الجزء 21 - الزعيم3 -ادمنتها وبنار الهوى احرقتها

 

.

نهار جديد

الدنيا مقلوبة الصحافة هاجمين على المقر ولاخيار ميهضرو على هاد المداهمة

هارون :قلنل هدشي يبقة فسرية

نطق:خاص نردو اعتبارنا وكلشي يعرف انه درنا شي خطوة حيت كاشي كان يقول مافيديناش

هارون تحكم فأعصابو فتانية باش مايشنقش عليه..كيبقة اعلى منو رتبة..ماباغيش يعلنو على الخبر تا يدوز كلشي مزيان

وخرج دخل لواحد المكتب فيه ايبداو الاستجواب مازال خاص تخضر واحد ليكيب تاهي خاصة بمكافحة الارهـ اب   وخاص تحضر للاستجواب

دخل لولحد المكتب مالقة لا كريم لا مروان سدو ومشا كيقلب عليهم..كاملين ماناعسينش كاع..

داز الوقت فجيهة خرا..

كانت ناعسة غاطسة راسها فالمخدة ومعنقة اللحاف..

ملي دخل ..كيتسارا فالدار كيدور عينيه على الصالة لكوزينة حيت مفتوحة على الصالة ودخل لواحد لبيت لقاه خاوي وخرج عاد دخل لبيت نعاس كيشوفها ناعسة فوق ميل راسو كيشوف فيها دخل كيدور فلبيت بهدوء ورجع شاف فيها وهو كيقاد الليكات لكوحل فيديه وخرج وسد لباب من موراه لباب

حلات عينيها على صوت لباب 

هدى نطقات وهي مترجع شعرها اللور:كريييم..واش هدا نت كريم

نزلات وخرجات للصالة:كريم

ماجاها تا رد ورجعات للبيت كملات نعاسها..داك الساع خرج من لبيت لاخور ..وخرج من الدار كاملة..

داز الوقت تاني

فجيهة خرا تاني..

كانت تاهي باقة ناعسة شركات الليل مع النهار..

كان عندها فالبيت وفيديه داك لقريعة كيشوف بقة شوية وتتسالة الجرعة ديالها..كب شوية فلمنديل ودارو فجيبو وقرب ليها تا لوجها ونطق:عبـلة ..عـبـلة فيقي..هنا حيت

حلات عينيها على صوتو متلقاه فوجها ناصت جابية مخلوعة كبد بونقشة:ششش..شحال ماتساوفنا نحيت وطل عليك

بلعات ريقها بخوف :شنو باغي مني ..صافي عقلتي خرجتيه تفرق عليا وخرج من دماغيي صافي عييت منك ومن هدشي ديالك

ميل راسو ميشوف فيها بغات تنوض وهو يدفعها جلسات وحط لموص على عنقها:هدشي ماكافينيش ..ماحدك عايشة وتاحاجة ما هي هديك

بلعات ريقها بخوف:انا عارفاك غير وهم وغير كابوس وهدشي ماشي بصاح

ميل راسو:وايلا صدقت بصاح واني ماشي كابوس..وأني قادر ندخل ونخرج كيف بغيت..لا هارون قادر يحميك مني لا بوليس لتاواحد اعبلة..مازال ماعارفانيش شكا نسوى ويدي شحال طويلة..لدرجة قادر نحرق قلبك على عائلتك كي حرقتي قلب عائلة رضوان عليه

هنا قلبها مشا وجا:بعدلي من عائلتي مادارو والو

البوص:تا رضوان مادار والو نتي لي دخلتي راسك فشي حاجة بعيدة عليك تحملي لي ايجيك

نزلو دموعها يكون بصاح ويأدي ليها عائلتها:شنو باغي مني خليهم عليك انا بين يديك ندير لي بغيتي

ميل راسو :دابة عجبتيني..

