نهار جديد..
صبحو على هاد الكارتة الدنيا مقلوبة الاخبار الصحافة..ولبوليس فكل بلاصة..وكاع العناوين فيهم #قضية_ارــ_هاب..
كان فمكان الجريمة..هو ليكيب ديالو…دارو بحت وتحقيق شامل ومالقاو والو يفيدهم
هارون وسط لفلة خدام بنفسو مع ليكيب..لفلة ولات بحال الخربة قلبو فكل بلاصة فيها مالقاو والو تا خيط يرشدهم..من غير انه رضوان كان روشيرش شاكين فيه فشحال من قضية اجرامية دابة هاهو مـ ات..خرجو كاع الجثثة ورجعو لمقر العمل دارو اجتماع ومعاهم صور هضرو على كلشي فالقضية..وتفتح ميلف باش يلقاو باقي افراض العصابة..والملف عطاوه لهارون لي ايتكلف بيه..
داز نهار طويل..
غدا عندو لاكط هو وعبلة لي كانت كتوجد كلشيي..مشا للدار يرتاح حيت كان الليل صيفط لها ميساج:بقة غير غدا
وطفا الطليفون ونعس خلاها كتقرا فالميساج وتعاود تبسمات وكتبات ليه:و اخيراا…
نهار جديد..
كان الهدوء فكاع لمدينة..شميسة باردة ونهار زوين..
جا للخدمة كلشي مبتاسم..دخل للبيرو ديالو..وجلس كيقرا فشي ميلف..
حتى كيتسمع واحد الصوت ديال الروبو شي واحد كيهضر:من ليوم اتشوفو الجحيم ..هدا لي تريتو فيه اتخلصو روحو غالي..والبنت لي بلغات بيه يا اما اتلقاوها لينا ولا انحرقو كاع هاد المدينة
ميل راسو من هاد الصوت
وتسمع تصفار مور داك التسجيل شوية بدا كيتسمع صوت شي مروحيات..هليكوبتر كانو تلاتة فالسما شوية بدا يتسمع صوت لقرطاس….كيتريو فكاع لبوليس وفكاه داك المقر …كلشي ترون صوت لغوات ولقرطاس فكل بلاصة مارحمو تا واحد فداك المقر دالشرطة..وقع هجوم ماكانوش متوقعينو كلشي متلتم ولابسين لكحل اسلحة مجهدة شريشمات وكيشرشمو فبنادم…
داز الوقت
كانت كتلبس وتقاد مابقة والو للاكط..طلعات كتجري
هند:خدمو التلفازة
شعلوها ووقفت مصدومة من داكشي لي كيقولو انه تيراو فالمقر فين كاين هارون واغلب لي تماك مـ اتو ولي عايش عندو اصابات خطيرة..وكاينين المفقودين..الدنيا تقلبات..
عبلة طاحت على ركابيها:هـارون
شعلو التلفازة ووقفت مصدومة من داكشي لي كيقولو انه تيراو فالمقر فين كاين هارون واغلب لي تماك مـ اتو ولي عايش عندو اصابات خطيرة..وكاينين المفقودين..الدنيا تقلبات..
عبلة طاحت على ركابيها:هـارون
وعينيها على التلفازة كتشوف كيف داك المقر مرون عامر صحافة وبوليس ومروحيات فالسما ..الاسعافات…بنادم باغي يصور..الصحفية كتهضر وهي مخلوعة…
حياة وهند حالين فمهم فالتلفازة شكون تسوق فهاد اللحضة لعبلة ..
غيثة:ماما واش هارون مـ ات
عبلة وقفات كتحيد لمقابط دلمشيطة لي كانت دايرة وكترمي فالارض تا تطلق شعرها بدات كتحيد داك لقفطان
حياة:نعلي الشيطان ابنتي شكا ديري راه ماقالوش راه وقعات ليه شي حاجة تا سميتو ماجبدوهاش
عبلة :انمشي نشوف شواقع نتسناهم تايجبدوها
تمات داخلة للبيت وهوما تابعينها تعرات حداهم غا بدوبياس بويض…
حياة كتبكي:ابنتي فين غادة ماتقوليليش اتمشي لتماك
هزات عبايتها كتلبسها:اه انمشي لتماك ما انبقاش جالسة مربعة يديا وكنبكي..
هند:واش ماكانشوفيش الدنيا مقلوبة تماك لاوقعات شي حاجة تهدني اصاحبتي
عبلة كلها كترجف:لا بقيت جالسة وكنتسنا هي لي اتوقع لي شي حاجة
وبدا كتمسح فداك المكاياج
هزات شال ضارتو على راسها:هنا مشيت
شدات فيها هند وهي تنتر منها:حيدي من طريقي اهند
وخرجات مخلية حياة كتعيط ليها كتقولها رجعي يمشي معاك خوك وهي مامسوقاش ..غادة فالدرب زربانة لجيهة محطة التاكسيات كتمتم بهمس كتسمعو غا هي:ماماتش ماماتش ماماتش
حتى كيوقف عليها هزات راسها فيه وقوصات حواجبها من حالتو تحت عينيه زورق بالسهير والشراب شعرو مخبل وهو لي كان ديما لابس ومقاد ومحسن طولة وتجريدة وكاع بنات الحومة طايحين فيه نطقات بترجي:مراد عفاك ماعنديش الوقت لهدشي خليني نمشي
شدها من دراعها:ماشي حشومة عليك ديري فيا هكا…عارفاني شحال كنحماق عليك من صغرنا..عارفة بلاصتك فقلبي ومشيتي عند واحد اخور..اه حيت هو لاباس عليه وانا حازق
بغات تنتر منو وهو يزيد يزير:ياك كنتي كتقولي ماكايهموكش لفلوس والمضاهر باغاني غير انا ..ضحكتي عليا وطعنتيني فقلبي
هزات فيه عينيها:مراد عفاك رخي حاسة بيك وعادراك ولكن انا وياك سالينا قبل نتخطب ومن شحال هدي كل واحد شد طريقو..نت عندي عزيز وماشفت منك غير الخير ولكن ربي مابغاناش نكونو بجوج خليني نمشي راني مزروبة
جرها لعندو:بهاد السهولة اعبلة ديما كنا ندابزو ونتفارقو ونرجعو…واش عارفة راسك شنو درتي فيا؟دبحتيني بموص حافي كيعدب فيا قلبي كيتشوط اعبلة
حسات بيه شوية وايبكي عمرها شافتو هكا ضرها خاطرها وهي ديجا مضرورة ماحيلتها ليه ولا لهداك لي ماعارفاش اش واقع ليه..
بعدات عليه ونطقات:صافي نساني عليك والله يجيب ليك شي بنت الناس لي تستاهلك
وتمات غادة وهو كيهضر بلغوات الشراب لاعب عليه:بهاد السهولة غنساك ياك واخة اعبلة سيري عيشي حياتك وانا خلي لدلمي العداب
شافت تاكسي شيرات ليها وركبات قلبها كيضرب فلمية نطقات بصوت كيرجف:مقر دالبوليس(…)
نطق :واخة
وديمارا نيشان للمقر خمسة دقايق كانو تم خلصات ونزلات كتشوف الجقلة ماعرفات فين تمشي ولا شكون يسول اول مرة تشوف الصحافة..وكاينين بزاف البوليس بجميع الانواع..الجثث والمضرورين غادين جاين بيهم..قلبها تقبض عليها وهي كتمشي بخطوات تقال مدورين واحد الشريط اصففر على المقر باش مايدخل حد…
كانت فالطموبيل وقفات على جنب ونزلات بلباسها الصبور جامعة شعرها لكحل مسبسب كوب شوفال ما على وجها تا نقطة دلمكياج وهكاك جاية زوينة…مشات كتقلب بعينيها على شكون تسول..حتى كتوقف حداها..بجوج ماعارفينش شكون يسولو
دورو راسهم بجوج وهوما يعرفو بعضهم..سارة طلعتها وهبطتها:شكا ديري هنا
عبلة قادات شالها:نتي لي شكا ديري هنا
سارة قلبات وجها ماباغاش تزايد معاها فالهضرة دخلات فيها ومشات تسول واحد كيعرف هارون خلات عبلة غير كتشوف
سارة:عفاك هارون الزعيم واش راه بيخير فين هو
عبلة ماعجبهاش كيفاش دازت فيها ومشات كتسول عليه تقول هي لي خطيبتو مشات وجراتها من دراعها:شكون قالك اختي سولي عليه ولا اجي لهنا باشمن صيفة جاية وداخلة فيا وكتسولي
سارة خرجات فيها عينيها من جرأتها من غير هارون عمر شي حد زعم يحط يديه عليها..
