الجزء 21- بنت السايب

 

رانيا كالسة كاتطوي الحوايج مع خنساء لي جابدة بلاكارها كامل كاتجمعوا وتقادو وفنفس الوقت باغا تختار شنو غاتلبس فالعشية دايرة مع مهدي تلاقا هي وياه ...

رانيا ضحكات : انا راه شحال من مرة قلتها ليك ...السيد كان باين طايح فيك وغايتسطى عليه ... كنت متأكدة انه مامزوجش ....

خنساء وسعات ابتسامتها ناشطة : ختي ماتخايلش الحشمة لي جاتني مني قالي راه مطلق ... ماخليت فيه غير لي نسيت مالقيت فين نحط وجهي من بعد ... ولكن ديال بصح فرحت مني لقيت راسي غالطة ... اول مرة فحياتي نحس براسي فرحانة لديك الدرجة من قلبي .... ماعرفتش صراحة ولكن حسيت بيه فشكل متميز على غيرو

رانيا تكات حداها فالسرير : وشنو زعما لي خلاه مميز ... انا كانعرفك ماشي ساهل طيحي ... ولكن هاد المرة بنتي ليا مشيتي فيها ديال بصح ... عينيك مابقاوش خوت

ابتاسمات عينيها فالسقف حاطة يدها ورا عنقها واليد الاخرى كاتلعب بشعرها : ماعرفتش واش طحت ولا غرقت ولا ضربني زلزال ... معارفة وااالو ... ولكن من نهار شفتو ماحيدش ليا من باالي ( تنهداات بصوت مسموع وابتسامتها على وجهها): عينيه ، ضحكتو، الكاريزما ديالو ، وصوتو باقا كانسمعوا لدابا فودني ... هااح ... دوزت بزاف ديال الرجال فحياتي ولكن المهدي سطاني ديال بصح ... ( شافت فيها عاضة على قنوفتها ): مانكدبش عليك ارانيا شرشم ليا المشاعر بالمعقول ... وليت نبات ونصبح على صورتو بين عيني ... ( مسبلة عينيها ): زعزع ليا المحاسيس وخلاني نتصدم فراسي

رانيا هزات فيها حاجبها : على ماباان ليا جبتي الربحة اخنساء ... وهاد المرة جيتي على زناافرك ... كاااع داك الريش لي كنتي نافخة طيرو ليك سي مهدي ... الله ينفعنا ببراكتو ...

خنساء ضحكاات : هههههه صيدني ولد الهم ... خلاني تاايهة بلاا عقل ... وليت طايرة فالسحااب فينما كانتفكرو كانولي نفرنس غير بوحدي ونسرح مع تفاصيلوا ... عمري حسيت بهااادشي ولاا عشتوو .... شعور فشكل ارانيا ... ماعرفتش كيفاش نوصفوا ولا شنو نسميه

رانيا فرنسات غامزاها : شكون كاان يقول بنت السايب تحب وتطيح فبحر الهوا والغراام ...

خنساء بطنز : وراه كايقوليك الحجلة الصعيبة من سعد الصياد وهو ولد اللادينا صياد محترف بلا مكحلة ..

رانيا ناضت هازة الحوايج كاتردهم للبلاكاار : ايوا نوضي وجدي راسك يلاه تلحقي ... وشوفي كيف غاديري تقنعي نسرين تقول لبا العربي راك خارجة

خنساء بعجرفة : كوني هانية انا عارفة مزيان اش غادي نقول ليها نتي غير نعسي على جنب الراحة .... ( بحيرة ): شنو نلبس شي كسوة ولا جلابة ؟؟؟

رانيا بتفكير : من الاحسن كسوة وديري عليها شي كويرة على البرد الجو متقلب هاد الايام ...

خنساء حرطات بايجاب هزات كسوة فالموف فالكرونة ربيعية ماسخونة ما باردة كاتجي شوية مهزورة فاللبسة ومعاها كويرة كحلة وصباط فنفس اللون حطاتهم وخلات لي اكسيسوار لرانيا تختار ليها ودخلات تطرف عليهااا ...

تعاشات العشية وخنساء واقفة قدام المرايا كاتشوف راسهااا مبتاسمة عاجبها مظهرها وحلتهااا ... جات انيقة بالكسوة بينات ليها طايتهااا مزيرة شوية من الفوق ومفتوحة من التحت .... جامعة شعرها ذيل حصااان طويل مرولي وماكياج فعينيهااا راسخ ولكن هاد المرة خلاتهم فلونهم بلا عدسات ... غالبين على الكلوز لي فوجهاااا مجاش شاغجي بزاااف ... مزينة عنقها بسنسلة فضية خفيفة وكورميط ديالهاا فيدهااا وخاتم خفيف ... جااات كيوووت بزاااف ...

رانيااا عطاتها ساك اسود : احح جيتي فنة ياختي لي لبستيها كاتواتيك

خنساء فرنسات : بصح جيت زوينة ... مابغيتش نعيق بزااااف حيت اول مرة بغيت نباان عادية ولكن فنفس الوقت انيقة ... ياك ميكاب ماشي اوفر بزاف

رانيا : لا لا هو هاداااك ... يلاه خاصك تخرجي قبل مايجي با العربي وعصام يحصلوك هنا ...

خنساء هزات التلفون دارتو فالساك ورشات ريحتها بالخف : وي عندك الحق ... الا لقاوني باقا غايبقاو يفقسوني بالاسئلة .. يلااه ...

هبطوا جوج متابعين نيشان للصالون .... كانت نسرين متكية فوق السداري حاطة قدامها طبسيل ديال العنب كتاكل منو ...

خنساء خاطباتها : نسرين انا غانخرج واحد شوية ؟؟

نسرين بتساؤل مطلعاها ومهبطاها : قلتيها لبا العربي ؟؟ ...

خنساء تنهدات : لا حيت غادة غير للصالون ... غادي نمشي نقي لحمي كولي تشعرت ...

نسرين قرمات حجبانها : اول مرة نشوف شي وحدة غادة للصالون مفركسة ... انا كانعرف الناس كايجيو منو مقادين

خنساء بنفاد صبر : الصالون لي غادة ليه بعيد شوية اكيد مغاديش نمشي مبهدلة وانا غانضرب الطريق ... الا جا بااا ولا عصام قوليليهم راه مشات للسونطر وعرفي كيف توصليها ليهم ..

نسرين : اوك صافي ... غير ماتعطليش باش ماتجيش وتسمعي الهضرة ...

خنساء بايجاب : كوني هانية ... يلاه نخليك ... ( دارت عندها باغا تراضيها باش تقاد ليها الهضرة مني يجيو ): احم تشهيتي شي حاجة نجيبها ليك معاياا ؟؟

نسرين وسعات ابتسامتها : ااه اااه ماكرهتش المانضارين شفتو البارح باقي خضر جديد ... ماكرهتش شي كيلو الا صادفتيه ...

خنساء : ههههه جاتك جوج كيلو الالة علاه انا نقدر نعزو فولد خويا الغزال ...

نسرين : ايوااا باااز ... الله يعطينا وجهك ...

خنساء ضحكات ليها وزادت من تما جارة رانيااا معااهااا .... حتى وصلوا لشانطي وخنساء شدات طاكسي غادة غاطير بالفرحة ورانيا اتاجهات لدارهم ...

فقهوة راقية هادية حدا الواااد فيها منظر رائع كايفتح النفس كان كالس مهدي فوحدة من الطوابل لي مقابلة مع الواد ... كايشوف فساعة بحال الا كالس على الشوك مقادرش يصبر باين فيه التوتر والفرحة من وجهو .... دار جهة الباب وهي تبان ليه خنسااء داخلة بحلتها الانيقة كاتمختر فالمشية وكل حاجة فيهااا فبلاصتهاااا ... مشيتهااا التقيلة وتابتة والشوفة فيهاااا كاتخلي كاريزمااا خااصة تبان عليها ... ابتاسم موسع ابتسامتووو ووقف بلباااقة ضاحك فوجهها ...

خنساء وصلات حداه دايرة ابتسامة خفيفة على وجهها ونطقات بهدوء : ياكما تعطلت عليك ؟؟ ...

المهدي قرب جار ليها الكرسي تكلس بكل رقي : لا لقيتيني عاد جيت ...

كلسات عاجبها الحااال وحنوكها تزنكو بالحشمة والبرد الخفيف لي كايضرب ... ناطقة بشكر : ميرسي ههه ...

كلس مقابل معااهااا كايشوف فعينيهااا فااس : فصراحة جيتي زوينة بزااف اليوم

خنساء رمشات عينيها كاتحاول تمالك فرحتها : ياااك اسيدي غير اليوم ؟؟

المهدي ضحك : ههههه نتي ديما زوينة غير اليوم جيتي سبيسيال شوية ... وماتنسايش ان هادي اول مرة نتلاقاو وحنا معولين عليها اكيد غاتكون متميزة

خنساء بايجاب : وي بصح ... اسيدي شكرا على المجاملة ... واخا انا عارفة راسي زوينة فجميع الحالات ....

المهدي هز حاجبو : اوووو عجباتني هاد التقة فالنفس ... ولكن من حقك ... ( شاف فالموني ): شنو تشربي ؟؟؟

خنساء بتفكير كاتحيد الفيست ديالها : كابوتشينوو ...

المهدي شار للنادل يجي ونطق بطلب : جوج كابوتشينو عافاك و حلوة شوكولا عافاك ...

النادل بلباقة : مرحباااا ...

زاد من تما وخنساء شافت فيه : وشكون قاليك انا بغيت شوكولا ...

المهدي بايجاز : فصراحة داك النهار فالقهوة سولت شنو خديتي مني خرجتي .. وقالولي لي كريب شوكولا عليهااا ضنيت انها كاتعجبك ..

خنساء ضحكات : ههههههه واخا انا ماعنديش بزاف مع الشوكولا ولكن مني طلبتيها غادي ناكلهااا

المهدي : ههههههه يعني تخميني كان غالط

خنساء باقي كاتهضر معاه بالميزان : سي ماضربتيش ليها هاد المرة الحساب مزيان ... ولكن ماشي مشكل مبادرة زوينة هادي من عندك ...

المهدي : ايوا الله يكبر بيك مني قدرتي المجهود ... هههههه كانشكرك هههه

خنساء : صافا عليك بعدا ؟

المهدي : الحمد لله ومني شفتك وليت حسن كااع...

خنساء ضحكات بشكل خفيف فرحانة...بقاو لدقائق كايهضرو على لأحوال..ومهدي كايعاود ليهاا على لخدمة..وهياا كاتشوف فيه بعيون لامعة وترمش بتتاقل...عاجبهاا كيفاش كايهضر وكيفااش كايضحك...كايسالي معاها بتفاصيلو..لي كاتبقى دقق فيهم واخاا الصغيرة منهاا....

رشفات شوية من لكاس لي قبلاتها بلباقة و نطقات بتساؤل : ايواااا ماقلتيش ليااا البارح مني سولتك فميساج... شنو السبب لي خلاك طلق مراتك ؟

المهدي : ههههههه واااااو مكاتنسايش ولكن كاضني ان هاد الموضوع غانهضرو فيه فنهار فحال هاذا

خنساء بتأكيد : فصراحة انا ماكرهتش نعرف ... الفضول غادي يقتلني .. الليل كامل وانا كانفكر شنو السبب

المهدي شاف فالنادل لي حط ليهم الطلب وشكروا وشاف فيها : اوك مني مصممة تعرفي غانقوليك ... حنا فصراحة تزوجنا عن حب يعني كنا كانعرفوا بعضياتنا قبل الزواج وكنا منساجمين واخا كانو بيناتنا مشاكل فحال ايها الناس ... من بعد الزواج مابقيناش مفاهمين مزيااان وكنا كانتناقشو بزااف على ابسط الامور ...

خنساء بتركيز كاترشف من كاسها : ممم ماتقولش ليا هادشي لي خلاكم طلقوا مانضنش حيت هادشي ممكن يطرا فأي كوبل ...

المهدي : لا لا ماشي هاذا هو السبب ... انا فصراحة كنت مايمكنش نتخلى على زواجي بهاد البساطة ... ولكن من بعد تزادنا مشكل اخر وهو لي خلانا نوصلو للطلاق ؟؟؟

خنساء بفضول : شنو هو ؟؟؟

المهدي حك ضقنو ونطق بتردد ... مخرج نفس عميق : احم ...الولاااد هما السبب ...

