قبل نصف ساعة..
كان فداك الصالة جالس كيتقهوا ولكارو فيديه..كيتنغم عليه..
حتى كتخرج من البيت لابسة بيجامة بياسة وحدة ديال النعاس قصيرة حد لفخاد يلاه فايقة وغاسلة وجها ..شافت فيه..حسات بيه ولا كيحاول يبعد عليها ماشي بحال اللول كان كان كيحاول يتقرب منها ويهضر معاها ماعرفاتش علاش..
هو صونا ليه الطليفون كان هارون جاوب وعينيه عليها كيف كتتمشا ومؤخرتها لبارزة كتتحرك معاها..
ميل راسو فيها وهو كيجاوب:السي الزعيم أمر..
هارون كان مازال فالدار كيشرب قهوتو:طولتي لا
كريم تبسم:صافي تسالا الكونجي
هارون:براك عليك شتي لمدام فركعتي الرمانة..الليلة رجع باش تصبحو عندي لا نت لا مروان
كريم كيشوفها جلساا تفطر هزات نوطيلة بصبعها وبدات تلحس فيه اعصابو تعقدو من حركاتها العفوية نطق:مافركعنا لا رمانة لا والو
هارون:وشنو مازال كتسنا
تنهد:تنصحني الزعيم نت راك خبرة دابة
هارون ضحك وهو كيتفكر كي دازت داك الليلة:مانصحكش..تانت راك خيبرة
كريم تبسم:اغي ماشي وقتو ماعرفتش واش نجيبها معايا للاباغطومو مع مروان ولا ناخد ليها اباغطومو خرا اش بان لك
هارون:نت معلمتيش المنضمة وعلمتيهم بيها من الاحسن تبقة بعيدة علامن تقاد الاوضاع
كريم:عندك الحق..المهم الزعيم مانطولش عليك الليلة انشدو الطريق وغدا نصبحو عندك
هارون:يلاه تهلا
وقطعو
كريم كيشوف فيها مابغاش يدخل بيها ويزيد يتقرب منها وتتطور علاقتهم وتتعلق بيه اكتر ويتعلق بيها اكتر ختى يقاد امورهم هو دابة ايخليها مخبية على كلشي غير اتبقة قريبة ليه وتحت عينيه..كيصبر راسو بالسيف باش مايقربش منها..
نزل عينيه وهي باقة كتشوف فيه مافاهمة والو
جمع الوقفة ودوة:انخرج ونرجع باش الليل انشدو الطريق
هدى:فين؟
كريم:دابة تعرفي فين المهم انديك معايا
وخرج
هدى تنهدات:مابقيت فاهمة فيه والو هاد كيمو
وعضات الخبز فيك الشكلاط..
نرجعو للطبيب..
دارو التحاليل وغادي يخرجو النتائج من دابة شوية ماعطلوهمش تا للعشية ولا تالنهار التاني سبقوهم هوما اللولين..
كانو جالسين فلاتيراس هي كتشرب عصير وهو قهوة وبين صبعانو لكارو ديالو
عبلة:ماغادي يكون والو..نخاف غا نكون بديت نحماق
شاف فيها:ماغايكون والو
هزات راسها باه..
جات الممرضة :تفضلو نتائج التحاليل عند الطبيبة
ناضو ودخلو وجلسو
الطبيبة بابتسامة:الحمد لله كلشي عندك سليم ماكاينة تاشي حاجة ماشي هي هديك الفحوصات والتحاليلا كيبينو انه انك فصحة مزيانة
عبلة تنهدات براحة:شكرا ليك..
خداهم هارون كيقرا فداكشي فعلا ماكاين والو صحتها سليمة
جمع الوقفة وناضت تا عبلة معاه شد لها فيديها وجرها معاه وهي مبتاسمة حل ليها باب الطموبيل ركبات وديمارا..خدم موسيقى كلاسيكية رومانسية هادئة مناسبة المزاج ديالو الرايق والهادئ
هارون بهدوء:نعستي مزيان لبارح
عبلة:الحمد لله ونت
طريق عنقو وبدا يماصيه بيد:مدك دك درتي لينا العداب لبارح
تبسمات:ولكن كانت تجربة زوينة معاك
شافف يها وشافت فيه ونطق:نتي لي زوينة
قلبها مشا وجا من هاد الغزل ديالو المفاجئ ..واخة ماشي شي غزل ولكن منو هو راه شي حاجة تبسمات عاجبها لحال..
داز الوقت..
كانو عند الطبيبة النفسانية..دخلو بجوج شرحات دوك الكوابيس ماعطاتش التفاصيل طبعا دكرات انه واحد قتـ ل صاحبتها وصيفط لها داك المشهد المهم عطات الاساس..
الطبيبة:هاد الحالة سببها صدمة من داكشي لي شفتي وعشتي وسببها الخوف من داك المجرم..وهاد الصدمة خلات دماغك يتخيل اشياء ماكايناش وتشوفيهم تا فأحلامك ..ويجيوك اوهام ماكاينينش ..هدشي طبيعي من داك المنضر لي وصفتي ليا اكيد ما ايتقبلوش العقل وهدشي لي كيوقع ليك عادي
عبلة:وشنو الحل
الطبية:هدشي يمكن لك تعالجيه براسك لا قنعتي العقل الباطني ديالك انه هداك مجرد كوشمار ماكاينش..فاش تحلمي بيه ولا يتخيل لك فشخص اخور قنعي دماغك انه هدشي ماكينش غمضي عينيه واحد تلاتة تا لخمسة الدقايق ونتي كتقولي فدماغك انه هدشي ماكاينش..خاص تتغلبي على هاد الاوهام لي كيجيوك..قلتي ليا فاش كتحلمي بيه كتكوني عارفاه ماشي بصاح ولكن كتخافي..هدشي فالصالح ديالك دامك متقبلة انه داكشي مجرد اوهام..هدي خطوة زوينة للعلاج..الخايبة هي فاش كيجي لينا شي واحد وهو متأكد بداكشي لي كيشوف حقيقي..نتي اتدخلي فحرب بينك وبين هاد الاوهام والتهيؤات..مابغيتش ندير معاك شي اجراءات باش مانحسسكش انك مريضة ولا بيك شي حاجة..غادي نكتب لك بعض المهدئات وفيطامينات مرة فالنهار واتديري هدشي لي قلت لك من دابة سيمانة رجعي عندي لا بقيتي كيفما نتي غادي ندوزو للخطوة التانية لي هي لعلاج النفسي
عبلة:صافي واخة
الطبيبة :لعلاج بين يديك ماتخليش هدشي يغلبك ..حيت ماكاين والو من داكشي
عبلة صافي واخة
كتبات اليها الدوة وخرجات هي وهارون ركبو فالطموبيل
هارون وهو ميديماري:سمعتيها اش قالت ماكاين والو ادن خرجي ليا داك المرض من راسك نتي لي بيديك كلشي
شاف فيها ودوة بجدية:مافينا مانوليو فطبيب نفسناني وعلاج نفسي ونتي فغنى عنهم
هزات راسها باه عندو الخق خاص تعالج راسها براسها اخر يامها تولي حمقة كتتعالج:صافي واخة اندير كتر ما فجهدي..
زاد فالسرعة:شنو تغداي
عبلة:شهوتي فالحوت..
هز راسو باه مغير لاتجاه ..
داز الوقت..