خشا بونقشة فجيبو:تقدري تخسري اي حاجة على ود عائلتك

عبلة:اه حتى روحي

هز راسو بلا:روحك محتاجها..بغيت حاجة خرا

عبلة:شنو هي

نطق:هارون

عبلة قوصات حواجبها بخوف:كيفاش

نطق تاني:تقدري تغدري بيه ؟ديري فبالك روح عائلتك فرمشة عين نمحيهم من الوجود ونتبعك بيهم ويمكن لين نبرهن ليك ..راه لا هارون لا تاواحد قادري يفكك مني

جبد طليفونو ودخل لواحد لفيديو كتشوف غيثة موصلاها حياة للمدراسة بشكارتها شهقات:لا عفاااك

رجع الطليفون لجيبو:شنو قلتي

بقات كتفكر تفكير مشوش مضطارب ماعارفاش واش حلم ولا حقيقة لي عارفة انه عائلتها فخطر واخة يكون حلم مستحيل تفرط فيهم جا فبالها هارون مابغاتش تفكر فيه نطقات بغصة كتحرق فحلقها :شنو ندير ..

.

رجع الطليفون لجيبو:شنو قلتي

بقات كتفكر تفكير مشوش مضطارب ماعارفاش واش حلم ولا حقيقة لي عارفة انه عائلتها فخطر واخة يكون حلم مستحيل تفرط فيهم جا فبالها هارون مابغاتش تفكر فيه نطقات بغصة كتحرق فحلقها :شنو ندير ..

البوص بدا كيعاود ليها اش خاص الدري 

عبلة شافت فيه مصدومة هز راسو باه ونطق:هدشي لي ختص الديري حتو نعلمك فوقاش…

عبلة:هدشي راه مستحييل هارون عمرو يسمح ليا غادي..

قاطعها:هدشي ماكايهمنيش…شتي كيف رونت حياتك وقدرت نوصل ليك وندخل ونخرج كيف بغيت..واش منعني هارون؟ واش حماك مني؟ 

بقات غير كتشوف فيه ومصدومة 

كمل كلامو:انخليك وغادي نعاود نرجع ليك…جربي تخوي بيا وتعاودي ندشي لنارون ديالك وشوفي كيفاش ملشي ايتقلب صدم وانريد نكد ليك حياتك نتي وعائلتك وشوفي شكون ايتيقك اعبلة..اتلقاي راسك مليوحة فطبيب دلحماق وتماك انبعت معاك تاني نكمل ما بديت..اديري ندشي لي قلت لك اتنقدي الناس لي كتبغي ضحي شوية عليهم ..

عبلة غير كتشوف فيه اصلا شغا تشوف فيه ماكيبان والو لا صوت لا صورك واضحين 

نطق تاني:كنقولي مع راسك واش هدشي حبم ولا مقيقة

نزلو دموعها حارين:غادي تخمقني

كمل كللمو:ديري ففيالك سوى كان حلم ولا خقيقة نتي بين يديا تاواحد ما ايقذر يفكك مني ..خاي لخسارة تكون قليلة

عبلة دموعها نازلين من عينيها بلوكاها هو قرب ليها حاط يدي على كتافها وجرها :نعسيي مازال تابعة بزاف معايا

خلاها تتكا غطاها وهي كتبكي بصمت قرب وهمس ليها فودنيها:نعسيي 

غمضات عينيها مازال كتبكي بصمت وهنا دار لها المنديل على نيفها ضغط عليها تا ترخات ونعسات 

وجمع الوقف كيلعب بالتسبيح فيديه كيشوف فالبيت قرب تاني كيشوف صورة هارون وكريم ومروان محموعين ميل راسو  كيشوف مزيان فداك للصورة وتمتم:دابة عاد بدا اللعب الصحيح…

داز الوقت..

تجمعو فواحد المكتب معزول بعيد على الانضار بتلاتة كيشربو قهوة..وميزيدو يناقشو القضية..

مروان كيحرك راسو يمين وشمال:مروان فرحان حيت شديناهم خدينا الحمولة كلها دلاسلحة و لفلوس ..ومعانا  حتى افراد العصابة والارهـ ابين…

كريم:من مور هدشي لنعرفو البقية فين ورتس الحربة شكون 

هارون:خاصنا استجواب دقيق 

جاه صوت فالجهاز لا سلكي عندو:شرطة مكافحة الارـ ـهاب وباقي الاعضاء واجدين

هارون:مشينا

وخرجو غادين من واحد الكولوار ايديهم لقاعة الاستجواب..هارون دخل مع الفرقة تماك ايجيبو اول واخد ايستجوبوه..وكريم ومروان خلف قاعة الاستجواب ايتفرجو من واحد الحيط كلو حيط كلو زاج كحل..

