الجزء 6- بنت السايب

 

شداتهاا نصيرة بنفخة جاراهاا:زيدي دايراها يزلگ فيهاا جمل وكتبكي..سرك نيت غير لعصا

عصاام مابغااش يخالف هضرت بااه...فجميع لأحوال كيدير بهضرتوو...واخا يكون معصب....

نطق بلغواات مسمعهاا ليهاا:كوون كنتي عند شي حد اخر...كون گالك رجعي ت*ودي منين جيتي...عند ديلمك زهر..دزتي فوجه لوليد...اما كنتي غطلبي معايا شرع

قرب من عندو لعربي وحيد ليه سمطة من يدو وتماا غادي بيه مخرجو من داار كايهدن فيه:صاافي الله يساامح...موقع بااس..راه غااشيطاان الله ينعلو ويخزيه دخل بينااتكم...

مشى معاه مخرجوو لزنقة،بغاا يبعدو عليها باش يتهدن شوية ويبرد...نصيرة مشات معا نسرين لحمام تغسل وجهاا ودازت لكوزينة طل على لعشاا لايكون تحرق... نسرين غسلات وجهااا طلات فلمراية لقاات عينيها رجعو حمرين بلبكاا وتنفخوو..وحنكهاا حمر و مطراسيين فيه صباع عصام بشكل واضح..دوزات يديهاا على وجهاا...وخرجاات...دازت من حداا لبيت فين كانت ناعسة خنساء هازة تيل كتكونيكطا....

طولات فيهاا نسرين شوفة ونطقات مصغرة فيهاا حجم عينيهاا بتوعد:نتي عقلي مزياان على شنو درتي...

طلعاات فيهااا خنساء عينيها بتتاقل

ونطقات بتساؤل لاوية فمها:معاايا؟؟

نسرين:لا معا لحيط...

خنسااء بعصبية:وتي سيري تخرااي...شوفي فيمن تخوي غدايدك...(خسرات فيها شوفة ): راه قلت ليك تاقاي شري نتي ولكن نتي قلبي على العداوة

نسرين:انا بغيت نرضو دمدومة؟؟(دارت صبعهاا ففمهاا ودوزاتو على لباب)هااهيا..ديريهاا فين تجيك أبنت الساايب...

سمعاتهاا نصيرة وجات قربات لعندهاا كتغوت:هااالعاار..لي يخرج فيك وفطواسلك لاما سيري لبيتك وخلي هاد ليلة تكمل على خير...راه جيران ليوم ساقو خباارناا

طلعاات فيهاا نسرين عينيها ونزلاتهم ومشاات لبيتهاا سدات عليهااا...

ناضت خنساء من فوق سداري غادا خارجة من لبيت ونطقات بضيق:ياك شاهدة...مكانجبدهاش ...

نصيرة بنفاد صبر:وصاافي..هنينا وخلي ودنينا يبردو شوية..

ردت عليهاا متخطياها وغادة لبيتها:انا غانمشي نعس..

نصيرة لتساؤل:مغاتعشايش؟؟

خنساء بإجاز:شبعاناا..

نصيرة: ديك لماكلة ديال زنقة هيا لي غاتخرج عليك...

مجاوبتهاش ومشات لبيتها...دخل عصام هو والعربي بعدما هدنو ...حطات ليهم نصيرة لعشاا..عصام نقب منو شوية وناض..مبقات عندو گانة لوالو..ستأدن منهم ومشا لبيتو...حل لباب كتبان ليه نسرين وسط سرير جامعة ركابيهاا لعند سدرهاا وعينيهاا منفوخين...خنزر فيهاا ومشا بدل عليه...من بعد فرش فلأرض تحت أنظاارهاا.. قرب لعندهاا هز مخدتو بنفضة لاحهاا على لأرض...وتكاا عاطيهاا بضهر...

تنهدات نسرين بحرقة.. حاسة بتأنيب ضمير كياكلها من لداخل...ندمات حتى خالفات هضرتوو...نطقات مخاطبة نفسها بتحسر وهي كتشوف فيه"نااري تاعت الله دابا واش ممرگتش...هادا وجهي ولا مسلفااه...دابا كون بصح جرى عليا ورجعني منين جيت...وأنا باقي حتا مكملت سيمانة فزواج..كانت غاتكون شوهتي شوهة...وسيرتي غتولي على كل لسان"

رجعاات شعرهاا للور بصبااعها...كتحاول تنفض أفكارهاا...نعلاات شيطان..وتمددات فبلاصتهااا...كتحاول تنعس..وتنساا شنو طرى...وبدا دماغها تلقائياً كايفكر فكيفاش غاتصالح معا عصاام رغم كاع لي دار فيها ولكن ماباغاش تخصر زواجها من اللول وهي عارفة راجلها كيف داير ... و وحدة عايقة وحاسة بجانبها بحال نسرين مستحيل ترضا ترجع لدار باها فشهرها ..

خنساء فاقت على صوت التلفون كايصوني .... مخصرة عينيهااا ... شافت جهة بلاصة عمتها مكانتش عرفاتها ناضت توجد الفطور ... تكعدات خاااسرة كاترمش فالنمرة ... جاوبات بتقالة : الو

عبدو مبتاسم : صباح الخير فـ طاسو أو صباح الخير لناسو ـ أو لحبيبة ديالي مزال ما فاقت من نعاسها

خنساء خاسرة بنعاس كاتميق : صباح الزبل والتشمكير ، صباح لحشيش والتبندير ، صباح لمشاش أو لحمير ، اش باغي عندي أراس البندير ؟؟

عبدو ضحك : ههههههه الله الله على الكلام الحلو على النبوري ...

