رجعو للشومبر لي فيه إياد لقاهم مزال جالسين حداه حتا جاو الفرمليات خرجوهم باش يحولوه من تما
قنعهم قيس باش يرجعو لدار حيت ميقدرو ينفعوه بوالو و مرام بقات معاه باش تبدا حصصها العلاجية من ديك لحضة
مشاو كاملين بقات غير هيا توجهات لبيتو من حدها كتقرب و دقات قلبها كيتزادو فتحات لباب دخلات بهدوء تام
جلسات حداه كتشوف فيه كيفاش ناعس بهدوء بحال الوليد الصغيور قربات ليه شدات يدو بدون وعي منها قرباتها ليها باستها وبقات كتشوف فيه لدقائق حتا هبطات دمعة من عينها بدون سبب
مسحاتها و هيا معارفاش سباب خوفها علييه بقات كالسة حداه غير كتشوف فيه شويا هزات راسها و بدات كتحاول تواصل معاه بشتى الطرق
مرام : إياد امتا غادي تحل عينيك عائلتك كاملة كتسناك علاش رافض تفيق شنو سبب لي خلاك تنسا عائلتك و متبغيش ترجع ليهم إياد خاصك تفيق و ترجع لفرحة لينا كاملين إياد
بقات كتهدر حتا بداو كيهبطو دموعها مقدراتش تكمل خرجات من الشومبر توجهات لقهوة قريبة من سبيطار خدات كاس قهوة تقوي بيه راسها
توجهات جهة البحر لي كان قريب من السبيطار وقفات قدامو كترشف من كأسها و النسيم يداعب شعرها الحريري و الأمواج الهادئة تمر فوق رجليها حسات بواحد الراحة كبيرة فاش وقفات قدام البحر و نسات هموم الدنيا فلحضة
كملات كاسها و ضارت تمشي لسبيطار لمحات شاب فالتلاتينيات واقف وراها كيشوف فيها بابتسامة عريضة
بقات كتشوف فيه مفاهمة والو تمشات باش تخطاه ولكن غير فاتتو شد يدها وقفها
حاولات تجر يدها ولكن كان مزير عليها شافت فيه ونطقات
مرام : طلق مني راك ضريتيني
( مد ليها يدو ) : ياسر ونتي
مرام : خويا واش كتعرفني
ياسر : لا مكنعرفكش ولكن ناوي نتعرف عليك الغزالة
مرام : سير اخويا فطريقك بعد مني
جرات يدها بجهد و كملات طريقها لسبيطار باش تكمل كلامها معاه دخلات لغرفتو لي الهدوء طاغي عليها جلسات حداه يالله بغات تنطق حتا قاطعها صوت ورائها
: سبحان الله الأقدار لاقاتنا مرة اخرا
تلفتات بالعرض البطيىء كتأكد من صوت واش هوا ولا لا
تلفتات بالعرض البطيىء كتأكد من صوت واش هوا حلات عينيها علا وسعهم كتشوف فيه وقفات كتشوف فيه حتا دخل طبيب
طبيب : انسة مرام هادا ياسر طبيب تنويم مغناطيسي يقدر يعاونك باش تحكمو فعقل سي إياد كتر
مرام : دكتور خدمتي قادرة عليها بوحدي
ياسر : ( قرب منها ) حنا مجيناش باش نطلبو رأيك دوينا مع عائلة المريض و وافقو
مرام : ادن تقدر تعالجو بوحدك
يالله بغات تمشي وهوا يوقفها هارون لي جا حتا هوا
هارون : مرام ختي عافاك ايلا متعاونتوش مغديش يقدر بوحدو يفيقو عفاك
مرام ( زفرات بقلة صبر ) : صافي واخا ولكن ( تلفتات لياسر ) نتا غادي تبقا بعيد عليا سمعتييي
فجهة اخرا
كتجمع فشانطتها حيت قرب وقت طيارة و خاصهم ينطالقو و عيشة حداها دموعها فعينيها
عيشة : بنتي بقاي الله يرضي عليك منقدرش علا فراقك مرة اخرا
