.
#بـعـد_مـرور_شـهـران
فوسط الحي الشعبي…
كانت جالسة فالسطاح وحداها غيثة..الجو ولا بارد وجا فصل الشتاء..هاد النهار كانت الشميشة..حياة استغلات الوضع وصبنات لحوايج ونشراتهم وجلسات فداك الشميشة…كتتسنا الطليفون يصوني..
دقايق وصونا كيف قال ليها..كان الزاكي
الزاكي:الوليدة لاباس
حياة:الحمد لله اولدي ونت
الزاكي:بيخير..
حياة:امدرا عرفتي شي حاجة
الزاكي:مزال كنقلب الوليدة مالقيت والو تقول الارض بلعتها ..ولكن ماغانرتاح تا نلقاها
حياة نزلو دموعها:علم الله فين راها ..طجت طجة وحدة ماعرفناهاش فين زادت…قلبي كيتشوة..والباك كيقول ماتجبدوش سميتها قدامي نكرها..مازال كيقول طيحات بيه..
الزاكي:كيخسر فولادو واحد مور واحد..بدا بيا انا ودابة عبلة ..هديك ختي الوليدة لا نتوما ماكاتيقوش بيها انا لا كنتيق فيها انا فبالي انه الامور كانت مزيانة قلت نبقة بعيد انا خدام فالممنوعات وهي راجلها بوليسي نبعد راسي تا تجمعنا الوقت فالمناسبات مانحشمش بختي مع راجلها…ونحطها فشي بلان ماتماش..ساعة كانت القضية مرونة وانا ناعس على ودني..عارفكم مخبيين عليا شلا بلانات وغادي نلقاها ونعرفهم..عبلة كنعرفها ماشي من النوع الخايب وصاحبة مشاكيل..لي اهوب غير هكاك
حياة:اولدي شغا نقولك مابغيتيش تفهم انه هربات وباتت ماصبحت ..دابة خلينا من هدشي انا بغيت غير نعرفها راها بيخير وترجع لينا
الزاكي:ماغانهنا ترجع كوني هانية
حياة:صافي اولدي الله يرضي عليك خلي هدشي بيناتنا لا ساق الباك لخبار كنهضر معاه على هدشي يطلقني
تنهد عارف المو شحال كتبغي الباه وديما تابعاه فقراراتو:صافي الوليدة تانتي لا سمعتي شي حاجة علميني
حياة:صافي اولدي بسلامة الباك لتحت تعطلنا نهبط نشوفو
غيثة جالسة وكتصنت:واش عمرها اترجع
حياة:غاترجع ماعرفتش مالها طفجات بحال هكاك العين خايبة وماتعرفي يكونو رماو عليها شي حاجة..كنت باغة نديها نرقيها ونفوسخها ساعة مشات
تنهدات:ياربي مارجع ليا بنتي وحفظها ليا
غيثة:اووف كانت عاجباني عائلة الزعيم..كنت عارفة ايرجعوها لينا قلتها ليها النهار اللول
تنهدات وكملات:زعمة مايزوجونيش بفهد ولا عمران فبلاصتها وهكا انقادو لامور
حياة خرجات فيها عينيها كتشوفها كادوي من نيتها طارت عليها بقرصة خلاتها كتغوت:وا حنا فيين ونتي فين نوضي تكعدي المسخوطة نولي نسمع من فمك هاد لكلام نطير ليك لسانك
غيثة كتحك فالقررصة:صافيس صافيي الله يسلمح
جراتها ونزلو للتحت
كان جالس مخنزر
حياة:مالك ياك للباس
محمد:لخبار وصلات وكيسولوني واش بصاح بنتي هربات غراقيت فحوايجي اخر يامي نولي نمدب ونقول غير كدوب ونهرب كي الشفار
حياة بلعات ريقها
وهو كمل:المسخوطة لوخرا شوهاتني وهبطات ليا راسي قدام الناس..وحشماتني مع عائلة الزعيم وهربات ..ماشي ديال لكبيرة دير دارها وتعيش كي بنات الناس وماتستاهل داك ولد الناس هارون خليه يرجع من السفر ونشوفو شغا يدير لحد اللن مازال ماخرجش معانا للعيب لهلا يردها ولهلا يرجعها سالمة
حياة نزلو دموعها:صافي عفاك ماتدعيش فيها ماعرفناش شنو بيها
زاد تعصب:اش غيكون بيها السفالية لي عطاني الله ..انا بغيت لها موصيبة ووفين ما حطات رجليها تعواج..ساخط عليها دنيا وأخرة..
