الجزء 22- بنت السايب

 

اصبحنا واصبح الملك لله ... عصاام فالسطح كايدوي فالتلفون وخنساء واقفة فالدروج كاتصنط طالقة ودنيهاا مركزة معاااه

عصام : ايييه غدا ان شاء الله ... وا نتمنااو خيير اسي مهدي ... هههههه على الله ... انا مانزيدكم غير الخير ... الا تفاااهمتووو لي بقا سااهل ... لا لا الواليد كايعرفك ومغاديش يكون عندو مشكل... الله اودي

خنسااء وسعاات ابتسااامتهاا عااجبهاا الحاال كاتعض على شفاايفهاا ... غاتفرفر بالفرحة من الداااخل ...

عصام : اييه واااخااا ... صافي نتشاوفوا غدا ... حتى تسيفط ليا العنواان ... ياااودي راني دويت معااك اصحبي ... ان شاء الله يااربي ... يلااه تهلاا فرااسك

خنساااء خرجات عينيها مني سمعتو ساالا وهبطاات كااتسلت على صباااع رجلييهاا محااولة تخفف مشيتهاا لا يحصلهاا ... دخلاات لبيتها بالزربة وسدات عليهااا ...

عصام هبط فحالو لتحت لقا نسرين حاطة الفطور كلس كايفطر معااهاا

بتساؤل : خنساء مزال ناعسة ؟؟؟

نسرين كتاكل : مانعرف ليها واش انا غانبقى مقابلة خنساء واش فاقت ولا ناعسة ولا خرجات ولا دخلااات ... سوقها هادااك هااااء ...

عصام خنزر :مااال حسك صابحة شااعلة سولناااك جاوبي على قد السؤال ولا قولي معارفااش ونتي خاصك غير فيمن تشدي يا ربي السلاامة ..

هازة الحليب كاترشف منو : اااووووف بغيتيها شوفها فبيتهاا ... لاش كاتسولني انا ...

يلااه غايجاوبها وهي تدخل خنساء هازة فيها حاجبهاا : انا فقت امرات خويااا لهلا يخطيييك ....

عصام تنهد : صباح الخير خنساء ...

خنساء ابتاسمات : صباح النوور ...

عصاام : كنت نيت باغي نشوفك قبل مانمشي ... راني درت مع المهدي غدا فالعشاا نتلاقاااو ... باش نطرقوا هادشي الا فيه خير ...

خنساء بكل هدوء فراسها الخباار : اييه واخا ان شاء الله ... لي درتيها مزيانة

نسرين كاتشوف فيها باستغراب وهاد الهدوء ديالهاا والرضا ديااالهاا بعريس مكاتعرفوش مادخلش ليها بالمرة لراااسهااا ... عصام كمل فطورو وناض خرج لخدمتو ...

نسرين حطات كاسهااا وشاف فخنسااء بتشكيك : ايوا الالة العروسة مبارك ومسعوود ... واخا ماقلتي ليا وااالو حتى سمعتها من عند خوك ...

خنساء بلا مبالات : سمعتيها من عند الشخص لي سمتعها حتى انا من عندو ادن بحالي بحااالك ...

نسرين ضحكات باستهزاء : هههههه ايوااا الله ينفعنا ببراكتك راااك كاتعرفي ديري كلشي حسي مسي ماعندي مايتسالك ..

خنساء شافت فيها هازة حاجبهاا : شنو بغيتي تقولي مافهمتش ؟؟؟ ...

نسرين بابتسامة عريضة : لي بغيت نقصد هو كيفااااش خنساااء بنت السااايب توافق تزوج براجل مكاتعرفوش وماعمرها شافتو ... جاني هادشي تقليدي لااا

خنساء هزات فيها حاجبهااا وحطات كاسها فوق الطبلة بهدوء وشافت فيهااا دايرة فيها نظرات حااارة : وشنو لي جااااك غريب فالموضوع امرت خويا ؟؟

نسرين : لي جاني غريب هو انك ماشي ديال هادشي ... ونتي اخر وحدة توافق تزوج بشي حد ماعمرها عرفااااتووو ...

خنساء تنهدات بلا حول : باش مايبقاش ضارك رااسك وتنعسي فخاطرك هاد الليلة غانجاوبك ازين ديالي ... انا لدابا باقي موافقتش على الزواج ... انا وافقت نتعرف على السيد لي خويا اقتارحوا عليا لا غير

نسرين بتقة : على اساس نتي مكاتعرفيهش ؟؟؟ ... ما عمر كان بيناتكم تواصل ؟؟؟

خنساء غمضات عينيها وحلاتهم عارفة نسرين فضولية بلا قيااااس وهي كاتعجبها هاد النقطة حيت كاتستاغلهاوتخليها بلا خبار غير كاتزيد تدخل ليها الشك ومكاتبغي تأكد ليها لا يه لا لا كاتخليهااا حايرة : شوفي انسرين حتى كون كان بيناتنا كونطاكط انا ماعندي لاش نخبيه ... حيت مافيها حتى عيب السيد ناوي المعقول سووو ماعنديش لاش ننكر .. غير تهناي وماتبقايش موسوسة ... انا مادويتش معاااه غير كانتيق فخويا وعارفة بيلا كون مابانش ليه فالسيد خير مغاديش يقولها ليا اصلا .... داكشي علاش الغزالة ماتشغليش بالك معايااا ... دااكوغ ما شيغي ...

نسرين ماتاقتش بيها ابدا مخاطبة راسهااا متاكدة انها كاتعرفوا ... كاتدوي فخاطرها لاش كاتكدب وانا بودني سمعت رانيا كاتبارك ليهاا ... دارت ليها ضحكة صفرة : ايوا نتمناو خيير ... واخا راه كايقوليك زواج ليلة تدبيرو عاام ولا زربة على صلاح

خنساء عاجبهااا الشك لي دخلات فيها كاتستمتع بنقطة ضعفها : هههههه وانا كانعرف متلا اخر اصح ... كايقوليك ( ضاغطة عليها ): خير البر عااااااجله

ناضت من تما وخلااتهااا كاتغلااا متأكدة انها كاتعرفوااا ولكن ماقدراات تأكد منها فوااالووو مابغاتش تقول ليها راه سمعتكم باش ماتقولش كاتصنط على البيبان ولكن بقا فيها الحااال حيت مااخدات من عندها لا حق لا باطل غير زاادت دخلات ليها الشك ... ساطت وكملات فطورهااا غاتحماق بالتفكير والفضول كايغلي فيهااا من الداخل ....

لعشية تعاشاات ولحال ضلاام على المدينة..لمهدي كان فلبيت كاايدوي مع نادية..داير معاها ابيل ڤيديو وحداه سارة دايرة لكيت فودنهاا شادة تيل...

مهدي:ولمهم نتي حااولي ماتعطليش..باش نمشيو عند الناس فأقرب وقت...واخاا

نادية بإجاب ونبرة فرحة:صافي اولدي مايكون غير خاطرك..كون هاني مغانتعطلش...