حضر مع بكر العمدة لواحد الاجتماع فيه غير الوزراء حيت بكر دابة ولا وزير عندو منصب في الوزارة..من بعد مشاو للشركة خلاه تاني يحضر معاه للاجتماع كان تماك..ويتساراو فالشريكة باغي يخليه يشوف لاجواء ويعجبوه حيتاش باغي يقنعو يخرج من داك المنضمة لي اتخليه يدفن حياتو في الخفاء
سلاو وركبو فالطموبيل راجعين للفلاج
بكر: هدشي كلو ايولي ديالك ..وانا محتاج لك اولدي فجنبي..حيت نت الولد لي عندي ..صافي دوزتي لي عطا الله شفتي داك العالم كي داير رجع لعائلتك اولدي..
هارون كان كيشوف فالشرجم وبكر كيساينو يجاوب
مروان نطق كيحرك. راسو يمين وشمال:مروان اايرجع هاد الليلة للخدمة..مروان ايبقة فخدمتو
بكر تنهد مابغاش يزيد يضغط عليه مازال الوقت المهم انه مابقاش بعيد عليهم كيف شحال هدا جوج خطوات هاهو عندهم
وصلو #لفلاح_العمدة
دخلو وليلى كتشوف فبكر زعمة شنو
بكر هز راسو بيأس زعمة ماكاين والو..تنهدات وهي كتفكر فاش فتحات معاه الزواج بمريم
فلاش باك
مروان:مروان ماباغيش الزواج مريم ختو حرام يتزوجو جوج الخوت ..مريم تربات مع مروان ..الزواج فيه المشاكل ومروان ماكايبغيش المشاكل مروان ماعارفش بزاف دلحوايج على الزواج
وناض وخلاها جالسة
الرجوع للواقع
مروان:مروان ايدخل للكوزينة ويوجد المسكوتة وليلى اتبقة فالصالة مرتاحة هي وبكر حتى يجيب ليهم ياكلو
مريم نقزات من موراه:او مريم اتعاون مروان
شاف فيها ونطق:ليلى باغة تزوجني بيك ومروان ماباغيش لا دخلتي مع مروان للكوزينة ليلى ايحساب ليها باغي يتزوج بيك
مريم ضحكات بالجهد وشافت فليلى:ياك اماما شوهتيني معاه ياك قلت لك هو بحال خويا
ليلى:صافي غا هنيوني بجوج كاع لا تزوجو
تبعاتو للكوزينة كتجري :مروان ماتخافش تانا ماباغاش نتزوج بيك خلني نعاونك
مروان:صافي دير الطابلية
وبداو يوجدو وهي كتضحك مرات تعصبو كيجري عليها وترجع ترغبو تاني..
داز الوقت طاحت الضلمة وجا وقت النعاس
دوزات تقريبا النهار معاه رجعها تا لعشية تغداو برى ودوزو العشية حدا لبحر ..
غيثة متكية حداها..
عبلة:نعسي اتفيقي بكري للمدرسة
غيثة:نعسي تانتي
عبلة طفات الضو وتكات حداها:هانا
غيثة تخشات فيها معنقاها وتا عبلة عنقاتها وباست راسها وغمضات عينيها ونعسو بجوج ..
داز الوقت منتصف الليل ..
فوسط نعاسها كتحس بشي حاجة كدوز على وجها بشكل دائري تواني وستوعبات وحلات عينيها حتى كتشهق ملي شافتو قدامها بنفس الشكل ضلام فضلام وبونقشة فيديه ناضت جالسة مخلوعة بغات تغوت سد ليها فمها:ششش
هزات راسها باه..وهي مخلوعة
بعد يديه وقرب تا لوجها ونطق:نسيتيني شحال مازرتك..ماتوحشتينيش
بلعات ريقها كتقول مع راسها هدشي ماشي بصاح هدا غير كابوس..
نطقات:نت ماشي بصاح نت كابوس وانفيق منوو ..غادي نفيق ..يلاه فيقي اعبلة فيقي
ميل راسو وقرب ليها:بغيتي تتأكدي واش كابوس
بقات غير كتشوف فيه بعينين خايفين مرعوبة..
قرب لختها ناعسة جنبها وحط الجنوي على عنقها هنا قلبها مشا وجا ونطق:ندبحها باش تتأكدي اني بصاح
بدات كتهز راسها بلا نزلو دموعها:عفاك بعد منها ..بعد لي من ختي الله يخليك
بدا يمسح على شعر ختها الجنوي على عنقها
عبلة بغات تموت بالخلعة وهي كتشوف فختها خافت يكون بصاح ويدبح ليها ختها تـمـ وت داك الساع..شافت فلباب بغات تنوض وتغوت تغامر بكلشي الا بختها..
يلاه اتنوض وهو يدفعها ونطق:خطوة وحدة ندوز عليها ونخليها هنا منشورة قدامك زيديها على هند..
عبلة بخوف نسات راسها ولات خايفة على ختها يدير فيها لي بغة ومايقيسش ليها ختها:صافي صافي الله يخليك ختي باقة صغيرة ما تأديهاش هانا دير فيا لي بغيتي خليها عليك
جمع الوفقفة:اجي معايا
عبلة:فين
بحدة:نزلي اجي
نزلات قرب ليها حط الجنوي على عنقها:زيدي
خرج بيها من البيت وهي كتبكي بصمت..طلعها فالدروج تا وصلو للسطاح ونطق:شنو بان لك نلوحك من لهنا الكوابيس كلشي ممكن فيهم..
عبلة بخوف مابقات فاهمة والو:لا عفاك
زاد جرها للداخل تا وصلها للصور :نختاصر عليك العداب ونلوحك
نزلو دموعها :خليني عليك صافي براك راك اتخرج لي لعقل
قلبها لجهتو تقابلت معاه قرب تا لوجها وهو دافعها اللور على صور شدات فيه خاي الطيح اتموت بالخلعة نطق:قلت لك انا كابوسك نقتـ لك ونخليك تعيشي الرعب ونحمقك ايلا بغيت
غمضات عينيها كتبكي وتقول هدشي غير كابوس باش دوز داك خمسة ولا عشرة دقايق وتحل عينيها
هو جبد منديل فيه داك المنوم وحطو على نيفها بدات تفركل بين يديه تا فقدات الوعي هزها بين يديه قبل الطيح ورجع اللور
حطها فالارض وجمع رجليها بحاليلا ناعسة بقة كيشوف فيها شحال فتالي جبد التسبيح من جيبو وهبط مع الدروج مخليها ناعسة فالسطح تحت السمرة..
..
نهار جديد..
كانو كيفطرو التمنية دصباح كانت غيثة فاقت مالقاتش عبلة..