شيماء : دوينا فهادشي مكاين لاش نعاودو نفس الهدرة
عيشة : علاش وليتي هاكاا علااش مكتحنيش فميمتك لي ولداتك ورباتك
شيماء ( قربات ليها ونطقات بصوت شبه مرتفع ) : ميمتي هههه ضحكتيني اعيشة والله ميمتيي اهه ميمتي هيا لي خبات عليا الاب الحقيقي ديالي ميمتي هيا لي خبااات عليا انني بنت الحرااام ااااه انااا بنتت الحرااام بسباااابي بابا مااات بسباابك الاب لي تمنيت نشوفو تمنيت نعنقوا تمنييت حتا انا نقووول ليه باباااا هوااا ماااااات اااه ماااات و بسباااابك اعيشة بسبااابك علااش علاااااش واش ممنحقيش نعيييش ممنحقيش نضحك نفرح نلعب نشطح نغنييي ندير داكشي لي كديرو البناااات علااااش واش ماااشي بنااادم اننااا
عيشة : بنتيي بقاي و ديري لي بغيتي عفاك غير متبعديش عليا
شيماء : اصلاا مغدييش نتسناك تقولي ليا شنو نديير حتا نتي مسولتينااش شنو ديري بغيتيي تولييي شيخة وليييتي بغييتييي تشطحي لكلااااب شطحتييي بغيتي تنعسييي مع الرجااال نعستييي بغييييتييي تخوووني بابا و تقتلييه خنتيييه وخنتييينييي معااه كنتييي قتلينييي فااش عرفتينيي بنت حرااام وبنت مجرررم قتلييينييي متولدينيييش قتليييني كنت نرتاااح حسن من هاد لعيشة ديال دل كلشييي كيشووف فينااا شووووفةة نااااقصة وعلااش فنضرك اااا جاوبييي علااش ولا نجاااوبك انا حيييت ماما شيخة ماااما عاهرة مااااما باعت راسها و قتلااات راااجلهااا لي كااان تايق فيهاا دايرهاا فعينيييه ممخصصها من حتا حاجة
غير كملات هدرتها صرفقاتها عيشة حتا تسمع صدى التصرفييقة و نطقاتت بعينين مكسوورة
عيشة : هاااد شيييخة هاااد العاااهرة هااااد الخاااائنة هاااااد القتااااالة هيا لي رباااتك و كبرااتك و كسااتك و قراااتك و وكلاااتك هيااا لي سهرااات عليك ليااالي فاش كنتييي كتمرضيي ااه نستاااهل هاد لهدرة نستاااهل كتر زيدييني زيدييني
شيماء ( طاحو دموعها شلال و نطقات بصوت مكسور ) : علااش علااش اعيشة علااش شنو درت بااش نستااهل هادشي علاااااااااااش
صرختها كسرات المكان سمعها تامر مشا كيجري لعندهم لقاها هيا و مها شلالات دموع فعينيهم شيماء فقدات اعصابها و طاحت الارض كتنتف فراسها و تقمش وجهها مشا لعندها كيحاول يهدنها وعيشة غير كتشوف فيها عطاها إشارة باش تخرج وهوا غادي يتكلف بشيماء خرجات مهزومة مكسورة فقط كتبكي عالاقل تعبر علا حزنها و كلمات بنتها لي كانو بحال الخنجر تغرس فقلبها
فجهة اخرا
بقات هيا وياه فالغرفة مع إياد و نضراتو لي ختارقوها و هيا محاولة متشوفش فيه
مرام : كانضن نبداو حيت مخاصنيش نتعكل بزااف
ياسر : واخا امدام مراام سميتك زوينة بحالك
مرام : حناا هناا جامعنا هدف واحد هوا إياد يفيق سمعتي إياد يفيق ادن متحاولش تدير شي حاجة من غير خدمتك
ياسر : اووو الغزالة تعصبات كاالم ازين انا أصلا معنديش نية ندير شي حاجة من غير خدمتي
