..👑الـــــزعــــيم.3.👑..
الجيروم ماعرف راسو باش تبلا ملي عنقاتو وبلع ريقو ملي شاف هارون جاي عاض على سنانو
الجيروم ولا باغي يبعدها عليه وهي لاصقة فيه كتنطق ففمها غير:ديني من لهناااا…
الجيروم:تهدني امدام غير بعدي.. السي الزعيم جاي عفاك
ماكاتسمع والو مصمكة.. فودنيها غير سميتها بصوت البوص…وهدشي كلو مجرد هلوسات فقط..
وقف عليهم هارون النار شاعلة فعينيه وهو كيشوفها لاصقة فيه ومعنقاه..الجيروم صفار وخضار وهو جامع يديه اللور زعمة راني مامعنقهاش ..
هارون هاد المنضر هداا خلاه يولي كيغليي جرها من دراعها بالجهد تا توجعات وهي مازال كتنطق هارون ديني من لهنااا…
هز رجليه تا للسما ودخلها فصدر الجيروم جابو مزدوح فوق وحدة من الطبلات دلكليان طاح هو والماكلة والطبلة ..لكليان ناضو هاربين
غوت كيشوف الجقلة وشوفاتهم :فااش كتفرجو يا ولاد لقحـ اب ..كل واحد يديها فكروو..
السيرفورا مشاو كينوضو الجيروم ولكليان خواو داك لاصال لفوق هاربين من شكلو وصوتو لي كيخلع
عبلة كانت حاطة يديها بحوج على ودنيها وكتهز راسها بلا
قرب ليها كيشي عجاجة ادخل فيها جرها لعندو من دراعها غارس صبعانو وسط لحمها عاد ستوعبات اش وقع بدات غير كتمتم وعينيها مغرغرين بالدموع..
نطقات :هارون انا..
جرها من شعرها مغدد عليها كيشوف فصدرها:شهاد لقلا ـوي…
عبلة شادة فيديه لي على شعرها مقصحها:ماعرفتش شنو وقع لي اهارون جا لياا تانيي وليت كنشوفو فكل بلاصة وبنتيلي نت هو الجيروم
هضرتها زادت غا جعراتو جرها من دراعها وميشوف فصدرها لباين:جمعي عليا هاد النم
بيدين كيرجفو بدات كتسد الصدافات
وتم غادي مجرجرها:زيديي
كتبغي الطيح وكيجرها هبطو للتحت كلشي كيتفرج
لاحها فالطموبيل
دورات وجها كتشوفو داير يركب تاهو ومغصب عرفات انه نهارها ما اتطلع فيه شمس…
شافت فيه حاسة بعقلها ايخرج هي براسها مافهماتش اش وقع لها مايمكنش تكون ولات تحلم وهي فايقة لدرجة يتخيل ليها فالسيرفور وهارون فالجيروم…راه هدا خرجان لعقل
شافت فيه كيف كيسوك وهو معصب زايد للسرعة تا لتالي
تقادات فالجلسة وحطات يديها على يديه ;هارون سمعني
نتر يديه من يديها تا قفزات
وشافيها وجرها ليه مخلي لفولون والطموبيل غادة بوحدها ونطق عاض على سنانو:نتيي ماباغاش تعيشي معايا مزيان ونبقة معاك زوين نتي باغة نفرع دلمك كل نهار عاد ترتاحي
ودفعها عليه..ورجع للفولون
هي لصقات مع لباب دالطموبيل عاضة على شفايفها ..مازادت قالت والو دورات وجها كتشوف فالطريق وتفكر فهاد اامصيبة لي هي فيها مابقاتش عارفك راسها شنو عندها…
تا وصلو نزل تاني كيجرجر فيها وطلعو للدار دخل كيغوت:كندير فيك عقليي ونعطيك التيقار كتزيدي نتي تقـ وديها
قلبها لجيهتو وقرب ليها كيتفكر صدرها لي كان باين وشكلها كيف كان
خافت من شوفاتو وهو كيقرب ليها بدات راجعة باللور وهو تابعها نطقات:هارون والله مالخاطري وليت نشوفو فمنامي ودابة فايقة وتخيل ليها فناس خرين..عقلي ماعرفتش مالو..راه ماكانديرهاش بلعاني غير سمعنييي
زاد قرب وراسو بدا كيضرو تاني عقد حواجبو كيشوف فيها وكيماصي جبينو ونطق بكل شرارة:نتي لي كتقلبي عليا اعبلة…
لصقات مع الكيط وهو يحاصرها:قلتي ماعرفاش دماغك مالو
خلعها من نبرة صوتو حتى كتشهق فاش قطع ليها داك السوميج من الصدر كلهاا …
.
لصقات مع الحيط وهو يحاصرها:قلتي ماعارفاش دماغك مالو
خلعها من نبرة صوتو حتى كتشهق فاش قطع ليها داك السوميج من الصدر كلهاا …
وجرها ليه غادي بيها وهي كتنتر:رخيي منيييي اهاروون تهدن خليني نشرح لييك..رخييي
خرجات من البيت كتشوفو كيف جارها وكيفاش عبلة مقطع ليها حوايجها رجعات باللور ملي دازو من حداها هو ماكايقشعش وبلعات ريقها عرفات انه ماغايرحمهاش
سارة:خليها تعرف راسها معامن بغيتو يخرج روحك المجرمة
نورة كانت واقفة حدا الكوزينة ممنوع تتدخل بيناتهم ..صم بكم متشوف وتسكت..
سارة تبسمات وهي كتسمع صوت غوات عبلة وشافت فنورة:قاديليا شي عصير نحلس فالصالة شوية
نورة:واخة امادموزيل
مشات جلسات فالصالة كانت اتمـ وت ملي عرفات انه خرجها تتغدا هي وياه برى ..هي وعمرها خرجات معاه لقائهم كان ديما فالدار وفلفراش وملي كيبغي يرتاح..عمرو عرضها ولا شد معاها الطريق لشي قنت ..
سارة:يحساب ليها ايبغيها …
لفوق..
