الجزء 20 - الزعيم3 -ادمنتها وبنار الهوى احرقتها

 

.

فواحد لبلاصة خرا..

حطاتهم لبيكوب ديال لفلاحة قدام قصر الزعيم نزل هو وخوه بحوايج لخدمة دلفلاحة ليبوط ديال ميكة تا للركبة ولغيس واصل تا لشعرهم..تاحوايجهم ماجابوهمش ليهم..حالتهم حالة شعرهم كبر ضغارهم توسخو كلهم ضرابي بشرتهم ولات سمرا بالشمس

عمران:واخيرا جاء الفرج اصاحبي شوف النعمة لي كنا فيها

فهد سجد فالارض كيبوس الارض:واخيرا رجعنا لحياة الرفاهية 

عمران:مازال ما نقولو راحنا فأمان حتى نشوفو الحكم الاخير دبال هارون 

فهد وقف:المهم خلانا نوكعو للدار صافي قابلين على كلشي

ودخلو كيتجاراو مع لباب:وا الوليييدة هاحنا جيناا ياكووو نسيتوناا

فهد:تاواحد ماسول فينا وحنا كنتكرفسو لهيه

عمران:بغيت نااكل غادي نكومونضي كاع الماكلات لي كيعجبوني

فهد:تانا بعدة خاصنا شي تحمحيمة

نزلات من الدروج كتشوف فيهم وفحالتهم:الله على ولادو

تلاحو عليها عنقوها كيبوسو فيها وهي كتغوت:اتوسخونييييي

عمران:نتي لي قنعتيه نرجعو  ياك

عائشة:بلبكا والطليب على ودكم لعااار ونتوما ديرو شي كارثة تاني

وبدات كتقرص فيهم وترجع تعنقهم 

داز الوقت شي الجوج دالليل..

عبلة مخدمة الموسيقى فكاع الدار..فالصالات بجوج وفلبيت لفوق وفاي بلاصة تحركات فيها ومعلية الصوت للاخر..كانت فلبيت لفوق..راسها تفركع بهاد الموسيقى كتحس بواحد الارق ولعيا ايقتـ لها باغة تنعس وماقاداش حتى كتديها عينيها وكتشوفو قدامها وكترجع تحل عينيها ليغيكل مكملة عليها..باغة ترتاح وماعارفاش كيفاش حتسة براسها حماقت صافي …ناضت دخلات للحمام تغسل وجها باش تصحصح ويطير النعاس كتغسل فوجها وتعاود شافت فلمراية تحت عينيها منفوخين وزورق ..انهد حيلها بهاد المعنى طاقتها ولات زيرو دماغها مبلوكي كلشي كيبان لها ضلام فضلام دماغها عامر غا بيه هو..رجعات كتغسل فوجها كتمتم:فيقي فيقييي

لتحت..

دخل على صوت الموسيقى المجهد كاسر الدنيا نورة وقفات كتشوف فيه

هارون:شنو واقع هنا

حكات ليه اش واقع عض على سنانو ومشا كيطفي داكشي:فين هي

نورة:لفوق

طلع فداك الدروج ودخل للبيت نفس الشي مكسور بالموسيقى طفاها كيقلب عليها بعينيه اتكون فالحمام كيتسمع صوتو

لداخل قبل لحضات..

تخنقات بكترت ماغسلات وجها تا حوايجها فزكو وشعرها عنقها كلشي..هزات راسها فلمراية وهي تشوفو واقف من موراها شهقات:شنوو باغي منيي بعد منيييي

ماتحركش كيلعب ببونقشة غمضات عينيها ورجعات حلاتها مازال تماك واقف..قلبها كيضرب فلميا:غادي تحمقنييييي

هزات واحد الرخامة كيتحط فيها الصابون وضربتها في المراية تاتشخشخات:بعااد منييي

كان واحد الطرف تماك دلمراية مازال كيبان ليها واقفة تماك وصوت ضحكتو كيزيد يركب فيها الرعب:صافيي براااك برااااااك عليااا

هزات واحد الطرف دالزاج كان فلافابو زيرات عليه تا جرحها فيديها وتغرس فاللحم ماحاساش بالالم فقدات الشعور ودارت كتقلب عليه ويديها مترشرش بالدم ..وزيد ليغيكل تمجهدات وخرجات لها فحوايجها ولات كلها دمايات حالتها حالة كتخلع..:صافي براااكة مابقييتش قادرة نصبر

مالقاتوش كتسمع همسو قدام ودنيها كدور ماكاتلقاهش..ويرجع يهمس فالجيهة لوخرا وتدور ماكاينش..ايخرج لها لعقل ..كدور بحال شي حمقة

حل لباب ودخل كيشوف مالتها مي دايرة لحمام فايض بلما والدم فيديها نزل عينيه تا بين فهادها عامر دم..وفازكة…

قرب ليها وهي تشوف فيه وتغوت:بعد عليااا

يلاه ايشدها وهي تفرس ليه داك الزاجة فصدروو مع دمو سخون طوش لبها ادم فوجها:بعاااااد

..

قرب ليها وهي تشوف فيه وتغوت:بعد عليااا

يلاه ايشدها وهي تغرس ليه داك الزاجة فصدروو مع دمو سخون طوش ليها الدم فوجها:بعاااااد 

وغمضات عينيها كتغوت ..هو تخنا ميشوف الدم ميف نارل من صدرو

هزات راسها كتلهت وشافت فيه لقلتو هارون يدات كتهز راسها والدموع فعينيها:هارون انا…هارون سمح ليي يحسابلي هو لي جا عنديي..

كتشوف الدم فصدرو زادت فلبكا بسه

هيتريك وخوف كتر:ويلييي انا شنو درت …هارون يحسابلي هو والله..

شاف فيها وفحالتها قوصح حواجبو من لوجع لي فصدرو ماحكماتوش فالضربة غرساتها غا فلحم لفوق والزاجة مازال فيديها..قرب ليها كيشوفها مزيرة على الزاجة والدم كيرش رش ..شد يديها وفتحها وحيد ليها داك الزاجة وهي عينيها عايه كتبكي وتزيد تبكي ملي كتشوف الدم فصدرو وانه هي مولات لفعلة..قربها لافابو وبدا يغسل ليها فيديها ماحاساش هي كاع بالوجع ففمها غير سميتو وتقول يحسابلي هو وكلها كترجف..