رد عليها ضاحك:هههه نيت تجي تشوفي هادي رااه توحشااتك...لوقت كامل وهيا مصدعاني...(دور لكام لجيهت سارة)

بتاسمات وحيدات لكيت مسيفطاا ليهاا بوسة فلهوى ونطقات كاطلب فيهاا:بلييز مامي غير توصل للخر تاع لاسومين وجي...

نادية:واخاا احبيبتي واخااا...قول لويكاند نكون فداار

نطق مهدي مخاطبهاا برجاء وهو مبتاسم:ان شاء الله...لمهم رااه خو لبنت موافق...وغادي نديرو غدا وقيتة وغانتعشاو مجموعين..عارض عليهم بااش هاكا نتعارفوو كتر....

سارة كانت كاتسمع بهتماام وبدات كادور عينيها بتشيطين

نادية:اييه مزيياان مافيهاا عيب...الله يسر

مهدي:امين...يلاه بسلامة علييك وسلمي بزاف على خاالتي...

نادية:موبلاغ أولدي...بسلاامة عليك...

قطع الخط وساارة ناضت مقربة لعندو...بإبتسامة:فليسيتاسيو مرة اخرى...واخيرا قررتي تزوج وتعيش حياتك تاني..فرحت ليك بزااااف بزااف

مهدي جبد حنكهاا:مرسي البوݣوصة ديالي..الله يخليك ليااا...

قالت كاتساؤل:هياا غدا عارض على الزوجة المستقبلية لعشااا؟!...

مهدي خربق ليهاا شعرهاا كايضحك: عاارض عليهاا هيااا وخووها... مااشي بوحدهاا...(كمل بتدكر)اجي... نتي غاتبقاي غير بوحدك فداار...يلاه معايا..ياك كنتي بغيتي تعرفي عليهاا...وهاهياا لفرصة...

سارة سكتات تواني...مع راسها قالت بيما انه غاادي معروض محاال يعكس ليهاا...

عوجات شفايفهابتبوحيط:مااكرهتش...ولكن هانتا تشوف إنفوا تسالي لعطلة عندي لمتحانات..تقول حالفينهاا فيناا مامخلينااش ݣااع نرتااحو...(تشجعات وكملات)نيت كنت بغيت نقوليك بلي غدا دايرة مع صاحبتي فدارهم باش نبريباريو مجموعين الى بغيتي طبعاً

مهدي بإجاز:شكوون هااد صاحبتك فيهم؟!

سارة:دعااء.. راك كاتعرفهاا زعماا...

مهدي سكت شوية وعاد دكرهاا :اااه هاديك لي دايرة لبريسينݣ تحت حاجبهااا.. جات عندك ديك لخطرة..وي وي عقلت عليها...

ساارة:وي هاااديك...

مهدي:وصافي سيري حفضي معاها فصباح...وفلعشية جي ونمشيو.. فين كاين لمشكل؟؟!

سارة بلعات ريقهاا وجاوباتو بتلعتم:لااا رااه غانبدااو لحفاضة حتاا لعشية(كملات باغة تبتو كتر)حيت جربناا..ملي كانحفضو من ستة تاع لعشية لفوق كانبريباريو لوماكس...باغ كونطخ الى حفضنا فصبااح..(خسرات ملاميحهاا)كايجيك لعيااا وداكشي كتيصعاب وكايولي معقد... ومكانقدرووش...

بقاا كايشوف فيهاا بستغرااب...وهيا رمشات ببراءة ونطقات بنبرة رقيقة كاتبحلس:يااك سيباݣغاف عندك الى (بصوت شوية خافت) مشيت بليل...

مهدي من طبعو مكايبغيش يقلقهاا..عزيزة عليه بزاف لدرجة مكاتخيلش.. و مكايبغيش يخسر ليهاا الخاطر ...وبلخصوص الى تعلق لأمر بقرايتها...

نطق بٱجاب:صافي واخاا...سييري...مي بشرط

بتاسمات وقلبهاا ضرب بفرحة مي كالمات راسهاا مبغااتش تبين...(حركات ليه راسها بمعنى شنو)

مهدي:ملي تسااليو غاتسنايني حتا نجي لعندك ونجيبك لداار..مغاترجعيش بوحدك فليل..(يلاه غاتهضر وهوا يقاطعهاا بصراامة)وجاااامي واش نخليك تباتي عندهاا...واخاا

سارة معندهاش مشكل..لأهم هيا غاتحضر لحفلة..وهوا مغايجي حتا تكون سالاات...لقاتهاا مسلكاهاا

بتاسمات ناطقة بإجاز:صافي كليغ...ملي تسالي جي...انا غانسيفط ليك لوكاليساسيو تاع دارهم فلواتسااب...

مهدي:أوكي..واخا صراحة كنت بغيتك تشوفي خنساء...

سارة:عرفتي متشوقة نشوفهاا ونتعرف عليهاا...(حدراات راسهاا بأسى مصطنع) هانتا تشوف...معندي زهر...مرة أخرى

مهدي:ماشي مشكل قرايتك هيا اللولة...مزال يجي لوقت وتعرفي عليهاا(ناض وقف)يلاه بونوي انا غانطلع دابا النعس..وماتسهيرش تاني....شوية وسيري تنعسي حتاا نتي...

حركات لييه بواخا..وبقات متبعة ليه لعين حتاا اختفى على انضارهاا...وبتساامة عرييضة ترسماات على ملاميحهاا...غاادي الطير بالفرحة... ديك ساعة بلا ماتفكر جوج تلمرات... صيفطاات ميساج لدعاء علماتهاا بلي غااتجي....

سارة كانت فببتها قبالة لمراية كاترش عطر من عطورهاا على عنقهاا كادير أخر اللمسات باش تكون جاهزة للحفلة لي غاتمشي ليهاا...لبسات كسيورة سميطات فنوااغ لاصقة عليهاا مما خلا لطاي ديالها تباان مقادة ومتيرة....هزات فيست فنفس اللون ولبساتهاا فوقهاا على حساب لبرد..باغا حتا توصل وتحيدهااا....دارت ميكااب لوجهاا مجبدة عويناتها على شكل قطة بلأيلاينر و مكتفة رموشهاا بمسكارة باش تزيد تبان عينيها مسحوبة...خدماات وجهاا مزياان وحددات ملاميحو بلكونتوغينݣ...ودارت عكر حمر على شفايفهاا مطبقاه بعناية....كتافات بحلقات فودنهاا وساعة يدوية ماركة ممتازة فيديهاا ....وشعرهاا بقاا كيرلي كيف لعادة...لبسات صباط طاالون عاالي فنفس لون اللبسة....هزات بوشيط صغيرة..دارت فيهاا تيل ديالهاا وعكر باش الى تمسح تعاودو...هزات الساشي لي فيه الكادو ليغادي تدي لدعااء...سالات وهبطاات تخرج فحالهاا..مكان حتا واحد فدار من غيرهاا...خرجات وتمشات دقائق حتا لشاريع الرئيسي...وخدات طاكسي متاجهة للحفلة...