حياة كتبكي من كلامو لي كيطعن فيها
غوت:نوضي من وجهييي نوضييي تبكي فجنازتها ان شاء الله..غدا ولا بعدو اتوصلنا ورقة طلاقها شغا يديرو بسفالية بحالها لهلا يسكد ليها ليام لا هي لا داك لكلوشار
شاف فغيثة:سمعيني نتي كلشي دايز على عينيك يا تشدي الطريق ولا نحرك قبل طوعني فيا ويتحلو ليك العينين
غيثة بخوف:صافي ابابا
ناض زدح الطبلة وخرج معصب..
.
نهار جديد..
فوسط داك القصر لكبير لي جاي وسط غابة ..مولاه ماكانش مغربي..مولاه يوناني مفيوزي من بعد ما ترونات عليه القضية فاليونان وتكشف سرو انه مافيوزي هرب للمغرب من بعد ماكان باني فيه هاد القصر كيجي ليه ملي كتترون الدعوة من بعذ جا واستاقر فيه فمرا وكمل خدمتو من المغرب مبعد على البشار حتى سلط عليه ربي هارون قطع ليه رزقو وخدا ليه كل ما كايملك بما فيهم هاد القصر وقتـ لو…باش يضم ليه المافيا ديال هاد ليوناني وسيطر عليها.بكلشي فيها برجالو ولاو خاضعين ليه وكاع دوك الحركات والصفقات لي مانو يديرو كملو عليهم وهوما تحت زعامة هارون البوص..البوص حيت كان من المخابرات ومن عشقو لهاد المهنة وكدلك من عشقو لعالم المافيا كان عارف كل مافيوزي شكا يسوى والقوة ديالو فين واصلة..حيت كتينين شي مافيات فارضين راسهم وشارين حريتهم بلفلوس حتى القانون مبعد عليهم..فا ملي دخل لعالم المافيا كان ساهل عليه يعرف كي يدير يطح كل زعيم من مافيا وياخد ليه بلاصتو بالحيلة حتى كيطيحو فالفخ داك الساع كيخيرو واش يخدع ليه ويسلم لمافيا ديالو ليه ولا يتعكس ويرفض داك الساع كيقتـ لو …كاين بزاف ما يتقال فشخصية هارون الزعيم-البوص السرير والبطل السيطاني دالقصة
هاد القصر دار ليه بعض الاصلاحات والتغييرات ..من بعد ونعرفو شنو فيه..
كانت الستة دالصباح..
ناعسة وسط داك البيت فيه ناموسية وحدة صغيرة بالية النعسة فوقها كتقسم الضهر وبلاكار وحمام صغير..لحيوط مقشرين كيدخلو البرد منها للسمرة..السقف كينقط ملي كطيح الشتا..ولامبة فالسقف الضو ديالها خافت مامضوية والو..لا تلفازة لا والو..كفس من الشومبر دلحباسة..كتجيب الخوف بالسيف باش تعودات تبات فيها..مكمشة فداك اللحاف لبالي وملوية على راسها من البرد…غارقة فنومها..
حتى كتتحل لباب بالجهد شافتها مازال ناعسة وهدي الستة دصبح قربات ليها وزعزعاتها محيدة عليها اللحاف:تهزييي تكعدييي الموصيبة..ياك كنقولك الستة تكوني فالكوزينة مع الخدامة
ناضت كالسة ماشابعاش نعاس حيت الليلة كامل وهي فاقة من داك الكابوس لي فيقها يلاه نعسات قبل ساعة..
شافت فالساعة لي كان المفروض تفيقها ساعة ماصوناتش حيت تسالالها الحجر نطقات:صافي هنا جاية دابة..عشرة دقايق نكون عندك
جرتها من دراعها مخنزة فيها:المرة الجاية ايتعاود هادشي انفي بصطل دلما بارد وتتعاقبي ونتي عارفة لعقاب دالحاجة كي داير
تنترات منها وشافت فيها بجمود:حطي ليا هنا ساعة مقادة تفيقني كي الناس بلا هاد الهضرة الزايدة الصباح هدا
عصباتها هزات يديها بغات تجمع معاها بكف وهي تشد ليها يديها وتزير عليها:يديك نقطعها ليك لا وليتي عاودتيها..يكفي لي فيا كافيني لا زدتيني تانتي ماغانعقلش عايك خربانة خربانة
بلعات ريقها ورجعات اللور:هاد الحمقة هادي مجنونة….تحركي عشرة دقايق تكوني لفوق ولا كنقسم ليك بالله نشري ليك فالكحل كلهم خصهم غا السبة عليك الحمقة
وخرجات خلاتها جالسة فبلاصتها كتشوف فلفراغ تمتمات:هاد الحمقة نتوما لي خرجتولها لعقل ولكن هانية غيجي واحد الوقت كل واحد اياخد خلاصو لي يستاهلو
..