سارة تنترات منها هادي ايام وهي هاربة من هارون من داك الليلة حيت عارفاه لا شدها شغا يدير فيها ودابة ماتزعمش تشبكها معاها حيت اتزيد تعمر لكاس:عفاك خلنيي عليك جاية ننطمن عليه ونمشي
عبلة اصلا كانت معصبة وبغات فين تبرد وماحملاتهاش تجي تا لهنا :راني دويت معاك باشمن صيفة رجعي منين جيتي راه خاصني غا معامن
داك البوليسي بقة غير كيشوف فيهم
سارة:شوفي انا ماخاصني صداع معاك داكشي ليبيني وبين هارون نتي ماشي سوقك فيه سمعتيني ودابة حيدي من حدايا
عبلة لعبات لها على دماغ بداك بيني وبين هارون ونتي ماشي سوقك ..ماحست براسها تا زربات عليها شاداها من شعرها لعندها من ديما هكا عصبية يديها سابقينها ماكاتصبرش لبنادم :داية نشوف واش اتفهمي راسك
طيحاتها فالارض وهي مازال شادها من شعرها وسارة كتغوت..ولبوليسي كيحاول يفك:رخي منهاا
كلشي كيتفرج والصحافة كيصورو واخة ماعارفينهمش شكون والكن تا هدا حدث يهضرو عليه..ترونات القدية فوق الجقلة تزادت جقلة
تافكوها منها وعبلة كترجف بلاعصاب:تزيدي دقيقة هنا نخسر لمك كمارت
سارة وقفات كتمسح فوحوايجها مامتيقاش هدشي لي وقع وانه نتفاتها قدام الناس ..
عبلة:وا رخيي مني اينادم
لبوليسي:الالة حيدو من لهنا لا نتي لا هي
حتى كيوقوفو صوتو:حيد يديك عليها
دورات وجها وهي تشوف ناصر ..لبوليسي داك الساع بعد عليها ملي شافو
قرب لعندهم مخنزر:ماعرفتيهاش شكون
ليوليسي:سمحلي عفاك ماحسابليش من جيهتكم
ناصر جرها لعندو:هدي مرات هارون اخر مرة تحط يديك عليها
الصحافة غير سمعو هدشي قربو كيسولو ويصورو:واش بصاح نتي مراتو..ومن فوقاش..وشنو كتقولي فهدشي لي وقع..وعلاش نتفتيها
ناصر جرها معاه وهوما تابعينهم والرجال دناصر كيديرو ليهم الطريق..
سارة كانت واقفة لعافية شاعلة فقلبها كيفاش ضربتها ونتفاتها غفلتهاا..وميفاش ناصر علن على انه مرات هارون..بدون شعور خشات يديها تخت كمها بغات تحبد واحد لموص وهي تشهق ملي شدها من يديها وورك:اتغبري من لهنا اسارة حيت راه كنجمع ليك حسابي معاك طويل
شافت فيه الفرحة ولخلعة تجمعو عليها:هارون
جرها للطموبيل :تحركي
ركبات وهي كتشوف فيه نزلو دموعها وديمارات ومشات..قاد السلاح من مور ضهرو ودخل من واحد الدخلة بعيد من الصحافة وتلاقة ناصر وعبلة من جيهة لوخرا
لقاها ضاحكة هي وناصر ومعاهم يوسف لي طمنها راه بيخير
وقف عليهم كيشوف فيها شافت فيه كتتفحص وجهو وجسمو واش مافيه والو ونطقات:كي بقيتي
هز راسو باه:مزيان
سكت وهو كيمسح على راسو ونطق وهو عاقد حواجبو:علاش جيتي؟
ناصر جاتو ابل من الطاهرة وعائشة دايرين فضيحة ماخلاوهمش يجيو لهنا..ممنوع..ولالة عبلة جات هي اللولة
بلعات ريقها ونطقات:بقة بالي معاك وماشي من النوع لي كتبقة جالسة فالدار كتسنا شي خبار ..ماحسيت براسي تا كنت هنا
يوسف ماشي من النوع لي تاهو كيدخل فهدشي ضرب ليه على كتافو تا شاف فيه هارون غير بعينيه فهم ليه انه خاص يتهدن:هنا لهيه
هارون فهمو:واخة الواليد
غير مشا قرب ليها وعينيه فعينيها:شفتي هنا طاهرة ولا عائشة
هزات واسها بلا
هارون:يوقع لي يوقع عمرك تخرجي من الدار وتلحقي عليا سمعتيني عمرك
قوصات حواجبها:واخة نكون خايفة عليك؟
هارون:قلت يوقع لي يوقع..هكا خدمتي اعبلة هدشي ايوقع بزاف ..اتخرجي اتزاديلي تانتي فلحساب فينك وفين وصلتي وشمن طريق شديتي..عندك داركم اتجلسي ويوقع لي يوقع ايوصلك كلشي
بقات غير كتشوف فيه ختىحتى نطق:زيدي نوصلك
زيرات الشال على راسها وتمشات معاه ركبو فالطموبيل طريق كاملة وطليفونو ماحبسش من الصوني كيجاوب ويهضر سمح فالخدمة لكتيرة وموصلها ..تا وصلو حدا لباب
شاف فيها:لاكط غدا ايكون
هزات واسها باه:واخة
بقة كيشوف فيها:نتشاوفو غدا
عبلة:ان شاء الله وعلى سلامتك
ونزلات وهو حاضيها تا دخلات عاد ديمارا الروينة دالخدمة كاينة مشا نيشان لمقر اخور كاين اجتماع تماك كيبحتو فكلشي ..عندهم تسجيلات ديال كميرة كيعاودو يشوفو التسجيلات والحادتة كلشي ملثم..طموبيلات كلهم بدون لوحات رقمية..ومروحيات..تبعوهم فالطريق لي مشاو عليهم الطموبيلات ولكن فنص الطريق نزلو تلاتة دالمرواحيات كل طموبيل طلعات فوحدة..ادن هادي مافيا ماشي ساهلة هاد المطريال والتجهيزات لي دايرين مجهدين ماشي غير قضية ارهـ ابية الموضوع كبر من هكا
سلاو الاجتماع وخرجو ايجيبو ايكيب جديد تخدم على القضية مع هارون حيت النص مـ اتو ولا مضرورين..ايجيو من المخابرات وشرطة علمية ومكافحة الارهـ اب كلشي ايحضر..حيت مول داك الصوت هدد انه الموضوع مازال طويل تا يلقاو البنت لي بلغات ويسلموها ليه..
