الجزء 24 - الزعيم3 -ادمنتها وبنار الهوى احرقتها

 

.

درسو القضية مزيان وكيسولو فالتفاصيل ولقاو كلشي صحيح وعبلة غير كتتوهم..وهارون مضلوم..

ولي الامن شاف فهارون:نت عارف درنا غا خدمتنا كنتي ضالم ولا مضلوم كان الحق ايبان

هز راسو باه

حلو ليه المينوط 

ولي الامو:المدام عبلة خاص تدخل للمصحة تتعالج حيت هدشي لي بين يدينا كيوضح لينا انها ماشي طبيعية وخطر على الناس لي ضايرين بيها..انكتبو ليها ورقة باش تتعالج وفأقرب وقت خاص تلتاحق بالمصحة 

حياة رتافع صوتها كتبكي..ومحمد قلبو كيتقطع على بنتو لي دارتها بيديها على قولتو

هارون كيماصي فيديه عاض على سنانو..

وخرجو كاملين

الضابط:السي هارون تسالي واجي عندنا اجتماع فالمكتب 

وقرب ليه :كنعتادر على داكشي لي وقع ولكن درنا خدمتنا

هارون هز راسو باه..والضابط مشا وخلاه مع العائلة فلكولوار

محمد:انا اناخد بنتي معايا للدار من بعد هدشي لي وقع مابقاش عندنا الوجه لي يشوف فيكم بنتي ماعرفتش اش جابها لهدشي 

حياة:ماكنتش مرتاحة لصاحبتها ولكن ماكانش يحسابلي لهاد الدرجة اتخرج عليها وعلى راسها..ماعرفتش شنو وقع بالضبط ولكن بنتي ماكانتش هكا..وشكرا اولدي حيتاش واخة دارت هدشي كامل سترتيها قدام لبوليس وخرجتيها منها واخة عتارفات..كان بامكانك تخرج راسك وتخليها هي واحلة

وشافت فناصر:شكرا بزاف

هارون غير ساكت رجع عليه كاع داكشي لي دارت كامل من النهار اللول..راسو كيضرو ماخداش الدوة من لبارح وماناعسش..كلما زاد طول ميزيد لحريق

محمد:اناخد بنتي ونمشيو حتى نشوفو شنو نديرو..ولي درتوه حنا معاكم

هارون:عبلة غادي..

ناصر شدو :خليها تمشي معاهم دابة عقلك ماتابتش غادي توقع شي كارثة لا تجمعو بعد عليها..

محمد جر حياة ومشاو يجبو عبلة

هارون:هدشي ماغايدوزش ساهل هي من نهار تخطبنا وهي ناوية على الغدر وعلم الله شنو مازال تحت راسها..هدشي بانلي فيه بزاف ديال التخلويد ختص نعرفو

ناصر:خليها تمشي وغانعرفو شنو كاين من بعد

هارون هز راسو باه.. راسو كيزيد يضرو.

ناصر :اعتادر من الاجتماع ويلاه معايا حالتك ماشي ديال تبقة هنا ومستحيل نخليك..

خلاه عتادر ومشا معاه للقصر طلع نيشان شرب دواه ونعس ايفيق وايبدا كلشي من اللول 

قبل لحضات ..

كانت مصدومة كتشوف مها والباها كيشهدو فيها..كلشي تقلب ضدها..كلشي ترون..كلشي ايكرها دابة..

جلسات كتبكي تخنقات ولات باغة تخرج من لهنا فأقرب وقت ممكن ماقادراش تستحمل هاد الضغط كامل..صافي ردوها حمقة بلوراق وبالقانون..

دخل لبوليسي ومعاه محمد وحياه

محمد :زيدي قدامي المسخوطة زيدي

عبلة:بابا انا

غوت:زيدييي..

حياة جراتها وخرجو ركبو فتاكسي نيشان للدار طلعو

دخلات كتبكي ايخرج لها لعقل 

حتى كتحس بمحمد جرها من شعرها معصب وبدا يضرب فيها:ياك المسخوطة هدو هوما ترابية..اخر يامي تولي بنتي ملاوحة بين لمافيات ولبوليس هااا..