خنساء : ربي لاما قول ليا واش نتا كاتبات تحلم بيا لاش مفيقني اش باغي ؟

عبدو : توحشت صوتك وقلت نصبح عليه ...

خنساء تنهدات : ايييه ايييه ... جيني من اللخر ...

عبدو شمر على نيفو : احم ... الواليد والواليدة مسافرين اليوم ... ودرت مع دراري نجيو راجعوا هنا حسن طرونكيل ... بغيت نعلمك باش مادوزيش عند رانيا ...

خنساء كاتحك عينيها : ممممم واخااا ... حتى ندوز عندها ونجيو بجوج

بايجااز : لا راه غاتجي مع منير سبقي نتي نكلسو بجوج راس فراس اصحبتي توحشتك

( خنساء باغا غير تفك وتكمل نعاسها ): اوك صافي قطع ... ( غاتموت بالنعاس )

. عبدو : المهم مع الستة ماتعطليش

خنساء : صافي واخا واخا ... بسلامة فيا النعاااس ...

عبدو ابتاسم : اوك تهلاااي ... قطع كايتنهد من شحال هادي باغي يكلس معاها و يهضروا بجوج والاهم باغي ينفارد بيها بااش يحاول يميز مشاعرو اتجاهها ... باقي مخربق من هاد الناحية ... فنظروا مصاحب معاها من الضروري يقصروا مع بعض ....

دخلات نسرين لبيتهاا بعدما وجدات لفطور وحطاتو ، لقات عصام واقف كايسد لمݣانة فيديه عاقدهم فتسعين..طالعة ليه لقردة ...مشافش فيهاا...

قرباات نسرين لعند و نطقات بهدوء:صبااح لخير...

ماردش عليهاا...هز سوارت تاع سكوتر،وتيل ديالو فيديه وتم خارج...

وقفاتو بتساؤل:واش ماغتفطرش؟؟

عصاام دار فيها شوفة ناقصة و نطق بإجاز:لا،غانفطر ليوم على برى..

نسرين لوات شفايفهاا ناطقة بنبرة رقيقة:ولكن ليوم لحد،ياك مكاينة خدمة...فين غادي خارج على صبااح؟؟

عصاام خنزر فيها محاملش يهضرهاا : غادي لمررريخ...باقي شي سؤال اخر؟

نسرين سكتاات تواني صرطات لقمعة ونطقات برجاء:عفاء احبيبي سمحلي..ما...

قطعهااا بلغواات:صباااح الله أنسرين..يلاه فقت،مابغيش نتصاادع

غادي خارج مخطيهاا ووقفات قدامو..مطلعة معاه لعين،كترمش ببراءة دايرة فيهاا محطمة

عصاام بنفضة:نسريين راه مافيا لي يبدا يخسر لهضرة على الصبااح...غااتحيدي من قدامي ولا بربي حتا لصقك مع داك لباب...(كمل بلغواات)حااايدي

خرجات تنهيدة حارة من صدرهاا وحيدات من قدامو،عرفاتو شاد من جيهتهاا،داكشي علاش مابغاتش تجاحد معاه ويصدقو مقربلينهاا تاني على الصبااح...بقاات متبعاه بطرف عينيهاا حتا مشى،كرزاات على يديهاا بعصبية وݣلساات على سرير دايرة يديها على خدهااا بتحصر...

خنساء هبطات كاتمختر لقات الفطور فوق الطبلة ... ونصيرة كاتقلب اتاي ... دورات عينيها فداكشي وميقات : واش هاديك العروسة غير مكايكون فيها ماتخرج تسخر كاتحط لينا الخبز البايت واتاي ...

نصيرة : كنت نيت كانساينك تهبطي تجيبي لينا شي بتيبانات وشي باكيطات ابنتي راه قهرني هاد الخبز عندها قسح من الوصلة باش كاترميه ...

خنساء : اري اري الله ياخد الحق فلي كان حيلة وسباب

نصيرة باجاز : نتي نيت ...

خنساء تنهدات : راااه الا كانت شي كارتة درتها فحياتي هي هادي لي دخلت

نسرين داخلة بالهداوة : سهم الكوارت كايجبدهم ... الناس كايصبحوا على الله ونتي مصبحة على النكير

خنساء طلعاتها وهبطاتها : برات ليك لحمك من المسويطة وتقاد ليك اللسان ... ولايني اش غانقول لوحدة مسوطة من راجلها فشهرها لول وفايقة مناقصها خير

نسرين بعجرفة : انا عندي بعدا لي يسوطني كيت شي نااااس ...

خنساء باستهزاء : ايوا الله يعطيك العز اما الذل راكي غايسة فيه حتال رجليك ... ( خدات الفلوس من عند عمتها وزادت خارجة للمخبزة ) ...

وقفات قدام الباب كان صف عامر بالناس كايتسناو الباكيط يخرج ... وقفات مقنتة كاتعاين بحال عباد الله ... كانت واقفة فامان الله حتى دخل واحد الراجل شهب وعينيه خوضر كايضربو على الشعااا طول وقامة وعرض وهامة ... هزات فيه عينيه كاترمش بالتقالة وهو كايدوي مع مول الباتيسري ورجع وقف كايتسنى معاهم ... ريوكها سالو عليه ... غير كاتشوف الزين كاتهاوش ... ابتاسمات فوجهوا وحتى هو بادلها الابتسامة بهدوء مابغاش يخليها بلاااكة ... تقدمات بخطوات تابتة كاطلعوا وتهبطو ونطقات بهدوء وتحلوين : واش حتى نتا كاتسنى الباكيط ؟؟

_ اه الالة ... واحد خمسة الدقايق وقالو غايخرج ( حدر راسو )

خنساء كاتلوي خصلات شعرها وتلعب بفمها باغراء : مممم مزيااان ... نتسناو علاش لا ...

