قرب لعندها:مابغيت نسمع لتاشي كلمة عيلن ورتسي ضارني
سكتات وجراتو جلس فوق افوطوي وبدات كتماصي ليه راسو غمض عينيه وتكا اللور حتى حسات بيه الترخاا…
دقايق قالت صافي راه تهدن حتى كيحل عينيه ودفعها :صافي بعدييي
وهز السوارت وتم خارج وهي تابعاه:فين غادي
ماجاوبهاش وخرج ركب فالطموبيل داك الوجع كياكل فراسو غا بلمهل مديرونجيه ومامخلي عندو خاطر …ماباغي يشوف حد ولا يسمع حد ماعارفش فين يمشي ولا عندمن يمشي …ماعرفش علاش جات فبالو فهاد اللحضة بالضبط واش يمكن يلقة عندها داكشي لي مالقاهش عند لوخرين واش يمكن تفهمو وتفهم حالتو يلقة راحتو معاها …خدم موسيقى هادئة وغير كيسوك
فجيهة اوخرا
هبطات من داك السطاح كتاكل فجنابها كتغلي كيفاش ماعيطش ليها خلاها منشورة فالسطاح وعائشة كتقولها غير صبري راه ايعيط غير مع الخدمة واخة يكون كيجاهـ د راه يلقة الوقت ويعيط غا خمسة دقايق من وقتو كافياها
تمتمات :شكون بغيتي تكون كاااع فملك الله
كانو الدار ناعسين وطافين الضوار دخلات للبيت ديالها هي وختها حتى كتسمع صوت مها بهمس بقة بالها معاها:ها شنو عيط؟هضرتو
قربات ليها:ماعيطش خلاني منشورة شنو حاسب فراسو من اللول مارتاحيتش ليهم ..غدا يصبح ويفتح
حياة:ابنتيي يهديك الله اتكون غير الخدمة
تحشات فبلاصتها معصبة:صافي امي خلنيي نعس
حياة خرجات كتنهد
عيلة تقليات فبلاصتها تا شبعات فتالي نعسات
نهار جديد..
كان كيشرب قهوتو حدا لبحر غير بوحدو كيستمتع بداك الريح..صبح مكالمي على لبارح هضر مع عائشة لي دارت فضيحة انه حاشمها مع عبلة وانه اتخرج من سوقو..فتالي قطع عارف اش جا ما سكتها..
فجيهك خرا
فطرات هي وصاحبتها لي جات على بونبير تعرف اش وقع وشنو دارت عاودات لها عبلة كلشي
صاحبتها هند:وهادي غريبة باغي يتزوج بلا مايشوف مايهضر
عبلة:تانا متبعة ري المي اما نقلهم لبارح ماباغاش
حياة:ايهديك الله مابايناش فيهم كيكدبو وكيتفلاو
تنهدات:ماسوقيش انصيفط ليه دابة ميساج نقولو سير شوف شي وحدة من غيري
دخلات للبيت وهند وحياة تابعينها يشدوها وهي كتكتب فلميساج
هند:اويليي راه الزعيم هادو صبري شوية اصاحبتييي واش حماقيتيي
حياة:لعااار ابنتي ماغازيدي صبري غا نهار
عبلة:ما انصبر تا تانية
وكتبات ليه ميساج:شوف اخاي الزعيم ولا شكون ما بغيتي تكون انا ماباغاش نتزوج سير شوف شي وحدة من غيري تزوج بيها وخليها كتسنة باش تسمع صوتك لي اصلا انا ماباغاش نسمعو تهلا
حياة:ايوا شغا نقولك نتي وجهك وجه شي واحد يقتل مك بالجوع
هند:اري نمسحو قبل يشوفو
عبلة:والله لا تمسح
وبداو كيتجارو على الطليفون..
فجيهة لوخرا وصلو الميساج قراه وميل راسو لتواني رجع قراه شعل كارو يرد لمزاج وهي فبالو…ساط الدخان ودوز نمرتها
كانت مازال كتخاطف هي وياها على الطليفون حتى كيصوني
عبلة غير شافت اسم هارون قلبها مشا وجها وشداتها السخفة:ناري ايكون قرا لميساج
هند شهقات تاهي:الله ياربي غير سميتو كدير الهيبة
حياة كضرب ففخادها:الله ياربيييي فلتات الزعييم الله ياربي الراجل مشا من بين يدينا
عبلة شدتها الخلعة والرجفة وهو كيصوني رمات الطليفون لهند:هاكي جاوبي
هند رماتو لها :لا جاوبيي نتييي
خدات طليفون بيدين كيرجفو وجاوبات :الو
نطق اسمها ديريكت:عبلة
صوتو زعزعها خصوصا ملي نطق اسمها طاح بها الطليفون من يديها تقول حداها
خدات طليفون بيدين كيرجفو وجاوبات :الو
نطق اسمها ديريكت:عبلة
صوتو زعزعها خصوصا ملي نطق اسمها طاح لها الطليفون من يديها تقول حداها
ههد دغية تحنات هداتو ومداتو ليها خداتو
عبلة :وي كنسمعك سمحلي طاح ليا الطليفون من يدي
هارون طلع ركب فالطموبيل ملي صوت لمواج دليحر ديرونجاه ..وقع الصمت وعبلة كتسناه شغا يقول لدرجة فلحضة جا فبالها راه قطع طلات على الطليفون لابل مازال دايزة
اما هو كان كيطلع زاج الطموبيل وكيجبد كارو اخر ورجع نطق:هنا كنسمع عاودي داكشي لي كان فلميساج
بلعات ريقها وهند وحياة جلسو حداها باغين يتصنتو وهي كدفع فيهم ..وترها بكبامو خصوصا عندو واكد البحة فصوتو كلها رجولة رجعات نطقات من بعد ما استرجعتت شوية من قوتها ودوات بصوت فيه شوية دالعتاب:ماشي عيب تخلي شي وحدة كتسنا لابل ديالك ؟