هارون معاه المساعد:اتجيب لي تسجيل الصوتي دالبنت لي عيطات..والتسجيل ديال داك الروبو..ولائحة ليكيب الجديدة لي اتخدم معانا
وخرج عارف لي جاي مرون بزاف..تكى على الكوسان دالطموبيل لدقايق كيكالمي فراسو ويتهدن حتى كيجي المساعد وعطاك لكلي :هنا اتلقة كلشي
هز راسو وخداه وديمارا الطموبيل مخدم موسيقى كلاسيكية كالم
#البارت28
دازو ساعات..
فبلاصة خرا…فقصر خارج لمدينة وسط الغابة معزول ومامعرفش كاع…
كانت جالسة لابسة كلشي كحل وجها شاحب واتار الحزن فملاميحها…حتى كتجي الخدامة حانية الراس:البوص وصل
هزات راسها باه ووقفات كتستقبلو..كانت حداها حفيدتها التانية ماشي قل منها فالحزن والغبينة راه خوها هداك لي شرشمو..
شافوه داخل مع لباب كيقاد سوميج ديالو لباس كلاس صدافات القميجة اللولين محلولين وفيديه ليكات كوحل دالجلد وهاز الماسك كحل فيديه..
وقف عليهم تحنات لبنت باست يديه
وشاف فلمرا تاهي تحنات باست يديه
وجلسو
نطقات لمرا:حفيدي قتـ لوه وماخلاوناش تا ناخدو الجثة ونديرو الجنازة..رزاوني فكبدتي قلبي كيتشوط
سكتات كاتمة دموعها ونطقات:بغيت داك البنت لي بلغات بيه تكون حية بغيت تتعدب عاد تـ موت بغيت نشوفها كي دايرة وكيفاش سخان بروح حفيدي
شافت فيه:بغيتهم مايرتاحوش تا تبان هاد البنت ..ياك واعدتيني حق حفيدي ايرجع بردلي قلبي
بقة كيشوف فيها ونطق:ليوم تشرشم كتر من 100 بوليسي..وهكا انبقاو تاتبان البنت وبيدي انجيبها تا لبين رجليك وراسها انطيرو قدام عينيه
غمضات عينيها:احححح على نار فقلبي كتحرق..المو مسكينة طايحة فلفراش لفوق..وباه ايخرج ليه لعقل..ايرزيوني فعائلتي لي عندي
شدات ليه فيديه وباستها:خود حقنا كاملين كنتيق فيك
باس على راسها وجمع الوقفة:رتاحي نتي
خلاها جالسة وتم خارج دار الماسك يلاه ايخرج مع لباب وهي توقفو
شاف فيها:رجعي
جبدات سلاحها من مور ضهرها وهضرات مغزفة كتحرك يديها لي كلها وشامات شعرها دايرة ليه ليميش مجهد بشرة بلقة وعوينات زورق كي لبحر لباس بحال الدراري وحركات تقول دري كيهضر معاك:خلينيي نبرد قلبييي تانا خويا هدااك لي تقـ تل
خدا لها السلاح:نعاود كلامي؟
سكتات عاضة على سنانها..ماقداتش تزيد معاه تا كلمة بقات واقفة ممنوع تخرج رجعات دخلات قلبها كيتشوط كلهم باغين فوقاش يلقاو البنت لي بلغات بيهم حسابها خايب معاهم
فجيهة خرا بعيد كل البعد..
فواحد لاباغطومو..
كان فالكوزينة حاضي لفران مسكوتة كطيب كيحرك راسو يمين وشمال وكينطق:ليلى قالت 35 دقيقة..مروان طفيها دابة راه داز الوقت
حل لفران وجبدها منفوخة تبسم فرحان وحطها تبرد ..كيشوف فيها لابس غا شورط صدرو عريان عضلات مخدومين طويل وكتافو عراض شعرو مارو مطولو شوية ومرجعو اللور لحية خفيفة..هيئة رجل لي كلو رجولة وتتمناه اي وحدة ولكن حركات طفل صغير فرحان بالحلوة لي جابو ليه..
خرج من لكوزينة كيشوفو جالس على لبسي خدام على شي قضية..لابس تيشيرت كحل لاصق على عضلاتو لبارزين وشرط كحل ..جسم ضخم..محسن راسو مخلي شوية دالشعر ماعندوش مع الشعر..وداير كاسكيط قالبها اللور وحداه كاس دالقهوة ووشام باين فدراعو
مروان:كريم مروان وجد مسكوتة ديال ليلى قالك واش يجيب لك؟
كريم مازال عينيه على لبيسي:قول لمروان واخة
فرح ومشا قطع ليه وجابها وحطها حداه
كريم شاف فيه عندو عزيز بزاف واخة فاش يلاه تعرف عليه كان كيديرونجيه بشي هضرة من بعد ولف عليه حيت لقاه اكتر واحد قلبو بيض ومافيهش الدغل ولا قريب ليه يزاف..
صونا الطليفون مروان ضحك فرحان:هارررون كيصوني على مروان
جاوبو:هارون مروان توحشك بزاف
كان عيان بزاف مع الخدمة ولكن كلامو خلاه يتبسم عندو عزيز تاهو ..فلول ماكانش كيحملو ولكن قدر يخليه يبغيه بقلبو الزوين وعفويتو..ولاو تلاتة دصحاب
هارون كيشعل كارو:قول لمروان هارون محتاجك
مروان حرك راسو يمين وشمال كيحك فنيفو:مروان واجد
هارون:انصيفط لك واحد التسجيل صوتي مولاتو بنت حطات شي منديل على لفيكس وهضرات وبدلات صوتها.جا مخربق..نت عندك مع هدشي..ادخل الصوت للسيسطيم لي ختارعتي واتلقا ليا الصوت لاصلي
مروان:مفهوم المهمة عتابرها ناجحة من لهنا لغدا مروان ايقوم بالمهمة
هارون:يلاه تهلا وسلم على كريم
وقطع
مروان شاف فكريم:مروان عندو الخدمة كلفو بيها هارون ماخاص يصدعو تا واحد
ودخل للبيت وسد عليه جبد لبيسي ودخل للسيسطيم قاد شي حوايج تاوصلو التسجيل وبدا يخدم…
فجيهة خرا..
متكية على الحيط كتفكر فهدشي لي دخلات ليه راسها شغا يوقع فيها لا لقاوها مشات فيها..لبوليس والمـ افيا كيقلبو عليها تنهدات كتشوف فالسما من الشرجم..بغات تندمو ولكن ماشي لدرجة يمـ وت.
نهار جديد…
بداو فالتوجاد من جديد..اصلا مادايرينش شي حاجة من غير عشا رجال بحدهم وعيالات بحدهم وجايبين الطلبة هدشي لي بغة بابات عبلة..التوام ماحضروش ختيفين من بابات عبلة خصوصا فاش سمعو انه دايرين الطلبة..
فلبيت
كتشوف راسها بداك القفطان فلباج ملبوس وشعرها خلاتو سامبل مع مكياج سامبل زادت شريطة مجبدة عينيها…وعكار مارو بارد زاد برز شفايفها ..مع طالون..جات كتحمق….
دخلات حياة:مشاء الله جيتي كتحمقي حسن تا من لبارح
تبسمات:شكرا اماما
ورجعات نطقات:هند مازال ماجات
حياة:لا من صباح وانا نصوني تلفيون طافي تا ولدها ماداتوش للمدرسة
عبلة تنهدات وشافت تاني راسها لمراية..
برى..
