الجزء 7 - الزعيم3 -ادمنتها وبنار الهوى احرقتها

 

تحل المصعد وخرجو كيلقاو الطموبيل برى ركبو وديمارا ماتنكرش انه هاد الهدوء ديالو خالعها..ماقداتش تسولو شغا دير معايا وشغا دير فلقضية ديالي حيت عارفاه هو مكلف بداك القضية..حاسة براسها فكابوس باغة تفيق منو..شاداها الدوخة راسها كيضرها باغة تنعس..وجها شاحب بزاف..مهلوكة داتها فليلة عاشت عداب نفسي وجسمي ..هاد الليلة لب كان ماصها تكون ليلة عمرهم لي ايتحمعو فيها بجوج

تغرغرو عينيها بالدموع عارفة من ديما ماعندها زهر…كان عاجبها ومرتاحة ليه بزاف وشوف دابة شنو وقع 

وصلو حدا الدار..بداو الناس يطلو من الشراجم ولي واقف فلباب كيتنمنضر..

شافت فيه لاخر مرة وهو كيشعل فبكارو بحاليلا هي ماكايناش نزلات وخدات الشانطة من لكوفر..هو داك الساع ديمارا مخلي لعجاج من موراه..بقات غير واقفة كتشوف شاداها الدوخة

الجيران كيشوفو ياك عاد لبارح راحت عروسة اش جابها دابة بشانطتها وحطها وزاد

وحدة من الجيران:ياك ما مالقاهاش عزبة…ويليي على بنت لفقيه دارتها

الجارة التانية:شوفي حالتها تقول ماشي هي لعروسة دلبارح كتفتن بداك لقفطان..زعمة تكون دارتها

كتر لقيل ولقال بنت الفقيه رجعها راجلها فصبوحيتها..

طلعات مع الدروج ودقات..

كانت حياة وغيتة كيتغداو ضاحكين

حياة:كي راهم كيتغداو شي غدا ديال الناس لهاي كلاس ..كتوكلو ويوكلها

غيثة:اووف عزية كتعيش الحياة

سمعو الدقان

حياة:نوضي حلي لباب 

ناضت كتجري تحل غير شافتها شهقات:عبلة شكا ديري

دخلات حياة غير شافتها بدات ضرب ففخادها:اتي مالك اش جابك فين راجلك اويلييي

عبلة:خليني عليك امي

ودخلات للبيت وسدات عليها بالساروت

حياة شدتها الدوخة:احلي شواقع الله ياربي شهاد الكارتة حلييي

غيثة كدق تاهي:حلييي قولينا شواقع..كنت عارفة ما اتعحبيهش وايرجعك لينا كوغا صبر غا شوية تا نجيو ضياف لعندكم تفووو واعدت داك التوام انجي نزورهم ضربتي ليا كاشي فالزيرو

سمعات صوتها كتغوت:سكتيييييي…بعدوو منيييي مافيا لي يضهر

حياة طاحت شبه سخفانة:جيبيلي لما وسكار الله ياربيي شهاد لفضيحة وشغا نقول لمحمد ملي يجييي

جات واحد الجارة كدق حلات غيثة ودخلات مدرمة جلسات حداه حياة:احياني يازعبية اتموتي بالفقصة ياك..شفتو كيف لاحها حدا لباب وزاد

قربات وهمسات ليها:واش مالقاهاش عزبة؟

حياة خرجات فيها عينيها:شكا تقولي اويلي من نيتك

الجارة:وهدشي لي كيقولو فالحومة لعيالات الدنيا مقلوبة لخبار وصلات تا للحمام ولصحاب لحوانت راكي عارفة دغية لخبار كتوصل ..صحاب الاجر دارو بوق فلحومة

بدات كضرب فجلايلها:الله ياربي شهادشي واقع ..

ناضت كتزدح فلباب:حلي حلييييي المسخوطة حلي عاوديلي اش واقع

وشافت فالجارة:سيري اختي بحالك سيري

الجارة خرجات كتمتم:شوهتك شوهة يابنت لفقيه

فجيهة خرا..

كان هو وناصر الزعيم حكا ليه اش واقع 

ناصر:باش فريتوها

جغم من قهوتو:بغات الطلاق

وحط لفنجال وشاف فناصر:هنا انوريها الطلاق 

.

داز الوقت..

فجيهة خرا 

كانت فالمكتب ديالها قدامها ضوصي اتخدم عليه هي لي اترافع على هاد القضية..ولات محامية وهدي عام باش فتحات الكابيني ديالها ..ترافعات على شحال من قضية وربحات فيهم الحد الان مازال ما خسرات تا قضية..غادي تكمل 28 عام وكلشي كيشكر مهاراتها  ..ماشي راها بنت يوسف الزعيم..جوهرة

جوهرة كتقرا فالضوصي ديال قضية اعتداء زوج على الزوجة ديالو بالضرب وحتى التعذيب النفسي والخيانة..والسيد حيت لاباس عليه قالها جري طوالك

ميلات راسها:واخة اسيدي ها حنا نشوفو هاد لعياقة ديالك فين اتوصلك الحكار..

عيطات للسكرتيرة ديالها جات :بغيت معلومات على راجل هاد لكليانة ..وخوديلي موعد معاها فهاد السيمانة 

قربات السكرتيرة كتاخد الضوصي:واخة هي اللولة

وخرجات..

جوهرة كدور فداك الكرسي وتفكر رجع بالها اللور..كيفاش  كانت كتيق فراجلها وكتشوفو ملاك وفارس احلامها سمحات فعائلتها ومشات تعيش معاه على برى لي قالها كديرها كتحتارمو ومهلية فيه…كان اول حب ليها وبغاتو من قلبها

تنهدات كتورك على ستيلو لي بين صباعها:غنحرقك قلبك كي حرقتي ليا قلبي..وما انسمح لاي واحد يتعدى حدودو معايا

فجيهة خرا..

