الجزء 23- بنت السايب

 

وصل مهدي هو سارة لدار...ݣالسة وراه فاللوطو طريق كلهااا وهياا كاتبكي بصوت مكتوم...غير وقف اللوطو قدام الدار وهيا تنزل منهاا سارة بزربة قلبهاا كايضرب على جهدو عارفة اش كايتسناهاا...حلات صاكهاا جبدات منو سوارت دار..دخلات وخلاتو كايصطاسيوني...شعلات ااضواو...غير دخلات لبيتها وهيا تقفز ملي سمعاات بااب الداار تسد و تردخ على جهدو...ديريكت مهدي طلع عندهاا بلا مايدور لا على يمين ولا شماال طالع شااعل..وأعصاابو مشحونة واصلة للطوب ...

سمعات سارة خطاويه وهيا تعض على شفايفهاا بخوف...عرفاتو جاي قربات بخطوات سريعة باش تسد لباب يلاه رداتو وهوا يحبسهاا وضربو بقوة برجليه بااش مايتسدش الشئ لي خلااهاا ترجع باللور وقلبهاا غايخرج من بلاصتو كلهاا كاتقفقف بلخلعة وتبكي..دموع كايسيلو من عينيهاا لي رجعو حمرين حمرة شديدة...

نطق مهدي بلغواات صااعر:مزياااان الالة هاادشي لي درتي...لا زعماا تباااارك الله عليك..جبتي ليا تمام ومخليتي لياااا مانقول...

ساارة بنبرة باكية صدرهاا كايطلع وينزل بتنخصيص:ع..عفا..عفاااك..امهدي بركة...ا...اناا عاارفة راسي غلطت...هء هء...مكنتش ع..عارفة واش غانوصل لهادشي كامل..تيقني...

رد بنفعاال كبير محقد فيها الشوفة: وليتي فلحباسااات...فخر ياامي وليت كانضمن فطاسيلتك عند لبووليس حيت ضااسرة...عجبك لحاال ملي تقاديتي مع شماكرية ولموسخات لي كايخرجو بليل..وليتي نتي ويااهم فقنت وااحد...(نااهض فيهاا بقوة وهيا كاترعد قدامو)ادوييي عجباااك لحاال...

زادت زيراات سارة على عينيها مغمضاهم بشدة دموع مباغينش يتحبسو ليها.. تأنيب ضمير غايقتلهاا وزايد مكمل عليهاا بهضرتو...نطقات بنبرة متقطعة:هء هء...ع..عفااك صافي حبس..عفااك...

‌

‌مهدي بشرااسة كايغوووت فوجهاا:وااش فخباارك شنو درتي لياا ولا لاا...حشمتني مع نااس يلاه عرفتهم...واقلة ماشتيش خوو لبنت كيفااش كاان كايشوف فيك...علم الله شنو كان كايقول عليك فدمااغوو... أكيد هاادي مامربيااش ولا ملاقيااش لي يجمعهاا،خوها لي هو الراجل ديال الداار مقاادرش يربيهاا(بحصرة)هاادشي بضبط لي غادي يكوون قاال بااينة لعمى ...إوى برااافو الالة ساارة برااافو.... رااك نجحتي فأنك تخليه يااخد عليك نضرة خااايبة...قبل مااايعرفك كاااع

‌سارة ݣلسات على طرف السرير دايرة يديها على عينيها بجوج..كاتشهق بلبكا عينيها مابقاتش حاسة بيهم من كترة دموع لي طااحو منهم ..

‌

‌عاود كمل مهدي بتأنيب كايشوف فيها بنضرات حادة: انا لي مقصر من جيهتك بشي حاجة؟...مخليك باغة شي حاجة وملاقياهااش بااش تجي وتكدبي علياا ونتي حاطة عينيك بنص عيني...محشمتييش..."غاادة نحفض مع صحبتي" ونتي غادة تقصري مع رااسك..دايرة سبة بلقراية(كمل كارز على سناانو) : لقراية و لحفااضة خليوهاا لنااس لي عارفين بقيمتهاا...لي كاايضاربو بااش يقرااو ويوصلو..حيت بااغين يبنيو مستقبلاهم بيديهم...بااش يوصلو لحاجة لي مالقينهااش...اما نتوماا لقيتو كلشي وااجد...دااكشي علااش مهاماكمش....

‌

‌سارة:هء هء..اناا مدرت واالو..دعااء هيا لي قالت ليا نكدب عليك..انا ماكنتش باغة...وماكنتش ݣاع باغا نحضر لدييك لحفلة والله..هء هء

مهدي نطق بعصبية زااد جعر:دعااء الى قالت ليك طيحي فلبحر طيحي فييه...دعااء الى قالت علقي قنبا فسقف وشنقي بيهاا راسك ماتررديش وديرهاا ياالحماارة...بقااي تابعااها..رااه هيااا لي غااتخرج علييك....

ساارة كاطلب فيه :سمحلياا اخووياا...هء هء...اخر مرة.... معمرني ندير شي حاجة بلا خبارك والله العظيم كانحلف لييك...بلا ماتبقا تلومني...

نطق بنبرة قويية: الى كااان شي حد خااصو يتلاام هنا راه هو انا مااشي نتي...ديفو مني حيت انا لي فششتك و وفرت ليك كووولشي...كاااري ليك داار فلمحمدية تهز جووج عائلات ملاقينهااش يسكنو فيهاا...كانصيفط ليك فلوس كل راس شهر بقيمة خلصة موضف وماعمرني تحااسبت معااك علييهم...انااا لي ضسرتك حتاا خرجو رجليك لطرييق....اناااا (كاايشي لنفسو بفقصة) .... زعما عند بالي داير لمزيان قلت مانخليهااش تحس بحتا شي نقص وندير لمستحيل واخا نعرف نحيديها من فمي ونعطيهاا لييك...سااعة كنت غاالط....اااه غاااالط وبزااف

داار شااف فصااكهاا محطوط فووق لكواافوز هزو بنرفزة..نااضت ساارة واقفة ونااطقة بإمتنااع باغة تجر ليه الصااك عاارفاه اشبغاا يدير:لاا مهدي..هء هء عفااااك لااا

مهدي بحدة:حيدي يديك ولااا نهرسهاا لييك...

تراجعاات سارة خطوة للخلف عاضة على شفايفهاا لي كايترعدو...حل صااكهاا بزربة جبد منو بزطامهاا..رمى الصااك فلأرض بجهد...وحل البزطاام جبد منو لکاغط بونكيغ دياالهاا...

نطق بصرااخ كاايشير ليهاا:هااادي هيااا لي فششاتك...هاادي هياا لي خلااتك تزيغي وتولي ديري ماابغيتي...اوى ترحمي عليهااا ونسااايهاا...حيت من هااد دقيقة مابقيتيش غاتشوفيهااا....

ساارة بتوسل كاتطلب فيه كلهاا كااترعد وتبكي:حراام عليك امهدي ماديرش لياا هااكا...هء هء...غيير هااد لمرة عفاااك والله ماابقيت نعاااود...هء هء

مهدي نااهض فيهااا بشرااسة مهامينوش دموعهاا ولا لحالة لي وصلات ليهاا قرباات تسخف بنحيط :

سكتي..مانعاااااودش نسمعك....ومن ليوووم حسبي دوك لفلووس لي كنتي كااتخدي من عندي صاافي مابقاااوش...ودااك لكونط ديالك عتاابريه ديجاا بلووكي...(كمل بتحدير شديد)والى سقت لخباار بلي باقة كونطاكط مع ديك دعااء لي واليدهاا طالقينهاا كي لكلبة مهاماهمش غاادي تشوفي من عندي لي معمركي تنسااايه....غاتفضي عليااا من ديك صحبة تلويل ولا غاندير لي غايكرهك فياا بلمعقوول...و هاني هضرت معاااك....تفاااهمناااا

ساارة سكتااات مامجاوباه بوالو عارفة كحلات معاه ضواسة مغاديش يدوزهاا ليهاا بساهل واخا معارفت شنو دير...

قفزهاا بصوتو قوي خلاهاا تزيد تنخصص:قوووولت واااش تفاااهمنااا؟؟!

حدراات رااسهاا لأرض زايدة فوتيرة لبكااء..وحركاتو بلإجااب...طلع فيها مهدي عينيه ونزلهم...مخسر فيهااا شوفة...وخرج من لبيت رادخ عليها لبااب..مخليهاا مورااه طايحة على ركابيها فلأرض كاتقطع..وتبكي بتحسر وبصوت مسموع....عقلهاا غايخرج...من طبعهاا حساسة بزااف...وتفضل يوقع ليها لي يوقع...على ان مهدي ياخد منها شي موقف او يتختاصم معاهاا ...

دازت سيمانة طااايرة بحال النهااار ماحسوش بيهااا ابطااالنااا كاااع بالمرة ... خنسااء واااقفة فالكوزينة وريحة الطياااب فااايحة من داار الساااايب على حقهاا وطريييقها .... وهي كاتستف الطبااسل ديال الحلوة باتقاااان وااقفة على شغلهااا بيدهااا ونصيرة فجنبهااا مقاابلة الطيااااب ... وحدااهم رااانياا لابسة الطاابيلة كاااتوجد الصواااني ديااال اتاااي ... ونسرييين فالصااالون طالقة البخور ريحتهم زويينة بزااااف والند والورد فوق الكوااانااات بعدماااا جمعااات الدنياا وقااادااها ...

خنسااء باستفساار : شوفي اعمتي وااش هاااد الطبسيل هاكااا ولا نزييد فييه ...

نصييرة بتأكيد : زيدي شوية ديال الكعبة والبهلة فالطرف راه قلااال ولوخرين خليهم مزيااانين ...