كينتف فيها ويشبع فيها صقل..وهي كتبكي وحياة كتفك

محمد:حمدي الله ملاحكش داك ولد الناس للبوليس وخلاهم يمرمدوك مزيان..يحساب لك انتبعوك لا وقع هدشي؟اقسم بالله مانتبعك ولا نسول فيك بحالك بحال داك لكلوشار دخوك نكرك نكير الجمل ولكن..شنو مازل مخبية دوي السفالية دوييي

دفعها عايه..:غبري من قدامي غبريييي اتردني قتـ ال فأخر يامي..ابلاتي عليك انا لي انرجع لك داك لعقل ونحيد منك لحماق..نتي راك محمقة قبيلة

دخلات للبيت..كتبكيي..كلشي ولا ضدها تاواحد مابقة حاملها وتاواحد مامتيقها ..هزشي لي بغة يوصل ليه البوص..نزلو دموعها كتتسنا شنو مازال ايدير فيها هادي دازت …

داز الوقت سعتاين دالمكانة

كانت عيانة بزاف تقهرات صافي مابقاش لها الجهد..

صونا اطليفون كان فجيب الجلابة جاوبات وهي خايفة..جاها صوتو لي مرمب فيها الرتب:ملي نصيفط لك ميساج هبطي  نلقاك فالدخلة ديال دلحومة فداك لخلا لي تماك..انكون كنتسناك..برافو المهمة اللولة دازت مزيان..دابة ودعي عائلة لي ضحيتي على قبلهم وشوفيهم مزيان..

عبلة:ولكن عللش خليتي كلشي يكرهني 

هو:داكشي لي بغيت..ملي يوصلك الميساج هبطي..لا درتي شي حركة ماتماش اتباتي ماتصبحي نتي وعائلتك كلها دابة وليتو معزولين لا حماية لا هارون لا ناصر ..كاين غير انا اعبلة لي بقيت ليك

وصيفط ليها فيديو قريب من دارهم مصور من جميع النوامي يعني تخت المراقبة وفأي لحضة فركت ليهم الشمل..

غمضات عينيها كتبكي فعلا خصرات ملشي وتاوامد مابقة متيقها…

.

داز الوقت

بقوة لعيا نعسات هكاك بجلابتها ..ناعسة معدبة وكلها كوابيس..

محمد كان مازال معصب مابغاتش تبرد ليه من داكشي لي وقع..

محمد:فين هي

حياة قفزها صوتو:راني طليت عليها ناعسة

محمد:هي لي جات معاها ضارباها بنعسة 

ونتض دفع داك لباب برجليه ودخل عندها كيدفع فيها:افيقي الشريفة

ناضت طافجة مخلوعة كتشوف مع جنابها

محمد جرها من شعرها:دوي اش جتبك لشي مافيااا اش دخلك لداكشيي..واش باغة تخرجيلي لعقل..

عبلة مقصحها:اباا راه هند ضحكات عليا بغيت غير نعاونها و…

جمع معاها بكف دوخها:ضحكات عليك مالك كاترضهي فصبعك دوي السفالية لي عطاني الله..اخر يامي نمشي نجيبك من لكوميساريات وتحشميني مع الناس موصلة الراجل للحبس باغة تخرجي عليه وعلى خدمتو..اش دار ليك من غير تستر عليك وعلى وسخك 

عبلة كتبكي:ابا سمعنييي راه ماشي لخاطري..هو لي بزز عليا باش ندير هدشي..هو ايحمقييي وباغي يخرج ليا على حياتي

زير لها على شعرها:شكون هدا 

عبلة:هداك لي قتـ ل هند كيجي عندي ديما ويهددني وبغاني ندير هدشي..سمعني خليني نشرح ليك..