خرجات للصالة
حياة:دوزي تفطري باش تمشي تقراي التمنية ونص مابقة ليها والو
غيثة:فين هي عبلة مالقيتهاش حدايا
محمد شاف فالساعة التمنية :فين مشات على بونبير
حياة:يكون جا موراها هارون
محمد:ماعرفتش ..تعلمنا ماشي تشد وتمشي دوزيلي النمرة دعبلة
دوزات ليه غيثة النمرة:هاك
غير بدا يصوني سمعو صوت الطليفون دعبلة
مشات كتجري جابتو:هاهو هنا
حياة ناضت:مايمكنش غريب هدشي
دخلات للبيت كتشوف حوايجها وساكها وماسائلها مازالين قلبات فالسيجور نفس الشي والو رجعات:كلشي باقي فين اتكون زادت هدي
حياة:حنا هادي ساعة باش فقنا ووجدت لفطور ومحمد خرج جاب لفطور ورجع..كون راه شفناها ملي كانت خارجة هدشي غريب
غيثة:كوراه جا موراها هارون بالليل وداها
حياة:لا عبلة ونعرفها مايمكنش تمشي بلا ماتعلمني عارفانا انتشوشو لا مالقيناهاش انتسناو شوية يقدر تجي
داز الوقت
دخلهم الخوف
محمد:تكون دارت شي موصيبة تاني وخرجات طوطح تحتشمني مع الراجل
حياة:نعل الشيطن الحاج وقعات مرة مايمكنش تعاودها
محمد:اراو دوزولي النمرة دراجلها يقدر تكون معاه
حياة:اه سول نتأكدو
دوزات ليه غيثة النمرة وخداه كيصوني
فالجيهة لوخرا كان سايك شاد طريق لخدمة حتى كيصوني ليه الطليفون جاوب:الو الحاج أمر
الحاج:ولدي واش معاك عبلة
هارون:لا..كيفاش ..عبلة عندكم شواقع
الحاج:ايوا اولدي شغا نقولك فقنا هاد الصباح مالقيناهاش ماعارفناش اش واقع ولا البنت فين زادت قلنا كون معاك ولا شي حاجة
هارون:مامعاياش..صباح هدا فين اتكون زادت..ماعلمات حد وانا موصيها الحاج ممنوع لخروج بلا ماتعلمني قبل
الحاج:دابة غير تهدن اولدي واجي للدار
قطع وفرانة بالجهد ورجع قلب الدور مغير لاتجاه للدار دعبلة..
نزل وطلع فالدروج كينقز جوج درجات تا دخل ..
الحاج:جلس اولدي
جلس وهو كيشوف فأركان الدار
محمد:واش دابزتو ولا شي حاجة
هارون بنفاد صبر:لا
شاف فغيثة:مافقتيش بيها فاش ناضت
غيقة:لا نعسنا بجوج وفقت ماكانتش حدايا
حياة:طليفونها فالدار وحوايجها ساكها هدشي راه غريب مايمكنش تخرج هكا بلا والو وبلا ماتعلمني
مسح على راسو ووقف كيحاول يتحكم فأعصابو خدا طليفونها كيقلب فيه ميساجات اي حاجة تماك
هارون:انخرج نضرب دويرة هنا فالحومة
الحاج:اصبار نمشي معاك..جيبيلي بلغتي..لا حول ولا قوة الا بالله
حياة:جري طلعي للسطاح جيبي ليه بلغتو لباج لبيضة خليها
غيثة:واخة هنا غادا
محمد بالزعفة:ياك قلت لك ماتصبنيهمش اراي ليا صباطي حسن ليا نبقة انا هنا كنتسا فلبلغة
غيثة كانت طلعات كطير للسطاح مع قريب ماشي بعيد…هوما ساكنين منهم للسطاح..
دخلات مع لباب دالصطاح ضربات لها الشمس فعينيها نيشان زادت خطوات حتى كتشهق ملي شافتها ناعسة فلارض غوتات:عببلة وا عبلة…
قربات ليها خايفة:عبلة
مافاقتش ليها نزلو دموعها خايفة على ختها من داك المنضر رجعات باللور وهبطات كتجري
يلاه خارجين مع لباب وهو يتسمع صوتها كتغوت:عبلة فالسطاااح..عبلة فالسطاح
كتلهت وتبكي
محمد:شكا دير هاد المسخوطة فالسطاح ..
غيثة:ناعسة فلارض ماعرفتش مالها طايحة هكاك عيط ليها مافاقتش
سكتات وكملات:خفت تكون مـ اتت
حياة ضربات على فخادها:الله على بنتي
هارون سبقهم طالع فداك الدروج وهوما تبعينو ..
وصل للسطاح وهو يشوفها مجبدة فلارض الشمس ضاربة فوجها ويديها على خصرها ناعسة بهدوء بحاليلا فبيتها..
حياة بدات تفوت:بنتييي عبلة الله ياربييي
محمد تاهو تخلع من المنضر..
هارون ماخلاش حياة توصل ليها تحنا عندها كيضرب فوجها ويقيس النبض ديالها وبعض الاجراءات الطبيبة كلشي هو هداك :عبلة..كتسمعيني حلي عينيك
حلات عينيها بالشوية مديرونجيها الشعة دااشمس شافتو قدامها قلبها مشا وجا كيبان ليها غير لبوص قدامها شهقات ودفعاتو عليها وناضت جالسة وغوتات:بعااد علياا بعااااد …
هارون قوص حواجبو وجرها لعندو وشد راسها بين يديه وهي كتنتر مرعوبة :رخييي منييييي خرج من حياتييي خرجلي من دماغيييي غادييي تحمقنييي اش باغيي القتـ ال رخييييي منيييييي رخيييي
زير على. اسها بين يديه ونطق عينيه فعينيها:عبلة فيقيي ماكاين والو هدا انا هارون
حياة كتبكي وتندب فوجها اول مرة تشوف بنتها فهاد الحالة مافهمو والو ومحمد كيستغفر فالله ويصلي على النبي ويقرا فالمعودتين عليها وغيثة لاصقة فمها وكتبكي
عبلة كتغمض عينيها وتقول بصوت مرتافع:نت ماشي بصاح ..نت ماشي بصاح انحل عيني ما انلقاكش نت كابوس وصافييييي
هارون كيشوف فيها كيف كترجف ومغمضة عينيها وكتدوي بحدها ..
حتى حلات عينيها وشافت فيه نزلو دموعها وبدات كتبكي:هاروووون ماقاداش على هدشي غادي يحمقنيي
كتشوف راسها فالسطاح جالسة فلارض وهو حداها ومها وختها وباها كيشوفو ومخلوعين عليها
زادت فلبكا :ما انقدش على هدشي ماباغاش يخرج من دماغيييي كيعيشني الرعب…طلعني للسطاح بغة يلوحنيي
هارون ملامح وجهو تقلبو وعقد حواجبو وعروق جبينو باينين :نوضي من الارض عائلتك كيتفرجو
ناضت وشدات فدراعو باغاه يفهمها وبصوت باكي:ماشي لخاطري هو تعشش ليا هنا
حطات يديها على راسها كتوريه
مسح على وجها:تهدني دابة
محمد قرب ليها وجرها لعندو:اشنو واقع وشكون هدا لي طلعك للسطاح وبغة يلوحك هضريي
بدا كيديها ويجيبها وهي كتبكي:ماعرفتش ماعرفتش ابا ماعرفتش
محمد كيشوفها بحال شي حمقة وتقول شي هضرة مامفهوماش :كيفاش ماعارفاش ونتي بفمك كتقولي طلعك للسطاح وبغة يلوحك ..هضري لا غاتهضري شكون هداا واش باغة تحمقينا ناعسة فالسطاح كاع..
عبلة بصوت باكي:والوو اباا خليني عليييك انا براسي ماعارفاش لي فيا كافينييي صافييييي
هز يديه بغة يجمع معاها للوجه وهو هارون يشد يديه:الا هادي الحاج مانسمحش لك ديرها وانا حاضر…
محمد نعل الشيطان:وماكاتشوفهاش شكا تقول وكي كدير
هارون:مراتي وانا نتكلف بيها ونعرف مالها تا واحد ماعندو الحق يمد يديه عليها
حياة جرات عبلة وعنقاها:الله ياربي على بنيتي الحبيبة وشنو هدشي غير شي عوينك
عبلة عنقات مها كتبكي
هارون:جمعي لها حوايجها نمشيو
حياة هبطاتها للتحت دخلتها للحمام غسلات ليها وجها وغيثة غا تابعاهم من بعد دخلاتها للبيت وجلستها فوق الناموسية..وعبلة كلها كترجف حياة جلسات حداها وبدات تمسح على ضهرها:ابنتي شنو واقع لك مالك؟..قوليلي ..شكون هدا لي طلعك للسطاح وخلاك تنعسي فلارض
عبلة غير ساهية وكتشوف فنقطة وحدة بلا ماترمش ودموعها نازلين..