خنسااء : ايييه واااخااا ... شفت بااا العربي وعصااام بااقين مادخلواا ... الناااس شوية ويدخلوااا ...

نصيرة : تي يهديك الله راااه بااقي الحااال ونتي مفاافية غا وحدك ... كملي دوك الطباااسل وشوفي ليا معااك دييك بسطيلة وااش هي هاديك ... ذوقي دووك الصغااار لي شاايطين ...

رانيااا كتااكل فييهم متبننة كااع ماتسنااتها تقولهاا ذوقي دارت شرع يدها : هي هاديك اخالتي نصيييرة الله يعطيك الصحة ...

نصيرة نهضات فيهااا : ربي يااا هاد البنت مااالك ملهووووفة لي حطيتهااا تنقبي منهااا ... خنساااء دوزي حيدي دااااك الطبسيل من حداهااا لا تصدق دايزة بالجمل وما جمل ...

رانياا ضحكااات : واا خاالتي نصييرة نتي لي طيااابك بنييين ... ياااختي شهوة منوووو ..كانتهاااوش علييه انااا ...

نصيرة ميقااات فيهااا كاطل على اللحم لي كاطيب : راااه نتي مهاااوشة خلوووق ... ومني يجييو النااااس ديري داااك اتاااي مر تاااني يخلييوه مدفك تماااا ...

خنساء : ههههه فيهااا شي عرق صحراااوي ... غير خلي اتااااي تلقموا عمتي حسن .... نتي غييير كملي توجاااد دااك الكييك فالطباااسل واااخااا انا غانطلع نوجد رااسي تساالي وتبعيني باش تبدلي حتى نتي ...

رانيا : واااخاااا احبيبة ...

نصيرة بنبرة ااامرة : راااه بربي وتلبسي داااك ميني قميييص الغوز حتى نقطعوا ليك فووق لحمك مااافيه مايتشااف .... لبسي داااك قفطان جوهرة لي حطيت ليك راااه خفيف ...

خنساء ابتاسمااات : واخا كوني هاانية اعميتو ماايكون غير خاطرك ...

زادت من تمااا وطلعات لبيتهااا كاتجري ....كانت حاطة جواايجهاا فوق السرير منشوريييين موجدة اش غادي تلبس ... ومكيااجهاا حاطاااه فووق الكوافوز ديااالهااا .... بداااات بحوايجهااا حيدات عليهااا ولبساات سووتياااام مهزوزين قااادااات صدرهااا وماااركااات كرشها بسمطة عريضة زيرااتهااا باااش مااتعدبهاااش مع القفطااان وماتبقاش باينة ولبسااات شورط خفييف وديباردور دياالو عاد كلسات كاتقاد فشعرهااا كانت ديجااا يلاااه غسلاااتو ... قسمااااتو كااامل معولة دير ليه بروشينغ باااش يسهااال عليهااا حيت عااامر وطويل غايعدبهااا .... وعاااد داااازت للميكااااب كاااتدير مسااااج خفيف لوجهها بصبيعاتها و دارت لابااز لوجهها بروفيسيوونيل فالميكاااب مراحلهااا دقيقة وكل حاجة فبلااااصتهاا .... بدااااات بعينيهااا قاااداااتهم مزيااان مطراسية ايلااانر ميزااان جاهااا خطير مع المااسكاارااا حتى لون عينيهااا مابدلاتوش استغناات على العدسات هاد الليلة .... مشطااات حجبااانهااا وخلاااتهم ناتيغيييل ... طرااساات شفااايفهااا باتقااان غير خفااف وعاااد دارت عكر مااااط ... ختماااات بهايلااايت وهي مبتاااسمة من وجهها وكيفاااش جاااات عااجبهااا راااسهاااا فالمراايااا ....

لبسااات قفطاانهااا لي كااان توب جوهرة حرة خفيييف فالشيبي مخدوووم بالدوووغي فصااالتوو على شكل غوووب من الفوق مزير وواسع من التحت بسميطة خفيفة كاتماركي لاطاااي ... لبساااتوو مع صباااط عااالي فالضوغي واكسيسواراات خفاااف فقط سنسلة ذهب فعنقهااا وكورميط ديااالو مع خاااتم فصبعهاااا وخلخااال ساامبل فرجلهاااا كايبااان كاايبري فيهااا ...

دخلااات عليهااا رااانيااا مبتااسمة عااجباااهاااا ودازت كاتكمل ليهااا شعرهاا واخر اللمساات فيييه .. جاااات فنة كاااتحمق وطاااح عليهااا سر عجيب كأنها اول مرة تكوون عروووسة ... واتاااهاااا الحب وحناااكهااا موردين ومبهجيييين وابتسااااامتهااا غامرة وجهها غاطير بالفرحة .... وعلاش لا وهي غاتزوج بالانسااان لي ختاارو قلبهااا وحباتو ومابقاااا ليها والو وتكون هي وياه تحت سقف واااحد ويعيشو مجموعيين والاهم ان عائلتها راضية وفرحااانة بيهااا ....

رااانياااا هزااات فرااشتهااا لبساااتهااا فالباااج وجمعاات شعرهااا ديل حصااان اكتاافاااك بميكاب خفيف واكسيسواراااات قلااال مع طالوونهااا جااات كيوووت ... وشعرهااا الاسود مزينهاااا وعااطيهااا قبول خاااص ...

وقفاااات اللوطو ديااال مهدي قدااام دااار خنساااء وهبط منهاااا فابهى حلة لااابس كوستييم انيييق فاللون الاسود عاطيه كااريزمااا خااصة خلى لي داااز من حدااااه يفها فيييه ... هاز فيدووو بووكيييه مقاااد بطرييقة عصرية على حقو وطريقوا .... وهبطااات من حداااه ناااادية بحلة رااااقية وجلاااابة همة وشاااااان فالموف بااارد مطروووزة بشكل واااعر ودااايرة عليهااا شااال لايحاااه وخصلااات شعرهااا الاسود غااامق خاارجة على برااا بااينة .... دايرة غير كلوز وكحل خفيف فعينيها ... هازة فيدهااا بواااطة حمرة مزوقة ومقااادة ديااال شي اونصونبل ديال الذهب باينة فيهااا همة وشاان .. وعاد هبطااات ساارة كيوت حتى هي بجلااابة مخزنية فالاورونج بااارد دايرة ميكاااب رااسخ فوجهها ومخلية شعرهااا بوكليي مطلوق على راااحتوو هازة فيدهاا الشكلااط وكااطو متولين ... غير هبطو من اللوطو والدرب كلو التافت لييهم خااص غير التقرقيبة توصلهم وتلقايهم حاضرين كايتسناو الحدت ... هااا لي شاااد الشرااااجم هااا لي وااقف فالبااب هالي فالسطح وشي كايطل من القناااات ... كبييروصغير كلشي باااغي يعرف التبركيكة ويجيب الخباار صحيحة وواش بصح بنت الساايب جايين فيها الخطاب للمر التانية ... وكلااام كايتردد كيف العادة فكاع الاحياء الشعبية ونفس الكلاااام كايتعاااود والحسد قااتل بناادم وواكلوا من الجدر

(الفول كايعطيه الله غي للي ماعندو ضراااس )

(مكبرين الشان لحريشاااان )

(العزبة بقااات والمطلقة عاوداات لقاات )

( السعد ولمن عطااه الله )

(الكية كية المستوورة اماا الساايبة تجيبها مذكوورة )

(شي غايعاااود الصدااق وشي بقاا كايسوط الحزاق)

كلها كايلغي بلغااااه وعند بااالهم رااه كلااامهم هو الصحيح وراااه المجااامر والفقهة لي كايجيبو السعد ... والشوافااات لي كايزوجوااا العزبااات ...

تقدموااا دقوا فالباااب وحلاات ليهم نصيرة بابتساامة واسعة على وجهها ما قااادااهااا فرحة لابسة قميص سااامبل ودايرة درتهاااا على راااسهاااا .... نطقااات بترحيب : مرحبااا بيكم ... نهار كبير هاذااا

نادية بادلااتها الابتساامة ووجهها مبشوور : الله يكبر بيييك ... ترحب بيك الجنة ...

نصيرة : تفضلوااا ... زيدو الدار داركم ...

تقدموووا ومهدي فرحاان الضحكة مخااطياااش وجهواااا بالمرة حاااس براااسو عريس لاول مرة ومتوتر بلاااا قيااس كأنه اول مرة غادي يطلب يد شي وحدة .... تقدموااا لجهة الصاااالون كااانت واااقفة نسرييين مبتاااسمة طااايح عليهااا النوور والسر بلااا قياااس واتاتهاااا الحمااالة وعطاااتهاااا بهجة وملح على من زينااتووو ... لابسة فراااشة حتى هي فالازرق جاااهااا غزااال ودايرة سبولة خفيفة لشعرهاااا جاااتهااا فنة وميكاابهااا كيف العاااة خفييف .. مبتاااسمة فوجه النااس وفرحاانة لخنساااء من قلبهاااا واخااا فيها شوي السم مي كاتفرح بزاااف لفرحهم ...

والعربي وعصاام كالسين العربي بجلاابيتووو وهو لاابس عاادي سوروال دجين وتيشوورط

العربي بالصوااب : مرحبااا مرحبااااا ... تفضلواااا ....

المهدي سلم علييه : لهلا يخطيك اسي العربي ....

نادية ماات ليه يدهااا مبتاسمة : الله يكبر بيك الشريف ...