كاطلعوا وتهبطو باعجاب كبييير ظاهر ظهور الشمس على وجهها ... وتقول واش حشمات وهو كايعرق وينشف بالمركة لي دارت ليه وهي ولا فهاد العالم ماعندها سوق المهم تخضر العويناات كلاتو كلاتو ... تحت نظراات مراتو لي كاتقرب بهدووء كاتكفض على شوميز لي لاابسة عارفاها اش كاتسوا ... خنساء كانت ساهية فيه حتى وقفات عليها مراتو دايرة فيها تخنزيرة مطلعة حاجب ومهبطة لاخر كاتشقشق بزين كاتحمق كلشي فيها مقاد

خنساء قرمات حجبانها : مالكي اختي ؟؟؟

نادية : يميلو ليك يا السلكوطة ... واش ماعييتيش ابنت السايب من الشوفان فالرجاال ... بقا لمك غير راجلي تمنضري ليا فيه

خنساء شهقات : هاااااء اناااا ... بالعمااااا

نادية : رااااه نحلف بيميني وباقي تشوفي فراجلي الشوفة هي اللخرة يا حتى نهبط لختي داك الشعر لي عاجبهاا ونجفف بيه ولاد وجيه من الطرف يا الباطرونة ديال الدرب ونتي عينيك ماشي خواتات فينما كان شي ريحة ديال الذكر تشميها وتسيلي ريوكك كي السلوكي

خنساااء كفضاات على يدها : ياااك اختي وصلنااا للمعياار كاااع ... مزوجة ليا بشيخ الاماراااات نتي نطيح ليك فيه انا ...

نادية : خنساااء زمي عليا داك الدلقوش ولا بربي حتى نهرسو ليك تحسبيه قدامك

الزوج : يهديك الله انادية واش غاتدي عليها هنينااا ... نعلي الشيطان

بعداتو : الشيطان هو بنادم هادي خاصها لي يعااود ليها الترابي من الزيرو

خنسااء : اييه اجي اختي ربيني اجي .... نادية نزلات ليها على شعرها هبطاتها الغيرة كلاتها وحتى خنساء مكانتش من العاكزين هبطات ليها ساالفها مريشاااهاا وحدة تنتف فوحدة وكاع لي فالمخبزة يفك حلفوا لا طلقو من بعضياتهم قلبوها سبااط ... حتى فكوهم ناس وراجل نادية جرها عندو : تي مال مك مسعورة

كاتنتر منو : خليني نهنشرها لمسخة لخراا قليلة الترابي ... الله يخليها سلعة

خنساء شادينها العيالات : حسن من سلعتك ... غانتي لي مزوحة والقطة ... الله يغبر ليك الشقف

نادية : سكتي اديك السلكوطة ... كون مافكوك الناس كون راه ماتوقفيش على رجليك ولايني عندم والديك الزهر ... ( شافت فراجلها لي شادها ): بناقص كاع من هاد الكومير الكلوشاارة لوخرى ...

زادت هي وراجلهاا لدارهم وخنساء عيرات حتى عياات تفرتكات الجقلة ... خدات شنو بغاات وزادت فحالها

لعشية تعااشات.... ولمغرب ودنات،عصام دخل من لخدمة هاز معاه جوج ساشيات ديال تقدية كيفما موالف ديما، دخل لكوزينة حطهم فوق لبوطاجي وخرج..تلاقا مع نصيرة خارجة من لبيت

نصيرة:سلام..جيتي

عصام:يلاه دخلت..(دور عينيه على لمكان)بانت ليا دار ساقلة مكاين حد؟؟

نصيرة:باك خرج قبايلة باقي مدخل،وخنساء خرجات حتا هيا تسخر لياا،ونسرين كدوش

عصاام:أه واخاا...راه تقدية حطيتها فلكوزينة،حتا تشوفي ياكما ناقصة فيها شي حاجة

نصيرة:صافي واخا،الله يرضي عليك..

باقين كايهضرو وهياا تحل نسرين لباب تاع لحمام مخرجة منو وجها وشعرها فاازگ كيقطر..لقاتهم واقفين بجوج..

شافت فعصام ونطقات برجاء:عصام عفااك وخا تجي دير ليا صابون لضهري...

عصام حس بصهدة طلعات معااه..مرگ قدام نصيرة لي حدرات راسهااا وتخطاتو...وهياا كتقول بصوت شبه مسموع"ماسخة الله يقل حيااك"

عصام حرك راسو بلاحول جاتو ضحكة ودخل عندهاا لدوش،عقد حجبانو فيهاا ونطق متساؤل بنزعاج:واش مكاتحشميش؟؟دابا كون كنت واقف مع لوليد..

جوباتو مبتاسمة بستهزااء:وعلاش غنحشم..ياك راجلي... شنو فيهااا...

رد عليها مخنزر:أفراني أشريفة شي شوية،وردي لبال لشنو كديري...راه مساكنينش بوحدنا هنايا..

نسرين ميقات فيه:حتا نتا شحال فيك.. عزيز عليك دير من لحبة قبة(جبدات شبكة فيها صابون ومداتهاا ليه)هاك هاك وسربي راني سخفت...

خداهاا من عندهاا وهيا دارت عاطياه بضهر..هبط عينيه على ضهرها وزاد نزلهم على مؤخرتهاا و ففخااضهاا..بلع ريقو بصعوبة وهو مفيكسي عينيه فلحمهاا بتلدد...