فحي من الأحياء الهاي كلاص فمدينة القنيطرة....هبطاات سارة من الطاكسي كاتمختر فلمشية...الضلام بداا كاايطيح...مع وقفات قدام باب لڤيلا...وهيااا تسمع لموسيقى واصلة حتا لعندهاا...بتاسمات بخفوت عرفات لقضية زاهية لدااخل....حلات لبوشيط لي هازة وهزات منهاا التيل..كاتصوني لدعااء حيت عاارفة مغاتسمعش سرساار...

ساارة:وااخرجي عندي اصحبتي راني قداام لبااب...

تواني حتاا حلااات عليهاا دعااء بإبتسامة على وجهاا...لابسة غووب قصيرة مع صباط طالون...ودايرة مكيااج صاارخ ولبيرسينݣ الفضي لي مزينة بيه تحت حاجبهاا ولعݣر ليفلبوردو زاد خلااه يكون متير أكتر...

دعااء طارت عليهاا معنقهاا:اووو ماشيغي..كنت عارفااك غاادي تجي...

سارة:مي بيانسوغ نجي...لانيڤ ديال صاحبتي لأنتيم ومانجييش..صافا باا،؟!

دعااء شداات فيديهاا:اخلييك ليلي..

سارة مدات ليها سااشي:هااكي هادا ديالك...جيسبيغ يعجبك...

ردت عليهاا فرحاانة:اووو ميغسي الحب....رااك نتي هيااا لكادو الى جيتي عندي...يلاه دخلي...(غمزااتها تاضحك)جوسوي سووغ غادي يعجبك لحااال

دخلو لدااخل ولموسيقى محدك كااتقرب للداخل تلڤيلا وهيا غادة كاتجبد فمسااميع ساارة...لي يلااه غادخل وهياا تهز حاجبهاا بستغرااب كااتعجب...

كاايباانو ليهاا ضواو خافتين..وتريات كايطلقو اشعة ملونة ولموسيقى مجهدة...ونااس محيحة لدااخل كلشي ناايض كاايشطح...ولغريب فلأمر..انا كل بنت شااد فيهاا دري كاتشطح معااه وتكركر...بنادم محيح ومقصر بلمزياان عاايش لااڤي ناسيين لعالم بلي فييه...لبيفي كاان محطوط..عاامر بكل مكاتشهاه النفس من حلويات..ولمكسراات..ولمملحاات بلانوااع ولعوااصير...ولݣااطو ديال لانيڤ محطووط قدو قدااش طخواطااج من لفوق حااطين تصويرة صغيرة تاع دعااء فوق منو...وشكوون لي كاان مسوق لدااكشي بناادم ملهي مع نشااط..الطايح كتر من نايض فلحفلة...

سارة خنزرات وشافت فدعااء كاتحااول ترفع صوتهاا بااش تسمعهاا:يااك قلتي لياا غايكونو غير لبناات....ساعة نتي دايرة صواغي ميكس...(صغرات فيهاا عينيهاا)كدبتي عليا ادعاء ولا غاجاب ليا الله؟؟!

دعااء:وحتاا نتي راه كانو غير لبناات..غير هياا كل وحدة فيهم جايبة صاحبهاا يقصر معاهاا..وشنو نجري علييهم...امبليييس ابب راه غير حفلة عاادية مافيهاا والو...

سارة خرجاات عينيهاا:نتي دايرة لانيڤ مطرطق كانشوف فيه بعينياا وكاتقولي لي حفلة عادية....(دارت بغاات تمشي فحالهاا معاجبهااش لحاال كانت معولة على حاجة وصدقات فحاجة اخرى)

دعااء بخطواات متسارعة شدااتها:سااارة حراام عليك...جيتي حتاا لهناا وغاتمشي...والى كانو دراري اشنو لمشكل عندك...ماتكونيش معقدة أصحبتي...

سارة بزعااج كبيير:دعاااء راني كادبة على خوياا باش نجي عارفة شناهياا كادبة علييه...الى ساق لياا لخباار غايدير لياا الطيارة ديال بصح ويندمني... داباا الى جا لهناا باش يجيبني وشافهم خاارجين من لڤيلا؟... باينة كحاالت علياا بلبياان...

دعاء:وحتا نتي راه مغايتعطلوش غادي يخرجو دابااا قبل مايجي يجيبك...الوغ غير تهنااي مغايلقاهمش...وصاافي اصاحبتي غير دخلي عفااك...مااتكونيش معقدة...شتي هاادشي كاامل لي حاضر مساوي عندي والو قدامك...انا بغيتك نتي لي تكوني معايا فلانيڤ دياالي اما هما ݣاعمة هاميني...وعفاااااك...

ساارة بقاات واقفة للحضات...مقادرااش تخسر ليهااا...ملقااتش حل أخر الى دير ليها خاطرهاا وتحضر معاها للحفلة ديالهاا...

بتاسماات سارة ونطقات بإجاب كاتمشى:داااكوغ...غاادي نبقا...

ضحكاات وجراتهاا مدخلاهاا بزربة خايفاها ترجع فهضرتهاا...مشاات دعااء لعند الديدجي لي جايبة يزهي ليهاا الشغل وطلباات منوو يزيد يعلي لموسيقى كتر وكثر...ساارة عجبهاا لحاال شحاال هادي ماحضراات لشي حفلة زااهية بدااك الشكل....حيدات لافيست ديالهاا ودعااء جات لعندهاا جاراهاا لجيهت فين كانو كايشطحو الللبنات والدراري لي حاضرين...وبداات كااتشطح معااهاا ويررددو مع لأغنية ليخدامة...كلشي كايتمايل ويحيح مرجعين ديك لڤيلا بحال شي ديسكو...ماعلى بالهمش....

هبطات خنساء من الطاكسي لابسة بحلة انيقة ... سروال دجين اسود مع تيشورط فنفس اللون مع جاكيط مزوقة بالالوااان مزخرفة وصاك فالاخضر ... ميكياجهااا ليلي خادمة عينيهااا مزياااان ... بانت بومبا خصوصا انهااا بالعصري كاتبان بحلة اخرى وكاريزما اخرى ...

عصاام تقدم سابقهاا لباب الريسطو لي كاان راقي وكاالم فسونطر فيل ... ديزااين بسيط وزوين فنفس الوقت ...

عصام دار جهتها مطلعها ومهبطها مخنزر : مافهمتش هاد اللباس واش ديال هاد للمناسبة ؟؟

خنساء تنهدات : الله يهديك اعصام راااه مغاديش نجي بتكشيطة ... ليل هاذا والبرد شنو بغيتيني نلبس متلااا ؟؟..

عصام تنهد : ايوااا تبتي وبلاش ديك القفوزية بلا فايدة مانحتاجش نوصيييك ...

خنساء : دابا غاندخلوا ولا نرجعوا اعصااام ... صافي راني بعقلي ...

عصام بايجاب : هاحنا غانشوفوا يلاااه ...

تقدمووا الفوق فين داير معاااه ... كان مهدي كالس بتيشورط اسود وسروال وكويرة فنفس اللون تقول متافقين عليه .... شافهم طاالعين وابتااسم وقف بلباقة : اهلا عصام ...