كلسوااا مجموعيين بحكم كاينين غير هماا وعائلة المهدي ماعندهمش مشكل فهاد المسألة ... تباادلوا السلااام والترحيييب والكلاام واللغاااا ... فحااال اي جوج عائلات مغربية فرحااانين لهاااد اللمة لي تجمعوا فيهاااا بااش يفرحوا بولااادهم ويباركوااا ليهم قرااارهم فالزوااااج والحلااال ... جابو الصواااني دياال اتااااي والعصير والحلوة فالطباااسل والكيك مستف والفوااكه الجاافة فالبلاا ديااالهم .... وريحة عوود القمااري فاايحة فالدااار كاااملة ...

خنساااء فبيتهااا كالسة على البيض وحداهاا رااانيا ... حلااات عليهااا نسرين البااب مبتااسمة : اللالة تباارك الله عليك جيتي غزااالة كيف شفتك نخليييك ...

خنسااء : هههههه شكرااا عويناااتك ... قولي لياااا وااش جاااو ...

نسىيين :، ايييه جااو ... الهمة والشااان والنخوة وااااااحد ماماااه حروفهااا كحليين كاتحمق طيح الزرزور من فووق السور ... وبااقة دك ودردك تباارك الله عليهااااا ... فنة فنة شاابه ليهااا مولااي السلطاان سيد المهدي هههه ...

خنسااء عضااات على شنايفهااا : جاااو غير بتلااتة ؟؟ ...

نسرين : ايييه المهدي وماماه ومعاااهم ختو الصغييرة حتى ياااختي ازين ولاطاااي كلشي كاااين .... بووومبااااا ...

خنسااء : ايواااا ...

نسرين : ايوااا ايوااا شنو بغيتي اخر ...

خنساااء كاتنش عليها بالتوتر والخلعة : كيفاش دايرين نااشطين فرحااانين ماماه واش عاجبهااا الحاال ...

نسرين ضحكات : عاااحبهااا ياااختي الحااال باينة من عينيهاااا وضحكتهاا على وجهها شي صواب وشي ادب مانعاودش ليييك ...

رانيا : ايوااا تباارك الله ... حتى بنتنا راه فنة وغزااالة وكاتسطي ...

نسرييين : اييه مالناا شحااال عندنا من خنساااء ... هو المباارك المسعود لي غاياااخد لااالة خنساااء بنت السااايب الهمة والشااان الطول والقااامة والعرض والهااامة النخوة والحداااكة والتاااويل والزين المغربي الحر علاااه كووون ماطيحاتوش على قفاااه غايجي من سيمانتو يقطع الكلااام ... واخا حتى هو ماناقصووش الخييير مافييه مايتعاااب تبارك الله .....

رانيااا : ههههههه اييه طاح الحك وصااب غطاااه ...

نسرين : يلااه انا غانهبط وشوية نصيرة طلع باااش تهبطي .... يشووفووك 😉

خنسااء عضااات على قنوفتهااا ونسرين خرجااات من عندهم خلااتهاا كاترعد بالخلعة ماعمرهااا حسات بهااادشي ... خصوصااا حيت اول مرة غاتشوف مو غاتعرف عليهااا حاسة براااسهااا غاتسخف ...

العائلة مجموعين كايدويو ويهضروا ويتعرفوا على بعضيااتهم منساااجمين حسو برااسهم مرتااحين مع بعض بحال الا كايعرفوا بعضياااتهم من شحااال هااءااا .... امااا المهدي غير كايدور فعينوو مراقب الدروج بنظرااات كلهااا لهفة وشوق ... باغي غير ايمتا تهبط ست الحسن الزين الصاافي ديااالو باش يسقي عويناتوو ...

شربوا اتااااي هضرة تدي لكلااام ومن موضوع لموضووع عاااد نطقااات نادية بكل لبااقة ورقي : ايوا اسيااادنااا بما ان بات المهدي توفا الله يرحمو ويوسع علييه ... انا غانقوم بالمهمة وندخل فالكلاام ... ولدي راكم كاتعرفووه وعشرة قديمة ديال عصااام وراااه ولدكم ... وحنا اليوم راااه جينااا طالبين راغبين فيد بنتكم المصون لالة خنسااء لولدناا المهدي على سنة الله ورسولوا الا قبلتو علينااا ... وماكرهناااش نتاويوهم فالحلال الا كتب الله ...

العربي بادب : ايوا اش غانقوليك الالة نادية ... الدري راااه ولدنااا والبنت رااه بنتكم وحنااا رااه مانزيدوهم غير الخيير والاااا كانوو همااا مواافقين وقابلين على بعضياااتهم حنااا ماعلينااا غير نقولو مبااارك ومسعود ...

نادية برضا : ايوااا الله يجعل كلشي مبااارك ومسعوووود ... والله يسعدهم ...

طلقاااات نصيييرة حلقهاااا بواااحد التزغريتة فاااعلة تااركة : الصلاااااااااا والسللاااااااااام على رسول الله الااااااااااا الجاااه الا جااااه سيدنا محمد الله معااااااا الجاااااه العااااالي .... يووووووووي يوووووووي يووووووووووي 

عاواااتهااا تلاتة المرااات التزغريتة لي فيقاات الدرب كاااامل وصلاااتو حلقهااا مجهد ... وخنسااء فبيتهاااا غاطير بالفرحةةةة معنقة راااانياااااا لي كاتبارك ليهااا وتعاااود ...

نصيرة : ايواااا الله يجعل كلشي مباارك ومسعووود ...

نادية : امييين ياربي ... الله يسهل عليهم ويتاويهم ...

عصااام شاف فالمهدي غامزو : مباارك ومسعود امولااي السلطاان ... هههه بالرفاه والبنين ان شاء الله

المهدي ضحك : الله يبارك فييك ...

نادية بتساؤل : ايوااا ماكرهناااش نشوفوا العرووسة دياالنا الا بغااا الله ... تنورناا فالمجمع ...

نصيرة : اييه هي اللولة ... ( مخاطبة نسرين ): عيطي لخنساااء الله يرضي عليك ...

حركااات راسهاا بايجاااب وطلعااات علماااتهااا ... هبطااات هي ويااهاا وراانيااا وخنسااء رااااسهاا فالارض حشمااانة .... تقدمااات جهة الصااالون وهو يهز المهدي رااسو فااهي فيهااا مشووكي من شنووو كايشوف قدااامو ... جااات اية فالجماال النخوة لي باااينة عليهااا والهبة ديااالهااا وجمااالهااا متميز ... وكيف قال نهار على نهار ماتزيد تحلى فعينييه ... ابتااسمات ناادية برضى وهي كااتشوف فيهاااا ... خنسااء قربااات ليهاااا مسلمة عليهااا بالقااعدة ونطقااات بصوت حنيين وعذب : مرحبااا بيكم ...

نادية باعجااب كبيير : يرحب بيك الخيير ابنتي ... تبااارك الله تباارك الله غزااالة كاتحمقي الله يحفظك تبارك الرحمااان ...

خنسااء ابتاسمات ليهاا ودازت سلمااات على سارة وبالخف مدات يدها لمهدي وخطفااتهاااا مرجعااها عندهااا وهو مفيكسي فيها الشووفة ... كلسااات حداا نصيرة ونادية لي حمقاااتهاااا كيف وصفهااا ليهاااا زينهااا بلدي وحروفهااا كحليين والعينين قد الكيساااان يجيبو الهلااال فالنهاار ... بلااارة كاتسطي بزينهااا ...

سارة ابتااسمااات بحكم داك النهاار مارداتش ليها البال بزااف كانت خايفة ولكن هاد المرة حنززات فيهااا وعجباااتهااا بللاا قيااااس النخوة والاناااقة دياالهااا باينة فييهااا مرأة بكل ما للكلمة من معنى قادة وقدود ومن وجهها باينة فيهاا حاارة ...

نطقات سارة بفرح : خنسااء جيتي فنة ما شاء الله ...

خنساء شافت فيهااا : ونتي كاتحمقي احبيبة لهلاا يخطيك ...

شافت فرانياا باعجاااب : واش ختك ؟؟ ...

خنساء برد : صاحبتي ...

سارة بلطف : غزالة حتى نتي تبارك الله .. خلاص نسرين راااه شفناهاا مني دخلنا تعرفنا عليهااا الله يحفضهااا...

نسرين بمجاملة : الله يدبر بيك ازين ...

عصاام مدور كمارتو من جيهتها ما حاملش يشوف فيهااا اصلاااا عصبو البلااان ديال ديك المرة وماتسرطش لييه ... كايدوي مع المهدي مكونسونطري معاااه ومتعمد مايدورش جيهتهااا بااش مايشوفش فيها بشي طريقة تخليهاا تحس بيه واخد منها موقف ...

كملوا كلااامهم ولبساااات نادية لخنسااء الكوليي لي جابو لييهااا كاول هدية مع البراسلي ديااللو ديال الذهب كاايبري عااامر ومحجر وباينة فييه سااااوي .... نسرين حمقهاا بلا قياااس عندهاا معااهدة مع الذهب غير كاتشوفوا كاتحوااال ...

حطو الغدااا وكلااو مجمووعين وشكروا وعاودو فطيااب نصييرة حمقهم عااد عرف مهدي خنساء منين وارتة البنة ... ساالاااو واتافقو على انهم يخليو تاريخ العرس والتفاصيل ديالو للدراري هما لي يقرروا فيهاا وهاذااا كان اقتراااح نادية بحكم كاتبغي العروسة العريس لي يديرو لي ارتاااحو فييه بلاما يبزز عليهم شي حد ... كملوا الكلاااام وبااركوو لبعضيااتهم ولولااادهم هاد الميتاق ... ومشاااو فرحااانين ناااشطيين واخاا المهدي بقا فيه الحاال كان معول ينفارد بخنساء شوية ويدويو ولكن العربي ماعطاهش الفرصة بالمرة ... واخاا هكااك عجبو الحااال وحس بيهم كااملين ناس بسطاااء وعلى قد الحال ودراوش فحاالهم ... كبروا بييهم وماخلاااوش من جهدهم بالمرة كااان كلشي على حقوااا وطرييقواااا بالقااعيدة .. كبرو فعينيه بلاا قيااس وحتى ماماه خرجات من عندهم فرحااانة ونااشطة ورااضية على اختيار ولدهاا

صباااح جديييد وفصل الربيع غادي وكايقرب ... وقف مهدي اللوطو ديالو قبالة قاعة الأفراح راقية...هبطات خنساء وتبعهاا من اللور عصاام ومعاه نسرين،جاو حتا هماا يختارو معاهم... نسرين طلعات عينيهااا فلقاعة ولوات فمهاا بإعجااب..غير من برى تخليك تفهااي فيهاا...تقدم لباب الرئيسي ودخلو للداخل ديالهاا...ستقبلهم السيد مول الشي بإبتسامة كاايرحب بيهم:اهلا اهلا...مرحباا...زيدو دخلو...