خنساء خرجات عينيهااا مشوكية ونطقات بتلعتم : اءء ... ك..كيفاش الولاد ؟؟

المهدي حك ضقنو ونطق بتردد ... مخرج نفس عميق : احم ...الولاااد هما السبب ...

خنساء خرجات عينيهااا مشوكية ونطقات بتلعتم : اءء ... ك..كيفاش الولاد ؟؟

المهدي بهدوء : فصراحة كانت كاتحمل وكايطيحوا ليها ... يعني كان عندها مشكل فالرحم ...

خنساء قرمات حجبانها : شنو زعما تفارقتو حيت هي عندها مشكل ...

المهدي بنفي : لا حنا حاولنا نتعايشو مع الوضع وفكرنا بزاف اننا نربيو ولكن ولا اي مشكل كايوقع كايتربط غير بموضوع الولاد ... بحال الا انا مزوج بيها غير على قبل الولاد ... العلاقة بيناتنا بردااات ونهار على نهار كاتعقد ... وقررنا نتفارقوا ...

خنساء رمشات : وزعما نتا مكانش عندك مشكل فموضوع الولاد ... يعني واش بصح كنتي ناوي تعايش مع الوضع

المهدي بصراحة : مغاديش نكر ونكدب عليك انني كنت راضي على الموضوع كليااا ... حتى انا فحال اي راجل غانبغي ولاد من دمي ولحمي ... ولكن كنت مقتانع ان علاقتنا فوق كلشي ... مي فالحقيقة الموضوع خرج من يدنا وولا مسيطر على لغولاسيون ... داكشي علاش سالينا ...

خنساء بتفهم : وي فهمتك ... فالحقيقة صعيب بزاف على المراة تقبل هاد الموضوع ... طبيعي مني غايوقع شي مشكل غاتحس ان السبب فالنزاع هو انها ماتقدرش تجيب وليدات ... الله يحسن العون ولكن فنفس الوقت هاذا راه قدر الله ومن الواجب اي وحدة ترضا بلي قسم عليها وتعرف ان الله الى حرمها من هاد النعمة رااه فيها خير ليهااا...

المهدي : المكتاب وصافي مايقدرش بنادم يهرب منو ...

خنساء باسف : حرام الرزق بيناتكم ... الله يسهل عليها فجهة ماتعرف الخير فين كااين ...

ابتاسم ليها : امين ... هههههه شنو زعما دايرة فيها بعقلك ؟؟ ...

خنساء ميقات : ومالك عند بالك انا هبيلة راااه غير باقي مكاتعرفنيش مزيان ...

المهدي : ايوااا الله يجعلني نتيق ...

خنساء ضحكات فوجهو وسكتات مدة كاتحاول ترتب افكارها ... خاصها ضروري تصارحو بحقيقة طلاقها مكاين لاش تزيد تأجل الموضوع يا اما غايتقبلوا ويكملوا عادي ولا غادي يحبسو هنا ماحدهم باقين فالبداية ...

خدات نفس عميق وشافت فعينيه نيشاان : فصراحة امهدي حتى انا عندي شي حاجة خاصني نقولها ليك .... قبل مانديرو حتى خطوة للقدام ....( حاسة بقلبها كايضرب فالتسعين ولكن ضابطة نفسها باش ماتوترش )

المهدي باصغاء : وي شنو ؟؟؟ ...

بلعات ريقها ونطقات بكل هدوء مفيكسية فيه الشوفة : حتى انا امهدي كنت مزوجة من قبل وماشي بزااف بااش طلقت ...

المهدي خرج عينو مشوكي والصدمة ظهرات على وجهو تخطف فيه اللون ... وكلمة مطلقة تعاودات فوذنوا مرارا وتكرارا ... بقااا مصدوم فيهااا ساكت بلا حتى كلمة غير كايرمش ... وخنساء متبعة ليه العين حسات بيه تصدم حيت فلحظة وجهوا تغير ... وجمع الضحكة ... بقا كايشوف فيهااا بلا ما يهضر ...

خنساء نطقات بتساؤل : ما غادي تقول والو ؟؟ ...

المهدي حك على دقنو ونطق مرفوع : اءء فصراحة صدمتيني ماكنتش متوقعها ... ( شمر على نيفو ): ماعرفت ما نقول ...

خنساء بتفسير : كنت باغاك تسمعها من عندي ماشي من جهة اخرى وبغيت نكون واضحة معاك من اللول ...

المهدي حك على راسو وبقا ساكت دقايق غير كايشوف فيهااا مكانش ابدا متوقعها فايت فيها الزواج من قبل ... رمش عينو ونطق : اخر حاجة كنت متوقعها هي تكوني فايتة مزوجة ...

خنساء طلعات النفس وهبطاتها كانت متوقعة مية فالمية انه غايتفاجئ بالموضوع وكانت ضاربة حساب لردة فعلوا .. نطقات بايجاز : الا كان عندك شي مشكل ولا تردد فهاد المسألة حنا نقدرواا...ن..

قاطعها مامخليهاش تكمل : لا لا ماتفهميهاش هاكا ... انا غير جاتني عجب ... وفصراحة طاحولي بزاف ديال الاسئلة فراسي مني قلتيها ...( بلع ريقو كايتنفس بصوت مسموع ): ماعرفت مانقول

خنساء حسات بيه متردد وتغير بشكل كلي ... عارفة ان اغلب الرجال كايسمعوا البنت مطلقة كايرجعوا خطوة اللور باش يفكروا فالموضوع من كاع الجوانب وهادشي جاري بيه العمل فمجتمعنا الا القليل لي عندو المسألة عادية ...

خنساء حاولات تنفس مزيان حسات بالدموع تحجروا فعينها : المهم نتا تقدر تفكر فالموضوع فخاطرك ... انا غانمشي للحماام ونرجع ..

حرك راسو بايجاب بلاما يهضر وهي وقفات هازة صاكها فيدهااا غادة جهة الحمااام ... كاتسرع فخطواااتهااا ... دخلاات وسدااات عليهاا الباااب مقابلة مع المرااية ... حطات الصاك فوق الكونطواار حاسة بالبكية غاتخرج ليهاا حابسة راسهااا غير بزز باش ما تستسلمش لدموعهاا ... حاسة بكابوس حياتهااا وديك الليلة المشؤومة غاتبقى تابعااهااا حياااتهااا كااملة ... مزاال الغلط لي دارت ماقدراتش تخلص منووو ... عارفة بيلااا الا ماتقبلهااش ماعندها مادير ولكن دماغهاا تلقائيا كايمشي لانها كاتعاقب غير بسبب الخطيئة لي ارتاكباات ... زيراات على يدهاا حابسة دموعهااا والبكية لي واصلة لحلقهاا كاتحاول تقوي راسهااا وماتضعفش بالمرة ... ونطقات بحصرة : غرزة زايدة فيا و هم لعرى فايت فيا ... ياربي ايمتا نتهنى من هاد الهم ( كاتسوط)

المهدي بقا ساااهي جهة البالكون كايفكر فهضرتهاا فحيرة ماعارفش شنو خاصو يدير ... حاس براسو تاالف مغاديش ينكر ان هاد الموضوع شوش ليه افكارو ودماغوا بالمعقول ... احساسو من جهتها حاس بيه غالب عليه ولكن موضوع طلاقهااا طرح ليه بزاف ديال الاسئلة فدمااغو ... وكأي رجل شرقي غايبغي ياخد وقت فالتفكير فموضوع بحال هاذااا ... نعياااو نتقدموا ونتطوروا ولكن للاسف باقي المنظور الاجتماعي ديالنا فبزاف ديال المواضيع غالب علينا وعلى تفكيرهااا ... ولمشكل انها مواضيع ماعندها معنى وغير زايظة ومعتقدات خاطئة الا تخلينا عليها غاتزيدو للقدام بشكل كبير

خنساء خدات نفس عميق ورسمات ابتسامة عريضة على وجهها ... اكيد ماباغااهش يتخلى عليهااا حيت تعلقات بيه ولكن الا كان موضوع فحال هاذا غايغير مشاعروا جهتها كاتفضل تعدب شوية على انها تعدب حياتها كاملة ... حلات صاكها وجبدات منو احمر شفاهها وعاودات طبقاتو على شفايفها باتقان ... حاسة براسها بردات وتهدنات ومستعدة لاي جواب واي قرار غاياخدو ... وغاترضا بيه وتعتابرو فيه خير ليهااا ... رتبات خصلات شعرهااا وتنفسات بعمق رجعاات عااادية وخرجاات بكل تقة متاجهة لجهة الطبلة لي كالس فيهاا ...

لقاتو باقي ساهي كايفكر سارح فدوامة من الافكاار ... ضحكاات بابتسامة عريضة ونطقات بكل تقة : ايواا فين خليناها ...

شاف جهتها : كنت كانفكر فهادشي لي قلتي دابا ...

ضحكات بطنز : سبحان الله انا ماتفاجئتش هاكا مني سمعتك مطلق

المهدي من طبعوا صريح فكلشي : مغاديش نكر فغيمون تقاجئت ...

خنساء بهدوء : ضونك غاتكون فكرتي ... كانسمعك شنو قررتي ... ( بقا ساكت وهي تشوفيه نيشان بلا تردد ): شوف امهدي نتا ما كاين لاش ترتابك ... انا كانأكد ليك انني مغاديش ناخد موقف من قرارك كيفما كاان

المهدي حلقو نشف معارف مايقدم ولا مايوخر ... تنهد خاصو يحسم فالموضوع وهاد المرة بشكل نهائي ... بلع ريقو ونطق وهو مقتانع : بصح تفاجئت مني سمعت الحقيقة ... ولكن هادشي ماغير حتى حاجة فمشاعيري من جيهتك ولا فقراري من ناحية علاقتنا ...

خنساء ابتاسمات براحة الفرحة بانت فعينيها ولكن بغاتو يكون متيقن : ولكن امهدي انا مابغيتش تقولي هاكا غير حيت اضطريتي ... نتا تقدر تاخد القرار لي غادي يريحك ماشي لي يرضيني ويخسر خاطرك نتا ...

حرك راسو بلا حول ورجعات الابتسامة لوجهوا بشكل عادي ونطق بتأكيد جار عندو يدها بين يديه : انا من نهار شفتك عطيتك بلاصة فقلبي بلاما نعرف لا سميتك والا طبعك ولا شكون نتي .. وحتى كونك مطلقة مغاديش يغير رأيي فيك بالمرة

خنساء حسات بالصدق فهضرتو وارتاحت نسبيا من طريقة كلامو لي بصح كاتبان نابعة من قلبو ومافيهااش الاصطناع بالمرة حيت لحد الان بين ليها صراحتو ومكايصطانعش امها ولا يمتل ... زيرات على يدو مبتاسمة وعينيها كايلمعوا وهي كاتشوف فيه ...

المهدي حس بيها ونطق من قلبو : انا باغيك نتي ومكايهمنيش ماضيك ولا شنو كنتي من قبل ... انا بصح اختاريتك كشخص شنو داز ولا لي فات مكايهمش بالمرة ...

خنساء تنفسات براحة ويدها فيدو : بصح ؟؟ ... زعما مغاديش تندم على هاد القرار ...

المهدي : كوني على يقين اني مستحيل ندم والا تفاجئت وخديت وقت فالتفكير غير حيت ماكنتش متوقع وجاتني على غفلة وبكل صراحة متشوق نعرف ايمتا تزوجتي وعلاااش طلقتي ؟

خنساء نطقات وازنة هضرتها وعارفو مزيان شنو خاصها تقول : هادي عماين باش تزوجت ماتفاهناش وطلقنا

المهدي بفضول : كيفاش ماتفاهمتوش ؟؟

خنساء : كان بيناتنا فرق كبير فلاج

المهدي بتساؤل : واش مكانش كايتعامل معاك مزيان ؟؟

خنساء بنفي : لا لا بالعكس هو كان انسان مزيان بزااف ماعمروا فصراحة خصر ليا ولا دار شي حاجة ضرني ... كان الله يعمرها دار وكايتعامل معايا مزيان

المهدي طاح ليه العجب : ايواا ؟؟

خنساء محاولة ماتغلطش فالهضرة ولا تقول شي حاجة ممكن تندم عليها ... ضابطة مزيان كلامها وفين غادي : ماقدرناش نتغلبوا على فرق السن لي بيناتنا ... واخا حاولناا ولكن تفكيرنا كان مختالف ... داكشي علاش قررنا نتفارقوا بالتراضي وكلها يشد طريق ...