مسح على راسو تاهص صوتها زوين خصوصا ملي امس فيه داك البحة وجع رتسو اللول مازال باغي يسمعها كتهضر:عارفاني فاش خدام؟
عبلة :فلبوليس
هارون:خدمتنا ماكاتسالاش
سكت لتواني كينتر من سيجار لي بين صباعو وساط الدخان وهو كيكمل:خاص شوية دالصبر
فهمات قصدو انه خاص تكون صبارة معاه حيت هدي طبيعة خدمتو
ديرونجاتها هند وحياة لي باغين يتصنتو صحة خرجات من لبيت وهوما تابعينها كيتجاراو ودخلات للبيت لاخور وبلجات بالساروت ونطقات:ما اتلقاش معايا مشكل فهاد النقطة ولكن لواحد يلقة وقيت يخلي ميساج راني مامساليش اولا؟
تقاد فالجلسة عرف هاد الموضوع ايطوال :ماعنديش مع الهضرة فالطليفون…غدا نتشاوفو
قلبها مشا وجا من فكرة اتلاقاه تلف لها لكلام ولفاراشات بداو يلعبو فكرشها عضات على شفايفها:معاياش
بتفكير :الخمسة دلعشية؟
عبلة:صافي واخة
ديمارا الطموبيل:يلاه نخليك
عبلة:بسلامة
وقطعات وتلاحت فوق الناموسية:اناريي على صووت ناري على تقالة ناري على رجولة
بدات كتفركل فوق الناموسية
وجمعات الوقفة وخرجات لعندهم جالسين على نار
حياة:ها شنو قال
هند:هضري دغية
حياة:ماتقوليليش فركتو كلشي راني نسخف ليك
عبلة جلسات فوق الصداري ودارت رجل فوق رجل بنخوة ونطقات:قالي نتشاوفو غدا مع الخمسة
هند غوتات بالفرحة وحياة بدات كتزغرت..اما غيثة قبحات وجها كانت يلاه جات من المدرسة
حياة:يو يو يو يو ماغانرتاح تا ضربو لاكط
غيثة:اغا تهناو راه غير يشوفها ايدير بناقص واش ولد الزعيم ايدي وحدة مصدية بحالها
شافت فمها:علاش ماولدتينيش انا اللولة كو راه جا خطبني انا شوفي لبيوضة والزين واخة فعمري حداش لعام
عبلة:ماغانديش عليك المسلوتة حيت راشقة ليا
هند:شوفي خاص تكوني بومبة خاص ضربي شي حطة مادايراش
ناضت كتشوف فلمراية:المسلوتة عندها الحق شوفي كي وليت كنبان مصدية مع الشمس ناري خاصني شي سوان …شوفي انمشيو للمول نشريو شي بياسات زوينين صافي اوف انخسر فلوسي ونجلس
هند:ماشي مشكل الزعيم من بعد يخلص
حياة:ايوا كون خليتيني نقولها لباك ولخوك كون عطاوك باش تشري كاع داكشي لي باغة وبالضوبل
عبلة:لا امي تانشوفو ونتفاهم معاه علاش اندخلوهم فشي حاجة مازال مامأكدين منها
حياة:هدشي كامل ومازال ما مأكدة
تفكرات صوتو وكلامو التقيل ولقليل:احححح اقلبي
حياة:نتي فعار الله مالك
عبلة:والو أميي انعيط لهم فالخدمة نقولهم راني مشغولة اناخد روبو هاد اليوماين
مشات كدوي معاهم فالخدمة وهي راشقة ليها
وحياة كتدعي كلشي يكمل بالخير …
فجيهة خرا وصل للخدمة قبل يدخل صونا الطليفون كانت جوهرة جاوبها:خويا لاباس
هارون:بيخير مالك
جوهرة:راني فالمغرب
شاف فالساعة:نصيفط الشيفور موراك؟
جوهرة:لا بلاش ماجيتش بوحدي
هارون:نتي ومن
بلعات ريقها ونطقات:تزوجت
مسح على راسو ودوز تا على وجهو:عوتاني اجوهرة علاياش كتقلبي
جوهرة:عفاك اخويا ماتحتسبنيش على شي حاجة كنلقة فيها راحتي راه قلبي مازال كيتحرق
بغة يدوي وهي تقاطعو:اللهم هكا ولا ندير شي فضيحة فراسي راني تطعنت طعنة خايبة خسرت فيها ولدي كبدتي وخسرت فيها قلبي لي كان صافي ..الحمد لله ملي ماحماقيتش
نطق:فينكم دابة
جوهرة:فأوطيل(…)..
هارون:جوهرة حسابي انا وياك كبير
جوهرة :ماتغضبش عليا عفاك
قطع عليها ودخل للخدمة وهو كيصوني لشي وااحد:خود جوج درجال لاوطيل(..) كاينة تماك ختي وصي الاستقبال عليها وردو لبال
قطع خصرات ليه المورال …
نهار جديد…
فاقت بكري مشات للصالون وقدات كلشي لفلوس لي كانت عندها يلاه كفاتها فلبسة وحدة من لمول
لبسات داكشي ووقفات حدا لمراية جمعات شعرها كوب شوفال ودارت حويلقات وقفات حدا لمراية كتشوف فراسها شحال جات زوينة خرجات عندهم..بدات هند كتصفر وحياة كتصلي على النبي وغيثة كتبرقق فعينيها عاجبها داكشي لي لابسة
حياة:جيتي كتحمقيي
هند:فنة فنة
عبلة:بصاح
هند:والله جا معاك لبيض مع نتي خمرية بنتي بحال داك لبرازيليات
تبسمات عاجبها لحال وصلها ميساج قراتو:واجدة
قلبها ضرب فلمية تبسمات:اه واجدة
وصلها ميساج:شوية ونكون حدا بابكم
شدتها السخفة:الله ياربي
بداو كينشو عليها باش ماتعرقاش ويتخسر الشعر ولماكياج..
..