ناضت دخلات للحمام كبات عليها ما دافي سخناتو فواحد السخان تماك سرقاتو من لفوق ملي حطوه فواحد المخزن ديال لادوات ولآلات لي ما مابقاوش محتاجينهم..مخليينها هنا بلا حمام سمون..دوش بلما بارد ولا ضبر لمحاينها..ولبود كيقتـ ل
خرجات جمعات شعرنا سفنجة ولبسات لباس الخدمات بالخف وصباط فوجليها كانت دازت 13لدقيقة..
وخرجات طايرة ودخلات للكوزينة حمدات الله مالقاتهاش..الخدامات كيوجدو فلفطور..بدات كتقضي شغالها..كيوجدو الفطور لمالين لقصر وحتى لرجال الحرس لي برى..بيهم تقريبا شي 100 واحد ..ديال الليل والنهار
ساعة ونص دلمكانة كان لفطور واجد..
عيات..هي مكلفة بتوجاد لفطور ولغدا ولعشا ديال 100 راجل وملي تسالي كل وجبة كتبدا فالشقا برى ولداخل كدير الخدمة مضوبلة..ماكاينش الراحة بحال الخدم لوخري مور لغدا عندهم ساعتاين دالراحة ينعسو ولا يديرو لي بغاو..وكل خدامة وكل رجل من الحرس عندهم نهار دالراحة يمشيو فين بغاو ..وكلهم كيتخلصو…الا هي كيحرتو عليها يوميا ونهار كامل..حتى الليل عاد كتدخل لداك الخربة لي عاطيينها كطيح كاو..وشي مرات كيخربو عليها نومتها الكوابيس.
خدات شاريو كبير طول منها وتقل منها ..بدات كتستف فيه داك الصواني دلفطور وجرات الشاريو على قلبها .كتفها ولا يضرها ملي بدات فهدشي..
وخرجات للجردة تماك كانو تلاتة رجال الحرس واقفين كيتسناوها قربو خداو الشاريو بلا تا كلمة ولا يهزو فيها العين..رجعات دخلات كتهبط فداك لاجيب لمزيرة مع مؤخرتها كبير كتبقة تطلع ليها ..عمرات شاريو تاني وجراتو مخرجاه خداوه منها ورجعات عمرات شاريو التالت وخرجاتو صافيي كتفها ضرها رجعات للكوزينة وهي كتماصيه كتشوف لخدامات غادين جاين كيستفو لفطور فوق الطبلة بقة شوية وينزلو يفطرو..كيف لعادة كتبدا تجمع فلكورينة ونستف وتغسل..حتى كيهبطو هنا خاص تمسح يديها وتمشي توقف هي وجوج خدامات خرين على راسهم يمدو ليهم اش بغاو وراسهم محني..
كانت واقفة وسطهم كتشوف فلارض كتافها ضروها وعيانة ماناعساش مزيان
سحر كتفطر وكل شوية تهز راسها وتخنزر فيها ..الحاجة كتهضر هي وبراهيم ..و ايليف كتفطر بهدوء مرات ابراهيم من جنسية تركية تعلمات تهضر بالدارجة
سحر نطقات:كبيلي العصير
قريات وحدة من الخدامات وهي توقفها:ماشي نتيي..لوخرا
عبلة عرفات انه قاصداها هي وعارفة شحال ماكاتحملهاش وديما كتقلب ليها على السبة مكرهاها فحياتها كلهم ماشي غا هي كلهم كيقلبو ليها على السبة ولكن سحر زايدة نغزة
عبلة قربات كبات ايها العصير وقربات باش تعطيه ليها
حتى كينطق براهيم:الليلة البوص ايرجع
..
