شهم:مغدياش تسوليني فين كنت
انا:مكيهمنيش
شهم:(كيغوط)ولكن انا كيهمني وبزاف
انا:هضر بشوية
شهم:(جرني من يدي بزز مني وانا كنتركل ...ونغوط دخلني فسيارتو وسد الباب والشتاء هابطة بالجهد)السارس...كنت مريض بالسارس هو مرض خطير لي معدي بزاف كنت فهذا العام كنتعالج ف لندن ابثينة كنت وانا قريب لييك ممكن نعاديك كان نسبة العلاج قليلة ...وكان ضروري نحميك مني كان ممكن نعديك ...كنت فهذا العام كنموت الف مرة من المرض لي كل نهار كيأكل فيا او بعدي عليك اكبر من المرض بنفسو كان اتر علي التنفس درت عملية الاولى والتانية والتالة ولكن تا وحدة بدون نجاح ولعملية الاخيرة قبل اسبوع روحي كتحرق وانا بعيد على روحي ولكن كوني اكيدة بلي كنت كنجيب الاخبار ديالك ...رغم انني ناعس فغرفة وممنوع ادخل عندي شي حد كان ضروري من ابتعادي عليك ...بمجرد تعالجت وبديت فالعالاج جبت الاخبار بوفاااة الاب ديالك ...الله ارحمو
انا:(بدون ولا كلمة معرفتش واش نصدق هضرتو او انني نكدبو)ممكن تحل ليا الباب بغيت نهبط
شهم:(ضرب بقوة على بابا السيار)بثينة
انا:(كنغوط والدموع فعيني)طلقني طلقني ياك كنتي مريض ايوة مبروك تعافيتي انا اسيدي راني مريضة وباقي مبريتش وعمري غادي نبرى جرحي انا اكبر من مرضك هو شبيه بالموت ...
شهم:احسن ليا نخليك عام او نعديك بمرضي كوني اكيدة بلي الالم ديال المرض متقدريش عليه هو صعيب وكيأكل فالاعضام جسمك الصغير ميقدرش على الالم ديال السارس ...
🌼التثمة...
انا:(بكل هذواء)عند بالك هذا سبب هذا ماشي سبب(كنغوط)عاااام عاااام 365 يوم وانا كيف الحمقة عند بالي وقعاات ليك شي حاجة مخليت ما سولت كنسول سناء ومراد صاحبك لي خلاني كيف الكلبة كنتسنى اجوبني ...اشمن عذر هذا لي يخليك دمرني اشمن الم كتهضر عليه اقوى من داك لي كنت كنعيش اصلان انا كنت كنموت كل نهار هضرت ماما لي بحال السم ...هضرت عماد الجيرااان او اشنو اشمن موت او حياة كتهضر عليه ....نتا تعالجيتي ولكن انا باقي وعمري غادي نتعالج نتا بعدتي عليا عام بسبب المرض وانا بغيت منك تبعد عليا ماشي غير عام حياتك كاملة معمرك مزال تبان فطريقي حيت انا عمري مغديا نتعالج بعد مني انا راني محطمة باقي فغرفة العمليات ..طلقني خليني نبداء حياتي
شهم:(بكل جدية)حياتك
انا:ااه حياتي لي حرمتيني منها (بلعت ريقي قبل منكدب اكبر كدبة)طلقني بغيت حريتي عطيتها ليا ...
شهم:دفعني بقوة وهاز ايديه على شكل بونية )وياااك تقولي الطلاق حيت هو لي معمرو يكون
انا:زوج شنو هذا زوج شنو انا شنو لعبة او اشنو طلقني طلقني بغيت نطلق حيت ممعتبراش هذا زوج عام كافية انني نكره فيها الزوج ونكرهك فيها بعد مني خليني نبداء حياتي لي ضاعت بسببك ماهيا الا كلمة قولها وهني حياتي لي ربطيها بورقة كاذبة عندك كيفاش قادر تعيش مع مراة كطلب الطلاق منك
انا"كيفاش قادر تعيش مع مراة كاطلب الطلاق منك
شهم:(بعد صمت طويل تا قلت صافي مغدياش اهضر شفت فيه بمعنى هدر خلاص ...دوز ايديه على لحيتو وصغر عينيه فيا)بثينة كيتنهد بثينة(كان كيردد اسمي بصوت عيااان )الطلاق هو الكلمة لي مبغيتش نسمعها من فمك راني كنهضر معاااك بكل هذواء (زير على سنانو) متخلينيش نهزك نهرب بيك لشي بلاصة بعيدة عند البشرية كاملة عارفاني نديرها ونفوتها بثينة(باغي ايشد ليا ايدي هربتها)خفت عليك خفت على حياتك
انا:كاينة شي حاجة سميتها تعلمني كاينة شي حاجة سميتها
شهم:(قاطعني)جوبي لو قلت ليك انا مريض وغادي نمشي نتعالج اشنو اديري
انا:مغدياش نتخلى عليك كنت انمشي معاااك الاي بلاصة مشيتي ليها يااك كنا مزوجين
شهم:لدبا مزوجين ماشي كنا
انا:كان فعل ماضي ا
شوف خلينا نهضرو بحال الناس الوعية ضيعت شحال ديال الوقت وانا معاااك ولدبا كنضيع اذان عطيني (شدني بقوة وعنقني كانني كنت كنتسنى ديك التعنيقة نجعر دفعتو بقوة حطيت ايدي على صدرو وحسيت بيه تزير ...)وياااك (كنلمح الدم خارج من صدرو)شنو هدشي
شهم:(كيدوز ايديه على لحيتو)غادي ترجعي معيا لكورديستان عندك يومين ممكن تدي الام ديالك وخوك. ...