كانت واقفة حدا لباب باش يشد لها الريزو حتى كيدوز من حداها بلا تا كلمة نطقات:الزاكي
شاف فيها:شنو باغة
جوهرة قربات لعندو:حنا دابة هائ لي فات مات عارفة راسي غلطت وتانت غلطتي اولا
بقة كيشوف فيها فتااي نطق:هاد تبحليس ديالك مامرتاحش ليه ولكن هانية الالة كي قلتي حنا عائلة
مدات ليه يديها وتبسمات..مد يديه وسلم عليها
جوهرة:ها نمرتي فاش تكون مسالي صونيلي نعرضك لقهيوة
الزاكي غير كيشوف فيها :اها اري نمرتك
قيدها..:نتشاوفو ازين
وطلع مع الدروج لقا غيثة كتسنا مد ليها شي فلوس وهبط ملي محمد ضربو وجرا عليه ما ولاش جا تا لاكط دختو ما غايحضرش ليه
شافت فيه:ما ادخلش
الزاكي:لا ..طلعي بحالك الحومة خايبة
جوهرة رجعات شعرها لحريري اللور:مالك مع الباك
بقة كيشوف فيها ونطق:فخبارك كتزيدي تزياني ونتي ضريفة
تبسمات عرفاتو هرب من السؤال:من ديما ضريفة
تم غادي:وا خليك ضريفة..وشوفي قهوة ماكافياش باغي نتغدا
وركب فسكوتور ديالو وداز من حداها دار لها اشارة بيديه وزاد فالسرعة ومشا..
داك الساع قبحات وجها:كلوشار
وطلعات ملي جا وقت لعشا..تعشاو فجو عائلي عقد قران عادي تماما كيف بغا هارون ماعريزش عليه الشوهة..سلاو لعشا ولعدول جبد لكتاب..خدا هارون هو اللول وقع وصيفطو لكتاب مع غيثة للبيت
كانت كترجف جايها هدشي فشكل ..كتشوف التوقيع ديالو عضات على شفايفها ووقعات
غيثة:هاي هاي عزية ولات مرت الزعيم
عبلة:تحركيييي من قدامي
غيثة خرجات كضحك وتسمعو صوت الزغاريت د حياة..شربو العصير ودواز اتاي
حتى كيجمع الوقفة وشاف فجوهرة:قلها توجد راسها نمشيو
جوهرة :واخة
مشات عندها للبيت وعنقاتها:مبروك عليكم فرحانة والله
عبلة:الله يبارك فيك شكرا
جوهرة:ماغاتندميش والله هارون واخة هكاك انسان حنين بزاف وضريف شوية دالصبر ما اتلقاي معاه تا صعوبة وانا لي حتاجيتيها هنا معاك
عبلة:شكرا بزاف
ورجعات عنقتها عاونتها تهز لقفطان اما تا الشانطة راها لتحت فلكوفر..وخرجات فيها شوية دلخلعة اتكون الراس فالراس هي وياه فلاوطيل..كأي بنت خايفة من هاد اللحضة
سلمات على مها وباها ..وعائشة كتعنق فيها هي والطاهرة..نزلو دموعها مولفة بمها وختها..عنقات ختها اتوحشها تاهي..
فتالي هبطو معاها لتحت كان برى واقف ومحمد كيوصيه ويعاود على بنتو ..ركبات فالطموبيل ودقايق وركب تاهو ماقداتش تشوف فيه لمحات غير لقميجة لكحلة لي لابس وريحة بارفانو ديمارا الطموبيل
وخرجو على الحومة غادين فطريق للوطيل..
نزل الزاج من حيهتها عرفها ماوترة حت كينطق:مالك
بلعات ريقها وشافت فيه:والو غير زعمة..راك عارف
وسكتات خلاتو يشوف فيها ويتبسم..ميلات راسها على داك الابتسامة دوبتها
..لكحل جاي معاه زادو وسامة ورجولة كتر وكتر وهاد الهدوء ديالو كيعجبها ..اتحاول تخليه ديما هكا..نسات راسها تانطق:ماتخافي من والو
هزات راسها باه وصلو للاوطيل ديجا كان حاجز نزلو وتمشات قدامو كيشوف فيها شحال وتاها لقفطان وشحال جات زوينة..ركبو فالمصعد وتقابل معاها كيشوف فيها وفتفاصيلها الشوفة فيها كتزيد تحلا…وهي محروجة حتى نطق:ها نتي دابة بين يديا
شافت فيه وميلات راسها
تحل المصعد لقا العامل مطلع الشانطة تسناه دخلها للسويت عاد دخل هو وياها
كانت داخلة وهو موراها حتى كتشهق فاش جرها من خصرها لعندو هزات عينيها فيه حاس برجفتها:حيدي الحشمة هاد الليلة
هاد القرب لي بيناتهم وترها ودوبها وكلشيي..حاسة باحساس فشكل
عضات على شفايفها اتموت بالخلعة.:هارون انا ..
نطق:ششش سيري بدلي عليك
هربات منو جارة الشانطة وكتقلب فين تبدل تا لقات بيت تبدال دخلات وسدات عليها عاد رتاحت..كتتنفس بانتضام بحاليلا كانت قاطعة النفس..تواني كتشوف فراسها فلمراية كتحاول تستوعب انه تزوجات بهارون الزعيم واخيرا وانه دابة بجوج الراس فالراس وليلة دخلتهم..بلا ماتحس تبسمات عاضة على شفايفها..بدات كترتاح وحلات الشانطة جبدات سوميج حمرة وحيدات داك لقفطان..شافت فدوش صغير تماك طرفات داتها وعطرات لحمها مزيان ودهنات شي كريمات..عاد لبسات داك السوميج جاتها فتانة مع طايتها لعامرة صدرها مبندر كبير وتريمة وافية وهازة واخة عندها شوية دلكرش ولكن زوينة..سرحات شعرها وقدات عكار حمر وخففات من داك المكياج..عجبها راسها حشمات تخرج..دقايق وهي كتوجد فراسها فتالي حلات لباب وخرجات..
لمحاتو فلبالكو كيسوط الدخان دلكارو ميدوي فالطليفون
كان كيتصنت للمساعد ديالو:غادي تكون غير شي عاهرة هي لي بيعات بيهم حيت الاشارة دالطليفون كانت من تماك وراه قالتها تاهي..المهم قريب نعرفوها
هارون:نتشاوفو غدا
وقطع فعلا هدي شي عاهرة من تماك اتكون عارفة بزاف دلحوايج خاص يلقاها
عبلة..تمشات شحال كتشوف فواحد لمراية كتزيد تتاكد من راسها حتى كيخرج من لبالكون..محيد لقميجة صدرو عريان ومازال لابس السروال حال ليه السمطة والصدافات كيبان لبوكسر.. بلعات ريقها كتشوف فصدرو كيف مزدك بلعضلات كتاف عراض فورمة رياضية مخدومة ..كلو رجولة وهيبة حسات بالسخونية طلعات معاها وهي كتخايل راسها معاه هدشي باقي مادارو والو..هو كيشوف فيها وكيقرب فنفس الوقت..سلبات ليه لعقل بداك سوميج جاتها قتالة ..هكا كيبغي البنت عزيز عليه لغلض..وجاياه على لكانة بشخصيتها وكانتها ..تاوقف عليها ميل راسو وشافت فعينيه نضرات الاعجاب رجع ليها الاحراج والخوف ملي دوز يديه على كتافها لعريانين باطراف صبعانو..تا طلع لعنقها وصل لوجها ومرر صبعانو على شفايفها بلعات ريقها وهو كيقربها ليه..كيدور يديه على خصرها بالشوية وقرب لشفايفها ونطق:الليلة ليلتك ا السمرة
بغات تسخف لفاراشات كيلعبو فكرشها خصوصا ملي حط شفايفو على شفايفها غمضات عينيها من حركات شفايفو اول مرة تجرب شي بوسة..ترفعات بلا مادير تاشي حركة..واحد القبلة حنينة ودافية بحال هاد الجو الدافي والهادئ..بعد ماساخيش بملمس شفايفها وجرها معاه:اجي
وهي غير تابعاه تا وصلو لحدا الناموسية يلاه ايقرب لشفايفها تاني وهو يصوني الطليفون..طل وهو يقرا مروان
شاف فيها:واحد دقيقة
خدا الطليفون وخرج للبالكون:لقيتي الصوت الاصلي
مروان:مروان خدمتو متقونة لقا الصوت الاصلي مية فلمية ايصيفطو لك دابة
هارون:معلم..شكرا
وقطع ودخل للواتساب لقا لاوديو تماك طلق الصوت باغي يعرف مولات الصوت..غير تطلق الصوت قوص حواجبو كيسمع ليه..تواني كيستوعب الصوت..فلحضة مابقة يسمع والو من غير صوتها وصوت التسفااار طلعات معاه الحرارة ..دمو بدا كيغلي غمض عينيه من النغزة لوجع لي فراسو..كيسمع ويعاود فصوتها..
