رغم انني قلت ليه خالتي جاااءت الا انه مصدقش رغم انه فالاول تخلع ...
هو:ضروري نهضر معااك اجي كلسي بالعقل
التلفون ديالي مبغاش احبس من الرنين ...وانا نجوب قدامو ...
انا:الو شنو
مراد:بثينة هبطي باغي نهضر معاااك ...
نترت تلفون من ودني وقطع عليه فهذا اللحضة بالضبط تخلعت وليت باغيا نهرب ...ونفكر شنو ندير
هو:والله مغديا نقرب ليك انا بغيت غير نقول ليك راكي عجبتني وحمقتيني ...
هو كيهضر ويعبر وانا كنقرب ليه نغفلو هربت لكوزينة بزربة وهو تابعني مشيت حليت البالكون ديال الكوزينة وتخلع اكتر ...
انا:كنقسم ليك ومتعطيني الساروت دبا غادي نغوط ونجمع عليك أمة محمد بربي ..
وفعلان طلع الشارف خايف على السمعة ديالو وسط العمارة بحيت فيها غير الناس الهاي ...وحمد الله عطاني الساروت وهربت حليت الباب وهبط مع الدروج كنجري ونشوف موريا ياك متبعني داك الكلب د رجل خالتي مي حمد الله وانا كنشوف موريا جيت مساطحة مع شي حد كنت ...طلعت عيني كان مراد شدني شفت فالجيهة الاخرة كان شهم بسرعة طلق مني مراد ...
مراد:كنتي غادي طيحي
شهم:مالك مخلوعة شنو تماااك. ..
انا:تاحاجة ...(بغيت نخليهم نزيد بحالي وهو يشدني شهم فيدي)عيقتي اهذا البنت باركة اترجعي معيا لكورديستان غادي نمشي لعشية...(جيت نهضر وهو يسكتني)باركة هضرتي بزاف نوبتي دبا كنضن شوفي وياااك اكون عند باك انا كنأخد الاذن ديالك لا عندك اختيارين اتمشي بخاطرك او بزز منك
انا:كيفاش بزز واش من نيتك
شهم:اااه الالة من نيتي من نيتي ختاري بزاز او بخاطرك
انا:وخا نعرف نموت مغدياش نمشي معاااك الاي بلاصة ...
شهم:(مزال باينة عليه العيا دالمرض)اتمشي ابنتي اتمشي
انا:(شفت فمراد)هضر مع صحبك وشرح ليه بلي انا بغيت اعطيني التيساع ....
مراد:قال ليك ختاري اذان ختاري ...
شهم:اتمشي مع مك وخوك .....
تلفت ما حيتي نرجع لدار كاين الشارف ما حيتي نخرج غادي اخطفوني ويدوني لكورديستااان ...
اعتدت ان اكتم ما بدخلي أنينا في الصدر بدلا من خرجوه من جوفي وبكاء القلب دون ان تدرف عيني دمعة واحدة
تنهدت بقوة وانا حايرة كاع الخطط كاتنجاح ليا مع الناس كنجي تا لعند شهم كنخسر كأنه ساد ليا جميع الابواب ديالي بقيت ندور بعيني من هنا لهنا كنقلب على مهرب ...
شهم:ماكاين فين تهربي اديك البنت عارفك مزيان كدوري بدوك العينين من هنا لهنا ...
كان الصمت هو الاسلوب ديالي قدام هذا الموقف ....
انا:مبغيتش نمشي مبغيتش انا عطيني طلاقي وسير نتا خليني عليك نساني عليك اوف
شهم:(غوبش)متقوليش اوف لا سمعي اتمشي اتمشي صافي سالينا ...
بقيت نفكر ونفكر تا طحت فكرة وياربي تصدق ليا ...