شكروه ودخلو للداخل ديال القاعة...وبدااو كايدورو عينيهم وكايتمنضرو...داكشي كاان غزاال و غير ديال الناس الدواقة...داكشي مبرع وديكور على حقو وطريقو...تريااات فخمة...وطباالي بكراساهم مقادين ومتولين كل طبلة مدورين ليهاا الطباسل والسرابت والبوكي تلود فلون الابيض كايتوسطهاا...وزرابي نوع ممتاز مفرشة فلأرض...وعااد البرزة ديال لعروسة مقادة على حقهاا وطريقهاا بشكل رااقي وكلااص....خنساء كانت كادور على لقااعة وقلبهاا كايفرفر وكايشطح بلفرحة..داكشي كانت كاتشوفو غير فلڤيدوات...دابا هاهيا جايا تختارو

السيد شاار بيديه للدروج لي كاينزلو من البيت لي كاتبدل فيه لعروسة:وكيفما كاتشوفو هاد الدروج كانخليوهم خااويين حتا لنهار لعرس...عاد كانفرشو عليهم زريبة وكانزوقو جنابهم بلورد...

مهدي:لا لا معندي مانقول هاادشي زوين...(شاف فخنسااء)اوى الالة لعروسة اشنو بان ليك؟!

خنساء ضحكات بخجل: صراحة حمقاتتي... زوينة بزااف...

نقزات نسرين من موراهاا لي حتا هياا هبلاتها القاعة بداكشي لي فيهاا:بلاا ماتحتااج تسولهاا..خاصها تكون عمية بااش ماتعجبهااش قاعة بحال هاادي...كاتحمق..

مهدي ضحك و خنساء خنزرات فيهااا وهيا دور نسرين الشوفة لجيهة لخرى ونطقات بتلعتم:احم غير هيااا شوية اوڤر...مشارجية شي شوية...ولكن كااتسطي وااعرة...

مهدي هز حاجبو:لا لا ممشارجية واالو.. كاين لأووڤر كتر من هاكاا... انا بعدا عجباتني...(شاف فعصاام)ونتا اعصام كيف جاتك؟!!

عصام جاوبو كايدور عينو عليها:ههه ومن جيهتي حتا انا عجباتني جاتني هياا هاديك داكشي زااز لوكس...ولكن كايبقى لقرار ديالكم..نتوماا لي تختارو..نهار غايكون نهاركم

خنساء:انا غانختار هاد لقاعة...ضاهر لي مغانلقاش حسن منهاا...

مهدي حرك راسو بلإجااب وشاف فسيد لي مكلف:واخا اسيدي..نتوكلو على الله...نختارو هادي...

كملو الضروران فلقاعة طلعو للبيت لي غادي يبدلو فيه لعرسان لباسيهم...ونزلو لقااو الدراري لي خدامين تماا موجدين ليهم طبلة فين يݣلسو بااش يدوقو الأطباق لي غادي يتقدمو للمدعوين نهار لعرس....

تدوقو لݣاطو صواغي بأنواعو هو اللول مع العواصير...ختارو فيهم الأنواع لي بغااو ورتاحو ليهم...جابو ليهم جوج موضيلات تاع لبسطيلة باش يختارو منها حتا هيااا...حطو ليهم المالحة هياا اللولة يدوقوها..غير منضرها كايشهي كانو مزوقينهاا بلبيض ديال السمان وبريوات صغار مع شاغكيتخي...وجبن الموزاريلا مبشور...ومفرشين ليها لخص من جناب وطماط سوغيز مقطعين طريفات والماييص....بسطيلة مالحة هماوية ديال الدجاج كاتحمر الوجه...

بداو كياكلو فيهاا والسيد كايقوليهم باش تخدمات وكداا.... غير وصلاتهاا نسرين لفمهاا وهيا تخسر ملاميحهاا بنزعاج:ويلي وحدي...هاادي بسطيلة هاادي...ماعندهاا حتاا مدااق...

السيد تلون دغياا شار لدري لي واقف عليهم كايقطع ليهم: قطع قطع لسيدة الدوق من لبسطيلة لحلوة..سربي...

قاطعو عصام بإمتنااع:لا غاصبر ماتقطعش حتا نكملو حنا و ندوقو عاد قطع ديك ساع ...اما لمدام عندي بلا مانعولو على دوقهاا بزااف حيت حاملة ديجاا الدوق عندها مخربق...(كمل كايضحك)ههه جيب ليها شي طاغط فروي طيح فيها عمية وتبقا تمدحهاا ليك فيهاا حتا لصبااح..اما هادشي لمالح كلو ولا كايجيها ماهوااش...

نسرين خنزرات فيه: قلت ليك مداقهاا فشكل تيقني..غير هديك لي كاتصايب خنساء فين تبان لهاادي...

مهدي بتاسم بتدكر:فهاادي عندك الصح أختي نسرين...دقت حتاا عيت فلبسطيلات...ديال خنساء عمرني كليت بحاالهاا...الله يعطي الصحة ليدين لي صيبوهاا...

دار شافيهاا لقاها حدرات راسهاا وخدودهاا مزينݣين حشمانة.. ونطقات بنبرة رقيقة:ربي يخليك امهدي..بصحتك

مهدي شاف فيهاا مبتاسم وحتاا خنساء طلعات راسهاا وبادلاتو نفس الإبتسامة...نسرين هزات حاجبهاا من النضرات الإعجاب الواضحة لي كايتبادلوهاا بجوج...لي شافهم يقول كايعرفو بعضهم من شحاال هاادي...

نطق عصام لي كلا ݣاع الطرف لي كان فطبسيلو..عجبااتو:مممم لاا بنينة الله يعطيكم الصحة...هياا هااديك...

داقو خنساء ومهدي حتا هماا..ووعجباتهم...جاتهم مقومة و طايبة مزيان...مخدومة على حقهاا وطريقهاا...عطاوهم يدوقو حتا من لحلووة..ولكن فلأخير ختارو المالحة عجباتهم كتر...جابو ليهم طبسيل تاللحم بلبرقوق مضريسي حتا هوا على حقو وطريقو..مزوقينو بلمشماش ولݣرݣاع..واللوز إفيلي والأناناس دواور ...داقو منو غير هما بتلاتة بستتناء نسرين لي مابغاتوش...عجبهم وجاهم طووب...من بعد حطو ليهم شي ربعة الأنواع تاع لي ݣلاص ڤاليداو فيه لي عجبهم...وديسير وراوهم غير الشكل فتصاور... ختموهاا بكاس اتاي ولحلوة منوعة من (صابلي وغريبة وفقااص وكعب)... داكشي كامل حمقهم وجاهم هوا هدااك يحمر لوجه فليلة العمر...تفاهمو مع السيد فتمن...وعطاوه لعربون..وحددو معاه نهاار...

بعدما خرجوا من القااعة مشاااو تغداو مجموعين فواحد المطعم قريييب ليهااا ... سااالااو وهو يصوني تلفون خنساء : الو عمتي ... ايه ايه ... لا حنا عاد لقيتينا تغدينااا .. نتوما عندهااا ... ايوااا صاافي هاحنا غانلحقوا عليكم ... واخاااا ... بسلااامة ... لا لا مغاديش نتعطلوا غير تهناااي ...

قطعاات وشافت فعصام : عمتي ونادية راه عند النكاافة كايتسنااونا نلحقوا عليهم ...

عصام شاف السااعة : انا يلااه نلحق الخدمة ... غير سيرو نتومااا ...

خنساء بايجاب : واخا لي باااان ليك .... يلاه انسرين

نسرين : انا غير عفيوني غانشد طاكسي نرجع للدار عييت بلا قياس وقتلني النعااااس ... غير سيرو نتومااا ...

المهدي : ايوا يلاااه غير نوصلوووك بعداااا ...

عصام : لا صافي بلاما تعدبوا وتصدقوا راجعيين غانشد انا وياهااا طاكسي غير من هنا وعاد نيت نهز موطوري ونمشي للخدمة غير سيرو ماتخليوهمش يتسنااو ...

المهدي : واخا لي بااان ليك ...

( يلاه غايجبد الفلوس وهو ينطق عصام ): بربي مااتخلص غير سيرو ... على حسابي هاد المرة

المهدي ضحك : ههههههه والله مانقوليك لا ... يلاه اخنسااء مانخليوهم كايتسناااو كتر ...

ناضت خنسااء : بسلامة اخويااا ... باي نسرين

عصام : الله يسر .... زادو من تما وهي دور نسرين عند عصام مخرجة فيه عينيهااا : ربي مالك على حاالتك السيد بغااا يخلص الغدااا لااش حااالف لييه ... راااجينااا نقضيوا غرضوااا .. واش شايطين عليك الفلوس ...

خنزر فيها ونطق بنهضة : غاتنوضي نمشيو ولا غاتنعسي هناااا .... زيدي قبل مانصدق ملاكَيهااا معاااك وسط الناااس ....