المهدي باقتنااع جاه فبالو سؤال علاش تزوجات براجل كبر منها وهي بنت زوينة واي واحد يتمناها ولكن مابغاش يزيد يضغط عليها مقرر يسد الموضوع هنا ويخلي من بعد ويهضر معاها فهادشي بديطااي ...

ابتاسم ليها : فهمت فيها خير ... هاد اللقاء كان فمحلوا هاكا عرفنا بزاف ديال الحوايج على بعضياتنا وحطينا النقط على الحروف ...

خنساء بايجاب تهنات من حمل تقيل كانت هازااه فوق ضهرها : وي هاكا ارتاحينا بجوج ..

المهدي : ضونك انا غانشوف الوقت المناسب لي غادي ندوي فيه مع عصام .. مانضنش غاتعتارضي

ضحكات عاضة على قنوفتهااا حساات بفرحة كبيرة مني تقبل الموضوع واخا فلول بان تردد مي كان حسن ياخد وقتو على انه يفكر من بعد ويتراجع ولا يندم ... بقاو كايهضروا مع بعضياتهم ويتكلمواا فمواضيع مختلفة ... عاد ناض وصلهااا قريب من الدرب ديالهاا باش مايخلق ليها حتى مشكل وكملات على رجليها غادة طير بالفرحة ...

صبح نهاار جديد..كانت سارة متكية فرق لفوتوي لكبير وحداها نادية شادة تليكموند كاتفرج فلتلفازة قبالتهاا...

شافت فسارة ونطقات كتسائل بهدوء:اناا مفهمتش علااش مابغيتيش تمشي معايا لعند خالتك لرباط...و زعما كنت كانتسنا فيك تجي من المحمدية باش نمشي معاك ..

سارة بتغنااج:وماما الله يهديك..اشغانمشي ندير عندهاا...لملل...ونتي عارفة رباط كايجيني مقناط مكنرتاحش فيه.. وراه قلت ليك من قبل سيري عندهاا ومتسناينيش حيت انا مغاداش نتي مابغيتيش...

نادية تنهدات:اوى صافي على خاطرك... انا غانمشي بوحدي لعندهااا..

سارة برجاء:مي سيل تو بلي متعطليش عليا..لعطلة راه دغيا غادوز وخاصني نرجع ...وبغا ندوزها معاك حيت غانتوحشك تاني...

نادية:واخاا احبيبة مغانتعطلش...نيت مزيان تبقاي هنايا فدار مونسة مهدي..بينما جييت من عند خاالتك

سارة سكتات تواني وردت عليها كاضحك:ههه أحم مهدي راه موانس بلا بياااا..غا تهناي من جيهتو...

نادية هزات فيها حاجبها بعدم فهم:كيفااش موانس؟؟!

سارة:اوى الالة ولدك لوحيد اكيد كايعرف شي وحدة...وهااد لمرة بااينة طااح طيحة وااعرة..وتزعط زعطة مايجمعوهاا شرااوط ههههه

نادية بجدية:منيتك؟؟!اشهاد لهضرة كاتقولي...كادوي بصح؟؟!

ساارة:وي كاندوي معااك بلمعقول مكانتفلاش...مهدي سيفغي كايعرف شي وحدة...

نادية طولات فيها شوفة ونطقات بهتمام:ونتي بااش عرفتيهاا؟؟!

ساارة نااضت ݣلسات تقابلات معاها بإبتسامة:لقيتها داك نهار مسيفطا ليه ميساج وكاتبة ليه "بصحتك الدوش"هاد لميساج اماما مغاتسيفطو غير وحدة داخل معاها مهدي فغولاسيو...(كملات كاضحك)ههه وباش نزيد نصدمك..ملي سولتو..قالي سميتهاا وحتاا كيفاش تعرف عليهاا...اوى دابا تأكدتي؟؟!

نادية بتشكيك ماباغاش هضرتها دخل ليهاا لراس:لا لا..هادشي جاني فشكل..تقدر تكوني غير شي صديقة ديالو ودارت معاه صواب وسيفطات ليه داك لميساج...وغاتكوني غير لصقتيه تااني باش يعاود ليك وبغا يصدرك عليها قاليك لي كاين ولي مكاينش....

سارة غوبشاات بملاميحهاا:يااك دابا انا وليت لصقة..ميغسي بوكو امامي على هااد لهضرة..نستاهل حيت انا لي جاية نعااود ليك...

ردت عليهاا نادية بتحزاار كاضحك:ههه بلا ماتقلقي الحبببة ديالي غير كانضحك معاك...مي معاك بصح لقضية ديال مهدي كايعرف شي وحدة جاتني فشكل..محالش..مكانضنش.. ولدي وانا عارفاه..وكون نيت كان مع شي وحدة...غادي نسيق لخباار غادي نحس بيهااا...وهوا لي غادي يقولهاا لياا

جاوباتها مباتسمة بجنب:اوى الالة رااك غير مارضيتيش ليه لباال...علاه ماشتيهش كيف تبدل هااد لأيام وولا فرحان كل مرة تلقايه شاد تيل كايقرا ويكتب و يفرنس غير بوحدو...عينيه كايبريو...شحال هادي ماشفتو فرحان هاكا...تماما كيفما كاان ملي يلاه عرف هدى(طاليقو)

ناادية طلعات حاجبهاا:وااش دابا غالي فرحان ومورالو طالع وراشقة ليه..راه كايعرف شي وحدة وغاتكون هياا سبب....لا ابنتي ماشي بصح..

ساارة نيسات معاها ردت عليها بنبرة اقناع شديدة:نااري ياماما وشحال مكاتيقيش بلواحد...يلاه نتخاطرو عليها... شحال تحطي؟؟! بلي عن قريب غادي يجي لعندك و يقوليك يلاه تخطبي ليااا...

نادية بنزعاج:خلاص علياا...مغادي نحط والو..حيت أصلا مكاين واالو...وانا متأكدة...

ناضت واقفة غاطلع لبيتها ونطقات مبتاسمة بتقة:داكوغ...ها حنا غانشوفو...وعن قرييب غادي تقولي ساارة قالتهاا....عقلي على هضرتي مزياان...

كملات هضرتهاا ومشاات...ونادية بقاات كاتشوف فجيهتهاا مصغرة عينيهاا..شاكة فأن هضرة سارة تقدر تكون صحيحة...ماتنكرش ان شوية لفضول تسللو لداخل ديالها بغاات تعرف...ولكن مبغات تقوول والو لمهدي مدام هوا مفاتحهااش فلمووضوع..قررات تسكت وماتقول والو...مخليااه حتا يعاود ليهاا على خاطرو...ويقوليها شنو كاين....

وصلات لعشية..وشميسة بداات كاتغيب...دخلات نسرين هيا وعصاام لداار بعدما جاو من على برى...كانو خارجين كايتقداو..تقدماات نسرين لجيهة لبيت هازة ساشيات فيهم لحوايج لي شرات..فرحانة بيهم...دخلات لبيت ومن موراها عصام...لقاو خنساء متكية شادة تيل..كاتفرج فيه..شافتهم ونطقات بإبتسامة:اهلا...على سلامة جيتو؟!

عصام ݣلس فسداري قبالتها باش يستراح:الله يسلمك..جينا...وماجينا حتا خواات ليا بزطامي كامل كيف لعادة...

نسرين غوبشات كاتشوف فخنسااء:نااري وهااد خووك شحااال سقراام..درهم الى خرجو كايبقا ينݣر عليا بسبابو...حسن عواني وملي غايتزادو لولاد وكيف غااندير معاه ...

خنساء ضحكاات وعصاام وسع نضراتو بتعجب:اتي نعلي شيطان..مالك كاتاخدي وتنكري(شاف فخنسااء)لا عنداك...وااا لمحاال لي دخلناا ليه..تلصق لياا على شي بياسا فيه وتحلف ماتخرج منو حتا تديها معاها...سيزي لكحل مع هاادي

خنساء:هههه ومافيها بااس..مرة مرة تخرجو وتشريو لي خااص..راه مااشي ديما كاتكوون

نسرين:اوى لبدية ديال شهر هادي...وأكيد انا مغانفلتش لفرصة..داكشي علااش جريتو معايا ومشيت شريت بيه لي خااص وحتاا لي مخااصش(عضاات على شفايفهاا عاد عاقت بشنو قالت)

عصاام بتحلاف:ياااك دابا كاتݣري بلا عصاا...تاخدي لي خاص وحتاا لي مخااصش...اوى بلاتي حتاا تجي عندي تقوليا يلاه لشي قنت..غابلاتي...

نسرين:حتا نتا شحال فيك...(هبطاات يديها حلات ساشي وجبدات منها بواطة صغيرة...حلاتهاا كان فيها سبيبيط صغير ديال لبيبي مصنوع من تووب فلون لأبيض..زوييون وكيووت..شافت فخنسااء)لعااار اماا شوفي سبيبط لي خديت...غير شفتو وانا نحمااق علييه...(بدات كاتحركو بصباعها)هههه ياختي ياختي ودباا رجيلاتو غاادي يكوون قد هكاا صغييكرين ... مامتيقااش..

عصام حرك راسو بلا حول:ههه راه كانقوليك مغاتفوت هاد تسع شهوور حتا تحمااقي...هادي مافيهااش تخرشيش...

نسرين خنزرات فيه:الله ينجيني أخويا يحماق عدوياا ولي مايبغيني...

خنساء عجبهاا سبيبيط..مدات يديها كاتبتاسم:عطينني نشوف...

عطاتو ليهاا نسرين فبواطتو..وهزاتو خنساء كاتشوفيه..وتبتاسم...باقة شاداه كاتحقق فيه حتا تسمع صوت تيل ديال عصام كايصوني...خرجو من جيبو بتاسم ملي شاف شكون..دوز لابيل ونطق بترحيب:اهلا مهدي..فين صافا..اشخباارك

خنساء غير سمعات سمية مهدي وعرفات شكون تاصل...قلبها ضرب بجهد ومحسات حتا لاحت لبواطة من يديهاا لي فشلو عليهاا...نسرين مافهمات والو وهيا كاتشوف فيها تلونات فلبلاصة كادورر فعينيهاا دايرة يديهاا ورى عنقهاا..بلعات ريقها بتوتر عارفة مزيان علاش تاصل مهدي بعصام...واشنو غايكون باغي بضبط...

خنساء غير سمعات سمية مهدي وعرفات شكون تاصل...قلبها ضرب بجهد ومحسات حتا لاحت لبواطة من يديهاا لي فشلو عليهاا...نسرين مافهمات والو وهيا كاتشوف فيها تلونات فلبلاصة كادورر فعينيهاا دايرة يديهاا ورى عنقهاا..بلعات ريقها بتوتر عارفة مزيان علاش تاصل مهدي بعصام...واشنو غايكون باغي بضبط...

نطق عصام هاتف بإبتسامة:لاباس الحمدالله..ونتاا كلشي مزياان؟؟!...كيف غادي مع شي عمل؟...اوى مزياان....ايه واخاا مرحبا...امتى غداا؟؟!...(خنساء كاتسمع بإهتمام): صافي واخا ان شاء..نتلاقاو فلكافي ديالك..هههه نشربو نيت شي حاجة على حسابك...الله يحفظك...بسلامة حتا نتقااشعوو...

قطع لخط وخنساء باقي كاتسمع وقلبهاا كايضرب...بلا ماتشعر نطقات كتسائل وهيا كاتشوف فعصاام: شكوون هضر معااك؟؟!

عصام:هادا المهدي...صاحبي لي تعشا عندي داك نهاار..عقلتي علييه؟؟!

خنساء بلعات ريقهاا(وهل يخفى القمر) ردت عليه بإجاب:ايه..عقلت عليه.... ( دخلها الفضول ): يامكا كاين باااس بعداا ؟؟؟

عصام هز حاجبو فيهاا اول مرة طرح عليه بحال هاد لأسئلة...طاح لو لعجب..ضحك بستهزاء: ههه لا والو باس ... علااش ؟؟

خنساء عاد عاقت براسهااحاولات تنفس وتهدن : اءء...احم..لا والو غير سولت وصافي ...

عصام ناض وقف ونطق غادي خارج غير مهتم : بغااني على شي حاجة وصافي...لمهم انا غادي نخرج دابا...ملي يوجد لعشا عيطو لياا...

