قلت هضرتي وراجعة بحالي كنجري والدموع علاش هابطين علاش كنبكي ياااك حلفت مانبكي علاش كلست فدروج دالعمااارة وانا كنبكي امكن دوك الجروح الكاملة تحلو من جديد تعلمت بزاف دالحويج فغيابو الا واحد الحاجة سميتها النيسان اااخ وجع كبير كنحس بيه وجع كبير اربي وجع كبير علاش هذا القدر كيلعب معنا هذا اللعبة الخايبة علاش ادنيا منفرحوش ديما علاش كاينة شي حاجة سميتها الالم والدموع ...اااخ اااخ خايفة عليه ومقدرش نسمحو لي داز عليا خلاني نكون قاصحة ..لي داز عليا صنع مني انسانة خايبة ...عام اشهم عااام ..تنهد وانا كنفكر كيف بقا قلبي طايب وانا مقادش نوصلو ...طلعت لدار بدلت حويجي لفازكين بالشتاء لبست بيجامة سخونة وانا قلبي كالس على العافية كيفاش ايجي هذا النعاس وانا قلبي فالسبيطار ممستعداش نخسر شخص اخر لا ممستعداش ...مشيت لكوزينة كنجري هزيت تيلي دوزتها لنمرتو كانت كتصوني عدة مرااات واخيران ...كان صوت امرأة من صوتها باينة ممرضة غرت ملي سمعت صوت مرأة انزعجت بزاف ...
هيا:وي شكون كيسول عليه
انا:(بغضب)كيف بقا
هيا :الخياطة عودنها ليه مي دبا وضع ديال مستقر
عطاتني اسم السبيطار ورجعت تكيت وحلف النعاس لجاء ...وجاء الصباااح والكل فاق وانا ناعسة اكيد ما منعستش الليل كامل ...فقت على صوت التلفون لي كان كيصوني من تحت المخدة ...
انا:(بصوت ناعس)الو وي
هيا:انسة المريض حالتو خايبة نتي كتجيه شي حاجة ...
فقت مخلوعة ومبوقة قطعت عليه من بعذ ما قلت ليها انجي قاديت حالتي وخرجت
سعاد:بثينة فين غادة
انا:خارجة واحد البنت صاحبتي دارت كسيدة
سعاد:اويلي اتمشي لسبيطار ببيجامة يضحكو عليك الناس ...
انا:كاشي مشكيل كاع مكيهمني ...لبست عليا بنطوفة وخرجت كنجري ونشير لطاكسي واخيران لقيتها ...دخلت لسبيطار كيف الحمقة وانا كنجري ونسول واخيران وصلت لغرفة دخلت وانا كي الهيشة
انا:(كنغوط)شهم
...كان شهم متكي ودايرين ليه العديد من الاجهزة ...ولكن حال عينيه وكيلعب بالتيلي كأنه كيتسنى شي حد شافني وبتسم ليا ...
شهم:حياة شهم وروح قلب شهم كيبغيك شهم وشحال كتخافي على شهم وشهم كتر منك
تلفت وليت نقلب على عذذر كاذب كيفاشش مفكرتش بلي ممكن تكون هاديي لعبة من ألعيب ديالو كيفاش كنت غبية ولدبا غبية وجايية كنجري كيف الحمقة ...وقفت بلاصتي وجيت راجعة باللور ...نخرج
شهم:باركة اهذا البنت باركة
انا:باركة من اشنو من اشنو نتا راك خليتني عااام عااام على قدو شنو ممكن تسنني نقول ليك نجري نعنقك نتا راك تخليتي عليا ماشي غير نتا منير بابا ...كلشي خلاني ومشاء كنت وحيدة لمدة عام
شهم:(مقدرش اهضر )ولكن انا ايضا كنت وحيد راني فغرفة منعزلة مدة عااام راني بحالك الا كنتي كتألمي على الغياب فقط فأنا كنت كنتألم على غيابك وعلى المرض ...شنو ممكن ندير نخليك قريبا ليا انا عارف مزيان بلي ونتي قريبا ليا ممكن نعديك ممكن تمرضي تا نتي (صمت)باركة من عادتي مكنحملش نبرر او نهضر بزاف ونيت باركة هضرت بزاف فهذا الموضوع ...
