دازت واحد خمسة دقايق ودخلات جاوباتو تاصرطات الصدمة : ومنين اخويا كدوي بالمغربية لاش معذبنا
ماجد : هههه كتجي ناقصة لادوينا ماشي بلغتنا مع شي حد ماكانعرفوهش
نهى : لالة اخويا ماناقصة والو غا خليتينا نتعذبو مع اللهجة
ماجد : هانية كتوقع كنعتاذر داك النهار جاتني ابيل على بغثة .
نهى : ( بقات كتشوف كحسابو غاتقول ماشي موشكيل كخخ ) صراحة كون غا علمتيني حيت خليتي طرح ناقص
ماجد : كنعتاذرو
نهى : كتقن المغربية حسن مني ههه شنو السر
ماجد : الله اخلف على الواليدة
نهى : واش كتعرف غيرتكتبها ولا تالنطق عندك مقاد ؟ ( عضات على شفايفها بلعاني دارت هاكاك باش اسيفط اوديو وتسمع صوتو وداكشي لي كان جوج دقايق سيفط اوديو )
ماجد : هانتي الالة صورة وكتابة ( ختمها بضحكة ثقيلة رجولية )
نهى : ( القلب ديالها طلع ونزل من صوتو المدعدع لدرجة سمعات الاوديو عشرة دالمرات وقلبها كيزدح كضحك كيالحمقة) مزيان اسيدي لا صافي تيقت ناكاينش الغش
ماجد : وحدة بوحدة 😉
نهى : ( مافهماتش ) كيفاش
ماجد : سمعتي صوتنا شنو زعما مانسمعوش صوتك
نهى : ( ضحكات بجهد ورجعات حنات كتكتب ) سمعتيه اول مرة كنتي معانا فالكليكة
ماجد : ماكنتش مركز مزيان
نهى : ايوا ماشي موشكيل غا لقيتيني دابا خدامة نخرج وندويو ..
ماجد : شفتك فالكافي قلت اتكوني خارجة
نهى : كان بوز
ماجد : هي خدمتك قريبة للكافي
نهى : ( بقات كتفكر ) وي كنخدم فالشركة ديال Onf لي هنا ( شركة كبيرة كيخدمو فيها غا صحاب الشهدات العليا وكتعطي صالير واعر )
ماجد : مزيان الالة ساكنة فكازا نيت ؟
نهى : اه ساكنة مع عمتي وبنتها
ماجد : واليديك ؟
نهى : ( بقات كتفكر ثاني فكلام جميلة ) بابا تزوج مرة ثانية وطلق من ماما وتاهي تزوجات وعاشت ففمدينة خرا الشي لي خلاني عوالة على راسي وبلاصت مانبقا عايشة بوحدي فكازا عيطاتلي عمتي نبقا معاها
شافتو قرا الميساج وبقا شحال عاد جاوب: صعيب منين كيوقع فالعائلة بحال هاكا .
نهى : هادشي لي كاين هادي هي الحياة
شافتو ماجاوبهاش، جمعات فمها ورجعات للدار تكات وكتفكر فيه ولا الكذبات لي كاذبة عليه تادخلات عندها جميلة ..
نهى : جميلة ياك ماجد ماكيعمرش مع ولد خالتو متأكدة
جميلة : عاوتاني ماجد اشنو دوا معاك
نهى : كخخخ وكذبت عليه عشرين الف كذبة
جميلة : العار ايوا وتيق
نهى : طبعا تيق من غير الى طلاقا مع دوك الناقصين وسولهم عليا
جميلة : دابا ضاعت الله هو ماكيتحمع معاهوم تا على طبلة وحدة بقا غير اسولهوم عليك
نهى : انا باغا غانتصاحب معاه وربي كبير داك ساعة لابغا يمشي الله اعاونو
جميلة : ماوراكش شي تصويرة من غير هادوك اي حاط تم .