ساااطت منرفزة ونااضت تابعااااه حتى خلص باغاا تااكل جناابهااا وشدو طاكسي متاجهيين للدار ...

مسااافة الطريق حتى كان مهدي وخنساء قدام النكااافة لي دارو معاهم يتلاقاو حداااهااا استاغلو الفرصة ودواو مع بعضياتهم فراااحة ماحسوش بالطريق بالمرة ... هبطواا وتقدموا للمحااال لي كااان كبيير ومجهز باخر ما كاااين فالديزاااين والماااريااات واللبااااسي والطيااافر وكاااع مستلزمات الاعراااس ....

كانت نادية ونصيرة كايهضروا مع مولااات المحااال ... دخلوااا ووراوتهم الموديلات لي كاينين... اختاارت اللباسي لي بغاات خنساااء وكانو هما ديجا قرروا فالعمارية والمستلزمااات عجبووهاااا وخلات داكشي لي خداااو ... دارو مع النكااافة التاريخ وعطاااوها العربون وخرجوا فرحااانين ...

نصيرة نطقاااات بايجاااز : ايوااا هاذاا مصمار وطرقناااه ... اش بان ليكم ماحدنا مجموعين نمشيو نختارو الخوااتم ....

نطقات نادية متفاجئة : كيفاش نختارو الخواااتم .... على ما بااان ليااا هما لي خاص يختارو الخواااتم بينااتهم بلا بينااا ....

نصيرة بنفي : لااااا ... رجلنا برجلهم وزايدون انا بنت خوياااا ماتصيبش تختار بلا بياا ... اولا اخنساء

خنساء تنهداات طبعاا ماتقدرش تخصر الخاطر لعمتها ... حركات راسها بايجاب : اييه اعمتي ....

نادية حسات بيها غير دايرة الخااطر ومابغاتش تزيد تحكر ...

المهدي : يلاااه باش مانزيدوش نتعطلوا كتر ...

نصيرة : اييه اوليدي بحرااا نلحقواا ....

ركبوا فلوطوو متاجهيين لعند الدهايبي لي كان قريب فين هما ... دخلوا للمحاال كاان زوين بزاااف تقدموا جهة الموديلات بترحيب مول المحااال ....

خنساء شافت فالخواتم لي حط قبالتها بحيرة : هههه هادشي كلو زوين حرت فصرااحة ....

نادية : قيسي وشوفي لي غايجي مع يدك ... بعينيك مغاديش تعرفي تختاري ...

يلاه غاتهز خنساء واحد وهي تنقز نصيرة طارت على واااحد الخاااتم عااااااامر وكبير همة وشااان ... مداتو ليهاا : هاكي قيسي هاذااا على من زيناتو ...

نادية هزات حاجبهااا ماعجبهااش بالمرة جاها عروبي وكبير على يد خنساء ولكن ماقدراااتش تهضر حتى تشوف رأيها هي ...

خنساء خداتو لبساتو فيدهااا ماعجبهااش حسات بيه تقيل ...

نصييرة حمقها : جاااك فن .... جا مع يديداتك كايهبل ...

نادية شافت خنساء ماعاجبهاش الحال وهي تنطق بنفي : انا جاني بحال الا كبير عليها شوية ومجاهاش مع يدها ... ماعرفتش قديم ...

نصيرة فهماتها عوجة على اساس باغا تكايس على ولدها حيت الخاتم باين ساوي : اويلي لااا ما كبير وااالو ... هو هاااداااك ... همة وشااان رق من هادا راااه مغايبانش كاااع ...

نادية شافت فخنساء : اش بان ليك نتي احبيبة ....

خنساء حتى هي ماقتانعاااتش : غانقيس واحد اخر ونشوف ديك الساااعة ...

نادية ابتاسمااات ونصيرة عقدات غوباشتهااا ... خنساء بقات كاتختار هي ومهدي بجوج بييهم حارو بلاا قياااس ماقدوش يرصيو فواااحد ... حتى كاتقول هاذا لي ناخد ويبان ليهااا حسن منو ...

خنساء مخاطباهم : عاونونا رااه حرنا ...

نادية شيرات لواحد فبواطة اخرى من الذهب الابيض طلبات من مول المحل يمدو ليهااا : عطيني هاداك اسيدي عفااك ...

هزو جبدوا ليهااا وهي عطاتو لخنساء تقيسو : هاكي شوفي هادا غايجيك فن ...

خنساء بلعات ريقها جنها وجن الذهب الابيض ...عزيز عليها الصفر كاتحس فيه النخوة وكاترتاح لييه .... خداتو من عندهااا لابساااه ...

نادية حمقها فيدهاا : جاااك غزااال شيييك ... اش بان ليك امهدي ...

المهدي : انا غير لي بان ليها تاخدو كلشي كايجيهااا زوين ( غمزها )

نصيرة : لا لا هاد الذهب البيض مازوينش ... انا عيني مشات على هااداك لي عطيتك فلول ... على من زيناتو وباين فاليد ... هاداااك دااير كي النقرة ماعليه لا سر لا ملح ....

نادية : هههه لا الالة نصيرة بالعكس ... الذهب البيض رااه شيك على الصفر اون بليس غلااا منو وكايبااان طخو كلاااس ...

نصيرة : لا اخيتي الذهب الصفر هو باش كبرنا كاتلبسو العروسة هادشي عاد ولاااا ... انا بعدا ماقنعنيش ...

خنساء شافت القضية غاتحمى و هي ماقتانعات بحتى واحد فيهم ... شافت فمهدي لي حتى هو حار ماعرف مايدير ... نطقات فودن نصيرة بشوية : الله يهديك اعمتي ... بلاما تعصبي ... راااه بالخاطر كايتخاااد العسل من الشهد ... مغايخرج حد من هنا خاصر ليه الخارطر غيير خليني نتكلف ...

نصيرة شافت فيهاا وسكتااات مخلياهاا تصرف ... خنساء مدات ليه هاداك وهزااات واحد اخر متوسط فيه حجيرات خفاااف لبساتو جاهااا فن ... شافت فنادية : اش بان ليك فهادااا انادية ...

نادية ماتنكرش انه عجبها واخا ماعندهاش مع الذهب الصفر ولكن حجيراتو كايلمعوا عطاوه شكل اخر : زوييين ... هاذا بعدا حسن من لاخر ...

خنساء شافت فعمتها : ونتي اعمتي كيف جاااك ؟؟،

نصيرة برضى : زوين حسن من داك البيض ...

خنساء ابتاسمااات وشارت للمهدي بمعنى رأيك حتى هو عجبوا وهي تعطيه لمول المحال يجمعوا ليهااا ...

المهدي لوقت لي هما كانو كايشوفو فالخواتم ختار هو واااحد السرتلة دياال تلاتة الدمااالج متوسطين شار لمول المحال يعطيهااا ليه : هاداكشي لي قلت ليك عافااك ...

مدهاا لييه وهو يشد لخنساء يدهااا ملبسهااا ليهااا : وهادي اختاريتها انااا الا ماعجبااتكش تقدري تبدليهااا دابا نييت ...

خنسااء خرجات عينيهااا مبتاااسمة ونطقااات : اءء .. ولكن ...

قاطعهاا : مكاين ما ولكن ... بصحتك .. كيف جاتك بعدا ؟؟،

خنساء بفرح فرنسااات : ههههه زوينة كاتحمق ... شكرااا ...

نادية صحكات : بالصحة والراحة احبيبة ...

نصيرة فرحات لبنت خوها عاجبها الحاال : تلبسيهاااا فالنفاس ان شااء الله يااربي بصحتك ...

خنساء : الله يعطيكم الصحة .. لهلا يخطيكم ...

المهدي طلب من مول المحال يجمع ليه داكشي معاهم الخاتم ديالو لي اختار حتى هو ... عطااه الفلوس كاااش ديجا ضارب حساب للذهايبي واخا خرج عليه داكشي بلالة ومالي ولكن ماشي خسارة فخنسااء ...

خرجو من تمااا وهي تنطق نادية : ايوا انصيرة حنا باقي تابعانا الكوافورة لي قلت ليك نمشيو عندهاا نرصيو معاها .... اش بان ليك نخليو الدراري يمشيو يشربو شي قهيوة بجوج ويهضروا فخاطرهم رااه عندهم شلا كلاام خاص يقولوه قبل ضريب الصداق ...

المهدي ابتاسم لماماه لي عارفة طبعوا كيف دااير اكيد غايبغي يتفااهم مع خطيبتو فامور قبل العقد ويكونوا فراحتهم ...

نصيرة قرمات حجبانها : ولايني ....

قاطعها مهدي : الا كان فيها مشكل نمشيو معااكم هااانية ...

نادية شافت فنصيرة لي حشمات منو خصوصا انه درويش ومكايخصرش ليهااا بالمرة ... تنهدات : ايه واخااا ولايني مني تساليو وصلها حتى للدار ماتعطلوش عافا اوليدي ...

المهدي ابتاسم بايجاب : كوني هانية ...

نصيرة حركات راسهااا بواخا وشافت فخنساء غير بعينيهاا فهماتهاا انهاا كاتوصيهااا بلاما تدوي .. جاوباتها بنفس الطريقة انها تكون هانية ... سلمو عليهم وركبو فلوطو متاجهين للقهوة ديالو ...