انا:وخا ولكن خاصني نقنع ماما هيا الاولى ماشي ساهلة نقنعها ...وبغيت تعطيني اسبوع
شهم:(مخلنيش نكمل)اسبووع شهر لا
انا:خليني عام وسير
شهم:عندك فرصة تا لغد وسمعي مزيان اهذا البنت كنقسم بيك نتي لي معندي ماعز منك عندي وخا تهربي الابعاد الحدود غادي نجيبك غادي نجيبك خضك تعرفي هدشي ...مزياااان
كان الصمت من طرفي وانا كنلمحهم كيغادرو وحد الحاجة ديما كنعتارف بيها هيا وسامة شهم كان بوحد التريكو فالكحل مع سرول كحل ونضارت وشعرو الرطب تنهد من جماليت هذا المخلوق كارهتو وتوحشتو كنبغيهه وباغيا نبعد عليه ومقدرش بلا بيه .كيعجبني قربو ليا كيخنقني اوف هذا الحب حمق واخيران غادرو المكان بكل هدواء ...وسرعان ما سمعت طاكسي شفت كانت خالتي وماما جاين عند الخياط ..مشيت بالجرى نعون ماما فالميكات هيا وخالتي وانا طالعة فالدروج كنهضر
انا:عيتو ياااك
خالتي:ولفت ختي وبصارحة عمرتو عليا
انا"خالتي خاصنا نمشيو غدا مع الفجر ...
خالتي:اويلي لا غد لا باقي الوقت مالكم لا مغدينش غد
انا:خالتي جاتني خدمة ضرورية خاصنا نمشيو
سعاد:اويلي ابثينة واش هذا الخدمة مجااات الا دبا
انا:(نفعلت اكتر)لا اماما رها ضروري غد الا مكانش اليوم احسن ....عفاااك اماما خدمة ضرورية
عماد:لا اختي انا مغديش كتفكري غير فراسك
لقيت راسي فوحد الحرب بيني وبين نفسي اولان ...حرت وبقيت عارف اش ندير طلعو وخلوني فالتحت كنفكر اشنو ممكن ندير اخليني منمشيش معه ...بقيت نفكر لكن بدون جدوى وسبحان الله ...منير كيصوني حقدت عليه وقطعت عليه سيفط ليا ميساج
"ضروري خاصك تجوبي بحيت الامر كيخصك ...
"اشنو باغي مني
"مول الكراء كيقلب عليكم باغي اخوي الدار بحيت جاين ناس جداد وكيقلب عليكم وجاء و
عندي طلب مني نقولها ليك
تنهدت بألم ااااه ابابا حبيبي ولينا كي الزبالة نزلو دموعي بشدة ولكن ب صمت ...شفت فالسماء كان غروب الشمس ...فكرت مرار وتكرار وملقيتش شي حل من غير انني نمشي نعيط لشهم معندنا فين نمشيو ....عيط ليه وبسرعة جوبني ...
انا:ممكن نهضر معاااك
شهم:هضري شنو عندك
انا:غادي نمشي معااك لكن بشرط اول حاجة خاصنا ضروري نمشي لكازا نجمعو حويجنا تاني حاجة بغيت نخدم فالكورديستان وبغيت تعرف حاجة وحدة مرجعتش معاااك حيت سامحتك حيت عمري غادي نسمحك وياااك اكون عند بالك انك راجلي هدشي مبغيتش تعرفو ماما عفاك حتارم قراري
شهم:(بعد صمت طويل )مغدياش نضمن ليك بلي انا مغدياش نتعامل معاك بحال راجلك ولكن مغدياش نقولها لام ديالك ...المهيم عندي انكي ترجعي لدارك ...
انا:بسلامة
سمعت تنهيدة ديالو بحال السم ...وقطعت عليه من بعد ما طلب منو حطيت التيلي فجيبي وتنهدت دخلت لدار شرحت لماما وضع ديالنا ف كاز وبلي مول الكراء صافي باغي دارو خلاص ....بعد بكاء واخيران وافقت وضدمتها بلي غادين نمشيو لكورديستان متقبلتش بسهولة ولكن ماما من النوع المادية هيا دغيا نسات عام لكن انا مغدياش ننساء ....جاء الصباح وبسرعة سمعت تلفون كيصوني كان شهم عند باب العمارة تودعنا مع خالتي بالدموع وبعناق وشكر الاستقبالها .وركبنا مع شهم ...دخلنا لسيارتو ..
سعاد:سلامة وعليكم
شهم:(مخنزر وبنضارت)وعليكم السلام ....