قاطعها بواحد المف:مازال كتخرفي حماقيتي وباغة تحمقينا تحنا معااك…ولكن سرك هداك…لي تغدر بالراجل من نهار اللول ربي سلط عليك خرجان لعقل…نتي مزوجة بيه وغادة تتلاقاي خطيبك لقديم تماك عرفت راه ماربيت ولو وغادي ديري شي موصيب

عبلة تنترات منو ورجعات اللور وهي كتبكي وتغوت:صافييي بعد منييييي ..ماعمركم اتيقونيي هو هدشي لي بغاا..صافييي ماتزيدتش تقرب لياا لي فيا كافينييي ماعشتوش داكشي لي عشتو وداكشي لي شفت 

قرب ليها كيدفع فيها:سكتيييي سكتيي مازال عندك الوجه لي يغوت ويخرج عينيه..غادي ندخلك للصبيطار دلحماق تماك بلاصتك

غوتات:وا بعد منييييييي فين عمرك تقتي فينا ديما محسسنا بنقص بديتي بالزاكي نت لي خرجتي عليه ونكرتيه ودابة باغي تكمل بيا..اه انا غلطانة وحمقة وغير كنلهوس..صافي بعدوو مني…كنكرهكم كامليييين كنكره هارون وكرهت النهار لي عرفتو فيه 

جات حياة كتبكي ونجرو :نعا الشيطان امحمد

خلاتو كيغليي وهي كتبكي وتغوت :خرجوووووو…خرجوووو

حياة كتبوس ليه يديه:لعار خليني نخرجو شوف حالتها ماتديش عليها

وخرجاتو داك الساع كلس شاداتو الصخفة ..غيثة كتبكي

حياة:جيبي لما والدوة جري

مشات جابتهم لبه شربوه ليه:ولادي ايقتلوني واحد كلوشار ووحدة مصطية..

عبلة عضات الخدية كتبكي بحرقة صافي خرجو لها لعقل تا واحد مامتيقها عيات بزااف…كتلهت صافي عيات من كلشي مابقاتش قادرة تزيد تشرح..

وصلها ميساج مكتوب فيه:ربع ساعة ونزلي فين قلت لك..

مسحات دموعها بكممها:خليني نمشي ونسالي عليا هدشيي..

جلسات خمسة الدقايق وناضت حلات لباب لقات غير غيثة:فين البا والمي

غيثة عينيها حومر بلبكا:فلبيت بابا طاح ليه الطونسيو ودخل يتكا وماما معاه كتهدنو

هزات راسها باه:سيري تمفضي ولا شوفي ديري 

ايثة بالخوف مشات كتجري دخلات للصالة لوخرا

عبلة رجعات دخلات للبيت كلشي ايترون بسبابها تانيي..

جلسات كتشوف فالوقت وكتبكي بصمت..غير قرب الوقت وقفات وحلات لباب ماحد ماكاين تا واحد وخرجات من الدار…

فجيهة خرا في قصر الزعيم..

قبل ساعة…

كانو فالمكتب

هضرو فكلشي

يوسف:ماخاصش يولي يتلاقاها ايدير فيها شي فضيحة خاص يبقاو بعاد لشي فترة..ماعرفتش بان ليا ماخاصش يكملو بزوج اش بان لك..انا مابقيتش مرتاح ليها

ناصر بتفكير:تماما خاص يبعدو واحد الفترة ماخاصش يتجمعو حتى يترصاو لامور داك الساع نشوفو شنو نديرو..

يوسف:شنو بان لك نخليوه يسافر عند عمو بدر ونيت يدوز يشوف الطبيب يدير فحص ..خاص يبعد هو دابة عقلو ماتابتش يقد يقتـ لها ولا يدير شي فضيحة وحنا هدشي هاربين منو من شحال هدا ..كنتفاداو نخليوه يخرج على طوعو باش فتالي تجي هي تكمل عليه

ناصر:صافي الموضوع عندي ..ايبعد ولباقي نشوفوه..

‎#البارت122

فجيهة خرا ..قبل مدة..