غسلهل يديها وشاف فحالتها كلها خاصها لغسيل

يحساب ليه الدم وصل تا لبين فخادها حيت اصلا ولات كلها دمايات مع دمها سخون..

مانطق تا كلمة ومادار تاشي ردة فعل قرب ليها كيحيد لها فحوايجها وهي كتشوف فيه وتبكي:هارون سمحلي عفاك شوف الدم كيسيل خليني نشوفو

بغات تحط يديها على صدرو وهو يبعدها وحيد لها حوايجها بقات غير بالدوبياس عاد شاف الدم نازل من بين فخادها واولويز كيبان تحت السليب فهم اش كاين..

جرها لتحت الرشاش  وطلق ما دافي حيد لها الدوبياس لي لابسة رامي كلشي فسلة لحوايج لمسخين لي فلحمام وخلاها توقف تحت الرشاش ولما كيتطلق عليها دافي ورجع اللور كيشوف فيها وفحالتها كيف دايرة وفين وصلات كاع..صدرو كيضرو من داك الضربة حيد داك التيشيرت كيشوف الضربة

عبلة كتفيق شوية بشوية من داك الهلوسة غير مؤقة وكتشوف راسها عريانة وهو لي حيد ليها حاويجها وتتفكر داكشي لي وقع قلبها تزير من الحالة لي وصلات ليها صافي حماقت بدات كتبكي بصوت مرتافع :انا صافي حماقييييت..حمقنييي..وليت كنشوف شي حوايج ماكاينينش كنحلم وانا فايقة..وليت خطار عليكم شوف شنو درت اهارون.شوف كنت انقتـ لك انا حماقيت صافي

بغات تقرب ليه :شووف شنو درت فيك

رجع ردها تحت الرشاش ودوة بجمود:دوشي وخليك فبلاصتك

عضات على شفايفها كتشوف فيه خدا الليفة ودار فيها باندوش وعطاها ليها باش دوزها على لحمها خداتها منو بيدين كيرجفو ..وبدات دوزها على لحمها كاتمة شهقاتها وهو واقف كيشوف فيها بهدوء..شللات جسمها ودوزات على شعرها تاهو..سلات وقرب خدا يديها عقمها ودار لها الدوة ولوة عليها لفاصمة بالخف..

لاح لها بينوار.

وعطاها بالضهر ايخرج وهي تجرو:لا عفاك ماتخلينيش بوحدي غادي يرجع لا عفاك خليك اهارون

وقف وهي لبسات داك البينوار بالزربة وخرجات معاه للبيت نيشان لبيت تبدال نشفات شعرها وهي كطل عليه خايفاه يمشي وتبقة بوحدها ..لبسات بيجامة دافية ودارت اولويز ..وخرجات للبيت 

شاف فيا دوك الشوفات هي مافهماتهمش كاع..

دخلات نورة لي كان عيط لها فالطليفون تطلع

دار لها اشارة للحمام دخلات جمعات داك الروينة ديال الدم لي تماك وهو غير ساكت هز فوطة وشورط ودخل للدوش وعبلة واقفة غادة جاية ومعاها نورة..

سالة الدوش وخرج شاف فنورة:الشيفور ايوصلك سيري بحالك

نورة:واخة اسيدي..

ومشات بقاو غير بجوج

#التتمة

قبل ساعة ونص تقريبا..

اخر منطقة هي لي راهم فيها دابة

كريم كيلبس عليه تجاكيط حيت لجو بارد بالليل فهاد لبلاصة ودار نضرات طبية وواحد  القبعة فراسو بحال ديال دوك السياح لعميقين المكتاشيفين نيت..والبنت شعرها زعر نفس الستيل ديلو عارفة شغا دير..

هبطو من الطوموبيل ..هاد المنطقة قروية بعيدة ومعزولة على باقي المناطق فيها ديور وفيها خيمات ..محلات صغار فقط للمواد الغدائية وبعد المرات هاد المحلات كيسدو ملي كتتسالة ليهم التقدية..حتى من السياح غا لي عندو الخاطر وعزيز عليه يطحن الطريق لي كيجي ليها..

كانو فواحد الجبل لفوق كيطلو على هاد المنطقة كيبانو ليهم الضواوات من لتحت..نزل هو ولبنت وسط داك الشجر تا وصلو للارض مسرحة تماك بداو يتمشاو عادي ودخلو وسط الديور لي نصهم من طين وقليل لي مبني بالطوبية كل شوية كيوقفو على شي دار كيسولو على اوطيل ولا شي حاجة كلهم كيقولو ماكاين والو وكيعردو عليهم يباتو عندهم وكريم كينساحب وهو كيشكرهم فاش كيتأكد انه ماكاين والو...لقاو واحد لباب محلول وولد كيطل منه صغير

كريم:لبطل مازال مانعستيش

دخل كيجري هارب شوية خرج راجل كبير كيشوف فيهم ويطلعهم ويهبطهم عرفهم سياح:ياك لاباس اولدي

كريم:كنقلبو على شي اوطيل فين نباتو ونتعشاو وقفات لنا الطموبيل

الراجل:هنا ماكاين والو اولدي ولكن تفضل مرحبا بيك ضيف الله 

كريم تبسم ليه:لا بلا مانصدعوكم حنا..

سكت ملي وقفات طموبيل من نوع جيب عالية نزل منها واحد عندو اللحية فوجهو كتيفة..ولباس ديال الملتزمين..وداك الجيب تحركات داك الساع ومشات وكريم سجل فدماغو رقم السيارة والنوع

الراجل غير شاف هداك لي نزل خنزر فيه..قرب وباس يديه والراجل دفعو:قلت لك بعد من داكشي

شاف فكريم ولبنت لي معاه ورجع شاف فباه:نعل الشيطان ابا ماشي قدام الناس

الراحل شاف فكريم:سمحولنا اولدي تفضلو ماتبقاوش فالسمرا يصبح ويفتح

كريم فلول كان غادي يعتادر ويمشي ولكن هدشي لي وقع خلاه يوافق ويدخل وغفلهم وصيفط رسالة لهارون ومروان كيقلهم انه فواحد الدار مشكوك فيها ادن ايبات ويتأكد..صيفط ليهم لوكاليزاسيون..وكاع المعلومات..كانت عندو واخد شكارة كيهزها على كتافو فيها شي تواشي كيحتاجهم..