قطع من داك الطليفون مورك على سنانو ناض جامع الوقفة ناوي على خزيت حل واحد لبلاكار تماك عندو تلاتة دسيوفة اينوكسات طوال وكيبريو هز جوج وتحنا حيد الصندالة ولبس الصبرديلة..وخشا جوج سيوفة مور ضهرو وهز سوارت المتور ونزل ركب وديمارا بالجهد كيتمتم:هنا جاي لعدو ربكم يا ولاد لقحـ اب…

وصل لواحد الحومة لقا الدنيا مقلوبة جا قد قد هو ولكليكة ديالو نزل قبل يسكت الموتور وجابو مزدوح فالارض كيشوفهم من لعيد منوضينها مطايفة والناس مخلوعين..جبد داك السيوفة من مور ضهرو كيجرهم مع الارض حتى كيتضرب بحال الضو والناس كيخويو ليه الطريق..نزل على واحد لفخادوو ضربة متقونة جرحو مسيل ليه الدم تا طاح فالارض وقلبو للحافي وعطاه للقرفادة تا دوخو وجا طايح على ضهرو زطم ليه على صدرو بالصبرديلة لحنشة دوريجين وزير:شنو اول حاجة يا ولد القحـ بة قلت لك ماديرهاش

خونا كيفيفري غا بوحدوو..:غي سمعني اخاي لكتامي

حط ليه داك السيف على عنقو كيدوي بلغوات معصب:غندبحك قدام هاد باني ادم تبقة عبرة لاي قو اد بحالك

بدا كيرغبو ويبكي:انا مزاااوك عمري نعاااود عمرييي

معزو بالراس دااسيف فعنقو تا سال الدم:قلت عمركم تخدمو شي برهوش فتبياع لحشيش ها قلتها ولا ماقلتهااش..قلت دور معاه لا جا بغة يخدم معاك وصيفطوو..وانا نرد ليك لفلوس لي عطيتيه..قلتها ولا ما قلتهاش…هدا اول شرط شرطتو على دلمك فاش جبتك تخدم وتبيع لا نت لا غيرك

خونا:مانعااودش راه هو لي بقة كيطلبنييي وخدمتوو

ورك على صدرو:انصيفطك تطلب عزرائيل يا ولد الكلبة دابة

خونا باغي يبوس ليه رجليه بالخلعة

دفعو وبعد غادي عند التاني جمع معاه بكروشي جابو فالارض وحط ليه داك السيف على وجهو:شنو نخسر لمك وجهك؟…مال دلمك على هاد لعياقة..عطيتك حومة على قدها تبيع فيها كيف بغيتي..لاش باغي تاخد لكليان لعبيقة من حوموتو..ياك كنعطيكم سلعة وحدة

خونا بخوف:تاهو دارلي نفس لبلان اخاي الكتامي

الزاكي قرب تا لوجهو:دارها وفريناها معاه قدامك عطبتو من يديه ساعة نت كتقلب عليها

يلاه ايدوي وهو يقلب داك السيف وجمع معاه لداك الدراع تا غوت مفدوع:خااي لكتاميي براك اخر مرة

الزاكي رجع اللور كيغوت:كنقسم فمي بالله ويتعاودو هاد لبلانات نشلد دلمكم كاملين واحد بواحد من طرف

كلشي حاني راسو..

تم غادي شاف فالبرهوش لي خدموه معاه:اجي لهنا اداك لبرهوش 

جا كيجري مخلوع:هنا اخاي الكتامي..راه غير المي مريضة خصها الدوة بغيت نخدم تانا وقلت نبيع معاكم لحشيش

بقة كيشوف فيه فكرو فراسو تحنا لعندو:حنا ضعنا ومشينا فهاد الطريق لخايبة ..ماحدك صغير قرا على راسك كبر وخدم خدمة نقية

الدري حنا راسو:ماكارهتش ولكن ماعندناش

تنهد وجبد من جيبو شي فلوس:شد هادي ديها لمك تشري الدوة وداكشي لي ناقصكم كامل ..كل سيمانة اتوصلك لفلوس تا للدار وكتب فورقة سميت الدوة دمك ايوصلها تا لدار كل شهر..ورجع لقرايتك كنقسم لك بالله ونلقاك كدور فالدروبة ولا تجيب شي نقطة ماتماش 

هز راسو فواحد لبوطو:را فين انعلقك سمعتيني

لبرهوش فرح بزاف وعنقو:شكرا بزاااف كنواعدك انقرا مزيان 

تبسم وباس ليه راسو:يلاه تحرك تـ قود…

محمد لي كان راجع من الجامع حضر لهادشي لي وقع كامل كيفاش الزاكي منوض الروينك والسيوفة وكيضرب فلباشار..وكيفاش كيتعامل معاهم والناس خايفين..شافو من لبعيد كيدوي مع لبرهوش ومد ليه لفلوس

محمد تمتم:بقة ليك غا لبرهوش تاهو دخلو معاك فلحرام ندمت على النهار لي جبتك فيه لهاد الدنيا.مشوهني فالحومة

وكمل طريقو عادي للدار..

كان غادي فالدرب 

داز عند مول الحانوت ياخد لمونادا ولخبز للعشا..

مول الحانوت:امبروك مادرتي للبنية

محمد:الله يبارك فيك لعقبا لبناتك

مول الحانوت كيجمع ليه التقدية:امين

محمد يلاه اياخد التقدية وهو ينطق مول الحانوت

مول الحانوت:واقلة بنتك حات ضيفة عندكم؟ غا هو منعرفو لعروسة ماكاتحيش ضيف قنهارها اللول وبشانطة حوايجها وراجلها كيزثد ويخليها بلا مايتلفت

محمد مافهم والو:شكا تخربق نت

مول الحانوت:ايوا مافراسك مايتعاود..الحومة مقلوبة بنتك رجعها الراجل وحطها وزاد مخليها فلباب هي وشانطتها وكيقولو حالتها كانت حالة وطلعات..راك عارف الجيران كل واحد وشكا يلغي ..