لبسات وقادات لعيد ميلادها جات كتفتن بالزين هي اصلا زوينة بزاف عندها واحد لبياض كياخد لعقل وخدود حومر من عند الله ولون عيونها الزيتي مخلط بالعسلي..لبسات كسوة فلغوز طويلة لاصقة على جسمها وعريانة من لكتاف..وعمار غوز وشعر بوكلي على جنب..هزات ساكها وهبطات..وخرجات ركبات فالطموبيل قبل ديماري صيفطات للزاكي لوكاليزاسيو ونيشان للاوطيل..حجزو صالة صغيرة لعشرة دالناس فقط..

غير دخلات بداو يصفقو ويعنقو فيها وهي فرحانة ويتصورو..

وحدة من لبنات:فين هاد خونا لي انستهزؤو بيه واقلة دار بناقص

جوهرة:لا غادي يجي

ونبسمات بخبث..مأكدة ايجي بداك لباس لمشرمل ولكارو مور لودن والسناسل..بغاتو يحس بقيمتو هابطة قدام بحال هاد الناس ..كاينين تلاتة دلمحاميين رجال معاهم لابسين لكلاس ومقادين..

داز الوقت طالقين موسيقى هادئة وصوت ضحكات لبنات مسموع ..

حتى كتنطق وحدة فيهم:اهيا ناري شكون هاد لبوكوص..

التانية:ناري شحال كيحمق الطولة والتجريدة ولكلاس معامن جا

جوهرة عاطاه بالضهر ماتسوقاتش كاع تعرف شكون..

لبنت:جاي لعندنا البنات

جوهرة دارت تشوف شكون وهي ترمش بالزربة ملي شافتو الزاكي..طلعاتو وهبطاتو لابس لكلاس كلشي كحل جاي معاه كيحمق وفاتح الصدافات اللولين ومخلي تماك سنييلة خفيفة..مرجع شعرو اللول بطريقة كلاسيكية عكس ديما التشاوك..ساعة فاليد غالي ..جا بومبة..صحاباتها حلو فيه فمهم 

تاوقف عليهم ورسم ابتسامة على وجهو:تعطلت عليك

كانت ساهية فيه حتى كيشد يديها قدامهم وكيبوسها بكل جانتل مانية:عيد ميلاد سعيد

لبنات بغة قلبهم يوقف 

جوهرة تلفها لهضرة مابغاتش تخرج من فمها وهي كتشوفو هكا قدامها..دار وشاف فلبنات ورسم على وجعو ابتسامة خفيفة ودوة بهدوء:امسية سعيدة

تبسمو ليه دايبين فيه:امسية سعيدة

ورجع شاف فجوهرة لي غير كتشوفف يه

قرب ليها:جيتي كتحمقي بلغوز الغوزية

كتشوف فيه وفهاد كمية الرجولة لي فيه رمشات عينيها وتبسمات كتتدارك الوضع:شكرا..حرت شنو نلبس وانا نتفكر كيعجبك تشوفني بلغوز

تبسم كيشوفها شحال كتحمق:ماكايعجبنيش صراحة ولكن عليك نتي كيجي كيفتن

تبسمات ليه

جراتها صاحبتها لعندهم:سمحلنا واحد الدقيقة

صاحبتها:هاد الزين ولقلدة وتبوكيصة كامل بغيتينا نحشموه ونطنزو عليه ماحشمتيش

البنت التانية:كيحمق انا يحساب ليا شي مبهدل داير فيه الطنز..لا لا سمحيلي مانقدوش 

جوهرة خنزرات فيهم:شهاد الدل هدا كامل دغية تحليتو ليه

البنت:اختي راه حشومة شوفي غير الساعة لي داير راه غالية بزاف ولكوستيم..وشوفي الزين ولعوينات ملونين اختي سعداتك

عصبوها وهي تمشي من حداهم :تشرب شي حاجة

الزاكي:شنو كاين

جوهرة:لي بغيتي

عيطات للسيرفور طلب مشروب كحولي خفيف ..