كان قريب للحومة ديالها سايك بيد وكيشعل لكارو باليد لوخرا حتى كيسمع الصوت الطليفون
خلا لكارو ففمو وجاوب داك الساع سمع صوتها كانت جوهرة بصوت:خويا هارون اجي عفاك دابة
تنهد:عوتاني درتيها اجوهرة
سلا معاها وقطع وهو عاض على سنانو قلب الدورة وخفف السرعة وكتب ليها:مايمكليش نجي خرجلي شي شغال ضاروري
كانت مبتاسمة ملي شافت ميساج من عمدو ناضت هازة الساك عند بالها ايقلها هبطي حتى كتقرا الميساج مشات ابتسها وتبلوكات لتواني عاد ستوعبات رمات الساك فالارض كتحاول تتحمرفأعصابها فتالي كتبات ليه:صافي واخة
قبل ساعة…
لابسة كسوة بيضة دلعرايسات لاصقة عليها شعرها طويل تا لتحت ضهرها مارو بوكلي وخصلات على وجها والطرحة دلعروس وسط شعرها نازلة تا للارض ..مكياج هادئ بحال ملامحها الهادئين والبريئين…جمالها فتان وكتحس فيها البراءة…دخلو للجناح ديالهم فالاوطيل ويدو فيديها تبسم كيشوف فيها باعجاب وكيبوس يديها:انا فرحان
تبسمات عينيها كيبريو:وانا كتر
قرب طبع قبلة على شفايفها:جوهرة بغيت نكمل حياتي معاك مانتفارقوش واخة يوقع لي يوقع عمرك اتندمي عمري نغدرك ولا نخونك اتبقاي ديما غير نتي لي فعينيا
قرب تا لشفايفها ونطق:انا هو أخر رجل فحياتك كاع لي فاتو من الماضي ما اتشوفي مني تا حاجة خايبة
كلامو خلاها تزيد تبتاسم:ان شاء الله داكشي لي بغيت..
تبسم ليها وهو كيغمزها:دخلي بدلي عليك
هزات راسها باه وحلات الشانطة جبدات السوميج دونوي فغوز بي بي وهو كيشوف عينيه لمعو بالشهوة وهو كيتخايلها لابساها وجبدات لا تخوز دلكريمات ودخلات للحمام وسدات عليها خلاتو على نار …داك الساع دخل للحمام لاخور دوش بالخف وخرج لابس غا شورط كيتسناها..
اما هي كانت فالحمام واقفة اونفاص مع لمراية وكتشوف فراسها بهدوء وكلامو كيتردد فراسها..هدا زواجها الخامس وكلهم قالو نفس لكلام فليلتهم تبسمات بخبت..وهي كتفكر اول واحد تزوجات بيه شحال كانت كتبغيه تاهو قال نفس لكلام وتاقت بيه وبكلامو وعطاتو قلبها وبغاتو من قلبها حتى… تنهدات وحيدات الكسوة طرفات حالتها ودهنات لكريمات وهي كدندن بهمس :عمري نغدرك ولا نخونك اتبقاي غير نتي لي فعنيا
لبسات سوميج دونوي قدات عكار غوز مجهد فشفايها رشات عطرها وشافت راسها فلمراية وخرجات لعندو بلحفة..غير شافها جمع الوقفة كيطلعها وينزلها بلهفة قرب ليها جارها من خصرها :هدشي كامل ليا واش انا كنحلم ولا حقيقة
تبسمات :كلشي ديالك
قرب لشفايفها كيتبادلو فالقبل جارها للناموسية ويديه كتتحسس فجسمها من فوق السوميج تا وصلو للناموسية وهي تبعد كتشوف فعينيه:بغيت ليلتنا تكون مختالفة
كيبعد شعرها على كتافها وباس كتافها:لي بغيتيها انا معاك
رجعات اللور وحلات ساكها وجبدات لي مينوط كتلعب بيهم فيديها وهي مبتاسمة
خلاتو كيضحك:وايليي
هزات راسها باه وقربات ليه دفعاتو فوق الناموسية وليد لوخرا هازة بيها لكرفاط ديالو تقاد هو فوق الناموسية وهو كيشوف فيها بشهوة:كتزيدي تصدميني وتخليني نزيد نبغيك
علا حاجبها وطلعات فوق الناموسية وهو بين رجليها وتحنات مرجعة ليه يديه بجوج للفوق ومينطاتهم مع النموسية وجلسات فوق لمعلم نيشان لقاتو ايطرطق وقربات تا لشفايفو وباستو وغمضات ليه عينيه بالكرافاط…وهنا شوفاتها تبدلو من براءة وحب لشوفات خبث وتشيطين..نزلات من فوق الناموسية للشانطة ديالها كبدات لماطريال وهو كيدوي:فينك احبيبة راني على نار
جوهرة كتستف داكشي فواحد الطبيبة حدا الناموسية:هنا معاك
خدات المسوط بين يديها ورجعات لعندو وتحنات كتبوس فعنقو نازلة مع صدرو كرشو وهو كيتلدد بداك القبولات ويهمس باسمها:جوهرة كنحماق عليك..هدشي عجبني بزاف
تبسمات بخبث:مازال ماشفتي والو..
بعدات عليه والمسوط ديال الجلد فيديها بدات كدوزو على جسمو بشوية وجسمو تبورش :شنو هدشي
جوهرة:غير الترخة احياتي هاد الليلة عمرك تنساها
تبسم:هنا كلي ديالك ديري لي بغيتي
خلاتو ستحلا لمساتها والمسوط كيدوز على جسمو وترخا..حتى كتهز داك المسوط تا للسما وكتزل عليه بيه تا تهز من بلاصتو من لوجع وتسمع انينو الرجولي كيتوجع زادتو شحطة تانية وهو كيغوت:جوهرة شكا ديري حبسييي هدشيييي جوهرة اااااي حيديلي هدشي من يدييي حيدييي
كتزيد ضربو وكتلدد وهي كتشوفو كيتوجع وكيفاش زوقات ليه كاع جسمو بالشحطات حتى بدا كيطلبها ماقاد يدير تا حركة:جووهرة الله يخليييك صافي حبسيي برااك صافيييي الله يخلييك حبسي هدشيي
هبطات لعندو شادة دقنو بين يديها ومزيرة:سكاااااات …قلتي عمرك اتخوني ولا تغدرني القواااااد …كلكم بحال بحاال…
وفلحضة تهدنات وقربات لشفايفو وباستو:ششش قلت ليك هاد الليلة عمرك تنساها
ورجعات شحطاتو تا قفز وجلسات حداه كتلهت وهو كيطلبها ماكايشوف والوو ويديه فيهم المينوط عدااب اخووو هداا..