مرجع لوعي حتى سمعهااا كتخااطبو بأمر : وعصاام طلقناا خلااص

خرج نفسو بعمق دار ليهاا صابون..وشلل يديه وخرج...غير خرج وهيا تبتاسم نسرين بشر ... عارفة أنه واخا يتقلق حتا يعيا مغا يقدرش يقااومهاا ... وهادي هيا نقطة لي اختارت تلعب عليهاا ... باش تصالح معاه

كملات دوش جبدات بينوار لبساتو وهزات فوطا لواتهاا على شعرهاا وخرجات خدودهاا حمرين باينة فيها تدويشة .... تلقات مع خنساء يلاه دخلات من السخرة لعمتها .... شافت فيهاا وخنزرات مامهضراهااش .... دارت نسرين ابتسامة جانبية ممسوقاش ليهاا ... كملات على طريقها وبدات كتغني طالقة حلقهاا كتقلي ليها سم"وعايطو عليه..ويا لحبيب يالحادر عينيه...عايطو عليه...جرحتي لقليب وماحسيتي بيه...عايطو عليه... ولعار لعار وغير شوفة فيا ...وعايطو عليه ... لي طلبتيه مني راني نعطيه"

دخلات لبيت وكلسات مقابلة مع لمراية وهياا مزال كتغنيي ما على بالهااش"وتسنيت عليك شهورا وعواام ... وعايطو عليه ... سهرانة نشكي نعدي في لياام...وعايطوو.."

باقي مكملاتهاش حتا جاتهاا ساروت فكتفهاا وعصاام كايهضر من مورها كارز على سنانو:وسكتيينااا هااديك شيخة..

نسرين دارت لعندو معصبة : تاا وااش مريض ولاا...

سكتات حاطة يديهاا على فمهاا ممكملاش هضرتهاا...عاد ردات لبال راه داير تليفون على ودنو كايهضر مع صاحبو لي باينة سمع كلشي...حمر فيها شوفة كيتحلف عليهاا بعينيه وكمل لهضرة

عصام:كنسمعك...كنسمعك..وغا تهناا أصحبي..الرخصة غتشدهاا غارتااح ولكن كيفما گلت ليك،دهن سير يسير..هادشي لي بغات لوقت... يلاه تهلا ... حتا نشوفك غداا

قطع وهيا بقات ضاغطة على شفايفهاا كتشوف فيه من لمراية وقلبها كايضرب ... ناض مقرب لعندهاا بهدوء ... جرهاا من درعهاا مقربهاا لعندوو قبل مايهضر

نطقات كتفتف:را..راه مكونتش عاارفة بلي...

قااطعهااا طاغط على دراعهاا:داباا شنوو ندير فيك..ممم

نسرين بتفسير:والله مايسحاب ليا كتهضر مع شي حد...كون ي...

عاود قاطعهاا حاط يديه على خسرهاا ملصقهاا مع سدرو مزير عليها

ناطق بتوعد:شتي لمرة جاية باقي طلقي ليا هاد مولاي لحلوق بحال عتابو فيامهااا...لسانك نجبدو من بلاصتو ونعلقو ليك غرااامة..(غمزهاا وكمل): هادي زيديهاا على ديالت لبارح...هانا كنجمع ليك...

دارت بتسامة ساحرة حتا تحفرو غمزاتها بجوج و نطقاات بتحلوين:مممم زعما ناس باقين مفگوعين مني ومنفخين من جيهتي

عصام ركز شوفة فوجههااا لي كان كايبان رطب بشكل طبيعي...وخدودها موردين بشكل مغري..زينها كايسالي معاه كاينسيه بلا ما يشعر فشنو دارت...هبط عند عنقهاا خاشي فيه وجهو كيشم فريحتو...

رد بنبرة هامسة:كون جات عليا نبقا منفخ وهاجرك حتا ندم ديلمك مزيان على شنو درتي..ولكن شغاندير لقلبي ولد ل*حبة..مغايساعفنيش..

جوباتو وهيا كضحك عرفاتو رطاب ومبقاش شاد من جيهتهاا:إوى الله يخليك ليا نتا وقلبك يا لحبيب ديالي..

عصام بعد شوية من عليهاا ونطق هاز حاجبو:أنا هاد لفم عندك مفهمت فيه حتا وزة...مرة كيقطر شهد ومرة كيقطر لقطران .... ماتعرف فين تشدو..عندو دوبل فااص الله يعفو...

نسرين حطات يديهاا بجوج على عنقو غمزاتو وقالت وهيا مفيكسيا عينيها فعينيه مطولة هضرتهاا :ومزاااال ماااشتي وااااالو..

رد عليهاا وهو كيقرب لعند وجهاا:وا يلااه بيني ليااا

نسرين بعداتو عليها:بلااتي،نوجد راسي...لازربة على صلااح..

خنسااء حلات الماريو هزاات عبايتها لبسااتها بزربة فوق الديباردور والشورط لي كانو عليها ... حلااات شعرهااا على راحتو بوكلي ... هزات ماسكاارااا دوزاتها على شفارهاا ودارت كلوز خفيف ففمهااا ... عكزات تلبس العدسات بقات بلون عينيها البني ... هزات ساكادو فيه دفتارها وخرجااات من تماا تلاقااات مع نصيرة مجمعة فالباب مع الجارة كايدويو على الصداع لي تسمع عندهم فالدار البارح ... غير شافتها خارجة نطقات بايجاز : فين صادة تاني ؟؟

خنساء : غانمشي غير نراجع مع رانيا ... راكي عارفة الامتحان قريب

نصيرة : مممم واخا وماتعطليش تاني ... راكي عارفة خوك طالعة ليه هاد الساعة خاصو غير السبة

خنساء : لا لا كوني هانية ... اصلااا راني علمت باا ماعندو مايقول

نصيرة : واخا سيري الله يرضي عليك والله يبعد عليك ولاد الحرااام وبنات الحرام ...