داز الوقت شوية..جالسين فالمراح والراجل كيكب ليهم أتاي ويشارك معاهم الحديث وكريم كيجيب قصص من دماغو ملي كيسولهم شكون نتوما وشكا ديرو فحياتكم..ومرة مرة يرمي عينيه على داك البيت لي دخل ليه داك الراجل لي كان فأواخر التلاتينات..حتى كيشوفو خرج من لبيت وطليفونو كيصوني خرج مع لباب باش يجاوب 

كريم :سمحلي اسيدي ولكن فين لحمام

كريم ديجا لمح الطواليط فالخرجة دلباب..نعت ليه فين وناض خرج تاهو مع داك لباب كيقلب عليه فين غا بلا ما يدير الحس حتى بدى يسمع شي صوت بعيد قرب كتر ..

الراجل:صافي وصلاتنا الحمولة كلها مازال ماعطيناهم لفلوس حتى يوفرو لينا الحماية باش نخرجوها على لبلاد ونبداو فالعمليات ديالنا…لا كون هاني الحراسة متشددة وتاواحد ماكايجي لهنا من غير شي سياح مرة مرة دنيا مأمنة…انا روحي واهبها ليكم عندي عائلتي لي نبغيها تبقة فأمان واخة توقع ليا شي حاجة…صافي واخة..مع السلامة

كريم رجع اللور. ودخل للطواليط..وداك خونا رجع دخل للدار

الباه:توفيق اجي تشرب اتاي

شاف فالبنت لي جالسة شعرها معري نزل عينيه:بلاش الواليد هنا فالبيت

باه تنهن:ولدي ملتازم 

هزات راسها باه وكريم كان فالحمام دوز ابل جماعي عاود لهم لبلان لي سمع كامل مسجل كلشي ناضي

كريم:هارون خاص تصيفطلي ليكيب هاد الليلة ناخدوه ونخليوه يقولنا فين الحمولة خاصنا معاه استجواب حيت صافي نقدرو نقولو وصلنا ..

هارون:لا اصاحبي لا هجمنا دابة وشديناه يقدر يقتـ لوه بلا مانعرفو فين الحمولة وباقي المنضمة..يقدر يهرب..تبتو مزيان دير ليه جي بي اس فحوايجو..خاص تعرف فين الحمولة بالضبط ماباغينوش غير هو بوحدو باغينهم كاملين هو يقدر مانديو منو والو

كريم:صافي بلان ..مروان شوف غادي نتبت ليه جي بي اس لي عطيتيني صغيرة بزاف صافي

مروان:مروان واجد غادي يفعلها وغادي يراقب كاع تحركاتو وغادي يسمع كاع لي كيقول وايستجل عندي كلشي

كريم:يلا هنا مشيت..

عبلة كتشوف فيه ..حتى كيبدا يقرب ليها وهي غير واقفة

تا وقف عليها وهز يديه وهي تقفز حطها على كتافها ودوة بهدوء:تحركي تنعسي

شافت فين ونطقات:هارون انا..

قاطعها وهو كيجرها للناموسية دخلها للفراش وتخشا حداها..عبلة مافاهمة والو كيفاش ماغوت ماشخشخ ما قلب عليها الدنيا ماعطاها شي جوج دلكفوف باش يفيقها ..هاد الحالة كاملة لي دارت وكيفاش لقاهل وضرباتو ومادار والو..طفا الضو من حداه وقع الضلام من غير ضو خافت لونو حمر جاي بعيد عليهم مضوي ..بكترت مابكات تروحات ومازال كترجف ومرة مرة كتشهق ..مقهورة ماعارفاش شنو دير بغات تغمض عينيها وتنعس ولكن ماقدراتش خايفة يجي ليها تاني..بغات تقرب ليه وتنعس بين أخضانو ويدها فيديه ولكن خافت يكون على غليك وغير تقرب ليه ينفاجر اللهما تكمدها وتبقة فايقة بلا ماتنعس..عضات على شفايفها ملي سمعات اسمها تاني كتمات صوتها باش ماتغوتش وبدات كتتقلب فبلاصتها مابقاتش قادرة تصبر..

حتى كتقفز كتر ملي حسات بيديه على خصرها وجرها لعندو وحاوط خصرها بيديه خلاها تتوسد دراعو وتعطيه بالضهر لصقات فيه كتر حاسة بواحد الامان فشكل وهي بين يديه هكا ..شبكات صبعانها مع صبعانو وحضنات يديه عاطاه بالضهر وكتحس بكاع جسمو حاضنها من اللور …بداو كيترخاو اعصابها..كتحس هكا انه تاحاجة ما غاتأديها وهي بين يديه هكا ..عضات على شفايفها ملي خانوها دموعها على حالها فين وصل ماقدراتش تكتم داك الشهقة لي خانتها ..تقهرات..حسات بيه زاد حضنها وبدا يحرك صبعانو مع صبعانها بالشوية..حسات بيه بحاليلا كيواسيها نطقات بهمس باكي:هارون..انا عييت …عييت بزاف 

 زاد حضنها لعندو وهمس ليها تاهو مع قبل مور عنقها كان قدامو:صافي ماكاين والو نعسي

هزات راسها بآه مع ماناعساش كاع عيانة نهار كامل وهي عايشة فداك الكابوس وهي فايقة غمضات عينيها ودغية داتها عينيها ونعسات وهي بين يديه..هو بقة شحال دماغو خدام فالحالة لي لقاها فيها وميات فكرة كدور فراسو فتالي نعس تاهو..

صباح جديد..