عبلة قربات كبات ليها العصير وقربات باش تعطيه ليها
حتى كينطق براهيم:الليلة البوص ايرجع
وشاف فالساعة:دابة ايكون وصل للمغرب وبالليل ايدوز يتعشا معانا
الحاجة:على سلامتو المغرب نور
قلبها مشا وجا من سيرتو صدرها تزمت ولونها التخطف ورجعات ليها داك الرجفة ديال اليد لي كانت بدات تمشي منها
حطات لكاس بغات ترجع اللور وهي تطيح الفورشيط تلفات ودماغها تخربق
حنات بغات تهزها حتى كتشهق فاش سحر حطات رجليها على يدها وزيرات مع كانت لابسة واحد لكاط كبير وتقيل فرعاتها فيديها ونطقات:فين مشا دماغك
كلهم كيشوفو هدشي قدامهم ما قالو تا كلمة
ابراهيم كيجغم من قهوتو بكل برود نطق :صاحب دعوتها راجع
زادت ضغطات ليها على يديها:اخر مرة يتعاود هدشي سمعتيني
عبلة يديها اتتقطع هزات راسها باه شافت فداك للورشيط لي فللرض كانت باغة تهزها وتغرسها ليها فرجليها ولكن ماشي وقتو وماشي فمصلاحتها دابة
سحر حيدت رجليها ورجعات هزات العصير كتجغم منو عبلة هزات الفورشيط دارتها فجيبها ورجعات وقفات وهي مزيرة على يديها من لحريق وطالعة معاها لحرارة من فكرة ايجي قلبها كيضرب فلمية شداتها الدوخة وماعدتها تقلبات وجاتها الردة وشدها حرييق بحال لعافية فكرشها..شهقات ورجعات كتمات شهقتها مزيرة على الطابلية ..حاسة براسها ماقاداش توقف من الدوخة
وسحر مراقباها هي والحاجة
الحاجة:هاد الليلة خاصنا عشا خاص نرحبو بيه فدارو كلشي خاص يكون هو هداك..اي تصرف يديرونجيه اتتحملو مسؤوليتو هانا هضرت والفاهم يفهم
زيرات على فكها هي المقصودة..سلاو الفطور وناضو من على الطبلة هنا جا الفراج..مشات كتجري للحمام دخلات وسدات عليها وتحنات كترد كتحس براسها اترد مصارنها لي كيتقطعو غسلات فمها وجلسات فالارض كتلهت مزيرة على كرشها كضرها قلبها ايوقف..
تمتمات:ياربي مازال مامستعدة نشوفو ياربيي ماباغاش نشوفو ..كرهتوو وكرهت الشوفة فيه قتـ لني وانا حية لعب بيا كيف بغة ومشا ودابة راجع يكمل
رجع ليها داك الرعب لي كان معيشها فيه وداك الكابوس كتحس بيه راجع ليها يكمل عليها..فهاد الشهراين تعدبات بزاف باش يلاه قدرات ماتبقاش تحلم بيه بشكل يومي ..وبالسيف باش مشاو داك الهلوسات كانت صافي حماقت كتشوفو فكل بلاصة وداكشي لي وقع قديم كلو رجع عليها كانت حماقت وزيد كيفاش كانو كيعاملوها بكل استحقار و حكرة حمدات الله انه مانتاحراتش وربي عطاها التبات والقوة باش تصبر وتكون صامدة شوية بشوية بدات كترجع لدماغها وتسوعب داكشي لي وقع لها ودابة هاهو راجع باش يحيي ليها داكشي لي فات ويكمل عليها
تمتمات:كنكرهك وكنكره النهار لي جمعني بيك والنهار لي وافقت نتزوج بيك..علااش راجع علااااااش..
ورجعات ناضت كتجري ترد تانيي ..
داز الوقت فجيهة خرا..