هارون لصقها مع الحيط زادح ليها راسها معاه تا شهقات من لحريق وشداتها الدوخة من داك الزدحةمع الحيط نطق :قلتي مابقيتي عارفة راسك مالو ها..هنا انقاد ليك هاد الراس اعبلة
حسات براسها تشتت من داك الزدحة شافت فيه كيحد تيشيرت ويقوص فحواجبو راسو كيضرو مابغاتش تبرد ليه
شدات فراسها ونطقات مابغاش يفهمها يكفيها هدشي لي هي فيه:ما انبقاش نشرح لييك كنقولك ماشي لخاطري ونت ماباغيش تفهم هدشيي..كتسنا غا فوقاش تعصب باش تبرد فيا اعصابك..كيفما انا صابرة معاك تانت خاص تصبر معايا سمعتيينيي..وانعاود نقولهالك هدشي ماشي لخاطري..
هز راسو فيها وميلو وهي كتشوف فيه شادها الدوخة من داك الزدحة وداكشي لي فدماغها مفعولو تلتيام تا لربع يام…
قرب ليها ونطق :مازال زايدة فيه..دواك عندي اعبلة نخرجو من دماغك بالسيف ولا بلخاطر
جرها معاه من شعرها مافهماتوش اش كيقصد تا دخلها للحمام بلعات ريقها ملي زدحها تاني مع الحيط ومشا كيعمر لبانيو دلما
رجعات باللور بغات تهرب وهو يجرها متكيها فالحيط:قلت لك سالي عليا من هاد المرض ونتي كتزيدي تمرضي دلمي كتر ما انا مريض ..قلت لك الراجل عينيك ماتجيش فعينوو مابغاش هدشي يدخل لدماغك غادة كتعنقييه
بغات تدوي:راه يحسابلي..
قاطعها فاش غوت فوجها:ماكانفهمش هدشي اعبلة ماكايدخليش للرااس..كاين انا الراجل الوحيد لي فحياتك مـ وتي ولا حماقييي ماديريهاش وتقربي لواحد من غيرييي ..كنقولك خرجيييه من دماغك تاواحد ما ايوصل ليك ونتي معايا…
سكت وهو كيشوف لبانيو كيعمر مع مخلي جوج روبنيات مطلوقين بالجهد ورجع شاف فيها:كتشري معايا لعداب بيديك اعبلة..اجي نخرجو من دماغك بهاد الطريقة ونشوفف
جرها وهي كتنتر منو:رخييي منييييي رخييي بعاد عليااااا
قربها للبانيو وتمام لاحها فيه تاشهقات باغة تنوض من لما بارد رجع دفعها وسطو كلها وهي كتفركل قاطعة النفس
رجع خرجها:فيقي دابة من المرض لي فدماغك
كتشهق وتحاول تتنفس ورجع تاني غطسها لداخل ماحد راسو كيضرو ويتفكر اش وقع كيزيد يخليها تطول وسط لما حتى كتبدا تفركل برجليها ويديها ويرجع يطلعها نطقات بصوت مخنوق:هارووون كنمـ وت
رجع غطسها وهو كينطق:جربي شي حاجة كتر من لكابوس
طول مخليها كتصارع المـ وت وكيبرك عليها وسط لما وهي شادة فيديه كاع قمشاتو ..تا بدات الترخة وحركاتها قلالو وتقالو..ولبوايقات خارجين من لما
فلحضة جا فبالو يخليها هكا تا تمـ وت هكا ايبرد قوص حواجبو من لحريق لي طلع ليه وتزاد…عرف لا عاند نفسو ايقتـ لها دابة
خرجها من لما فاخر لحضة وهي مرخية كتكح وترد كاع لما لي شرباتو عينيها حمارو..كترجف والنفس مقطوعة كتحاول تتنفس
لاحها فارض الحمام كيشوفها كيف كتحاول تتنفس
تحنا لعندها وهز. راسها لعندو:روحك اتخرج على يدي اعبلة كنقسم ليك بالله تا غانديرها شي نهار
ترخات ولات كتشوف غا الضبابة وقف كيماصي فراسو وخلاها فلحمام قبل مايزيد يكمل عليها هبط للتحت شاف فنورة ودوة بصوت ققزها:سيري بحالك
داك الساع هزت ساكها ومشات
مشا مل داك الخزنة هز حبة وصاشية دالغب سطرها فوق الطبلة وتحنا شمها باغي لحريق يمشي ولا ايدير شي موصيبة..كمل بحبة حمرة دوزها بكاس دلويسكي
طفا الضواو وضلم لحال خلا ضر خافت حمر وموسيقى هادية وجلس وسط الضلمة مرجع راسو اللور باغي يتهدن
كانت واقفة بعيد كتشوف فيه تمتمات:قلت لك تاوحدة ماكاتعرف ليك من غيري اهارون…
تماك بقات واقفة مراقباه..
..
داز الوقت..تقريبا ساعة ونص دلماكانة
حلات عينيها بالشوية راسها كيضرها لقات راسها مازال مليوحة فالحمام ناضت بصعوبة كلها فازكة كترحف وقفات كتشوف راسها فلمراية هدشي فوق طاقتها مابقاتش عارفة لمن ترد الراس..حاسة براسها مهلوكة ماقاداش تزيد تفكر فشي حاجة مهدودة
خدمات رشاش بما دافي وحيدات حوايجها ووقفات تحت الرشاش كدوش ومغمضة عينيها باغة فهاد اللحضة غير تنعس ومابغاش تشوفو قدامها ماعدرهاش كاع ..
دقايق وهزات فوطة وخرجات بخطوات تقال عيانة
ودخلات لبيت تبدال شداتها الدوخة تكات على الحيط مغمضة عينيها..
لتحت..
حس براسو تهدن من الاعصاب ولكن راسو مازال كيضرو شوية مازال خاصو شي حبة..ولكن ماباغيش يزيد هدشي لي خدا مجهد
ناض كيحط لكاس يشرب جوج حبات من دواه ..
هي رجعات دخلات للبيت ملي شافتو ناض..
طلع مع الدروج ودخل للبيت مالقاها فتا بلاصة حتى كيلمحها فبيت تبدال متكية على الحيط وغير بالفوطة..شعر مبلول على كتافها لفوطة ماساترة والو..