انا(كان دم كتيرخارج كأنها خياطة وتحلات تصدمت وتلفت ااه خفت عليه ولكن مبينتش )حل ليا الطموبيل حل ليا الباب وداك الكورديستان ديالك هو لي معمرك تحلم بيه نمشي معاااك لا انا لا ماما لا خويا بعد منا وخا نعرفو نهربو ...
شهم:(كيبلع ريقو كأنه كيتألم)غادي تمشيو ابنت الناس اتمشيو نتي وديك مك وداك خوك ...
انا:شنو عندك
شهم:خفتي على راجلك
انا:حل ليا الباب باغيا نمشي
شهم:(حل ليا جيت نخرج كنلمحو كامل لون وجهو صفر لكن حطيت حجرة على قلبي وخليتو وجيت طالعة فالدرجة الاولى سمعت سميتي لكن ما شفتش فيه )وجدي راسك بعد يومين كح كح ...
و
شهم:وجدي راسك بعد يومين كح كح ...
كان وجخو صفر عطيتو بالضهر لكن رجعت امكن نكون كرهتو او مقلقة او مستحيل نسمح ليه اااه بحيت داكشي لي داز عليا ماشي ساهل ولكن معمري ننساء بلي كنبغيه وبسبب ديالو عرفت الحب شنو هو امكن ...تحركات مشاعري ديال الغرام ومشاعري الانسانية ...وفهذا اللحضة بالضبط راجعة عندو بصفتو انسان او كنحول نقنع راسي ونكدب على نفسي بقوة عليه هو فقط انسان ماشي حبيب او زوجي ....رجعة لعندو رغم الشتاء المجهد شافني وستغرب ...
انا:سير عالج جرحك رها كينزف بزاف
شهم:(تنهد )ولفت الجروح لي كتنزف كل نهار وانا غائب عليك ...
انا:قادر تصوك الطموبيل
شهم:كنبغيك
انا:نشدو طاكسي
شهم:مراتي
انا:كتعرف نمرة الطاكسي او عيط على صاحبك مراد
شهم:(تنهد)حياة شهم
انا:(بغضبهزيت التيلي من جيببو جيت نحلو كانت صورتي انا وياه حليتو نفس الكلمة السر القديمة تنهدت وانا كنقلب بين جهااات الاتصال على رقم داك مراد واخيران لقيت نمرة دالمغرب دوزتها ...كان كيصوني هضرت بكل جدية كرهتو )الو اجي لبلاصة ......صاحبك هنا مجروح ومقدرش اصوك
قطعت عليه وخليتو مزال كيهضر ...مديت ليه التيلدى كان الجرح كينزف بزاف وانا حاط راسو وكيشوف فيا كانو عينيه كيتسدو اكيد ما خسر العديد من الدم ...خفت عليه منكدبش عليكم ...ورجعت كاملي كنتفتف ...معرفاش شنو ندير ليه
انا:واش الجرحة جديدة ...
كان كيهلوس بالالفاض عكس اسئلتي مثل كنبغيك وتوحشتك الكلمات بجوج لي كان كينطق ...شفت سمعت سيارة اكيد مراد وانا نخرج كان مراد مصدوم بشوفتي وجاء عند شهم لي كان مقدرش احل عينيه مزال والنزيف الكتير اتار عليه ...حل باب السيارة وهزو من يدي
مراد:ممكن تعونيني
مشيت بالجرى حطيت ايد شهم فوق كتافي واليد التانية فكتف مراد وصلناه لسيارة مراد ...لكن كان غائب مراد خاف عليه وانا اكتر ...
مراد:(ركب فسيارتو )تحركي ركبي
انا:(بكل غضب وبكل احتقار بكل جدية)لا غير سيرو واحد الحاجة عفاك ممكن ملي افيق صاحبك تقول ليه ميبقاش ابان فطريقي عطيوني التيساع وخلوني نعيش حياتي ...