نزلات من فوق الناموسية وخدات واحد لاباراي خدماتها تاتسمع صوت تفنفيين زززن زن..بدا كيهز فراسو:شنو هدشي
شافت فيه:هانت اتجرب وتعرف..
قربات ليه لاباراي لودنيه وهو كيهز راسو بلا :شنو هدشيي اجوهرة شنو باغة ديري
همسات ليه:هدا ايخلي عقلك يتبلوكا وجسمك يتزعزع
وبدون سابق اندار حطاتها على صدرو تا ضربو الضو وجسمو تسنج وبدا يترعد كتشوفو فهاد الحالة وهي مبتاسمة حيداتها من صدرو وهو يشهق كيلهت وبصوت كلو رجفان:صافيي برام اجوهرة صافييي غنموووت اجوهرة شنو درت لك ..
هاد المرة حطاتها على كرشوو كتشوفو كيترعب وكتزيد تضغط…وبعدات يديها لبلاصة خرااا وهو ربي لي عالم بيه ..
شافت فالمعلم مامسوقاش للترجي ديالوو وحطاتها فوق المعلم هنا ضربو الضو كتر وكتر ..غيمووت صافييي تواني وبعداتها خلاتوو كيبكييي شداتو الدوخة ولكلام كيخرج بالسيف :صافيييي حبسي هدشي حبسيييي
حتى فقد الوعيي حطات داكشي من يديها وتكات حداه كتشوف فيه نطقات:دغيا مشيتيي خسارة كنت مازال باغة نوريك اش عندي
حيدات ليه لكرافاط على عينيه ودوزات اطراف صبعانها على وجهو كتشوف فيه ونطقات:ماكاتستحملوش هاد الوجع والعداب وفاش كتخونونا ماكايهمكمش داك الوجع لي كتزرعو لينا فقلوبنا هاا..الوجع ديال القلب فين يبان هدشي لي حسيتي بيه دابة
تكات على الكادر دالناموسية والطليفون فيديها نزلو دموعها كتبكي بحرقة مازال العافية ماطفات لي فقلبها دوزات نمرتو حتى سمعات صوتو:خويا هارون اجي عفاك
تنهد :عوتاني درتيها اجوهرة
بصوت باكي:ماقاديتش ننسى مابغاتش تبرد ليا
هارون:لبسي عليك وهبطي شوية ونكون تم..
قطعات وناضت دوشات ولبسات عليها شافت فيه فوق الناموسية وهزات ساكها وخرجات من الجناح ركبات فالمصعد كتشوف راسها فالمراية حتى تحل المصعد وخرجات شافتو كيدوي مع الريسبشن وقفات كتسناه ومعاه جوج رجال ..شاف فيها وجا عندها جرها وعنقها مد ليها سوارت الطموبيل:سيري للطموبيل
هزات راسها باه وخرجات ركبات فالطموبيل كتسناه
طلع هو وجوج درجال للفوق دخلو للجناح وجلس فوق الكرسي بهدوء كيشوفهم كيجمعو داكشي ابسون حوايجو وهزوه وخرجوه من الجناح عارفين اش ايديرو ولفو بهدشي…ركبو فالمصعد ونزلو تا لاكاب فين كاين لبارك دطوموبيلار دلاوطيل داروه فالطموبيل ومشاو …
اما هو خرج عند ختو ركب فالطموبيل وديمارا ماقالها تا كلمة…وتاهي غير ساكتة..
وصلو للاباعطومو ديالو طلع معاها للفوق شاف فيها وجها شاحب وعينيها دامعين هزات عينسها فيه وقربات وحطات راسها على صدرو:انا مريضة ياك؟مالقيت تاشي طريقة نبرد بيها على واسي من غير هدشي
حضنها كتبقة ختو الصغيرة مكانتها فقلبو كبيرة وبحدها..من نهار رجع هو وباه من بعد ست سنين ملي كان صغير وهو فريب من جوهرة كبر هو وياها راه كبر منها غير بعام وشي شهورة..
هارون:دابة نعسي ورتاحي من بعد ونهضرو
هزات راسها باه نيت مافيهت لي يديو دخلات للبيت وتلاحت فوق الناموسية ونعسات..تنهد وخرج وهوما كيعيطو ليه للخدمة مشا نيشان يشوف اش واقع…وعبلة مشات من دماغو
نهار جديد
هازة صاك دلحمام وغادة
دخلات للحمام عامر قشعات مها مجمعة مع العيالات وبراد داتاي قدامهم كيهضرو غير شافوها تبسمو كلهم وحدة من لعيالات:هاهي عمرها الطويل..مرت الزعيم جات
كلهم بقاو يضحكو ويطبلو ويزغرتو شافت فمها عارفاها ماتقدش تسكت
حياة:اجي ابنتي جلسات حدا مها:امي عارفة ماعزيزش عليا هدشي
حياة:تانتي خليهم يعرفو معامن تناسبنا
عبلة:الله يهديك أمي…هنا داخلة ندوش
حياة:سيري راه الحمام سخون شوية ونجيب ليك التبريمة والغاسول
هزات راسها باه ومشات باغة تحيد حوايجها حتى كيوقفها صوت لعيالات بلبنادر تبسمات وجلسات كتفرج فيهم ناشطين كاينة عروسة بينهم وفرحانين بيها..