دخل لعندها ووقف ونطق بجمود:رجع ليك دماغك
هزات فيه راسها بجمود تاهي ونطقات:اه والفضل كيرجع ليك
ميل. راسو فيها وفداك الشوفات ديالها طلعها وهبطها وقرب ليها كيدوي بهدوء بحاليلا ماشي هو لي عاد كان ايزهق روحها.باش ديري عقلك وتبتي معايا
وبعد شعرها المبلول على كتافها وقربها ليه من خصرها وهي غير كتشوف فيه تحنا لعندها مقابل معاها ونطق بنفس الهدوء كيحرك يديه على خصرها:هكا انا اعبلة دير الخايب تشوفي مني الخايب ديري الزوين تشوفي مني الزوين..
وطلع يديه مع خصرها لكتافها لعريانين لعنقها تا وصل لشفايفها كيحرك اطراف صبعانو تماك وهمس ليها:نتي ختاري اش باغة وانا نعطيك..
وبدا كيقرب ليها ويجرها لعندو وكيتحسس فجسمها فوق لفوطة قرب لعنقها كيستنشق ريحتو ويطبع قبل تماك حارين ويهز ليها فعنقها باش ياخد راحتو فلبوسان فعنقها ..تا بدات تطلع معاه لحرارة وطلع لشفايفها ملصقها معاه كيشوف فيهم ونطق بهمس رجولي:عبلة
رمشات بعنيها وهي كتشوفو كيقرب لشفايفها وهي تدور وجها ونطقات كتبعد عليه:واش كنبان لك فحالة ديال ندير معاك شي حاجة
وبعدات خلاتو وااقف كيشوف فيها وميل راسو وهي تزيد ترجع اللور كتزير على جسمها لفوطة:لا نت دغية كتبرد وتنسا وتجي ليا.. انا لا انا نفسيتي مريضة يلاه وريتيني الـمـ وت
سكتات عارفة انه اتتصبو ولكن ماتقدش تتنازل كتر من هكا:انا صابرة معاك وعلى كاشي ديالك تانت خاص تصبر معايا نت عندك قرطاسة فراسك وانا عندي هاد لكابوس..تحملني تانا بهدشي لي فيا تا يمشي مني
سكتات وبلعات ريقها من داكشي لي اتقول:ماقديتيش وشفتي راسك انزيد نعصبك صيفطني لدارنا تا نولي مزيان وردني ليك ولا دير لي بغيتي
وسكاتات كتشوف فيه بجمود
هو تقاد فالوقفة كيشوف فيها وكيطرطق فعنقو قرب ليها بقات واقفة ماتحركاتش حتى كتشهق فاش جمع معاها بكف تا شافت النجموم ورجع جرها من شعرها شافت فيه بلا تا كلمة ونطق قدام وجها:هدشي لي عندك؟يحساب لك صافي حبستيني باش مانقربش ليك؟
زاد زير على شعرها تا عضات على شفايفها ونطق تاني:مازال انقادك مزيان اعبلة عغير تسناي..وماشي حيت نتي مابغيتيش ماغانقربش ليك
زير كتر تا تآوهات والدم نارل من جنب شفايفها من الضربة وكمل:حيت انا فهاد اللحضة عفتك كون بقيت باغيك ..تماك تلقاي راسك فوق داك الناموسية كيف ما بغيت انا..وماعندك فين تمشي هنا اتبقاي اعبلة وبااسيف عليك اتشدي معايا الطريق وتاهدشي لي فدماغك انخرجو منك
ودفعها تا جات فوق الناموسية وخرج وخلاها شاداها الدوخة تكات هكاك وجرات عليها اللحاف ونزلات دمعة حارة من عينيها مسحاتها ودفنات راسها ماباغاش تزيد تفكر
لتحت..
زادت عصباتو عمر كاس شربو وزدحو مع الارض معصب رجع باغي حبة اخرى ..مشا جبدها من الخزنة
كانت مراقباه وكانت كتصنت عليهم من الاول..
قربات ليه للصالة وعمرات كاس
يلاه ايدور وهو يلقاها فوجهو بكاس دلويسكي مداتو ليه:هاهو
رما داك الحبة ففمو تحت انضارها وخداه منها وشربو..هي ديجا عارفاه كيتكالما بهادشي..
مد لها الكاس باش تعمر اخور
ومشا جلس مرجع راسو اللور جلسات حداه ومداتو ليه..
خداه منها كيجغم منو هاد المرة بالشوية
تهزات شوية ونطقات ويديها تلى صدر:كيضرك ياك..نماصي ليك
هز راسو باه مغمض عينيه كيتسنا مفعول الحبة يخدم باغي يحبس هاد لحريق حتى بدات كتماصي ليه جبينو كتعرف ليه ومولفة بهاد لحلات ديالو
دقايق تا حسات بيه بدات يترخا عرفات مفعول الحبة خدم ..وانه دابة ابولي مهدن ومكالمي وتقيل
قربات ليه كتر ونطقات:عمرها اتعرف ليك اتزيد غا تكمل عليك اهارون
نزلات يديها لصدرو وقربات ليه كتر تا حل عينيه حومر ونايمين كيشوف فيها:هكا اتخليك ديما معصب وتزيد تمرضك
مسحات على وجهو وهي كتشوف فشفايفو وتجلس فوق رجليه وتقربو ليها:انا لي كنعرف ليك وعمري عصبتك..
دورات يديها مور عنقو ونزلات لعندو انفاسهم مخلطين:انا معاك فاي وقت بغيتي عمري نتفرق عليك راحتك معايا
كتحرك يديها مور عنقو تا حسات بيه جرها ليه كتر مفعول لحبات رخاه وزادو فالطاقة كتر هو طاير فالسما فهاد اللحضة كتبان ليه غا هي دابة جرها من خصلات شعرها لعندو وهي مسايراه
..
كتحرك يديها مور عنقو تا حسات بيه جرها ليه كتر مفعول لحبات رخاه وزادو فالطاقة كتر كتبان ليه غا هي دابة جرها من خصلات شعرها لعندو وهي مسايراه
نزل يديه على جسمها كيتفحص فيه وعينيه فعينيها وهي مستحلية داك اللمسات لي على جسمها شحال ماقاسها ولا عاشت هاد اللحضة ترخات تاهي ويديها وسط شعرو من اللور كتحرك صبعانها بحنان مع نضراتها كلهم رغبة كتسناه يبدا باش تكمل هي …حس بتبورشتها وهو كيتلمس فداك الجسم ضهرها جنابها فخاضها وطلع باطراف صبعانو تا للفتحة دصدرها ..