حل عينيه كانت السبعة دصباح ماعزيزش عليه النعاس بزاف..مازال بين أحضانو ناعسة ويديه شابكاهم مع يديها ..حس بليد لي ناعسالو عليها تبنجات راه الليل كامل وهي ناعسة عليها..مابقاش يحس بيها…جر يديه بالشوية وناض كيمسح على راسو شاف فصدرو فيه فاصمة كيضرو ..دخل لحمام دوش بما بارد يصحصح وعقم الجرح ..وخرج لبس عليه وشاف فيها باقة ناعسة قرب ليها وتحنا فيقها..حلات عينيها بالزربة كتنطق اسمو:هارون

غير شافتو تنهدات براحة كتشوف فيه

هارون:نوضي دابة 

هزات راسها باه كتشوف فصدرو ناضت وقربات ليه وحطات يديها على صدرو فوق التيشورط:كضرك

هز راسو بلا

عبلة:سمحلي عفاك ماعرفتش كيفاش وقع ليا 

هارون:غسلي وجهك هنا كنتسناك 

هزات راسها باه ودخلات للحمام دقايق وخرجات كتمسح فوجها كان موجد علبة الاسعافات خلاها تجلس وعقم الجرح ودارلها الدوة مع فاصمة جديدة :لبسي عليك انخرجو هنا لتحت

شدات ليه فيديه:عفاك خليك ماقاداش نبقة بوحدي 

شاف فيها ونطقات بترجي:انلبس دغية

بعد هز بكيتو وخرج للبالكون كيكمي على لخوا وهي دخلات لبسات بالخف ماعارفاش فين ايديها ولكن ماعندهاش مشكل..وجها كان شاحب دارت شوية دماكياج خفيف وهزات ساكها 

عبلة:هنا واجدة

طفا بكارو ودار شاف فيها طلعها ونزلها :يلاه

هبطو وجلسو يفطرو تفكرات دواه ناضت جابتو ليه خداه شربو وكملو فطورهم بهدوء

حتى كيوقف:مشينا

عبلة:مشينا

هزات ساكها وخرجو ماعارفاش راسها فين ايديها على الصباح.. 

.

فجيهة خرا..

عند الزاكي…

فاق من النعاس على صوت طليفونو كيصوني..كانت متكية حداه كلها عريانة ويدها على صدرو شافت فيه:الزاكي تليفونك صدعني

هز الطليفون مكتوب جوهرة بالعربية وقاب غوز فهمها ناض جالس من اخر مرة وهو كيصيفط ليها ليزودويو ماكاتجوبش ..دابة على صباح كتصوني ..شاف فالبنت لي حداه ودار لهاا اشارة زعمة سكتي وجاوب:الغوزية فين غبرتي عليا

جوهرة دخلات للمكتب وجلسات:كنت مشغولة مع شي قضايا عندي صافا؟

الزاكي:الحمد لله ونتي

البنت ناضت كتتلمس فيه وتبوس فضهرو وفعنقو وهو كيدفعها باش تبعد عليه ويخنزر فيها وهي كاتمة ضحكتها

جوهرة:مايمشيش بالك بعيد غير كنت مشغولة ماشي على داكشي

الزاكي :وانا قلت غضبتي وانا ماداير لا بيدي ولا برجلي

جوهرة:علاش انغضب انا برجلي مشيت معاك وتانا خليتك تقرب ليا بداك الطريقة ..وأصلا راني كبر منك..كنتسمى انا لي مستغلاك

ضحك بالجهد:ههههه ستاغليتيني وانا دري صغير لعبتي علبا بزينك

جوهرة تبسمات:فسرها هكا وصافي

الزاكي:كتعجبني عقليتك ماكاديريش فيها مضلومة

لبنت كتمص فعنقو وهو كيبعدها مامخلياهش يركز

جوهرة:تاواحد مامضلوم فهاد الوقت

الزاكي:شنو مانتشاوفوش

لبنت لي حداه هبطات يديها للمعلم هنا قرصها تا غوتات داك الساع شد لها فمها 

جوهرة كانت كتكتب وهي تحبس من داك الصوت لي جا فجأة:معاك شي حد

الزاكي مازال شاد للبنت فمها:لا راك عارفة حي شعبي كيتسمع بحال هدشي

هزات راسها باه:نتشاوفو عندك تاني صافي نقاد وقيت ونعيط لك

هز راسو:مرحبا بيك..شوفي راك كبيرة عليا غا بعماين ماتحسسينيش برهوش

تبسمات:المهم بسلامة

وقطعات كتلعب بالستيلو:حساب ليه انا مكلخة

عند الزاكي

جر داك البنت من شعرها وهي كضحك:شهاد التقحـ ين ديال ز ـبي 

البنت:شكون هادي الزاكي لي خلاتك تخاف منها وتتتلف

الزاكي:نوضي تقـ ودي

ناضت كتضحك مامسوقاش ليه بايتة كتشرب هي وياه تاجابو الصباح هزات فلوسها لي خلا ليها ومشات بحالها..

نرجعو عند هارون وعبلة..

غادة فالطريق وكتشوف من الشرجم حالاه والريح كيدي ويجيب فشعرها..لاعراض بداو يرجعو ليها وبدات تشدها داك الدوخة تاني ..غمضات عينيها بداك الهمس لي سمعات ودورات وجها لعند هارون ملي شافت لبوص فالطريق كيدير لها باي باي بيديه فيها التسبيح بلعات ريقها كتشوف فهارون ماقادة تقول والو …طالعة معاها الحرارة..