نسرين:جيب لياا معااك لخووخ..عندك تنساه...

عصام حرك راسو بلإجاب وخرج فحالو...نسرين شافت فخنساء مصغرة عينيهاا فيهاا...نطقات معوجة شفايفهاا: شتك غير صونا تيلي لعصام ونتي تلوني غير بووحدك ولونك تخطف يااك مكااين بااس...

خنساء دورات عينيهاا لعندهاا خنزرات فيها مامبيناش ليها :اش كاتخربقي عليااا تاني؟؟!

نسرين هزات حجبانها بجوج فدقة: لا مكانخربقش...انا قلت غير داكشي لي شفت وصافي... سبحان الله غير غاصوناا تيل ونتي تقفزي غا بوحدك...حتاا من صبيبيط ديال ولدي لحتيه بين يديك...

خنساء عااد رضاات لباال لبواطة لي تلاحت تحت من طبلة مقلوبة....تحنات هزاتو وعطاتو ليهاا..ناضت وقفات بغاات تفك منهاا لاتصدق فارشة لقضية ...هيا اصلا معرفاتش لاش تصرفات هاكاك مع التوتر حسات براسها تخربقات ...

خنساء بغات تلفهاا لا تزيد تشك: زوين...بصحة وراحة... ان شاء الله تشوفيه لابسو...

كملات هضرتها خرجات بخطولت سريعة خارجة لبيت مخليا من موراها نسرين متبعاا ليهاا الأنضاار مصغرة فيهاا لعين بتشكيك...فعلا حساات بشي حاجة فشكل ماشي حتا لهيه..وتصرف خنساء جاهاا غريبب لاسباب مجهولة معارفهااش...

طلعاات خنسااء ديريكت لبيتهاا وسدات عليها.. مهدي داك نهاار مجبدش ݣاع معاها موضوع انه غايعيط على عصاام ويطلبو باش يتلاقاه...بدون تفكير ولا تردد دغياا هزاات تيل مدوزة ليه لابيل ... بقاات واقفة كاتمشي وتجي وتسنااه يجااوب...ووالو مكااينش...دخلات لوواتساب لقاتو محالش...حكاات على شعرهاا بنفااد صبر...وݣلساات على ناموسيتهاا...كاتحرك رجلهاا بحركاات سريعة...ݣالسة على جمرة...كاتسنى دوز دقائق باش تعاود لإتصال،هادشي الى متاصلش بيهاا هوا..

المهدي سالا لابيل مع عصام وحط التلفون ديالو فوق السرير وخرج من بيتو متاجه لبيت نادية لي كانت كاتدوز عليه شطابة ... دق و حل الباب ببطء مخاطبها : نادية مسالية ؟؟؟

نادية حطات الشطابة : ايه اولدي دخل زيد ...

المهدي تقدم كلس جنب السرير وهي تقابلات معااه مبتاسمة : ياك لاباس امهدي ؟؟؟

المهدي بهدوء : والو باس... احم بغيت ندوي معاك فواحد الموضوع مهم ...

نادية هزات حاجبها : اييه كانسمعك ... اش تمااا .. هاد المقدمات كاديرهم مني كاتكون داير شي زبلة هههه ...

المهدي ضحك : لا لا الواليدة اشمن زبلة حتى نتي ... كبرنا على داكشي .... الموضوع جدي

نادية بدا كايدخل معاها الموضوع للراس وتفكرات هضرة سارة وتوتر مهدي دخل ليها الشك : غير دوي انا كانسمعك مني مامزبلهاش اش كاين ؟؟

المهدي تنهد ودخل فالموضوع ماعندوش مع تطوال الهضرة : فصراحة الواليدة انا عجباتني واحد البنت وبغيت نطلب يدها على سنة الله ورسولوا ... وبرضاتك عليا الا كتاب ...

نادية كانت متوقعة الموضوع خصوصا من بعد هضرة سارة لي فكرات فيها بزااف ولاحظات التغيير لي على ولدها فالاونة الاخيرة ... نطقات باستفسار : ايييه الله يكمل ... ومن ايمتا كاتعرف هاد البنت ؟؟

المهدي : ماشي بزااف المهم تقدري تقولي علاقتنا عاد بدااات يعني باقي عاد كانتعارفوا ... ولكن انا كانعرف خوها مزياان وحتى باها وهما عائلة الله يعمرها دار ...

نادية بتركيز : ايه فهمت ولايني واش زعما نتا من النوع لي يتقدم لبحال هاد الخطوة بلاما يعرف البنت لي غادي يرتابط بيهاا ... لي بغيت نقول ليك واش متأكد من هاد الخطوة لي غادير

المهدي فهم انها جاتها فشكل يرتابط ويتزوج بشكل تقليدي بحكم زواجوا لول كان عن حب ومادوزش لقليل مع مراتو قبل الزواج وكانت بينو وبينها عشرة سنين ... نطق بتأكيد : لا الواليدة انا متأكد مزيان من قراري ... البنت ضريفة وبعقلها وزوينة من الفوق ... وفصراحة انا ارتاحيت ليها بزاااف وواخا ماشي بزاف باش عرفتها قدرات تدخل ليا لبالي ....

نادية ضحكات : شنو زعمااا حشمتي تقول بغيتيها ....ههههه

المهدي ابتاسم : ماشي قضية بغيتهااا الواليدة ... ولكن جاتني مناسبة ليا وارتاحيت ليهااا ومغانكرش انها عاجباني بزاااف ...

نادية بايجاب :مممممم عجباتني .... وا اش غانقوليك اولدي نتا الوحيد لي تقدر تقرر بخصوص حياتك وتختار المراة لي تناسبك والا شفتي هاد البنت هي لي تصلاح لييك انا ماعندي مانزيدك غير الخير ... بالفرحات عليااا نفرح بيك ...

المهدي نزل باس على يدها : الله يخليك ليا الواليدة ...

نادية : ولكن شكون هاد البنت وشنو كادير فحياتها ...

المهدي : خوها غاتكوني كاتعرفيه الا عقلتي عليه ... عصاام لي كان كايقرا معايااا فالليسي ... وراه شحال من مرة جا عندي من بعد حتى للدار

نادية بتذكر : فصراحة ماعقلتش عليه مزيااان ولكن نشوفوا نعرفوا ...

المهدي : ختو سميتها خنسااء عندها 25 عام ولكن هي ماخداماش غير فالدار فهمتي ... حبسات القراية فالباك

نادية : اييه فهمت ... ايوا اولدي الله يدير ليك لي فيها الخييير ... انا بغيتك غير تكون فرحان الله يكمل عليكم بالخير ويتاويكم ياربي ...

المهدي كان متأكد من ان ماماه مغاديش تعتارض ابدا .. كاتعرف مزيان ولدها حكيم فقراراتو والا شاف ان البنت مناسبة فهي مغاتزيدو غير الخير وترضى عليه ...

شاف فيها ونطق بشكل عادي : ااه فكرتيني خنساء ديجا مزوجة وطلقاات ...

نادية : اااه مطلقة ... ( نطقات بكل رقي وتفهم ): فيها خير اولدي الله يجيب غير حسن الخلق والتبات ... اما كيف العزبة كيف المطلقة بحال بحااال وزايدون حتى نتا راه ماشي عزري ... وانا من عندي واخا تكون عزري تكون غير بنت الناس حالتها الاجتماعية مكاتهمش ... طلب غير الله تكون بنت الناس ويخرج فيها الخييير ....

المهدي شاف فيها برضى : لهلا يخطيك عليا الواليدة ... انا ان شاء الله غدا نفاتح عصام فالموضوع وندير معاه شي نهار يتعارفوا العائلات ... غير هو انادية من الاحسن مسألة انني دويت معاها ولا هضرنا قبل الخطبة تبقى غير بيناتنا ... حيت فصراحة شفتها عندو فدارهم ومابغيتش يفهمني غلط وحتى هي غايكون حسن ليهااا ... ياكي ؟؟

نادية بايجاب : اه بصح اولدي الله يرضي عليك ... غايكون حسن ... ( برجاء ): الله يسر ليكم الامور ياربي ...

المهدي وقف : الله يخليك ليا ...

نادية بفرح : الله يرضي عليك ...

المهدي باس على راسهااا بفرح وزاد من تما وهي بقات كادعي من وراه يسر ليه ويكون هاد الزواج حسن من اللول ويتمم الامور بيخير بحكم شافت الفرحة فعينين ولدها وهو كايدوي على خنساء

دخل مهدي لبيتو ولقاا تيل ديالو كاايصوني...قرب بااش يجااوب وهوا يلمح إسمهاا على الشاشة...إبتسامة خفيفة ترسمات على ملاميحوو...هز تيل ودوز لابيل..ونطق بنبرة مطولة:خنساااااء...

خنساء تنهدات برتيااح وأخيراً جاوبهاا...ردت بهدوء مباغاش تبين بلي كانت كاتسنااه:وي مهدي صافا...

مهدي:هاد الساعة لحمد الله...ونتي

خنسااء:وي حتا انا بخير...احم كنت تاصلت بيك قبايلة مجاوبتينيش..قلت غااتكون مشغوول يمكن...

مهدي جاوبهاا فلبلاصة:كنت ݣالس مع لوليدة كانهضرو..وكان تيل فبيتي ماسمعتوش...

خنساء: اه ماشي مشكل...لاباس عليهاا بعداا...

مهدي:وي لابااس عليهاا...(سكت تواني وكمل بإبتسامة جانبية): كنت نييت كاانهضر معاها على قبلك...

خنساء وسعاات نضرتهاا بعدم تصديق باقي ݣاعمة فاتهاا صدمة أنه هضر مع عصاام ودابا تزادتهاا صدمة انه هضر مع مو...قلبهاا تهز..زيراات على شفايفهاا ورضات بعض خصلات ورى ودنهاا...تنهدات فسعادة خفية وقالت بإجااز:ب بصح؟؟!

مهدي:وي معااك بصح..هضرت معاها بخصوصنا بجوج... وغدا ان شاء الله غادي نفاتح حتى عصام فلموضوع...

ترسمات ابتساامة عريضة على ملاميحهاا...مااتنكرش انهاا فرحاات فرحة نابعة من أعماقهاا....سكتات تواني وردت عليه كاتهضر عادي بلا ماتبين ردت فعلهاا:ههه هوا بصرااحة تصدمت...معرفتش شنو غاانقوليك..

مهدي هز حااجبو:ولكن كيفااش تصدمتي..انا كنت صريح معاك من لول...وقلت ليك غير نلقا لفرصة غادي نهضر مع خووك...وداباا جاا لوقت بااش نهضر معااه...

خنساء : وزعماا مجاكش هادشي ديالنا مزروب شي شوية؟؟!مااشي مدة طويلة بااش تعاارفناا...

مهدي: ماامزروب ما واالو...ياك اناا بااغيك فلحلال..ونتي لي عليك لعمدة راضية وقابلة..علااش غانبقااو نتسنااو...ونبقاااو نتلقااو بتخبية ومبااغينش يشوفنا شي حد من عائلتنا بحالا كانشفرو...انا درت دااكشي لي خااصو يداار...وماخطيت هاد لخطوة حتاا خديت لموافقة ديالك...ضونك مكااين لا زربة لاوالو...(سكت تواني وكمل مضيق حجم عينيه): ماعداا الى غيرتي رأيك..ولا تناادم معااك لحاال..نقدرو نلغيو كلشي حتا وكاان تقتانعي بخااطرك مزرباانين فين...

خنسااء جوباات دغياا بإمتنااع:لا لا اناا بااقة على هضرتي وماغيرتش رايي نهائياً..غير تهنااا...

مهدي بتااسم برتيااح:ههه اوى مزياان...(كمل بجدية)انا اخنساء باغي نجي لداركم من لباب..ماشي نقز من شرجم...وداكشي ديال دخول ولخروج لي بلا معنى...معندناا مانديرو بييه...نتوكلو على الله ونخليو كلشي يعرف بعلاقتنا...هاكا غاادي يكون حسن...لياا..ولييك

خنساء خدات نفس معمق وخرجاتو بمهل...كايعجبهاا تفكيرو..وكيفااش مرزن ونااضج..فكل مرة كايتبت ليهااا انه يستحق لبلاصة لي عطاتو فقلبهاا..ومندمااش حيت قبلات تدخل معااه فعلاقة ابدااا...