وكيشوف فيها شوفات مامفهومينش ..تنهدات ماقادراش تزيد تصبر زادت لصقات فيه حتى بدات تحس بالمعلم ديالو تحت منها..تنهدات وهي كتنطق بهمس :توحشتك اهارون عارفة حتى نت توحشتيني ..عارفة عبلة كتزيد غا تكمل عليك حيت عمرها اتفهمك بحالي ودير لك لخاطر بحالي وماتغلطش معاك بحالي
هارون غير كيشوف فيها وهي كتدوي وتقرب شفايفها من شفايفو وتلعب فشعرو ومور عنقو …وتزير مؤخرتها مع المعلم تحت منها
هادو كلهم حركات عارفاهم كيتيروه عارفة شنو كيعجبو وشنو كيتيرو….
فعلا كيعجبوه هاد الحركات كيتيروه من النوع لي عزيز عليه يشوف الرغبة من جه الطرف التاني في الممارسة ويحس بيها باغاه …وهدشي لي كدير دابة سارة
نزلات باستو جنب فمو ونزلات شوية لعنقو لي كيحمقها توحشاتو حس بحرارة انفاسها تماك…وطلع بيديه تاني كيتلمس فيها وفكاع جسمها من جنابها كرشها صدرها تا المؤخرتها ..ولـــكــن…ماحاس بوالو ..هاهي بين يديه كيف كيبغي وكيف كان مولف معاها وكان مرتاح معاها فعلا شحال هدا ولكن ماعرفش علاش ماحس بوالو لا متعة لا داك الرغبة…كان ميتلمس فيها ماشي حبا فيها ..لا ..كان كيشوف لفرق بينها وبين عبلة
ضغط على مؤخرتها ماشي نفس الملمس ماشي نفس الجسم لي كيعجبو وخدا ليه لعقل…ماشي بحال عبلة وفداك المتعة لي ولا يحس بيها مع عبلة …سارة مقادة فورمتها مزيان مؤخرة بارزة لكرش داخة الصدر مهزوز جسم متالي…ولكن ماشي هدشي لي كيعجبو…
ولف بعبلة وبداك لكريشة وجنيبات كيقيسهم ..وبداك المؤخرة لي منفوخة كيتستحلاها وهو كيعجن فيها..تا حاجة ماعاجاباه …هدشي زاد عصبو ..كيفاش عبلة رفضاتو ودابة ماقادرش يستمتع مع سارة…اصلا هاد الوضع كامل ماعاجبوش شكون هاد سارة لي تتمادا وتقرب ليه بحال هكا
دغية التقلب وقرب يديه للجرح لي فجنبها كانت طالعة تبوسو من شفايفو حتى كتشهق من حر الوجع لي فجنبها فاش ضغط عليه زاد ضغط وهي تغوت ربي لي خلقها
دوة بجمود مامسوقش لغواتها ولا للوجع :اتنوضي تتـ قـ ودي ولا غنخشي يدي وسط هاد الجرح ..وبيدي نخرج المعدة ديالك ونسحقها
هزات راسها بالزربة باه تتقطع بالوجع وعارفاه يديرها
بغات تنوض وهو يرجع يجرها من نفس الجنب لمجروح ونطق:غدا مانشوفكش كدوري هنا حيت غادي ندير معاك الحل ونصيفطك للمـقبرة طولتي بزاف وضصرتيي
سارة كتتوجع:صافي غير رخي مني انمشي بحالي
رجع نطق :اخر مرة نلقاك كدوري هنا ولا قريبة ليا ولا لعبلة..مفهوم؟
هزات راسها باه تا بدات كتبكي من لوجع :صافي واخة ..فهمت والله تا فهمت.
رخا منها ودفعها من فوقو تاجات طايحة فالارض كتبكي وجنبها كيسيل بالدم..
هارون كيشوف فيديه فيها الدم..طرطق عنقو..
حتى كيلمحها كتشوف فيهم شوية كملات طريقها للكوزينة بجمود ..
عبلة دخلات للكوزينة عمرات قرعة دلما باش تطلعها معاها شافت اش دار فسارة وسمعات كلامو…ماشي ماتسوقاتش ولكن مابقاش عندها الجهد لشي حاجة ولا تقول ولا دير شي ردة فعل…
حتى كتحس بيه من موراها..شافت فيه كيفاش قرب كيغسل يديه من الدم فلافابو وعينيه عليها..
.
حنات راسها وتمات غادة باش تخرج من الكوزينة حتى كيوقف ليها فالطريق هزات راسها فيه بهدوء بلا تا كلمة
بقة كيشوف فيها وهي كتبادلو النضرات بالجمود…
طلع يديه مور عنقها وجرها ليه من تماك مقرب لودنيها:هاد الشوفات اعبلة الباردين ايشريو ليك الصداع معايا …شوفي فلارض وماديريش فيا هاد الشوفات حيت انعميهم ليك
عبلة بهدوء:الصداع هو لي هاربة منو معاك..
هاد العدوء ديالها والحمود لي فعنيها كيستافزو زير على شعرها من اللور ونطق :لقيتيني مهدن ومقاد لمزاج اما نكملو مابدينا لفوق
عبلة:نقدر نمشي لا ساليتي؟
زير على شعرها كتر تا تآوهات ونطق :غبري من قدامي حيت غادي يتخسر ليا الخاطر واتجي فيك.ولي فيك كافيك
رخا منها ودفعها عليه وهي رجعات باللور بحاليلا ماواقع والو وخرجات..اما هو مسح على راسو مازال مفعول لحبات خدام مهدنو اما كون راه شرشمها وبرد فيها الاعصاب…
دازت من حدا سارة لي كتبكي كتحاول تتمشا وتدخل للبيت ماتسوقاتش ليها وطلعات للفوق ورجعات تكات وتمتمات:غادي يخرج لي لعقل هنا…ياربي ماعاوني نبقة بعقلي
لتحت..
خرج من الدار كلها وزاد…
نهار جديد..
فاقت بكري ناضت كتفكر اش وقع لبارح مابقات فاهمة والو راسها ولا كيضرها بزاف..غسلت وجها وهبطات للتحت فطرات شوية .