جاوب اول واحد جلسوه هو نفس الشخص لي كريم دخل بات عندهم فالدار 

هارون هو لي متكلف ..دوة بحدة:سمتك وسميت باك و مك  العمر ديالك اصلك 

هادو اسئلة غير باش يشوفوه كيف ايجاوب 

دوة بهدوء كيعرف براسو 

هارون ماشاف فيه لا خوف لا والو جلس اونفاص معاه ونطق:نت واحد من افراد المنضمة الارهـ ابية

هز راسو باه:اه 

هارون:مزيان..وشكون الراس لكبير ديالكم وفين كاين عطيني الاسماء كلهم

ومد ليه ورقة:سجلي كلشي هنا بالعناوين

حنا راسو ملي قلبو تزمت عليه شويةبدا كيكح شوية خرجولو الدم من فمو وبدا كيشهق حتط يديه على فمو

هارون فهم لبلان داك الساع ماتحركش من بلاصتو وهو ميشوفو كيمـ وت ..ولوخرين كيحاولو ينقدوه ولا يديرو شي حاجة..هارون وشرطة مكافحة الارهـ اب عرفو انه خدا واحد السم كياخدوه اغلب الارهـ ابيين اول المجرمين لنطرين فاش كيتشدو باش مايعتارفو بوالو..

هارون وقف غادي بخطوات مزروبين:نشوفو البقية..

كلشي تبعوو باغين يلحقو علييهم قبل تاهوما ما ينتاحـ رو

خرج ولوخرين تابعينهم مشاو للبنيقات لعندهم لقاوهم كاملين نفس الشي االد ° م خارجة من فمهم..حتى من افراد العصابة نفس الشيء...

هارون :كلشي تفتش ماكان غندهم والوو هدشي يالاه وصلهم هاد الصباح كي دازو ليهاا

خرج بالزربة لعرفة الكاميرات خدمهم كلشي مبلوكيي ..دخل داك الساع مروان كيشوف داكشي

مروان:كلشي معطل

هارون مسح على راسو:شي بلان ايوقع دابة

كريم:الحمولة ولفلوس

هرون خرج كيجري كيدوي فالجهاز لا سلكي ماكايجاوبوهش..الدنيا ترونات كلشي تسلح كاهزين للي هجوم..

مشاو للديبو تابع لمقر الشرطة لقاوه خاوي مافيه لا الحمولة ولبوليس مليوحين فلارض ..

كترو الاتصالات ..الراد العصابة لي كانو فالطبيب كلهم تقتـ لو …

دقايق معدودة والسيسطيم رجع خدم 

مروان كان جالس قدام لبيسي كيحاول يشوف شنو كاين حتى كتطلع ليه واحد الكتبة مكتوب فيها :فاك يو..

بقة كيشوف فيها وعيط لكريم:لببسي كتب بمروان فاكيو علاش

كريم قراها وشاف فيه:مأكد هدا لبيسي 

مروان :بيسي ديال مروان ماشي قليل لحية تكلخت..هدا ايكون ديال اخر مرة..صيفطلي ميساج ولكن ماعارفش انه مروان دارو هنا

حط يديه على راسو:وأيلقاه وايقولو فوجهو فاك يو 

داز الوقت فجيهة خرا

كانت مبتاسمة قدرات تقاد كلشي بلا مشاكيل وغير شافتو كيحاول يعاود يختارق الجهاز بلوكاتو وصيفطات ليه فاكيو 

كتسمع براهيم كيدير:واخة خسرنا ثروة متشي فلوس عادية..ماشي مشكل المهم تفكينا منهم ورجعنا الاسلحة

الحاجة:الحمد لله معانا البوص ماعطلهمش..يخلف الله لفلوس

براهيم:داكشي لي كاين..واخة راه خصلرة لينا انعطيوهم لاسلحة ونرحلوها لخارج لبلاد بلا ماناخدو تا درهم

مسح على راسو كيضرو

الحاجة:سير اولدي ترتاح راك يلاه رجعتي من المو ـت

هز راسو بلا:خاصني ندير واخد المكالمة..بينما جا البوص..

الدنيا تقلبات تاني بالواقعة لي وقعات ..الصحافة وكلشي كيسول وماعطاوهمش التفاصيل 

دارو اجتماع على هدشي غير الريوس لكبار لقاو انه كيلعبو مع مافيا متشي ساهلة والبوص ديالهم اصعب وأصعب ..يديه طويلة..وتأكدو انه معاهم الخوانا فالبوليس ..