حياة:هضري معايا ابنيتي انا ماماك عاوديلي شنو واقع لك
عبلة سهات حتى كتسمع قدام ودنيها بالصوت ديالو:عبلة انا هو داك الكابوس لي ايحمقك
قفزات مخلوعة وبعدات على مها وهي كتنطق:بعد علياا بعاااد
حياة تخلعات:الله معاك ابنتي اعود بالله من الشيطان الرجيم
وبدات تقرا عليها المعودات وعبلة سادة ودنيها وحانية راسها كلها كترجف ماباغاش تسمع صوتو ولات كتكرهو وكيدير ليها الراعب
حياة:قوليلي ابنتي مالك
عبلة غير ساكتة شغا تقول وشغا تبرر ومنين اتبدا وهدشي اصلا ماخاصش يتقال
تمتمات بهمس سمعاتو مها:انا صافي غنحماق
حياة:نتي فعار الله ابنتي ماتقوليش هكا باقة صغيرة اش جابك لشي حماق ..عاوديلي مالك
سمحو صوت محمد برى لي هارون دوا معاه وقالو شي كوابيس كيجيوها وانه غادي تتعالج ماعاودش ليه الحقيقة اللهم يخليهالهم هكا ولا يعرفو المصيبة لي دخلات فيها راسها عبلة:مازال معطلة الراجل كيتسنا
عبلة ناضت بدلات عليها ولبسات حوايجها وحياة وغيثة كيعاونوها تجمع الباقي وهي غير ساكتة..
من بعد خرجات جامعة شعرها سفنجة لفوق عينيها حومر بلبكا والبرد لي ساط فيها الليل كامل وهي بايتة تحت السمرة ..
حياة:فهموني اش واقع
محمد:خليهم يمشيو..دابة نعاود ليك
هارون جرها معاه وهبطو ركبو فالطموبيل وديمارا وزاد
لمحاتو داز من حدا شي رجال بلباس عادي دار لهم اشارة بيديه وهوما هزو راسهم باحترام..كانو من الرجال لي حطهم يراقبو الدار من لبعيد فهمو راسهم انه صافي يمشيو بحالهم..
وقفو فالسطوب وهي كتشوف جيهة الشرجم ساهية فهدشي لي هي فيه ايخرج ليها للعقل قوصات حواجبها ملي شافتو واقف فالصطوب والتسبيح فيديه واليد لوخرا خاشيها فالجيب نفس الهيئة ونفس الشكل…شهقات ملي هبط من الطروطوار جاي فالتجاها غوتات كترجع اللور:هاروووون هاهووو جااي…هاروووووووون
كتغوت ربي لي خلقها ولصقات فيه وبدات تضرب فصدرو :جااااي عنديي اهارووووون
هارون كيشوف فجميع الجوايه ماكاين والو وموراه كيكلاكصونيو باش يتحرك حيتاش رجع الضو لخضر..
هارون:عبلة برااكة من هاد المرض صافيي…ماكاين والو
تشبتات فيه كتر وهي كتخبا فيه مرعوبة:لا لا لا هووووو شتو بعينيي جاي لهنااا اهارون
زاد لكلاكصون دالطموبيلات وواحد من موراه كيغوت ويسب وهي لاصقة فيه عض على سنانو:رخيي مني اعبلة رخيي نتي مريضة واتمرضينس معاك
نترها منو وبعدها عليه ونزل من الطموبيل يبدا بهداك لي مصدعو وكيسب …قرب ليه للطموبيل وحلها وجبدو لعندو من الكول مع واحد لكروشي ولصقو مع باب الطموبيل ودوة وهو عاض على سنانو:كان خاصني غي معامن اولد القحـ بة نت لي ضبرتي عليها
الراجل دايخ من لكروشية ونيفو نزف رجع خشاه فالطموبيل :واا قو ـد دابة
وخنزر فالطموبيلات لباقين كلهم حبسو من كلاكسون عاد رجع ركب لقاها سادة ودينها بيديها ومنزلة راسها وكتمتم بصوت كيرجف:هدشي ماشي بصااح هدشيي ماكاينش هو غير كابوس
زيرات على ودنيها كتسمع لهمس ديالو فدماغها بداك الصوت دالروبو لي ايخرج لها العقل
ديمارا الطموبيل للقدام ووقف فالجنب وجرها لعندو من دراعها وغوت لبها فوجها:براكة علياا من هاد الحماق نتي كتحمقي راسك بشي حاجة ماكيناش
شافت فيه عينيها حومر ونطقات :ماقاداش هدشي قوة مني هدشي ساكن فدماغي هنااا…اهارون ماشي لخاطري
وسكتات وحطات يديها على ودنيها:هانا كنسمع دابة صوتو كيعيط ليااا صوتو ايحمقنيييي ماعارفاش شنو ندير …
نزلو دموعها وبدات تطلب فيه بصوت باكي:خرجو ليا من دماغي عفاااك اهارون ديرلي شي حاجة هدشي بزاف علياا ماقاداش عليه
عض على سنانو دفعها عليه وديمارا نيشان لعند الطبيبة دخلها لعندها والطبيبة كتسول فيها وتبلة كتبكي وتعاود نفس لكلام وصل بيها الامر تنعس فالسطاح راه خرجان لعقل هدا الطبيبة حاولات معاها باش تهدنها وتقنعها انه داكشي غير آوهام ولكن عبلة ماهياش هنا كل شوية كتقفز وتقول كتسمع صوتو ولا يبان ليها فالمكتب واقف وتبدا تغوت..
الطبيب شافت فهارون:اجي معايا عفاك
بعدو عليها : حالتهل صعيبة هدشي شتو تطور بزاف شوفاتها كلامها جسمها كيفاش كيرجف كلهم ماكايبشروش بالخير المشكلة هي ماكاتتعاطى والو وماعندها والو المشكل كاين فدماغها
هارون:ديري شي حاجة مايمكنش تبقة هكا
الطبيب سكتات شحال وهي تنطق:لا بقات هكا غادي يخصها تنعس فالسبيطار لواحد المدة باش تتعالج وتاخد ادوية وحصص مع اطباء نفسيين فهاد التخصص
قوص حواجبو كيشوف فعبلة كيف حانية. راسها وسادة ودنيها..
الطبيبة:خاص تضرب واحد الشوكة اتهدنها واتديها للدار اتحاول تنهس هاد الشوكة خطار عليها لا كترنا منها هي كتر من المهدئ ..لا طول هدي خاص تنعس فالسبيطار
دار لهاا اشارة باش تضرب ليها الشوكة وهو كيمسح على راسو
مشات ورجعات هي وواحد الطبيبة هي لي مكلفة ببحال هاد الحالات من بعد ماشرحات ليها حالة عبلة جات ودارت بعض الفحوصات والاسئلة وضربات ليها الشوكة وعبلة مامنعاتش بالعكس فهاد اللحضة باغة دير اي حاجة تخرجها من هدشي ..حيت فعلا اتخماق لا بقات هكا..
..
فجيهة خرا..
قبل ساعتاين..