عصام بسلام رجولي : مساء الخير مهدي ... لاباس عليك ...

خنساء ورااه ضاحكة عاجبهاا الحااال غاطير بالفرحة ... غمزات مهدي بلاما يرد عصااام البال وهو ضحك ليها بفهم

المهدي : الحمد لله ... ( مد يدو لخنساء لي بادلاتو المصافحة مبتاسمة ونطق ): اهلا خنسااء ... فرحت مني شفتك مرة اخرى ...

خنساء : شكرااا ... تشرفت بمعرفتك ( جمعات يدها عندهاا وهي كاتشوف فعصام لي مترقبهم بعينيه ) ...

المهدي : تفضلوا ... ( قرب لجهة خنساء وجر ليها الكرسي وهي حشماانة من خوهااا لي هاز حاجبو وكايشوف فالبريستيج ديال سي مهدي وكيفااش كايبان جنتلمااان .... حرك راسو بلا حول وكلس )

المهدي رجع لبلاصتو : ياكما تعدبتو باش تلقاو لوكاليزاسيون ...

عصام : لا لا بالعكس بلاصة بااينة ...

المهدي : ايوا مزيان .... ( خاطب خنساء لي كالسة هادئة مامتوترة ما والو بالعكس اليز) : خنساء لاباس عليك كلشي مزياان ؟؟

بايجاب دايرة فيها مولات العقل والتباتة والادب : الحمد لله يسول فيك الخير ... ونتا ؟؟

المهدي : الحمد لله لهلا يخطيك ... ايوا اعصام كيف دايرة المادام ... علاش ماجبتيهاش نتعرفوا عليها ؟؟

عصام : ههههه عيانة شوية عليها ما جاااتش والا مكانتش غاتفلت هاد الفرصة هههههههه ...

المهدي : ههههههه ايوا الله يجيب ليها الشفاا ... ( هز الموني ): ضونك ناخدو شي حاجة ...

خنسااء كاتشوف فيه عاضة على شفايفها وقلبها كايضرب فالتسعييين ... سهات فييه مرة اخرى وهو كايهضر ... هز فيها عينو وهو يبتاسم عاد وعات على راسها وعصام كايتفرج فيهم كايشوف الاعجاب واضح على عينيهم بجوج ... ابتاسم جنب برضى و كمل اختيارو للعشا ... قررو شنو غايااخد كل وااحد وطلبوووه ومهدي كايدوي وكايحاااول يدخل معاهم حتى خنساء فالحديت بااش ترتاح من ناحية عصااام عارفهاا غاتكون حشمانة من خووهااا ... حتى انساجمات معاهم فالحديت بشكل عادي وحتى عصاام جابهاا اصلا غير باش يدويو ويحاولو يعرفوا بعضياتهم كتر

عصام كياكل : ايوا امهدي كيف غادة القهوة والامور محركة شوية ؟؟

المهدي : اونجينيغاال صافا ... مي راك عاارفني مكانرصيش فحاجة وحدة ... دوك البقع لي كانستافدو منهم كانبيع ونبني فيهم وكناخد الرباااح رااك عاارف الوقت صعاابت دابااا والا بقيت معتامد غير على القهوة بوحدهااا كل مرة مدخولهااا ...

عصام : اااه نسيت نتا من السولالين ههههه ... نتومااا هما السكان الاصليين ديال قنيطرة ...

المهدي : ههههههه ماشي كاااع هكاك .. ولكن راك عارف الدولة كاتعوض سكان المنطقة الاصليين وهادشي كايبقى متوارت ... ولكن راااه غادي وكايقل بحكم المسااحة غادة وكاتقااضااا المهم حنااا كانستاغلواا هاادشي ودرنا بيه رااس الماال والحمد لله كلشي غادي مزيان ...

خنساء بتسااؤل : اااه ضوونك نتاا من لي كايستافدو فالارض ديال ولاد اوجييه ياااك ... واخا مساكنش تما ؟

المهدي : وي ... المسألة ماشي قضية سكنة ولكن مسألة اصول وصافي يعني غيير ناس المنطقة الاصليين لي كايستافدو من هاد التعويض ... سواء ببقع ارضية ولا فلوس وهادشي مرة ولا جوج فالعااام ...

خنسااء : سي فهمتك ... ديجا سمعت بهاد المسألة ... الله يسر ...

المهدي : اميين ... ونتي اخنسااء علاش ماكملتيش قرايتك ... على ما قال ليا عصاام حبستي فالبااك ...

عصاام ضحك : بغيتي تقول سكناات فالبااك ... كسووولة هههههه

خنساء ميقات فيه : بااز هههه ... فصرااحة مكانتش القراية داخلة ليا لباالي ... داكشي علاش ماكملتش ...

المهدي : ههههه هانية الواحد غير يكون متقف فكرياا اماا القرااية كايكونوا قاريين وفدماغهم زيرو .. طبعاا هادشي مكايعنيش انني ضد القراية بالعكس الا كانت عند الانسان الرغبة مكاين حسن منها ...

عصاام : شنو دارت ساارة ... انا يمكن اخر مرة شفتها كانت فليسي ولا فالجامعة والله ماعقلت بالضبط ...

المهدي : كاتقرا فمدرسة المهندسين فالمحمدية عندها العاام التااالت دابااا ...

عصاام : اووو تباارك الله ... الله يسر ليها ...

خنساء كاتحاول تكون متبتة كيف قالها خووهاا مابغاتش تمشي تسمع منو الهضرة ... كاتدوي غير بالقياس والميزاان

عصاام كمل طبسيلو ووقف مبتاسم : انا غادي نمشي للحمام ونخرج على برا ندوز واحد المكالمة واخا ...

المهدي ابتاسم ليه فهم انه بغا يخليهم بوحدهم شوية ... زاد عصااام وخنساء دارت جهتو حتى بان ليها هبط وهي تفرنس لمهدي ...

المهدي حط يدو فوق يدهاا مبتاسم مفيكسي فيها عينو : توحشتك ...

خنساء عضات على قنوفتها وهربات يدها خايفة يجي خوها : حماقيتي دابا يجي ...

المهدي ضحك : ههههه هو راه مشا باش نبقاو شوية بجوج فنظرك غادي دابا الله يهديك ... ايوا ها مصمار خوك فكيناااه بقا لينا بااا العربي....

خنساء : غير تهنا با كايدير بكلام عصام ...

المهدي : ايوا مزيااان ... حتى انا الواليدة دويت معاها تجي وان شاء الله ندوزو عندكم للدار ...

ضحكااات عينيها لامعيين : ان شااء الله ...

المهدي غمزها : اش بان ليك نديرو خطبة وعرس فدقة بلاما نبدقاو معطلين

خنساء خرجات عينيها : هاااء تااا ماالك زربااان ... وزايدون حتى يتلاقاو العائلات ونتفاهمو ديك الساااعة ... صبر دقة دقة

المهدي بنظرات اعجاب كبير : علاش لي عندو هاد الزين يقدر يصبر ... انا فصراحة وبلا كدوب بغيت غير ايمتا نفاريو هادشي ...