حمحم وقرب لودنيه وهمس ليه:كيقولو لقاها مفضية

ماحس براسو تا شنق عليه:واش عارف رتسك شكا تقول

مول الحانوت:ماشي انا هوما لي قالي الله يهديك

رخا منو:ماماتهليو حد فالتيقار حسبي الله ونعم الوكيل

ضربو بداك السخرة وزاد..

كيقرب للدار وكيشوف الناس كيشوفو فيه حل لباب وطلع دخل كيقلب عليها بعينيه جلس داك الساع 

جات عندو حياة وجها مخطوف:على السلامة

نطق:عبلة هنا؟

هزات راسها باه:راها لداخل سادة عليها

محمد:كلميها ليا

حياة:مابغاتش تحلنا الباب

ناض كيزدح فداك لباب:اخرجي لهناا ما وتاك غا تسدي عليك …خرجييي

ومشا جاس اونفاص مع باب البيت

هي كانت متكية فوق الناموسية ناضت وخرجات عندو باست ليه يديه وهو كيشوف فيها

محمد:جلسي

جلسات وهو ينطق:اش جابك فنهارك شنو وقع؟

عبلة شافت فيه مطولا:البا بغيت نطلق ..طلبت من هارون الطلاق

خرج فيها عينيه وحياة كتولول :اويلي يا المسخوطة شكا تقولي..

يلاه ايدوي وهو يصوني ليه الطليفون شاف المتصل ناصر الزعيم..وغيتة جالسة حداه دغية قلعات السمية

ناض دخل البيت وجاوب..

غيثة:هدا ناصر جد هارون

حياة قربات غند عبلة:واش خرج لك العقل كيفاش طلقني باغة تشوهينا وشنو وقع ادويي..واش عارفة الجيران والحومة شكا يقولو ولا لا..كيقولو جابك حيت لقاك مفضية..ادوي شنو واقع الباك ايجي يقلب علينا الدنيا باينة وصلو ليه اش واقع..

عبلة شافت فمها:ما وقع والو انا باغة نطلق ماتفاهمتش معاه..الجيران يقولو لي بغاو..اصلا ما وقع بيناتنا والو..

غيثة:اياه نتي لي طالبة الطلاق اصلا ماشي دوجهك..نتي خصك شي واحد بحالك مصدي

عبلة:المي شديها عليا راه انوض نبرد فيها هاد الفقصة

حياة كضرب فغيثة:اسكتي الموصيبة سكتيييي

سكتو فاش شافوه خارج من البيت

رجع جلس وشاف فيها:اتجمعي حوايجك واترجعي لدار راجلك غدا فالصباح

عبلة:ما راجعاش ابا انا صافي باغة الطلاق

ضرب فوق الطبلة تا قفزو كاملين:غترجعي سمعتيني ماعنديش انا بنات يطلقو نهار اللول ماتوافقيش ..باغة تشوهينا فالحومة باقي تا مسخنتي بلاصتك وبداو بالهضرة..سمعيني اترجعي ليه ويديك فوق راسك …

بغات تدوي وهو يغوت:سكتيييي ماتزيدي تا كلمك الطلاق ماكاينش سمعتينيييي..فشسناكم بزاف تا ضصرتو لاخور دايرلي فضيحة فلحومة بلحشيش وجامع عليه لكلوشارا بحالو..ونتي مشوهاني هنا جتية باغة ااطلاق…الطلاق ماكاينش كاينة غا دار راجلك..واتعيطيلو وتطلبي منو السماحة على هاد التبرهيش ديالك واتقولو يجي موراك غدا فالصباح سمعتينيي ..ملي ماقاداش بالزواج لاش موافقة نهار اللول قولي لا وجلسي الالة تاتشبعي

وقلب داك الطبلة وناض معصب…كينكر ويسب فيهم كاملين جمع تا حياة وغيثة..

خلاها مخرجة عينيها كيفاش اتعيط ليه وطلب السماحة وتقولو اجي رجعني ملفوق

شافت فمها:هضري معاه انا باغة نطلق سمعتينيييي

وناضت ودخلات للبيت وردحات الباب كترجف…ط

كانت فالسطاح مع وحدة من بنات الجيران كتعاود ليها اش كيقولو عليها فالحومة

عبلة:يدهم فأكبر ز ـب كيألفو من راسهم

تنهدات عارفة الباها شحال محسوس من هاد القضية ماغايرتاح تا يرجعها ليه وكيقلها طلبي منو السماحة وعيطي ليه..ماتقدش ترجع ليه وتعيش داكشي لي عاشت لبارح..ماتقدش على داكشي ديالو..تنهدات شنو ادير…

حتى كتشوف باها وتقف فباب السطاح:تبارك الله بقة ليك غا السطاح اتحركي تهبطي دايراها قد راسك ومازال مجمعة ليا فالسطاح

خنزر فداك البنت لي نقزات الصور ومشات بحالها

عبلة:البا غير سمعني انا داك الراجل..

قاطعها:تحركي تهبطي تنعسي..غدا ملي نجي نتغدا مانلقاكش فالدار سمعتيني تحركي

هبطات ودخلات للبيت:تفووو مايمكنش نرجع ليه ومايمكنش نعيط ليه مايمكنش اويلييي..

بقات شحال ونعسات..

اما فواحد لبلاصة..

كان متكي كيلعب فالطليفون حتى كيطيح فنمرتها كان ناسيها بقة كيفكر:نشوفو بلان خت الزعيم

صيفطلها اوديو حيت ماقاريش مزيان:الزعيمة فوقاش نتغداو 

كتبان ليه ميساج :فوقاش ما بغيتي

مافهم والو كون كتبات بلعربية يفهم ناض هبط للدرب صدرو عاري:اجي اداك القراي

جا عندو الدري:نعام اخويا

الزاكي:قرا ليا الميساج

الدري:فيه فوقاش ما بغيتي

شدو مداه وصيفط لها اوديو:صافي تانعيط لك غاديري فبالك

كتبات ليه اوكي..هدي فهمها

شاف فالدري:صافي الله يحفضك سير بحالك

ورجع طلع نعس..