لبارح فالليل وصلو مع داك العشرة دالليل جابها لاباغطومو هي ماعارفاش لا فاينا مدينة ولا فين هي ماقالها والو وصلات وهي ناعسة تا حسات بيه هزها بين يديه مدخلها للاباغطومو مامنعاتوش فكرها فطفولتها فاش كان يهزها ويحطها فبلاصتها..دخلها نيشان لبيت نعاس وحطها فوق الناموسية بغة يبعد وهي تشدو من لكول:كيمو
كريم نطق وعينيه فعينيها:كريم ماشي كيمو
هدى:لا كنتي رجعتي باش تولي تخليني وتمشي غير رجعني منين جبتيني من دابة
كريم رجع شعرها اللور:نعسي دابة عيان وتانتي عيانة
وبعد عليها خلاها غا كتشوف ماعطاهاش جواب يلاه ايخرج مع لباب وهو ينطق:ماجبتكش باش نرجعك نتي راك مراتي
وخرج..بقات كتشوف فتالي رجعات تكات كانت عيانة كتبغيه و بزااف ونعسات..
فاقت على ريحة القهوة ناضت عاد كتشوف فين هي ولبيت كي داير زوين بزاف ديمور انثوي والوان انثوية نزلات من الناموسية كتكتاشف لبيت عجبها بزاف فتالي دخلات للحمام وخرجات كتمسح فوجها ..شافت تلاتة دالشوانط فلارض كبار تعجبات مشات كتحلهم وتبسمات كلهم حوايج زوينين وغير بماركات وعاد صاشيات فيهم صبابط.كلشي باقي بتيكيتة ..كتهز هنا وهنا عجبوها بزاف خدات بيجامة لبستها شورط وديباردور عازلة كاع مافاتنها وخرجات لعندو كيحط لفطور فوق الطبلة غير شافها وقف لتواني كيطلعها وينزلها وهرب بشوفاتو من لافكار لي كيجيوه ماشي وقتهم تبسمات باغة تشكرو وتجبد معاه شي موضوع:كيمو
شاف فيها :كريييم اهدى..عندي الخدمة فطري ..كلشي اتلقايه فالدار ممنوع لخروج نسالي الخدمة وغنجي
هدى:ولكن..
قاطعها:هنا مشيت
وخرج من الدار ركب فالطموبيل باش ايمشي مور مروان للاباغطومو ديالهم ويمشيو يبداو الخدمة تنهد لا خلاها تتقرب منو او تقرب منها هو ماغاديش يقدر يقاوم وهي حلالو ولكن ماشي وقت داكشي مازال مامستاعد يخليها تزيد تتعلق بيه ويتعلق بيها وبزاف دلحوايج ماشي وقتهم..
وصل لقاه لتحت واقف تحت واحد لبوطو وكيشوف فلارض كلاكصونا عليه
مروان شاف فيه حرك راسو يمين وشمال وقرب ركب حداه:تعطلتي على مروان ..مروان هدشي علاش ماباغيش يتزوج حيت المرا اتخلي يتلها على صحابو وخدمتو بحالك نت خليتي مروان منشور تحت لبوطو بوحدو ونت ملهي مع مراتك
كريم تبسم :اخر مرة هدشي ما ايتعاودش
مروان:اخر مرة هدشي ما أيتعاودش ..مروان تاق بيك صافي دابة وقت الخدمة باش نلقاو البوص ديال المنضمة
حط يديه على دماغو:مروان عندو بزاف دلافكار فراسو
وقفو فالصطوب وكريم قرب باس راسو:غادي يفيدونا افكارك
نرجعو غند هارون وعبلة
رجعو للدار
عبلة كتشوف فا فالارض ماقاداش تهز راسها وتشوفو قدامها ولا يبان ليها فشي قنت ولا تسمع صوتو
هارون كيشوف شكلها هكا فعلا كتبان بحال شي حمقة
قرب وجرها لعندو وشد راسها بين يديه:سمعيني ودخلي كلامي لمخك..ديري فبالك انه كون وصل ليك مستحيل يخليك عايشة سمعتيني لا قدر يوصل ليك ويدخل تا لددار ويقرب منك بحال هكا راه مستحيل يفلت هاد الفرصة ومايقتلكش ..وتاواحد مايقدر يوصل ليك ونتي معايا لا بوليس لا ماـ افيا سمعتينيي
هزات راسها باه وهي كتحس بيه شوية ويسحق ليها راسها بين يديه كمل كلامو:فا خرجيه من دماغك وسالي عليا هاد الحماق ..مانبغيش مراتي تدخل لسبيطار الحماق سمعتينيي
رجع نطق:وملنبغييش تشوفيني فصورة شي واحد ماكاينش سمعتينيي
هزات راسها باه :راك ضريتينيي اهارون
رخا منها كيمسح على راسو وهي رجعات اللور كاتمة دموعها ماعارفاش شنو دير ماغايفهمها تاواحد حيت ماشافوش داكشي لي كتعيشوو ماغايحسوش بيها..مفعول الشوكة بدا يخدم وبدات ترخا
هو مشا شرب جوج حبات من دواه حيت راسو كان بدا يضرو داك الساع دخلات نورة
شاف فيها:ردي ليها لبال خليها تنعس فالصالة ماتبقاش بوحدها
وخرج
عبلة مشات تكات فالصالة مفعول الشوكة كيرخي ويخلي بلواحد مهدن ومبلوكي بغة ينعس ينعس مابغاش ايبقة هكا مبلوكي ومهدن ومرخييي ومسخسخ وداكشي نيت لي كتحس بيه…غمضات عينيها باغة تنعس وهي تقفز ملي جات صورتو بين عينيها شهقات:نورة اجي جلسي حدايا
جلسات حداها:عطيني عفاك يديك
عطاتها يديها وعبلة شدات فيها ونزلات دمعة حارة من عينيها كتتعدب بزاف ملداخل..نورة تنهدات بقات فيها بزاف ماعارفاش شنو دير ليها وماتقدرش تعاونها…
#البارت99
داز الوقت
كانو فواحد المكتب ..اجتماع سري غا الريوس لكبار ومعاهم مروان وكريم…كيناقشو القضية بشكل رسمي
سالة الاجتماع وبقاو هوما بتلاتة
هارون عطاهم واحد الضوصي:هنا كاينين كاع لبلايص المشكوك فيهم انه فيهم وكر ارهـ ابي ولا شي حركة ارهـ ابية ..وعناوين عائلاتهم لي تحت المراقبة
مروان :اه اه خاص بحت دقيق فكاع هاد لبلايص ضاروري تكون شي حاجة مروان متأكد
كريم:ضاروري توقع شي حركة ماشي هي هديك غدا انبداو ..
ضرب على كتاف مروان:انا ومروان انشدو الطريق مع ليكيب ديالنا غدا ايوصلو
هارون:كاع داكشي لي اتحتاجو انوفرو ليكم الاسلحة والطموبيلات وكلشي ردو لبال
كريم:كون هاني
هارون:واحد لبلان حنا مازال ما مأكدين واش هدا لي كنقلبو عليه ارها. ـبي ولا غير كيزود الاسلحة لبحال هاد المنضمات الارهـ ابية ..وهو عمرو كان فالواجهة كنضن تاواحد ماعارفو كي داير ولا شكون هو
كريم:اه بصاح من غير هاد رضوان لي تكشفات هويتو..ولكن باش هاد خونا يدير هاد الحالة كاملة عليه الا وراه كيعني ليه شي حاجة كبيرة وقريب ليه بزاف
هارون:يكون خوه ولا ولدو متلا صاحبو المهم قريب ليه لدرجة يقلب الدنيا عليه
مروان:رضوان كان عزيز عليه ..مروان ايلا شي واخد ادى هارون ولا كريم غادي يقلب الدنيا وايلا ادى ليه شي واحد الناس لقراب ليه ايحرق كلشي
هارون مسح على راسو وباس ليه راسو:تماما هكا بالضبط رضوان عندو علاقة بيه وطيضة..حنا عارفين فاي مافيا ولا اي منضمة اي عنصر مـ ات كيفرطو فيه اهم حاجة مايوصلوش ليهم هوما ..رضوان بان ليا هو لوحيد لي عارف وجه البوص ديالهم كيف داير..