عبلة جلسات فالصالة..كتفكر وهي تهز الطليفون..دوزات النمرة دمها هضرات معاها شحال وهي تتنطق:المي اتهضري مع البا قولو يعرضنا اليوم للغدا انا وهارون..
حياة:وعلاش
عبلة:ديري هدشي لي قلت لك ولا غنتم جاية بلا خبارو ويوقع الصداع ..خلي البا يعرضنا نجيو…
حياة:اياه وملي اتجيو شغا يوقع راني عارفاك ملي كتبداي تخططي
عبلة:صافي انجيو وانا انتكلف بالباقي
رصات مع مها الهضرة..وقطعات وناضت كتشوف فبيت سارة وراسها كيلعبو فيه الشياطين
دخلات لعندها لقاتها متكية
عبلة:كي بقيتي شوية
سارة عينيها منفوخين بلبكا بايتة كتبكي:ماشي سوقك
قربات ليها:مازال عيانة ولا تمشي بحالك
سارة بلعات ريقها مازال باغة تبقة:مازال مريضة واش ماماتشوفيش حالتيي؟
عبلة هزات راسها باه ..
..
عند كريم وهدى..
كان جالس فالصالة مابغاش يقرب ليها باش مايزيدش يضغط عليها وتقول شي حاجة مانياش ويصدق تاني معصب ويخسر هو وياها..
خرجات من البيت ووقفات كتشوف فيه جالس عاطيها بالضهر مالابسش لفوق..كيبان لوشام لي فدراعو وضهرو لعريض بلعات ريقها ..كيمو ديالها ولا بالعضلات والوشام
نطقات:كيموو
بلا مايدور ويشوف فيها نطق:كريم ماشي كيمو
كملات :باغة ندوش ما انبقاش انا بهاد لكسوة ديما
وقفف ودار شاف فيها وهي ترمش بالزربة صدرو عريض وفيه لوشامات
قرب ليها وهي ترجع باللور داز من حداها وهز واحد الشانطة صغيرة:هاكي لبسي شوفي واش قدك ..
خدات الشانطة ودخلات للبيت وهي مندوي:المهم نبدل وندوش
خلات الشانطة لقات فوطة وشومبوان وملابس داخلية وكسوة وشي تواشي خرين
خدات لفوطة ودخلات دوش تاترجع تشوف اش تلبس حسات براسها توسخات..
دوشات بما دافي وخرجات لاوية عليها الفوطة وشعرها مبلول عاد رتاحت
يلاه اتمشي للشانطة وهو يدخل قفزات شادة فلفوطة
وقف لتواني كيشوف فيها وميل. راسو وقرب كيطلعها وينزلها كتجدب:جاو قدك ولا نبدلهم
هدى تالفة هي غا بالفوطة وهو صدرو عريان وفبيت النعاس طلعات معاها الحرارة:مازال عاد انشوف
هز راسو باه:لبسي قبل يضربك لبرد
نزات راسها باه ..تحنا هز فوطة وقرب كينشف فشعرها بيديه:تهدنتي ولا مازال هازة فخاطرك
بلعات ريقها صدرو قاص كتافها لعريانين:راني مزيان غير عطيني الفوطة
شكلها جدبو وكيفاش حشمانة وتالفة ..
كريم:مشيت سولت على زواجنا
هزات راسها فيه وهو ممل:زواجنا حلال نتي مراتي وانا راجلك..خاص نعاودو غير العقد جديد
بلعات ريقها من شوفاتو وصوتو الرجولي:من بعد ونهضرو فهدشي
كريم:فكري فيه
هدى هزات راسها باه باغاه غا فوقاش يخرج..تاخرج عاد رتاحت كتنش على راسها:الحرارة ياربيي..شهادشي
لبسات عليها وتكات متفكر فكلامو..
نرجعو عند عبلة قبل لحضات.
عبلة قربات ليها..
وتخنات لعندها كتقيص فحرارتها ..وسارة دايرة راسها مهدودة زعمة مريضة كتمتل..
عبلة:اه مازال عيانة
حتى كتشهق سارة ملي عبلة حطات لها بونقشة فعنقها وخبشتها تماك وتحنات لعندها كتدوي:شنو كيحساب لك انا دمدومة؟ماعارفاش كتمتلي عليا وماعارفاش علاياش ناوية راه قلت لك نهار اللول انخليك تا تبراي ونصيفطك بحالك..وقلت لك بعدي من راجلي ونتي زايدة فيه
سارة بلعات ريقها:شكا ديري بعدي عليا الموص
عبلة:شششش راني مرت لبوليسي دابة ندبحك ويجي هو يفكني منك..
بدات تمسح لها على شعرها وسارة اتموت بالخلعة:عرفتي شغا ديري اتنوضي تجمعي حوايجك وتمشي بحالك مانعاودش نشوفك كدوري هنا ولا كدوري براجلي..داكشي لي ايديرو فيك هارون انديرو انا..كنقسم لك بالله حتى نخرج فعودك ولقيتك كدوري بيه..لحد الان راني معاك زوينة وعاطياك صوتبك خليها فالكبيرة وغبري
ونغزتها بالموص فعنقها:مفهوم
سارة:صافي رخي مني اصلا مابقة عندي ماندير هنا عييت منكم انمشي بحالي
عبلة بعدات عليها:يلاه هي دابة
ناضت داك الساع لبسات وجمعات الشانطة وعبلة واقفة عليها
جات نورة جرات لها الشانطة وعطاتها للشيفور لي فصالة:وصلها فين بغات
عبلة واقفة وكتلعب بالموص وسارة مشات وهي مكسورة عرفات راسها خسرات هارون فمرا
عبلة طلعات للفوق كتدوي مع راسها :هدشي ماربحت من داك الكابوس غا هاد الشدة دلموص..انبقة هكا حتى ايحزقلي ونولي بحالو
داز الوقت
جات عندها نورة
نورة:مدام عبلة وجدي راسك السي هارون قالك اتمشيو تتغداو عند واليديك
وخرجات
عبلة تبسمات وناضت :الله يرضي عليك امي الحبيبة..هنا انوريك دابة اسي الزعيم..
وناضت توجد راسها .
داز الوقت..
فبلاصة خرا..