هارون:هدشي ايبقة هنا وكاع لبوليس ايدوزو على يديه نختار جوج دالمساعدين ..التالي دالشهر ايطيحو الخونة فالمصيدة..اصلا دابة ولا عندنا راس الخيط عرفنا انه المافيا كتوفر لاسلحة للمنصمات الارها ـبية هدي مية فلمية ومازال نزيدو نعرفو باقي أعمالهم بانلي عندهم بزاف مايدار..

كملو الاجتماع وناضو يكملو التحقيق ديالهم..

هاد لايام ايكونو طوال …

.

عند عبلة..

فاقت كتشوف فالسقف وتستوعب اش وقع ناضت جالسة كتتفكر كلامو شافت مع جنابها بخوف ماكين والو:واش كنحلم..الله ياربي شهادشي كنعيشوو

ضرها راسها ورجعات تكات شادة فراسها كيضرها بزاف وتمتات:ياربي ماعاوني ياربي ماديرلي شي تاويل ديال الخير ..راه هدشي صعيب عليا ..عقلي خرج شنو مازال باقي

بقات شحال كتحاول تستوعب داكشي حتى كتغمض عينيها من صوتو:عبلة غادي نرجع ليك..

زيرات على ودنيها:صافييي براااااكة

خدات طليفونها وعيطات لمها حاولت تبان طبيعية كتسول على احوالهم مارتاحت تادوزات ليها غيثة

حياة:كيبقيتي ابنتي من أخر مرة

عبلة كتتهرب:الحمد لله امي شوفي هارون كيتسناني سلمي على كلشي

وقطعات ودخلات للحمام دوشات وخرجات لبسات عليها هاربة من لبيت ومن الاصوات لي كتسمع هبطات للتحت

نورة:كيبقيتي امدام

عبلة جلسات فالصالة:الحمد لله وجدي ليا عفاك عصير ماقاداش نفطر

نورة:واخة أمدام 

عبلة كتسمع داك الصوت تاني:عبلة غادي نرجع ليك باش ديري داكشي لي قلت لك

بدات كتهضر بوحدها:تفرق عليا اش بغيتي عندي ..صافي براكة ..

نورة هازة كاس دلعصير وكتشوفها كتدوي بوحدها تنهدات كتبقا فيها:هاكي امدام

خدات منها العصير :خليك عفاك جالسة حدايا ماتفرقيش عليا

جلسات حداها:واخة امدام

عبلة بلا ماتحس تكات وحطات راسها على رجلين نورة :عطيني يديك

نورة عطاتها يديها

عبلة:ايخرجلي لعقل انورة..ماعرفتش شنو ندير ماباغاش نخسر هارون هدشي لي كيوقعلي بزاف مابغيتوش يبقة يشوفني هكا 

سكتات وكملات:ولكن ماشي لخاطري مابقيتش عارفة واش حلم ولا حقيقة

نورة:حاولي تخرجيه من دماغك وماتبينيش هدشي قدام السي هارون باش ماتخسرش علاقتكم..وشوية بشوية غادي يخرج من دماغك

عبلة:كيفاش ندير

نورة:واخة تسمعي شي حاجة تجاهليها واخة تشوفي شي حاجة سايريها..ونتي ديري داكشي لي ايبعدك من المشاكل ويريح راسك 

عبلة بقات غير ساكتة فتالي نطقات:عييييت والله تا عييت..

غمضات عينيها ونعسات داك الساع…وبدات تحلم تانيي..

وسط الغابة كتجري وهي كتسمع صوت مها وغيثة كيغوتو كتقلب عليهم حتى كتوقف ملي سمعات صوت هارون ميعيط ليها:عبببلة اجيي لهنا…الل لا ماتغدرينيش

وقفات كتشوف فيه وتشوف فالجيهة لوخرا مها وختها واقف حداهم لبوص بالموص:ختاري

كتبكي وتترجاه ولكن ماكايسمعش ليها:قلت ختاري تزيدي دقيقة وحدة يمـ وتو هادو لي فيدي

مبلوكية وغير كتشوف حتى كتشوفو كيقرب ليهم الموص وهي تغوت:صافيييي حبس انضحيي بهاررروون حباااس

حلات عينها مخلوعة ناضت كالسة كتلهت وتشوف مع جنابها شافت فنورة وعنقتها:نورة مبقيتش قادة

نورة بقات فيها عارفة شكا يدوز عليها:كلشي دابة يدوز 

حتى كتديها عينيها وكتنعس

نورة وصلها ميساج قراتو قاداتها فوق المخدة وناضت كتبات ميساج تاهي وصيفطاتو ودخلات للكوزينة

داز الوقت ..