ماحسات براسها تا شدوها لهوايج خدات شال وحزمات ومشات عند مها كتشطح ليها عراقت مزيان عاد حبسو وجلسات وهي كتلهت وتشوف فمها:صافي دابة عاد ندخل ندوش من هاد العرق حلال فيا التدواش
خديجة:الله يعطيك الصحة
لعيالات:اتبارك الله على مرات الزعيم كتبردي القلب فالشطيح
ضحكات ليهم
وحدة من لعيالات:اشوفي فعرسك اتجي هنا ديري حمام لعروسة نفرحو بيك ونشطحو ونغنيو
عبلة:ان شاء الله ..نوض ندوش
حيدات حوايجها ودخلات لوازمها معاها وبدات دوش..ساعتاين دلماكانة عاد سلات ولات كتشعل وجلسات حدا مها موجدة اتاي خدات كاس كتشرب اتاي تاهي وتسمع للتبركيك دلعيالات والهضرة وتشد معاهم النميمة …
كان سايك يلاه سالة الخدمة شاد الطريق للدار ..حتى كيتفكرها بغة يصوني ليها وهو يحبس…قلب الدورة للحومة فين ساكنة..منزل الزاج وغادي وسط الحومة لي داز من حداه كيتبعو بالشوفة وكلشي كيشوف فيه وفهاد الطموبيل لي داخلة عندهم للحومة تاني منين جاية…وقف حدا الدار نزل كيشوف فيها من برا ..شاف واحد البرهوش :اجي
قرب لعندو
هارون:طلع كلملي عبلة قلها هارن باغيك
الدري:واخة
طلع كيجري حتى كتهبط ختها هبطات بلحفة:السلام
هارون:السلام لاباس
غيتة:الحمد لله ونت
هز. اسو باه:كلميلي عبلة
غيثة:مشات فالحمام
هارون:شكون نتي
غيثة:انا فيتة ختها
هارون ميل. اسو بابتسامة خفيفة دوبتها
هارون:شحال باش مشات
غيثة:شي ساعتاين ونص
هارون:فين جا الحمام
غيثة:هاهو غير هنا
هارون:اجي معايا ورهلي
غيثة:واخة نلبس صنداتلي
طلعات كتجري لبسات صندالتها وهبطات اطير بالفرحة ركبات حداه لقدام دايخة وهي كتشوف فالطموبيل ملداخل وتشوف فيه تاهو كيف كيسوك جابلها الله بحال شي بطل من شي فيلم تكلديمة وتبوديرة وتخنزيرة وشوفة لقتالة كيسوك بيد وحدة…
هارون:نعتيلي فين
غيثة عاد فاقت من سهوتها:اه دور منا
تبع داكشي لي قالت تا وقفو حدا باب الحمام نيشان:نزلي قلها هنا كنتسناها
دخلات كطير للحمام كتشوفها مجمعة مع لعيالات عاقدة راسها بزيف حياتي وكضحك وتاكل فالليمون ماهياش هنا تا وقفات عليها:تهزييي دغية تهزيي عتقيييي
كلشي شاف فيها
عبلة:اويليي مالك..الزاكي بيه شي حاجة
غيثة:اشمن الزاكييي وتي الزعيييم هارون برا كيتسناك فالطموبيل وناري كيف دايرة بحاليلا راكبة فشي صاروخ عرفتي كيحمق وكا يسطييي وناري كي داير بحال داكشي دلافلام
عبلة مخرجة فيها عينيها:كيفاش هارون برى من نيتك..براكة من لكدوب انوض نسلخك
غيثة:وايرزيني فصحيحتي تا راه برى فلباب كيتسنااك قالي عيطيلها تجييي
حياة جمعات الوقفة كتقاد فشالها:اميمتي نسيبي جا عندي تا لحمااام…وا لعيالات نسيبي الزعييييم واقف فباب لحمااام
لعيالات بداو يزغرتو ويصفقو وعبلة كضرب ففخادها:أويليي على شوهتييييي اويليي حالتي حااالة اول نهار انتلاقااو يشوفني هكااا اويليي
شافت فغيثة:سيري قولو مالقيتهاش قولو ماٰ تت اويلي على شوهتي
حياة كدفع فيها:شمن مالقيتهاش تي تهزي خرجي عند الراجل
عبلة:شوفي حالتيي كيف دايرة جاية بجلابة وصندالة..لا ماكياج لا شعر مصيب
حياة:وا العيالات لي عندها شي حاجة مقادة تعطيهالها تلبسها الراجل كيتسنا
كلشي جبد جلالبو كيوريوها وهي كتقلب على شي حاجة تحمر الوجه لقات جلابتها حسن منهم كاملين شوية وتبكي:غنموت اربيي غنموت
وحدة من لبنات:هاكي هاد العكار الفاسي ديري شوية فشفايف ولخدود يطيح عليك السر
ماعندها ما دير وقفات حدا المراية قداتو …لبسات جلابتها وخدات لبلغة دوحدة من لبنات شعرها فازك ماشاد تا فورمة ماشي دلخروج تا لا طلقاتو فازك ايجي منضر خايب قدامو خارجة من لحمام هكاك..تنهدات ولاحت فوق راسها شال باهمال لقدامي دشعرها باين
حياة:سيريي
خرجات وكتبلع فريقها قلبها كيضرب فلمية ماشي هدا هو اللقاء لي بغات يكون..لبارح فاش كانت لابسة ومقادة وشعر مصيب وشرات لحوايج باش تخرج معاه ماجاش ودابة جاي عندها ديريكت للحمام شهاد الشوهة
خرجات وهي تشوف طموبيلتو بورش كحلة كتلمع وهو واقف وعاطيها بالضهر كيدوي فالطيليفون قالت مع راسها ناري شحال طويل وكتافو عراض والعضلات..زاد قلبها بغة يوقف قربات كتر ونطقات:احم السلام
غير سمع صوتها دوة:دير هدشي لي قلت تانعيط لك..