انا:شهم لي عندي قلتو وكورديستان عمري نمشي معاااك ليها
شهم:اتمشي وباركة من الهضرة الكتيرة (سمعنا الباب. كانت ممرضة داخلة لابسة سروال باغي اتفركع منكدبش غليضة وزوينة جاية تعوج كاع ممعتبرني اكيد شكون ايعتبر وحدة بحالي كي عايشة قنديشة ...كالسة عليه تحلون وتعوج ...شوية كنسمع صوت صباط وحذاء امراءة شفت موريا كان مراد الحقير مع زوجة ديالو كريست شافتني وتصدمااات اكيد ما جيتها كي الغولة ...شفت فيهم وخنزرت فداك الزامل وجيت نخرج تا كنسمع اسم ديالي
كريست:(بالانجليزية)بثينة
انا:(شفت فيها بمعنى شنو كاين رغم انها مدارت ليا والو)
كريست :ممكن نهضر معاااك بليز
انا:معنديش الوقت زربانة
كريست "مغدياش نأخد كتر من 10 دقايق من وقتك عفاااك
خرجت خارج الغرفة وهيا موريا كانت اكتر انقة بفستان اسواد ...وشعر اشقر مبوكلي ...ومكياج خفيف مع عطر رائع منكرش انني حسيت بالاحراج من الشكل ديالي ...بعد صمت دام بعد دقائق وصلنا لكافيتريا جنب السبيطار كلسنا ...
كريست:بيخير
انا:حمد الله
كريست:على سلامة شهم (سكتات )راجلك
انا:كنا مزوجين دبا غادي نطلقو
كريست:(تصدمات)مستحيل علاش غادي طلقو امكن غياب شهم عليك مدة عام قلقلك شوية
انا:شوية كريست نتي الوحيدة لي غادي تفهميني لو كان مراد غاب بدون ميقول ليك والو غاب مدة عااام عااام على قدو شنو ممكن ديري
كريست:ااه انا متافقة معااك من جهة كنت غادي نتقلق وغادي نحماااق ولكن فنفس الوقت كنت غادي نفهم علاش غاب عليا شهم كان مريض كنت معه ان
كنت معه انا ومراد ف لندن كنقسم ليك وتشوفي حالتو كنتي غادي تجري تعنيقه شوفي اااه حنا البنات هكا الا كرمتنا الا يضحك علينا شي حد الا اتخلى حنا حكا قلبنا هشيش حنا رها الطيبة مزروعة فينا ...ولكن متكونيش انانية وطلبي الطلاق من وحد الشخص لي كيحماق على ترابك كان فمدة عام كيهلوس كان فغرفة خاوية انا عندي تصور اجي (هاز توريني التصور)هادي غرفة كان مسدودة كنا كنهدرو معه فقط من على براى يعني منقدروش نقربو ليه كان كيسول فيك كان كيقول ل مراد وياااك تقول ليها انا هنا وياااك تخليها تشوفني هكا ضعيف وياااك تخليها تخلع عليا قل ليها لندن واصافي ...كان ملهوف اسمع كل نهار اخبارك . كان مراد كل نهار كيجيب شي حاجة عليه ..حالتو كانت اسواء حالة العملية الاولى كانت فاشلة والتانية فاشلة والتالة حمد الله بان الشفاء ...كأنه كان كيتناول مع الدواء شي حاجة سميتها بثينة لازم اعرف اخبار عليك كان مراد كيكدب عليه ويخطط قصص كاذبة عليك باغيك اعيش باغيه افرح ويتعافى كان كيقول ليه بثينة بيخير بثينة برااات بثينة بيخير بثينة اليوم خدمة ...كان كيألف القصص او اخبار كاذبة عليك ...انا مكنقولش ليك هذا الهضرة بحيت هو سيفطني اكيد هذا الافعال الطايشة ماشي ديالو لا مكنقولش ليك سامحيه لا تنفخي عارفة عندك نار شاعلة فالداخل ديالك من احزان ومعاااناة عشتيها خليت تا تبري من دوك الالم ولكن وياااك طلبي الطلاق ...او الفراق غادي ضلمي نفسك وضلمي شهم ووهذا الحب القوي لي بينتكم ...بثينة...كوني اكيدة بلي شهم كيبغيك بغيتك تعرفي هدشي وصافي ....(بعد صمت طويل)قال ليا مراد الاب ديالك مات الله ارحمو ويعطيكم الصبر ...
انا:(الصمت وانا كنشوف الصور د شهم فالتيلي ديالها نفجرت قدمها بالبكاء كان الكل كيشوف فيا وهيا كطبط ليا على ضهري. ..كنبكي ونشهق خرجت برااات الكافتيرية كنبكي وكالسة على ركبتي كان البكاء لي شادة عادة خويتو الان ...كنبكي ونغوط بأعلى الاصوااات
كريست"بكي اااه بكي على امل ارتاااح جزاء منك بكي ومتسوقيش لناس بكي
يمكنني ان. اقول اخيران ارتحت شوية من بعد البكاء الطويل رتحت شوية بعد طول العناء الجسدي النفسي اللي مريت بيه ومزال كنمر بيه. .مسحت دموعي فوق كتف كريست لستقبلتني بحضن دافئ من بعد ما مسحااات ليا دموعي ...
كريست :شوية
انا:شوية (كنحول نمسح دموع)غادي نمشي
كريست:مغدياش نقول ليك لا خاصك تبقا سيري فين لقيتي راحتك ولكن رجعي ...