خنساء عضات على قنوفتها وقلبهااا ضرب فالتسعييين ... كاتبغي طير بفرحة مني كاتسمع هضرتو الحلوة : خلااص ... راه غادي تفضحنا مع عصاام ...

المهدي : ايوا نتي لي نهار على نهار كاتزيدي تزياني كتر ... كل مرة كانشوفك كاتجي زوينة على لي قبل منو ...

خنساء بعجرفة قادات خصلات شعرها : وباقي غاتصدم اسي مهدي .... غير وجد رااااسك ههههه ....

المهدي ضحك كاتعجبو تقتها فنفسهااا وكيفاش كاتجاوبوا على كلاااامووو ... عندها طريقة خاصة فالكلااام والرد ...

عصاام طلع وخنساء شافتو بعدات وقادااات الكلسة كيف كااانت بلاماا تبين ...

المهدي مخاطبوا : بما انك جيتي ناااخدو ناخدو شي ديسير ...

عصام : داكووغ ... طلبواا الدييسير وخنساء واخا الببرد خدااات كلااااص كاتبرد بيه العافية لي شعلها ليها مهدي فقلبههاا بهضرتوو ... بقاااو مجمعيين مستمتعيين بوقتهم

جواايه ديك 11 تاع لييل...صقيل كان فالزنقة مكايتسمع غير صوت الموسيقى الصااخب هوا بوحدو...لحيحة ناايضة ولبيبان كايضربو..وصوت الضحك تاع درااري كايتمسع منين ومنين...لهراااج وصدااع تااع بصح..قرباله وخلااص منوضينهاا وسط لڤيلا...وااحد من جيراان كبير شوية فلعمر..من طبعوو عصبي ومكايحملش الصداااع...شد التقاعد قبل لوقت غبااش يرتااح ويترولاكسا مع راسوو... خرج من لڤيلا ديالو و ديريكت مشاا مغوووبش لعند لعسااس ديال المنطقة...قرب لعندو ونطق بغضب شديد:اااسي اااسي اشهااد سكونداار منوضين لنياا هاادو هناياا...يااك لااباس..وااش مغانعسووش...

رد عليه بتفسير:وهانتا تشوف اسيدي..وهضرت معااهم غير ينقصو شوية من الصوت راه جيران غايجيو يتشكااو..ووالو..معامن تهضر...مهامهش..

جاوبوو بلغوااات:مكااينش ينقصوو من الصدااع...رااه خااصهم يفضيو عليناا من هااد لمهزلة...وااش كايسحابو ريوسهم سااكنين غير بحدهم...

بااقي كاايهضر حتاا وقفاات واحد الرونج بيضة ديال واحد من جيران قبالت لڤيلا ليفجنبهم...هبط فيهاا راجل مع مرااتو..كانو معشيين على بررى.. شاار للمرتو بااش تدخل ومشاا لعندو سلم عليه بحكم كاايعرفوو...

ونطق كايتساؤل:اشهااد ااصداعاات يالطيف...واش كااينة شي حفلة فزنقة وحنا مفخبارناا والو...

رد عليه الجاار بنفعاال:تا اشمن حفلة؟؟!...هاادي رااه لحيحة لي نايضة هنايا...ممخلينيا حتااا نرتاحو فخااطرناا...تخيل بنتي بايتة عندي ليووم...حفيدي مقدرش ينعس مخلاوهش بصداعهم...كل مرة يقفز ويشد فيهاا ويغوت "مااماا مااماا" لاا لاا هاادشي بزااف

جاوبو هااز حاجبو:علااه فين مشا جمال الدين ونجلاء؟؟!...بااينة مكاينينش فلڤيلا حيت مكانوش غايقبلو بهادشي... هاادي ماتكون غير بنتهم لي جاامعة صحاابهاا ومقصرين...

جاوبو لعساس: ساافرو أسيدي سيمانة لي فااتت مزال مجااو...

رد عليه دااك الجااار كاايغوت:هماااا ساافرو ودابا راهم مرتاحين مع روسهم....وحناا مخلين ليناا بنتهم هناياا مصدعاانة

نطق داك الراجل كايشوف فجيهت لڤيلا ويتعجب:تاا شوف الضواو لي خارجين من لفييلا...هادي رااه ولاات دييسكوو...ااو سي طخوو...لا لا هادو بانو لياا عااد زهااو بلمعقوول...باينة هادشي ديالهم غادي يطول..محال يحبسو حتاا يصبح لحاال...(دور الشوفة لجيهتو)خاصناا شي حل...

جابو متساؤل بهتماام:واش غانديرو؟!!

_نعيطو لبوليس يجيو يجمعو عليناا هااد لبازاار...الى واليديهاا مقادروش يربيوهاا...رااه لمخزن قاادر يعاود ليهاا ترابي ويفوتهاا لهييه....

بدوون ترردد هز داك الجار تيل من جيبو ونطق وهوا كايدوز النمرة:هياا لي متعااودش...يجيو داابا يفرتكو عليناا هااد الجوقة...مزيااان تبارك الله....شبعوو خبز؟؟!....انا غانصيفط لبشاار فين يتݣلاصااا...

خنساء كالسة كتاكل فالكلاااس ديااالهاا كاتلذذ فيه مساخياش بالكلسة تساالي .. والمهدي مراقبها كتاكل بنظرات كلهااا اعجاااب ...

عصام شاف فيها باقة كاتكسول على داك الكلااص بالمهل عليها وهو ينطق مقفزها : ااااخنساااء غاانباتو هنااا ؟؟

خنساااء حطات يدها على قلبها : اوووف قفزتيني اه...ااا ( قطعاتها شافت فمهدي لي ضحك ونطقاات مخفضة صوتها مباغاش تبين عيبها ): واااخاا يلاااه ...

المهدي : باقي الحااال اصحبي مالك مزروب ...

عصام هز فيه حاجبو : الحال مابقاش ولايني نتا لي بانت ليا عجباتك الجمااعة ( غمزو) ...

المهدي ضحك : مغاديش نكدب عليك ماسخييتش ههههه ( عصام صغر فيه عينو وهو يفهم ): احم ماسخيتش بيك اعصااام ...

عصاام جاب ليه الضحكة : خهههه الله يكبر بييك واخا عارفاك غير دايرني طريق

خنساء فهماتهم وحنات راسهااا حشماااانة زعماااا ضااحكة حتى بانت ليها ضرسة العقل ... المهدي يلااااه غادي يجاوبو وهو يصوني ليه التلفون ... جبدوا ماعرفش النمرة وجاوب بهدوء : الووو ....( خرج عينو مصدووووم مرفع نبرة صوتوووو ): كيفااااش .... مااااافهمتش .... الكوميسااارية .... ( قرم حجبااانووو بعصبية قفزهم ماعرفوا باااش تبلااااو ومافهمو وااالو متبعينووو حركاااتوو منداااهشين كايشوفوا فبعضياتهم ) : .... انااا جاااي ... نووو دااباا دااكوغ اسيدي ...