وقطع وضار شاف فيها..عينيه فعينيها ميل راسو شوية نازل بعينيه على جسمها ..جلابة ايفازي وبلغة فالرجل
غير سمع صوتها دوة:دير هدشي لي قلت تانعيط لك..
وقطع وضار شاف فيها..عينيه فعينيها ميل راسو شوية نازل بعينيه على جسمها ..جلابة ايفازي وبلغة فالرجل
رجع شاف فيها ماينكرش كان عندو لفضول يشوف شكلها كيف داير..زينها خمراوي عوينات مدورين وكبار ومرمشين..خدود منفوخين وشفايف مبومبين وبشرة خمرية مبرونزية ماشي بيضة زينها بسيط ولكن جدابة بزاف ..قرب ليها كتر كيزيد يشوف فيها ونطق بهدوء:ها حنا تلاقينا
بلا ماتحس تبسمات:ماعرفتش واش نفرح ولا نتقلق
كيشوف فيها كيفاش كدوي :علاش
عبلة:لبارح كنت لابسة ومقادة فتالي ماجيتيش ودابة
وشافت فجلابتها قوصات حواجبها بشبه ابتسامة:شوف كي دايرة عاد كتاب نتشاوفو
هارون طلعها ونزلها:أخر همي هو هدشي
حل ليها باب الطموبيل:تفضلي
تبسمات وركبات وهو كيشوف فيها وسد موراها لباب وهي كتنش على راسها ماحسابلهاش بوكوص لهاد الدراجة مامتيقاش انه هدا هو لي صيفط مو وجداه يخطبوها غير حيت شافها فالسبيطار…هو دوز شي ابل عاد ركب و ديمارا داك الساع..عبلة كتفكر كلام ختها عليه وكيفاش كانت كتوصفو وتوصف الطموبيل ..شافت فيه كيشوف فالطريق وكيسوك بيد واليد لوخرا مخرجها من الشرجم مخلي الريح يدي ويجيب فيها …مازال ماشبعات من الشوفة منو باغة تزيد تفليه
وقع الصمت ماعرفاتش اش تقول كل مرة تخطف ليه شوفة كمية الرجولة لي فيه عطاه واحد الهيبة فشكل..
هارون:فين تبغي نمشيو
عبلة:فين ما بغيتي شي بلاصة خاوية
شاف فيها فهم كلامها زعمة على قبل لباسها ورجع شاف فالطريق بلا تاشي كلمة..مسافة الطريق وكانو حدا واحد المطعم كيبان كلاس من الطموبيلات لي فلباركينغ باين لعربون كلهم مجهد بلعات ريقها كتقول مع راسها ايدخلها بهاد الحالة لتماك..
شاف فيها:يلاه
عبلة ماتقدش تعاود تقولو ماقاداش ندخل على ود لباسي نزلات ولي ليها ليها ماسوقها فحد..نزلات وتمشاو فجنب بعضياتهم تا وصلو لباب المطعم كانو خارجين شي جوج رجال واتجي هي وسطهم ..حتى كتحس بيه جرها من خصرها وقربها لعندو وخلاهم يدوزو خلاها تهز راسها وتشوف فيه ريحة بارفانو دوباتها ويذيه على خصرها فشلاتها.بهاد الحركة لي دار عرفات انه حار ومغيار على حاجتو.ودخلو للداخل ستقبلهم الجيروم :مرحبا بالسي الزعيم كون علمتينا نوجدو ليك ونخويو ليك الريسطو تبقا طرونكيل
هز راسو كيشوف فالمكان:شي بلاصة طرونكيل
وصل معاه لواحد الجليسة فتح ليها الكرسي جلسات وجلس اونفاص معاها طلبو اش بغاو مابغاتش تاكل خدات غا عصير وهو خدا مشروب غازي..بدات كتشوف مع جنابها وتشوف فالناس كيف دايرين ولعيالات ولبنات كيف لابسين..كلشي باين غالي اللباس دلفريع ولبروشينج ولباغفان والملكياج لبنات فالسن ديالها لابسين اخر ماكاين وهي كيف جاية اي بنت فبلاصتها اتحس بالاحراج..كتشوف فلبنات كيفاش كيشوفو فيه اياكلوه ويرجعو يشوفو فيها هي..
وهو كيشوف فيها شعل كارو وعينيه مازال عليها كيحقق فكل تفاصيها نضراتها حراكاتها كل حاجة فيها…تقيلة وهدشي لي عجبو فيها..ماينكرش تا شكلها وزينها عجبو ماعزيزش عليه الحاجات الاوفر .جاياه على لكانة..
جابو ليهم المشروبات
السيرفو:شي حاجة خرا اسيدي
هارون حل لميني كان فيه الجوع شاف فيها هي:تاكلي شي حاجة
هزات راسها بلا
هارون شاف فالسيرفور كيقولو اش يجيب ليه ..وهي كتشوف فيه كيفاش كيضهر شوفاتو حركاتو وكيفاش السيرفور حاني راسو ليه باحترام..كيفاش ماحكوش عليها اش تاكل عرفات انه من النوع لي لا سولك واش يغيتي شي حاجة ولا محتاجة شي حاجة وتقوليلو لا مايزيدش معاك..خاص تقوليلو اه ولا لا وماتسنايهش يحكر عليك..
جاتو ابل من الطليفون دلخدمة شاف المتصل وقطع
عبلة:جاوب تكون شي حاجة ضاروري
خشا الطليفون فجيبو:من بعد..