هارون شاف فيها:مالك

عبلة:والو

شافت فيديها عاد. رجع ليها بحريق لي لبارح ما كانت كتحس بوالو ..حلقها بدا ينشف ..طلعات الزاج دالطموبيل وبقات كتشوف غير فهارون تقول كتتوحم..كيبان ليها هو مصدر أمان ليها ..تنهدات ختيفة تكون حماقت وتزيد تسوء حالتها كتر ..خايفة تخسر كلشي عقلها حياتها وتخسرو تاهو..حيت هو الحامي ليها وداك الامان لي بقة ليها وسط هاد الروينة..ولفات بيه عارفاه خايب فاش كيتقلب ويتسيف كيولي ماكايرحمش ولكن هدشي قالو ليها من نهار الاول..ولكن كتلقة فيه واحد الجانب زوين فاش كيهتم بيها فاش كيقولها شي هضرة زوينة فاش كيخرجها فاش كيهضر معاها واخة كلامو قليل فاش كيعنقها ويخليها حداه ويخفف عليها واخة ماشي بلكلام بلافعال..كيفاش لبوليس كيقلبو عليها وهدي خدمتو المفروض يسلمها للبوليس ولكن مخليها عندو..كيفاش حاميها من البوص مايقربش ليها ويجي ليها ولا توقع ليها شي حاجة…هدشي كلو كيدور فبالها وهي كتشوف فيه..عارفة شحال ما طال ايتسالا صبرو لا بقات هكا كتحماق ودير داك لحالات ماعارفاش شنو دير ماباغاش مصيرها يكون فطبيب دلحماق..

حبس الطموبيل وهي مازال كتشوف فيه جبد طليفونو كيسمع شي اوديوات بكيت بلوتون:مروان كيقول انه جات ابل لتوفيق فيها انه. خاص يمشي لمكان الحمولة وهدشي ايكون من دابة ساعة دلماكانة

كريم فاوديو تاهو:هاهو مازال فالدار وعيني عليه البنت دارت راسها مريضة باش نبقاو قريب منو

كتب ميساج:من دابة ساعة انكون انا وليكيب فالمكان المطلوب بربعة ديال لي هليكوبتر مسلحين ركزو مزيان تقدر تكون هادي اخر فرصة لينا

كريم ومروان:تم أ الزعيم

وشاف فعبلة غير كتشوف فيه وساهية:نزلي

عبلة :واخة

نزل ونزلات وقرب وقف حداها هزات راسها فداك المبنى الكبير لي واقفين حداه وهي تقرا:مصحة للأمراض العقلية

رمشات بالزربة بحاليلا ضربها الضو ورجعات شافت فيه:هارون…شنو هدشي

رجعات اللور مامتقبلاش الفكرة:لا لا عفاك ماديرش ليا هكا 

جرها من دراعها وهي كتنتر:مابغييتش اهارون مابغيتش ندخل لهناا ديني من لهناا رجعني بحالي

هارون تبتها مزيان عندو طالع فداك الدروج 

عبلة نزلو دموعها:داكشي دلبارح ما يتعاودش صافي انخرجو من دماغيي يلاه نمشيو بحالناا

مااكيسمعش ليها كتشوف طبيبة واقفة بالطابلية كتشوف فيها زيرات على يديه بخوف مازال كتستنجد بيه كتقلب على لامان فيه هو ونطقات بانكسار:هارون ماديرش فيا هكا عفاااك انزييد نحماق لا دخلت لهناا

..

مااكيسمعش ليها كتشوف طبيبة واقفة بالطابلية كتشوف فيها زيرات على يديه بخوف مازال كتستنجد بيه كتقلب على لامان فيه هو ونطقات بانكسار:هارون ماديرش فيا هكا عفاااك انزييد نحماق لا دخلت لهناا..

بحاليلا ماكايسمعهاش ..وهي غير ماكاتزيد تزير على يديه وكتحاول توقفو وهو طالع بيها فداك الدروج..

عبلة تمنات يكونو كتى هدشي كتبوس واتفيق منو ومايديرش فيها هكا كتشوف راهسها غادة للدلمار برجلبها..شنو مازال خاص لا دخلات لطبيب دلحماق ؟

اتزيد تحماق نطقات ملي وصلو لاخر درجة لعند الطبيبة وشداتو من التيسيرت ديالو وزيرات ونطقات بترجيي فصوتها كتحسي بيها خايفة بزاف كتستعطفو بعويناتها التالفين :هارون سمعني خلينا نمشيو …ما انستحملش نبقة هنا …ماديرش فيا هكاا غادي ..

قاطعها ملي جرها من دراعها 

الطبيبة:ملهنا الطريق اسي الزعيم 

دخلو غادين مع واحد لكولوار طويل هنا واحد الفرملية وقفات على الطبيبة ومدات لبها واحد الكسوة طبية دالمرضى خداتها ومداتها بهارون:الغرفة فين اتبدل لفوق اجيو معايا

عبلة هنا رجلبها بداو يفشلو عليها وقفات ماقادراش تتحرك وبلعات ريقها وبدات كتنتر منو بخوف عارفة غيزيد غير يصطيها :ماغانمشييش معاااك رخيي منيييي انمشي بحالييي…رخييييي

صوتها كيتسمع والناس كيشوفو فيها ..ووقفو يتفرجو..داك الساع تحركو شي كيدخل فشي ملي رما عليهم دوك الشوفات الساخطين ديالو ورجع شاف فبها هي لي مازالة كتنتر منو مامتقبلاش فكرة. تدخل لطبيب لحماق..

جرها لعندو وشد. راسها بين يديه :اتزيدي فهاد المرض ديالك وتزيدي تغوتي وديري الشوهة..اندير معاك شي حاجة قـ ـو د من داكشي لي فبالك..

قوصات حواجبها ونطقات وهي كتشوف فعينيه بعينيها الدابلين:دير اي حاجة أهارون..اي حاجة..غير ماتهلينيش هنا وتمشي..ياك كتقولي بلاصتي معاك خليني معاك وكنواعدك…

شد لها فمها بيديه:صووتك مانسمعووش اعبلة 

فين هو هارون دلبارح لي كان معاملها بحال شي طفلة لدرجة خلاها تنعس وتحس بلآمان بين يديه..مانت قادرة تستحمل اي حاجة معاه الل يدير فيها هكاا

جرها تاني معاه تابعين الطبيبة ونزلات دمعة حارة من عينيها مكسورة من لداخل شنو دارت كاع باش تستاهل هدشي كامل …كتشوفو دايها للهلاك برجليها…

صافي هاص تسني على دملر حياتها من مور هدشي عمرها اترجع كيف كانت….

وصلو للغرفة فين اتبدل زيرات ليه على يديه:عفاك اهارون..

جرها ودخلها بلا ما برد عليها..كتشوف مع جنابها حط لكسوة على صدرها:لبسيها

رجعات شافت فيه ونطقا بهمس مكسور:ماقادراش..