دخل للدار بلباسو كلو كحل نفس الشي لماسك على وجهو وليكات كوحل فيديه والتسبيح كيلعب بيه فيديه..شاف مع جنابو الدار خاوية ..حتى كيلمحها ناعسة فالصالة 

هز راسو وهي تبان ليه خارجة من الكوزينة كانت نورة هزات راسها تاهي وهي تشوفو بلعات ريقها

كمل طريقو ولكن مشا للصالة تبعاتو ووقفات من موراه غير دار تحنات باست يديه فيها ليكات 

ونطقات:بوص تأمرني بشي حاجة

هز راسو بلا :عطيتيها حبة..قريب يتسالة هدشي 

نورة:اه عطيتها.. غادي تقتـ لها؟

ماجاوبهاش رجعات نطقات بتردد:حيت..بان ليا السي الزعيم تعلق بيها وبدا يلقا راحتو معاها ..هو ماشي من النوع لي كيجلس فالدار بزاف ولا كيبات..من نهار دخلات لحياتو ولا يجي للدار يفطر ويبات ..

سكتات ورجعات نطقات:عبلة ماشي شي وحدة لي خايبة ..نيتها وضرافتها باش تصيدات ..خدات حقها من العذاب..والزعيم راه هو..

كانت اتكمل كلامها وهي تسكت

شافتو خشا التسبيح فجيبو بلعات ريقها ورجعات خطوة اللور دخلها الخوف نطقات:سمحلي عفاك على كلامي ماغاديش يتعاود

زرب عليها ملي شنق عليها وزير ولصقها مع الحيط وهزها غا بداك اليد وهي طول وعرض وجسم رياضي وما حارش فيها قرب لوجها ونطق بداك الصوت دالروبو:نتي كتنفدي أوامري بالحرف شي حاجة خرا متسوقكش فيها ..لسانك نقطعو ليك لا خرج من فمك بحال هاد لكلام تاني..كنقسم لك بالله المرة الجاية ماغانرحمكش

تخنقات كتهز راسها باه بالزربة ورماها فالارض كينفض يديه  وهي كتكح وتسترجع أنفاسها..

نطقات بصوت مخنوق:سمحلي عفاك اخر مرة نتدخل

..

ميل راسو بهدوء ورجع شاف فعبلة فالصالة لي فالجيهة لوخرا ناعسة يهدوء 

رجع شاف فنورة لي دغيا جمعات الوقفة وقرب ليها:هدي هي اول حبة اتعطيها

هزات راسها باه:مزيان..كل نهار وحدة..ماتهزش الراس ..ودخلي لها لدماغها هلوساتها وكوابيسها ماتبقاش توصلهم لهارون خاص تفهم انه هكاك اتخصرو

نورة:واخة اسيدي راني بديت معاها ليوم 

هز راسو باه :ودابة غتسمعيني مزيان..داكشي لي جاي مهم بزاف..

مركزة معاه وكتتصنت ليه بصوتو ديال الروبو كيجيب الرعب:مفهوم البوص كلشي ايكون هو هداك

هز راسو باه ورجع جبد التسبيح ديالو حركو بين يديه ودارو بين صبعانو وتم غادي جيهة لباب وخرج..بحاليلا عمرو كان..

نورة تنهدات وجلسات كتماصي فعنقها كيضرها …

بعد مرور اربع أيام ..

اربع ايام كلها خدمة وبحت ولونكيطات ..ماكاين لا دليل ولا حتى غلط ..كلشي كيحسبو حسابو ماكايخليو من موراهم والو ..حبسو البحت فهاد النهار وحبسو كلشي حيت تأكدو انه داك المـ افيا مستحيل دير شي حركة من مور داكشي لي وقع حتى تهدا الاوضاع..قررو انهم حتى هوما ايتهدنو..اهم حاجة عارفين منيني ايبداو وشنو خاص يديرو وعرفو انه من اهم اعمال داك المافيا هي السلاح وتهريبهم ..عندهم يد فاي بلاصة..وحتى البوص اجل ترحيل السلاح حتى تهدا الاوضاع..