وقع التاني الصمت حتسة بيه كيشوف فيها وكيفليها ويسكانيه
شافها كيفاش كتشوف فواحد لبنات جالسين حداهم قرا افكارها..دار حركة بيديه للجيروم جا لعندو
الجيروم تحنا لعندو كيسمع لكلامو هز راسو باحترام:هي اللولة اسي الزعيم
ومشا كيهضر مع السيرفورا شوية تفرقو على لكليان لي تماك…شوية بداو الناس ينوضو ويخرجوو ..قوصات حواجبها ما فاهمة والو:هادو مالهم فين غادين
شافت فيه:واقلة خاص نمشيو حتى حنا
طفا لكارو: لا غير خليك
شافت انه الريسطو كلو خوا بقاو غا السيرفورا والجيروم بعاد
هارون:دابة مرتاحة؟
عبلة:كيفاش
هارون:كلشي مشا بقينا غير انا وياك
عبلة عاد سرات معاها وتفكرات فاش عيط للجيروم:نت لي قلتي لهم يخويو المطعم
هز راسو باه ورجع اللور متكي على الكرسي وكيشوف فيها بدوك الشوفات دايالو مامفهومينش:دابة نهضرو فموضوعنا
بلعات ريقها كتشوف فيه كيفاش قدر يقرا افكارها ويعرف انه ماكانتش مرتاحة وهي كتشوفهم كيفاش لابسين وهي غير بجلابة عادية وفولار فوق راسها وبلغة بستمية فرجليها..
نطق تاني:قبل نتزوجو خاص تعرفي شي حوايج
ميلات راسها فيه عرفات انه هدشي لي ايقول ضاروري وضاروري بزاف…
بلعات ريقها كتشوف فيه كيفاش قدر يقرا افكارها ويعرف انه ماكانتش مرتاحة وهي كتشوفهم كيفاش لابسين وهي غير بجلابة عادية وفولار فوق راسها وبلغة بستمية فرجليها..
نطق تاني:قبل نتزوجو خاص تعرفي شي حوايج
هزات راسها فيه عرفات انه هدشي لي ايقول ضاروري وضاروري بزاف…
هارون كيشوف فيها وفالاهتمام لي فعينيها باغة تعرف اش غا يقول..
دوة بجدية:انا لي ختاريتك تكوني مراتي وانا مقتانع ..وبغيتك تعرفي شي حوايج عليا حيت من حقك
هزات راسها باه:شنو هوما
هارون:قبل نقولك الحوايج الزوينين لي فيا خاص تعرفي عيوبي هوما اللولين..انا قبل عماين كنت فتاني مهمة ليا ..وقعات شي روينة تضربت فيها بالرصاص فراسي
خرجات عينيها كتشوف فراسو
كمل كلامو بهدوء عكس داكشي لي فلداخل ديالو فاش كيتفكر اش وقع:لقرطاسة كان صعيب تخرج من الراس لعملية كانت ناجحة2% باش تنجح ويحيدو لقرطاسة ..الاطباء قررو يخليوها وخاص ندير فكل ست شهور فحص باش يشوفو واش يقدرو يحيدوها واش الاحوال هوما هادوك
شهقات من كلامو كيفاش عايش بقرطاسة فالراس
هو مكمل كلامو :الحد الان كلشي هو هداك المشكل لي كاين انه كلما تعصبت وفورصيت على راسي كلما كنحس بواحد لحريق فالراس فين كاينة لقوطاسة..لحريق كيزيد على حساب الاعصاب..من مور داك الحادت تبدلو بزاف دلحوايج مابقيتش كيف كنت
سكت وكمل كيشوف فعينيها باغيها تفهم هاد النقطة مزيان:وليت ساهل نتعصب عكس كيف كنت مبرد..وهاد الاعصاب ماشي فصاليحي ولا ولا فصالح الناس لي دايرين بيا الوجع لي كيجي مور الاعصاب كيخلني نفقد السيطرة على راسي
قوصات حواجبها من كلامو
تكا بديه بجوج على الطبلة مقرب ليها شوية:تقدري تكوني مراتي وتعيشي معايا فدار وحدة بيت واحد فراش واحد وتشاركيني هدشي لي قلت ليك..تكوني راحتي لي كنقلب عليها..ولكالمو ملي نكون معصب وماتزيدش تكملي عليا..باش هكا ما نأديك وماتشوفيش وجهي التاني لي ماا يعجبكش.. تكوني الانسانة لي اتشوفني على حقيقتي ..
..تكوني الانسانة لي ماكاتغدرش وماكاتخونش وماكاتغفلش وماكاتخبيش حيت تاحاجة من هادو ماكادوز من قدامي بلا مانعرفها..وهادو هوما اكره صيفات كنكرهم
بقات غير كتشوف فيه لسانها التبلوكة
اما هو كمل وهاد المرة ميل راسو ودوة بطريقة خرا:ومن جيهة اتلقاي فيا الراجل لي يفديك بروحو ويحاول يوفر ليك داكشي لي باغة معايا ماعمر شي حاجة تأديك..من غير داكشي دالماديات تانتي اتلقاي معايا راحتك لا لقيتها معاك ديما اتلقايني موراك وفجنبك انشاركك عيوبك ومازاياك قابل بكلشي من غير داكشي لي قلت قبل..قابلة بهدشي؟
سكت كيشوف فيها كيف غير كتشوف فيه وكترمش بعينيها عرفها كتحاول تستوعب كلامو…
فهاد اللحضة كانو جابو ليه المالكة..حطوها فوق الطبلة كان ستيك داللحم مرافقيتو بالروز وصلاد ومشروب بارد..
خدا لموص ولفورشيط وبدا ياكل بصمت مخليها تفكر مع راسها..
عبلة كلامو كيتعاود فراسها وكتفكر وتعاود وتشوف فيها كيف كياكل بهدوء .كلامو خربق ليها الدماغ…
عبلة كلامو كيتعاود فراسها وكتفكر وتعاود وتشوف فيه كيف كياكل بهدوء .كلامو خربق ليها الدماغ…وزرع فيها شوية دالخوف..ولات مترددة شوية…تاهي مانطقات تكلمك خدامة كتفكر فكلامو …كتشوف فيه…ياك هو بوكوص كلو رجولة مهياب وغير سميتو بحدها كافية تخلي لواحد يضرب ليه الف حساب..تقيل وشخصيتو زوينة وقوية..لاباس عليه وبوكو لعاقة..ياك قالها ما ايخصها والو معاه واتلقة راحتها معاه..ويفديها بروحو ويكون ديما فجنبها وموراها..شنو بغات مازال ..شنو هي قرطاسة فالراس قدام هدشي؟ياك دواه هو مايتعصبش وهي ما اتعصبوش حالها ساهل..اتخليه يلقا راحتو معاها كيف بغة وتبعدو من الصداع والاعصاب وايعيشو هانين….