كان راكب مع الشيفور شادين الطريق خرجو على المدينة..حتى كيقربو يوصلو وكيقراو #فيلاج_العمدة ..مروان تبسم فرحان توحش الفيلاج وتوحش ليلى وبكر وختو مريم..وصلو للدخلة تحلات داك الباب لكبيرة دلفيلاج واقفين فيها تلاتة مسلحين…
حل الشرجم كيشوف الناس كيف مجمعين وكيضحكو ليه كلهم عارفين اليوم ولد العمدة ايجيي..شحال ماشافوه ملي كان صغير فبالهم انه ولا رجل اعمال على برى ومقابل المشاريع على برى تاواحد ماعارفو راه مخابراتي…سر المهنة..
دراري صغار كيجريو من مور الطموبيل والناس مجمعين توتر وهو يطلع الشرجم بيديه فيها التسابيح ماكايقدش على هدشي وانه يبقاو يشوفو فيه..
مشاو شحال وسط الاراضي الخضراء ولفلاحة ماتبدل والو فلفيلاج من غير بعض التعديلات والاصلاحات ..
تا وصلو لقصر العمدة هنا نزل الباب مفتوح كانو وصلو ليهم راه فطريقو..بانت ليه ليلى هي وبكر واقفة بحجابها من مور هاد السنين دارت عمرك هي وبكر وولات متحجبة تبسم ونزل كيحرك رتسو يمين وشمال واخيرا حا عند عائلة عائلة العمدة..
نرجعو عند عبلة..
كانت لابسة ومقادة تهنقات فهاد الدار حاسة براسها اتخماق لا بقات هنا..هبطات للتخت لقات طموبيلتو ركبات بلا تا كلمة داك الساع ديمارا..
غير ساكتين..تا حبس فواحد لبلاصة وقف لدقايق وهو يخرج واحد هاز شي كراطن دارهم فلكوفر..عرفات انه داكشي لدارهم ..شافت فيه واخة هكاك فيه واحد الجانب زوين دار الصوتب وشاري لكادويات لدارهم ولحلوة..
رجع ديمارا تا وصلو للحي هنا رجعات فيها الروح كتشوف فالحي شحال توحشاتو..توحشات ايامها فيه وخدمتها وماكاين لا مشاكيل لا والو..تنهدات تا وقفو حدا لباب بغات تنزل وهو يجرها لعندو من يديها: اديري عقلك
عبلة:كون هاني مشاكيلنا ايبقاو بيناتنا
رخا منها وهي تنزل ..غيثة كانت حاضية الشرجم غير شافتهم غوتات:واا جاو جاو جاو….وااا عبلة توحشتاااك اباطوووزة
عبلة هزات راسها مخنزرة فيهل:خلينا غا نطلعو الموصيبة شوهتينيي
الجيران دغيا طلو من شراجم.. كيشوفو
طلعو مع الدروج واستقبلهم محمد كيرحب بيهم ودخلهم وجلس..عاد جات حياة تاهي كترحب بيهم
وغيثة كطل فدوك لكراطن وجالسة وسطها هي وهارون..مرة مرة تشوف فهارون وتتبسم مسح لها على شعرها كان طالع فالسما نيت
غيثة:قلت لهم يجيبوني نجلس معاكم ماخلاونيش
حياة:اجي تجلسي حدايا براكة من الهضرة
غيثة لصقات فهارون:غير خليني
هارون:دابة نصيفط من موراك فالويك اند اجي جلسي مع عبلة
غيثة فرحات:صافي واخة
وشافت فعبلة:سمعتيه..تاتفكريه
عبلة:واخة غا سكتينا..
محمد:ايوا اولدي كي غاذي مع شي خدمة
هارون:بخير راك عارف الخدمة دلبوليس ماكاتسالاش
محمد:اه الله يحسن لعوان كترو المصائب..اجي قول ليا داك الانفجارات وداك الروينة وكيقلبو على شي بنت فين وصلتو
عبلة بلعات ريقها وشافت فهارون لي كيدوي بهدوء:مازال فالتحقيقات تا نلقاوهم ان شاء الله
محمد:امين الله يغلبكم عليهم
حياة:النوض نحط لغدا
ناضت معاها عبلة للكوزينة..ومحمد بقا هو وهارون كيهضرو..
تاتجمعو على لغدا..تغداو ومحمد كيجبد الهضرة مع هارون كيهضرو بالسيف وهارون عاطيه الخاطر..
تا سلاو وحطو اتاي وكلشي هو هداك
هارون جاتو مكالمة ناض يدوي وهي عبلة تجلس حدا باها:البا انطلبك طليبة وماتردهاش فوجهي
محمد:قولي كنسمع
عبلة باست يديه:قولو يخليني نجلس معاكم شي تلتيام ونرجع
بغة يدوي وهي تقاطعو كتبوس فراسو:عفاك ابا غير تلتيلم توحشتكم ويجي مورايا تاني ..كيقيل فالخدمة كنبقة بوحدي مافيها باس نبقة معاكم شوية
محمد:ايوا لا مابغاش
عبلة:يبغي غير قولهالو
تنهد:ايلا تعكس سيري معاه
عبلة:واخة
جا هارون وشاف فيها:نمشيو؟
وقفات دايرة راسها اتنوض وهو ينطق باها:ولدي هارون خليها واحد تلتيام معانا الله يرضي عليك تحيد الوحش من مها وختها واجي موراها
هارون شا فيها وهي ترمش بعينيها:لي بغيتي..بغيتيني نمشي يلله
ميل راسو وشاف فمحمد:واخة هاهي معاكم
محمد:الله يرضي عليك
هارون:يلاه نخليكم
سلم عليهم وشاف فيها:اجي معايا
بلعات ريقها وخرج وهي تبعو للتحت
..