ميل راسو فيها وقرب ليها كيفتح لبهل صدافات السوميج لي لابسة بيديه بهدوء وهي كتشوف فيه وتبكي بصمت ..خلاها غا بالدوبياس ولبسلها داك المسوة الطبية الواسعة غمضات عينيها كتحس بالدنيا مالدور بيها…عاضة على شفايفها ..

حتى كتحس بيه جرها..وخرجها من داك الغرفة..

الطبيبة كانت كتتسنا غير شافتهم كملات طريقها باش يلحقو بيها

عبلة غادة فداك لكولوار ورجليها كيفشلو عليها كانت اطبح وهو يشدها ونطق حاط يديه على خصرها:تبتي مازال مادرنا والو..

وصلو لواحد لباب كبييرة حلتها الطبيبة ودخلو

كانت قاعة كبيرة بزاف..عامرة بالمرضى لي حالتهم خايبة بزاف وفيها  غرف وسطهم مرضى كيضربو ليهم الشوكات لما قدروش يسيطرو عليهم..هاد الفرع كان هو اخطرهم..وأعلى درجة…وعندهم كسوة خاصة بيهم هي نيت لي لابسة عبلة…

..             

تزمت عليها قلبها كتشوف هاد المنضر المرعب….ولات كلها كترجف بلا ماتحس عنقات دراعو كتستنجد بيه..

جرها معاه غادين وسط المرضى الشي كيغوت شي كيبكي شي كيحضك والممرضات غادين جاين ولاطبة كيحاولو يتحكمو في فالاوضاع..حيت كان هدا وقت الدوى وأصعب مرحلة حيت أغلبيتهم ماكايبغيوش ياخدو الدوى بالخاطر..

غوتات فاش جرتها وحدة من يديها كتغوت تاهي:أنـ قتـ لك كي قتـ لتي ليا بنتييي…انـدبحـ ك…

عبلة كتنتر منها وتبكي مرعوبة:رخييي منييي رخيي

البنت لصقات فيها حالتها حالة شعرها مطلوق ومخبل تحت عينيها زورق بزاف كتنعس غا بالدوة..ولابسة بحال عبلة وكتغوت:غنقـ لك

هارون قرب نترها منها مبعد عبلة عليها وداك الساع تدخل الطبيب والممرضات شادنها وهي كتنتر وتقول انقتـ لك وضربو ليها واحد الشوكة تواني وبدات كتترخا

عبلة هاد المنضر زاد كمل عليها معدتها تقلبات وشدتها الدوخة ماقادراش تبقة هناا شدات ليه فيديه:يلاه نمشيو عفاك ماغانقدش نبقة هنا

هارون شدها من كتافها قالبها تشوف هاد العلام:شوفي مزيان ..شوفي

كتهز راسها بلا ماقاداش تشوف هدشي :لا لا مانقدش..

دخلها لواحد لغرفة تماك كتشوف واحد فوق البياص ضاربين ايه شوكة كتكالمي وتبلوكي كيشوف فالسقف وغير كيرمش بعينيه..يديه ولات زرقة بكترت الشواكي

الطبيبة:فاش ماكايقدروش يسيطرو عليه ولا كيفقذ اعصابو وتجيه الحالة كيضربو ليه هاد الشوكة حيت ماكايبقة تا خيار..هاد الشوكة كتأتر على الصحة بزاف..يقدر تهدنو وتكالميه من جيهة ولكن من جيهة خرا كضرو بزاف..شحال من واحد مـ ات بسبابها…

هزات راسها بلا وهي كتبكي:هارون ماتخلينيش هنا عفاااك

خرجها وداها لغرفة خرا هنا وقفات مخلوعة كتشوف وحدة دابحة يديها وكيديرو ليها لفاصمة ورابطينها باش ماتتحركش.ومن بعد ايضربو ليها نفس الشوكة لي كتبلوكي الدماغ.وهي كلها كترجف وكتمتم:بغيت نمـ ـوت خليوني نـم ـوت بغيت نرتاح مابغاش يمشي من باليي ..

هارون:بغيتي تكوني فبلاصتها؟شوفي حالتها

عبلة زادو دموعها نزلو كتشوف راسها فيها كيزيد قلبها يتزمت كتهز راسها بلا وبصوت باكي:لا لا لا مابغييتش مابغييتش اهارون

خرجها مخليها تشوف كاع الحلات لي تماك وتشوف فين واصلة حالتهم لعقل خرج لهم فمرا..

عبلة صافي تخنقات مابقاتش قادرة تستحمل تبقة هنا خصوصا كتشوف راسها لابسة بحالهم ..للحضة رخا من يديها حسات بواحد الخوف عجيب جا فبالها صافي رخة منها باش ايمشي ويخليها هنا طارت عليه عنقاتو كتترجاه:ماتخلينييش عفاااك ما انستحملش نزيد دقيقة هنا…ما أنقدش غادي نحماق كتر …انمـ وت لا مشيتي وخليتينييي هنا

فعلا كانت تخنقات لا الريحة ولا لاجواء ولاالمرضى ولا لافكار لي فراسها..كلشي خنقهاا 

شدها من خصرها وهز راسها لعندو كيشوف فيها شادة فيه ومزيرة..

فتالي رجع جرها معاه وخرجو من داك القاعة وهي كتلهت رجعها لداك الغرفة فين بدلات عليها ونطق:لبسي حوايجك نمشيو

عبلة:واش بصاح

هارون:باغة تبقاي هنا

هزات راسها بلا بالزربة:لا لا

حيدات داك الكسوة الطبية رامياها فالارض ولبسات حوايجها بالزربة باغة غا فوقاش تمشي..

سالات وشافت فيه فلحضة كان جا فبالها انه ايمشي ويخليها هنا تحماق وما ايعاودش يرجع ليها وانه حياتها صافي تدمرات..

ماحسات براسها تا طارت عليه عنقاتو بالجهد فلداخل ديالها ماكانتش باغة تخصر داك الامان لي كتحسو معاه واخة تعامولو صعيبهو الوكيد لي بقة ليها درع حامي ليها من كلشي …زيرات عليه مهزوزة على ريوس صبعانها ومتشبتة بيه..