وهو كيشوف فيها شحال جات زوينة..واقفة حداه ومبتاسمة وكل شوية طلع وتنزل فيه..فاش جا غطا على هادوك لمحاميين لكلاس مابقاوش يبانو قدامو تا  لبنات غا حاضيينو هدشي ديرونجاها ماشي هدشي لي كانت باغة

جوهرة كتقاد ليه لكول:جا معاك لكلاس..اول مرة نشوفك بيه..تبدلتي

تبسم:قلت مانحشمش بيك قدام صحاباتك ونجيك بالحنشة وتشاوك

تبسمات وفلداخل ديالها كتسب فيه ولكن ماتنكرش انه جا زوين ..بادات عينيها ماباغاهش يعجبها

كبد بواطة وحلها فبه عقد الماس:مريان ملب عنفك خاوي

تبسمات كتشوفو كيبري:زوين بزاف عكبنيي

عطاتو بالضهر:رمبو ليا

قادو ليها فعنقها لبيض طويل غير ديال لبوسان بلع ريقو ملي كا فبالو يبوس كتافها لعريانين رحع اللور وهي كتقاد فشعرها:كيحمق دوقك زوين

الزاكي:تستاهلي

قربات لعندو:نمشيو لبدار

الزاكي:والحلوة

جوهرة:مابغيتهاش خليهم ياكلوها هوما..

وشافت فالكصور:شكرا على حضوركم انهليكم خرج لبنا سي شغال

لبنات ميشوفو فيهل بداك السوفات دبال احياني تبسمات وجراتو ومشاو ماكانتش حاملة شوفاتهم ليه..

خرجو لبرى ركبو فطموبلتها مشاو فيها

الزاكي كيشوفها سايكة ومبتاسمة:راشقة ليك

جوهرة :بزاف..بغيت ناخدو راحتنا

الزاكي:هدشي بزاف عليا..

تبسمات كتفكر فداكشي لي باغة دير ليه

وصلو نزلو وهي تحل لكوفر هزات واحد شوينطة صغيرة وطلعو للفوق للدار

الزاكي:شنو تشربي

جوهرة:خلط لينا شي كاس

الزاكي مشا كيقاد جوج كيسان:باغانا نرونوها

ودار لعندها لقاها حيدات الطالون خدات منو لكاس هبطات عليه فدقة هبط عليه تاهو فدقة وزاد جوج كيسان خرين وشربوهم تاني وهي كتشوف فيه قربات ليه بمراوغة كطلع يديها لصدور:فخبارك نت زوين بزاف

تبسم حط يديه على خصرها:ونتي كتحمقي

حطات لكاس:بغيت هاد عيد ميلاد ديالي يدوز زوين بزاف وعمرو يتنسا

وحطات صبعها على شفايفو:معاك

دوخاتو بحركاتها :وانا معاك

وقربها ليه وداك الساع عطاتو الضو لخضر وحط شفايفو على شفايفها وبداو يتبادلو القبل..نزل مع عنقها كيبوس فيها داك الساع بدات تحل ليه صدافات لقميجة فهم قصدها انه القضية فيها الكوى نطق:مأكدة؟

هزات راسها القضية :اه مأكدة

زادت جراتو خلاتو يحيد لقميجة وهزها مدخلها للبيت بين يديه وشفايفو على شفايفها كيتبادلو فالقبل حافض الطريق…ستخلاها وعشقها فهاد اللحضة

..

فجيه خرا..

قبل ساعة من الوقت الحالي

كان واقف جنب لبحر هو وياه..

نطق:نهار اللول حضرتك من هدشي ..الحب كيضعف وكيشوش ومامشيتي تا جبتيها لعندك يحساب لك ما انعرفش

خنز فيه:هدشي كامل بعيد عليك ..شنو باغي

قرب ليه:سمعني اكريم..ماباغيش داكشي لي عارفو يخرج خصوصا هارون ماخاص يعرف والو من داكشي لي ببناتنا..