كريم:اه
دقايق من المناقشات وهو يصوني طليفون هارون جاوب داك الساع ملاميحو تبدلو وهو كيسمع اش قالو
قطاع
كريم:شنو تما
هارون:الجثة ديال رضوان تسرقات قلبو لكاميرات ماكاين والو نفس الشي ماكايخليو تا دليل من موراهم
خشا الطليفون فجيبو:تهلاو
وخرج يمشي بسوف هاد الروينة تانيي…
داز الوقت وتناصص اللييل ..
فداك القصر لي جاي معزول وسط الغابة ..
صوت القرآن مسموع اليوم جابو الجثة وابراهيم دار وليمة لولدو الوحيد لي حرموه منوو.غير بيناتهم ومع الرجال لي خدامين عندهم حيت اصلا ماعندهمش عائلة عندهم غا بعضياتهم قلبو كان مشوي وزاد تشوة فاش شافو فداك الحالة من غير انه كلو قرطاس مضروب فكل بلاصة ..تشوه والمعالم دوجهو مابقاوش باينين مع داك الانفجار لي وقع وزيد مدة طويلة وهو فلفريكو..كانو لبوليس عاد ايتكلفو بالدفن ديالو..
ابراهيم زاد حقد اكتر واكتر من بعد ماشاف ولدو هكاك
د..الام ديال رضوان تزاد علبها لحال وجاها انهيار عصبي ..الحاجة منهارة وجالسة كتسبح وسحر جالسة حدا الباها كيتصنتو للقرآن ودفنو رضوان فالجردة..
كان جالس وسطهم والتسبيح فيديه واقع الصمت
ابراهيم بحرقة:مازال مغاتبرد لعافية لي فقلبي حتى تخرج روح مرت الزعيم كيفما خرجات روح ولدي ولكن تا تتعدب مزيان هنا قدام عينينا يتكوى قلبها تاهي
هز فيه راسو ودوة:قريب تكون هنا عدابها راه بدا وايكمل هنا
وشاف فالحاجة:وجدي ليها جحيمها فين اتجلس يقدر نجيبها فاي وقت لهنا تحت رجليك
الحاجة:هداك هو النهار لكبير كلشي ايكون واجد ..
ابراهيم:شكرا ليك حيت جبتي لينا الجثة درضوان
البوص هز راسو باه وصافي
داز الوقت..
نورة قربات عن عبلة مانعسات ماشافتو ماقاداش تنعس وتحلم بيه
نورة:هنا مشيت السي زعيم طالع للاباغطومو قالي سيري
هزات راسها باه
مع خارجة مع دخل هو هزات راسها باحترام وخرجات
عبلة حلات عينيها على صوت خطوات هارون لجيهتها بلعات ريقها كتبت راسها ماباغاش تجيها داك الحالة خايفاه يكون هو ناضت ووقفات عطاه بالضهر ماقدراتش تصبر بغات تهرب رجعات باللور وهو يشدها وجرها ليه :عبلة راسي ضارني وماقادش على هادشي ديالك
دورها لجيهتو وهي تشوف فيه عاد رتاحت نطقات:هارون بغيت نرتاح ماقديتش ننعس لعيا قتـ لني ماقاداش ننعس ونشوفو ولا نحلم بيه
بغة يدوي وهي تحط صبعها على شفايفو:ششش خليك غير نت معاي..خليك قريب ليا ماتفارقنيش عفاك
كتشوف فشفايفو هكا باش تنسا وترتاح تكون بين يديه وتمارس معاه وتعيش معاه اللحضة حتى تعيا وتنعس بين يديه
تهزات لاصقة فيه :خليني نريحك وريحني حتى نت..راحتي معاك وراحتك معايا اهارون..عاوني نخرجو من راسي واخك غا هاد الليلة
ودورات يديها مور عنقو وتعلات باستو بوسة دافية على شفايفو طولات فيها بالشوية وبعدات كتشوف فعينيه وفردة فعلو وكتلعب بيديها مور عنقو..ماعرفاتش راه شعلاتو جراها ليه وتلاح على شفايفها كيبوس فيها داكشي لي كانت باغة حتى كتلقة راسها فوق افطوي وهو فوق منها مستسلمة ليه كلها وكتمارس معاه بكل ماعندها صوت آهاتها مسموع مستمتعة هاربة من واقعها المر معاه ماكفاهش لفوطوي هزها بين يديه طالع بيها لبيت النعاس
وسط نعاسها كتشوف راسها هاربة للسطاح وهو تابعها حتى كتوقف ملي شافتو شاد ختها غيثة والجنوي على رقبتها نطق:عندك جوج خيارات يا تلوحي راسك ولا ندبحها
بقات كتبكي وطلبو ماجاوبهاش من غير جرح غيثة فعنقها تا غوتات من الوجع كتبكي
عبلة:صافي صافيي انا انتلاح غير رخي منها
البوص:هي دابة
طلعات فوق الصور ووقفات كتشوف فلتحت وترجع تشوف فيه كيف شاد ختها..
نطق:مازال مطولة راه ندوز عليها دابة
ورجع نغز ختها بالموص وهي كتشوف الدم نازل من عنقها
غمضات عينيها كتبكي وترخات وتلاحت من داك السطاح حتى كتزدح فلارض بالجهد مع ازدحة مع حلات عينيها مرعوبة كتغوت:لااا…
كتشوف مع جنابها وهي خايفة كانت عرقانة وعينيها عامرين بالدموع كينزلو على خدها ..كانت مازال عريانة من ممارسة طويلة بينها وبين هارون..عطات كاع ماعندها بدون تعب ..فكل مرة كيساليو كتولي تزيد تبغي تمارس معاه وهو هدشي عجبو..شبعاتو مزيان وهدشي لي كيعجب اي رجل وتاهي طاحت مهلوكة نعسات..وهاهي دابة اخر حاجة حلمات بهاد الكابوس مابقاتش عارفة شنو خاص دير ..نتفات شعرها وزيرات وهي كتسمع صوتو قدام ودنيها وحرارة انفاسو كتحرق فيها تمتمات:صافي صافيي برااكة بعد منيييي خرج من دماغيييي
نزلات من الناموسية هاربة بحاليلا تابعها وملوية عليها ليزار دخلات للحمام وسدات عليها..رمات ليزار ووقفات تحت ما بارد مقارنة مع جسمها الحار جسمها كلو رجف من برودية لما …بغات تفييق من هاد الكابوس لي ايحمقها دوشات بما بارد حتى كتشهق من شي حريق شدها فلتحت دكرشها عضات على شفايفها ونزلات عينيها كتشوف الدم نازل مع فخادها عرفاتها ليغيكل قوصات حواجبها جات مجهد..اكيد مع هاد السطريس وهدشي لي كتعيشو غادي تجي مجهد..رجعات لما دافي بيدين كيرجفوو شاداها الدوخة والردة..دوشات حالتها وتحنات بالزربة كترد كتحس بماعدتها اتخرج من فمها شللات فمها..ورجعات شلات داتها بما دافي لبسات بينوار وخرجات لبيت تبدلات خدات بيجامة دافية ووحدة من الفوطات الصحية لبسات ودارتها وجمعات شعرها للفوق وهبطات للتحت..