#بعد شهر
داخلين كيف العادة باش يبداو حصصهم معاه من بعد شهر ديال العلاج من دون نتيجة مستسلموش ولو يبقاو حياتهم كاملة كيفيقو فيه
كالسة مرام كتدوي معاه و ياسر كيحاول يجدب عقلو الباطني بالتنويم المغناطيسي دوزو نهار كامل و بدون رد
وصلت العشية سالات الحصة ادن خاصهم يمشيو ناضت هزات صاكها جات تخرج و هوا يشدها من يدها
ياسر : مراام ممكن دقيقة ندوي معاك
مرام : وي اش كاين
قرب ليها بزربة خطف قبلة من فمها و بعد كيدوز صبعو علا فمو حتا حس بتصرفيقة علا وجهو
مرام ( بعصبية ) : شنووو كيحساااب لييك رااسك اااه شنووو قالك راسك بهااد لفعلة
ياسر : ششش هدري بشوي مرام انا معجب بيك و تقدري تقولي مغرم بيك مكرهتش تكون بيناتنا علاقة
مرام : انا مكنبغييكش مكنحملكش صابرة عليك غير علا ود إياد سمعتييي
ياسر : علاش مكتبغينيش واش كاين شي واحد هنا ( وجه صبعو باتجاه قلبها )
مرام : ااه كاين سيدك هناا سمعتي
ياسر : سيدي ههههه شكوون هاداا
مرام ( تلفتات جهة إياد ) : انا كنبغي إياد سمعتي انا كنبغي إياد و عمري نسمح لشي واحد من غيرو يقرب ليا
تلفتات كتشوف فاياد حتا تصدمات بيه كيتحرك قربات ليه بصدمة باينة علا وجهها
# فجهة اخرا
كالسة كترسم و تقطع لوراق وترمي حداها هادا حالها من نهار رجعات من المغرب كانت مضمرة نفسيا حابسا راسها فبيتها كترسم ولكن مزال موصلاتش لرسمة لي بغات
سمعات دقان فالباب ناضت كتمايل حلات الباب شافت فيه بنضرة اش كاين
تامر : شيماء شربتي تاني راكي كتقتلي راسك ونتي محاساش بدلي حوايجك ويالله خرجي معايا بدلي الجو شويا
شيماء ( بصوت متقطع ) : لااا سيير من هناا انا خايبة قاسية مكنرحمش مخاصكش تجي عندي واش عقلتي ياك نتا قلتيها ليا
تامر : واش باقا منسيتيش داك نهار سمحي ليا راه بدون قصدي
شيماء : كتجرحوووني و تقولو ليا سمحي لياا وااش انا لعبة وااش كيحساب ليكم انبقا نسامحكم كل مرة هههه لالا شيماء تبدلاات بزااف ونتوماا سبااب نتوما لي رديتوني هاكا ادن دبا رجع منين جيتي
دخلات سدات عليه الباب و خدمات باف طلقات أغنية ( džanum ) هازة كاس شراب و كتمايل مع الحان الموسيقة وكتغني بصوت حزين و الدموع مسابقين من عينيها لي ولاو حومر بكترة البكاء
بقات كتميل مع الموسيقى حتا كملات لحضة هدوء و طاحت للأرض تهرس الكاس حداها و غاصت فنوم عميق فوق الارض مع انه الجو بارد ولكن اقل برودة من قلبها و روحها و حالتها لي وصلت ليها
#فجهة اخرا
كتقرب منو و حاطة يديها علا فمها بصدمة و عينيها دمعو دون شعور وقفات قدامو حطات يدها لي كيترعدو علا وجهو و نطقات بصوت خافت
مرام : ( دوزات يدها علا وجهو ) أياد حل عينيك انا شفتك متحرك فيق
ياسر : اش كتخربقي نتي سيد باقي محلش عينيه و كتقولي ليه نووض
مرام : ( خنزرات فيه و نطقات )
ماشي شغلك سمعتييي ماشي شغ....