كريم:تانا ماباغيش تاواحد يعرف راه بيناتنا معريفة هدشي دوينا فيه

رجع نطق:حيت بنتيلي بديتي تتمرد وانا من طبعي ماكنتيقش..بغيتك تفهم انك دخلتي معانا .يعني فكر ميات مرة نهار تنوي دير هاه ولا هاه تاوامد ما ايعقل عليك ولا على الزوجة ديالك

شنق عليه عاض على سنانو:ماتجبدهاش على فمك

تبسم بخبث:كنوصيك…نهار اللول خرجتك كي الشعرة من العجينة من داك جريمة قتـ ل لي كنتي اتغرتق فيها بلحباسات ماتنساش هدشي..

دفعو عليه:اخر مرة تتيطلي ولا تهددني حيت لا بقيتي تحك على الضب عاد اتشوف وجهي التاني خلينا كنلعبو بالمستور..

وركب فالطموبيل وزاد ..خلاه واقف كيقاد فلكول …

فوقتنا الحالي

وقفات بطموبلتها قدام قصر الزعيم دخلات من باب دالجردة للكوزينة وطلعات فالمصعد ودخلات للجناح ديالها ودخلات نيشان للحمام حيدات داك لكسوة لغوزية ووقفات تحت الرشاش عريانة نزلو دموعها كتبكيي وتفرك فجسمهاا كتتفكر داكشي لي وقع وتزيد تبكيي كتشوف اتار قبولاتو على جسمها وتزيد تتكره غوتات:كنكرررهك الكلوووشاااااااار كنكرررررررررهك

حسات براسها كسرها من لداخل..

اما عند الزاكي..

كان تحت الدوش..كيرجع شعرو اللور ولما نازل عليه كيتفكر شكلها كيف كان تنهد جاه تأنيب الضمير ولكن هي لي جبداتو هي لي بغات تعفط على رجولتو ووراها شكا يسوة..ضرب يديه مع الحيط قدامو فاش تفكر حالتها كيف كانت منهارة:نتييييي لي قلبتي عليااااا..لاش جاية عندي وقلبتي عليا لااش…

نرجعو عند عبلة

نزلات من الدار كانت هازة صندالتها فيديها حيت هبطات كتتسلت..رجعات ليساتها غادة فالدرب بداك الجلابة وقلبها كيضرب فلمية ختفت يهجمو على عائلتها ميف هجمو على مقر الشرطة..وصلات فين قا ليها كتشوف طموبيل كحلة هوندا كبيرة بحال دلمافيات قلبها مشا وجا ترددات واش تكمل ولا تهرب ولكن تقهرات وعيات صافيي هدشي ولا فوق طاقتها تا لدماغ مابقاش خدام عقلها حفااا..ولكن الخوف طغا عليها رجليها مابقاوش قادرين يزيدو خطوة وحدة بلعات ريقها تاني ورجعات اللور ماقدراتش بغات الدور وتهرب بلا ماتفكر..حتى كتحس بشي حد جرها من خصرها لعندو وهو مور ضهرها غمضات عينيها من صوتو لي ولا كابوس فدماغها:فين غادة..

همسات ليه:ماقادراش خليني نمشي بحالي..

نطق:لا ماعندك فين تمشي بلاصتك من اليوم معايا ..حياتك مابقاتش ديالك..

قلبها ولا يضرب فلمية من كلامو بغات تنتر منو وهو يحكمها وجرها بغات تغوت شد لها فمها بيديه وزير ورماها اللور وركب حداها داك الساع الشيفور ديمارا..بدات كضرب فالزاج:نزلنيييي..نزلنيييييي مابقيت باغة نمشييي رجعنييي

كيشوف فيها بهدوء صافي جات بين يديه..وماكاينش لي ايفكها منو ولا ياخدها ..الطموبيل عازلة للصوت وزاج فيمي تعيا ماتغوت ما اتربح والووو..