هبط مهدي قدام القهوة هو اللول وعاد هبطات خنساء ضاااحكة وفرحانة غاااطييير مقاداهااا فرحة .... تقدموا جهة القهوة وهو قرب ليهااا وشد يدهااا مشبكهااا مع يدو .. شي لي خلااهااا تبتاااسم بلا شعور وقلبهااا زدح فالتسعين حسااات براسهااا غادة تسخف ... دخلوااا للقهوة كانت ملاااك وااقفة جهة لاكيس ... مع ضااارت وهما يبانو ليهااا داخلين اليد فاليد فخبارهااا موضوع الخطبة قالتها ليهاا نادية وشبعات بكا وفقسة عاد صرطاتها ... قرماات حجباانهااا وهي كاتشوف خنسااء داااخلة بكل اناااقة وشياااكة حواايجهااا ديال الفريع ... لابسة سروال فالخزي خطييير لااصق عليهااا مع تيشورط ابيض فيه العقادي جهة الصدر ودايرة عليهاا جااكيط فالماغون مفتوج جات اصوغتي مع اللبسة وصباااط عااالي واااعر فلون صاكها الابيض ... الشعر مسبسب ضارب لخصرهااا وميكاااابهااا بروفيسيونيل ... طايتها خطييييرة وزينهااا وااخااا بلدي فيه واااحد النخوة خااصة كاتعكس شخصيتهااا ... كانت متوقعة تشوف شي وحدة بلدية ومازويناش ... ولكن تصدمات من لي قدامها .... بلعات ريقها وخدات نفس عميق مصطانعة الابتسامة وقربات جهتهم ... خنساء كانت واقفة كادقق فالقهوة مزياان وهي توقف عليهم ملااك ضاحكة غير بزز ونطقاات فوق النفس : مرحبا مرحبا بالعرسان ديالنا زارتنا البركة ...

خنساء مع الهزة دعينيها كاتبان ليها صفريطة واقفة قدامها كاتفرنس وتعوج وباينة فيها السم من عينيها ... خنزراات ودغيا قلبات المود معوجة كمارتها مخنزرة والقردة طلعات للسطح كاتعرف مزيااان البشار من وجهوااا وكاتعبر الواحد من الشوفة اللولة ...

المهدي : اهلا ملاك ... كيف غادة الخدمة ؟؟

ملااك كاطلع وتهبط فخنساء : كلشي هو هاداك امهدي ... ( مدات يدها لخنساء بمصافحة ): غالبا ااتكوني نتي هي خطيبة المهدي ....

خنساء حسات بيها عينيها ماشي خوت وباينة من الطيارة عينها فمهدي وحاملاهاااااش قلعاتهاااا ... دارت ضحكة صفرة بحال ديالها وبادلاتها المصافحة : وي انا هي خنساء مرااات المهدي المستقبلية ... ( طلعاتها باستفزاز ): وسيادتكم ؟؟

المهدي ضحك ونطق : ههه ملاك هي المساعدة ديالي فالقهوة وهي لي مكلفة بتسييرهاا ... وفنفس الوقت صديقة ديالي من ايااام الدراسة ....

خنساااء هاديك خدامة معااه فالقهوة فهمااتها ولايني ديك صديقة ديالي مادخلاتش ليها لرااسها بالمرة وماعجباتهاااش ... بردات فيها النفس باقي غاتفهم مزياان حدود هاد الصداقة وفين واصلة ولكن ماشي دابا ... نطقات بهدوءمصطنع : متشرفين ...

ملاك بسم : الشرف ليا احبيبة ... ضونك نخليكم دابا ... مني تسالي امهدي غانكون فالبيرو بغيتك فشي حاجة داكوغ ...

المهدي : من بعد وسيفطيلي ايمايل داباا مغاديش نسالي ....

حركات راسها بايجاب عاضة على شفايفها تحت ضحكة خنساء المستفزة لي من دابا مادخلاتش ليها لخاطرهااا بالمرة حسات بيهاا غير كاتنافقها ومن الفوق شوفتها لمهدي وطريقة هضرتها معااه ماعجبوهاش فخطرة .... ولكن دابا مامسالياش ليهااا حتى يدوز العرس وغاتوريهاا بلاصتها وحدودها .... دابا عندها مطرقة فراسها خاصها تفضيها ضروري مع مهدي هي اللولة ...

كلسو تمااا وطلبو قهوة وخنساء خدات كافي كريم ... نطقات بهدوء : احسن ما دارت ماماك والله كنت باغا نيت الفرصة نهضر معااك فواحد الموضوع مهم ....

المهدي ابتاسم : هههههه ياااك الالة اوا الله يسمعنا خير ... فصراحة ماما دارت مزية ...

ضحكات ليه : وايييه ... ( جاب ليهم النادل طلبهم وشكروه وزااد ) ...

المهدي بتساؤل : ايوااا شنو هاد الموضوع المهم لي محير ليا لالة خنسااء...

خنساء تنهدات بالعة ريقهااا مترددة ... هزات نفس عميييق كاتحاول تكالما وتعرف منين تبدا الهضرة : فصراحة امهدي انا مابغيتش تفهمني غلط ... ولا تاخد الموضوع بشي حساسية ...

المهدي هز حاجبو : شنو كاين شطنتيني ؟؟ ...

خنساء تشجعااات وشافت فعينيه نيشاان ناطقة بكل هدوء : احم فصرااحة .. بغيت بقعة من البقع ديااالك كمؤخر صدااق ... تكتب فالعقد ديال الزوااج ...

خنساء تنهدات بالعة ريقهااا مترددة ... هزات نفس عميييق كاتحاول تكالما وتعرف منين تبدا الهضرة : فصراحة امهدي انا مابغيتش تفهمني غلط ... ولا تاخد الموضوع بشي حساسية ...

المهدي هز حاجبو : شنو كاين شطنتيني ؟؟ ...

خنساء تشجعااات وشافت فعينيه نيشاان ناطقة بكل هدوء : احم فصرااحة .. بغيت بقعة من البقع ديااالك كمؤخر صدااق ... تكتب فالعقد ديال الزوااج ...

المهدي هز حاجبو ورمش بتتاقل : كيفااااش ؟؟؟ ... (خنزر عاقد غوباشتو ): بقعة مؤخر صداق ؟؟؟؟

خنساء هادية : مابغيتش تشوفني مادية ... انا مابغيت لا دهاز لا صداااق لا ذهب هادشي كلو مكايهمنيش وماباغاهش ... ( المهدي كايرمش فيها بعدم استيعاب ) ... انا بغيت غير نعيش مرتاااحة ومابغيتش دخل هاد الشرط وتفهمو على اساس اني مكانتيقش فيك ...انا...

قاااطعهااا خابط يدو مع الطبلة وكاارز عليها ... دور عنقو عافط على شفايفو مني شاف كلشي دار جهتو ... ونطق مغدد بشوية : واش عارفة راسك اش كاتقولي ولا لا ... انا راااه مداخلش معاااك فصفقة اخنساااء

خنساء كانت متوقعة ردة فعلو ... بلعات ريقهاا : المهدي ماتعتابرش هاذا شرط للزواج .. هاذا فقط اقتراح ... سوا وافقتي ولا موافقتيش علاقتنا مغايتغير فيهاا واالو وزواجنا غايتم ... من غير الا نتا ماعجباتكش هضرتي وبغيتي تراجع ...

المهدي ضغط على كف يدو وباين فيه معصب وماعاجباهش هضرتها بالمرة ... حاول يتكالما اولا حيت فالقهوة وتانيا مباغيش يقول شي حاجة يندم عليهاا من بعد ... خفض نبرة صوتو : الزواج اخنساااء راااه كايكون بالنية ... وهادشي لي كاتقولي نتي راه شغل الشركااات وانا مادخلش معاك فاستتمار باااش نبداااو نحطو فالتعويضاات ( حمر فيها عينو مامتقبلش كلامهاا ): هاد الهضرة لي كاتقولي راه مكادخلش العقل ... وماعندها معنى اصلااا ...

خنساء عرفاتو شعل : ولكن امهدي غير حاول تفهمني ... كيف قلت ليك راه مغاديش تكتبها ليااا ولا تعطيهااا ليااا ...ر ...ه .

قاطعها بالغوااات : لا راااه كون قلتي كتبهااا لياااا غاندوزهاااا ونعطيك بعيني مغمضين ولايني تقولي لي مؤخر صداااق ... راه لي سمع هادشي غايجي فبالو شلاااا حوااايج ... مابغيتش صراحة نفكر بشي طريقة ماهياااش ولكن راااه فغيمون هاد الهضرة مكاتقااالش .... انا راااه مغاديش نتزوج بوحدة بزز منهااا .وفارض عليهاا راسي باش من البدية تبدا تفكر فالضمانات الى طلقاات ... انا عند بالي غانتزوج كاتبغيتي وتيق فيااا وكاتبادلني نفس المشاااعر ...

خنساء الدموع غرغرو فعينيهااا عارفة راسهاا غالطة ولكن باالهااا فيه مطارق اخرين كاتفكر فيهم وجاها هاذا انسب حل بااش ترتاح نسبيا من جهتهم : نتا من حقك تفكر هاكااا ... ولكن انا راه قلت ليك هادشي ماشي شرط الا مادرتيهش غانلغي الزوااج انا غير اقتارحت عليك .... انا مانقدرش نخلييك حيت بصح غانتزوج بيك حيت انا بغييت وماواخداش الموضوع صفقة كيف يحساب لييك

المهدي شد على راسو ماعرف باش يجاوبهاا صدماتو ومكانش متوقع هادشي ... ماشي حيت ماباغيش يعطيهااا ولكن جاب ليه الله بحال الا متايقاش فييه ... هو عارف مزيان انهااا ماشي من النوع الطماااع وهادشي بااين عليهاااا ولكن المسألة لي دايرة ليه الاعصااب هي عدم تقتها فيه وبالنسبة ليه مسألة التقة ضرورية ... عارف ان كل مرأة من حقهااا تحط الشروط قبل الزواج يوافق عليها الزوج ولا لا كاتبقى مسألة تفاهم بينهم وواخا هكاااك ماعجبوش التصرف ديالها بالمرة ...