اما عند جوهرة..

تكات :واخة الكلوشار هنا نوريك الزعيمة شكا توسوة…

ونعسات تاهي..

فجيهة خرا..

كان يلاه داخل لاباغطومو..دخل دوش وخرج لابس غا شورط..شرب جوج حبات ديال الدوة ..يلاه ايمشي لبلاصتو وهو يوقف ملي داز من حدا بين تبدال مفتوح على لبيت دخل كيشوف حوايجها لي شراو ليها عائشة وطاهرة حدا حوايجو لي كلهم سبور ومستفين ومقادين لباسو عادي كدا ماعزيش عليه كترت الشيكي لخاوي  عزيز عليه كلشي يكون عادي وبسيط 

طاهرة وعائشة وجدو ليها كلشي وصيفطوهم مع الخدامات ستفو كلشي..تاحاجة ماناقصة..شاف فواحد سوميج دونوي فلحمر دوز عليها يديه وخرج تلاح فوق الناموسية وراسو خدام كيفكر ماشي ساهل النعاس عندو حتى كيفكر فلقديم والحديد وفلي جاي عاد كينعس

نهار جديد

فاقت على صوت ااطليفون ناضت جالسة:اوف شكون كيعيط جاوبات:الو

سمعات صوت باكي:بنتي عببلة عارفاك راكي فالدار عفاك عتقي ليا ولدي مراد باع كلشي وغادي يحرك كيتك مابغاتش تبرا ليه لعاار هضري معاه نتي لي ايسمع لك لعار ماتخرمينيش من ولدي هو لي عندي

عبلة:عبلة خالتي انا راه…

قاطعتها:وجه الله ياك تزوجتي وتهنيتي صافي وقفي معاه غير هاد المرة يدير عقلو ويرجع عفاك ابنتي انتشوا فكبدتي ابنتي انا مزاوكة

بقات فيها كتبكي تنهدات تالفة هي اصلا فمشكل كبير بسباب محنتها:صافي واخة اخالتي

وقطعات وصونات لهند نفس الشي الطليفون طافي:فين غبرتي تانتي

ناضت لبسات لعباية وتمات خارجة

حياة:اجي فين غادة عيطي لراجلك اناري باك غادي وكيوصي

عبلة:امي خلنيي عليك انمشي نقدي شي شغال ونجي..

وتمات خارجة ماسامعاش لمها

تمشات مع الدرب كتشوف كلشي كيشوف فيها اياكلوها بعينيهمً وكتسمع صوت التوشويش عرفات الموضوع فعلا كبير وهدشي ايحرج باها تنهدات وصونات لمراد..تواني وجاوبها:عبلة

عبلة:فيينك

مراد:تزوجتي وتهنيتي عاد كتسولي

عبلة:نعل شيطان دير بحساب المك فينك دابة

تنهد:نشوفك اخر مرة ونمشي

عبلة:ودابة فا فينك

قالها فين هو رمشات عندو ماحاساش بهادوك لي تابعينها..هارون داير عليها الحراسة فالدخلة دالحومة وفالدرب وفالخرجة

وصلات لقاتو واقف مع الوقفة كيشد يديها ويبوسها وزير عليها تبلوكات ولوخرين كيصورو دفعاتو:واش حمق راني مزوجة ..

مراد:هدي اخر مرة انشوفك ماغاتقنعينيش اعبلة انا صافي قررت غنمشي انخوي لبلاد كلها

عبلة:ومك؟مافكرتيش فيها

صورو داك المنضر من لول لتالي وصيفطوه لهارون :السي هارون واش نتصرفو؟

فجيهة خرا

دخل لداك القصر كلهم لابسين لكحل

وقفو كاملين احتراما ليه وقربو كيبوسو ليه يديه لي فيها ليكات دالجلد..وجلس كيقاد القميجة ويحل صدافات اللولين..انيق بزاف وهياب شكلو بحال دوك الرجال ديال القرن الفيكتوري بلباسهم لكلاس..ماي كلس عاد جلسو هوما

ماعارفينش علاش بغاهم كاملين 

حتى كينطق:لقيت البنت

نطقات:كنت عارفاك اتلقاها حيت رضوان خوك ويدك ليمنية وامانة عندك مستحيل دمو يمشي غير هكاك

هز راسو باه:قريب نجيبها تا لهنا وقدامكم راسها يطير غير هي اتكون حرب كبيرة هاد المرة..

شافو فيه كاملين باغين يفهمو قصدو

نرجعو عند عبلة

كتخاول تقنعو..مامنتابهاش لمحمد لي كان غندو شي شغال تماك وراجع بحالو ..حتى كيوقف مصدوم كيشوف فيها مامتيقش هدي عبلة..

كتحاول تقنعو..مامنتابهاش لمحمد لي كان عندو شي شغال تماك وراجع بحالو ..حتى كيوقف مصدوم كيشوف فيها مامتيقش هدي عبلة..

عبلة:مراد ماتكونش مبرهش فمك ماشي غير حست انا ويام ماكنابيناش لبعضياتنا اتنوض تبيع كلشي وتسمح فمك وتحرك..لمن اتخلي المك عندها غير نت

شاف فيها بنضرات دابلين :ماغاتحسيش بيا اعبلة حيت مازال ماجربتي الحب دبصاح..دابة تجربيه واتحسي داك الساع بيا..سيري دابة يحالك .هنا مشيت

وقفات فطريقو:تسنا ..دير بين عينيك المك 

تنهد:حيدي من طريقييي

حتى كتشهق من الجرة لي تجرات من شعرها

محمد:ياك المسخوطة ياك اترابي يديا …هدشي بقة مخلية راجلك وتابعتلي واحد حرام عليك

عبلة باغة تتفك من شعرو:البا رخي منييي ‏ ‏راك فاهم غلاط..