كانت فايقة ناشطة ولابسة ومقادة..وأخيرا غادي تكمل قرايتها وتدخل لافاك…تبسمات وهي كتقاد لكلوس فشفايفها لونو غوز بارد وحمرات لخدود
وخرجات من البيت مبتاسمة..شهر اللول كلو كان غابر ماجاش كاع لدار كان فمهمة خارج المغرب ومنع عليها لخروج والدخول..جا افالسهر التاني مهمة خرا فالمغرب كيغبر يومابن ويجي نهار ولا يرجع معطل حتى صافي عيات صابرة ولي كمل عليها انه قالها الباها مابغاهاش تجي عندو حيت الموضوع خطير ماباغيش يعرفو عندو بنت.تأزمات كتشوف راسها غا محبوسة ماكايعطيهمش وقت ديما كتحس بيه كيتهرب منها ..حتى لمؤخرا قلبات عليه الدنيا انه ماميكنش تبقة محبوسة فالدار تخنقات..وبغات تكمل قرايتها خلاها شحال حتى كيصدمها لبارح انه سجلها وقاد لها امورها كلها
خرجات للصالة كتشوفو جالس كيفطر..هز. راسو فيها وهي كتقرب جغمات من كاس دلعصير كان محطوط تماك و كرواصة جوج عضيضاات وبحماس نطقات:يلاه نمشيو
وقف كيمسح يديه شرب كاس دلما وعينيه عليها كيطلعها ويهبطها وفداكشي لي لابسة:اتمشي هكا
نزلات عينيها على لبسها:اه علاش؟
دار سيجارو ففمو ودوة وهو كيشعلو:بدلي هاد لحالة لبسي شي حاجة مقادة
هدى كانت لابسة سروال تجينس مزير عليها مبين كاع مفاتنها..وتيشيرت ايلا هزات يديها شوية للفوق كرشها اتبان:ولكن انا عجبني هدشي
مشا جلس:انا ماعجبنيش مابغيتيش هاحنا جالسين بناقص كاع من شي قراية
عضات على سنانها ودخلات للبيت لبسات تيشيرت اخور طويل نازل على لمؤخرتها واسع وخرجات:يلاه
طلعها ونزلها ووقف كيقرب ليها تا وقف عليها كان فيديه كلينيكس قربو لشفايفها ومسح ليها داك لكلوس لي كان ملمع شفايفها وكيجدب:نتي غادة تقراي وترجعي ماغاداش تحتافلي..هدشي اخر مرة نشوفك دايراه
عصبها قربات تا لوجهو ونطقات:لي يشوفك هكا يقول كتبغيني وكتغير عليا..ونت ديما هارب مني متبقيتش نشوفك..بلا مادير عليا هاد لافلام اكيمو
ميل راسو وقرب تا لوجها تسناتو يقول شي حاجة تبرد قلبها حتى كينطق:كريم ماشي كيمو…زيدي انتعطلو وعندي الخدمة
تنهدات وتبعاتو خرجو..ركبو فالطموبيل وديمارا ..حطها بعيد على لافاك واونفاص معاها:نزلي ..درت ليك شيفور ايبقة يديك ويجيبك..ممنوع تتحركي برى لافاك ماقريتيش اتبقاي لداخل تايجي موراك..ديري عقلك قراي وحني راسك ..ماتكتريش عليك الجقلة..ماتندمينيش حيت وافقت تكملي قرايتك
هدى :صافي هدشي مفهوم قلتيه ليا لبارح وعاودتيه دابة
حتى كتشهق فاش جرها من دراعها وزير:كندوي بصاح اهدى ماتندمينيش حيت وافقت نخليك تقراي
هدى:صافي واخة
كريم:يلاه نزلي
نزلات وهي اطير بالفرحة بقة حاضيها غادة تا دخلات..بقة نص ساعة وهو حدا لباب يقدر تخرج ولا ماتقراش فتتلي ديمارا وزاد وهو كيعيط للشيفور.ويأكد عليه يرد ليها لبال
داز الوقت..
نرجعو عند عبلة..
كان وقت لغدا..من بعد ما جمعات الكوزينة ديال لفطور مع الخدامات وخرجات عاونات لخدامات لوخرين فالميناج اليومي ديال القصر من بيوت وصالات وحمامات حتى سخفات..ودخلات للكوزينة تاني كيوجدو لغدا …ستفات كلشي تاني فالشاريو كان جبينها عرقان ووجها حمر بلعيا والدوخة شاداها ودماغها مرون الليلة ايرجع قلبها كيرجف من الفكرة ماباغاش عينيها تجي فعينيه..وقفات حاطة يديها على كرشها كتضرها وكتحس براسها باغة ترد وماعندها ماترد تشدات لها الشهية ملي عرفاتو ايجي اصلا كتاكل الشياطة حتى كيفطر ويشبع كاشي وتاكل لي شاط وهاد المرة سرقات واحد لكاس دالعصير هبطات عليه برد عليها وكلات غا شوية توست فيه لفرماة على ود الجهد..
لقات تلاتة درجال الحرس واقفين كيتسناو قرب واحد وهي تكات على الحيط كتحس بتعب هز راسو فيها ونطق:واش نتي بيخير
هزات راسها باه:اه بيخير شوية دلعيا
نطق:الشاريوات لوخرين خليهم فنص الطريق بلا مايشوفوك ..انا نجرهم صافي .تقال وبزاف عليك
ماكانتش قادرة اصلا تستحمل تزيد تجر شي شاريو كتفها تفرع بالتقل ولبرد وزادتها بكرشها والردان.. وكمل عليها هو
عبلة:صافي واخة شكرا اخويا الله يحفضك..
.
فجيهة خرا..
وصل فالصباح بكري نيشان مشا للاباغطومو ديالو هو وتب سابقا…طلع تلاح فبلاصتو ونعس..