خنساء شافات فيه بالعة ريقها وحابسة دمعتها ماتنزلش مابغاتش تحطو فهاد الموقف ولكن مضطرة وماعندها حتى حل اخر ... تنهداات ونطقات : انا غانمشي دابااا نشد طاكسي وبيناتنا التلفون ...

هز عينو فيهااا كايتنهد رمات ليه الجمرة وبغااات تزيد ...نطق : تسناي نوصلك ...

بنفي : لا غير خليك غانشد طااكسي ... من الاحسن نمشي بوحدي ... بسلامة ... ( حطات يدها عليه ودوزاتها بحنااان شوية ودموعها ينزلوا وخرجات من القهوة مخليااه وراهاا هاايم وسارح فدواامة من الافكاار كل مرة واش يقول ليه راسو خربقاتو بالمعقوول ) ....

خرجات خنساء من القهوة بزربة فحال الا هربانة من راسهااا محاملااش تصرفهااا ولا شنو كادير بالمرة ... جات تلفونها مدوزة نمرة رانيا لي كانت كالسة على الجمر كاتسناها تعيط ليها ... غير شافت نمرتها وهي تجاوب بالخف : الو خنساااء

خنساء بصوت حزين : قلتها لييه ...

رانيا بفضول : وشنو ؟؟؟ .... اش قاليك ؟؟

خنساء تنهدات باسف :تعصب بزااااف ... وتصدم ... بففف

رانيا : راني قلتها ليك اصحبتي انا مافهمتش علاش درتي تصرف فحااال هاذااا اصلااا ... طبيعي غادي يتقلق ويتعصب ... الموضوع راه صعيب واكيد غايفهمك غلط

خنسااء ساطت : يااااك الالة ... ومافكرتيش الا مور الزواااج تقلب عليااا وولاو المشاااكل بينااتناا وساسني .... رااه اصحبتي انا ماشي مزوجة لاول مرة ... راااه الا رجعت مطلقة لدارنا مرة اخرى بربي مغادي يرحموني ديك السااعة علااش غادي نرجع بالسلااامة ... واش نتي مكاتسمعيييش المشاكل لي كايطراو ورا الزواج ... وزايدون هادشي راه غير فحالة هو بغا يطلقني ماشي انا لي باغا طلاااق ...

رانيا : ومالكي اختي منوية .... ونيتك ناااقصة ... ديريها فيد الله ...

خنسااء : حتى انا راه قلت ليه سوا قبل سوا لا حنا غادي نتزوجوا ...

رانيااا : انا اختي ماعرفت مانقوليك ... ماتنسايش بيلا راكي قلتي كاتبغي هاد السيد سووو خاصك تيقي فيه ....

خنسااء ضغطات على شفاايفهااا عارفاها مغاديش تفهمها حيت مافخبارها مايتعاود : بسلااامة اراانيااا ... بااي...

قطعااات وشهقاااات ببكاااء مخاطبة نفسهااا : وانا كرهت ... كرهت نرتاح بحال النااااس ... كرهت نتزوج عاااادي كووون جات علياااا نتزوج بيه بلا رياال بلا جوج .... ولكن شكون غايفهمني ... شكون غاادي يفهم اني خايفة الماااضي يرجع ينكد عليا حياااتي .... خايفة الا تفضح المستور هاد الحب مايبقاااش .... خايفة مانلقاش لي يشد بيدي الا تعرف السر لي مخبية ... ( دموعها شلاااال كاينزلوا على خدها ): تمنيت نتزوج بحال الناااس ومانهز الهم لوالو ... كرهت فيه انااااااااا هء ء هء .... ولكن الا عرف شي نهار مهدي لي وقع وعرفو دارنا وساسوني باااش غادي نهز راااسي وانا بلا دااار بلاا دواااار .... هء هء ء هء ... والا عرفني غلطت مع شي حد قبل غايتقبلني ... واش غادي يتفهم ... مانقدرش نعرف واش غانبقى بنفس النظرة فعينو ... خايفة ينسى راه بغاني شي نهااار .. علاياش غانرجع ديييك الساااعة ... حياتي بسباب غلطة عمرها بغااات تقاااد ... باقا كانخلص تمن غلطة درتها فلحظة طيش ... ( انهاارت كاتبكي متكية على الحيط فالزنقة ): هء هء غلطة ولااات بالنسبة ليا لعنة ... وعمرهااا غاتفرقني هء هء هء ... ايمتااا غاانرتااااح ياربي ايمتااااا .. هء هء ... ايمتاااا ... ( كاتشهق وتبكي منهااارة كارهة رااااسهاااا )

#بصوت_الكاتبة : عمرك تخلي شرفك ولا تخلي شي حد يضحك عليك ... كوني انسااانة واااعية وعمرك تخلي رغبتك تغلب عليك .... ماتنسااايش ولو تكوني متفتحة ان الوسط لي عايشة فيه والمجتمع لي نتي فيه مكايرحمش ... ماتنساايش ان حتى حاجة فهاد الدنيااا مكاتستاهل تخلي انسان ينعت فيك ... حيت مكاينش لي يسمح ليك على غلطة بحال هادي ولا يتقبلهاااا ... غايشوفوك ديما وحدة سمحات فشرفهااا وخلااات انسان يستاغلهااا ... غاتخسري ماضيك وحاضرك ومستقبلك ... فكري فعائلتك كيفاش غايهزو راااسهم من بعد غلط مكايفوتش دقايق ديال المتعة ... فكري فالناس لي كايبغيوك وفكري فراسك هو اللول ... ماتكونيش ضحية لنزوة ممكن تولي لعنة تنكد عليك لي بقا من حياااتك ... غاتفقدي ذاتك وتفقدي هويتك وتفقدي شخصيتك ... ومكاين لي يوقفك مني طيحي ولا يقوليك غانمد ليك يدي وانك ضحية ... غاتكوني المتهمة الرئيسية والمذنبة الوحيدة ... ماتدمريش انسانة بناوهااا عائلتك وتعبو عليهاااا وجراااو باااش يحااافظو علييهااا تحت مايسمى الحب او الرغبة ... كوني انثى بقلبك ومرأة بعقلك وفكري قبل ماتخي اي خطوة ... باش مايكونش مصيرك الهلااااك فوسط غابة عامرة بالذياااب ... حيت نهااار غاتبغي تبداي حياتك من الزيرو وتقولي غانسى لي فااات هاد الماضي مغاديش يسمح ليك وغادي يبقى ملاحقك بحال شي شبح ... عيشي وفرحي ونشطي فحدود وخلي كل حاجة لوقتهاااا ... نهار غاتكوني زوجة فالحلااال غاتمتعي وتعيشي لي بغيتي وقتماا بغييتي ونتي مرتاااحة ومخااايفاااش ... حيت كل حاجة فوقتهااا زوينة ولي سبق العصااا على الغنم كايلقى راسو غارق فحفرة مظلمة صعيب تلقى فيها النوور ...

خنساااء وصلااات للدار حاسة براااسهاا عيااانة وراسهااا قاتلها بالحريق بكترة البكااا والتخمااام والتفكييير ... غير دخلااات لبيتهااا جبداااتهااا بنعسة بحوايجها لي عليهااا ماعاودااتش هزاات الراس بالمرة ... طلات عليها نصيرة لقاتها ناعسة عرفاتهااا عياااات النهار كامل وهي ضور وخلاتها ترتاح...

المهدي دخل للدار معطل ماشي على كاانتو عندو شلااا مطاارق فراسو كايفكر فيهم واهمهم هضرة خنساااء ولي خلاااتووو حاااير وتلفااتو بالمعقول ... معارفش شنو السبب لي خلاها دير هاكااا ولا كيفاش فكرات فهادشي ... تقدم كانت نادية متكية فوسط الدار شادة التلفاازة ... ابتاسمات ليه : المهدي على سللاامتك ...

المهدي بضحكة دابلة : الله يسلمك انادية ...

نادية هزات حاجبهاا : مالك ... شفتك مغير وااش مقلقاك شي حاجة ...

المهدي بنفي : لااا غير عياان وصافي اليوم كان طويل ... بغيت غير نعس ...

نادية بتشكيك : واش طرات شي حاجة بينك وبين خنسااء ؟؟؟ ... كاين شي مشكل ؟؟

تنهد : لا مكاين والو ... مابيني وبينها حتى مشكل .. كلشي مزياان غير تهناااي .. سارة فين هي ؟؟؟

نادية حالهاا ماعجبوش : راه طلعااات لبيتهااا تقراا عندها الامتحااانااات ومابغاتش تخليهم للسيمانة ديال العرس باااش ماتلاهااش راااك عارف مابقى ليهاا والو وترجع ... وزيد المشكل لي وقع بينك وبينهااا مخليهااا تجنبك راك عاارف

المهدي طلع نفس بصوت مسموع : اااه وااخاا .. انا غانطلع نعس ... تصبحي على خيير ..

نادية : نحط ليك العشااا بعدا ؟؟؟

المهدي : لا مافياش ماعندي منين يدوز ...

حركات راسهاا بايجاااب حسات بيه ماهواااش ولكن مابغاتش تحكر عليه ... زاد من تمااا طلع لبيتو بدل عليه ... وحط راسو على المخدة لاوي يدو تحت عنقو كايشوف فالسمااا ... الليل كامل وهو كايفكر فشنو غايدير وكيفاش خاصو يتصرف فهاد الموضووع حاار بالمعقوول .... بقا على داك الحاال حتى صبح الصبااح عاااد غفاا واحد شوية ...