هبطات تابعاه مع الدروج وكتبت راسها بحاليلا ماواقع والو
وقف حدا لباب دبرى وشا ففيها
وقفات ودوات بندوء:هاني ياك لاباس
هارون ميل راسو فيها عايق بيها قرب ليها وهي ترجع بخطوة اللور نطق :على الله تكوني بصاح غير موحشة عائلتك وماتخلينيش نسمع عليك شي حاجة ماهياش
عبلة:لا بغيتي دابة نطلع نهز ساكي ونمشي معاك
هارون طبطب على كتافها بتهديد:طلعي دابة وياويلك اعبلة وديري شي حاجة ماهياش
عبلة:ماغاندير والو انبقة مع المي وختي تلتيام ونرجع
هز راسو باه :مانبغيش داك خيطي بيطي اي حركة تبغي ديريها برى الدار كتبيها لي فميساج
عبلة:صافي واخة
بعد عليها:طلعي
عطاتو بالضهر وتمات طالعة وهو مراقبها داك المؤخرة كتتحرك معاها فتالي حل لباب وخرج ركب فالطموبيل وزاد..مخليها على هواها عايق وفايق ماشي دارتها بيه ولكن ميف كيقولو الحيلة حسن من العار عبلة ختارت الحيلة واخة عاق بيها ولكن يكفي مادارت الصداع..هو واخة صعيب ولكن لي يعرف ليه راه ساهل التعامل معاه
هي دخلات للدار نيشان لبيتها تلاحت فوق داك الناموسية :الله على راحة …ناري شحال توحشت بيتي وتوحشت هاد الهدوء والسكينة…اش داني لشي زعيم ولشي فلوس ولشي حاجة كبر مني
عنقات المخدة ..
غيثة دخلات عندها وجلسات حداها:لاش جالسة عندنا مالك لاصقة فينا
عبلة ناضت جالسة:ومالها دارك شوف لك لبرهوشة نوضي تحركي من حدايا بقيتيلي غا نتي فالحساب دابة
غيثة:كنت باغة نحي نجلس معاكم صدقتي نتي لي جالسة..نتي وجهك غا وجه دالزلط
عبلة:ايوا شغا نقولك جيت ندعي ونقول يعطيك لي فيا جيتي ختي الصغيرة
دخلات حياة كتمسح يديها بلفوطة كانت كتغسل لماعن:مالكم كتناكرو تاني
عبلة:كتقولي لاش لاصقة فيكم باش تجي قالك تجلس هي عندنا اشوفي لا كنتي اتبقاي تفرعي ليا راسي بهضرتك وديريلي دوك لفعايل ديالك بربي لا عتبتيه لتماك
غيثة وقفات وحطات يديها على خصرها وخرجات فيها عينيها:ماجاياش عندك اصلا هادي وحدة..تانيا جاية عند هارون هو لي قالي اجي سمعتيني وماشي دارك دار هارون وغادي نجي ونجلس شحال ما بغيت عند خويا هارون…مـ وتي بالسم اباطوزة
عبلة جرتها من شعرها:اجي نتفاهمو على داك الشوهة دقبيلة كتقوليلي باطوزة من الشرجم
غيثة كتغوت :اااي رخي مني رخييي..باباااا
حياة مخلياها كتنتفها نيت مخرجاها منها بالزبايل ديالها لي ماكايتسالاوش
دخل محمد:امالكم ..رخي منك ختك الصغيرة
رخات منها:البا هاد البنت باسلة ..
بدات كتعاود ليه وغيثة عطاها للبكا والتبوحيط..
محمد :كوني تحشمي وحتارمي هتك كير منك…وديها فقرايتك
غيثة:ابابا راه..
قاطعها:سكتي عليا..
وشاف فحياة:هنا مشيت للجامع
وخرج مشا
غيثة بصوت باكي:بزاف عليكم نكون بنتكم وختكم انا
وخرجات مشات للصالة زعمة غضبانة..
حياة جلسات حدا عبلة:ايوا كي دايرة كلشي مزيان
عبلة باختصار:كلشي بيخير امي ماتشوشيش
حياة مازادتش سولات:ايوا الحمد لله..
وجمعات الوقفة:ابنتي انمشي للحمام نشوف لعيالات غبرت عليهم اايوم رتاحي بحالك نسالي ونجي نطيبو شي عشيوة..
عبلة:وا المي سالي من داك الحمام ونتي لاصقة فيه وفدوك لعيالات
حياة:ابنتي ولفت بيه خليني على راحتي
عبلة:صراحة تشهيت شي تحميمة وشي تبريمة ونجلس ساعتين فالبرمة
حياة:وانوضي يلاه معايا كمدي عضيماتك
عبلة:هي لي ماتعاودش
وقفات وني تشدها الدوخة..شدات فراسها كتشوف الضبابة
حياة قربات ليها:الله معاك ابنتي مالكي..
عبلة كترمش بعينيها:ماعرفتش امي هاد ليام كتشدني شي دوخة راسي كيمشي ويجي ..وتشدني الردة..
وجلسات فوق الناموسية كتفكر تا دوك الكوابيس وداكشي لي وقع ليها
حياة قربات ليها وجلسات تاهي بتفكير شوية تبسمات:ياك ما كتوحمي
عبلة شافت فيها:شكا تقولي امي شمن وحم الله يهديك
حياة:وراه وجهك مخطوف وهاد الدوخة والردة لي قلتي غا ديال الوحم ونتي فين عمر شداتك شي دوخة
عبلة:امي ماكاين والو من هدشي نوضي نمشيو..راني كناخد الفنيد
حياة فرحانة:لا لا نتي حاملة شوفي حالتك..تا راجلك نفرتيه وباغة تجلسي تلتيام وهاد الدوخة ماشي عادية..انا كنت ناخد لفنيد فتالي حملت بغيثة..
..
عبلة ناضت لبلاكارها كتشوف حوايجها لقدام:راني عارفة راسي ماحاملاش غا هني راسك الله يسترني…ناري شحال توحشت حوايجي لقدام
جبدات بيجامة ودوبياس كانو عندها تماك
حياة وقفات:ايوا دابة نشوفو…ملي جاية عوالة تجلسي هنا لاش ماجبتيش حوايجك
عبلة :لاشافني جامعة حوايجي ماكانش ايخليني نجي
حياة:ابنتي تبتي وديري عقلك الراجل ماشي ديال العيب
عبلة:علاه انا ديال العيب امي
حياة:كنعرفك ملي كتبداي تخططي ..نمشي نلبس جلابتي تبعيني
عبلة هزات راسها باه وحيدات حوايجها لي جات بيهم ولبسات جلابتها ودارت دوك لحوايج فالساك مع فوطة لبسات صندالة دالصباع وخرجات عند مها لقاتها كتتسنا داو معاهم تا غيثة
عبلة كتبات ليه ميساج:غادي نمشي مع ماما للحمام
ومشاو مع الدرب كل شوية توقفهم شي جارة تسلم على عبلة ويقولولها سعداتك تزوجتي من عائلة الزعيم..