خنساء يلااه زادت ودارت عندها مبتاسمة ... قربات لحنكهااا باستها بحنان : امييين ويخليك لياااا ...

نصيرة : سيري الله يسر امرك ويبعد عليك طريق الشر ... وينقي طريقك من الشوك ... سيري فينما مشيتي يتيسر امرك وتلقاي الخير ...

ودعاتها وزاادت خداات من عند مول الزريعة عشرة دراهم بيسطاج و عشرة اكاجو ... ينقبوا منهم ... وزادت متاجهة للدرب ديال عبدو ...

يلاااه غاتدق وهو يوقفها صوت التلفون ... شافت نمرة باها باستغراب ماموالفش يعيط ليها فهاد الوقت .. جاوبات : الو بااا ...

العربي : اهلا خنيستي فين رااك ؟؟؟

خنساء : ياك ابا قلت ليك غادي نمشي نراجع مع رانيا ... لقيتيني غادا عندها ...

العربي : اااه الله يفكرنا فالشهادة نسيت ابنيتي ... الله يرضي عليك ردي البال لراسك ... وماتعطليش فليل

خنساء ابتاسمات : واخا ابااا كون هاني ... يلاااه تهلا فراسك ... وعنداك تنسى الدوا لرجليك راه فوق التلاجة ...

العربي : واخا ابنيتي الله يرضي عليك ...

قطعااات عليه ودقات فالباااب مبتااسمة .... عبدو كاان كالس كايتفرج فالتلفازة ... سمع الدقان وشاف فالسااعة لقاها الستة عرفها هي ... ناااض بهدووء حل الباااب : الله الله عل الحيباااان ... الوقت هو الوقت ...

خنساء كاتشوف فجنابها : حيد حيد دابا يشوفني خويا يحسبها ماعرت فين ... هو خاصاه غير السبة

دفعات و ودخلااات كادور عينيها باستغراب : شفت مكاين حد فين منير ورانيا ؟؟ ...

عبدو حط يدو على خصرها مدخلها : مجايينش ... اليوم غانبقاو غير بجوج ...

خنساء هزات حاجبها ضايرة عندو : كيفاااش ؟؟ ... علااش بسلااامة ؟؟ ... شنو المناسبة ؟.... واش كاتفلا عليا اعبدو ولا مالك ؟؟

عبدو جرها كلسها فوق السداري : فصراحة اخنساء بغيت ندوي معاك فواحد الموضوع على انفراد ...

خنساء جرات يدها محمرة : واش كاتفلا عليا ابناادم .. باغي تدوي معايا وجايبني لدارك مافيها حد ... خرجان العقل هاذاااا ... ( ناضت باغا تمشي ورجعها )

عبدو : تبتي ابنادمة وهنينااا ... راه غير غاندويو ... بلاما يمشي بااالك بعيد مباغي لا نآديك لا واالو ...

خنساء :اييه راني عارفة مباغيش تأديني ... ولايني راه مجااتش .. اش هاد الفعااايل انا عند بالي غايجيو الدراري ...

عبدو تنهد : يهديك الله راه غير غانكلسو ... عرفت الا قلتها ليك نيشان مغاديش تجي

خنساء حسات بغصة فقلبها مارتاحتش ابدا ... واخا عارفة عبدو كيف داير ومايقدش يبزز عليها شي حاجة ولايني خايفة من راسها ومن ذاتها لا تغدرها ... نطقات بشرح : غير فهمني ... راه اصلااا مكاين لاش اعبدو ... غانمشي وحتى نخرجوا شي نهار .... الا جا شي حد راه غايفهمنا غلط

عبدو : مكاين لي غايجي ... كلسي براكة من التبوهيل اصحبتي واايلي ... ( هز داكشي لي جابت ودارو فطبسيل وشعل التلفازة دار فيلم ميريكاااني )

خنساء حاولاات تسايسو حتى تشوف كيف دير وتمشي عارفاه الا شد فالحاجة مايطلقهاااش ... كلساات كاتنقب معااه كايتفرجوااا ... مرة يضحكو مرة يتناكروا حتى ولفات الكلسة معاااه ونسااات ... كل مرة يخطف منها بوسة بالخف وهي تغوت علييه ناشطين مع بعضيااتهم ...

عبدو قرب ليها بهدوء حط يدو ورا ضهرها وهي مكونصونطرية مع الفيلم فيه البسالة ... عزيز عليها تفرج فهاد النوع من الافلااام وتبعهم .... وحتى هو عايش معاها اللحظة كل مرة يتأمل فملامحهااا ... بعد المرااات كايحس برااسو كايحماااق عليهااا ومايقدرش يبعد منها ومرات اخرين كاتجيه كأي بنت عادية .. مشاعروووااا مخربقة اتجاهها .... ماحسش براسو حتى حط يدو على فخضها وهي تقفز : اش كادير حماقيتي اعبدو ... لاوااااه اصحبي ... ماتندمنيش حيت كلست معاااك ... شد يدك عندك شوية وااايلي ...

تنهد بصوت مسموع و بتأمل عينيه معسلين فيها حط يدو على حنكها بهدوء : توحشتك بزاااف اخنساااء ...

بلعات ريقها على اتر لمساتو ... نطقات بايجاز : عبدو ماشي الوقت ولا المكان المناسب لهاد الهضرة ... اصلا انا ماعندي ماندير هناااا ... ماعرفت علاااش كااالسة اصلاااا ...

شاف فعينيها بهدووء وحنية كبيرة ودوز صبعو بهدوء على شفايفها : شحال هادي وانا باغي نقوليك هاد الهضرة ... ماعرفتش شنو لي كان مانعني .... ولكن ماتصوريش شحال عندك مكانة كبيرة فقلبي ...