سعاد:اش هذا الغبور اولدي
شهم:غير مع المرض وصافي
سعاد:الله اشفيك عودت ليا بثينة عليك ياااك ابثينة بثينة
كنت ساهية فالشرجم دالسيارة ...وكنت غايبة وفنفس الوقت كنت تعمدت انني منجوبش بقيت مركزة فبلاصتي ومكنشوفش ...تا وصلنا لكاز وبضبط الحي داكشي داز بسرعة بحيت لقينا شهم ديجا جامع كلشي فالدار كانت لحضة وداع منزال فاش كبرت كان الفراق صعيب بزاف ...شحال بكينا بحيت اي قنت فديك اددار الصغيرة كتفكرني فأفضل اللحضات ديالي وانا سمينة ..منكدبش عليكم السمنة خايبة ااه لكن على الاقل عشت افضل الايام كنت ديما ضاحكة وضاربة الدنيا بركلة هاني الان ضعيفة كيف السم ولكن فين هيا السعادة ....دائما الوضع لي كتكرهوه كيكونو فيه بعض الاشياء زوينة ...كان البكاء هو اسلوب ديالي الوحيد وشهم فسيارتو وانا وماما فحالة ...وحنى خارجين لمحت منير كيجري لكن درت عين شافت وعين مشفتش معرفتش علاش مقدرش نسمح ليه
منير:بثينة
انا:وي (لمحت شهم خارج من سيارتو بمجرد شافني مع منير)
منير:عفاك سمحي ليا
انا:منير منكدبش عليك وخا نسمح ليك مغدياش تكون عندي او ترجع عندي منير ديال شحال هادي انا هكا وبزاف ديال الحويج تهرسو من جيهتك غير سمح ليا ...ولكن انا سمحت دنيا واخرة ..
شهم:(بغضب)بثينة
انا:(مشيت عندو )سمعناك شنو كاين. ...نمشيو ...
شهم:(كيهضر من تحت سنانو)كنقسم ليك هذا المرة نشوفك مع هذا الزمر
انا:(مخليتوش اكمل)كون هاني طلع بحالك ...كلكم بحال بحال اصلان ...
دخلت بسيارة بغضب وبعد لحضااات تبعاتني ماما والكل كيبكي ....تنهدت بصمت ..وغمضت عيني واخيران وصلنا لمكان الطيارة. .
بعد عدااات ساعااات فالطيارة واخيران وصلنا لكورديستان التعيسة اااه رجعااات تعيسة رغم الايام الزوينة لي عشتها مع شهم ... وصلنا لباب قصر شهم وهيا تحل ماما فمها اما عماد ف طلر من الفرحة ...عكسي انا مبقاش كيهمني هدشي ....
سعاد:واوا اش هدشي
عماد:واش هنا انعيشو ...
مع الدخلة كان الاستقبال بالتمر والحليب من الخدم كان الاستقيال مالكي ...وماما وعماد عجبهم الحال ...وانا ايضا غير مبينتش ليه ...كان شهم واقف بكل رجولة والخدم مستفين هالي هاز التمر ها لي هاز الحليب ...
شهم:تفضلو معيا اكيد ايكون فيكم الجوع ...
كانت الغرفة عامرة حلويات ونفس الغرفة فاش دخلت اول مرة امكن تعمد افكرني ونفس الحلويات وأكتر كان العصائر بالاشكال انا كتفيت بعصير الليمون بيني وبين نفسي فيا موت دالجوع لكن النفس ودايرة. فيها عزة نفسي....
شهم:خودو راحتكم ...ومرحبا بيكم مرة اخرة
بنفسي تصدمت اااوه فين جااات هذا الضرفاة كاملة ممولفاش ليه لكن غير خرج لقيت راحتي بل كلت النص تا حسيت بكرشي منفوخة ورجعااات ماما تغمز ليا حشومة ....مع الدغمة الاخيرة وفمي عامرة
شهم:بثينة ممكن دقيقة ...
مشيت عندو وفمي عامر وجهي رجع حمر كرامتي امي ...وقفت عندو وانا كنحول نبلع وسبحان الله فاش كتبغي تبلع اللقمة فموقف محرجة والله مكتصدق ..خرجو عيني وليت نكح
انا:كح كح كح
شهم:(شاد ليا فيدي ويد التانية عند ضهري )بسم الله عليك انا شنو قلت ليك فاش كيكون فمك عامر متهضريش
بزاز باش بلعت اللقمة واخيران رتاحيت ...
انا:شنو كاين
شهم:نتي اتنعسي فبيتك معيا والام ديال الغرفة ديالها فالطبق التاني غرفة ديالها جنب ديال عماد ...
انا:(كنهضر بصوت منخفض)واش نتا من نيتك اشمن غرفة واشمن انا وياك مبقاتش شي حاجة سميتها انا وياك ...غير نسا
شهم:(شدني من دراعي)باركة