ساااط جمع الوقفة خاشي تليفونو فجيبووو والانزعاااج ضاااهر على وجهواا لي ولاا كلوو حمر بالاعصااب ... شاف فيهم ونطق باعتدار : سمحو ليا خاصني نمشي ضروري ...

عصاام بتسااؤل : ياااك لاااباااس اش واااقع ؟؟؟

تنهد ماعرف مايقول : حتى انا ماعرفتش ... عيطو ليا من الكوميسارية وقالو ليا راه ختك عندنا مافهمت وااالو ... خاصني ضروري نمشي نعرف اش واااقع ...

خنساء بلاما تشعر : ولكن كيفااش فالكوميسارية وعلااش ؟؟؟؟ ...

عصام نهض فيها : راه قاليك معااارفش .... عاااد غاايشوووف ...

المهدي حرك راسو بايجاب واستأذن خاارج وخنساااء داارت عند عصااام : اويلي واااش غااادي تخلييه يمشي بووحدووو ...

عصاام قرم حجبااانوو : علاش بالسلامة انا غانوصلوا ...

خنسااء : واااش اخووياا السيد ماعرفنا ختو ميتة ولا حية ولا واقعة ليها شي مصيبة ونخليوه ونزيدو راااه عيييب ...( بعتاااب مقادراش تخلي مهدي بوحدو راسها غايبقى مشطون معاه ): غادي نديرو معاه قلة الصواب من دابا ....

عصااام : انا على ما بااان ليا نتي لي تفافيتي من دااابااا ...

خنسااء برجاء : اخويااا الله يهديك هاداااك راااه صااحبك اولااا ... وعيب وعاار تخلييه غادي هاااكة بوحدو مضهشر ماعرفتي الدنيا والزمااان هاادي وراااه كايقوليك الصدييق وقت الضيق واااش اناا غانوريك الصواااب ...

عصااام ساااط دخلااات ليه الوسواااس بهضرتها وفيقات ليه الضمير : زيدي قداااامي ... الله يخرج هاد الليلة على خيير ... انا عارف راه طريقك عوج

تبعواا كايجريي لقااه يلاااه خلص زربااان وغادي يركب فلوطو وقفواا بعجاالة : مهدي تسنى نمشييو معااك ماتمشييش بووحدك ....

المهدي : بلاما تعدبو راسكم ... مابغيتش نمحنكم معاايااا ...

خنساااء : لا مكاين حتى عداااب الله اودي ...( خرج فيهااا عصااام عينو وهي تفافا نطقاات بتلعتم ): اولاا اخويااا ...

عصااام سااط بعدم رضا : لا امهدي مايمكنش تمشي بوحدك ... ضروري نمشيو معاك مغاديش نتهناااو ...

المهدي بشكر : واخااا شكرااا ...

عصاام ركب حكاااه القدااام وخنساااء تبعااتهم راكبة اللور كاتدوي فخااطرهاا : ياااربي وعلى زهر وعلى ميمون عندي .... حتى عشااا فخااطري مااكملتووو ...( تنهدااات ): لا بااااينة مني بدااات بالكوميسااارية موحااااال وااش غانركب فالعمااارية ...

سداات الباااب ومهدي صاااك اللون مخطوف فوجهووااا وعروووقوااا باارزبن جهة عنقووو باينة طالعة لييه بالبيااان ... ديماارااا وكسيييراا متااجه للكوميساارية لي قاال ليه البوليسي ...

دخل مهدي لكوميساارية مرفووع مكاينش فهااد لعاالم... خنساء وعصاام كانو تابعينو تاابعيني من للوور بخطواات متسارعة...تقدم مهدي لجيهة البوليسي لي فلاغيسيبسيو... كايحس براسو معصب وفنفس لوقت خايف على ختو لوحيدة لاتكون داارت شي حاجة خطيرة هياا لي تشداات على قبلهاا...قااليه مهدي علااش جااي لتما..نعت ليه لبوليسي الإتجااه تااع مكتب تاع الضابط لي مكلف....مشاا لعندوو لقاا بوليسي أخر واقف عند لمكتب...عطاه اسمو وقااليه يتسنااا...مسح مهدي على وجهوو بنرفزة وزير على قبضة يديه كايتسنى على جمرة....خنساء بقات مراقباه فصمت وكاتنهد فخاطرهاا عليه...قرب لعندو عصام وحط يديه على كتفو ونطق بنبرتو الرجوليه الهادئة:ان شاء الله الأمور ديالهاا غاتكون ميسرة وحتا حاجة خايبة لي غاتخلي ضوسيهاا يتوسخ مغاتكوون...تفائل بلخير وماتشطنش....

حرك ليه مهدي راسو بلإجاب ونطق بإجاز:نتمناااو...

خرج عندو داك البوليسي وأمرو بااش يدخل لعند الضابط....

دخل عندو مهدي وسد عليهم لبااب...كاان الضابط خااشي رااسو فواحد الملف كايقرى فيه...هز فيه لعين ونطق متسائل بنبرة رسمية:نتاا هوا مهدي فتحي؟؟!

مهدي من طبيعتو معندوش مع لبوليس...كايجيو زايدين نغزة..حاسبين راسهم معرفت شنو..جاوبو بهدوء:وي هوا اناا...

الضابط:عطيني لكارط ناسيونال تاعك...

مهدي دار يديه فجيبو خرج بزطامو حلو...وجبد منو لكاارط ناسيونال تاعو وقرب مادهاا ليه...الضابط تحقق وتأكد من الهوية ديالو...وشاار ليه باش يݣلس فلكورسي لي مقابل معاه..نطق مهدي كايتسائل:بغيت نعرف شنو دارت ختي حتاا جبتوها لهناا؟؟!

الضابط سكت تواني حتا قيد بعض لمعلومات لي فلكارط تاع مهدي فواحد الورقة ونطق بهدوء:مجبنااش غير ختك بوحدهاا...جبناهاا هياا وواحد الرباعة ديال لبنات ولولاد...

مهدي ومعالم الدهشه على ملاميحو:ولكن شنوو داارو مافهمتش؟!

الضابط:كاانو مقصرين ولا تقدر تقوول محيحين...دايرين حفلة بيناتهم فواحد لفيلا...صدعو الجيران ومخلاوهمش يرتاحو...وهماا لي تشكااو منهم...وداكشي علااش عتاقلنااهم و جبناهم لهنا...حيت هاادشي رااه ممنوع...ومن حق اي مواطن يبلغ على لإزعااج...

مهدي خدا نفس معمق وحبسو فداخل ديالو...نسبيا رتااح حيت مكاينااش شي حاجة خطيرة...ومن جيهة اخرى لغدايد بداو كايطلعو منو...وهو كايتفكر بلي سارة قالت ليه غادا تبريباري مع صاحبهاا مدكرات لا حفلة لا واالو...بدم باارد كدباات عليه...ومشات مقصرة فلوقت لي هو عند باالو كاتحفض....

خرج نفسو بمهل محااول يهدن راسو بأي طريقة ويبقاا تابت:بوون..دابا اسيادة الضابط شنو لمعمول فهاادشي؟؟!ختي رااه مايمكنش لياا نهاائيا نخليهاا هنااياا...

