع خلخال خفيف فرجلها مع بليغة سامبل فلون الطرز ... جات فنة بالبلدي كايبينها مرأة كاتحمق وكايعطيها هبة كتر خصوصا انها عااامرة ... رشات ريحتها و خرجات عند عدنان لي كان كالس فالمراح هاز الجورنال ديالو وقفات قدامو كاتفرنس : كيف جيتك ؟؟ ( كادور وضحك )

عدنان ابتاسم باعجاب : جيتي زوينة ... جات معاك اللبسة ههههه

خنساء قربات كلسات حداه : ذوقك لي زوييين وكايحمق ... عجباتني حتى انا صراااحة ...

عدنان : وا مانكدبش عليك انا داكشي لي جاك فالدفوع اختاريت فيه غير شي حاجة قليلة ... خديجة لي كاتعرف مزيان فهادشي هي لي عندها الذوق

خنساء ضحكات : ههههه بحال بحال ... المهم جات معايا ... ( شافت فالساعة ): شفت هادو تعطلوا ياكما دارو بناقص هههه

عدنان : لا لا راه عاد قالت ليا خديجة خارجين شوية وتشوفيهم جاو ... راني درت ديك الطاغط فالتلاجة ...

خنساء جبدات ليه حنكو كاتفرنس : يخليك ليلي ...

بتاسم ليها مفيكسي عينيه فعينيهاا...شافت فيه وبلعات ريقها وقربات بشوية لحنكو ... غمضات عينيها كاتستنشق ريحتو كاتحاول تكتاشفها وطبعات قبلة خفيفة على خدو ورجعات باللور خلاتو مشوكي ...

ضحكات ليه بخفوت : ريحتك زوينة ....

تصدم فبلاصتو ماعرف باش تبلى اللسان تربط ليه وماعرف باش يجاوبهااا ... بقا غير كايشوف فيها مبهوط بتصرفها ماتوقعهاش ابداا ... وهي كاتحنزز فيه بلا حشمة بلا حيااا ...تواني تسمع الصوت فالباب فيقو من سهوتوا وهي تنوض من بلاصتها كاترتب حالتها ... وتقدماات للباب راسمة ابتسامة عريضة للاستقبال على وجهها ... وحلااات البااب ناطقة : مرحباااا مرح...ب.. ( تربط ليها اللسان وهي كاتشوف قبالتهااا ... كاطلع وتهبط بتعجب وبنضرات ستغرااب ... ماقادراش ابدا تستوعب شنو كاتشوف قدامها )