مراد بغة يتدخل:الحاج مايمشيش..

دفعو بحر من جهدو:اسير بحالتك تفرق على المرا مزوجة  واش ماحشمتوش بجوج..

بقا كيدفع فيه :سير بحالك

عبلة كتخاول تسش بابها:البا سمعني

شافت فمراد:سيير ملهنا سيير

شاف فيها لاخر مرة وزاد

اما هي نزل عليها بصقلة للوجه تا جات طايحة فالارض وتحنا هزها من شعر والناس كيتفرجو فقد الشعور وتم غادي بيها للدار؛هدشي لاش راجعة وباغة الطلاق وانا كنقول غا فشوش لبنات والخلعة..ساعة نتي شيطانة وفراسك الدغل

عبلة كتنتر منو حتى بعدات عليه دايرين الشوهة 

فالزنقة:ياك البا نويتيها فيا خايبة..انا مابيني وبينو والوووو 

شاف الناس مجوقين جرها من دراعها:زيدي الكافرة بالله زيديي

دخلو للدرب وهو جارها والجيران كيتفرجو طلعو للدار ودفعها فوق الصداري

يلاه اتدوي كيجمع معاها :فيين باغييني نهطي بوجهي ها..كل واحد فيكم كينزل ليا راسي للارض كيف بغا…ولكن هنا انورييك…باغة تشوهينا كتر ملي شوهتينا ونتي جاية جارة باليزتك..

نزلات حياة من السطاح كتجري هي وغيثة:اويلي شوااقع

دفعها وهو كيحيد السمطة دسروال:خرجييي عليا خرجي خليني نربي هاد المسخة…غادة كتلاقة ليا داك المسخ دمراد بلا حيا بلا حشمة وهي مزوجة

حياة شهقات :الله ياربي شنو درتي

تحنات حياة كتبوس يديه ملي شافتو شاد السمطة بين يديه:لعاااار مادوزهالها هاد المرة لعار راه كدير الفعلة بلا ماتفكر

دفعها تا جات طايحة وجرها خرجها وسد لباب وهي كتغوت وتزدح فلباب :محمد حل عفاك حل بنتك هدييك حل

عبلة كنشوف فيه كيقرب ليها :ابا راني مادرت والو المو طلباتني كتبكي حيت فادي يحرك بقات فيا البا ضربني دير لي بغيتي غير ماتفهمنيش غلاط 

قرب ليها :من صغرك ونتي كديري هاد لفعايل من صغرك والناس خارجين عليك..وانا كندوز ليك غتكبر واتعقل اتكبر واتتهدن..ولكن تا لهادي لاا وجهي تما اعبلة …

عبلة شدات ليه السمطة بترجي:تيق فبنتك ابا

تنتر منها :انتيق داكشي لي شفت

وهز السمطة وكيعطيها للفخاد تانزلو دموعها تقصحات واخة لابسة ملتحت داك العباية بيجامة بالسروال

زادها شحطة التانية:ضصرتي بزااف

نزلو دموعها كتر من ديما محنتها كتجيبها ليها من كانت صغيرة وهي هكا ..

حتى كيسمعو الزديح فلباب كان الزاكي عيطات ليه حياة ماقداتش تخلي بنتها كتاكل فلعصا

الزاكي:حل الوالييد حل

محمد زادو ركبو فيه الجنون وهو كيسمع صوتو

الزاكي فرع داك لباب ودخل كيشوف فختو جالسة بلا تا حركة حانية راسها وكتبكي..هدشي ماكلاتش شي قتلة نيت..

قرب لعندها:نوضي تمشي معايا

محمد:خرج عليا لاش جاي لداري خراااج

الزاكي:شنو دارت لك هاد البنت لي اتسد عليها وتبدا تضربها ..

رجع شاف فيها:نوضي

وتحنا لعندها:يلاه معايا وعاوديلي اش واقع 

شافت فيه ماناقصها صدع مع باها وهو بلا والو علاقتو بيه خربانة وتزيد تكمل دابة..:لا اخويا غير سير بحالك خليني بيني وبين البا

جلس حداها:ودابة مالك شنو وقع ولاش جيتي لهنا

محمد:انا كنقولو خرج عليا وهو عاد جلس….واخرج الكلوشار من داريي..

الزاكي وقف :البا ماضربهاش خلينا نسمعو منها شنو واقع راه ختنا وبنتنا …

محمد ضحك مغزف:ماتبقاش تقولي البا الكلوشار..وباغي تعرف اش دارت…ختك يلاه جبتها دابة من عند مراد واقفة هي وياه فالحومة وكيبوس لها فيديها…وهي مزوجة يلاه ول لبارح…سمعتي دابة خرج عليا من داري خليني نربي بنتي..ماشي ترابيك فسدو نفسدها تاهي..

الزاكي شاف فعبلة:كيفاش هدشي ..نتي اش جابك لمراد 

هزات فيه راسها:كان غيحرك ومو عيطات كترغبني قالتلي قنعيه بقات فيا مشيت على وجها

الزاكي:واش عارفة راسك شكا تقولي

محمد زاد تعصب وهي كتعاود هز الصمطة بغا ينزل عليها وهو يطامي عليها الزاكي جات ليه الضربة فدراعو مع لاباس نص كم تصورات ليه  تماك

زاد تعصب وهو كيشوف الضربة مطراسية فدراعو بقا كيدفعو:خرج عليا خرج الكلوشااار خراااج

 حتى فجأة كطيح ليه السمطة من يديه وحط يديه على قلبو كيضرو 

ناضت كتغوت:البــا ماالك البــا

شدات فيديه كترجف بالخلعة لا توقع ليه شي حاجة

جات غيتة تلاحت عليه كتبكي:بابااا مالك

الزاكي قرب ليه:الوليد نديك للطبيب

دفعو ونطق بتعب:بعد غا مني مانشوفش كمارتك

عبلة:البـا سمحلي والله ماقصدت نعصبك 

حياة واقفة وكتبكي…واخة هكاك عندهم عزيز عارفينو شحال كيبغيهم وشحال كيخاف عليهم ..كأي أب مغربي ما ايرضاش يشوف ولادو فداك الحالة..