ضابط حرك راسو بلإجاب:حناا متاصلنا بيك غير بااش تجي وتحل لمشكل...يمكن ليك تخرجهاا ومن دابا الى بغيتي...يكفي تخلص تخلص لكفالة...و لكن قبل منهااا ضروري خاصك ضمنهاا..وتوقع التزاام على مسؤوليتك...بااش الى تكرر نفس الشي مرة أخرى...نتاا لي غاتحمل لمسؤوليه من الدرجة الأولى...

بقاا ساكت لتواني..داكشي لي معمرو ضن غايوصل ليه شي نهار..وصلاتو ليه ساارة بفعايلهاا وتشيطينهاا...

الضابط بتكرار:اوى اشقلتي؟؟!تضمنهاا؟!

مهدي تنهد مغمض عينيه وحالهم:واش غاندير فنضرك؟!...نخليهاا هناا...مكايننش حل أخر....وشكون لي غاايضمنهاا الى مضمنتهااش اناا...

الضابط:الشبااب ديال ليوم هو هذا... كايفكر غير فديك اللحضة لي هو فيهاا...مكايهموش شنو غايطرى من بعد...اخر حاجة كاتجي فبالو هيا يفكر فلعوااقب... الله يهديهم على عقلهم(قااس سرسار لي فوق لمكتب تاعو) البوليسي حل الباب ووقف بإستقامة قبالت الضابط ولقاا تحية...

الضابط: قوليهم يطلعو ساارة فتحي...

حرك ليه البوليسي راسو بلإجااب وخرج...مهدي بقااا ساكت كارز على سنانو...أخر حاجة كان كايتوقعهاا...هياا يوقع ليه بلاان بحال هذا فنهاار لي عارض فيه على خنساء وعصام...مكانتش تجيه على بالو أبدا...

عصاام بقاا وااقف شحااال دااير يديه فجيبو كايمشي ويجي فلكولواار بخطواات تقيلة حدا لبيرو ديال الضابط كايتسنى فمهدي يخرج... خنساء كانت ݣالسة فلكرسي كادعي الله فداخل ديالهاا مايكونش طاري شي مشكل عاوييص لي ينغصها عليهاا تاني...عصاام وقف تار انتباهو واحد البوليسي جار واحد لبنت لابسة لبااس قصيير بزااف لي معري فيهاا كتر من لي مغطي ووجهاا عامر مكيااج ...باينة من بناات اليل وباقة غا صغيرة...كان غادي بيهاا مهبطهاا لتحت...خسر عصام ملاميحو بنزعااج محاملش لبلاصة لي هوا فيه ولا داكشي لي كاتشوفو عينو..شاف فخنسااء ناطق بنفعاال:علم الله شنو تكون دايرة ديك لبرهوشة تاع ختو حتاا جايبينهاا لهناياا...الله يخرج الطرح بسلام وصافي

خنساء عرفاتو غياخد موقف..تنهدات ناطقة برجاء:اميين...

عصاام:لمخزن مكايضلم حد...بااينة هاد ختو شي وحدة ريشة كااطير خف من رزقهاا...مغايكونوش جابوهاا غير هكااك...

خنساء: ايه تقدر تكون غلطاات فشي حاجة عادي كلناا كانغلطوو...شكون عادا لي معصوم من لغلط،رااه مكاينش...لمهم هوا نستافدو من أغلاطناا...ومنعااودوهمش...

عصام شاف فيها مخنزر كايتحلف عليهاا مداخلاش ليه ݣاع هضرتها لراسو:نااري عرفتي كون كنتي نتيا لي قرقبو عليك وجابوك لهناا...بحلووفي ماانجي نخرجك...غا نخلييك عندهم حتاا يبردو عليك جناابك بلمعقوول... عااد نجي نرد والديك لدار وندير ليك ردة ديال لكلااب لي ماتنساايهااش حيااتك كااملة...يسحاب ليك غانجي نجري نخرجك كيفماا داار المهدي...

خنسااء حمرات فيه الشوفة:رااه ختوو هاديك...شنوو بغيتي يخليهاا هنايااا...تقدر تكون طايشة ومعارفااش...الله يهديك اعصام...بنادم ملي كايدير لغلط رااه كايكون معمي... معارفش ݣاع شنو كاايدير ولا طريق لي كايخطي فيهاا فين ممكن تخرجو...

عصام بحدة:هااديك سميتهاا الضساارة سميتهاا الزييبغة وقلة لعقل...وبناادم مااشي كايكوون معمي...كاااايتعمى بااش يدير لي عااجبوو....بلى مايفكر فعاقيبتو كيف غااتخرج...وهاا اخرتهاا(كاايشير للمكان)يتكرفص فلحباسات ويكرفص حتاا ضارهم معاه ...

خنساء تنهداات بعمق وحدراات رااسهاا بلا ماتجاوبو...عارفة بلي عصاام من سابع المستحيلات يقبل بحاجة بحال هاكاا بنسبة ليه خت مهدي طايشة وترابيهاا قلال... داارت غلط كبير لي مافكرااتش فيه حتا وصلهاا للحباسات...ماتنكرش خنساء ان حتاا هياا جاهاا شوية التحفظ من الوضع لي حطات فيه سارة خوهاا..كيفما كان لحال كان عليهاا تفكر...قبل ماتخطي شي خطوة لي تندم عليهاا..فلوقت لي مبقااش ينفع فيه الندم وطبعاا عااذرااهااا وعارفة الطيش فين ممكن يوصل ...

خرج المهدي من مكتب الضااابط مخنزر وعينيه حمرييين بالاعصاااب كاااعي بالمعقووول ... وحدااه سااارة كاترعد بالخوف كلهاا وكااترجف ... خنساااء داارت جيهتهم غييير شااافتها فديك الحااالة صفرة وعينيهااا حمريين بالدمووووع وغادي تسخف بالبكااا والرعدة لي شداااتهااا بقاااات فيهااا بلاا قياااس وقطعاات ليهاا قلبهاا واخاا مكاتعرفهااش ولا عمرهاااا دوات معاها ولكن غيير منظرهااا هكااااك خلااهااا تشفق علييهاا باينة فيها خايفة بزاااف ضرها خاطرها من جهتها ... اماا نظرااات عصااام كاااانت بمفااهييم اخرى وهو كايطلع ويهبط فيهااا وفشنو لاابسة والحاالة خاارجة تقصر بيهااا فحاال الا كاانت فشي كاباااري عصباااتو بلا قيااس وخلاتو يدور عينوو ومايعاودش يهزهم فيها فخطرة ... خصوصا انهاا حطااات خوهاا فموقف فحااال هااذااا وحشماااتوو تصرف لي نرفزواا ...

خنسااء طلعاات عينيهاا فمهدي لي نظراااتو نااار وبااينة فييه وااصل للطوب ديااال الاعصاااب وهادشي بااين غيير من ارتجااف ساارة قدااموو ...

اامهدي مخاطبهااا مكشكش : عجبك الحاال داابا ...

ساارة كاتبكي بشهقة وخنقة فحلقهاا : عافااك اخويااا ...