فيقهاا من سهوتهاا صوت مهدي كايهتف بتساؤل:إوى..مافرحتيش بهااد لخباار...ممم؟؟!

خنساء ضحكاات هياا مابقاا ليهاا والو تنقز بلفرحة متبتة راسهاا معاه غير بزز..مكرهتاتش تلووح تييل وتغوت...ردت عليه بهدوء :هههه وشنو فنظرك؟؟!ماغاديش نكون فرحاانة؟؟!

مهدي:واا معرفتش...سوليني على رااسي نحااوبك..غانقووليك اناا فرحاان وبزااف ݣااع...والى كنتي حتا نتي فرحانة بحاللي..اكييد غااادي يعجبنيي لحاال...هههه موحال يديني نعااس..

خنساء عضات على جنب شفايفهاا: سكت سكت بركة من لملااغة...

مهدي بمزح : واش زعماا مانقدرووش نسمعو من عندك شي كلمة زوينة بحاالك...ههه غيير نطقي بيهااا نطقي...على ضمانتي مغاتخلصي عليهااا والو...

ردت عليه بتقة وصوت مغري: غير صبر غاادي تسمعهاا من عندي مزاال...وماشي غير كلمة وحدة...كليماات هماا وحدة غاتنسيك فلخرى وتخليك مرفووع...ولكن مااشي داباا ...حتاا يجي وقتووو

مهدي بإعجااب :يااك الالة..واخاا هااني كانتسناا...واخاا ماابقيتش قاادر نصبر...لوقت ولا كايجيني طوييل ونتي مااشي معايا فيه...

ضحكاات خنساء بشكل خفيف...وبقاات مععاه شاد لهضرة ساعة لمݣانة..مساخينش بجوج ببعضهم...محاولين يدوز معضم الوقت بوحدهم ويزيدو يتعرفو على بعضياتهم كتر كتر...فكل مرة خنساء كاتشد معاه لحديت كانهاا كاتغيب..عقلهاا كايتكلى بهضرتو....كاتحس براسهاا طايرة وهياا معاه وخاا غير فتيل...رغم انها مدة قليلة بااش تعاارفو..ولكن نجح فأنه يسيطر على تفكيرهاا بشكل معمر تخيلات غايسيطر عليهاا شي واحد....سحرهاا بكلماتو...بعفويتو..كيفاش كاتحسي بيه صادق ولي على قلبو على لساانو...راجل بنسبة ليهاا كامل مكمول وناضج بيمافيه لكفاية ومافيه مايتعااب...تبغيه اي وحدة يكون فملكهاا وتفرح بيه.....

اصبحنا واصبح الملك لله.... فاقت خنساء راشقة ليها ومورالها طالع للتسعين ضاربة ليك كيطمة مطرطقة فوق جسمها بيناتها بومباااا وجامعة شعرها ديل حصااان مسبسب وراااهااا ومقادة الحالة ومصايباها تقول معروضة لشي قنت ... واقفة فالكوزينة كاتوجد الغداااا والفرحة باينةعلى وجهها المنور ... طايح عليها الملح والسر من داكشي ولعويناااات كايبريييو بالسعااادة باينين من بعيد ... طالقة موسيقى فالتلفون وكاتعاود معاهاااا بنشاااط

وراااه ديتوو رااه ديتووو يالالة على زينوو ...

ورااه ديتو راااه ديتو ياالالة على زينووو ...

وراااه ديتووو ... راااه ديتوو غزيييت ...

الكحل فالدوايا نقرة والماال والعااج ..

وايلاا الزين حرط رموشوااا ... ينوض العجاااج

سهرني الليل وقراني حروف السمااا ...

قولو يجي بلاصتو في قلبي مرسمااااا

يالالة علييه ... يااا سيدي عليييه ...

بوعيون ضاحكااات اماما وخلااني نتيييه ...

يالالة علييه يااا سيدي علييه ....

بوعيون ضحكااات اماااماا وخلاااني نتيييه ...

كاتغني والتمااايل وتشقى فنفس الوقت والابتسااامة مرسوومة على وجهها راااسخااا حااسة براااسهاا غاطير...

نسرين خارجة من الحماااام وهي تسمع الدقااان فالباب بالجهد ... حلااات الباب مفزوعة كانت رانيا واقفة قدااامهااا كااتنهج ... نسرين ببهطة : اناااري ماالكي على حاالتك ...

راانياا تقدماات غاتسخف كاتقطع فيها الهضرة بالجري : ه كاا... ينة ... خنسااء ...

نسرين بتمياق من حالتها : اييه كاينة رخفي فيك النفس ونتي غاتموتي ...

رانياا ضرباات فيهاا بلااما تجاوبهااا ومشاات نيشااان للكوزينة فزعااات خنسااء لي كانت مركزة مع الاغنية ...رانيا بصوت عالي غاتجيف : رربي ربييي داكشي لي سيفتي ليا ...

خنساااء قفزاات من بللاصتهاا : اناااري تي مااالكي جااية بعجاجتك طيحتي مني نص ...

رانيا كاتنهج كاترد النفس وهزات كاااس ديال المااا شرباااتو بلاما تحبس عاد نطقااات كاتفرنس : وااااش بصح غايدوي مع الدااار ...

خنساء خرجات عينيها مسكتاهاا كاتشوف جهة نسرين لي غادة لبيت الكلااس : اللقوة بشوية غاتسمعك ديك المسيميمة ...

رانيا خفضاات صوتهاا : قولي ليا واش بصح ...

خنساء وسعات ابتسااامتها وحركات راسهاا بايجااب : اااه دااير مع هصام اليوم فالعشية ههههه

راننيا بلقااات فيها عينيهااا بدهشة غاتفرفر بالفرحة تقول هي لي غايخطبو فيها ونقزااات عليهااا طااليرة معنقاااهاااا : واااااااااوو يااااخيتي يااااختيييي وشحااال فرح ليييك ... مبروووك علييك يااا الحببييبة ....

خنساااء بادلااتها العنااق : الله يبارك فيك ههههه ... نقسات على البوطة وجراااتهاا طالعين لبيتهااا ... دخلوا وسدو الباااب وخنساء بفرح : غانتزوج اصااااحبتي غااانتزوج .... وبمهدييييييييي

رااانيااا ملا قاداااها فرحة طاتفرنس : ايييه مامتيقاااش اصحيييبة والله فرحت ليك بلاااا قيااااس ....

خنساء عنقاااتهااا : العقبة ليك يا الحبييييبة ....

رانيااا هزااات كفوفهااا للسماا : اااااامييييييييين يااااربييييي ...

خنساااء عضااات على شفاايفهااا فرحااانة و رانيااا كلساااتها على السرير بتركيز : قولي ليا كيفاش هادشي وايمتااا كاااتغفلي اشيييخة

خمنسااء برد : والله ياختي مافخباااري حتى عيط لعصام البارح ماعرفت باااش تبليييت ... قاليه نتلاقااااو ومني صونيت ليه قالي انا باغي نجي من الباب ماشي من الشرجم ... ومالقيت مانقول حتى انااا ماااعرفت كيفاااش دار ليهاا ...

رانيا ضربات على كتفها بطنز : السيد مابقاش صاابر .. بغا غير ايمتاااا تولي لييه يااااختي ههههههه ... انا بعدا معاااه حسن من التجلويق فالزناقي بلا فااايدة سوليني انااا ...

خنساء ضحكات : وشكون قالك تجلوقي ولا دارها القلب هههههه ...

رانيا : الله يعطيني فيييه كية ... انا بغيييت الدووود ياااكلوااا من الداااخل ... هو لي خاااارح علياااا هاد القلب ههههههههه ... قالو زماان كلها وحالو وأحوال الناس شلا واحد بغا المعقول وواحد بغا يتفلا .... (، تنهدات ): اودي خلينا ساكتين

ضحكات : اللالة كلشي فوقتو زويين ونتي قلبك زويين غايجيب ليك الله سعدك حتى لعندك غير تهناااي ...

رانيا : هههههه اميين ياااربي من فمك لباب السماااا ...

نسرين حطااات طبسيلهاا ديال الديسير فالكوزينة وتماات طاالعة لبييتها ....دازت من حدا لبيت ديال خنساء...يلاه غااتكمل على طريقهاا وهياا توقف مجمدة فبلاصتها

كاتسمع راانياا كاتقول بنبرة مسرورة:مبروك عليك احبيبة...فرحت لييك...

خنساء عنقاتهاا:الله يباارك...وعقبة لعندك ان شاء الله...

نسريين وسعاات انضاارهاا وهيا كاتسمع فراانياا كاتبارك لخنسااء...هزات حاجبها بستفهاام كبير...مفهماات واالو...

نطقااات مخاطبة راسهاا بخفوت:ولكن هادي علااش كاتبارك ليهاا؟؟!علااه شنو كااين؟؟!

باقة كاتسائل مع رااسها..سمعات لخطاوي جااين لجيهت لبااب..وهياا تمشي كااتجري..بحذر شديد خايفة تحصل كاتصنط عليهم...طايرة متاجهة لبيتهاا وسداات عليهاا...

كلسات على طرف سرير كااتفكر...لفضول مابقا ليهم واالو ويسكتو ليهاا لقلب...رااسهاا ضرهاا...

نسرين كاتشوف فجيهة وحدة مصغرة عينيهاا وكاتنطق بتخميم:شنوو زعماا؟؟!يكون هادا شي عريس جاي فطريق قاصد خنسااء؟؟!لاا لا واقلة محاالش...ولكن علاش كانت رانيا كاتبارك ليهاا؟؟!بااينة هاادي دقة لخطاب مافيهااش...ولا يمكن كاتبارك ليهاا على شي حاجة أخرى... اويلي علاه هيا شنو دارت؟(دخلاات يديهاا فوسط شعرهاا ونطقات مخسرة ملاميحهاا بحيرة)اووف معرفتش شنو مخبية...كادير كلشي بسكوتي حسي مسي...هاد بنت السايب بحال راس بنادم ماتعرفي شنو مخبي فيه...ولا بحال شي رمانة مغمضة ماتعرفي شنو كااين وسطهااا...

بقاات ݣالسة كاتفكر...كاتفصل وتخيط غير معا راسها...فشنو ممكن يكون حتا باركات رانيا لخنساء...بدات كاتربط لأحدات شوية بشوية فعقلهاا...هزات حاجبهاا بتدكر...فعلا جاتها خنساء تغيرات فلفترة الأخيرة...شحال من مرة لقاتهاا هازة تيل وكاتبتااسم غير بوحدهاا وهيا كاتقرى فشنو وصلهاا...وزادت ولاات كاتهتم وتعتاني برااسهاا كتر من قبل...وعاد ولات راشقة ليهاا ولفرحة باينة على ملاميحهاا بشكل واضح...يعني ممكن تكون بصح كاتعرف شي حد باغيهاا وحتا هيا باغاه... وداكشي علااش باركات ليها رانيا....بقاات نسرين غاطسة فدوامة الشك...معوجة شفايفها بحيرة...بالها مشغول ودماغهاا مقلوب مية وتمنين درجة لجيهة خنساء...رااسهاا حرقهاا بلمزياان باغة تعرف شنو مخبية عليهم...واش نيت هادي شي تزويجة ليهاا ولا غاجاب ليهاا الله

ملااك نزلات من بيروهاا هاازة تيل فيديهاا كاتصوني على مهدي...بالهاا تشغل عليه وبقات مهولة..مفهماتش شنو سبب هااد لغيابات المتكررة ليه على لخدمة...وهو لي مكانش كايغيب الى لضرورة...مجااوبهااش وحيدات تيل من ودنيهاا قاطعة لخط بعصبية...جا عندها واحد من لخدامة وقف قبالتها ونطق بنبرة رسمية :مادموزيل ملااك...صطوك ديال لقهوة تقاداا..ولمشكل نااس كايتسنااو

ملاك بنفعاال:صبااح لخيير...عااد جاي كاتقولياا فيهاا...فين كنتي نااسي رااسك حتاا سالا..(رفعاات نبرة صوتهاا أكتر)ياك كاانقوليك ملي يووصل لنص علمنييي

رد عليهاا بتفسير:لا راني علمتك فلبدية ديال السيمانة...نتي لي نسيتي يمكن...