خنساء حسات بالصهضة طلعات معاها من لمساتووو اصلا دمها سخون دغيا كاتفور خاصها غير لي يبداها ... غمضات عينيها كاتحاول تراجع نفسها مبعدة عليه بهدوء مباغاااش تسمح لنفسها تغلط : احم عبدو .. انا عارفة هادشي ولكن ... مابغييتش ...

ماخلاهااااش تكمل حتى التاهم شفاايفهاا بقبلة شرسة ... مكاليهااا بيدو من كتااافها كايبوس فشفايفهاا لي حاااس بيهم فحال شهد فالحلاااوة .... احسااس غريب انتابو وهوو متذوقهم ... حاولااات تمتااانع وهو مامخليش ليها الفرصة ... بغات تبعد ولكن رغبتها غلباااتهاااا ومشااات معاااه فالخط ... كااانت قبلة حااارة خلااات حرارة اجسااامهم ترتاافع وعقلهم يغيب بالمرة كاااع هرموناتهم تفرزوا ... عبدو مابقااش عااقل على راااسو بكترة النشوة لي فور مالمسهاااا مابقاش قادر يتحكم فيهااا ... مكانش ابدااا واعي بشنو كايدير ولا مخطط ليه ... كان باغي غير يكلس معاها وينشطو بجوج ولكن مابقاش قادر يقاوم جسم انتوي بداك الشكل لي عندها ... فاتنة لدرجة ماتصورش تخلي اي راجل لمسو مايقدرش يتراااجع ولو خطوة لور ... صدر ومؤخرة تقدر تجدب شهوة اي ذكر ...

خنساااء نسااات العالم فين هي ومشااات معاااه مستسلمة لكل رغباااتهااا لي غلبوها ... حيد التيشووورط ديااالو وبقااا عرياان من الفوق مدوز يدو فوق فرقة صدرهااا وال الاخرة كايحيد بيها العباية لي لابسة .. خلااهااا تأوه بلااامااا تحس بصوت مرتافع ... لمسة مور لمسة وقبلة وراااا قبلة طيحاااتهم فشباااك الحرااام والغيس والوسخ ... نشوة ورغبة خلااات جوج ديال الاشخااص يغلطوا غلط ممكن يخلصوه حياتهم كاملة ... فرمشة عييين فتاااة ضيعات حياتها وشرفها وداتها ومستقبلها ... حطاااات اغلى حاجة كاتملكها انتى وسلمات نفسها لشخص فتارسهااا واغتااصب شبابهاا باردتهااا ... انسااانة كان عند بالها واعية بكلشي وقافزة وكاطير مع الطيور جااات نزوة ديال بضع دقاائق طيحااتها فالهااوية ودارت اكبر جريمة ممكن ترتاكبها شي بنت فحق داتها وفحق عائلتها وفحق وسطها ككل ...

غلطة خلاااات شااب يطيح فالحراام مع بنت دوز معاها عشرة سنين ... صداااقة وضحك وزهو تبخر فرمشة عين بمجرد ما عطا لرغباتو الجنسية الحق فانها تحكم فيه ... مافكرش انه لو كانت عندو ختو كان ممكن يوقع نفس شي ... مافكرش فالعوااقب ... ولا فانه كايغتاصب شاابة ولو بكامل ارادتها ... كايغتاصب شرف عائلة باكملها

شهوة ، نزوة ، غلطة وقلة العقل دمراااات جوج اشخااااص كانوو عايشين مضاربين للدنيا حساااب وضاربين الدنيا بركلة عايشين النهار بنهاارو والساعة بساعتها ... حطو راسهم فموقف صعيب ومشكلة كبيييرة ممكن مايكونش ليها حل ...

عصام خرج ضرب ليه دوش حتى هو ودخل سورت باب لبيت ... نسرين هزات شوميز دونوي فلون الأسود كانت حاطاها فوف سرير لبسااتهاا...نشفات شعرهااا غير بلفوطة مخلياه بوكلي طبيعياً بتأتير الماء...رطبات وجهاا بكريم مرطب.... دارت ماسكارة على رموشهاا باش تزيد تكتفهم...مع فغاجو وردي اللون..وگلوص ملمع لشفايفهااا..حلات لمجر تاع لكوافوزة ديالهاا جبدات منو مسكة ... دارتهااا ففمهاا كتندغ فيهاا...رشات رشة خفيفة من عطرهاا على عنقهااا...

ناضت لعند عصام لي كان ممدد على سرير داير يديه بجوج ورى راسو...كيشوف فيهاا ومصغر فيهاا عينيه ولاشعورياا كان كيبتااسم...

قرباات لعندو...حطاات يديهاا على سدرو..تقابلات مع وجهوو...طرطقات لمسكة بصوت مسموع غمزاتو وقالت بإجااز:ممم إوى أحبي؟؟!

سكت مطول فيهاا شوفة مقادرش يقااوم ريحتهاا لدخلات لأعمااقو..ولاا زينهاا وملامحهاا لي رغم بساطاهاا إلى أنهاا قدرات تهلكو،و دوخوو

تحنى وطبع قبلة خفيفة على خدهاا وقبلة أخري على فمهاا ونطق بخفوت:كاتسيفي يا بنت النااس..

ضحكات بصوت صاارخ...شدهاا من كتاافهاا وتكاهاا على سرير...وجاا فوقهااا...يلاه غايبداا وهو ينطق متساؤل بتدكر:أجي بعداا..ياكماا وضرتي لكينة لي جبت ليك؟؟؟

نسريين : غير تهناا لكينة فلحفض وصون...حتااا أناا ماباغا بزاوز هاد ساعة... ( حطات يديهاا ورى عنقو و قربااتو لعندها ونطقاات عند ودنو بنبرة خفييفة خلاتو يرتاعش): باااركة علياا غيير نتا...