كتبوس ليه فيديه وتعاود:سمحلي ابا عفاك دارتها قلة العقل ..

تنتر منها:نت خرج عليا ونتي عيطي لراجلك يجي موراك غبري عليا

عبلة:سمحلي ابا عفاك ..ياك نت بيخير

فاتو لحال وناض جالس:مانعاودش هضرتي تكعدي عيطي بلاجلك ولا مازال عوالة ديري شي كارتة خرا تصفيها ليا ..

نزلات راسها مابقة لها ماتزيد تقول

شاف فالزاكي:شنو مازال كدير هنا

الزاكي كيشوف فوجهو واش بيخير وشاف فمو:لا تزاد علبه الحال ولا وقعات شي حاجة عيطيلي

محمد:واخة نـمـ وت مانبغيش تجي لجنازتي

زير على فكو من كلام الباه:هنا مشيت

وخرج..

قفزها صوتو:شكا التسناي تهزي..

قفزات وشافت فيه:واخة

وهزات طليفونها ودخلات للبيت تعيط ليه….مابقة لها مادير..

وناضت دخلات للبيت وجلسات حاسة براسها فواحد الحفرة غارقة بزاف..ابلوليس وداك المـ افيا وهارون وعائلتها كلهم كتحس بيهم ضدها وهي بوحدها فالقنت..يديها مكبلين شنو ادير ؟ وهدشي الباها مازال ماعارفش بفعلتها مع المـ افيا ليكيقلبو عليها هوما ولبوليس…اكيد ايمشي فيها….هدشي كامل واقع بسباب محنتها الزايدة..من صغرها وهي هكا ديما كتجيبها فراسها..كتسلك صحاباتها وكتوحل هي…صاحبتها كانت ديما كتاكل لعصا من عند الاستادة حيت ماكاتجيبش الدفتار..واحد النهار بقات فيها عطاتها دفتارها وكلات لعصا فبلاصتها…هدشي ماشي كلاخ هي قلبها ومحنتها ديما غالبينها هي هكا كتكون عارفة داك الحاجة غتأديها ولكن على قبل شي واحد كتمشي فيها…

تنهدات وشافت فالطليفون صونات عليه…وقلبها كيضرب فلمية كيصوني ويصوني لا رد…

رجعات صونات تا شبعات او والو بدا يدخلها الخوف..ياك ما ايطـلقها ديال بصاح ويخليها…شغا دير وباش اتفكها مع باها ….ياك ما ايسلمها للبوليس هنا قلبها بغة يوقف…

ناضت بقات غادة جاية فلبيت كلها كترجف..رجعات كتصوني ليه لا رد …

تمتمات:الله ياربي شنو هدشي…

كيجيو غا لافكار لخايبين لراسها يطلقها وما يسلمهاش للبوليس وتتشوه كتر…وتمشي فيها..الباها يمشي فيها هاد المرة..ولات باغة غا تسمع صوتو …

ربع الساعة دالرعب لي عاشتو حتى كيصوني الطليفون بنمرا غريبة جاوبت:الو

كان صوت انثوي:معاك الشيفورة الجديدة ديالك سميتي نورة السي الزعيم كلفني باش نجيبك للاباغطومو كيتسناك تماك..هنا ربع ساعة ونكون عندك امدام

عبلة تنهدات براحة:صافي واخة شكرا

عاد رجعات فيها الروح

ومشات كتجمع فشانطتها رجع لها خوف من نوع تاني..خوف من هارون اتجمع معاه فدار وحدة…

لبسات كسوة طويلة شافت فحالتها قدات ماكياج خفيف ماسكارا وعكار غوز وجمعات شعرها الفوق كتجي معاها هاد الجمعة…كسيوة بيضة جات معاها ..جرات الشانطة وخرجات ملي سمعات لكلاكسون 

شافت فمخمد:البا هنا مشيت

شاف فيها:سيري وشدي فراجلك ماعنديش بنات كيطلقو..سمعتيني 

هزات راسها باه وسلمات على مها وختها وقربات باست يديه وهو قالب وجهو..وهبطات معاها مها للتحت..

ااشيفورة واقفة لابسة لباس رسمي شعرها مجموع اللور برسمية طويلة ومفورمية..واخة هكاك زوينة

قربات خدات منها الشانطة دارتها فلكوفر ونفس الشي الجيران كيتفرجو…

حلات ليها باب الطموبيل اللور وديمارات ومشات…على عنين الجيران

وحدة من الجيران:حياة واش عبلة رجعات لراجلها؟

حياة بصوت مرتافع:من ديما بجوج ..جاتو شي خدمة مابغاش يخليها فالدار بوحدها بغات تجي عندنا ودابة غير جا صيفط موراها الشيفورة

وجرت غيثة ودخلو للدار…

فالطريق..

مرجعة راسها اللور وكتشوف فزاج الطموبيل هاهي فتالي هي لي عيطات ليه ماكلفش راسو حتى يجاوبها مصيفط الشفورة ديريكت..هادي اخرت تسرعها ومحنتها

شافت فالشيفورة اول مرة تشوف شيفور بنت ..دايرة لكيت بلوتوت فودنيها ماكاتبانش بنت عادية ..وعلاش دارلها شيفور بنت..هزات كتافها ماسوقهاش…

وصلو لواحد حي. راقي كلو عمارات واصلين تا للسما جاين كيطلو على البحر…

نزلات حلات لها الباب:تفضلي امدام

نزلات تاهي كتشوف فهاد الحي شحال زوين..عجبها وكيبان لها لبحر اونفاص معها..الشيفورة جارة الشانطة وكدوي فلكيت بلوتوت:وصلنا اسي الزعيم

ركبو فالمصعد وطلعو وعبلة كتشوف كلشي عاجبها…وصلتها تا لدار ومشات..حلات لباب ودخلات وقلبها كيضرب فلمية..