كان يلاه فاق من النعاس دخل لدوش دوش بما بارد واخة الجو بارد وخرج لبس عليه..قاد السلاح فبلاصتو وتأكد منو ..جابوه ليه فالصباح هو ولمينوط وكارط دالبوليس حيت كان خارج كونجي..
لبس جاكيط ديالو ووقف لقواني ملي جات عينيه على دريسينغ داحوايج كان سوميج حمر ديالها معلق تماك هو لي لبسات اخر مرة كانت معاه..ميل راسو كيشوف فالناموسية بلاصتها خاوية..ربطة شعرها فوق لكوافوز..عكارها لحمر..عطرها..كاع تفاصيلها مازال فهاد البيت ..تفكر اخر مرة شافها فيها كيفاش كانت كتبكي وتترجاه ياخدها معاه كيفاش كانت مكسورة ومحطمة وعقلها خارج..قاد ساعتو فيديه وتمتم:باقي ماشتي والو عبلة
وحل لباب وهبط مع الدروج ..
غير شافتو وقفات باحترام وقف حداها وهي تتحنا ونبوس يديه:على سلامتك
ميل راسو باه ونطق:كاع حوايجها وداكشي ديالها حيديه عليا من البيت
نورة:واخة البوص
نطق بتمدير:الزعيم هارون..ماشي بوص..انا هنا هارون الزعيم
نورة:واخة السي الزعيم سمحلي عفاك
هارون:اتسالي خدمتك لي عندك ومن بعد اتلتاخقي بالقصر اليوناني تماك اتبقاي
نورة بلعات ريقها:واخة اسي الزعيم
وكمل طريقو وخرج..تنهدات عارفة عبلة فالقصر اليوناني وغادي تشوفها وتعرف انه تاهي كانت داخلة فهادشي ..تنهدات وطلعات للبيت كتجمع كاع حوايج عبلة واغراضها كلشي فالشوانط ولكراطن وهبطاتهم للبيت الي لتحت وخباتهم تماك …
داز الوفت..
كان فمقر الشرطة دخل كلشي كيرحب بيه ويتحمدو ليه على السلامة تا دخل للمكتب ديالو هنا جا المساعد بملفات القضايا لي خدامين عليهم النص ديالهم كان كيصيفطهم ليه فلايمايل ديالو كان مرة مرة كيطل يشوف لقضايا فين وصلو ويعطي بعض التعليمات..
حتى كيخرج ويخليه بوحدو..دقايق ودخل كريم ومروان
وقف سلم وكلسو مجموعين فالمكتب مانع يزعجهم شي واحد
مروان كيحرك راسو يمين وشمال:مروان ميقولك خليتي بلاصتك وفرحان حيت رجعتي
تبسم ليه:شنو تما كي غادين مع الخدمة
كريم:المهمة لي كانت فسويسرا دازت مزيان كلهم تشدو
مروان:مروان لي قدر يعرف بلاصتهم وكريم شدهم
كريم مسح ليه على راسو:تبارك الله عليك
وشاف فهارون:هدي شهراين ما ولا وقع والو نستخبو فمرا ماولبنا قدرنا نلقاو عليهم تا كركة ماشي هي هديك
هارون:الحمولة اتكون ترحلات لخارج لبلاد ..اميد غادي يدرو هدنة بينما تهدا لاوصاع حيت عارفين كنتسناو فوقاش يديرو شي حركة..
كريم:البوص ديالهم ماولا قدم تا تهديد..زعمة صافي سالة الفيلم
هارون:لا ماسالاش حنا دابة ولينا عارفين بعض خطواتهم وماخاصش نرجعو اللور نكونو واجدين فأي وقت حين اكيد ايديرو شي حركة ..
كريم:وانا معاك ولا عندي فضول نعرف شكون هو هاد البوص ويجي بين يدينا
مروان:تا مروان بغة يعرفو
هارون:طال الزمان ولا قصار ايتشد بحالو بحال لي سبقوه
كريم:احم..لقيتي شي خبار على عبلة؟
هز فيه راسو فين عمرو نطق اسمها هكا حافية ولا تدخل فبحال هاد لامور:لا وماباغيش نعرف
كريم:فين ممكن تكون زادت
هارون:ماعرفتش
مروان:مامزياناش هي بلغات بهارون وبغات دخلو للحبس
كريم شاف فيه:ماعرفناش شنو واقع باش نحكمو عليها
هارون كيلعب بالستيلو فيديه ويشوف فيه
ورجعو تاني لخدمتهم يناقشو شي قضايا..