فجيهة خرا..

بالضبط فالشركة (الــزعــيــم)

كان جالس فالمكتب كيشوف شي وراق..حتى كيدخل عليه يوسف وطاس دالقهوة فيديه

قرب وباس ليه راسو وحط طاس دالقهوة حداه:كتعدب راسك فاش كتجي لهنا تصدع دماغك بلورتق..كلشي نجيبولك تا للدار عطي الراحة لراسك

ناصر جغم من داك القهوة ورجع بجسمو اللور:بغيتي تقول صافي شرفت

يوسف تبسم:فالعمر كرقم اه..ولكن دماغك ولياقتك..مازال …انا لي كنحس براسي شرفت

ناصر تبسم لولدو:كبرت وعييت..مابقيتش ناصر دشحال هدا 

يوسف :ماتغمقش عليا بهاد الهضرة

ناصر تبسم :هارون غبر 

يوسف:شفتي الدنيا كي مقلوبة من داكشي لي وقع 

ناصر هز راسو باه:مولاها ماشي ساهل..ماغايتشدش بسهولة 

يوسف:مامعروفش شكون هو ولا شكلو ولا فين يقدر يكون

ناصر:هنا فين كيبان الذكاء ديالو انه مامعروفش 

خدا طليفونو..ودوز النمرة دهارون 

فجيهة خرا..

كانو فلاباغطومو فيها كيتجمعو بتلاتة طول هاد لاربع أيام  لوراق والضواصا كل حاجة مرمية فجيه..

هارون كان متكي فوق الفوطوي يلاه شرب جوج حبات راسو كان بدا يضرو..مروان جالس كيخنتش فلبيسي باغي يصنع شي حاجة مابرداتلوش داك فاك يو ..وكريم كيشرب قهوة ويكمي سيجارو ..حتى كيصوني الطليفون جبدو من جيبو وشاف المتصل وجاوب:الزعيم ..

ناصر:الزعيم..لاباس

هارون:الحمد لله ونت بيخير

ناصر:نقولو لاباس..فين غبرتي

هارون:كلشي على عينيك لخبار فراسك..

ناصر:من قبل هدشي ونت غابر ولا هارب ولا علاياش ناوي

هارون مسح على راسو:الله يهديك ازاعيم راني الخدمة والدار ..

ناصر:غدا جيب لكليكة ديالك واجي..سمعت خديتو روبو

هارون تبسم:فاش كتبغي تعرف شي حاجة دغية كتوصلك..صافي غدا نجيو

ناصر:عبلة لاباس 

هارون:راها بيخير مرتاحة فدارها

ناصر:جيبها تاهي..وكريم يجيب لمدام..تجمعو غدا عندي

هارون :واخة.تأمر بشي حاجة خرا

ناصر:لا ..يلاه نخليك تهلا

هارون:تهلا ازاعيم..

قطع وناض جالس شاف فيهم:نفرقو هاد الجقلة ليومة..كل واحد يقصد دوارو

وشاف فكريم زعمة سير شوف مراتك

ورجع نطق:غدا معروضين عند الزعيم..وجيب لمدام هدشي لي قال

كريم وقف تاهو يمشي:نمشيو نشوفو الزعيم..

مروان وعلى ودنيه لكاسك:اتمشيو عند عيالاتكم ومروان ايبقة بوحدو طرونكيل ..اتمشيو عند صداع الراس..كريم مروان كيقولك لا تعصبتي ماتهرسش التلفازة باش ملي تمشي تخلي لمراتك فاش تتفرج..

كريم تبسم وقرب باس ليه راسو:صافي واخة ماتخافش

هارون قرب باس ليه تاهو راسو:يلاه تهلا

مروان كيمسح على راسو فرحان كيعجبو لي يبوس ليه راسو:تهلاو بسلامة.

داز الوقت..في قصر الزعيم..

رجعو للدار وجلسو كيتقهواو مع عيالاتهم فالصالة..

عائشة جالسة حدا يوسف وطاهرة حدا ناصر..