بصوت عاااالي منيرفيي : سكتيييييي مانسمعش صوووووتك ...

خنسااء قرباات ليهااا بهدووء وخدااات منهااا الجاكيط لي فيدهاااا حطاااتها على كتفهااا بحناااان ... شافت فيهتااا بحزن ونطقاات بصوت حنين : على سلااامتك احبييبة ... دااازت على خييير ...

سااارة غيييير هزااات فيهااا عينييهااا وفكيفااش كاتشووف فيهاااا وفالحنااان لي فعينيهااا انهااارت عليهاااااا بالبكااا معنقاااهاااا كاااتلهط : هء هء هء هء .... كاااتبكي بصوت مترتاااافع يخلي اي واااحد يحن فييهاااا ... صوتهااا بح بكترة البكااا وهي كلهاااا مخطوووفة ماموالفااش بدوك البللاااايص بالمرة قطعااات ليهااا فقلبهااا ...

خنساااء طبطبااات علييهااا : شوووووو صاافي احبييبة .... شووو براااكة من البكاااا ... عاافااك ...

المهدي بنفضة : غييير بكيي دابااا مزااال غاادي تهبطييهم صحاااح ...

خنسااء هزات حاجبهاا بلاامااا تحس نطقاات بانفعاال : واااش مكاتشوفش حااالتهااا كيف دااايرة ماشي وقت هااادشي ... شوف البنت كيف مخلوووعة

عصاااام خنزر فيهااا غادي ياكلهااا بعينييييه ماكرهش كووون شركهااا معااهاا بكاااو بجوووج على الطيرااان والنهضة لي داارت فالرااجل ...

تكاالمااا وحط يدو على كتف مهدي : زييد اصحبي وبرد ... رااه كلشي كاايتحل بالعقل ...

المهدي غادي يطرطق من الحشمة لي دااارت لييه قدامهم .. نطق كايتحلف فيها : الهضرة ماشي داااباااا حسابي معااك من بعد...

زاد هو وعصااام خارجين من الكوميساارية وخنساااء نطقات : صافي مسحي دموعك براكة عليك من البكااا احبيبة ... شوفي حالتك كيف ولات

سارة كاتخنصص : انا والله ... ( كاتقطع فيها النفس ): والله ....ماد....( كابقاتش قادرة تهضر بقوة البكاا ) ...

خنساء : صاافي براااكة عليك ... يللااه ...

زادت هي ويااهااا خاارجين من الكوميساارية لقااو عصااام وااقف كاايهدن فمهدي لي الفااار خارجين لييه من راااسوو غايتفركع عينيه حمريين كايشوف فسارة بتخنزير ماكرهش كون خلطها قدامهم ضايط اعصابو غير بزز

ركبات هي وخنساء اللور حاطة رااسهاااا على كتفهااا كاتبكي بصوت عالي مقادراش تحبس البكية ... والا تهضر حيت ماعندها ماتقول عارفة راسها زابلاهاااا بالبياان

المهدي مغدد كشاكشو خاارجيين كايشوف فيها فالمراايا : غييييير بلااااتي على وااالديك انااا وماعمري وصلت لهااااد البلاااايص ... مزياااان الالة حساااابك معايا هو اللخر

عصام : صافي اصحبي هنينااا ... الله يهديك

سكت وديماارا اللوطوو ... اتاجهوا لدار خنساااء غادي يوصلهم عااد يمشي فحاالو ...

مساافة الطريق حتى كانو قداام دااار عصااام لي شاف فمهدي ونطق بتأكيد : عنداك ضربها اصحبي ... رخف فيك النفس ... واخاااا ... الحمد لله مني خرجات طريفة ( كايقول هادشي فوق النفس مراضيش على كلامو حيت عارف كون كان فبلاصتو يقتلها ومايحنش فيها )

المهدي تنهد بلا حول : يكون خير اخويااا (خنزر فيها ): انا عارف كيفاش نعاااود لوالديها تراابي بلااا عصااا غير بلااتي حتى نوصل للدااار ( محقد عينو ) ... سمح ليا على هادشي طرااا والله ماعرفت مانقوليييك ...

عصاام حط يدو على كتفو : غير كون هاني هادشي كايوقع اصحبي ... مابيناتنااااش

خنسااء مسحات على وجه سارة : غادي نخليك احبيبة ... تهدني شوية واخااا ...

سارة باقة على حالهااا حركات راسها بايجااب : واخا شكراا بزاااف اختي ...

ابتاسماات ليهااا : مادرت والو احبيبة ... وبراكة علييك من البكااا عاافاااك ...

سارة حناات راسهااا وخنسااء شاافت فيها باسف ... هبط عصاااام من اللوطو كايتسنااهااا تنزل

خنسااء شاافت جيهة خوها باان ليهاا دااير مكايشوفش فييهم وهي تحط يدهااا على يد مهدي بحنااان ونطقاات بطلب : على وجهي عااافاااك ماتحطش عليهااا يدييك .... الا كاانت عندك ليا شي معزة ... ماتمسهااااش رااااه كلشي كااايغلط ...

المهدي : وااش انا.....

قاطعااتووو برجاااء : دير بوجهي عاافاااك ... هاد المرة

غمض عينووو مكاالمي وحرك ليهاا رااسو بوااخاا تحت مساامع سااارة لي عاضة على شفاايفهاا حابسة شهقاااتهااا ... باستهاااا وزاادت هاابطة بقاااات فيهااا بلااا قيااااس وقطعاات ليهاا قلبهااا واخا مادارت فيهاا مايصلاااح ولكن هي اكتر وحدة عارفة بلااا حتى انساانة مامعصومة من الخطأ ... والانساان بطبعوا خطاااء خاص غير لي يوجهوااا وينصحو بالتي هي احسن باش يعرف غلطوا ...

ديمارااا المهدي اللوطووو مكسييري غادي فحاالو ... وعصام وخنسااء دخلوا للدار يلااه غاطلع لبيتها وهو يوقفها بنهضة : اجي لهناااا نتي .... واااش ماحشمتيييش ...

خنساء بعدم فهم : مالي اش درت ؟؟؟ ...

عصاااام : اش حرق شطاطتك نتي فيهم حتى دوري فسيد ديك الدورة ودخلي بينو وبين ختوووو ... واااش حماااقيتي لاااا ....

خنسااء تنهداات : الله يهديك اعصااام علااه انا قلت شي عيب ماشفتيش حالة البنت وهو زايد عليهااا وزايدون انا ماقلت ليه وااالو ...

عصااام : هااااديك خاااصهااا قطيع الرجلين يلاه تقاااد على ديك الموصيبة لي دارت وكون ماحشمت كون شركتك معاه وحطيتو رااس على الراااس عاااد ترتاااحي ...

غمضاات عينيهااا بنفااد صبر وزااادت من تمااا مخليااه وراها كاينكر وطلعاات لبيتهاا ترتااح حساات براسهااا عيااات بللاا قياااس ورااسهاا كااايخبط عليهااا بغات غير ايمتا تحطو وتغفااا ...