جلسات وهي عيانة ومهلوكة وماعندها خاطر لوالو كتافها كيضروها وكرشها كتنغزها والدوخة..وقلبها مزموت وفكل دقيقة كيقرب وقت لعشا قلبها كيزيد يتزمت..يديها كيرجفو بوحدهم ..دابة كلسات فكرسي ترتاح مح داك الصفريطة ماكايناش عيات بزاف..
حتى كتدخل كتقلب عايها بعينيها شافتها جالسة:تبارك الله نتي لي وتاك لجلاس لبنات خدامين ونتي جلسي
عبلة شافت فيها ببرود وجمود قاتل ووقفات بلا تا كلمة كتقاد الطابلية على خصرها وتهبط لاجيب لي طلعات ليها حتى للركبة..مؤخرتها عاطية للعين بداك لاجيب واخة نحفات شوية ولكن مازال كلشي مطراسي ..هي من النوع لي حسمها هاكة داير ديما لقنات عامرين..
دلال رئيسة الخدم التانية كاينة لي فوق منها ديما مع الحاجة..قربات ليها:عينيك نعميهم ليك على دوك الشوفات لمستفزين الحمقة..نتي هنا خدامة فابور كنديرو فيك مابغينا غا ماتبقايش تتعفري وتشوفي فالسما ونتي ماساو والو..حمقة ومجنونة وصافي
عضات على سنانها وقربات ليها تا خلات دلال ترجع اللور بخوف:هاد الحمقة شي نهار غادي تفقد السيطرة وماتلومي غير راسك..نتي عارفة لحماق شنو ممكن يديرو
دلال ماتنكرش انه شي مرات كتخلعها
على اخر كلامها دخلات الحاجة ورئيسة الخدم لكبيرة ووقفات كتشوف فينهم
دلال غير شافت الحاجة مشات عندها طايرة ووقفات باحترام حانية:لالة الحاجة اش حب لخاطر علمينا حنا نجيو تا لعندك ماتتعدبيش راسك وتجي للكوزينة
الحاجة:اش واقع هنايا
..
دلال:ماكاين مايتخبى عبلة ولات تتراد معايا فالهضرة جيت لقيتها جالسة قلت لها نوضي عاوني لبنات قالتلي انا حمقة ويقدر نفقد السيطرة وتهدد فيا
الحاجة شافت فعبلة بهدوء وقربات ليها وعبلة واقفة تابتة كتشوف فيها حتى وقفات عليها
الحاجة تبسمات بهدوء حتى كتزرب عليها وكتشدها من اللور دشعرها وكتزير منزلاها لعندها حيت عبلة طويلة عليها
وتقابلات مع وجها؛ماتنسايش انك نتي هنا تحت الرحمة ديالنا..حمقناك ورجعنا لك عقلك واحد الشوية وقادرين نوليو نحمقوك تاني تا تولي طالبة لفكاك..نتي هنا ماكاتسواي والو نتي هنا تحت كلشي ..وملشي فوق منك..تا لكلب لي كينبح برى عندو قيمة عليك…لي قال هنا شي حاجة تسكتي وتنفدينا وراسك لتحت عمرو يعلا
ورخات منها ورجعات باللور مازال كتشوف فيها:اليوم جاي لبوص لعشا يكون هو هداك كيف كيبغي..تاحاجة ماتنقص وتا مشكل ما يوقع
ورجعات شافت فعبلة لي واقفة ماتحركتتش:نتي لي اتسربي معاهم وتبوسي يد سيدك لبوص ملي يحضر وعينيك فلارض ..طيح فورشيط ولا يتزعزع لكاس غادي تتحاسبي
وخرجات من الكوزينة مخلية عبلة عاضة على سنانها ملداخل وكتتوعد ليهم كاملين انه كلهم ايخلصو واتوقفهم على كلامهم هدا…
دلال:تحركي
قربات كتجبذ طباصل لي ايحطو فيهم وتستفهم
دار الوقت
الطبلة كانت مقادة كلشي واجد..الماكلة محطوطة فاطباق كيحافضو على السخونية..
ووقفات هي وتلاتة دالخدامات جنب الطبلة
نزلو كاملين ملي وصلهم خير انه وصل وشوية ويدخل..
قلبها تزمت كتر وكتر وحلقها نشف وطلعات معاها الحرارة..