طاهرة:ختصنا نمشيو للطبيب دير كونطرول والفحص والاعة ديالك عيطاتلي اليوم الممرضة كتأكد على الموعد

ناصر:صافي نمشيو

تبسمات ليه وهو كيمسح على شعرها مازال طويل وقوي محافضة عليه حيت كيعجبو واخة كساه الشيب وكتصبغو ..كتخلي بعض الخصلات بويض كيعجبوها وزادوها جمال..كبرات فالعمر وواخة هكاك محافضة على  جسمها..ووجها ببعض الروتوشات كتخفي شوية من التجاعيد ..ماشي بزاف ..

عائشة:هارون لي ماولاش مشا للطبيب وراسو قاصح هامل راسو وتبع الخدمة لي كتزيد غا تمرضو

يوسف:غادي يجي ونقادو معاه هاد لبلان حيت زاد فيه. 

عائشة:علاه هو ايجي

هز راسو باه:غدا ايجي هو وعبلة ولكليكة ديالو

عائشة تبسمات وشافت فالطاهرة:وهادي خبار زينة

طاهرة:واش ايباتو

ناصر:اه 

طاهرة:صافي باش نوجدو ليهم لبيوتة..شحال ما شفنا كريم ومروان

عمران وفهد جلسو حداهم على كلامهم:شكون هاد كريم ومروان

عائشة:صحاب هارون 

فهد:اه كنسمعو بيهم..

عمران:واحد فيهم كنتو قلتو فيه التوحد

عائشة:اياه ولكن ذكي تبارك الله وضريف ومافيهش التخلويد بحال شي صفحة بيضة الله يحفضو

فهد:وكي دار تعاشر مع هارون لي داير كي جاهنام 

عمران:وياه كي دار ولا عشيرو وتفاهم معاه

يوسف:يحساب لكم مروان بحالكم؟السيد راجل وبعقلو دماغو نقي وخدام على راسو بلا مشاكيل والفضايح ومربي مزيان

عمران:ياك الوليد حنا مامربينش ولا كيفاش

يوسف:عيينا نربيو فيكم ..بحاليلا مادرنا والو

فهد همس لعمران:هاد مروان غايديلنا الصداع 

عمران:باقي تا ماعرفناهش وبدينا فيه

عائشة:دابة يديرو عقلهم مالهم ولادي غزلان

يوسف شاف فيها. زعمة من نيتك

عمران وفهد دارو عائشة فالوسط وبداو يعنقو فيها وهي كضحك..

تاجات الخدامة:لعشا واجد

هبطات جوهرة 

عائشة:هاهي جوهرة تاهي هبطات

وتجمعو كيتعشاو مجموعين في جو عائلي ..

فجيهة خرا..

خمسيام ماجا للدار ولا تلاقاو..دخل لقا نورة فالصالة

غير شافتو وقفات:على السلام اسي الزعيم

هارون هز راسو باه عيان:فين عبلة

نورة:راها لفوق 

هارون:صافي يمكن لك تمشي الشيفور ايوصلك

هزات راسها باه..

خدات ساكها وخرجات..اما هو طرطق عنقو وطلع للبيت..شافها فوق الناموسية ناعسة..هز فوطة وشورط ودخل للحمام دوش ..وخرج عيان تخشا حداها كانت عاطاه بالضهر..جرها لعندو وهي فسابع نومة..لابسة بيجامة..قلبها ليه وبدا يحل ليها فالصدافات تا بان صدرها بالسوتيان منفوخ..وتهز شوي كيهبط ليها فالسروال..هنا حلات عينيها بالزربة مخلوعة حتى كتشوفو قدامها هاز ليها رجليها وحيد لها السروال فمرة وخلاها غا بالدوبياس وهي كتحاول تستوعب اش واقع دايخة بالنعاس..

فجيهة خرا

دخل للدار..كيسمع صوت التلفازة ..

كانت كتتفرج وحاطة السقاطة حداها مركزة مع الفيلم حتى كيتشعل الضو هزات راسها بالزربة وهو يبان ليها واقف كيشوف فيها..خمسيام ماشافتو ماسول ماعيط وماطل عليها..من اخر بلان دار معاها جرحها ومشا وخلاها ..تاهي ماعيطات ماولو لي بغاتها وحتاجتها كيجيبوها ليها..بلعات ريقها وجمعات الوقفة باغة تدخل للبيت وهو غير كيشوف فيها تسناتو يقول شي حاجة ساعة والو