عيات بلغوات صوتها بح شافت فيه:شنو مازال باغييي منيي خرجتيلي على حياتي وزواجيي  تاواحد مابقة حاملني  …الله ياخد فيك الحق …شكون نت قولييييي شكوون

صدعاتوو جرها من شعرها لعندو نطق:غادي تعرفي شكون انا ملي انوصلو ..دابة صوتك مانسمعووش حيت باغي نخرج حلقة من بلاصتو ونخطو قدام عينيك

بلعات ريقها من تهديدو ورخا منها وبعدات لاصقة فلباب كتبكي بصمت ماعارفاش فين دايها …

…

داز الوقت..

وصلو لداك القصر لي جاي وسط الغابة.. معزول على العالم…

وقفات الطموبيل حدا لباب 

نرل وهي مازال ساهية ماعارفاش راه وصلات للجحيم ديالها..

حل الباب لي من جيهتها:نزلي

قفزات من صوتو لي مازال ماقدرات تتعود عليه من كترت الرعب لي مركب فيها..

شافت فيه ولصقات فلكوسان:فين جايبني شنو هاد لبلاصة رجعني الله يخلييك..كلهم ايزيدو يكرهوني..هارون ايكرهنييي صافي راك دوزتيها عليا بما فيه لكفاية واش ماكفاكش هدشي شوف حالتي كيف ولات

مانطق تا كلمة من غير جرها من دراعها ونزلها وهي كتنتر منو..كتشوف الدنيا عامرة رجال مسلحين كل واحد يا واحد فكل بلاصة

كانت لباب محلولة..

دخلها ..

كانو كلهم مجموعين ..كيتسناو فيهم ..كيتسناو فهاد النهار الموعود..

حتى كيدفعها وسطهم جات طايحة على ركابيها قدام الحاجة

البوص:انا هضرت ووفيت..

الحاجة:الله يرضي عليك ماكانش عندنا الشك فهدشي

الحاجة تحنات عند عبلة هزت ليها راسها لعندها كتشوف فيها بدوك لعنين لمكحلين لونهم خضر غامق..كبيرة فالعمر ولكن مازالة اتار جمالها واضح نضرات قاسيين نطقات:معاك الجدة دبال رضوان..وهادو عائلتو لي بسبابك مـ ات وحرقتي قلوبنا عليه..الحفيد الوحيد لي عندي والوريت الوميد نتي بهدشي قطعتي سلاتلنا وحرقتي كبدتنا

عبلة دخلها الخوف هزات راسها بلا باغة ترجع باللور وتهرب وهي توقف ليها سحر فطريقها

الحاجة قربات ليها تاني:مرحبا بيك فالجحيم لي عيشتينا فيه ..حق حفيدنا انامدوه بيدينا ..هنا اتبقاي معانا..كنت بغيت راسك يطير قدام رجليا ولكن كيف قال لبوص ماكاين ماحسن من تولي عبدة عندنا ونحرموك من حياتك ونكرهوك فعيشتك تا يجي وقتك وهو يتكلف بيك يقتـ لك ولا يدير لي بغة

بلعات ريقها كتهز راسها بلا تخنقات مابغاتش تبقة هنا كتشوف فيهم كاملين كيشوفو فيها بحال شي فلم دالرعب وهوما دوك لقتا ـلة لي ايعدبوها..

شافت فلبوص وهي جالسة فالارض وبصوت مخنوق حاسة براسها فكابوس كفس ملي كانت فيه:دبنيي من لهنااا  عفاااك رجعنييي..

وقفات كتقرب ليه:صافي برااكة علياا..رجعني عفااك ..عندي عائلة عندي راجلي خليوني نرجع والله ماكنت قاصدة رضوان يمـ وت مشيت عندو داك الليلة باش نخليه يتيق اني وحدة من بنات الليل باش ناخد التسجيلات..

قاطعها:سكتيي

كلهم قفزو من صوتوو وني بلعات ريقها وهو كيقرب ليها..