طلع يديه وحضنها تاهو دافنها فصدرو نزلو دموها ونطق هو معنقها:عقلي مزيان على هاد لبلاصة وشنو فيها وديري فبالك لابقيتي عايشة فداك الاوهام اتحماقي ديال بصاح…عمري نجيبك لشي بلاصة بحال هدي ولا نخليك من مورايا..جبتك تشوفي حالتهم وحطي بلاصتك .. ماقدرتيش تستحملي دقيقة هنا

همسات ليه:بزاف

كمل كلامو كيمسح على ضهرها:ماتوصليش راسك للحالة ديالهم وماتخلينيش شي نهار مانلقة تاشي حل من غير تتعالجي تانتي بحالهم

بعدات شوية وشافت فيه:واعدني عمرك تجيبني لهنا خليني حداك نمـ وت ولا نحماق ماتجيبنيش لهنا

مسح لها دوك الدميعات لي هابطين على خدها:راني قلت عمري نخليك من مورايا..

رجعات عنقاتو بدات ترتاح نسبيا..رجع عليها كلشي بلعيا جسمها ترخا ومهلوكة..حس بينا ترخات بحاليلا اطيح شدها مزيان

همسات ليه شادة فيه:عفاك الديني من لهنا عييت 

وترخات وطاحت بين يديه كتسمع وتشوف ولكن مهلوكة هو  نطق:مزيانة؟

هزات راسها باه وهمسات :بغيت نمشي بحالي

هزها بين يديه وخرج بيها غادي فداك لكولوار وكلشي كيشوف فيهم كي هازها وهي حاطة راسها على صدرو كتسمع لدقات قلبو وحالة عينيها مهلوكة عيااات…بمعنى الكلمة

..               

خرجو لبرى 

حل الطموبيل بلكلي فيديه وداك الساع واحد من لي كارديان حل ليه باب للطموبيل من جيهة عبلة..

هارون حطها لداخل ودار لها السمطة وهي تاقدات فالجلسة متكية على داك الكوسان كتشوف فيه غادي يركب فجيهتو ..ركب وهي تقلب وجها كتشوف فيه وتتنهد وترمش بعويناتها بتقالة..

شاف فيها قبل يديماري:شوية؟

هزات راسها باه:حسن..

وديمارا الطموبيل وهي غير كتشوف فيه شافتو دوز شي نمرة وكيدوي فالطليفون ماركزاتش فكلامو مابقات كتسمع والو حاسة غا بالهدوء وخصها تنعس..فلحضة رمشات عينيها بالزربة ملي شافت بحال لبوص لي سايك بيها عضات على شفايفها ماباغاش تبين ليه خاص تولي تسيطر على راسها قدامو قلبها ولا يضرب تاني فلمية قلبات وجها خايفة تغلط..تا وقفو فالسطوب بقات كتشوف فواحد المحال خاص بالورد حدا الصطوب..عجبوها دوك لوريدات..واحد الراجل تماك كبير فلعمر كيبيعهم دار لها باي باي تبسمات ليه

هارون شاف فين كتشوف ميل راسو من نضراتها باين عجبوها دار اشارة لداك الراجل 

الرجال وقف وهارون دار ليه اشارك تاني زعمة جيب من كلشي..

الراجل تبسم فهمو بعضهم..ودخل قاد بوكي دالورد بجميع لانواع دالورد هارون طلع للطريق على ود اشارة المرور..وعبلة ساهية دازو دقايق وهو يجي داك الراجل قرب ليهم:ها الامانة واجدة

عبلة تقادات فالجلسة:ما طلبنا والو حنا

تبسم:راجلك طلبهم

شافت فهارون لقاتو ةبد لفلوس ومد ليه:لباقي خليه عندك

تبسمات وهي كتاخد الورد حمقها:شكرا بزااف كيحمقو

هارون ديمارا الطموبيل:عجبوك 

عبلة كتشم ريحتهم:بزااف اول مرة ناخد الورد بحال هكا

شاف فيها ورجع شاف فالطريق ووصلها للدار كانت تماك نورة كتتسنا لتحت

شافت فيه وقربات باستو على خدو:شكرا بزاف

خدة وحدة من لوريدات حمرة ودخلها مور ودنيها ونطق:ديري داكشي لي قلت لك..باش مانمرضوش انا وياك

بلعات ريقها :صافي واخة 

هارون:دابة نتي شنو كيدور فراسك قوليلي نسمع؟

عبلة:كيفاش

هارون:نتي فبالك انه هداك حقيقة ماشي غير أوهام

بغات تدوي وهو يقاطعها:كل نهار اعبلة كنقلب فالكاميرات وكنتأكد ماكايطلع والو ودفعت الكاميرات للخبرة .وأنخليك تتأكدي بنفسك انه تاحاجة ماكاينة.رجال فكل بلاصة تاواحد ما يتجرأ يقرب ليك

عبلة:بلا ماتصدع راسك هو مستحيل يقرب ليا داك الكابوس وليت كنشوفو تا فالواقع وىيبان ليا فناس لا علاقة لهم بين ونتخيل شي حوايج ماكاينينش …كون كان بصاح كون قتـ لني شحال هدا..انا غادي نخرجو من راسي شوية بشوية ونستوعب انه غير اوهام

هز راسو باه كيشوف فداك الوريدة لي مور ودنيها شحال جاتها زوينة:يلاه نزلي هاد اليوماين عندي الخدمة بزاف يقدر مانجيش فالدار

عبلة:صافي الله يعاونك

هارون:امين

ونزلات ولبوكي فيديها كانت اطيح وهي تشدها نورة وطلعو بجوج للفوق

دخلات للدار عاجبها الورد تبسمات كتشم ريحتو..:جيبيلي لفاز انورة

جابتو ايها فيه شوية دلما قاداتو تماك وهزاتو وطلعات بيه للبيت حطاتو حدا راسها ..جنب الناموسية ومشات بدلات عليها وتخشات فبلاصتها كتشوف فداك الورد بهدوء وتتفكر كاع داكشي لي وقع غمضات عينيها ملي نزلات دمعة حارة من عينيها فكرات كون خلاها تماك كانت اتقـ تل راسها .عمرها تنسى هتد النهلر.دابة شغا دير ؟كيفاش اتتحمم فراسها وفهلوساتها 

كانت عيانة فعلا باغة غا تنعس حتى كتسمع صوتو تاني حلات عينيها بالزربة ونطقات:ماكاينش هو ماكينش

هزات المدية وكطاتها على راسها…

.