 كدور عينيها على لاباغطومو عالم اخور زوينة بزاف راقية وكلشي فبلاصتو فيها جوج دليطاج..

تمشات كدور بعينيها على الدار..وجارة الشانطة كيتسمع صوتها..

حتى وقفات وهي كتشوفو فواحد لبالكو كبير جاي وسط الصالة كيطل على لبحر كلو زاج…كان لابس غا الشورط ..صدرو عاري وعاطيها بالضهر متكي على الصور دلبالكون وفوق الصور حاط كاس دلويسكي ولكارو شاعل حدا لكاس..ومنزل راسو ومرة مرة كيمسح على راسو..بلعات ريقها..

وخلات الشانطة تماك وقربات للبالكون..لعندو..

وقفات موراه ونطقات:هارون..

ماجاوبهاش رجعات نطقات:بغيت نهضر معاك…

بلعات ريقها فاش تقاد فالوقفة مازال عاطيها بالضهر هز لكاس هبط عليه كامل وقفزات فاش لاحو لبعيد من لبالكون..قلبها مشا وجا ملي دار لجيهتها عينيه حومر

قرب لبها وهي راجعة باللور حتى جرها من يديها بالخف وقلبها للجيهة لوخرا وهزها بالخف ودلاها على لبالكو..نصها جاي فلخوا غوتات ربي لي خلقها تا تسمع صدى صوتها:هارووووون لاااااااااا شكا دير

شادها من خصرها ومزير وهي اتموت بالخلعة ونطق بهمس ساحق:جيتي للجحيم برجليك…تمنيت كون ماعيطتيش.. ماكنتش انصيفط من موراك..ساعة عيطتي وانا لبيت النداء ..

كتغوت وتشوف لتحت غير لبحر والصخر:لا لا عفاااك ماتلوحنيييش

هارون:حسابليك ما انعرفش تلاقيتي خطيبك لقديم..

شهقات بالخووف وبدات تغوت وتشوف لتحت:لا لا لا ماتفهمش غلاااط والله ما كيف كيحساب لييييييك 

زاد دلاها للتحت وهي كتغوت ربي لي خلقهااا…:هارووون لااااااااااا

لاباغطومو جاية هي التالية فلموبل وعالية بزاف لبحر والصخر كيبان بعيد..

هارون:نقـ تلك ونهنيهم منك؟

كتهز راسها بلا:لا لا عفاك ماتلوحنيييش والله مانعاود نعصبك ولا ندير شي حاجة ماباغيهاش والله مالخاطري ماتلوحنييييش عفاك لاااااااا

هو الوجع طالعلو فالراس دماغو كيقولو رخيها خليها تتلاح وتهنااا وبرد هاد الوجع..فلحضة كان بصاح ايديرها ..حتى كجرها لعندو محاوط خصرها عينيهه فعينيها وهي متشبتة فيه نطق كيورك على خصرها:دخلي للبيت ماتبانيش قدامي حيت انقتـ لك

هزات راسها باه..

بغات تمشي وهو يجرها:مازال حسابي معاك طوييل 

ورخا منها ومشات كتجري اقرب بيت حداها دخلات ليه..بدات كتبكيي بالخلعة..وكلها كترجف كان ايقتـ لها…مابقاتش قادة التنفس بالخلعة منضرها وهي هكاك شوية ويلوحها وكتشوف البحر لتحت بعيد والصخر مابغاش يمشي من بالها 

.ناضت دخلات للحمام كتغسل فوجها وتعاود ..كتحس بروحها اتخرج بالخلعة..

رجعات حجسات يديها ايعاوجو وهوما كيرجفو..

دقايق وهي هكاك تا بدات تتهدن وبردتها بلبكاااا كتبكي وتشهق ماعارفاش شغا دير معاه وهو تحلف فيها انه مازال ايتحاسب معاها شنو ايدير فيها مازال كتر من هكا…

دازت ساعة دلماكانة

كان فالصالة..طالق واحد لموسيقى كلاسيكية هادئة وضو خافت فلحمر..كاس دلويسكي فوق الطبلة..

شاف فلبولطة خوات..ناض كيحرك. راسو يمين وشمال ويطرطق عنقو ..كتافو عراض وصدرو مطراصي ..حل واحد الخزنة بالكود تأمل داك المنضر..عندو غير لانواع لغالين اغلبهم مشرين من موقع كيشبه ل ديب ويب كيبيعو فيه غير لانواع لي نادرين بأموال طائلة..

خدا نوعو المفضل ..ورجع جلس…صطر سطير فوق طبلة دالزاج وتحناا كيستنشقوو كامل فدقة وهز راسو للسما كيطلع ليه مع الدماغ تكا اللور مغمض عينيه ..كيحس بيه كيكالمي ليه الوجع..الحاجة الوحيدة لي كتكالميلو الوجع ولي كتنسيه فالوجع..كون بقة فداك الحالة كان ايقتـ لها ويخرج يكمل باي واحد جا قدامو…تا الدوة مااكينفعش معاه واخة عندو للدوز المجهد جاي من برى وماكاينفعش ملي كيجهاد لحريق..وهدشي لي ماخصوش حيت كيولي واحد اخور هماجي وداك لحريق كيخرجو على طوعو ماكايخلبيش يتحكم فراسو..وهاد لادغوك والهروين وبزاف دلانواع عندو هوما لي كيكالميوه كياخدهم فالوقت لي كيجهاد عليه…

لداخل عندها..