هارون كياكل بصمت تا سالا داك ستيك ديالو حط لموص ولفورشيط على جنب وهز كاس دالمشروب لغازي كيجغم منو فالعادة فاش كياكل ستيك داللحم 🥩 كياخد معاه الويسكي غير دابة اول لقاء خلا الشراب وماجاوره بعيد…شاف فيها:عبلة
شافت فيه ملي نطق اسمها تلفها صوتو بوحدو عالم اخور وكيفاش كينطق اسمها عالم اخور تاني:نعام
هارون:شنو تما؟
ستجمعات قوتها ودوات تاهي بجدية:انا بحالي بحالك انسان عادي ربي لي كنب ليك داك القرطاسة فالراس وهو لي قادر يحيدها ..علمونا ولادينا انه الزواج هو الصبر والحب والمودة بين الزوجين..وحنا ربي لي جمعنا ادن هدشي فيه الخير..انا نصبر معاك ونحاول نعاونك باش تبقة ديما مرتاح ماغانشكرش واسي ولكن كيقولو عليا اني صبارة وكنعطي لخاطر ..ونت قصدتيني نيشان للزواج وهدي احسن حاجة..وقلتي اتفديني بروحك وتكون ديما فجنبي وهدشي لي تبغيه اي بنت..انا مافياش التخليود والغدر ماكبرناش فهدشي مازال تعاشرني وتعرفني لا كتاب
ميل راسو فيها كيفاش كدوي بجدية وكلام موزون مافيهش داك التحلوين لي كيكرهو طبعا كا اي رجل يبغي داك التحلوين يكون غير ليه هو فقط..نبرة صوتها زوينة وحتى الشوفة فيها زوينة واخة مادايراش لماكياج ومالابستش شي حاجة تحمر الوجه ولكن الشوفة فيها زوينة وكتجدب..ما حدو كيشوف فيها وهي كتزيد تعجبو
كملات كلامها:انا ماغانريدش على كلامك بزاف من غير تخاف فيا الله وديرني بحال ختك..وحاجة تانية انا كنخدم والبا وخويا ديما كيقولولي جلسي وماكانبغيش واخة ماكانهلصش شي خلصة زوينة ولكن كنحس براسي كنعاون واليديا واخة مامختاجينش ليا ولفلوسي ..مابغيتش نتزوج ومايبقاش هدشي بغيت نخدم..
بقة كيشوف فيها وهي ساكتة فلحضة جا فبالها راه ساهي وماكانش كيسمع لها عضات على شفايفها مابغات تزيد تنطق يوالو حتى كيفاجئها ملي دوة:الخدمة فلكلينيك ما نبغيهاش
بغات تدوي وهو يكمل:طاهرة وعائشة عندهم بزاف دلبلانات ..عائشة غندها شركة وكتخدم غا من الدار غير لاكان شي اجتماع ضاروري.عندهم جمعيات عندهم بوتيكات دلحوايج .مراكز تجميل..يمكن لك دخلي معاهم فداكشي لي كيديرو
عبلة كدور فراسها داكشي دالشركات ولبزنس والجمعيات وزيد وزيد تفكرات طاهرة وعائشة شحال زوينات وكيبانو كلاس وشي حاجة ومهلين فراسهم ماكايبانش فيهم لكبر ماتكرهش تكون تاهي بحالهم:ولكن انا ماعندي تا ديبلوم فهاد الدومين وماكانعرف عليه والو
هارون:كلشي تعلميه مع عائشة وطاهرة
ميلات راسها باه اصلا داك لفرملية طلعات ليها فالراس كترت الزلالة وكل واحد منين باغي يدوز ليها وكيحكرو على لفرمليات بتمارة
هارون:صافي تا فقنا
رسمات على وجها ابتسامة زوينة بزاف خفيفة وعيناه تغمضو :تافقنا
بقة يشوف فيها شحال وفداك الضحيكة عاد تقاد فالجلسة ودوة:لاكط فهاد السيمانة حيت من بعد اتكون عندي الخدمة بزاف
عبلة:ماشي زربنا
هارون قوص حواجبو:علاش عندك شي حاجة؟
عبلة:لا
هارون:وشنو؟
عبلة بلعات ريقها راه فعلا ماعندها والو وكلشي باين هو قال لي عندو وهي قالت لي عندها ماتنكرش عجبها بزاف :صافي لاكط فهاد السيمانة…وفين انعيشو؟
هارون:فين تبغي
عبلة:ماعرفتش
هارون:تانشوف
هزات راسها باه ماغايحيرش فالدار راه باينة عندهم شلا ديور وفيلات..
وقع الصمت وهو غير كيشوف فيها هزات عينيها فيه شوفاتو قدما حادين قدما كيدوبو
هارون:هداك لي كان خطيبك مابقة عندك والو ليه لداخل(كيقصد قلبها)
تعجبات منين عرف انه كانت مخطوبة ورجعات تفكرات انه ضاروري ايكون سول وكدا:صافي فسخنا لخطوبة شحال هدا وكل واحد شد طريقو ماتفاهمناش
هز راسو باه بلا تا كلمة
نطقات هي:ونت ماكاينة تا وحدة فحياتك بغيت نقول واش ماكانت تا وحدة فحياتك
شاف فيها مطولا ونطق:كاينة نتي دابة
عبلة رمشات بالزربة من كلامو وتزنكات ماتوقعاتش يقول هاد لكلام بلعات ريقها لكلام مابغاش يخرج من فمها…
❤️❤️يتبع ..بغيت كولشي ادير تقييم 5 نجمات للتطبيق وشي تعليق زوين باش نكملوها ❤️❤️