كتدوي حتا حسات بلمسات فيديها تلفتات بزربة لقاتو حال عينيه بتتقال حط يدو علا يدها بقات كتشوف فيه حتا غرغرو عينيها بالفرحة خرجات كتجري
وقفات حدا شومبر و دوزات ابيل
مرام : الوو عندي ليك خبار زوينة بزااف
اسمهان : الله يسمعنا خبار الخير فرحيني اختي راه تقهرت
مرام : إياد فااق اختي فااق
اسمهان ( بالفرحة طارت وقفات و تبسماات ابتسامة عريضة ) : متأكدة اختي ياك مكتكدبيش عليا
مرام : والله ماكنكدب اجي تشوفي بعينيك
اسمهان : صافي صافي حيدي انا نمشي نقولها لهارون
قطعات الخط و طلعات كتجري فدروج دخلات لبيت كتنهج لقاتو ناعس مشات تلاحت فوق منو حتا فتق خاسر
هارون ( غوت بجهد ) : اسمهااااااااان يااك قلت لييك متفيقيينيش
اسمهان : إياد فااق نووض نمشيو عندو
هارون ( ناض جلس دغيا مقابل معاها ) : بصح واش متأكدة
اسمهان : اه يالله صونات ليا مرام ( كانت كتهدر حتا حسات براسها تهزات )
غير كملات هدرتها تلاح عليها عنقها و هزها كيدور بيها و الضحكة واصلة لودنيه
اسمهان : حطنيي راه دوختيني
هارون ( باسها ففمها ) : ناري متصوريش شحال فرحت
اسمهان : مشفتيش انا و اخيرا بعد شهر ديال الانتضار فااق
هارون : يالله نمشيو عندو دغيا هبطي قولي لجدا توجد راسها و متقوليش ليها راه فاق نديرو ليها مفاجئة
مشات اسمهان كتجري عند الجدة علماتها توجد راسها و مشات حتا هيا لبسات و خرجو باتجاه السبيطار
وصلو لقاو مرام و عيشة و ياسر واقفين حدا شومبر الجدة تخلعات فاش شافتهم و بدات كتزرب فالخطوات توصل عندهم
الجدة ( بتوتر ) : اش واقع مالكم واقفين هنا
مرام ( بغات تنطق وهيا تشوف اسمهان كتغمز فيها باش متقول والو ) : معرفناش اش كاين طبيب كيفحص فيه
الجدة : الله ياربي اش واقع لوليدي يالله تحفضو ليا
خرج طبيب مشات الجدة كتجري عندو ولكن مرام بقات كتغمز فيه حتا هوا باش ميقول والو
طبيب : تقدرو تشوفوه ايلا بغيتو
مرام : تسناوني هنا بغيت نشوفو انا لولة
كلشي ستغرب من ردة فعلها وبقاو كيتسناو برا حتا خرجات عندهم فعينيها دموع كلشي تخلع فاش شافوها هكاك
دفعاتها الجدة و دخلات كتجري وتصدمات من لي شافت
سات برجليها مبقاوش هازينها قلبها دقاتو كيتسمعو من بعيد دموع علا اطراف عينيه واش هادشي لي كتشوف فيه حقيقي ؟ واش شهر ديال الانتضار مشا غير هكاك ؟ واش بصح خسرااتو ؟ اسئلة كتيرة كيدورو فراسها ولكن مامن جواب فقط خاصها تجاوب راسها براسها
نعيمة ( كتقرب منو وتدوي بدموع ) : إياد ولدي إياد نتا غير كضحك معايا ياك ( وصلات حداه مدات يديها تحيد الغطا البيض ) إيااد حل عينيك
ممدد ففراشو و مغطينو بغطاء ابيض كأنه جتة وجهو شاحب ساد عينيه دون حركة
نعيمة : هارون هىء هىء هاارووون اجي دوي مع إياد يفيق اهىء علاش مبغاش يحل عينيه إياد حل عينيك انا جداك حل عينيك عفاك اولدي
غير سمعو الجدة كتهدر بصوت باكي تخلعو ودخلو كيجريو كلشي واقف مصدوم فقط الصمت سيد المكان حتا كسراتو الجدة بغوتة خرجات بيها كل مافي قلبها من هموم
الجدة : إيااااااااااااد ولديييييي فييييق
اسمهان تبورشات من المنضر مقدراتش تشوفها فهاد الحالة و خرجات من الشومبر فحين هارون كيهدن فيها و كيشوف فمرام لي كتبكي و عينيها فالارض مفهم والو كيفاش قالت ليهم فاق و دبا فهاد لحالة مشا جهتها كيستفسر الأمر منها
هارون : مرام شوفي فيا ياك قلتي لياا فاااق شنوو طراا دبا دويي
مرام : اهىء اهىء والله حتا شفتو فاق عاد صونيت ليكم معرفتش كيفاش وقع هاكا
دخل عندهم طبيب بعدما سمع صوتهم من بعيد
طبيب : الله يخليك بزاف المرضى هنا نقصو صوتكم
هارون : علاش خويا مبغااش يفيق وعلاش مغطينو هاكا
طبيب : كنت بغيت نقولها ليكم ولكن نتوما كتغمزو فيا برا للأسف الشديد السي إياد في ذمة الله
غير كمل كلامو طاحت الجدة غائبة عن الوعي و هارون رجليه مبقاوش هازينو طاح علا ركابيه اما عيشة مشات كتحاول تفيق الجدة فحين اسمهان دخلات كتجري عند هارون و دموعها مالين عينيها