حتى كتنطق الحاجة وهي كتشوفو داخل مع لباب:مرحبا بولدي نورتي رحبتك
قلبها مشا وجا ماقادراش تعلي راسها وتشوف فيه..حاسة براسها اطيح كتبغي تبلع ريقها ماكاتلقاش لا ريق لا والو ماكرهاتش ترجع باللور وتهرب ماتشوفوش
جاي بخطوات تقال لباس كلاسيكي كلو كحل من النوع لفاخر من غير داك المونطو لكلاس لي على كتافو فاللون لباج يديه فيها ليكات ديال الجلد وتسبيح بين صبعانو كيحركو..قربات ليه رئيسة الخدم لكبيرة وتحنات باست يديه:على سلامتك البوص
ووقفات من موراه باش تاخد منو داك المعطف حيدو على كتافو وخداتو ومشات بيه تعلقو..
سخر كتشوف فيه كتحس بقلبا كيرفرف بالفرحة بشوفتو قربات هي اللولة تحنات باست يديه:على سلامتك
هز راسو باه وقرب للحاجة بغات تبوس يديه وهو يبعد وباس راسها:على سلامتك اولدي
قرب لبراهيم بغة تاهو يحني يبوس يديه وهو يبعدها وباس ليه كتفو:على السلامة
قرب لابليف مرات براهيم ..تبسمات ليه عندها عزيز غرغرو عينيها بالدموع وهي كتتفكر ولدها رضوان ماكانش كيتفرق معاه ديما داخلين بجوج وخارجين بجوج ويسافرو بجوج كان يديه ليمنية ..باس ليها راسها ملي عرفها فاش كتفكر:الله يرحمو
نطقات بصوت مخنوق:ماقادراش نستوعب انه صافي ولدي الوحيد مـ ات وعمري نقدر نشوفو كان حنين فيا وكيبغيني ..كنشوفك داخل مع لباب كنتسناه يدخل تاهو ويجي يبوس راسي
وسكتات كتداوي دموعها..
البوص مسح على كتافها:لبكا ماعندو مايدير ترحمي عليه وملي تتوكشيه قبرو برى جلسي معاه
قرب ليها براهيم حتضنها:هكا كنستقبلو البوص
مسحات دموعها:سمحلي اولدي
هز راسو
الحاجة:البوص خدا حقو بالضوبل ولي مازال حي راه مازال كيخلص
كتقصد عبلة
ورفعت صوتها:قربي بوسي يد سيدك
منزلة راسها ومزيرة على يديها هدشي لي ماباغاش سمعات كاع كلامهم وكلام ايليف وصوتو وهو كيدوي خلا دمها يغلي
من كلام الحاجة دور وجهو كيشوف فين كتشوف ..حتى جات عينيه عايها وسط تلاتك دلخدامات بلباس الخدامات منزلة راسها
الحاجة:قربي
وحدة من لخدامات همسات ليها:سيري راك غتجبدي على راسك الصداع ويصدق البوص مطير ليك. راسك سيري عتقي راسك وحني الراس
بلعات ريقها وزادت جوج خطوات للقدام ووقفات ورجعات كملات وهي حانية. راسها كتشوف غا خطوات رجليها فين غادين تا وقفات حداهم
الحاجة:يلاه..
هزات راسها شوية كتشوف فصباطو كيلمع طالعة شوية وقلبها كيضرب فلمية هو نفسو صاحب الكابوس رجع ليها كلشي فهاد اللحضة طالعة بعينيها لباسو نفسو كتسنا توصل لوجهو وتلقة داك القناع باش قلبها يوقف..ولكن لا ..لقات هارون الزعيم كيشوف فيها يجمود نضرات حادين مافيهم تا احساس ..
تقابلو عينيهم هي كتخس بالدنيا مدور بيها وهي كتقول انه ندا نفسو لي لعب عليها وتيشها فرعب ونفسو لي كان يطبطب علبها ويقلها تاوامد مايقدر يوصل ليك من غيري ..عضات على سنانها باش ماينزلوش دموعها .بلعات ريقها من دوك النضرات ديالو الشرانيين بلا تا كلمة كتمس بيه مازال كيتوعد لبها بالاسوء
سحر عاضة سنانها وهي كتشوفها ميفاش كتشوف فيه وقريبة منو..
الحاجة:شكا تسناي
عبلة نزلات عينيها ليديه كتشوف فيها وتحنات وشداتها وقلبها ميضرب فلمية هتد اليد مانت فوامد الوقت مصدر امان ليها كتشد فبها عاد كتنعس..وهي فلاصل كانت نف#البوصس اليد لي كتعدب فيها..
قربتها لشفايفها وطبعات قبلك تاماك..تاخس بنعومة ودفا شفايفهاا تماك