زاادت سااطت بغضب ديجاا معصبة بسباب مهدي لي مخلي كلشي عليهاا وغاابر..جاوبااتو بنرفزة:غااتكون قلتيهاا ليا فشي ضروف مزفتة واناا مرضيتش لبال...ونتاا بااش تعاود تفكرني..بقيتي ساكت حتا كمل...مهامكش لحاال...حيت ماشي نتاا لي كاتسمع لهضرة على هاد لإهماال...هااد لمخلوقة لي قدامك لي غاتسمعهاا...

جاوب بعتداار:سمحيلي....ولكن ايسحااب لي غااتكوني بصح مفكااره...

قاطعاتو مخسرة فيه شوفة:سير سير عفااك شوف شغلك...حسن ماتسمع مني شي هضرة ماهيااش....

دااز من حداها حادر راسو...وهيا عااودات هزات تيل كاتصوني لمهدي...توااني حتا جاوبهاا:وي ملااك..شفت لابيل ديالك قبايلة مقدرتش نجاوب حيت كنت صايگ...

ملااك دغياا بدلات نبرة صوتهاا وتطلقاات..كاتهضر بنبرة رقيقة:اه ماشي مشكل امهدي....غير بغيت نسول فيك حيت شفتك غاابر قلت ياكماا كاين بااس....

مهدي بنفي:لا مكاين واالو..غير كانو عندي شي امور شااغليني وكنت كنرصي فيهم وصاافي...هاد لعشية غاادي نجي لكاافي...ياك بعدا لأمور مزيانة؟؟!

ملاك:لامور كلهاا هياا هاديك وعلى مايراام..بحالا واقف عليهااا برااسك...

مهدي بإجااز:صافي مزياان..يلاه بسلامة...

يلاه غاترد عليه وهو يقطع عليهاا لخط..زيراات على عينيهاا بشدة وحتا على قبضة يديهاا...خدات نفس مطول محاولة ترخي بيه راسهاا...ومن بعد طلعاات تكمل شغلهااا البيرو .... وتقاد لي خاصو يوجد

تعاشاات العشية ومهدي دخل للقوة لاابس تيشورط وكويرة فنفس اللون مع سروال دجيين ... تقدم نيشااان لاكيس مخاطب العامل تما : سلااام .. ملاك كاينة ؟؟؟

العامل : مرحبا اسي مهدي ... ايه راها فالبيرو ديالك ...

حرط راسو بايجااب ونطق : ديك الطبلة لي فالقنت غانحتاجهااا دابااا مايكلس فيها حد عافااك ..

العامل : واخا اسي مهدي كون هاني ...

ابتاسم ليه وزاد من تما خارج برا مافيه مايهضر مع ملاااك غاتبقى شاداااه بالهضرة لاهما حتى يساالي هضرتو مع عصااام ... بقااا كايطل على اجواء والقهوة والخدمة حتى باان ليه السكوتر ديال عصاام وقف قدام الباب وهو يوسع ابتسامتووو ... تقدم لجيهتو بترحيب : اهلااا اهلاا بسي عصاام زارتنا البركة ...

عصام سلم عليه بشكل رجولي : الله يكبر بيك ... (، دور وجهو فالقهوة باعجاب ): هاي هاي ... هادشي زيان على فين خليتووو ...

المهدي بتأكيد : ايوااا كل مرة كانديرو تعديلات الواحد هو لي يساير الوقت ... تفضل مرحبااا ..

زاد هو ويااه لوحدة من الطوابل لبعيدة على الجماعة جات فالقنت كاطل على الشااارع .... كلسو مقابلين مع بعضياتهم ...

المهدي : شنو تشرب ؟؟؟

عصام بابتسامة : قهوة بلا سكااار ...

المهدي طلب من النادل يجيب ليهم قهوة .... وشاف جيهتو : ايوا كيف دايرة العائلة وبا العربي لاباس ؟؟

عصام : بيخير الحمد لله يسول فيك الخير ...

المهدي : وواحد المادام صافا عليهااا تعودتي على الزواج ههههه ...

عصام : واايلي اصحبي اهانة هادي مالو الزواج يغلبنا ههههه ... الحمد لله هاد الساعة كلشي غادي مزياان ...

المهدي : ايوا مزيااان ...

عصام : ايوا واحد خالتي نادية لاباس عليها وختك وهدى صافا ؟؟؟

المهدي ضحك : تااا فينااا وفيين هدى ... شحاال هادي باش فرتكنا الشمل ههههه ...

عصام بصدمة : واااايلي ماتقولهاااش ... اوااااه كاااع دوك السنين وفلخر فرتكتو الشمل ... هههههه صدمتيني صراااحة ... ههههه من ايااام ليسي ونتومااا بجوج ونهار تزوجتو قلنا صافي تربطتي ومابقيتيش غاتفلت ...

المهدي : ايوااا المكتاااب ... مابقيناش مفاهميين وتفاارقنا ...

عصام : ههههه العجب هاذاااا .. زعما كاااع داكشي لي بيناتكم سالا انااا كون قالهالي شي حد اخر كنت غانكدبوا ههههه

المهدي: ايواااا هانتا شفتي العجب ... الخير فيما اختاره الله ورااه الله ملاقوا الريوس غير باش يتفاارقوااا ... الله يسهل على كل واحد

عصام : امييين ياااربي ... الله يدير لي فيها الخييير ...

بقاو كايدويو مدة موضوع يجبد موضوع وهضرة تجبد هضرة كايتبادلوا اطراف الحدييت ... المهدي سكت لبرهة كايرشف من قهوتو وحط الكاس مخاطب عصاام بهدوء : فصراحة اعصااام بغيتك فواحد الموضوع ونتمنى تفهمني بشكل صحيح وماديرهاش مني قلة الصواب ...

عصام شاف فيه بتركيز : ايييه الله يسمعنا خير ؟؟ ...

المهدي بكل تقة : فصراحة اعصام نتا عارفني دغري وماعنديش مع الخاويااات ... داكشي علاش غانجيك من اللخر حنا صحاب من سنين وكانعرفوا بعضياتنا مزيااان ... وانا فصراااحة نهار جيت لداركم شفت ختك خنساء وعجباتني ... وماكرهتش نطلب يدها من عندكم على سنة الله ورسولوا فالحلااال الا قبلتو عليا بطبيعة الحاال ...

المهدي سكت لبرهة كايرشف من قهوتو وحط الكاس مخاطب عصاام بهدوء : فصراحة اعصااام بغيتك فواحد الموضوع ونتمنى تفهمني بشكل صحيح وماديرهاش مني قلة الصواب ...

عصام شاف فيه بتركيز : ايييه الله يسمعنا خير ؟؟ ...

المهدي بكل تقة : فصراحة اعصام نتا عارفني دغري وماعنديش مع الخاويااات ... داكشي علاش غانجيك من اللخر حنا صحاب من سنين وكانعرفوا بعضياتنا مزيااان ... وانا فصراااحة نهار جيت لداركم شفت ختك خنساء وعجباتني ... وماكرهتش نطلب يدها من عندكم على سنة الله ورسولوا فالحلااال الا قبلتو عليا بطبيعة الحاال ...

عصام باستغراب هاز حاجبو تشوكااا فبلااصتوو مافهم واالو زرب عليه ...نطق بتساؤل ضاحك : ههههه شنو زعما باغي تزوج بختي خنساء ؟؟؟

المهدي حك دقنو : الا قبلتو عليا ماكرهتش هههه ..

عصام رمش محرك راسو ببلاهة غفلو : والله امهدي حتى شوكيتيني ... ماكنتش متوقع غاتكون باغيني على هادشي ... ههه خربقتيني اصحبي

المهدي باقناع : وا نتا عارفني مكانبغيش نبقى نلعب ... انا فصراحة ماكرهتش نتناسب معااكم ... وبلاما نكدب عليك حنا رجال بيناتنا ... ختك غير شفتها عجباتني وبقات فبالي ... وماكرهتهاش للحلاال وقلت نتا صاحبي وديالي نجيك نيشااان ...

عصااام ابتاسم ماينكرش انه عجبو الحال مهدي انسان كايعرفوا مزيان ولد النااااس وراااجل ديال الوقت مناقصوا وااالو ... ومايكرهش يكون من نصيب ختو بالنسبة ليه لي كايعرف حسن من البراني : شوف امهدي انا كانعرفك اصحبي ... ومن عندي انااا راه ماتسالني غير الخير الا جااات عليااا واااخااا درتي ليا سلم علو زرب علو حكا بغيت ختك هههه مي ماقلتي عيب .... ولكن هاد الموضوع بالضبط انا انقدر نواعدك بواالو ... ختي عزيزة عندي وبغيت ليها غير الخييير ولكن بطبيعة الحااال هي مولااات الرااي والشوار حيت حيااتهاا وهي لي غااتعرف معامن تكملها ولي يصلاح ليها انا مايمكن نفرض عليها والو .... وزيد عليها مانقدر ندير والو بلا خبار الوااليد ... ومانقدر نقرر واالو ... اناا غاندوي معااهااا هي اللولة ونشوف رأيهااا ونرد عليييك ويكون خير ان شاء الله ... هاذاا جهدي علييك

المهدي فرح حيت عصام ماعتارضش بالعكس رحب بالفكرة وطبيعي ياااخد وقت يفكر ويعطي لختو الفرصة تقرر : الله يحفظك اصحبي ... الله يجيبنا فالصواااب

عصاام حك راسو باقي متفاجئ : امين ياااربي ... غير هو كيف قلت ليك انا رااه مانقدر نواعدك بوااالو ... غير ندوي معاها نرد عليك .. راك عارف هي مكاتعرفكش ...

المهدي بايجاب :اييه واخا ماقلتي عيييب والا كتاااب وكمل الله كون متأكد راه غاتكون فوق رااسي وعيني ... ومايخصها خييير ...

عصااام بايجاب : ماتحتاجش توريني فييك ... انا غانسولها هي اللولة والواليد حتى يرجع من العروبية ونعلموا ... المهم باشمااا كاان راااه نرد علييك ...

المهدي : ان شاء الله ياربي ... لهلا يحاشمنااا ...

عصااام غمزو : شنو زعما غانوليو نساااب هههه ...

المهدي ضحك : الا بغااا الله ... وقبلتو عليا ههههه

عصاام : انا مانلقاش حسن منك نتا ديالنااا غير وكااان باااش نكونوا واضحين من داباااا وندوي مع البنت نيشااان ... ختي راه ديجا مزوجة وعاد مؤخرا طلقااات باش تكون فخبااارك ونفاريوهاا من هنا هههههه ...

المهدي عارف عصام عندو نيشان فكلشي : اااه ( حاول يسكت شوية باش مايبينش انه عارف ونطق بتأكيد ): ماعنديش مشكل فهادشي ... غير الله يسر الامور ...

عصااام : ايوااا مني هااكااا ناخدو الموافقة من الجهااات العليا والله يكمل بالخيير ههههه ...

المهدي ضحك يلاااه غايجااوبوا وهي توقف ملاااك موسعة ابتسااامتهاا ونظرااتهاا ونطقاات بصدمة : عصاااااااام ....

عصام هز فيها عينوو متفاجئ ونطق بتساؤل : اواااااه ملاااك ...

ملااك مدات يدها بلباقة : ههههه هي هادي ... صافا عليييك .. ولاهيلا تصدمت مني شفتك ههههه

عصام بايجاب : وااايييه اعواااام هاااادي ماشفتك ...

المهدي ضحك : هههههه عقلتو على بعضياتكم

ملاك كلسات : ههههه وعلاش عصام كايتنسى ليسي كولو كااان قالبواااا سفاه على علاه وبنات ليسي كولهم كانو طايحين فييه ...

عصام ضحك : هههههه واايلي زعمااا التهمة تابتة عليا تاابتة ...

المهدي : لا لا صافي دابا دار عقلوا ودار الماداام السيد ولا مربوووط ...

ملااك : واااايلي هاااي هاااي ايوا مبارك ومسعود اسيدي وليتي مولا وليدات ... حسن عوان هااااد المراة مسكينة كون راك مخرجها منهااا ...

عصام ضحك عارف طبع ملاك المرح وكاتبغي تضحك فكلشي : ههههه شوية وصااافي ... ايوا نتي اش كاديري هنا ؟؟؟

ملاك : انا خدامة فالقهوة مع مهدي ...

المهدي : وي ملاك هي الجيرونيت ديال القهوة وهي لي مكلفة بالحسابااات وكاع الامور لي متعلقة بالقهوة فغيابي ...