من بعد كلامها لي كان نصيحة ودرس ...سلمت عليها وشديت طاكسي كنت مخنوقة اكتر لدرجة مول الطاكسي خاف مني بحيت الدموع كنمسح الدمعة وتهبط دمعة تانية ..حطيت راسي فوق نافدة الطاكسي وانا حاطة ايدي على فمي ...وكنشهق بصوت منخفض ....
هو:مالك ابنتي ياااك لابس
كانني كنت كنتضر لي اسولني سؤال شفت فيه ونفجرت فوجهو بالدموع ...اهئ اهى
انا:معنديش الزهر اعمي والله معندي (كنبكي بصوت مرتفع)اااااااااااااهئ معنديش الزهر ف اي حاجة معنديش
هو:قول استغفر الله ابنتي متقوليش هكاك مهما ايكون سبب لي بكاك قولي حمد الله على اي حاجة جااات من عند الله سبحانه وتعالى
انا:صافي اعمي غا هنا
خلصتو وخرجت كلست فالدروج مسحت دموعي وتنهدت وطلعت كانو مجمعين فالصالون دخلت وانا مغمضة عينيا مشيت فورأ لحمام غسلت وجهي مزيان وجيت خارجة من الحمام كنلقااا خالتي عند الباب مبتسمة ليا ...
انا:يااك لابس اخالتي
خالتي:بغيت نهضر معاااك فموضوع مهم وحساس شوية ممكن تجي معيا
دخلت لبيتها الفخمة كلست فوق سريرها من بعد ما طلبت مني ...وبقيت كالسة وهيا كتفتف عليا
خالتي:شوفي بثينة نتي بحال بنتي ونتي عارفني مزيان معنديش الاولد ...ورجلي عاطي لعين اقدر اكون كيبغيني ولكن كيبغي الاولد ...بثينة انجي من الاخير ...بغيتك تزوجي برجلي ..عفاااك ...تزوجي بيه ولدي لينا ولد او بنت عفاك
خليتها تعبر وتهضر على خاطرها قبل ما نبداء نفجر عليها ....
انا:كيفاش ولد او بنت او توأم خالتي خليني محتارمك واش نتوما لي لقيتوها تلصقوها فيا رها لي فيني كافيني متزيدوش عليا باركة انا ماشي لعبة لي لقاني كيلعب بيا حتارمو مشاعر ديالي كأنسانة عفاااكم حشومة عليكم اهى بديت نبكي قدمها بحال شي بنت صغيرة ....رحموني ...
من الغوط ديالي جات ماما كتجري خايفة شنو واقع وشنو كاين لكن خالتي طلبت منها انها تخلينا بوحدنا ...وفعلان بقينا الراس فالراس
خالتي:(بعد صمت طويل وانا كنبكي قدمها منهارة)كتبغي شي حد
انا:(شفت فيه وستغربت من جرأة السؤال )...
خالتي:وهو كيبغيك ...هو لي كنتي معه البارح فالطموبيل
انا:شفتينا
خالتي"اه طبعا شفتك بثينة عودي ليا عتبرني صديقتك ....
انا:مبقاتش عندي ثقة فالصحابات او فالاصدقاء اخالتي غا خليني
خالتي:عارفة جرحك كبير قلت نعونك
انا:ماكاين لاش
خالتي:(كلست )عفاك عتبرني ماماك صديقتك عودي ليا ...
عنقتها بالجهد وبقيت نبكي فأحضانها تا بديت كنعس وبديت نعس شوية بشوية تا غفيت ومعقلتش على راسي امتى نعست امكن من التعب ...غطاتني وخرجااات
من بعد نوم عميق نعست مرتاح امكن من البكاء الشديد لي بكيت او رتحيت حيت خويت قلبي شوية امكن البكاء ديال عام لي كان خانفني تخلست منو الان معرفتش لي عارفة انني ناعسة وفقت على غرفة خالتي كانت نعساتني تماااك ملي حليت عيني لقيت راجلها بجنبي فقت مفزوعة ومخلوعة وهو راسم غوبشة خفيفة . .
هو:علاش مبغبتش تزوجي بيا
تنهد قبل ما نتبه لراسي ونتأكد من سلامت الامور من امامي وخلفي هه وانا نخرج فيه عيني وغوط عليه تا تهز وبقا غا كيشوف فيا
انا:كون تحشم كون تحشم تفو على كنس
خرجت وانا كنضرب بالباب ونجري ..شفت الساعة كانت 6 وكان الكل غادر اويلي انا وهذا الشارف بسرعة هزيت الساروت ولبست صندلتي وجيت نخرج لكن الباب مقفل خنزرت فيه بغضب وهو موريا
انا:شنو باغي
هو:تاحاجة فقط نهدرو متخافيش انني نأديك ....عفاااك
تلفوني كيصوني كانت نمرة جديدة اوف اكيد شهم ...قطعت عليها ورجعات سيفطات ليا ميساج
"انا مراد ممكن تهبطي لتحت "
انا:هادي خالتي جااءت سييفطات ليا ميساج
سمع الشارف خالتي بداء احمار ويزراق ...