عند عبلة
جلسات على جنب الناموسية مبتاسمة احساس زوين كتحس بيه من مور داك القبلة داتها سخنات عليها ..تنهدات كتحيد التوتر
شافتو داخل تبسمات ولكن دغيا ختافات ابتسامتها من شكلو نطقات بخوف:هارون مالك
خدا الطليفون وطلق الاوديو وعينيه فعينيها كي لقرطاس عروق حبينو بانو
بلعات ريقها وهي كتسمع صوتها وكلامها قلبها بغة يوقف..
وقفات مصدومة تلفات بدات غي كتفتف:هارون..انا غي نشرح ليك انا
كيقرب ليها وكل شوية كيعاود لاوديو:شغا تشرحي ليا يا بنت القحـ بة..
وقفات مصدومة تلفات بدات غي كتفتف:هارون..انا غي نشرح ليك انا
كيقرب ليها وكل شوية كيعاود لاوديو:شغا تشرحي ليا يا بنت القحـ بة..
خرجات فيه عينيها من كلامو وطريقة نطق الحروف مغزف عرفات انه فعلا كبتاتها ركبها الرعب والفشلة وهي كتشوف حالتو هكا رجعات اللور ملي بدا كيقرب ليها وهو مازال كيعاود ليها فداك الاوديو وعينيه فيها نضرات كلهم شر …هارون كيشوفها غا هي قدامو وماحدو كيسمع لصوتها فلاوديو وميات فكرة وفكرة كتجي لراسو …وكل فكرة كتشعل فيه لعافية ملداخل وقف ملي كان قرب يوصل ليها من لحريق لي فراسو غمض عينيه ونزل راسو وحهز يديه كيماصي فجبينو كيسمع التصفار…هاهو بدا يوصل للدرجة التانية…عض على سنانوو من الوجع..وهي كتشوف فيه بشوفات خايفين جسمها كلو كيرجف كتدوي وتقول غير سمعني…هارون مالك…
هو ماكايسمع والو من غير التصفااار..
حتى كيهز راسو فيها عينيه بداو كيتخططو بعروق حورمر …
تمتم بفحيح:شكوون نتي يا بنت القحـ بة شكووون..شنو مازال مخبية .دوييي
قفزات راجعة باللور تا وصلات للناموسية وهو رجع كيقرب ليها نطقات:تهدن عفاك ماتعصبش خليني غير نشرح ليك انا
قرب كتر بغات تزيد تبعد وهي الطيح فوق الناموسي على ضهرها..بالخلعة ناضت بالزربة واقفة فوق النموسية طايرة ونطقات:هارون والله…
شهقات فاش طلع تاهو فوق الناموسية جاي ليها نيشان بغات تهرب وهو يجرها من الشعر لي على كتافها تا زدحها مع صدروو توجعات كتشوف فعينيه:رخيي مني..خاص تسمعلي وتعرف علاش درت هكاك…
قرب تا لوجها داك الوجع مديرونجيه كيزيد يعصبوو وزادت كملات هي بكلامها كتزيد تأكد ليه انه هيي كان بغاها تكدب داكشي وتقول ماشي انا وقع غلاط هاهي بفمها كتعتارف زير على شعرها ايقسمو على جوج من حر الشدة وهي شادة يديه نطق مغزف حرارة انفاسو سخونة:شنو قلت..من ناش حدرتك داك المرة…قلت الغدر والتخلويد والكدوب واللعب مور الضهر من اكرهلحوايج عندي..ها جيتك نيشان باش تصفي معايا…جيتيني فاكتر حوايج كنكرهم ..لي كنشم ريحتهم من لبعيد وكنعرفهم…
عببلة هزات راسها فيه ونطقات كترجاه بعينيها:ماغدرتكش انا غير…
وسكتات ملي زدحها مع الحيط ولصق معاهاا شادها من عنقها قبل مايبدا يخنقها:ماعند المك تا عدر ..هضرييي اش جابك لتماااك
لسناها تبلوكة وهي كتشوفو هكااا
كمل كلامو ميل راسو فيها:ماخلصوكش ونتي تبلغي بيهم ياك ابنت القـ حبة ..حـ واك وخلاك ولا شمن بلان هدا
هزات راسها بلا بالزربة وبدات كتهضر:لا لا ماشي هكا مايمكنش نكوون هكاااك تيق بيا الله يخليك انا ماشي هكا
نزلو دموعها كتفكر رضوان مـ ات بسبابها:ماكنتش قاصدة نأديه لدرجة يقتـ لوه ماحسابليش رضوان ايـ موت كنت بغيت…
زير على عنقهاا تا شهقات وبدات كضرب فيديه لعبات على الدماغ كتر وزادت ليصانس فعاف وهي كتنطق سمية رضوان هكاك كتبسط الامو بكلامهااا…ماعرفاش الموصيبة لي دارت ولاياش وصلات واسها والدنيا لي نقلبات..وشحال غلطات معاه هو بعدة ….كيفاش باغاه ينويها فيها زوينة كيفاش باغاه يتيق فييهاا.وكاع لبوليس لي معاه كيقولو انه هدي لي كيقلبو عليها غير عاهرة وبينها وبين رضوان شي حساب .وابلر الهضرة دلبوليس ودالناس لي قادر يمحيهم..هدا كيتسما لغدر كيف ما بغا يكون هاد السبب راه كيتسما غدر ولعب مور الضهر
مابقاش كيقشع ولا كيشوفها غا هيي ويورك على عنقها تا خرجو عنيهااا وبدا وجها يزرااق راسو غينفاجر وهو يلاه فالدرجة التانية عروقو كيزيدو يتزدكوو وهو كيشوف فيها كتمـ وت …حتس براسو باقي يقتـ لها..تعزو رجليها من فوق الناموسية ويدات كتلعب بيهم من حر الخنقة لي خانقهااا….كتشوف فعينيه بحال شي قباض الروااح…
حتى كيلوحها من فوق الناموسية للارض ملي كوانساع داك لحريق..زادت مزدوحة فلارض تا تفدعات من يديها وشكون تسوق ليديها بدات كتخاول تتنفس وضرب فلارض مازال ريتها ماوصلها الاوكسيجين كتشوف غا الصبابة وانفد الوعي…طايحة فالارض
اما هو مورك على راسوو وعينيه كيتقلبووو ماكايبقة يسمع والو داتو كلها متسنجة..دماغو كيقولو قتـ لها وتهنا باش تتعدم وباش يزول لحريق…قتـ لها قبل ماتول للدرجة التالة من لحريق وتصدق حارق هاد الاوطيل كامل…
دماغو كيقولو حاجة وحدة:قتـ لها…قتـ لها…قتـ لها..