هبط خاشي وجهوو فعنقهاا كيبوس ويعض...وتأوهات نسرين وضحكاتهاا كاتعالى.. مستمتعة معااه لأقصى الدرجاات... دازت عندهم ليلة كلهاا لحضات حميمية..كانت فيهاا نسرين هاد لمرة هياا لجريئة.. وهيا قائدة المباراة...دايرة جهدهاا كامل باش تمتع عصام لي كان عاجبو لحال وتبرعوو...وتنسيه كليا فلمخاصمة لي وقعاات بينااهم...

واقفة قدام الشرجم ساهية فجهة وحدة ... كاتنهد بصوت مسموع وصدمة كبيرة ضاهرة على وجهها ... دار جهتها متردد يقرب ليهاا ... تشجع بهدوء ونطق بصوت خافت : خنساء ...

دارت عندو بلا حتى كلمة برود قاتل فوجهها خلااه يتخلع من شنو غايوقع ... طلعاتو وهبطاتو بنظرات تقيلة ودورات عينيها جهة السرير لي كانو فيه قطرات من الدم ... ابتاسمات بخفووت وعينيها مغرغرين بالدموووع ... هزات التيشورط ديالو ورماتو فوق من البقع مغطيااهم وهو مترقبها بعينيه بفضول ...

هزات عبايتها بهدوووء وبللاااا حتى صوت لبساتها فوق ملابسها الداخلية وهزات صاكها متجهة للباب .... وقفها كايحك على راسو ويصوط تااالف : خنساء خاصنا ندويو ...

مجاوباتو بحتى كلمة وخرجااات غير سدات الباااب وراااهاااا ... هزات عينيها فالجو كان الظلااام طااح وليل عتم ... دارت بيها الدنياااا مامتيقااااش .. مامصدقاااش ومزال مامستوعباااش .... طلعااات النفس بالجهد عاضة على فمهاااا باااش تحبس البكية لي غاتخرج ليهااا ومشااات نيشان للبلاااكة ديال الطوبيس ركباااات كاتجري وهي عاااضة على قنوفتها كاتمايل فحال شي حمقة .... كاتشهق وتبكي وسط الطوووبيس وكلشي كايشوف فيها مفاهمين والو ... كاع النظرات متوجهة ليها وهي حانية راسها وسط ركابيهاااا .. وصلااات للسونطر خلصات وهبطاات كاتجري .... كلسات فالجردة كاتبكي بحرقة كبيييرة ... كلشي داز قدامها باها ... مها ... عمتها ... خوها ... رااااااسها و نفسها ...

تعمات عينيها فرمشة عين ضيعات حياتها كاااملة ... كاتخنصص بصوت مسموع : انا ... انا لي درتها لراااااسي ... انااااااا .... انا لي حفرت قبري بيدي اناااااا ....هء هء ... اش غادي نقول لباااا .... اويلي اش غادي نقول لخويا ولعمتي ...

زدحااات على فخضها : اويلي غايقتلوني ... اويلي وسخت حياااتي ووسختهم معااايااا ... الله ياربي وشنو درت يا سيدي ياربي .... ( كاتبكي بحرقة وندم شديد ): يااااربي شنووو درت فحياااتي اميمتي شنوووو درت ... هء هء ... شنو غاندير ... شنو غانقول ليهم ياااربي شنو غانقوول ... اويلي وكيفاش غانعيش ...

بلعات ريقها بصعوبة كاتمسح دموعها : لا لا ... انا مايمكنش نرجع لديك دار ... لا لا مايمكنش نرجع ... انا خاصني نموووت يا سيدي ياااربي .. خاااااااصني نمووووووووووووت ... ( كاطلع نفس تحاول تهدن راسها ) : شوووو صافي صافي ... انا مغاديش نرجع لديك الدار لا هما هربانة ولا دايرة هاد الموصيبة .... لا مستحيييل نرجع هء هء هء ... الله ياربي ومشيييت فيهاااا ... هء هء هء ( كاتبكي بالجهد ): هء هء لااا مايمكنش نرجع مستحيل نرجع

قاطع تفكيرها صوت مرأة كبيرة وراهااا فالجهة الاخرى من الكرسي : وفين عندك تمشي ابنتي ؟؟؟

خنساء دارت جهتها كاتحاول ماتبينش : معايا الالة ؟؟

المراة شافت فيها بابتسامة : ايييه ابنتي معاااك ... عند بالك الا خرجتي للزنقة غاتلقاي الراحة ...

خنساء تنهدات كانت محتاجة معامن تهضر : هء هء ... يمكن زنقة رحم من انني نعيش فهاد العذاااب ...

_ وفين حدك ... فين غادي تصدي ونتي باقا درية صغيرة ؟؟

خنساء : ارض الله واسعة وعريضة ... مانقدرش نشوف فعائلتي مرة اخرى ... مستحيل نقدر نشوف فيهم

ابتاسمات حاطة يدها على شعرها : سمعي ابنتي ... كون كانت الزنقة تنفع ... كون نفعاتني انااا لولة ... ياما كنت نقول فحالك ... بصح الانسان كايرتاكب اغلاط كبيرة فحياتو ... ماشي عيب الانسان يغلط حيت حتى واحد مامعصوم منو ... ولكن العيب هو تصلح الخطأ بما كفس منووو ..