نورة:كي صبحتي شوية؟
عبلة:شوية..وجدي ليا لقرفة خلطيها عفاك مع الزعتر كرشي كضرني شوية
نورة:ياك لاباس
عبلة تكات فوق الفوطوي:والو غير ليغيكل
نورة:واخة هي دابة
مشات قادات ليها كاس دالقرفة وخلطاتو بالزعتر وجابتو ليها شرباتو وهي متكية لغيكل اتزيد تكمل عليها وتلعب ليها على اعصابها ونفسيتها..
غمضات عينيها باغة ترتااح حتى كتقفز ناضت جالسة وهي كتسمعو كيعيط ليها وكتسمع صوت مها هاد المرة كتغوت قلبها مشا وجا كتشوف مع جنابها..ماكاتلقة والو نزلو دموعها اتحماق..ايخرج ليها لعقل مافيهاش..هزات تليكومونض تشعل التلفازة مع التلفة ماعرفاتش تشعلها غوتات:نوووورة نوورة اجي خدمي ليا هدشييي نوورة اجيي دابة
جات نورة طايرة خدات منها التليكوموند
عبلة:خدميلي شي اغنية خدمي اي حاجة مابغييتش نسمع صوتووو مابغيييتش
نورة كتشوفها كيف كترجف ومرعوبة وحالتها حالة خدمات ليها موسيقى..
وعبلة خدات التليكوموند وجهدات لها تا لتالي لأخر حد..الدنيا مكسورة بصوت الموسيقى ..بلعات ريقها ورجعات تكات كرشها كضرها شوية وزديح فراسها وكلها مهلوكة ونفسية مدمرة ولاعصاب وكلشي تجمع عليها هدا هو خرجان لعقل…
#البارت100
فجيهة خرا ..
فاقت من نعاسها دخلات للحمام وخرجات كتمسح فوجها كانت ستفات لحوايج لي شرا ل فلبلاكار كل حاجة دارتها فبلاصتها تصلا لبارح ملي خرج ما جا..رجع معطل حدها سمعاتو داخل كيهضر فالطليفون مع شي واحد سميتو مروان شوية تقطع حسو…نعس فبيت اخور..يعني هي فبيت وهو فبيت بحاليلا ماشي مزوجين
تنهدات وهزات كسيوة بيضة لبساتها قصيورة وغير سميطات عزيز عليها لعرا ولقات مرادها..دارت ضفيرة لشعرها ولقصيصة نازلة على عينيها دارت قلوس وماسكارا وخرجات جات معاه قد قد داخل من برى وفيديه شي وراق سد لباب وطلعها ونزلها فداك اللباس لي لابسة فعلا كبرات وولات كتفتن عندها فورمة خطيرة كلشي فبلاصتو ماشي زايد بزاف وماشي ناقص بزاف..
هدى نزلات عينيها من شوفاتو بقات كتسناه يقول شي حاجة ساعة دخل لبيتو تنهدات ودخلات للكوزينة وجدات ماتفطر ..كلات تماك غسلات داك الماعن وخرجات من الكوزينة لقاتو فالصالة عاطيها بالضهر نطق:اجي قربي
قربات لعندو كتشوفو حاط فوق الطبلة شي ورقة:انا وقعت بقيتي نتي ..وقعي
وهز راسو شاف فيها:عقد دزواجنا الجديد بغيتي هاد الزواج يستامر وقعي
بلعات ريقها كتشوف توقيعو تاهو نطقات:ونت باغي هاد الزواج يستامر
ميل راسو فيها:كنت غنوقع كون ماكنتش باغيه؟كنت غنجيبك عندي كون ماكنتش باغيه
بقات كتشوف فيه وفعينيه اكتر واحد من بعد الباها عارفها مستحيل يكدب عليها فشي حاجة
خدات الستيلو ووقعات بدون تردد هز داك الورقة كانت تحت منها ورقة خرا وقعاتها تاهي ..
وحطات الستيلو وشافت فيه:صافي
كريم:صافي دابة الامور مريكلة
قربات ليه وحطات يديها على صدرو :دازت عليا بزاف اكيمو مابغيتش داكشي يتعاود وتخليني تاني
هز راسو بلا:ماعمري نخليك
هزات راسها باه ونطقات:كنتيق فيك
كتشوف فيه وترمش بعويناتها مرة مرة كتبلل شفايفها بلسانها شي لي خلاه يسها فيها وبحركتها العفوية بغات ترجع اللور وهو يحط يديه مور ضهرها ويجرها ليه بلعات ريقها من شوفاتو نزل بعينيه لصدرها لواضح من داك الكسوة لي ماساترة والو..كلشي فيها كيجدبو ويغريه..رجع كيشوف فشفايفها مزال كدير نفس الحركات..هادي مراتو حلالو كلشي فيه باغيها ..فقد الشعور وهو غادي لشفايفها قلبها كيضرب فلمية ملي حط شفايفو على شفايها من شحال هادي وهو مشهيهم ودابة ماقدش يقاوم…بدا كيبوسها مامنعاتوش اول قبلة ليها فحياتها كانت بغاتها تكون معاه وهاهي تححقات..كتحس بشفايفو كيتحركو على شفايفها بطريقة زوينة عجباتها خلاها تترخا ..لدرجة كانت اطيح شداتها الدوخة من داك الحرارة دالرغبة لي طلعات معاها زير على خصرها مفيكسيها معاه مازال كيبوسها ويجر فشفايفها متلدد بيهم..دقيقة دازت وهي تبدا تبوسو تاهي زادت طلعات ليه لحرارة وهو كيحس بشفايفها كيتحركو معاه ما حس براسو تكاها فوق الفوطوي جاي فوقها داخل فيها كتر وكيتحسس فجسمها بيديه وهي مستسلمة ليه نزل مع عنقها كيبوسها ويستنشق ريحتها وهي عاضة على شفايفها هدشي جديد عليها طالعة معاها الحرارة ومستمتعة بقبولاتو ..تانزل لصدرها وضغط عليه بيديه حس براسو صافي ماقادرش يقاوم كلشي فيه باغيها رجع لشفايفها كيبوس فيها وجاي وسط رجليها وبدا ينزل ليها سميطات لكسوة وهي بين يديه حاس برجفة جسمها كامل وسخونيتوو…كيتبادلو فدوك القبل الساخنة كيهيجو فبعضياتهم..حتى كيحل عينيه كيشوف راسو شكا يدير هدشي لي ماكانش باغي طاح فيه بلع ريقو وتهز من فوقها كيشوف فيها كيف تزنكات
هدى كتلهت همسات ليه ويديها مور عنقو:مالك
كريم:والو
حتى كينوض من فوقها مافهمات والوو..كيمسح على راسو
ناضت جالسة كطلع فالكسوة على صدرها وتهبطها على فخادها:كيمو شنو واقع
كريم:والو
دخل لبيتو كيسوط وزدح لباب دخل لحمام كيدوش بما بارد يبرد عليه لحرارة لي شعلات فيه بقا شحال تحتو مابغاش يضعاف ويتقرب منها هكا ماباغيهاش تتعلق بيه حتى يرصي اومورو..كره راسو على تهورو..خرج لبس عليه وهز داكشي لي ايحتاج وخرج من البيت
لقاها جالسة فالصالة مافاهماش اش وقع ليه كان معاها مزيان وقفات ملي شافتو خارج مع لباب:كيمو اجي شرح ليا مالك شنو وقاع
كريم:ماشي وقتو اهدى انا لي غالط هدشي باقي لحال عليه..دابة عندي الخدمة …ماتخرجيش لا وقعات شي حاجة راه لانطرفون عيطي كاينين جوج درجال لتحت
وخرج مخليها مبلوكية بهاد السهولة بدا معاها الممارسة وخلاها تطلع للسما السابعة وتعيش اللحضة وتستمتع باش فتالي ينوض ويقلها ماشي وقتو ويخرج
جلسات عينيها مغرغرين بالدموع جرحها ملداخل كان حداها واحد الديكور زدحاتو مع لباب لي خرج منو:سييييير كاع لا ترجع الله ياخد فييك الحق
اما هو كان باقي واقف حدا لباب غمض عينيه وزير على يديه مانع راسو باش مايدخلش ويعنقها ويشوف مالها ويصلح غلاطو…عارف راسو جرحها..