فجيهة خرا..

وصل لواحد الساحة تماك كانو خمسة ديال هيليكوبتر  كلهم رجال مسلحين..وعاد وحدين من لبارح شدو الطريق وراهم تماك

كانت واخد لفلوكونيط مبيرة دلبوليس كحلكة طلع فبها كيتسلح ويقاد كل حاجة فبلاصتها وطلع فوحدة من هيليكوبتر..وتحركو كاملين..

وهو مدوز الخط مع مروان:شنو تما

مروان:كريم تبعو وصيفط ميساج كيقول انه عشرين بيهم كلهم مسلحين وكاينين تلاتة ديال لي كاميو فيهم السلاح ..هدو التفاصيل لي عند مروان

هارون:صيفط لي لوكاليزاسيون 

مروان:تا مروان بغة يحضر للمداهمة

هارون:مسلح؟

مروان:مروان عندو سلاحو وجاب الصندوق ديالو

هارون:صافي ختار بلاصة القناص ديالنا وراك عارف البقية

مروان فرح:واخة

وناض كيوجد راسو..

داز الوقت..

كانو كيتأكدو من الاسلحة باش ايرحلوها لخارج لبلاد..وايديرو تبادل ديال لفلوس مع الاسلحة..

كريم واقف من بعيد وفيديه المنضار كيشوفهم ..حتى كيجيه صوت هارون فكيت بلوتون:كلنا وصلنا حنا قراب من المكان فينك بالضبط

وصف ليه لبلاصة حتى كيشوفهم ونتض مشا عندهم خدا من عند هارون السلاح لي ايستعمل وهضرو فالتفاصل انه..تماك كاينين بعض الاعضاء من منضمة ارهـ ابية وزيد اعضاء من المافيا لي جابت السلاح  تابعة للبوص..كاينة الحمولة كاملة وكاينة لفلوس ملاييين تماك فلوس صحيحة..

زادو راقبوو الاوضاع من بعدين كيكونطروليو ومروان معاهم فالخط شاد واحد القنت بعيد ناعس على كرشو والسلاح تحت دراعو مفيكسي عينيه فالاهداف

ماهوما الا دقايق ..ووقع الهجوم كل واحد شاد بلاصتو وتسمع صوت لقرطاس..وتبادل طلقات نارية..لوخرين ماكانوش عوالين ماتداركوش كاع الامور..ومامختارفينش فالسلاح والفنون القتالية..ربع ساعة ديال تبادل اطلاق الرصاص وهجومات كانو ابطال هاد المعركة هارون وكريم ومروان وليكيب ديالهم..دقايق وكانو الاسلحة ولفلوس وكاع هاد الار ـهابين واعضاء المافيا بين يديهم واخة نصهم مصاب اصابات خفي المهم كلشي بين يديهم 

داك الساع جاو لي فاركونطيك كبار لي كانو جاو لبارح فليل شدو بلايصهم..واعتاقلوهم كاملين..زربو عليهم وعلى لي كاميو دلاسلحة ولفلوس ..لي عرفوهم من الرؤساء وعندهم ما يتقال طلعوهم ف لي هيليكوبتر..وخواو لبلاصة..حيت يقدر فأي لحضة يوقعو شي تدخلات..

دازو ساعات..تناصص الليل 

شي فالصبسطار شي رهن الاعتقال ..الدنيا تقلبات فمقر الشرطة حيت كانو كيتسناو هاد اللحضة من شحال هدا..

ايصبح لحال ايبداو فالاستنطاق والاستجواب..الحراسة كانت متشددة

فجيهة خرا..

كانت مبلوكية ملي جاها لخبار انه كلشي تشد لاسلحة مشاو ولفلوس حتى هي..كتزيد تعض على سنانها ملي كتتفكر انه هي السباب اكيد من مور محاولة اختراق نضامها حسو وعرفو اش كاين وهي سكتات ماقالت والو خافت البوص والباها يحاسبوها..دابة هاهو كبر الموضوع

براهيم لاعصاب راكبينو:كيفاش وقع هدشي..شهاد الموصيبة.. مايمكنش يوصلو ليهم..عمر وقع لنا هدشي وتشدو رجالنا كملناها بالمنضمة تاهي..لفلوس مشات السلاح مشا ورجالنا عندهم

سحر غادة جايا:غنلقاو حل خاص نفكرو..

غوت لها فوجها:شغا نفكروو راحنا فموصييبة..

داز الوقت وهوما على اعصابهم حتى كيدخل قلبها مشا وجا من التعابير دوجهو 

براهيم:شنو انديرو

البوص بتفكير فعلا مصيبة:غنلقاو احل بعدة نعرف شكون مولاها ويصبح ويفتح دابة ما ايقدرو يخرجو منهم تا كلمة عندنا الوقت من لهنا لغدا 

ودخل للمكتب وهي تبعو مخلية براهيم كيشرح للحاجة

سحر :بوص

بوص:شاكة فشي واحد مول الفعلة

بلعات ريقها ايعرف غايعرف اللهما من عندها وعاودات ليه اش وقع ماجات فين تكمل كلامها حتى كينزل عليها بكف دوخها جابها فلارض

ونزل هزها من شعرها:علاش هدشي موصلتيهش ليا فالدقيقة لولة ..علاش بقيتي ساكتة ..شنو كنتي كتسناي ..هدشي يوقع؟

سحر :سمحلي البوص تكلخت فهادي

دفعها عليه ودوة مكره:غبري من قداميي غبري

ناضت وخرجات من البيرو جنب فمها بالدم دخلات للحمام كتشوف فلمراية مغزفة؛كلو بسباب هداك القـ واد لي حاول يختارق نضامي ..