خنسااء دموعها شلااال : ولكن اناا غلطتي كبيييرة ومووحااال تصلح ... صعيييب بزااااااف نتجاوزهااا ... انا صافي خسرت كلشي هء هء هء هء

_ سمعي ابنتي ... عمرك تقطعي املك من رحمة الله هو قادر على كلشي ... يمكن نتي كاتقولي مع راسك دابا بيلااا نتي ضيعتي طريقك ومابقى عندك امل فهاد الدنيا ... ولاايني الا خرجتي للزنقة غاتلقااي ذيااب اخرين يفرسو فلحمك ويكملوا لي بقااا ... ماتخليش غلطة دمر ليك حياااتك كلهااا ... ربي كبيييييير وقادر على كلشي

خنسااء حطااات وجهها بين يديها كااتشهق : حيااااتي مشاااات مشاااااااات ... ضيعت راسي وضيعت عائلتي ... انااا راااه ...

قاطعااتها : مابغيتش نعرف شنو درتي ... وياويلك تعطي سرك لشي حد ... كتمييه ... كتميييييييييه وفكري بعقلك ... خاصك تصلحي راسك براسك ماتسنايش الحل من عند شي حد ...

خنساء شافت فيها باستفهام : كييفاااش ؟؟؟

دوراتها جهة واااحد الباار واقفين فيه بناات ليل : شوفي لهيه ... هاذا كلهم كانو فحااالك واحد النهار ... كل وحدة وضروفها ولكن كلهم تلاحوا لهادشي بسبب غلطة وطيش ... هاذو الا واعدتيهم بالجنة غايتبعوك واخا للجحيم .. حيت للاسف ما عندهم مأوى ... لقاااا فيهم شي واحد مصلاحتوو فلحظة ضعفهم ولاحهم لمستنقع غااارق صعيب الخرووج منو واخا تكون عوااام صحيح ... الا جربتي تخرجي من داركم شحالما تساريتي مصيرك غادي يكون معاااهم ... فكري مزيااان ابنتي ... فكري وكوني مرأة ...غلط نتي درتيييه ونتي لي خاااصك تلقاي ليه الحل .... ( ناضت من حداااهاااا مخليااهااا كاتشووف فدوك البنااااات باسف شديييد ... ابدااا مابااغاااش توصل للمرحلة لي وصلو ليها ولاااا تكون بحااالهم ...) ... مسحااات على دموعها مقسحة قلبهاااا باش تنوض من جديد : انا لي درتها لراسي وانا لي خاصني نخرج من هاد المشكل وبلااامااا ندخل فيه حتى واااحد اناااا راااسي .... خنساااء نتي لي غلطتي ورميتي راسك فالعافية ونتي لي خاصك تخرجي منها يااا حية يااا محروووقة بلااامااا تحرقي معااك حتى وااحد ... حتى واحد ...

مسحات على دموعها محمرة عينيها لي باقين فحال قطرة الدم بالبكا ... جبدات تليفونها لي كان كايصوني بزاااف ... لقات عمتها وتنهدات : الو

نصيرة : افينك اهاد الموصيبة نصاصات الليل هادي ونتي باقي مادخلتي للدار ... ماعند والديك حكااام ... باااك من قبيلة وهو يسول وانا نلاهي فيييه لاواه راه مع راااانيااا عيطت لمها دابا قااالت ليا كاعما جيتي ... فينك يااامغصوبة الشباب يا تريكة الناااقصة ..

خنساء مسحاات على دموعها حاابسة البكية غير بزز : انا شوية ونكون عندك ...

نصيرة حسات بصوتها فشكل : مااالكي ... اش طاري ليك .. مال صوتك هوووك ... دوي المسخوووطة ...

خنساء بلعات ريقها : والو غير شداتني السخفة فالطريق ... داكشي باااش تعطلت ... انا قريبة نجي واحد نص ساعة ونكون عندك

نصيرة بخلعة : ياكما بزاااف واش نجي عند ... قولي ليا فينك نلق عليك درووك ...

خنسااء : لا لا انا قريبة ... يلاااه اعمتي حتى نجي ... قطعااات عليهااا خلااتهااا كاترعد غي بوحدها خايفة لايعرفها عصام باقا ماجااات والعربي بزز باش سكتاتو حتى طلع نعس غادة جاية فالدار بحاال شي هبيلة وقلبها مقبوط علييهااا خصوصا مني سمعات صوتها عيااان ... صابرة غير بزز ماتخرجشش تقلب عليها ...

خنسااء ركباات فالطوبيس واتاجهات للدرب نيشان غير سااهية باقا على نفس الحال دموعها كاينزلوا بلامااا تحس ... هبطات قدام البلااكة ودازت من اللور متجنبة دوز من حومة عبدو ... مباغاااش ابداا تزييد تنهااار كتر ... تقدماات جهة دارهم كانت نصيرة وااقفة فالبااب على اعصااابهاا ما رجعااات فيها الروح حتى شافتها قدامهااا ... غير شاافتهااا طااارت ليها على شعرهاا مدخلاااهاا كاتدوي بهمس : تي فين كنتي يا صوووبيصة ... وليتي ترجعي فنصااايص دليل خرجتي ليهااا ... مخلياااني كانتشواا ونتقلااا غير بوحدي ...

خنساء بعدات يدها عليها ماقااش تهضر : من بعد اعمتي والله مااا قاادة من بعد ...

زادت كاتمشا بتقااالة خلاااتهاااا قارمة حجباانهااا ماعجبهاااش حااالها بالمرة ... خنساء دخلااات وسدات عليهاا بيتها تلاااحت فوق السرير كاتبكي وتعاااود ... غصتها وحرقتها كبييييرة لواحد الدرجة ماتصورش ... حسات بكولشي ضاااع منها ... وضيعاتو بيدهااا ...