تنهد ونزل مع الدروج..
فجيهة خرا..
كانت عندهم لائحة ديال كاع الاماكن لي جاين منعازلين لي ممكن يكونو فيهم اوكار دالار ـهاب وبعض الحركات المشكوك فيها
هارون:خاص بحت مدقق وتركيز كتر
مروان كيحرك راسو يمين وشمال:مروان كيقولك انه ناقصنا نت خاص تكون معانا ناقصنا عقلك والخفة ديالك
هارون:نتوما بلكافية انا مايمكنش ليا نكون معاكم وحنا على تواصل .
كريم وهارون:واخة
خرجو وفيديهم كاع المعلومات عندهم داكشي لي ايحتاجوه كامل هوندا كبيرة عالية فيها كاع المعدات اللور كبيرة بزاف فيها تلاتة من المساعدين ديالهم قدامهم لبيسيات مبرمجين مزيان..كريم طلع يسوك ومروان ركب اللور....شدو الطريق ..تا خرجو على المدينه ومروان مراقب معاهم ذوزو منا سيرو منا واي منطقة كيدوزو منها مشبوهة كيوقفو بعيد..كينزل كريم لي عندو مع هدشي لباس عادي جدا فميجة وسروال محترم ونضارات طبيك على عينيه..عندو مع الاقناع والهضرة ويبعد عليه الشبوهات..كيدخل لداك المنطقة وسط ناسها بحاليلا جاي كيسول على شي طريق كيعطيوه المعلومات وهو كيعطي بعض التلميحات انه باغي يتقدا شي حاجة وصيفطوه لهنا ..كان فراسهم الدغل ايفهو انه على الاسـ لحة وكيتوترو ويبداو حاضيين معاه داك الساع عندو باش يخرج راسو..أما لا كان ما فراسهم والو ماكايفهموش اصلا علاياش داوي وكيبان عليهم..هو دارس هدشي وفاهمو وعارفو..باين لي كيتهرب وكاين لي كيمتل ..وهدشي كلو فراسو..
هكا دوزو الطريق..تا وصلو لواحد المنطقة
مروان كيحك فراسو:علاش السيسطيم دالكاميرات والرادارات ماخدامينش فهاد الطريق
دوز داك الساع النمرة دهارون جاوبو:مروان بغة يدخل لسيسطيم لكاميرات والرادارات ديال طريق(..) رقم(..) منطقة(..) معطلين واش كاين شي مشكل
هارون:نتأكد ونرد عليك
قطع وهو كيحك فراسو ويحركو يمين وشمال
دقايق ورجع عيط ليه هارون:غريب تاهوما ماقدروش يدخلو ليه ..تصرف مانخافش عليك جبد اش كاين
مروان:مروان مايتخافش عليه مروان ايعرف اش كاين
وقطع
جلس على لبسي ودخل لواحد السيسطيم باغي يختارق هاد النضام مابغاش يدخل ليه..
مروان:شي حاجة غريبة..
بقة كيحاول ماهي الا ربع ساعة وخدم النضام..
وحدة معاه:شتي هدشي ماشي نورمال اسي مروان
مروان ميل راسو:اه اه كاين دخيل ..كاين دخييل..
كريم وهو سايك:شنو تما
مروان دخل للسيسطيم دالكاميرات والرادرات والاعدادات لي تماك وبالضبط لجهة الشبكات واسماء الاجهزة لي داخلين ومكونكطيين فهاد السيسطيم المفروض يكونو جوج ديال الشرطة الطرقية وديالو هو ولكن كاين اسم تاني
مروان:هاهو كاين كاين مروان لقاه…كاين دخيل
كريم وقف الطموبيل ونزل ورجع اللور عندو باس ليه راسو:يلاه امروان شوف لنا شكون
داك الساع ربطو اللتصال مع هارون:عرف لنا شكون وفين كاينة لبلاصة بالضبط ايكونو ختارقو النضام وعطلو كلشي باش يدوزو شي حاجة ومايبانوش فالكاميرات ولا يشدهم رادار..
مروان:واخة واخة سكتوو ماتصدعوش مروان..ششش
سكتو كاملين وهو كيحاول يختارق داك النضام
في جيهة لوخرا..
كانت قدام لبيسي حاطة رجليها فوق البيرو وفيديها بونقشة كتلعب بيه وكتفكر ..كتتسنا الحمولة توصل باش ترجع تخدم الكاميرات والرادارات..صونا ليها الطليفون
جاوبات:شنو تما
واحد من الرجال:صافي قالك كلشي وصل ..
سحر:صافي مزيان
تنهدات ورجعات كتلعب ببونقشة حتى كتقفز من صوت لبيسي لندار انه شي واحد كيحاول يختارق السيسطيم ديالها…وانه بقاو تواني قلال واتتلغى داك الحماية لي دايرة وايقدر يدخل ويعرف كلشي المكان فين هي وكلشي..
تقادات فالكرسي باغة تلغي كلشي وتوقف كلشي ودير اخفاء لكاع المعلومات وتعطل السيسطيم…مع اخر تانية مع اخر بركة كلشي تلغى…قلبها كان ايوقف ..اول مرة يوقع هدشي اول مرة شي واحد ينجح فانه يوصل ليها وعلى تانية كان ايختارق ليها النضام كلو وكلشي ايتفرش..
مول هاد الفعلة ماشي شي واحد ساهل
تمتمات:منين جابو هدا وشكون هو ..خاص نبحت عليه ونعرفو..
لاصاق لخبار البوص لهدشي هو والباها نهارها مايطلع فيه شمش
ابراهيم قراها فأحسن المدارس علمها كلشي وخصر عليها فلوس صحيحة..لا صاق لخبار لبحال هاد لغلاط هذا ماا يسمحش ليها..والبوص لي كيقولها عمرك تقراي لامان وتقولي كلشي غادي مزيان كوني واجدة ديما لاي حاجة ..كان حداها كاس دلما هبطات عليه كامل
اما عند مروان
كيحرك راسو بمين وشمال:خفا كلشي ..مروان كان قريب يختارق كلشي..كان قرييب وهو يلغي كلشي ويخفي كلشي تا هاد الاسم عشوائي ..مول هاد السيسطيم والجهاز ماشي ساهل حاسب حساب كلشي ..مروان خاصو يزيد يطور من النضام ديالو ويدير تحديث جديد..مروان فهم الخطة المرة الجاية ماغاديش يفلت منها
كريم تنهد:صافي ماشي مشكل المرة الجاية ماغاديش يفلت منها
وباس ليه راسو
هارون كان معاهم على الخط:ستافدنا واحد الحاجة انه كاينة شي حركة وشي حمولة اولا شي حاجة ماشي هي هديك فهاد المناطق نيت لي خلاهم يعطلو كلشي
كريم:اه دابة عرفنا فين انقلبو ونفتشو..
هارون:مانعطلكمش كتر اي حاجة انا هنا..
وقطع وكملو طريقهم ..