عصام : ااااه مزيااان ولاهيلااا فرحت مني شفتكم مرة اخرى ...

ملااك : حتى انا فرحت بزااف والله شرفتينا اخويااا عصااام ... ايااام الدراسة مكاتنساااش مصاب كون ترجع لياام اللور ونرجعوا صغار مضاربين حساااب للدنيااا ...

عصام : هههههه وااايه ...

ملاااك : الله يكمل عليك باللخير اعصاام ويتاويكم ياااربي تستاااهل كل خير ...

عصام بشكر : لهلا يخطيييك ... الله يسهل عليك

ملااك بطنز: الله يسهل عليا بشي رااااجل نولي حتى انا مربوطة فحاالك ...

عصااام : ههههه قولي ليا نتي بااقاا صوولوو ... من نهار عرفااك ونتي سيليباطييير ههههه ...

ملااك : وبااااقااااا سيليباااطييير ... وعلى مااباان ليااا غانبقى سيلي ههههه

المهدي قاطعاتو على موضوع مهم بغا يتفك : هههههه مغاتساليش دابا هاد الكاريتة ... واسيري شوفي خدمتك الكليااان كايتسناو ... خلينااا نعرفوا قهوتنااا منين داازت ...

ملااك ميقات فيه وااقفة : باااز ... المهم اعصااام مبروك مرة اخرى ونتشاوفوااا نتعرفوا على طاا فاام شي نهااار داكووغ ...

عصاام : افيك بليزييغ ... ان شااء الله ...

سلمااات عليه وعصام شااف فمهدي : باقا كيف هي ماتبدلااتش هبالهاا هو هبااالهاا

المهدي : واايييه هانتا تشوف عمرها دير ااعقل ...

عصاام : ولكن ضريفة واخا هكاااك ... ايواا فين كنااا ؟؟

المهدي : كنااا فالارتباااط لي غااانتربط حتى انااا ههههه .... دغيا قلبتي عليا ههههه ...

عصام ضحك : هههههه لا لا كون هااني ... باشما كاان غانعلمك ... المهم بيناتنا التلفون ....

المهدي : اوك

عصام شاف فالساعة ووقف : الحااصول ابااا مهدي كلستك زينة ولايني خوك عندو مسؤولية الدخول فالوقت والخروج فالوقت هههههه ... السلطات العليااا كاااتحكم مابقيناش ديال رااسنااا ...

مهدي : واا كنت غانقوليك كلس ولايني السلطات هي اللولة ... غير هووا ديرني فالباال

عصاام سلم عليه : لا لا ماتخااافش نتا لول ... الله يسر الامور ...

المهدي بتوديع : امين .. تهلا فراسك وسلم ليا على الدااار ...

عصااام خرج من تمااا والمهدي كلس جبد التلفون ديااالو سيفط ميساج لخنساء علمهاا بيلا دوا مع عصااام وكلشي هو هاداااك وعااد نااض لخدمتووو ..

سارة ݣالسة فكرسي قبالة لمراية..فصالون جايا ليه باش تصايب شعرهاا كيفما مولفة ... نطقاات مخاطبة لبنت لي كاتقاد ليهاا بزعااج:بشوية عفااك..راك يمكن كاتنتفيني؟؟!

حركات ليهاا لبنت راسهاا ونطقاات بعتداار:واخا سمحيلياا...

يلاه غاتجاوبهاا وهوا يوقفهاا صوت التيل ديالهاا كايصوني..هزاتو وجوباات

بإبتسامة:بونجوغ دعاااء..صاافا

دعااء:وي صافا ماشيغي ونتي..

ساارة:وي لاابااس.. اشكاتعودي؟؟!

دعااء معوجة شفايفهاا ناعسة على كرشهاا فوق سرير:هااني يلاه لقيتيني طلعت لبيت نرتاح...كنت غاارقة فتوجااد تاع لحفلة..عيت ݣااع..(كملات بتساؤل): ياك بعدا غادي تجي...

سارة بإحباط: مكرهتش...ولكن نتي عارفة مهدي محال يخليني.. سوغتو نتي دايرة لحفلة بليل...كن غير أجلتيها لنهاار كنت نقدر نحضر..

دعااء:وايلي اسارة حماقيتي..ندير لحفلة تاع لانيڤ ديالي بنهار...مالي بنت ليك باقا بعلوكة كانقرى فلابتيت؟؟!

سارة:ومعرفتش وااش غايخليني...حتا ماما لي غاترغبو مكاينااش... باينة غايعكس...

دعاء:نااري ياصحبتي وبعض لمرات معرفتش منين كايطيح عليك هااد لكلااخ...قولي ليه عندنا إݣزام مور العطلة فاش نرجعوا وغانمشي نحفض مع صاحبتي...عااادي واكيد غايسمع لقراية غايقبل...وجي ديك ساع قصري معاناا..غايكونو غير لبناات صحاباتنا بوحدهم..

سارة بتفكير دايرة صبعها تحت شفايفهاا:ممم واخا غانشوف

دعاء بتحدير:صاافي رااه الى ماجيتيش غانتقلق منك...

سارة هزات حاجبهاا بتدكر:قولي ليا بعدا ݣاعمة سولتك...ماماك وباباك معارضوش لفكرة تاع لحفلة عندهم فلڤيلا؟؟!كيفاش مزال قنعتيهم..كنتي قلتي لي مغايبغيوش

دعاء ضحكات : هههه علاه هماا فخبارهم..تي راه معارفين واالو...من لويكاند لفايت وهما مسافرين ليطالي... ألوغ لڤيلا خاوية...وجاتني لفرصة حتا لعندي بلا مانحزرهم...و مكااين لي يسيق ليهم لخباار...

سارة خرجات عينيها: نااري نتي بزااف غادي ديري لحفلة بلا خبارهم...ايه ومافكرتيش فلابون الى قالت ليهم شي حاجة وتصدق فارشاك معاهم...

دعاء بتقة: لا لا ماتقدر تقول والو...عارفة راسها الى هضرات غاتمشي ليهاا خدمتهاا..امبلييس راني رشيتها بواحد طخواصو ديغام وقلت ليهاا غانزيدك ضوبل ديالها الى مساقوش لخبار..واكيد قبلاات...

سارة:ماعندي مايتسالك...مخططة لكلشي...

ردت عليهاا بعجرفة:معااك دعاء وأجرك على الله حتا حاجة ماتغلبني...ضونك صافي غاتجي؟!

سارة:صافي واخا...غانشوف معاه..ونخليه يقبل.. وباشما كان نرد عليك

دعااء:ياااس...هاكدا نبغيك...يلاه بااي...غانخرج دابا نمشي نضمونضي لݣاطو ..

سارة:داكوغ بب...بييبزو

قطعات سارة لخط وبقاات كاتفكر...بغات تنشط مع راسهاا...داكشي علااش قررات تغامر و تكدب على مهدي ودير السبة بلقراية ... وتمشي تنشط مع راسهااا....عارفة الى قالت ليه على لحفلة بليل...غياخد موقف و محال يقبل..داكشي علاش اختارت تسلك معاه طريق تانية...باش يخليها تحضر ليهاا بخااطرو بلا مايمتانع....

ظلااام الحااال وليل حل على المدينة ... عصااام بدل علييه بعدمااا خرج من الدوووش وارتاااح ... شااف فنسريين لي متكية فسريرهااا كاتمووت بالنعاااس ولات تركد مع الدجاااج : واش خنسااء فبيتهاا ولا التحت ...

ميتة بالنعااس : بفف مانعرف ليهاا واش قالو ليك عليااا الحارس الشخصي ديالهاا

عصاام تنهد بلا حول : راااه غير سولناااك اووو نتيي كاتولي فحاال السكايرية بالنعااس العفووو ...

هزات على كتاافهااا ملوية فكااشتهاااا وكاتهضر بالتقاالة: طفي الضو وراااك ... وبلاامااا تفيقني لعشااا ....

هز حاجبو بنفاااد صبر مغاايسالي وحمهااا حتى تسالي معااه هو ... طفااا ضو وخرج من تمااا متاااجه لبيت خنسااء ... دق بهدووء ونطق : خنساااء نتي هنااا ...

خنسااء كانت متكية ففراشها شااادة الستوون مع مهدي فالوااتس ... قفزهاا بصووتوو ماعرفاتو منين خرج ... خشات التلفون بالزربة فصدرها وجاوبات : دخل اعصام دخل ...

حل الباب وهي شافت فيه مبتاسمة والتوتر ساكنها من لداخل ولكن محاولة تبااان هادئة وماتبين وااالو باش مايشكش فيها بالمرة ...

عصام تقدم جهتهااا كالس مقابل معاها : شتك شديتي بلاصتك ياااكمااا ناوية تنعسي وتخلينا بلا عشا هههه ...

خنساء : هههههه لا لا اخويااا راه طايب غير كنت نتسناك تخرج وقلت نكلس فالبيت راك عارف الدار خاوية التحت ...( بغات تنوض ): انا نمشي نحط ..

عصام شدهااا مرجعهاا لبلاصتهاا : بلاتي عندي ليك شي هضرة ...

خنسااء بلعااات ريقهاا منفسة بعمق ووجها كايبان عااادي واخااا من الداخل كلهااا كاترجف ولكن مصصمة تكون نوغماال ... بتساؤل : اييه ياكما كاين باس ؟؟

عصام بلا مقدماات : دابا نتي اختي عارفة معزتك عندي وواخاا كانضور فيك ولا نهض فيك راااه غير على قبل مصلاااحتك ومانبغي حتى حاجة ضرك ...

خنساء دايرة فيها البراءة : اييه عاارفة الله يخليك ليا

عصام : والا كانت شي حاجة كاتخص حياتك راك عارفاني مغانديرهااا حتى توافقي علييها ... داكشي علااش جيت عندك اليوم وبغيت تكون نتي لولة لي ندوي معاطك حيت نتي اولى بالموضوع ... المهم وااحد السيد صاااحبي ... المهدي لي تعشا معانا داك النهار راك سلمتي عليه ... طلب يدك مني على سنة الله ورسولوا ...

خنسااء رمشاات كأنها متفااجئة كاذبل فعينيهااا متقمصة الدور ديال الصدمة والدهشة : اءء

عصاام : وانا مابغيت نقول ليه لا يه لا لا حتى نعرف منك نتي لول بنسبة ليااا سعاادتك اهم ... وحتى با مابغيت نقول ليه والو حتى نعرف رايك ... غير هو اختي الولد راااه على ضماانتي مربي وولد الناااس والله يعمرهاا داار وراااه عشيري من ليسي ومناقصوا حتى خييير بدارو وخدمتوااا والاهم انه راجل ديال بصح .... مافيه حتى عيييب بالعكس

خنساء حنات على راسها كأنهااا مجايبة خبااار ومكاتحركش دجاجة على بيضهااا ونطقاات حانية راسها للارض بتبوحيط : وا اش غانقوليك اعصااام لي باانت اناا موافقة عليهااا ... نتا تعرف لي يصلاااح

عصاام هز فيها حاجبو : هااء كيفااش انا نعرف راااه نتي لي غادي تزوجي بييه ونتي لي خااصك تعرفي واش مناسبك ولا لا ...

خنساء شافت فيه : وانا اخويااا بااش بغيتيني نعرف ... ماعندي مانقرر فشي واحد مكانعرفوش شفتو مرة وحدة وداز بيناتنا السلااام لا غيير ... الااا بااان ليك نتااا مناااسب انااا موافقة ولي درتيها راضية عليهاا ...

عصاام بنفي : لاا مكاينش لي درتهااا ... انا بغيتك تقتانعي واش مستعدة تزوجي ماعندكش اعتراض بعدا ....

خنساء ابتاسماات ونطقاات بغنج : ههههه وكاين شي مش كايهرب من دار العرس ...

ضحك معوج فيها وجهوا : هههه هاكيلي ههه ... واخا الالة مسألة مكاتعرفيهش انا غانحلهااا ندير معااه شي وقت نتلاقاوه بتلاتة تشوفيه وتعرفوا على بعضياااتكم وديك الساااعة نتي قرري على خااطرك ... المهم عندي هو تكوني راضية تعرفي علييه ...