شافت داز الوقت بزاف اكيد ايكون تهدن..هزات الطليفون دخلات للتسجيل الصوتي ديال مامات مراد تسمعو ليه..وتشرح ليه اش كاين باغة تفاهم معاه على شحال من حاجة وتشرح ليه كلشي..

خرجات هادة الطليفون شافت الدنيا مضلمة من غير داك الضو لخافت لي فالصالة وموسيقى هادئة كيبان لها جالس وعاطيها بالضهر..قربات لعندو وطلقات التسجيل كيتسمع صوت لابل بينها وبين مامات مراد..

ونطقات كتحاول تستعطفو بصوتها:بغيت نشرح ليك وماتفهمش غالاط..اه انا غالطة ولكن والله مانيتي خايبة

قربات لعندو..

وهو مرجع راسو اللور كيسمع غا صوتها..صوتها جاه فشكل زوين بزاف حل عينيه لقاها واقفة اونفاص معاه ..عينيه كانو نايمين وحومر جمرة ميل راسو كيشوف فيها مطلعها ومهبطها لكسيوة كيف جاياها..فصالتها شحال زوينة..وقف كيشوف فيها غادي لجيهتها ونطق:جيتي يا بنت القحـ بة..

بلعات ريقها راجعة باللور:هارون..

قبل تبعد جرها من خصرها وتلاح نيشان على شفايفها مزير على خصرها

ونطق:جيتي يا بنت القحـ بة..

بلعات ريقها راجعة باللور:هارون..

قبل تبعد جرها من خصرها وتلاح نيشان على شفايفها مزير على خصرها

ماعرفات راسها باش التبلات وهو كيبوسها بداك الطريقة الخالية من اي مشاعر ..ماجات فين تستوعب داك القبلة حتى كيطلع يديه لكتافها ولصقها مع الحيط بواحد الزدحة تا تقصحات من ضهرها وهو مازال كيبوس فيها بداك الطريقة لي زراعات فيها الرعب كتر ما تخليها تحس بشي نشوة…بغات تبعدو عليها ولكن ما قدراتش..مرير على كتافها شوية ايطويهم على جوج..بدات كتخنق من داك القبل كتقاوم..كتحس بيه ايسحقها وهي بين يديه ..مامخليلهاش فين تفنفن ..

حتى كيبعد وهي كتتنفس وتدخل الهوا لريتها وكيشوف فيها  نضراتو التاقبين ..عينين نايمين وداك الحمورية بحال شي عافية شاعلة فيهم وايحرقوها هيي …بلعات ريقها:هارون ..

قبل تكمل شقلبها تا عطاتو بالضهر ولصقها مع الحيط قدامو ..صدرها تبزط بقوة ماملصقها مع الحيط..قرب ليها وشدها من شعرها مرجع راسها اللور لعندو تا. كانو شفايفو قدام ودنيها كترمش بعينيها من حرارة انفاسو وهو موراها عارفة انه ماغايدوزلهاش بلان مشات تلاقات مراد من مور ضهروو…

نطقات بهمس:غير سمعنيي..

سكتات ملي ورك على شعرها تا تآوهاات:آآآه 

ونطق بهمس قاسي قدام ودنيها:كلشي عندك ليه ممبرات؟

كيهدر ويورك على شعرها:انا تاحاجة ماكاتقنعني..

يـمـ وت..ولا يتقطع كاع..نتي ماتمشيش عندو وتشركي معاه لكلام ونتي مراتي تحت سميتي

سكت وهو كيسمع انينها مقصحها من شعرها لي مزير عليه اللور وزايد ملصقها مع الحيط كتر ونطق بأكتر همس قدام ودنيهاا:يعنيي نتي ديالييي

قلبها كيضرب فلمية ولي زاد كمل عليها داك القبلة السخونة لي طبع تحت ودنيها ورجع كمل بهمس فشكل على كيف كان كيهضر. قبيلا :ديال هارون الزعيم…واي حاجة بسميت هارون الزعيم وديال هارون الزعيم ممنوع تتقاس ..تا حد ماعندو الحق يقيسها..

نطقات بنفس الهمس :صافي واخة غير رخي مني راك قصحتينيي 

هارون كيحرك نيفو واطراف شفايفو على عنقها:شششش اعبلة ششش..هو راه تمادى وباس يديك..قاس حاجتيي..

عبلة موركة على الحيط بيديها بجوج وهو موراها وكتحاول تقنعو:غير سمعني انا المو لي بقات فيا كترغبنيي 

طلع يديه التانية مع خصرها بشوية حركات بطيئين حتى وصل لدراعها ودوز عليهم يديه تاهوما فلحضة جا فبالها انه السيد ايدوز لموضوع اخور ..ايدوزو للحميمية..

تا وصل ليديها ولصبعانها لمسرحين على الحيط..شبك صيعانو مع صيعانها وزير عليهم:هنا باسك ياك…

قوصات حواجبها وغوتات ملي بغة يكرد ليها صبعانها:شنوو كدير

تبتها مزيان ملي بدات كتعنتت حيت مقصحها :علاش مشيتي عندو باش هو يبوس يديك؟

كيزيد يكود صبعانها وهي كتتوجع…داك لفيديو لي صيفطولو كيفاش باس يديها مزال فبالوو…:علاش مشيتي عندو وانا كاين فحياتك؟

ميل راسو كيشوف واحد الشمعة من الشمعات لي مشعولين تماك حداهم :هاد ليد لي باسك منها؟

هزات راسها بلا كتشوفو كيقرب يديها لداك الشمعة:لا لا شكاا ديير لااا رخي منيي

تبتها معاه من خصرها مزياان صدرو على ضهرها وشد يديها مزيان :نحرق دلمها هاد لبلاصة لي توسخات ولي قاسها غيري اعبلة

عبلة:لا اهاروون لاااااااا

وغوتاات ربي لي خلقها ملي حط يديها فوق اللهب دلعافية ولات كتتلوة بين يديه:صافيييي براااك أهاروون برااااااك