نهى : اش غايوريني راه دوينا هضرة عادية تاهو ماقال لا تصويرة لا والو
جميلة : غا لابغا اختي نتي يدخل غالانسطا يشبع
نهى : نو حبيبتي التصاور لي كيطلبو هوما كيكونو مخصوصين ( غمزاتها )
جميلة : شنو صوري راسك واقفة كخخخ
نهى : بزاف عليك اش فهمك نتي فهادشي معذرت مصاحبة مع داك المش
جميلة : هاي هاي كاتعايرليا فراجلي صافي نتي ضفرتيه زعما شتيه غاجاي يخطبك
نهى : شكون اختي قاليك بغيتو يخطبني انا بغيتو يطيح وسلام
ناضت مخلياها مشات لبيتها رجعات طلات على الانسطا مطلقاه من داك الميساج ماولا جاوبها كيدير شي غبرات غرابين عرفاتو ماعندوش مع هادشي ديال الشات بزاف وماشي شي واحد لي بوبنات .
ناضت فصباح كارهة تمشي للخدمة حيت دخل شهر سبعة ودنيا نروجة وكولشي كيسافر ومصيف وهي بزز منها ماعندها كيدير كتشدها البكية، مشات بزز وراجعة مهلوكة حدها كتبروفيطي شوية فليل تخرج تقسر، دخلات للدار رجعات طلات على الانسطا والو سباتو فخاطرها دخلات للدوش خرجات مزنكة لاوية شعرها بالفوطة ومشات باش تنعس تاكاتسمع تيليفونها كيصوني هزاتو كاتلقاه هو معيط من الانسطا قلبها بدا كيضرب وعينيها تحمعو تم نيت جاوباتو ورققات صوتها : آلو
ماجد : miss نهى ( دوا بالانجليزية )
نهى : امم كتوريني براعتك فاللغات
ماجد : لا ولكن خليناها اخر مرة فنسمعو صوتك عليها عيطت ماكاينش موشكيل بعدا
نهى : مم كاين موشكيل صراحة
ماجد : لي هو
نهى : لقيتيني غادا نعس
ماجد : وانا لقيتيني يالاه دخلت للدار
نهى : ياك نتوما زايدين علينا فالسوابع يعني دابا نصاصات الليل
ماجد : كان عندي واحد اللقاء عليها
نهى : مم اخر مرة قتليك فين كنخدم ولكن ماقلتيلي والو
ماجد : زعما مادرتيش طليلة على الانسطا
نهى :صراحة واخا هاكاك مافهمتش نوع الخدمة ديالك
ماجد : كنستثمر فالمشارع لي كيبانو ليا عندهم مستقبل زوين وفنفس الوقت كاينين عندي ملكيات ..
نهى : مزيان يعني القهوة فين كنت كالسة ديك النهار الملكية ديالك
ماجد : مزيان راك شادا معايا الخط
نهى : ( غبنات صوتها ) صراحة عندكم قهوة مابيهاش
ماجد : ( ضحك بشوية مثقاال ) ههه مايكون غا خاطرك الالة المرة جايا نوصيهوم اجيبوليك القهوة لي مزيانة
نهى : لا صافي دابا ناغاديش نكلس فيها مرة خرا
ماجد : علاش ؟
نهى : حيت ديالك ( جبدات شعرها كتلوي فيه وكتغبن فصوتها )
ماجد : بلعكس دابا عاد خاسك تجيك الكلسة فيها مرتاحة هاد المرة اي حاجة من تم غاتكون على حسابي
نهى : ( ضحكات حابسها بزز ) لا كيعجبني نبروفيطي بفلوسي
ماجد : استقلال مادي بغيتي تقولي ليا
نهى : بحال هاكاك ( ثقلات صوتها ) قوليا بعدا نورمال هاد الساعة خاس تكون كدوي مع حبيبتج قلبك ! ماعندكش ؟