نطقات:شكوون نت بغييت نعرف غير شكون نت وشكون نتومااا

ميل راسو فيها:بغيتي تعرفي شكون انا

هزات راسها باه وقلبها ميصرب فلمية

شافتو حط يديه على لماسك وبدا يحيدوو…كترمش بعينيها بالزربة فاش بان النص فوجهوو قلبها بغة يوقف فاش حيدو كامل ورجع شعرو اللور وشاف فيها..

شدتها الدوخة كانت اطيح وهي تبت راسها غمضات عينيها غير كتحلم اكيد غير كابوس ورجعو ليها لهلوسات..رجعات شافت فيه هو نفسو نطقات:مايمكنش

هزات راسها بلا :لا مايمكنش

عطاتو بالضهر :انا غير كنحلم مايمكنش..بغييت نمشي بحالييي ..بغييت نفيييق من هدشي..ياربي ايخرجلي لعقل

جرها وقلبها لجيهتو:شوفي مزيان ماكاتحلمييش

كتشوف فيه وكترمش هو نفس الصووت هزات يديها وحطاتها على وجهو كدوز صبعانها على ملاميحو صافي اتحماق ونطقات:هــارون مايمكنش تكون نت مايمكنش الدير فيا هكاااا…لا مابمكنش

نزلو دموعها سادة راسو بين يديها وكتبكي:عفاك قول شي حاجة مابمكنش تكون نت هو نفسووو..مايمكنش..

هز راسو باه:هو انـا هـارون الزعيم اعبلة نفسو الكـابوس ديالك..

شهقات وهي كتبكي:لا لاااا مايمكنش

رجع اللور مخليها واقف

نطق:انا هنا البوص ماشي هارون الزعيم…نتي هنا كتخلصي نتيجة افعالك ..نهار اللول حدرتك مني وقلت انا خبيت بزاف ماكانسامحش..هانتي طحتي معاياا وخلصيي

عبلة مازال مامتيقة:هارون..

قاطعها بصوت زعزعها:اابوص..ماشي هارون..

هزات راسها بلا ورجعات باللور صافي اتحماق مافيهاش..شوي تسمع صوت ضحكاتها كتضحك بالجهد وتبكي فنفس الوقت..كتضحك وتضحك كلهم كيشوفو فيها وهي عينيها عليه وصلات لواحد المرحلة لي عقلها صافي وقف كلشي فيها وقف..شوية قلباتها بكاا كتبكي بحرقة بلغواات وتندب:حراااام عليييك كون قت ـلتيني وماديرش فيا هكااا كون دبحتينيي ومادبرش هكاااا…

خلاها هكاك ورجع باللور عاطيها بالضهر..غادي..

ناضت تابعاه شداتو من يدبه كتبكي:صافييي غير ديني معااك ماتخلينييش هناا اهاروون..

تنتر منها وشاف فسحر قربات شداتها جاراها وعبلة كتغوت ربي لي خلقها:هاااااارووووووون رجااع عفاااك رجااع ماتخلينييش هنا ماديرش فياا هكاااا هاروووون….

طاحت هي وسحر فالارض وهي كتنتر باغة تلحق علييه..تا صوتها التجرح بلغوات وبح قلبها ايوقف

اما هارون دخل لواحد لمكتب خارجيي..شوفاتو مبدلين عاقد حواجبو..اه هارون الزعيم هو البوص..متحكم فمافيا على قدها وفنفس الوقت متحكم فلبوليس..جوج حوايج لي ماكايتجمعوش هو قدر يجمعهم ويكون مسيطر على جوج دلماجالات ..بعقل واحد…كيتحكم فلمافبا وفلبوليس كيف بغة بحال داك لعبة الشطرنج كيرحركم كيف بغا  ..هو داك الشيطان لخبيث او نقولو خلاون يكون شيطان خبيت لي ايخرج عليهم كاملين ما ايرحم تا واحد فيهم..هارون الزعيم بطل القصة الشرير🔥🍷

كيفاس وعلاش ..#الفصل_الثاني كلشي ايبان❌