وقفات وضارت شافت فيه:انا مابقيتش فاهماك واش جايبني حيت باغيني..وباغيني نكون مراتك ولا جايبني باش تخليني هنا وتفقص فيا..عرفتي شنو ماكايهمنيش نعرف ..بغيت نعرف فين هو بابا واش خرج ولا مازال ولا شنو كيدير وديني نشوفو فين ما كان

هاهو السؤال لي ماحاملش يسمع وماعايقدرش يجاوب عليه ومامستاعدش يجاوب عليه ماباغيهاش تنهار وهي سنين كتتسنا باها يخرج وتشوفو 

قربات ليه شوية:جاوبني

مسح على راسو:من بعد اهدى خمسيام دلخدمة عيان..سيري انعسي وغدا معروضين كوني واجدة

رمشات دخل للبيت هارب منها ومن اسئلتها خلاها واقفة. غير كتشوف فتالي دخلات للبيت مابقاتش فاهماه وماعارفاهش تاعلاياش ناوي هدشي كيفقصها ويعصبها يقولها علأقل غير فين باها وشكا يدير..

تفكرات كلامو:ولكن عندمن معروضين فين انمشيو..وهو ماعندو تاواحد فحياتو من غيري..

نرجعو عند الزعيم..

عبلة ستوعبات راه هارون وحيد لها لبيجامة خلاها غا بالدوبياس عاد ترخات وهي كتشوفو رجع تما وجرها لعندو ..كانت موحشات حطات راسها على صدرو وعنقاتو بالجهد وهو كيتلمس فلحم جسمها توحش هاد لهباري ..

عبلة:فين غبرتي عليا 

هارون باس راسها لي كان قريب ليه:مع الخدمة 

هزات راسها باه وهي كتبوس صدرو العاري وتشد فيديه وتشبك صبعانها مع صبعانو

هارون:نتي لاباس..شنو درتي هاد ليام

تنهدات كتتفكر اش داز عليها من كولبيس وزيد قبل لبارح رجع ليها كيفكرها فشنو خاص الدير وكيهدد فيها تاني ويركب فيها الرعب انه كلشي بين يديه وماخاصش تفتح فمها ويوريها فيديو تابعين غيثة للمدرسة ولا باها غادي للجامع ..تنهدات كان حلم ولا حقيقة ما اتغامرش بعائلتها اما تاهارون راه قاد براسو..وزيد ولات ديما غير ناعسة ومهلوكة 

نطقات:كلشي مزيان راك عارف غير الدار وكنبقة انا ونورة مرات نتفرجو مرات نوجدو شي حاجات ناكلوها مرات ناعسة وصافي 

مسح لها على شعرها وهو كيمد يديه ياخد كارو وشعلو:مزيان ..مرتاحة كلشي مزيان

عبلة بلعات ريقها:اه دابة وليت حسن 

هز راسو باه :مزيان هدشي لي بغيت 

عبلة:ونت كي داير مع الخدمة

ساط الدخان بتعب وهو كيتفكر:الروينة عندنا اعبلة ..كتقاد من جيه كتعواج من جيه

هزات راسها فيه ..وحطات يديها على دقنو كتحرك صبيعاتها بالشوية تماك :علاش شنو واقع

هارون :القضايا راك عارفة لبوليس ديما الروينة صداع الراس

طلعات يديها لجبينو وبدات تماصي ليه:رتاح دابة نسا الخدمة

طفا داك لكارو بلا ما يكملو ماكايقدش عليه بزاف..وغمض عينيه مستحلي المساج ديالها هي تهزات كتر كتماصي ليه تا جا صدرها قدام وجهو..حل عينيه كيلقا صدرها مكفح قدامو ..بلا ما يحس قرب لوسطهم ومص واحد لمصيصة تماك تاقفزات وختمها بقبلة دافية ..نزلات راسها كتشوف فيه..وهو كيحرك يديه على مؤخرتها نزلها لعندو سرحها قدامو وقرب لشفايفها كيبوسها بالشوية وبعد:مشات ولا مازال

عبلة:غدا اندوش منها

هز راسو باه ورجع باسها على شفايفها وجرها ليه حطات راسها تاني على صدرو معنقاه ويديه على خصرها ونعسوو..ولات كتخماق على هاد النعسة بين امضانو وكيعكبها ملي ميولي هكا مندن ويعطيها وقت..وتتهو ميرتاح وهي بين احضانو هكا ماكين لا مشكل لا والو وعاطياه الخاطر..