تلاتة دقايق وهو وسط هاد الصراع تا هز راسو فالسماا وغوت::غنقـ تتتتتتتلك….غنقتـ للللك
بدات كتهز راسها بلا كان يلاه بدا يستاقر عندها التنفس..بدات كتحبو هاربو منو رجليها فشلو باش توقف…شكلو وحالتو هكا ركبو فيها ولكد الرعب بحال شي كابوس..
نرل من داك الناموسية عضلاتو زادو تسنجو وتنفخوشرطين بلعروق..كيشوف فيها غا هاي..ماعرفاتش كي دار وصل ليها هزها من شعرها قبل تدوي حسات بواحد لكف دوخهاا…ولا باغي يقبض روحهاا…
واحد البيت تماك لاحها فيه جات طايحة وزدح عليها لباب عارف راسو ايقتـ لها لابقات قدامو
هي بلخلعة ناضت بلجات عليها لباب كتسمع صوت التخرشيشي التكات لى الحيط شادة ودنيها وكنبكي بصوت مرتافع …حلات عينيها كتشوف الضباب الضربة لي عطاها والزدحة وزيد داك الخنقة اترو عليها حسات بقواها كيتلاشاو تمتمات باسمو:هارون
وجات مزدوحة فلارض على راسها وفقدات الوعي..
اما هو كان لبس عليه وخرج من الجناح لازاد تانية ايردها جثة حالتو ماشي ديال يتهدن ولا يتحاور ولا ولا يسب ولا يستفسر خالتو ديال يطيح الروح.كون جاتو فأيامو لقدام قبل الحادثة كون تعامل معاها تعامل اخور.وصاهم فريسيبشن تاواحد مايطلع عندها ووصا رجالو مايخليوهاش تعتب باب لاوطيل وركب فالطموبيل وزاد…زاد فالسرعة تا لتالي كيضوبل فالطموبيلات..مخدم واحد الموسيقى ديال واحد الاغنية روسية عنوانها(poliushko poli) بدون كلمات فقط الموسيقى…جهد ليها تا لتاااي انفامها منتسبين الضحيج لي كيضور فراسو مورك على الدريكسون وكيشوف فااطريق كيدوز كي لعجاجة…باغي يبرد داكشي لي فراسو….
فجيهة خرا..
يلاه دخل من واحد المهمة داز النهار طويل..حيد التيشيرت لكحل لي لابس تا بان صدرو لعريض والوشام لي داير دور يديه على راسو بتعب..دخل طل عليه لقاه ناعس فوق لكرسي دلمكتب ولبيسي قدامو تبسم وقرب ليه :مروان اجي لبلاصتك
شاف فيه:جيتي؟مروان من لبارح وهو خدام تا لقة الصوت لاصلي مروان واعر هارون ايعجبو لحال
كريم هز راسو باه:مروان واعر
عونو نوضو لبلاصتو غطاه ومروان كمل نعاسو من لبارح مانعسش كاع ملي وصاه هارون على داك المهمة بقة فايق تا لدابة ملي لقة الصوت لاصلي..
كريم خرج دوش ولبس شورط وتما وحبد الطايفون من لكجر شعلو خاص بيها غا هي شهور ماشعلو شهول ماسمع صوتها ولا شافها ..غي تشعل يداو يوصلو الميساجلت يزاف..دخل كيقراهم واحد بواحد كتسول عليه وتسولو فوقاش ايرجع وتعاتبو انه مشا وخلاها وانه عيات وتولي تقولو توحشتك .ديما نفس لكلام لي ماكايملش منو.كانت مصيفطة ليه تصاورها وكتقولو صيفطلي نشوفك تانت عمرو صيفط لها تصويرتو..كيزومي على صورتها كبرات ولات فتانة زينها يهبل مابقات بنت تسع سنين كيف خلاها
قرا ميساج تماك :توحشت بابا بغيت نمشي نشوفو فالحبس عمري زرتو مسكين بقتلو غير انا..حرمتيني منك ماتخركنيش حتى من بابا
تنهد راجع بداكرتو اللور
#فلاش_باك
خرجو من مكتب لعدول برى:بنتي سيري نتي وياه للدار انا دابة نلحق عليكم
هزات راسها بلا وشدات فيديه ودغية نزلو دموعها:لا انمشي معاك
تحنا لعندها:سمعيني..
هزات راسها بلا ماباغاش تسمع ليه وعنقاتو:لاااا لا مشيتي ما اترجعش انا عارفة
عنقها تاهو وخلا دموعو ينزلوو وغمض عنييه مزير عليها يشبع منهااا...كيبكييي وهي بين يديه كتبكيي حاسة بيه لا مشا ما اتوليش تشوفوو
نطق بصوت باكي:كريم ايتهلا فيك بين ما رجعت قلت لك خاص تعلمي تعيشي بلا بيا
خشات راسها فصدرو: مانقدش بغيتك نت لي تبقة معايا..كيمو ماحملتوش ماعجبنيش ماكايضحكش وماغا يتهلاش فيا بحالك
تبسم وسط دموعو:غيتهلا فيك وايضحك لك
هزات راسها:لا مابغيتوش
جرها كتر وعنقها كيبكيي مالقى ليها جهد عام وهوما هاربين لبوليس كيقلبو ولمـ افيا كيقلبو..لبوليس لقاوهم ..خاص يدخل للحبس ويهني كلشي
كان كيشوف فيهم وساكت
براهيم بعدها عليه ودار اشارة لكريم يجي يديها.. شد فيها كريم وهي تنتر منو حكمها مزيان وهي كتغوت ..شاف لفاركونيط جات
براهيم:سمحيلي ابنتي ماشي لخاطري..
وعطاها بالضهر وهي كتغوت وتعيط ليه:باباا عفاك ديني معاك
غادي ماقادرش يشوف من موراه كيبكي فالطريق وكلشي كيشوف فيه كيفاش راجل كيبكيي بهاد الحرقة...تا قرب ليهم وهو يسمع طموبيل فرانات بالجهد وشي صوت من بعيد كيغوت:عنداااااااك
هز راسو مع الهزة شهق من حر الوجع تيرااو فيه طاح على ركابيه زادوه قرطاسة تانية وتالتة تاخرج من فمو الدم نزلات دمعة حارة من عنيه مابغاش بنتو تشوفو هكا تمنى بنتوو ماتشوفوش هكااا...
فالجيهة لوخرا قبل لحضات شافهم وقفو حداه ونزل واحد فيديه السلاااح...غطا ليها وجها معنقها باش ماتشوف والو وغوت:عندااك
ولكن صوتو مافاد فوالوو تيراو فبراهيم وقتلووه..ماقدرش يعتقو
شاف لبوليس والجقلة تجمعات..وداك الطموبيل هربات ..سمعهم من لبعيد كيقولو مـ ات..قوص حواجبو وزاد زير عليها وهي كتنخصص بين يديه..جرها معاه وففمها غير بابا ..غادي بيها مصدوم صافي مات وخلى ليه امانة خاص يحافض عليها..مايقدش يقولها باك مـ ات..تنهد وشافها مازال كتبكي وهو شادها من يديها تا وصلو للدار اي كانو فيها..كيفما وصاه يهز لحوايج ديالها ومايبقاوش تماك..لقة واحد لبرية خلا ليه فيها شي فلوس هي لي كانت بقات عند براهيم 500درهم..