☀️☀️اصبحنا واصبح الملك لله... فاقت خنساء على صوت تليفونهااا كايصووني ... خصرااات كمااارتهاااا مقلوبة بالنعااس ... هزااتوو وجاوبات بلاما تشوف شكوون ... بصوت ناعس : مممم ... ااالوووو

المهدي جابت ليه الضحكة بصوتها : هههه صباح الخير النعاااسة ... باقاا ماشبعتي نعاااس ...

خنساء غير سمعاات صوتو وهي تخرج عينيهااا ووقفااات مقاادة الكلسة : اءء مهدي ... لقيتيني باقا ناعسة ...احم صباح الخير

المهدي : ايوا مزيان باش تولفي نفيقك كل صباااح من مور الزواج ...

ابتاسمااات عاضة على شنايفها : هههه ... فصرااحة ماكرهتش من غدااا ...

وسع ابتسامتو : ياااك ... ايوااا على سلامتي سمعت منك شي حاجة زوينة ... ماعرت كيف طرا اليوم

خنساء سكتات بالعة ريقها ونطقات بخوف : مهدي واش مقلق مني ؟؟؟

حك على لحيتو وجمع ابتسامتو عرفها علاش داوية : لا علاش غادي نتقلق منك ؟؟

خنساء باسى : على الهضرة لي قلت ليك البارح ...

المهدي : لا مامقلقش منك غير تهنااي .. غير هو مابغيتش ندوي على هاد الموضوع ... ياك نتي قلتي بيلا هاد الشرط مغايغير والو سوا وافقت سوا لا ضونك نساي علينا هادشي ... ( سكت ونطق بهدوء ): واخا ؟؟ ...

خنساء ابتاسمااات فهماات انه ماوافقش ومابغااتش تزيد تهضر فهادشي مرة اخرى : اااه واخااا ...

المهدي : انا بغيت دابا تركزي غير فعرسنا لي مابقا ليه وااالو ... ونساي شي لاااخر ... حنا ما بقا ليما واالو ونكونوا تحت سقف وااحد ... وفصراحة وليت نحسب السوااايع ويجيوني تقال

ضحكااات عاجبهاا الحاال : ههههههه اااه ان شاء الله ...

المهدي واقف كايقاد الكرافاط دياالو والكيت فودنو شاد معاها الستوون : اليوم داير مع عصااام باش نمشيو عند واحد الدري كانعرفوووه على قبل الديسكو للعرس وعاااد غانشوفوا شي دراري ديال الدقة المرااكشية ... وراه غانوصلو للدار غانسيفط ليك ميساااج مني نقرب عندكم باش طلي عليا من الشرجم نشوفك ...

ابتاسمات مسبلة عينيهااا منهدة : احم واخااا اسيدي ... غانطل ...

المهدي بتأكيد : نعول عليك .... سييغ ( sûr )

خنساء : صافي راني دويت معاااك ... كون هاااني ...

بقااو كايدويو بحال الا ماوقع والو بينهم الباااارح والمهدي تصرف بشكل عادي ماجبدش معاها كااع الموووضووع ... ماحسوووش بالوقت هضرو بالسواااايع عاااد قطعااات وهبطااات تفطر

اسبوع داز على ابطالنا...دخلاات نصيرة لداار مع جواايه الضهر يلاه جات من لخدمة...وقفاات بدهشة و هزاات حااجبهاا من الروينة لي كاتشوف قدام عينيهاا...داار مقلووبة سفاهاا على علااهااا...كلشي مرون...داازت لبييت لقااتو كولو مقلوب حتا هو ولماعن لي فطرو فيهم بااقين محطوطين...دازت لكوزينة وهيا تزييد توسع نضراتهاا حتا هياا مرونة بحالا عمر شقا فيهاا شي واحد و لمااعن من ديال لعشاا محطوطين فوق لاڤابو مكاين لي غسلهم....

نصيرة مخرجة عينيها من لمنضر مصدومة:يالطيف ياالطيف... شهاادشي(كرزاات على يديهاا وغوتات على حرجهدها):نسرييين....خنساااء...أفيينكم نسرين...خنساااء...أويلي..أشهااد الروااين..اشهااد لوييل...هاادو شنوو كاايديروو...(غوتاااات)نسرييين

نسرين سمعاتها كاتعيط عليهاا و هبطاات عندهاا فاقت صبااح خداات دوش وفطراات..وطلعاات نعساات تااني...ولاات كااتحس برااسهاا مرخية بلااقياااس ومبقاا عندها خاطر لشقا لي مولفة

دخلات لكوزينة شافت فيها ونطقات بهدووء: صبااح لخيير...جيتي..

نصيرة بلغواات معصبة بلمعقول: صبااح الزفت...بااقي شي صبااح داباا..نهاار قرب يدوز ونتي يلااه فايقة...

نسرين كاتسائل بنزعااج:ماالك جايا شاعلة شنو كاين...

نصيرة عاقداهم فتسعين:قرجووطتي ابنادمة بغاات تخرج..عااد سمعتيني؟؟!وجاايا بشوية عليك بحالا يلاه كاتعلمي تمشي ولاخايفة لاارض طيح بيك؟؟دايراهاا بلعااني...

نسرين بنفضة:كنت نااعسة..شنوو بغيتيني لااش معيطة ليااا؟؟!

نصيرة:هااداك النعاااس هوواا لي وليتي كااتعرفي...شهاااد الروااين؟!...(كاتشير للمكان بيديهاا)شوفي دنياا كيف داايرة...جوج عيالات كتاافهم عراااض قدهم قداااش...ومقاادين حتاا يجمعو روينهم..الله ينعل الشبااب ولا صغر ݣااع على هااد لحسااب...نااس كباارين منكم وماتشدوهمش...ونتوما مقادرينش تجمعو حتا روينتكم لي رونتو...

نسرين هزاات حاجبهااا و حاطة يديهاا على كرشهااا:واقلة نسيتي رااني حااملة...مقادااش نجمع حتاا حااجة.. وخنساء هياا لي كاتقابل الطيااب والشقاا...ودابا مع توجاد تلعرس مابقاتش كاتسالي لهادشي كاامل...شنو نقوليهاا ديريه بزز؟؟!

نصيرة(دغياا دوراتهاا ليهاا):نقوولو خنساء مقابلة طيااب ودابا مكاتساليش كاتوجد لنهاارهاا معدورة..ونتي الالة شنوو كااديري...نهااار ومطاال نااعسة شادة ناموسية بااش مااتهربش...داايرة سبة بهااد لحماالة...لكااس ماابقيتيش تغسلييه...بزااف اويلي حشمي شوية ... على هاد لحسااب مغاتسالي هااد تسع شهور وتبلزي داكشي لفكرشك حتتا ينوض فيكم دوود ...

نسرين. بعصبية:شنوو بغيتيني ندير ليكم...رااني حااملة مكاانقدر ندير واالو....الى هزيت لحااجة كاطيح لياا من يدي بدوخة...واقلة ماكتعرفيش لحمالة كيف دايرة وكيف كاترهق لوااحد..غاداوية وصاافي

نصيرة حمراات فيهاا الشوفة مغددة بلمعقوول:اييه كيف قلتي انا مكنعرفش لحمالة...حيت ربي مكاتبهااش لياا نجربهاا...ولكن كاع النااااس لي حاملين وعاشرتهم...مااديرينش هااد لحاالة كااملة لي دايرة نتي...كاتلقاايهاا حاملة تخدم فزنقة وتجي تخدم حتااا فداار...ماااشي ضل نااعسة مجبدة وشاادة كرشهااا ومخللياا دنيااا خاامجة كاتسنى فنااس يطيبو ليهاا ويجمعوو ليهااا روينتهاا وروينة رااجلهاا....لمرى فزماان كااتلقايهاا مركبة ولدهاا فضهرهاا وكرشهاا لفمهااا..تحطب وتعجن وتجمع وتصبن...أماا دااباا كولشي موفر..ولي يشقااا مكاااينش

نسرين:هدااك زماان وهداا زماان...وااش باغاني نبداا نترس عليكم هناايا ونجمع ونجفف وانا حاملة وااحلة فرووحي....

نصيرة:لااا مترسيش علينااا...نتي غير ݣلسي خلي دنياا ݣااع مكرفصة بروينتك...وقولي راني حااملة... وزيدون كون كانت فيك لفايدة وباغا تشقااي...مغاتبقايش دوري عليا هناياا طالقة شعرك كاتشالي بيه وشادة داك لكرش وتبعصصي...

نسرين مرفعة صوتهااا:وماااا منقدرش على شقااا...وااش مكااتفهمييش...رااه لوحم جااني صعيب..ربي لي عاالم بيااا...لبااب مابقيتش كاانعتبوو...زنقة مابقيش كاانشوفهاا....رااك شتيني ملي كنت صحيحة...شقاا معمروو غلبني...داار كانردهاا كااتشعل..

نصيرة:كااناا وكنتوو واادااكشي رااه دااز كاانشوفو حناا دابااا...شنوو كااديري الالة من غيير نعااس...هاالماعن فين مسيبين...هاالبيوت ݣااع مرونين...لمااعن فين فطرتو مقد حتاا واحد فيكم يجمعهم...هااضهر ودن ولغداا بااقي مدااار...لاا صابوون تصبن...لا دنياا تنقاات شكوون لي غاايدير هاادشي...شكوون

نسريين خرجاات نفس بخنقة مغمضة عينيهاا وحالاهم بنرفزة عصبااتهااا...سااطت بصوت مسمووع

نصيرة:وبقااااي تصوطي عليااا تماااك بحاال راابوز...و دييك ليد حيديهاا من فووق دييك لكرش..رااه دري مغااينقزش لعندي راااه مشدوود...سيري جمعي دااك شعر و دوزي شمري على درااعك..وجي تشقااي..برااكة من لفشووش ابنت النااس رااك زدتي فييه