خنسااء شافت فيه ونطقااات ببراءة تقول السيدة هنا نبات كاتحرك بؤبؤ عينيها مدلية شنايفها بعفوية : انا اخوويااا نهاار درت لي فرااسي رااه شفتي عاقبتهاا كيف خرجااات ... ومابغيتش نطييح فنفس الغلط نتا تعرف حسن مني الا باان ليك بيلااا مناسب نتعرف علييه اناا مغاديش نعتارض ... وديك السااعة يكون خير

عصااام ابتااسم : ايوااا مزيااان الله يرضي عليك هههه ... انااا غاندير معااه شي وقيتة قبل مايجي الواليد ونخرج معااكم تشوفيه وتدويو والا باان ليك فيه خيير نقولوهاا لبااا راك عارفاني ماعنديش مع الخوا الخاوي ونضربوا الكحل فالبيض والااا مباانش لييك نضمسوا هادشي بيناااتناا باش مانصدعوش للواليد رااسو وتبقاي حتى نتي مرتاحة ...

خنساء حركااات راسهاا بمواافقة بلامااا تدوي دايرة فيهاا حشمااانة وهو ابتاسم جانبيااا حس بيهاا راضية نوعا ما على الموضووع وحتى فعينيها شاف الموافقة وانهاا مرتاحة وبالنسبة ليه هادشي مزيااان و حتى هو ماكرهش يتناسب مع مهدي حيت عارفوا غايدير خنسااء فوق راسو وماشي شي وااحد لي يتردد فانه يوافق علييه ... راجل ديال الوقت ومافيه على عيييب اي وحدة تتمناه

خنساااء نااضت : انا غانوجد العشااا ... جاوبهاا بواخا وهي زااادت من تمااا خرجااات كا تفرنس موسعة ابتسااامتهااا من هضرة عصااام بااان ليهااا كلشي هو هاااداااك كاتحمد الله وتشكرووو حيت ماتعكسش ليهم كانت خايفة منو هو بالاخص حيت عارفة الا وافق غايقنع لخرييين واصلاا حتى واحد فيهم ماعندو سبب يعتارض عليه ... هبطااات غااطير بالفرحة توجد العشااا والموراال دياالهااا طاالع فوق السلك

عصام وخنساء تعشاو غير بجوج بحكم بوحدهم لي كاينين فدار...نصيرة باقة مجاتش..ولعربي مسافر لعروبية عند العائلة بغا يزورهم...طلع عصام لبيتو..حل لباب ولقا نسرين شاعلة ضو خافت وفايقة متكية كاتسنط لعضامها مانعساش...

عصام بتساؤل:عند بالي نعستي...ساعة نتي مزالة فايقة؟؟

نسرين:طار عليا النعاس من قبايلة ملي جيتي وشعلتي عليا الضو قفزتيني....ونيت مشهية واحد صلاد فروي بدانون غانوض نصيبها..مغايدينيش نعاس الى مكليتهاش...

عصام ضحك:هههه وليتي كاتعطي لفروي قتلة ديال بصح...عرفتي غير كانوقف عند مول الديسير باش نتقدا عندو...غاكيشوفني كايضحك حتا كاتبان ليه ضرسة لعقل...وليت كانصرف ليه على ولاادو بمسبتك نتي...

نسرين بتاسمات:اوى خاصك تصبر...وزيدون مااشي انا لي كانبغي الديسير...راه والدك...

حرك راسو بلا حول....وداز لبلاكار لبس عليه بودي خفيف باش يرتاح فنعاسو...ودااز لسرير تمدد باش يرتااح...تخشات فيه نسرين حاطة راسها على صدرو وهو بدا كيدوز يديه على شعرها بحنان...

سكتات تواني ونطقات كاتسائل بهتمام:قوليا بعدا شنو بغيتي خنساء ملي كنتي كاتقلب عليهاا...

رد عليها بمزحة:هههه عاد بغيتي تعرفي...توݣضتي داباا...

نسرين بتغنااج:قباايلة غا كنت مدوخة بنعاس اما نسولك...وقووليا شنو بغيتيهاا..ياك وليتي تخبي على مراتك...

عصاام: غير على وديت واحد لموضوع...

هزات راسها بشوية شافت فيه وردت بإجاز:شمن موضوع هدا؟

عصام بصوت هادئ:كنت بغيتها بااش نشاورهاا...

نسرين رفعات صوتها ونطقات بنفاد صبر:بغيتهاا فموضوع؟!بغيتها باش نشاورهاا؟؟!وتا هضر نيشان وطلقناا خلاص...

عصام بغاا يشد فيهاا:ممم ضرك راسك الغزالة؟!

جاوباتو بنرفزة:وااعصاام حراام علييك...

رد عليها ضاحك:هههه صافي صافي... خنساء الالة هضر معايا واحد السيد صاحبي..بغاها لزواج على سنة الله ورسوله..

نسرين رمشات بتتاقل كاتحاول تستوعب كليمااتو..وسعات حلة عينيها وننطقات بعدم تصديق:بصااااح

عصام هز حاجبو فيها:مالكي مولفة فياا لكدووب...معلوم بصح

ناضت من عليه بزربة ݣالسة فوق سرير...مربعة رجليهاا ومرجعة خصلات ديال شعرها ورى ودنيها بجوج..

ردت كاتستفسر بلهفة:وشكوون هااد الراجل..منين شافهاا وكيفاش حتا بغاها؟؟!هضر هضر

عصاام حك عينو بدا كايجيه نعااس...تقلب لجيهة لخرى ونطق بصوت نااعس مغمض عينيه:غدااا ونعااود ليك..دابا كانموت بنعااس..مابقا عندي الجهد للهضرة...

نسرين زادت خرجات عينيهاا بصدمة:اويلي على تنعس.... لحتي لياا خباار شاخدة بحال هادي وباغي تنعس بلا ماتقول واالو...واقلة بغيتي لفضول يسكتو ليا لقلب من هناا لصبااح..(بداات كاتنغز فيه فضهور بصبعها)نوووض..وااانووض عااود ليااااا

عصاام بنزعاج وهو مزال على نفس الوضعية:راني قلت ليك حتا لغداا...نعسي وخليني نعس راني صابح خداام..وزيد عليهاا عياان باغي غير نغمض...

نسرين بداات كاتجر عليه لغطاا:لااا وتقوول وااش تنعس حتا تقولياا شكون هاد الخطيب...يلااااه(كملات كتحزر فيه بشدة ملي شافتو ماتحركش من بلاصتو)وعفااك أعصام نوض عاود ليا الله يرضي عليك...شتي الى رضات عليك مراتك وهيا حاملة واحلة فروحها حتاا خير ماغايخصك

عصاام سلم امرو الله عارفها مغاتفاكش معااه..ناض داير ليهاا خاطرهاا هز مخدتو وحطهاا ورى ضهرو...بتاسم ورد عليهاا :احم..ايه واخاا نعاود..ولكن هاد ليلة تبرعيني..(غمزهاا)ممم اشبان ليك...

نسرين خنزرات فيه:صاحب حااجتو...وغادوي دوي طلقنا خلااص...

عصام:هاداا واحد الدري صاحبي..معرفة قديمة هو لي تقدم ليها وبغااها(كمل بتساؤل كايشوف فيهاا..)تعقلي نهاار جاو عندي الدراري صحابي يتعشاو عندي..ووصلتك لداركم وبتي فيهاا؟؟!

نسرين حركات راسها بلإجاب وهياا مركزة على هضرتو..كلمة بكلمة محاولة ماتفلت واالو

كمل عصام بهدوء:وادااك نهار هوا فين شافهاا...وبغاها فلحلال..وليوم طلب يديها مني...

غير كمل هضرتو وهيا تصغر نسرين عينيهاا..وكملات بتشكيك:هياا داابا هوا مكايعرفهاا ماوالو...جا عندك نتا نيشاان بااش تهضر معاها...

عصام حرك راسو بإجاب:اييه بضبط...

هزات نسرين حجبانهاا مافهما وااالو... عصام بقا مكمل كايهضر معاها ولكن هيا غاابت كاترتب لأفكار فدماغها لي تخربق....بلخصوص وهيا كاتدكر رانياااا كاتبارك مع صبااح لخنسااء...

نسرين مع راسهاا "يعني فلوقت لي كان عصام معاا السيد.. رانيا كانت كتبارك ليهاا الزواج...ولكن ديك ساعة خنساء منين جابت لخباار ياك معارفة والو حتا لدابا ملي جا عصام وعلمهاا...وحتا الخطيب مكايعرف عليهاا حتا حاجة من داك نهار مابقا شافهاا حتاا طلبها من خوهااا...علااه هياا منين جابت لخباار بسلامة....اويلي اشهادشي.....

(حكاات شعرهاا بشدة تلفات بلمعقول معرفاات متقدم ولا توخر..)

عصام شافها سرحات وقال محاول يفيقها من سهوتهاا)ايييه..فين مشيتي..خليتني داوي بوحدي...

نسرين رجعاات لوعيهاا:اءء..لا انا معااك احبيبة....قولي واش هاد السيد معاارف واالو..جاا نيشان لعندك...مكايعرفش خنساء نهائياً؟؟

جاوبها بتأكيد:لاا مكايعرفهاش نهائيا

نسرين سكتات تواني ونطقات مامصداقااش:لا لا مايمكنش...شي حاجة ماشي حتاا لهيه...

عصام بتعجب:كيفاش مايمكنش...شنو لي جااك غريب مافهمتش...

نسرين:رااه انا لي مافهمتش..سيد راه كايعرفهاا..واناا(يلاه غاتكمل وهياا تسكت كادور فعينيها حابسا هضرتهاا)

عصاام صغر. فيهاا عينيه بتشكيك:وااش نتي عارفة شي حاجة...عاودات ليك علييه ولا شنو؟؟!

نسرين بلعات ريقهاا...اشنو غاتقوليه؟!وباش غاتجاوبو؟!أكيد مايمكنش تقوليه بلي دازت من حدا لبيت وسمعاتهم...غادي يعتابرهاا كاتجسس..وحتا تيقتو فيها غادي تهز..وهياا تفضل تموت على انها طيح من عينيه بشي تصرف دارتو بلا ماتفكر....

نسرين بهدوء:لا زعماا اناا لي بغيت نقصد... زواج تقليدي بحال هدا قلال..ولا تقدر تقول مابقاش ݣاع..داكشي علااش قلت مع راسي غالباً غايكونو تعارفو من قبل عاد علمووك...(باغة دخل ليه نفس شك لي سكنهاا فراسو غير بلفن)وزيدون اعصام زعما هادا كاملو فيهاا صواب من جيهتك..تجيب ليهاا الراجل وتقبل بيه بلا ماتشوفو...داكشي ديال عهد جدة وجداك...هيااا اعصام ݣاعمة دارت بهضرتك نهاار وقفتي ضدهاا ودرتي لعصا فرويضة ملي بغات عدنان...عاد دابا تجيب ليهاا الراجل وتقوليك صافي بغيتو مرحباا...تتت هاادشي فشكل

عصام بنزعااج:واالله يهديك راا مكايعرف عليهاا واالو..طلبني باش نهضر معاها وعاد نرد علييه....وهيا قالت ليك ندماات حيت مدارتش بهضرتنا من قبل...ودابا لي درناها قابلة بيهاا حيت كنعرفو مصلاحتهاا...وماتنسايش راه مااشي وافقات عليه نيشاان...را مزاالة غاتفكر(حط يديه على خدهاا ونطق معسل فيها عينيه)ممممم ودابا أزين ديالي اشبان ليك نلعبو شي ماتش...سهرانين سهرانين اللهم نقصرو...

قرب لعند شفايفهاا طبع قبلة عليهم تجاوبات معااه حتا ستحلاهاا وبعداتو عليهاا...

نسرين:ماافيااش احبيبي..حتاا لغدا ونقصرو...غير كمل على نعااسك...

عصاام سااط بعصبية:مافيااش ماافيااش...مابقاا لياا والو ونبدا نعيط ليك ختي...(جر لغطى بجهد)حيدي عليااا...انا لي مسطي شاد معااك لخااطر

كمل هضرو وتكاا عاطيها بضهرو طالعة ليه لقردة...مخليها موراه غاطسة فدوامة شك لا منتهية...تخالطو عليها لعرارم بلمزيان مفاهما شنو وااقع...داخت...واش نيت بصح خنسااء معندها علم بلموضوع وعصام هوا لي قاليها شنو كاين...ولاا فايت ليها تعارفات من قبل عليه وقررو مايقولو والو..ويبينو بلي زواجهم تقليدي....