هدى بصوت باكي:ديني عندو نبقة مابغيتش نبقة معاك
قرب لها وتحنى لعندها:من ليوم غير انا لي كاين فحياتك
وسكت شحال عاد نطق:تا يرجع بباك
هزات راسها بلا كتبكي..وهز شاكوش حوايجها وخرجو من داك الدار...خدا تاكسي نيشان داها لدار ديالو...حل طاكسي شاف فيها لقاها ناعسة ودموع مازال نازلين من عينيها مازال كتشهق مرة مرة..نزل عنيه ليديداتها مازال مكمشة فيديها داك عشرين درهم تنهد بغة يهزها وهي تفيق داك الساع:جا بابا
هز راسو بلا:نزلي وصلنا
نزلها ومشات تاكسي شد لها فيديها وليد لوخرا فيها ساكها ..وتمو داخلين للدار ديالو لي ورت من المو فين اعيشو بجوج مع خالو ومرات خالو..
فاق من دكرياتو لمرار..شاف فصورتها وتمتم:كيفاش نقولك انه الباك مـ ات فنفس النهار لي تزوجنا بيه..كيفاش نقولك انه مايمكليش نحي عندك ولا نحيبك عندي..كيفاش نقولك انه حياتي ولات صعيبة..
نهار جديد..
من لبارح وهي فاقدة الوعي فداك البيت ماطل عليها حد ماسول فيها حد..الزدحة لي تزدحات كانت قوية..مرة مرة كتحل عينيها وترجع تغمضهم..
اما فجيهة خرا..
كان وسط واحد الروينة صبحو عليها ..هجوم تاني على مقر دالشرطة فجيهة خرا..الدنيا مقلوبة تاني ..على موت شخص واحد كينتقمو من كاع الشرطة فداو فيهم لقديم والجديد ومازال الائحة طويلة..
خرج من داك المقر والمساعد ديالو فجنبو:خليهم يكملو خدمتهم و اي حاجة جديدة علمني بيها..عندي اجتماع دابة
المساعد غير كيهز راسو باحترام حيت ملي بداو التحقيق والبحت فهاد الهجوم التاني وهو شاعل ماكايقبل تا غلاط..كاع ليكيب حانين الراس وكيحاولو يديرو خدمتهم بلا تا غلاط ويسمعو للاوامر ديالو
ركب فالطموبيل كيدوز يديه على راسو شرب جرج حبات من دواه كان قدامو وديمارا الطموبيل من بعد ما دوز ليلة مانعس تا لصباح ونيشان بدا نهارو فالتحقيق فهاد الروينة..
رونات ليه كلشي ماشي هكا كان حاسبها ماكانتش كتبان هكا لاول مرة كيغلط فالحساب وكيخرج فحساب اخور..عبلة دابة ولات الهدف لاساسي ديال البوليس وديال هاد المافيا ولا منضمة ارهـ ابية مازال ماصنفوها..وهو لي مكلف بهاد القضية..وشكون هي عبلة مراتو..هاهو لقاها خاص يخضعها للتحقيق مع ليكيب ديالو ويتفتح ضوصي باسمها وخاص الصحافة تعرف وزيد وزيد..ولا خضعات للتحقيق المـ فايا ايسيقو لخبار ولقضية اتكبر..حيت خطة لبوليس انهم يديرو تفاوض مع هاد المـ افيا بيها هي باش يستدرجوهم..مجرد التفكير فهاد المعماعة راسو كيضرو..ماكانش باغي زواجو يكون هكا..هو صعيب التعامل معاه كان باغي وحدة لي مايلقاش معاها المشكل لا تخلويض لا كدوب لا غدر..يرتاح معاها..ماتعصبوش..باش ما يأديها ما يضلمها..ماكانش باغي مراتو المستقبلية تعاني معاه ولا يوريها وجهو التاني ولا يقسى عليها داكشي علاش كان باغي يختارها مسالمة وخاطيها اي حاجة ماباغيهاش هكا ايعيش معاها مزيان ويعيشها تاهي مزيان..عبلة كان كيشوف فيها هاد المواصفات جاتو على الكانة بشخصيتها بكانتها عجباتو وعجباتو بزاف..باش فتالي يخرج منها هدشي فاول ليلة ليهم يكتاشف فداكشي فأول ليلة من زواجهم يمد عليها يديه ويعرف انه لعباتها من موراه وكدبات عليه ومتلات عليه وغدراتو..فعلتها ماعندها تا سبب واخة تقول لي تقول..مابغاش يمشي يشوفها حيت عارف ايولي يفقد اعصابو باغي يفكر مزيان اش ايدير معاها..
مشا للجتماع كيركز معاهم وكل شوية يقولو انه خاص يلقاو البنت ضاروري قبل من المـ افيا..سلاو الاجتماع..وناض خرج على صوت طليفونو كانت عائشة قطع مافيه لي يدوي معاها..مسح على راسو وشعلو كيقاد لمزاج عاد ديمارا بالهداوة..ميات فكرة فراسو..تا وصل لقدام لوطيل طفا لكارو التاني ونزل لقا الرجال ديالو مزال تماك عطاوه التحية من لبعيد دخل..طلع لفوق ودخل للجناح دوز لاكارط ودخل وسد لباب ..دور عينيه مازال كلشي كيف هو..ماكاينش اترها قوصح حواجبو كيتمشا بهدوء..وسط داك الروينة نيشان للبيت بغة يحلو لقاه مبلج دفع وعاود لا رد..جبد السلاح من مور ضهرو وتيرا فلبلاجة دلباب تا تفرعات..ورجع السلاح ودخل..ماعندوش الصبر يعيط لهم يجيبو الضوبل دسوارت
هي قفزات من صوت الرصاص وحلات عينيها بالشوية وشافت فيه بتعب..نزل راسو كيشوف فيها بجمود وقرب تحنا لعندها تحت راسها كيسيل بالدم وباينة ديخانة..قدر يعرف انه مافيهاش شي حاجة خطيرة..هي رجعات غيبات وهو هزها بين يديا ودخلها للحمام حطها فلبانيو وطلق الرشاش تا شهقات باغة تنوض وخانتها قوتها..وهو غير واقف كيشوف فيها ..
شافت فيه كتسترجع داكشي لي وقع لبارح نطقات بتعب:بغيت نمشي بحالي
طفا داك لما بلا تا كلمة وهزها تاني بين يديه وهي كتنطق:نزلني ديني لدارنا
حطها فوق الناموسية ولاح عليها فوطة خداتها ساترة بيها راسها من داك السوميج لي كانت فرحانة بيها لبارح راسها كيضرها بزاف نزلو دموعها ومسحاتهم دغية ورجعات شافت فيه:انا مادرت والو ماخنتكش وماغدرتكش اه خبيت عليك ولكن نيتي ماكانتش خايبة بغيت نعاون صاحبتي هداك رضوان عندو عليها تصاور خايبين وهددها انه اينشرهم وايخلي تا ولدها يشوفهم ولدها باقي صغير مسكين ايتعقد فلمدراسة وايكره المو..بغاها تبقة تجي عندو بااسيف ..وانا مشيت بغيت ناخد داك لكلي فيها التصاور ولفيديوات ديالها بلغت بيه باش غير يتعاقب
غمضات عنيها بحرقة:ماشي باش يقتـ لوه.والله ماكانت نيتي يقتـ لون.مابغيتش ندخلك فهدشي وحنا يلاه انتزوجو
هارون كيشوف فيها بجمود..