وصلو للحمام تماك بقاو عليها بالزغاريت ودارو بيها كيسولوهل على كلشي وهي كضحك نسات الهم شوية كتختارع من دماغها وتقول ..مخبية داك الرعب لي كتعيش مع هارون والكابوس لي ولا يزورها…
فجيهة خرا..
وصل للدار من بعد ماكان مسافر لكتامة جاب سلعة صحيحة خدم فيها بيديه تاهو …فرق على لبزنازة لكبار ديال كل حومة وجاب كمل بالحومات لي شاد هو…
كان فلبيت لي فالسطاح قاد كلشي وجمع لحساب وفلوس صحيحة دخلاتو ..جا واحد خدام معاه مكلف ليه بداكشي دلبانكة ولوراق كيتيق فيه وحيت هو ماقاريش بزاف دلحوايج خاصهم لقراية
الزاكي عطاه لفلوس:هدشي حطو فالكونط
حمزة:واخة اخاي لكتامي
الزاكي مد ليه مصروفو:هدي ديالك وللعائلة
حمزة:الله يحفضك ليا محتاج شي حاجة أمر
الزاكي:لا صافي براك عليك
حمزة مشا بحالو ..وهو ناض كيقاد جوان برمو وشعلو صيفط ليها اوديو وهو كيصوط الدخان:الغوزية قلتي بغيتي لكالم ونجلسو فراحتنا شنو بان لك نتلاقاو غدا عندي فالدار ماتهافيش انجلس بعقلي
وصلها ودخلات داك الساع سمعاتو جاوباتو:علاش لا عارفاك ماشي باسل …حتى تصيفطلي العنوان
ضحك وصيفطلها:الدار اتنور عندي …غدا نصيفطها ليك
صيفطات ليه قليبات وهي مخنزرة:هاد لكلوشار تاهو قالك باغي الدار..عيش اللحضة دابة من بعد انصدمك ونتكرفس عليك مزيان نهليك تطلب وترغب
عند الزاكي دخل للداخل وهو كيضحك:انوصل معاك تا للحد ونشوف علاياش ناوية الغوزية..
داز الوقت..
نمشيو #لفيلاج_العمدة
ليلى ماخلات ماوجدات ليه فداك الطبلة كل شوية تعنق فيه وتبوس وتوكل فيه
مروان كيحرك راسو يمين وشمال:مروان قالك باراكة عليه راه شبع مابقاش قادر يزيد ياكل
ليلى:كي جاكتك المسكوتة والعصير
مروان:مروان ولا كيصيبها حسن منك نتي كديريها مزيتة بزاف
ليلى:لا نفس المقادير
مروان:لا كتزيدي الزيت..مروان دابة يوجدها وتشوفي
ليلى:صافي مشات
بكر:اجي معايا نجلسو شوية
ناض تبع باه للصالة وليلى كتشوف فيه وهي مبتاسمة عطاها ربي احن واحسن ولد واخة فيه مرض التوحد ولكن راجل تتمناه اي وحدة يكون ولدها بأخلاقو وتربيتو وبالذكاء ديالو وطيبة قلبو ..
بكر:كي غادي مع الخدمة مرتاح كلشي مزيان
مروان كيتمتم شوية:مروان مرتاح والخدمة مزيان عندو مهمة ماغاديش يقولك عليها
تبسم عارفو مستحيل يقولو على اسرار الخدمة كيخدم من نيتو:الله يعاونك اولدي ..هارون وكريم معاك
مروان:اه مهمة وحدة مجموعين فيها
بكر:مزيان
سكت شحال وكمل:مأكد باغي تكمل فهدشي..ماتبغيش تجي تقابل المشارع ديالنا وتبعد من داك العالم صعيب اولدي ما ايخليك دير لا دار لا ولاد لا عائلة ديما اتبقة بعيد..وانا محتاج ليك معايا
هز راسو بلا بالزربة:لا لا مروان مايبغيش هدشي مروان باغي خدمتو ماباغيش يدير لولاد باغي يبقة فخدمتو
بكر:حنا غير كنهضرو اولدي .شحال قدك تبقة هكا..شوف حياتك ماتخليش العمر يمشي وسط هدشي دالمخابرات ماباغي تزوج ماباغي دير دار
مروان:لا مروان ماباغيش ..زواج فيه المشاكيل كريم كيبقة يهرس لينا التلفازة وكيغوت مروان ماباغيش هدشي
تبسم ليه:الزواج مافيهش غير هدشي
قاطعهم صوتها وهي داخلة كتجري من لباب:مروااااااااان
وقف ملي شافها كيحرك راسو يمين وشمال كانت مريم البنت لي رباتها ليلى ملي مابقاتش قدرات تولد تربات معاه
تلاحت عليه عنقاتو :مرواااان توحشتك
ضحك:وليتي تقيلة غادي طيحي مروان فالارض
بعدات كتشوف فيه:وليتي زوين درتي اللحية
ضربات على صدرو:درتي العضلات
حشم من كلامها:هدشي طبيعي مروان كبر
تعلات كتخربق فشعرو وترجع تعنقو:توحشتك بزاف احسن حاجة درتي هي جيتي ما انتفرقش عليك
مروان:تا مروان توحشك ولكن كيبغي يبقة بوحدو شي مرات
مريم ضحكات:صبر عليا شغا دير…كي جيتك كبرت ياك وزيانيت
كيشوف فيها:اه وليتي زوينة ولاو عندك هادو كبار
وحط يديه على صدرو بعفوية زعمة ولا عندها الصدر
ضحكاات وهي مخرجة فيه عينيها باحراج :اويلييي
مروان:اه اه مروان لاحضها كانو صغار ولاو كبار
بكر ناص وخلاهم عارف ولدو عفوي فكلامو ومشا عند ليلى قرب باس راسها:فرحانة
ليلى تبسمات:بزاف
وشافت فبهم:شوف شحال متواتين كون غير يهديه الله
بكر:ماغانضغطوش عليه اولدي مازال مامستوعب شنو هو الزواج ..عقلو مامستوعبش بزاف دلحاويج
ليلى تنهدات:المهم نلقاو ليه شي حل