بلعات ريقها وشافت فيه:انا ما انقدش على هدشي ديالك طلقني عفاك وكل واحد يشد طريقو تلقة شي بنت الناس كيما بغيتيها انا لبارح كنت انـ موت هدشي مانقدش نولي نعيشو..طلقني
بقة كيشوف فيها يواحد البرود قاتل تا دخلها الشك واش هو نفس ااشخص ديال لبارح هدا لي قدامها هو هارون لي عرفات نهار اللول..كتسناه شغا يقول شافتو ماجاوبش
ناضت:انلبس عليا ونمشي بحالي بلا ماتعدب. راسك انمشي فتاكسي..تا تصيفطلي ورقتي دطلاق
شهقات فاش دفعها تا جات جالسة فوق الناموسية…
كتسناه شغا يقول شافتو ماجاوبش
ناضت:انلبس عليا ونمشي بحالي بلا ماتعدب. راسك انمشي فتاكسي..تا تصيفطلي ورقتي دطلاق
شهقات فاش دفعها تا جات جالسة فوق الناموسية…
قبل تدوي رجعت براسها اللور ملي تحنا لعندها مقابل مع وجها فلحضة جا فبالها ايجمع معاها بلعات ريقها كتشوف فعينيه كتحاول تقرا عينيه وتعرف علاياش ناوي ماشافت والو ..واحد البرود فشكل بعينيه:غالطة فيا بزاف
شعرها كان نازال على وجها هز يديه يبعدو وهي تشهق منزلة راسها حساب ليها ايضربها..ماتحرك فيه والو من غير هز راسها باش تشوف فعينيه بغات تعاود تنزل راسها ..وهو يفيكسيه مزيان شادها من قرفادتها:ملي وقعتي معايا داك العقد سنيتي على شلا حوايج..الطلاق ماكاينش..
بغات تدوي وهو يورك على قرفادتها تا توجعات ونطق:شششش خليني مهدن
بقات غير كتشوف فيه شافتو هارون ديال اول مرة تلاقاتو لي واخة كان بارد كانت كتحس بلامان من جيهتو..وهارون دلبارح لي كي لوحش لي كان ايقتلها..وهاد هارون ديال دابة بهاد البرود لقاتـ ل بحال شي قنبلة موقوتة هاد الجمود والهدوء ديالو كيديرو واحد الخوف من نوع اخور..متبقاتش عارفاه شكون هو فيهم..
طلع يديه التانية كيدوز اطراف صبعانو على خدودها مرورا بشفايفها وكيدوي بهمس:مشيتي تعاوني صاحبتك ولا اي حاجة..هدشي كامل انا مكايدخليش للراس..لي كنعرف انه قبل زواجنا حطيت لك كلشي اطابل هاشنو كاين وهاشنو ماكانبغيش..قلت لك شدي معايا الطريق..واش قابلة؟ قلتي قابلة..دخل ناصر فالخط واخة ماكنتش حاضر عرفتو علاش بغاك الراس فالراس..تاهو قالك اش كاين ونتي وافقتي ؟زطمتي على كلشي ودرتي لي فراسك..كنتي فبلاصة مشبوهة ماعرفتش شنو وقع تماك وشنو مخبية كتر..لي عارف انه غدرتيني ولعبتي من مور ضهري
بلعات ريقها طريقة كلامو والتعابير دوجهو والهمس ديالو معيشنها فكابوس حاسة براسها فاي لحضة ايخنقها ويكمل على ما بدا..من كلامو تفكرات فاش كانت مع رضوان وداك المصاج وكيفاش جبد لمعلم قدامها قلبها بغة يوقف لا يعرف هدشي هزات راسها بلا بلا ماتحس
اما هو رجع نطق كيتأمل فوجها تقول كيحماق عليها وماساخيش بالشوفة فيها ولا غيرسمها:ماكاينش الطلاق ماشي حبا فيك لا .حيت هكا ماكاينش الطلاق وباغي نوريك شكون هو هارون الزعيم لي لعبتي من مور ضهرو حيت راك غالطة بزاف فيا ..كان عندك تختاري فاول مرة سولتك وسولك ناصر وكل وامد فينا فالك اش كاين بلا زواق
نطقات بنفس الهمس حاضية معاه:ماغانصلاحش لك اهارون انا ماشي النوع لي باغي ..مابغيتش مـ وتي تكون على يديك لا عصبتك مازال شي نهار ..من داكشي لي وقع ولي درتي فيا البارح مابقيتش ضامنة راسي واش انقد نحافض على هدوئك ومانعصبكش
هي كدوي وهو كيشوف فشفايفها:ماشي مشكل ..دخلتي فواحد المعماعة كبر منك..وقدما عصبتيني وماشديتيش الطريق قدما اتجيبيها فراسك وفكل مرة اتشوفي وجه جديد معايا وهاد الوجه ما ايعجبكش..ايعدبك بزاف
ماعرفش علاش تاروه شفايفها دوز صبعو عليهم تقول ايبوسها ونطق:لا كنتي ما اتعرفيش تخافضي على هدوئي انا غنعلمك ..والتعللم ديالي صعيب بزاف انخليك فكل مرة تشوفي عزرائيل وترجعي ..نهار قصدتك لزواج ماكانش فنيتي نخليك تشوفي الجهة لخايبة فيا كنت باغي نديرك فعنيا تحي فيا وماتجيش فيك..ساعة نتي بنتيلي باغة لعكس
قوصات حواجبها كيدوي بهدوء وجمود وملامح جامدين ونضرات لعوبين كون ماكانش كينطق داك لكلام القاسي تقول كيتغزل بيها..كتزيد تعرف انه طاحت فحفرة غارقة وغارقة بزا
بقات كتشوف فيه..كيتبادلو غا النضرات..
شوفاتو لي مافهمات فيهم والو نطقات:ربي شاهد عليا واش كانت نيتي خايبة فاش مشيت لتماك..رضوان ماكانعرفوش وأول مرة نشوفو هي فداك المرة..صاحبتي بقات فيا ماعندها تاحد من غيري ..ولدها باقي صغير ما ايستحملش يشوف المو…
قاطعها:قلت تا مبرر ما ايشفع لفعلتك…
سكتات ونطقات:طلقني ماقاداش على هدشي لي كتقول اه غلطت فاش وافقت نتزوج بيك ودابة ماحدنا مازال فلبدية نساليو هنا حسن
شهقات فاش جرها لعندو من عنقها:مازال ماعارفة راسك لعافية لي لحتي فيها راسك..
عبلة:غير طلقني
ميل راسو فيها بتواني:بغيتي طلاق
هزات راسها باه
دفعها جات طايحة فوق الناموسية:تهزي لبسي عليك انديك لداركم
شافت فيه بلا تا كلمة كيفاش بهاد السهولة مافهمات والو ..ناضت خاص تسايس معاه تا توصل لتماك واخة راه ماعارفاش علاياش ناوي
ناضت لاوية عليها فوطة ماباغاهش يشوفها هكاك شبه عريانة حيت مابقاتش كتشوف راسها مراتو..
دخلات للبيت غسلات وجها مزيان بدلات عليها لبسات كسوة طويلة غوز بارد سامبل جمعات شعرها سفنجة لفوق بلا تا نقطة دلمكياج..وخرجات جارة الشانطة..كتشوفو واقف ..ماقداتش تا تقول هنا واجدة فضلات الصمت على يسمع صوتها ويتعصب ويدير بناقص..
دار وشاف فيها كيطلعها ويهبطها وداز وخلاها واقفة تبعاتو جارة الشانطة ركبو فنفس المصعد ماكايشوفش لجيهتها ماعارفاش شنو متحت راسو وزيد خايفة زعمة يمشي يقولهم ها البنت لي كنقلبو عليها
عارفة لي جاي صعيب بزاف..بعدة تتفك من هاد التزويجة اما لباقي ربي يحلو ..كتشوف فيه شحال زوين ورجولة وهيبة تمنات كون ماكانوش بزاف دلحوايج كانت اتكون اسعد وحدة..
..#يتبع بغينا كولشي ادير تقييم 5 نجوم وشي تعليق زوين للتطبيق باش نكملوها❤️❤️❤️